Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Mar 29, 2017 |
  • 8 years ago |
  • 3.3K views

អ្នកត្រូវទៅជួបពេទ្យនៅពេលណា?

តើអ្នកធ្លាប់បានជួបប្រទះបញ្ហាសុខភាពជាច្រើនដែលបានកើតឡើងព្រមគ្នាដូចជា មានការឈឺចាប់នៅទីនេះ ឈឺបំពង់កនៅទីនោះ ... ហើយអ្នកមិនដឹងថាតើអ្នកគួរទៅជួបពិគ្រោះជាមួយគ្រូពេទ្យដែរឬទេ? វាអាចជាការលំបាកក្នុងការសម្រេចចិត្តថាតើរោគសញ្ញាណាខ្លះដែលមានលក្ខណៈធ្ងន់ធ្ងរគ្រប់គ្រាន់ដើម្បីទៅជួបគ្រូពេទ្យ។ ហេលស៍ថាម នឹងបង្ហាញប្រិយមិត្តអ្នកអានអំពីពេលវេលាពិតប្រាកដនៅពេលដែលអ្នកគួរអញ្ជើញទៅជួបវេជ្ជបណ្ឌិតនៅក្នុងអត្ថបទខាងក្រោមនេះ... តើអ្នកគួរទៅជួបពេទ្យនៅពេលណា? ដំបូង វាជាការសំខាន់ណាស់ក្នុងការកំណត់ឲ្យបាននូវស្ថានភាពជំងឺទាំងឡាយណាដែលត្រូវការជួយសង្គ្រោះភ្លាមៗ។ ប្រសិនបើអ្នកកំពុងតែមានបញ្ហាក្នុងការដកដង្ហើម ចុកទ្រូង ចុកពោះខ្លាំង មានការហូរឈាម បោកត្រូវក្បាល ឬបាត់បង់ស្មារតី សូមហៅទូរស័ព្ទទៅលេខ 119 ឬទៅមន្ទីរពេទ្យជាបន្ទាន់។ ពេលខ្លះ អ្នកអាច ទូរស័ព្ទទៅកាន់គ្រូពេទ្យដែលដឹងពីស្ថានភាពជំងឺរបស់អ្នក ដើម្បីស្វែងរកដំបូន្មាន ឬគិលានុបដ្ឋាយិកាដែលអាចផ្ដល់ជាយោបល់ដល់អ្នកអំពីអ្វីដែលអ្នកត្រូវធ្វើ។ គេហទំព័រសុខភាពលើបណ្តាញអ៊ីនធើណេតដូចជា WebMD និង Medline Plus អាចជួយអ្នកក្នុងការស្រាវជ្រាវ រកមើលព័ត៌មានអំពីរោគសញ្ញារបស់អ្នកមុននឹងអ្នកស្វែងរកសេវាថែទាំសុខភាព។ អ្នកត្រូវចងចាំថា ស្ថានភាពជំងឺស្រាលនិងធ្ងន់ខ្លះ មានរោគសញ្ញាស្រដៀងគ្នា។ ប៉ុន្តែប្រសិនបើអ្នកអាចហៅទូរស័ព្ទ និងធ្វើការណាត់ជួបជាមួយវេជ្ជបណ្ឌិត នោះអ្នកនឹងមានភាពទុកចិត្តជាង។ ប្រសិនជាអ្នកមានជំងឺរ៉ាំរ៉ៃ តើអ្នកគួរតែទាក់ទងវេជ្ជបណ្ឌិតនៅពេលណា? នៅពេលដែលអ្នកមានអារម្មណ៍មិនស្រួលខ្លួន នេះហើយជាសញ្ញាមួយដែលប្រាប់អ្នកថាវាគឺជាពេលវេលាដែលអ្នកត្រូវទៅជួបគ្រូពេទ្យម្តងទៀត ហើយប្រសិនបើអ្នកមានជំងឺរ៉ាំរ៉ៃដូចជាជំងឺទឹកនោមផ្អែម ជំងឺអេដស៍ ឬជំងឺលើសសម្ពាធឈាម គ្រូពេទ្យរបស់អ្នកគួរតែបានប្រាប់អ្នកអំពីរោគសញ្ញាណាខ្លះដែលអ្នកត្រូវទៅជួបម្តងទៀត ឬណាត់ជួបអ្នកក្នុងពេលណាមួយដើម្បីតាមដានស្ថានភាពជំងឺរបស់អ្នកដើម្បីប្រាកដថាស្ថានភាពជំងឺរបស់អ្នកនៅតែល្អប្រសើរ។ តើខ្ញុំត្រូវការការពិនិត្យសុខភាពឲ្យបានទៀងទាត់ដែរឬទេ? បើទោះជាអ្នកមានសុខភាពល្អក៏ដោយ ការពិនិត្យសុខភាពគឺជាគំនិតល្អមួយដែលអ្នកអាចរក្សាសុខភាពរបស់អ្នកឲ្យនៅតែល្អជានិច្ច ហើយកាលដែលមានគ្លីនិក ឬមន្ទីរពេទ្យណាមួយដែលដឹងច្បាស់ពីប្រវត្តិជំងឺ និងស្ថានភាពសុខភាពរបស់អ្នកនាពេលបច្ចុប្បន្ន នោះនឹងកាន់តែប្រសើរ។ ប្រសិនបើមានជំងឺ ឬបញ្ហាណាមួយត្រូវបានពិនិត្យឃើញនៅក្នុងដំណាក់កាលដំបូង ការព្យាបាលទាមទារឲ្យចំណាយប្រាក់តិច និងពេលវេលាខ្លីផងដែរ។

Health Tips
Share
  • Mar 29, 2017 |
  • 8 years ago |
  • 4.9K views

Trendនៃការថែទាំសុខភាពតាមកម្មវិធីទូរស័ព្ទ

សម័យនេះ ការប្រើទូរស័ព្ទដៃមិនមែនសម្រាប់តែទំនាក់ទំនង និងកម្សាន្តតាមបែបសាមញ្ញនោះទេ។ មុខងារដ៏ឆ្លាតវៃជាច្រើនតាមរយៈទូរស័ព្ទទំនើបៗ អាចជួយសម្រួលនូវការងារ ក៏ដូចជាការរស់នៅប្រចាំថ្ងៃជាដើម ហើយក្នុងនោះក៏រួមមានសុខភាពរបស់យើងផងដែរ។ ខាងក្រោមជាកម្មវិធីដែលទទួលបានការពេញនិយម ក៏ដូចជា rating ខ្ពស់ពីសំណាក់អ្នកប្រើប្រាស់ជុំវិញពិភពលោកដោយសារតែមុខងារដ៏ឆ្លាតវៃ ភាពងាយស្រួល  និងអត្ថប្រយោជន៍ប្លែកៗជាច្រើនដែលអ្នកក៏នឹងអាចក្លាយទៅជាអ្នកប្រើ-ប្រាស់ម្នាក់ទៀតផងដែរ។  តែថាមិនត្រូវអ្នកអាចនឹងមានកម្មវិធីណាមួយនៅក្នុងទូរស័ព្ទហើយមិនដឹង? កម្មវិធីសុខភាពទូទៅ 1.    Moves (អាចរកបានតាម IOS) ៖ ដោយគ្រាន់តែដាក់ទូរស័ព្ទដៃនៅក្នុងហោប៉ៅ ឬកាបូបរបស់អ្នកដែលមានរួចជាស្រេចនូវកម្មវិធី Moves ប្រៀបដូចជាមានគ្រូបង្វឹកមួយរូបដើម្បីធ្វើការកំណត់    តើអ្នកមានភាពសកម្មកម្រិតណា។ ក្នុងរយៈពេល ២៤ ម៉ោងអ្នកអាចទទួលបានលទ្ធផលដែលកំណត់ថា តើអ្នកបានធ្វើសកម្មភាព ឬធ្វើដំណើរបានប៉ុណ្ណាអាស្រ័យនឹងចលនារបស់អ្នក។ 2.    MyfitnessPal (ប្រើប្រាស់បានទាំង IOS និងAndroid) ៖ កម្មវិធីដែលផ្តល់ជាទិន្នន័យទាក់ទិននឹងកម្រិតកាឡូរី  និងសារធាតុចិញ្ចឹមសរុបជាង ៥ លានប្រភេទអាហារប្រចាំថ្ងៃ។ អ្នកអាចតាមដាននូវកម្រិតជីវជាតិដែលអ្នកបានពីការបរិភោគដោយលែងមានកង្វល់ថា អ្នកខ្វះ ឬលើសជីវជាតិឡើយ។  វាក៏មានមុខងារចង្អុលបង្ហាញអំពីការធ្វើលំហាត់ប្រាណដែលសមស្របទៅនឹងកម្រិតកាឡូរីដែលអ្នកបាននាំចូលពីអាហារផងដែរ។ 3.    Waterlogged (ប្រើប្រាស់បានទាំង IOS និងAndroid) ៖ សម្រាប់អ្នកដែលមមាញឹករហូតមិនបានចាប់អារម្មណ៍នឹងការបរិភោគទឹកប្រចាំថ្ងៃដែលជាកត្តាដ៏សំខាន់ចំពោះទាំងសុខភាព និងសម្រស់។ កម្មវិធីត្រូវបានបង្កើតឡើងដើម្បីជួយអ្នកសម្រេចបាននូវបរិមាណទឹកដែលចាំបាច់ត្រូវការប្រចាំថ្ងៃ។  វាមានមុខងារជាច្រើនរួមទាំង  ការតឿនរំលឹកឲ្យអ្នកញ៉ាំទឹក និងការរក្សាទុកទិន្នន័យមុនៗជាដើម។ កម្មវិធីតាមដានសុខភាព 4.    Clue (ប្រើប្រាស់បានទាំង IOS និងAndroid) ៖ កម្មវិធីបង្កើតឡើងជាពិសេសសម្រាប់នារីៗ ដើម្បីតាមដានវដ្តនៃរដូវ តាមរយៈមុខងាររំលឹកមុនពេលថ្ងៃមករដូវខាងមុខ ដូចនេះអ្នកនឹងបានត្រៀមខ្លួនទុកជាមុនដោយមិនបាច់បារម្ភឡើយ។  ជាមួយនឹងការយល់អំពីទម្រង់នៃវដ្តរដូវរបស់អ្នកផ្ទាល់ កម្មវិធីនេះអាចផ្តល់នូវគន្លឹះជាច្រើនសម្រាប់ការរស់នៅប្រចាំថ្ងៃរបស់អ្នកបានទៀតផង។ 5.    Health​ogo (ប្រើប្រាស់បានទាំង IOS និងAndroid) ៖ ជា «ជម្រើសទី១សម្រាប់សុខភាពរបស់អ្នក» ដែលផ្សារភ្ជាប់រវាងអ្នកផ្តល់សេវាសុខភាព និងសាធារណជន។ សម្រាប់សាធារណជន៖ នៅពេលដែលអ្នកមានបញ្ហាសុខភាព ឬត្រូវការការប្រឹក្សាសុខភាពផ្សេងៗ អ្នកអាចស្វែងរកសេវាកម្មសុខភាពដែលអ្នកអាចទុកចិត្តបាន និងផ្តល់មតិយោបល់ផ្សេងៗពីអ្នកធ្លាប់ទទួលសេវាកម្មនោះ មុននឹងសម្រេចចិត្តណាត់ជួបអ្នកផ្តល់សេវាកម្មសុខភាពតាមរយៈ App នេះ។ ពេលទំនេរ អ្នកអាចស្វែងយល់អំពីការថែទាំសុខភាពផ្សេងៗ ដែលផ្តល់ជូនដោយអ្នកឯកទេស និងវេជ្ជបណ្ឌិតល្បីៗផងដែរ។ ក្នុងនោះ ក៏នឹងមានមុខងារពិសេសៗជាច្រើនទៀត ដែលនឹងជាមិត្តជិតស្និទ្ធរបស់អ្នកសម្រាប់ការថែទាំសុខភាពរបស់អ្នក។ សម្រាប់អ្នកផ្តល់សេវាកម្មសុខាភិបាល៖ លោកអ្នកអាចបង្កើតទំព័រសម្រាប់ស្ថាប័នរបស់អ្នក ឆ្លើយឆ្លងមតិយោបល់ជាមួយសាធារណជន និងទទួលការណាត់ជួបផងដែរ។លើសពីនេះ អ្នកគ្រប់គ្នាអាចចែករំលែកចំណេះដឹងព័ត៌មានផ្សេងៗដោយឥតគិតថ្លៃផងដែរ។ 6.    iTriage (ប្រើប្រាស់បានទាំង IOS និងAndroid)៖ កម្មវិធីនេះប្រៀបបានជាអ្នកឯកទេសផ្នែកសុខភាពមួយរូបដែលនៅជិតអ្នក វានឹងនាំអ្នកឲ្យស្គាល់ពីរោគសញ្ញា ស្ថានភាពនៃជំងឺ និងការព្យាបាល រួមជាមួយនឹងការណែនាំនានាអំពីជំងឺ។ កម្មវិធីនេះក៏អាចជួយអ្នកក្នុងការសម្រេចចិត្តថាគួរទៅជួបពិគ្រោះជាមួយគ្រូពេទ្យ ឬយ៉ាងណាផងដែរ។   ពិសេស វាក៏អាចរក្សាទុកនូវទិន្នន័យអំពីការព្យាបាលរបស់អ្នកបានទៀតផង។ កម្មវីធីសម្រាប់សុខភាពខួរក្បាល 7.    Lumosity (ប្រើប្រាស់បានទាំង IOS និង Android)៖ ជាកម្មវិធីបង្កើតឡើងតាំងពីឆ្នាំ ២០០៧ និងមានអ្នកប្រើប្រាស់ប្រមាណជាង ៧០ លាននាក់រួចមកហើយ។ វាត្រូវបានគេកែប្រែ និងបានបញ្ចូលនូវកម្មវិធីថ្មីៗជាបន្តបន្ទាប់ រួមមានល្បែងល្បងប្រាជ្ញា ក៏ដូចជាលំហាត់ប្រាណខួរក្បាលជាច្រើនសម្រាប់អ្នកដែលចង់អភិវឌ្ឍសមត្ថភាពនៃការគិត     បង្កើនការចងចាំ និងស្មារតីប្រុងប្រយ័ត្នជាដើម។ 8.    Peak (ប្រើប្រាស់បានទាំង IOS និងAndroid)៖ ជាកម្មវិធីល្បែងសម្រាប់សុខភាពខួរក្បាល បង្កើតឡើងដោយអ្នកជំនាញពីសាកលវិទ្យាល័យ Cambridge និង Yaleក្នុងទិសដៅឲ្យអ្នកប្រើប្រាស់អាចបង្កើនការចងចាំ  ការប្រុងប្រយ័ត្ន ការដោះស្រាយបញ្ហា គំនិតច្នៃប្រឌិត សមត្ថភាពក្នុងការគិត និងការគ្រប់គ្រងអារម្មណ៍។ មានផ្លូវជាច្រើនដើម្បីឆ្ពោះទៅរកសុខភាពល្អ តែពេលខ្លះអ្នកក៏អាចមិនឃើញពីជ្រុងដ៏ងាយស្រួលដែលនៅជិតអ្នកបំផុត និងចាំជួយអ្នកគ្រប់ពេលវេលាទៅវិញ។   ដូចនេះ ប្រើទូរស័ព្ទដោយឆ្លាតវៃ កុំភ្លេចដោនឡូតកម្មវិធីទាំងនេះ។ #smart phone, smart people, smart app © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips News & Events
Share
  • Mar 28, 2017 |
  • 8 years ago |
  • 6.7K views

