Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Aug 17, 2017 |
  • 8 years ago |
  • 16.1K views

អាថ៌កំបាំងបំបាត់បញ្ហាជាំមុខងាយៗ

  ជាំ ជាការកើតឡើងនូវពណ៌លើស្បែក ដែលបណ្តាលឲ្យពណ៌ស្បែកប្រែទៅជាពណ៌ក្រមៅជាងស្បែកធម្មតាហើយមានកម្រិតព្រំដែនច្បាស់លាស់។ គេសង្កេតឃើញថា«ជាំ» កើតមានលើស្ត្រីច្រើនជាងបុរស ហើយច្រើនកើតលើមនុស្សចាប់ពី២០ឆ្នាំ តែមូលហេតុរបស់វា មិនត្រូវបានបញ្ជាក់ ច្បាស់លាស់នោះទេ។   រីឯការព្យាបាលនោះទៀតសោត ក៏ធ្វើតាមវិធីសាស្ត្រផ្សេងៗពីគ្នា នេះបើតាមការបកស្រាយរបស់លោកស្ត្រីវេជ្ជបណ្ឌិត ញ៉ែម ណាវី ឯកទេសជំងឺសើស្បែកនិងកាមរោគ។   ក្រៅពីការព្យាបាលបែបវេជ្ជសាស្ត្រ ជាំក៏អាចធ្វើការព្យាបាលតាមរយៈគ្រឿងផ្សំងាយៗដែលមាននៅផ្ទះរបស់អ្នកស្រាប់បានដែរ…..   ម្សៅរមៀត ម្សៅរមៀត ជាធម្មតាត្រូវបានស្គាល់ថាជាប្រភេទម្សៅបរិសុទ្ធ មានផ្ទុកនូវលក្ខណៈសម្បត្តិជាថ្នាំធម្មជាតិពិសេសក្នុងការព្យាបាលជំងឺសើស្បែក ឬបញ្ហាស្បែកមួយចំនួន។ វាអាចបន្ថយផងដែរនូវជាតិពណ៌របស់ស្បែកនិងជួយបំបាត់ស្នាមជាំបានទៀតផង។ សមាសធាតុ curcumin នៅក្នុងរមៀតជាសារធាតុប្រឆាំងអុកស៊ីតកម្មដែលអាចកាត់បន្ថយភាពចាស់ជ្រីវជ្រួញនិងបង្កើនពន្លឺស្បែកជួយឲ្យផ្នែកខ្មៅនៃស្បែកឡើងភ្លឺមួយ កម្រិត។ របៀបធ្វើ៖   លាយ៥ស្លាបព្រានៃម្សៅរមៀត ជាមួយ១០ស្លាបព្រានៃទឹកដោះគោ ច្របល់ចូលគ្នាឲ្យសព្វ(មិនខាប់ពេកមិនរាវពេក)។ លាបល្បាយនេះនៅកន្លែងមានស្នាមជាំ  ទុកវាឲ្យស្ងួតរយៈពេល២០នាទី បន្ទាប់មកលាងជម្រះចេញជាមួយទឹកក្តៅឧណ្ហៗ ហើយជូតជាមួយកន្សែងពោះគោដែលស្អាត។លោកអ្នកអាចអនុវត្តជាប្រចាំ១ថ្ងៃម្តង   ដើម្បីទទួលបានលទ្ធផលឆាប់រហ័ស។ គួរបញ្ជាក់ថានៅក្នុងទឹកដោះគោមានផ្ទុកអាស៊ីតឡាក់ទិច និងកាល់ស្យូមដែលជួយឲ្យស្បែកទន់រលោងស្អាត ម៉្យាង ល្បាយនេះក៏មានសមត្ថភាពជួយបញ្ចេញ toxin ដែលជាជាតិពុលពីស្បែក និងជួយព្យាបាលមុនបានយ៉ាងប្រសើរថែមទៀត។   ម៉ាសល្ហុងទុំ នរណាៗក៏ដឹងថាល្ហុងមានផលប្រយោជន៍ចំពោះស្បែកដែរមិនថាខ្ចីឬទុំនោះទេ។ លក្ខណៈដោយឡែក ចំពោះល្ហុងទុំ វាមានឥទ្ធិពលខ្ពស់ ក្នុងការព្យាបាលជាំមុខ ដោយសារប៉ាប៉ាអីុន ដែលជាអង់ស៊ីមសកម្មនៅក្នុងល្ហុង ដើរតួនាទីជាអ្នកកម្ចាត់កោសិកាស្បែកចាស់ៗ ជាំ និងជួយឲ្យស្បែកទន់រលោងស្អាត។ របៀបធ្វើ៖ យកល្ហុងទុំប៉ុន្មានចំណិតច្របល់ ឬកិនឲ្យសព្វ ហើយលាបលើមុខរបស់អ្នកទុកវារយៈពេល១៥ ទៅ២០នាទី ទើបលាងជាមួយនឹងទឹកត្រជាក់ចេញ ក្រោយមកទៀតលោកអ្នកអាចលាបឡេផ្តល់សំណើមដល់ស្បែកបន្ថែម។   លោកអ្នកអាចអនុវត្តម៉ាសល្ហុងនេះ ឲ្យបាន២ដងក្នុងមួយសប្តាហ៍ នោះអ្នកនឹងទទួលបានប្រសិទ្ធភាពគួរជាទីគាប់ចិត្ត។   យ៉ាអួរ ជឿឬអត់ថា យ៉ាអួរមានប្រសិទ្ធភាពអាចកំចាត់នូវស្បែកជាំ? ប្រាកដណាស់ វាជួយបន្ថយសភាពជាំលើស្បែកមុខ ដោយសារអាស៊ីតឡាក់ទិចដែលមានផ្ទុកក្នុងនោះ។ អាស៊ីតឡាក់ទិចមានលក្ខណៈសម្អាត ជួយកាតបន្ថយជាតិពណ៌លើស្បែក និងជួយផលិតកោសិកាស្បែកថ្មីផងដែរ។ របៀបធ្វើ៖ ត្រូវសម្អាតមុខរបស់អ្នកឲ្យបានស្អាត បន្ទាប់មកលាបយ៉ាអួរស្តើងៗ លើផ្ទៃមុខត្រង់ផ្នែកជាំ ទុករយៈពេល១០នាទីមុននឹងលាងជាមួយនឹងទឹកស្អាត ដែលលោកអ្នក  អាចអនុវត្តបាន ម្តងឬ២ដង ក្នុង១សប្តាហ៍។   ជែលប្រទាលកន្ទុយក្រពើ លក្ខណៈសម្បត្តិដ៏អស្ចារ្យនៃម៉ាស់ប្រទាលកន្ទុយក្រពើ មានទាំងសារធាតុប្រឆាំងអុកស៊ីតកម្ម និងmucilaginous polysaccharidesដែលអាចជួយព្យាបាលជំងឺសើស្បែកមួយចំនួន និងបន្ថយស្នាមជាំខ្មៅលើផ្ទៃមុខរបស់អ្នកបាន។ របៀបធ្វើ៖ ចិតយកសាច់ប្រទាលកន្ទុយក្រពើរួចក្រឡុកឲ្យម៉ត់ លាបជែលប្រទាលកន្ទុយក្រពើសុទ្ទ  លើផ្នែកជាំ និងម៉ាស្សាស្រាលៗរយៈពេល២នាទីបន្ទាប់មកទុកឲ្យស្ងួតរយៈពេល១៥នាទីរួចលាងជម្រះជាមួយនឹងទឹកស្អាត។លោកអ្នកអាចអនុវត្តជារៀងរាល់ថ្ងៃដើម្បីទទួលបានប្រសិទ្ធភាពឆាប់ រហ័ស។   © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Health Tips Skin, STD & Beauty
Share
  • Aug 17, 2017 |
  • 8 years ago |
  • 4.4K views

៥ ចំណុច អ្នកគួរហាត់ប្រាណក្នុងក្លឹបហាត់ប្រាណ!

   នឹកគិតដល់លំហាត់ប្រាណម្តងៗអ្នកប្រហែលអាចគិតឃើញនូវជម្រើសជាច្រើនក្នុងការជ្រើសរើសទីតាំងសម្រាប់ហាត់ដែលអាចធ្វើឡើងនៅតាម ទីធ្លាសាធារណៈសួនច្បារក៏ដូចជាតាមក្លឹបហាត់ប្រាណនានា។គ្រប់ទីតាំងទាំងអស់សុទ្ធតែមានអត្ថប្រយោជន៍រៀងៗខ្លួនតែការហាត់តាមក្លឹបហាត់ប្រាណបានផ្តល់នូវភាពងាយស្រួល នឹងផលវិជ្ជមានជាច្រើនបែបដែលអ្នកប្រហែលជាមិនធ្លាប់់បានដឹងពីមុន។   ដូច្នេះ អត្ថបទខាងក្រោមអាចជាការណែនាំដ៏ល្អសម្រាប់អ្នកដែលចង់ធ្វើការហាត់ប្រាណនៅតាមក្លឹបលំហាត់ប្រាណនានា ដែលនឹងប្រាប់អ្នកពីអត្ថប្រយោជន៍ទាំង ៥នៃក្លឹបលំហាត់ប្រាណ។  ១ ឧបករណ៍ហាត់ប្រាណក្នុងទីតាំងតែមួយ  លំហាត់ប្រាណខាងក្នុង អាចជួយសម្រួលយ៉ាងច្រើនសម្រាប់អ្នកដែលមានតម្រូវការប្រើប្រាស់ជាមួយឧបករណ៍លំហាត់ប្រាណផ្សេងៗ។ អ្នកអាចហាត់ប្រាណក្នុងទីតាំងទូលាយ ដែលអាចទុកដាក់ឧបករណ៍ហាត់ប្រាណរបស់អ្នកនៅក្នុងទីតាំងតែមួយ និងអំឡុងពេលហាត់ជាមួយគ្នាតែម្តង។ ២ ប្រៀបបានជាថ្នាក់បង្រៀន  ការហាត់តាមក្លឹបនានា  ប្រៀបបានជាការចូលរួមក្នុងថ្នាក់មួយបង្រៀនអ្នកពីលំហាត់ប្រាណផ្សេងៗ ដែលប្រហែលជាអ្នកមិនធ្លាប់បានស្វែងយល់កន្លងមក។  ដោយសារ ការហាត់ត្រូវបានបង្វឹកដោយអ្នកមានជំនាញត្រឹមត្រូវ អ្នកអាចធ្វើលំហាត់ប្រាណដែលស័ក្តិសមនិងមានអត្ថប្រយោជន៍ជាច្រើន  ផ្ទុយទៅនឹងការហាត់ប្រាណគ្មានការណែនាំដែលអាចបង្កឲ្យមានគ្រោះថ្នាក់កើតឡើងជាយថាហេតុ   ក្នុងករណីអ្នកហាត់មិនបានត្រឹមត្រូវ។ ម៉្យាងវិញទៀត ការហាត់ជាក្រុមអាចជួយជម្រុញឲ្យមានទឹក-ចិត្តខ្ពស់ក្នុងការហាត់ឲ្យមានប្រសិទ្ធភាព  ជាជាងការហាត់តែម្នាក់ឯង។ ៣ សម្រួលអារម្មណ៍ក្នុងពេលតែមួយ ក្នុងក្លឹបលំហាត់ប្រាណមួយចំនួន ក្រៅពីមាននូវឧបករណ៍សម្រាប់ការហាត់ប្រាណ ក៏មានរួមបញ្ចូលផងដែរនូវសេវាកម្មមួយចំនួនទៀតដូចជាសោណា និងការម៉ាស្សាជាដើម។ក្នុងករណីការធ្វើលំហាត់ប្រាណផ្តល់នូវភាពហត់នឿយអ្នកអាចស្វែងរកសេវាកម្មទាំងនោះដើម្បីសម្រួលអារម្មណ៍ជាការលើកទឹកចិត្ត  ក៏ដូចជាបន្ថែមនូវភាពទំនើបក្នុងជីវិតទៀតផង។ ៤ មិនបារម្ភពីអាកាសធាតុ ការហាត់ប្រាណក្នុងទីតាំងមួយ ឬក្លឹបនានា អ្នកមិនចាំបាច់បារម្ភអំពីស្ថានភាពបរិយាកាស ឬអាកាសធាតុ ដែលជាកត្តាមួយអាចបង្អាក់នូវលំហាត់ប្រាណជាប្រចាំរបស់អ្នកនោះឡើយ។ ម៉្យាងទៀត លំហាត់ប្រាណខាងក្នុង អាចបញ្ចៀសនូវហានិភ័យនានាមកពីបរិយាកាសខាងក្រៅដូចជា ប៉ះពាល់ដល់សួត ភ្នែក ឬបំពង់ក ដែលវាអាចជាការប្រឈមខ្ពស់ចំពោះអ្នកដែលរស់នៅក្នុងតំបន់ដែលមានការបំពុលបរិយាកាសខ្លាំងក្លាមួយវិញទៀត វាមានអត្ថប្រយោជន៍ចំពោះអ្នកដែលមានបញ្ហាអាល្លែកហ្ស៊ី ដោយលំហាត់ប្រាណក្នុងក្លឹបអាចជួយឲ្យអ្នកចៀសវាងពីបញ្ហានោះបាន។ ៥ អ្នកអាចមានគ្រូបង្វឹកផ្ទាល់ខ្លួន មានគ្រូបង្វឹកផ្ទាល់ខ្លួន ជាជម្រើសដ៏ល្អដែលជួយឲ្យអ្នកអាចធ្វើលំហាត់ប្រាណបានច្រើនបែប។ ដោយហេតុថា គ្រូបង្វឹកនីមួយៗសុទ្ធតែមានជំនាញផ្នែកលំហាត់ប្រាណ ដូច្នេះពួកគេអាចនឹងណែនាំអ្នកពីទម្រង់នៃការហាត់ដែលត្រឹមត្រូវ ម៉្យាងទៀតវត្តមានរបស់ពួកគេបានជួយផ្តល់ជាយោបល់ក្នុងករណីអ្នកមានបញ្ហាក្នុងពេលហាត់។ ជារួមអ្នកនឹងមិនខាតពេលវេលានោះឡើយ តែអ្នកថែមទាំងទទួលបាននូវលំហាត់ប្រាណមួយដែលមានអត្ថប្រយោជន៍យ៉ាងពេញលេញ និងសាកសមទៅនឹងខ្លួនអ្នក។ លំហាត់ប្រាណ បានចូលរួមចំណែកយ៉ាងច្រើនក្នុងការថែរក្សាសុខភាពនិងបន្ថែមរសជាតិជីវិតសម្រាប់បុគ្គលម្នាក់ៗ ដូច្នេះអ្នកគួរមានការជ្រើសរើស  និងអនុវត្តវីធីសាស្រ្តក្នុងការហាត់ប្រកបដោយប្រសិទ្ធភាព ចៀសវាងការខិតខំទាំងអស់ប្រែជាការខាតបង់ទៅវិញ។ © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Health Tips Fitness
Share
  • Aug 16, 2017 |
  • 8 years ago |
  • 5.3K views

