Health Packages
Forum
profile.png

Nim Nem 1 | 0

ចង់ចេករំលែកថ្មាំព្យាបាលបំពង់ក

Advice Comment

80 Views

0 Reply

3 សប្តាហ៍ មុន

អម្បាញ់មិញ

profile.png

Lim Lengchhun 6 | 0

សំណួរខ្លះពីប្អូនៗ: តេីរៀនពេទ្យ ពេលចុះកម្មសិក្សាទទួលបាន ប្រាក់ឧបត្ថម្ភដែរឬទេ?

ចម្លើយ: មិនមានប្រាក់ឧបត្ថម្ភ ឬម្ហូបអាហារផ្ដល់ជូននោះឡេីយ, ការចំណាយទាំងឡាយ គឺខ្លួនទីពឹងខ្លួន ដោយមិនរាប់បញ្ចូលទាំងសេវាសុខភាពនោះទេ។

ពេលខ្លះ ធ្លាប់ឆ្ងល់ដែលថា ប្រសិនបេីរាជរដ្ឋាភិបាល ឬ ក្រសួងសុខាភិបាល យកចិត្តទុកដាក់លេីបញ្ហាទាំងអស់នេះ មិនដឹងជាល្អយ៉ាងណាទេ គឺផ្ដល់ជូនដោយឥតគិតថ្លៃ នូវសេវាសុខភាព ក៏ដូចជាប្រាក់ឧបត្ថម្ភខ្លះៗ ឬម្ហូបអាហារសម្រាប់និស្សិតពេទ្យ ពេលចុះកម្មសិក្សា ឬពេលយាមយប់នៅមន្ទីរពេទ្យ។ និស្សិតពេទ្យភាគច្រេីនមកពីតាមខេត្ត មិនសូវមានលទ្ធភាពច្រេីននោះទេ ក្នុងការចំណាយផ្សេងៗក្នុងជីវភាពប្រចាំថ្ងៃ, សម្រាប់និស្សិតថ្នាក់អន្តេវាសិក ឬឯកទេស គួរទទួលបានប្រាក់ឧបត្ថម្ភខ្លះដែរ ក្នុងការដោះស្រាយជីវភាព ព្រោះរៀនច្រេីនឆ្នាំ 8-10ឆ្នាំដែរ មិនទាន់មានការងារធ្វេីស្រួលបួលនៅឡេីយ (គ្មានប្រាក់ខែ)។

ជាក់ស្ដែងណាស់ សម្រាប់គ្រូពេទ្យនៅតាមមន្ទីរពេទ្យវិញ ត្រូវមេីលជម្ងឺច្រេីន ស្ទើរតែគ្មានពេលសម្រាក ពេលខ្លះត្រូវដាច់បាយក៏មាន បេីក្រឡេកមើលទៅលេីប្រាក់ខែវិញ វេជ្ជបណ្ឌិតឯកទេស ៧០០ ០០០៛, វេជ្ជបណ្ឌិតទូទៅ ៦៥០ ០០០៛, វាមិនមានភាពសមមាត្រទៅនឹងអ្វី ដែលពួកគាត់បានខិតខំបំពេញការងារ ត្រូវធ្វេីការច្រេីន គិតច្រេីន, គ្មានពេលផ្ទាល់ខ្លួនច្រេីនសម្រាប់គ្រួសារ, ថ្ងៃសៅរ៍អាទិត្យឬថ្ងៃបុណ្យខ្លះ អត់ងងុយព្រោះជាប់យាមនៅពេទ្យលះបង់អស់កម្លាំងកាយចិត្ត, មិនខ្លាចនឿយហត់ ក្នុងការពិនិត្យព្យាបាលអ្នកជម្ងឺ, ពេលខ្លះត្រូវបានគេជេរ ដាក់បណ្ដាសារ ឬប្ដឹងផ្ដល់តាមផ្លូវច្បាប់ជាដេីម, ហេីយពេលខ្លះទៀតត្រូវប្រឈមមុខនឹងជម្ងឺឆ្លងគ្រប់ប្រភេទ។

