Menu

Articles

New Finding: Green tea has ability to fight disease

ការនិយមពិសាតែបៃតងសម្រាប់ប្រជាជនលើពិភពលោក មិនមែនកើតឡើងដោយគ្មានមូលហេតុ ឬគ្រាន់តែដោយសាររសជាតិ និងក្លិនរបស់វានោះឡើយ។  តម្លៃរបស់តែបៃតងគឺផ្តើមចេញតាំងពីសារធាតុសំខាន់ៗប្រកបដោយគុណប្រយោជន៍ដ៏លើសលុប ក៏ដូចជាសកម្មភាពជាច្រើនដែលអំណោយផលដល់សុខភាព និងការរស់នៅ ហេតុដូចនេះហើយ តែបៃតងមិនដែលត្រូវបានអ្នកស្រាវជ្រាវបោះបង់ចោលឡើយក្នុងកិច្ចការស្រាវជ្រាវជាបន្តបន្ទាប់។​  ការសិក្សាថ្មីៗមួយបានធ្វើឡើងដើម្បីបញ្ជាក់ពីសមត្ថភាពរបស់តែបៃតងក្នុងការគ្រប់គ្រងការឆ្លងនៃវីរុសដែលកំពុងរាតត្បាតទូទាំងសកលលោកគឺ Coronavirus ដោយរំពឹងទុកថានឹងមានការបង្ហាញនូវលទ្ធផលជាវិជ្ជមានតាមរយៈសកម្មភាពក្នុងការប្រឆាំងនឹងវីរុសរបស់វា។ រីឯវិទ្យាស្ថានស្រាវជ្រាវអំពីតែ ឬ UPASI ក៏បានធ្វើការស្រាវជ្រាវពីលទ្ធភាពក្នុងការប្រឆាំងនឹងវីរុសរបស់ Theaflavins-3 និង Catechin ដែលជាសារធាតុសម្បូរនៅក្នុងតែបៃតងដើម្បីគ្រប់គ្រង Coronavirus ដូចគ្នាផងដែរ។ យោងតាមសិក្សាមួយទៀតពីប្រទេសជប៉ុន ក្រោមកិច្ចសហការរវាង ITO EN និងសាស្ត្រាចារ្យ Hiroshi Yamada បានបង្ហាញថា Catechin ដែលសម្បូរក្នុងតែបៃតង មានសកម្មភាពប្រឆាំងនឹងវីរុសផ្តាសាយ Influenza តាមរយៈកាប្រើប្រាស់វាក្នុងទម្រង់ជាទឹកសម្រាប់ខ្ពុលមាត់ និងសម្រាប់ទទួលទាន។ ការស្រាវជ្រាវក៏បន្តលើសារធាតុម្យ៉ាងទៀតដែលសម្បូរផងដែរក្នុងតែបៃតងគឺ Strictinin ដោយវាត្រូវបានរំពឹងទុកថាមានសកម្មភាពប្រឆាំងនឺងប្រតិកម្មអាល្លែក្ស៊ី។ កាន់តែគួរឲ្យភ្ញាក់ផ្អើល ក្រុមអ្នកស្រាវជ្រាវដដែលក៏បានទទួលស្គាល់ផងដែរថា ការទទួលទានតែបៃតងជាប្រចាំ អាចការពារការកើតមាននូវជំងឺភ្លេចភ្លាំងរបស់មនុស្សចាស់បានទៀតផង។  សរុបមកវិញ ការសិក្សាពីប្រភពផ្សេងគ្នាជាច្រើនកន្លងមកនេះបានធ្វើការសរុបពីអំណោយផលវិជ្ជមានយ៉ាងសន្ធឹកចំពោះសុខភាពរបស់តែបៃតងដែលសំខាន់ៗរួមមានដូចជា ប្រឆាំងនឹងកោសិកាមហារីក វីរុសផ្តាសាយ ជំនួយសុខភាពបេះដូង​ បន្ថយហានិភ័យនៃជំងឺទឹកនោមផ្អែម ជំងឺធាត់ ជំងឺស្ត្រូក ជំនួយមុខងារខួរក្បាល និងការចងចាំ ព្រមទាំងអត្ថប្រយោជន៍ជាច្រើនទៀតដូចជា ការពារបញ្ហារាក់ស៊ីធ្មេញ ស្ត្រេស អាការៈអស់កម្លាំងរ៉ាំរ៉ៃ បញ្ហាជំងឺសើស្បែក និងសម្រួលអាការៈឈឺសន្លាក់។ ទោះយ៉ាងណាក៏ដោយ បើយោងតាម ITO EN បរិមាណនៃសារធាតុសំខាន់ៗនៅក្នុងតែបៃតងមួយចំនួន អាចមានការប្រែប្រួលទៅតាមប្រភេទនៃស្លឹកតែ ការចម្រាញ់ដោយកម្តៅ និងពេលវេលាចម្រាញ់ផងដែរ ដូចនេះការជ្រើសរើសផលិតផលតែបៃតង គួរត្រូវបានធ្វើឡើងឲ្យបានត្រឹមត្រូវ ដើម្បីទទួលបានអត្ថប្រយោជន៍ពេញលេញ និងចៀសផុតពីផលិតផលដែលអាចមានផ្ទុក fluoride ក្នុងបរិមាណលើសលុប។​ សម្រាប់ Oi-Ocha ដែលត្រូវបានស្គាល់ថាជាម៉ាកផលិតផលតែបៃតងរបស់ ITO EN ចំណាត់ថ្នាក់លេខ១នៅប្រទេសជប៉ុនជាង ៣០ឆ្នាំមកហើយនោះ បច្ចុប្បន្នត្រូវទទួលការគាំទ្រ និងទទួលស្គាល់ពីមជ្ឈដ្ឋានអ្នកប្រើប្រាស់ទូទាំងពិភពលោក ដោយសារការសម្រិតសម្រាងនៅគ្រប់ដំណាក់កាលនៃការផលិត ចាប់ផ្តើមតាំងពីការជ្រើសរើសស្លឹកតែ បច្ចេកទេសប្រមូលផល បច្ចេកទេសរំលីង រហូតដល់ការគ្រប់គ្រងគុណភាពក្រោមប្រព័ន្ធស្តង់ដាអន្តរជាតិ ISO9001 ដើម្បីធានាបាននូវសុវត្ថិភាព​ និងគុណភាពក្នុងការប្រើប្រាស់ចំពោះមនុស្សទូទៅរួមទាំងក្មេង និងមនុស្សចាស់។  ស្វែងយល់បន្ថែមអំពី៖ ITO EN Daishin ស្វែងរក Oi-Ocha៖ Online store Store

Health Tips
For People Who Menstruate: Transgender, Non-binary individuals and Menstruation

