Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Apr 25, 2017 |
  • 7 years ago |
  • 3.4K views

សកម្មភាពហ្វូម BENZOYL PEROXIDE ដែលអ្នកគួរដឹង

ប្រភេទហ្វូមលាងមុខម៉្យាងដែលមានសារធាតុសកម្មជា Benzoyl peroxide ត្រូវបានគេប្រើប្រាស់សម្រាប់សម្អាត និងព្យាបាលជំងឺមុនកម្រិតស្រាល និងមធ្យមដែលមាននៅលើផ្ទៃមុខ ហើយជាទូទៅវាត្រូវបានគេប្រើប្រាស់កំឡុងពេលព្យាបាលជំងឺមុនតាមវិធីសាស្រ្តផ្សេងទៀត។​ ចំពោះប្រភេទខ្លះនៃហ្វូមនេះ គឺត្រូវការវេជ្ជបញ្ជាសម្រាប់ប្រើប្រាស់ និងមួយចំនួនទៀតអាចរកបានដោយខ្លួនឯងតាមឱសថស្ថាននានាដែលត្រូវពិនិត្យឲ្យច្បាស់លាស់ពីព័ត៌មានលើសម្បកប្រអប់ថ្នាំ ឬសុំការពិគ្រោះជាមួយឱសថការី។ សកម្មភាពរបស់ហ្វូម៖ ពពួក Benzoyl peroxide មានមុខងារប្រឆាំងនឹងពពួកបាក់តេរីប្រភេទ Propionibacterium ដែលបង្កជាជំងឺមុនរួមជាមួយសកម្មភាព ម៉្យាងទៀតដែលហៅថា Keratolytic (ធ្វើឲ្យស្បែកដែលមានមុនមានសភាពស្ងួត ហើយរបកចេញ)។ នៅពេលប្រើប្រាស់សារធាតុ Benzoylperoxide វាត្រូវបានស្រូបតាមស្បែក រួចមានការបំលែងទៅជា Benzoic acid និងបញ្ចេញចោលតាមរយៈទឹកនោមក្រោមទម្រង់ជា Benzoate។ ការប្រើប្រាស់ហ្វូម៖ • មុនប្រើប្រាស់ត្រូវក្រឡុកដបហ្វូមឲ្យសព្វ • ផ្សើមផ្ទៃមុខរបស់អ្នក ជាពិសេសតំបន់ដែលមានមុន • លាបហ្វូមក្នុងបរិមាណតិចតួច ទៅលើតំបន់ស្បែកដែលមានមុន រួចធ្វើការដុសដោយថ្នមៗរយៈពេល ១០ ទៅ ២០វិនាទី • ធ្វើការលាងចេញដោយទឹកក្តៅឧណ្ហៗ និងតប់ផ្ទៃមុខរហូតដល់ស្ងួត • អនុវត្តការប្រើប្រាស់ ម្តង ឬ ២ដង ក្នុងមួយថ្ងៃ។ ចំណាំ៖ • ពេលប្រើប្រាស់លើកទីមួយ អ្នកត្រូវធ្វើតេស្តដើម្បីដឹងថាស្បែកមុខអាចមានប្រតិកម្មជាមួយសារធាតុណាមួយនៃហ្វូម