កុំព្រងើយកន្តើយនឹងស្ត្រេស!!! កាយ ចិត្ត និងអាកប្បកិរិយារបស់អ្នកនឹងផ្លាស់ប្តូរ បើមានវា…

ការស្គាល់ពីការស្ត្រេសលើសកម្រិត ជីវិតយើងមិនថាក្នុងដំណាក់កាលណានោះទេ ទាំងវ័យសិក្សា ធ្វើការងារ និងធ្វើជំនួញ គឺពោរពេញទៅដោយបទពិសោធន៍ថ្មីៗ និងការស្រាវជ្រាវ ពេលកំណត់យកកិច្ចការ និងការទាមទារផ្សេងៗ។ ចំពោះបុគ្គលភាគច្រើន របៀបរស់នៅបែបនេះអាចធ្វើឲ្យមានអារម្មណ៍ថប់បារម្ភ និងស្ត្រេស។ ទោះជាយ៉ាងណាក៏ដោយស្ត្រេសមិនមែនតែងតែអាក្រក់នោះទេ។ ប្រសិនបើវាស្ថិតនៅក្នុងកម្រិតមួយតិច វាអាចជួយជម្រុញឲ្យអ្នកធ្វើអ្វីមួយឲ្យអស់ពីសមត្ថភាពស្របពេលដែលអ្នកស្ថិតនៅក្រោមសម្ពាធ។ ប៉ុន្តែនៅពេលដែលអ្នករស់នៅក្នុងភាពអាសន្នយូរ ចិត្ត និងរាងកាយរបស់អ្នកអាចរងការប៉ះពាល់ពីវា ហើយអ្នកអាចចាប់ផ្តើមបាត់បង់នូវភាពម្ចាស់ការលើខ្លួនឯង។ ស្ត្រេស គឺជាការប្រមូលផ្ដុំគ្នា។ សញ្ញាដំបូងនៃការស្ត្រេសអាចមានដូចជាឈឺក្បាល ឆាប់ខឹងធ្វើទុក្ខក្រពះ ឬការគេងមិនបានលក់ស្រួល។ នៅពេលអ្នករៀនសម្គាល់សញ្ញាដំបូងនៃភាពស្ត្រេស អ្នកនឹងដឹងថារោគសញ្ញាទាំងនេះ គឺជាវិធីមួយដែលរាងកាយព្យាយាមប្រាប់អ្នកឲ្យបន្ថយល្បឿន និងរកវិធីដើម្បីបំបាត់ការស្ត្រេស។ ប្រសិនបើអ្នកមិនយកចិត្តទុកដាក់ចំពោះសញ្ញាទាំងនេះទេ ស្រេ្តស និងជំងឺថប់បារម្ភរបស់អ្នកអាចបន្តកើតឡើង និងបណ្តាលឲ្យមានការរំខានយ៉ាងធ្ងន់ធ្ងរលើផ្លូវចិត្ត ផ្លូវកាយ ការសិក្សានិងសង្គម។ ស្ត្រេសអាចប៉ះពាល់ដល់ទំនាក់ទំនងរបស់អ្នក សមត្ថភាពក្នុងការប្រមូលផ្តុំស្មារតី ឬការប្រាស្រ័យទាក់ទង ហើយវាអាចមានផលប៉ះពាល់អវិជ្ជមានដល់ប្រព័ន្ធភាពស៊ាំរបស់អ្នកដែលធ្វើឲ្យអ្នកងាយនឹងមានជំងឺ។ អ្វីដែលជាដំណឹងល្អនោះ គឺថា…អ្នកអាចការពារខ្លួនអ្នកបានដោយដឹងពីសញ្ញា និងរោគសញ្ញានៃស្ត្រេស និងការចាត់វិធានការ ដើម្បីកាត់បន្ថយផលប៉ះពាល់របស់វា។ ភាពខុសគ្នារវាងជំងឺថប់បារម្ភ និងស្ត្រេស ស្ត្រេស គឺជាភាពប្រក្រតីនៃការឆ្លើយតបខាងរាងកាយដែលអ្នកមាន នៅពេលអ្នកប្រឈមមុខនឹងបញ្ហាមួយ។ ជំងឺថប់បារម្ភ គឺជាការបញ្ចូលគ្នានៃលក្ខខណ្ឌផ្សេងៗ និងមានភាពស្រដៀងគ្នាទៅនឹងការភ័យខ្លាច។ ជារឿយៗ វាកើតឡើងភ្លាមៗដោយពុំអាចកំណត់ពីមូលហេតុបាន។ ចំពោះមនុស្សមួយចំនួន ការព្រួយបារម្ភ និងការថប់បារម្ភអាចនឹងក្លាយទៅជាបញ្ហាដ៏ធំធេង និងរំខានដល់គុណភាពនៃជីវិតរបស់ពួកគេ។ ការព្រួយបារម្ភច្រើនហួសប្រមាណ និងយូរអង្វែងអាចបង្ហាញពីជំងឺថប់បារម្ភ ហើយវានឹងទាមទារឲ្យមានការការព្យាបាលខុសៗគ្នា។ ផលប៉ះពាល់ទូទៅនៃការស្ត្រេស ស្ត្រេសអាចប៉ះពាល់ដល់គ្រប់ទិដ្ឋភាពនៃជីវិតរបស់យើង។ អ្នកអាចមានរោគសញ្ញាផ្នែកផ្លូវចិត្ត ផ្នែកឥរិយាបថ ផ្នែករាងកាយ និងផ្នែកអារម្មណ៍។ ខណៈពេលដែលរោគសញ្ញាទាំងនេះជាទូទៅច្រើនកើតមានក្នុងពេលដែលស្ត្រេស ប៉ុន្តែចំពោះអ្នកដែលមានជំងឺថប់បារម្ភអាចនឹងជួបប្រទះបញ្ហាទាំងនេះទោះបីជាគ្មានវត្តមានស្ត្រេសក៏ដោយ។ ទៅលើរាងកាយរបស់អ្នក៖ ឈឺក្បាល ឈឺសាច់ដុំ ឈឺទ្រូង អស់កម្លាំង ការផ្លាស់ប្តូរចំណង់ផ្លូវភេទ ឈឺក្រពះ បញ្ហានៃការគេង ឈឺជាញឹកញាប់។ ទៅលើអារម្មណ៍របស់អ្នក៖ ថប់បារម្ភ ការនៅមិនស្ងៀម ខ្វះការលើកទឹកចិត្ត ឬការផ្តោតអារម្មណ៍ ឆាប់ខឹង ភាពក្រៀមក្រំ ឬការធ្លាក់ទឹកចិត្ត ភ្លេចច្រើន អារម្មណ៍គ្មានសុវត្ថិភាព។ ទៅលើអាកប្បកិរិយារបស់អ្នក៖ ញ៉ាំច្រើន ឬមិនឃ្លាន ភាពងាយនឹងផ្ទុះកំហឹង ការប្រើប្រាស់គ្រឿងញៀនឬគ្រឿងស្រវឹង ការផ្ដាច់ខ្លួនពីសង្គម ការដេកច្រើនពេកឬតិចពេក មានបញ្ហាផ្នែកទំនាក់ទំនង ការយំចំពោះរឿងបន្តិចបន្តួច(ព្រោះពួកគេមិនអាចគ្រប់គ្រងខ្លួនឯងបាន) ការគេចវេសឬការព្យាយាមពន្យាពេលមិនព្រមធ្វើអ្វីមួយ។ វិធីគ្រប់គ្រងការស្ត្រេស ការគ្រប់គ្រងស្ត្រេស គឺជាជំនាញដ៏សំខាន់មួយ ហើយវាគឺមានតម្លៃក្នុងការចំណាយពេលវេលា ដើម្បីរកវិធីបន្ថយស្ត្រេសដែលល្អបំផុតសម្រាប់អ្នក។ ការយកចិត្តទុកដាក់លើគំនិត និងរាងកាយរបស់អ្នកអាចជួយអ្នកក្នុងការគ្រប់គ្រងកម្រិតស្ត្រេសរបស់អ្នក និងជួយអោយអ្នកមានម្ចាស់ការលើខ្លួនឯង។ ខាងក្រោមនេះ គឺជាការផ្តល់យោបល់មួយចំនួន៖ • ទទួលទានដំណេកឲ្យបានគ្រប់គ្រាន់ • បរិភោគអាហារដែលល្អសម្រាប់សុខភាព (ស្ករ និងអាហារកែច្នៃអាចធ្វើឲ្យស្ត្រេសកាន់តែអាក្រក់) • ហាត់ប្រាណឲ្យបានទៀងទាត់ អ្នកគួរធ្វើនូវការហាត់ប្រាណណាដែលអ្នកចូលចិត្តដែលអនុញ្ញាតឲ្យអ្នកបញ្ចេញភាពតានតឹងបាន • រៀនពីបច្ចេកទេសដកដង្ហើម ដើម្បីបំបាត់ភាពតានតឹង • យកចិត្តទុកដាក់លើគំនិតអវិជ្ជមានរបស់អ្នក • ការសមាធិ • រកទីកន្លែងស្ងប់ស្ងាត់ ដើម្បីសិក្សា • អនុវត្តការនិយាយថា «ទេ» ចំពោះស្ថានភាព និងអ្នកដែលបន្ថែមភាពស្ត្រេសទៅលើជីវិតរបស់អ្នក • ម៉ាស្សា • និយាយជាមួយមិត្តភក្តិ ឬនរណាម្នាក់ដែលអ្នកទុកចិត្ត • កំណត់ការទទួលជាតិកាហ្វេអ៊ីនរបស់អ្នក • ជៀសវាងការប្រើគ្រឿងស្រវឹង ឬគ្រឿងញៀនដទៃទៀត ដើម្បីកាត់បន្ថយភាពស្ត្រេសរបស់អ្នក • គ្រប់គ្រងពេលវេលា និងថាមពលរបស់អ្នក។ អ្នកអាចផ្តល់អាទិភាពការងារដែលអ្នកត្រូវធ្វើដោយមិនត្រឹមតែផ្អែកលើពេលវេលានោះទេ អ្នកត្រូវគិតពីថាមពលរបស់អ្នកសម្រាប់ភារកិច្ចនោះដែរ។ • សើច! មើលភាពយន្តកំប្លែង ឬព្យាយាមសាកល្បងLaugh Yoga។ • ចំណាយពេលវេលា ដើម្បីសំរាកលំហែកាយ ភាពសប្បាយ និងធ្វើអ្វីដែលជាចំណូលចិត្តរបស់អ្នក។  ការទទួលយកជំនួយ មនុស្សភាគច្រើនតែងតែមានអារម្មណ៍ថាពួកគេអាចមានលទ្ធភាពដោះស្រាយអ្វីគ្រប់យ៉ាង។ ប្រសិនបើការព្រួយបារម្ភ និងស្ត្រេសហួសកម្រិតអាចជះឥទ្ធិពលដល់គុណភាពនៃជីវិតរបស់អ្នក នោះវាគឺជាពេលដែលត្រូវទទួលយកជំនួយហើយ។ គ្រូពេទ្យផ្នែកសុខភាពផ្លូវចិត្តអាចផ្ដល់នូវជម្រើសនៃការព្យាបាលផ្សេងៗដែលអាចជួយអ្នកឲ្យមានការធូរស្បើយ។ វាមានឯកសារជាច្រើនដែលអាចជួយអ្នកឲ្យយល់កាន់តែច្បាស់អំពីរបៀបដែលស្ត្រេស និងការថប់បារម្ភអាចប៉ះពាល់ដល់អ្នក។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Mental Health​ & Entertainment
Share
  • Aug 16, 2017 |
  • 8 years ago |
  • 4.8K views

