Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Mar 16, 2017 |
  • 7 years ago |
  • 8.6K views

អំពីការសិក្សាឯកទេសចក្ខុរោគពីនិស្សិត៤រូប....

នរណាក៏មានក្តីស្រមៃរបស់គេដែរ ហើយជាទូទៅ ការសិក្សាទៅតាមឯកទេស គឺជាស្ពានមួយចម្លងគ្រប់គ្នាទៅកាន់ក្តីស្រមៃរបស់ខ្លួន។ ក្នុងចំណោមឯកទេសជាច្រើន ផ្នែកចក្ខុរោគ ក៏ជាឯកទេសមួយដែលកំពុងតែមានការអភិវឌ្ឍគួរឲ្យកត់សម្គាល់ដែរ។ ហេលស៍ថាម ក៏បានជួួបផ្ទាល់ជាមួយនឹងនិស្សិតឯកទេសនេះចំនួន៤រូប ដើម្បីធ្វើការសាកសួរអំពីចំណាប់អារម្មណ៍ កង្វល់ និងសារណែនាំរបស់ពួកគេផងដែរ។ ចង់ដឹងថាពួកគាត់មានអ្វីចែករំលែកជាមួយអ្នកខ្លះ តោះ! អានបន្តទាំងអស់គ្នា... លោក តោ គ្រីថា មូលហេតុដែលរើសឯកទេសចក្ខុរោគ៖ ដោយសារមានការជម្រុញពីលោកអ្នកមានគុណទាំងពីរនិងបងប្រុសហើយក្រោយពីទទួលការសិក្សា និងការចុះកម្មសិក្សានៅតាមមន្ទីរពេទ្យកាលពីឆ្នាំទី៥អស់រយ:ពេលមួយខែមក ខ្ញុំមានចំណាប់អារម្មណ៍ថា យ៉ាងធំធេងបំផុតក្នុងការរស់នៅប្រចាំថ្ងៃរបស់យើងទាំងអស់គ្នា»។ ខ្ញុំក៏បានមើលឃើញ«ថ្វីត្បិតតែភ្នែកជាសរីរាង្គតូចមួយនៃរាងកាយ  ប៉ុន្តែវាមានតួនាទីពីភាពធ្វេសប្រហែសនៃការប្រើប្រាស់ថ្នាំបន្តក់ភ្នែករបស់ប្រជាជនយើងដែលជាហេតុធ្វើឲ្យប៉ះពាល់ដលសុខភាពភ្នែកយ៉ាងធ្ងន់ធ្ងរ។ លើសពីនេះទៅទៀត ខ្ញុំសង្កេតឃើញថាជំងឺពិការភ្នែកមួយចំនួនអាចជួយសង្រ្គោះបាន។ ហេតុដូចនេះ ទើបខ្ញុំចង់ការពារ និងព្យាបាលប្រជាជនឲ្យផុតពីភាពពិការភ្នែក។ បញ្ហាលំបាកទាក់ទិននឹងការសិក្សាឯកទេសនេះ៖ កាលពីនៅថ្នាក់វេជ្ជសាស្រ្តទូទៅ (ឆ្នាំទី១-៦) ការសិក្សា គឺពឹងផ្អែកទាំងស្រុងលើភាសាបារាំង ដោយឡែកថ្នាក់ឯកទេសត្រូវបានជំនួសដោយភាសាអង់គ្លេស។ និស្សិតត្រូវមានភាពតស៊ូក្នុងការរៀនសូត្រ ពីព្រោះឯកទេសនេះភាគច្រើនពឹងផែ្អកលើការស្វ័យសិក្សា និងឧបករណ៍ជាច្រើន ដើម្បីធ្វើរោគវិនិច្ឆ័យ និងព្យាបាល ដូច្នេះ និស្សិតត្រូវមានភាពបត់បែន និងសម្របខ្លួនក្នុងការប្រើប្រាស់ម៉ាស៊ីន។ ម្យ៉ាងវិញទៀត ដើម្បីឲ្យមានប្រសិទ្ធភាពក្នុងការព្យាបាលជំងឺ គ្រូពេទ្យ និងនិស្សិតត្រូវមានការស្រាវជ្រាវឯកសារ និងការព្យាបាលថ្មីៗច្រើនដែលមានការទទួលស្គាល់ពីលើសកលលោក។ ទោះបីជាមានឧបសគ្គខ្លះដោយ រៀមច្បងសាស្រ្តាចារ្យក្នុងស្រុក និងក្រៅស្រុកតែងតែជួយបង្ហាញ និងណែនាំខ្ញុំក៏ដូចជានិស្សិតផ្សេងទៀតជានិច្ច ដែលជាហេតុធ្វើឲ្យពួកខ្ញុំមានដំណោះស្រាយក្នុងការសិក្សា។ សារជូនដល់ប្អូនៗជំនាន់ក្រោយ៖   វិជ្ជាពេទ្យនាំមកនូវការជួយសង្រ្គោះជីវិតរបស់អ្នកជំងឺ និងសេចក្តីថ្លៃថ្នូរដល់ខ្លួនឯង។ ដូចនេះ ក្រៅពីការប្រឹងប្រែងក្នុងការសិក្សា យើងជាអនាគតគ្រូពេទ្យត្រូវប្រកាន់ខ្ជាប់នូវក្រមសីលធម៌របស់លោកអ៊ីប៉ូក្រាត ដោយ «ត្រូវចាត់ទុកការឈឺចាប់របស់អ្នកជំងឺដូចជាការឈឺចាប់របស់យើងនិងក្រុមគ្រួសារយើង ដោយធ្វើការព្យាបាលអ្នកជំងឺប្រកបដោយការយកចិត្តទុកដាក់» ទើបវិជ្ជាពេទ្យរបស់យើងទទួលបានការកោតសរសើរ។ កញ្ញា ឃឹម ណាំហ្គេច មូលហេតុដែលរើសឯកទេសចក្ខុរោគ៖ ដោយសារតែខ្ញុំពេញចិត្តនឹងការធ្វើការជាមួយនឹងមីក្រូទស្សន៍ថ្វីត្បិតតែពិបាកតែគួរឲ្យចាប់អារម្មណ៍។ ម្យ៉ាងវិញទៀត ការងារជាគ្រូពេទ្យឯកទេសចក្ខុរោគ គឺផ្តល់ក្តីសង្ឃឹមសារជាថ្មីដល់ជំងឺ ពីព្រោះជាទូទៅ យើងតែងប្រៀបធៀបអ្វីដែលជាទីស្រលាញ់បំផុតទៅនឹងកែវភ្នែក«ស្រលាញ់ស្មើកែវនេត្រា»។ ចំពោះចំណាប់អារម្មណ៍វិញ ប្រហែលជាពិបាកពិពណ៌នាបន្តិចគ្រាន់តែដឹងថាកាន់តែរៀនកាន់តែស្រលាញ់ ហើយក៏យល់ថាជាឯកទេសមួយដែលអាចឲ្យក្លាយជាវេជ្ជបណ្ឌិតមួយរូបប្រកបដោយមោទនភាព។ បញ្ហាលំបាកទាក់ទិននឹងការសិក្សាឯកទេសនេះ ៖ បញ្ហាបរិយាកាសសិក្សាថ្មី គឺមនុស្ស ទីកន្លែង និង ឧបករណ៍ បញ្ហាជំនាញបច្ចេកទេសថ្មី និងបញ្ហាសេដ្ឋកិច្ច។ ការចូលសិក្សាឯកទេសចក្ខុរោគប្រៀបបាននឹងការចូលក្នុងសង្គមថ្មី។  រីឯឧបករណ៍វិញគឺត្រូវធ្វើការពិគ្រោះជំងឺ និងវះកាត់ដោយប្រើមីក្រូទស្សន៍។ មួយវិញទៀត បញ្ហាសេដ្ឋកិច្ចក៏ត្រូវចំណាយច្រើនជាងមុនផងដែរ។ បទពិសោធន៍ថ្មី ៖ ការទទួលនូវការបណ្ដុះបណ្ដាល បែបក្រោយឧត្ដមសិក្សា គឺពឹងផ្អែកលើស្វ័យសិក្សា និងការបង្ហាត់បង្ហាញពីសិស្សច្បង និងសាស្រ្ដាចារ្យជាតិ និងសាស្រ្ដាចារ្យបរទេស។ ឯកទេសនេះធ្វើឲ្យខ្ញុំទទួលបានអារម្មណ៍នៃការរស់នៅជាគ្រួសារតែមួយ និងការរៀបចំអប់រំចិត្ត ប្រកាន់ភាពស្ងប់ក្នុងការងារពិសេសពេលកំពុងវះកាត់។ សារជូនដល់ប្អូនៗជំនាន់ក្រោយ៖  ការងារមួយដែលធ្វើឲ្យយើងអាចប្រើអស់សក្តានុពលគឺជាការងារណាដែលកើតចេញពីការស្រលាញ់។ ថ្វីបើវាការរកឃើញដោយកម្រ ប៉ុន្តែសូមព្យាយាមស្វែងរកវា ហើយពុះពារធ្វើវាដោយក្ដីមោទនៈ។ លោក សេង សិរី មូលហេតុដែលរើសឯកទេសចក្ខុរោគ៖ កត្តាសង្គមគឺដោយសារតែប្រទេសយើងមានចំនួនវេជ្ជបណ្ឌិតឯកទេសចក្ខុរោគតិចនៅឡើយ ហើយការយល់ដឹងពីបញ្ហាសុខភាពភ្នែករបស់ប្រជាពលរដ្ឋក៏នៅមានកម្រិតនៅឡើយ ទើបសង្ឃឹមថាឱកាសក្នុងការចូលរួមកាត់បន្ថយអត្រានៃពិការភាពរបស់ប្រជាជនកម្ពុជា នឹងអាចផ្តល់បានតាមរយៈការសិក្សាឯកទេសនេះ។  ដោយសារតែខ្លួនខ្ញុំផ្ទាល់ស្រលាញ់ និងចូលចិត្តមុខវិជ្ជានេះខ្លាំងណាស់ហើយខ្ញុំមានចិត្តសប្បាយរីករាយ នៅពេលដែលអ្នកជំងឺអាចមើលឡើងវិញបាន ព្រមជាមួយនោះខ្ញុំគិតថាភ្នែកពិតជាមានសារៈសំខាន់ខ្លាំងណាស់សម្រាប់បុគ្គលម្នាក់ៗ។ គ្រួសារក៏មានការជម្រុញ និងលើកទឹកចិត្តព្រមទាំងយល់ស្របពីឳពុកម្តាយជីដូនជីតា និងសាច់ញាតិរបស់ខ្ញុំទៅលើការសម្រេចចិត្តជ្រើសរើសមុខវិជ្ជាឯកទេសភ្នែកនេះផងដែរ។ បញ្ហាលំបាកទាក់ទិននឹងការសិក្សាឯកទេសនេះ៖ បញ្ហាចម្បងជាងគេ គឺការផ្លាស់ប្តូរមកប្រើប្រាស់ភាសាអង់គ្លេស ព្រោះថាពីឆ្នាំទី១ដល់ទី៦ គឺប្រើភាសាបារាំង។  ការសិក្សាក៏ផ្តោតលើខ្លួនឯងជាចាំបាច់ស្ទើរតែទាំងស្រុង ម្យ៉ាងទៀតក៏តម្រូវឲ្យចេះប្រើប្រាស់នូវគ្រឿងអេឡិចត្រូនិចយ៉ាងស្ទាត់ជំនាញដូចជា កុំព្យូទ័រ កាំរស្មីឡាស៊ែរ Slit Lampម៉ាស៊ីនវាស់ដែនគំហើញ (Visual Field Test) ជាដើម។ សារជូនដល់ប្អូនៗជំនាន់ក្រោយ៖ ប្រឹងប្រែងរៀនសូត្រ តស៊ូ ឧស្សាហ៍ព្យាយាមទាំងក្នុងការសិក្សាមេរៀន និងការអនុវត្តនៅមន្ទីរពេទ្យ គួបផ្សំនឹងសីលធម៌ក្នុងវិជ្ជាជីវៈជាគ្រូពេទ្យ។ លោក ឡេង ចាន់ណាត មូលហេតុដែលរើសឯកទេសចក្ខុរោគ៖ មូលហេតុដ៏សាមញ្ញបំផុតនោះគឺដោយសារតែទឹកចិត្តស្រលាញ់និងការសម្លឹងមើលឃើញបរិយាកាសច្រើនដែលទាក់ទិននឹងបញ្ហាភ្នែកមានសារៈសំខាន់។ ក្នុងពេលដែលចុះហ្វឹកហាត់ការងារនៅមន្ទីរពេទ្យកុមារ-អង្គរនៅខេត្តសៀមរាប ក៏បានស្គាល់លោកគ្រូពេទ្យម្នាក់ដែលជានិច្ចកាលតែងតែបានជួយជម្រុញទឹកចិត្ត និងជ្រោមជ្រែងរហូតមក។ បញ្ហាលំបាកទាក់ទិននឹងការសិក្សាឯកទេសនេះ៖ បន្ថែមពីលើការពិគ្រោះជាមួយអ្នកជំងឺ គឺចាំបាច់ត្រូវប្រើប្រាស់នូវមីក្រូទស្សន៍ដើម្បីពិនិត្យ ទើបអាចធ្វើរោគវិនិច្ឆ័យបាន។ ជាក់ស្តែង ការចាប់ផ្តើមប្រើប្រាស់នូវឧបករណ៍នីមួយៗទាមទារនូវការហ្វឹកហាត់ឲ្យបានស្ទាត់ និងរយៈពេលយ៉ាងហោចណាស់ក៏ច្រើនខែដែរ។ ដោយសារតែការវះកាត់នៅក្នុងឯកទេសនេះតម្រូវឲ្យមានការប្រើប្រាស់នូវឧបករណ៍ដែលខុសប្លែកពីការវះកាត់ផ្សេងៗ ព្រោះមានការពង្រីក និងបង្រួមទៅមកជាប្រចាំ។ ការសិក្សាត្រូវផ្លាស់ប្តូរទាំងស្រុងមកជា Student Center ដែលតម្រូវឲ្យរៀបចំមេរៀនដោយខ្លួនឯង ធ្វើបទបង្ហាញដល់សិស្សច្បង និងសាស្រ្តាចារ្យតាមការកំណត់។ ចំណែក បែបផែននៃការបង្រៀនរបស់គ្រូមកពីក្រៅប្រទេសក៏មានលក្ខណៈខុសប្លែកពីគ្រូជាតិផងដែរ។ ក្រៅពីនោះដើម្បីឈានទៅដល់ការវះកាត់មួយដោយជោគជ័យ គឺត្រូវការពេលវេលាមួយក្នុងការហ្វឹកហាត់ជាច្រើនលើកច្រើនសារ។ សារជូនដល់ប្អូនៗជំនាន់ក្រោយ៖ ត្រូវដាក់ចិត្តខំប្រឹងប្រែងរៀនសូត្រ ហើយកុំខ្លាចរអា បើទោះជាត្រូវធ្វើការងារជាមួយនឹងសរីរាង្គដ៏តូចមួយ (ភ្នែក) ក៏ដោយ។ ម្យ៉ាងទៀត មិនគួរបោះបង់ចោលនៅពេលដែលបានជួប ឬឮពីបុគ្គលដែលធ្វើឲ្យអ្នកមានអារម្មណ៍អវិជ្ជមានជាមួយនឹងការងារនេះឡើយ។ សារជូនដល់មិត្តអ្នកអានទូទៅ ៖ * មិនគួរប្រើប្រាស់ថ្នាំផ្សេងៗដោយខ្លួនឯងនោះឡើយ គួរតែពិគ្រោះជាមួយនឹងគ្រូពេទ្យឯកទេសជាមុនសិន មុននឹងប្រើប្រាស់ថ្នាំ * អ្នកជំងឺដែលមានបញ្ហាភ្នែកគួរគប្បីជួប និងព្យាបាលជាមួយគ្រូពេទ្យឯកទេសភ្នែកឲ្យបានឆាប់រហ័ស ហើយត្រូវសម្អាតដៃឲ្យបានស្អាត មុននឹងប៉ះពាល់ភ្នែក * ប្រជាពលរដ្ឋដែលមានអាយុលើសពី៤០ឆ្នាំ គួរគប្បីពិនិត្យភ្នែកឲ្យបានយ៉ាងតិច១ដង ជារៀងរាល់ឆ្នាំ ដើម្បីចៀសវាងពីភាពពិការភ្នែកដោយសារជំងឺមួយចំនួនដូចជា ភ្នែកឡើងបាយ ជំងឺទឹកដក់ក្នុងភ្នែក និងបញ្ហាកំណុំរូបភាព ជាដើម ដើម្បីព្យាបាលទាន់ពេលវេលា។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education For Health Practitioners
Share
  • Mar 15, 2017 |
  • 7 years ago |
  • 6.8K views

