សំណួរដែលសួរញឹកញាប់អំពីជំងឺមហារីក

សំណួរទី១ ៖ តើជំងឺមហារីកជាជំងឺឆ្លងឬទេ?
ចម្លើយ ៖
ជំងឺមហារីក មិនមែនជាជំងឺឆ្លងទេ ដូចនេះ សូមកុំបារម្ភ ប្រសិនបើសមាជិកគ្រួសាររបស់អ្នក ឬមិត្តភក្តិជិតស្និទ្ធមានកើតជំងឺមហារីក ពីព្រោះអ្នកនឹងមិនអាចឆ្លងជំងឺនេះដោយផ្ទាល់នោះឡើយ។

សំណួរទី២ ៖ តើផ្នែកណាខ្លះនៃរាងកាយរបស់យើងដែលអាចកើតជំងឺមហារីកបាន?
ចម្លើយ ៖
ជាអកុសល ដុំមហារីកអាចកើតមាននៅលើគ្រប់សរីរាង្គ និងជាលិកានៃរាងកាយរបស់យើង។ ចំពោះមនុស្សធំ ដុំមហារីកដែលអាចកើតមានញឹកញាប់ជាងគេបំផុតគឺ មហារីកសួត មហារីកសុដន់ មហារីកពោះវៀនធំនិងបាត មហារីកក្រពេញប្រូស្តាត មហារីកក្រពះ មហារីកថ្លើម មហារីកមាត់ស្បូន និងតួស្បូន មហារីកបំពង់អាហារ មហារីកប្លោកនោម មហារីកលំពែង។

រីឯចំពោះកុមារ (រាប់បញ្ចូលទាំងទារកទើបនឹងកើត និងទារក) ព្រមទាំងក្មេងជំទង់ ក៏អាចប្រឈមនឹងការកើតមានមហារីកផងដែរ ដែលញឹកញាប់បំផុតគឺ៖
- មហារីកគ្រាប់ឈាម (Leukaemias)
- ដុំមហារីកនៅជាលិកា lymphatic (Lymphomas) ដែលរួមមាន ក្រពេញ Lymph (lymph nodes) និងសរីរាង្គអណ្តើក (spleen) ជាដើម
- មហារីកខួរក្បាល
- មហារីកលើជាលិកាទន់ និងឆ្អឹង (Sarcomas)
- មហារីកពីកំណើតដូចជា មហារីកលើកោសិកាបង្កកំណើត (រួមមាន មហារីក Teratoma ដែលជាមហារីករួមផ្សំគ្នាដោយជាលិកាច្រើនប្រភេទ) មហារីកតម្រងនោម មហារីកស្រទាប់រេទីន(បាតភ្នែក) និងមហារីកថ្លើមជាដើម។

គួរបញ្ជាក់ថា គ្រប់ដុំមហារីកទាំងអស់ដែលត្រូវបានរកឃើញ ក្រោយពេលធ្វើរោគវិនិច្ឆ័យហើយសុទ្ធតែទាមទារឲ្យមានការព្យាបាលឲ្យបានឆាប់រហ័សតាមដែលអាចធ្វើបាន។

បកស្រាយដោយ ៖ វេជ្ជបណ្ឌិត Turobova Tatiana ឯកទេសមហារីកចំពោះកុមារ និងមហារីកទូទៅ ព្រមទាំងជាប្រធានផ្នែកជំងឺមហារីកនៅមន្ទីរពេទ្យសាកលវិទ្យាល័យអន្តរជាតិសែនសុខ

©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

ពាក្យទាក់ទង


មតិយោបល់

profile.png
LY Soraksa អម្បាញ់មិញ

គេថាជម្ងឺមិនឆ្លងគឺគេមិនអាចព្យាបាលដោយការប្រើប្រាស់ថ្នាំពេទ្យជាទេ ចុះហេតុអ្វីក៏នៅតែយកថ្នាំពេទ្យមកព្យាបាលទៀត?

profile.png
Clinic Community អម្បាញ់មិញ

សួស្តីបង! ការប្រើថ្នាំ គឺដើម្បីគ្រប់គ្រង់ស្ថានភាពជំងឺ មិនឲ្យធ្ងន់ធ្ងរ ឧទាហណ៍៖ ជំងឺទឹកនោមផ្អែម គាត់ត្រូវញ៉ាំថ្នាំរហូត ដើម្បីគ្រប់គ្រងជាតិស្ករក្នុងឈាម ឲ្យស្ថិតក្នុងកម្រិតធម្មតា ហើយជំងឺនេះព្យាបាលមិនជាទេ...

profile.png
LY Soraksa អម្បាញ់មិញ

សួស្តី Clinic Community ចម្លើយពនេះពិតជាត្រឹមត្រូវណាស់គឺវាគ្រាន់តែទប់ស្កាត់កុំឲ្យធ្ងន់ធ្ងរ ក៏ប៉ន្តែ តាមរបកគំហើញថ្មីបែបវិទ្យាសាស្ត្រត្រូវបានគេរក ឃើញហើយថាជម្ងឺទឹកនោមផ្អែមនេះត្រូវបានដោះស្រាយបានរួចរាល់ហើយ ហើយជម្ងឺប្រភេទ នេះគឺវាកកើតឡើងដោយសាកាខូច Metabolic និង Insulin Resistance តើពិតទេ? តែយើងត្រូវ ព្យាបាលពីដើមហេតុរបស់វាទើបវាជាមកធម្មតាបាន

profile.png
LY Soraksa អម្បាញ់មិញ

ដើមហេតុរបស់វាគឺកាខូច Metabolic នោះអី ចុះបើ យើងព្យាបាល Metabolic ឲ្យមកធម្មតាបាន នោះ ជម្ងឺបែបហ្នឹងវាប្រាកដជាមកធ្មតាវិញ ដោយចាំបាច់ប្រើប្រាស់ថ្នាំឬចាក់អាំងស៊ូលីនទៀតឡើយ បើចង់ដឹងពត៌មានលម្អិតអាចខលតាមលេខ 0968858574 អគុណ សហការីករាយក្នុងការចែករំលែក

profile.png
LY Soraksa អម្បាញ់មិញ

តាមពិតទៅជម្ងឺពពួក NCD OR METABOLIC SYNDROME នេះកុំពុងតែវាយលុកពិភពលោក យ៉ាងខ្លាំងដែលគ្មានវិធីទប់ស្កាត់បានឡើយ តើពិតដែរទេប្អូន? តែបច្ចុប្បន្ននេះក៏មានអ្នកវិទ្យាសាស្ត្រ មួយក្រុមបានរកឃើញវិធីការពារនិងព្យាបាលបានហើយ ហើយក៏មានប្រសិទ្ធិភាព99.99% គ្រាន់តែមានអ្នកដឹងនឹងអ្នកមិនទាន់បានដឹងតែប៉ុណ្ណោះ

profile.png
LY Soraksa អម្បាញ់មិញ

ហើយខ្ញុំក៏រីករាយក្នុងការសហកានឹងការចែករំលែក ដោយផ្អែកទៅលើវិទ្យាសាស្ត្រជាគោល មិនអាចគ្រាន់តែនិយាយតែមាត់បានទេ

profile.png
Clinic Community អម្បាញ់មិញ

អរគុណច្រើនបង...

profile.png
LY Soraksa អម្បាញ់មិញ

Welcome

ឆ្លើយតប