ដែលវាអនុញ្ញាតឲ្យអ្នកសម្រេចចិត្តថាតើគួរប្រើប្រាស់បន្តឬយ៉ាងណា។​ ដោយត្រូវ សាកល្បងលាបហ្វូមលើតំបន់ដែលមានមុនខ្លះ ក្នុងរយៈពេល ៣ថ្ងៃ។ ប្រសិនបើសង្កេត ឃើញមានសញ្ញាប្រតិកម្មនានាដូចជា រលាក ឬស្បែកមុខឡើងក្រហម អ្នកត្រូវបញ្ឈប់ការប្រើប្រាស់។ • ចៀសវាងការប្រើប្រាស់ប៉ះពាល់ដល់ភ្នែក​ ច្រមុះ​   មាត់  និងស្បែកដែលមានរបួស  ព្រោះវាអាចធ្វើឲ្យមានរលាក។ ប្រសិនករណីនេះកើត​ឡើងអ្នកគួរប្រញាប់លាងទឹកឲ្យបានឆាប់។ ផលរំខាន៖ • ផលរំខានដែលអាចកើតឡើងញឹកញាប់មានដូចជា របកស្បែកខ្លាំង រមាស់ រលាក និងស្បែកឡើងក្រហមដែលអាចកើតឡើងពេលប្រើដំបូង (អាចកាត់បន្ថយចំនួនថ្ងៃនៃការប្រើប្រាស់ ប្រសិនមានបញ្ហាទាំងនោះកើតឡើង)។ • ករណីកម្រអាចមានដូចជា កន្ទួលរមាស់ និងហើម  (ជាពិសេសនៅនឹង មុខ អណ្តាត និងបំពង់ក)មានអាការៈវិលមុខខ្លាំង និងពិបាកដកដង្ហើម។ ការប្រុងប្រយ័ត្ន៖ • ចៀសវាងនៅក្រោមពន្លឺថ្ងៃរយៈពេលយូរព្រោះសារធាតុរបស់ហ្វូមអាចធ្វើឲ្យស្បែករបស់អ្នកមានប្រតិកម្ម។ អ្នកអាចការពារដោយប្រើប្រាស់ក្រែមការពារកម្តៅថ្ងៃ និងកាត់បន្ថយការប៉ះពាល់ពន្លឺថ្ងៃផ្ទាល់ ដោយពាក់អាវការពាររាល់ពេលចេញទៅខាងក្រៅ។ • មិនគួរត្រូវបានប្រើចំពោះស្រ្តីដែលមានផ្ទៃពោះបើក្នុងករណីចាំបាច់ ត្រូវពិគ្រោះជាមួយវេជ្ជបណ្ឌិត។ • រាយការណ៍ពីប្រភេទឱសថដែលអ្នកកំពុង ប្រើប្រាស់ដល់វេជ្ជបណ្ឌិត ព្រោះវាអាចមានប្រតិកម្មជាមួយ Benzoyl peroxide បើទោះបីអន្តរកម្មរវាងថ្នាំទាំងនោះ មិនទាន់ត្រូវបានកំណត់ច្បាស់នៅឡើយ។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Medicine
Share
  • Apr 21, 2017 |
  • 7 years ago |
  • 6.4K views

