Your cart (4)

Basic hooded sweatshirt in pink

Color: Pink
Size: S

$15.00 ~~$31.00~~

Mid-rise slim cropped fit jeans

Size: M

$76.00

Men fashion gray shoes

Color: Gray
Size: 10.5

$84.00

Subtotal: $198.65

Checkout

ខ្ញុំមានអាការៈ ក្អក

ការក្អក គឺជាសកម្មភាពរ៉េផ្លិកដើម្បីបញ្ចេញស្លេស្មឬវត្ថុអ្វីមួយចេញពីបំពង់ក ដូចជាធូលី ឬផ្សែងផ្សេងៗ។ អាការៈក្អក មាន២ប្រភេទគឺក្អកស្រួចស្រាវ និងក្អករ៉ាំរ៉ៃ។ ក្អកស្រួចស្រាវ ជាការក្អកកើតឡើងភ្លាមៗ ហើយជាទូទៅកើតមានក្នុងរយៈពេល ២ ទៅ៣សប្តាហ៍ ឯក្អករ៉ាំរ៉ៃ ជាការក្អករយៈពេលយូរអាចលើសពី ៣សប្តាហ៍។

តើអាការៈក្អកអាចបណ្តាលមកពីអ្វីខ្លះ?
១. ករណីក្អកស្រួចស្រាវ មូលហេតុអាចបង្កមកពី៖
• ការបង្ករោគ ដូចជា៖
- រលាកបំពង់ក (Pharyngite, Laryngite)
- រលាកត្រចៀក
- រលាកប្រហោងឆ្អឹង
- រលាកទងសួត
- រលាកសួត
- រលាកស្រោមសួត
• បញ្ហាអាល្លែកហ្ស៊ី អាចជាជំងឺហឺត (ក្អកញាប់ហើយភាគច្រើននៅពេលយប់)
• ជំងឺបេះដូងខាងឆ្វេង ទាក់ទងនឹងជំងឺហើមសួត
• ការស្រូបចូលនៃធូលីដីឬផ្សែងមិនល្អ។

មូលហេតុទាំងនេះ តែងកើតមានញឹកញាប់ និងងាយក្នុងការធ្វើរោគវិនិច្ឆ័យ។ ប៉ុន្តែបើបញ្ហាក្អករបស់អ្នក មិនអាចធ្វើរោគវិនិច្ឆ័យបានតាមរោគសញ្ញាទេ គ្រូពេទ្យនឹងធ្វើការថតសួតដើម្បីរកមើលថាតើមានបញ្ហាបង្ករោគនៅនឹងទងសួតដែលអាចមានវត្តមានដុំសាច់ មានស្ទះរបស់ពីខាងក្រៅ ឬជាវិបត្តិដំណកដង្ហើម ឬការបង្ករោគនៅនឹងសួតអាចជា៖
- ជំងឺរលាកសួត
- មហារីកសួត
- ឬជំងឺនៅមេយ៉ាស្តាំងដែលអាចមានវត្តមានដុំសាច់សង្កត់ ឬនៅស្រោមសួតប្រសិនបើអ្នកជំងឺក្អកពេលបន្លាស់ប្តូរទីតាំង។

២. ករណីក្អកស្លេស្មរ៉ាំរ៉ៃ ភាគច្រើនទាក់ទងនឹងការរលាកទងសួតរ៉ាំរ៉ៃ ដោយសារតែការជក់បារី។ អ្នកត្រូវប្រុងប្រយ័ត្នចំពោះ៖
• បើការក្អកមានការកើនឡើងខ្លាំងចំពោះអ្នកដែលជក់បារីច្រើន នោះវាអាចជាសញ្ញានៃជំងឺមហារីកទងសួត
• ស្លេស្មមានការកើនឡើងខ្លាំង ហើយបូកផ្សំជាមួយនឹងមានការបង្ករោគបន្ថែម (ការរីកធំនៃទងសួត)
• ក្អកខ្លាំងនៅពេលបរិភោគអាហារ អាចជាជំងឺទាក់ទងនឹងការលេបដូចជា មហារីកបំពង់ក ការឆ្លងគ្នារវាងបំពង់អាហារនិងបំពង់ខ្យល់ (Fustule oeso-trachéale) ក្លនលូនក្រពះ (Hernie hiatale)។