ទង្វើ៥យ៉ាងធ្វើឲ្យអ្នកចាស់ជាងវ័យ

តើស្ត្រេស និងការព្រួយចិត្ដពិតជាអាចធ្វើឱ្យមនុស្សចាស់មុនអាយុមែនទេ? ពិតមែនហើយក្រៅពីនាំទៅរកជីវិតគ្មានការរីកចម្រើន ឬទោរទៅរកការញ៉ាំអាហារមិនល្អសម្រាប់សុខភាពនោះការព្រួយចិត្ដ និងស្ត្រេសពិតជាមូលហេតុនាំមុខធ្វើឱ្យមនុស្សចាស់មុនអាយុ។ នៅក្នុងឱកាសមួយយើងប្រហែលជាបានជួបមនុស្សដែលមើលទៅក្មេងជាងវ័យហើយយើងប្រហែលជាសួរខ្លួនឯងថា «តើពួកគេទទួលបានលទ្ធផលនេះដោយរបៀបណា?»យើងតែងតែភ្លេចថាវិធីដ៏ប្រសើរបំផុតដើម្បីធ្វើឱ្យសម្រស់ក្មេងជាងវ័យគឺការដឹកនាំជីវិតប្រកបដោយសុខភាពល្អដែលរួមទាំងកត្ដាជាច្រើនទៀតដូចជារបបអាហារ ការហាត់ប្រាណ ការថែរក្សាស្បែក និងការមានសមត្ថភាពដោះស្រាយបានគ្រប់ស្ថានការដែលកើតមាននៅក្នុងជីវិតប្រចាំថ្ងៃរបស់យើង។ នៅក្នុងអត្ថបទនេះយើងនឹងពិភាក្សាពីមូលហេតុដែលបណ្ដាលឱ្យចាស់មុនអាយុ។ ១. ភាពសោកសៅក្នុងចិត្ដ ការមានសុខភាពផ្លូវចិត្ដល្អប្រសើរស្រស់បំព្រងអាចមានឥទ្ធិពលវិជ្ជមានទៅលើរូបសម្រស់ខាងក្រៅរបស់យើងគ្រប់គ្នា។ អញ្ចឹង ប្រសិនបើយើងរស់នៅក្នុងភាពសោកសៅ និងមិនមានហេតុផលល្អៗញ៉ាំងអារម្មណ៍ឱ្យសប្បាយចិត្ដ និងមានស្នាមញញឹមទេ ភាពជូរចត់ក្នុងអារម្មណ៍យើងនឹងបង្ហាញឱ្យឃើញនៅលើផ្ទៃមុខរបស់យើងជានិច្ចកាលនឹងធ្វើឱ្យយើងចាស់មុនអាយុ។ ម្យ៉ាងទៀត ប្រសិនបើយើងមានទស្សនៈវិជ្ជមានចំពោះជីវិត និងគ្រប់គ្រងខ្លួនឯងឱ្យមានអារម្មណ៍សប្បាយ និងមានស្នាមញញឹមលើផ្ទៃមុខដោយការសម្លឹងមើលផ្នែកល្អនៃស្ថានការបន្ទាប់មកយើង នឹងមានអារម្មណ៍សប្បាយរីករាយហើយជាលទ្ធផលយើងនឹងមានសមត្ថភាពពន្យឺតដំណើរការវិវឌ្ឍទៅរកភាពចាស់។ ២. ស្ត្រេស ស្ត្រេសគឺជាអាការៈមួយដែលកើតមានឡើងកាន់តែច្រើននាពេលបច្ចុប្បន្ន។ វាត្រូវបានគេចុះបញ្ជីថាជារឿងអកុសលមួយនៃទស្សវត្សរ៍ទី២១ និងប្រែក្លាយជាមូលហេតុដ៏ចម្បងមួយក្នុងចំណោមមូល-ហេតុទាំងឡាយដែលធ្វើឱ្យមនុស្សចាស់មុនអាយុនៅប៉ុន្មានឆ្នាំចុងក្រោយនេះ។ ផលប៉ះពាល់នៃស្ត្រេសដែលអាចមើលឃើញដោយភ្នែកជាក់ស្ដែងមួយចំនួនមានដូចជាការជ្រុះសក់ ស្នាមជ្រីវជ្រួញ ឬសញ្ញាដទៃទៀតដែលធ្វើឱ្យយើងចាស់មុនអាយុ។ ក្នុងករណីជាច្រើនរឿងដែលបណ្ដាលឱ្យយើងកើតនូវស្ត្រេសវាមិនសមនឹងឱ្យយើងយកចិត្ដផ្ដោតអារម្មណ៍ខ្លាំងនោះទេ។ ការបណ្ដោយឱ្យអ្វីៗកន្លងផុតទៅតាមដំណើរអាចឱ្យយើងមានឱកាសល្អក្នុងការស្វែងរកដំណោះស្រាយដ៏មានប្រសិទ្ធភាព និងឆាប់រហ័សចំពោះស្ថានភាពតានតឹងហើយជាលទ្ធផលធ្វើឱ្យយើងអាចចៀសវាងឥទ្ធិពលអវិជ្ជមាន។ ៣. កង្វះលំហាត់ប្រាណ សកម្មភាពធម្មតានៃការហាត់ប្រាណបន្តិចបន្ដួចធ្វើឱ្យយើងមើលទៅមានអារម្មណ៍ថាសកម្ម ដែលថែមទាំងផ្ដល់ឱ្យយើងនូវភាពក្មេងជាងវ័យ និងមានសុខភាពល្អ។ លំហាត់ប្រាណជាប្រចាំផ្ដល់នូវអត្ថប្រយោជន៍ជាច្រើនដល់សុខភាពដូចជាការពារអាការៈធាត់លើសគីឡូ លើកកម្ពស់ចរន្ដឈាមរត់និងបង្កើនសមត្ថភាពសួត។ ម្យ៉ាងទៀត វាក៏ជួយរក្សាស្បែករបស់យើងឱ្យក្មេងជាងវ័យ និងកាន់តែស្រស់ស្រាយផងដែរ។ ៤. ចំណីអាហារមិនល្អ អាហារដែលខ្វះសារធាតុចិញ្ចឹម និងមានផ្ទុកជាតិខ្លាញ់ច្រើនគឺវាមិនត្រូវធាតុជាមួយនឹងរាងកាយរបស់យើងនោះទេ។ ផ្ទុយទៅវិញវាអាចមានផលប៉ះពាល់អវិជ្ជមានធ្ងន់ធ្ងរសម្រាប់សុខភាពរបស់យើងនិងរូបរាងកាយទាំងស្រុង។ ដើម្បីរក្សារូបរាងកាយរបស់យើងឱ្យក្មេងជាងវ័យវាជារឿងចាំបាច់ក្នុងការពិសាអាហារដែលសម្បូរដោយផ្លែឈើបន្លែ សាច់សត្វមិនផ្ទុកជាតិខ្លាញ់ និងពិសាទឹកឱ្យគ្រប់គ្រាន់រាល់ថ្ងៃ។ ៥. សម្រាកមិនបានគ្រប់គ្រាន់ ការគេងបានគ្រប់គ្រាន់រាល់យប់គឺជារឿងចាំបាច់សម្រាប់ការផ្លាស់ប្ដូរកោសិកាថ្មី និងស្រោចស្រង់ឡើងវិញនូវកម្រិតថាមពលរាងកាយដែលបានបាត់បង់ដោយកត្ដាទាំងពីរនេះជួយឱ្យយើងមានសុខភាពល្អ និងមានកម្លាំងកាន់តែខ្លាំង។ សម្រាប់ការសម្រាកឱ្យពេញភ្នែកនៅពេលយប់គឺយ៉ាងតិចត្រូវគេងឱ្យបាន៨ម៉ោងក្នុងពេលយប់។ ប្រសិនបើអ្នកគេងបានតិចជាងនេះមានន័យថាអ្នកកំពុងតែប្រឈមនឹងការវិវឌ្ឍន៍ទៅរកភាពចាស់មុនអាយុ។