ជីវិតជានិស្សិតពេទ្យ ឬគ្រូពេទ្យ សម័យបច្ចុប្បន្ន មិនសូវមាន គេអោយតម្លៃខ្លាំងដូចសម័យមុននោះឡេីយ ត្រូវតស៊ូច្រេីនឆ្នាំណាស់ ឆ្លងកាត់ឧបសគ្គជាច្រេីន ទម្រាំទទួលបានជោគជ័យ។ រីឯចំណូល ឬប្រាក់ខែ មិនស្មេីជំនាញដទៃទៀតនោះទេ ដែលចំណាយរយះពេលខ្លីជាង 4-5ឆ្នាំ, ទទួលបានប្រាក់ខែច្រេីនជាង, មានពេលវេលាសម្រាកច្រេីនជាង, ធ្វេីការមិនប្រឈមមុខនឹង ហានិភ័យផេ្សងៗ ដូចជាជម្ងឺឆ្លងជាដេីម។

ជាសរុបមក រាជរដ្ឋាភិបាល ឬក្រសួងសុខាភិបាល គួរយកចិត្តទុកដាក់អោយបានសកម្ម, ជួយជ្រោមជ្រែង ផ្ដល់អោយបាននូវភាពសមមាត្រលេីការងារ បំរេីរក្នុងវិស័យសុខាភិបាល សម្រាប់ជីវភាពប្រចាំថ្ងៃរបស់និស្សិតពេទ្យ ឬគ្រូពេទ្យអោយបានប្រសេីរជាងមុនផង។

ដោយសេចក្ដីគោរពពី: និស្សិតវេជ្ជសាស្រ្ត លឹម ឡេងឈុន

Best regards,

Medical student Lim Lengchhun

Advice Comment

177 Views

2 Reply

2 ខែ មុន

អម្បាញ់មិញ

profile.png

Lim Lengchhun 4 | 0

សំណួរ: សេរ៉ូមជាអ្វី?

ចម្លេីយ:សេរ៉ូម ជាល្បាយសូលុយស្យុងដែលត្រូវបានសម្លាប់មេរោគពពួកមីក្រុបហេីយ រួចយកទៅលាយជាមួយស្ករ ឬអំបិលជាដេីម។ សេរ៉ូមផ្អែម គឺទឹកលាយ និងស្ករបន្តិច ឬសេរ៉ូមប្រៃ គឺទឹកលាយ និងអំបិលបន្តិច...

•ចុះសួរថា សេរ៉ូមថ្លៃ ដែរឬទេ?
-វាមិនថ្លៃខ្លាំងអីនោះទេ ព្រោះតម្លៃវាស្មេីនឹង ទឹកដែលមានសារធាតុរ៉ែធម្មជាតិមួយចំនួនដែរឬទឹកដូងមួយផ្លែ តម្លៃត្រឹមតែ២៥០០៛ ដែលសម្បូរជាតិអុីយ៉ុងច្រេីន ជំនួយដល់សុខភាពរាងកាយ...

•ចុះហេតុអី្វ យេីងត្រូវដាក់សេរ៉ូម?
-ពីព្រោះថា ប្រជាជនយេីងមិនបានយល់ដឹងអោយបានសុីជម្រៅ ពីគុណប្រយោជន៍ និងផលវិបាករបស់សេរ៉ូម។
វាពិតជារឿងដែលពិបាកពន្យល់ និងបកស្រាយ ដេីម្បីកែប្រែផ្នត់គំនិតប្រជាជនយេីង ថាតេី គួរដាក់សេរ៉ូមនៅពេលណាចាំបាច់ ឬមិនត្រូវប្រេី?
វាជាការពិតជាក់ស្ដែងខ្លាំងណាស់ អ្នកជម្ងឺចាំបាច់ត្រូវដាក់សេរ៉ូម ក្នុងករណីបាត់បង់ស្មារតី, ក្នុងបន្ទប់វះកាត់, បាត់បង់ឈាមច្រេីន, ឈឺធ្ងន់ធ្ងរ, ហូប ឬផឹកអ្វីមិនកើត...

•ចុះការដាក់សេរ៉ូមគ្រោះថ្នាក់ ដែរឬទេ?
-វាជារឿងដែលគ្រោះថ្នាក់ខ្លាំងបំផុត រហូតដល់បាត់បង់ជីវិត ឬអាចប្រឈមមុខ និងវិបតិ្តផ្សេងៗ ដូចជា ស្ថានភាពស្លេកស្លាំងខ្លាំង ឡេីងស្វាយ, ត្រជាក់ចុងដៃជេីង, លើសជាតិទឹក ឡេីងហេីម, និងមេរោគមួយចំនួន ដែលនាំអោយរលាកសួតធ្ងន់ធ្ងរ...

