App ទាំង៦ដែលនិស្សិតពេទ្យ និងគ្រូពេទ្យគួរតែមាន

(3)
5603
ដោយ : Lim Chhoung Heng

រៀនពេទ្យ គឺជាមុខវិជ្ជាដ៏លំបាកបំផុតមួយ ព្រោះថាវា គឺជាការសិក្សាពីវិធីក្នុងការធ្វើរោគវិនិច្ឆ័យ ការព្យាបាល និងការបង្ការជំងឺជាដើម។ ដោយសារតែការចងចាំគឺជាផ្នែកមួយដ៏សំខាន់នៅក្នុងជំនាញមួយនេះ ដូច្នេះហើយស្មាតហ្វូនឬថេប្លេតបានដើរតួនាទីយ៉ាងសំខាន់នៅក្នុងការព្យាបាលក៏ដូចជាក្នុងការសិក្សាវិជ្ជាពេទ្យមួយនេះ ដែលអនុញ្ញាតឲ្យនិស្សិតពេទ្យ និងគ្រូពេទ្យអាចចូលទៅទាញចូលទិន្នន័យនិងព័ត៌មានដែលមានលក្ខណៈត្រឹមត្រូវនិងទាន់សម័យ ការគណនាផ្សេងៗ និងឯកសារយោង។

ស្មាតហ្វូន គឺជាផ្នែកមួយដែលមិនអាចខ្វះបាននៃវេជ្ជសាស្ត្រសម័យទំនើប។ ខាងក្រោមនេះគឺជាការជ្រើសរើសយក App សិក្សាល្អៗទាំង៦ដែលនិស្សិតពេទ្យនិងគ្រូពេទ្យគួរមាននៅក្នុងស្មាតហ្វូន។

Medscape សម្រាប់ iOS, Android
លក្ខណៈពិសេសនៃ App មួយនេះគឺមានដូចជាព័ត៌មានវេជ្ជសាស្ត្រ ព័ត៌មានទាក់ទងនឹងថ្នាំ ការធ្វើបទបង្ហាញគ្លីនិកនិងព្យាបាល។ ព័ត៌មាននៅក្នុងកម្មវិធីមួយនេះមានភាពត្រឹមត្រូវនិងអាចយកជាការបាន អ្នកអាចបន្តការសិក្សាផ្នែកវេជ្ជសាស្ត្រជាមួយនឹងព័ត៌មានដ៏ច្រើនលើសលុបជាមួយនឹង App មួយនេះ។

VIDAL សម្រាប់ iOS, Android
App មួយនេះត្រូវបានប្រើជាភាសាបារាំង និងជាApp ដែលស្ទើរតែគ្រប់គ្រូពេទ្យទាំងអស់បាននឹងកំពុងតែប្រើប្រាស់នូវកម្មវិធីមួយនេះ។ គេប្រើ App មួយនេះដើម្បីសិក្សាអំពីថ្នាំ មានដូចជាធាតុផ្សំរបស់វា ការព្យាបាលសម្រាប់ជំងឺណា កម្រិតនៃការប្រើថ្នាំ ផលប៉ះពាល់នៃថ្នាំ បំរាមសម្រាប់អ្នកប្រើប្រាស់ជាដើម។

Medicalcul សម្រាប់ Android
App នេះមានលក្ខណៈពិសេសប្លែកពី App ដែលបានរៀបរាប់ខាងលើ។ និស្សិតពេទ្យយើងច្រើនប្រើកម្មវិធីមួយនេះដើម្បីគណនានូវរូបមន្តផ្សេងៗក្នុងវេជ្ជសាស្ត្រ ព្រោះថាវាមានភាពងាយស្រួលនិងចំណេញពេលវេលា។ ភាពងាយស្រួលនោះគឺអ្នកគ្រាន់តែចុចយករូបមន្តមួយណាដែលអ្នកត្រូវការ ហើយបញ្ចូលទិន្នន័យទៅតាមតារាងដែលបានបង្ហាញក្នុងកម្មវិធីនេះ រួចហើយវានឹងធ្វើការគណនាភ្លាមៗ និងបន្ថែមពីនេះទៅទៀតវាក៏បានបង្ហាញពីរូបមន្តក្នុងការគណនានៅខាងក្រោម ដូច្នេះអ្នកអាចរំលឹកពីរូបមន្តរបស់វាបានទៀតផង។