Whenever we talk about people who menstruate, we only know of women who looks traditionally female. Though this instinct isn't malicious or ill-intent, it is a sign that there is lack of exposure surrounding the issue of non-binary female or queer menstruation. This lack of exposure/care and the casual discrimination of transgender and non-binary individuals who menstruate negatively impact their livelihood in ways that interfere with their menstrual hygiene, mental health, and comfort in their own bodies. The exposure that we talked of can refer to lack of gender-neutral products in the market and social stigma surrounding the act of menstruation itself, especially in country that lacks LGBTQ+ exposure and education like Cambodia. Due to the lack of local resources regarding the topic at hand, we have enlisted the help of people in the LGBTQ community. For this blog, we interviewed Bee Mike, a bassist for a band based in Cambodia. He will be providing us with insights into what it means for a transgender man to menstruate in Cambodia. Difficulties menstruating while being trans and non-binary "It's hard to pinpoint exactly when I knew that I was transgender, but I had always like dressing in boyish clothes since I was young," said Mike. When asked about the difficulties that he faced growing up transgender while also menstruating, he said that he was always extremely shy whenever he has to talk about menstruating. "I always had my mom go and buy me menstrual pads, and I never said anything to anyone either whenever I had my period. I don't really go and discuss or tell people about my monthly cycle." Mike insisted that he doesn't have any problems with knowing how menstrual hygiene works, since he was used to maintaining menstrual hygiene even before he came out as transgender. However, Bee said that this is only his experience and cannot speak for his whole community; although, he did freak out a little when he had his first period, not knowing that it was just a natural occurrence. He expressed with exasperation of the constant questioning of people around him regarding his appearance and gender ever since he was a young child, "I got so used to the question asking me whether I'm a boy or a girl. Even a motorcycle driver, who was a complete stranger, asked me that!" "At first, these types of questions brought me to the brink of depression,” he said. “One, I felt that these questions were extremely discriminatory and I got them everywhere I went. They do not understand, even family members like my aunt kept asking me these questions."   Research shows that trans people face self-shame and social inequity and inadequacy when dealing with menstruation. For one thing, transmen who have assigned female sex, who possess masculine identities or have aligned themselves with traditionally masculine tendencies, might view menstruation as making them effeminate, or less of a "man". Therefore, this rejection of their menstruation may induce more discomfort with the act of menstruating itself. [1] This rejection is not the fault of transgender persons, but serves as evidence of the overt stigmatization of menstruation as being dirty and therefore, reduces your worth- a myth that has been around since the beginning of time and is continually perpetuated by patriarchal societies. Being plagued with existing social barriers and discrimination, trans people have an even harder time navigating reproductive and sexual health issues. A 2011 survey found several root causes that may deter trans people from getting medical checkups: 48% said that it was due to financial-related issues, 19% due to being denied healthcare services, and 28% due to feeling worried about revealing their sexual identity (most likely this is because of the perceived negative attitude towards transgender). Trans people are three times more likely to be unemployed and twice more likely to live in poverty than the general population. [2] Regarding his experience with health professionals, Mike said that he has never visited a clinic to check up on his sexual reproductive health, but he had taken his mother to one and felt like he could never subject himself to those type of examinations. However, he had experienced discomfort at regular health clinics before due to remarks made by health professionals about his appearance and gender that got him taken aback. "Most of them (Clinic health workers) would say 'Oh you're a girl? I thought you were a boy'. They thought it was regular small talk, but it made me very upset." Healthcare providers and society as a whole play a crucial role in eliminating this stigma against trans menstruating. Unfortunately, this is a problem point as healthcare providers are found to be lacking or biased when dealing with transgender patient. A survey in 2015 conducted amongst 141 OB-GYNS in the USA showed at 80% of them had not had any training in caring for a transgender person, and only 29% felt comfortable treating transgender persons. [1] Due to fear of transphobic healthcare providers, and aversion to menstruation itself, transgender persons may fail to seek healthcare when they are dealing with menstrual disorders such as amenorrhea and endometriosis, which could be a sign of a more serious and sinister underlying cause.[1] Normalization of trans menstruating So, what can we do to help? It'd be wise to start somewhere simple, and that is by including transgender and non-binary persons in discussions surrounding menstrual hygiene. To stress that cisgender women are not the only ones who experience menstruation, and to push for solution that can provide comfort for all people who menstruate.  This can mean advocating for trans-sensitive training for all healthcare providers, and installing menstrual products in both the male and female bathrooms. Most important of all is to erase the stigma surrounding menstruation. This is not easy, but it requires intense sexual reproductive health classes being implemented in schools, and that also includes LGBTQ+ education. Gender-neutral menstrual products are being sold in some countries around the world. Products like Thinx and Always are starting to include transgender and non-binary by creating menstrual products that can be used by everyone. However, just changing how the product look won't do much if we're also not doing our best to educate the population about menstrual hygiene and the wrong perception about who can menstruate, what it means to menstruate, and why menstrual hygiene is a basic human right. As for Mike, his hope is simple. "Personally, I don't want a lot. I just want them to open their minds." He continued, "Even if we have the same mechanisms and the same organs as if we were machines that were set with certain characteristics, I want them to know that we are not machines. We have feelings, a heart, and thoughts that differentiate us from each other." To end on a positive note, Marie Stopes hopes and encourages all people of all gender and identities to seek sexual reproductive healthcare without shame and with confidence.   Sources: Chrisler, J. C., Gorman, J. A., Manion, J., Murgo, M., Barney, A., Adams-Clark, A., … Mcgrath, M. (2016). Queer periods: attitudes toward and experiences with menstruation in the masculine of centre and transgender community. Culture, Health & Sexuality, 18(11), 1238–1250. doi: 10.1080/13691058.2016.1182645 ACLU News & Commentary. (2019, December 17). Retrieved March 27, 2020, from https://www.aclu.org/news/lgbt-rights/menstruation-related-discrimination-is-sex-discrimination-we-dont-need-to-erase-trans-or-non-binary-people-to-make-that-point/     If you have any questions about menstruation, sexual health or contraception, consult with @MarieStopesKH now: ✓ Send a Facebook message ✓ Every day from 7 am to 5 pm ✓ 012 999 002 or 098 999 102 ✓ Send a message via LINE, Viber, WhatsApp, WeChat 093 24 08 23 ✓ www.mariestopes.org.kh/contactus    

Health Tips News & Events Events
Why don't I menstruate after child birth?

New parents can be quite anxious when it comes to pregnancy conditions. Before birth, parents worry about whether their children will come out okay – whether mothers can hold out well during the strenuous delivery; and then, AFTER birth, parents worry about little things like, why isn't my milk coming? why does my milk taste weird (yes, they sometimes do ask that)? and one of those questions is: why don't I menstruate even after childbirth? Marie Stopes got you covered!  Little did you know, these little things MOST of the time are attributed to normal physiological function of your body post-partum. Why am I not menstruating after childbirth? Menstruation is a phenomenon that suggests you can ovulate. Ovulating, in most cases, means that you will be able to conceive a child. While you have that little bundle of joy in your womb, your baby is actually sleeping in a sac that grows from your endometrium. Your placenta keeps secreting progesterone, which suppresses ovulation.  After child birth, some of that progesterone persists for some time, and your endometrium needs time to regenerate and heal. In women who breastfeed, the hormone Prolactin suppresses the ovulation. I know this is hard to understand; hence, this is all you need to remember: your period will definitely come back if you have a normal pregnancy and no other existing conditions! When will it return? Mothers who do not breastfeed will have their period return to normal in 6 weeks. Ovulation generally occurs before your period, which usually comes back on the 40th day post-partum. Mothers who breastfeed in most cases have their period much later than non-breastfeeding mothers. It can vary from 3-6 months to 9 months, depends on how regular you breastfeed. Since ovulation can start again at any given moment, you will be able conceive again very soon after your pregnancy, which is not a very healthy option.  The same goes for women who have just had an abortion or miscarriage. Please take care to know that even though you did not carry your pregnancy to term, you can still get pregnant again very easily, and using contraception as soon as you can after your pregnancy will decrease the risk immensely. Why is having short-spaced pregnancy unhealthy? Babies who are conceived again less than 12 months after the mother's previous pregnancy has an increased risk of preterm birth, low birth weight, still birth, and neonatal death. Therefore, mothers should wait at least 12 months before trying for another pregnancy. This does not mean that you can't engage in sexual intercourse.  What you should do is use contraception, and use it promptly and correctly. MARIE STOPES! CAN YOU RECOMMEND A CONTRACEPTIVE METHOD? Yes, sure.  Many of you might have had negative thoughts about using certain contraceptive methods right after child birth.  For a lot of reasons, combined hormonal pills are not recommended for women who have just had their birth less than the period of 21 days. During those 21 days after childbirth, women have an increased risk of thromboembolism. The best and safest methods are long term contraceptive methods, such as IUD and implant. They can be put immediately after childbirth, or within the recommended period of 21 days, and you can be protected from a potential unhealthy pregnancy. So, do not despair, your period will definitely come back. And if you want to have another healthy pregnancy and baby, it is in your favor to wait using safe and reliable contraceptive methods. After all, patience is virtue.   References: Jackson, E., & Glasier, A. (2011). Return of Ovulation and Menses in Postpartum Nonlactating Women. Obstetrics & Gynecology, 117(3), 657–662. doi: 10.1097/aog.0b013e31820ce18c Women's Health Care Physicians. (2018, February). Retrieved from https://www.acog.org/Patients/FAQs/Postpartum-Birth-Control?IsMobileSet=false FSRH Guidline: Contraception After Pregnancy (January 2017)   If you have any questions about menstruation, sexual health or contraception, consult with @MarieStopesKH now: ✓ Send a Facebook message ✓ Every day from 7 am to 5 pm ✓ 012 999 002 or 098 999 102 ✓ Send a message via LINE, Viber, WhatsApp, WeChat 093 24 08 23 ✓ www.mariestopes.org.kh/contactus