អាចជួួយបែបណាខ្លះ​ចំពោះមនុស្សចាស់ដែលពិបាកក្នុងការទទួលទានអាហារ?

    វ័យកាន់តែចាស់អ្នកអាចសង្កេតឃើញថាឪពុកម្តាយរបស់អ្នកកាន់តែមានការផ្លាស់ប្តូរក្នុងរបបអាហារប្រចាំថ្ងៃរបស់ពួកគាត់មិនថាចំណង់ចំណូលចិត្ត និងរបៀបបរិភោគ។ ក្នុងចំណោមការផ្លាស់ប្តូរទាំងនោះការថយចុះនូវការទទួលទានអាហារ គឺជាបញ្ហាដែលគួរឲ្យបារម្ភមួយ ខណៈដែលសារជាតិចិញ្ចឹមពីអាហារមានទំនាក់ទំនងយ៉ាងខ្លាំងជាមួយនឹងសុខភាពរបស់មនុស្សចាស់។ ខាងក្រោម គឺជាមូលហេតុដែលជួបញឹកញាប់បំផុតក្នុងការធ្វើឲ្យមនុស្សចាស់ពិបាកក្នុងការទទួលទានអាហារ និងគន្លឹះក្នុងការដោះស្រាយ។ 01. បញ្ហាសុខភាពមាត់ធ្មេញ៖ ធ្វើឲ្យពិបាកក្នុងការទំពារ និងលេបអាហារ ឬអាចសូម្បីបង្កឲ្យមានការឈឺចាប់ទៀតផង ដែលជាហេតុធ្វើឲ្យពួកគាត់បាត់បង់ចំណង់ក្នុងការបរិភោគអាហារ។ -ជម្រើសអាហារល្អ គឺអាហារទន់មានជាតិទឹកនិងកាត់ជាដុំតូចៗជាឧទាហរណ៍ជំនួសឲ្យបន្លែឆៅគួរយកវាមកចម្អិនឲ្យទន់ជំនួសសាច់បន្ទះដោយសាច់ ចិញ្ច្រាំរីឯសាច់ត្រីជាជម្រើសល្អបំផុត។ការបន្ថែមទឹកស្រូបឬទឹកជ្រលក់សម្រាប់មុខម្ហូបអាចបន្ថែមនូវជាតិទឹកបាន។ចាំបាច់ផងដែរក្នុងការទៅពិនិត្យមាត់ធ្មេញជាមួយទន្តបណ្ឌិតឲ្យបានទៀងទាត់ ដើម្បីទទួលការព្យាបាល និងថែទាំបានល្អ។ 02. បញ្ហាគំហើញថយចុះ៖ មនុស្សចាស់ច្រើនជួបប្រទះនឹងបញ្ហាភ្នែកដូចជាម៉្ញូប ឬឡើងបាយភ្នែកជាដើម ដែលធ្វើឲ្យពួកគាត់មើលអាហារមិនបានច្បាស់ និងកាត់បន្ថយចំណង់អាហារតាមរយៈរូបភាព។ - ជម្រើសអាហារល្អ គឺ អាហារដែលមានពណ៌ស្រស់ (ដូចជាបន្លែគ្រប់មុខជាដើម) និងរៀបចំដាក់ចានដែលមានពណ៌ឆ្លុះជាមួយអាហារដើម្បីឲ្យពួកគាត់អាចបែងចែក និងឃើញអាហារបានល្អ។ 03. ការថយចុះនៃសមត្ថភាពដឹងក្លិននិងរសជាតិ៖ក្លិននិងរសជាតិមានសារសំខាន់ក្នុងការបង្កើតនូវចំណង់អាហារដូចនេះការថយចុះនៃសមត្ថភាពនេះជាមួយនឹងវ័យជាមូលហេតុនៃការថយចុះនៃការបរិភោគ។ - ជម្រើសអាហារល្អ គឺ អាហារដែលមានបន្ថែមគ្រឿងផ្សំបង្កើនរសជាតិ និងក្លិន (គ្រឿងទេស រុក្ខជាតិ ឬបន្លែមានរសជាតិ និងក្លិនប្រហើរ) រួមជាមួយនឹងការប្រើវិធីសាស្ត្រផ្សេងៗដែលអាចបង្កើនក្លិន និងរសជាតិ។ ការបន្ថែមស្ករ អំបិល ឬប័រដើម្បីបង្កើនរសជាតិមិនមែនជាដំណោះស្រាយ ល្អឡើយ។ 04. ផលរំខាននៃថ្នាំមួយចំនួន៖ ផលរំខាននៃថ្នាំមួយចំនួនអាចទាក់ទងនឹងចំណង់នៃការបរិភោគតាមរយៈការធ្វើឲ្យមានអាការៈទល់លាមក រាកក្អួតចង្អោរ ស្ងួតមាត់ ឬធ្វើឲ្យមានរសជាតិមិនល្អនៅក្នុងមាត់។ - ជម្រើសល្អ គឺ ទៅជួបពិគ្រោះជាមួយវេជ្ជបណ្ឌិត ឬអ្នកជំនាញសុខភាពទាក់ទងនឹងការប្រើប្រាស់ថ្នាំ និងដំបូន្មានផ្សេងៗដើម្បីកាត់បន្ថយផលរំខាន ក៏ដូចជាសម្រួលលើការប្រើប្រាស់ថ្នាំនិងរបបអាហារ។ 05.   ការទល់លាមក៖ ការរំលាយអាហារនឹងប្រព្រឹត្តទៅយឺតជាងមុននៅពេលវ័យកាន់តែច្រើន។បញ្ហាញឹកញាប់មួយដែលបង្កដោយការទល់លាមកគឺជាអារម្មណ៍ឆ្អែត និងតឹងណែនពោះ។ - ជម្រើសល្អ គឺ ការផ្តល់នូវអាហារសម្បូរដោយកាកសរសៃ និងសារធាតុរាវឲ្យបានច្រើន។ គួរលើកទឹកចិត្តឲ្យពួកគាត់ធ្វើសកម្មភាពឲ្យបានច្រើនតាមដែលអាចធ្វើបាន។ ព្យាយាមកាត់បន្ថយការប្រើថ្នាំបញ្ចុះ និងគួរទៅជួបជាមួយនឹងអ្នកជំនាញបើបញ្ហានេះនៅបន្តយូរ ឬកើតមានញឹកញាប់។ 06. ការតមអាហារជ្រុល៖ ដោយសារស្ថានភាពជំងឺប្រចាំកាយ និងសុខភាពល្អ ឪពុកម្តាយចាស់ៗរបស់យើងអាចនឹងព្យាយាមតមអាហាររហូតអាចធ្វើឲ្យមានកង្វះនូវសារជាតិចិញ្ចឹមទៅវិញ ដែលពេលនោះពួកគាត់នឹងបាត់បង់នូវថាមពល ក៏ដូចជាធ្វើឲ្យមេតាបូលីសក្នុងខ្លួនកាន់តែ ថយចុះ។ - ជម្រើសល្អ គឺ ជួបពិគ្រោះជាមួយនឹងអ្នកជំនាញសុខភាពដើម្បីទទួលបានដំបូន្មានទាក់ទងនឹងរបបអាហារសមរម្យ និងប្រកបដោយសុខភាព។   07. បញ្ហាធ្លាក់ទឹកចិត្ត៖ ការបារម្ភនឹងជំងឺប្រចាំកាយ និងបញ្ហាផ្សេងៗ រួមជាមួយភាពឯកកានៅវ័យចំណាស់ (ការបាត់បង់សមាជិកគ្រួសារ ឬដៃគូ)ជាហេតុធ្វើឲ្យពួកគាត់លែងមានចំណូលចិត្តក្នុងការបរិភោគអាហារ។   - ជម្រើសល្អ គឺ បង្កើនបរិយាកាសក្នុងពេលទទួលទានដោយផ្លាស់ប្តូរកន្លែង និងព្យាយាមកំដរពួកគាត់យ៉ាងហោចណាស់មួយថ្ងៃម្តងក្នុងពេលអាហារ។ អ្នកក៏អាចហៅសមាជិកគ្រួសារ បងប្អូន មិត្តភក្តិ ឬអ្នកជិតខាងឲ្យចូលរួមអាហារឲ្យបានញឹកញាប់ (អាចគ្រាន់ជាការពិសាតែ ឬអាហារសម្រន់)។ កាន់តែប្រសើរ គឺជំរុញឲ្យពួកគាត់ចូលរួមសកម្មភាពសង្គមមនុស្សចាស់ឲ្យបានច្រើនដើម្បីកាត់បន្ថយភាពធុញថប់ និង ភាពឯកា។ អ្នកត្រូវស្វែងរកមូលហេតុដែលធ្វើឲ្យឪពុកម្តាយជាទីស្រឡាញ់ ឬមនុស្សចាស់នៅក្នុងគ្រួសាររបស់អ្នកមិនចង់បរិភោគអាហារដើម្បីចៀសវាងកង្វះសារជាតិចិញ្ចឹមសម្រាប់សុខភាព។ ករណីដែលវិធីខាងលើមិនផ្តល់លទ្ធផល អ្នកគួរនាំពួកគាត់ទៅជួបវេជ្ជបណ្ឌិតដើម្បីកំណត់មូលហេតុ និងប្រាកដថាវាមិនជាប់ពាក់ព័ន្ធនឹងជំងឺណាមួយ។ © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Vitamins & Nutrition
Share
  • Aug 16, 2017 |
  • 8 years ago |
  • 4.6K views