មគ្គុទ្ទេសក៍ប្រើប្រាស់ឱសថ

ដើម្បីជាជំនួយខ្លះៗដល់ការសិក្សារបស់សិស្ស និស្សិត ក៏ដូចជាការប្រើប្រាស់ឱសថឲ្យបានសមស្របថែមទៀត និងការសង្កេតឃើញថាមិនទាន់មានឯកសារជាភាសាជាតិយើងនៅឡើយ ក្រុមវេជ្ជបណ្ឌិត (តំណាង T.S.K ) ក៏បានសាកល្បងប្រែសម្រួលពីភាសាបារាំង និងចងក្រងជាឯកសារដ៏មានគុណតម្លៃនេះឡើង។  ក្នុងនេះផងដែរ ក៏មានបង្ហាញនូវឱសថតាមប្រភេទ និងផ្នែក ដោយមានបង្ហាញអំពីចំណុចសំខាន់ៗជាច្រើនទាក់ទិននឹងឱសថរួមមានដូចជា លក្ខណៈឱសថ ផលរំខាន កម្រិតប្រើប្រាស់ ការប្រុងប្រយ័ត្ន។ល។  នេះជាការចូលរួមចំណែកមួយក្នុងការពង្រឹងវិស័យសុខាភិបាលនៅកម្ពុជា ជាពិសេសវិស័យឱសថ… សូមធ្វើការទាញយកតាមរយៈ មគ្គុទ្ទេសក៍ប្រើប្រាស់ឱសថ  ប្រភព៖ ទំព័រហ្វេសប៊ុក Dr. Bo Setha © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ...