ក្តីប្រាថ្នានៃអនាគតគ្រូពេទ្យសល្យសាស្រ្ត ជំងឺឆ្អឹង និងបាក់បែក

ប្រវត្តិរូប និងការសិក្សា ខ្ញុំបាទឈ្មោះ ឡោ សូយទ្រី ជាកូនទី២នៃក្រុមគ្រួសារ និងជានិស្សិតឆ្នាំទី១ឯកទេសសល្យសាស្រ្ត ជំងឺឆ្អឹង និងបាក់បែក ជំនាន់ទី៤ នៃសាកលវិទ្យាល័យវិទ្យាសាស្រ្តសុខាភិបាល។ ការសម្រេចចិត្តធ្វើកិច្ចការអ្វីមួយ ក៏ដូចជាជ្រើសរើសមុខជំនាញមួយសម្រាប់សិក្សា គឺមិនមែនជារឿងចៃដន្យនោះទេវាជាការពិតណាស់ដែលថាវា   បណ្តាលមកពីមូលហេតុមួយណាជាក់លាក់។ មូលហេតុសម្រេចជ្រើសរើសឯកទេសនេះ សម្រាប់ខ្ញុំផ្ទាល់ ការសម្រេចជ្រើសរើសយកមុខជំនាញមួយនេះដើម្បីបន្តការសិក្សាក្នុងកម្រិតក្រោយឧត្តមសិក្សានេះ គឺបណ្តាលមកពីការសម្លឹងមើលឃើញថា នៅក្នុងប្រទេសកម្ពុជាយើងផ្ទាល់កំពុងតែមានការប្រឈមខ្លាំងទៅនឹងបញ្ហាគ្រោះថ្នាក់ចរាចរ ដែលត្រូវបានគេគ្រប់គ្នាហៅថា «ឃាតករលេខមួយ» ប្រចាំប្រទេស។ ប៉ុន្តែចំនួនគ្រូពេទ្យជំនាញផ្នែកនេះមិនថានៅទីរួមខេត្តនោះទេ សូម្បីតែនៅរាជធានីភ្នំពេញផ្ទាល់ ក៏ហាក់ដូចជាមិនសូវមានច្រើននៅឡើយទេ ហេតុនេះហើយ ទើបខ្ញុំសង្ឃឹមថាការចូលសិក្សាផ្នែកមួយនេះ នឹងផ្តល់ឱកាសឲ្យខ្ញុំបានចូលរួមចំណែកក្នុងការដោះស្រាយបញ្ហានេះ ជាមួយនឹងគ្រូពេទ្យជំនាញដទៃទៀត។ ភាពលំបាកក្នុងការសិក្សា ការសិក្សាផ្នែកណាឬការបំពេញការងារផ្នែកណារមែងតែងមានឧបសគ្គប្លែកៗពីគ្នាជារឿយៗទៅតាមស្ថានភាពនៃសិស្សនិស្សិតផ្ទាល់លក្ខខណ្ឌរបស់សាលារៀន រួមផ្សំជាមួយនឹងកត្តា   ផ្សេងៗទៀតជាច្រើន។ ក្នុងនោះផងដែរ សម្រាប់ការសិក្សាដែលខ្ញុំធ្លាប់បានឆ្លងកាត់កន្លងមក ភាពលំបាកជាចម្បងគេ គឺចំនួនមេរៀនដែលត្រូវសិក្សាដែលមានចំនួនច្រើន។ លុះដល់ពេលត្រូវប្រលងម្តងៗ ក៏តម្រូវឲ្យចំណាយពេលវេលាច្រើនក្នុងការធ្វើការរំលឹកនូវមេរៀនទាំងនោះឡើងវិញ ដែលជាក់ស្តែង គឺមិនមែនជាកិច្ចការមួយងាយស្រួលនោះទេ។ ក្រៅពីការសិក្សានៅសាលារៀនក្នុងពេលថ្ងៃហើយ ក៏ត្រូវចុះកម្ម-សិក្សាតាំងពីពេលព្រឹកព្រលឹមផងដែរ។ បើទោះជាមានឧបសគ្គយ៉ាងនេះក្តីខ្ញុំបាទក៏មិនធ្លាប់នឹកគិតថានឹងចង់បោះបង់វាចោល ហើយតែងតែមានការខិតខំប្រឹងប្រែងតស៊ូជានិច្ច ក៏ព្រោះតែជម្រើសយកជំនាញមួយនេះ គឺកើតឡើង ពីទឹកចិត្តស្រលាញ់ការងារផ្នែកនេះរបស់ខ្ញុំបាទផ្ទាល់តាំងពីកុមាររួចមកហើយ។ គន្លឹះនៃការសិក្សា ខ្ញុំក៏ដូចជានិស្សិតផ្សេងៗដែរ ចាំបាច់ត្រូវអានសៀវភៅឲ្យបានច្រើន និងចៀសវាងដាច់ខាតនូវការទុកឲ្យមេរៀននៅគរច្រើនពេក ជាពិសេសហាមការពន្យារដល់ថ្ងៃប្រលងទើបធ្វើការរំលឹកតែម្តង។ អ្វីដែលអ្នកគួរធ្វើ គឺគួរតែចាប់ផ្តើមមើលវាតាំងតែពីដើមមកជាបន្តបន្ទាប់ហូរហែ។ បន្ថែមពីលើការសិក្សានៅសាលារៀនហើយ និស្សិតផ្នែកនេះគួរតែចុះកម្មសិក្សាឲ្យបានច្រើន ព្រោះថាការសិក្សាចាំបាច់ណាស់ត្រូវមានការផ្សារភ្ជាប់រវាងទ្រឹស្តី និងការអនុវត្ត។ ជាក់ស្តែង ការស្វែងយល់ពីជំងឺមួយនៅក្នុងសៀវភៅមិនប្រាកដថាច្បាស់លាស់ដូចអ្វីដែលនិស្សិតអាចនឹងជួបប្រទះក្នុងពេលចុះកម្មសិក្សាផ្ទាល់នោះទេ។ មិនត្រឹមតែប៉ុណ្ណោះ ការចុះកម្មសិក្សានេះទៀតសោត ប្រៀបបានជាឱកាសដ៏ល្អមួយសម្រាប់ឲ្យនិស្សិតបានធ្វើការសិក្សារៀនសូត្រពីនិស្សិតរៀមច្បងក៏ដូចជា សាស្រ្តាចារ្យដែលពោរពេញដោយបទពិសោធន៍ផងដែរ។ បំណងប្រាថ្នានៃអនាគត ចំពោះខ្ញុំបាទផ្ទាល់ គម្រោងនាថ្ងៃអនាគតរបស់ខ្ញុំ គឺមានបំណងបើកគ្លីនិកដោយខ្លួនឯងមួយ និងព្យាយាមកសាងកេរ្តិ៍ឈ្មោះឲ្យបានល្បាញល្បី ដើម្បីចូលរួមចំណែកក្នុងការជួយទ្រទ្រង់សង្គមជាតិ ជាពិសេសគឺជួយដល់ប្រជាជនកម្ពុជាយើងបានកាន់តែច្រើនកាន់តែប្រសើរ។ សារជូនមិត្តអ្នកអាន ខ្ញុំបាទក៏មានពាក្យពេចន៍មួយចំនួនចែករំលែកជូនសិស្សប្អូនដែលមានបំណងសិក្សាផ្នែកនេះ ឲ្យខិតខំប្រឹងប្រែងរៀនសូត្រ ហើយត្រៀមទាំងកម្លាំងកាយ និងចិត្តរួចជាស្រេច ព្រោះថាការសិក្សាផ្នែកនេះងាយនឹងប្រឈមជាមួយការជួបប្រទះឈាមច្រើន ដែលទាមទារនូវការរៀបរយស្មារតីខ្ពស់ជានិច្ច។

Career & Education For Health Practitioners
Share
  • Mar 14, 2017 |
  • 7 years ago |
  • 3.3K views