កុំឲ្យសក់របស់អ្នកចាស់តាមអាយុ

  ស្រស់ស្អាតជាក្តីប្រាថ្នារបស់មិត្តនារីគ្រប់រូបមិនថាស្ថិតក្នុងវ័យណាកាលៈទេសៈណា។ភាពស្រស់ស្អាតទាំងនោះមិនត្រឹមតែចោទសំខាន់ទៅលើផ្ទៃមុខនោះទេ តែភាពទន់រលោងរបស់សរសៃសក់ក៏ជាចំណុចសំខាន់នៃការបង្ហាញពីសម្រស់ផងដែរ។ ដោយហេតុនេះ ហេលស៍ថាម សូមណែនាំ វិធីសាស្ត្រថែរក្សាសក់ប្រកបដោយសុវត្ថិភាពខាងក្រោម៖ ផ្តល់សំណើមជាប្រចាំ៖   តាមពិតទៅការថែរក្សាសក់របស់អ្នក វាក៏ដូចជាការថែរក្សាស្បែកដែរ ការផ្តល់សំណើមដល់សក់ គឺពិតជាសំខាន់ ដើម្បីឲ្យ ប្រាកដថាវាអាចរក្សាបាននូវសុខភាពល្អ និងមិនងាយខូច។ ដោយហេតុថាសក់មនុស្សវ័យចំណាស់មានសភាពស្តើង ហើយផុយស្រួយជាងធម្មតា។ ម៉ាស្សាស្បែកក្បាល៖   ម៉ាស្សា ឬត្រដុសស្បែកក្បាល អាចជួយបង្កើនចលនាឈាមរត់នៃស្បែកជុំវិញលលាដ៍ក្បាលរបស់អ្នកដែលនឹងជំរុញការភ្ញោចគល់សក់។ ការកើននូវចលនាឈាមរត់នេះទៀតសោតនឹងនាំយកនូវចំណីអាហារមកចិញ្ចឹមស្បែកក្បាលព្រមទាំងបង្កើនការដុះលូត-លាស់នៃសក់ក្បាលបានមួយកម្រិតទៀតផង។ ផ្សើមសក់៖  ផ្សើមសក់ជាមួយទឹកត្រជាក់នឹងមិនការពារសក់របស់អ្នកពីភាពស្ងួតបាននោះទេ ប៉ុន្តែវានឹងបិទគល់សក់ដើម្បីការពារការបំផ្លាញផ្សេងៗ។លោកអ្នកគួរប្រយ័ត្នផងដែរចំពោះការលាងឬផ្សើមសក់ជ្រុលហួសហេតុព្រោះវាអាចបំផ្លាញដល់ប្រេងធម្មជាតិដែលមានសារសំខាន់ក្នុងការរក្សាទ្រង់ទ្រាយសក់របស់អ្នក។ យកល្អអ្នគ្រាន់តែលាងសម្អាតសក់រៀងរាល់ថ្ងៃ ព្រមទាំងចៀសវាងសិតសក់កំឡុងពេលសក់សើម ព្រោះវាធ្វើឲ្យសក់អ្នកផុយ និងឆាប់ជ្រុះ។ ផលិតផលសម្រាប់សក់៖  ចៀសឲ្យឆ្ងាយពីសាប៊ូកក់សក់ និងផលិតផលសម្រាប់សក់ណា ដែលមានផ្ទុកសារធាតុគ្រោះថ្នាក់ ដូចជា SodiumLauryl Sulphate ជាដើម។ សារធាតុទាំងនេះ បំផ្លាញសក់របស់អ្នក ហើយអាចក្លាយជាជាតិពុលជ្រាបចូលក្នុងរាងកាយទៀតផង។ ដើម្បីទទួលបានប្រសិទ្ធភាព អ្នកគួរសួរទៅកាន់ឱសថការី ឬអ្នកជំនាញខាងសើស្បែក ពីផលិតផលដែលល្អប្រើបំផុត។ ស្វែងរកផលិតផលធម្មជាតិ មានរួមបញ្ចូលទាំងសារធាតុសរីរាង្គជាជម្រើសដ៏ល្អ។ចំពោះជែលលាបសក់ឬផលិតផលលេងម៉ូតសក់មួយចំនួនគួរតែត្រូវបានលាងជម្រះចេញមុនពេលអ្នកចូលគេង។ ត្រូវចាំថា ភាពស្អិតនៃស្ព្រៃយន៍បាញ់សក់ និងជែលអាចជ្រាបទៅដល់ស្បែកក្បាល និងផ្ចិតរន្ធញើស ករណីរក្សាវាក្នុងរយៈពេលយូរ។ សាប៊ូកក់សក់៖  សម្រាប់សក់ស្តើងគួរប្រើសាប៊ូ និងក្រែមបន្ទន់សក់ ដែលជួយបង្កើនកម្រាស់សក់។សាប៊ូបង្កើនកម្រាស់សក់ ជាទូទៅមានផ្ទុកសារធាតុផ្សំដូចជា ប្រូតេអ៊ីន ដែលនឹងគ្របដណ្តប់ការពារសក់ នឹងធ្វើឲ្យភ្លឺរលោង។ ទោះជាយ៉ាងណាក៏ដោយ ការផ្តល់សំណើមគឺសំខាន់ ចៀស-វាងក្រែមបន្ទន់សក់ដែលមានកម្រិតខ្លាំងពេកព្រោះវាអាចបន្ថយទម្ងន់សក់ និងមើលទៅសក់ហាក់ដូចជាមានជាតិប្រេងច្រើន។ ការលេងម៉ូតសក់៖  ប្តូរម៉ូតសក់ញឹកញាប់ ហាក់ដូចជាការសម្លាប់សក់ខ្លួនឯងដូច្នេះដែរ។ នៅពេលធ្វើម៉ូតសក់ អ្នកគួរព្យាយាមចៀសវាង ផ្លុំសំងួតសក់ពេលវាកំពុងសើមជោគ ដោយទុកសក់ឲ្យស្ងួតតាមធម្មតា ពូតនឹងដៃ និងជូតដោយកន្សែងជាមុនសិន។ ការធ្វើម៉ូតសក់វែងដោយការចងតឹងពេក ជាមួយកៅស៊ូចងសក់ ជាការដាក់សម្ពាធដល់ស្បែកក្បាលនិងជាមូលហេតុនៃការដាច់សក់។ របបអាហារ៖  ទម្លាប់រស់នៅប្រចាំថ្ងៃ រួមជាមួយនឹងរបបអាហារ មានផលប៉ះពាល់ក្នុងផ្នែកដ៏ធំលើសុខភាពសក់។ ព្យាយាមបង្កើនបរិមាណអាហារសម្បូរប្រូតេអុីន ដូចជា ស៊ុត សណ្តែកសៀង សណ្តែកខៀវ និងសាច់។ អាហារសម្បូរជាតិដែក វីតាមីនA វិតាមីនB និងសារធាតុរ៉ែ វានឹងធានាឲ្យសក់របស់អ្នកទទួលបានសារធាតុចិញ្ចឹមគ្រប់គ្រាន់តាមតម្រូវការ។ ចាំថា ការជក់បារីនឹងធ្វើឲ្យសក់អ្នកងាយជ្រុះ និងឆាប់ក្លាយជាស្កូវ។ ជម្រើសត្រឹមត្រូវ រួមជាមួយការអនុវត្តដ៏ត្រឹមត្រូវ នឹងផ្តល់ឲ្យអ្នកនូវភាពស្រស់ស្អាតបែបធម្មជាតិ… © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Skin, STD & Beauty
Share
  • Aug 15, 2017 |
  • 8 years ago |
  • 7.4K views

គន្លឹះ១១យ៉ាងចៀសវាងការរំខានស្មារតី

   កិច្ចការងារមួយដែលនឹងសម្រេចទៅបានដោយជោគជ័យ ទាមទារជាចាំបាច់នូវការប្រមូលផ្តុំស្មារតីក្នុងការប្រកបការងារឲ្យមូល   ប៉ុន្តែវាមិនងាយដូចជាមាត់និយាយនោះទេ  ព្រោះថានៅជុំវិញខ្លួនមនុស្សយើងរាល់ថ្ងៃនេះ គឺពោរពេញទៅដោយកត្តាផ្សេងៗជាច្រើន ជាពិសេសសំឡេងរំខានដែលចាប់ទាញចំណាប់អារម្មណ៍របស់យើង ជាហេតុនាំឲ្យបែកអារម្មណ៍។   សម្រាប់អ្នកដែលមានការប្តេជ្ញាចិត្តមុតមាំ និងស្មារតីខ្ពស់ វាអាចនឹងជារឿងមួយងាយស្រួលសម្រាប់ពួកគេក្នុងការរក្សាស្មារតីឲ្យនៅមូលនឹងការងារ។ ចំណែកឯអ្នកដែលងាយនឹងត្រូវទទួលរងការរំខានវិញ វាប្រហែលជាកិច្ចការមួយពិបាកបន្តិច តែសូមកុំព្រួយបារម្ភអ្វី...សូមសាកល្បងធ្វើតាមគន្លឹះ១១យ៉ាងខាងក្រោមនេះ...   ១.បិទរាល់ឧបករណ៍ដែលបង្កសំឡេងរំខាន  មជ្ឈដ្ឋាននៅជុំវិញខ្លួនជាកត្តាសំខាន់បំផុត វាមានឥទ្ធិពលជាងគេទៅលើស្មារតីរបស់យើងម្នាក់ៗ ហេតុដូច្នេះហើយ ធ្វើយ៉ាងណាបរិយាកាសដែលអ្នកប្រកបកិច្ចការ ជាបរិយាកាសដែលស្ងប់ស្ងាត់ដោយមិនមានសំឡេងរំខានពីទូរទស្សន៍ វិទ្យុ ឬឧបករណ៍តន្រ្តីផ្សេងៗ។   ២.សរសេរ «អារម្មណ៍ស្ងប់» ហើយដាក់នៅជិតខ្លួន  សរសេរបែបនេះ ហើយដាក់ក្រដាសនោះនៅកន្លែងណាដែលងាយនឹងមើលឃើញជាងគេ។ រាល់ពេលដែលអ្នកក្រឡេកឃើញវា អ្នកត្រូវទម្លាក់ស្មាចុះ ដោយប្រាកដថាមាត់មិនមានទំពារអ្វី ហើយរក្សាការគិតឲ្យស្ងប់។   ៣.រៀបចំកន្លែងឲ្យមានសណ្តាប់ធ្នាប់ អ្វីដែលអ្នកមិនគួរមើលរំលង គឺការរៀបចំកន្លែងដែលអ្នកអង្គុយធ្វើការ។ សណ្តាប់ធ្នាប់ពីបរិយាកាសខាងក្រៅមាននាទីយ៉ាងសំខាន់ក្នុងការជួយបុគ្គលម្នាក់ៗឲ្យប្រមូលផ្តុំអារម្មណ៍ ដូច្នេះហើយ ត្រូវរៀបចំទីកន្លែងទាំងនោះឲ្យមានភាពទាក់ទាញ សណ្តាប់ធ្នាប់ ហើយអ្វីដែលមិនអាចខ្វះបាន គឺពន្លឺគ្រប់គ្រាន់។   ៤.កាត់បន្ថយការធ្វើកិច្ចការច្រើនក្នុងពេលតែមួយ កុំទម្លាប់ជឿជាក់ថា មនុស្សដែលឆ្លៀតធ្វើកិច្ចការងារច្រើនយ៉ាងក្នុងពេលតែមួយចំណេញឲ្យសោះ ថ្វីត្បិតថាអ្នកបានចំណេញពេលវេលាពិតមែន តែប្រសិទ្ធភាព និងគុណភាពនៃលទ្ធ-ផលការងារមិនដូចចិត្តឡើយ។ ដូចនេះហើយ អ្នកគួរចៀសវាងការធ្វើសកម្មភាពពីរក្នុងពេលតែមួយដូចជា កុំនិយាយទូរស័ព្ទស្របពេលលាងចាន ឬពិនិត្យអ៊ីម៉ែលស្របពេលស្តាប់ទូរស័ព្ទ ជាដើម។   ៥.បិទសំឡេងរោទិ៍ចេញពីទូរស័ព្ទ  សំឡេងដែលបន្លឺចេញពីទូរស័ព្ទដៃជាប្រភពដ៏ចម្បងមួយនៃការរំខាន ដែលងាយនឹងកើតឡើងជាងគេ ហើយវាក៏ជាដើមចងដែលធ្វើឲ្យអារម្មណ៍ច្រួលច្រាល និងមួរម៉ៅ។   ៦.ទុកពេលវេលាសម្រាប់ខ្លួនឯង វាជារឿងមួយល្អដែលអ្នកបានរៀបចំបញ្ជីនៃកិច្ចការងារដែលត្រូវធ្វើជាប្រចាំថ្ងៃ  ប៉ុន្តែអ្នកមិនគួរប្រញាប់ធ្វើវាទាំងអស់ក្នុងរយៈពេលមួយថ្ងៃពេញនោះទេ។ ខួរក្បាលមនុស្សក៏មិនខុសពីគ្រឿងអេឡិចត្រូនិចដែរ វាត្រូវការពេលសម្រាកខ្លះ ដើម្បីប្រមូលផ្តុំ ក៏ដូចជាបង្កើនថាមពលឡើងវិញ។   ៧.ប្រើប្រាស់អ៊ីនធឺណែតសម្រាប់តែក្នុងករណីចាំបាច់ អ្នកគួរតែប្រើប្រាស់អ៊ីនធឺណែតសម្រាប់តែការស្រាវជ្រាវរកព័ត៌មានសំខាន់ៗ ឬធ្វើការទំនាក់ទំនងចាំបាច់ប៉ុណ្ណោះ ហើយកុំព្យាយាមការចុចចូលបន្តពីតំណមួយទៅតំណមួយទៀត ឬការរកមើលនេះមើលនោះដោយគ្មានគោលដៅ។   ៨.បិទសារអេឡិចត្រូនិចពេលខ្លះ ប្រសិនបើអ្នកធ្វើការងារច្រើនជាមួយនឹងសារអេឡិចត្រូនិច អ្នកក៏គួរកាត់បន្ថយពេលវេលាខ្លះជាមួយនឹងវា។   ៩.បញ្ឈប់ការរាប់ចំនួន ចៀសវាងការសម្លឹងមើលនាឡិកា កិច្ចសន្យា របាយការណ៍ធនាគារ និងរបស់ផ្សេងៗជាច្រើនទៀតដែលពាក់ព័ន្ធនឹងចំនួន ដើម្បីឲ្យខួរក្បាល និងការគិតរបស់អ្នកបានផ្តោតលើកិច្ចការងារផ្សេងទៀត។   ១០.ធ្វើលំហាត់ប្រាណ វាជាការពិតដែលគេនិយាយតៗគ្នា ការសម្រាកជារឿយៗជួយឲ្យខួរ-ក្បាលស្រឡះល្អ និងអាចប្រមូលផ្តុំស្មារតីបានល្អ  ប៉ុន្តែវាក៏ត្រូវមានកម្រិតផងដែរ។   ១១.កុំផ្តោតតែលើការងារ មិនថាមានការងារសំខាន់ប៉ុណ្ណាត្រូវធ្វើនោះទេ អ្នកក៏ត្រូវមានចន្លោះ ពេលខ្លះសម្រាប់ធ្វើការងារខ្លះដើម្បីខ្លួនឯង ហើយរំដោះខ្លួនពីការខំប្រឹងប្រែងហួសកម្រិតនោះ។ ដើម្បីឲ្យកាន់តែមានប្រសិទ្ធភាពការងារ អ្នកគួរមានភាពឆ្លាតវៃក្នុងការផ្លាស់ប្តូរការគិតរបស់ខ្លួនចំពោះរឿងណាដែលសំខាន់ និងមានប្រយោជន៍សម្រាប់ខ្លួន។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Mental Health​ & Entertainment
Share
  • Aug 15, 2017 |
  • 8 years ago |
  • 7K views