Medicine
Share
  • Apr 03, 2017 |
  • 7 years ago |
  • 4.5K views

ញៀនសុរាហើយចង់ផ្តាច់មែនទេ?

BACLOFEN ជាអាស៊ីត Gamma  Amino  Butyric  Acid (GABA) ដែលជាភ្នាក់ងារប្រឆាំងការកន្រ្តាក់ ជួយឲ្យសាច់ដុំសម្រាក មានប្រសិទ្ធភាពបំបាត់ការឈឺចាប់ ហើយវាដើរតួនៅក្នុងប្រព័ន្ធប្រសាទកណ្តាលជាការបន្ធូរសាច់ដុំ។ មិនតែប៉ុណ្ណោះ BACLOFEN មានលក្ខណៈជាប្រភេទថ្នាំព្យាបាលការញៀនសុរា   ឬដើម្បីផ្តាច់ស្រា។   ការពិតទៅ BACLOFEN ជាសារធាតុមួយស្រដៀងជាមួយនឹងសរសៃប្រសាទដែលត្រូវបានគេស្គាល់ថាGABAវាមានប្រតិកម្មតបលើអារម្មណ៍និងរាងកាយទាំងមូល។ រេសិបទ័រទទួលGABAត្រូវបានរកឃើញនៅមជ្ឈមណ្ឌលកណ្តាលនៃខួរក្បាលហើយនេះវាដូចទៅនឹងប្រសិទ្ធភាពក្នុងការព្យាបាលញៀនដោយសារថ្នាំ ឬស្រាដោយរ៉េសិបទ័រទាំងនោះ។សរសៃប្រសាទផ្សេងៗពីគ្នាត្រូវបានកំណត់ថាផលជាមូលដ្ឋានគួរជាទីគាប់ចិត្តចូលរួមជាមួយការប្រើសារធាតុអាល់កុល និងថ្នាំញៀន។ តាមទ្រឹស្តី BACLOFENដើរតួជារ៉េសិបទ័រGABAវាអាចជួយកាត់បន្ថយចំណង់ខ្លាំងនៃសុរានិងថ្នាំញៀនព្រមទាំងបន្ថយរោគសញ្ញានៃការផ្តាច់ស្រា គឺមានន័យថាសញ្ញាមិនធម្មតានានាដែលតែងកើតមានឡើងក្នុងពេលឈប់ប្រើប្រាស់សារធាតុទាំងនោះ។ ទាក់ទងទៅនឹងការប្រើប្រាស់BACLOFENសម្រាប់មនុស្សពេញវ័យ ជាទូទៅ គឺលេបម្តង១គ្រាប់ (១០មីលីក្រាម) ៣ដងក្នុងមួយថ្ងៃ ប៉ុន្តែ សូមបញ្ជាក់ផងដែរថា ការប្រើប្រាស់នេះ ចាំបាច់ត្រូវមានវេជ្ជបញ្ជាត្រឹមត្រូវពីគ្រូពេទ្យ។ ក្នុងពេលប្រើគួរប្រុងប្រយ័ត្នពេលបើកបរ ឬ ធ្វើកិច្ចការណាមួយដែលទាមទារនូវការប្រុងប្រយ័ត្នខ្ពស់។ ចៀសវាងពិសាសារធាតុអាល់កុលខណៈពេលប្រើBACLOFEN ព្រោះវាអាចបណ្តាលឲ្យកើនឡើងប្រតិកម្មBACLOFENកាន់តែខ្លាំង មួយវិញទៀត មិនគួរប្រើBACLOFENបើត្រូវធ្វើការងារដោយប្រើសាច់ដុំ។ ផលរំខានរបស់វាBACLOFENមានដូចជា ៖មានអារម្មណ៍ល្ហិតល្ហៃ អស់កម្លាំង ភ្លឹកៗ វិបត្តិដំណេក អាចមានអាការៈខ្យល់ចាប់ចង្អោរ ក្អួត ឈឺក្បាលបញ្ហាលើប្រព័ន្ធរំលាយអាហារដូចជា រាក ឬទល់លាមកស្រកទម្ងន់ ឬ ឡើងទម្ងន់ អាចថយការចងចាំ ករណីខ្លះអាចឈានដល់ការពិបាកដកដង្ហើម តែកម្រ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                        

Medicine Alcohol & Drugs Medicine
Share
  • Mar 28, 2017 |
  • 7 years ago |
  • 4.8K views

ហេតុអ្វីឱសថការីជាអ្នកប្រឹក្សាសុខភាពដំបូងរបស់អ្នក?