ប្រសិនបេី អ្នកទាំងអស់គ្នាមិនមានជម្ងឺ ឬឈឺធ្ងន់អ្វីទេ សូមមេត្តាកុំដាក់សេរ៉ូមអី ព្រោះវាគ្មានបានប្រយោជន៍អ្វីឡេីយ គឺមានតែខាតបង់ទាំងពេលវេលា និងថវិកាខ្លួនឯងតែប៉ុណ្ណោះ។
បេីយល់ថាល្អ សូមទុកលុយទាំងនោះ សម្រាប់ទិញម្ហូបអាហារ នំចំណី បន្លែផ្លែឈើធម្មជាតិស្រស់ៗ ពិសាវិញល្អជាជាង...

គ្រូពេទ្យគ្រប់រូប ត្រូវគោរពក្រមសីលធម៌វិជ្ជាជីវៈ មិនត្រូវធ្វេីអ្វីក្បត់ និងសម្បជញ្ញៈ របស់ខ្លួនឡេីយ។ កុំព្រោះតែលុយ ធ្វេីអ្វីទៅតាមការបង្គាប់បញ្ជា របស់អ្នកជម្ងឺ គឺត្រូវមេីលទៅតាមស្ថានភាពជម្ងឺផង។ សូមអរគុណ🙏🏻🙏🏻🙏🏻

និស្សិតវេជ្ជសាស្រ្ត: លឹម ឡេងឈុន
សាកលវិទ្យាល័យវិទ្យាសាស្ត្រសុខាភិបាល
Medical student:
University of Health Sciences

Advice Comment

126 Views

3 Reply

2 ខែ មុន

អម្បាញ់មិញ

profile.png

La DIn 1 | 0

សួស្តីលោកគ្រូ សុំសួ១ ហេតុអីបានជាសុខៗសសៃអណ្តែតចេញមកឡើងខៀវក្រមៅ លើដៃ ក បាតដៃ អរគុណ

Advice Comment

121 Views

0 Reply

2 ខែ មុន

អម្បាញ់មិញ

profile.png

Anonymous 1 | 0

ប៉ុន្មានថ្ងៃនេះខ្ញុំតែងតែឈឺទ្រូងលក្ខណៈចុកៗតើវាបណ្ដាលមកពីអ្វីដែល?

Advice Comment

115 Views

0 Reply

2 ខែ មុន

អម្បាញ់មិញ

profile.png

Marey Muorn 4 | 0

សញ្ញានៃការបាត់បង់ការស្តាប់
ការបាត់បង់ការសា្តប់អាចវិវត្តន៍ក្នុងរយះពេលយូរ ឬវាអាចកើតឡើងភាមៗ ។ ទោះបីជាយ៉ាងណាក៏ដោយ គឺអាចធ្វើឱ្យជីវិតប្រចាំថ្ងៃរបស់យើងកាន់តែមានភាពលំបាក។

ប្រសិនបើអ្នកឆ្លើយបាទ / ចាស៎ចំពោះសំណួរណាមួយខាងក្រោមអ្នកអាចបង្ហាញរោគសញ្ញាបាត់បង់ការស្តាប់