ចង់ចេះរើសវ៉ែនតាទេ?

   ដូចដឹងស្រាប់ហើយថា វ៉ែនតាក៏អាចចាត់ទុកថាជាគ្រឿងលម្អមួយដែលជាទូទៅអ្នកពាក់ស្ទើរពេញមួយថ្ងៃ ហើយក៏មិនមែនពាក់តែមួយថ្ងៃពីរដែរ ដូចនេះការជ្រើសរើសរមែងត្រូវប្រិតប្រៀងបន្តិចជារឿងធម្មតា ព្រោះវាមិនត្រឹមតែជាជំនួយដល់គំហើញ តែក៏ជះឥទ្ធិពលដល់ជំនឿចិត្តរបស់អ្នកដូចគ្នា។   ដូចគេនិយាយថារើសវ៉ែនតាមិនសំខាន់ សំខាន់រើសយ៉ាងម៉េច? ពីអ្នកគ្រប់គ្រងរបស់ហាងវ៉ែនតា OWNDAYS, លោក Simonបានផ្តល់ជាគំនិតល្អៗមួយចំនួនក្នុងការជ្រើសរើសវ៉ែនតាដ៏ស័ក្តិសមសម្រាប់លោកអ្នក ក៏ដូចជាផ្តល់ជាតម្រុយខ្លះៗទាក់ទងនឹងការជ្រើសរើសលេនមកប្រើជំនួសផងដែរ។   តើវ៉ែនតាមួយដែលមានគុណភាពល្អត្រូវមានលក្ខណៈសម្បត្តិអ្វីខ្លះ? វ៉ែនតាមួយដែលមានគុណភាពល្អត្រូវមានទម្ងន់ស្រាល និងងាយស្រួលពាក់ ទោះបីជាត្រូវពាក់យូរក៏ដោយ តួយ៉ាងដងវ៉ែនតា OWNDAYS AIR Ultemនិងងាយបត់បែន។ សារធាតុនេះត្រូវបានគេប្រើប្រាស់សម្រាប់ផលិតយានអវកាស និងគ្រោងយន្តហោះ ព្រមទាំងសម្ភារៈវេជ្ជសាស្រ្តមួយចំនួនទៀតផង។   បន្ថែមពីនេះ OWNDAYS ក៏មានប្រើប្រាស់កញ្ចក់ ( aspheric) ដែលមានសន្ទស្សន៍ខ្ពស់ មើលបានទំហំធំជាងមុន មិនមានភាពស្រពិចស្រពិល ហើយស្រាលជាងកញ្ចក់ធម្មតា( spherical) ។   តើប្រភេទវ៉ែនតាបែបណាដែលគួរពាក់? ប្រភេទវ៉ែនតាដែលគួរពាក់ គឺអាស្រ័យទៅលើភាពចាំបាច់ និងតម្រូវការនៃអ្នកពាក់ ដូចជាប្រភេទសម្រាប់ម៉្ញូបជាដើម (ម៉្ញូបជិត និងម៉្ញូបឆ្ងាយ)។ រីឯរចនាម៉ូតនៃវ៉ែនតាក៏គួរតែប្រែប្រួលឲ្យស័ក្តិសមនឹងកាលៈទេសៈដែលអ្នកនឹងទៅចូលរួមផងដែរ ជាក់ស្តែងដូចជា ពណ៌រាងក្រម៉ៅសម្រាប់កម្មវិធីធំៗ និងផ្លូវការ ហើយពណ៌ស្រស់ៗសម្រាប់កម្មវិធីធម្មតា។   តើវ៉ែនតាប្រភេទណាស័ក្តិសមបំផុតសម្រាប់មនុស្សម្នាក់ៗ? រាល់ពេលដែលលោកអ្នកជ្រើសរើសវ៉ែនតា អ្នកគប្បីកំណត់ចំណាំអំពីទំហំនៃដង ប្រសើរជាងជ្រើសរើសម៉ូត និងរូបរាង ពីព្រោះទំហំត្រឹមត្រូវធ្វើឲ្យអ្នកពាក់មានផាសុកភាព។   តើពេលណាទើបដឹងថាគួរជ្រើសរើសការពាក់លេន ឬពាក់វ៉ែនតា? ឆ្លើយតបនឹងសំណួរខាងលើ ភាពខុសគ្នារវាងការពាក់វ៉ែនតា និងការពាក់លេន គឺអាស្រ័យទៅលើញាណនៃភ្នែក ថាតើភ្នែកសមស្របនឹងលេន ឬវ៉ែនតាកម្រិតណា ពីព្រោះមនុស្សមួយចំនួនអាចពាក់វ៉ែនតាបាន តែមិនអាចពាក់លេនបាន។   ចំណុចគួរដឹងទាក់ទងនឹងការជ្រើសរើសពាក់លេន៖ •  សម្រាប់អ្នកដែលមានកម្រិតដឺក្រេភ្នែកខ្ពស់ ការពាក់លេនគឺស័ក្តិសមជាងការពាក់វ៉ែនតាដោយសារតែលេនផ្តល់ភាពងាយស្រួល និងមើលទៅស្រស់ស្អាតជាជាងការពាក់វ៉ែនតាដែលមានកញ្ចក់ក្រាស់ៗ។ •  ផ្ទុយទៅវិញ លោកអ្នកមិនអាចពាក់លេនពេញមួយថ្ងៃបានទេពីព្រោះវានឹងធ្វើឲ្យភ្នែកអ្នកមានសភាពស្ងួត និអាចផ្តល់ផលប៉ះពាល់ដល់សុខភាពភ្នែក។   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Eye Health
Share
  • Aug 15, 2017 |
  • 8 years ago |
  • 4K views