ប្រជាជនមួយចំនួនតូចប៉ុណ្ណោះ ដែលគិតថាខ្លួនអាចសួរនូវដំបូន្មានសុខភាពខ្លះពីឱសថការី បើធៀបទៅនឹងប្រជាជនភាគច្រើនដែលជឿថាឱសថការីមានតួនាទីត្រឹមតែផ្តល់ឱសថដល់អ្នកជំងឺប៉ុណ្ណោះ។  ប៉ុន្តែ អ្នកដឹងទេថា ក្រៅពីទៅទិញថ្នាំនៅឱសថស្ថាន តើកន្លែងមួយនេះ អាចផ្តល់សេវាអ្វីផ្សេងទៀតសម្រាប់អ្នក? ដើម្បីយល់កាន់តែច្បាស់ទៅលើសេវាកម្មដែលឱសថស្ថាននីមួយៗផ្តល់ជូនលោកអ្នក សូមតាមដានជាមួយគ្នានូវអត្ថបទខាងក្រោមនេះ៖ តើឱសថការីជាអ្នកណា? ឱសថការី ជាអ្នកឯកទេសផ្នែកសុខភាពដែលពោលពេញដោយចំណេះដឹង និងអ្នកអាចជឿជាក់បាន។ ពួកគាត់ដើរតួសំខាន់ក្នុងការជួយប្រជាជនឲ្យទទួលបានលទ្ធផលល្អពីការប្រើប្រាស់ថ្នាំរបស់អ្នកជំងឺ។ ឱសថការីជាអ្នកផ្តល់ប្រឹក្សាដែលអ្នកជំងឺគ្រប់រូបអាចជួបបានដោយមិនចាំបាច់ធ្វើការណាត់ជួបជាមុន។ ពួកគាត់ជាអ្នកចាំឆ្លើយតបនូវសំណួរទាក់ទងនឹងសុខភាព ដូចជាសំណួរពីប្រភេទអាហារដែលត្រូវបរិភោគ ប្រភេទភេសជ្ជៈ  កីឡា ការប្រើប្រាស់ថ្នាំផ្សេងទៀតថែមពីលើការព្យាបាលដែលអ្នកជំងឺកំពុងទទួល ឬរបៀបដោះស្រាយបញ្ហានៅពេលដែលអ្នកជំងឺប្រើថ្នាំលើសឬមិនគ្រប់កម្រិត។ តើឱសថស្ថានផ្តល់អ្វីខ្លះដល់អ្នកជំងឺ? ឱសថស្ថាន ជាកន្លែងដែលនៅក្បែរផ្ទះរបស់អ្នកបំផុត និងជាកន្លែងដែលប្រជាជនងាយនឹងធ្វើដំណើរទៅរក។ ក្នុងឱសថស្ថាននីមួយៗតែងតែមានឱសថការីទទួលខុសត្រូវបច្ចេកទេសនៅក្នុងនោះ ដើម្បីរងចាំផ្តល់សេវាសុខភាពដល់អតិថិជន ក៏ដូចជាអ្នកជំងឺរបស់ខ្លួន។ ឱសថការីអាចព្យាបាលជំងឺធម្មតាមួយចំនួនដែលព្យាបាលដោយប្រើប្រាស់ថ្នាំដែលមិនចាំបាច់មានវេជ្ជបញ្ជាដូចជាជំងឺក្អក ផ្តាសាយ ឈឺបំពង់កធម្មតា បញ្ហាស្បែកដែលជួបញឹកញាប់មួយចំនួន។ នេះជាការជួយសម្រួលដល់ប្រជាជនដោយពួកគាត់មិនចាំបាច់ធ្វើដំណើរទៅឆ្ងាយពីផ្ទះ និងត្រុវរងចាំយូរ។ ម្យ៉ាងទៀត ឱសថការីនៅតាមសហគមន៍របស់អ្នកនឹងពន្យល់ពីរបៀបប្រើប្រាស់ឱសថ បញ្ជាក់ប្រាប់ពីកម្រិតនិងបរិមាណឱសថដែលត្រូវប្រើប្រាស់ ផលរំខានដែលអ្នកអាចនឹងជួបប្រទះនៅពេលប្រើប្រាស់ឱសថ វិធីបង្ការមិនឲ្យជំងឺកើតឡើងវិញជាដើមជូនដល់លោកអ្នក ដើម្បីធានាឲ្យបានថា ប្រជាជនក្នុងសហគមន៍នឹងមានសុខភាពល្អ។ ក្រៅពីនេះ លោកអ្នកនឹងទទួលបានដំបូន្មានស្តីពីសុខភាពហើយឱសថការីក៏ជាអ្នកណែនាំអ្នកពីស្ថានភាពដែលអ្នកត្រូវទៅជួបគ្រូពេទ្យផងដែរ។