៤ស្នៀតឆ្លៀតសណ្តំនិងយកឈ្នះចិត្តដៃគូជម្លោះ

វាជារឿងមួយធម្មតាដែលមិនអាចចៀសបាននៅពេលដែលអ្នកមានជម្លោះជាមួយនឹងនរណាម្នាក់​ ប៉ុន្តែអ្វី ដែលសំខាន់ថាតើយើងគួរដោះស្រាយបញ្ហានោះដោយរបៀបណា? នៅក្នុងវិស័យការងារ ក៏ដូចជាវិស័យអាជីវកម្ម ទំនាស់ភាគច្រើនកើតឡើងពីការបែងចែកផលប្រយោជន៍មិនស្មើគ្នា ការមិនទុកចិត្តគ្នា ផ្នត់គំនិតមិនចុះសម្រុងគ្នា បញ្ហាអាកប្បកិរិយាជាដើម ដូចនេះភាគីទាំងសងខាងតែងតែប្រកាន់ខ្ជាប់ជំហររបស់ខ្លួនជានិច្ច។ អាស្រ័យហេតុនេះ ដើម្បីដោះស្រាយបញ្ហាទាំងនោះ ហេលស៍ថាម​ នឹងណែនាំវិធីសាស្ត្រខ្លះក្នុងការនិយាយឬចរចាឲ្យមានប្រសិទ្ធភាព។ យុទ្ធសាស្ត្រ «ប្រសិនបើ…..នឹង…..»     គោលបំណង៖ ដើម្បីបង្កើនទំនុកចិត្តរវាងដៃគូសហការ ជាពិសេសសម្រាប់ដៃគូដែលមានភាពប្រុងប្រយ័ត្ន ខ្ពស់។ យុទ្ធសាស្ត្រផ្តោតលើចំណុចសំខាន់២ គឺ បង្កើនកំណើន និងកំណត់ភាពថយចុះ ដែលមានហានិភ័យតិច។  «ប្រសិនបើ» គឺសំដៅទៅលើគោលបំណងឬអ្វីដែលដៃគូរបស់អ្នកចង់បាន​ ឬសំណូមពរ របស់គាត់នៅក្នុង អាជីវកម្ម ចំពោះ «នឹង» សំដៅទៅលើអ្វីដែលគាត់បានទទួលពីអ្នក។ នៅក្នុង «នឹង» អ្នកអាចនិយាយបង្កប់នូវ ការទាមទាររបស់អ្នកចំពោះសំណើរបស់គាត់ ប៉ុន្តែត្រូវចងចាំថាត្រូវបូកបញ្ចូលអ្វីដែលគាត់អាចទទួលបានអំពីសំណើ របស់គាត់។ យុទ្ធសាស្ត្រ «ពន្លើស​»     គោលបំណងគឺដើម្បីបង្កើតឱកាសនិងកំណើនឲ្យកាន់តែធំ កាន់តែល្អ។ វាកើតឡើងជាទូទៅក្នុងស្ថានភាព ដែលអតិថិជនទទួលបានវត្ថុនៅក្នុងតម្លៃមួយ ឬ មិនទទួលបានអ្វីទាល់តែសោះ។ ដោយសារតែច្បាប់នៃការផ្ទុយគ្នា អាចធ្វើឲ្យមនុស្សមើលឃើញតម្លៃប្រៀបធៀបរវាងបរិមាណមួយទៅនឹង ០ គឺខុសគ្នាខ្លាំង។ នៅក្នុងយុទ្ធសាស្ត្រនេះ អតិថិជននឹងមានអារម្មណ៍ថាពួកគាត់នឹងអាចបាត់បង់ប្រសិនបើមិនធ្វើការសម្រេចចិត្ត។ ដូចនេះអ្នកអាចប្រើប្រាស់ វិធីសាស្ត្រនេះដើម្បីបំភាន់អារម្មណ៍របស់ដៃគូសហការ។​ យុទ្ធសាស្ត្រ «សមរភូមិប្រយុទ្ធរុស្ស៊ី»     យុទ្ធសាស្ត្រនេះត្រូវបានប្រើប្រាស់នៅពេលដែលអ្នកចង់ឲ្យដៃគូសហការជ្រើសរើសជម្រើសគោលដៅរបស់ អ្នក។ ក្នុងវិធីសាស្ត្រនេះ អ្នកផ្តល់ជម្រើស២ដល់អតិថិជនឬដៃគូសហការ ដោយជម្រើសទី១គឺជាជម្រើសដែលអ្នក ចង់ឲ្យដៃគូរអ្នករើស និងជម្រើសទី២គឺមានស្ថានភាពអាក្រក់ជាងជម្រើសទី១ ឬ អន់ជាង។ គោលបំណងគឺដើម្បីឲ្យ អតិថិជន ជ្រើសរើសយកវត្ថុដែលអ្នកចង់បានដោយសមហេតុផល ដោយពួកគាត់ប្រាកដជាជ្រើសយកជម្រើសល្អ ក្នុងចំណោមជម្រើសអន់។ ត្រូវចងចាំថា អ្នកអាចផ្តល់ជម្រើសជាច្រើន តែដោយរក្សាជម្រើសដែលអ្នកចង់ឲ្យ អតិថិជនជ្រើសនៅល្អជាងគេ។ យុទ្ធសាស្ត្រ «ជំហានតូចៗ ដូចញ៉ាំសាឡាមី»     ពេលខ្លះប្រហែលជាគោលបំណង ឬអ្វីដែលអ្នកចង់សម្រេចពីដៃគូរសហការគឺធំពេក ដែលអ្នកគិតថាគេអាច នឹងបដិសេធប្រសិនបើអ្នកណែនាំគម្រោងម្តងទាំងអស់។ នៅក្នុងស្ថានភាពនេះ អ្នកអាចប្រើយុទ្ធសាស្ត្រដូចការញ៉ាំ សាឡាមីដោយកាត់ជាចំណិតៗ។ អ្នកច្រៀកគម្រោងរបស់អ្នកជាផ្នែកៗ រួចនិយាយជាមួយនឹងដៃគូរដោយមិនប្រាប់ ពីគម្រោងសរុប។ ធ្វើដូចនេះអតិថិជននឹងគិតថាអ្វីដែលលើកឡើងគឺសមល្មម ដែលមិនធំពេក។ អ្នកធ្វើដូចនេះម្តង មួយៗដោយពង្វក់ដៃគូឲ្យភ្លេចអំពីទំហំទាំងមូលនៃគម្រោងនោះ។

Career & Education
Share
  • Mar 14, 2017 |
  • 7 years ago |
  • 20.9K views

ផ្នត់គំនិត២ ដែលអ្នកចង់ជាប់អាហារូបករណ៍មិនអាចខ្វះបាន ពីម្ចាស់ហាងChannimol & Charms

ឲ្យតែលឺពាក្យថាអាហារូបករណ៍ គឺដឹងតែមានអារម្មណ៍ថាភ័យៗ! អរៗ! ចង់ទៅណាស់ឃើញគេ ទៅព្រោងព្រាត មិនដឹងថាពេលណាដល់ពេលខ្លួនឯងបានជាប់ទៅម្តងនោះទេបើសុទ្ធតែអ្នកខ្លាំង។ យោងទៅតាមបងស្រី គា ច័ន្ទនិមលជាអតីតសិស្សជាប់អាហារូបករណ៍សហរដ្ឋអាមេរិក បានមានប្រសាសន៍ថាការជាប់អាហារូបករណ៍អ្នកណាៗក៏អាចធ្វើបានឲ្យតែមានការតាំងចិត្ត និងអនុវត្តតាមវិធីសាស្ត្រមួយចំនួនដែលមានចំណុចសំខាន់២ដែលអ្នកដែលចង់ដាក់អាហារូបករណ៍ត្រូវមានក្នុងខ្លួន៖ ការប្តេជ្ញាចិត្ត     មុននឹងអ្នកសម្រេចចិត្តធ្វើអ្វីមួយ ជាទូទៅអ្នកត្រូវមានការតាំងចិត្តនិងការប្តេជ្ញាចិត្តច្បាស់លាស់ ចេញពីក្នុងខ្លួនរបស់អ្នកដើម្បីឲ្យអ្នកការងារកំពុងនឹងធ្វើសម្រេចបាននូវភាពជោគជ័យ។ វាមានលក្ខណៈ ដូចគ្នាទៅនឹងការដាក់អាហារូបករណ៍ដូចគ្នា ដែលត្រូវការការតាំងចិត្តខ្ពស់ព្រោះការដាក់ អាហារូបករណ៍ទាមទារភាពក្លាហាន និងភាព អំណត់អត់ធន់។ អ្នកត្រូវចងចាំថាមានបេក្ខជនជាច្រើន កំពុងតែដាក់ដូចអ្នកដែរ ដូចនេះអ្នកត្រូវប្រាកដក្នុងចិត្ត និង មានភាពជឿជាក់ជាមួយខ្លួនឯងថានឹងយក អាហារូបករណ៍នោះអោយបាន។ ការសរសេរច្បាស់លាស់  សម្រាប់អ្នកដែលចង់បានអាហារូបករណ៍និងធ្លាប់ដាក់អាហារូបករណ៍ប្រាកដជាដឹងថាមានការ សរសេរជាលក្ខណៈតែងសេចក្តីដើម្បីបរិយាយខ្លួនឯងដែលជាចំណុចសំខាន់ក្នុងការទាញយកអាហា រូបករណ៍នោះមកជិតនឹងអ្នក។ ការសរសេរត្រូវមានគម្រោងច្បាស់លាស់ដើម្បីអោយអ្នកដែលផ្តល់មាន អារម្មណ៍ថាចង់ផ្តល់អាហារូបករណ៍នោះមកអ្នក។ អ្វីដែលសំខាន់អ្នកត្រូវរើសយកបញ្ហានៅក្នុង ប្រធានបទនោះរួចរកដំណោះស្រាយដែលសមរម្យចំពោះបញ្ហានោះ។ ដើម្បីកុំឲ្យមានភាពខុសឆ្គងច្រើន អ្នកអាចនឹងសួរយោបល់អំពីអ្នកដែលមានបទពិសោធន៍អំពីអាហាររូបករណ៍ ឬសិស្សច្បងដែលធ្លាប់ ជាប់រួចមកហើយដើម្បីពិនិត្យនិងកាត់បន្ថយកំហុសរបស់ខ្លួន។ អ្វីគួរចៀសវាង     មានប្អូនៗមួយចំនួនបានសុំយោបល់ ជាពិសេសសំណេររបស់សិស្សច្បងដើម្បីយកជាយោបល់ ប៉ុន្តែមាន ប្អូនៗមួយចំនួន បានចម្លងយកគំនិតទៅសរសេរ។ ដែលសកម្មភាពទាំងនេះអាចធ្វើឲ្យអ្នកមិន ត្រូវបានជ្រើសរើសដោយស្វ៍យប្រវត្តិ ពីព្រោះអ្នកជ្រើសរើសអាចដឹងថាសំណេរទាំងនេះមិនបានសរសេរ ចេញពីចិត្តរបស់អ្នកឡើយ។ អនុសាសន៍ ការដាក់អាហារូបករណ៍មិនប្រកាន់ថាតើអ្នកគឺជានរណា មកពីណា ឲ្យតែមានភាពតស៊ូព្យាយាម ក្នុងការដាក់ និងមិនបោះបង់ចោលសេចក្តីស្រមៃរបស់អ្នកនោះអ្នកនឹងជាប់។ ការប្រលងប្រជែងតែង មានធ្លាក់មានជាប់ ដូចនេះអ្វីដែលសំខាន់ដួលគឺចេះងើបឡើងមកវិញដើម្បីបន្តដំណើរទៅមុខទៀត។

Career & Education
Share
  • Mar 02, 2017 |
  • 7 years ago |
  • 2.9K views

មិនថាពេលចាប់ផ្តើម ឬពង្រីកអាជីវកម្ម សុទ្ធតែត្រូវការយុទ្ធសាស្រ្តហិរញ្ញវត្ថុច្បាស់លាស់