Health Tips
Share
  • Mar 27, 2017 |
  • 8 years ago |
  • 6.8K views

ការអស់រដូវរបស់ស្ត្រី អាចបណ្តាលឲ្យមានជំងឺបាក់ទឹកចិត្តបាន

បញ្ហាស្រេ្តស ការថប់បារម្ភ និងភាពភ័យខ្លាចអាចកើតឡើងចំពោះស្រី្ដដែលឈានដល់វ័យកណ្តាលដោយសារការថយចុះនូវកម្រិតអ័រម៉ូនestrogen និង progesterone នៅក្នុងខ្លួន។ អ័រម៉ូន Estrogen មានឥទ្ធិពលទៅលើការបញ្ចេញ serotonin និង norepinephrine ដែលសារធាតុទាំងពីរមានទំនាក់ទំនងទៅនឹងបញ្ហាផ្លូវចិត្ត។ បន្ថែមពីនេះ ស្រ្តីដែលដល់វ័យអស់រដូវ អាចនឹងជួបប្រទះនឹងការប្រែប្រួលអារម្មណ៍ ដូចជាការបារម្ភ និងភ័យខ្លាចច្រើនអំពីភាពកាន់ចាស់របស់ខ្លួន និងការបាត់បង់សមាជិកគ្រួសារជាដើម។ហេតុនេះ ចំពោះស្ត្រីជាច្រើន ការឈានដល់វ័យអស់រដូវ ហាក់ដូចជាពេលវេលាដែលធ្វើឲ្យពួកគេមានភាពឯកា និងធុញទ្រាន់ ដែលការប្រែប្រួលផ្លូវចិត្តទាំងនេះ អាចបណ្តាលឲ្យមានជំងឺបាក់ទឹកចិត្ត ឬភ័យខ្លាចធ្ងន់ធ្ងរ ប្រសិនពុំទទួលបានការព្យាបាលឬការយកចិត្តទុកដាក់ណាមួយ។  ជាថ្មីម្តងទៀត លោកស្រីសាស្រ្តាចារ្យវេជ្ជបណ្ឌិត ឯក  ម៉េងលី វេជ្ជបណ្ឌិតឯកទេសព្រមទាំងជាប្រធានផ្នែកសម្ភព និងរោគស្រ្តីនៅគ្លីនិកលុច្សនឹងបកស្រាយជុំវិញទំនាក់ទំនងនៃការអស់រដូវរបស់ស្រ្តី និងជំងឺបាក់ទឹកចិត្ត។ កត្តាប្រឈមនឹងជំងឺបាក់ទឹកចិត្ត ការផ្លាស់ប្តូរនូវកម្រិតអ័រម៉ូននៅក្នុងខ្លួន ជាកត្តាចម្បងដែលអាចនាំឲ្យមានបញ្ហាសុខភាពរាងកាយនិងសុខភាពផ្លូវចិត្តរបស់ស្ត្រី ប៉ុន្តែនៅមានកត្តាផ្សេងទៀតដែលអាចមានឱកាសធ្វើឲ្យស្ត្រីមានអារម្មណ៍បាក់ទឹកចិត្តកំឡុងពេលអស់រដូវរបស់ស្ត្រីដូចជា៖ •    ធ្លាប់មានប្រវត្តិមានជំងឺបាក់ទឹកចិត្តនៅពេលវ័យក្មេង •    មានអារម្មណ៍ភ័យខ្លាចចំពោះការអស់រដូវ ឬភាពចាស់ •    មានបញ្ហាស្រ្តេសដោយសារការងារ  ឬបញ្ហាផ្ទាល់ខ្លួន •    ការធុញទ្រាន់នឹងបរិយាកាសរស់នៅប្រចាំថ្ងៃ •    ការមិនទទួលបានការគាំទ្រពីមនុស្សនៅជុំវិញខ្លួន •    កង្វះការហាត់ប្រាណ •    ការជក់បារី។ រោគសញ្ញានៃជំងឺបាក់ទឹកចិត្ត •    អារម្មណ៍មួម៉ៅ ធុញថប់ និងឆាប់ខឹង •    បារម្ភ មិនស្រណុកចិត្ត និងរវើរវាយ •    អារម្មណ៍មានកំហុស និងគ្មានតម្លៃ •    បាត់បង់ចំណូលចិត្តក្នុងកិច្ចការងារប្រចាំថ្ងៃ •    ពិបាកក្នុងការផ្ចង់អារម្មណ៍ •    ថយចុះការចងចាំ •    អស់កម្លាំង •    ទទួលដំណេកច្រើនពេក ឬតិចពេក •    ផ្លាស់ប្តូរទម្លាប់ញ៉ាំអាហារ •    ការឈឺចាប់ដោយគ្មានមូលហេតុច្បាស់លាស់។ វិធីសាស្ត្រព្យាបាលជំងឺបាក់ទឹកចិត្ត ការព្យាបាលជំងឺផ្លូវចិត្តចំពោះស្រ្តីអំឡុងពេលអស់រដូវពុំមានភាពខុសប្លែកពីជំងឺផ្លូវចិត្តដែលតែងតែកើតឡើងចំពោះបុគ្គលទូទៅនោះទេ។  វិធីសាស្រ្តអាចរួមបញ្ចូលនូវ ការផ្លាស់ប្តូរទម្លាប់រស់នៅប្រចាំថ្ងៃ ការប្រើប្រាស់ថ្នាំ ឬអាចបូកបញ្ចូលនូវវិធីសាស្រ្តទាំងពីរក្នុងពេលតែមួយតែម្តង។ 1.    ការផ្លាស់ប្តូរទម្លាប់រស់នៅ៖ •    ទទួលដំណេកគ្រប់គ្រាន់ ៖   ស្រ្តីក្នុងវ័យអស់រដូវ អាចមានបញ្ហាទាក់ទងនឹងដំណេក។ អ្នកគួរកំណត់ម៉ោងឲ្យបានច្បាស់ក្នុងការចូលគេង និងភ្ញាក់ពីដំណេក ចំណែកបន្ទប់គេង គួរស្ថិតក្នុងភាពងងឹត ស្ងប់ស្ងាត់ និងត្រជាក់ល្មម។ •    ធ្វើលំហាត់ប្រាណទៀងទាត់ ៖   លំហាត់ប្រាណអាចជួយបង្កើនថាមពល និងអារម្មណ៍ល្អ។ជាការល្អគួរមានទម្លាប់ធ្វើលំហាត់ប្រាណ ៣០ នាទី ប្រាំថ្ងៃក្នុងមួយសប្តាហ៍។ •    វិធីសាស្រ្តរំងាប់អារម្មណ៍ ៖ កីឡាយោគៈ ការតាំងសម្មាធិ និងការម៉ាស្សា ជាសកម្មភាពអាចកាត់បន្ថយស្រេ្តសបានមួយផ្នែក និងបង្កភាពងាយស្រួលក្នុងការទទួលទានដំណេក។ •    ឈប់ជក់បារី ៖ ស្រ្តីដែលជក់បារីមានឱកាសជួបបញ្ហាផ្លូវចិត្តច្រើនជាងស្រ្តីដែលគ្មានប្រវត្តិជក់បារី។ ប្រសិនបើអ្នកជក់បារី គួរស្វែងរកវិធីសាស្រ្តផ្តាច់ការជក់បារីពីអ្នកឯកទេស។ •    របបអាហារសុខភាព ៖ របបអាហារដែលមានសារធាតុចិញ្ចឹមគ្រប់គ្រាន់ អាចការពារកុំឲ្យមានបញ្ហានានាពេលឈានដល់វ័យអស់   រដូវ។ គួរទទួលទានអាហារសម្បូរដោយសារធាតុចិញ្ចឹមដែលមានក្នុងផ្លែឈើ បន្លែ ផលិតផលសណ្តែកនិងញ៉ាំទឹកឲ្យបានច្រើន កាត់បន្ថយប្រភេទអាហារធ្វើឲ្យធាត់ ស្ករ អំបិល ព្រមទាំងសារធាតុអាល់កុលផងដែរ។ •     ស្វែងរកការលើកទឹកចិត្ត ៖ ក្រុមគ្រួសារ ឬមិត្តភក្តិ អាចជួយលើកទឹកចិត្តស្ត្រីអស់រដូវឲ្យបានប្រសើរឡើង ហើយស្ត្រីខ្លួនឯងផ្ទាល់ត្រូវចាំថាអ្នកមិននៅម្នាក់ឯងនោះទេ ព្រោះស្រ្តីគ្រប់រូបដែលឈានដល់វ័យនេះគង់ចៀសមិនផុតពីដំណាក់កាលនេះដូចគ្នា។ 2.    ព្យាបាលដោយប្រើប្រាស់ថ្នាំ •    ថ្នាំអ័រម៉ូនជំនួសជាពពួក estrogen    (កម្រិតទាប) ៖ ការប្រើប្រាស់ថ្នាំជាពពួក estrogen អាចជួយព្យាបាលបញ្ហាសុខភាពរាងកាយ និងផ្លូវចិត្តនៅពេលអស់រដូវ យ៉ាងណាមិញ ថ្នាំប្រភេទនេះ អាចបង្កឲ្យមានការប្រឈមខ្ពស់នឹងការកើតជំងឺមហារីកសុដន់ និងកំណកឈាម។ •    ថ្នាំប្រឆាំងការបាក់ទឹកចិត្ត ៖ ប្រសិនថ្នាំជំនួសជាប្រភេទអ័រម៉ូនមិនស័ក្តិសមនឹងការព្យាបាល ស្ត្រីដែលអស់រដូវនឹងត្រូវបានណែនាំឲ្យប្រើប្រាស់នូវថ្នាំប្រឆាំងការបាក់ទឹកចិត្តជំនួសវិញ ដែលការព្យាបាលអាចមានរយៈពេលខ្លី ឬវែងតាមសភាពនៃជំងឺ។ •    ការព្យាបាលបែបធម្មជាតិ ៖  ថ្នាំដែលមានផ្ទុកIsoflavones ស្ថិតនៅក្នុងថ្នាក់ Phytoestrogenដែលជាសមាសធាតុមានខ្សែស្រឡាយពីរុក្ខជាតិដូចជាពពួកសណ្តែក   ហើយមានសកម្មភាពដូចទៅនឹងអ័រម៉ូន estrogen ដែលវាអាចធ្វើឲ្យប្រសើរឡើងនូវរោគសញ្ញានៃការអស់រដូវ។ •    ការប្រឹក្សាយោបល់ ៖ ប្រសិនមិនហ៊ានប្រឈមមុខនឹងការចែករំលែកជាមួយក្រុមគ្រួសារ ឬមិត្តភក្តិ ស្រ្តីដែលកំពុងមានបញ្ហានេះអាចស្វែងរកការពិភាក្សាពីសំណាក់អ្នកប្រឹក្សាជំនាញដើម្បីជួយសម្រាលនូវវិបត្តិទាំងនោះ។ ត្រូវចាំថា ជំងឺបាក់ទឹកចិត្តចំពោះស្រ្តីអស់រដូវ អាចព្យាបាលបាន  ជាមួយនឹងវិធីសាស្រ្តនានាដែលអាចសម្រាលនូវរោគសញ្ញា និងការផ្លាស់ប្តូរនៅអំឡុងពេលនោះ ហើយស្ត្រីខ្លួនឯង និងក្រុមគ្រួសារផ្ទាល់ត្រូវតែប្រញាប់ជ្រើសរើសមធ្យោបាយណាមួយឲ្យបានឆាប់រហ័សផងដែរមុនពេលអាការៈទាំងនោះ ជាពិសេសជំងឺបាក់ទឹកចិត្តនេះវិវឌ្ឍកាន់តែធ្ងន់ធ្ងរ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Mental Health​ & Entertainment Women's Health
Share
  • Mar 25, 2017 |
  • 8 years ago |
  • 3.9K views

វិស្សមកាលដ៏សកម្មត្រៀមសម្រាប់រដូវក្តៅ

វិស្សមកាលរដូវក្តៅនេះ  មិនដូចវិស្សមកាលឆ្នាំមុនៗ ព្រោះអ្នកនឹងរីករាយនឹងវាជាងមុន ចូលចិត្តវាជាងមុន ហើយអ្នកនឹងចំណាយពេលវេលានេះបានល្អជាងមុនមែនទេ? និយាយពីអាកាសធាតុទៀតហើយ វាដូចជាក្តៅបណ្តើរៗ រីឯវិស្សមកាលតូចរបស់សិស្សនិស្សិតក៏ជិតចាប់ផ្តើមហើយដែរ គឺនៅអំឡុងខែមេសាដែលស្របពេលនឹងការឈប់សម្រាកអំឡុងថ្ងៃបុណ្យចូលឆ្នាំប្រពៃណីខ្មែរ។ ក្នុងរយៈពេលឈប់សម្រាកដ៏ខ្លី ដែលខ្លះក្រោម១អាទិត្យ(អ្នកធ្វើការ) ឬមិនលើសពីរអាទិត្យ (សិស្សនិស្សិត) តើអ្នកគិតថាអាចចំណាយពេលនេះដោយរបៀបណា? ក្រៅពីគម្រោងការសម្រាប់ធ្វើក្រោយវិស្សមកាល  អ្នកក៏គួរត្រៀមខ្លួនខ្លះសម្រាប់រដូវក្តៅខាងមុខផងដែរបើអ្នកមិនចង់និយាយថារដូវក្តៅឆ្នាំនេះ សូមធីបចោលនោះ! 1.រៀនហែលទឹក មិនដែលថាមានឱកាសបានរៀនឲ្យស្រួលទេ ហើយបើគ្រាន់តែចំណាយពេលម្តង ឬពីរដងក្នុងមួយសប្តាហ៍ក្នុងអាងហែលទឹកនោះ មិនដឹងថាអ្នកនឹងចេះហែលនៅពេលណាឡើយ ដូចនេះ  នេះជាពេលល្អហើយដែលអ្នកមានពេលសម្រាកយូរគ្រាន់ ល្មមនឹងអាចរៀនចេះ។  ម្យ៉ាងបើនិយាយពីការហាត់កីឡា  ឬសកម្មភាពកំសាន្តនៅរដូវក្តៅ ហែលទឹកជាជម្រើសល្អបំផុត ព្រោះមិនត្រឹមត្រជាក់ស្រួលខ្លួន    អ្នកក៏អាចបញ្ចេញកម្លាំងដោយមិនបាច់បែកញើសជោក និងស្អុះស្អាប់ដោយសារញើសនោះទេ។ 2.រៀនជិះស្គីលើទឹកកក ដូចគ្នានឹងការហែលទឹក ការជិះស្គីទឹកកកក៏ជាសកម្មភាពកំសាន្តសប្បាយ​ និងចាត់ទុកដូចជាការហាត់ប្រាណផងដែរជាពិសេសនៅរដូវក្តៅនេះ ធានាថាអ្នកចង់លេងយូរប៉ុណ្ណាក៏នឹងមិនងាយហត់ និងបែកញើសដែរ។ ការជិះស្គីនេះផងដែរ មិនពិបាក និងត្រូវចំណាយពេលយូរពេកទេក្នុងការរៀនចេះជិះល្មមៗ ដូចនេះឆ្លៀតឱកាសថ្ងៃសម្រាកប៉ុន្មានថ្ងៃនេះ អ្នកគួររៀនឲ្យចេះ ដើម្បីអាចលេងបានម៉ាសប្បាយនៅរដូវក្តៅ។ 3.រៀនមេកអាប់ខ្លួនឯង ការមេកអាប់នៅរដូវក្តៅពិតជាពិបាកបន្តិចហើយ មិនថាអ្នកធ្វើវាខ្លួនឯងនៅផ្ទះ ឬនៅសាឡន ព្រោះអាកាសធាតុក្តៅពិតជារំខាន។ ហេតុនេះ អ្នកគួររៀនមេកអាប់ឲ្យស្ទាត់ជាងមុនខ្លួនឯង និងប្រើពេលឲ្យខ្លីជាងមុន ព្រមទាំងអាចឆ្លៀតរកតិកនិចណាងាយៗជាងមុន និងស្ទាយខ្លះៗសម្រាប់តុបតែងមុខឲ្យត្រូវនឹងរដូវក្តៅផងដែរ។   ម្យ៉ាងផលិតផលប្រើប្រាស់អាចនឹងមានការផ្លាស់ប្តូរខ្លះដែរ ដូចជាក្រែមផ្តល់សំណើមគួរតែប្រភេទស្រាលជាងរដូវរងា និងម៉ាស្ការ៉ាគួរជាប្រភេទធន់នឹងទឹកជាដើម។ 4.ថែទាំសម្រស់ មិនអាចរំលងបានទេនៅវិស្សមកាលម្តងៗ ព្រោះជាទូទៅអ្នកមុខជាមិនមានពេលវេលាពេញលេញក្នុងការថែទាំខ្លួនឲ្យបានល្អទេ គ្រាន់តែរកពេលបិទម៉ាសក៏ពិបាកដែរ។ ដូចនេះ អំឡុងពេលនេះ អ្នកអាចចាប់ផ្តើមនូវវិធានការថែរក្សាស្បែក និងផ្នែកផ្សេងៗឲ្យស្រស់ស្អាតបាន ជាពិសេសសម្រាប់រដូវក្តៅ     អ្នកក៏ត្រូវគិតត្រៀមក្រែមការពារកម្តៅថ្ងៃដែលស័ក្តិសមឲ្យហើយផងដែរ។ 5.រក្សាទម្ងន់បន្តិច ប្រាកដណាស់ថា អ្នកមិនចង់មានរាងធាត់ទេនៅរដូវក្តៅ ព្រោះវាមិនត្រឹមប៉ះពាល់ដល់ជំនឿចិត្តពេលអ្នកស្លៀកសម្លៀកបំពាក់ប្រភេទរដូវក្តៅ  ដែលនឹងបង្ហាញរាងរបស់អ្នកច្បាស់ ខុសពីរដូវរងាដែលមានអាវក្រាស់ៗជួយលាក់រាងនោះទេ វាថែមទាំងធ្វើឲ្យអ្នកមិនស្រួលខ្លួនឡើយ ជាពិសេសនៅរដូវក្តៅតែម្តង ព្រោះអ្នកនឹងមានអារម្មណ៍ហប់ជាង ក្តៅជាង និងបែកញើសស្អុះស្អាប់ជាងអ្នកដែលស្គម។ 6.រៀនរាំ ឱកាសបុណ្យចូលឆ្នាំនឹងមកដល់ឆាប់ៗនោះអី! ឆ្នាំហ្នឹងអ្នកមុខជាមិនចង់នៅអង្គុយយាមកាបូបទេមែនទេ? ហើយក៏នៅមានឱកាសក្រោយៗទៀត ដូចជាជប់លៀងចុងឆ្នាំសិក្សា ជប់លៀងបំណាច់ឆ្នាំជាដើម។ ទាន់វិស្សមកាលនេះមានឱកាស រៀនបណ្តើរៗបាន អ្នកអាចរៀននៅផ្ទះដោយខ្លួនឯង ឬក៏ចុះឈ្មោះរៀននៅថ្នាក់បង្រៀនរាំនៅតាមក្លឹបហាត់ផ្សេងៗ។  វាប្រាកដជាសប្បាយមិនតិចទេសម្រាប់រដូវក្តៅនេះ ក្រឡែងខ្លួនម៉ាអស់ដៃបាន។ ក្រៅពីត្រៀមខ្លួនសម្រាប់រដូវក្តៅ អ្នកក៏គួរគិតផងដែរក្នុងការចំណាយពេលវេលាក្នុងការធ្វើដំណើរកម្សាន្តរយៈពេលវែង ឬខ្លី បញ្ចប់ការអានសៀវភៅ ចាប់ផ្តើមទម្លាប់ថ្មីល្អៗ រៀបចំគម្រោងអនាគត ធ្វើការងារស្ម័គ្រចិត្ត ឬចូលរួមសកម្មភាពសង្គមនានា ស្គាល់មិត្តថ្មីៗជាដើម ដែលសុទ្ធតែជាសកម្មភាពដែលមានប្រយោជន៍មិនគួរខកខាន។ ពេលវេលាដើរលឿនហួសពីការស្មាន បើអ្នកមិនបានធ្វើអ្វី ដូចនេះ កុំខាតពេលវេលានៃវិស្សមកាលដ៏មានតម្លៃសម្ងំនៅផ្ទះមើលទូរទស្សន៍ លេងហ្វេស-បុកអី  គួរតែចេញមកក្រៅ ធ្វើអ្វីដែលអ្នកគួរធ្វើ និងរៀបចំអ្វីដែលអ្នកត្រូវការ ជាពិសេសត្រៀមស្វាគមន៍អាកាសធាតុក្តៅជាមួយអារម្មណ៍ត្រជាក់ៗផងណា…