Health Tips Events
អាហារពេលព្រឹកទាំង ៧នេះអាចជាថ្នាំថែរក្សាក្រពះពោះវៀនរបស់អ្នក

អ្នកណាខ្លះ ដែលតែងធ្វេសប្រហែសក្នុងការញ៉ាំអាហារពេលព្រឹក? មានមនុស្សមិនតិចនោះទេ ដែលជ្រើសរើសអាហារមិនស័កិ្តសមដូចជានំបុ័ង ឬអាហារក្រៀមក្រោះដទៃទៀតសម្រាប់ជាអាហារពេលព្រឹកប្រចាំថ្ងៃ។ ពិតណាស់អាហារប្រភេទទាំងនោះអាចបង្កលក្ខណៈងាយស្រួលនិងរហ័សក្នុងការរកទិញថែមទាំងចំណេញពេលបានច្រើនក្នុងការញ៉ាំ ប៉ុន្តែអ្នកមិនដឹងទេថាវាអាចប៉ះពាល់នូវមុខងារក្រពះពោះវៀនរបស់អ្នកនៅរយៈពេលណាមួយ។ ដូច្នេះអ្នកគួរកាត់បន្ថយ និងផ្លាស់ប្ដូរទម្លាប់ទាំងអស់នោះហើយងាកមកចាប់ផ្ដើមរបបអាហារពេលព្រឹកផ្សេងទៀត ដែលមិនត្រឹមតែមានរសជាតិឆ្ងាញ់នោះទេ ថែមទាំងជាឱសថបំប៉នដល់ប្រព័ន្ធរំលាយអាហាររបស់អ្នកទៀតផង។ ១. ត្រីសាម៉ុង ត្រីសាម៉ុងគឺជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា-៣ដែលជាថ្នាំធម្មជាតិប្រឆាំងនឹងការរលាកប្រព័ន្ធរំលាយអាហាររបស់អ្នក ព្រមទាំងអាចជួយព្យាបាលអាការៈហើមពោះ និងឈឺពោះបានផងដែរ។ ការសិក្សាខ្លះបានរកឃើញផងដែរថាអាស៊ីតអូមេហ្គា-៣ នៅក្នុងត្រីសាម៉ុងពិតជាមានប្រយោជន៍សម្រាប់ការពារមហារីកពោះវៀនធំ។ ជាក់ស្ដែង ការទទួលទានត្រីសាម៉ុងនៅពេលព្រឹក វាពិតជាផ្តល់គុណប្រយោជន៍បំផុតចំពោះការធ្វើឲ្យប្រសើរឡើងនូវការរំលាយអាហារបង្កើនថាមពលក្នុងរាងកាយ លើកកម្ពស់ការសម្រកទម្ងន់ ពិសេសជួយរក្សាលំនឹងកម្រិតជាតិស្ករនៅក្នុងឈាមព្រោះវាមានផ្ទុកនូវជាតិប្រូតេអុីនខ្ពស់។ ២. យ៉ាអ៊ួ យ៉ាអ៊ួដែលគ្មានរសជាតិផ្លែឈើ និងគ្មានលាយទៅដោយសារធាតុពណ៌ ជាជម្រើសដ៏ល្អបំផុតក្នុងការទទួលទាន ជាពិសេសសម្រាប់ជាអាហារពេលព្រឹករបស់អ្នក។ វាមិនត្រឹមតែមានរសជាតិឆ្ងាញ់ប៉ុណ្ណោះទេ ថែមទាំងមានជីវជាតិជាច្រើនដែលជួយបង្កើនការរំលាយអាហារបានយ៉ាងល្អ។ ដោយហេតុថាយ៉ាអ៊ួមានផ្ទុកនូវប្រូតេអុីន កាល់ស្យូម និងឡាក់តូស(Lactose) ពិសេសសម្បូរទៅដោយប្រូប៊ីយ៉ូទិក (Probiotics) ដែលជួយធ្វើឲ្យប្រសើរឡើងនូវមុខងារប្រព័ន្ធរំលាយអាហារ ជួយថែរក្សាសរីរាង្គរបស់ពោះវៀនឲ្យមានសុខភាពល្អ និងកាត់បន្ថយអាការៈហើមពោះ ទល់លាមក និងរាកជាដើម។ ៣. ផ្លែប៉ោម ផ្លែប៉ោមមិនត្រឹមតែជួយសម្រស់ឲ្យនៅក្មេងជាងវ័យនោះទេ ប៉ុន្តែវាក៏អាចជួយការពារកោសិកាពោះវៀនពីបញ្ហារំខាននានាផងដែរ។ ផ្លែប៉ោមជាប្រភេទផ្លែឈើសម្បូរទៅដោយសារជាតិ Pectin ដែលជាជាតិសរសៃរលាយជួយបង្កើនការរំលាយអាហារនៅក្នុងពោះវៀនតូច  បង្កើនការធ្វើចលនារបស់ពោះវៀន ពិសេសជួយកាត់បន្ថយហានិភ័យនៃការឆ្លងមេរោគក្នុងពោះវៀននិងព្យាបាលអាការៈទល់លាមកបានថែមទៀតផង។   ៤. ផ្លែល្ហុងទុំ ផ្លែល្ហុង ជាផ្លែឈើធម្មជាតិដែលសម្បូរ និងងាយស្រួលក្នុងការរកទិញនៅលើទីផ្សារ។ ជាក់ស្តែងការចាប់ផ្តើមអាហារពេលព្រឹកជាមួយផ្លែល្ហុងពិតជាពិសេសណាស់ ដោយសារផ្លែល្ហុងមានផ្ទុកនូវជាតិអង់ស៊ីមម្យ៉ាងឈ្មោះថា Papain ដែលជាអង់ស៊ីមជួយបង្កើនមុខងាររំលាយអាហារ និងបន្ថយហានិភ័យនៃការរលាកពោះវៀនធំដូចជា អាការៈទល់លាមក និងហើមពោះបានយ៉ាងមានប្រសិទ្ធភាព។ មិនត្រឹមតែប៉ុណ្ណោះវាក៏អាចជួយសម្រកទម្ងន់ ព្រមទាំងថែរក្សារាងនិងសម្រស់របស់លោកអ្នកឲ្យនៅស្អាតក្មេងជាងវ័យបានដែរ។ ៥. ផ្លែម្នាស់ បន្ថែមពីអត្ថប្រយោជន៍ដែលស្រដៀងគ្នាទៅនឹងផ្លែល្ហុង ផ្លែម្នាស់ក៏មាននូវប្រភេទអង់ស៊ីមម្យ៉ាងឈ្មោះថា Bromelain ដែលមានមុខងារពិសេសក្នុងការបំបែកជាតិប្រូតេអុីន។ ការញ៉ាំទឹកម្នាស់ ត្រូវបានបង្ហាញថាអាចជួយកាត់បន្ថយការរលាកផ្លូវរំលាយអាហារ នេះបើយោងតាមការសិក្សាដែលធ្វើឡើងទៅលើសត្វកណ្តុរ។ បន្ថែមពីនោះ ផ្លែម្នាស់ ត្រូវបានចាត់ទុកជាឱសថធម្មជាតិមួយក្នុងការសម្អាតពពួកប៉ារ៉ាស៊ីតនៅក្នុងពោះវៀននិងធានាបានសុខភាពប្រព័ន្ធរំលាយអាហាររបស់អ្នកឲ្យបានល្អពេញមួយថ្ងៃ។ ៦. ផ្លែចេក ពេលវេលាល្អបំផុតសម្រាប់ការបរិភោគផ្លែចេកគឺនៅពេលព្រឹក ព្រោះផ្លែចេកអាចជួយការពារអាការៈចុកដើមទ្រូង ធ្វើឲ្យប្រព័ន្ធរំលាយអាហារដំណើរការបានល្អ និងអាចឲ្យអ្នកមានកម្លាំងល្អសម្រាប់ការប្រកបកិច្ចការងាររហូតបានពេញមួយថ្ងៃ។ ដោយហេតុថាផ្លែចេកមានផ្ទុកសមាសធាតុដែលត្រូវបានគេស្គាល់ថាជា Protease ដែលជួយលុបបំបាត់បាក់តេរីដែលបង្កគ្រោះថ្នាក់ដូចជា H. pylori ដែលជាដើមចមបណ្តាលឲ្យរលាកស្រទាប់ក្រពះបាន។ ៧. បន្លែបៃតងចាស់ បន្លែបែតង ជាប្រភពដ៏ល្អឥតខ្ចោះនៃជាតិសរសៃដែលមិនរលាយ។ ជាតិសរសៃបែបនេះ និងសារធាតុម៉ាញ៉េស្យូមដែលមាននៅក្នុងបន្លែអាចជួយសម្រួលនូវដំណើរការបញ្ចេញកាកសំណល់ពីពោះវៀនរបស់អ្នក កាត់បន្ថយអាការៈទល់លាមកតាមរយៈការបង្កើនការកន្រ្តាក់នៃផ្លូវក្រពះពោះវៀន។ ជាក់ស្ដែង បន្លែពណ៌បៃតងចាស់ដែលអ្នកបរិភោគបាន អាចមានដូចជា ស្ពៃបៃតង ប្រូខូលី និងប្រភេទស្លឹកដែលមានពណ៌បៃតងជាច្រើនទៀត។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៨០ 2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Health Tips Health Tips
ដំណឹងល្អសម្រាប់អ្នកចូលចិត្តញ៉ាំកាហ្វេ

