ភាសាខ្មែរ
English
International Chiropractic Clinic (Cambodia)
យើងខ្ញុំផ្តល់នូវតំហែទាំដ៏អស្ចារ្យបែបខាយរ៉ូព្រែក ធីក។ ជាញឹកញយ អ្នកជម្ងឺសង្កេតឃើញថាពួកគេ ទទួលបានអត្ថប្រយោជន៍ច្រើនជាងការធូរស្រាល នៃអាការៈឈឺខ្នងទៅទៀតនៅពេលពួកគេក្លាយជា អ្នកជម្ងឺរបស់យើងខ្ញុំ។ ពួកគេនឹងយល់កាន់តែ ច្បាស់ថារាងកាយមានដំនើរការទៅយ៉ាងដូចម្តេច និងចាប់ផ្តើមឈានទៅរកសុខភាពដ៏ប្រសើរ។ យោងតាមនិយមន័យ គ្រូពេទ្យគឺជាគ្រូបង្រៀន យើងខ្ញុំនឹងបង្រៀនលោកអ្នកពីអ្វីដែលលោក អ្នកត្រូវដឹង ដើម្បីសម្រេចនូវគោលដៅសុខភាពជា ច្រើនមិនថាគោលដៅទាំងនោះធំ ឬក៏តូចនោះទេ។
ផ្ទះ 01, ផ្លូវ 01, ចតុមុខ, ដូនពេញ
ទំនាក់ទំនង: 023 223 101
ក្រុមការងារ
Christophe Savouré
លោកវេជ្ជបណ្ឌិត Christophe Savouré គឺជាវេជ្ជបណ្ឌិតមួយរូបដែលបានបញ្ចប់ថ្នាក់បរិញ្ញាប័ត្រជាន់ខ្ពស់នៅឯមហាវិទ្យាល័យ Life Chiropractic College West (១៩៩៣) ជាមហាវិទ្យាល័យប្រកបដោយកិត្យានុភាពខាង ព្យាបាលឆ្អឹងខ្នង បែប ខាយរ៉ូព្រែកធីក ដែលស្ថិតនៅឆ្នេរសមុទ្រភាគខាងលិចនៃសហរដ្ឋអាមេរិច។បន្ទាប់ពីបញ្ចប់ការសិក្សា លោកបានក្លាយជាអ្នកជំនាញខាង ខាយរ៉ូព្រែកធីកជាច្រើនឆ្នំានៅរដ្ឋកាលីហ្វរញ៉ា ប្រទេសអង់គ្លេស ស្កុតឡែន ថៃ វៀតណាម និងនាពេលបច្ចុប្បន្ននេះគឺប្រទេសកម្ពុជា។
លោកវេជ្ជបណ្ឌិតបានធ្វើការអស់រយះពេលជាង ១២ឆ្នាំមកហើយនៅទ្វីបអាស៊ី ហើយលោកសង្កេតឃើញថាតំរូវការនៃការព្យាបាលបែប ខាយរ៉ូព្រែកធីកមានការកើនឡើងច្រើន នៅក្នុងប្រទេសកម្ពុជាយើងនេះ។ ពេទ្យ ខាយរ៉ូព្រែកធីក ពេទ្យព្យាបាលឆ្អឹងខ្នង នៅប្រទេសជិតខាង ក៏តែងតែសង្កេតឃើញថាមានអ្នកជំងឺជាច្រើន ធ្វើដំណើរទៅបរទេស ដើម្បីស្វែងរកការព្យាបាលបែប ខាយរ៉ូព្រែកធីក នេះ ដែលមិនទាន់មានពីមុនមក ហើយឥលូវនេះមាននៅក្នុងប្រទេសកម្ពុជាយើងហើយ។
លោកវេជ្ជបណ្ឌិត Christophe Savouré គឺជាអ្នកចូលចិត្តដើរកំសាន្ត។ លោកបានធ្វើដំណើរទៅគ្រប់ទ្វីបទំាងអស់ ជាពិសេសទៅតំបន់ដាច់ស្រយាល។ កំឡុងពេលដើរកំសាន្ត លោកបានជួយមនុស្សដែលត្រូវការជំនួយពីលោក។ លោកមានសេចក្តីរីករាយពិភាគ្សាជាមួយពួកគាត់អំពីការថែទាំសុខភាពបែបធម្មជាតិ ដើម្បីផ្លាស់ប្តូររបៀបរស់នៅ។
លោក វេជ្ជបណ្ឌិត ជាសមាជិកមួយរូបនៃសមាគម International Chiropractic Association។ លោកបានប្រលងជាប់ជាស្ថាពរដោយទទួលបានលិខិតបញ្ជាក់ពីរដ្ឋកាលីហ្វរញ៉ា។ ហើយថ្មីៗនេះ លោកក៏បានទទួលអាជ្ញាប័ណ្ណដែលបញ្ជាក់ថា លោកគឺជា វេជ្ជបណ្ឌិត ខាយរ៉ូព្រែកធីក មួយរូបក្នុងចំណោម វេជ្ជបណ្ឌិត ខាយរ៉ូព្រែកធីក ដែលគេទទួលស្គាល់ទំាង១៥រូប នៅប្រទេសថៃ។
លោកវេជ្ជបណ្ឌិត Christophe កំពុងសហការជាមួយក្រសួងសុខាភិបាលនៃប្រទេសកម្ពុជា ដើម្បីរងចាំការទទួលស្គាល់ការព្យាបាលបែប ខាយរ៉ូព្រែកធីក និងក៏ជាការទទួលស្គាល់ថា ជាមន្ទីរព្យាបាល បែប ខាយរ៉ូព្រែកធីក លើកដំបូងបង្អស់នៅក្នុងព្រះរាជាណាចក្រកម្ពុជាផងដែរ។