Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Apr 20, 2017 |
  • 7 years ago |
  • 11.6K views

ពេលវេលាត្រឹមត្រូវសម្រាប់ការញ៉ាំអាហារ!

អាហារទាំងអស់សុទ្ធតែផ្តល់គុណប្រយោជន៍ដល់រាងកាយតែការតមអាហារនៅតែមាន។ មនុស្សមួយចំនួន សុខចិត្តបង្អត់អាហារពេលព្រឹក ឬល្ងាចខ្លួនឯង ព្រោះតែខ្លាចលើសជាតិខ្លាញ់ ឬស្ករដែលបង្កផលប៉ះពាល់ដល់សុខភាព។ ការពិតទៅបើអ្នកគ្រាន់តែស្វែងយល់បន្តិចថា អាហារណាគួរញ៉ាំពេលណា និងពេលណាគួរចៀសវាង អ្នកក៏មិនចាំបាច់ធ្វើបាបខ្លួនឯងទៀតដែរ។ សូមណែនាំអាហារ ៨មុខ ជាមួយពេលវេលាដែលស័ក្តិសមគួរញ៉ាំ និងពេលវេលាដែលគួរចៀសវាង។  ផ្លែប៉ោម  គួរទទួលទាន  ពេលព្រឹក ព្រោះសម្បកផ្លែប៉ោមមានសារធាតុសរសៃប៉ិចទីន(Pectin)ជាសារធាតុស្ករងាយរលាយ ដែលជួយសម្រួលដល់ចលនារបស់ពោះវៀន និងបង្ការអាការៈទល់លាមកផងដែរ។ អ្វីដែលកាន់តែពិសេសផ្លែប៉ោមមានអត្ថប្រយោជន៍ជួយលុបបំបាត់នូវសារធាតុដែលបង្កជាជំងឺមហារីក។ គួរចៀសវាងទទួលទាន ពេលល្ងាច ឬពេលយប់ព្រោះអាស៊ីតសរីរាង្គរបស់ផ្លែប៉ោម នឹងបង្កើនបរិមាណអាស៊ីតនៅក្នុងក្រពះ ដែលបង្កឲ្យមានការឈឺក្រពះ។ ម្យ៉ាងទៀត ប៉ិចទីននឹងបន្ថែម សម្ពាធដល់ប្រព័ន្ធរំលាយអាហារផងដែរ ប្រសិនញ៉ាំនៅពេលយប់។ ស្ករស គួរទទួលទានពេលព្រឹកឬពេលថ្ងៃព្រោះជាពេលដែលអាំងស៊ុយលីននៃរាងកាយរបស់យើង ធ្វើការបំបែកជាតិស្ករបានយ៉ាងមានប្រសិទ្ធ-ភាព។គួរចៀសវាងទទួលទានពេលយប់ព្រោះជាពេលដែលជាតិស្ករអាចបង្កើននូវជាតិខ្លាញ់នៅក្នុងរាងកាយ និងបង្កការរំខានដល់ការគេងរបស់អ្នកនៅពេលយប់ផងដែរ។ ចេក គួរទទួលទានពេលថ្ងៃត្រង់ ព្រោះចេកជាប្រភេទផ្លែឈើដែលសម្បូរនូវជាតិសរសៃ ហើយក៏ជាអ្នកសម្រួលដល់ការរំលាយអាហារដែរ។ មិនត្រឹមតែប៉ុណ្ណោះចេកជាឱសថធម្មជាតិ ដែលអាចបន្សាបជាតិអាស៊ីតក្នុងក្រពះ និងបន្ថយអាការៈចុកឆ្អល់ចុងដង្ហើមផងដែរ។ គួរចៀសវាងទទួលទាននៅពេលយប់  ព្រោះការទទួលទានផ្លែចេកពេលយប់ អាចបណ្តាលឲ្យមានការកកើតឡើងនូវសំបោរ  ឬស្លេស្មជាដើម។ ប្រសិនបើអ្នកញ៉ាំនៅពេលពោះទទេ អាចមានការប៉ះពាល់ដល់ក្រពះ ព្រោះវាជាប្រភពនៃម៉ាញេស្យូម។ ក្រូច គួរទទួលទានពេលថ្ងៃ ព្រោះវាជួយដល់ប្រព័ន្ធរំលាយអាហារ ជួយបញ្ចេញជាតិពុល និងបង្កើនការធ្វើមេតាបូលីស។ គួរចៀសវាងទទួលទានពេលព្រឹក ឬពេលទើបភ្ញាក់ពីគេង ព្រោះការញ៉ាំពេលពោះទទេ អាចបង្កឲ្យមានការចេញទឹកអាស៊ីតក្រពះកាន់តែច្រើន និងអាចឈានដល់ការរលាកក្រពះ។ បាយ គួរទទួលទានពេលថ្ងៃ ព្រោះជាពេលដែល ការរំលាយអាហារបានល្អជាងគេ និងអាចឲ្យរាងកាយប្រើប្រាស់ កាបូអីុដ្រាតបានប្រសើរ។ គួរចៀសវាងទទួលទានពេលយប់ ដោយសារការញ៉ាំបាយពេលយប់ ធ្វើឲ្យជាតិខ្លាញ់ក្នុងរាងកាយកើនឡើង។ ទឹកដោះគោ គួរទទួលទានពេលយប់ ទឹកដោះគោក្តៅឧណ្ហៗ អាចជួយសម្រួលការធ្វើការរបស់រាងកាយក៏ដូចជាជួយអ្នកឲ្យគេងលក់ស្រួលផងដែរ។ គួរចៀសវាងទទួលទានពេលព្រឹក ជាពិសេសបើអ្នកមិនមានការធ្វើលំហាត់ប្រាណ ដោយហេតុថា វាអាចឲ្យអ្នកពិបាកក្នុងការរំលាយអាហារ និងធ្វើឲ្យអ្នកពិបាកទទួលទានអាហារថែមទៀតផង។ ឈីស គួរទទួលទានពេលព្រឹកព្រលឹម សម្រាប់អ្នកដែលមិនញ៉ាំសាច់ វាជាជម្រើសដ៏ល្អបំផុតសម្រាប់ជំនួសសាច់។ បើញ៉ាំឈីសក្នុងបរិមាណសមល្មមនោះវាអាចបង្ការនូវការឡើងទម្ងន់។ គួរចៀសវាងទទួលទានពេលយប់ ផលវិបាកចម្បងជាងគេ គឺបញ្ហាក្នុងការរំលាយអាហារ និងឡើងទម្ងន់។ សាច់ គួរទទួលទាន ពេលថ្ងៃត្រង់ ព្រោះវាសម្បូរទៅដោយប្រូតេអីុន ដែលជួយបង្កើនកម្លាំង និងភាពរឹងមាំដល់រាងកាយ ព្រមទាំងជួយដាស់អារម្មណ៍ និងស្មារតីឲ្យមានភាពស្រស់ថ្លា។ គួរចៀសវាងទទួលទានពេលយប់ ព្រោះសាច់ជាអាហារពិបាកក្នុងការកិនបំបែក និងត្រូវចំណាយពេលយូរអាចធ្វើឲ្យប៉ះពាល់ដល់ដំណេករបស់អ្នក និងអាចធ្វើឲ្យអ្នកឡើងទម្ងន់ទៀតផង។  ប្រាកដណាស់ថា អ្នកណាក៏មិនអាចគេចផុតពីការញ៉ាំអាហារទាំង៨ នេះដែរ ដូចនេះគួរចាប់ផ្តើមកែប្រែទម្លាប់នៃការញ៉ាំដោយគោរពតាមពេលវេលា ដូចដែលបានណែនាំខាងលើ ដើម្បីទទួលសុខភាពល្អ និងមិនចាំបាច់ហាមឃាត់ខ្លួនឯងតទៅទៀតឡើយ។ © 2017 រក្សាសិទ្ធិគ្រប់យ៉ាង​ដោយ Healthtime Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • Apr 20, 2017 |
  • 7 years ago |
  • 10.7K views