តើកាហ្វេជាភេសជ្ជៈដែលអ្នកចូលចិត្តមែនឬ? បើមែនមានដំណឹងល្អសម្រាប់អ្នក។ ដោយហេតុថាកាហ្វេមានផ្ទុកនូវសារធាតុប្រឆាំងអុកស៊ីតកម្មនិងសារធាតុចិញ្ចឹមដែលមានប្រយោជន៍ ហើយអាចជួយបង្កើនសុខភាព ពិសេសសុខភាពរបស់កោសិកាថ្លើម និងបន្ថយហានិភ័យនៃការកើតជំងឺធ្ងន់ធ្ងរជាច្រើន។ ខាងក្រោមនេះជាអត្ថប្រយោជន៍សុខភាពទាំង ៦   របស់កាហ្វេដែលត្រូវបានបញ្ជាក់នៅក្នុងការសិក្សាខាងក្រោម៖ 1. អត្ថប្រយោជន៍ទៅលើសុខភាពរបស់ថ្លើម ថ្លើមគឺជាសរីរាង្គដ៏អស្ចារ្យមួយដែលនាំមកនូវមុខងារសំខាន់រាប់រយនៅក្នុងខ្លួន។ យ៉ាងណាមិញ សម្រាប់អ្នកដែលចូលចិត្តទទួលទានកាហ្វេគឺល្អប្រសើរចំពោះសុខភាពថ្លើម ដោយហេតុថាកាហ្វេអាចជួយកាត់បន្ថយហានិភ័យនៃការកើតជំងឺមួយចំនួនពាក់ព័ន្ធនឹងថ្លើមដូចជាជំងឺមហារីកថ្លើម ជំងឺក្រិនថ្លើម ពិសេសទៀតនោះវាជួយទប់ស្កាត់ជំងឺខ្លាញ់រុំថ្លើមបានផងដែរ។ បើយោងតាមការសិក្សារបស់អាមេរិកទៅលើប្រជាជន ១ ភាគ៣នៃប្រជាជនទាំងអស់ បានបង្ហាញថាកាហ្វេអាចជួយកាត់បន្ថយជំងឺខ្លាញ់រុំថ្លើម និងខួរក្បាលដល់ទៅ ៤៤ភាគរយឯណោះ។ ដូច្នោះដើម្បីទទួលបានសុខភាពថ្លើមឲ្យកាន់តែមានសុខភាពល្អផងដែរនោះ អ្នកគួរគួបផ្សំជាមួយនឹងការធ្វើលំហាត់ប្រាណរយៈពេល ៣០ ទៅ៦០នាទីជារៀងរាល់ថ្ងៃ។ 2. ជួយបង្ការពីជំងឺវង្វេង ការសិក្សាមួយដែលបានចេញផ្សាយនៅក្នុងទស្សនាវដ្តី Nature បានបង្ហាញថាសមាសធាតុកាហ្វេអុីនដែលមានក្នុងកាហ្វេអាចជួយបង្កើតអង់ស៊ីមម៉្យាងដែលជួយកាត់បន្ថយហានិភ័យនៃជំងឺវង្វេងបានយ៉ាងមានប្រសិទ្ធភាព។ លើសពីនេះ ក៏មានការសិក្សាមួយកាលពីឆ្នាំ២០១៦ បានធ្វើទៅលើស្រ្តីជាង ៦ពាន់នាក់ដែលមានអាយុចាប់ពី ៦៥ឆ្នាំឡើងទៅដោយសបញ្ជាក់ថា ការទទួលទានកាហ្វេអាចកាត់បន្ថយហានិភ័យនៃជំងឺបេះដូង និងជំងឺភ្លេចភ្លាំងបានដល់ទៅ ៣៦ភាគរយ។ ដូច្នោះដើម្បីទទួលបានផលប្រយោជន៍ពីកាហ្វេអ្នកត្រូវទទួលទានកាហ្វេពី ២ទៅ៣ពែងក្នុងមួយថ្ងៃ។ 3. ប្រឆាំងនឹងជំងឺមហារីក ដូចដែលអ្នកបានដឹងខ្លះៗហើយពីអត្ថប្រយោជន៍របស់កាហ្វេ។ ពេលនេះរឹតតែពិសេសទៅទៀតវាអាចប្រឆាំង និងទប់ស្កាត់ហានិភ័យនៃការកើតជំងឺមហារីក។ បើយោងតាមអង្គការសុខភាពពិភពលោកបានធ្វើការសិក្សាស្រាវជ្រាវកាលពីឆ្នាំ ២០១៦ បានបង្ហាញថាកាហ្វេអាចដើរតួនាទីយ៉ាងសំខាន់ក្នុងការការពារជំងឺមហារីកដូចជាមហារីកសុដន់ មហារីកពោះវៀនធំ មហារីកថ្លើម ព្រមទាំងជួយកាត់បន្ថយហានិភ័យនៃកើតជំងឺឡើងវិញបានផងដែរ។ 4. ធ្វើឲ្យមានអាយុវែង អ្នកប្រាកដជាមិនចង់ជឿទេថាកាហ្វេពិតជាអាចឲ្យអ្នកអាយុវែងបាន។ ពិតណាស់! ដោយមានការសិក្សាស្រាវជ្រាវមួយបានបង្ហាញថា បុរសដែលទទួលទានកាហ្វេ ៤ ទៅ ៦ពែងក្នុងមួយថ្ងៃអាចកាត់បន្ថយហានិភ័យនៃការស្លាប់ដល់ទៅ ១០ភាគរយ រីឯស្រ្តីអាចថយចុះដល់ទៅ ១៥ភាគរយ។ លើសពីនេះវាក៏អាចបង្ការការកើតជំងឺទឹកនោមផ្អែម ជំងឺដាច់សរសៃឈាមខួរក្បាល និងប្រឆាំងនឹងការរលាកបានផងដែរ។ 5. ប្រឆាំងនឹងជំងឺធ្លាក់ទឹកចិត្ត ជំងឺធ្លាក់ទឹកចិត្តគឺជាជំងឺផ្លូវចិត្តធ្ងន់ធ្ងរដែលបណ្តាលឲ្យគុណភាពជីវិតធ្លាក់ចុះ។ វាជារឿងដែលមិនគួរឲ្យជឿដែលប្រហែល ៤.១ភាគរយនៃប្រជាជនអាមេរិកបច្ចុប្បន្នកំពុងជួបវិបត្តិនៃជំងឺធ្លាក់ទឹកចិត្ត។ នៅក្នុងការសិក្សារបស់សាកលវិទ្យាល័យ Harvard ដែលបានចេញផ្សាយក្នុងឆ្នាំ២០១១ ថាស្ត្រីដែលផឹកកាហ្វេចាប់ពី ៤ពែងឡើងទៅក្នុងមួយថ្ងៃអាចមានការថយចុះហានិភ័យនៃការធ្លាក់ទឹកចិត្តដល់ទៅ ២០ភាគរយ។ ជាក់ស្តែង ការសិក្សាមួយផ្សេងទៀតជាមួយមនុស្សប្រហែល ២ពាន់នាក់បានរកឃើញថាប្រសិនបើអ្នកដែលផឹកកាហ្វេចាប់ពី ៤ពែងឡើងទៅក្នុងមួយថ្ងៃគឺទំនងជាមិនប្រឈមនឹងការធ្វើអត្តឃាតដល់ទៅ ៥៣ភាគរយ។ 6. បង្កើនចំណង់ផ្លូវភេទ អ្នកពិតជាមានចម្ងល់មែនទេ? វាជាការពិតណាស់ដោយមានការសិក្សាស្រាវជ្រាវមួយបានសបញ្ជាក់ឲ្យឃើញថាបុរសដែលបានទទួលទានកាហ្វេពី ២ ទៅ៣ពែងក្នុងមួយថ្ងៃអាចបង្កើនផ្លូវភេទបានដល់ទៅ ៤២ភាគរយឯណោះ។ ស្របពេលនេះផងដែរ កាហ្វេក៏អាចជួយទប់ស្កាត់ការឡើងទម្ងន់ បញ្ចៀសបញ្ហាលើសសម្ពាធឈាម ពិសេសជួយបង្ការការស្លាប់លិង្គរបស់បុរសបានផងដែរ។ គួរឲ្យកត់សម្គាល់ផងដែរប្រសិនបើអ្នកចង់ទទួលបានប្រសិទ្ធភាពទៅលើសុខភាពថ្លើមក៏ដូចជារាងកាយឲ្យកាន់តែមានសុខភាពល្អផងដែរនោះ អ្នកគួរគួបផ្សំជាមួយនឹងការញុំាអាហារ និងធ្វើលំហាត់ប្រាណរយៈពេល ៣០ ទៅ៦០នាទីជារៀងរាល់ថ្ងៃ។ 2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
បន្ថយភាពចាស់ជាមួយការញ៉ាំស្រាក្រហម

គ្រប់គ្នាច្បាស់ជាធ្លាប់ដឹងអំពីអត្ថប្រយោជន៍ខ្លះៗនៃស្រាក្រហមរួចមកហើយក៏ប៉ុន្តែអ្នកប្រហែលជាមិនទាន់ដឹងពីពេលវេលា និងបរិមាណដែលត្រូវទទួលទានស្រាក្រហមដើម្បីទទួលបានអត្ថប្រយោជន៍ខ្លាំងនៅឡើយទេ។ ការទទួលទានស្រាក្រហមបានត្រឹមត្រូវ អាចជួយថែរក្សាសុខភាពទូទៅ ក៏ដូចជាការពារពីជំងឺមួយចំនួនបានថែមទៀត។ កាត់បន្ថយភាពចាស់ ក្រែមការពារស្បែក និងហ្វូមលាងសម្អាតស្បែកមិនមែនជាជម្រើសតែមួយគត់របស់អ្នកសម្រាប់បញ្ចៀសឥទ្ធិពលនៃភាពចាស់បានទាំងស្រុងនោះទេ។ ដោយឡែក ស្រាក្រហម ឬស្រាទំពាំងបាយជូរ បែរជាមានប្រសិទ្ធភាពក្នុងការជួយការពារ និងទប់ស្កាត់ភាពជ្រីវជ្រួញបាន។ យោងតាមការសិក្សារបស់អ្នកវិទ្យាសាស្រ្តនៃសាកលវិទ្យាល័យបាសេឡូណាបានបង្ហាញថា ការទទួលទានស្រាក្រហម ឬស្រាទំពាំងបាយជូរពណ៌សអាចជួយកាត់បន្ថយផលប៉ះពាល់កាំរស្មីយូវីពីពន្លឺព្រះអាទិត្យ និងការពារអ្នកពីជំងឺស្បែកដ៏កាចសាហាវ ពិសេសវាអាចការពារស្បែកពីការមានប្រតិកម្មដោយសារកម្តៅថ្ងៃបានផងដែរ។ ម៉្យាងទៀតការផឹកស្រាក្រហម ឬស្រាទំពាំងបាយជូរនៅក្រោមពន្លឺថ្ងៃគឺជាផែនការមួយក្នុងការថែទាំសុខភាព និងធ្វើឲ្យមានសុខភាពល្អថែមទៀតផង។ បង្ការជំងឺភ្លេចភ្លាំង យោងតាមការស្រាវជ្រាវនៃមជ្ឈមណ្ឌលវេជ្ជសាស្រ្ត Loyola University Medical Center សហរដ្ឋអាមេរិកបានបង្ហាញថាអ្នកដែលពិសាស្រាក្រហមក្នុងកម្រិតមធ្យមគឺហាក់ដូចជាមិនសូវមានការវិវឌ្ឍទៅជាជំងឺភ្លេចភ្លាំងដល់ទៅ ២៣ភាគរយ។ លើសពីនេះ វាក៏ជួយការពារបញ្ហាឈាមកក និងកាត់បន្ថយការរលាកសរសៃឈាមបានយ៉ាងល្អផងដែរ។ ជួយឲ្យអាយុវែង ខណៈដែលការថែទាំសុខភាពត្រូវបានពង្រឹង ព្រមជាមួយគ្នានឹងការថែរក្សាសុខភាពក៏មានរឿងរ៉ាវជាច្រើនត្រូវធ្វើជាមួយនឹងការបង្កើនអាយុកាលរស់នៅផងដែរ។ ការសិក្សាមួយ មានឈ្មោះថា the 90+Study បានចាប់ផ្តើមកាលពីឆ្នាំ ២០០៣ ដែលសិក្សាពីកត្តាជួយឲ្យមនុស្សរស់នៅបានកាន់តែយូរដោយការសិក្សានោះបានបង្ហាញថា ការទទួលទានស្រាក្រហមអាចជាជំនួយដល់ការពន្យារអាយុរស់នៅ។ ខណៈដែលការទទួលទានស្រាមិនមែនជាកត្តាតែមួយដែលជំរុញឲ្យអ្នករស់នៅបានយូរនោះទេ តែជាពិសេសមនុស្សដែលទទួលទានស្រាក្រហមក្នុងបរិមាណសមស្រប អាចជួយបន្ទាបអត្រាជំងឺបេះដូង ជំងឺទឹកនោមផ្អែម និងកាត់បន្ថយជំងឺដាច់សរសៃឈាមផងដែរ។ ជួយធ្វើឲ្យប្រសើរឡើងនូវមុខងារសួត មិនគ្រាន់តែជាភេសជ្ជៈសម្រាប់សុខភាពបេះដូងនោះទេ ស្រាក្រហមក៏ត្រូវបានផ្សារភ្ជាប់ទៅនឹងមុខងាររបស់សួតឲ្យមានសុខភាពល្អ ពិសេសអ្នកជក់បារី។ នេះបើយោងតាមការសិក្សាស្រាវជ្រាវមួយរបស់អ្នកវិទ្យាសាស្រ្តជនជាតិហូឡង់បានបង្ហាញថា ការទទួលទានស្រាក្រហម ឬស្រាទំពាំងបាយជូរពណ៌សអាចប្រឆាំងនឹងជំងឺមហារីកសួត និងបង្កើនមុខងាររបស់សួតឲ្យប្រសើរឡើងដោយសារវាមានសារធាតុប្រឆាំងអុកស៊ីតកម្ម និងកាត់បន្ថយហានិភ័យនៃជំងឺមហារីកបានផងដែរ។ បង្កើនកម្រិតអូមេហ្គា-៣ ដូចដែលអ្នកបានដឹងស្រាប់ហើយថាដើម្បីទទួលបាននូវអាស៊ីតខ្លាញ់អូមេហ្គា-៣ អ្នកត្រូវទទួលទានត្រីសមុទ្រដូចជា ត្រីសាម៉ុង ត្រីធូណា ប៉ុន្តែរឿងមួយដែលលោកអ្នកមិននឹកស្មាននោះគឺការទទួលទានស្រាក្រហម ឬស្រាទំពាំងបាយជូរ។ ដោយយោងតាមការសិក្សាស្រាវជ្រាវរបស់អឺរ៉ុបបានបង្ហាញថាការទទួលទានស្រាក្រហមមួយកែវជារៀងរាល់ថ្ងៃអាចបង្កើនកម្រិតអាស៊ីតខ្លាញ់អូមេហ្គា-៣នៅក្នុងប្លាស្មា និងកោសិកាឈាមក្រហមជាពិសេសជួយការពារអ្នកពីជំងឺស្ទះសរសៃឈាមបេះដូង ជំងឺទឹកនោមផ្អែមប្រភេទទី២ និងជំងឺមហារីកសុដន់បានផងដែរ។ ដើម្បីទទួលបានអត្ថប្រយោជន៍ដ៏លើសលប់ពីស្រាក្រហមនោះ អ្នកត្រូវទទួលទានដោយកម្រិតមួយត្រឹមត្រូវ និងទទួលបានសុខភាពល្អ៖ • ១៥០មិល្លីលីត្រក្នុងមួយថ្ងៃ ឬ១២៥មិល្លីលីត្រ ពីរដងក្នុងមួយថ្ងៃសម្រាប់ការពារហានិភ័យនៃការកើតជំងឺបេះដូង • ចំពោះបុរស ១ ទៅ២កែវក្នុងមួយថ្ងៃ និងចំពោះស្រី្ត ១ ឬ១កែវកន្លះក្នុងមួយថ្ងៃសម្រាប់សុខភាពទូទៅ។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៧៩ ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Health Tips
ញ៉ាំផ្លែម្ទេសហឹរមែនតែមិនអត់ប្រយោជន៍នោះទេ