✅តើអ្នក: ឧស្សាអោយដៃគូសន្ទនានិយាយពាក្យដដែលៗឡើងវិញ ញឹកញាប់ទេ?
✅មានការពិបាកក្នុងការសន្ទនានៅពេលដែលការសន្ទនាជាមួយមនុស្សលើសពីពីរនាក់ដែរទេ ?
✅មានការពិបាកក្នុងការស្តាប់ក្នុងស្ថានភាពដែលមានសម្លេងរំខានដូចជាសន្និសីទភោជនីយដ្ឋានភោជនីយដ្ឋានផ្សារទំនើបឬបន្ទប់ប្រជុំដែលមានមនុស្សច្រើន?
✅មានបញ្ហាក្នុងការស្តាប់សំលេងក្មេងៗ និង ស្ត្រី ដែលមានសំលេង តូច ខ្សោយ ?
✅តើទូរទស្សន៍ឬវិទ្យុបានបើកសម្លេងខ្ពស់ទេ ?
✅ ឆ្លើយតបមិនសមរម្យក្នុងការសន្ទនា?
✅ហឹង ឬ មានសំលេងនៅក្នុងត្រចៀក
✅អានបបូរមាត់រឺក៏យកចិត្តទុកដាក់មើលមុខរបស់មនុស្សនៅពេលពួកគេនិយាយ?
✅មានអារម្មណ៍តានតឹងនៅពេលស្តាប់ អ្នកដទៃនិយាយ។
✅មានអារម្មណ៍រំខានដល់អ្នកដទៃដោយសារតែអ្នកមិនអាចស្តាប់ឮ ឬយល់ពីពួកគេ?
✅មានអរម្មណ៍ថាអ្នកកំពុងដកខ្លូនពីស្ថានភាពសង្គមដែលអ្នកធ្លាប់រីករាយដោយសារតែពិបាកក្នុងការស្តាប់?
✅មានប្រវត្តិគ្រួសារបាត់បង់ការស្តាប់?
✅ប្រើថ្នាំដែលអាចប៉ះពាល់ដល់ការស្តាប់?
✅មានជំងឺទឹកនោមផ្អែម, បេះដូង, ឬបញ្ហាក្រពេញទីរ៉ូអ៊ីត?
✅ធ្លាប់មានការប៉ះពាល់ទៅនឹងសម្លេងខ្លាំង ៗ រឺក៏ការប៉ះពាល់ពីសម្លេងផ្ទុះណាមួយទេ ?
សូមទាក់ទងអ្នកជំនាញក្នុងស្តាប់សម្រាប់ព័ត៌មានបន្ថែម ។

Advice Comment

225 Views

0 Reply

3 ខែ មុន

អម្បាញ់មិញ

profile.png

Sam Oudum Kim 4 | 0

បទដកស្រង់#3 អត្ថបទស្រាវជ្រាវអំពីវេជ្ជសាស្ត្រ
ដោយ៖ គឹម សមឧត្ដម អព្ភន្តរវេជ្ជសាស្ត្រ
https://www.facebook.com/kimsamoudumintmed/

ការបញ្ចុះសម្ពាធឈាមកំហុក និង ហានិភ័យនៃជំងឺវង្វេងឌីមិនត្យា
Intensive blood pressure lowering and risk of dementia
[English below]

ជំងឺលើសសម្ពាធឈាម គឺកត្តាហានិភ័យមួយបង្ករឱ្យមានជំងឺវង្វេងឌីមិនត្យា។ ហើយក៏មានការសិក្សាបែបសង្កេតខ្លះគិតដែរថា វាពិតជាមានការជាប់ទាក់ទងរវាង សម្ពាធឈាមចុះទាប ទៅនឹងបញ្ហានៃការយល់ដឹងចងចាំរបស់មនុស្ស។ ភាពវិឌ្ឍន៍នៃជំងឺវង្វេងឌីមិនត្យា ត្រូវបានគេកំណត់ដោយប្រើរង្វាស់វាយតម្លៃនៃការចងចាំយល់ដឹងស្តង់ដាមួយទៅលើមនុស្ស។ ហើយការវាយតម្លៃនោះទៀតសោត គឺបានធ្វើឡើង នៅលើអ្នកជំងឺលើសសម្ពាធឈាមច្រើនជាង៩០០០នាក់ នៅក្នុងការសិក្សាមួយ ឈ្មោះថា“ការកាត់សេចក្ដីអន្តរាគមន៍សម្ពាធស៉ីស្តូល” ហៅកាត់ថា “ស្ព្រិន្ត” ដែលអ្នកជំងឺត្រូវបានគេជ្រើសរើសដោយចៃដន្យ បែងចែកជា២ក្រុម។ ក្រុមទី១គឺធ្វើការបញ្ចុះសម្ពាធឈាមដោយកំហុកច្រើន ឱ្យមកត្រឹមធម្មតា គឺឱ្យចុះមកតិចជាង១២០មីលីមែត្របារ៉ត និង ក្រុមទី២គឺធ្វើការបញ្ចុះសម្ពាធឈាមដោយកំហុកតិច គឺឱ្យចុះមកតិចជាង១៤០មីលីមែត្របារ៉ត។ សម្រាប់ថេរវេលា៥ឆ្នាំ អត្រាជំងឺវង្វេងឌីមិនត្យា និង បញ្ហានៃការយល់ដឹងចងចាំកម្រិតស្រាល គឺត្រូវបានគេរកឃើញថា គឺពិតជាការចុះបន្តិចបន្តួចពិតមែន ទៅលើក្រុមទី១ ដែលទទួលការបញ្ចុះសម្ពាធឈាមដោយកំហុកច្រើន។ ហើយឥទ្ធិពលទៅលើអត្រាជំងឺវង្វេងឌីមិនត្យា ក៏មិនបានឃើញដែរថា មានភាពខុសស្រលះដាច់ឆ្ងាយពីក្រុមទី២ ពោលគឺក្រុមអ្នកជំងឺ ដែលទទួលការបញ្ចុះសម្ពាធឈាមដោយកំហុកតិច។ របកគំឃើញនេះ បានដាក់ការគិតគូរថា ការបញ្ចុះសម្ពាធឈាមដោយកំហុក ពិតជាមិនធ្វើមិនមានកំណើន និងក៏ប្រហែលជាបន្ថយ នូវអត្រានៃជំងឺវង្វេងឌីមិនត្យាផងដែរ។