ពត់ធ្មេញពិតជាធ្វើឲ្យអ្នកស្អាតបាន

មនុស្សម្នាក់ស្អាតបំផុតនៅពេលដែលគេញញឹម ឬសើច ហើយវាជាសញ្ញាបង្ហាញពីភាពពេញចិត្ត  សេចក្តីសុខ និងសុភមង្គលជូនដល់មនុស្សជុំវិញអ្នក ធ្វើឲ្យគេស្រស់ស្រាយបានជាមួយអ្នក។ ប៉ុន្តែ ចុះបើធ្មេញមិនស្អាត ជាពិសេសមិនមែនមួយជួរដូចគេ ដែលសូម្បីតែសើចក៏ត្រូវបង្ខំចិត្តលាក់ដែរពេលខ្លះនោះ? បច្ចុប្បន្ននេះ វាមិនមែនជាបញ្ហាទៀតទេ …អ្នកប្រហែលជាធ្លាប់ឮ និងដឹងខ្លះៗមកហើយអំពីការពត់ឬតម្រង់ធ្មេញដែលមានការពេញនិយមយ៉ាងខ្លាំងទាំងក្នុងប្រទេសផ្ទាល់ ក៏ដូចជាជុំវិញពិភពលោកតែម្តង។ មិនថាអ្នកណា អ្នកណា និងសូម្បីតែតារាល្បីៗជាច្រើនក៏ជ្រើសរើសវិធីសាស្ត្រនេះមកកែតម្រូវសោភ័ណភាពផងដែរ។ ដូចនេះ សូមជួបជាមួយលោកទន្តពេទ្យ ស៊ឹង គីមសាន ស្ថាបនិកនៃ ”គ្លីនិកធ្មេញ គីមសាន”ដើម្បីបកស្រាយចម្ងល់ទាក់ទិននឹងការពត់ធ្មេញនេះជាពិសេស ជុំវិញអត្ថប្រយោជន៍នៃវិធីសាស្រ្តនេះតែម្តង។ អ្វីជាការពត់តម្រង់ធ្មេញ? ការពត់តម្រង់ធ្មេញគឺជាផ្នែកមួយនៃវិស័យទន្តសាស្រ្តដែលពាក់ព័ន្ធទៅនឹងលើការលូតលាស់ ការវិវឌ្ឍ និងបម្រែបម្រួលនៃមុខមាត់ ផ្នត់ឆ្អឹងថ្គាម ព្រមទាំងធ្មេញផងដែរ។ ជាពិសេស វាជាការព្យាបាលទៅលើលក្ខណៈខុសប្រក្រតីនៃធ្មេញ និងទម្រង់មុខក្នុងការកំណត់មួយដែលទាក់ទងទៅនឹងកត្តាជីវសាស្ត្រ។ ហេតុអ្វីបានជាការពត់ធ្មេញត្រូវបានណែនាំឲ្យធ្វើ? ពីព្រោះគុណប្រយោជន៏ជាច្រើនដែលបានពីការពត់ធ្មេញផ្តល់ឲ្យលោកអ្នកនូវ៖ • សម្រស់ និងការបញ្ចេញស្នាមញញឹម ដែលជះឥទ្ធិពលយ៉ាងខ្លាំង ចំពោះការបង្កើនទំនុកចិត្តលើខ្លួនឯង ក្នុងការប្រាស្រ័យទាក់ទងគ្នាទាំងសម្រាប់ក្នុងជីវិតផ្ទាល់ខ្លួន និងជីវិតក្នុងសង្គមការងារ។ • ដំណោះស្រាយក្នុងការតម្រង់ធ្មេញឲ្យត្រូវទៅតាមកំណាំធ្មេញធម្មតា ងាយស្រួលក្នុងការខាំទំពាចំណីអាហារ ដែលជាកត្តាជំរុញឲ្យអ្នកមានសុខភាពល្អ។ • ធ្មេញដែលត្រង់ជួរស្អាត ធ្វើឲ្យងាយស្រួលក្នុងការសម្អាតបានល្អនូវចំណីអាហារ ឬក៏កម្ទេចកំទីដែលតោងជាប់នៅចន្លោះធ្មេញ។ ផ្ទុយមកវិញ ប្រសិនបើធ្មេញរបស់អ្នកមិនត្រង់ជួរ វាអាចបង្កភាពងាយស្រួលក្នុងការជាប់ចំណីអាហារ និងបាក់តេរី ជាហេតុនាំឲ្យមានរោគពុកធ្មេញ ក្លិនមាត់មិនល្អ ជំងឺអញ្ជាញធ្មេញមួយចំនួន និងអាចនាំឲ្យបាត់បង់ធ្មេញទៀតផង។ នរណាខ្លះគួរជ្រើសរើសការពត់ធ្មេញ? ជាទូទៅការពត់តម្រង់ធ្មេញ គឺអាចធ្វើឡើងសម្រាប់មនុស្សគ្រប់វ័យ ទាំងកុមាររហូតដល់មនុស្សចាស់ និងត្រូវបានណែនាំចំពោះអ្នកណាម្នាក់ដោយផ្អែកលើសភាពធ្មេញ របស់ពួកគេដូចជា៖ • បុគ្គលដែលមានធ្មេញដុះប្រជ្រួសគ្នា • បុគ្គលដែលមានឆ្អឹងថ្គាមធ្មេញផ្នែកខាងលើលយទៅមុខខ្លាំង គ្របទៅលើឆ្អឹងថ្គាមផ្នែកខាងក្រោម • បុគ្គលដែលមានឆ្អឹងថ្គាមផ្នែកខាងក្រោមលយទៅមុខខ្លាំង ឬឆ្អឹងថ្គាមផ្នែកខាងលើខិតទៅក្រោយខ្លាំង • បុគ្គលដែលមានចន្លោះប្រហោងនៃផ្នែកធ្មេញមុខ នៅពេលដែលធ្មេញផ្នែកខាងក្រោយខាំប៉ះគ្នា • បុគ្គលដែលមានខ្សែបន្ទាត់នៃចំនុចកណ្តាលធ្មេញមុខខាងលើមិនស្របគ្នាទៅនឹងចំនុចកណ្តាលនៃធ្មេញមុខផ្នែកខាងក្រោម • បុគ្គលដែលមានចន្លោះ ឬប្រហោងពីធ្មេញមួយទៅធ្មេញមួយទៀត • បុគ្គលដែលមានធ្មេញមានលក្ខណៈចង្អៀត ដែលមិនមានលំហគ្រប់គ្រាន់សម្រាប់ដំណុះធ្មេញ។ តើមានជម្រើសអ្វីខ្លះសម្រាប់ការពត់តម្រង់ធ្មេញ? វិធីសាស្រ្តនៃការពត់តម្រង់ធ្មេញ ដែលនិយមប្រើប្រាស់ជាទូទៅមាន៣ប្រភេទ៖ 1.   ការពត់តម្រង់ធ្មេញដោយប្រើលួសដាក់ជាប់ពីខាងក្រៅនៃធ្មេញ៖  វាជាវិធីសាស្ត្រដែលគេប្រើប្រាស់ញឹកញាប់ជាងគេ ក្នុងការពត់តម្រង់ធ្មេញ។ 2.   ការពត់តម្រង់ធ្មេញដោយប្រើលួសដាក់ជាប់ពីខាងក្នុងនៃធ្មេញ៖វិធីនេះមិនអាចឲ្យគេមើលដឹងថាយើងកំពុងព្យាបាលពត់តម្រង់ធ្មេញទេ ប៉ុន្តែវាក៏មិនសូវជាមានផាកសុខភាពប៉ុន្មានដែរ។ 3.    ការពត់តម្រង់ធ្មេញដោយប្រើឧបករណ៍ជ័រថ្លា៖ មិនប៉ះពាល់ដល់សោភ័ណភាព រឹតតែគេមើលមិនដឹងថាយើងកំពុងព្យាបាលពត់តម្រង់ធ្មេញទៀត គ្រាន់តែវាមានតម្លៃថ្លៃជាងការពត់តម្រង់ធ្មេញទាំងពីរប្រភេទខាងលើ។ លោកទន្តពេទ្យ ស៊ឹង គីមសាន  បានបញ្ជាក់ផងដែរថាអាណាព្យាបាលទាំងអស់គួរនាំកូនទៅជួបទន្តពេទ្យ នៅពេលពួកគេចាប់ផ្តើមដុះធ្មេញស្រុកដំបូង ដើម្បីឲ្យទន្តពេទ្យពិនិត្យ ថែទាំតាមដាន និងវាយតម្លៃទៅលើដំណុះធ្មេញរបស់គាត់ ហើយវាពិតជាសំខាន់ ក្នុងការនាំឲ្យពួកគេមានធ្មេញត្រង់ជួរស្អាតនៅពេលធំពេញវ័យ។  បើយោងតាមសមាគម ពត់តម្រង់ធ្មេញសហរដ្ឋអាមេរិក បានណែនាំថា កុមារគួរតែទទួលបានការវាយតម្លៃអំពីការពត់តម្រង់ធ្មេញពីទន្តបណ្ឌិតតាំងពីនៅមុនអាយុ៧ឆ្នាំ។   សូមថ្លែងអំណរគុណផងដែរចំពោះការចូលរួមផ្តល់យោបល់ពីទន្តបណ្ឌិត កែវ ប្រឹក្សា   ដែលកំពុងបន្តការសិក្សាថ្នាក់បណ្ឌិត (PhD)ផ្នែកពត់តម្រង់ធ្មេញនៅប្រទេសជប៉ុន។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Oral Health
Share
  • Apr 19, 2017 |
  • 7 years ago |
  • 4K views

កំហុសគិតមិនដល់ទាំង៦ ពេលហាត់ប្រាណ

ចូលចិត្តហាត់ប្រាណ ហើយក៏ហាត់ជាប្រចាំ ប៉ុន្តែមើលពីប្រសិទ្ធភាពវិញគឺមិនបានដូចចិត្តទាល់តែសោះ ធាត់នៅតែធាត់ រីឯក្បាលពោះវិញក៏នៅតែមាន។ កត្តាជាច្រើនអាចមានឥទ្ធិពលដល់រាងកាយ ក៏ដូចជាប្រសិទ្ធភាពក្នុងការហាត់ប្រាណរបស់អ្នកផងដែរ ហើយអាចមានកត្តាណាមួយដែលអ្នកកំពុងតែធ្វើ ដោយមិនធ្លាប់ដឹងថាវាខុស។  ដូចនេះ កុំឲ្យកំហុសដដែលៗបន្តកើតឡើងជាមួយនឹងកំហុស៦យ៉ាងពេលហាត់ប្រាណតទៅទៀត៖  1.    ញ៉ាំច្រើនពេកមុនពេលហាត់ប្រាណ ប្រាកដណាស់ដែលការញ៉ាំមុនហាត់ប្រាណជួយផ្តល់ថាមពលដល់អ្នកក្នុងការហាត់ ហើយមិនធ្វើឲ្យអ្នកឃ្លានពេលកំពុងហាត់ ប៉ុន្តែអ្នកក៏មិនគួរបណ្តោយខ្លួនអ្នក ឲ្យញ៉ាំលើសលប់ដែរ ដោយហេតុថា ការញ៉ាំមុនហាត់-ប្រាណអាចឲ្យអ្នកឈឺពោះ និងចង្អោរពេលកំពុងហាត់។ ប្រសិនបើចាំបាច់ អ្នកគប្បីញ៉ាំអាហារសម្រន់ដូចជា ផ្លែឈើ គ្រាប់ធញ្ញជាតិ ឬប្រភេទយ៉ាអួ យ៉ាងហោចណាស់៤៥នាទីមុនហាត់ តែបើអ្នកត្រូវញ៉ាំអាហារច្រើនអ្នកត្រូវចាំ១ម៉ោងក្រោយ ចាំហាត់ទើបប្រសើរ។ 2.    ញ៉ាំភេសជ្ជៈប៉ូវកម្លាំង ភេសជ្ជៈប៉ូវកម្លាំងអាចជួយឲ្យអ្នកមិនឆាប់ហត់ក៏ពិតមែន ប៉ុន្តែភេសជ្ជៈប្រភេទនេះមិនត្រូវបានណែនាំឲ្យញ៉ាំអំឡុងពេលហាត់ឡើយ ដោយសារវាមានផ្ទុកនូវជាតិស្ករ និងសារធាតុដែលមានកាឡូរីច្រើនអាចប៉ះពាល់ដល់មុខងារបេះដូង។ ម៉្យាងទៀត សារធាតុកាហ្វេអ៊ីននៅក្នុងភេសជ្ជៈអាចបង្កផលរំខានដល់លំហូរឈាម ប្រសិនបើអ្នកបរិភោគវាក្នុងពេល និងក្រោយពីហាត់រួចភ្លាម។ ផ្ទុយមកវិញ  លោកអ្នកអាចជំនួសវាបានដោយការញ៉ាំទឹក ឬពពួកភេសជ្ជៈ សម្រាប់អ្នកកីឡា (Sport Drink) ក្នុងបរិមាណសមរម្យជាការល្អបំផុត។ 3.    ហាត់យូរពេក ហាត់ប្រាណដើម្បីបានសុខភាពល្អ មិនមែនមានន័យថាអ្នកត្រូវហាត់ច្រើនបំផុតតាមដែលអាចធ្វើបាននោះទេ អ្នកត្រូវមានកាលវិភាគត្រឹមត្រូវ និងរយៈពេលសមស្រប។ តាមការស្រាវជ្រាវមួយបង្ហាញថា ការហាត់ប្រាណហួសហេតុពេក ជាមូលហេតុនៃស្ត្រេស បាក់កម្លាំង ខ្សោយសាច់ដុំ និងអាចបណ្តាលឲ្យមានគ្រោះថ្នាក់ពីការហាត់ប្រាណថែមទៀត។  អ្នកគួរអនុវត្តការធ្វើលំហាត់ប្រាណតាមបរិមាណកម្លាំងរបស់អ្នក និងគួរធ្វើការហាត់ក្នុងកម្រិតជុំវិញ ៥ម៉ោងក្នុងមួយសប្តាហ៍។ ម៉្យាងទៀត ត្រូវផ្តល់ពេលវេលាឲ្យរាងកាយ អ្នកបានសម្រាកនៅពេលអ្នកមានអារម្មណ៍ឈឺចាប់នៅត្រង់កន្លែងណាមួយ។ 4.    សម្រាកយូរពេក ដូចនឹងការហាត់យូរពេក ការសម្រាកយូរពេកក៏ប៉ះពាល់ដល់ប្រសិទ្ធភាពនៃការហាត់ប្រាណផងដែរ។ ជាទូទៅ ត្រឹមតែ១ទៅ២នាទីនៃការសម្រាកអំឡុងពេលហាត់ត្រូវបានណែនាំ និងបង្ហាញថាគ្រប់គ្រាន់ដើម្បីឲ្យរាងកាយអ្នកត្រឡប់មកសភាពល្អឡើងវិញ។ ការលេង ឬនិយាយទូរស័ព្ទក្នុងពេលហាត់ប្រាណមិនមែនជាគំនិតល្អនោះទេព្រោះវាអាច ធ្វើឲ្យអ្នកមិនផ្តោតអារម្មណ៍លើការហាត់ ហើយក៏ជាមូលហេតុដែលធ្វើឲ្យអ្នកសម្រាកយូរ និងលែងចង់ហាត់បន្តទៀត។ យកល្អពេលហាត់ប្រាណប្រើទូរស័ព្ទត្រឹមតែស្តាប់ ចម្រៀងដែលអ្នកចូលចិត្ត ដើម្បីប្រមូលអារម្មណ៍ជំរុញការហាត់ទៅបានហើយ។ 5.    ហាត់ម្នាក់ឯង អ្នកអាចនឹងចង់មានឯករាជ្យ ហើយចូលចិត្តហាត់ប្រាណតែម្នាក់ឯង ដែលមើលទៅអ្នកទំនងជារីករាយជាមួយនឹងការធ្វើបែបនេះ ដោយភ្លេចគិតដល់ការជំរុញទឹកចិត្ត ដែលជាផ្នែកមួយដ៏សំខាន់ក្នុងការលើកទឹកចិត្តខ្លួនឯងត្រឹមតែខ្លួនអ្នកម្នាក់ប្រាកដជាមិនអាចប្រសើរនោះទេ។ ប្រសិនបើអ្នកហាត់មានដៃគូ ត្រឹមតែ២នាក់ឬច្រើន នឹងអាចបង្កើនកម្លាំងជំរុញចិត្ត ២ដងឲ្យការហាត់កាន់តែមានប្រសិទ្ធភាព ហាត់បានទៀងទាត់ ហើយក៏មិនសូវធ្វើឲ្យអ្នកឆាប់ធុញដែរ។ 6.    ហាត់ដដែលៗ ការហាត់ប្រាណដដែលៗអាចឲ្យអ្នកមានភាពងាយស្រួល តែបើអ្នកនៅតែធ្វើវាជារៀងរាល់ថ្ងៃ   នោះវានឹងកាត់បន្ថយនូវប្រសិទ្ធភាពហើយធ្វើឲ្យអ្នកកាន់តែធុញទ្រាន់។ សាកល្បងរាងកាយអ្នកឲ្យមានការប្រកួតប្រជែងដោយការហាត់បែបផ្សេងទៀត ពេលនោះអ្នកនឹងបានឃើញលទ្ធផលរីកចម្រើន។ ព្យាយាមផ្លាស់ប្តូរពីការហាត់​ប្រើកម្លាំងតិចទៅច្រើនបន្តិចម្តងៗមានន័យថាប្រសិនបើអ្នកធ្លាប់ជិះកង់អ្នកគួរប្តូរមកជាការរត់វិញម្តង។ ការរក្សាឲ្យមានការពញ្ញាក់ដល់រាងកាយអ្នកជាអ្វី​ ដែលអ្នកមិនត្រូវមើលរំលង។ ការហាត់ប្រាណវាជារឿងមួយដែលត្រូវប្រកួតនឹងខ្លួនឯងទៅហើយ ដូចនេះកុំដោយសារកំហុសដែលអ្នកមិនបានដឹង ក្លាយជាមូលហេតុដែលអ្នកអស់ទឹកចិត្តក្នុងការប្រកួត។ អញ្ចឹងពេលនេះល្មមដល់ពេលដែលអ្នកត្រូវបញ្ឈប់ ដើម្បីឲ្យការហាត់ប្រាណរបស់អ្នកផ្តល់លទ្ធផលតាមការរំពឹងទុកហើយ។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Fitness
Share
  • Apr 19, 2017 |
  • 7 years ago |
  • 2.6K views