ដំណឹងល្អសម្រាប់អ្នកដែលចូលចិត្តញ៉ាំម្ទេស ហឹរហឹរ! នៅពេលនេះ អ្នកនឹងដឹងហើយថា អ្នកមិនបានញ៉ាំម្ទេសឲ្យហឹរអត់ប្រយោជន៍នោះទេ ផ្ទុយទៅវិញអ្នកបែរជាកំពុងទទួលបានផលវិជ្ជមានលើសុខភាពយ៉ាងច្រើន។ ជាការពិតរសជាតិហឹរពីម្ទេសមិនត្រឹមតែធ្វើឲ្យអាហារឆ្ញាញ់ និងមិនទ្រលាន់នោះឡើយតែសារធាតុ Capsaicin ដែលមានក្នុងផ្លែម្ទេសក៏នាំមកជាមួយនូវអត្ថប្រយោជន៍យ៉ាងសន្ធឹកសន្ធាប់ផងដែរ ដោយរួមទាំងការកាត់បន្ថយហានិភ័យនៃជំងឺមួយចំនួន ជំនួយដល់ដំណើរការនៃសរីរាង្គរំលាយអាហារ ក៏ដូចជាជួយសម្រកទម្ងន់ និងធ្វើឲ្យអាយុវែងទៀតផង។ ខាងក្រោមគឺជាការបកស្រាយអំពីអត្ថប្រយោជន៍ដ៏សម្បូរបែបរបស់ម្ទេស ដែលអាចនឹងធ្វើឲ្យអ្នកភ្ញាក់ផ្អើល។ - ជំងឺបេះដូង ជាក់ស្តែង ជំងឺបេះដូងនៅតែជាមូលហេតុឈានមុខគេនៃការស្លាប់របស់មនុស្សទាំងបុរស និងស្រ្តីនៅក្នុងប្រទេសអាមេរិក។ បរិមាណដ៏ច្រើននៃ Capsaicinនៅក្នុងផ្លែម្ទេសអាចបន្ថយហានិភ័យនៃការកើតជំងឺបេះដូងដោយផ្អែកតាមការសិក្សាស្រាវជ្រាវមួយចំនួនធំដែលបានធ្វើការតាមដានទៅលើមនុស្សជាច្រើន។ បើយោងតាមការស្រាវជ្រាវបានបង្ហាញថា សារធាតុ Capsaicin អាចកាត់បន្ថយកម្រិត LDL ឬកូឡេស្តេរ៉ុលអាក្រក់ដែលតោងនៅលើជញ្ជាំងសរសៃឈាមដើម្បីជួយសម្រួលចលនាលំហូរឈាមទៅកាន់បេះដូង ព្រមទាំងគ្រប់គ្រងជាតិស្ករក្នុងឈាម និងអាចការពារពីជំងឺដាច់សរសៃឈាមបេះដូងបានយ៉ាងមានប្រសិទ្ធភាព។ - ជំងឺរលាកពោះវៀន ជំងឺរលាកពោះវៀនជាប្រភេទជំងឺពោះវៀនមួយដែលកើតឡើងញឹកញាប់ទាក់ទងទៅនឹងកត្តាអាយុ។ ក្នុងការសិក្សាមួយដែលបានចុះផ្សាយឆ្នាំ ២០១៤ លើគេហទំព័រទស្សនាវដ្តី Neurogastroenterology និង Motility បានរកឃើញថា ការបរិភោគអាហាររសជាតិហឹរអាចមានប្រសិទ្ធភាពព្យាបាលចំពោះអ្នកដែលមានជំងឺរលាកពោះវៀនក្នុងរយៈពេល ៦សប្តាហ៍។ លើសពីនេះទៀតវាក៏អាចជួយកាត់បន្ថយការដុតក្បាលពោះក្រោយពេលសម្រាល ដោយគ្រាន់តែបរិភោគ ៣ដងក្នុងមួយថ្ងៃប៉ុណ្ណោះ។ - ប្រឆាំងជំងឺមហារីក ការសិក្សាធំមួយនៅឆ្នាំ ២០០៦ ដែលបានចុះផ្សាយក្នុងទស្សនាវដ្តី Journal Cancer បានបង្ហាញថាការបរិភោគសារធាតុ Capsaicin អាចជួយទប់ស្កាត់ការរីករាលដាលនៃកោសិកាមហារីករបស់ក្រពេញប្រូស្តាត។ អាហារហឹរក៏ត្រូវបានគេដឹងថា វាអាចជួយបង្កើនប្រព័ន្ធភាពសុំារបស់រាងកាយ និងកាត់បន្ថយការឈឺចាប់ដែលប្រឆាំងនឹងការរលាក ការពុលដោយសារធូលី ឬផ្សែងផងដែរ។ កាន់តែពិសេសទៀតនោះវាអាចកាត់បន្ថយហានិភ័យបណ្តាលឲ្យកើតជំងឺមហារីកក្នុងកម្រិតគួរឲ្យកត់សម្គាល់មួយ បើធៀបទៅនឹងអ្នកដែលបរិភោគអាហារហឹរបានតិចតួច។ - ជួយដល់ប្រព័ន្ធរំលាយអាហារ ពិតណាស់មនុស្សមួយចំនួនប្រហែលជាគិតថា ការទទួលទានផ្លែម្ទេសនឹងធ្វើឲ្យកើតមានជំងឺដំបៅក្រពះ។ យ៉ាងណាមិញ យោងតាមការសិក្សាស្រាវជ្រាវរបស់សាកលវិទ្យាល័យ Michigan បានឲ្យដឹងថាការបរិភោគ Capsaicin ដែលមានក្នុងផ្លែម្ទេសអាចជួយការពារអ្នកមិនឲ្យកើតជំងឺដំបៅក្រពះ និងកាត់បន្ថយការឈឺចាប់ ពិសេសជួយបង្កើនការរំលាយអាហារកាន់តែប្រសើរ ព្រមទាំងអាចសម្លាប់បាក់តេរីដែលលោកអ្នកមិនបានបញ្ចេញចោលអស់យ៉ាងមានប្រសិទ្ធភាពទៀតផង។ - ជួ​យសម្រកទម្ងន់ ដោយសារម្ទេសមានផ្ទុកនូវសារធាតុ Capsaicin ដែលជំរុញការធ្វើមេតាបូលីសនៅក្នុងខ្លួន ពិសេសអាចធ្វើឲ្យកាត់បន្ថយចំណង់អាហារនិងជួយដុតកាល់ឡូរីបានយ៉ាងមានប្រសិទ្ធភាព ទើបធ្វើឲ្យវាមានអត្ថប្រយោជន៍ក្នុងការសម្រកទម្ងន់។ ជាក់ស្តែង ការសិក្សាឆ្នាំ ២០០៥​ នៅក្នុងទស្សនាវដ្តី International Journal of Obesity បានបង្ហាញថា ការទទួលទានម្ទេសអាចជួយទប់ស្កាត់ការឡើងទម្ងន់ និងដុតកាល់ឡូរីចេញពីរាងកាយ ។ - ជួយឲ្យអាយុវែង យោងតាមការសិក្សានៅសាកលវិទ្យាល័យ Harvardបានបង្ហាញថា ការទទួលទានអាហារហឹរជារៀងរាល់ថ្ងៃ ឬញឹកញាប់នោះ អាចជួយកាត់បន្ថយហានិភ័យនៃការស្លាប់ដល់ទៅ ១៤ ភាគរយបើប្រៀបធៀបទៅនឹងអ្នកដែលមិនសូវទទួលទានអាហារហឹរ (តែម្តងក្នុងមួយសប្តាហ៍ ឬតិចជាងនេះ)។ លើសពីនេះការសិក្សាទៅលើបុរស និងស្ត្រីជាង ៤ម៉ឺននាក់នៅក្នុងប្រទេសចិនដែលបានទទួលទានអាហារហឹរ ៦ ទៅ៧ដងក្នុងមួយសប្តាហ៍ បានបង្ហាញថាអាចជួយឲ្យពួកគេរស់រានបានយូរជាងអ្នកមិនបរិភោគផងដែរ។  បើទោះបីជាម្ទេសមានអត្ថប្រយោជន៍យ៉ាងណាក៏ដោយក៏ផ្លែម្ទេសនៅតែអាចបង្កឲ្យមានផលប៉ះពាល់ផងដែរប្រសិនបើបរិភោគក្នុងកម្រិតច្រើនលើសលប់ដូចនេះអ្នកគួរតែមានភាពឆ្លាតវៃក្នុងការរក្សាតុល្យភាពនៃអាហារដែលអ្នកបរិភោគឲ្យស្ថិតក្នុងកម្រិតសមស្របជានិច្ចទើបជាការប្រសើរ។ អត្ថបទ៖ ដកស្រង់ចេញពីទស្សនាវដ្ដី ហេលស៍ថាម ប្រូ លេខ ៧៨ ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Health Tips Health Tips
ហេតុអ្វីបេះដូងដូចជាដើរមិនប្រក្រតី?