៣. ករណីក្អកស្ងួតរ៉ាំរ៉ៃ មូលហេតុអាចទាក់ទងនឹង
• ជំងឺនៅបំពង់ក រលាកត្រចៀករ៉ាំរ៉ៃ ឬរលាកប្រហោងឆ្អឹងរ៉ាំរ៉ៃ
• ជំងឺមហារីកទងសួត
• ជំងឺនៅកូនថង់សួត (Pathologie interstitielle pulmonaire)
• ជំងឺក្រិនសួត ឬ ជំងឺ Granulomatoses pulmonaires
• ជំងឺហើមសួតនិងបេះដូងខ្លាំង
• ជំងឺមហារីក ឬជំងឺរបេងដែលសាយភាយខ្លាំង
• ជំងឺរលាកស្រោមសួតរ៉ាំរ៉ៃ
• សារធាតុដែលស្រូបចូលក៏អាចជាមូលហេតុដែរអាចជាការរលាកដោយផ្ទាល់នៅកន្លែងដែលប៉ះនឹងសារធាតុនោះ ឬអាចជាការអាល្លែកហ្ស៊ី (ហឺត) ឬអាល្លែកហ្ស៊ីនៅកូនថង់សួត
• ជំងឺទាក់ទងនឹងសរសៃប្រសាទ។

អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៨២

2019 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Tags:

#Semiology

View All

Oct 29, 2019 |
5 years ago |
5.9K views

I have a fever

សីតុណ្ហភាពក្នុងខ្លួនរបស់យើងប្រែប្រួលពេញមួយថ្ងៃ ដោយវានឹងចុះទាបបំផុតនៅម៉ោង៦ព្រឹក ហើយឡើងខ្ពស់បំផុតនៅចន្លោះម៉ោង ៤ទៅ ម៉ោង៦រសៀល។ សីតុណ្ហភាពខ្លួនរបស់យើងអាចចាត់ទុកថាធម្មតាគឺស្ថិតនៅក្រោម ៣៨អង្សាសេ។ អាការៈក្តៅខ្លួន គឺជាការឡើងកម្តៅខ្លួនលើសពីសីតុណ្ហភាពធម្មតាតាមរយៈការបញ្ជារបស់ខួរក្បាល ដែលការឡើងកម្តៅនេះជាទូទៅគឺជាការឆ្លើយតបទៅនឹងការឆ្លងរោគណាមួយ។ បញ្ហាក្តៅខ្លួនមិនមែនជាជំងឺទេតែវាជាប្រតិកម្មនៃរាងកាយយើងក្នុងការការពារខ្លួន ហើយនេះជាការបញ្ជាក់ថា ខ្លួនប្រាណរបស់យើងកំពុងពន្យឺតការលូតលាស់ និងការបង្កើនចំនួនរបស់មេរោគ តែកំពុងបង្កើនចំនួនគោលិកាឈាមដែលប្រឆាំងជាមួយនឹងការបង្ករោគ។ ការក្តៅខ្លួនលើកុមារ បញ្ហាក្តៅខ្លួនកើតលើកុមារតូចៗអាយុពី ២ខែ ទៅ៣៦ខែ ដែលមិនត្រូវបានគេស្គាល់ពីមូលហេតុច្បាស់លាស់ ៧៦%ត្រូវបានគេញែកចេញថាជាការបង្កឡើងដោយវីរុស។ វីរុសភាគច្រើនជា វីរុសបង្ករោគនៅនឹងប្រព័ន្ធដង្ហើម (Adénovirus) វីរុសបង្កជំងឺស្អូច (Roséole) វីរុស Entérovirus និងវីរុស Paréchovirus។ ការក្តៅខ្លួនលើមនុស្សពេញវ័យ • ករណីក្តៅខ្លួនខ្លាំង រួមផ្សំជាមួយនឹងគ្រុនញាក់អាចជាការបង្ករោគដោយបាក់តេរីនៅផ្លូវទឹកប្រម៉ាត់ (រលាកផ្លូវទឹកប្រម៉ាត់) ផ្លូវបង្ហូរទឹកនោម ឬផ្លូវដង្ហើម។ • ករណីក្តៅខ្លួនខ្លាំង ក្រោយធ្វើដំណើរទៅតំបន់ត្រូពិច អាចជាជំងឺគ្រុនចាញ់ • ករណីក្តៅខ្លួនខ្លាំង មានលក្ខណៈជាពីរដំណាក់កាល អាចជាជំងឺគ្រុនឈាម • ករណីក្តៅខ្លួនខ្លាំង រួមផ្សំជាមួយនឹងការបែកញើសពេលយប់ អាចជាជំងឺរបេង ឬជំងឺដែលមិនទាក់ទងនឹងការបង្ករោគដូចជាមហារីកកូនកណ្តុរ • ករណីក្តៅខ្លួនខុសធម្មតា ចំពោះមនុស្សវ័យក្មេងអាចជាជំងឺអេដស៍។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៨៤ 2019 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Semiology