Activewear ធ្វើឲ្យអ្នកកាន់តែមានថាមពល!

សម្រាប់មនុស្សដែលពោរពេញដោយថាមពល ប៉ុន្តែបែរជាមិនអាចបង្ហាញវាយ៉ាងត្រឹមត្រូវ គឺជារឿងគួរឲ្យស្តាយ ជាពិសេសតាមរយៈការជ្រើសរើសការស្លៀកពាក់មិនសមរម្យ ដែលរារាំងដល់ការធ្វើសកម្មភាព ក៏ដូចជាផាសុកភាព​ និងជំនឿចិត្តក្នុងការបញ្ចេញភាពរស់រវើកនេះឲ្យបានពេញលេញ។ ដោយឡែកសម្រាប់អ្នកដែលមិនសូវមាន ភាពសកម្មមែននោះ ក៏ត្រូវរកវិធីដើម្បីជំរុញឲ្យខ្លួនឯងមានទឹកចិត្តក្នុងការបញ្ចេញសកម្មភាពផងដែរ ឬយ៉ាងហោចណាស់អ្នកក៏អាចលាក់បាំងបានខ្លះថាអ្នកមិនសកម្ម ឬខ្ជិលច្រអូសជាដើម។ Activewear ដែលជាtrendពេញនិយមមួយនៃការស្លៀកពាក់សម្រាប់មនុស្សគ្រប់វ័យក៏ត្រូវបានណែនាំយ៉ាងពេញទំហឹងសម្រាប់អ្នកដែលស្វែងរកភាពសកម្ម ដែលលាក់ទុកក្នុងខ្លួនឲ្យបង្ហាញចេញមកដោយថាមពល។ នេះគឺជា Activewear វាជាសម្លៀកបំពាក់ប្រភេទធម្មតា (Causal)ស័ក្តិសមនឹងឱកាសមិនផ្លូវការ ដែលជាទូទៅវាអាចផ្តល់នូវផាសុកភាព ភាពសម្រាក ងាយធ្វើចលនា និងបំពេញមុខងារ បានយ៉ាងល្អ ជាមួយនឹងម៉ូតយ៉ាងសម្បូរបែប។ ជាញឹកញាប់ វាត្រូវបានយល់ច្រឡំថាជាសម្លៀកបំពាក់កីឡា   ឬសម្រាប់ហាត់ប្រាណ(Sports wear)ដែលត្រូវបានច្នៃឡើងក្នុងគោលបំណងជាក់លាក់ទៅលើការលេងកីឡា ខណៈ Active wear ត្រូវបានច្នៃឡើងក្នុងគោលបំណងរួមបញ្ជូលការស្លៀកពាក់សម្រាប់ហាត់ប្រាណ ជាមួយនឹងការស្លៀកពាក់ធម្មតាក្នុងពេលជាមួយគ្នា។ មានន័យថា អ្នកអាចប្រើឈុត Activewear មិនថាទៅហាត់ប្រាណ ឬទៅកន្លែងដែលមិនតម្រូវភាពផ្លូវការបានតាមសប្បាយ។ ឥទ្ធិពលនៃ Activewear តាមការសិក្សាបង្ហាញថា អ្នកដែលនិយមស្លៀកពាក់បែប active ទោះបីជាមានគម្រោងក្នុងការហាត់ប្រាណ ឬក៏អត់ពួកគេច្រើន មានការជំរុញទឹកចិត្តឲ្យធ្វើសកម្មភាពប្រចាំថ្ងៃច្រើនជាងពេលដែលស្លៀកពាក់បែបផ្សេងពីនេះ។ ចំណែកឯការសិក្សាមួយទៀតក៏បង្ហាញផងដែរថា activewear ដែល ធ្វើឲ្យពួកគេមានអារម្មណ៍ថាមានសុខភាពល្អ គឺជាការផ្តើមដ៏មានប្រសិទ្ធភាពសម្រាប់អ្នកដែលត្រៀមទទួលយកបែបបទនៃការរស់នៅប្រកបដោយសុខភាព។ ដោយឡែក ប្រភេទខ្លះនៃសម្លៀកបំពាក់បែបនេះដែលមានការរចនាយ៉ាងពិសេសសម្រាប់រាងកាយត្រូវបានគេដឹងថាអាចជួយជំរុញចរន្តឈាមរត់ និងបង្កើនការផ្តល់អុកស៊ីហ្សែនទៅកាន់សាច់ដុំធ្វើឲ្យមានការបង្កើនកម្លាំង និងឥទ្ធិពលរបស់រាងកាយជម្រុញភាពល្អឥតខ្ចោះនៃសកម្មភាពរបស់យើង នៅពេលដែលពាក់វាទៀតផង។ រសនិយមរបស់អ្នកចូលចិត្ត Activewear Activewear ត្រូវបានជ្រើសរើសដោយអ្នកដែលចូលចិត្តចំណាយពេលវេលានៅក្រៅផ្ទះ ឬមានការរស់នៅដ៏សកម្ម និងចូលចិត្តភាពងាយស្រួល។ ដោយឡែក សម្រាប់អ្នកដែលមានភាពមមាញឹកច្រើន រហូតមិនមានពេលគ្រប់គ្រាន់ទៅហាត់ប្រាណបានទៀងទាត់ ក៏និយមជាមួយនឹង Active wear ដូចគ្នា ពីព្រោះយ៉ាងហោចណាស់ពួកគេមានអារម្មណ៍ថាហាក់កំពុងហាត់ប្រាណស្របពេលដែលធ្វើចលនារាងកាយធម្មតាដូចជា ការដើរការឈោងចាប់របស់ ឬឱនចុះឡើងជាដើម។ លទ្ធភាពនៃការប្រើប្រាស់ Activewear កាលពីមុន តែងមានការយល់ថា Activewearត្រូវបានប្រើប្រាស់សម្រាប់តែការហាត់ប្រាណ តែបច្ចុប្បន្ន Activewear ពិតជាមានការនិយម ប្រើប្រាស់បានយ៉ាងច្រើនកាលៈទេសៈ និងសឹងតែអាចក្លាយជាសម្លៀកបំពាក់ប្រចាំថ្ងៃបានយ៉ាង ស័ក្តិសមមិនថា ទៅដើរលេង ទៅហាងកាហ្វេ ជួបជុំមិត្តភក្តិ គ្រួសារ នៅផ្ទះ ទៅទិញទំនិញ ដើរផ្សារ មើលកុន ធ្វើដំណើរ  និងលើសពីនេះ គឺវាក៏អាចប្រើជាឯកសណ្ឋានស៊ីវិលសម្រាប់ទៅសាលា ឬកន្លែងធ្វើការផងដែរនៅពេលដែលយើង បន្ស៊ីវាបានល្អជាមួយនឹងគ្រឿងតុបតែងដែលត្រឹមត្រូវ។ រូបភាពនៃ Activewear អាវដៃវែងសម្រាប់ពាក់ខាងក្រៅ អាវយឺតដៃវែង ខោសាច់អំបោះរលុងៗ  ខោរឹបសាច់យឺត   ខោខ្លីសាច់អំបោះដែលអាចមានលក្ខណៈធន់នឹងញើស។ល។  សម្រាប់នារីៗអាវទ្រនាប់ខាងក្នុងត្រឹមពាក់កណ្តាល ដែលមានលក្ខណៈទប់បានល្អនិងផ្តល់ផាសុកភាព ព្រមទាំងអាចដកដង្ហើមបានស្រួលក៏ជាផ្នែកមួយសំខាន់ផងដែរ។ បន្ទាប់ពីនោះ ស្បែកជើងគួរជាប្រភេទប៉ាតាដែលរឹងមាំ តែទន់ល្អមិនឈឺជើង និងមិនធ្ងន់ពេក ជាពិសេសគួរតែមានម៉ូត និងពណ៌ស្រស់ស្អាត ដែលធ្វើឲ្យវាមើលទៅមិនដូចជាស្បែកជើងកីឡា។ ឯគ្រឿងតុបតែងដែលគួរពាក់ជាគូនឹង Activewear មានដូចជា នាឡិកាដៃ មួកកន្ទិប សាក់កាដូ ឬកាបូបយួរ  ជាពិសេសគឺវ៉ែនតាការពារកម្តៅថ្ងៃ។ លេងម៉ូតសក់របស់អ្នក ដោយការចងសក់កន្ទុយសេះ ឬក៏ប្រើបូរក្រណាត់ចូកសក់ឡើងកុំឲ្យបាំងភ្នែក។ អ្នកក៏អាចបន្ថែមការលាបពណ៌ក្រចកឲ្យរលោងស្អាត   និងការមេកអាប់បន្តិចបន្តួចតាមកាលៈទេសៈបានផងដែរ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  ​