ប្រសិនចង្វាក់បេះដូង ដើរលឿនខុសធម្មតាជាញឹកញាប់ នោះវាអាចជាហេតុផលដែលអ្នកគួរចាប់ផ្តើមសង្កេតមើលពីស្ថានភាពជីពចរនិងសម្ពាធឈាម ថាតើវាស្ថិតក្នុងលក្ខខណ្ឌធម្មតា ឬទាមទារការពិគ្រោះប្រឹក្សាពីបញ្ហាសុខភាពនានាដែលអាចពាក់ព័ន្ធ។ អ្វីគួរដឹង? អាការៈញ័រទ្រូង តែងត្រូវបានគេគិតទៅដល់ចង្វាក់បេះដូងដើរមិនប្រក្រតីដោយនៅក្នុងលក្ខខណ្ឌធម្មតាសរីរាង្គទាំងអស់ក្នុងរាងកាយតែងស្ថិតនៅក្នុងសភាពស្ងៀមស្ងាត់។ ជាក់ស្តែង ចង្វាក់បេះដូងអាចនឹងដើរញាប់ក្នុងស្ថានភាពណាមួយដែលមិនមែនជាបញ្ហា ប៉ុន្តែក្នុងករណីមួយចំនួនភាពមិនប្រក្រតីនេះអាចជាជំងឺពាក់ព័ន្ធនឹងមុខងារចង្វាក់បេះដូង ឬបណ្តាលមកពីការប៉ះពាល់ដល់សាច់ដុំបេះដូងជាដើម។ វាអាចជារឿងមិនងាយស្រួលក្នុងការញែកឲ្យដាច់ពីស្ថានភាពជំងឺណាមួយ តែយ៉ាងហោចណាស់អ្នកគួរតាមដានដោយធ្វើការវាស់ចង្វាក់បេះដូងក្នុងអំឡុងពេល ២៤ ម៉ោងបន្ទាប់ពីចេញរោគសញ្ញា។ អ្វីគួរធ្វើ? បើចង្វាក់បេះដូងរបស់អ្នកជំងឺដើរមិនប្រក្រតីភ្លាមៗ អ្នកអាច៖ • វាស់កម្រិតសម្ពាធឈាម និងតាមដានចង្វាក់ជីពចរប្រសិនស្ថានភាពជំងឺនៅមិនទាន់ធ្ងន់ធ្ងរ • ប្រសិនចង្វាក់ជីពចរ ពិតជាដើរមិនទៀងទាត់ អ្នកត្រូវបញ្ជូនអ្នកជំងឺទៅពិគ្រោះជាមួយអ្នកជំនាញដើម្បីអាចធ្វើរោគវិនិច្ឆ័យឲ្យបានច្បាស់លាស់ • ត្រូវចាំថា ការធ្វើរោគវិនិច្ឆ័យអាចមានភាពពិបាកប្រសិនរោគសញ្ញាបានបាត់មួយរយៈ ដោយអ្នកត្រូវបន្តតាមដានពីការលេចចេញនូវភាពមិនប្រក្រតីនៅពេលក្រោយ។ បម្រុងប្រយ័ត្ន • ប្រសិនអ្នកជំងឺស្តែងចេញអាការៈមិនធម្មតាដូចជាស្លេកស្លាំង ឡើងស្វាយ ដង្ហើមខ្លី ឬសន្លប់ នោះត្រូវបញ្ជូនអ្នកជំងឺទៅស្វែងរកការព្យាបាលជាបន្ទាន់ • ប្រសិន អាការៈញ័របានបាត់ទៅវិញ អ្នកអាចណែនាំឲ្យអ្នកជំងឺតាមដានបន្តជាមួយគ្រូពេទ្យដើម្បីធ្វើរោគវិនិច្ឆ័យ។ ប្រភពយោង៖ Le vademecum de la Médication officinale ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Health Tips Health Tips
ទឹកផ្លែឈើ ៦ប្រភេទដែលអ្នកគួរតែទទួលទានរាល់ថ្ងៃ