Hypertension is a risk factor for dementia, although some observational studies suggest an association between low blood pressure and cognitive impairment. The development of dementia, determined using in-person standardized cognitive assessments, was evaluated in more than 9000 hypertensive adults in the Systolic Pressure Intervention Trial (SPRINT) who were randomly assigned to a more intensive (systolic pressure <120 mmHg) or less intensive (systolic pressure <140 mmHg) goal blood pressure [17]. At five years, the rates of dementia and of mild cognitive impairment were slightly lower in the more intensive group, although the effect on dementia risk was not statistically significant. These findings suggest that intensive blood pressure lowering does not increase, and may reduce, the risk of dementia.

(See "Goal blood pressure in adults with hypertension", section on 'Patients with established atherosclerotic cardiovascular disease'.)

1. SPRINT MIND Investigators for the SPRINT Research Group, Williamson JD, Pajewski NM, et al. Effect of Intensive vs Standard Blood Pressure Control on Probable Dementia: A Randomized Clinical Trial. JAMA 2019; 321:553.

Authors:Johannes FE Mann, MD. Karl F Hilgers, MD.

Advice Comment
General Diseases

256 Views

1 Reply

4 ខែ មុន

អម្បាញ់មិញ

profile.png

Sam Oudum Kim 5 | 0

បទដកស្រង់#2 អត្ថបទស្រាវជ្រាវអំពីវេជ្ជសាស្ត្រ
ដោយ៖ គឹម សមឧត្ដម អព្ភន្តរវេជ្ជសាស្ត្រ
https://www.facebook.com/kimsamoudumintmed/

ជំងឺលើសសម្ពាធឈាមដោយអាវពេទ្យព័ណ៌ស និង ហានិភ័យនៃជំងឺសរសៃឈាមបេះដូង
White coat hypertension and risk of cardiovascular events
[English below]

ជំងឺលើសសម្ពាធឈាមដោយអាវពេទ្យព័ណ៌ស គឺត្រូវបានគេផ្ដល់និយមន័យថា ជាការកើនឡើងសម្ពាធឈាមនៅក្នុងការិយាល័យរបស់គ្រូពេទ្យ តែ នៅក្រៅពីការិយាល័យរបស់គ្រូពេទ្យ សម្ពាធឈាមរបស់គេគឺធម្មតា។ ហើយឥទ្ធិពលនៃអាវពេទ្យព័ណ៌សនោះទៀតសោត គឺត្រូវបានគេផ្ដល់និយមន័យថា ជាការរកើនឡើងសម្ពាធឈាម ចំពោះអ្នកជំងឺដែលមកទទួលការព្យាបាលជំងឺលើសសម្ពាធឈាម ក៏ប៉ុន្តែនៅឯក្រៅពីការិយាល័យរបស់គ្រូពេទ្យ សម្ពាធឈាមរបស់គេ គឺធម្មតានោះទេ។ ហានិភ័យដែលចូលរួម ក្នុងជំងឺលើសសម្ពាធឈាមដោយអាវពេទ្យព័ណ៌ស និងឥទ្ធិពលនៃអាវពេទ្យព័ណ៌ស គឺមានភាពមិនច្បាស់លាស់។ នៅក្នុងការសិក្សាមេតាវិភាគនៃ២៧ការសិក្សាផ្សេងទៀតនោះ បានធ្វើការប្រៀបធៀបលទ្ធផលអំពីជំងឺសរសៃឈាមបេះដូង របស់អ្នកជំងឺដែលមានជំងឺលើសសម្ពាធឈាមដោយអាវពេទ្យព័ណ៌ស ឬ ឥទ្ធិពលនៃអាវពេទ្យព័ណ៌ស ប្រៀបធៀបទៅនឹង អ្នកជំងឺដែលមានសម្ពាធឈាមធម្មតា។ នៅក្នុងការសិក្សានោះគេរកឃើញថា ជំងឺលើសសម្ពាធឈាមដោយអាវពេទ្យព័ណ៌ស គឺពិតជាមានការជាប់ទាក់ទងទៅនឹង កំណើនហានិភ័យមួយនៃជំងឺសរសៃឈាមបេះដូងពិតប្រាកដមែន ហើយក៏ជាមូលហេតុទាំងអស់នៃអត្រាមរណភាពផងដែរ។ តែ មិនមានភាពខុសគ្នាឆ្ងាយពេកទេ ចំពោះកំណើនហានិភ័យនៃជំងឺសរសៃឈាមបេះដូងទាំងអស់។ ផ្ទុយមកវិញ ឥទ្ធិពលនៃអាវពេទ្យព័ណ៌ស គឹមិនមានជាប់ទាក់ទងសោះឡើយ ទៅនឹងកំណើនហានិភ័យនេះ។ ក្នុងពេលដែលយើងមិនចាប់ផ្ដើមការព្យាបាលដោយឱសថ ចំពោះជំងឺលើសសម្ពាធឈាមដោយអាវពេទ្យព័ណ៌ស, ការផ្លាស់ប្តូរទំលាប់នៃការរស់នៅហូបចុក គួរត្រូវបានលើកទឹកចិត្តឱ្យអនុវត្តន៍ ហើយការវាស់តាមដានសម្ពាធឈាមនៅក្រៅការិយាល័យរបស់គ្រូពេទ្យនោះទៀតសោត ក៏ត្រូវយកអនុវត្តជាប្រចាំ ដើម្បីឱ្យដឹងច្បាស់ថា ការវិវឌ្ឍន័នោះក្លាយទៅជាអាក្រក់ទៅៗ ឬអាចគ្រប់គ្រងបាន។

White coat hypertension is defined as elevated office blood pressure with normal out-of-office blood pressure readings, and white coat effect is defined as elevated office blood pressure in a patient treated for hypertension with normal out-of-office readings. The risks associated with white coat hypertension and white coat effect are unclear. In a meta-analysis of 27 studies comparing cardiovascular outcomes of patients with white coat hypertension or effect versus normotensive patients, white coat hypertension was associated with an increased risk of cardiovascular and all-cause mortality, and a nonsignificantly higher risk of all cardiovascular events [1]. In contrast, white coat effect was not associated with increased risk. While we do not initiate pharmacologic treatment for white coat hypertension, lifestyle modification should be encouraged and out-of-office blood pressure measurements monitored for the development of worsening or sustained hypertension.

1. Cohen JB, Lotito MJ, Trivedi UK, et al. Cardiovascular Events and Mortality in White Coat Hypertension: A Systematic Review and Meta-analysis. Ann Intern Med 2019.

Author: Raymond R Townsend, MD

Advice Comment
General Diseases

188 Views

0 Reply

4 ខែ មុន

អម្បាញ់មិញ

profile.png

Sam Oudum Kim 2 | 0

បទដកស្រង់#1 អត្ថបទស្រាវជ្រាវអំពីវេជ្ជសាស្ត្រ
ដោយ៖ គឹម សមឧត្ដម អព្ភន្តរវេជ្ជសាស្ត្រ
https://www.facebook.com/kimsamoudumintmed/

ការប្រើប្រាស់កញ្ឆា និង លទ្ធផលសម្ភព
Cannabis use and obstetric outcomes
[English below]