Health Tips
Share
  • Mar 25, 2017 |
  • 8 years ago |
  • 4.7K views

កន្លែងshoppingទាំង៥ ក្នុងក្រុងភ្នំពេញ

Shopping Shopping!!! ជាញឹកញាប់ជាពិសេស គឺនារីៗឮណាត់គ្នាសឹងតែរាល់ថ្ងៃចុងសប្តាហ៍។ មនុស្សស្រីចូលចិត្តដើរផ្សារទិញឥវ៉ាន់ ហើយបើទោះបីជាត្រូវដើរពេញមួយថ្ងៃក៏មិនមានអារម្មណ៍ធុញទ្រាន់ដែរឲ្យតែបានទិញរបស់ដែលខ្លួនស្រលាញ់  នេះហើយជាសមត្ថភាពពិសេសរបស់នារីៗ(និយាយចំៗតិចហើយណា…) សម្រាប់នៅទីក្រុងភ្នំពេញវិញ ផ្សារមានមិនតិចឯណា? តែភាគច្រើនមិនថាយើងមិនថាគេ បើធ្លាប់ទៅណា ទៅតែកន្លែងនោះ ស្របពេលដែលផ្សារនីមួយៗមានភាពសម្បូរបែបមិនដូចគ្នាឡើយ នេះបើយោងតាមអ្នកជំនាញដើរផ្សារ(ដើររាល់អាទិត្យ)បានប្រាប់ហេលស៍ថាម។ ដូច្នេះ អ្នកគួរតែបានដឹងអំពីរឿងនេះ ដើម្បីទៅឲ្យត្រូវគោលដៅ និងបានទំនិញដែលសមបំណង។ ១. ផ្សារទំនើបអីុអន ស្ថិតក្នុងបរិយាកាសមានម៉ាស៊ីនត្រជាក់ ពោរពេញទៅដោយហាងលក់ទំនិញប្រែ៊នៗ មានទាំងសម្លៀកបំពាក់ កាបូប ស្បែកជើង ផលិតផលគ្រឿងសម្អាង ព្រមទាំងផលិតផលផ្សេងៗជាច្រើនទៀតដែលសុទ្ធសឹងតែនាំចូលពីបរទេស ដូច្នេះវាជាជម្រើសដ៏ល្អសម្រាប់អ្នកចូលចិត្តម៉ាកល្បីៗ។ ក្រោយពី Shopping អ្នកក៏មិនបាច់បារម្ភពីវិធីសាស្ត្របំពេញថាមពលដែរ នៅទីនោះមិនខ្វះទេអាហារឆ្ងាញ់ៗ ប្លែកៗ មិនថាចង់ញុំាអាហារប្រទេសណាក៏មាន ឲ្យតែចង់ញុំា និងមានលុយ។ ២. ផ្សារទំនើបផេនសល សម្រាប់អ្នកចូលចិត្តផ្លាស់ប្តូរម៉ូតសម្លៀកបំពាក់ ស្បែកជើង កាបូបយួរដៃតាមសម័យ និងកាលីបៗស្របពេលចង់ទទួលបាននូវតម្លៃសមរម្យ ផេនសលជាកន្លែងដែលភាគច្រើនមិត្តនារីៗមិនងាយដើររំលង។ ថ្វីត្បិតមានអតិថិជន និងតូបលក់ទំនិញច្រើន តែផ្សារនេះក៏នៅតែមិនមានភាពកកស្ទះឡើយ    អ្នកនៅតែទទួលបានផាសុកភាពក្នុងការដើរទិញទំនិញមិនថាជាចុងសប្តាហ៍ក៏ដោយ។ ក្រៅពីនេះ អ្នកក៏អាចរកមើល គ្រឿងសម្អាង និងទឹកអប់ច្រើនប្រភេទផងដែរ។ ៣. ផ្សារទួលទំពូង និយាយដល់ផ្សារទួលទំពូង មនុស្សភាគច្រើនប្រាកដជាដឹងថា ខោអាវធូរថ្លៃ ថ្មី ម៉ូតទាន់សម័យ និងមានម៉ាកត្រឹមត្រូវ ព្រោះសុទ្ធតែជាខោអាវក្បាលគីបនាំចូលពីខាងរោងចក្រ។ សម្រាប់អ្នកស្វែងរកឈុតហែលទឹកស្អាតៗ ក៏មិនដែលភ្លេចផ្សារនេះផងដែរ។ បន្ថែមពីនេះ យើងក៏សង្កេតឃើញមានជនបរទេសច្រើនណាស់ ព្រោះក្រៅពីសម្លៀកបំពាក់ក៏មានលក់នូវវត្ថុអនុស្សាវរីយ៍ជាតិ និងអន្តរជាតិផងដែរ តួយ៉ាងដូចជាកន្សែងបង់ក ផ្ទាំងគំនូរបុរាណ ចម្លាក់ គ្រឿងអលង្ការប្រាក់ និងស្ពាន់ជាដើម។ ៤. ផ្សារធំថ្មី អ្នកណាក៏ស្គាល់ និងនិយមទៅដែរ ក៏ព្រោះតែគេអាចរកទិញនូវកាបូបល្អៗ មានគុណភាព និងខោអាវប្លែកៗបែបនិយមជនបរទេស មិនតែប៉ុណ្ណោះមិត្តនារីអាចរកទិញគ្រឿងអលង្ការដូចជាខ្សែដៃ នាឡិកា ចិញ្ចៀនជាដើម។ ហើយក្រៅពីនេះក៏មានលក់នូវវត្ថុអនុស្សាវរីយ៍ជាច្រើនប្រភេទដែលជាផលិតផលផលិតក្នុងស្រុក   និងធ្វើដោយដៃផ្ទាល់ក៏មាន។ អ្វីកាន់តែពិសេសគឺផ្សារមានលក្ខណៈធំទូលាយ ងាយស្រួលក្នុងការដើរទិញឥវ៉ាន់ រីឯទិដ្ឋភាពនៅក្នុងផ្សារ ព្រមទាំងសំណង់អាគារក៏គួរឲ្យចាប់អារម្មណ៍ផងដែរ។ ៥. ផ្សាររាត្រី ពេលថ្ងៃរវល់គ្មានពេលដើរផ្សារលំហែអារម្មណ៍  ដូច្នេះផ្សាររាត្រីពិតជាអាចឲ្យមិត្តនារីទទួលបានភាពសប្បាយរីករាយ សម្រាប់ចុងសប្តាហ៍របស់ខ្លួន ដោយសារបរិយាកាសអំណោយផល ជាប់មាត់ទន្លេ មានភ្លេងកំដរ និងភ្លើងពណ៌ស្រស់ស្អាតនាពេលរាត្រី។ អ្នកអាចស្វែងរកសម្លៀកបំពាក់ជាច្រើនប្រភេទ មិនថាចំពោះបុរស ឬនារី និងមានលក់វត្ថុអនុស្សាវរីយ៍ ដែលមានតម្លៃសមរម្យ បន្ទាប់ពីដើរទិញសម្លៀកបំពាក់ហើយ អ្នកក៏អាចទទួលទានអាហារបែប street food បន្ទាប់បន្សំនៅទីនោះផងដែរ មិនចាំបាច់ពិបាកដើរឆ្ងាយនាំតែហត់។ ខាងលើគ្រាន់តែជាផ្សារចំនួន៥ ក្នុងចំណោមផ្សារជាច្រើនទៀត ទាំងជាផ្សារទំនើប និងផ្សារលក្ខណៈតំបន់នៅទីក្រុងភ្នំពេញ ដែលសុទ្ធសឹងជាទិសដៅរបស់អ្នកនិយមទិញទំនិញដោយសារតែភាពទាក់ទាញ និងសម្បូរបែបខុសៗគ្នា ដូចនេះអ្នកតែងតែមានជម្រើសជានិច្ចសម្រាប់ថ្ងៃshopping របស់អ្នក។