ជាទូទៅ ដោយសារជីវភាពរស់នៅប្រចាំថ្ងៃរបស់បុគ្គលនីមួយៗមានភាពរវល់យើងតែងតែខ្វះសារធាតុចិញ្ចឹមចាំបាច់សម្រាប់រាងកាយ។ សំណាងល្អយើងមានដំណោះស្រាយងាយស្រួលមួយចំនួនដែលអាចដោះស្រាយបញ្ហានេះ ដែលក្នុងចំណោមនោះគឺការបរិភោគទឹកផ្លែឈើ។ អត្ថបទនេះនឹងណែនាំអ្នកអំពីទឹកផ្លែឈើ ៦ប្រភេទដែលផ្តល់ឲ្យនូវសុខភាពល្អ មានភាពងាយស្រួលក្នុងទទួលទាន និងងាយស្រួលក្នុងការរកទិញ។ ១. ទឹកការ៉ុត ទឹកការ៉ុត ជាគ្រឿងផ្សំធម្មជាតិដែលល្អសម្រាប់ការសម្រកទម្ងន់ ដោយសារតែវាមានកម្រិតកាល់ឡូរីខ្ពស់ និងពោរពេញដោយជាតិសរសៃ។ វាជួយក្នុងការលាងសម្អាតរាងកាយដោយការយកជាតិពុល និងសម្បូរទៅដោយវីតាមីន A និងE។ លើសពីនេះទៀតវិធីដ៏ល្អបំផុតក្នុងការពិសាការ៉ុតគឺនៅក្នុងទម្រង់ឆៅហេតុដូច្នេះ ការយកទឹករបស់ការ៉ុតជាវិធីសាស្រ្តល្អមួយសម្រាប់ការបរិភោគ។ ២. ទឹកត្រសក់  ទឹកត្រសក់មានជាតិទឹកខ្ពស់ និងមានកម្រិតកាល់ឡូរីទាប។ ដោយសារតែវាមានជាតិទឹកខ្ពស់ និងជាតិសរសៃខ្ពស់ ទឹកត្រសក់អាចធ្វើឲ្យអ្នកងាយឆ្អែត ដូច្នេះហើយវាអាចជួយកាត់បន្ថយការញ៉ាំអាហារជាពិសេសអាហារដែលមានជាតិស្ករ និងជាតិខ្លាញ់។ ៣. ទឹកម្នាស់ ពួកវាគឺជាប្រភពដ៏អស្ចារ្យមួយនៃវីតាមីន C E K និងB-6 រួមទាំងម៉ាញ៉េស្យូម និងប៉ូតាស្យូមផងដែរ។ នៅក្នុងការសិក្សាមួយក្នុងឆ្នាំ ២០០៥ ក្រុមអ្នកស្រាវជ្រាវមកពីវិទ្យាស្ថានស្រាវជ្រាវវេជ្ជសាស្ត្រ Queensland ក្នុងប្រទេសអូស្រ្តាលីបានរកឃើញថាអង់ស៊ីមដែលនៅក្នុងផ្លែម្នាស់អាចជួយការពារប្រឆាំងនឹងការរីកលូតលាស់របស់ដុំសាច់រួមទាំងជំងឺមហារីកស្បែក។ ៤. ទឹកឪឡឹក ទឹកឪឡឹកមានរសជាតិឆ្ងាញ់ និងស្រស់ថ្លា ថែមទាំងផ្តល់អត្ថប្រយោជន៍គួរឱ្យភ្ញាក់ផ្អើលផងដែរសម្រាប់អ្នក ដោយសារវាមានជាតិទឹកច្រើន និងមិនមានជាតិស្ករខ្ពស់។ លើសពីនេះទៅទៀត ឪឡឹកគឺជាប្រភពដ៏អស្ចារ្យមួយនៃសារធាតុលីកូប៉ែន ដែលត្រូវបានគេបង្ហាញថាអាចបន្ថយហានិភ័យនៃជំងឺមហារីកស្បែក។ ការសិក្សាវិទ្យាសាស្ត្រក៏បានបង្ហាញថា ទឹកឪឡឹកអាចជួយប្រយុទ្ធប្រឆាំងនឹងការខូចថ្លើម និងបង្កើនសុខភាពតម្រងនោម។ ៥. ទឹកក្រូច ទឹកក្រូចជាប្រភពដ៏ល្អបំផុតនៃវីតាមីន C និងជាតិហ្វូឡាត។ ទឹកក្រូចមានជាតិដែក និងស័ង្កសី ដែលមានសារៈសំខាន់សម្រាប់ពង្រឹងប្រព័ន្ធភាពស៊ាំរបស់រាងកាយ។ យោងតាមការស្រាវជ្រាវ ទឹកក្រូចអាចជួយកាត់បន្ថយហានិភ័យនៃជំងឺអាល្លែកហ្ស៊ី ជួយក្នុងការបង្កើតជាលិកាថ្មី និងកោសិកាឈាមក្រហមរួមទាំងមាននាទីក្នុងការបង្កើតសុកចំពោះស្ត្រីមានផ្ទៃពោះផងដែរ។ ៦. ទឹកទទឹម ទឹកផ្លែទទឹម សម្បូរទៅដោយវីតាមីន A C E និងអាស៊ីតហ្វូលិក ដែលមានលក្ខណៈល្អសម្រាប់បេះដូង ការពារការគាំងបេះដូង និងស្ទះសរសៃឈាមអាទែរ ព្រមទាំងជាភ្នាក់ងារដ៏ល្អសម្រាប់កូឡេស្តេរ៉ុល។ លើសពីនេះទៅទៀត វាអាចកាត់បន្ថយដំណាក់កាលនៃជំងឺមហារីកសួត។ ទឹកទទឹមអាចបង្កើនសារធាតុអេមូក្លូប៊ីន (Hemoglobin) ផងដែរ និងត្រូវបានទទួលស្គាល់ថាមានឥទ្ធិពលប្រឆាំងនឹងភាពចាស់។ សរុបមក របៀបរស់នៅប្រកបដោយសុខភាពល្អចាប់ផ្តើមពីជំហានតូចមួយ និងថែរក្សាសុខភាពរបស់អ្នកដោយធ្វើរឿងសាមញ្ញៗ នោះអ្នកនឹងអាចរស់នៅក្នុងជីវិតដែលមានសុភមង្គល និងសុខភាពល្អ។ យើងដឹងថាមានទឹកផ្លែឈើច្រើនទៀតដែលអ្នកអាចទទួលបានចំណែកឯទឹកផ្លែឈើដែលបានរៀបរាប់ខាងលើគ្រាន់តែជាទឹកផ្លែឈើធម្មតាដែលអ្នកអាចរកបានយ៉ាងងាយ។ ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Health Tips Health Tips
នរណាខ្លះអាចប្រឈមនឹងជំងឺពុកឆ្អឹង?

បច្ចុប្បន្នជំងឺពុកឆ្អឹងហាក់មានការកើនឡើងខ្ពស់សមាមាត្រទៅនឹងវ័យ និងអាយុរបស់មនុស្ស ដោយក្នុងនោះ ៣៩ភាគរយមានជំងឺពុកឆ្អឹងជាស្រ្តីដែលមានអាយុចាប់ពី ៦៥ឆ្នាំឡើងទៅ និង៧០ភាគរយចំពោះស្រ្តីក្រោយអាយុ ៨០ឆ្នាំ។ ដោយឡែកមានតែ ១៥ភាគរយតែប៉ុណ្ណោះ ដែលកើតឡើងចំពោះបុរសដែលមានវ័យចាប់ពី ៥០ឆ្នាំឡើង និង៨៥ភាគរយជាប់ពាក់ព័ន្ធនឹងកត្តាតំណពូជ។ ជំងឺពុកឆ្អឹង ជំងឺពុកឆ្អឹងជាជំងឺទូទៅដែលភាគច្រើនកើតនៅលើគ្រោងឆ្អឹងទាំងមូល ហើយវាមានលក្ខណៈថយចុះទ្រុឌទ្រោមនៃកំហាប់មូលដ្ឋានរបស់ឆ្អឹង និងមានការប្រែប្រួលនៃរចនាសម្ព័ន្ធតូចៗរបស់ឆ្អឹង ដែលជាមូលហេតុចម្បងធ្វើឲ្យគ្រោងឆ្អឹងផុយស្រួយខ្លាំងអាចប្រឈមមុខខ្ពស់នឹងការប្រេះស្រាំ និងបាក់បែកឆ្អឹងផងដែរ។ មូលហេតុចម្បង មានមូលហេតុចម្បងជាច្រើនដែលបង្កឲ្យមានជំងឺពុកឆ្អឹង តែកត្តាសំខាន់ដែលធ្វើឲ្យមានជំងឺនេះឡើងរួមមាន៖ • កត្តាតំណពូជ • អ្នកវ័យចំណាស់ដែលមានអាយុចាប់ពី ៦៥ឆ្នាំឡើងទៅ • មាឌតូចល្អិត (មានរង្វាស់កម្ពស់ធៀបនឹងទម្ងន់ទាប BMI

Health Tips Health Tips Other Diseases Other Diseases Other Diseases Other Diseases
ការស្រកទម្ងន់ខ្លាំងអាចជារឿងមិនធម្មតា

ស្របពេលដែលការស្រកទម្ងន់ជាគោលដៅដែលបុគ្គលមួយចំនួនចង់បាន តែវាក៏អាចប្រែទៅជាបញ្ហាដែលអ្នកត្រូវស្វែងរកហេតុផលដែលនៅពីក្រោយក្នុងករណីមានសញ្ញាលេចឡើងដូចជា បាត់បង់ចំណង់អាហារ ញ៉ាំធម្មតាតែទម្ងន់នៅតែស្រក និងបញ្ហាកម្របណ្តាលមកពីសុខភាពផ្លូvចិត្ត។  អ្វីគួរដឹង? ក្នុងលក្ខខណ្ឌទម្ងន់ខ្លួនស្រក តែមិនមានសញ្ញាថយចុះការញ៉ាំ ឬកាន់តែឃ្លានខុសពីធម្មតា អាការៈនេះអាចជាប់ទាក់ទង៖ - ជំងឺទឹកនោមផ្អែម៖ អ្នកជំងឺអាចស្រេកទឹកខ្លាំង ឬបត់ជើងតូចច្រើន - ជំងឺទាក់ទងនឹងក្រពេញទីរ៉ូអុីត (Hyperthyroidism)៖ អ្នកជំងឺអាចមានអាការៈញ័រ - វិបត្តិការស្រូបជីវជាតិ៖ ជាលទ្ធផលបណ្តាលមកពីជំងឺរលាកពោះវៀន ឬរលាកលំពែងរ៉ាំរ៉ៃ - ភាពប្រែប្រួលនៃមុខងាររាងកាយ ដោយការប្រើប្រាស់សារធាតុមួយចំនួនច្រើនហួសប្រមាណដូចជា៖ កាហ្វេ ឬសារធាតុអាល់កុលជាដើម។ ក្នុងលក្ខខណ្ឌការថយចុះចំណង់អាហារកើតមានឡើងខុសប្រក្រតី អាចជាលទ្ធផលនៃ៖ - ប្រភេទជំងឺធ្ងន់ធ្ងរដូចជា៖ មហារីក អេដស៍ មហារីកថ្លើមដំណាក់កាលចុងក្រោយ រលាកថ្លើមរ៉ាំរ៉ៃ ឬការចុះខ្សោយប្រព័ន្ធដង្ហើម - បញ្ហាផ្លូវចិត្តណាមួយ។ អ្វីគួរធ្វើ? ការស្វែងរកការប្រឹក្សា និងព្យាបាលត្រូវបានណែនាំប្រសិនការថយចុះទម្ងន់កើតឡើងក្នុងករណីណាមួយដូចខាងលើ ប៉ុន្តែក្នុងពេលជាមួយគ្នាអ្នកអាច៖ - ផ្លាស់ប្តូររបបចំណីអាហារ - បន្ថែមជាតិហិរក្នុងអាហាររបស់អ្នក - ជ្រើសរើសប្រភេទអាហារដែលល្អសម្រាប់សុខភាព។ មិនមានឱសថណាជាក់លាក់សម្រាប់បង្កើនការញ៉ាំអាហារនោះទេ តែគេសង្កេតឃើញមានការប្រើប្រាស់៖ - ឱសថក្នុងក្រុម Antihistaminiques H1៖ មានឈ្មោះ Doxylamine ដែលជាប្រភេទឱសថមានលក្ខណៈអាចជំរុញឲ្យមានការបរិភោគអាហារឡើងវិញ តែវាក៏អាចបង្កជាផលរំខានធ្វើឲ្យមានអាការៈងងុយផងដែរ។ ប្រសិនទម្ងន់ខ្លួនថយចុះ តែមិនមានអាការៈធីងធោងអ្នកអាចប្រើប្រាស់៖ - ឱសថចម្រាញ់ពីលម្អង Sthénorex៖ អាចប្រើបាន ៣គ្រាប់ក្នុងមួយថ្ងៃ - ឱសថចម្រាញ់ចេញពីសណ្តែកប្រភេទ Fenugrec៖ មានឈ្មោះ Fénugrène (Aérocid) ដែលអាចប្រើបានម្តង ២គ្រាប់ ពីរទៅបីដងក្នុងមួយថ្ងៃ។ ចំពោះមនុស្សពេញវ័យ ដែលមានទំនោរខ្លាំងក្នុងការចង់សម្រកទម្ងន់ អាចជាប់ពាក់ព័ន្ធទៅនឹងបញ្ហាផ្លូវចិត្ត ដែលនាំឲ្យរាងកាយរបស់ពួកគេអាចមានការប្រែប្រួលស្តែងចេញដូចជា៖ - ទម្ងន់ស្រកលឿន (ជាពិសេសនៅតំបន់មុខ ឬដៃ) - មានបញ្ហារាំងរដូវ - ទល់លាមក។ គួរបញ្ជាក់ថា ការថយចុះទម្ងន់ដែលបណ្តាលមកពីបញ្ហាផ្លូវចិត្តអាចជាជំងឺធ្ងន់ធ្ងរ និងពិបាកព្យាបាល ដែលទាមទារឲ្យមានការចូលរួមពីសំណាក់គ្រូពេទ្យផ្នែកចិត្តសាស្រ្តក្នុងការកែប្រែស្ថានភាពជំងឺឲ្យបានប្រសើរឡើង។ ប្រភពយោង៖ Le vademecum de la Médication officinale ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Health Tips Health Tips Health Tips
លំហាត់ប្រាណ ៤ប្រភេទជួយដល់សុខភាពសួតកាន់តែប្រសើរ