ទោះបីការប្រើប្រាស់ម៉ារីជូអណាកំឡុងពរពោះនៅតែមិនទាន់ដឹងច្បាស់ថា មានផលប៉ះពាល់ដល់លទ្ធផលសម្ភពឬអត់ ក៏ប៉ុន្តែមានជំលោះទិន្នន័យ ទោះគ្រាន់តែជាការសិក្សាទំហំតូចក៏ដោយ តែគេបានរកឃើញកត្តាជាច្រើន។ ក្នុងនោះរួមមាន ថ្នាំជក់ និងសារធាតុដទៃទៀត។ ក្នុងការសិក្សាកូហតប្រតិធិការផ្អែកលើប្រជាជនមួយ ដោយធ្វើការប្រើធៀប អ្នកប្រើកញ្ឆាមុនសម្រាល៩០០០នាក់ ជាមួយនឹងអ្នកមិនប្រើ។ ក្នុងនោះ គេរកឃើញថា កញ្ឆាមានជាប់ទាក់ទងពីរដងទៅនឹងអត្រាកំណើតមុនពេល តូចជាង៣៧សប្ដាហ៍នៃគ័ភ៌ គឺ១២%ទល់នឹង៦%, និងកំណើនអត្រាតូចនៃអាយុគ័ភ៌ របើកសុក ការបញ្ចូនទារកទៅICU និងពិន្ទុតិចជាង៤/១០នៃApgar៥នាទី។ ក្រៅពីការសិក្សាដ៏តូចមួយនេះ ការរកឃើញពីការសិក្សាធំមួយផ្សេងទៀត ក៏មានភាពព្រួយបារម្មណ៍ ព្រមទាំងគាំទ្រអនុសាសន៍ ក្នុងការមិនឱ្យប្រើមារីជូអណាក្នុងកំឡុងពរពោះផងដែរ។

Whether marijuana use during pregnancy impacts obstetric outcomes has been unclear because of conflicting data, small study sizes, and multiple confounding factors (eg, tobacco and other substance use). In a population-based retrospective cohort study comparing over 9000 prenatal cannabis users with nonusers, cannabis use was associated with twice the rate of preterm birth <37 weeks of gestation (12 versus 6 percent), and increased rates of small for gestational age, placental abruption, transfer to neonatal intensive care, and 5-minute Apgar score less than 4/10 [1]. Despite the limitations of retrospective observational data, these findings from a large study are concerning and support recommendations to avoid marijuana use while pregnant.

1. Corsi DJ, Walsh L, Weiss D, et al. Association Between Self-reported Prenatal Cannabis Use and Maternal, Perinatal, and Neonatal Outcomes. JAMA 2019.

Author:Grace Chang, MD, MPH

Advice Comment
General Diseases

174 Views

0 Reply

4 ខែ មុន

អម្បាញ់មិញ

profile.png

Anonymous 2 | 0

បើសិនបញ្ហាក្លិនមាត់ ជាកង្វល់របស់អ្នក ឬមនុស្សជាទីស្រលាញ់ អ្នកអាចស្វែងយល់អំពីបញ្ហានេះ ជាមួយនឹងការបកស្រាយពីទន្តបណ្ឌិត សុខ ជា តាមរយៈតំណនេះ https://healthtime.tips/library/article/1973

Advice Comment
Oral and Dental Health

205 Views

0 Reply

4 ខែ មុន

អម្បាញ់មិញ

profile.png

Je Min 0 | 2

ខ្ញុំបន្ទោបង់ មានចេញឈាមច្រើន តើបណ្តាលមកពីអ្វី? ហើយមានជំងឺអ្វីទេ?

Advice Comment

198 Views

0 Reply

4 ខែ មុន

អម្បាញ់មិញ

profile.png

Anonymous 2 | 0

ដើម្បីឲ្យគភ៌មានសុវត្ថិភាព សម្រាលមកបានទារកស្អាត និងឆ្លាតវាងវៃ ព្រមទាំងគ្មានគ្រោះថ្នាក់ពេលសម្រាលផងនោះ ស្រ្តីជាអនាគតមាតា អាចស្វែងយល់អំពី《សុវត្ថិភាពនៃគភ៌ ដែលមាតាវ័យក្មេងគ្រប់រូបគួរយល់ដឹង》 តាមរយៈ https://healthtime.tips/library/article/1971 ក្រោមការបកស្រាយរបស់ សាស្ត្រាចារ្យមហាបរិញ្ញា គ្រុយ លាងស៊ីម ឯកទេសផ្នែកសម្ភព និងរោគស្ត្រី និងជាប្រធាននៃគ្លីនិកសម្ភព វិសាខា...

Advice Comment
Women Health (Obstetrics and gynecology)

234 Views

0 Reply

5 ខែ មុន

អម្បាញ់មិញ