Health Tips
Share
  • Apr 12, 2017 |
  • 7 years ago |
  • 3K views

ដល់ពេលរៀបចំអីវ៉ាន់ទៅលេងផ្ទះហើយ!

ពិធីចូលឆ្នាំខ្មែរជិតក៏ខិតចូលមកដល់ ហើយក៏ជាពេលវេលាទៅលេងស្រុកកំណើតដែរ​ ទីក្រុងប្រហែលមានសភាពស្ងប់ស្ងាត់បន្តិច។​ វាជាពេលសម្រាកមួយយូរគួរសមដែរ ដូចនេះ មុនពេលចេញដំណើរទៅផ្ទះ គួរតែមាន​ការរៀបចំឲ្យរួចរាល់នូវចំណុចមួយចំនួន៖  រៀបចំផ្ទះមុនចេញដំណើរទៅស្រុក • រៀបចំផ្ទះបាយ៖ រៀបចំបិទភ្លើងទូទឹកកក និងដកម្ហូប ឬអីវ៉ាន់ផ្សេងៗចេញឲ្យអស់រួចដើម្បីកុំឲ្យធុំក្លិន។ ជាពិសេសបោះចោលឲ្យអស់សម្រាមទាំងស្ងួត និងសើម ជាពិសេសកាកសំណល់ផ្ទះបាយ។ • ផ្តាច់ចរន្តអគ្គិសនី និងទឹក៖ បិទកុងតាក់ភ្លើង ការពារការឆ្លងចរន្តនានាពេលមិនមានមនុស្សនៅ និងទឹកការពារមានការលេចផ្សែងដែលយើងមិនដឹង។  • រៀបចំកន្លែងគេង៖ ភួយក្នើយអីគួរគ្រប់ទុកដាក់ការពារកុំរញេរញៃ និងមានដីតោង។  • មើលគន្លឹះទ្វា និងបង្អួចឲ្យបានត្រឹមត្រូវ ដើម្បីការពារសុវត្ថិភាព។  អីវ៉ាន់ដែលគួរយកទៅតាមខ្លួនពេលទៅផ្ទះ • កាបូបដាក់សម្លៀកបំពាក់៖ របស់របរប្រើប្រាស់ប្រចាំថ្ងៃប្រាកដជាត្រូវយកទៅហើយ តែគួរតែមានសម្លៀកបំពាក់ថ្មី ឬរបស់របរប្រើប្រាស់ថ្មី ដើម្បីអប់អរសាទរឆ្នាំថ្មី (មិនមានក៏មិនអីដែរ គ្រាន់តែមានការតាំងថ្មីក៏បាន) • សៀវភៅ៖ ពេលកំពុងជិះឡានទៅផ្ទះ ដាក់កាសស្តាប់ចម្រៀង ហើយអានសៀវភៅរឿង ឬសៀវភៅអប់រំផ្សេងៗ គឺការចំណាយពេលយ៉ាងល្អបំផុត។ បន្ទាប់ពីការជួបជុំនានា អ្នកក៏អាចចំណាយពេលសម្រាប់ខ្លួនសម្រាកអានសៀវភៅ ដើម្បីជាកម្សាន្តបែបស្ងៀមស្ងាត់។ តែបើអ្នកពុលឡាន មិនបាច់អាចក៏បាន ហើយលេបថ្នាំពុលឡាន និងគេងសម្រាកទៅ។ មិនគួរទៅស្រុកដៃទទេរទេ • កុំភ្លេចកាដូឆ្នាំថ្មីសម្រាប់អ្នកមានគុណ៖ កាដូរបស់គាត់គួរតែពិសេសជាងគេ អាចជាសម្លៀកបំពាក់ របស់របរប្រើប្រាស់ ឬជាភេសជ្ជៈជំនួយសុខភាព។ • កាដូសម្រាប់បងប្អូន៖ អាចជានំ ផ្លែឈើ ឬភេសជ្ជៈក៏បាន វាសុទ្ធតែជាទឹកចិត្តទាំងអស់។  រៀបចំឲ្យរួចរាល់ មុនចេញដំណើរ ដូចនេះរយៈពេល៤ ៥ថ្ងៃនេះ អ្នកអាចទៅលេងផ្ទះ ដោយមិនមានការព្រូយបារម្ភមិនធុញទ្រាញនឹងការធ្វើដំណើរ ហើយនឹងមានការជួបជុំមួយដែលសប្បាយរីករាយ។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips
Share
  • Apr 11, 2017 |
  • 7 years ago |
  • 5.5K views

រូបមន្ត ធ្វើស៊ុបមាន់លាយបន្លែហ៊ុយៗ ប៉ូវកម្លាំង!

ខំរៀន ឬធ្វើការពេញមួយថ្ងៃពិតជាអស់កម្លាំង បើបានញ៉ាំស៊ុបមាន់ក្តៅៗមិនដឹងល្អយ៉ាងណា។ លើកនេះសូមលើកយករូបមន្តធ្វើស៊ុបមាន់ និងផ្សំគ្រឿងជាមួយបន្លែដែលសម្បូរទៅដោយវីតាមីនដែលអាចផ្តល់ថាមពលឲ្យអ្នកឡើងវិញបានដោយអ្នកអាចធ្វើញ៉ាំដោយខ្លួនឯងនៅផ្ទះ។ តោះមើលទាំងអស់គ្នាថាមានគ្រឿងផ្សំអ្វីខ្លះ និងធ្វើយ៉ាងម៉េច? គ្រឿងផ្សំ៖ 1. សាច់មាន់ (កាប់ដុំៗ)     = 200g 2. ការ៉ុត (កាត់កង់ៗ)    = ពាក់កណ្តាលមើមតូចល្មម 3. ដំឡូងបារាំង    = 1មើម 4. គីនឆាយ (កាត់បញ្ឆិតៗ)    = 1កង់ ស្មើរ3ថ្នាំងដៃ 5. ខ្ទឹមបារាំង (ចិញ្រ្ចាំ)    ​= 1ស្លាបព្រាបាយ 6. ប័រសាប        = កន្លះស្លាបព្រាបាយ 7. ម្សៅពោត        = 1ស្លាបព្រាកាហ្វេ 8. អំបិល        = កន្លះស្លាបព្រាកាហ្វេ 9. ទឹកស៊ុប+ទឹក    = 1លីត្រ 10. ម្រេច        = បន្តិច 11. ម្សៅស៊ុបខ្នរ    = កន្លះស្លាបព្រាកាហ្វេ 12. ស្លឹកខ្ទឹម (ហាន់)    = បន្តិច 13. ជីវ៉ាន់ស៊ុយ (ហាន់)    = បន្តិច របៀបធ្វើ៖ 1. យកឆ្នាំងដាក់លើភ្លើង(ប្រើភ្លើងតិចៗ) ដាក់ប័រចូលអោយរលាយ  2. បន្ទាប់មកដាក់ខ្ទឹមបារាំងចិញ្រ្ចាំរួចចូល ឆាបន្តអោយឈ្ងុយបន្តិចដាក់ម្សៅពោតចូល កូរបន្តបន្តិច រួចដាក់ទឹកស៊ុបលាយទឹកបន្តិចចូល កូរបន្ត។ 3. ដាក់សាច់ចូល កូរបន្តបន្តិចសិន រួចដាក់ទឹកស៊ុបលាយទឹកចូលបន្ថែម ទុកអោយពុះ។ 4. 5នាទីបន្ទាប់ពីពុះ ដាក់បន្លែដូចជាការ៉ុត ដំឡូងបារាំង និងគីនឆាយចូល បន្ទាប់មកដាក់គ្រឿងទេសចូល។ 5. រំងាស់រហូតដល់បន្លែផុយល្មម។ 6. ដួសដាក់ចាន ដោយរោយស្លឹកខ្ទឹមនិងជីវ៉ាន់ស៊ុយពីលើជាការស្រេច។ មើលទៅវិធីធ្វើដូចមិនមានអីពិបាកទេ សាកបញ្ចេញស្នាដៃធ្វើស៊ុបបែបនេះ ដើម្បីប៉ូវកម្លាំងឡើងវិញ ដែលខំសិក្សា និងធ្វើការពេញមួយថ្ងៃ។ គ្រាន់តែឃើញរូបភាពគំរូ ក៏ស្រក់ទឹកមាត់ដែរ នៅចាំអីទៀត!  រូបមន្ត និងវិធីធ្វើនេះនាំមកជូនដោយសាលាបង្រៀនធ្វើម្ហូបKSK ។

