Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout

បើបុរសចេះធ្វើម្ហូបទៀត កាន់តែមាននារីស្រឡាញ់?

ក្រៅពីរូបសម្បត្តិ សុភាពបុរសក៏អាចនឹងមានភាពទាក់ទាញជាមួយនឹងទេពកោសល្យ និងជំនាញផ្សេងៗរបស់ខ្លួន។ ជាក់ស្តែង ការចេះចម្អិនអាហារក៏ជាមន្តស្នេហ៍ទាក់ទាញមួយបែបផងដែររបស់បុរស....កាលពី៣០ឆ្នាំមុន មនុស្សប្រុសគិតថាការចម្អិនម្ហូបអាហារ គឺជាការងាររបស់ស្រ្តី។  តែបើក្រឡេកមកមើលបុរសសម័យថ្មីវិញ ៤៣%នៃពួកគេបានបែរមករកការចម្អិនម្ហូបអាហារដោយខ្លួនឯងនៅផ្ទះ នេះបើយោងតាមទិន្នន័យរបស់កាសែតវ៉ាស៊ីនតោនផុស។ តើមូលហេតុអ្វីបានជាបុរសភាគច្រើនផ្លាស់ប្តូរផ្នត់គំនិតរបស់ខ្លួនបែបនេះ?

ការផ្លាស់ប្តូររបស់ស្រ្តី
កាលពីមុនមនុស្សស្រីជាស្រ្តីមេផ្ទះ ហើយបុរសជាអ្នកប្រកបរបរផ្គត់ផ្គង់គ្រួសារ ដូចនេះស្រ្តីមានតួនាទីតែមួយគត់ គឺធ្វើការងារផ្ទះ។ ប៉ុន្តែមកទល់នឹងពេលនេះមានការផ្លាស់ប្តូរដ៏ធំមួយដោយស្រ្តីក៏មានភាពមមាញឹកក្នុងការប្រកបរបរផ្គត់ផ្គង់គ្រួសារដូចនឹងបុរសដែរ។ ទាំងនេះហើយទើបធ្វើឲ្យបុរសងាកមករកការធ្វើការងារផ្ទះដូចជាការចម្អិនម្ហូបអាហារ គឺដើម្បីជួយសម្រួលការងារស្រ្តី។

កត្តាទាក់ទងនឹងបុរសខ្លួនឯង
    •បង្កើនភាពស្និទ្ធស្នាល
ការចម្អិនម្ហូបអាហារដោយខ្លួនឯងនៅផ្ទះអាចចាត់ទុកថាជាការទុកពេលវេលាឲ្យខ្លួន ដើម្បីបង្កើនភាពស្និទ្ធស្នាលជាមួយមនុស្សជាទីស្រឡាញ់ និងក្រុមគ្រួសារតាមរយៈរសជាតិចេញពីទឹកចិត្តផ្ទាល់។
    •សន្សំថវិកា
ជាការពិតសម្រាប់ការរស់នៅម្នាក់ឯង ការទិញអាហារចម្អិនស្រាប់ពិតជាងាយ និងពេលខ្លះមានតម្លៃថោក ក៏ប៉ុន្តែភាគច្រើនក៏អាចធ្វើឲ្យប្រឈមមុខនឹងជំងឺជាច្រើនផងដែរ ដែលនឹងធ្វើឲ្យខាតថវិកាកាន់តែច្រើនឡើង។ ដោយឡែកទទួលទានម្ហូបចម្អិនស្រាប់ ត្រូវចំណាយថវិកាច្រើនដើម្បីទទួលបានបរិមាណអាហារគ្រប់គ្រាន់ និងមានទាំងគុណភាព ព្រមទាំងសុវត្ថិភាព។
    •សុខភាព
ប្រហែលនឹងចំណុចខាងលើ បន្ទាប់ពីចំណាយពេលធ្វើការអស់រយៈពេលពេញមួយថ្ងៃ បុរសមួយចំនួនបានជ្រើសយកការត្រឡប់មកផ្ទះដើម្បីចម្អិនអាហារសម្រាប់សុខភាព ក៏ដូចជាដើម្បីបង្កើនថាមពលឡើងវិញ និងចៀសផុតពីជំងឺផ្សេងៗផងដែរ ដោយពួកគាត់អាចកំណត់នូវបរិមាណអាហារដែលផ្ដល់ថាមពលគ្រប់គ្រាន់សម្រាប់ខ្លួនបាន។
    •បង្ហាញពីភាពរឹងមាំ និងឯករាជ្យ
ផ្ទុយពីការគិតថាមានតែស្រ្តីប៉ុណ្ណោះដែលត្រូវធ្វើការងារទាំងនេះ និងអាចចម្អិនអាហារដ៏មានឱជារស បុរសមួយចំនួនព្យាយាមបង្ហាញថាខ្លួនក៏អាចបង្កើតនូវឱជារសនេះដោយខ្លួនឯងដោយមិនចាំបាច់ពឹងពាក់នារីបានដែរ។
    •បង្កើនភាពច្នៃប្រឌិតរបស់ខ្លួន
ការចម្អិនអាហារក៏មិនខុសពីការងារដទៃដែរ ការធ្វើដោយការពេញចិត្ត និងទៅតាមចំណង់ចំណូលចិត្តនឹងនាំមកនូវគំនិតច្នៃប្រឌិតប្លែកៗជាច្រើន។ ភ្ជាប់ជាមួយស្នាដៃច្នៃប្រឌិតរបស់ពួកគេ បុរសសម័យថ្មីជាច្រើនក៏ចាត់ទុកការចម្អិនអាហារជាសិល្បៈមួយបែបដែលធ្វើឲ្យជីវិតរបស់គេមានភាពស្រស់ស្រាយបន្ថយភាពតានតឹង និងធ្វើឲ្យសុខភាពផ្លូវកាយ និងចិត្តរឹងមាំ។

ការពង្រឹងនូវចំណេះដឹងផ្នែកអាហារ
ស្របពេលជាមួយនឹងការរីកចម្រើនខាងបច្ចេកវិទ្យានៃប្រព័ន្ធទំនាក់ទំនងសង្គមដូចជា​ Facebook ឬ Instagram និងការលូតលាស់វប្បធម៌នៃការអានសៀវភៅ ឬទស្សនាវដ្តីបានបង្កើនភាពងាយស្រួលក្នុងការបង្ហាញអំពីការធ្វើអាហារដែលអាចជម្រុញទឹកចិត្តបុរសៗឲ្យមានចំណង់ក្នុងការចម្អិនម្ហូបអាហារដោយពួកគាត់អាចអនុវត្តតាមការណែនាំក្នុងការចម្អិនអាហារតាមរយៈប្រព័ន្ធផ្សព្វផ្សាយទាំងនោះ។ ហើយពួកគេក៏អាចចែករំលែកស្នាដៃរបស់គេ និងលើកទឹកចិត្តដល់បុរសដទៃទៀតឲ្យចូលរួមចម្អិនម្ហូបអាហារដូចពួកគេដែរ។

សរុបមក…បុរសៗដែលបានយកការចម្អិនអាហារជាចំណង់ចំណូលចិត្តមួយ គួរតែបន្តការចូលចិត្តនេះដោយមិនចាំបាច់ខ្វល់ពីមជ្ឈដ្ឋានមួយចំនួនឡើយ ព្រោះការពិតវាជាសកម្មភាពទាន់សម័យមួយទៅវិញទេ។  រីឯអ្នកដែលមិនទាន់ចាប់អារម្មណ៍នឹងការចម្អិន ក៏គួរសាកល្បងល៎មើលថា អ្នកអាចទទួលបានអត្ថប្រយោជន៍ណាមួយក្នុងចំណោមខាងលើនេះ…ព្រោះថា…វាប្រៀបបានជាមន្តស្នេហ៍ទាក់ទាញមួយទៀតសម្រាប់សុភាពបុរសគ្រប់គ្នាផងដែរ…

ដូចដែលគេតែងនិយាយតគ្នាថា «មនុស្សម្នាក់ៗមានភាពទាក់ទាញ ពេលដែលបញ្ចេញស្នាដៃ និងទេពកោសល្យរបស់ខ្លួន»…កុំលាក់បាំាងអី!!!​​បើចេះធ្វើម្ហូបអី បញ្ចេញថ្វីដៃឲ្យគេដឹងផង…

©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ


អត្ថបទទាក់ទង

មើលទាំងអស់

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក រួមជាមួយនឹងលោកស្រី Dana Ryan, ជានាយិកា និងជាគ្រូបង្វឹកផ្នែកអាហារូបត្ថម្ភ នៃការអប់រំទូទាំងពិភពលោកនៅក្រុមហ៊ុន Herbalife បានរួមគ្នាចែករំលែកពីការទទួល​ទាន​ជាតិទឹកឱ្យបានត្រឹមត្រូវ៖ ពេលណាត្រូវជ្រើសរើសទឹក និងភេសជ្ជៈកីឡាសម្រាប់ការហាត់ប្រាណ ។ ការផឹកទឹកឱ្យបានគ្រប់គ្រាន់ គឺចាំបាច់សម្រាប់មុខងារទាំងមូលនៅក្នុងរាងកាយរបស់យើង ហើយវាជួយការពារប្រព័ន្ធភាពស៊ាំរបស់យើង។ ទោះជាយ៉ាងណាក៏ដោយ ខណៈពេលដែលយើងកំពុងធ្វើលំហាត់ប្រាណ តម្រូវការកាន់តែច្រើនកំពុងត្រូវបានដាក់នៅលើរាងកាយរបស់យើង ដែលនាំឱ្យយើងត្រូវការច្រើនជាងទឹកបន្ថែម។ ក្នុងអំឡុងពេលហាត់ប្រាណ ភេសជ្ជៈកីឡាគឺជាធនធានដ៏ល្អមួយដើម្បីជួយផ្គត់ផ្គង់រាងកាយរបស់យើងនូវអ្វីដែល​វាត្រូវការ ដែលជាឥន្ធនៈសម្រាប់ថាមពល ប៉ុន្តែវាមានផ្ទុកសារធាតុអេឡិចត្រូលីត ដែលយើងបាត់បង់នៅពេលបែកញើស។ កង្វះជាតិទឹកប៉ះពាល់ដល់ការហាត់ប្រាណរបស់អ្នកដោយរបៀបណា នៅពេលដែលអ្នកហាត់ប្រាណដោយមិនទទួលទានជាតិទឹកគ្រប់គ្រាន់ អ្នកទំនងជានឹងជួបប្រទះនូវរោគសញ្ញាមួយចំនួននៃការខ្វះជាតិទឹក។ ការខ្សោះជាតិទឹកអាចទាក់ទងនឹងសុខភាព និងរាងកាយ ដោយកំណត់លើចំនួននៃការធ្វើលំហាត់ប្រាណដែលអ្នកបានធ្វើ។ ទោះជាយ៉ាងណាក៏ដោយ​​កង្វះ​​ជាតិទឹកមិនកើតឡើងក្នុងអំឡុងពេលហាត់ប្រាណនោះទេ វាអាចបណ្តាលមកពីការទទួលទានទឹកមិនគ្រប់គ្រាន់ពេញមួយថ្ងៃ។ ជាធម្មតា យើងណែនាំអោយទទួលទានទឹកប្រាំបីកែវ ស្មើនឹង 3L ក្នុងមួយថ្ងៃ។ អ្នកចង់ទទួលទានជាតិទឹកប្រចាំថ្ងៃ ដើម្បីជៀសវាងការខ្សោះជាតិទឹក ហើយទាំងនេះអនុវត្តសម្រាប់ទាំងរដូវក្តៅ ក៏ដូចជារដូវរងា។ តើនៅពេលណាដែលភេសជ្ជៈកីឡាសមស្របសម្រាប់ការផ្តល់ជាតិទឹក? ទឹកគឺជាថាមពលត្រឹមត្រូវសម្រាប់ការបំពេញដល់ជាតិទឹក ប្រសិនបើអ្នកកំពុងសម្រាក ឬហាត់ប្រាណស្រាល ជាធម្មតា ការហាត់ប្រាណក្រោម 30 នាទីមិនត្រូវការភេសជ្ជៈកីឡាទេ។ ម្យ៉ាងវិញទៀត ប្រសិនបើអ្នកធ្វើលំហាត់ប្រាណលើសពី 30 នាទី រាងកាយរបស់អ្នកនឹងត្រូវការថាមពលពីកាបូអ៊ីដ្រាត និងអេឡិចត្រូលីត ដើម្បីជំនួសអ្វីដែលបាត់បង់តាមរយៈញើស។ ញើសមានបរិមាណអេឡិចត្រូលីតច្រើនដូចជាសូដ្យូម និងក្លរីត ហើយការបែកញើសកាន់តែច្រើន អ្នកត្រូវការជាតិទឹកត្រឹមត្រូវតាមរយៈភេសជ្ជៈកីឡាគុណភាពខ្ពស់។ ដូចនេះ នៅពេលដែលយើងកំពុងធ្វើលំហាត់ប្រាណ ជាពិសេសក្នុងកម្រិតខ្លាំង នោះរាងកាយរបស់យើងនឹងកាត់បន្ថយជាតិពុលក្នុងខ្លួន ហើយអ្វីដែលសំខាន់នោះគឺ វាផ្តល់ឱ្យរាងកាយនូវថាមពលដែលយើងត្រូវការ។ អ្វីដែលត្រូវរកមើលនៅក្នុងភេសជ្ជៈកីឡា មិនមែនភេសជ្ជៈកីឡាទាំងអស់សុទ្ធតែដូចគ្នានោះទេ។ ជាមួយនឹងផលិតផល "សំបូរទៅដោយទឹក" ជាច្រើន វាអាចមានការភ័ន្តច្រឡំក្នុងការដឹងពីអ្វីដែលយើងត្រូវការសម្រាប់រាងកាយរបស់យើងអំឡុងពេលធ្វើលំហាត់ប្រាណ។ សម្រាប់ភេសជ្ជៈកីឡាដ៏ត្រឹមត្រូវ អ្នកចង់ទទួលបានជាតិស្ករពីក្លុយកូស និងជាតិស្ករក្នុងរុក្ខជាតិដែលរាងកាយរបស់អ្នកនឹងប្រើប្រាស់ជាថាមពលជាជាងទឹកដែលសំបូរទៅដោយវីតាមីន។ អ្នកក៏ចង់ធ្វើឱ្យប្រាកដថាវាមាន​អេឡិចត្រូលីត - សូដ្យូមជាចម្បង - ព្រោះវាជាអ្វីដែលអ្នកបាត់បង់ច្រើនបំផុតតាមរយៈញើស។ សរុបមក នៅពេលដែលបេះដូងរបស់អ្នកលោតញាប់ ហើយអ្នកនឹងចាប់ផ្តើមបែកញើស នោះអ្នកចង់ប្តូរពីទឹកទៅជាភេសជ្ជៈកីឡា ដើម្បីធានាថារាងកាយរបស់អ្នកទទួលបានសារធាតុចិញ្ចឹមដែលវាត្រូវការដើម្បីអនុវត្តបានល្អបំផុត!   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90។ តាមរយៈសមាជិកឯករាជ្យដែលផ្តល់ជូននូវការ​បណ្តុះ​បណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម និងមានសុខភាពល្អដើម្បីរស់នៅក្នុងជីវិតដ៏ល្អបំផុតរបស់ពួកគេ។    