នាថ្ងៃទី ២៧ ខែកុម្ភៈឆ្នាំ ២០១៧  វេលាម៉ោង ១៧ និង ៣០ នាទី កន្លងទៅនេះ Park Café សហការជាមួយនឹង Educational Development Institute បានរៀបចំវេទិកាពិភាក្សាពាណិជ្ជកម្មថ្មីដែលផ្តោតទៅលើ «ការអភិវឌ្ឍយុទ្ធសាស្ត្រហិរញ្ញវត្ថុ ក្នុងការចាប់ផ្តើមអាជីវកម្ម និង ពង្រីកអាជីវកម្ម» ដើម្បីឆ្លើយទៅនឹងសំណួរថា «តើត្រូវធ្វើដូចម្តេចដើម្បីជម្រុញឲ្យអាជីវកម្មមួយអាចរីកចម្រើនទៅបាន និងដំណើរការយ៉ាងមានប្រសិទ្ធភាព?» វេទិកាពិភាក្សានេះ បានធ្វើឡើងនៅភោជនីយដ្ឋាន ផាកកាហ្វេសាខាត្រសក់ផ្អែម ដែលមានអ្នកចូលរួមជិត៥០នាក់ និង វាគ្មិនកិត្តិយស៣រូបចូលរួមចែករំលែកបទពិសោធន៍គឺ៖ -លោក ប៉ិច បូឡែន អគ្គនាយកនៃក្រុមហ៊ុន Westline Education Group  - លោក គុយ វ៉ាត់ អគ្គនាយកនៃក្រុមហ៊ុន V-Trust Group  -លោក ម៉ៅ សាវិន ប្រធានផ្នែកវិនិយោគជាន់ខ្ពស់នៃ Emerging Markets Investment Advisers កម្ពុជា។  វេទិកាពិភាក្សានេះពោរពេញទៅដោយសក្តានុពលភាពដោយវាគ្មិននីមួយៗបានរៀបរាប់យ៉ាងក្បោះក្បាយអំពីដំណើរការនៃការធ្វើអាជីវកម្ម ក៏ដូចជាយុទ្ធសាស្ត្រសំខាន់ៗក្នុងការគ្រប់គ្រងហិរញ្ញវត្ថុ ដែលអាជីវករគ្រប់រូបគួរយល់ដឹងក្នុងដំណាក់កាលធ្វើអាជីវកម្ម។ អ្វីដែលគួរឲ្យចាប់អារម្មណ៍នោះ គឺ«ការប្រៀបធៀបការធ្វើអាជីវកម្មជាមួយនឹងឡាន ដែលយើងត្រូវពិនិត្យមើលឲ្យគ្រប់ជ្រុងជ្រោយនូវលក្ខណៈសម្បត្តិរបស់ឡាន ក៏ដូចជាគ្រឿងម៉ាស៊ីនរបស់វា បើមិនដូច្នោះទេយើងនឹងមិនអាចទៅកាន់គោលដៅរបស់យើងបាននោះឡើយ»។ ជាមួយគ្នានេះដែរ សិក្ខាសាលាមួយនេះបានដំណើរការដោយរលូន និង រស់រវើកជាមួយនឹងការសួរសំណួរយ៉ាងស្វាហាប់ផងដែរពីសំណាក់អ្នកចូលរួម។  គួរបញ្ជាក់ផងដែរថា កម្មវិធីនេះអាចដំណើរការទៅបានក្រោមការឧបត្ថម្ភធំដោយធនាគារRHB ក្រុមហ៊ុន Coca Cola និងក្រុមហ៊ុនសន្តិសុខលីប្រា ព្រមទាំងសហការគាំទ្រដោយ CIC, YEAC និង JCI Cambodia  ដោយមាន ហេលស៍ថាមខប Impact, F&B Pub និង សប្បាយ ជាដៃគូផ្សព្វផ្សាយ ហើយនិងការសហការឧបត្ថម្ភពីKofi ផងដែរ។ Park Café នឹងរៀបចំវេទិកាពិភាក្សាពាណិជ្ជកម្មដូចនេះជារៀងរាល់ខែ។ ដូច្នេះ ក្នុងករណីដែលលោកអ្នកមានបំណងអញ្ជើញចូលរួមក្នុងសិក្ខាសាលាបន្ទាប់ សូមធ្វើការទាក់ទងទៅកាន់លេខទូរស័ព្ទ 012 232 823 ឬក៏  077 676 423 ក្នុងការកក់សំបុត្រចូលរួម។

Career & Education
Share
  • Feb 27, 2017 |
  • 7 years ago |
  • 2.8K views

What Exactly is Entrepreneurship?

Entrepreneurship starts since when you are in school, intern, work, how well are you doing?  Some people are not doing their best while they are in school, intern, in workplace and saying that they will do well when they start their own start up, how could that be possible if you never tried your best in things you do? Workplace is a great place to try your best, and you will realize a lot of things you have tried your best do not bring the result you want, but at least when you want to start up, you experienced more than you didn't try your best in work. Work with responsibilities and feeling of ownership, and start building your personal profile from today.

Career & Education
Share
  • Feb 27, 2017 |
  • 7 years ago |
  • 3.4K views

ឱសថស្ថាន Help Plus «យើងចង់បង្ហាញនូវមុខមាត់ថ្មីនៃឱសថស្ថាន»

នាពេលដែលប្រទេសកម្ពុជាកំពុងតែមានសន្ទុះនៃការអភិវឌ្ឍគួរឲ្យកត់សម្គាល់លើគ្រប់វិស័យនោះ វិស័យសុខាភិបាលក៏កំពុងតែមានការរីកចម្រើនផងដែរ។ ជាក់ស្តែង យើងឃើញមានវត្តមានឱសថស្ថានទំនើបកំពុងរីកលូតលាស់ជាបន្តបន្ទាប់ ក្នុងនោះមានឱសថស្ថានមួយដែលទើបចាប់កំណើតលើទឹកដីទីក្រុងភ្នំពេញកាលពីថ្ងៃទី៣ ខែមេសា ឆ្នាំ២០១៦ គឺឱសថស្ថានHelp Plus ដែលមានលោក Eric Seah ជានាយកផ្នែកគ្រប់គ្រង ដែលលោកធ្លាប់បានបម្រើការជាអ្នកវិភាគការស្រាវជ្រាវ និងធ្លាប់បម្រើការផ្នែកContract Engineer។ ស្របពេលជាមួយគ្នានេះដែរ លោកក៏ធ្លាប់បានធ្វើការងារក្រៅម៉ោងទាក់ទិននឹងការរចនាអាវយឺត ក៏ដូចជារៀបចំនូវព្រឹត្តិការណ៍ និងហ្គេមកម្សាន្តផងដែរ។ ការបង្កើត និងទស្សនវិស័យ ឱសថស្ថាន Help Plus កំពុងដំណើរការជាមួយនឹងបាវចនា «យើងកំពុងបង្ហាញនូវមុខមាត់ថ្មីនៃឱសថស្ថាន» រួមជាមួយក្តីសង្ឃឹមក្នុងការប្រើប្រាស់បច្ចេកវិទ្យាថ្មីផ្នែកវេជ្ជសាស្រ្ត និងការចាប់អារម្មណ៍ទៅលើការលក់រាយនៃឱសថនៅថ្ងៃអនាគត។ លោក Eric ក៏បានបន្តទៀតថា «យើងនឹងធ្វើការអភិវឌ្ឍខ្លួនឯងជាមួយនឹងគំនិតថ្មីប្លែក ដើម្បីទាក់ទាញអតិថិជន ប្រៀបដូចជាអ្វីដែលBrownបានធ្វើដែរ។ ឱសថស្ថានជាទូទៅ គឺប្រើប្រាស់ពណ៌សនៅក្នុងការរចនា ប៉ុន្តែយើងនឹងនាំរូបភាពថ្មីសម្រាប់អតិថិជន ហើយយើងក៏ចង់ជាចំណែកមួយនៃក្រុម ដើម្បីនាំជូននូវឱសថដែលត្រឹមត្រូវ និងមានប្រសិទ្ធភាពជូនដល់អ្នកប្រើប្រាស់»។ ហេតុផល៣យ៉ាង ក្នុងការបង្កើតឱសថស្ថាន ហេតុផលចម្បងគេ គឺជាឆន្ទៈក្នុងការកែប្រែមុខមាត់របស់ឱសថស្ថាន។ ជាក់ស្តែង ឱសថជាកត្តាមួយដ៏សំខាន់ក្នុងការជួយដល់សារពាង្គកាយរបស់មនុស្សសម្រាប់ទាំងការបង្ការ និងការព្យាបាល។ ឱសថស្ថានHelp Plus ក៏បានផ្តល់ជូននូវអាហារបំប៉នដែលត្រូវបានរចនាជាពិសេសសម្រាប់រាងកាយ និងសុខភាពទាំងមូល ដើម្បីបង្ការបញ្ហាជាច្រើនមិនឲ្យកើតឡើង។ អ្វីដែលHelp Plusកំពុងធ្វើ គឺមិនត្រឹមតែធ្វើឲ្យអតិថិជនចូលមក ហើយទិញផលិតផលរបស់យើងនោះទេ ប៉ុន្តែពួកគេនឹងចូលមក ហើយអង្គុយប្រឹក្សាជាមួយនឹងឱសថការីផ្ទាល់ ដើម្បីធ្វើការស្វែងយល់ពីអាការៈ ក៏ដូចជាស្ថានភាពនៃរាងកាយ។ មិនត្រឹមតែប៉ុណ្ណោះ ឱសថស្ថានក៏កំពុងដំណើរការរយៈពេល២៤ម៉ោងក្នុងមួយថ្ងៃ ដើម្បីបំពេញតម្រូវការរបស់អតិថិជន ជាពិសេសនៅពេលពាក់កណ្តាលអធ្រាត្រ ក៏ព្រោះថាមានឱសថស្ថានតែមួយចំនួនតូចប៉ុណ្ណោះដែលដំណើរការពេញមួយថ្ងៃ។ ជាមួយនឹងទីតាំងនៅកណ្តាលទីក្រុងភ្នំពេញ ឱសថស្ថានHelp Plus ជឿជាក់ថានឹងអាចឲ្យបំពេញនូវតម្រូវការ និងក្តីសង្ឃឹមរបស់អតិថិជនឲ្យបានទាន់ពេលវេលា។ មូលហេតុបន្ទាប់មួយទៀត គឺដោយសារតែការមើលឃើញនូវកង្វះខាតនូវឱសថស្ថានបែបទំនើប។ ជាក់ស្តែង នៅក្នុងរាជធានីភ្នំពេញ គឺមានប្រជាជនដល់ទៅជាង២.៥លាននាក់ ប៉ុន្តែមានតែប្រមាណ១៨ឱសថស្ថានទំនើបប៉ុណ្ណោះ ហេតុនេះហើយ លោកEric មានការយល់ឃើញថា «ការអភិវឌ្ឍផ្នែកឱសថសាស្រ្តកាន់តែខ្លាំងក្លា នឹងកាន់តែប្រសើរសម្រាប់អតិថិជន»។ តម្លៃដែលគួរផ្តល់ ដើម្បីបង្កើតទំនុកចិត្តជូនអតិថិជន ឱសថស្ថានHelp Plus ត្រូវធ្វើការយ៉ាងជិតស្និទ្ធជាមួយនឹងក្រសួងសុខាភិបាល ដោយសារតែរាល់គ្រប់ផលិតផលសុទ្ធតែត្រូវការឆ្លងកាត់ការពិនិត្យដោយម៉ត់ចត់ ដើម្បីប្រាកដថាផលិតផលទាំងអស់សុទ្ធតែមានការចុះបញ្ជិកា។ ដោយសារតែដំណាក់កាលនៃចុះបញ្ជិកានេះត្រូវការរយៈពេលរាងយូរបន្តិច ហេតុនេះហើយ យើងត្រូវពឹងផ្អែកទាំងស្រុងទៅលើអ្នកផ្គត់ផ្គង់។ យ៉ាងណាមិញ អ្នកផ្គត់ផ្គង់ខ្លះហាក់ដូចជាយកចិត្តទុកដាក់តែលើប្រាក់ចំណេញ ប៉ុន្តែឱសថស្ថានHelp Plus គឺផ្តោតសំខាន់លើការនាំមកជូនអតិថិជននូវផលិតផលមួយដែលត្រឹមត្រូវ និងមានប្រសិទ្ធភាព។ ម្យ៉ាងវិញទៀត គ្រប់ផលិតផលទាំងអស់ គឺត្រូវធានាថាបានការពារគុណភាព និងសីតុណ្ហភាព ព្រមទាំងកត្តារំខានផ្សេងៗទៀត ដូចជា ការសាបពណ៌ រូបរាង ការវេចខ្ចប់ជាដើម។ បន្ថែមពីលើនេះផងដែរ បុគ្គលិករបស់ឱសថស្ថានHelp Plus តែងតែមាននៅទីនេះជានិច្ច ដើម្បីធ្វើការប្រឹក្សា និងជជែកជាមួយនឹងអតិថិជន មិនត្រឹមតែដើម្បីធ្វើការបញ្ចុះបញ្ចូលពួកគេឲ្យធ្វើការជាវផលិតផលនោះទេ គឺដើម្បីឲ្យពួកគាត់មានការយល់ដឹងពីអាការៈរបស់ខ្លួន ព្រមទាំងបង្កើតនូវទំនាក់ទំនងជាមួយនឹងពួកគេឲ្យប្រៀបដូចជាសមាជិកគ្រួសារ ឬមិត្តភក្តិដែរ។ យើងព្យាយាមធ្វើបែបនេះ គឺដើម្បីធានាថានឹងមានអតិថិជនត្រលប់មកកាន់ឱសថស្ថានរបស់យើងជាថ្មីម្តងទៀតនាពេលក្រោយ។ ឧបសគ្គដែលបានជួបប្រទះ ដូចដែលបានជម្រាបជូនខាងលើដែរ ឧបសគ្គដ៏ធំជាងគេ គឺការចុះបញ្ជិកា ព្រោះថានៅក្នុងឱសថស្ថាន គឺមាននូវផលិតផលជាច្រើនប្រភេទដែលត្រូវការចុះបញ្ជិពីក្រសួងសុខាភិបាល ដូច្នេះហើយ ការផ្តល់ជូនឱសថដែលត្រឹមត្រូវឲ្យបានទាន់ពេលវេលាហាក់ដូចជាមានភាពលំបាកបន្តិច ប៉ុន្តែយើងក៏មានក្រុមការងារសម្រាប់ដោះស្រាយបញ្ហានេះផងដែរ។ បញ្ហាលំបាកមួយទៀត គឺទាក់ទិនទៅនឹងអ្នកផ្គត់ផ្គង់ ដោយសារតែអ្នកខ្លះគិតតែការលក់ឲ្យបានច្រើន ដែលជាហេតុនាំឲ្យពេលខ្លះពួកគេកាត់បន្ថយនូវទំនិញដែលផ្តល់ឲ្យភ្លាមៗ។ លក្ខណៈពិសេស ឱសថស្ថានHelp Plus ប្រៀបបាននឹងភ្នាក់ងារលក់រាយក្នុងកម្រិត2.0 ដោយមានផ្តល់នូវសេវាកម្មជូនអតិថិជន ដោយធ្វើការផ្លាស់ប្តូរការរចនា និងបែបបទថ្មី ដើម្បីទាក់ទាញចំណាប់អារម្មណ៍របស់អតិថិជន ឲ្យមកក្នុងឱសថស្ថានមិនត្រឹមតែដើម្បីទិញផលិតផល តែពួកគេនឹងចំណាយពេលខ្លះក្នុងការអង្គុយប្រឹក្សា និងដើរទស្សនានូវការដាក់តាំងផលិតផលដែលមាន។ ចំណុចពិសេសមួយទៀត គឺការរចនាខាងក្នុងយ៉ាងទាក់ទាញដែលធ្វើឲ្យអតិថិជនមិនមានអារម្មណ៍ថាខ្លួនកំពុងតែនៅក្នុងឱសថស្ថាននោះឡើយ។ សម្រាប់តម្លៃនៃផលិតផលវិញ គឺឱសថស្ថានព្យាយាមនាំយកនូវផលិតផលដែលមានចុះបញ្ជិកា ដើម្បីបំពេញតម្រូវការរបស់អតិថិជន និងធ្វើការងារយ៉ាងជិតស្និទ្ធជាមួយនឹងម៉ាកផលិតផលមួយចំនួន ដើម្បីធ្វើការផ្សព្វផ្សាយជាមួយនឹង Brand Awareness Campaign។ លោកក៏បានបន្ថែមផងដែរថា ៖ «យើងត្រូវប្រាកដថា ជារៀងរាល់ខែ យ៉ាងហោចណាស់ក៏មានយុទ្ធនាការដើម្បីផ្សព្វផ្សាយផលិតផលមួយ»។ បន្ថែមពីលើនេះផងដែរ យើងក៏មានសេវាវេចខ្ចប់កាដូដោយមិនគិតថ្លៃ សម្រាប់អតិថិជនដែលជាវលើសពី៦០ដុល្លា ហើយយើងក៏មានគម្រោងបង្កើតនូវភាពភ្ញាក់ផ្អើល និងអារម្មណ៍ថ្មីដល់អតិថិជន ព្រមទាំងមានគម្រោងលក់តាមOnlineផងដែរ។ វិធីសាស្រ្តអភិវឌ្ឍ អ្វីដែលយើងធ្វើ គឺព្យាយាមធ្វើឲ្យអស់ពីលទ្ធភាព មិនមែនតែដើម្បីយកឈ្នះលើដៃគូប្រកួតប្រជែងនោះទេ អ្វីដែលឱសថស្ថានHelp Plus កំពុងធ្វើ គឺបម្រើនូវសេវាកម្មផ្នែកមួយនេះតាមដែលអាចធ្វើបាន ជាក់ស្តែង ការត្រៀមបង្កើតនូវការលក់តាមរយៈប្រព័ន្ធOnline ដោយមានផងដែរនូវសេវាដឹកជញ្ជូន។ លើសពីនេះទៅទៀត បុគ្គលិករបស់យើងក៏កំពុងតែទទួលបានការបណ្តុះបណ្តាលនូវការសរសេរអត្ថបទផងដែរ ហើយយើងមិនមែនធ្វើឡើងដើម្បីប្រណាំងប្រជែងជាមួយនឹងផ្នែកបោះពុម្ពផ្សាយឡើយ គឺយើងគ្រាន់តែចង់ឲ្យអតិថិជនដែលចូលមកបានយល់ច្បាស់ពីការប្រើប្រាស់ និងប្រសិទ្ធភាពប្រើប្រាស់នៃឱសថទាំងនោះ។      សារសម្រាប់មិត្តអ្នកអាន និងអនាគតសហគ្រិន ប្រសិនបើអ្នកមានបំណងចង់ធ្វើអាជីវកម្មណាមួយ អ្នកគួរតែចាប់ផ្តើមធ្វើវា ព្រោះថាទីផ្សារនៅកម្ពុជានៅទូលាយនៅឡើយ ជាពិសេសខាងវិស័យឱសថសាស្រ្ត និងវិស័យដទៃជាច្រើនទៀត។ សម្រាប់លោកផ្ទាល់ លោកមានមោទនភាព និងស្ញើចសរសើរចំពោះការបង្កើតនូវមុខមាត់ថ្មីស្រឡាង និងជោគជ័យរបស់Brown Coffee and Bakery ដែលជាហាងកាហ្វេទំនើបទីមួយដែលត្រូវបានទទួលស្គាល់គុណភាពទាំងអតិថិជនទាំងក្នុង និងក្រៅប្រទេស។ លោកក៏បានបញ្ជាក់ផងដែរថា «រាល់ការចាប់ផ្តើមថ្មី គឺតែងតែមានឧបសគ្គនៅក្នុងដំណើរការ តែបញ្ហាអ្វីក៏មានដំណោះស្រាយដែរ នៅថ្ងៃណាមួយ ជោគជ័យនឹងស្ថិតនៅក្នុងដៃរបស់អ្នកជាមិនខាន»  ហើយលោកក៏បើកទូលាយក្នុងការចែករំលែកនូវបទពិសោធន៍ក្នុងការគម្រោងផ្សេងៗទាក់ទងនឹងអាជីវកម្ម និងការងារផ្សេងៗ ចំពោះសហគ្រិនវ័យក្មេងទាំងឡាយដែលមានចម្ងល់ ឬមន្ទិលសង្ស័យ ហើយចង់ស្តាប់នូវការចែករំលែកពីរូបលោកផងដែរ។