Sep 23, 2019 |
5 years ago |
4.2K views

ខ្ញុំមានអាការៈ ឈឺក្បាល

ស្ទើរតែគ្រប់គ្នា សុទ្ធតែធ្លាប់ឆ្លងកាត់ការឈឺចាប់ដោយសារបញ្ហាឈឺក្បាល ប៉ុន្តែតើការឈឺចាប់ក្បាលនេះ ជារឿងធម្មតាដោយសារតែអ្នកមានបញ្ហាស្មុគស្មាញច្រើន ឬអាចបង្កមកពីជំងឺផ្សេងទៀតដែលទាមទារឲ្យមានការព្យាបាលឲ្យបានត្រឹមត្រូវ? អាការៈឈឺក្បាលមានច្រើនប្រភេទ ដូចជា៖ ១ ការឈឺក្បាលកើតលើអ្នកដែលមិនមានទម្លាប់ឈឺក្បាលពីមុនមក • ករណីឈឺក្បាលខ្លាំងភ្លាមៗ អាចគិតដល់មុនគេគឺជំងឺហូរឈាមក្នុងស្រោមខួរ ជំងឺកកឈាមក្នុងសរសៃឈាមវ៉ែនខួរក្បាល និងការរហែកសរសៃឈាមអាទែរ។ • ករណីឈឺក្បាលខ្លាំងឡើងៗតាមដំណាក់កាល o ប្រសិនបើកើតឡើងច្រើនម៉ោង៖ ហើយមានក្តៅខ្លួន អាចជាជំងឺរលាកស្រោមខួរ o ប្រសិនបើកើតឡើងច្រើនថ្ងៃ៖ - ការឈឺក្បាលសាយពេញក្បាល ឈឺជាប់រហូតហើយធ្ងន់ធ្ងរ អាចមកពីការឡើងសម្ពាធក្នុងខួរក្បាល។ ករណីនេះគ្រូពេទ្យនឹងធ្វើការស្កែនខួរក្បាលដើម្បីអាចបែងចែកថាជាជំងឺកកឈាមក្នុងស្រោមខួរក្បាលរ៉ាំរ៉ៃ អាប់សែខួរក្បាល ឬជំងឺទឹកដក់ក្នុងខួរក្បាលពាក់កណ្តាលស្រួចស្រាវ (Hydrocéphalie subaiguë)។ ប៉ុន្តែបើលទ្ធផលស្កែនធម្មតា នោះអាចជាជំងឺរលាកខួរក្បាលពាក់កណ្តាលស្រួចស្រាវ (Méningites subaiguës) - ក្រៅពីនេះ អាចជាជំងឺកកឈាមក្នុងសរសៃវ៉ែនរបស់ខួរក្បាល ការឈឺក្បាលដែលមកពីប្រើថ្នាំប្រភេទដេរីវេរបស់ពួកនីត្រេ ឬថ្នាំពង្រីកសរសៃឈាមឬអាចមកពីឡើងសម្ពាធឈាមខ្លាំងភ្លាមៗនិងធ្ងន់ធ្ងរ o ប្រសិនបើកើតលើមនុស្សចាស់៖ គួរគិតដល់ជំងឺ Maladie de Horton។ ២ ការឈឺក្បាលកើតលើអ្នកឧស្សាហ៍ឈឺក្បាល • ករណីឈឺក្បាលមានលាយជាមួយនឹងក្អួត ឬចង្អោរ ឈឺពេលឮសំឡេងខ្លាំង ឬចាំងពន្លឺខ្លាំង អាចជាជំងឺប្រកាំង • ករណីឈឺតែក្បាលគ្មានរោគសញ្ញាផ្សេងទៀត អាចជាការឈឺក្បាលដោយសារភាពតានតឹង • ករណីឈឺក្បាលខាងក្រោយកន្លែងសម្បូរសរសៃប្រសាទញាណ អាចជាជំងឺឈឺសរសៃប្រសាទ (Névralgies) • ករណីឈឺក្បាលជាមួយនឹងការហូរទឹកភ្នែក និងហូរសម្បោរជាដើម អាចជាជំងឺសង្កត់លើសរសៃប្រសាទ Trijumeau ដោយសារតែការរីកប៉ោងរបស់សរសៃឈាមនៅជុំវិញវា (Algie vasculaire de la face) ឬជំងឺHémicrânie paroxystique chronique។ ៣ ការឈឺក្បាលតាមកាលៈទេសៈ • ការឈឺក្បាលដោយសារការហាត់ប្រាណខ្លាំងពេក • ការឈឺក្បាលដោយសារប៉ះអាកាសធាតុត្រជាក់ • ការឈឺក្បាលដោយសារការក្អក។ ៤ ការឈឺក្បាលដោយសារសរីរាង្គផ្សេងៗ • ការឈឺក្បាលរួមជាមួយនឹងការឈឺនៅត្រង់ប្រហោងឆ្អឹងដោយធ្វើការស្ទាប អាចជា ជំងឺរលាកប្រហោងឆ្អឹងស្រួចស្រាវ • ការឈឺក្បាលនៅត្រង់ភ្នែក ឬខាងក្រោយភ្នែកអាចជា ជំងឺទឹកដក់ក្នុងភ្នែក • ការឈឺក្បាលរួមជាមួយនឹងការឈឺនៅមុខ អាចជា ជំងឺធ្មេញ • ការឈឺក្បាលរួមជាមួយនឹងមានការឈឺចាប់នៅពេលធ្វើចលនាថ្គាម អាចជា បញ្ហាមុខងាររបស់សន្លាក់ឆ្អឹងថ្គាម។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៨៣ 2019 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Semiology