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក រួមជាមួយនឹងលោកស្រី Susan Bowerman, នាយិកាជាន់ខ្ពស់ ផ្នែកការអប់រំ និងបណ្តុះបណ្តាលអាហារូបត្ថម្ភទូទាំងពិភពលោកនៅ Herbalife បានរួមគ្នាចែករំលែកពី របៀបបង្កើតផែនការរបបអាហារដោយផ្អែកលើគោលដៅទម្ងន់របស់អ្នក។   ផែនការអាហារមានសារៈសំខាន់ចំពោះរបបអាហារដែលមានសុខភាពល្អ ទោះបីជាពេលខ្លះវាពិបាកក្នុងការដឹងច្បាស់អំពីរបៀបរៀបចំផែនការអាហារមានតុល្យភាពជារៀងរាល់ថ្ងៃក៏ដោយ ប៉ុន្តែកុំបារម្ភ អ្នកមានយើងនៅទីនេះ។ អ្នកជំនាញផ្នែករបបអាហារ Herbalife បានបង្កើតផែនការអាហារងាយស្រួល និងមានប្រសិទ្ធភាព ដែលមានចំនួនកាឡូរីដែលភ្ជាប់មកជាមួយ និងឧបករណ៍បន្ថែមដើម្បីជួយអ្នករៀបចំផែនការអាហាររបស់អ្នក។ ពួកវាត្រូវបានរចនាឡើងដើម្បីផ្តល់ឱ្យអ្នកនូវប្រូតេអ៊ីនដែលរាងកាយអ្នកត្រូវការជារៀងរាល់ថ្ងៃ ដើម្បីដំណើរការបានល្អបំផុត។ គ្រាន់តែធ្វើតាមជំហានងាយៗទាំងនេះ៖ ជំហានទី 1: ប្រើផែនការនៃការជ្រើសរើសរបបអាហាររបស់យើង មនុស្សពីរនាក់មិនដូចគ្នាទេ ហើយតម្រូវការប្រូតេអ៊ីន និងកាឡូរីរបស់មនុស្សម្នាក់ៗខុសគ្នា។ ដូច្នេះ​ធ្វើ​ដូចម្តេច​ទើប​អ្នក​ដឹង​ថា​ផែនការ​អាហារ​មួយ​ណា​ដែល​ស័ក្តិសម​នឹង​អ្នក? ចាប់ផ្តើមជាមួយឧបករណ៍ជ្រើសរើសផែនការអាហារ។ តារាងផែនការនឹងជួយអ្នកកំណត់ផែនការអាហារដែលបានណែនាំសម្រាប់អ្នក ហើយផែនការរបស់អ្នកត្រូវបានរចនាឡើងដើម្បីផ្គូផ្គងតម្រូវការផ្ទាល់ខ្លួនរបស់អ្នកសម្រាប់ប្រូតេអ៊ីន និងកាឡូរី។ ឧបករណ៍ជ្រើសរើសផែនការអាហារនឹងណែនាំអ្នកទៅកាន់ផែនការអាហារដែលបានណែនាំ ទាំង A, B, C ឬ D ដោយផ្អែកលើភេទ ទម្ងន់ និងកម្ពស់របស់អ្នក។ នៅពេលដែលអ្នកដឹងថាគម្រោងណាមួយត្រូវបានណែនាំសម្រាប់អ្នក អ្នកនឹងទៅកាន់ជំហានទី 2 ដើម្បីមើលផែនការដែលបានណែនាំរបស់អ្នកដោយផ្អែកលើគោលដៅរបស់អ្នក។ ជំហានទី 2៖ ធ្វើតាមផែនការអាហាររបស់អ្នក (A, B, C ឬ D) ផែនការអាហារនីមួយៗមានជម្រើសបី៖ 1. អាហារូបត្ថម្ភប្រចាំថ្ងៃ (ឬការថែរក្សាទម្ងន់) 2. ការសម្រកទម្ងន់ 3. ការឡើងទម្ងន់ ជ្រើសរើសជម្រើសនៅក្នុងផែនការដែលសាកសមបំផុតនឹងគោលដៅផ្ទាល់ខ្លួនរបស់អ្នក។ តារាងផែនការអាហារបង្ហាញអ្នកពីអ្វីដែលជាថ្ងៃធម្មតារបស់អ្នក ដោយមានអាហារដែលបានណែនាំ អាហារសម្រន់ និងអាហារក្រឡុកហ្វម៉ូឡាវាន់ ដើម្បីជ្រើសរើសជារៀងរាល់ថ្ងៃ។ ផែនការអាហារត្រូវបានបង្កើតឡើងដោយជ្រើសរើសធាតុពីប្រភេទខាងក្រោម៖ • អាហារមានតុល្យភាព (ប្រូតេអ៊ីន 25 ក្រាម 400 កាឡូរី ឬ 40 ក្រាមនៃប្រូតេអ៊ីន 600 កាឡូរី) • អាហារសម្រន់ប្រូតេអ៊ីន (ប្រូតេអ៊ីន 10 ទៅ 30 ក្រាម, 150 ទៅ 300 កាឡូរី) • Herbalife® Formula 1 Shakes (ប្រូតេអ៊ីន 20 ទៅ 30 ក្រាម, 250 ទៅ 300 កាឡូរី) អាហារូបត្ថម្ភប្រចាំថ្ងៃ (ការរក្សាទម្ងន់) នៅពេលផ្សំជាមួយកម្មវិធីហាត់ប្រាណសមស្រប ជម្រើសនេះជំនួសអាហារមួយពេលក្នុងមួយថ្ងៃ (ជាធម្មតាអាហារពេលព្រឹក) ជាមួយនឹងអាហារក្រឡុកហ្វម៉ូឡាវាន់។ សម្រកទម្ងន់ ជម្រើសនេះលើកកម្ពស់ការសម្រកទម្ងន់ និងជាតិខ្លាញ់នៅពេលដែលផ្សំជាមួយកម្មវិធីហាត់ប្រាណសមស្រប ហើយជំនួសអាហារពីរពេលក្នុងមួយថ្ងៃជាមួយនឹងអាហារក្រឡុកហ្វម៉ូឡាវាន់។ ឡើង​ទម្ងន់ ដោយប្រើជម្រើសនេះ ទទួលបានប្រូតេអ៊ីន និងកាឡូរីបន្ថែម ដោយបន្ថែមរបបអាហារដែលមានសុខភាពល្អជាមួយនឹងអាហារក្រឡុកហ្វម៉ូឡាវាន់ រហូតដល់បីដងក្នុងមួយថ្ងៃ។ នៅពេលផ្សំជាមួយកម្មវិធីហាត់ប្រាណសមស្រប ឡើងទម្ងន់ដែលមានសុខភាពល្អ (ជាម៉ាសរាងកាយដែលគ្មានខ្លាញ់)។ ទំងន់ដែលមានសុខភាពល្អ (ជាទំងន់រាងកាយដែលគ្មានខ្លាញ់) ។   ជំហានទី 3: ប្រើឧបករណ៍បង្កើតអាហារ (Meal Builder Tool )​ ឧបករណ៍បង្កើតអាហារ (Meal Builder Tool) គឺជាវិធីសាស្រ្តសាមញ្ញមួយជំហានម្តង ៗ ដើម្បីដាក់អាហារដែលមានសុខភាពល្អបញ្ចូលគ្នា។ អាហារ​ត្រូវ​បាន​បង្កើត​ឡើង​ដោយ​អាហារ​ពី​ប្រភេទ​សំខាន់ៗ​ចំនួន​ 5៖ 1. ប្រូតេអ៊ីន 2. បន្លែ 3. កាបូអ៊ីដ្រាតដែលមានសុខភាពល្អ 4. ខ្លាញ់ដែលមានសុខភាពល្អ 5. គ្រឿងទេស អាស្រ័យលើផែនការអាហាររបស់អ្នក អ្នកនឹងបង្កើតអាហារដែលមានប្រហែល 25 ក្រាមនៃប្រូតេអ៊ីន និង 400 កាឡូរី ឬ 40 ក្រាមនៃប្រូតេអ៊ីន និង 600 កាឡូរី។ ដោយប្រើកម្មវិធី Meal Builder អ្នកអាចជ្រើសរើសអាហារពិតប្រាកដដែលអ្នកត្រូវការដើម្បីបង្កើតអាហារដែលមានសុខភាពល្អ និងមានតុល្យភាព។   ឧទាហរណ៍នៃផែនការអាហារ៖ 1,500 កាឡូរី ប្រសិនបើអ្នកកំពុងស្វែងរកការបំផុសគំនិត នេះគឺជាឧទាហរណ៍នៃផែនការសម្រកទម្ងន់ 1,500 កាឡូរី (ជម្រើសនៃផែនការ C Weight-Loss) ។ ផែនការអាហារទាមទារដូចខាងក្រោមៈ • អាហារពេលព្រឹក៖ Herbalife® Formula 1 shake (ប្រូតេអ៊ីនប្រហែល 30 ក្រាម, 300 កាឡូរី) • អាហារសម្រន់ពេលព្រឹក៖ ប្រូតេអ៊ីនប្រហែល 10 ក្រាម, 150 កាឡូរី • អាហារថ្ងៃត្រង់៖ Herbalife® Formula 1 shake (ប្រូតេអ៊ីនប្រហែល 30 ក្រាម, 300 កាឡូរី) • អាហារសម្រន់ពេលរសៀល៖ ប្រូតេអ៊ីនប្រហែល 10 ក្រាម 150 កាឡូរី • អាហារពេលល្ងាច៖ ប្រូតេអ៊ីនប្រហែល 40 ក្រាម 600 កាឡូរី   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90 ។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម និងមានសុខភាពល្អដើម្បីរស់នៅក្នុងជីវិតដ៏ល្អបំផុតរបស់ពួកគេ។