Health Tips
Share
  • Apr 11, 2017 |
  • 7 years ago |
  • 6.6K views

ក្បាច់ហែលទឹក៤យ៉ាង ដែលអាចដុតកាឡូរីបានល្អ

អាកាសធាតុកំពុងតែក្តៅខ្លាំង បែកញើសអស់ជាតិទឹកពីខ្លួនមួយចំនួនហើយ បើទៅហាត់ប្រាណរឹតតែអស់ជាតិទឹកពីខ្លួនថែមទៀត មិនទាន់បានដុតកាឡូរីផង។ មានតែការហែលទឹកជាជម្រើសល្អបំផុត ដែលអាចដុតកាឡូរីបានដោយមិនបាត់បង់ជាតិតាមញើសតែ តើការហែលទឹកប្រភេទណាដែលស័ក្តិសមនឹងអ្នក នៅមិនទាន់ដឹងមែនទេ?   យោងតាមការចែករំលែកពីលោក ស៊ិន មករា គ្រូបង្វឹកហែលទឹកប្រចាំនៅក្លឹបហាត់ប្រាណ  Superfit Fitness and Health Club​ ការហែលទឹកមាន៤ប្រភេទដែលពេញនិយម ហើយប្រភេទនីមួយៗមិនត្រឹមមានការធ្វើចលនាមិនដូចគ្នា វាក៏មានអត្ថប្រយោជន៍ ព្រមទាំងលទ្ធភាពក្នុងការបំផ្លាញកាឡូរីខុសៗពីគ្នាផងដែរ ដែលនឹងបង្ហាញអ្នកដូចខាងក្រោមនេះ បន្ទាប់មកអ្នកក៏ដឹងថាតើប្រភេទណាមួយ ត្រូវនឹងអ្នកជាងគេ។ ១ ហែលបែបកង្កែប៖ ជាប្រភេទនៃការហែលទឹកពេញនិយមមួយដែលចលនាជើងមានលក្ខណៈដូចកង្កែប ប្រើដៃជើងមួយៗ  និងមានចលនាយឺតជាងក្បាច់ផ្សេងទៀត ដែលភាគច្រើនក៏អាចហាត់សម្រាប់ការហែលដែលមានចម្ងាយវែងផងដែរ។ ការហែលទឹកក្បាច់នេះច្រើនតែត្រូវបានណែនាំសម្រាប់អ្នកហាត់រៀនហែលលើកដំបូង ព្រោះវាជាតិចនិកងាយអនុវត្ត។ វាជំរុញមុខងារស្មាជើង សាច់ដុំសរសៃពួរគន្លាក់ជើង សាច់ដុំ triceps និងសាច់ដុំទ្រូងឲ្យរឹងមាំ។ ម៉្យាងវិញទៀត ហែលស្ទាយបែបនេះត្រឹមតែមួយម៉ោង  អាចដុតបំផ្លាញកាល់ឡូរីបានរហូតដល់៧២០កាឡូរី។   ២ ហែលផ្ងារ ឬចាក់កាណូត៖ ជាការហែលដែលប្រើចលនាជើងប្រហាក់ប្រហែលនឹងការហែលបែបសេរី ខុសតែចលនាដៃវាជួយអ្នកក្នុងការពង្រឹងជំហរដងខ្លួន ពិសេសសម្រាប់អ្នកធ្វើការនៅមុខកុំព្យូទ័ររយៈពេលយូរជាប្រចាំ។ វាជាប្រភេទនៃការហែលទឹកសាមញ្ញមួយ ដែលមានការប្រើប្រាស់ដៃ ស្មា ជើង និងពោះរួមគ្នា និងអាចដុតបំផ្លាញកាឡូរីរហូតដល់ ៥០០កាឡូរីក្នុងមួយម៉ោង។  ការហែលបែបនេះ ក៏មិនតម្រូវឲ្យអ្នកប្រើប្រាស់កម្លាំងច្រើន ហើយក៏អាចដកដង្ហើម បានស្រួលផងដែរខណៈដែលក្បាលរបស់អ្នកផ្ងារ និងបណ្តែតតាមបណ្តោយទឹក។ ៣ ហែលសេរី៖ ជាការហែលបែបឯករាជ្យ សាមញ្ញ និងជាក្បាច់ដែលមានល្បឿនលឿនជាងគេបំផុត។ ជាទូទៅត្រូវបានគេជ្រើសរើសជាក្បាច់សម្រាប់ការប្រកួតក្នុងរយៈចម្ងាយឆ្ងាយ ពីព្រោះវាមិនតម្រូវឲ្យចំណាយថាមពលច្រើននោះទេ។ ការហែលសេរីអាចដុតបំផ្លាញកាឡូរីរវាង ៥០០-៧០០កាល់ឡូរី។ ដោយឡែក ហែលបែបសេរី អាចឲ្យអ្នកបានបញ្ចេញកម្លាំង និងចលនាក្នុងកម្រិតស្មើគ្នាទាំងដៃ និងជើងដែលវាល្អចំពោះគ្រប់ផ្នែកនៃរាងកាយ។ យ៉ាងណាមិញដោយសារការដកដង្ហើមដោយផ្អៀងមកចំហៀង ធ្វើឲ្យការហែលសេរីជាក្បាច់ដែលពិបាកហាត់បន្តិច។ ៤ ហែលបែបមេអំបៅ៖ ជាប្រភេទហែលទឹកមានលក្ខណៈជាការសន្ទះដៃទាំងពីរស្របពេលជាមួយគ្នាដូចមេអំបៅ។ អត្ថប្រយោជន៍នៃការហែលទឹកប្រភេទនេះ គឺវាបង្កើននូវមុខងារនៃការបត់បែនរបស់ប្រអប់ដៃទាំងមូល ខ្នង ពោះ និងទ្រូង។ នេះជាក្បាច់ពិបាកជាងគេ ដោយហេតុថា វាទាមទារឲ្យមានថាមពលគ្រប់គ្រាន់ ដូចនេះ ហើយត្រឹមតែ១ម៉ោងអ្នកអាចដុតកាល់ឡូរីពីក្នុងខ្លួនរហូតដល់៨០០កាឡូរី។   ការហែលទឹកបានទាំងដុតបំផ្លាញកាឡូរីល្អសម្រាប់រាងកាយហើយថែមទាំងបានត្រជាក់ស្រួលទៀតដូចនេះរដូវក្តៅនេះអ្នកនឹងបំផ្លាញកាឡូរីបានយ៉ាងសន្ធឹក ដោយមិនបាច់បែកញើសជោកខ្លួន។ អញ្ចឹងឆាប់ជ្រើសរើសក្បាច់មួយណាទៅ ដើម្បីសម្រេចក្តីស្រមៃនៃការសម្រកខ្លាញ់របស់អ្នកដោយប្រសិទ្ធភាព។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Weight Management
Share
  • Apr 10, 2017 |
  • 7 years ago |
  • 3.8K views

រដូវក្តៅគួរតែផាត់មុខបែបនេះ ដើម្បីរក្សាបានភាពស្រស់ស្អាត

នៅរដូវក្តៅ រឿងស្អុះស្អាប់ បែកញើសជារឿងធម្មតា តែដែលគួរឲ្យធុញទ្រាន់ជាពិសេសសម្រាប់មិត្តនារីៗនោះគឺរឿង makeupលើផ្ទៃមុខជាប្រចាំហ្នឹងតែម្តង។ ប្រាកដជាមិនចង់នឹកឃើញដល់ពេលដែលផាត់មុខបណ្តើរ ជូតញើសបណ្តើរ ឬក៏ជូតញើសដោយទាំងគ្រឿង makeup ថ្លៃៗរបស់យើងនោះទេមែនទេ? ការបែកញើសខ្លាំងរំខានអ្នក មិនថានៅអំឡុងពេលផាត់មុខ និងក្រោយពេលផាត់នោះទេ  ដោយវានាំឲ្យម្សៅផាត់ឡើងប្រតេកប្រតាកពេញមុខ ឬក៏ផាត់មិនស្មើសាច់ និងពិបាកស្មានក្នុងការផាត់ឲ្យដូចការរំពឹងទុក ព្រោះម្សៅអាចនឹងចូល ហើយក៏កកក្តាំងនៅពេលក្រោយ ឬក៏ត្រូវលាងទៅអស់ដោយសារតែញើស ពិបាកឲ្យផាត់ញឹកញាប់។ ម្យ៉ាង វាក៏ធ្វើឲ្យឧបករណ៍ផាត់មុខរបស់អ្នកឆាប់ប្រឡាក់ កខ្វក់ដោយសារញើស លាយម្សៅ និងធូលីដីដែលងាយនឹងតោងជាប់នឹងផ្ទៃមុខ ដែលចុងក្រោយបង្កការប្រឈមនឹងការកើតមុនទៀតផង។   សំណាងល្អដែលមានវិធីសាស្រ្តមួយចំនួនអាចជួយអ្នកបានក្នុងការកាត់បន្ថយបញ្ហាក្នុងការ makeupនៅរដូវក្តៅ និងធ្វើឲ្យអ្នករក្សាភាពស្រស់ស្អាតបានគ្រប់ស្ថានភាព។ ខាងក្រោមនេះជាគន្លឹះទាំង៧ សម្រាប់មិត្តនារីវៃឆ្លាតដែលធ្វើការ makeupជារៀងរាល់ថ្ងៃ និងដឹងខ្លួនច្បាស់ថាខ្លួនងាយនឹងបែកញើស ឬ​ជាញឹកញាប់ ត្រូវស្ថិតក្នុងស្ថានភាពដែលត្រូវបែកញើសមិនថាតិចតួច ឬក៏ខ្លាំង៖   • ក្រែមការពារកម្តៅថ្ងៃ៖ ត្រូវលាបដំបូងគេឲ្យសព្វពេញមុខ និងទុករយៈពេល ២ទៅ៣នាទីដើម្បីអាចឲ្យក្រែមអាចជ្រាបចូលស្បែកបានល្អ។ • ស្ព្រៃយន៍ប្រើពេលផាត់មុខ (Makeup Setting spray)៖ ជាប្រភេទទឹកសម្រាប់បាញ់លើផ្ទៃមុខ មុន និងក្រោយពេលផាត់ ព្រោះវាជួយការពារ​កុំឲ្យម្សៅឆាប់រលាយ ដោយទប់ទល់មិនឲ្យសារធាតុខ្លាញ់ចេញមកច្រើនលើផ្ទៃមុខ ដូចនេះភាពស្រស់ស្អាតនៅលើផ្ទៃមុខអាចរក្សាបានយូរ។ • ចៀសវាងលាបម្សៅទ្រនាប់ក្រាស់ពេក៖ ដើម្បីបិទបាំងរាល់ស្លាកស្នាមដែលមានលើផ្ទៃមុខ នារីជាច្រើនបានលាបម្សៅទ្រនាប់ក្រាស់ៗរហូតអាចឲ្យវាឃើញកកឡើងយ៉ាងច្បាស់ និងប្រតេកប្រតាកជាពិសេសនៅពេលបែកញើស។ ករណីនេះអ្នកគប្បីផ្លាស់ប្តូរទៅប្រើប្រភេទផលិតផលដែលគ្មានផ្ទុកសារធាតុប្រេង និងកុំលាបច្រើនពេក ព្រោះស្បែកមានលក្ខណៈរាងរលោងស្រាប់ហើយនៅរដូវក្តៅ។ • បន្ថយការប្រើប្រាស់ម្សៅផាត់៖ ដូចគ្នាផងដែរចំពោះការផាត់ម្សៅក្រាស់ពេកក្រោយពីម្សៅទ្រនាប់ ដោយវាងាយនឹងបង្កឲ្យលេចចេញនូវស្នាមជ្រួញនៅលើផ្ទៃមុខ ដូច្នេះអ្នកគួរតែប្រើក្រដាសបឺតសារធាតុប្រេងនៅលើផ្ទៃមុខជាមុនសិន ដើម្បីជម្រះខ្លាញ់ និងកុំឲ្យពេលផាត់មុខទៅប្រតាក។ • ខ្មៅដៃគូសចិញ្ចើមធន់នឹងទឹក៖ ​ការប្រើប្រាស់ខ្មៅដៃគូសចិញ្ចើមបែបក្រមួនមានប្រសិទ្ធភាពអាចទប់ទល់នឹងការរលុបបានល្អបំផុត អ្វីដែលសំខាន់គឺអ្នកមិនចាំបាច់ព្រួយបារម្ភនឹងញើសដែលហូរឆ្លងកាត់ចិញ្ចើមធ្វើឲ្យរលុបនោះទេ។ • ចៀសវាងប្រើពណ៌ភ្នែកក្រម៉ៅ៖  ការផាត់ស្រមោលភ្នែកជាមួយនឹងពណ៌ក្រម៉ៅពេកពិតជាធ្វើឲ្យអ្នកដទៃងាយនឹងចាប់អារម្មណ៍នឹងអ្នកណាស់ ជាពិសេសពេលបែកញើសក្រោមពន្លឺថ្ងៃតែម្តង។ ដើម្បីចៀសវាងកង្វល់មួយនេះបានអ្នកគួរតែជ្រើសរើសពណ៌ស្រាលៗសមស្របជាមួយនឹងស្បែកភ្នែករបស់អ្នកបាន ហើយអញ្ចឹងទោះអ្នកបែកញើសក៏មិនអាចមើលឃើញប្រតាកដែរ។ • ជ្រើសរើសប្រភេទម៉ាស្ការ៉ាធន់នឹងទឹក៖ នេះជាអ្វីដែលស្រីៗខ្លាចបំផុត មិនថាពេលលុបមុខចេញ ឬបែកញើសនោះទេ ពីព្រោះវាមិនត្រឹមនឹងរលុបរូបរាងដើម ម៉ាស្ការ៉ាក៏នឹងធ្វើឲ្យជុំវិញភ្នែកឡើងខ្មៅ ប្រតាកផងដែរប្រសិនបើអ្នកមិនបានប្រើប្រាស់ផលិតផលត្រឹមត្រូវ។ • ប្រើក្រែមបែបធម្មជាតិ៖ បបូរមាត់ជាកន្លែងដែលទាក់ទាញជាងគេ ដូច្នេះក្តៅខ្លាំងបែបនេះអ្នកគួរតែជ្រើសរើសប្រភេទក្រែមពណ៌បែបធម្មជាតិ ប្រសើរជាងក្រែមដែលផ្តល់ភាពរលើបរលោងដល់បបូរមាត់ ហើយក្រែមប្រភេទក្រមួនគឺសមស្របជាងគេសម្រាប់មិត្តៗនារី។   សំខាន់ផងដែរក្នុងការផ្តល់ភាពស្រស់ស្អាតពីខាងក្នុង ដើម្បីជំនួយដល់ការmakeup ខាងក្រៅរបស់អ្នកដូច្នេះកុំភ្លេចការរក្សាសំណើមក្នុងខ្លួនឲ្យបានល្អដើម្បីឲ្យស្បែកមាន ភាពភ្លឺរលោង និងស្រស់ថ្លា ដោយការពិសាទឹកឲ្យបានច្រើន  និងពិសាបន្លែ  ផ្លែឈើដែលជួយដល់សុខភាពស្បែករបស់អ្នក។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Skin, STD & Beauty
Share
  • Apr 08, 2017 |
  • 7 years ago |
  • 9.9K views