ផ្លាស់ប្តូរជីវិតរបស់អ្នកតាមរយៈការជិះកង់

  ធ្លាប់តែជិះម៉ូតូ ឬបើកឡានទៅមកពីកន្លែងទៅកន្លែងមួយ ហើយប្រាកដណាស់ គឺមានភាពធុញទ្រាន់ខ្លាំងនឹងភាពកកស្ទះចរាចារណ៍…ក្រលេកមកមើលអ្នកជិះកង់វិញ អារម្មណ៍ប្លែកម្យ៉ាង ត្រង់ថាងាយស្រួលបត់បែទៅណាមកណាក៏លឿន ហើយអ្វីដែលពិសេស គឺមិនបាច់អស់លុយថ្លៃសាំងនុះអី…   តាមការពិតទៅ ក្រៅពីហេតុផលខាងលើ និងចំណូលចិត្ត  មានមូលហេតុជាច្រើនដែលនាំឲ្យការជិះកង់ត្រូវបានទទួលការពេញនិយមខ្លាំងបែបនេះ ហើយជឿជាក់ថា អត្ថបទនេះនឹងអាចធ្វើជម្រុញចិត្តអ្នកឲ្យជ្រើសរើសកង់មួយមកជិះនៅថ្ងៃណាមួយ   ដោយសារវាអាចធ្វើឲ្យជីវិតរបស់អ្នកផ្លាស់ប្តូរយ៉ាងច្រើន…   ១ ធ្វើឲ្យអ្នកក្មេងជាងមុន ការជិះកង់ជាប្រចាំអាចប្រឆាំងនឹងភាពជ្រីវជ្រួញរបស់ស្បែក ដោយវាជម្រុញចលនាឈាមរត់ បង្កើនការដឹកជញ្ជូនអុកស៊ីហ្សែន និងសារធាតុចិញ្ចឹមទៅកោសិកា ស្របពេលដែលសារធាតុពុលក្នុងខ្លួនត្រូវបានបញ្ចេញចោល។ វាក៏បង្កើតជាមជ្ឈដ្ឋានដ៏ប្រសើរសម្រាប់ការផលិតកូឡាជែនដែលជួយឲ្យស្បែកហាប់ណែននិងស្រស់ថ្លា។   ២ រាងស្អាត និងសាច់ហាប់ណែន ការធាក់កង់តម្រូវឲ្យប្រើសាច់ដុំជាច្រើនកន្លែង ដូចជាភ្លៅ  ដើមដៃ  ក្បាលពោះជាដើម ដូច្នេះក្រោយពីការធាក់កង់លេង   លោកអ្នកក៏អាចទទួលនូវរូបរាងរឹងមាំ និងស្រស់ស្អាត។   ៣ ជម្រុញសមត្ថភាពខួរក្បាល ការជិះកង់អាចជម្រុញឲ្យមានការផលិតកោសិកាខួរក្បាលដែលមាននាទីសម្រាប់ការចងចាំ និងជាទូទៅវាខូចខាតចាប់ពីអាយុ៣០ឆ្នាំ។ ការបង្កើនចលនាឈាមរត់   និងផ្តល់អុកស៊ីហ្សែនដល់កោសិកាខួរក្បាល   ធ្វើឲ្យមានការកកើត និងមានសកម្មភាពឡើងវិញនៃប្រព័ន្ធទទួលរបស់សរសៃប្រសាទ។   ៤ ជម្រុញសមត្ថភាពធ្វើការ តាមរយៈការសិក្សាមួយទៅលើបុគ្គលិក២០០នាក់ ដែលជិះកង់   ឬធ្វើលំហាត់ប្រាណមុនមកធ្វើការអាចបង្កើនប្រសិទ្ធភាពការងារ និងគ្រប់គ្រងទំហំនៃការងាររបស់ពួកគេបានយ៉ាងប្រសើរ ហើយថែមទាំងបង្កើនទឹកចិត្តជាមួយនឹងសមត្ថភាពក្នុងការដោះស្រាយបញ្ហា និងស្រេ្តសបានទៀតផង។   ៥ បង្កើនភាពច្នៃប្រឌិត មិនថាអ្នកជានរណា ភាពច្នៃប្រឌិតជាគន្លឹះមួយនៃការរស់នៅ។ ត្រូវអរគុណដល់ដំណើរនៃការនាំអុកស៊ីហ្សែនទៅកាន់ខួរក្បាលត្រង់ផ្នែកដែលទទួលខុសត្រូវគុណភាពនៃការគិតបែបច្នៃប្រឌិត។   ៦ រស់បានកាន់តែយូរ ការជិះកង់បង្កើនចលនារបត់ឈាមទៅកាន់បេះដូង ធ្វើឲ្យបេះដូងមានដំណើរការល្អ   ការពារបញ្ហាគាំងបេះដូង   ព្រមទាំងពង្រឹងសមត្ថភាពសួតបានទៀតផង។ ក្រៅពីនោះ វាក៏អាចកាត់បន្ថយអត្រាប្រឈមនឹងជំងឺទឹកនោមផ្អែម មហារីក ការឡើងសម្ពាធឈាម និងជំងឺលើសទម្ងន់បានទៀតផង។   ៧ អ្នកអាចជួយគេបានកាន់តែច្រើន មានកម្មវិធីប្រមូលមូលនិធិសប្បុរសធម៌ជាច្រើនត្រូវធ្វើឡើងក្រោមរូបភាពជាការជិះកង់ជាក្រុម ដែលមានន័យថាអ្នកមិនត្រឹមតែជិះកង់ដើម្បីខ្លួនឯង តែក៏ដើម្បីអ្នកដទៃ និងពិភពលោកផងដែរ។   ៨ ជួបមនុស្សថ្មីៗបង្កើតមិត្តភាព ការជិះកង់ អាចបង្កើនឱកាសក្នុងការស្គាល់មនុស្សថ្មីៗ ធ្វើឲ្យទំនាក់ទំនងសង្គមរបស់អ្នកកាន់តែប្រសើរ ដែលជាលទ្ធផលនៃការបញ្ចេញអ័រម៉ូនអុកស៊ីតូស៊ីនដែលសម្របសម្រួលអារម្មណ៍ភ័យខ្លាច និងស្ទាក់ស្ទើរ។   ចង់ដឹងពីផលចំណេញនៃការជិះកង់ផ្សេងៗទៀតទេ? មានច្រើនសន្ធឹកទៀត មិនថាសប្បាយចិត្ត សន្សំលុយមិនបាច់ចាក់សាំង មិនបាច់អស់ថ្លៃផ្ញើ   ចោរក៏មិនសូវចង់បាន   ងាយស្រួលជិះ   មិនខ្លាចស្ទះចរាចរណ៍ ត្រជាក់ដោយខ្យល់ធម្មជាតិ អ្វីដែលពិសេសជាងនេះ   មិនបំពុលបរិស្ថាន ជួយផែនដីឲ្យនៅតែស្រស់ស្អាត និងគួរឲ្យចង់រស់នៅថែមទៀតផង…គឺថា…ចំណេញពេកក្រៃហ្មងហា៎…   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Fitness
Share
  • Aug 14, 2017 |
  • 8 years ago |
  • 3.5K views

ធ្វើការប្រឹក្សាយោបល់អំពីបញ្ហាមាត់ធ្មេញរបស់អ្នកដោយឥតគិតថ្លៃ

តើលោកអ្នកកំពុងតែស្វែងរកមន្ទីរព្យាបាលមាត់ធ្មេញ ដែលមានគុណភាពខ្ពស់ សេវាកម្មល្អ មានអនាម័យខ្ពស់ ឧបករណ៌ស្របតាមស្តង់ដាអន្តរជាតិ ហើយពិសេសជាងនេះទៅទៀតគឺជួបជាមួយក្រុមទន្តបណ្ឌិតដែលមានជំនាញច្បាស់លាស់ ប្រកបដោយក្រមសីលធម៍ និងវិជ្ជាជីវៈ នោះសូមលោកអ្នកជ្រើសរើសយកមន្ទីរព្យាបាលមាត់ធ្មេញ សុខ ជា ជាអ្នកថែទាំក៏ដូចជាព្យាបាល សុខភាពមាត់ធ្មេញ ជូនក្រុមគ្រួសារ ក៏ដូចជារូបលោកអ្នកផ្ទាល់ផងដែរ។ អ្វីដែលកាន់តែពិសេសចាប់ពីថ្ងៃនេះ រហូតដល់ថ្ងៃភ្ជុំបិណ្ឌ លោកអ្នកដែលអញ្ជើញមកធ្វើការពិនិត្យ និងប្រឹក្សាយោបល់សុខភាពមាត់ធ្មេញដោយឥតគិតថ្លៃ នៅចាំអីទៀតរួសរាន់ឡើងមកណា... សម្រាប់ព័ត៌មានបន្ថែមសូមធ្វើការទំនាក់ទំនងមកកាន់សហការីរបស់យើងខ្ញុំតាមរយៈទូរស័ព្ទលេខ : (+855-23)88 03 03  (+855-23)88 55 95, (+855-89-92-16) 81 81 16 www.sokcheaclinic.com

Health Tips News & Events
Share
  • Aug 14, 2017 |
  • 8 years ago |
  • 4.1K views

Dos and Don’ts ពេលសម្រកទម្ងន់

    ស្រកទម្ងន់ជោគជ័យក៏អាស្រ័យនឹងភាពឆ្លាតរបស់អ្នកដែរ  មិនមែនគ្រប់សកម្មភាពសុទ្ធតែមានប្រយោជន៍   តែក៏មិនមែនគ្រប់ចំណុចសុទ្ធតែត្រូវចៀសវាងនោះទេ អញ្ចឹង  តើចំណុចណាខ្លះដែលអ្នកគួរធ្វើ និងណាខ្លះមិនគួរធ្វើ?   Dos 1.ញ៉ាំអាហារឲ្យបានទៀងទាត់៖   វាពិតជាមានសារសំខាន់បំផុត   ដែលជួយដល់ការសម្រកទម្ងន់។ ទោះជាអំឡុងពេលតមអាហារក៏ដោយ ក៏មិនត្រូវ អត់អាហារមួយពេលណាមួយឡើយ។ មួយថ្ងៃគួរញ៉ាំអាហារឲ្យបាន៣ពេល និងមានអាហារសម្រន់ខ្លះចន្លោះពេលអាហារទាំងបី   ប៉ុន្តែក្នុងបរិមាណសមរម្យ។   2.ព្យាយាមធ្វើអាហារដោយខ្លួនឯង៖ ទោះជាអាហារដែលធ្វើខ្លួនឯង ពេលខ្លះរសជាតិពិបាកទទួលយកបន្តិច តែយ៉ាងហោចណាស់អ្នកក៏ដឹងថាក្នុងម្ហូបរបស់អ្នកមានគ្រឿងផ្សំអ្វីខ្លះ ហើយក៏អាចដឹងថាវាល្អសម្រាប់អ្នកឬក៏អត់ដែរ។   3.គួរធ្វើចលនា បន្ទាប់ពីញ៉ាំអាហារ៖ ការសិក្សាបង្ហាញថា ការដើរបន្ទាប់ពីញ៉ាំអាហារឲ្យបានយ៉ាងហោចណាស់ ១៥នាទី អាចដុតកាឡូរីបានពី៦០ ទៅ៨០កាឡូរី។ លើសពីនេះ ការដើរ ឬធ្វើចលនាអាចជួយអ្នកកាត់បន្ថយជាតិស្ករ និងខ្លាញ់ក្នុងឈាម    ហើយក៏ជួយដល់ដំណើរការរំលាយអាហារបានដែរ។   4.ញ៉ាំទឹកឲ្យបានច្រើន៖ មិនមែន ពេលនឹកឃើញទើបញ៉ាំឲ្យច្រើនទេ តែគួរញ៉ាំ ម្តងបន្តិចតែញឹកញាប់។   5.បិទរូប Idol របស់អ្នក៖ យករូប Idol ដែលអ្នកចង់បានរូបរាងដូចគាត់ មកធ្វើជាការលើកទឹកចិត្ត។ ប្រៀបដូចជាការដាស់ញាណកុំឲ្យភ្លេចនូវអ្វីដែលអ្នកកំពុងធ្វើ។   6.ធ្វើបញ្ជីសម្រាប់ទៅផ្សារ៖ កំណត់អ្វីដែលត្រូវទិញឲ្យច្បាស់ ចៀសវាងការទិញរបស់ដែលញ៉ាំទៅឡើងគីឡូ ដូចជានំកញ្ចប់ ឬប័រសណ្តែកជាដើម។   ពេលទៅផ្សារត្រូវធ្វើតាមបញ្ជីអាហារ ដើម្បីគ្រប់គ្រងលើការញ៉ាំរបស់ខ្លួន។   7.អានស្លាកសញ្ញាលើកញ្ចប់អាហារ៖ គួរព្យាយាមមើលស្លាកសញ្ញាអាហាររូបត្ថម្ភ ដែលដាក់បង្ហាញលើកញ្ចប់ដើម្បីជ្រើសរើស   អាហារដែលមានជាតិស្ករ និងខ្លាញ់ទាប។   8. សម្ភារៈផ្ទះបាយ អ្នកគួរប្រើប្រាស់របស់របរក្នុងផ្ទះបាយដែលជួយជម្រុញទឹកចិត្តអ្នក  ដូចជាប្រើចាន ឬឆ្នាំងតូច ខ្យូតៗ ដែលអាចឲ្យអ្នកញ៉ាំអាហារតិចជាងមុន។   Dont’s 1.កុំរំលងអាហារពេលព្រឹក៖   ការមិនញ៉ាំអាហារពេលព្រឹក មិនអាចជួយអ្នកឲ្យស្រកទម្ងន់បានទេ។ បើអ្នកធ្វើដូចនេះ  អ្នកនឹងបាត់បង់អាហារូបត្ថម្ភដ៏សំខាន់ ដើម្បីទ្រទ្រង់អ្នកសម្រាប់ថ្ងៃថ្មី និងធ្វើឲ្យអ្នកញ៉ាំអាហារសម្រន់ច្រើនជាងធម្មតា   ទប់ទល់នឹងការឃ្លាន។   2.កុំធ្វើលំហាត់ប្រាណធ្ងន់ធ្ងរពេក៖ ការហាត់ប្រាណបានរួមចំណែកក្នុងការសម្រកទម្ងន់ តែកុំធ្វើវាឲ្យខ្លាំងក្លាពេក  ព្រោះវាអាចធ្វើឲ្យអ្នកអស់កម្លាំង និងអាចធ្វើឲ្យមានបម្រែបម្រួលដល់ការញ៉ាំអាហាររបស់អ្នក។ ការធ្វើលំហាត់ប្រាណគួរកំណត់មិនឲ្យលើសពី ៣០នាទី និង៣ ទៅ៥ថ្ងៃទេក្នុងមួយសប្តាហ៍។   3.កុំស្តុកទុកអាហារកញ្ចប់នៅក្នុងផ្ទះ៖  ស្បៀងអាហារសម្រាប់ញ៉ាំនៅផ្ទះ មិនគួរជាប្រភេទសូកូឡា នំស្រួយ ឬភេសជ្ជៈដែលមានឧស្ម័នច្រើន ព្រោះវាជាឧបសគ្គក្នុងការសម្រកទម្ងន់របស់អ្នក។ ជំនួសឲ្យអាហារទាំងនោះអ្នកគួររក្សាទុកអាហារដែលមានសុខុមាលភាពដូចជា ផ្លែឈើ នំធ្វើពីស្រូវសាលី ឬគ្រាប់ធញ្ញជាតិផ្សេងៗ និងទឹកផ្លែឈើដែលគ្មានជាតិហ្គាស សម្រាប់ញ៉ាំលេង។   4.កុំញ៉ាំពេលមើលទូរទស្សន៍ ឬកំពុងធ្វើការ៖ ការធ្វើសកម្មភាពអ្វីមួយបណ្តើរ ញ៉ាំបណ្តើរ មិនមែនជាទង្វើត្រឹមត្រូវទេ   ព្រោះអ្នកមិនបានយកចិត្តទុកដាក់លើការញ៉ាំហើយអាចឈានដល់ការញ៉ាំលើសបរិមាណកំណត់។   5.កុំមើលរូបភាពអាហារក្នុងFacebook៖  កុំសូវLike page អាហារច្រើនពេក និងមើលរូបភាពអាហារពិសេសនៅពេលយប់ ព្រោះវាអាចភ្ញោចការបញ្ចេញអាស៊ីតក្រពះ និងធ្វើឲ្យអ្នកឃ្លានបាន។   6.កុំចូលគេងយប់ជ្រៅពេក៖  ការចូលគេងយប់ជ្រៅ ហើយចាំគេងសងពេលថ្ងៃ   បានបង្កើនការឃ្លានអាហារ ធ្វើឲ្យអ្នកញ៉ាំអាហារ ច្រើនជាងធម្មតានិងងាយឡើងទម្ងន់ទៀតផង។   ការគេងមិនបានគ្រប់គ្រាន់  ធ្វើឲ្យខ្លួនអ្នកត្រូវការជាតិស្ករ និងខ្លាញ់ច្រើនជាងមុន។   7.កុំទៅហាត់ប្រាណតែឯង៖  គួរតែទៅហាត់ប្រាណជាមួយមិត្ត ឬបង្កើនមិត្តភាពឲ្យបានច្រើននៅកន្លែងហាត់ប្រាណ   ដើម្បីមានគ្នាជជែកលេង កុំឲ្យអផ្សុក និងអាចជួយដាស់តឿនគ្នា កុំឲ្យភ្លេចពេលទៅហាត់ប្រាណ។   8.កុំខ្លាចនឹងនិយាយពាក្យថា «ទេ»៖ ការជួបមិត្តភក្តិញ៉ាំអាហារជុំគ្នាតែងតែមាន  តែកុំឲ្យញឹកញាប់ពេកអី។  អ្នកអាចរកលេសអីផ្សេងៗ ឬប្រាប់ថាអ្នកកំពុងសម្រកទម្ងន់ ដើម្បីបដិសេធចំពោះការជួបជុំនានា។   ជាចុងក្រោយ នៅតែចំណុចមួយទៀតទេ   គឺថាអ្នកចង់ធ្វើវា ឬក៏អត់...កុំបានតែអាន ឬស្តាប់ហើយ ក៏មិនចេញជាសកម្មភាពអ្វីសោះនោះ...ហើយដើម្បីសម្រេចគោលបំណងធំ បានអ្នកមិនគួរមើលរំលងចំណុចតូចៗខាងលើនេះទេ...   ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Weight Management
Share
  • Aug 14, 2017 |
  • 8 years ago |
  • 4.6K views