Career & Education
Share
  • Feb 22, 2017 |
  • 7 years ago |
  • 3.3K views

សិក្ខាសាលាស្តីពី "ការតម្រង់ទិសនិស្សិតថ្នាក់វេជ្ជបណ្ឌិតឯកទេស"

នារសៀលថ្ងៃទី ២២ ខែកុម្ហ: ឆ្នាំ២០១៧ នេះ និស្សិតថ្នាក់វេជ្ជបណ្ឌិតឯកទេសឆ្នាំទី១ ទី២ និង ទី៣ របស់មហាវិទ្យាល័យវេជ្ជសាស្រ្តនៃសាកលវិទ្យាល័យវិទ្យាសាស្រ្តសុខាភិបាល"ស.វ.ស" សរុបប្រមាណជាង៤០០នាក់ បានអញ្ជើញចូលរួមក្នុងសិក្ខាសាលាស្តីពី "ការតម្រង់ទិសនិស្សិតថ្នាក់វេជ្ជបណ្ឌិតឯកទេស" នៅសាលសាស្រ្តាចារ្យ មី សាមឺឌី ជាន់ទី៩ អគារសម្តេចអគ្គមហាសេនាបតីតេជោ ហ៊ុន សែន (អគារទី៣) ទីតាំងទី១ នៃ ស.វ.ស។ សិក្ខាសាលានេះ ប្រារព្ធឡើងក្រោមអធិបតីភាពឯកឧត្តមសាស្ត្រាចារ្យ សាផុន វឌ្ឍនៈ (HE. Prof. SAPHONN Vonthanak) សាកលវិទ្យាធិការនៃ ស.វ.ស និង វត្តមានអញ្ជើញចូលរួមពីសំណាក់លោកសាកលវិទ្យាធិការរង លោកព្រឹទ្ធបុរស ព្រឹទ្ធបុរសរង មន្រ្តីរាជការ បុគ្គលិក របស់មហាវិទ្យាល័យវេជ្ជសាស្រ្ត និង ឯកឧត្តម លោក-លោកស្រ្តីសាស្រ្តាចារ្យ ជាប្រធាន អនុប្រធានដេប៉ាតីម៉ង់ទាំង២១ ថ្នាក់វេជ្ជបណ្ឌិតឯកទេសរបស់មហាវិទ្យាល័យវេជ្ជសាស្រ្ត។ មានមតិសំណេះសំណាលក្នុងឱកាសនោះ ឯកឧត្តមសាកលវិទ្យាធិការបានសម្តែងនូវការអបអរសាទរចំពោះនិស្សិតថ្នាក់វេជ្ជបណ្ឌិតឯកទេសទាំងអស់ ជាពិសេសនិស្សិតឆ្នាំទី១ថ្មី ដែលទើបនឹងប្រឡងជាប់ចូលរៀននាឆ្នាំសិក្សាថ្មីនេះ។ ឯកឧត្តមបានលើកឡើងពីការរីកចម្រើនក្នុងការបណ្តុះបណ្តាលនៅមហាវិទ្យាល័យវេជ្ជសាស្រ្ត ក៏ដូចជាសាកលវិទ្យាល័យទាំងមូល ពីការបង្រៀនតែទ្រឹស្តី (Content Based) ធ្វើយ៉ាងណាខិតខំកែសម្រួលដោយផ្តោតទៅលើចំណេះធ្វើជាគោល (Competency Based Education) តាមរយៈការអនុវត្តន៏ដោយផ្ទាល់នៅមន្ទីពិសោធន៍បង្ហាញត្រាប់ (Skill and Simulation Laboratory) របស់សាកលវិទ្យាល័យ ឱ្យច្រើនបំផុតតាមតែអាចធ្វើទៅបាន។  ឯកឧត្តមសាកលវិទ្យាធិការបានស្នើសុំលោក-លោកស្រ្តីសាសាចារ្យទាំងអស់ មេត្តាជួយ និង ការគាំទ្របន្ថែមទៀត ដើម្បីឱ្យការបណ្តុះបណ្តាលនៅ ស.វ.ស ឈានទៅរកការបណ្តុះបណ្តាលបែប Competency Based Education ដែលមានការបង្រៀនទ្រឹស្តី និង ការអនុវត្តផ្ទាល់នៅមន្ទីពិសោធន៍បង្ហាញត្រាប់ មុននឹងការអនុវត្តជាមួយនឹងអ្នកជំងឺដោយផ្ទាល់។ ជាមួយគ្នានោះ ឯកឧត្តមសាស្ត្រាចារ្យ សាផុន វឌ្ឍនៈ បានបង្ហាញពីឱកាសសម្រាប់និស្សិតថ្នាក់វេជ្ជបណ្ឌិតឯកទេស ស.វ.ស ក្នុងការបន្តការសិក្សារបស់ខ្លួននៅប្រទេសបារាំង តាមរយៈការផ្តល់អាហារូបករណ៏ពីរដ្ឋាភិបាលបារាំង។ ឯកឧត្តមបានក្រើនរំព្ញកដល់និស្សិតទាំងអស់ត្រូវខិតខំរៀនភាសាបន្ថែម ពិសេសគឺភាសាបារាំង និង ភាសាអង់គ្លេស ដើម្បីអាចមានឱកាសទៅសិក្សាបន្តបន្ថែមទៀតនៅបរទេស។ ឯកឧត្តមសាកលវិទ្យាធិការ បានគោរពថ្លែងនូវអំណរគុណជូនចំពោះឯកឧត្តម លោក-លោកស្រ្តីសាស្រ្តាចារ្យ ទាំងអស់ដែលបានគាំទ្រដោយគ្មានលក្ខខណ្ឌដល់សាកលវិទ្យាល័យវិទ្យាសាស្រ្តសុខាភិបាល។ គួរបញ្ជាក់ផងដែរថា សិក្ខាសាលាការតម្រង់ទិសនិស្សិតថ្នាក់វេជ្ជបណ្ឌិតឯកទេសនេះ បានបង្ហាញនូវការយកចិត្តទុកដាក់ខ្ពស់របស់សាកលវិទ្យាល័យក្នុងគោលបំណងបង្ហាញផ្លូវជូននិស្សិតថ្នាក់ឯកទេសចូលរៀនឆ្នាំសិក្សាថ្មីនៅស.វ.ស បានជ្រាបបន្ថែមទៀតអំពីបទបញ្ជាផ្ទៃក្នុងសម្រាប់និស្សិតស.វ.ស អំពីកម្មវិធីសិក្សា សេវានិស្សិត ការទំនាក់ទំនងរបស់និស្សិត ផែនការយុទ្ធសាស្រ្ត ចក្ខុវិស័យ និង ការរៀបចំឯកសារសម្រាប់បន្តការសិក្សានៅប្រទេសបារាំង ក្នុងកម្មវិធី DFMS-DFMSA ផងដែរ។ ----------------------- + Website: http://www.uhs.edu.kh/  + Social Media: https://www.facebook.com/uhs.edu.kh + Youtube: https://www.youtube.com/UHSEduKh