Health Tips
Share
  • Mar 24, 2017 |
  • 8 years ago |
  • 4.3K views

៣ វិធីបញ្ឈប់អាការៈឈាមច្រមុះប្រកបដោយប្រសិទ្ធភាព

ពួកយើងស្ទើរតែទាំងអស់គ្នាសុទ្ធតែធ្លាប់មានបទពិសោធន៍ក្នុងការហូរឈាមច្រមុះនៅចំណុចណាមួយនៃជីវិតរបស់យើងប៉ុន្តែបញ្ហានេះភាគច្រើនកើតទៅលើកុមារព្រោះពួកគេងាយនឹងរងរបួសនៅពេលលេង និងរត់។ ក្នុងករណីភាគច្រើនវា មិនមានគ្រោះថ្នាក់ធ្ងន់ធ្ងរដល់សុខភាពទេ ប៉ុន្តែការហូរឈាមច្រមុះអាចជាបទពិសោធន៍ដ៏គួរឲ្យខ្លាចដែលមិនមែនចំពោះតែកុមារទេថែមទាំងមនុស្សពេញវ័យផងដែរ។ ការហូរឈាមច្រមុះក៏អាចជារោគសញ្ញានៃជំងឺធ្ងន់ធ្ងរមួយចំនួនដែរ។ មើលទ្រឹស្ដីទាំងអស់នេះដើម្បីបញ្ឈប់ការហូរឈាមច្រមុះរបស់អ្នកអោយបានលឿន ទីតាំងនៃរាងកាយរបស់អ្នក។​ បើសិនជាអ្នកគ្មានបញ្ហាអ្វីធ្ងន់ធ្ងរដែលអាចធ្វើឲ្យអ្នកហូរឈាមច្រមុះទេអ្នកអាចអនុវត្តវិធីសង្គ្រោះបឋមនៅផ្ទះដើម្បីជួយបញ្ឈប់វា បាន។ ចាប់ផ្ដើមដំបូង យើងត្រូវអង្គុយចុះដែលវាធ្វើឲ្យមានផាសុកភាពជាងឈរ។ ផ្អៀងក្បាលទៅមុខដូច្នេះឈាមនឹងហូរទៅតាមរន្ធច្រមុះ។ អ្នកអាចដាក់កន្សែងនៅក្រោមច្រមុះរបស់អ្នកដើម្បីឲ្យវាប្រមូលឈាមដែលហូរចេញមកហើយមិនត្រូវ គេងចុះទេព្រោះវាអាចឲ្យឈាមហូរចូលបំពង់ករបស់អ្នក។ ច្របាច់ និងសង្កត់ វិធីព្យាបាលដ៏សាមញ្ញបំផុតសម្រាប់ការហូរឈាមច្រមុះគឺវិធីច្របាច់ និងសង្កត់ដែលវាត្រូវបានប្រើប្រាស់ជាច្រើនឆ្នាំមកហើយគឺមានប្រសិទ្ធភាពគ្រប់គ្រាន់ និងទទួលបានលទ្ធផលល្អគួរសម។ ប្រើប្រាស់មេដៃ និងដៃចង្អុលរបស់អ្នកច្របាច់ទៅលើ ផ្នែកទន់នៃច្រមុះហើយសង្កត់ទៅលើផ្នែកដែលហូរឈាមនៃជញ្ជាំងច្រមុះ និងត្រួតពិនិត្យលំហូរឈាមឲ្យបានត្រឹមត្រូវ។ បន្តសង្កត់វាឲ្យបាន១០នាទីហើយដកដង្ហើមតាមមាត់របស់អ្នក។បន្ធូរកម្លាំងសង្កត់ហើយធ្វើម្ដងទៀតនៅ៥នាទីក្រោយ។ អង្គុយឲ្យត្រង់ក្បាលអោនទៅមុខដើម្បីការពារឈាមកុំឲ្យហូរចូលក្នុងបំពង់ករបស់អ្នក។ ផ្លុំច្រមុះរបស់អ្នកតិចៗដើម្បីសម្អាតកំណកឈាមដែលតោងជាប់នូវសរសៃឈាម របស់អ្នក។ កំប្រេសត្រជាក់ កំប្រេសត្រជាក់មួយដែលប្រើប្រាស់ទឹកកកគឺជាដំណោះស្រាយដែលមានប្រសិទ្ធភាពផ្សេងទៀតដើម្បីបញ្ឈប់ការហូរឈាមច្រមុះចំពោះមនុស្សពេញវ័យ។ សីតុណ្ហភាពត្រជាក់ខ្លាំងនៃទឹកកកអាចធ្វើឲ្យសរសៃឈាមនៃច្រមុះរួមតូចបន្ថយល្បឿន លំហូរឈាម និងការហូរឈាមក្នុងរយៈពេលត្រឹមតែប៉ុន្មាននាទីប៉ុណ្ណោះ។ វាក៏ជួយកាត់បន្ថយការរលាកក្នុងករណីដែលច្រមុះមានការរងរបួស។ ប៉ុន្តែត្រូវចងចាំថាមិនត្រូវដាក់ទឹកកកដោយផ្ទាល់ទៅលើច្រមុះរបស់អ្នកនោះទេ។ ដាក់ទឹកកក២ ទៅ៣ដុំទៅក្នុងកន្សែងស្ដើងមួយហើយដាក់វាទៅលើខ្ទង់ច្រមុះរបស់អ្នករយៈពេល១០នាទីនៅពេលដែលអ្នកអង្គុយចុះត្រង់ខ្លួន និងងើយក្បាលរបស់អ្នកទៅក្រោយ។ ធ្វើវាម្ដងទៀតបើសិនជាអ្នកត្រូវការ។ ទឹកអំបិល ទឹកអំបិលជាញឹកញាប់គឺប្រើប្រាស់នៅពេលរលាកច្រមុះដើម្បីសម្អាតច្រមុះស្ទះដែលបណ្ដាលមកពីការរលាកប្រហោងឆ្អឹងមុខ ឬប្រតិកម្មដោយសារតែធូលីដី និងលំអងនានា។ ប៉ុន្តែវាក៏មានអត្ថប្រយោជន៍ខ្ពស់ក្នុងការព្យាបាលការហូរឈាម ច្រមុះនៅផ្ទះដោយមានសុវត្ថិភាពខ្ពស់ផងដែរ។ រូបមន្តនេះមានប្រសិទ្ធភាពខ្ពស់បើសិនជាការហូរឈាមច្រមុះរបស់អ្នកបណ្ដាលមកពីត្រជាក់ខ្លាំងពេកនិងអាកាសធាតុស្ងួត។ បន្ថែមអំបិលបន្តិចចូលទៅ ក្នុងទឹកកន្លះកែវរួចដាំវាអោយពុះ។ បន្តក់សូលុយស្យុងនេះ ២ ទៅ ៣ ដំណក់ចូលទៅក្នុងរន្ធច្រមុះរបស់អ្នក។ ទោះបីជាការហូរឈាមច្រមុះមិនមែនជាបញ្ហាធ្ងន់ធ្ងរក៏ដោយប៉ុន្តែបើសិនជាអ្នកមានការហូរឈាមច្រមុះជាញឹកញាប់ពួកយើងសូមផ្ដល់យោបល់អ្នកកុំមិនអើពើពីវាឲ្យសោះ។ សូមទៅប្រឹក្សាជាមួយគ្រូពេទ្យរបស់អ្នក៕  

Health Tips
Share
  • Mar 24, 2017 |
  • 8 years ago |
  • 2K views

សូម្បីតែញ៉ាំក៏មានពេលវេលាត្រឹមត្រូវដែរ

ការទទួលទានអាហារដែលមានសារធាតុចិញ្ចឹមគ្រប់គ្រាន់ក្នុងបរិមាណត្រឹមត្រូវ ប្រាកដណាស់ គឺអាចផ្តល់នូវប្រយោជន៍ជាច្រើនដល់សារពាង្គកាយដូចដែលលោកអ្នកបានធ្វើការស្វែងយល់តាមរយៈប្រភពព័ត៌មានផ្សេងៗ ដែលរួមមានទាំងការសិក្សាការស្រាវជ្រាវជាដើម។ ក្រៅពីយល់ដឹងពីគុណតម្លៃនៃអាហារទាំងនោះហើយ លោកអ្នកប្រហែលជាមើលរំលងពីពេលវេលាដែលស័ក្តិសមបំផុតសម្រាប់ការទទួលទានវា ក៏ដូចជាចន្លោះពេលវេលាដែលគ្រោះថ្នាក់ក្នុងការទទួលទានវាដូចគ្នាផងដែរ។ដោយសារតែបែបនេះហើយ ហេលស៍ថាមក៏សូមធ្វើការណែនាំលោកអ្នកនូវអាហារទាំង៧ រួមជាមួយនឹងគុណប្រយោជន៍របស់ពួកគេ ព្រមជាមួយនឹងពេលវេលាដែលគួរ និងមិនគួរទទួលទានដែលមានដូចខាងក្រោមនេះ ៖ •ផ្លែប៉ោម ពេលគួរទទួលទាន ៖ ពេលព្រឹកសម្បកផ្លែប៉ោមមានសារធាតុសរសៃប៉ិកទីន(Pectin) ជាសារធាតុស្ករដែលរលាយហើយមាននៅក្នុងផ្លែឈើទុំ ដែលជួយសម្រួលដល់ចលនារបស់ពោះវៀន និងបង្ការអាការៈទល់លាមកផងដែរ។ បន្ថែមពីលើនេះផងដែរ វាក៏ជួយលុបបំបាត់នូវសារធាតុបង្កជាជំងឺមហារីក។ ពេលគួរចៀសវាង ៖  ពេលល្ងាច ឬពេលយប់អាស៊ីតសរីរាង្គរបស់ផ្លែប៉ោមនឹងបង្កើនបរិមាណអាស៊ីតនៅក្នុងក្រពះ ដែលនឹងបង្កជាភាពមិនស្រួល។មិនត្រឹមតែប៉ុណ្ណោះ ប៉ិកទីននឹងបន្ថែមសម្ពាធដល់ប្រព័ន្ធរំលាយអាហារនៅពេលយប់ផងដែរ។ •ស្ករស ពេលគួរទទួលទាន ៖ ពេលព្រឹកអាំងស៊ុយលីននៃរាងកាយរបស់យើងធ្វើការបំបែកជាតិស្ករបានមានប្រសិទ្ធភាពជាងនៅពេលព្រឹក។ ម្យ៉ាងទៀត ឱកាសក្នុងការបំបែកវានៅក្នុងពេលថ្ងៃតាមរយៈសកម្មភាពប្រចាំថ្ងៃក៏មានខ្ពស់ជាងផងដែរ។ ពេលគួរចៀសវាង ៖ ពេលយប់ស្ករសមិនត្រឹមតែបង្កើននូវខ្លាញ់នៅក្នុងរាងកាយទេ វាក៏បណ្តាលឲ្យរំខានដល់ការគេងរបស់អ្នកនៅពេលយប់ផងដែរ។ •ចេក ពេលគួរទទួលទាន ៖ ពេលថ្ងៃត្រង់ចេកជាប្រភេទផ្លែឈើដែលសម្បួរនូវជាតិសរសៃ ហើយក៏តែងតែជួយសម្រួលដល់ការរំលាយអាហារ។ មិនត្រឹមតែប៉ុណ្ណោះ ចេកក៏ជាថ្នាំធម្មជាតិបន្សាបជាតិអាស៊ីត និងបង្អន់បញ្ហាឆ្អល់ចុងដង្ហើមផងដែរ។ ពេលគួរចៀសវាង ៖ ពេលយប់ការទទួលទានផ្លែចេកពេលយប់អាចនឹងបណ្តាលឲ្យការបង្កឡើងនៃសំបោរ ឬស្លេស្ម និងផ្តាសាយ។ ប្រសិនបើលោកអ្នកធ្វើការទទួលទានដោយពោះទទេនោះវានឹងប៉ះពាល់ក្រពះ ដោយសារតែវាជាប្រភពនៃម៉ាញេស្យូម។ •បាយ ពេលគួរទទួលទាន ៖ ពេលថ្ងៃការរំលាយអាហារមានដំណើរការប្រសើរជាង ដែលនឹងតម្រូវឲ្យអ្នកប្រើប្រាស់កាបូអ៊ីដ្រាត។ ពេលគួរចៀសវាង ៖ ពេលយប់វានឹងបង្កើនកម្រិតជាតិខ្លាញ់ក្នុងរាងកាយ។ •ទឹកដោះគោ ពេលគួរទទួលទាន ៖ ពេលយប់ទឹកដោះគោក្តៅឧណ្ហៗ នឹងជួយសម្រួលដល់រាងកាយ ក៏ដូចជាជួយឲ្យគេងលក់ស្រួលផងដែរ។ ពេលគួរចៀសវាង ៖ ពេលព្រឹកដរាបណាមិនមានការធ្វើលំហាត់ប្រាណអ្វីបន្តិចសោះ អ្នកមិនគួរទទួលទានទឹកដោះគោពេលព្រឹកឡើយ ដោយហេតុថាវាអាចនឹងពិបាកនឹងធ្វើការរំលាយ ហើយក៏បង្កជាបញ្ហាក្នុងពេលទទួលទានអាហារផងដែរ។ •ឈីស (Cheese) ពេលគួរទទួលទាន ៖ ពេលព្រឹកព្រលឹមសម្រាប់អ្នកដែលញ៉ាំម្ហូបបួស វាជាជម្រើសដ៏ល្អបំផុតសម្រាប់ជំនួសឲ្យសាច់។ ប្រសិនបើទទួលទានក្នុងបរិមាណសមល្មម នោះវាអាចបង្ការនូវការឡើងទម្ងន់ និងហើមពោះ។ ពេលគួរចៀសវាង ៖ ពេលយប់ផលវិបាកចម្បងជាងគេ គឺបញ្ហាពិបាកក្នុងការរំលាយអាហារ និងឡើងទម្ងន់។ •សាច់ ពេលគួរទទួលទាន ៖ ពេលថ្ងៃត្រង់សាច់ជាប្រភេទអាហារដែលពិបាកនឹងធ្វើការរំលាយ។ វាសម្បូរនូវជាតិប្រូតេអ៊ីន ហើយជួយបង្កើននូវភាពខ្លាំងនៃរាងកាយ ព្រមទាំងបង្កើននូវកម្រិតនៃការផ្តោតអារម្មណ៍ ឬផ្ចង់ស្មារតី ប្រសិនបើអ្នកទទួលទានវាក្នុងអំឡុងពេលថ្ងៃ។ ពេលគួរចៀសវាង ៖ ពេលយប់ភាពសម្បូរនូវប្រូតេអ៊ីនធ្វើឲ្យបង្កនូវការលំបាកក្នុងការរំលាយ ហើយក៏បណ្តាលឲ្យមានបញ្ហាដំណេកពេលយប់ផងដែរ។