MedCalc សម្រាប់ iOS
App នេះមានលក្ខណៈដូចគ្នាទៅនឹង App ខាងលើដែរ ហើយអ្វីដែលខុសគ្នានោះគឺApp មួយនេះសម្រាប់អ្នកដែលប្រើ iOS។ គេប្រើកម្មវិធីនេះដើម្បីគណនារូបមន្តផ្សេងៗក្នុងវេជ្ជសាស្ត្រ ហើយវាមានរូបមន្តជាច្រើនដែលអ្នកអាចធ្វើការស្រាវជ្រាវបន្ថែម។

Uptodate សម្រាប់ iOS, Android
នេះគឺជា App ដែលកំពុងតែពេញនិយមខ្លាំងក្នុងចំណោមនិស្សិតពេទ្យក៏ដូចជាគ្រូពេទ្យ។ លក្ខណៈពិសេសនៃ App នេះគឺព័ត៌មានថ្មីៗដែលមិនចេះរីងស្ងួតទាក់ទងនឹងវេជ្ជសាស្ត្រ។ កម្មវិធីនេះត្រូវបានគេបញ្ចូលនូវអត្ថបទពេទ្យទាក់ទងនឹងការព្យាបាលជំងឺ ការប្រើប្រាស់ថ្នាំ ការបង្ការជំងឺ និងមានជាច្រើនទៀត។ រីឯអត្ថបទដែលត្រូវបានបញ្ចូលទៅក្នុងកម្មវិធីមួយនេះគឺសុទ្ធតែជាអត្ថបទពីការសិក្សាថ្មីដែលមានលក្ខណៈត្រឹមត្រូវ ទាន់សម័យ និងអាចយកជាឯកសារយោងបាន។

Healthogo សម្រាប់ iOS, Android 
Healthogo មានលក្ខណៈពិសេសរបស់សម្រាប់អ្នកប្រកបវិជ្ជាជីវៈសុខាភិបាល ជាពិសេសនៅក្នុងប្រទេសកម្ពុជាយើងតែម្តង។ និស្សិតពេទ្យអាចទទួលបន្ថែមនូវចំណេះដឹងផ្សេងៗដែលអាចទុកចិត្តបាននៅក្នុងវិស័យសុខាភិបាលទាំងចំណេះដឹងបច្ចេកទេស ចំណេះដឹងនៃសុខភាពទូទៅ ព័ត៌មានសុខភាព ការសិក្សា ការងារ និងការធ្វើអាជីវកម្ម ព្រមទាំងឱកាសជាច្រើនផ្សេងទៀតផងដែរ។ សម្រាប់វេជ្ជបណ្ឌិតដែលមានគ្លីនិកឯកជនវិញ គឺអាចក្លាយជាសមាជិកមួយរូបនៃសហគមន៍ហេលស៍ថាម និងធ្វើការបង្ហាញនូវសក្តានុពលនៃស្ថាប័នរបស់ខ្លួនតាមរយៈការបង្កើតទំព័រអាជីវកម្ម ព្រមទាំងចែករំលែកនូវចំណេះដឹង ក៏ដូចជាបទពិសោធន៍របស់ខ្លួនផងដែរ។

ប្រសិនបើមានAppណាដែលធ្លាប់បានប្រើប្រាស់ ហើយគិតថាមានអត្ថប្រយោជន៍ពិសេសសម្រាប់និស្សិតពេទ្យ និងពេទ្យនោះ សូមជួយធ្វើការណែនាំបន្ថែមផង ដើម្បីជាការចែករំលែកដល់អ្នកនៅក្នុងវិជ្ជាជីវៈដូចគ្នា...

Has 3 មតិយោបល់
Sokream

uptodate always error

Clinic Community
So it there any more recommended apps? Feel free to share with us so that we can add and share to our readers...Thanks

reply

Bol Uss

Skyscape 

Clinic Community
May we have the brief info on this? so that we can add and share to our readers...Thanks

reply

ម៉ិល តារា វត្តី
good
Clinic Community
Thanks on behalf the writer :)

reply

ទុកឱ្យឆ្លើយតប | ចូល​គណនី​យ | ចុះឈ្មោះ
logo

លេខទំនាក់ទំនង : 069 888 959, 069 888 112, 077 888 076

រក្សាសិទ្ធិគ្រប់បែបយ៉ាងដោយ Healthtime ឆ្នាំ២០១៧