៦វិធីធម្មជាតិបញ្ចប់បញ្ហារង្វង់ភ្នែកខ្មៅ

រង្វង់ភ្នែកខ្មៅជាបញ្ហាដែលកើតមានស្ទើរតែទៅលើមនុស្សគ្រប់គ្នាដោយសារតែសកម្មភាពប្រចាំថ្ងៃដូចជា ការគេងមិនគ្រប់គ្រាន់ ពន្លឺថ្ងៃ និងដោយសារអាល្លែកហ្ស៊ីជាដើម។ ជាការពិតណាស់ បញ្ហារង្វង់ភ្នែកខ្មៅជះឥទ្ធិពលទៅលើសម្រស់ និងភាពស្រស់ស្អាតរបស់អ្នកមួយភាគធំជាពិសេសគឺនារីៗ ដូចនេះ ហេលស៍ថាមសូមណែនាំលោកអ្នកនូវ៦វិធីងាយៗដើម្បកម្ចាត់បញ្ហារវង្វង់ភ្នែកខ្មៅ... 1.    ត្រសក់ ពិតណាស់ត្រសក់សម្បូរដោយវីតាមីន និងរ៉ែ ដែលធ្វើឲ្យស្បែកមានសំណើមជាពិ-សេសជួយឲ្យស្បែកស។ របៀបធ្វើ៖ យកត្រសក់មួយផ្លែចិតជាចំណិតស្តើងៗ ដាក់ក្នុងទូទឹកកកឲ្យត្រជាក់ ៣០នាទី បន្ទាប់មកយកវាមកបិតលើរង្វង់ភ្នែកខ្មៅរបស់អ្នក ទុករយៈពេល១០នាទីរួចលាងសម្អាតដោយទឹកស្អាតជាការស្រេច។ អ្នកអាចអនុវត្តបានជារៀងរាល់ថ្ងៃដើម្បីបានប្រសិទ្ធភាពកាន់តែប្រសើរ។ 2.    ប៉េងប៉ោះ សម្បូរទៅដោយវីតាមីនអា បេនិងសារធាតុរ៉ែមួយចំនួន ដែលជួយកាត់បន្ថយបញ្ហារង្វង់ភ្នែកខ្មៅ។ របៀបធ្វើ៖ យកប៉េងប៉ោះស្រស់មកក្រឡុក ហើយយកទឹករបស់វា១ស្លាបព្រាកាហ្វេលាយជាមួយទឹកក្រូចឆ្មារ១ស្លាបព្រាកាហ្វេ កូរចូលគ្នាឲ្យសព្វ រួចលាបទៅលើ រង្វង់ភ្នែកខ្មៅនោះ ទុករយៈពេល១០នាទី បន្ទាប់មកលាងជាមួយនឹងទឹកត្រជាក់។ អ្នកអាចអនុវត្តវិធីនេះ២ដងក្នុងមួយថ្ងៃនោះរង្វង់ភ្នែកខ្មៅរបស់អ្នកនឹងបាត់យ៉ាងឆាប់រហ័ស។ 3.    ក្រូចឆ្មារ ក្រូចឆ្មារសម្បូរទៅដោយវីតាមីនC ដែលជួយកម្ចាត់ស្នាមខ្មៅពិសេសត្រង់រង្វង់ភ្នែក។ របៀបធ្វើ៖ ចិតក្រូចឆ្មារច្របាច់យកទឹកឲ្យបានសមល្មម បន្ទាប់មកយកក្រណាត់ស្អាត កាត់ជារង្វង់មូល តូចល្មមនឹងរង្វង់ភ្នែករបស់អ្នក រួចយកវាទៅជ្រលក់ក្នុងទឹកក្រូចឆ្មារ ហើយដាក់វាទៅលើរង្វង់ភ្នែករបស់អ្នកទុករយៈពេល១០នាទីទើបលាងសម្អាតដោយ ទឹកស្អាត។ 4.    ដំឡូងបារាំង ដំឡូងបារាំងផ្ទុកដោយអង់ស៊ីម ម៉្យាងមានឈ្មោះថាCatecholase ដែលមានប្រសិទ្ធភាពធ្វើឲ្យស្បែកមានសភាពភ្លឺរលោង។ របៀបធ្វើ៖ យកដំឡូងបារាំងកិនឲ្យម៉ត់ ឬគ្រាន់តែចិតដំឡូងបារាំងជាបន្ទះហើយបិតលើរង្វង់ភ្នែកខ្មៅរបស់អ្នក។  ទុករយៈពេល១០នាទីរួចលាងសម្អាតដោយទឹកធម្មតាជាការស្រេច។ ដើម្បីឲ្យមានប្រសិទ្ធភាពគួរអនុវត្ត២ដងក្នុងមួយសប្តាហ៍។ 5.        ទឹកផ្កាកុលាប ទឹកផ្កាកុលាបមានសារធាតុម៉្យាងប្រឆាំងនឹងការរលាកហើយផ្ទុកដោយវីតាមីនអា និងសេ មានប្រយោជន៍ដល់ស្បែកដូចជាជួយផ្តល់សំណើមដល់ស្បែក និងធ្វើឲ្យស្បែកខ្មៅត្រង់រង្វង់ភ្នែកភ្លឺថ្លា។ របៀបធ្វើ៖ ដាំទឹកឲ្យពុះរួចដាក់ស្រទាប់ផ្កាកុលាបចូល ហើយបន្ថយភ្លើងបន្តិចរង់ចាំដល់ស្រទាប់ផ្កាកុលាបអស់ពណ៌ រួចទុកឲ្យត្រជាក់បន្ទាប់មក យកកន្សែងស្អាត ទៅដាក់ក្នុងទឹកផ្កាកុលាបនោះ រួចយកទៅដាក់លើរង្វង់ភ្នែកអ្នក ទុករយៈពេល៥-១០នាទី។ អនុវត្តមួយថ្ងៃពីរដងក្នុងរយៈពេល៣សប្តាហ៍អ្នកនឹងទទួលបានលទ្ធផលជាទីគាប់ចិត្ត។ 6.    កញ្ចប់តែត្រជាក់ ផ្ទុកដោយកាហ្វេអ៊ីន និងតាណាំងដែលអាចកម្ចាត់ស្នាមខ្មៅរង្វង់ភ្នែកបានយ៉ាងស័ក្តិសិទ្ធិ។ របៀបធ្វើ៖ ដាំទឹកឲ្យពុះហើយចាក់លើកញ្ចប់តែសមល្មមរួចទុកឲ្យត្រជាក់ បន្ទាប់មកយកកញ្ចប់តែនោះទៅដាក់លើរង្វង់ខ្មៅរបស់អ្នក៥-១០នាទីរួចលាងសម្អាតជាមួយទឹកត្រជាក់។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Skin, STD & Beauty
Share
  • Apr 08, 2017 |
  • 7 years ago |
  • 4.3K views