Health Tips
Share
  • Mar 24, 2017 |
  • 8 years ago |
  • 2.8K views

មិនត្រូវមើលរំលងប្រសិនបើអ្នកមានអាការៈទាំង៦យ៉ាងនេះ

ការឈឺចាប់ទាំងអស់មិនមែនជារោគសញ្ញាដែលបញ្ជាក់ពីភាពធ្ងន់ធ្ងរនោះទេ ប៉ុន្តែរោគសញ្ញាមួយចំនួនគឺគប្បីឲ្យអ្នកត្រូវពិនិត្យរកមើលពីមូលហេតុ។ អ្នកត្រូវទៅជួបគ្រូពេទ្យប្រសិនបើអ្នកមានរោគសញ្ញាដូចខាងក្រោម ៖ ភាពទន់ខ្សោយនៃអវៈយវៈរបស់អ្នក ប្រសិនបើអ្នកមានការខ្សោយកម្លាំង ឬស្ពឹកដៃ ជើង និងមុខ វាអាចជាសញ្ញារបស់ជំងឺដាច់សរសៃឈាមក្នុងខួរក្បាល ជាពិសេសបើវាកើតឡើងតែមួយចំហៀងខ្លួន។ អ្នកអាចនឹងមានជំងឺដាច់សរសៃឈាមក្នុងខួរក្បាលប្រសិនបើអ្នកមិនអាចរក្សាតុល្យភាពក្នុងខ្លួនបាន ដូចជាមានអាការៈវិលមុខនិងមានបញ្ហាក្នុងការដើរ។ត្រូវស្វែងរកជំនួយជាបន្ទាន់ប្រសិនបើអ្នកមានអារម្មណ៍ថាភ្នែកមើលមិនឃើញច្បាស់  ឈឺក្បាលខ្លាំង វង្វេង បញ្ហាក្នុងការនិយាយ ឬយល់។ អ្នកត្រូវទៅជួបគ្រូពេទ្យភ្លាមៗ។ ឈឺដើមទ្រូង នៅពេលដែលស្តែងនូវអាការៈឈឺដើមទ្រូង វាជារឿងសុវត្ថិភាពជាងរឿងសោកស្តាយ។ គ្រប់ការឈឺដើមទ្រូងទាំងអស់ជាពិសេសបូករួមជាមួយសញ្ញាដូចជា បែកញើស ថប់ដង្ហើម ដកដង្ហើមខ្លី ឬក្អួតចង្អោរគឺត្រូវបានដកចេញពីសញ្ញាដែលគ្រោះថ្នាក់។អាការៈឈឺដើមទ្រូង គឺជាសញ្ញារបស់ជំងឺបេះដូង ឬគាំងបេះដូងប្រសិនបើវាកើតឡើងបន្ទាប់ពីអ្នកបានធ្វើសកម្មភាព។វាប្រហែលជាអាចមានកំណកឈាមហូរចូលទៅក្នុងសួតរបស់អ្នក។ ប្រសិនបើការឈឺដើមទ្រូងរបស់អ្នកមានសភាពតឹង ឬធ្ងន់លើសពី២-៣នាទី ឬបាត់មួយសន្ទុះហើយកើតមកវិញ។ អ្នកត្រូវស្វែងរកជំនួយភ្លាម កុំព្យាយាមទុក្ខវាឲ្យមានរយៈពេលយូរ។ ភាពទន់និងអាការៈឈឺចាប់នៅផ្នែកខាងក្រោយនៃកំភួនជើង វាអាចជាសញ្ញាដែលបង្ហាញពីការមានកំណកឈាមក្នុងសរសៃឈាមកំភួនជើង (thrombosis) ដែលវាតែងតែកើតឡើងដោយសារអ្នកអង្គុយយូរពេកដូចជាការជិះយន្តហោះ ឬអ្នកមានជំងឺសម្រាន្តលើគ្រែយូរ។ ប្រសិនបើអ្នកមានដុំកំណកឈាម អ្នកនឹងមានការឈឺចាប់នៅពេលដែលឈរ ឬដើរ ហើយអ្នកនឹងឃើញថាជើងរបស់អ្នកហើម។ វាជារឿងធម្មតាប្រសិនបើអ្នកមានអាការៈទន់ខ្សោយកំភួនជើងបន្ទាប់ពីការធ្វើលំហាត់ប្រាណ ប៉ុន្តែបើអ្នកឃើញមាននូវស្នាមក្រហម និងមានអារម្មណ៍ថាក្តៅនៅកន្លែងហើមនិងឈឺចាប់នោះ អ្នកត្រូវទៅជួបគ្រូពេទ្យជាបន្ទាន់។ ឈាមនៅក្នុងទឹកនោម មានមូលហេតុមួយចំនួនដែលបណ្តាលឲ្យមានឈាមក្នុងទឹកនោមនៅពេលអ្នកនោមចេញមកក្រៅ។ ប្រសិនបើអ្នកមានឈាមនៅក្នុងទឹកនោម ហើយមានអាការៈឈឺចាប់នៅផ្នែកខាងក្រោយចង្កេះអ្នកប្រហែលជាមានក្រួសក្នុងតម្រងនោម។ ដើម្បីបញ្ជាក់ឲ្យដឹងថាមានក្រួស គេត្រូវធ្វើការថតអ៊ិចរ៉េ ឬថតអេកូ។ នៅពេលអ្នកមានឈាមក្នុងទឹកនោម ហើយអ្នកមានអារម្មណ៍ថាចង់ទៅនោមភ្លាម ទៅបន្ទប់ទឹកញឹកញាប់ ឬអារម្មណ៍ក្រហាយនៅពេលដែលនោម អ្នកប្រហែលជាមានការរលាកប្លោកនោមធ្ងន់ធ្ងរ ឬរលាកតម្រងនោម។ អ្នកត្រូវទៅជួបគ្រូពេទ្យភ្លាមៗ ជាពិសេសនៅពេលដែលអ្នកក្តៅខ្លួនផងដែរ។ ប្រសិនបើអ្នកមានឈាមនៅក្នុងទឹកនោម ប៉ុន្តែមិនមានការឈឺចាប់នៅពេលនោមវាគឺជាសញ្ញារបស់ជំងឺមហារីកតម្រងនោម ឬប្លោកនោម អ្នកត្រូវទៅជួបគ្រូពេទ្យអំពីបញ្ហានេះ។ ពិបាកដកដង្ហើម បញ្ហាក្នុងការដកដង្ហើមត្រូវបានត្រូវព្យាបាលដាច់ដោយឡែក។ ប្រសិនបើអ្នកមានអារម្មណ៍ថាពិបាកដកដង្ហើម និងសម្លេងហួចនៅពេលអ្នកដកដង្ហើមអ្នកត្រូវទៅជួបគ្រូពេទ្យ។ ប្រសិនបើគ្មានការវាយតម្លៃលឿន បញ្ហានេះនិងក្លាយទៅជាមហន្តរាយដ៏ធំដែលទាមទារឲ្យធ្វើការព្យាបាលភ្លាមៗ។ វាអាចបណ្តាលមកពីជំងឺហឺត អាល្លែកហ្ស៊ី ជំងឺសួត ឬការប៉ះពាល់ដោយសារធាតុគីមី។ បញ្ហានេះដែរក៏អាចបណ្តាលមកពីជំងឺរលាកសួត ឬជំងឺរលាកទងសួតប្រសិនបើអ្នកមានការកំហាកពណ៌លឿង។ ដូច្នេះត្រូវទៅជួបគ្រូពេទ្យដើម្បីវាយតម្លៃ   និងធ្វើការព្យាបាលឲ្យទាន់ពេលវេលា។ គំនិតចង់សម្លាប់ខ្លួន ប្រសិនបើអ្នកមានអារម្មណ៍អស់សង្ឃឹម ឬក៏គិតថាគ្មានហេតុផលដែលត្រូវរស់ និងមិនមានជំនួយ។ អ្នកត្រូវទៅជួបគ្រូពេទ្យខាងចិត្តសាស្រ្ត ប្រហែលជាអាចជួយអ្នកបាន។ អ្នកអាចនិយាយអំពីទុក្ខកង្វល់ មូលហេតុទាំងឡាយដែលបណ្តាលឲ្យអស់សង្ឃឹមទៅកាន់គ្រូពេទ្យ គាត់អាចជួយផ្តល់ប្រឹក្សា រក្សាការសម្ងាត់ ការពារអ្នក និងជួយអ្នកក្នុងការគិតឡើងវិញ។  

Health Tips
Share
  • Mar 23, 2017 |
  • 8 years ago |
  • 9.5K views

អាថ៌កំបាំងក្នុងការថែរក្សាសំឡេងឲ្យបានល្អ

មនុស្សមួយចំនួនច្រើនប្រើសំឡេងរបស់ខ្លួន ដើម្បីបម្រើការងាររបស់ពួកគេ។ ក្នុងនោះ អ្នកចម្រៀង គ្រូបង្រៀន វេជ្ជបណ្ឌិត មេធាវី គិលានុបដ្ឋាយិកា អ្នកលក់ដូរ និងអ្នកធ្វើសន្ទរកថាសាធារណៈ គឺជាក្រុមមនុស្សដែលមានតម្រូវការចាំបាច់នៅក្នុងការប្រើសំឡេងរបស់ពួកគាត់។ ដូច្នេះ ការប្រើសំឡេងនេះ ធ្វើឲ្យពួកគាត់ប្រឈមខ្ពស់នឹងការវិវឌ្ឍបញ្ហាសម្លេង។ អ្នកជំនាញបានប៉ាន់ប្រមាណថាមនុស្សប្រមាណ៧,៥លាននាក់មាននូវជំងឺ និងវិបត្តិសំឡេង។  វិបត្ដិទាំងនេះអាចចៀសវាងបានដោយការថែរក្សាសំឡេងរបស់អ្នក។ កត្តាគួរធ្វើ រក្សារាងកាយឱ្យមានសំណើម៖ ទទួលទានទឹកឲ្យបានច្រើន យ៉ាងតិចឲ្យបាន ៦ទៅ ៨កែវក្នុងមួយថ្ងៃតាមការណែនាំរបស់អ្នកឯកទេស។ កំណត់ការទទួលទានភេសជ្ជៈ ដែលមានផ្ទុកជាតិអាល់កុល ឬកាហ្វេអ៊ីន ដែលអាចបណ្ដាលឲ្យរាងកាយបាត់បង់ជាតិទឹក និងធ្វើឲ្យខ្សែសំឡេង និងបំពង់ខ្យល់ស្ងួត។ ម្យ៉ាងទៀត ជាតិអាល់កុលក៏ធ្វើឲ្យរលាកភ្នាសរំអិលដែលលាតសន្ធឹងនៅក្នុងបំពង់កផងដែរ។ សូមប្រើម៉ាស៊ីនផ្សើមក្នុងគេហដ្ឋានរបស់អ្នក ពីព្រោះម៉ាស៊ីននេះមានសារៈប្រយោជន៍ជាពិសេសនៅរដូវរងារ ឬនៅក្នុងអាកាសធាតុស្ងួត។ អ្នកឯកទេសណែនាំឲ្យមានភាពសើមប្រមាណ ៣០%នៅក្នុងគេហដ្ឋានរបស់អ្នក។  រក្សារបៀបរស់នៅ និងរបបអាហារអំណោយផលដល់សុខភាព៖ សូមកុំពិសាបារី និងត្រូវចៀសវាងការស្រូបផ្សែងបារីពីអ្នកដទៃ ពីព្រោះការជក់បារីធ្វើឲ្យរលាកខ្សែសំឡេង។ ម្យ៉ាងទៀត ជំងឺមហារីកខ្សែសម្លេងភាគច្រើនត្រូវបាន គេរកឃើញកើតមានចំពោះមនុស្សដែលជក់បារី។  ប្រុងប្រយ័ត្នចំពោះរបបអាហារ ៖ ចៀសវាងការទទួលទានអាហារហឹរ ពីព្រោះអាហារហឹរបង្កឲ្យមានជាតិអាស៊ីតនៅក្នុងក្រពះ ដែលជាតិអាស៊ីដទាំងនោះរំកិលទៅក្នុងបំពង់ក ឬបំពង់អាហារ និងជាហេតុបង្កឱ្យក្ដៅចុងដង្ហើម ឬកើតជំងឺក្រពះ។សូមដាក់បញ្ចូលធញ្ញជាតិ ផ្លែឈើ និងបន្លែឱ្យបានច្រើនទៅក្នុង របបអាហាររបស់អ្នក។ ប្រភេទអាហារទាំង នេះមានផ្ទុកនូវវីតាមីនA វីតាមីនE និងវីតាមីនC។ លើសពីនេះទៀតរបបអាហារទាំងនេះ ក៏ជួយរក្សាភ្នាសរំអិលដែលលាតសន្ធឹងនៅក្នុងបំពង់កឱ្យមានសុខភាពល្អផងដែរ។ -រក្សាអនាម័យ ៖ សូមលាងសម្អាតដៃរបស់អ្នកឲ្យបានញឹកញាប់ ដើម្បីការពារការឆ្លងជំងឺគ្រុនផ្ដាសាយ ឬគ្រុនក្ដៅ។ -សម្រាកឲ្យបានគ្រប់គ្រាន់ ៖  ព្រោះថាការអស់កម្លាំងល្ហិតល្ហៃផ្នែករាងកាយ មានឥទ្ធិពលអវិជ្ជមានដល់សំឡេងរបស់អ្នក។ -ធ្វើលំហាត់ប្រាណឲ្យបានទៀងទាត់ ៖ លំហាត់ប្រាណមានប្រសិទ្ធភាពបង្កើនភាពអំណត់ និងគុណភាពសាច់ដុំ។លំហាត់ប្រាណផ្ដល់ឲ្យឥរិយាបថមានភាពសមសួន និងសម្រួលដល់ការដកដង្ហើមដែលមាន សារៈប្រយោជន៍សម្រាប់ការនិយាយបញ្ចេញ សម្លេងបានស្រួលផងដែរ។ប្រសិនបើអ្នកមានបញ្ហាក្ដៅ ឆ្អល់ចុងដង្ហើម ឬជំងឺរលាកក្រពះមិនទាន់ជាសះស្បើយ សូមប្រឹក្សាជាមួយវេជ្ជបណ្ឌិតរបស់អ្នកអំពីការផ្លាស់ប្ដូររបបអាហារ ឬប្រភេទឱសថដែលអាចជួយកាត់បន្ថយអាការៈទាំងនេះ។ កត្តាចៀសវាង -ការប្រើប្រាស់ទឹកថ្នាំខ្ពុរមាត់ ៖  ចៀសវាងទឹកថ្នាំខ្ពុរមាត់ដែលមានផ្ទុកជាតិអាល់កុល ឬសារធាតុគីមីដែលអាចបង្កការរលាក។ ប្រសិនបើអ្នកនៅតែចង់ប្រើទឹកថ្នាំខ្ពុរមាត់ ដែលមានជាតិអាល់កុល សូមកំណត់ការប្រើប្រាស់ក្នុងការសម្អាតមាត់។ ប្រសិនបើការខ្ពុរមាត់ជាប្រការចាំបាច់ សូមប្រើទឹកអំបិលជាដំណោះស្រាយវិញ។ សូមចៀសវាងការប្រើទឹកថ្នាំខ្ពុរមាត់ ដើម្បីព្យាបាលបញ្ហាក្លិនមាត់ ដែលកើតមានជាអចិន្រៃ្ដយ៍។  បញ្ហាក្លិនមាត់មិនល្អអាចជាលទ្ធផលបញ្ហា ដែលទឹកថ្នាំខ្ពុរមាត់គ្មានប្រសិទ្ធភាពក្នុងការព្យាបាល ដូចជាការរលាកច្រមុះ រលាកស៊ីណូស រលាកអាមីដាល់ រលាកអញ្ចាញ ឬរលាកសួត ព្រមទាំងបណ្ដាលមកពីការច្រាលជាតិអាស៊ីតពីក្នុងក្រពះ។ -ការប្រើប្រាស់ឱសថ ៖ ចៀសវាង​ឱសថដែលធ្វើឲ្យខ្សែសំឡេងរបស់អ្នកស្ងួត រួមមានដូចជាឱសថព្យាបាលជំងឺគ្រុនផ្ដាសាយ ឬឱសថបំបាត់អាការៈទាស់។ ប្រសិនបើអ្នកមានបញ្ហាសំឡេង សូមធ្វើការសាកសួរវេជ្ជបណ្ឌិតថាតើឱសថប្រភេទណា ដែលមានសុវត្ថិភាពបំផុតសម្រាប់អ្នកក្នុងការប្រើប្រាស់។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • Mar 21, 2017 |
  • 8 years ago |
  • 4.5K views