Exceed Prothetics & Orthotics ក្តីសង្ឃឹមថ្មីសម្រាប់ជនពិការនិងអ្នកជំងឺ!

   Exceed P&O ជាក្រុមហ៊ុន ផ្តល់សេវាផលិត បំពាក់ ផ្គត់ផ្គង់អវយវៈសិប្បនិម្មិតរណប និងឧបករណ៍ជំនួយរាងកាយ ដែលត្រូវបានបង្កើតឡើងពីក្រុមហ៊ុន Exceed Worldwide នៅចក្រភពអង់គ្លេសក្នុងឆ្នាំ ២០១៥។ យ៉ាងណាមិញ ក្រុមហ៊ុន Exceed Worldwide មានបទពិសោធន៍យ៉ាងច្រើនពីបច្ចេកទេសខាងផ្នែក អវយវៈសិប្បនិម្មិតរណប និងជំនួយរាងកាយ ចាប់តាំងពីឆ្នាំ ១៩៩៣ មកម៉្លេះ។ សព្វថ្ងៃ ក្រុមហ៊ុន Exceed P&O ដែលមានវត្តមាននៅប្រទេសកម្ពុជាបានផ្តល់ជាសេវាកម្មផ្នែកអវយវៈសិប្បនិម្មិតរណប និងជំនួសរាងកាយរួមជាមួយនឹងការចរាចរនូវគ្រឿងផ្សំ និងវត្ថុធាតុដើមសម្រាប់បង្កើតនូវអវយវៈសិប្បនិម្មិត និងរណបដែលសម្មិទ្ធិផលនេះបានរួមចំណែកយ៉ាងសំខាន់ក្នុងការផ្តល់នូវក្តីសង្ឈឹមថ្មីទៅកាន់ជនពិការ និងអ្នកជំងឺខ្សោយអវយវៈទាំងអស់ នេះបើតាមប្រសាសន៍របស់លោក ទៀប  ឧត្តម ជាប្រធានប្រចាំក្រុមហ៊ុន Exceed P&O។ គួររំលឹកផងដែរ លោកមានជំនាញបច្ចេកទេសខាងឧបករណ៍សិប្បនិម្មិត និងរណប ដោយបានបញ្ចប់ការសិក្សាពីប្រទេសអូស្រ្តាលី រួមជាមួយបទពិសោធន៍ជាច្រើនក្នុងការធ្វើការងារអស់រយៈពេលជាង២០ឆ្នាំមកហើយនៅតាមបណ្តាប្រទេសនានាដូចជាប្រទេសន័រវេជប៉ុននិង      សិរីលង្កា។ អ្វីខ្លះជាសេវាកម្មរបស់ក្រុមហ៊ុន Exceed P&O? •ឧបករណ៍ស្តាលទ្ធភាពពលកម្មជារួមមានពីរ​ផ្នែក៖ មួយផ្នែកជាឧបករណ៍ សម្រាបជំនួសរាងកាយ (Prosthetic) ដែលបាត់បង់ក្នុងករណីណាមួយ ផ្តោតសំខាន់ទៅលើការជំនួសទៅលើអវយវៈដៃ និងជើង ចំណែកឧបករណ៍រណប (Orthotic) មានតួនាទី អបនូវអវយវៈដែល ខ្សោយ ដូចជា  ក ដៃ ជើង និងផ្នែកមួយចំនួន ទៀតនៃខ្លួនប្រាណ សម្រាប់ឲ្យអ្នកជំងឺអាចធ្វើ ចលនាបានល្អឡើងវិញ។   •ក្រៅពីការផ្តល់ឧបករណ៍សិប្បនិម្មិតខាងលើក្រុមហ៊ុនក៏មានផងដែរនូវភ្នាក់ងារចែកចាយឧបករណ៍សិប្បនិម្មិតនិងរណបឬគ្រឿងស្តារលទ្ធភាពពលកម្ម និងគ្រឿងផ្សំនៃឧបករណ៍ទាំងអស់ ទៅកាន់មណ្ឌលស្តារពលកម្មដទៃ ឬ  មន្ទីរពេទ្យដែលមានតម្រូវការចង់បានឧបករណ៍សិប្បនិម្មិត និងរណបនោះ។ •ម៉្យាងទៀតក្រុមហ៊ុនក៏មានផ្តល់សេវាកម្មប្រឹក្សានិងសេវាពិគ្រោះពីបញ្ហាឧបករណ៍សិប្ប-និម្មិតរណប ឬឧបករណ៏ជំនួយរាងកាយ ដោយមិនគិតកម្រៃនៅតាមមន្ទីរពេទ្យផងដែរ។ តើ Exceed P&O មានលក្ខណៈខុស ប្លែកបែបណាខ្លះ? នៅក្នុងប្រទេសយើង មានរួចមកហើយនូវមណ្ឌលស្តារលទ្ធភាពពលកម្មរបស់មូលនិធិជនពិការ និងអង្គការផ្សេងៗ ចំនួន ១១មណ្ឌល ដែលបានផ្តល់សេវាកម្មដោយមិនគិតកម្រៃ ប៉ុន្តែសេវាកម្មដែលផ្តល់ជូនទាំងនោះគ្រាន់តែបំពេញតម្រូវការមូលដ្ឋានរបស់អ្នកពិការ ឬអ្នកជំងឺតែប៉ុណ្ណោះ។​ ​ដោយឡែកក្រុមហ៊ុន ​ Exceed P&O បានផ្តល់ជូនបន្ថែមនូវសេវាកម្ម ជាអន្តរជាតិ ទីកន្លែងប្រកបដោយអនាម័យ បុគ្គលិកបានបណ្តុះបណ្តាល និងមានបទពិសោធន៍យ៉ាងច្រើនជាពិសេសក្រុមហ៊ុនបានផ្តល់ជូននូវ ឧបករណ៍ច្រើនប្រភេទទំនើបៗពីក្រុមហ៊ុននាំមុខល្បីៗទៅតាមតម្រូវការរបស់អតិថិជន។​​ ដោយសារភាពខុសប្លែក និងគុណភាពនៃក្រុហ៊ុន​ ដូច្នេះហើយយើងអាចជួយកាត់បន្ថយការចំណាយថវិកា ឬពេលវេលាស្វែងរកសេវាកម្មនៅក្រៅបទេសមួយចំនួនរបស់អតិថិជន។ ហេតុអ្វីបានជា Exceed P&O ជាជម្រើសដ៏ល្អ?    Exceed P&O ជាក្រុមហ៊ុនធានាបាននូវសេវាកម្មល្អ តម្លៃសមរម្យ ផ្តល់ជូនអតិថិជនទាំងអស់ពីសំណាក់បុគ្គលិកដែលបានបញ្ចប់ការសិក្សា ពីប្រទេសអូស្ត្រាលី និងមានបទពិសោធន៍ការងារច្រើនក្នុងផ្នែកសេវាកម្មនេះពីប្រទេស ន័រវេ និងជប៉ុនជាដើម។ វត្តមាន Exceed P&O ក្នុង- ទីផ្សារកម្ពុជាបានជួយកាត់បន្ថយលំហូរចេញរបស់អតិជនមួយចំនួនដែលស្វែងរកសេវាកម្មឧបករណ៍ស្តារលទ្ធភាពពលកម្មនេះនៅបរទេស​ដោយហេតុ ថាការធ្វើដំណើរចេញទៅក្រៅប្រទេសទាមទារឲ្យមានការចំណាយ​ច្រើនទាំងថវិកា ​និងពេលវេលា។​ ម៉្យាងទៀតជនពិការ  និងអ្នកជំងឺទាំងអស់ គួរតែទទួលបាន នូវសេវាកម្មឧបករណ៍​ស្តារលទ្ធភាពពលកម្មទាំងនោះនៅក្នុងស្រុក ដោយហេតុថា​ អ្នកពិការត្រូវបានពន្យល់ដោយអ្នកជំនាញ នូវបញ្ហាជាច្រើន ដែលទាក់ទង និងពិការភាពបន្សល់នូវបញ្ហាជាច្រើនក្នុងនោះបញ្ហាផ្លូវចិត្តក៏ត្រូវបានរួមបញ្ចូលផងដែរ តួយ៉ាងដូចជា​ ភាពស្រេ្តស ការបាត់បង់ការងារ កង្វះការឲ្យតម្លៃលើខ្លួនឯងក្នុងសង្គម ហើយអ្វីដែលកាន់តែធ្ងន់ធ្ងរការពិការនូវអវយវៈផ្នែកណាមួយនៃរាងកាយអាចរាលដាល ដល់អវយវៈល្អដទៃ ក្នុងករណីពន្យារពេលក្នុងការស្វែងរកសេវាព្យាបាលនៅក្រៅប្រទេស។   ការរួមចំណែកក្នុងវិស័យសង្គមកិច្ច និងសុខាភិបាលក្រុមហ៊ុនបានចូលរួមជាចំណែកយ៉ាងច្រើនក្នុងវិស័យទាំងពីរនេះដូចជា៖ •ចូលរួមក្នុងការរក្សានិរន្តរភាពផ្តល់សេវានៅក្នុងប្រទេស ពីព្រោះកន្លងមក គ្រប់សេវាកម្មនៅតាមបណ្តានៃអង្គការស្តារលទ្ធភាពនានាក្នុងប្រទេសអាចដំណើរការបាន ពឹងផ្អែកតែជំនួយពីម្ចាស់ជំនួយ ដែលសព្វថ្ងៃម្ចាស់ជំនួយ កំពុងតែមានបញ្ហាខ្វះថវិកាក្នុងការបន្តការផ្តល់សេវានោះឲ្យមានស្ថេរភាព •ចូលរួមក្នុងការផ្តល់ឱកាសការងារឲ្យបុគ្គលិក •បានផ្តល់នូវជម្រើសជាច្រើនដល់អតិថិជនឬអ្នកជំងឺ ក្នុងការទទួលបានឧបករណ៍សិប្បនិម្មិតដែលមានគុណភាពល្អ និងជាអ្វីដែលពួកគាត់ ចង់បាន •ដោយសារក្រុមហ៊ុនក៏ជាចំណែកមួយនៃអង្គការ ដូច្នេះនាថ្ងៃអនាគត ប្រាក់ចំណូលដែលទទួលបាន នឹងត្រូវបានបរិច្ចាគទៅកាន់ អង្គការវិញ ដែលនេះជាទង្វើមួយឆ្លុះបញ្ចាំងពីទំនួលខុសត្រូវនៅក្នុងសង្គម។ ជារួមក្រុមហ៊ុន Exceed P&O កំពុងមានបេសកម្មមួយក្នុងការកែប្រែស្ថានភាពជីវិតរបស់ជនពិការ និងអ្នកជំងឺ ឲ្យត្រឡប់ទៅរក ភាពប្រសើរឡើងវិញ ដែលជាកត្តាជួយឲ្យពួកគាត់មានលទ្ធភាពធ្វើការងារក្នុងសង្គមបានច្រើនជាងមុន និងបណ្តុះទឹកចិត្តដល់ពួកគាត់ ឡើងវិញ។ ចំពោះជនពិការ អ្នកជំងឺ ឬស្ថាប័ននានា ដែលមានបំណងត្រូវការសេវាកម្មដូចដែលបានរៀបរាប់ខាងលើ អាចទទួលបាន ព័ត៌មាន និងទំនាក់ទំនងបានបណ្តាញសង្គម (Exceed Prosthetics & Orthotics Cambodia) ដែលមានរួចជាស្រេចនូវលេខទូរស័ព្ទក្នុង ការទំនាក់ទំនង និងអាសយដ្ឋាន រឺតាមទូរស័ព្ទលេខ 077 ​67 18 78 |086 30 75 75​ មួយវិញទៀត អតិថិជនក៏អាចសួរព័ត៌មានតាម​រយៈមណ្ឌលស្តារលទ្ធភាព​កម្មកាយនិតិសម្បទានីមួយៗផងដែរ។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Bones & Articulations
Share
  • Aug 12, 2017 |
  • 8 years ago |
  • 3.9K views