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក បានរួមគ្នាចែករំលែកពីគន្លឹះ ៥គន្លឹះយ៉ាង ​ដើម្បី​រក្សា​សុខភាព​បេះដូង​របស់​អ្នក​ទោះបីជាអ្នកកើនអាយុក៏ដោយ។   បេះដូងគឺជាសរីរាង្គតូចមួយ ដែលមានទំហំប៉ុនកណ្ដាប់ដៃ ទោះជាយ៉ាងណា វាមានទំនួលខុសត្រូវក្នុងការធ្វើឱ្យអ្នករស់រានមានជីវិត និងមានសុខភាពល្អជារៀងរាល់ថ្ងៃ រៀងរាល់នាទី រាល់វិនាទី។ វាបូមឈាម និងអុកស៊ីសែនទៅកាន់សួត និងរាងកាយរបស់អ្នក ហើយកម្ចាត់កាបូនឌីអុកស៊ីតដែលមិនមានប្រយោជន៍ចេញពីចរន្តឈាម ដែលជាមុខងារសំខាន់សម្រាប់សុខុមាលភាពទូទៅរបស់អ្នក។   ហើយខណៈពេលដែលបេះដូងគឺជាសាច់ដុំដ៏រឹងមាំនៅក្នុងរាងកាយរបស់អ្នក វាងាយនឹងកើតជំងឺសរសៃឈាមបេះដូង ដូចជាជំងឺបេះដូង និងជំងឺដាច់សរសៃឈាមខួរក្បាល លក្ខខណ្ឌដែលគេស្គាល់ថាជាឃាតករដ៏ធំបំផុតរបស់ពិភពលោក ដែលប៉ះពាល់ដល់ជីវិតមនុស្ស 18.6 លាននាក់រស់នៅទូទាំងពិភពលោកជារៀងរាល់ឆ្នាំ។   អាយុគឺជាកត្តាហានិភ័យចម្បងមួយសម្រាប់ការវិវត្តនៃជំងឺសរសៃឈាមបេះដូង ជាមួយនឹងអត្រាប្រេវ៉ាឡង់នៃជំងឺទាំងនេះកើនឡើងនៅពេលដែលមនុស្សម្នាក់កាន់តែចាស់។ ជាការពិត អត្រាប្រេវ៉ាឡង់នៃជំងឺខ្សោយបេះដូងក្នុងចំណោមប្រជាជនពេញវ័យក្នុងប្រទេសអភិវឌ្ឍន៍កើនឡើងពី ១ ទៅ ២ ភាគរយ ដល់ជាង ១០ ភាគរយក្នុងចំណោមអ្នកដែលមានអាយុចាប់ពី ៧០ ឆ្នាំឡើងទៅ ហើយ ៨០ ភាគរយនៃអ្នកដែលស្លាប់ដោយសារជំងឺបេះដូងមានអាយុចាប់ពី ៦៥ ឆ្នាំឡើងទៅ។   ការណែនាំអំពីសុខភាពបេះដូង និងការកើនអាយុដែលមានសុខភាពល្អ   ដោយសារស្ថិតិទាំងនេះ ឥឡូវនេះវាមានសារៈសំខាន់ជាងពេលមុនដើម្បីចាប់ផ្តើមថែរក្សាបេះដូងរបស់អ្នក ជាពិសេសប្រសិនបើអ្នកមានអាយុប្រហែល 40 ឆ្នាំ ឬចាស់ជាងនេះ។ នេះ​ជា​គន្លឹះ​ដ៏​អស្ចារ្យ​ចំនួន​ប្រាំ​ដើម្បី​ឱ្យ​អ្នក​ចាប់​ផ្តើម​ដំណើរ​នេះ ដើម្បី​ជីវិត​ដែល​មាន​សុខភាព​ល្អ​ក្នុង​ពេល​បច្ចុប្បន្ន និង​ទៅ​អនាគត ៖   គន្លឹះទី ១៖ ស្វែងយល់ពីហានិភ័យសុខភាពរបស់អ្នក គន្លឹះក្នុងការរក្សាបេះដូងឱ្យមានសុខភាពល្អគឺត្រូវដឹងពីទិន្នន័យនៃសុខភាពរបស់អ្នក។ ព្យាយាមទៅជួបគ្រូពេទ្យរបស់អ្នក ដើម្បីពិនិត្យសុខភាពជាប្រចាំ។ អ្នកគួរតែកំណត់ពេលពិនិត្យសុខភាពពេញលេញយ៉ាងហោចណាស់ម្តងក្នុងមួយឆ្នាំ ឬតាមគ្លីនិកសុខភាពសម្រាប់ការវាយតម្លៃរហ័ស   វាគួរតែត្រូវបានគូសបញ្ជាក់ថា សម្ពាធឈាមខ្ពស់គឺជាកត្តាហានិភ័យទី 1 សម្រាប់ជំងឺសរសៃឈាមបេះដូង ដែលជាពិសេសទាក់ទងនឹងសម្ពាធឈាមខ្ពស់គឺជា "ឃាតករស្ងៀមស្ងាត់" ដោយគ្មានសញ្ញាព្រមាន ឬរោគសញ្ញាណាមួយឡើយ។ ដូច្នេះហើយ ចាំបាច់ត្រូវពិនិត្យសម្ពាធឈាមឱ្យបានទៀងទាត់។ ប្រសិន​បើ​ទុក​ចោល​ដោយ​មិន​បាន​ធ្វើ​រោគ​វិនិច្ឆ័យ និង​មិន​បាន​ព្យាបាល វា​អាច​ធ្វើ​ឱ្យ​អ្នក​ប្រឈម​នឹង​ការ​កើន​ឡើង​នៃ​ជំងឺ​បេះដូង និង​ដាច់​សរសៃឈាម​ខួរក្បាល។   គន្លឹះទី ២៖ កាត់បន្ថយទម្លាប់រស់នៅមិនល្អ   ការកាត់បន្ថយការជក់បារីគឺជារឿងដ៏ល្អបំផុតដែលអ្នកអាចធ្វើបានដើម្បីការពារបេះដូងរបស់អ្នក ហើយដំណឹងល្អនោះគឺថា ហានិភ័យចំពោះសុខភាពបេះដូងរបស់អ្នកថយចុះយ៉ាងខ្លាំងបន្ទាប់ពីអ្នកឈប់។ ការជក់បារីអាចធ្វើឱ្យខូចស្រទាប់សរសៃឈាមរបស់អ្នក ដែលនាំឱ្យមានការប្រមូលផ្តុំសារធាតុខ្លាញ់ (atheroma) ដែលធ្វើអោយសរសៃឈាមរួមតូច។ អ្នកខ្លះអាចជួបប្រទះការឈឺទ្រូងដែលគេស្គាល់ថាជាការព្រមាន ប៉ុន្តែមនុស្សជាច្រើនបានរកឃើញថាការរួមតូចនៃសរសៃឈាមនេះបានកើតឡើងនៅពេលដែលវាបណ្តាលឱ្យមានការគាំងបេះដូង ឬដាច់សរសៃឈាមខួរក្បាល។   បង្កើត​ជា​ចំណុចមួយ ដើម្បីផ្លាស់ប្តូរទម្លាប់ ហើយ​ប្រកាន់​ខ្ជាប់វា ! បោះចោលបារី ក្នុងធុងសំរាមរបស់អ្នក ហើយបើកផ្លូវសម្រាប់ផលិតផលជំនួសជាតិនីកូទីន។ ការ​បញ្ឈប់ទម្លាប់​មិន​ល្អ​នេះ​នឹង​បង្ហាញ​ថា​មាន​ប្រយោជន៍​ច្រើន​សម្រាប់​រាង​កាយ​របស់​អ្នក​ជាង​ការ​គិត​ទៅ​ទៀត។   គន្លឹះទី ៣៖ រក្សារបបអាហារដែលមានសុខភាពល្អដល់បេះដូង   ដោយផ្អែកលើទស្សនវិជ្ជាអាហារូបត្ថម្ភសកលរបស់យើង ការប្រើប្រាស់កាឡូរីដ៏ល្អគួរតែមានកាបូអ៊ីដ្រាត 40 ភាគរយ ប្រូតេអ៊ីន 30 ភាគរយ និងខ្លាញ់ដែលមានសុខភាពល្អ 30 ភាគរយ រួមជាមួយនឹងជាតិសរសៃ 25 ក្រាម និងជាតិទឹកគ្រប់គ្រាន់ – ប្រហែល 8 កែវក្នុងមួយថ្ងៃ។   ដើម្បីបង្កើនសុខភាពបេះដូងរបស់អ្នក សូមអនុវត្តតាមគំរូរបបអាហារនៃផ្លែឈើស្រស់ បន្លែ ផ្លែឈើស្ងួត សម្រាប់កម្រិតវីតាមីន និងសារធាតុរ៉ែប្រចាំថ្ងៃរបស់អ្នក។ ជាពិសេស អាហារដូចជា ត្រីខ្លាញ់ (ត្រីសាល់ម៉ុន ត្រីធូណា) គ្រាប់ flaxseed Walnut គ្រាប់ល្ពៅ និងសណ្តែកសៀង សម្បូរទៅដោយអាស៊ីតខ្លាញ់អូមេហ្គា 3 ដែលអាចជួយកាត់បន្ថយហានិភ័យនៃជំងឺបេះដូង។ ត្រីមិនត្រឹមតែ ជាអាហារជំនួសដ៏ល្អសម្រាប់អាហារដូចជាសាច់គោដែលមានជាតិខ្លាញ់ឆ្អែតច្រើននោះទេ អូមេហ្គា 3s ក៏ជួយទ្រទ្រង់ប្រព័ន្ធសរសៃឈាមបេះដូងឱ្យមានសុខភាពល្អ ដោយជួយកាត់បន្ថយកម្រិតកូឡេស្តេរ៉ុល និងទ្រីគ្លីសេរីត។​   គន្លឹះទី ៤: ធ្វើឱ្យបេះដូងរបស់អ្នកលោតបានល្អ   អត្ថប្រយោជន៍នៃការធ្វើលំហាត់ប្រាណ និងសកម្មភាពរាងកាយទៀងទាត់គឺច្រើនជាងការសម្រកទម្ងន់ ឬមើលទៅស្អាត។ បន្ថែមពីលើការកែលម្អសុខភាពរាងកាយទាំងមូល ការហាត់ប្រាណជួយឱ្យសរសៃឈាមរបស់យើងសម្រាក និងរីក ដែលអនុញ្ញាតឱ្យឈាមហូរបានកាន់តែមានប្រសិទ្ធភាព និងចិញ្ចឹមបេះដូងរបស់យើង។ នេះជំរុញការផលិតនីទ្រីកអុកស៊ីដក្នុងរាងកាយ ដែលគ្រប់គ្រង និងការពារប្រព័ន្ធសរសៃឈាមបេះដូង ដែលធ្វើឱ្យប្រាកដថាអ្នកមានបេះដូងមានសុខភាពល្អ។   ដើម្បីចាប់ផ្តើមរបៀបរស់នៅសកម្ម សូមដាក់គោលដៅយ៉ាងហោចណាស់ 30 នាទីនៃសកម្មភាពរាងកាយកម្រិតមធ្យមជារៀងរាល់ថ្ងៃ។ ប្រសិនបើអ្នកពិបាកសម្រេចបាន សាកល្បងដើរលេងខ្លីៗពេញមួយថ្ងៃនៅកន្លែងធ្វើការ ចតឆ្ងាយពីការិយាល័យ ឬធ្វើការឈរនៅតុរបស់អ្នក ដើម្បីកុំឱ្យអង្គុយពេញមួយថ្ងៃ។   គន្លឹះទី ៥៖ បន្ថយកម្រិតស្ត្រេសរបស់អ្នក ខណៈពេលដែលមិនមានទំនាក់ទំនងផ្ទាល់ច្បាស់លាស់រវាងកម្រិតខ្ពស់នៃភាពតានតឹង និងអត្រាកើតជំងឺបេះដូង ភាពតានតឹងខ្លួនឯងអាចបង្កហានិភ័យដល់សុខភាពបេះដូងរបស់អ្នក។ ស្ត្រេស​អាច​បណ្តាល​ឱ្យ​អ្នក​មាន​សម្ពាធ​ឈាម​ឡើង​ខ្ពស់ ធ្វើ​ឱ្យ​អ្នក​ញ៉ាំ​ច្រើន ហាត់ប្រាណ​តិច ឬ​ជក់បារី​ច្រើន​ជាង​ធម្មតា។ ភាពតានតឹងរយៈពេលវែងក៏អាចបណ្តាលឱ្យរាងកាយរបស់អ្នកបង្កើតកម្រិតអរម៉ូនស្ត្រេសដូចជា adrenaline និង cortisol ដែលបង្កើនហានិភ័យនៃការគាំងបេះដូង។ ដើម្បី​សុខុមាលភាព​របស់​អ្នក សូម​ធ្វើ​វា​ជា​ចំណុច​មួយ​ដើម្បី​ចំណាយ​ពេល​ខ្លះ​ដើម្បី​សម្រាក និង​ចូលរួម​សកម្មភាព​ដែល​អ្នក​រីករាយ។ អ្នកដែលមានកម្រិតស្ត្រេសទាប ទំនងជាធ្វើលំហាត់ប្រាណ និងញ៉ាំអាហារបានល្អ ដែលទាំងពីរនេះមានសារៈសំខាន់សម្រាប់រក្សាបេះដូងឱ្យមានសុខភាពល្អ។ នៅចុងបញ្ចប់នៃថ្ងៃនោះ ការទទួលយករបៀបរស់នៅដែលមានសុខភាពល្អ និងសកម្មអាចដើរតួនាទីយ៉ាងល្អក្នុងការការពារពីជំងឺបេះដូង។ ប្រសិនបើអ្នកមិនទាន់បានចាប់ផ្តើមទេ ឥឡូវនេះដល់ពេលដែលត្រូវសាកគន្លឹះទាំងនេះមួយ ឬច្រើនទៅក្នុងជីវិតប្រចាំថ្ងៃ ដើម្បីរក្សាបេះដូងរបស់អ្នកឱ្យរឹងមាំនៅពេលនេះ និងក្នុងទសវត្សរ៍ខាងមុខ។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក រួមជាមួយនឹងលោកស្រី Susan Bowerman, នាយិកាជាន់ខ្ពស់ ផ្នែកការអប់រំ និងបណ្តុះបណ្តាលអាហារូបត្ថម្ភទូទាំងពិភពលោកនៅ Herbalife បានរួមគ្នាចែករំលែកពីការពិតចំនួន 3 អំពីមូលហេតុដែលការធ្វើលំហាត់ប្រាណមានសារៈសំខាន់ចំពោះសុខភាពរបស់អ្នក។   វាជារឿងធម្មតាទេក្នុងការគិតអំពីរូបរាងខាងក្រៅនៃរាងកាយរបស់អ្នក។ ការផ្លាស់ប្តូរខាងក្រៅដែលបណ្តាលមកពីការបង្កើនសកម្មភាពរាងកាយជាញឹកញាប់គឺជាកត្តាជំរុញទឹកចិត្តដ៏អស្ចារ្យបំផុតដែលធ្វើឱ្យអ្នកផ្លាស់ប្តូរ។ មនុស្សចង់ឃើញលទ្ធផលនៃការខិតខំប្រឹងប្រែងរបស់ពួកគេនៅក្នុងកញ្ចក់។ ការគិត​អំពី​ដងខ្លួន ឬផ្នែកខាងក្រោមនៃដងខ្លួន​ ​ជម្រុញអោយមនុស្ស​ចូល​ទៅ​កន្លែង​ហាត់ប្រាណ​ជា​ញឹកញាប់។ យ៉ាង​ណា​មិញ ចុះ​បើ​ខ្ញុំ​ប្រាប់​អ្នក​ថា សម្រស់ និង​អត្ថប្រយោជន៍​នៃការធ្វើលំហាត់ប្រាណវាផ្តល់ជូននៅខាងក្នុងដែលយើងមើលមិនឃើញ? ខ្ញុំបានចែករំលែកមុនពេលដែលការផ្លាស់ប្តូរផ្នែកខាងក្រៅដែលបណ្តាលមកពីការរស់នៅប្រកបដោយសុខភាពល្អ និងរបៀបរស់នៅសកម្មកើតឡើងបន្តិចម្តងៗ។ ប៉ុន្តែការផ្លាស់ប្តូរជាច្រើនដែលកើតឡើងនៅក្នុងរាងកាយពិតជាចាប់ផ្តើមកើតឡើងភ្លាមៗនៅពេលដែលអ្នកចាប់ផ្តើមទម្លាប់ហាត់ប្រាណ ខ្ញុំជឿថាការផ្លាស់ប្តូរផ្នែកខាងក្នុងជះឥទ្ធិពលនៅក្នុងរាងកាយលើសពីការផ្លាស់ប្តូរដែលយើងឃើញពីខាងក្រៅ។ Cardio 101 ការធ្វើលំហាត់ប្រាណ Cardiorespiratory (ត្រូវបានគេស្គាល់ផងដែរថាជា "cardio") គឺជាពាក្យដែលប្រើដើម្បីពិពណ៌នាអំពីការធ្វើលំហាត់ប្រាណដែលដំណើរការបេះដូងនិងប្រព័ន្ធឈាមរបស់អ្នក។ ប្រព័ន្ធ​នេះ​ត្រូវ​ធ្វើ​ការ​ពេញ​មួយ​ថ្ងៃ​ជា​រៀង​រាល់​ថ្ងៃ​ដើម្បី​ឱ្យ​យើង​រស់​នៅ។ ខ្ញុំពណ៌នាការធ្វើលំហាត់ប្រាណ cardio ថាជាចលនាដែលធ្វើឱ្យប្រព័ន្ធនេះធ្វើការកាន់តែពិបាក។ លំហាត់ប្រាណដូចជាការរត់ ជិះកង់ និងហែលទឹក គឺជាឧទាហរណ៍ដ៏អស្ចារ្យនៃលំហាត់ cardio។ តាមគំនិតរបស់ខ្ញុំ cardio គួរតែត្រូវបានប្តូរឈ្មោះទៅជា "ការហ្វឹកហាត់កម្លាំងបេះដូង" ពីព្រោះ បេះដូងរបស់អ្នកជាសាច់ដុំ ហើយការហាត់ប្រាណជួយបង្កើនសមត្ថភាពសរសៃឈាមបេះដូងរបស់អ្នក។ ឥឡូវនេះខ្ញុំសូមចែករំលែកជាមួយអ្នកនូវការពិតដ៏អស្ចារ្យចំនួនបីអំពីការធ្វើលំហាត់ប្រាណ cardio ៖ ការបន្ថយសំពាធនៃបេះដូង បេះដូង​របស់​អ្នក​ត្រូវ​ធ្វើ​ការ​កាន់​តែ​ខ្លាំង​អំឡុង​ពេល​ធ្វើ​លំហាត់​ប្រាណ​ដោយសរសៃឈាមបេះដូងបង្កើនសំពាធបេះដូង​លឿន​ជាង​មុន។ ជាលទ្ធផល វាកាន់តែមានប្រសិទ្ធិភាពក្នុងសរសៃឈាមបេះដូង។ នេះអាចធ្វើឱ្យសកម្មភាពប្រចាំថ្ងៃរបស់អ្នកហាក់ដូចជាងាយស្រួលជាងនេះទៅទៀត ពីព្រោះបេះដូងរបស់អ្នកត្រូវធ្វើការតិចជាងមុនដើម្បីទ្រទ្រង់ពួកវា។ អ្នកតែងតែអាចមើលឃើញការផ្លាស់ប្តូរនេះនៅក្នុងការថយចុះនៃសំពាធបេះដូង។     2. ការសម្រកទម្ងន់ នៅពេលអ្នកបង្កើនកម្រិតសកម្មភាពរបស់អ្នកជាមួយនឹងការធ្វើលំហាត់ប្រាណ cardio រាងកាយរបស់អ្នកត្រូវដុតជាតិខ្លាញ់បន្ថែម ដើម្បីបំពេញតម្រូវការថាមពលដែលកើនឡើងនេះ។ ជាតិខ្លាញ់ដែលរក្សាទុកគឺជាប្រភពកម្លាំងចម្បងសម្រាប់ការធ្វើលំហាត់ប្រាណ cardio រយៈពេលយូរ។ ការកើនឡើងនៃការចំណាយថាមពលនេះ រួមជាមួយនឹងការកាត់បន្ថយការទទួលទានកាឡូរី អាចនាំឱ្យមានការសម្រកទម្ងន់យ៉ាងសំខាន់។ 3. ការកាត់បន្ថយភាពតានតឹង លំហាត់ប្រាណ Cardio ជំរុញការផលិតសារធាតុបញ្ជូនសរសៃប្រសាទដែលធ្វើអោយមានអារម្មណ៍ល្អក្នុងខួរក្បាលរបស់អ្នក ដែលហៅថា Endorphins។ ជាទូទៅមុខងារនេះត្រូវបានគេសំដៅជា ថាជា "runner’s high" ប៉ុន្តែការលេងកីឡាវាយកូនបាល់ ឬសូម្បីតែការដើរក៏អាចរួមចំណែកដល់អារម្មណ៍ដូចគ្នានេះ។ ការធ្វើលំហាត់ប្រាណ Cardio ជាញឹកញាប់អាចមានអារម្មណ៍ដូចជាការធ្វើសមាធិ ។ នៅពេលអ្នកចាប់ផ្តើមធ្វើលំហាត់ប្រាណ និងផ្តោតលើអ្វីដែលអ្នកកំពុងធ្វើ កម្រិតស្ត្រេសរបស់អ្នកអាចនឹងថយចុះ។ ជាលទ្ធផល នៅពេលដែលអ្នកបានបញ្ចប់ ទោះបីជាអ្នកអាចមានអារម្មណ៍ថាហត់នឿយក៏ដោយ ក៏អ្នកអាចមានអារម្មណ៍ស្រស់ស្រាយផងដែរ។   មានហេតុផលល្អៗជាច្រើនក្នុងការបន្ថែម cardio ទៅក្នុងទម្លាប់បច្ចុប្បន្នរបស់អ្នក ប៉ុន្តែប្រហែលជាអ្វីដែលសំខាន់បំផុតនោះគឺថា វាល្អសម្រាប់បេះដូងរបស់អ្នក!   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90 ។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក បានចែករំលែកពីគន្លឹះ​ អត្ថប្រយោជន៍៤យ៉ាងដ៏គួរឱ្យភ្ញាក់ផ្អើល របស់វីតាមីន C។   ប្រសិនបើអ្នកធ្លាប់លឺពីសារធាតុចិញ្ចឹមដ៏ល្បីនេះ អ្នកទំនងជាដឹងអំពីអត្ថប្រយោជន៍ចម្បងរបស់វា៖ ជំនួយដល់ប្រព័ន្ធភាពស៊ាំ។ ប៉ុន្តែតើយើងត្រូវការវីតាមីន C ដែរឬទេ? ចម្លើយខ្លីគឺ ពិតណាស់ វីតាមីន C គឺជាវីតាមីនដ៏សំខាន់ ដែលរាងកាយរបស់អ្នកមិនអាចផលិតវាបានទេ ប៉ុន្តែវាមានតួនាទីជាច្រើន និងអាចនាំអោយមានអត្ថប្រយោជន៍សុខភាពជាច្រើនទៀត ជាជាងគ្រាន់តែជាការបង្កើនភាពស៊ាំ។ ការទទួលទានវីតាមីន C ប្រចាំថ្ងៃដែលត្រូវបានណែនាំគឺ 75 មីលីក្រាមសម្រាប់ស្ត្រី និង 90 មីលីក្រាមសម្រាប់បុរស។ ខណៈពេលដែលវីតាមីនសំខាន់ៗនេះត្រូវបានរកឃើញនៅក្នុងផ្លែឈើ និងបន្លែទូទៅ រួមទាំងក្រូច ស្ត្របឺរី ម្ទេសប្លោក ខាត់ណា និងស្ពៃ– មនុស្សមួយចំនួនងាកទៅរកអាហាររូបត្ថម្ភ ដើម្បីបំពេញតម្រូវការរបស់ពួកគេ និងទទួលបានអត្ថប្រយោជន៍មិនគួរឱ្យជឿ។ ឥឡូវ​នេះ អ្នក​ប្រហែល​ជា​ឆ្ងល់​ថា "តើ​អ្វី​ទៅ​ជា​អត្ថប្រយោជន៍​មិន​គួរ​ឱ្យ​ជឿ​ផ្សេង​ទៀត?" ជាការប្រសើរណាស់, នេះគឺជាវិធីចំនួន៤ ដែលមិនសូវមានអ្នកដឹង ដែលវីតាមីន C ជួយឱ្យរាងកាយរបស់អ្នកធ្វើកិច្ចការបានច្រើន។ ជួយស្រូបយកជាតិដែក មានច្រើនណាស់ដែលវីតាមីន C ធ្វើដោយខ្លួនឯង ប៉ុន្តែវាអាចជួយឱ្យរាងកាយស្រូបយកសារធាតុសំខាន់ៗផ្សេងទៀតដែលវាត្រូវការ រួមទាំងជាតិដែកផងដែរ។ ហើយសម្រាប់អ្នកដែលពឹងផ្អែកលើរបបអាហាររុក្ខជាតិ វាថែមទាំងចាប់ None-heme នៅក្នុងជាតិដែក ហើយរក្សាទុកវាក្នុងទម្រង់ដែលរាងកាយរបស់អ្នកអាចស្រូបយកបានកាន់តែងាយស្រួល។ យើងមិននិយាយអំពីការក្លាយជា Iron Man នៅទីនេះទេ ប៉ុន្តែរាងកាយរបស់អ្នកប្រើប្រាស់ជាតិដែកដើម្បីបង្កើតអេម៉ូក្លូប៊ីន ដែលជាប្រូតេអ៊ីននៅក្នុងកោសិកាឈាមក្រហមដែលដឹកនាំអុកស៊ីសែនពីសួតទៅកាន់ផ្នែកផ្សេងៗនៃរាងកាយ។ សារធាតុរ៉ែនេះក៏ជាកត្តាសំខាន់ក្នុងដំណើរការប្រព័ន្ធការពាររាងកាយត្រឹមត្រូវ។ ជំរុញមេតាបូលីសដែលផ្តល់ថាមពល វីតាមីន C អាចដើរតួនាទីយ៉ាងធំក្នុងការបង្កើនប្រសិទ្ធិភាពមុខងារ Mitochondrial ។ Mitochondria គឺជារចនាសម្ព័ន្ធតូចៗដែលមាននៅក្នុងកោសិការបស់អ្នក ដែលបំប្លែងអាហារដែលអ្នកញ៉ាំទៅជាថាមពល ដែលត្រូវបានគេស្គាល់ថាជាអុកស៊ីតកម្ម។ ភ័ស្តុតាងបង្ហាញថា បុគ្គលដែលមានកម្រិតវីតាមីន C គ្រប់គ្រាន់ ធ្វើអុកស៊ីតកម្មជាតិខ្លាញ់ច្រើនក្នុងអំឡុងពេលហាត់ប្រាណកម្រិតមធ្យម ជាងអ្នកដែលមានកម្រិតវីតាមីន C ទាប។* ការធានាថារាងកាយរបស់អ្នកទទួលបានវីតាមីន C ប្រចាំថ្ងៃដែលបានណែនាំ មកជាមួយការធានានៃការបាត់បង់ជាតិខ្លាញ់ ប៉ុន្តែវាអាចជា ការបន្ថែមអត្ថប្រយោជន៍ដល់ដំណើរការនៃការគ្រប់គ្រងទម្ងន់របស់អ្នក។ កាត់បន្ថយភាពនឿយហត់ និងអស់កម្លាំង នៅលើចំណុចនោះ នៅពេលដែលរាងកាយកំពុងតស៊ូដើម្បីបំប្លែងថាមពល ហើយសាច់ដុំរបស់អ្នកមិនទទួលបានអុកស៊ីហ្សែនដែលពួកគេត្រូវការ វាអាចនាំឱ្យអស់កម្លាំង។ នោះមានន័យថា បើគ្មានការផ្គត់ផ្គង់វីតាមីន C គ្រប់គ្រាន់ដើម្បីជំរុញការបំប្លែងថាមពល និងការស្រូបយកជាតិដែកទេ អ្នកអាចប្រឈមមុខនឹង ការធ្វើការយឺត ការហាត់ប្រាណ និងច្រើនទៀត។ ជាមួយនឹងការទទួលទានរបបអាហារប្រចាំថ្ងៃដែលត្រូវបានណែនាំ អ្នកអាចផ្តល់ឱ្យរាងកាយរបស់អ្នកនូវកម្លាំង និងថាមពលដ៏អស្ចារ្យ ។ បង្កើនសម្រស់ដល់ស្បែកអ្នកប្រហែលជាចង់ស្វែងរកកន្លែងសម្រាប់វីតាមីន C នៅក្នុងស្បែករបស់អ្នកហើយ ជាពិសេសជាមួយនឹងផលិតផលដែលមានវីតាមីន C និង E ដែលជួយការពារការបំផ្លាញកោសិការ៉ាឌីកាល់សេរីដែលបង្កគ្រោះថ្នាក់ដល់អាយុកោសិកាស្បែករបស់អ្នក។ † ជាមួយនឹងលក្ខណៈសម្បត្តិប្រឆាំងអុកស៊ីតកម្ម និងតួនាទីសំខាន់ក្នុងការបង្កើតកូឡាជែន វីតាមីន C អាចជួយឱ្យស្បែករបស់អ្នកកាន់តែភ្លឺថ្លា ក្មេងជាងវ័យ ខណៈពេលដែលការពារវា ពីជាតិពុលនិងការខូចខាតនៃកោសិកាស្បែក។ តើ​អ្នក​ទទួល​បាន​ការ​ទទួល​ទាន​វីតាមីន C ប្រចាំ​ថ្ងៃ​ដែល​បាន​ណែនាំ​ហើយ​ឬ​នៅ? ឥឡូវនេះ អ្នកដឹងពីអត្ថប្រយោជន៍ដ៏មិនគួរឱ្យជឿបន្ថែមទៀតនៃវីតាមីនសំខាន់ៗនេះ សូមប្រាកដថាអ្នកបានបំពេញបន្ថែមទាំងការគិត និងរាងកាយរបស់អ្នក ដើម្បីរស់នៅក្នុងជីវិតដ៏ល្អបំផុតរបស់អ្នក។ *ប្រភពពី:  Johnston CS. Strategies for healthy weight loss: from vitamin C to the glycemic response. J Am Coll Nutr. 2005 Jun;24(3):158-65. Doi: 10.1080/07315724.2005.10719460. PMID: 15930480. [PubMed] † សេចក្តីថ្លែងការណ៍ទាំងនេះមិនត្រូវបានវាយតម្លៃដោយរដ្ឋបាលចំណីអាហារ និងឱសថទេ។ ផលិតផលនេះមិនមានបំណងធ្វើរោគវិនិច្ឆ័យ ព្យាបាល ឬការពារជំងឺណាមួយឡើយ។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម

(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុនសុខភាព និងសុខុមាលភាពលំដាប់ថ្នាក់ពិភពលោក រួមជាមួយនឹងលោកស្រី Susan Bowerman, នាយិកាជាន់ខ្ពស់ ផ្នែកការអប់រំ និងបណ្តុះបណ្តាលអាហារូបត្ថម្ភទូទាំងពិភពលោកនៅ Herbalife បានរួមគ្នាចែករំលែកពី ការទទួលទានអាហារក្រឡុកហ្វមូឡាវាន់ ដែលងាយស្រួលញុំា ឆ្ញាញ់ និងមានជីវជាតិរួមគ្នា។ ក្នុងនាមជាក្រុមហ៊ុនអាហារូបត្ថម្ភលំដាប់ថ្នាក់ពិភពលោក យើងទាំងអស់គ្នាផ្តល់ជូនអតិថិជនរបស់យើងនូវអាហាររូបត្ថម្ភដែលមានតុល្យភាពប្រចាំថ្ងៃ។ ប៉ុន្តែការបំពេញតម្រូវការអាហារូបត្ថម្ភរបស់អ្នកជារៀងរាល់ថ្ងៃ ពេលខ្លះអាចពិបាកក្នុងការអនុវត្ត។ ជីវិតរបស់យើងមានភាពមមាញឹកខ្លាំងជាមួយនឹងការងារ សាលារៀន ឬក្រុមគ្រួសារ ដែលការរៀបចំផែនការ និងរៀបចំអាហារ និងអាហារសម្រន់ដែលមានសុខភាពល្អ ច្រើនតែជារឿងបន្ទាប់បន្សំ។ របៀបរស់នៅដែលមានសុខភាពល្អត្រូវបានបង្កើតឡើងនៅលើអាហាររូបត្ថម្ភដែលមានតុល្យភាព ហើយនោះហើយជាមូលហេតុដែលយើងបានបង្កើតផលិតផលអាហារក្រឡុកប្រូតេអ៊ីនដែលសំខាន់របស់យើងគឺ Herbalife® Formula 1 Healthy Meal Shake Mix។ ហ្វមូឡាវាន់ គឺមានរសជាតិឆ្ងាញ់ ងាយស្រួលធ្វើ ដែលផ្តល់នូវតុល្យភាពដ៏ល្អនៃប្រូតេអ៊ីន ជាតិសរសៃ វីតាមីន និងសារធាតុរ៉ែ។ នៅជុំវិញពិភពលោក អាហារូបត្ថម្ភហ្វមូឡាវាន់ មានមនុស្សរាប់លាននាក់ត្រូវបានទទួលទានជារៀងរាល់ថ្ងៃ។ អាហារក្រឡុកប្រូតេអ៊ីនហ្វមូឡាវាន់ អាចត្រូវបានប្រើតាមវិធីជាច្រើនដូចជា៖ អាហាររហ័ស និងមានតុល្យភាពសម្រាប់អាហារពេលព្រឹក អាហារថ្ងៃត្រង់ ឬអាហារពេលល្ងាច    អាហារជំនួសឱ្យអាហារសម្រាប់ការសម្រកទម្ងន់* អាហាររូបត្ថម្ភសម្រាប់ការឡើងទម្ងន់ ឬបង្កើនការទទួលទានប្រូតេអ៊ីនរបស់អ្នក វិធីបំពេញបន្ថែមមុន ឬក្រោយពេលហាត់ប្រាណ មធ្យោបាយដើម្បីបង្កើនតុល្យភាពរបបអាហាររបស់អ្នក តើហ្វមូឡាវាន់គឺជាអ្វី? ហ្វមូឡាវាន់ គឺជាអាហារពេញលេញ និងងាយស្រួលដែលផ្តល់នូវសារធាតុចិញ្ចឹមដែលរាងកាយអ្នកត្រូវការ។ វាមានរូបមន្តពីរុក្ខជាតិដែល ត្រូវបានបង្កើតឡើងដោយអ្នកជំនាញអាហារូបត្ថម្ភ និងអ្នកវិទ្យាសាស្ត្រផ្នែកចំណីអាហារ ហើយត្រូវបានស្រាវជ្រាវចុងក្រោយដែលបង្ហាញពីប្រសិទ្ធភាពនៃការជំនួសអាហារ របបអាហារ និងការធ្វើលំហាត់ប្រាណ ដែលដើរតួជាដំណោះស្រាយសម្រាប់ការសម្រេចបាននូវទម្ងន់ដែលមានសុខភាពល្អ។ យោងតាមការពិនិត្យឡើងវិញជាប្រព័ន្ធ និងការវិភាគមេតានៃការសិក្សាចំនួន 14 ដង សាកលវិទ្យាល័យ Oxford បានរកឃើញថាកម្មវិធីដែលរួមបញ្ចូលការជំនួសអាហារនាំឱ្យមានការសម្រកទម្ងន់កាន់តែច្រើន បើប្រៀបធៀបទៅនឹងរបបអាហារជំនួសផ្សេងទៀត។ ហ្វមូឡាវាន់ អាចជាផ្នែកមួយនៃរបបប្រចាំថ្ងៃដែលមានតុល្យភាពសម្រាប់មនុស្សគ្រប់គ្នា មិនថាអ្នកកំពុងផ្តោតលើការស្រកទម្ងន់ ការឡើងសាច់ដុំ វាជាការបន្ថែមដ៏សំខាន់ចំពោះទម្លាប់នៃការញ៉ាំ និងការធ្វើលំហាត់ប្រាណទៀងទាត់។ ហ្វមូឡាវាន់ ដែលផលិតដោយទឹកដោះគោដែលគ្មានជាតិខ្លាញ់ 8អោន ឬទឹកសណ្តែក មានដូចជា៖ •  សារធាតុចិញ្ចឹម 170 កាឡូរី •  ប្រូតេអ៊ីន 17 ក្រាម •  វីតាមីន និងសារធាតុរ៉ែចំនួន 21មុខ ដើម្បីជួយបំពេញតម្រូវការនៃអាហារូបត្ថម្ភ •  ជាតិសរសៃ 3 ក្រាម •  មានសារធាតុប្រឆាំងអុកស៊ីតកម្មដូចជា វីតាមីន A (ដូចជា beta-carotene), C និង E ហ្វមូឡាវាន់ និង Glycemic Index Value របស់វា The Glycemic Index (GI) គឺជាវិធីសាស្រ្តមួយដែលកំណត់បរិមាណផលប៉ះពាល់នៃអាហារសម្បូរជាតិកាបូអ៊ីដ្រាតលើកម្រិតជាតិស្ករនៅក្នុងចរន្តឈាមរបស់អ្នក។ នៅពេលដែលអាហារទាំងនេះត្រូវបានរំលាយ និងស្រូបយក លទ្ធផលគឺការកើនឡើងនៃជាតិស្ករក្នុងឈាម (ឬខ្លុយកូស) ដែលត្រូវបានប្រើជាចម្បងសម្រាប់សាច់ដុំ និងខួរក្បាលរបស់អ្នក។ ដោយសារអាហារដែលសំបូរទៅដោយកាបូអ៊ីដ្រាតមិនប៉ះពាល់ដល់ជាតិស្ករក្នុងឈាមដូចគ្នានោះ GI ត្រូវបានប្រើដើម្បីចាត់ថ្នាក់អាហារទៅតាមចំនួន និងល្បឿន ហើយវាបណ្តាលឱ្យជាតិស្ករក្នុងឈាមកើនឡើងបន្ទាប់ពីពួកគេបរិភោគ។អាហារដែលមាន GI ទាប 55 ឬតិចជាងនេះ រួមមាន បន្លែគ្មានជាតិម្សៅ គ្រាប់ធញ្ញជាតិ សណ្តែក ផ្លែប៉ោម ផ្លែប៊ឺរី និងក្រូច។ ពួកវាបញ្ចេញកាបូអ៊ីដ្រាតយឺតទៅក្នុងចរន្តឈាម ដូច្នេះការកើនឡើងនៃជាតិស្ករក្នុងឈាមមានកម្រិតតិចតួច ហើយកម្រិតថាមពលកាន់តែមាននិរន្តរភាព។ លើសពីនេះទៀត រសជាតិជាច្រើននៃហ្វមូឡាវាន់ មាននិមិត្តសញ្ញាសន្ទស្សន៍ជាតិស្ករទាប និងត្រូវបានបញ្ជាក់ដោយ Glycemic Index Foundation ។ សម្រាប់អ្នកដែលធ្វើតាមរបបអាហារដែលកាបូអ៊ីដ្រាតមានកម្រិត ព័ត៌មានខាងលើនេះ អាចជាប្រយោជន៍ក្នុងការរៀបចំផែនការអាហារ។ វិធីផ្សេងគ្នាដែលអ្នកអាចរៀបចំអាហារក្រឡុកហ្វមូឡាវាន់របស់អ្នក ក្រៅពីរសជាតិដ៏សម្បូរបែប អាហារក្រឡុកហ្វមូឡាវាន់ ត្រូវបានកែសម្រួលដើម្បីបំពេញតម្រូវការអាហារូបត្ថម្ភទៅតាម រសជាតិ ឬចំណូលចិត្តរបស់អ្នក។ តើទឹកដោះគោប្រភេទណាដែលអ្នកគួរប្រើសម្រាប់ អាហារក្រឡុក ហ្វមូឡាវាន់? ការណែនាំអំពីស្លាកសញ្ញាណែនាំឲ្យលាយហ្វមូឡាវាន់ ជាមួយទឹកដោះគោ ឬទឹកសណ្តែក ព្រោះពួកវាបំពេញបន្ថែមប្រូតេអ៊ីននៅក្នុង អាហារក្រឡុក និងផ្តល់វីតាមីន និងសារធាតុរ៉ែបន្ថែម ដែលធ្វើឲ្យអាហារក្រឡុកមានជីវជាតិ។ មានជម្រើសទឹកដោះគោជាច្រើនដែលអាចរកបានក្រៅពីសណ្តែក ប៉ុន្តែពួកវាអាចប្រែប្រួលយ៉ាងខ្លាំងនៅក្នុងបរិមាណកាឡូរី និងប្រូតេអ៊ីន។ ដើម្បីបង្កើនជាតិប្រូតេអ៊ីន ទឹកដោះគោដែលមានជាតិសរសៃភាគច្រើនមិនផ្តល់ប្រូតេអ៊ីនច្រើនទេ ត្រឹមតែ 1 ក្រាមប៉ុណ្ណោះក្នុងមួយពែង ដូច្នេះប្រសិនបើអ្នកប្រើវា អ្នកនឹងចង់បន្ថែមប្រូតេអ៊ីនបន្ថែមទៀតទៅក្នុងអាហារក្រឡុករបស់អ្នក ដើម្បីអោយត្រូវនឹង 17 ក្រាមដែលអ្នកនឹងទទួលបាននៅពេលធ្វើអាហារក្រឡុក។   វិធីក្នុងការរៀបចំអាហារក្រឡុករបស់អ្នក    បន្ថែមប្រូតេអ៊ីនទៅក្នុងអាហារប្រូតេអ៊ីនក្រឡុករបស់អ្នក ទោះបីជាហ្វមូឡាវាន់ ត្រូវបានបង្កើតឡើងជាមួយនឹងប្រូតេអ៊ីនរួចហើយក៏ដោយ អ្នកប្រហែលជាចង់បញ្ចូលបន្ថែមទៀត ប្រសិនបើតម្រូវការប្រូតេអ៊ីនរបស់អ្នកខ្ពស់។ អ្នកអាចបន្ថែមម្សៅប្រូតេអ៊ីនធម្មតា ដូចជា Herbalife® Personalized Protein Powder ឬបន្ថែមឈីសមានជាតិខ្លាញ់ទាបទឹកដោះគោជូរ ដើម្បីបង្កើនបរិមាណប្រូតេអ៊ីន។ការបន្ថែមផ្លែឈើ និងបន្លែទៅក្នុងអាហារក្រឡុកប្រូតេអ៊ីនហ្វមូឡាវាន់របស់អ្នក គឺជាវិធីងាយស្រួលក្នុងការទទួលបានអាហារដែលមានសុខភាពល្អទាំងនេះសម្រាប់របបអាហារប្រចាំថ្ងៃរបស់អ្នក។ ផ្លែឈើ និងបន្លែកកមានភាពងាយស្រួល ហើយវាផ្តល់ឱ្យអាហារក្រឡុកប្រូតេអ៊ីនរបស់អ្នករាងខាប់ជាងមុន។ សាកល្បងជាមួយនឹងផ្លែឈើ និងបន្លែផ្សេងៗ (អ្នកអាចចាប់ផ្តើមជាមួយបន្លែដែលមានរសជាតិផ្អែមដូចជាការ៉ុតជាដើម) ។ បន្ថែមជាតិសរសៃទៅក្នុងអាហារក្រឡុកប្រូតេអ៊ីនរបស់អ្នក មនុស្សភាគច្រើនមិនញ៉ាំជាតិសរសៃច្រើនទេ ដូច្នេះសូមព្យាយាមបន្ថែមអាហារដែលមានជាតិសរសៃខ្ពស់ទៅក្នុងអាហារក្រឡុក ហ្វមូឡាវាន់របស់អ្នក។ ក្រៅពីផ្លែឈើ និងបន្លែ គ្រាប់ធញ្ញជាតិ សុទ្ធតែរួមចំណែកដល់ជាតិសរសៃ។ ម្យ៉ាងទៀត ការទទួលទានអាហារក្រឡុកដ៏អស្ចារ្យ Herbalife® Active Fiber Complex៖ រលាយបញ្ចូលគ្នានៃជាតិសរសៃរលាយ និងមិនរលាយជាមួយនឹងជាតិសរសៃ 5 ក្រាមក្នុងពេលទទួលទានម្តង។ បន្ថែមកាឡូរីទៅក្នុងអាហារក្រឡុកប្រូតេអ៊ីនរបស់អ្នក ប្រសិនបើតម្រូវការកាឡូរីរបស់អ្នកខ្ពស់ អ្នកអាចបន្ថែម ផ្លែបឺរ ឬផ្លែឈើ ដើម្បីបង្កើនបរិមាណកាឡូរីនៃអាហារក្រឡុករបស់អ្នក។ បន្ថែមទឹកកកទៅក្នុងអាហារក្រឡុកប្រូតេអ៊ីនរបស់អ្នក ទឹកកកគឺជាការបន្ថែមដ៏ល្អចំពោះអាហារក្រឡុកព្រោះវាធ្វើឱ្យអាហារក្រឡុកខាប់។ ទឹកកកក៏បន្ថែមបរិមាណដល់អាហារក្រឡុករបស់អ្នក ដូច្នេះវាបង្កើនបរិមាណ មិនបន្ថែមកាឡូរី នេះគឺជាតិចនិចដ៏អស្ចារ្យសម្រាប់អ្នកដែលកំពុងតាមដានទម្ងន់របស់ពួកគេ។ ទម្លាប់ប្រចាំថ្ងៃរបស់យើងអាចមានភាពស្មុគស្មាញ ប៉ុន្តែអាហារូបត្ថម្ភដែលមានតុល្យភាពមិនស្មុគស្មាញទេ។ អាហារ និងអាហារសម្រន់នីមួយៗផ្តល់ឱកាសមួយដើម្បីកែលម្អអាហារូបត្ថម្ភរបស់អ្នក និងធានាថាអ្នកកំពុងញ៉ាំកាឡូរីដែលផ្ទុកទៅដោយសារធាតុចិញ្ចឹមដែលត្រូវការដើម្បីបំពេញបន្ថែម និងកសាងឡើងវិញ។ ហ្វមូឡាវាន់ អាចជាគ្រឹះសម្រាប់របបអាហារ និងរបៀបរស់នៅដែលមានសុខភាពល្អ ហើយជាមួយនឹងជម្រើសជាច្រើនសម្រាប់ការធ្វើអាហារក្រឡុកដ៏ឈ្ងុយឆ្ងាញ់ អ្នកគ្រប់គ្នាអាចស្វែងរកអាហារក្រឡុកដែលមានប្រសិទ្ធភាពសម្រាប់ពួកគេ។   * ការសិក្សាស្រាវជ្រាវលើអាហារក្រឡុកហ្វមូលាវាន់ របស់សហរដ្ឋអាមេរិក (ការសិក្សាមួយ) និងលើផលិតផលស្រដៀងគ្នានេះបង្ហាញថា ការទទួលទានអាហារក្រឡុកហ្វមូឡាវាន់ពីរដងក្នុងមួយថ្ងៃ គឺជាផ្នែកមួយនៃរបបអាហារដែលកាត់បន្ថយកាឡូរី ដែលជួយមនុស្សសម្រកទម្ងន់។ †ការសិក្សានៅតែត្រូវធ្វើ ដើម្បីកំណត់លទ្ធផលរំពឹងទុកនៃកម្មវិធីសម្រកទម្ងន់ ឬការថែទាំដែលប្រើផលិតផល Herbalife® ទាំងស្រុង។   អំពីក្រុមហ៊ុន Herbalife ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង90។ តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម

ក្តីស្រឡាញ់កើតចេញពីចិត្ត សុខភាពកើតចេញពីការថែទាំ ពេលវេលានៅក្បែរគ្នាបានយូរប៉ុណ្ណាអាស្រ័យទៅលើការឲ្យតម្លៃលើក្តីស្រឡាញ់ពិតប្រាកដគឺ ការផ្តល់ពេលវេលា ការយកចិត្តទុកដាក់ជាប្រចាំ និងការថែទាំសុខភាព។ ទទួលបានក្តីស្រឡាញ់បែបនេះ តើមនុស្សជាទីស្រលាញ់របស់អ្នករំភើបយ៉ាងណាទៅណ៎? តែ... ត្រូវធ្វើបែបណាទៅ? វិធីសាស្ត្រងាយៗក្នុងឱកាស Pink Day ខាងមុខនេះ អ្នកអាចជូនកាដូពិសេសមួយដល់មនុស្សជាទីស្រឡាញ់របស់អ្នក ដើម្បីបញ្ជាក់ប្រាប់ថា អ្នកពិតជាស្រឡាញ់ពួកគាត់ពិតប្រាកដ ហើយកាដូនេះនឹងជាអ្នករំលឹកអ្នក ឲ្យអ្នក បង្ហាញក្តីស្រឡាញ់ទៅពួកគាត់ជាប្រចាំ។ កាដូពិសេសនោះ អាចជាអ្វី? យើងខ្ញុំសូមណែនាំ នូវម៉ាស៊ីនវាស់ជាតិស្ករឃែរសេន (Caresens) ដែលអាចឲ្យលោកអ្នកវាស់ជាតិស្ករដោយខ្លួនឯងបាន។ ឧបករណ៍នេះ មិនមែនប្រើបានតែអ្នកដែលមានជំងឺទឹកនោមផ្អែមប៉ុណ្ណោះទេ តាយាយ ប៉ាម៉ាក់ចាស់ៗ ក៏គួរតែមានម៉ាស៊ីនប្រភេទនេះផងដែរ ដើម្បីធ្វើការតាមដានជាតិស្ករក្នុងឈាមរបស់ពួកគាត់ ហើយអាចការពារពីជំងឺទឹកនោមផ្អែមថែមទៀត។ ពេលដែលកាដូនេះទៅដល់ដៃពួកគាត់ អ្នកត្រូវឆ្លៀតពេលនៅក្បែរពួកគាត់ យកចិត្តទុកដាក់ពួកគាត់ និងថែទាំសុខភាពគាត់ជាប្រចាំ បើទោះបីជាពួកគាត់អាចប្រើម៉ាស៊ីននេះដោយខ្លួនឯងក៏ដោយ ព្រោះនេះទើបជាក្តីស្រឡាញ់ពិតប្រាកដ។ ក្រៅពីនេះ អ្នកតមអាហារដើម្បីសម្រកទម្ងន់ ក៏ត្រូវប្រុងប្រយ័ត្នលើកម្រិតជាតិស្ករក្នុងខ្លួនគាត់ដែរ ដើម្បីឲ្យការសម្រកទម្ងន់មានប្រសិទ្ធភាព និងសុវត្ថិភាព។ ក្នុងឱកាសថ្ងៃនៃក្តីស្រលាញ់នេះ ឧបករណ៍ម៉ាស៊ីនវាស់ជាតិស្ករម៉ាក CareSens ដែលជាម៉ាស៊ីនតេស្តជាតិស្ករលេខ១ មកពីប្រទេសកូរ៉េ បានរៀបចំនូវកម្មវិធីយកម៉ាស៊ីនចាស់ប្តូរម៉ាស៊ីនថ្មី ដោយលោកអ្នកគ្រាន់តែយកម៉ាស៊ីនវាស់ជាតិស្ករណាមួយក៏បាន មកប្តូរយកម៉ាស៊ីនវាស់ជាតិស្ករថ្មីម៉ាក CareSens មួយគ្រឿងដោយឥតគិតថ្លៃ។ កម្មវិធីប្តូរនេះ មាននៅតាមបណ្តាឱសថស្ថានដៃគូទូទាំងប្រទេសរបស់យើង ដូចជា៖ រាជធានីភ្នំពេញ មាននៅ ឱសថស្ថាន អរុណរស្មីថ្មី ឱសថស្ថាន សួនសុវណ្ណ ឱសថស្ថាន HELPY ឱសថស្ថាន វិសារ ឱសថស្ថាន NORM ឱសថស្ថាន ធីតាសុភ័ក្ត្រ ឱសថស្ថាន ដេវាល់ដា ឱសថស្ថាន ឌីនីកា ឱសថស្ថាន ពន្លឺបញ្ចពណ៌ ឱសថស្ថាន មេឌីធិច ឱសថស្ថាន សុភ័ក្ត្រមិត្តសែនសុខ ឱសថស្ថាន អង្គរឧត្តម ខេត្តកំពង់ចាម ឱសថស្ថាន នាគព័ន្ធ ឱសថស្ថាន អង្គរធំ ខេត្តសៀមរាប ឱសថស្ថាន ខ្មែរ អង្គរ ឱសថស្ថាន ព្រះវិហារ ឱសថស្ថាន ព្រះវិហារ ១ ឱសថស្ថាន ព្រះវិហារ ២ ខេត្តកំពត៖​ ឱសថស្ថាន រិទ្ធិយ៉ា កាន់តែអស្ចារ្យជាងនេះទៀត Caresens នឹងចាប់ឆ្នោតជូនរង្វាន់ចំនួន៥ ដែលមួយរង្វាន់ៗ គឺ ម៉ាស៊ីនតេស្តជាតិស្ករ Caresens មួយឈុត ដោយលោកអ្នកគ្រាន់តែ Like page Caresens Glucose Meter (https://www.facebook.com/caresensglucosemeter) Share Page Caresens Glucose Meter ហើយ Inbox លេខទូរស័ព្ទ និងទីតាំងរបស់លោកអ្នក នោះលោកអ្នកនឹងអាចមានឱកាសឈ្នះរង្វាន់ដោយការចាប់ឆ្នោត។ រង្វាន់នឹងប្រកាសនៅថ្ងៃទី២២ ខែកុម្ភៈ ឆ្នាំ២០២១ ក្នុង Page Caresens Glucose Meter។ ស្រឡាញ់សុខភាពអ្នក តេស្តឃែរសេន(Caresens) ជាប្រចាំ ------------------------------------------------------- ប្រសិនបើអ្នកមានទាន់ដឹងពីរបៀបប្រើប្រាស់ អាចសាកសួរតាមឱសថស្ថាន ដែលអ្នកជាវ ឬអានពីការប្រើប្រាស់នៅទីនេះ https://healthtime.tips/km/library/article/2167។ ហើយសម្រាប់ពត៌មានបន្ថែម សូមទំនាក់ទំនងមកកាន់ផេកហ្វេសប៊ុកផ្លូវការរបស់យើងខ្ញុំគឺ CareSens Glucose Meter ឬតាមតំណភ្ជាប់ https://www.facebook.com/caresensglucosemeter