ទម្លាប់៥យ៉ាង ដែលគេគិតថាអាក្រក់ តែក៏ជួយឲ្យអ្នកឆ្លាតវៃ

ទម្លាប់ជាច្រើនហាក់ដូចជាមិនមានអ្វីដែលមានប្រយោជន៍ដល់យើងសោះ តែយើងកំពុងតែអនុវត្តវាដោយខានមិនបាន។ ជាក់ស្តែង ដូចជាការប្រើប្រាស់ទូរស័ព្ទដៃត្រូវប្រឈមនឹងជាតិវិទ្យុសកម្ម ទូរទស្សន៍ធ្វើឲ្យប៉ះពាល់ដល់ខួរក្បាល ហើយអាហារជាច្រើនត្រូវបានផលិតឡើងដោយមានផ្ទុកសារធាតុគីមីដ៏គ្រោះថ្នាក់។ល។  ដែលជាហេតុធ្វើឲ្យយើងគិតថាយើងនឹងឆាប់ស្លាប់។ ទាំងនេះសុទ្ធតែជាការគិតបែបទុទិដ្ឋិនិយម ដែលបាន និងកំពុងលងបន្លាចបុគ្គលជាច្រើនរូបប្រៀបដូចជាសម្រោលអន្ទោលតាមប្រាណ រហូតដល់ពេលខ្លះខណៈពេលដែលបម្រុងនឹងធ្វើអ្វីមួយ ក៏ត្រូវផ្អាកវិញដោយសារតែនឹកឃើញនឹកពាក្យទាំងនោះ។ សាកគិតម្តងទៀតទៅមើលថា តើមានរបស់អ្វីដែលមានតែគុណប្រយោជន៍ ហើយល្អគ្រប់ដប់ដែរឬទេ? បើយើងគង់នឹងស្លាប់ទៅដូចគ្នា ហេតុអ្វីមិនព្យាយាមគិតក្នុងផ្លូវវិជ្ជមានវិញ? ពេលក្រោយ បើមានអ្នកណារអ៊ូរទាំដាក់អ្នកអំពីទម្លាប់នៃការលេងហ្គេមកុំព្យូទ័រ ការមើលទូរទស្សន៍ការគេងសម្រន់ពេលថ្ងៃនោះ សូមយកអត្ថបទនេះឲ្យពួកគេមើល ហើយចាំមើលថាគេមានប្រតិកម្មបែបណាដែរ?     ហ្វេសប៊ុក វាហាក់ដូចជាចម្លែកបន្តិចមែនទេ? ប៉ុន្តែចិត្តវិទូ Tracy Alloway បានបញ្ជាក់ថាវាជាការពិត។ វាជាការសិក្សាថ្មីស្រឡាងមួយ ដែលទាមទារនូវការអង្កេតមើលច្រើនទៀត មុននឹងបញ្ជាក់ថាវាជាការពិតមួយដែលមិនអាចគេចវេសបាន។ លោកបានបញ្ជាក់ថា បណ្តាញសង្គមមួយនេះនឹងជួយបង្កើនការចងចាំនៃការប្រកបការងាររបស់មនុស្ស( សមត្ថភាពនៃការចងចាំពត៌មាន ហើយប្រើប្រាស់វាពេលក្រោយ)។ នេះហាក់ដូចជាត្រឹមត្រូវពិតមែន។ ជាក់ស្តែង ពេលដែលអ្នកតាមដានមើលគណនីរបស់នរណាម្នាក់ក្នុងហ្វេសប៊ុក អ្នកនឹងចងចាំរាល់ចំណង់ចំណូលចិត្តរបស់គេ ដូច្នេះហើយ នៅពេលដែលបានជួបគេដោយចៃដន្យនៅខាងក្រៅ  អ្នកអាចនឹងក្លែងធ្វើជាមានចំណូលចិត្តដូចគ្នាហើយក៏ភ្ជាប់ទំនាក់ទំនងគ្នាភ្លាមៗ។ អ្នកប្រហែលជាមិនអាចសម្តែងបានល្អមើលយ៉ាងនេះទេ ប្រសិនបើគ្មានហ្វេសប៊ុកនោះ។      វីដេអូហ្គេម វាស្រដៀងនឹងហ្វេសប៊ុកដែរ កិច្ចការទាក់ទិននឹងសមត្ថភាពចងចាំជាច្រើនដែលពាក់ព័ន្ធនឹងវីដេអូហ្គេម មានហ្គេមជាច្រើនដែលទាមទារអ្នកលេងឲ្យចងចាំអំពីគោលបំណងនៃឧបករណ៍ និងវត្ថុជាច្រើនផ្សេងៗពីគ្នា លក្ខណៈពិសេសនៃវត្ថុបំណងមួយចំនួន និងទីតាំងច្បាស់លាស់ជាច្រើនក្នុងពេលតែមួយ។ លើសពីនេះទៅទៀត ល្បឿន និងជម្រៅនៃវីដេអូហ្គេម ជម្រុញឲ្យខួរក្បាលរបស់អ្នកលេងអាចដំណើរការ និងវិភាគស្ថានភាពនិម្មិតបានលឿនជាងពេលដែលគេនៅមជ្ឈដ្ឋានធម្មតា។ ប្រសិនបើអ្នកមិនទាន់ជឿទេ អ្នកអាចតាមដានជាមួយវីដេអូ Major League Gaming នៅលើ YouTube។    ការគេងសម្រាករយៈពេលខ្លី ថ្មីៗនេះ សៀវភៅមួយក្បាលដែលនិយាយអំពីការអភិវឌ្ឍសមត្ថភាពរបស់ខួរក្បាល ដែលត្រូវបានបោះពុម្ពផ្សាយដោយសរសៃប្រសាទវិទូ Richard Restak បានបើកបង្ហាញពីអាថ៌កំបាំងនឹកស្មានមិនដល់ជាច្រើន។ ក្នុងនោះក៏មានឥទ្ធិពលនៃការគេងសម្រាកពេលខ្លីផងដែរ ជាពិសេសការគេងពេលថ្ងៃត្រង់ ដែលផលិតផលនូវ “ការបង្កើនការចងចាំក្រៅបណ្តាញ (off-linememory enhancement) ” បានច្រើនដូចជាការគេងគ្រប់គ្រាន់ពេលយប់ផងដែរ។ Brain Rules (សៀវភៅថ្មីមួយទៀតដែលផ្តោតសំខាន់លើការទាញយកផលប្រយោជន៍ពីសមត្ថភាពនៃខួរក្បាល) ត្រូវបានចេញផ្សាយដោយណាសា(NASA) បានបង្ហាញថា ការគេងសម្រាកក្នុងពេលពី 30-45នាទី បានបង្កើនស្មារតីរបស់នាវិករហូតដល់33%។ ការសិក្សាបានបង្ហាញថាការគេងសម្រាកបែបនេះជួយស្រោចស្រង់រាងកាយរបស់អ្នក ដោយបញ្ចូលថាមពល  និងធ្វើឲ្យអ្នកស្រស់ស្រាយ ព្រមទាំងអាចឲ្យអ្នកត្រៀមខ្លួនរួចជាស្រេចសម្រាប់ការបំពេញកិច្ចការជាមួយថាមពលដ៏ខ្លាំងក្លា។     តន្រ្តី មិត្តអ្នកអានប្រហែលជាធ្លាប់បានលឺហើយថា ការស្តាប់តន្រ្តីបែបក្លាស៊ិកអាចនឹងជួយដល់អ្នកស្តាប់ក្នុងការរៀន និងការទន្ទេញ ឬចងចាំ។ ម្យ៉ាងទៀត តើការចេះលេងឧបករណ៍តន្រ្តីមានអ្វីទាក់ទងនឹងសមត្ថភាពខួរក្បាល? សមត្ថភាពក្នុងការលេខឧបករណ៍តន្រ្តី ធ្វើការផ្លាស់ប្តូរផ្នែកមួយនៃខួរក្បាលដែលភាគច្រើនត្រូវបានប្រើប្រាស់សម្រាប់ទម្លាប់អឆន្ទៈ(ការដកដង្ហើម ចង្វាក់បេះដូងលោត) ទៅត្រង់ចំណុចមួយដែលចិត្តមានការលូតលាស់ និងវិវឌ្ឍសមត្ថភាពក្នុងការចាត់យក ក៏ដូចជាកត់ចំណាំតុងផ្សេងៗពីគ្នា មិនថាស្របពេលកំពុងតែផ្តោតលើអ្វីផ្សេងនោះទេ។ មួយវិញទៀត ក្នុងបរិយាកាសដែលមានសម្លេងរំខានច្រើន អ្នកដែលអាចលេងតន្រ្តីបានងាយនឹងចាប់សម្លេងបានជាងគេ។      លំហាត់ប្រាណ ជំនឿដែលគេនិយាយតគ្នាថា អ្នកដែលហាត់ប្រាណច្រើនតែងមានសុខភាពផ្លូវចិត្តកាយខ្លាំងក្លា តែផ្លូវចិត្តខ្សោយ។ គុណប្រយោជន៍នៃការធ្វើលំហាត់ប្រាណដែលរួមមាន ជំនួយដល់លំហូរឈាម បង្កើនកម្រិតនៃសារធាតុនៅក្នុងប្រព័ន្ធរបត់ឈាម ព្រមទាំងការបង្កើនរំញោចនៃណឺរ៉ូន នឹងចូលរួមចំណែកក្នុងការវិវឌ្ឍរបស់ផ្នែកប្រាជ្ញាស្មារតី(ទាំងក្រោយពេលឈប់ហាត់ប្រាណភ្លាមៗ និងរយៈពេលក្រោយទៀត)។  ការហាត់ប្រាណជាប្រចាំក៏ជួយដល់សមត្ថភាពក្នុងការរៀនសូត្ររបស់បុគ្គលម្នាក់ៗផងដែរ មិនថាអ្នកស្ថិតក្នុងវ័យជំទង់ ឬវ័យកុមារនោះទេ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • Mar 16, 2017 |
  • 8 years ago |
  • 6.8K views