សុខភាពល្អជាមួយស្វាយទុំ

ដូចជាធុំក្លិនស្វាយទុំបណ្តើរៗហើយត៎ា!ដោយសារមានពេលតែប៉ុន្មានខែ សម្រាប់ញ៉ាំស្វាយទុំ តែបើចិតវាញ៉ាំធម្មតាអាចមានភាពដដែលបន្តិច។ ហេតុនេះងាកមកមើលវិញថា តើស្វាយទុំអាចយកទៅធ្វើអ្វីបានខ្លះ និងមានអ្វីដែលពិសេស? រសជាតិជូរអែម និងក្លិនរបស់ស្វាយទុំ នៅតែរក្សាទុកបានបើទោះជាត្រូវបានចម្អិន ឬច្នៃទៅជា Menu ផ្សេងៗក៏ដោយ។ ដូចនេះយើងអាចយកស្វាយទុំទៅធ្វើជា៖ •    នំខេក ៖ ស្វាយទុំមានរសជាតិផ្អែមល្មម ដូចនេះអ្នកកាត់បន្ថយការប្រើស្ករក្នុងនំបាន។ បានឆ្ងាញ់ហើយមិនឡើងគីឡូទៀត។ •    ទឹកក្រឡុក ៖ កាកសរសៃរបស់ស្វាយទុំ បានធ្វើឲ្យទឹកក្រឡុករបស់អ្នកមានភាពខាប់ល្មម និងមានពណ៌ស្រស់ស្អាត។ •    ការ៉េម ៖ ចំណិតស្វាយទុំ ពេលកកក្លាយជាការ៉េម នៅតែមានភាពទន់ ជាមួយគ្រឿងផ្សំផ្សេងៗទៀតធ្វើឲ្យការ៉េមដែលអ្នកធ្វើដោយខ្លួនឯងមានរសជាតិមិនអាចបំភ្លេចបាន។ •    ដំណាប់ ៖ ភាពស្វិតរបស់ដំណាប់ស្វាយ បានធ្វើឲ្យរសជាតិរបស់វាកាន់តែពិសេស និងទុកញ៉ាំបានយូរ។ •    បាយដំណើប និងស្វាយទុំ ៖ ជា Menu ពេញនិយមស្រាប់ទៅហើយ ដោយសាររសជាតិនៃស្វាយទុំជូរអែម  ស៊ីគ្នាយ៉ាងល្អជាមួយបាយដំណើបដាក់ល្ងដែលមានជាតិប្រៃ និងផ្អែមឡែមៗ។ •    បង្អែមស្វាយ ៖ ដើម្បីលាងមាត់ បង្អែមដែលមានស្វាយទុំ មិនគ្រាន់តែឆ្ងាញ់ទេ ថែមទាំងជួយដល់ការរំលាយអាហារថែមទៀតផង។ Special Menu: ហេលស៍ថាម សូមណែនាំ Menuមួយដែលអ្នកអាចយកជាគំរូ គឺ«បង្អែមស្វាយ»។ គ្រឿងផ្សំ៖ •    ស្វាយទុំ ២ផ្លែ •    ទឹកដោះគោខាប់ ២ស្លាបព្រាបាយ •    គ្រាប់សាគូពណ៌ស ៤ស្លាបព្រាបាយ •    ទឹកកក  របៀបធ្វើ៖ •    ចិតសម្បកស្វាយទុំចេញ រួចចិតសាច់ស្វាយទុំរាងជាការ៉េតូចៗ    •    យកចំណិតស្វាយទុំ ពាក់កណ្តាល ទៅក្រឡុកជាមួយទឹកដោះគោខាប់ និងទឹកកក •    ស្ងោរគ្រាប់សាគូពណ៌សឲ្យឆ្អិន រួចយកតែកាកសាគូ ដាក់ក្នុងចានស្វាយដែលសល់ពីក្រឡុក។ •    បន្ទាប់មកយកល្បាយដែលបានក្រឡុកមកចាក់ចូលក្នុងចានស្វាយខាងលើ រួចកូរឲ្យសព្វជាការស្រេច។ លក្ខណៈពិសេសរបស់បង្អែម៖ ជាមួយនឹងរសជាតិផ្អែមធម្មជាតិរបស់ស្វាយទុំ បង្អែមនេះមិនចាំបាច់ត្រូវប្រើប្រាស់ស្ករទេ ហើយថែមទាំងជារសជាតិផ្អែមល្មមមិនទ្រលាន់  ជាមួយនឹងក្លិនឈ្ងុយរបស់ផ្លែស្វាយទុំស្រស់ដោយមិនបាច់បន្ថែមក្លិនផងដែរ។ ម្យ៉ាងទៀត  ស្វាយទុំមានអត្ថប្រយោជន៍យ៉ាងសន្ធឹកចំពោះសុភាព ជាពិសេសគឺសម្រស់  ហើយវាស័ក្តិសមបំផុតនឹងក្លាយជាបង្អែមនារដូវក្តៅរបស់អ្នក  ដោយគ្រាន់តែបន្ថែមទឹកកកឲ្យត្រជាក់ប៉ុណ្ណោះ។ កុំឲ្យឱកាសនេះកន្លងហួសណា បើខកខានអ្នកនឹងត្រូវរង់ចាំរយៈពេលមួយឆ្នាំទៀតទើបដល់រដូវស្វាយទុំម្តងទៀត។ សាកល្បងធ្វើដោយខ្លួនឯង ជាមួយវិធីងាយៗខាងលើ ហើយក៏អាចច្នៃទៀតបានតាមចំណង់ចំណូលចិត្តរបស់អ្នក។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • Apr 08, 2017 |
  • 7 years ago |
  • 4.2K views

៥​ កន្លែងពិសេសៗសម្រាប់មិត្តនារីៗញ៉ាំអាហារជុំគ្នា

និយាយថាចង់ញ៉ាំអីនៅឯណាល្ងាចនេះ? ប្រាប់ឲ្យចំៗណា កុំបែបថា «ញ៉ាំអីក៏បាន» អាណិតគ្នាអ្នកសួរ។  កន្លែងញ៉ាំមានច្រើនសន្ធឹក តែវិលមុខរាល់លើកឲ្យតែសួរគ្នាថាចង់ញ៉ាំអី មិនថាពេលនៅជុំគ្នាស្រីៗ ឬនៅពេលបុរសៗ date ក៏ដោយ។ តែបន្ទោសគ្នាមិនបានទេ មិនមែនកន្លែងទាំងអស់សុទ្ធតែស័ក្តិសមនឹងនារីឯណា ពិសេសនៅឱកាសផ្សេងៗគ្នា ត្រូវតែកន្លែងមានលក្ខណៈខុសគ្នាដែរ។ ក្នុងខែមីនានេះ ជាខែរបស់នារីល្មម ហេតុនេះហេលស៍ថាមនឹងឆ្លៀតណែនាំកន្លែង៥ប្រភេទដែលជឿថានារីៗភាគច្រើនចូលចិត្ត។ កន្លែងល្អៗបែបខាងក្រោមនេះនារីៗយើងម៉េចនឹងអាច say no នោះ? អញ្ចឹងហើយ ចាំកាលទៀត sis? 1.    កន្លែងដែលអាចរក្សាភាពឯកជនបានដូចជានៅ Jaru •    ហេតុអ្វី? ជាកន្លែងដែលអ្នកអាចញ៉ាំរបៀបជាខ្លួនអ្នកបានមិនបាច់រៀបឫកពារច្រើន ហើយថែមទាំងអាចជួបជុំនិយាយគ្នាយ៉ាងស្រួល  និងរក្សាភាពឯកជនរបស់អ្នកបានយ៉ាងល្អ។ •    ប្រភេទអាហារ? អាហារកូរ៉េស្ទាយ អូប៉ា (oppa) ដូចជាសាច់អាំងកូរ៉េច្រើនប្រភេទ ស៊ុបគីមឈី និងជាច្រើនទៀត ហើយអ្នកក៏ប្រហែលជានឹកដល់soju ស្រាសរកូរ៉េដែរមែនទេ? •    បរិយាកាស? កន្លែងដែលមានភាពស្ងប់ស្ងាត់ល្មម ជាមួយភ្លេងកំដរតិចៗ អំពូលភ្លើងពណ៌ទឹកក្រូច ជាមួយនឹងតុប្រភេទមានជញ្ជាំងខ្លីៗបាំងពីតុមួយទៅមួយ។ ទីតាំង៖ ផ្ទះលេខ៣៥ ផ្លូវ២២៥ និងផ្ទះលេខ១៥ ផ្លូវ២៨២ ភ្នំពេញ។ 2.    ផ្អែម ត្រជាក់ គួរឲ្យស្រឡាញ់ដូចជា Bingsu នៅ Be.k Dessert & Coffee •    ហេតុអ្វី? មិនត្រឹមតែកាលីប តែក៏គួរឲ្យស្រឡាញ់ផងដែរសម្រាប់សុភាពនារីដែលញ៉ាំព្រិលទឹកកកឈូស(អាចញ៉ាំម្នាក់ឯង ឬក៏ចែករំលែកគ្នា) ម្យ៉ាង វាក៏ផ្អែមត្រជាក់ចិត្ត និងស្រួលញ៉ាំផងដែរ។ •    អាហារ? អាហារ  នំ និងភេសជ្ជៈជាច្រើនមុខ និងជាពិសេសគឺព្រិលទឹកកកឈូស (bingsu) មួយចានធំ មើលទៅស្រក់ទឹកមាត់ជាមួយការតុបតែងប្លែកៗដូចជាកំពូលភ្នំទឹកកក។ •    បរិយាកាស? ទីកន្លែងធំទូលាយ តុបតែងស្អាត កន្លែងអង្គុយមានផាសុកភាព បុគ្គលិករួសរាយរាក់ទាក់យ៉ាងពិសេសតែម្តង។ ទីតាំង៖ ផ្ទះលេខ១៦ ផ្លូវ306 បឹងកេងកង១ ភ្នំពេញ ។ 3.    រសជាតិធម្មជាតិ ស្រស់ស្រាយ ល្អចំពោះសុខភាពនិងសម្រស់នៅ Juicy Mercy •    ហេតុអ្វី? ព្រោះអ្នកនឹងអាចអួតមិត្តភក្តិថានេះជារបៀបដែលធ្វើឲ្យអ្នកស្រស់ស្អាតបែបនេះនោះអី! មិនចាំបាច់ខ្លាចធាត់ ហើយញ៉ាំឆ្អែត ព្រមទាំងបានស្អាត និងសុខភាពល្អទៀតផង។ •    អាហារ? ទឹកផ្លែឈើនិងបន្លែស្រស់ ធ្វើភ្លាមៗរួមផ្សំជាមួយគ្រឿងផ្សំល្អៗជាច្រើនទៀត ដែលមាន រូបមន្តសារធាតុចិញ្ចឹមខុសៗគ្នា  ព្រមទាំងមានជាប្រភេទអាហារសុខភាពផ្សេងៗផងដែរ។ •    បរិយាកាស?  ផាសុកភាព  និងស្រស់ស្រាយ  ថែមទាំងអាចអង្គុយមើលទេសភាពតាមជញ្ជាំងកញ្ចក់របស់ហាងផងដែរ។ ទីតាំង៖  TK និង Raintree ជាន់ផ្ទាល់ដី ភ្នំពេញ។ 4.  Girls night out (ជុំគ្នាលក្ខណៈស្រីៗ) ដូចជានៅ Chill Pub •    ហេតុអ្វី? សប្បាយ មិនអ៊ូអរពេក មិនរញ៉េរញ៉ៃ ជាពិសេសមាន live តន្រ្តីពិរោះៗ ហើយថែមទាំងមានសុវត្ថិភាពផងដែរ។ •    អាហារ? អាហារច្រើនប្រភេទ មុខម្ហូបមិនសាមញ្ញ រសជាតិក៏មិនសាមញ្ញ ពិសេសគឺCocktail ដាក់ថូប្លែកៗគួរឲ្យចាប់អារម្មណ៍។ •    បរិយាកាស? កន្លែងអំណោយផលសម្រាប់ការជួបជុំគ្នា មានជាតុអង្គុយបត់ជើងលើសាឡុង និងតុធម្មតា ថែមទាំងអាចស្រូបខ្យល់ធម្មជាតិបានផងដែរ។ ទីតាំង៖ បរិវេណផ្សារទំនើបអ៊ីអន។ 5.      រ៉ូមែនទិច និងដ្រាម៉ា ដូចជានៅ Maline (sky bar) •    ហេតុអ្វី? អាចរំសាយអារម្មណ៍តានតឹងជាមួយនឹងបរិយាកាសស្ងប់ស្ងាត់ល្មម ហើយក៏អាចឲ្យអ្នកចំណាយពេលដ្រាម៉ាជាមួយខ្លួនឯងបានយ៉ាងល្អ ថែមទាំងជាកន្លែងដ៏រ៉ូមែនទិចផងដែរ។ •    អាហារ? អាហារបែបខ្មែរ អឺរ៉ុប និងអាហារសម្រន់ផ្សេងៗ ព្រមទាំងមាន Cocktails និងភេសជ្ជៈជាច្រើនមុខផងដែរ។ •    បរិយាកាស? ម៉ាអ៊ែមជាមួយភាពស្រស់ស្អាតពីអគារខ្ពស់រំលេចដោយភ្លើងពណ៌ ខ្យល់អាកាសលើដំបូលបរិសុទ្ធ អាងទឹកឆ្លុះជាមួយភ្លើងពណ៌ និងមានភ្លេងកំដរផងដែរ។ ទីតាំង៖ ផ្ទះលេខ១៦ AB ផ្លូវ២១៤ ភ្នំពេញ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Travel & Tourism
Share
  • Apr 07, 2017 |
  • 7 years ago |
  • 3.9K views