Medicine
Share
  • Mar 17, 2017 |
  • 7 years ago |
  • 7.8K views

ស្គាល់អាំងស៊ុយលីនច្បាស់កម្រិតណាដែរ?

អាំងស៊ុយលីនត្រូវបានប្រើប្រាស់ទៅលើអ្នកជំងឺទឹកនោមផ្អែម ជាពិសេសចំពោះអ្នកដែលមានជំងឺទឹកនោមផ្អែមប្រភេទទី១ ព្រោះថាសរីរាង្គរបស់អ្នកជំងឺពុំអាចផលិតអ័រម៉ូនអាំងស៊ុយលីននេះដោយខ្លួនឯងដែលធ្វើឲ្យរាងកាយមិនអាចទាញយកថាមពលពីស្ករ(Glucose) មកប្រើប្រាស់បានគ្រប់គ្រាន់។  ដោយសារតែអ្នកជំងឺទឹកនោមផ្អែមប្រភេទទី១ត្រូវការពឹងផ្អែកទៅលើអាំងស៊ុយលីន ដូចនេះជំងឺទឹកនោមផ្អែមប្រភេទទី១ក៏ត្រូវបានគេហៅថា “Insulin-dependent diabetes” ។ ដើម្បីឲ្យយល់កាន់តែច្បាស់ពីការប្រើប្រាស់អ័រម៉ូនអាំងស៊ុយលីននេះ ហេលស៍ថាមបាននាំមកនូវអត្ថបទដែលរៀបរាប់ពីប្រភេទ និងសកម្មភាពរបស់អាំងស៊ុយលីនលើរាងកាយ មនុស្សដូចខាងក្រោម។ និយមន័យ ជាដំបូងអ្នកគួរដឹងថាតើអ្វីទៅជាអាំងស៊ុយលីន? អាំងស៊ុយលីនគឺជាអ័រម៉ូនបង្កើតឡើងដោយលំពែង មានមុខងារដឹកនាំស្ករ (Glucose) ដែលបំបែកពីកាបូនអ៊ីដ្រាតនៅក្នុងចំណីអាហារទៅក្នុងជាលិកាដើម្បីផលិតថាមពល ឬស្តុកទុកសម្រាប់ប្រើប្រាស់នៅពេលក្រោយ ។អាំងស៊ុយលីនក៏អាចជួយគ្រប់គ្រងនូវកម្រិតជាតិស្ករក្នុងឈាមមិនឲ្យខ្ពស់ពេក (Hyperglycemia) ឬទាបពេក (Hypoglycemia)ផងដែរ។ លក្ខណៈនៃអាំងស៊ុយលីន អាំងស៊ុយលីនត្រូវបានបែងចែកដោយសារភាពខុសគ្នានៃ៖ •    ចំណុចចាប់ផ្ដើម (Onset) •    ចំណុចកំពូល (Peak) •    រយៈពេល (Duration) •    កំហាប់ (Concentration) (១០០UI/mlឬ ១០០U)។ របៀបនៃការប្រើប្រាស់ គេអាចធ្វើការចាក់អាំងស៊ុយលីនទៅក្រោមស្បែក ឬចាក់ចូលទៅក្នុងសរសៃឈាម(IV)ផ្ទាល់តែម្ដង ក្នុងករណីចាំបាច់មួយចំនួន តែជាទូទៅអាំងស៊ុយលីនត្រូវបានចាក់ចូលទៅក្នុងស្រទាប់ខ្លាញ់ដែលស្ថិតនៅខាងក្រោមស្បែក ឬហៅថា “Subcutaneous tissue” ការធ្វើបែបនេះនាំឲ្យថ្នាំមានការសម្រូបយឺតជាងការចាក់ទៅលើសរសៃវ៉ែន(Vein) ដែលវាអាចមានសកម្មភាពលើសពី២៤ម៉ោង។ ក្នុងករណីដែលអាំងស៊ុយលីនត្រូវបានចាក់ចូលទៅក្នុងស្រទាប់សាច់ដុំ នោះរាងកាយនឹងចាប់យកអាំងស៊ុយលីនទៅប្រើប្រាស់ក្នុងល្បឿនលឿនដែលបណ្ដាលឲ្យកម្រិតជាតិស្ករក្នុងឈាមចុះទាប និងបង្កឲ្យមានគ្រោះថ្នាក់។ ទីតាំងចាក់អាំងស៊ុយលីន ទីតាំងនៃការចាក់ថ្នាំអាចផ្លាស់ប្ដូរទៅកន្លែងផ្សេងៗដែលនៅជុំវិញក្បាលពោះ ឬអាចធ្វើការចាក់ទៅផ្នែកផ្សេងទៀតនៃរាងកាយដូចជា