ប៉ះពាល់មិនតិចទេ បើអ័រម៉ូនតេស្តូស្តេរ៉ូនមានការថយចុះ

តើអ្វីទៅជាអ័រម៉ូនតេស្តូស្តេរ៉ូន? អ័រម៉ូនតេស្តូស្តេរ៉ូនអាចជាអ័រម៉ូនដែលអ្នកទាំងអស់គ្នាប្រហែលជាដឹង ព្រោះអ័រម៉ូននេះគឺជាអ្នកដែល បង្កើតឲ្យមានសាច់ដុំ និងកំណត់ភាពជាបុរស។ ជាការពិតណាស់  អ័រម៉ូនតេស្តូស្តេរ៉ូនជាអ័រម៉ូនដែល ជម្រុញឲ្យមានអារម្មណ៍ផ្លូវភេទ និងបង្កើតសាច់ដុំសម្រាប់បុរស ហើយវាក៏មានតួនាទីក្នុងការគ្រប់-គ្រងអារម្មណ៍និងជំនួយដល់ឆ្អឹងផងដែរ។  នៅពេលដែលកម្រិតរបស់អ័រម៉ូននេះបានថយចុះក្រោម ឬកម្រិតធម្មតា អ្នកគួរតែទៅជួបគ្រូពេទ្យដើម្បីពិភាក្សាអំពីការព្យាបាល។ អាយុនិងកម្រិតរបស់អ័រម៉ូនការថយចុះនូវកម្រិតអ័រម៉ូនតេស្តូស្តេរ៉ូនគឺជារឿងធម្មតាសម្រាប់បុរសទៅតាមវ័យរបស់ពួកគេ ដោយសារការផលិតអ័រម៉ូនត្រូវបានថយចុះ។សម្រាប់បុរសភាគច្រើនការថយចុះនេះមិនបានស្តែងចេញនូវបញ្ហា ឬរោគសញ្ញាអ្វីសំខាន់ឡើយ។ ប៉ុន្តែបុរសមួយចំនួនអាចនឹងមានអាការៈក្តៅ អារម្មណ៍ ឆេវឆាវឆាប់ខឹង និងចំណង់ផ្លូវភេទថយចុះ។ ការថយចុះអ័រម៉ូន និងផលប៉ះពាល់ • ចំពោះរូបរាងកាយរបស់បុរសការថយចុះកម្រិតអ័រម៉ូនអាចស្តែងចេញនូវសញ្ញាសំខាន់មួយចំនួនចំពោះរូបរាងកាយរបស់បុរសដូចជា៖ ◊    សាច់ដុំស្វិត ◊    ជ្រុះសក់ ◊    ពងស្វាសរួមតូច ◊    ដោះមានទំហំធំ •    ចំពោះឆ្អឹង អ្នកប្រហែលជាគិតថាជំងឺពុកឆ្អឹងគឺជាជំងឺរបស់ស្រ្តីកើតឡើងក្រោយការអស់រដូវ។ ប៉ុន្តែវាអាចកើត ឡើងដូចគ្នាចំពោះបុរសនៅពេលដែលកម្រិតអ័រម៉ូននេះបានថយចុះ។ នៅពេលដែលកម្រិតអ័រម៉ូនតេស្តូស្តេរ៉ូនថយចុះ  ឆ្អឹងរបស់បុរសប្រែទៅជាស្តើងជាងមុន ខ្សោយនិងងាយបាក់បំផុត។ •    ចំពោះសុខភាពផ្លូវភេទ ការថយចុះកម្រិតអ័រម៉ូននេះមិនមានទំនាក់ទំនងទៅនឹងការរួមភេទនោះទេ ប៉ុន្តែវាបណ្តាលឲ្យមានផលលំបាកចំពោះខួរក្បាលនិងរាងកាយរបស់អ្នកក្នុងការមានអារម្មណ៍ចំពោះការរួមភេទ។ បុរសមួយចំនួនត្រូវបានសម្គាល់ឃើញថាមានការថយចុះនូវចំណង់ផ្លូវភេទ ខណៈដែលបុរសមួយចំនួនទៀតគឺបាត់បង់ចំណង់ផ្លូវភេទទាំងស្រុងតែម្តង។ ការថយចុះកម្រិតអ័រម៉ូនតេស្តូស្តេរ៉ូនគឺអាចបង្កការលំបាកដល់ការឡើង និងរក្សាភាពរឹងរបស់លិង្គ។ •    ចំពោះអារម្មណ៍និងការគិត បុរសមួយចំនួនអាចមានបញ្ហាដូចជា ឆាប់ខឹង បាត់បង់ការគ្រប់គ្រងអារម្មណ៍ ប្រែប្រួលការគិតឆាប់រហ័ស ខ្សោយកម្លាំង។ រោគសញ្ញាទាំងនេះអាចបង្កឡើងដោយជំងឺមួយចំនួនដូចជាជំងឺខ្វះគ្រាប់ឈាមក្រហម ជំងឺធ្លាក់ទឹកចិត្ត បញ្ហាគេងមិនលក់ និងជំងឺរ៉ាំរ៉ៃ។ •    ភាពអារ អ័រម៉ូនតេស្តូស្តេរ៉ូនមានតួនាទីជួយរាងកាយរបស់បុរសក្នុងការផលិតស្ពែម។ នៅពេលដែលកម្រិត        អ័រម៉ូននេះថយចុះ វាបណ្តាលឲ្យការផលិតស្ពែមមានការថយចុះផងដែរ។ ដូចនេះ នៅពេលដែលបរិមាណស្ពែមតិច វាមានការពិបាកក្នុងការបង្កើតឲ្យមានការបង្កកំណើត។ តើមូលហេតុអ្វីដែលបណ្តាលឲ្យកម្រិតអ័រម៉ូនតេស្តូស្តេរ៉ូនថយចុះ? ភាពចាស់របស់បុរសគឺជាមូលហេតុដែលបណ្តាលឲ្យកម្រិតអ័រម៉ូនថយចុះ។ ជំងឺមួយចំនួនក៏ជាមូលហេតុដែលចូលរួមក្នុងការថយចុះផងដែរដូចជាជំងឺ ទឹកនោមផ្អែមប្រភេទទី២ ជំងឺថ្លើម ជំងឺតម្រងនោម ជំងឺសួតរ៉ាំរ៉ៃ ជំងឺខួរក្បាល និងរបួសនៃពងស្វាស។ តើអ្នកត្រូវធ្វើតេស្តនៅពេលណា? គ្រូពេទ្យរបស់អ្នកប្រហែលជាស្នើសុំការធ្វើតេស្តប្រសិនបើអ្នកមានសញ្ញាមួយចំនួនដូចជា៖ •    បញ្ហាឡើងរឹងរបស់លិង្គ •    ថយចុះចំណង់ផ្លូវភេទ •    បរិមាណស្ពែមមិនគ្រប់គ្រាន់ •    ជ្រុះសក់ ស្វិតសាច់ដុំ ថយកម្ពស់ ក្នុងករណីអ្នកមានជំងឺដែលអាចបណ្តាលឲ្យមានការថយចុះនូវបរិមាណអ័រម៉ូនតេស្តូស្តេរ៉ូន គ្រូពេទ្យក៏អាចស្នើសុំឲ្យធ្វើតេស្តដើម្បីមើលពីកម្រិតអ័រ-ម៉ូនរបស់អ្នកផងដែរ។កម្រិតអ័រម៉ូនតេស្តូស្តេរ៉ូនធម្មតាចំពោះមនុស្សប្រុស គឺប្រហែល 3០០-1000ng/dl។ ជាទូទៅ   គេធ្វើតេស្តរកកម្រិតអ័រម៉ូននេះនៅពេលព្រឹក ព្រោះជាពេលដែលកម្រិតអ័រ-ម៉ូនឡើងខ្ពស់។ ការព្យាបាល ប្រសិនបើអ្នកមានកម្រិតអ័រម៉ូនតេស្តូស្តេរ៉ូននៅក្នុងឈាមទាប ហើយមានរោគសញ្ញាដែលរំខាន ដល់ជីវិតរស់នៅប្រចាំថ្ងៃ គ្រូពេទ្យប្រហែលជាឲ្យអ្នកប្រើប្រាស់ថ្នាំជំនួយតេស្តូស្តេរ៉ូន។ ប៉ុន្តែមិនមានន័យថាគ្រប់អ្នកដែលមានបញ្ហាថយចុះអ័រម៉ូននេះទាំងអស់សុទ្ធតែត្រូវទទួលការព្យាបាលនោះទេ។ អ្នកត្រូវទៅជួបគ្រូពេទ្យជំនាញដើម្បីពិភាក្សាពីផលចំណេញ និងផលប៉ះពាល់នៅពេលដែលធ្វើការព្យា    បាល។ អ្នកជំនាញខាងប្រព័ន្ធម៉ូតសាស្ត្រនិងជំនាញខាងក្រពេញអាចដោះស្រាយបញ្ហាអ័រម៉ូននេះ     បាន។ ◊    ការព្យាបាលដោយការបំពេញនូវកម្រិតនៃការថយអ័រម៉ូន៖ ប្រសិនបើអ្នកត្រូវធ្វើការព្យាបាលគ្រូពេទ្យនឹងចេញវេជ្ជបញ្ជាដើម្បីកំណត់កម្រិតអ័រម៉ូនដែលត្រូវបំពេញ។ តាមរយៈការសិក្សាមួយចំនួនឃើញថាវិធីសាស្រ្តនេះគឺល្អដែលធ្វើឲ្យសាច់ដុំបុរសមានភាពរឹងមាំ ការពារឆ្អឹង និងបង្កើនចំណង់ផ្លូវ   ភេទ។ ប៉ុន្តែមានប្រសិទ្ធភាពខុសគ្នាពីមនុស្សម្នាក់ទៅម្នាក់ទៀត។ ◊    ការចាក់បញ្ចូលអ័រម៉ូនតេស្តូស្តេរ៉ូន៖ អ័រម៉ូនតេស្តូស្តេរ៉ូនមានច្រើនទម្រង់ដូចជាប្រភេទថ្នាំ ចាក់ ជេល កៅអៀក ហើយថ្នាំគ្រាប់។ ថ្នាំចាក់ជាជម្រើសដែលមានតម្លៃធូរថ្លៃប៉ុន្តែវាធ្វើឲ្យឈឺចាប់ ដោយសារអ្នកត្រូវចាក់វាចន្លោះ ៧ទៅ២២ថ្ងៃទៅតាមវេជ្ជបញ្ជារបស់គ្រូពេទ្យ។កម្រិតរបស់អ័រម៉ូន តេស្តូស្តេរ៉ូនអាចឡើងឬចុះអាស្រ័យលើកម្រិតនៃការប្រើប្រាស់ថ្នាំនោះ។ ◊    ការប្រើប្រាស់ជេលឬកៅអៀក ៖  អ្នកអាចប្រើប្រាស់វាទៅលើស្បែករបស់អ្នកដោយផ្ទាល់ ហើយ អ័រម៉ូននឹងធ្វើការជ្រាបចូលទៅក្នុងសរសៃឈាមយឺតៗ។ ដោយសារវិធីនេះយើងអាចប្រើប្រាស់រាល់ថ្ងៃដូច្នេះវាអាចរក្សានូវស្ថេរភាពរបស់អ័រម៉ូនបានល្អ។ ប៉ុន្តែវាក៏អាចបង្កឲ្យមានការរមាស់កន្ទួលក្រហម និងពងបែកនៅលើស្បែក។ ស្រ្តីនិងកុមារមិនត្រូវមានការប៉ះពាល់ជាមួយស្បែកដែលបានប្រើប្រាស់ជេលឬកៅអៀកនេះទេ។ ផលវិបាកនៃការព្យាបាលដោយអ័រម៉ូនការព្យាបាលដោយអ័រម៉ូនមានគុណវិបត្តិមួយចំនួនដែលបុរសមានការប្រែប្រួលក្រោយការព្យាបាល ៖ •    មានចំនួនគ្រាប់ឈាមក្រហមច្រើន •    អត់ដង្ហើមពេលកំពុងគេង •    ការរីកធំនៃក្រពេញប្រូស្តាត •    កើតមុន ផលវិបាក និងផលចំណេញចំពោះការព្យាបាលដោយអ័រម៉ូននេះរយៈពេលយូរមិនទាន់បានដឹងនៅឡើយទេ ខណៈដែលការសិក្សាធំមិនទាន់បានបញ្ចប់។ប៉ុន្តែមានការព្រួយបារម្ភចំពោះការ ប្រើប្រាស់នូវកម្រិតអ័រម៉ូននេះយូរអាចបណ្តាលឲ្យកើតមានជំងឺមហារីកក្រពេញប្រូស្តាតទៅលើបុរស   វ័យចំណាស់។ ដូច្នេះបុរសដែលបានប្រើប្រាស់ថ្នាំតេស្តូស្តេរ៉ូនត្រូវធ្វើការពិនិត្យសុខភាពឲ្យបានទៀងទាត់ដើម្បីរកមើលប្រសិនបើមានរោគសញ្ញាដំបូងរបស់ជំងឺមហារីកក្រពេញប្រូស្តាត។ ការប្រុងប្រយ័ត្នចំពោះការប្រើប្រាស់ពួកអ័រម៉ូននេះត្រូវបានហាមឃាត់ចំពោះបុរសមួយចំនួនដែលមានលក្ខណះដូចខាងក្រោម ៖ •    មហារីកក្រពេញប្រូស្តាត ឬមហារីកដោះ •   មានជំងឺអត់ដកដង្ហើមពេលកំពុងគេងដោយមិនបានធ្វើការព្យាបាល •    មានចំនួនគ្រាប់ឈាមក្រហមច្រើន •    ជំងឺបេះដូង។

Health Tips
Share
Top