អតិថិជន ឬអ្នកជំងឺទាំងអស់មានសិទ្ធិទទួលបានការរក្សាអាថ៌កំបាំងនូវរាល់ព័ត៌មានទាំងអស់ (ស្ថានភាព សុខភាព រោគវិនិច្ឆ័យ សភាពជំងឺ ការព្យាបាល និងព័ត៌មានផ្ទាល់ខ្លួនដទៃទៀត សូម្បីតែក្រោយពីគាត់ស្លាប់ក៏ដោយ។ ករណីសិក្សា៖ សុភា ជាគិលានុបដ្ឋាយិកានៅមណ្ឌលសុខភាព។ ថ្ងៃមួយមានអ្នកភូមិម្នាក់ឈ្មោះនារី បានមកមណ្ឌលសុខភាព ព្រោះនាងមានជំងឺទាក់ទងនឹងសុខភាពផ្លូវភេទ បន្ទាប់ពីបានពិនិត្យរួចរាល់ និងទទួលបានការណែនាំរួចមក នារីក៏បានជម្រាបលាអ្នកគ្រូពេទ្យសុភាទៅផ្ទះ ស្រាប់តែរំពេចនោះចិន្តាដែលជាអ្នកភូមិជាមួយនារីបានមកពិនិត្យសុខភាពនៅមណ្ឌលសុខភាពដែរ ហើយក៏បានលួចសួរអ្នកគ្រូពេទ្យសុភាអំពីអាការៈរោគរបស់នារី។ សុភា ដោយយល់ថា នារី និងចិន្តាជាអ្នកភូមិជាមួយគ្នា ក៏បានប្រាប់ពីអាការៈរោគរបស់នារី ទៅចិន្តា។ ការពិត នារីនិងចិន្តាបានឈ្លោះទាស់ទែងខ្វែងគំនិតគ្នាតាំងពីយូរមកហើយពួកគេរកឱកាសដើម្បីបង្ខូចកិត្តិយសគ្នាទៅវិញទៅមក។ បន្ទាប់ពីបានដឹងអំពីសភាពជំងឺរបស់នារី ចិន្តាបាននិយាយប្រាប់អ្នកភូមិពីម្នាក់ទៅម្នាក់ថានារី មានជំងឺស្វាយ ពីព្រោះនាងបានឆ្លងជំងឺនេះ និងជាមិនដាច់សោះដោយសារនាងធ្លាប់ធ្វើជានារីរកស៊ីផ្លូវភេទកាលពីនៅជាយុវតីដោយសារបញ្ហាគ្រួសាររបស់នាងក្រីក្រពេក។ សំណួរ៖ - តើនៅក្នុងរឿងនេះ នារីបានឆ្លើយតបវិញ (មានប្រតិកម្ម) យ៉ាងណាខ្លះ? តើនាងទទួលនូវការខូចចិត្តដែរឬទេ? - តើនារីមានអារម្មណ៍ចំពោះអ្នកគ្រូពេទ្យសុភាយ៉ាងណាដែរ? - បើអ្នកគ្រូសុភាបានដឹងរឿងរ៉ាវនេះកើតឡើង តើគាត់មានអារម្មណ៍យ៉ាងដូចម្តេច? - ក្នុងនាមជាគ្រូពេទ្យ តើយើងគួរធ្វើដូចជាអ្នកគ្រូពេទ្យសុភាដែរឬទេ? តើការអនុវត្តចំពោះសិទ្ធិក្នុងការរក្សាភាពអាថ៌កំបាំងមានអ្វីខ្លះ? • អ្នកគ្រប់គ្រងមូលដ្ឋានសុខាភិបាល និងអ្នកទទួលខុសត្រូវត្រូវធានាថារាល់ឯកសារ បញ្ជី និងទិន្នន័យរបស់អតិថិជនត្រូវរក្សាទុកឲ្យបានត្រឹមត្រូវ និងនៅកន្លែងមានសុវត្ថិភាព • មូលដ្ឋានសុខាភិបាលត្រូវមានទម្រង់បែបបទការងារច្បាស់លាស់សម្រាប់អនុញ្ញាតឲ្យបុគ្គលិកសុខាភិបាលក្នុងការចូលទៅប្រើប្រាស់នូវរាល់ឯកសារបញ្ជី និងទិន្នន័យរបស់អតិថិជន • រាល់ឯកសារ ឬបញ្ជីរបស់អតិថិជនអាចដកយកបានដោយបុគ្គលិកសុខាភិបាលដែលបានចាត់តាំងត្រឹមត្រូវ • អ្នកផ្តល់សេវាត្រូវប្រើប្រាស់បណ្តាញទំនាក់ទំនងដែលធានានូវការសម្ងាត់ និងដោយមានការយល់ព្រមពីអតិថិជន • អ្នកគ្រប់គ្រងសុខាភិបាល និងអ្នកទទួលខុសត្រូវត្រូវធានាថារាល់ព័ត៌មានសម្ងាត់ទាំងអស់អាចបង្ហាញឲ្យដឹង លុះត្រាតែអតិថិជនយល់ព្រម • ប្រសិនបើមានការស្នើសុំព័ត៌មាន សម្រាប់ការងារទាក់ទងនឹងច្បាប់ការស្នើសុំនោះត្រូវធ្វើតាមរយៈលិខិតផ្លូវការ • ព័ត៌មានសម្ងាត់ស្តីពីសុខភាពរបស់អតិថិជនអាចប្រើប្រាស់ ឬបង្ហាញឲ្យដឹង (ឈ្មោះ ទីកន្លែង) ដល់អង្គភាពរដ្ឋ ឬឯកជនដែលទទួលស្គាល់ដោយច្បាប់ ឬធម្មនុញ្ញ សម្រាប់តែវិធានការនានាក្នុងកិច្ចការទប់ស្កាត់ ភយន្តរាយ • អ្នកគ្រប់គ្រងសុខាភិបាល និងអ្នកទទួលខុសត្រូវ ត្រូវធានាថារាល់ទិន្នន័យសម្ងាត់ទាំងអស់របស់អតិថិជនត្រូវបានការពារ  និងរក្សាទុកបានត្រឹមត្រូវ • សារធាតុរបស់មនុស្សដូចជា ឈាម ជាលិកា និងសរីរាង្គដទៃទៀតដែលជាប្រភពនៃព័ត៌មានរបស់អតិថិជន ត្រូវកម្ទេចចោលឲ្យបានត្រឹមត្រូវ ឬរក្សាទុកនៅកន្លែងដែលមានសុវត្ថិភាព • អ្នកផ្តល់សេវាត្រូវប្រាប់អតិថិជនឲ្យដឹងពីរបៀប និងពេលវេលាដែលអាចដកយករាល់ទិន្នន័យនៅពេលដែលត្រូវការ • អ្នកផ្តល់សេវាត្រូវដឹងពីគោលបំណងនៃការប្រើទិន្នន័យរបស់អតិថិជន។ តើការទទួលខុសត្រូវ ចំពោះសិទ្ធិក្នុងការរក្សាភាពអាថ៌កំបំាងមានអ្វីខ្លះ? • អតិថិជនទទួលខុសត្រូវក្នុងការរក្សាទុកព័ត៌មានសុខាភិបាលដែលបានប្រគល់។ បកស្រាយដោយ៖ វេជ្ជបណ្ឌិត ឡាក់ ឡេង ឯកទេសសុខភាពសាធារណៈអនុប្រធានមជ្ឈមណ្ឌលជាតិលើកកម្ពស់សុខភាព អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៧៩ ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