ភ្លៅ ដៃ ឬត្រគាក ព្រោះថាការចាក់ទៅលើកន្លែងដដែលៗអាចបណ្ដាលឲ្យជាលិកាខ្លាញ់ និងស្បែកត្រង់បរិវេណនោះមានសភាពក្រិន ប៉ុន្តែនៅពេលដែលផ្លាស់ប្ដូរទីតាំងទៅផ្នែកផ្សេងទៀត (ក្រៅពីក្បាលពោះ) ប្រសិទ្ធភាពថ្នាំក៏មានភាពខុសគ្នាផងដែរទៅតាមទីតាំងនីមួយៗ។   ប្រភេទ និងសកម្មភាពនៃអាំងស៊ុយលីន •    Fast-acting insulin ជាប្រភេទអាំងស៊ុយលីនដែលអាចសម្រូបយ៉ាងលឿនពីក្នុងស្រទាប់ខ្លាញ់ចូលទៅក្នុងឈាមដោយវាអាចគ្រប់គ្រងកម្រិតជាតិស្ករនៅក្នុងឈាមកំឡុងពេលទទួលទានអាហារ ឬចំណីក៏ដូចជាជួយទប់ស្កាត់ការឡើងខ្ពស់នៃកម្រិតជាតិស្ករក្នុងឈាមបានភ្លាមៗផង ដែរ   ហើយវាមានត្រូវបានចែកចេញជា២គឺ៖ -    Rapid Acting Insulin Analogs (Insulin Aspart, Insulin Lyspro, Insulin Glulisine) វាចាប់ផ្ដើមមានប្រសិទ្ធភាព៥ ទៅ ១៥នាទី ហើយមានប្រសិទ្ធភាពខ្ពស់ក្នុងរយៈពេល១ ទៅ ២ម៉ោងនិងអស់ឥទ្ធិពល៤ទៅ៦ម៉ោងក្រោយចាក់។ ជាទូទៅ ការដំឡើង ឬបន្ថយកម្រិតថ្នាំនៃអាំងស៊ុយលីនប្រភេទនេះវាពុំមានការប្រែប្រួលនៃសកម្មភាពរបស់វាឡើយ។ -    Regular Human Insulin ជាប្រភេទដែលមានចំណុចចាប់ផ្ដើម ឬចាប់ផ្ដើមធ្វើសកម្មភាពពី៣០នាទីទៅ១ម៉ោងក្រោយពីចាក់រួចចាប់ មានប្រសិទ្ធភាពខ្ពស់ក្នុងរយៈពេល២ទៅ៤ម៉ោង និងអស់ឥទ្ធិពលទៅវិញក្នុងរយៈពេល៦ទៅ៨ម៉ោង។ ចំពោះការប្រើប្រាស់ក្នុងកម្រិតខ្ពស់វាអាចនឹងឆាប់មានប្រសិទ្ធភាពជាងមុន តែរយៈពេលដែលមានប្រសិទ្ធភាពខ្ពស់​ និងរយៈពេលដែលអស់ប្រសិទ្ធភាពក៏យូរជាងមុនផងដែរ។ •    Intermediate-acting insulin មានការសម្រូបយឺត និងមានប្រសិទ្ធភាពយូរជាងពពួក Fast-actinginsulin ដោយគេប្រើប្រាស់វាក្នុងការគ្រប់គ្រងជាតិស្ករក្នុងឈាមបានពេញមួយយប់ និងចន្លោះពេលទទួលទានអាហារ។ វាត្រូវបានគេស្គាល់ថាជា NPH Human Insulin ដែលចាប់ផ្ដើមធ្វើសកម្មភាព ១ទៅ២ម៉ោងបន្ទាប់ពីចាក់ ចាប់មានប្រសិទ្ធភាពខ្ពស់ ៤ទៅ៦ម៉ោង និងអស់ទៅវិញបន្ទាប់ពី១២ម៉ោងក្រោយ ហើយសកម្មភាពរបស់វាអាចប្រែប្រួលលឿន ឬយឺតអាស្រ័យទៅលើកម្រិតនៃការប្រើប្រាស់។ •    Long-acting insulin ជាប្រភេទដែលមានការសម្រូបយឺតជាងគេហើយអាចរក្សានូវប្រសិទ្ធភាពបានពេញមួយថ្ងៃ ដែលមានជា Long-acting insulin analogs (Insulin Glargine, Insulin Detemir) ចាប់ផ្ដើមមានសកម្មភាព១ម៉ោង៣០នាទីទៅ២ម៉ោងហើយនឹងអស់ប្រសិទ្ធភាព ទៅវិញក្នុងរយៈពេល២៤ម៉ោងក្រោយ។