១០តិចនិកធ្វើឲ្យហាត់ប្រាណមិនជិនណាយ

សម័យនេះម្នាក់ៗពោលថា ចង់ហាត់ប្រាណ ដើម្បីឲ្យរាងស្អាត សុខភាពល្អ ខួរក្បាលក៏ស្រឡះអីបែបហ្នឹង។ បញ្ហាគឺ អ្នកខ្លះក៏បានតែពោល ហើយខ្លះទៀតក៏បានអនុវត្តពិតមែន តែមិនទៅបានយូរអី ហាត់មួយថ្ងៃចោលមួយថ្ងៃ ថ្ងៃណានឹកឃើញក៏ហាត់ ថ្ងៃណាខ្ជិលក៏ខានសិន យូរៗទៅក៏បោះបង់ចោលឯកឯង។ សាកល្បងម្តងទៀតជាមួយតិចនិកដែលនឹងជួយឲ្យអ្នកស្រឡាញ់ការហាត់ប្រាណរហូតមិនចង់ខកខានសូម្បីតែមួយថ្ងៃ។ ១ ធ្វើគម្រោងសម្រាប់ហាត់ប្រាណ ហាត់នៅពេលណា? ប៉ុន្មានថ្ងៃក្នុងមួយសប្តាហ៍?មួយថ្ងៃប៉ុន្មាននាទី?  ត្រូវហាត់បែបណាខ្លះ? សុទ្ធតែជាសំណួរដែលត្រូវបញ្ចូល   ដើម្បីឲ្យអ្នកដឹងថាអ្នកនឹងត្រូវធ្វើអ្វីនៅពេលហាត់ប្រាណ។ ២ កំណត់គោលដៅឲ្យច្បាស់ ត្រូវចាំថាគោលដៅរបស់អ្នកមិនគួរធំពេកទេនៅពេលចាប់ផ្តើមដំបូង ឧទាហរណ៍ ហាត់ដើម្បីមិនឲ្យឡើងគីឡូ ជំនួសឲ្យហាត់ដើម្បីឲ្យស្រកគីឡូសិន ឬដើរឲ្យបានពីរគីឡូ ជំនួសឲ្យការរត់ឲ្យបានពីរគីឡូជាដើម។ កុំទាន់ប្រញាប់ដាក់សម្ពាធលើខ្លួនឯងពេក។ ៣ ឈុតកីឡា អ្នកអាចរកឈុតកីឡាដែលអ្នកស្រឡាញ់ និងផ្តល់ផាសុកភាពដល់ខ្លួនឯង ដោយវានឹងផ្តល់អារម្មណ៍បែបកីឡា    និងថាមពលស្ទុះស្ទារាងធម្មតា     ហើយធ្វើឲ្យអ្នកមានជំនឿចិត្តក្នុងការបង្ហាញមុខក្នុងពេលហាត់ប្រាណម្តងៗផងដែរ។ ៤ ជ្រើសរើសទីតាំង ប្រាកដជាទីតាំងដែលអ្នកចូលចិត្តហើយ ទើបអាចជម្រុញឲ្យអ្នកទៅដោយមិនស្ទាក់ស្ទើរ និងគ្មានសម្ពាធ។ ហើយជម្រើសរបស់អ្នកអាចជា ផ្ទះ ក្លិបហាត់ប្រាណ ឬទីសាធារណៈជាដើម។ ៥ ពេលវេលា មិនទាន់ដល់ពេលគិតថា ហាត់ប្រាណនៅពេលណាល្អជាងទេ សំខាន់តើពេលណាអំណោយផលដល់អ្នកជាងគេ?ពេលព្រឹក ដោយត្រូវធ្វើការ ឬរៀនដល់យប់ៗធ្វើឲ្យពិបាកក្រោក ជ្រើសរើសពេលល្ងាចក៏បាន ឬក៏ពេលល្ងាចច្រើនតែរវល់បញ្ចប់ការងារ ឬអស់កម្លាំង អញ្ចឹងព្យាយាមពីព្រឹកទៅ ឬជ្រើសរើសចុងសប្តាហ៍ក៏បាន។ ៦ រាប់អានមិត្តថ្មីៗ សម្រាប់ការហាត់នៅក្លិប ឬទីសាធារណៈ អ្នកអាចមានឱកាសជួបមនុស្សច្រើន ហើយហេតុអ្វីអ្នកមិនរាប់អានមិត្តល្អៗនៅទីនោះ? មិនត្រឹមតែអាចកំដរគ្នានិយាយលេង ថែមទាំងអាចចែករំលែកបទពិសោធន៍នៃការហាត់ប្រាណ ឬបញ្ហាផ្សេងៗផងដែរ។ ម្យ៉ាង មានមិត្តខ្លះក៏ជួយឲ្យអ្នកស៊ាំជាមួយនឹងបរិយាកាស មានអារម្មណ៍ល្អ គ្មានសម្ពាធ និងមិនទើសទាល់ពេលជួបគ្នាច្រើនដង។ ៧ រកអ្នកដែលអាចជម្រុញទឹកចិត្តរបស់អ្នក អ្នកគួរតែរកមើលអ្នកណាម្នាក់ជាបុគ្គលគំរូ ដែលអាចជម្រុញទឹកចិត្តអ្នកឲ្យចង់ធ្វើដូចគេ ឬចង់សម្រេចដូចគេ  ដូចជាអ្នកដែលមានរាងស្អាតៗដែលអ្នកជួបនៅក្លិបហាត់ប្រាណ    ឬរត់នៅផ្លូវជាមួយគ្នា ឬអាចបិតរូបតារាបង្ហាញម៉ូតនៅបន្ទប់ហាត់ប្រាណជាដើម។ ៨  តាមដានរឿងជុំវិញការធ្វើលំហាត់ប្រាណ តាមអ៊ីនធឺណេត  ឬទស្សនាវដ្តីបានដឹងច្រើន មិនថាជាអត្ថប្រយោជន៍   វិធីសាស្រ្តថ្មីៗ   ឬក៏ព័ត៌មានដែលទាក់ទងនឹងការហាត់ប្រាណឬកីឡា   អ្នកនឹងកាន់តែមានអារម្មណ៍ស្និទ្ធស្នាលឡើងជាមួយនឹងសកម្មភាពទាំងនោះ ធ្វើឲ្យអ្នកកាន់តែចង់ហាត់ប្រាណ ។ ៩ តន្រ្តី សាមញ្ញបំផុត អ្នកអាចយកពេលវេលាហាត់ប្រាណ ជាពេលដែលអ្នកអាចមានឱកាសស្តាប់បទចម្រៀងកំសាន្តអារម្មណ៍   ដូចនេះអ្នកនឹងមិនគិតថា អ្នកត្រូវចំណាយពេលធ្វើរឿងដែលនឿយហត់នោះឡើយ ហើយវាកាន់តែល្អបើអ្នកមិនសូវចូលចិត្តនិយាយ។ ១០ ឲ្យរង្វាន់ខ្លួនឯង រាល់ពេលសម្រេចគោលដៅនីមួយៗ  អ្នកគួរលើកទឹកចិត្តខ្លួនឯងខ្លះ   ដើម្បីបន្តទៅជំហានមួយទៀត។ មិនចាំបាច់ជាកាដូធំដុំទេឧទាហរណ៍អ្នកគ្រាន់តែឲ្យពេលខ្លួនឯងមួយម៉ោងលេងហ្គេមដែលអ្នកពេញចិត្ត   ឬមើលរឿងភាគមួយភាគក៏បាន។ ទាំងនេះអាចជាថាមពលជម្រុញទឹកចិត្តឲ្យអ្នកហាត់ប្រាណជាទៀងទាត់   តែអ្វីដែលសំខាន់ចុងក្រោយគឺការតាំងចិត្តរបស់អ្នកផ្ទាល់ពោល គឺតាំងចិត្តមិនបោះបង់ មិនយកលេស មិនកុហកខ្លួនឯង មិនពន្យារពេលហាត់ប្រាណ... © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Fitness
Share
Top