មនុស្សគ្រប់រូបកើតមកមានសេរីភាព ភាពស្មើគ្នា និងមានសិទ្ធិក្នុងការទទួលសេវាថែទាំព្យាបាលដោយមិនមានការប្រកាន់អំពីពូជសាសន៍ សញ្ជាតិ ពណ៌សម្បុរ សាសនា ភាសា អាយុ ភេទ ស្ថានភាពគ្រួសារ ស្ថានភាពសេដ្ឋកិច្ចស្ថានភាពសង្គម និងនិន្នាការនយោបាយឡើយ។ ជាក់ស្តែង សិទ្ធិទីមួយរបស់អ្នកជំងឺ ឬអតិថិជនក្នុងចំណោមសិទ្ធិទាំង៧នោះគឺ សិទ្ធិស្មើភាព និងសិទ្ធិមិនរើសអើងគ្រប់បែបយ៉ាង ដែលការអនុវត្តជារួម មានដូចជា៖ • ការផ្តល់សេវាប្រកបដោយគុណភាពទៅតាមស្តង់ដាជាតិដែលបានកំណត់ដល់អតិថិជន  ឬអ្នកជំងឺទាំងអស់ដោយមិនប្រកាន់ពូជសាសន៍ សញ្ជាតិពណ៌សម្បុរ សាសនា ភាសា អាយុ ភេទ ស្ថានភាពគ្រួសារ ស្ថានភាពសេដ្ឋកិច្ចស្ថានភាពសង្គម និងនិន្នាការនយោបាយ។ • សិទ្ធិអ្នកជំងឺស្តីពីភាពស្មើគ្នា និងសិទ្ធិមិនរើសអើងមានចែងក្នុងក្រសីលធម៌វិជ្ជាជីវៈវេជ្ជសាស្រ្ត    - អ្នកផ្តល់សេវាសុខភាពមានកាតព្វកិច្ចត្រូវគោរពសិទ្ធិនេះពេញមួយអាជីពរបស់ខ្លួន    - ក្រសួងសុខាភិបាល និងមន្រី្តទទួលបន្ទុកមូលដ្ឋានសុខាភិបាល ត្រូវធ្វើឲ្យអ្នកផ្តល់សេវាសុខភាពបានយល់ដឹងនិងអនុវត្តក្រមសីលធម៌វិជ្ជាជីវៈវេជ្ជសាស្រ្ត។ • ស្របតាមគោលនយោបាយវិមជ្ឈការ ក្រុមប្រឹក្សាឃុំសង្កាត់ត្រូវតែមានតួនាទីក្នុងការពន្យល់ឲ្យបានច្បាស់លាស់អំពីសិទ្ធិអតិថិជនដល់៖    - ប្រជាជនក្រីក្រ    - ជនងាយរងគ្រោះ    - និងផ្តល់ការគាំទ្រនៅពេលណាដែលពួកគាត់ត្រូវការ។ • ការផ្សព្វផ្សាយព័ត៌មានបន្ថែមអាចធ្វើឡើងក្រោមរូបភាព៖    - ការទំនាក់ទំនងអន្តរបុគ្គល    - យុទ្ធនាការអប់រំ    - សម្ភារបោះពុម្ព (ចែកខិត្តប័ណ្ណ ឬផ្ទាំងរូបភាព)    - ប្រព័ន្ធផ្សព្វផ្សាយអេឡិចត្រូនិច (វិទ្យុ ទូរទស្សន៍ និងវិបសាយ)។ • អប់រំដល់គ្រូបង្រៀនអាចមានតួនាទីសំខាន់ក្នុងការផ្សព្វផ្សាយសិទ្ធិអតិថិជនទៅដល់សិស្សានុសិស្ស។ តើការទទួលខុសត្រូវចំពោះសិទ្ធិស្មើភាព  និងសិទ្ធិមិនរើសអើងគ្រប់បែបយ៉ាងមានអ្វីខ្លះ? ការទទួលខុសត្រូវអ្នកជំងឺត្រូវតែសកម្មខ្លួនឯងក្នុងការស្វែងយល់អំពីសិទ្ធិរបស់ខ្លួន ដែលគាត់អាចរកជំនួយបានតាមរយ៖ • គណៈកម្មការគ្រប់គ្រងមណ្ឌលសុខភាព ឬមន្ទីរពេទ្យ • ក្រុមទ្រទ្រង់សុខភាពភូមិ • បុគ្គលិកសុខភាព និងក្រុមប្រឹក្សាឃុំ/សង្កាត់។ បកស្រាយដោយ៖ វេជ្ជបណ្ឌិត ឡាក់ ឡេង នាយករងនៃមជ្ឈមណ្ឌលជាតិលើកកម្ពស់សុខភាព ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