Career & Education News & Events
Share
  • Feb 21, 2017 |
  • 7 years ago |
  • 115.4K views

ពីនិស្សិតតិចណូក្លាយជាវិស្វករថាមពលនុយក្លេអ៊ែរនៅបារាំង

បន្ទាប់ពីប្រលងជាប់បាក់ឌុបនៅឆ្នាំ២០០៨ លោក ហ៊ុយ ស៊ីវអ៊ឺ បានទទួលអាហារូបករណ៍រយៈពេល៥ឆ្នាំថ្នាក់វិស្វករនៅវិទ្យាស្ថានបច្ចេកវិទ្យាកម្ពុជាដែលហៅកាត់ថាសាលាតិចណូ។ បន្ទាប់ពីសិក្សាបាន២ឆ្នាំ លោកបានប្រលងជាប់ ចូលសិក្សានៅសាលា Ecole Polytechnique ដែលជាសាលាវិស្វកម្មដ៏ល្បីល្បាញនៅប្រទេសបារាំង។ បន្ទាប់ពីការតស៊ូរយៈពេល៣ឆ្នាំលោកបានបញ្ចប់ថ្នាក់វិស្វករជំនាញថាមពលនៃសតវត្សទី២១ ដែលផ្តោតសំខាន់ទៅលើថាមពលកកើតឡើងវិញមានដូចជាថាមពលពន្លឺព្រះអាទិត្យ ថាមពលវារីអគ្គិសនី  ថាមពលដើរដោយកម្លាំងខ្យល់ ។ល។ ការសិក្សាក៏បានផ្តោតទៅលើប្រភេទថាមពលមួយទៀតគឺថាមពលបរមាណូ ឬ នុយក្លេអ៊ែរ។ ដោយចាប់អារម្មណ៍ទៅលើថាមពលប្រភេទនេះលោកក៏បានសម្រេចចិត្តរៀនជំនាញវិស្វកម្មនុយក្លេអ៊ែរដោយចំណាយរយៈពេល១ឆ្នាំកន្លះនៅសាលាEcole des Mines de Paris។ សព្វថ្ងៃលោកជាវិស្វករផ្នែកសិក្សាគម្រោងថាមពលនៅប្រទេសបារំាងមួយរូបផងដែរ។ ហេលស៍ថាម ៖ ហេតុអ្វីបានជាចង់សិក្សាផ្នែកថាមពលនុយក្លេអ៊ែរ? ស៊ីវអ៊ឺ ៖  ការពិតទៅ អគ្គិសនី និងថាមពល ជាមុខវិជ្ជាដែលខ្ញុំចូលចិត្តតាំងពីតូចមកម៉្លេះ។ បើសិនជាយើងរំលឹកទៅដល់ការសិក្សានៅសាលាតិចណូ ខ្ញុំក៏បានជ្រើសរើសជំនាញថាមពលដូចគ្នាដែរប៉ុន្តែដោយសារត្រូវទៅសិក្សានៅប្រទេសបារំាងខ្ញុំក៏ផ្អាកការសិក្សានៅសាលាតិចណូសិន។   អំឡុងពេលសិក្សានៅសាលា Ecole Polytechnique ខ្ញុំបានជ្រើសរើសមេរៀនថាមពលនុយក្លេអ៊ែរ ដើម្បីបកស្រាយចម្ងល់របស់ខ្លួនពីព្រោះថាកាលពីរៀននៅវិទ្យាល័យខ្ញុំធ្លាប់លឺពាក្យប្រតិកម្មនុយក្លេអ៊ែខ្លះៗដែរហើយក៏តែងចង់ស្វែងយល់ពីវា រហូតដល់មានពួកម៉ាកខ្លះចេះតែនិយាយចំអកលេងថា «សង្ស័យតែពេលធំទៅ ខ្ញុំទៅរៀនផ្នែកហ្នឹងទេ... ឥលូវដូចពាក្យគេនិយាយ មែន !!!» ទន្ទឹមនឹងគ្នានេះដែរ ខ្ញុំតែងតែសាកសួរខ្លួនឯងថា «ហេតុអ្វីបានជាប្រទេសអភិវឌ្ឍជាច្រើនជ្រើសរើសយកថាមពលប្រភេទនេះបើទោះបីវាអាចបង្កជាគ្រោះថ្នាក់ធ្ងន់ធ្ងរ?» តួយ៉ាងប្រទេសបារំាងដែលជាប្រទេស ប្រើប្រាស់នុយក្លេអ៊ែរហូតដល់៨០ភាគរយដើម្បីផលិតអគ្គិសនីរបស់ខ្លួន និងប្រទេសអាមេរិក អង់គ្លេស ជប៉ុន កូរ៉េខាងត្បូង ជាដើម។ តើកម្ពុជាអាចពិចារណាលើថាមពលប្រភេទនេះទេ? ដោយចិត្តចង់ស្វែងយល់បន្តខ្ញុំបានសម្រេចរៀនបន្តនៅសាលាមួយទៀតគឺ Ecole des Mines de Paris ដើម្បីក្លាយខ្លួនជាវិស្វករជំនាញថាមពលនុយក្លេអ៊ែរ។ សម្រាប់សិស្សនិស្សិតដែលមានបំណងចង់រៀនផ្នែកថាមពលខ្ញុំគិតថាប្រទេសយើងក៏មានសាលាដែលមានគុណភាពដែរ តែប្រសិនបើជាថាមពលនុយក្លេអ៊ែរ បើសិនជាមានឱកាសនិងលទ្ធភាពគួរតែបន្តការសិក្សានៅបរទេស ជាពិសេសក្នុងប្រទេសដែលប្រើប្រាស់ថាមពលប្រភេទនេះពីព្រោះប្រទេសយើងនៅខ្វះខាតធនធានផ្នែកនេះនៅឡើយ។ ហេលស៍ថាម ៖ តើការសិក្សាផ្នែកនេះត្រូវចំណាយពេលប៉ុន្មានឆ្នាំដែរ? ស៊ីវអ៊ឺ ៖ សម្រាប់ការសិក្សានៅសាលារបស់ខ្ញុំដែលជា Grande Ecole នៅប្រទេសបារំាងយើងត្រូវសិក្សាថ្នាក់មូលដ្ឋានរយៈពេល២ឆ្នាំសិនហើយ១ឆ្នាំទៅ១ឆ្នាំកន្លះទៀតសម្រាប់ជំនាញដែលចង់បាន។ មុននឹងចាប់ផ្តើមនៅសាលានេះសិស្សម្នាក់ៗសុទ្ធតែបានរៀនត្រៀមរយៈពេលពីរឆ្នាំរួចជាស្រេច (ដូចនឹងករណីខ្ញុំបានរៀនពីរឆ្នាំនៅស្រុកខ្មែរមុននឹងចូលរៀនសាលានេះ)។ ប៉ុន្តែសម្រាប់នៅប្រទេសនិយាយភាសាអង់គ្លេសរយៈពេលនៃការសិក្សា គឺដូចនៅប្រទេសកម្ពុជាដែរ គឺបរិញ្ញាបត្រត្រូវការរយៈពេល៤ឆ្នាំ បរិញ្ញាបត្រជាន់ខ្ពស់រយៈពេល២ឆ្នាំ និងបណ្ឌិតប្រើប្រាស់រយៈពេលពី៣ទៅ៥ឆ្នាំ។ ដូច្នេះ សញ្ញាបត្រវិស្វករនៅប្រទេសបារាំងដូចគ្នាទៅនឹងសញ្ញាបត្របរិញ្ញាបត្រជាន់ខ្ពស់។ ហេលស៍ថាម ៖ ក្នុងការសិក្សាផ្នែកថាមពលនេះតើមានមុខវិជ្ជាសំខាន់ៗអ្វីខ្លះ? ស៊ីវអ៊ឺ ៖ សម្រាប់មុខវិជ្ជាសំខាន់ៗរួមមានដូចជា ៖  Neutronics, Nuclear Physics, Thermo-hydaulics, Particle Physics, Gerneral about Nuclear plant, Energy and Environment, Research projects, ... ហេលស៍ថាម ៖ ក្នុងចំណោមមុខវិជ្ជាទាំងនោះតើមានមុខវិជ្ជាណាខ្លះដែលមានភាពលំបាកជាងគេ? ហេតុអ្វី? ស៊ីវអ៊ឺ ៖ មុខវិជ្ជា ២ដែលខ្ញុំគិតថាពិបាកជាងគេ គឺ Neutronics និង Thermo-hydraulics ព្រោះមានភាពស្មុគស្មាញពិបាកយល់ ប៉ុន្តែខ្ញុំក៏ចូលចិត្តមុខវិជ្ជាទាំង២ជាងគេដែរ ដោយសារតែអាចសិក្សាពីអាថ៌កំបាំងបែបវិទ្យាសាស្រ្តពីក្រោយថាមពលនុយក្លែអ៊ែ។ ហេលស៍ថាម ៖ តើឆ្នាំមួយណា ជាឆ្នាំដែលរវល់ ពិបាក ឬមមាញឹកជាងគេ? ហេតុអ្វី? ស៊ីវអ៊ឺ ៖ ពីរឆ្នាំដំបូងដែលមកដល់ប្រទេសបារាំង ការសិក្សាមានភាពលំបាកខ្លាំងដោយសារកត្តាមួយចំនួន ៖ •មិនទាន់អាចទម្លាប់នឹងភាសាបារាំងពីព្រោះគ្រប់មេរៀនទំាងអស់សុទ្ធតែជាភាសាបារាំង •លក្ខណៈខុសគ្នានៃប្រព័ន្ធសិក្សាក៏ជាកត្តាចម្បងដែលធ្វើឲ្យយើងពិបាកនឹងតាមទាន់មេរៀន •មេរៀនពិបាកស្មុគស្មាញហើយច្រើនមុខ (ពីរឆ្នាំមូលដ្ឋាន) •វប្បធម៌មានលក្ខណៈខុសគ្នា និងត្រូវឃ្លាតឆ្ងាយពីគ្រួសារជាដើម។ ហេលស៍ថាម ៖ តើការងារអ្វីខ្លះដែលនិស្សិតជំនាញនេះអាចធ្វើបានក្រោយបញ្ចប់ការសិក្សា? ស៊ីវអ៊ឺ ៖ អ្វីដែលជាឧបសគ្គគឺថានៅប្រទេសកម្ពុជាហាក់ដូចជាមិនទាន់មានការចាប់អារម្មណ៍ខ្លាំងទៅលើវិស័យថាមពលនុយក្លេអ៊ែរដូច្នេះវាធ្វើឲ្យនិស្សិតភាគច្រើនដែលចង់រៀនត្រូវផ្លាស់ប្តូរចិត្តវិញ។ ប៉ុន្តែតាមការពិតទៅការអភិវឌ្ឍផ្នែកនុយក្លេអ៊ែរក៏អាចបង្វែរទៅរកវិស័យផ្សេងដូចជា វិស័យពេទ្យ វិស័យឧស្សាហកម្ម វិស័យសុវត្ថិភាពចំណីអាហារ និងជាពិសេសសន្តិសុខប្រទេសជាតិទាក់ទងនឹងកាកសំនល់នុយក្លេអ៊ែរ និងការរីកសាយភាយនៃប្រូក្រាមអាវុធនុយក្លេអ៊ែរ។ ហេលស៍ថាម  ៖ ការសិក្សានៅបរទេសមានភាពខុសប្លែកពីការសិក្សានៅកម្ពុជាយ៉ាងណាខ្លះ?   ស៊ីវអ៊ឺ ៖ ក្នុងជំនាញនេះវាច្បាស់ណាស់ដែលថានៅបរទេសគេមានបទពិសោធន៍ និង ការអប់រំប្រកបដោយគុណភាពជាងប្រទេសកម្ពុជាយើង។ ប៉ុន្តែចំណុចមួយគួរតែជាមោទនភាពនោះគឺនិស្សិតកម្ពុជាយើងទៅបន្តការសិក្សានៅក្រៅប្រទេសប្រកបដោយភាពជោគជ័យដូច្នេះប្រព័ន្ធសិក្សានៅប្រទេសយើងក៏មិនមែនអន់ពេកដែរ។   ម្យ៉ាងទៀតការសិក្សានៅបរទេសអាចឲ្យយើងមានឱកាសស្វែងយល់ពីពិភពខាងក្រៅតែក៏មិនមែនសុទ្ធតែល្អទំាងអស់នោះដែរ ពីព្រោះយើងក៏ខ្វះខាតពីស្ថានភាពជាក់ស្តែងនៅប្រទេសរបស់ខ្លួនរួចទៅហើយ។ ហេលស៍ថាម ៖ តើលោកបានប្រទះនឹងឧបសគ្គអ្វីខ្លះ? ហើយបានជម្នះដោយវិធីអ្វីខ្លះដែរ? ស៊ីវអ៊ឺ ៖ ការខិតខំប្រឹងប្រែង និងស៊ូទ្រំាប្រាកដណាស់គឺផ្តល់នូវលទ្ធផលវិជ្ជមានដែលអាចឲ្យយើងជម្នះបាននូវឧបសគ្គគ្រប់យ៉ាងហើយខ្ញុំផ្ទាល់តែងតែមានការតស៊ូជានិច្ចដើម្បីក្តីសុបិនរបស់ខ្លួន និងរីករាយនឹងទទួលយកលទ្ធផលទំាងអស់នៃជម្រើសដែលខ្លួនបានជ្រើសយក ។ ហេលស៍ថាម ៖ តើលោកមានពាក្យពេចន៍អ្វីខ្លះសម្រាប់ធ្វើការចែកជូនដល់និស្សិតជំនាន់ក្រោយដែលមានបំណងដើរតាមគន្លងនៃការសិក្សាដូចជាលោក? ស៊ីវអ៊ឺ ៖ មិនថាក្នុងកាលៈទេសៈណាគឺត្រូវតែតស៊ូកុំខ្លាចរអានឹងភាពបរាជ័យ ពីព្រោះបើយើងកាន់តែខ្លាចវា វាកាន់តែមករកយើង។ កុំបាក់ទឹកចិត្តសម្រាប់អ្នកដែលប្រលងធ្លាក់ពេលដែលដាក់ពាក្យសុំទៅសិក្សានៅក្រៅប្រទេសដោយហេតុថាមិនមែនអ្នកដែលបានទៅរៀនក្រៅប្រទេសទាំងអស់សុទ្ធតែមានសមត្ថភាពជាងអ្នកដែលរៀននៅក្នុងមាតុប្រទេសទេ។ បើសិនជាមានឱកាសគួរតែរៀនអ្វីដែលយើងប្រាថ្នាដើម្បីចៀសវាងនូវការស្តាយក្រោយនៅពេលអនាគត។ «ប្រសិនបើអ្នកមានបំណងចង់រៀន ឬក៏ចង់ពិភាក្សាលើការសិក្សាជំនាញមួយនេះខ្ញុំរីករាយនឹងស្វាគមន៍អ្នកទំាងអស់គ្នាតាមរយៈទំព័ររបស់ខ្ញុំផ្ទាល់គឺ huyseaver.wordpress.com ។»