តើអ្នកមានដឹងទេថា សូម្បីតែសរីរាង្គសួតរបស់អ្នកក៏ត្រូវការលំហាត់ប្រាណដើម្បីសុខភាពដែរ? ដោយហេតុថាសួតមានមុខងារសំខាន់ក្នុងការបញ្ជូនអុកស៊ីសែនពីបរិយាកាសខាងក្រៅចូលទៅក្នុងចរន្ដឈាម និងបញ្ចេញនូវឧស្ម័នកាបូនិកទៅក្នុងបរិយាកាស។ ដូចនេះ ហេលស៍ថាម ប្រូ សូមណែនាំនូវលំហាត់ប្រាណដែលជួយដល់សុខភាពសួតរបស់អ្នកឲ្យកាន់តែប្រសើរ និងរឹងមាំ៖ • Aerobic៖ ការធ្វើលំហាត់ប្រាណតាមបែប Aerobic អាចធ្វើបានច្រើនវិធីសាស្រ្ត ឬច្រើនរបៀបដើម្បីបង្កើនសមត្ថភាពរបស់កោសិកាសួតនិងបេះដូងរបស់អ្នកសម្រាប់ការស្រូបយកអុកស៊ីសែន និងជួយសម្រួលដល់ការដកដង្ហើមផងដែរ ដោយហេតុថាវាអាចជួយធ្វើឲ្យសាច់ដុំធំៗក្នុងរាងកាយធ្វើការក្នុងចង្វាក់ស៊ីមេទ្រីគ្នា។ ផ្ទុយទៅវិញ វាក៏ជួយកាត់បន្ថយនូវភាពអស់កម្លាំង បង្កើនភាពរឹងមាំ ជួយជំរុញ ឬពង្រឹងកោសិកាសួត និងបេះដូងឲ្យមានសុខភាពល្អ ព្រមទាំងជួយការគ្រប់គ្រងទម្ងន់ បង្កើនកាល់ឡូរីដែលរាងកាយប្រើប្រាស់។ ដូច្នេះ យ៉ាងហោចណាស់អ្នកគួរចំណាយពេលត្រឹមតែ ២០នាទីជារៀងរាល់ថ្ងៃ ដើម្បីទទួលបានលទ្ធផលជាទីគាប់ចិត្ត។ គួរបញ្ជាក់ថាការធ្វើលំហាត់ប្រាណតាមបែប Aerobic រួមមានការដើរ ការជិះកង់ និងការរត់ជាដើម។ • Abdominal Breathing៖ ថ្វីត្បិតការធ្វើលំហាត់ប្រាណបែបនេះស្តាប់ទៅសាមញ្ញ តែវាអាចជួយបង្កើនសមត្ថភាព និងពង្រឹងសរីរាង្គសួតឲ្យមានសុខភាពល្អ មិនចាញ់ការធ្វើលំហាត់ប្រាណផ្សេងទៀតឡើយ។ លើសពីនេះ វាក៏ជួយដល់លំហូរឈាមក្នុងរាងកាយ និងសម្រួលក្នុងការដកដង្ហើមផងដែរ។ អ្នកគ្រាន់តែគេងនៅលើកម្រាលរាបស្មើ ដោយយកដៃម្ខាងដាក់លើពោះដៃម្ខាងដាក់លើដើមទ្រូង យកខ្នើយដាក់ទ្រនៅចំជង្គង់របស់អ្នករួចធ្វើការដកដង្ហើមចូលឲ្យវែងរយៈពេល៧វិនាទី បន្ទាប់មកធ្វើការដកដង្ហើមចេញយឺតៗ ធ្វើបែបនេះសារចុះសារឡើងឲ្យបាន១០ដង។ ត្រឹមតែ ៥នាទីជារៀងរាល់ថ្ងៃ ដើម្បីទទួលបានសុខភាពសួត និងបេះដូងរបស់អ្នកកាន់តែល្អ និងគ្មានជំងឺ។ • Rib Stretch៖ អ្នកធ្លាប់សាកល្បងធ្វើលំហាត់ប្រាណបែបនេះហើយឬនៅ? វាពិតជាប្លែក ហើយថែមទាំងអាចជួយកាត់បន្ថយនូវភាពតានតឹង ស្ត្រេស ជាពិសេសជួយពង្រឹងសមត្ថភាពសួត និងបេះដូងរបស់អ្នកឲ្យមានសុខភាពល្អផងដែរ។ ផ្ទុយទៅវិញការធ្វើលំហាត់ប្រាណបែបនេះត្រូវធ្វើការជ្រើសរើសទីតាំង ឬទីកន្លែងដែលមានទេសភាពស្រស់បំព្រងស្ងប់ស្ងាត់ អាកាសធាតុល្អ រួមជាមួយវាលស្មៅខៀវខ្ចី នោះនឹងធ្វើឲ្យអ្នកកាន់តែធ្វើបានយ៉ាងមានប្រសិទ្ធភាព។ ជំហានដំបូង អ្នកត្រូវឈរដោយលាដៃសន្ធឹងឲ្យស្របនឹងដងខ្លួន និងរក្សាខ្នងឲ្យត្រង់ ឬយកដៃទាំងពីរសង្កត់នៅលើឆ្អឹងជំនីរទាំងសងខាង បន្ទាប់មកធ្វើការដកដង្ហើមចូលរយៈពេល ១០ ទៅ១៥វិនាទី ទើបដកដង្ហើមចេញយឺតៗមកវិញ។ អ្នកគ្រាន់តែយកដៃទាំងពីរមកច្រត់លើចង្កេះរបស់អ្នកហើយធ្វើការបង្វិលទៅស្តាំបន្តិច ទៅឆ្វេង ៤ ទៅ៥ដងដើម្បីសម្រួលដល់លំហូរឈាម និងដកដង្ហើមបានកាន់តែប្រសើរ។ អ្នកអាចអនុវត្តលំហាត់ប្រាណបែបនេះពីរ ទៅបីដងក្នុងមួយថ្ងៃ ដោយធ្វើមួយដង រយៈពេល ២ ទៅ៥នាទីជាការស្រេច។ • ការហែលទឹក៖ សកម្មភាពលំហាត់ប្រាណមួយដ៏ល្អបំផុត សម្រាប់មនុស្សគ្រប់រូប មិនថាបុរស ឬស្រ្តីក្មេង ឬចាស់នោះទេ សុទ្ធតែអាចធ្វើបានទាំងអស់។ ការធ្វើលំហាត់ប្រាណហែលទឹកមានសារប្រយោជន៍ច្រើនណាស់សម្រាប់សុខភាពរបស់អ្នក ពិសេសសុខភាពសួត និងបេះដូង ដោយអាចជួយលើកកម្ពស់ការដកដង្ហើមឲ្យបានធូរស្រាល ពីព្រោះសកម្មភាពនៃការហែលទឹកបានរួមបញ្ចូលការបន្សាំនៃការប្រើប្រាស់អុកស៊ីសែនពេលរាងកាយស្ថិតនៅក្រោមទឹក។ ម៉្យាងវិញទៀត វាក៏ជួយរក្សាបរិមាណខ្យល់នៅក្នុងសួត កាត់បន្ថយភាពតានតឹង លើកកម្ពស់ដំណើរឈាមរត់ឲ្យប្រសើរឡើង ព្រមទាំងធ្វើឲ្យអ្នកទទួលបានអារម្មណ៍រីករាយផងដែរ។ គួរកត់សម្គាល់ដែរថា ការថែរក្សាសុខភាពសួតឲ្យបានល្អ មិនស្ថិតនៅលើការទទួលទានអាហារដែលមានសារធាតុបំប៉នតែមួយមុខនោះទេ ប៉ុន្តែត្រូវគួបផ្សំជាមួយការធ្វើលំហាត់ប្រាណផងដែរ។ ©2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Health Tips Health Tips