បុរសមានមិនតិចនាក់នោះទេនៅលើផែនដីនេះ ប៉ុន្តែមិនមានច្រើននោះទេដែលមានគុណសម្បត្តិដូចនឹងអ្វីដែលមិត្តនារីភាគច្រើនរំពឹងចង់បាន...តើអ្នកដឹងទេថាតើមានអ្វីខ្លះ​ដែលជាមន្តស្នេហ៍ទាក់ចិត្តមិត្តនារី? តោះ! អានបន្តទៀត ដើម្បីសិក្សាពីលក្ខណៈសម្បត្តិ៥យ៉ាងដែលត្រូវបានចាត់ទុកថាជាចំណុចដែលស្រ្តីភាគច្រើនស្រលាញ់ពេញចិត្ត... •គេជាមនុស្សស្មោះត្រង់ និងស្មោះស្ម័គ្រ ៖ មាននារីជាច្រើនបានធ្លាប់បានជួបប្រទះនឹងបុរសដែលបានក្លែងបន្លំជាសុភាពបុរស ដែលជាមេរៀនមួយធ្វើឲ្យនាងពិបាកទទួលយក និងជឿទុកចិត្តបុរសដែលនាងជួបក្រោយៗមកទៀត។ ដូច្នេះហើយ ប្រសិនបើអ្នកធ្លាប់ជាមនុស្សប្រភេទនេះមែន ត្រូវឆាប់កែខ្លួន ហើយប្រាប់នាងដោយស្មោះថា អ្នកបានកែខ្លួនហើយ ហើយត្រូវចៀសវាងដាច់ខាតនូវការបង្កើតប្រវត្តិសាស្រ្តច្រំដែល ឬរំលឹកអំពីបទពិសោធន៍កន្លងមកជាមួយនឹងគូស្នេហ៍ចាស់។   •គេជាមនុស្សដែលកំប្លែង ៖ នារីជាច្រើនចូលចិត្តបុរសដែលចេះនិយាយលាយឡំជាមួយនឹងពាក្យពេចន៍លេបខាយ និងកំប្លែងដែលអាចផ្តល់នូវភាពរីករាយក៏ដូចជាស្នាមញញឹមដល់រូបគេស្ទើរតែគ្រប់ពេលវេលា។ ហេតុនេះហើយ កុំធ្វើខ្លួនជាមនុស្សសោះកក្រោះ ដែលមិនចេះមាត់អីសោះ តែក៏កុំធ្វើជាមនុស្សដែលនិយាយច្រើនហួសដែរ។ •គេជាមនុស្សមានមហិច្ឆតា ៖ បុរសដែលមានមន្តស្នេហ៍ទាក់ទាញខ្លាំង ជាបុរសដែលមានគោលដៅ មានមហិច្ឆតា និងផែនការនៃជីវិតច្បាស់លាស់។ វាប្រៀបបាននឹងទំនុកចិត្តមួយដែលអាចឲ្យនារីមើលឃើញថា អ្នកជាមនុស្សគួរឲ្យពឹងពាក់បាន និងមានកម្លាំងចិត្តក្នុងការដើរលើផ្លូវដែលខ្លួនបានកំណត់ទុក។ នារីមិនចូលចិត្តបុរសដែលមួយថ្ងៃៗគិតតែពីអង្គុយសំកុក មិនដឹងថាអនាគតទៅ ខ្លួនធ្វើអ្វីនោះឡើយ។ •គេមានអនាម័យខ្លួនប្រាណល្អ ៖ ថ្វីត្បិតថារូបសម្បតិ្តមិនមែនជាចំណុចសំខាន់ចំពោះបុរសក៏ដោយ តែក៏អ្នកមិនអាចបណ្តោយខ្លួនឲ្យសាមញ្ញពេកនោះដែរ។ មិនចាំបាច់ដល់ថ្នាក់រៀបចំខ្លួនឲ្យដូចតារាល្បីអីនោះទេ គ្រាន់តែមានអនាម័យល្អជាប្រចាំ ដោយការប្រើប្រាស់សាប៊ូដុសខ្លួនដែលមានក្លិនតិចៗ ឬប្រើទឹកអប់ដែលមានក្លិនក្រអូបប្រហើរគួរឲ្យទាក់ទាញ ស្លៀកសំលៀកបំពាក់ដែលមានរបៀប (មិនឡូយឆាយពេក មិនចាស់គំរឹលពេក) រៀបម៉ូតសក់ឲ្យមានសណ្តាប់ធ្នាប់ សម្អាតក្រចកដៃក្រចកជើងជាដើម។   •គេជាមនុស្សមើលទៅមានអំណាច និងចេះការពារ ៖ វាការជាការពិតដែលថានារីចូលចិត្តបង្ហាញភាពឯករាជ្យរបស់ខ្លួន ប៉ុន្តែពួកគេពិតជាចូលចិត្តបុរសដែលពោរពេញដោយអំណាច និងភាពជាម្ចាស់ការលើខ្លួនឯងដែលអាចធ្វើឲ្យគេអាចពឹងផ្អែកបាន។ ក្នុងកាលៈទេសៈដែលមានរឿងហេតុ ឬគ្រោះថ្នាក់អ្វីកើតឡើង ត្រូវចេះការពារនាង ធ្វើយ៉ាងណាបំបាត់នូវអារម្មណ៍តក់ស្លុត និងព្រួយបារម្ភពីក្នុងចិត្តរបស់នាងឲ្យបាន។  ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ពេលចំណងស្នេហាផ្អែមល្ហែមជាពេលដ៏មានន័យបំផុតសម្រាប់អ្នកមានស្នេហា ប៉ុន្តែពេលដែលមានបញ្ហាឈ្លោះគ្នាវិញតើអ្នកមានអារម្មណ៍បែបណា?  សុភាពបុរសទាំងអស់ពិតជាប្រឈមមុខច្រើនក្នុងការរករឿងទាំងរឿងតូចរឿងធំពីសមណាក់មិត្តស្រីរបស់ខ្លួនហើយជួនកាលរឿងតូចក៏ក្លាយទៅជារឿងធំនៅពេលដែរអ្នកមើលរំលង និងខកខានការរកវិធីផ្សះផ្សា។មិត្តនារីតែងតែយកចិត្តទុកដាក់និងឲ្យតម្លៃលើរបស់តូចតាចដែលបង្ហាញពួកគេអំពីសារៈសំខាន់និងតម្លែរបស់គេចំពោះអ្នក។  តើអ្នកមិនដឹងគួរធ្វើយ៉ាងណាមែនទេ?​កុំបារម្ភ…..ហេលស៍ថាម នឹងជួយដោះស្រាយកង្វល់របស់អ្នកជាមួយនិងវិធីងាយៗ៨យ៉ាងខាងក្រោម។ ១ បន្តផ្ញើសារ៖ មនុស្សស្រីមិនចង់លើកទូរស័ព្ទឬឆ្លើយតបសារមកកាន់អ្នកឡើយនៅពេលដែលគេខឹងអ្នក ប៉ុន្តែគេនៅតែរងចាំមើលសាររបស់អ្នក។ ប្រសិនបើមិនមានទេ ​កំហឹងនឹងកាន់តែធ្ងន់ធ្ងរឡើងមិនខាន។ បើអ្នកជាអ្នកខុស អ្នកត្រូវតែជាអ្នកផ្ញើរសារដោយសរសេរពាក្យថា សុំទោស ដោយបន្ថែមនូវពាក្យរ៉ូមែនទិក ផ្អែមល្ហែមនិងបញ្ជោរនាងដើម្បីឲ្យនាងបានសប្បាយចិត្ត។ មិនត្រូវអង្គុយចាំសាររបស់នាងឡើយព្រោះនាងកំពុងរងចាំអ្នក….. ២ បង្ហាញខ្លួនជាមួយកាដូ៖ កាដូនិងភ្ញាក់ផ្អើលជាមិត្តល្អបំផុតរបស់នារីៗ អ្នកអាចទៅចាំមុខផ្ទះ មុខរបងសាលារៀន ឬកន្លែងធ្វើការរបស់នាងជាមួយនិងកាដូផ្សេងៗ(ជាបាច់ផ្កាតុក្កត្តា…..) និងកាត សុំទោសដែលបង្ហាញពីទឹកចិត្តរបស់អ្នកនោះនាងនិងទុបចិត្តមិនបានហើយនឹងអត់ទោសឲ្យអ្នកមិនខាន។  ៣ កាតសុំទោស៖ មនុស្សចូលចិត្តពេលមនុស្សជាទីស្រលាញ់របស់ខ្លួនចេះបង្ហាញពីទឹកចិត្តរបស់គេដោយស្មោះនិងប្រកបដោយភាពឆ្នៃប្រឌិត។ ប្រសិនបើអ្នកទាំង២ជាគូរស្វាមីភរិយាឬស្នាក់នៅជាមួយគ្នា អ្នកអាចដាក់កាតនោះនៅក្រោមខ្នើយ នៅលើអេក្រង់កុំព្យូទ័រអេក្រង់ទូរស័ព្ទឬទ្វារទូទឹកកកជាដើម។នាងប្រាកដជាយល់ថាអ្នកស្រលាញ់នាងជាមិនខាន។  ៤ ធ្វើកាយវិការប្លែកៗ៖ ប្រសិនបើគេងងក់មិនព្រមនិយាយរកអ្នកពេលនៅក្បែរគ្នានោះ ចូលព្យាយាមរកនិងរឿងប្លែកៗឬកំប្លែងស្ងួតមកនិយាយដើម្បីផ្លាស់ប្ដួរបរិយាកាស។  ៥ ចំណាយពេលខ្លះដើម្បីប៉ះប៉ូវ៖  អ្នកគួរបង្កើតគំរោងមួយដោយរួមបញ្ចូលការទទួលទានបានអាហារនៅកន្លែងដែលនាងចូលចិត្ត មើលកុន ការប្រគំុតន្រ្តី និងសកម្មភាពផ្សេងៗទៀតដោយផ្ដោតលើចំនូលចិត្តរបស់នាង។ ហើយផ្ដល់ឲ្យនាងនូវអាទិភាពខ្ពស់ជាងរឿងផ្សេងៗទៀត។  ៦ ​និយាយបញ្ជោរ៖  ការបញ្ជោរ ទការសរសើរជាអ្វីដែលមិត្តនារីចង់លឺជាងគេ។ ព្យាយាមលើសសរសើរអំពីគុណសម្បត្តិរបស់នាងមិនថារូបកាយឬកិច្ចការងារដែលនាងបានធ្វើហើយបន្ថែមនូវអារម្មណ៏អំណរគុណសម្បត្តិរបស់អ្នកចំពោះវត្តមានរបស់នាងក្នុងបេះដូងរបស់អ្នករួមជាមួយ​នឹងទឹកចិត្តដ៏ជ្រាលជ្រៅរបស់អ្នកផងដែរ។ ការនិយាយទាំងអស់នេះនឹងធ្វើឲ្យគេបែបជាអៀន ហើយភ្លេចពីរឿងងងក់ជាមិនខាន។  ៧ ធ្វើឲ្យនាងរំភើបខ្លាំង៖ ប្រសិនបើនាងពិតជាមនុស្សសំខាន់ក្នុងជីវិត្តរបស់អ្នក ហើយជម្លោះនោះមានលក្ខណៈធ្ងន់ធ្ងរនោះ អ្នកគួរតែធ្វើកិច្ចការខ្លះដែលផ្ដល់ឲ្យនាងនូវភាពភ្ញាក់ផ្អើល។ វាអាចជាការសុំនាងរៀបការពិធីជប់លៀងមួយសម្រាប់នាង កាដូផ្ទាល់ដៃ ដែលប្រើប្រាស់ពេលវេលានិងការតាំងចិត្តមុតមាំក្នុងការធ្វើ ឬដំណើរកម្សាន្តទៅកាន់កន្លែងណាមួយតែពីរនាក់ក៏អាចជួុយសម្រួលកំហឺងឬអាការៈអន់ចិត្តរបស់នាងដែរ។  ៨ ប្រើកែវភ្នែកបរិសុទ្ធ៖ ទឹកចិត្តខាងក្នុងរបស់អ្នកអាចនិងបង្ហាញបានតាមរយៈកែវភ្នែកដ៏បរិសុទ្ធរបស់អ្នក ហេតុនេះហើយប្រើកែវភ្នែកនោះសម្លឹងមើលទៅកាន់នាង នោះនាងនឹងញញឹម ឬសើចមិនខានហើយកែវភ្នែកបែបនោះពិតជាមានភាពទាក់ទាញមែនទែន។ ©2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល  ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ប្រភពនៃជំងឺ៖ មិនដឹង   វ័យដែលកើតជំងឺនេះ៖  យុវវ័យ។ ការសិក្សាថ្មីៗនេះបានបង្ហាញថាជំងឺនេះអាចប៉ះពាល់មនុស្សដល់អាយុ២៥ឆ្នាំ។   កត្តាហានិភ័យ៖ អាយុគឺជា កត្តាហានិភ័យដ៏ចម្បងមួយ។ កត្តាផ្សេងៗទៀតមានដូចជា៖ ·  ការសិក្សាក្នុងថ្នាក់តែមួយដែលមានប្រុស និងស្រីរួមគ្នា ·  ទូរស័ព្ទដៃ ·  ភាពយន្ត ·  អ៊ីនធើណែត   រោគសាស្ត្រ៖ ធ្វើឲ្យប្រព័ន្ធសរីរាង្គជាច្រើនមានបញ្ហា។   លក្ខណៈគ្លីនិក៖ រោគសញ្ញា 1. លក្ខណៈទូទៅដែលច្រើនកើតមានលើជំងឺនេះ គឺការឈឺចាប់នៅក្នុងបេះដូងដែលជារឿយៗត្រូវបានពណ៌នាដោយអ្នកជំងឺថាជាការឈឺចាប់តែ    ធ្វើឲ្យមានអារម្មណ៍ល្អ (Sweet Pain)។ 2. ការបាត់បង់ចំណង់អាហារ 3. ភាពមិនងងុយគេង 4. យល់សប្តិទាំងថ្ងៃ 5. បាត់បង់ចំណូលចិត្តក្នុងការងារ។ អ្នកជំងឺអាចមានគ្រោះថ្នាក់ក្នុងការវិវឌ្ឍទៅជាករីនិពន្ធ។   សញ្ញាដែលគ្រូពេទ្យរកឃើញ៖ 1. ប្រស្រីភ្នែករីកធំ (ពេលស្វែងរកអ្នកជាទីស្រឡាញ់របស់ពួកគេ) 2. ឡើងក្រហមនៅលើថ្ពាល់ទាំងសងខាង (ជាទូទៅ ច្រើនកើតមានចំពោះស្រ្តី) 3. ពេលស្ដាប់បេះដូង ៖ សម្លេងទីមួយនៃបេះដូងលឺ LOVE ជំនួសឲ្យការលឺ  LUB 4. ញញឹមដាក់ខ្លួនឯង/ញញឹមម្នាក់ឯង។   ការបង្កជំងឺ និងសញ្ញាគ្លីនិក៖ ជំងឺមានការប្រែប្រួលបន្តិចម្ដងៗក្នុងដំណាក់កាលចាប់ផ្តើមដំបូង។ អ្នកជំងឺមានរោគសញ្ញាមិនច្បាស់លាស់ដូចជាការបាត់បង់ចំណង់អាហារ លែងងងុយគេងជាដើម។ ក្រោយមកទៀត មានការវិវឌ្ឍជាបញ្ហាទៅលើប្រព័ន្ធសរីរាង្គជាច្រើនបានកើតឡើងជាមួយនឹងរោគសញ្ញាផ្សេងៗគ្នា។ រោគសញ្ញាមានសភាពកាន់តែអាក្រក់នៅពេលដែលអ្នកជំងឺបានឃើញអ្នកជាទីស្រឡាញ់របស់ពួកគេ។  ការមើលឃើញនៃសេចក្ដីស្រឡាញ់របស់អ្នកជំងឺធ្វើឲ្យមានការកន្ត្រាក់នៃ Radial fibers នៃសាច់ដុំ Iris ដែលនាំឲ្យមានការរីកនៃប្រស្រីភ្នែក។ ភ្នែករបស់អ្នកជំងឺបើកធំៗ ហើយមិនព្រិចភ្នែកទេ។ សាច់ដុំ Zygomaticus major កន្ត្រាក់ដោយស្វ័យប្រវត្តិធ្វើឲ្យអ្នកជំងឺញញឹមដោយមិនដឹងខ្លួន។   នៅពេលដែលអ្នកជំងឺចូលទៅជិតអ្នកជាទីស្រឡាញ់របស់ពួកគេ Action Potential ត្រូវបានបង្កើតឡើងក្នុងចង្វាក់មួយដែលមិនទៀងទាត់នៅក្នុង បេះដូង ហើយបាត់បង់ចង្វាក់បេះដូងធម្មតា។ ការពិនិត្យមើលតាមមីក្រូទស្សន៍ទៅលើសាច់ដុំបេះដូងបានបង្ហាញថាមានវត្តមាននៃជាលិកា Pacemaker មិនប្រក្រតីនៅកន្លែងមួយដែលគេហៅថា Romantic Spots ដែលវាទទួលខុសត្រូវចំពោះការបាត់បង់ចង្វាក់បេះដូង។ អ្នកជំងឺមានអារម្មណ៍តប់ប្រមល់ ហើយក្រោយមកមានការឈឺចាប់ក្នុងបេះដូង។ វាគឺជាលក្ខណៈនៃការឈឺចាប់មួយប្រភេទដែលអ្នកជំងឺចង់បាន កាន់តែច្រើនឡើងៗ។ នៅដំណាក់កាលធ្ងន់ធ្ងរ វាអាចប៉ះពាល់ដល់ខួរក្បាល។ ប្រសិនបើអ្នកមិនត្រូវបានព្យាបាលត្រឹមត្រូវនោះទេស្ថានភាពអាច នឹងកាន់តែអាក្រក់។    ការព្យាបាល៖ ការព្យាបាលដោយការរៀបអាពាហ៍ពិពាហ៍ (Marriage Therapy) គឺអាចមានប្រសិទ្ធភាពជាសះស្បើយរហូតដល់ ១០០%។ ជាទូទៅ វាមានប្រសិទ្ធភាពតែចំពោះអ្នកជំងឺដែលមានអាយុចាប់ពី២២ឆ្នាំឡើងទៅ។ ប្រសិនបើព្យាបាលមុនអាយុនេះ វាអាចមានផលប៉ះពាល់ជាច្រើន។   វិធានការក្នុងការបង្ការជំងឺ៖ ការខិតខំប្រឹងប្រែងជាច្រើនត្រូវបានធ្វើឡើង ដើម្បីទប់ស្កាត់ជំងឺនេះ។ អង្គការស្នេហាពិភពលោក (The World Love Organization ឬWLO) គណៈកម្មាធិការអ្នកជំនាញបានប្រកាសថាជំងឺនេះមិនអាចចៀសវាងបានទេក្នុងក្រុមអាយុដែលបានរៀបរាប់ខាងលើ ហើយការបង្ការ គឺមិនអាចធ្វើទៅរួចនោះទេ។ ការព្យាយាមរារាំងភាពធម្មតានៃជំងឺនេះអាចធ្វើឲ្យសភាពជំងឺកាន់តែធ្ងន់ធ្ងរឡើង។ ដូច្នេះវិធានការក្នុងការជួយអន្តរាគមន៍ក្នុងជំងឺនេះត្រូវបានហាមឃាត់យ៉ាងដាច់ខាត។   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Top