Career & Education
Share
  • Feb 20, 2017 |
  • 7 years ago |
  • 3.5K views

គួរប្រើយុទ្ធសាស្រ្តហិរញ្ញវត្ថុបែបណាខ្លះសម្រាប់ការចាប់ផ្តើម និងពង្រីកអាជីវកម្ម?

បច្ចុប្បន្ននេះ មនុស្សមួយចំនួនធំបានងាកមកបង្កើតអាជីវកម្មដោយខ្លួន ប៉ុន្តែអាជីវកម្មខ្លះក៏បានបិទទៅវិញមុននឹងមានការរីកចម្រើន ហើយក៏មានអាជីវកម្មមួយចំនួនបានរីកលូតលាស់លឿនគួរឲ្យកត់សម្គាល់ផងដែរ។  តើអ្វីដែលជម្រុញឲ្យអាជីវកម្មមួយអាចរីកចម្រើនបាន និងមានស្ថេរភាព? ឆ្លើយតបនឹងសំនួរទាំងនេះ ជាថ្មីម្តងទៀត សម្រាប់ខែកុម្ភៈនេះ Park Café និង Educational Development Institute បានបន្តសហការណ៍គ្នានាំយកការពិភាក្សាពាណិជ្ជកម្មថ្មីដែលផ្តោតលើ «ការអភិវឌ្ឍន៍យុទ្ធសាស្រ្តហិរញ្ញវត្ថុក្នុងការចាប់ផ្តើមអាជីវកម្ម និងពង្រីកអាជីវកម្ម» ដោយមានការគាំទ្រពីស្ថាប័នជំនាញផ្នែកសហគ្រិនភាព CIC, JCI, YEAC និងបណ្តាលស្ថាប័នធំៗមួយចំនួនទៀត។  សិក្ខាសាលានេះ នឹងធ្វើឡើងនៅថ្ងៃទី ២៧ ខែកុម្ភៈ នេះនៅផាកកាហ្វេសាខាត្រសក់ផ្អែម ចាប់ពីម៉ោង០៥:៣០នាទីល្ងាចតទៅ  ដោយមានការអញ្ជើញចូលរួមពីសំណាក់វាគ្មិនកត្តិយស ដែលនឹងចូលរួមធ្វើការចែករំលែកបទពិសោធន៍ដ៍មានតម្លៃដោយរួមមាន៖  -លោក ប៉ិច បូឡែន អគ្គនាយកនៃក្រុមហ៊ុន Westline Education Group  - លោក គុយ វ៉ាត់ អគ្គនាយកនៃក្រុមហ៊ុន V-Trust Group  -លោក ម៉ៅ សាវិន ប្រធានផ្នែកវិនិយោគជាន់ខ្ពស់នៃ Emerging Markets Investment Advisers កម្ពុជា។  វាគ្មិនទាំង៣រូប នឹងចូលរួមបកស្រាយនូវចម្ងល់ ក៏ដូចជាចំនុចគន្លឹះសំខាន់ៗ ដែលអាជីវកម្មនីមួយៗគួររៀបចំ និងពិនិត្យឲ្យបានច្បាស់លាស់ក្នុងអត្ថន័យធានាឲ្យមានការអភិវឌ្ឍប្រកបដោយប្រសិទ្ធភាពនៃអាជីវកម្មនោះ។  លោកអ្នកប្រាកដជាចង់ដឹងថា «អ្វីដែលហៅថាយុទ្ធសាស្រ្តហិរញ្ញវត្ថុ?» ព្រោះវាពិតជាមានសារៈសំខាន់ចំពោះអនាគតរបស់ក្រុមហ៊ុនមួយដែលកំពុងធ្វើអាជីវកម្មក្នុងទីផ្សារ ដោយហេតុថាយុទ្ធសាស្រ្តស្ថេរភាពហិរញ្ញវត្ថុ ឬ Financial Strategy នឹងជួយឲ្យក្រុមហ៊ុនរបស់លោកអ្នកធានាបានស្ថេរភាពក្នុងការវិវឌ្ឍខ្លួន និងគ្រប់គ្រងលំហូរហិរញ្ញវត្ថុក្នុងក្រុមហ៊ុនដោយប្រសិទ្ធភាព។ មានបំណងស្វែងយល់កាន់តែស៊ីជម្រៅនូវចំណុចសំខាន់ខាងលើ ដើម្បីអាជីវកម្មរបស់លោកអ្នក សូមកុំភ្លេចជួបជាមួយពួកគាត់ទាំងអស់គ្នា នៅថ្ងៃទី ២៧ ខែកុម្ភៈនេះ…នៅផាកកាហ្វេបឹងកេងកងត្រសក់ផ្អែម ចាប់ពីម៉ោង ០៥: ៣០នាទីល្ងាចតទៅ… សម្រាប់ព័ត៌មានបន្ថែម លោកអ្នកអាចធ្វើការទំនាក់ទំនងបានតាមរយៈទូរស័ព្ទលេខ 012 232 823 ឬក 077 676 423 ក្នុងការកក់សំបុត្រចូលរួម។ គួរបញ្ជាក់ផងដែរថា កម្មវិធីកិច្ចសន្ទនាពាណិជ្ជកម្មនេះនឹងបន្តមានជារៀងរាល់ខែដែលផ្តោតលើចំណុចគន្លឹះនៃអាជីវកម្មនីមួយៗ…កុំភ្លេចតាមដានជាមួយទាំងអស់គ្នាថាតើប្រធានបទក្នុងខែបន្ទាប់ជាអ្វី?ហើយមានការចូលរួមវាគ្មិនរូបណាខ្លះដែរ?