Aug 20, 2019 |
5 years ago |
3.8K views

ខ្ញុំមានអាការៈហូរសម្បោរ

និយមន័យ ការហៀរសម្បោរ គឺជាការហូរទឹករំអិលពីច្រមុះមកយ៉ាងច្រើនលើសលប់។ ទឹកសម្បោរទាំងនោះអាចជាទឹកថ្លា ជាសម្បោរខាប់ ឬមិនរាវក៏មិនខាប់ពេក។ សម្បោរទាំងនេះ អាចហូរចេញមកក្រៅតាមច្រមុះ ឬធ្លាក់ចុះទៅបំពង់ក ឬអាចហូរតាមផ្លូវទាំងពីរក៏បាន។ អាការៈហៀរសម្បោរនេះ អាចនឹងភ្ជាប់ជាមួយបញ្ហាតឹងច្រមុះផងដែរ។ មូលហេតុ បញ្ហាហៀរសម្បោរ អាចបណ្តាលមកពីការរលាកនៅនឹងជាលិការបស់ច្រមុះ។ មនុស្សមួយចំនួនអាចនឹងមានបញ្ហាហៀរសម្បោររ៉ាំរ៉ៃដោយគ្មានមូលហេតុដែលគេហៅថាជាការរលាកច្រមុះដែលមិនមែនបណ្តាលមកពីអាល្លែកហ្ស៊ី។ អាការៈហៀរសម្បោរអាចពាក់ព័ន្ធនឹង • ជំងឺរលាកប្រហោងឆ្អឹងស្រួចស្រាវ ឬជំងឺរលាកប្រហោងឆ្អឹងរ៉ាំរ៉ៃ • បញ្ហាអាល្លែកហ្ស៊ីច្រមុះ • ជំងឺផ្តាសាយធម្មតា • ជំងឺផ្តាសាយធំ • ការប្រើប្រាស់ស្ព្រៃយ៍បំបាត់តឹងច្រមុះច្រើនហួស • បញ្ហាវៀចឆ្អឹងច្រមុះ • ជំងឺឫសដូងច្រមុះ • ជំងឺហឺតដែលបណ្តាលមកពីសារធាតុពុល • វីរុសបង្ករោគនៅប្រព័ន្ធដំណកដង្ហើម (Respiratory syncytial virus) • ផ្សែងបារី។ ពេលណាត្រូវទៅជួបពេទ្យ? បញ្ហាហៀរសម្បោរ ជារឿងរំខាន ប៉ុន្តែវាអាចបាត់ទៅវិញដោយខ្លួនឯង។ យ៉ាងណាមិញ បញ្ហានេះក៏អាចជាសញ្ញានៃជំងឺធ្ងន់ធ្ងរមួយចំនួនផងដែរ ជាពិសេសវាជាសញ្ញាដែលគួរបារម្ភបើកើតលើកុមារ។ ដូចនេះអ្នកគួរតែទៅជួបជាមួយគ្រូពេទ្យប្រសិនបើ៖ • ចំពោះមនុស្សធំ៖ - អាការៈហៀរសម្បោរកើតឡើងលើស១០ថ្ងៃ - ក្តៅខ្លួនខ្លាំង - សម្បោរប្តូរជាពណ៌លឿងបៃតង ហើយមានអាការៈឈឺប្រហោងឆ្អឹងសងខាងច្រមុះ ឬក្តៅខ្លួន៖ ទាំងនេះអាចជាសញ្ញានៃការឆ្លងបាក់តេរី - សម្បោរមានលាយឈាម ឬហៀរសម្បោរថ្លាជាប្រចាំក្រោយមានការប៉ះទង្គិចត្រូវក្បាល។ • ចំពោះកុមារ៖ - អាយុក្រោម ២ឆ្នាំ និងមានក្តៅខ្លួនផងដែរ - បញ្ហាហៀរសម្បោរតឹងច្រមុះ ធ្វើឲ្យពិបាកក្នុងការបំបៅ ឬពិបាកដកដង្ហើម។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៨១ 2019 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Semiology

Your cart (4)

Basic hooded sweatshirt in pink

Black and white sport cap

Mid-rise slim cropped fit jeans

Men fashion gray shoes

ខ្ញុំមានអាការៈ ក្អក

Related Articles

I have a fever

ខ្ញុំមានអាការៈ ឈឺក្បាល

ខ្ញុំមានអាការៈហូរសម្បោរ