ថ្ងៃចូលឆ្នាំថ្មីនៅ៣ប្រទេសប្លែកៗពីគ្នា

នឹកដល់ថ្ងៃចូលឆ្នាំក្នុងខែមេសា អ្នកនឹងគិតដល់ប្រទេសណាខ្លះ? ហើយប្រទេសណាមួយដែលអ្នកប្រាថ្នាចំណាយពេលនៅថ្ងៃចូលឆ្នាំនេះ? ស្របពេលដែលឱកាសចូលឆ្នាំខ្មែរជិតឈានមកដល់ ប្រទេសជិតខាងរបស់យើង២ប្រទេសទៀតគឺថៃ និងឡាវ ក៏នឹងប្រារព្ធពិធីចូលឆ្នាំថ្មីក្នុងពេលឆាប់ៗដូចគ្នា។ ទាំង៣ប្រទេសអាចចាត់ទុកថាមាន វប្បធម៌ប្រពៃណីចំណាស់ដូចគ្នា ហើយមានការប្រារព្ធពិធីបុណ្យប្រពៃណីក្នុងខែជាមួយគ្នា ក៏ប៉ុន្តែភាពទាក់ទាញនៃការប្រារព្ធពិធីនៃប្រទេសនីមួយៗពិតជាស្ថិតក្នុងរូបភាពផ្សេងគ្នា។ ពិសេសនោះគឺប្រទេសនីមួយៗក៏មានខេត្តដែលលេចធ្លោជាងគេក្នុងការប្រារព្ធពិធីចូលឆ្នាំរួមជាមួយនឹងសកម្មភាពដ៏ឱឡារឹកពិសេសផ្សេងៗគ្នា ដែលពេលនេះហេលស៍ថាម នឹងបង្ហាញអ្នកនៅទីនេះតែម្តង។ កម្ពុជា (ចូលឆ្នាំខ្មែរ) ប្រសិនបើអ្នកសម្រេចចិត្តចំណាយពេលសម្រាកចូលឆ្នាំថ្មីក្នុងប្រទេស ខេត្តដែលអ្នកគួរទៅទស្សនានោះគឺ ខេត្តសៀមរាប  ដែលមានមហាព្រឹត្តិការណ៍ជាតិដែលធំជាងគេ ព្រឹត្តិការណ៍ អង្គរសង្ក្រាន្តហើយក្នុងឆ្នាំថ្មីនេះ នឹងមានការប្រារព្ធឡើងចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០១៧។ ក្នុងមហាព្រឹត្តិការណ៍នេះមានកម្មវិធីជាច្រើន ដែលអាចឲ្យអ្នកកម្សាន្ត និងស្វែងយល់ពីអរិយធម៌ វប្បធម៌ ទំនៀមទំលាប់ប្រពៃណីខ្មែរ ជាមួយនឹងការរៀបចំឡើងបង្ហាញពីទិដ្ឋភាពសម័យបុរាណដែលអ្នកមិនធ្លាប់បានឃើញ។ កម្មវិធីពិសេសនៅក្នុងព្រឹត្តិការណ៍នេះរួមមាន មហោស្រពវប្បធម៌បុរាណ  កម្មវិធីភូមិខ្ញុំ ទាញព្រ័ត្រមិត្តភាពអង្គរសង្ក្រាន្ត និងកម្មវិធីក្បាច់គុណល្បុក្កតោជាដើម។ ក្រៅពីនេះក៏មានកម្មវិធីផ្សេងៗទៀត ដូចជាការលេងល្បែងប្រពៃណីខ្មែរ ការប្រគុំតន្រ្តី និងការរាំលេងកម្សាន្ត ក៏ជាសកម្មភាពដ៏រស់រវើកនាឱកាសនេះ។ កាន់តែអស្ចារ្យគឺទិដ្ឋភាពនៃការបង្ហោះគោម និងបណ្តែតប្រទីប ដ៏ស្រស់ស្អាតនៅពេលយប់ក្នុងរមណីយដ្ឋានឧទ្យានអង្គរផ្ទាល់ផងដែរ។ ដូចបណ្តាឆ្នាំមុនៗដែរ ព្រឹត្តិការណ៍នេះ នឹងប្រព្រឹត្តទៅនៅបរិវេណខាងមុខ ប្រាសាទអង្គរវត្ត លានជល់ដំរី បរិវេណពិព័រណ៍អង្គរឃ្យុងយូ ផាប់ស្រ្ទីត និងសួនច្បារមុខព្រះរាជដំណាក់។ ថៃ (សង្ក្រាន្ត) បើអ្នកទៅកាន់ប្រទេសថៃវិញ ពិធីបុណ្យចូលឆ្នាំថ្មីនឹងត្រូវប្រារព្ធឡើងនៅថ្ងៃទី ១៣ដល់ទី១៥ខែមេសា។ សម្រាប់សង្ក្រាន្តប្រទេសថៃ ខេត្តឈៀងម៉ៃជាកន្លែងដែលអ្នកគួរទៅជាងគេ ព្រោះវាជាកន្លែងប្រារព្ធពិធីចូលឆ្នាំធំជាងគេក្នុងប្រទេស។ ការប្រារព្ធពិធីនេះ ត្រូវបានគេស្គាល់ និងមិនដែលខានបានប្រសិនបើទៅទីនោះ តាមរយៈ ការលេងជះទឹក និងប៉ាតម្សៅយ៉ាងគគ្រឹកគគ្រេងនៅតាមបណ្តាផ្លូវនៃខេត្តនេះ។ អាចថាដោយសារតែអាកាសធាតុក្តៅផង បានជាការលេងបាញ់ទឹកក្លាយជាភាពទាក់ទាញមួយដែលគេនាំគ្នាលេងយ៉ាងរីករាយ។ ការលេងបាញ់ទឹកតាមដងផ្លូវដោយការគោរព និងរក្សាសិទ្ធិគ្នានេះ ជាសកម្មភាពដ៏ពេញនិយមដោយមានការចូលរួមលេងទាំងពីភ្ញៀវជាតិ និងអន្តរជាតិ។ ដោយឡែក អ្វីដែលអ្នកគួរត្រៀមនោះគឺអ្នកនឹងត្រូវទទឹកខ្លួនរហូតប្រសិនបើអ្នកចេញមកតាមដងផ្លូវ  អំឡុងពេលបុណ្យចូលឆ្នាំថ្មីក្នុងប្រទេសថៃ ដូចនេះអ្នកគួរតែរក្សារបស់របរសំខាន់ៗដូចជា ទូរស័ព្ទ ឬលិខិតឆ្លងដែនឲ្យល្អ ចៀសវាងការចូលទឹក។ ឡាវ (ភីមៃ ឡាវ) ក្រឡេកទៅមើលការប្រារព្ធពិធីបុណ្យចូលឆ្នាំថ្មីរបស់ប្រទេសឡាវវិញ គឺធ្វើឡើងនៅថ្ងៃទី១៣ ដល់១៥ខែមេសាដូចប្រទេសថៃដែរ។ លួងព្រះបាង គឺជាខេត្តបុរាណរបស់ប្រទេសឡាវ ជាកន្លែងដែលអ្នកមិនគួរខកខានទៅទស្សនាក្នុងអំឡុងពិធីចូលឆ្នាំថ្មីរបស់គេ។ ពេលទៅដល់ខេត្តចំណាស់មួយនេះ ក្រៅពីទេសភាពដ៏ទាក់ទាញបែបភូមិតូចៗ អ្នកក៏នឹងឃើញពីការប្រារព្ធពិធីបុណ្យចូលឆ្នាំប្រពៃណីរបស់ជនជាតិឡាវដ៏គួរឲ្យចាប់អារម្មណ៍ ជាមួយការតុបតែងខ្លួនបែបបុរាណ  ទាំងក្មេង ចាស់ ដើរជាក្បួន ជាមួយសត្វដំរីដែលត្រូវបានតុបតែងខ្លួនជាលក្ខណៈប្រពៃណីរបស់ឡាវជាអ្នកដើរនាំមុខ។  រីឯភ្ញៀវទេសចរជាច្រើន ក៏អាចស្លៀកសម្លៀកបំពាក់ប្រពៃណីរបស់ពួកគេដើរជាមួយក្បួនដ៏ឱឡារឹកនេះបានផងដែរ។  ការបាចទឹកដែល ផ្កាចម្រុះពណ៌តាមដងផ្លូវ ក៏ជាសកម្មភាពដែលប្រជាជនឡាវ ព្រមទាំងអ្នកទេសចរទាំងអស់មិនអាចខកខានដូចគ្នាព្រោះវាត្រូវបានធ្វើឡើងដើម្បីភាពសុខសប្បាយ និងត្រជាក់ត្រជុំក្នុងឱកាសបុណ្យប្រពៃណីរបស់ប្រទេសឡាវ។ ថ្ងៃចូលឆ្នាំនៅប្រទេសយើងគឺអស្ចារ្យស្រាប់ទៅហើយ ម្យ៉ាងទៀតពីមួយឆ្នាំទៅមួយឆ្នាំក៏កាន់តែសប្បាយទៅៗ ប៉ុន្តែបើទៅស្គាល់ពីប្រទេសជិតខាងខ្លះជាពិសេសអំពីថ្ងៃចូលឆ្នាំរបស់គេក៏ជាបទពិសោធន៍ថ្មីមួយផងដែរ។ ដូចនេះ រៀបគម្រោង៣ឆ្នាំជាប់គ្នាសម្រាប់ enjoy ម្តងមួយប្រទេសតែម្តងទៅ ដើម្បីទៅមើលផ្ទាល់ភ្នែកថាប្រទេសនីមួយៗធ្វើឲ្យអ្នកជាប់ចិត្តរបៀបណា។ @ 2017, Health Time Corporation

Health Tips
Share
Top