Career & Education
Share
  • Feb 20, 2017 |
  • 7 years ago |
  • 3.1K views

គួរធ្វើ ឬមិនគួរធ្វើពេលចូលធ្វើការដំបូង

អារម្មណ៍ពីរក្នុងពេលតែមួយក៏តែងតែកើតមានចំពោះអ្នកដែលទើបតែទទួលបានការងារថ្មី គឺអារម្មណ៍សប្បាយលាយភ័យ ដោយសារតែគេទោះចង់ ឬមិនចង់ ក៏ត្រូវប្រឈមនឹងអ្វីដែលថ្មីជាច្រើន ទាំងការងារ និងមនុស្ស។ អារម្មណ៍មួយនេះនិយោជិកណាក៏ធ្លាប់ជួបដែរ... ប៉ុន្តែ ហេលស៍ថាមនឹងនាំមកជូនលោកអ្នកនូវគន្លឹះនៃទង្វើគួរធ្វើ និងមិនគួរធ្វើ ក្នុងពេលចូលធ្វើការងារដំបូងដែលមានដូចខាងក្រោម ៖ ទង្វើគួរធ្វើ ៖ •គិតក្នុងផ្លូវវិជ្ជមាន ព្រោះថាការគិតបែបវិជ្ជមាននឹងជួយឲ្យលទ្ធផលការងារក៏វិជ្ជមានដូចគ្នា (បើទោះជាពេលខ្លះ អ្នកអាចនឹងបង្កើតកំហុសខ្លះក៏ដោយ)។ •មានឆន្ទៈក្នុងការរៀន និងប្រឹងប្រែងឲ្យអស់ពីចិត្ត ដូចដែលគេតែងនិយាយថា «No Pain, No Gain»។ •ដាក់ចិត្តរៀនសូត្រគ្រប់ពេលវេលា តាមរយៈការស្តាប់ សង្កេត និងសាកសួរសំណួរ (បើទោះជាពេលខ្លះ វាអាចនឹងរំខានដល់មិត្តរួមការងារខ្លាំងក៏ដោយ)។ •រៀបចំខ្លួន និងរបស់ប្រើប្រាស់ឲ្យបានរៀបរយ ជាពិសេសតុធ្វើការសម្រាប់អ្នកធ្វើការក្នុងការិយាល័យ ព្រោះថាតុដែលរញ៉េរញ៉ៃក៏អាចប៉ះពាល់ដល់សតិអារម្មណ៍ក្នុងការធ្វើការផងដែរ។ •សម្របខ្លួន និងរាប់អានជាមួយនឹងមិត្តរួមការងារ ដោយចៀសវាងដាច់ខាតនូវការធ្វើអ្វីតែម្នាក់ឯង ឬកាត់ផ្តាច់ខ្លួនចេញពីអ្នកដទៃ ព្យាយាមបង្កើតឱកាសធ្វើការទំនាក់ទំនងជាមួយនឹងពួកគេ ដើម្បីស្គាល់ចិត្ត និងពង្រីកនូវខ្សែបណ្តាញឲ្យហើយ។ ទង្វើគួរចៀសវាង ៖ •កុំឲ្យឧបសគ្គដែលជួបប្រទះបន្លាចអ្នក ឬធ្វើឲ្យអ្នករារែកចិត្តក្នុងការតស៊ូបន្ត។ បើទោះជាមានហេតុការណ៍អាក្រក់ដល់កម្រិតណាក៏ដោយ ជំនួសឲ្យការបោះបង់ចោល អ្នកគួរតែបង្វែរការគិតដោយចាត់ទុកវាជាមេរៀនមួយសម្រាប់ការងារ ក៏ដូចជាជីវិត។ ត្រូវចាំថា «អាចដួលបាន តែសំខាន់ក៏ត្រូវចេះក្រោកឡើងវិញ ហើយបន្តដើរទៅមុខទៀត»។ •ការដែលបានទទួលការងារមួយដោយជោគជ័យ មិនមែនមានន័យថាអ្នកអាចនឹងរក្សាការងារនោះដោយជោគជ័យឡើយ។ កុំអាងតែថាបានជាប់ជាបុគ្គលិកពេញសិទ្ធិហើយ រួចក៏ព្រលែងដៃមិនខ្វល់ពីអ្វី។ ការងារណាក៏មានការកំណត់ គោលដៅ និងការរំពឹងទុកដែរ ហើយនិយោជកក៏មិនរារែកនឹងដកហូតការងាររបស់អ្នកដែរ ប្រសិនបើអ្នកមិនបានបំពេញកាតព្វកិច្ចបានត្រឹមត្រូវដូចអ្វីដែលគេបានរំពឹងទុក។ •ប្រឹងប្រែងហក់លោតហួសពេក ដូចដែលតែងនិយាយថា កុំប្រឹងរត់ ទាំងដែលមិនទាន់ដើរបាននឹងនរស្រួលបួល។ ជាការពិតណាស់ ដែលនិយោជិកណាក៏ចង់ឲ្យការងារ ឬស្នាដៃរបស់ខ្លួនអស្ចារ្យ និងលេចធ្លោដែរ តែត្រូវមើលពីលទ្ធភាព និងតួនាទីរបស់ខ្លួនផង។ •ខ្លាចរអានឹងសាកល្បងនូវអ្វីដែលខ្លួនមិនធ្លាប់ធ្វើពីមុនមក កុំភ្លេចណាថា «ការងារនឹងបង្រៀនមនុស្សណាដែលប្រឹងប្រែងប៉ុណ្ណោះ»។ នរណាៗក៏ចាប់ផ្តើមពីលើកដំបូងទៅដែរ...

Career & Education
Share
  • Feb 15, 2017 |
  • 7 years ago |
  • 7.6K views

ជំនាញដែលសហគ្រិនមិនគួរមើលរំលង

សហគ្រិនភាពជាក្តីប្រាថ្នារបស់បុគ្គលមិនតិ    ចនោះទេក្នុងសម័យថ្មីនេះ ជាក់ស្តែងណាស់ គ្រប់គ្នាសុទ្ធតែចង់ឲ្យអាជីវកម្មរបស់ខ្លួនមានភាពរលូន និងកាត់បន្ថយនូវហានិភ័យផ្សេងៗ។ តើមានជំនាញអ្វីខ្លះដែលមិនអាចមើលរំលងបានក្នុងនាមជាសហគ្រិនមួយរូប? លោកបណ្ឌិត ឃឹម លាង ដែលជាប្រធានផ្នែកអភិវឌ្ឍធនធានមនុស្ស និងផ្នែកផ្លាស់ប្តូរវប្បធម៌នៅមជ្ឃមណ្ឌលសហប្រតិបត្តិការកម្ពុជា-ជប៉ុន (CJCC) ក៏បានផ្តល់ជូនបទសម្ភាសន៍ជាមួយហេលស៍ថាមចែករំលែកនូវចំណេះដ៏មានគុណតម្លៃសម្រាប់បុគ្គលជាសហគ្រិនពេលបច្ចុប្បន្ន ឬចង់ក្លាយជាសហគ្រិននាពេលខាងមុខ… តើសហគ្រិនគួរមានលក្ខណៈសម្បត្តិបែបណាខ្លះ? -ស្គាល់ពីខ្លួនឯងឲ្យបានច្បាស់ ៖ ត្រូវសួរខ្លួនឯងថា ហេតុអ្វីចង់ក្លាយជាសហគ្រិន? ដោយមានការរៀបចំគោលដៅជីវិត និងបែងចែកពេលវេលា ព្រមទាំងការងារឲ្យបានច្បាស់លាស់។ ម្យ៉ាងទៀត ត្រូវស្គាល់ចំណុចខ្លាំងនិងចំណុចខ្សោយរបស់ខ្លួនឯង ជាពិសេសដឹងថាខ្លួនពូកែ ឬមានជំនាញអ្វីខ្លះ? -មានចំណេះដឹង និជំនាញគ្រប់គ្រាន់លើផ្នែកពាក់ព័ន្ធ ៖  ការគ្រប់គ្រងហិរញ្ញវត្ថុ ការស្វែងរក និងគ្រប់គ្រងទីផ្សារ។ល។ ហើយក៏មិនអាចរំលងបាននូវព័ត៌មានសង្គម តំបន់ និងសកលលោក ដើម្បីប្រមូលព័ត៌មានសំខាន់ៗសម្រាប់អាជីវកម្មរបស់ខ្លួន។ -មានផែនការច្បាស់លាស់ ៖ ត្រង់នេះ គឺផ្តោតលើគម្រោងអាជីវកម្ម ដែលនឹងដាក់ចេញជារូបរាងក្នុងពេលសមស្របណាមួយ ក្រោយការរៀបចំយ៉ាងល្អិតល្អន់ ត្រួតពិនិត្យ និងប្រឹក្សាជាមួយអ្នកមានបទពិសោធន៍។ តើមានជំនាញអ្វីខ្លះដែលសហគ្រិនគួរតែស្វែងយល់? តាមការពិតទៅ ជំនាញដែលត្រូវបណ្តុះបណ្តាលអាស្រ័យលើពេលវេលា និងកាលៈទេសៈរបស់បុគ្គលម្នាក់ៗ ព្រោះថាបុគ្គលមួយចំនួនមានជំនាញខ្លះដែលខ្លាំងហើយស្រាប់ ដូចនេះត្រូវបណ្តុះបណ្តាលនូវចំណុចខ្វះខាតរបស់ខ្លួន តែជាទូទៅ សហគ្រិនគួរតែមានជំនាញដូចខាងក្រោម ៖ -គំនិតច្នៃប្រឌិត និងការបង្កើតថ្មី ៖ គុណប្រយោជន៍នឹងផ្តល់ជូនស្ទើរតែគ្រប់ផ្នែកទាំងអស់នៃជំនួញរបស់អ្នក ប្រសិនបើអ្នកមានផ្នត់គំនិតទូលំទូលាយក្នុងការបង្កើតថ្មី -ការធ្វើទីផ្សារ ៖ រាប់បញ្ចូលទាំងដំណាក់កាលមុន      អំឡុងពេលនិងក្រោយប្រឡូកចូលទៅក្នុងទីផ្សារគោលដៅតាមរយៈការសិក្សា វិភាគ គ្រប់គ្រង ពុះចំណែក អភិវឌ្ឍ ។ល។ -ជំនាញគ្រប់គ្រង ៖ មានផ្នែកជាច្រើននឹងស្ថិតនៅក្រោមការគ្រប់គ្រងរបស់អ្នក រួមមានធនធានមនុស្ស សម្ភារៈ ហានិភ័យជាដើម -គណនេយ្យ និងហិរញ្ញវត្ថុ ៖ ចំណេញ ឬខាត តិចតួច ឬច្រើនក៏អាស្រ័-យលើកម្រិតនៃការយល់ដឹងពីជំនាញទាក់ទងនឹងប្រាក់កាសនេះដែរ។ តើជំនាញសហគ្រិនភាពមានភាពចាំបាច់សម្រាប់បុគ្គលណាខ្លះ? ជាពិសេសសម្រាប់បុគ្គលដែលមានភាពខ្វះខាតខាងបទពិសោធន៍ក្នុងការចាប់ផ្តើមអាជីវកម្ម រួមមានបុគ្គលិកបម្រើការងារតាមបណ្តាក្រុមហ៊ុននានា សិស្សនិស្សិតសិក្សាជំនាញនេះ ឬផ្សេងៗ ព្រមទាំងម្ចាស់អាជីវកម្មជាលក្ខណៈគ្រួសារដែលពុំទាន់មានប្រព័ន្ធច្បាស់លាស់ជាដើម។ ទោះស្ថិតនៅក្នុងវ័យ ឬមានកម្រិតចំណេះដឹងប៉ុណ្ណា សុទ្ធតែអាចទាញប្រយោជន៍បានដូចគ្នា ប៉ុន្តែគ្រាន់តែស្ថិតនៅក្នុងរូបភាពផ្សេងៗពីគ្នា តួយ៉ាងសហគ្រិនដែលមានចំណេះដឹងយូរឆ្នាំហើយ ត្រូវពង្រឹងការយល់ដឹងលើការគ្រប់គ្រងធនធានមនុស្ស (ដឹងពីចិត្តសាស្រ្ត និងរឿងរ៉ាវគ្រប់យ៉ាង ព្រោះថាប្រាក់ចំណូលក៏អាស្រ័យលើបុគ្គលិកដែរ) ព្រមទាំងធនធានផ្សេងៗ។ ភាពជោគជ័យក្រោយការបណ្តុះបណ្តាល៖ -យល់ដឹងច្បាស់ពីអ្វីជាសហគ្រិនភាព តាមរយៈការស្វែងយល់ពីទ្រឹស្តីជាសកលដែលអាចអនុវត្តបានពិតៗ បទពិសោធន៍អាជីវកម្មពីបុគ្គលដែលបានឆ្លងកាត់រួច ការចុះទៅសិក្សាផ្ទាល់ពីស្ថាប័ន ក៏ដូចជាទីតាំងអាជីវកម្មមួយចំនួន -មានការត្រៀមខ្លួនរួចរាល់សម្រាប់ការឈានជើងចូលប្រឡូកក្នុងវិស័យជំនួញ -មានសមត្ថភាពក្នុងការគ្រប់គ្រងអាជីវកម្ម ឬជំនួញប្រកបដោយស្ថេរភាពនិងភាពរីកចម្រើនរុងរឿង សារសម្រាប់អ្នកអាន៖ អ្នកដែលចង់ចាប់ផ្តើមប្រកបរបររកស៊ីដំបូង គួរតែមានការស្វែងយល់ពីព័ត៌មានឲ្យបានច្រើន ដើម្បីត្រៀមខ្លួនទុកជាមុនជានិច្ច ដោយចៀសវាងដាច់ខាតនូវការសម្លឹងមើលភាពជោគជ័យរបស់គេ ហើយក៏ជ្រួលជ្រើមតាមគេ ព្រោះវាមានភាពប្រថុយប្រថានខ្ពស់មែនទែន។ បន្ទាប់មក ត្រូវតែចាប់ផ្តើមឲ្យបានរហ័សបន្តិច ព្រោះសហគ្រិនជាទូទៅមានភាពឆ្លាតវៃ និងឆ្លៀតឱកាសនិយម គឺ«ចង់ធ្វើអ្វីត្រូវធ្វើឲ្យហើយ កុំទុកឡើយឲ្យគេធ្វើមុន»។  សហគ្រិនទាំងអស់អាចទទួលបានការបណ្តុះបណ្តាលនៅCJCC ផ្ទាល់តែម្តង (ឆមាសទី១ចាប់ពីខែមេសាដល់ខែកញ្ញា និងឆមាសទី២ គឺចាប់ពីខែតុលា) ដែលជាកន្លែងមួយដែលអាចកែប្រែនូវអ្វីដែលបានគិតឲ្យទៅជាការពិត តាមរយៈការតម្រង់ទិស និងការត្រៀមខ្លួនរួចរាល់ជាសហគ្រិន។

Career & Education
Share
Top