Medicine
Share
  • Mar 16, 2017 |
  • 7 years ago |
  • 60.7K views

ការពិតពីក្រោយការព្រមានឲ្យឈប់ប្រើប្រាស់ឱសថ Ibuprofen និង Diclofenacជាបន្ទាន់

តើអ្នកឧស្សាហ៍មានការឈឺចាប់នៅតំបន់ក ឈឺសន្លាក់ ឬឈឺក្បាលជាញឹកញាប់មែនទេ? ប្រសិនបើអ្នកពឹងផ្អែកលើការប្រើប្រាស់ថ្នាំប្រភេទ Ibuprofen ឬ Diclofenac សម្រាប់ដោះស្រាយបញ្ហាទាំងនោះ ប្រហែលជាត្រូវដល់ពេលក្នុងការសម្រចចិត្តសារជាថ្មីហើយ  ដោយហេតុថា វេជ្ជបណ្ឌិត បានបង្ហាញថាការប្រើប្រាស់ថ្នាំ Ibuprofen ឬប្រភេទថ្នាំបំបាត់ការឈឺចាប់ផ្សេងទៀត ស្ថិតក្នុងក្រុម non-steroidal anti-inflammatory (NSAIDs) ធ្វើឲ្យមានការប្រឈមនឹងជំងឺផ្សេងទៀត។ យោងទៅតាម FDA «ការប្រើប្រាស់ថ្នាំបំបាត់ការឈឺចាប់ (NSAIDs)  មានលទ្ធភាពបង្កឲ្យមានការកើតជំងឺគាំងបេះដូង និងដាច់សរសៃឈាមខួរក្បាល» បើទោះជាការប្រើប្រាស់ឱសថ Ibuprofen ក្នុងរយៈពេលខ្លីក៏ដោយ ជាពិសេសចំពោះអ្នកដែលមានអាយុលើសពី ៤០ឆ្នាំ។ អ្នកវិទ្យាសាស្រ្តនៅប្រទេស ដាណឺម៉ាកផងដែរ បានប្រកាសឲ្យមានការដាក់កំហិតយ៉ាងតឹងរឹងចំពោះដំណើរការលក់ចេញនៃពពួកថ្នាំបំបាត់ការឈឺចាប់ដែលត្រូវបានប្រើប្រាស់ញឹកញាប់ដូចជា Ibuprofen និងdiclofenac ដោយសារវាមានទំនាក់ទំនងធ្វើឲ្យមានការប្រឈមកាន់តែខ្ពស់នៃជំងឺគាំងបេះដូង (យោងតាមការចេញផ្សាយតាមរយៈ European Heart Journal នៅថ្ងៃពុធ ទី ១៥ ខែមីនា)។ លោកសាស្រ្តាចារ្យ Gunnar Gislason ជាអ្នកដឹកនាំក្នុងការស្រាវជ្រាវនោះ ដែលរកឃើញអ្នកមានជំងឺគាំងបេះដូងចំនួន ៣៣៧៦នាក់ក្នុងចំណោម ២៨៩៤៧នាក់ សុទ្ធតែបានប្រើប្រាស់ថ្នាំពពួកថ្នាំ NSAIDs រយៈពេល ៣០ថ្ងៃមុនកើតជំងឺ ដែលការស្រាវជ្រាវនេះបាននាំទៅដល់ការគ្រប់គ្រងយ៉ាងតឹងរឹងនៃការប្រើប្រាស់ថ្នាំពពួក NSAIDs។ លោកបាននិយាយថា «រាល់ការអនុញ្ញាត្តឲ្យមានការទិញ ឬប្រើប្រាស់ឱសថដោយគ្មានវេជ្ជបណ្ឌិត និងគ្មានដំបូន្មានយ៉ាងតឹងរឹងនោះ ត្រូវកំណត់ឲ្យច្បាស់ថា ថ្នាំទាំងនោះត្រូវតែមានសុវត្ថិភាព»។ ពពួកឱសថ NSAIDs មានឥទ្ធិពលជាច្រើនទៅលើប្រព័ន្ធសរសៃឈាមបេះដូង ដែលរួមបញ្ចូលនូវការប្រមូលផ្តុំនៃប្លាកែត ដែលបណ្តាលឲ្យមាន កំណកឈាមកើតឡើង អាចធ្វើឲ្យសរសៃឈាមមានការកន្រ្តាក់ ហើយនឹងការកើនឡើងនូវសម្ពាធឈាម។ លោកសាស្រ្តាចារ្យបានបន្ថែមថា ពពួកថ្នាំ NSAIDs មិនត្រូវលក់នៅតាមផ្សារទំនើប ឬទីតាំងផ្សេងទៀតដែលគ្មានវត្តមានអ្នកឯកទេស សម្រាប់ផ្តល់ការបឹក្សាឡើយ ដោយឡែក វាគួរត្រូវបានលក់នៅតាមឱសថស្ថាន ដែលមានឱសថការីក្នុងការកំណត់ពីការប្រើប្រាស់ឲ្យបានត្រឹមត្រូវ ដែលជាទូទៅការប្រើប្រាស់គឺមិនឲ្យលើសពី ១,២០០ មីលីក្រាម ក្នុងមួយថ្ងៃ។

Medicine
Share
Top