Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • May 02, 2017 |
  • 7 years ago |
  • 4.8K views

វិធីថែរក្សាសម្លេងសម្រាប់គ្រូបង្រៀន

សម្រាប់អ្នកគ្រូលោកគ្រូ  ការប្រើប្រាស់សម្លេងជាកិច្ចការចាំបាច់មួយដែលមិនអាចខានបាន ហើយសម្រាប់អ្នកដែលគិតថានឹងក្លាយខ្លួនជាគ្របង្រៀននាពេលអនាគតវិញ តើអ្នកបានត្រៀមខ្លួនឬនៅអំពីការប្រើសម្លេងខ្លាំងៗជារៀងរាល់ថ្ងៃ មិនថាអាកាសធាតុ ឬក្នុងមជ្ឍដ្ឋានបែបណានោះ? ប្រសិនបើអ្នកសម្រេចចិត្តចាប់អាជីពជាគ្រូ​ហើយ គឺស្រដៀងនឹងតារាចម្រៀងដែរ ដែលអ្នកត្រូវដឹងថា “គ្មានសម្លេង គ្មានការងារ”។ យ៉ាងណាមិញ លោកគ្រូអ្នកគ្រូក៏អាចថែរក្សាសម្លេងខ្លួនឯងតាមរយៈវិធីងាយៗខ្លះផងដែរ… សម្រាប់សម្លេងដែលមានសុខភាពល្អ · ពត់ខ្លួន បន្លឺសម្លេងគ្រហឹម និងរហ៊ឹម មុនពេលចូលធ្វើការ · សន្ធឹងដៃ ហើយគ្រវីដៃទៅមុខៗ ដើម្បីលើកឆ្អឹងជំនីរ និងបើកដើមទ្រូង · ដកដង្ហើមចេញ និងចូលឲ្យវែងៗ · ដកដង្ហើមចេញយឺតៗ ពី”sssss”  បន្ទាប់មក“shhhhh”  ហើយ“zhhhhh” ។ ធ្វើបែបនេះដោយស្រមៃថាសួតរបស់អ្នកត្រូវបានបំពេញ ពីក្រោមទៅដូចជាប៉េងប៉ោង។ ពេលនោះ អ្នកនឹងមានអារម្មណ៍ថាចន្លោះឆ្អឹងជំនីរនឹងឃ្លាតជាងមុន រាល់ពេលដែលដកដង្ហើមម្តងៗ · ធ្វើសម្លេងគ្រហឹមមួយៗ “mmm”  ហើយចាប់អារម្មណ៍ពីរំញ័រដែលកើតមាននៅលើទ្រូងផ្នែកខាងលើ បំពង់ក ច្រមុះ និងដើមទ្រូង។ ចាប់ផ្តើមមួយៗ ហើយបង្កើនល្បឿនម្តងបន្តិចៗ។ ឲ្យសម្លេងគ្រហឹមចូលក្នុងមាត់របស់អ្នក ដូចពេលដែលកំពុងទទួលទានទឹក ធ្វើបែបនេះនឹងកម្តៅសាច់ដុំ និងផ្តល់ថាមពលដល់របត់សម្លេងប្រកបដោយសុវត្ថិភាព និងបង្កើនអានុភាព។ អ្នកគួរធ្វើវាពេលកំពុងងូតទឹក ឬពេលបើកបរទៅធ្វើការ · អនុវត្តសម្លេង”ng”ឡើងចុះ ដើម្បីចៀសវាងការបាត់សម្លេងពេលកាច់តុងសម្លេង · បង្កើនថាមពលនៃការដាក់បញ្ចូលគ្នា ជាមួយនឹងការគ្រលៀសអណ្តាត3-4ជុំ។ ធ្វើបែបនេះបន្តបន្ទាប់គ្នាឲ្យបានប្រហែល៦ដង នៅកន្លែងធ្វើការ · ឈរឲ្យត្រង់ខ្លួន ៖ ដាក់ស្មាឲ្យជាជម្រាលនឹងខ្នង ដោយងើបមុខ ​ ឆ្អឹងខ្នង និងដងខ្លួនឲ្យត្រង់ ដើម្បីបង្កើនការសម្រួលដល់ការដកដង្ហើម ហើយត្រូវបង្ហាញឲ្យខ្លួន​ឯង និងសិស្សនៅក្នុងថ្នាក់ថា អ្នកកំពុងគ្រប់គ្រងខ្លួនឯងបានយ៉ាងល្អ · ទំនុកចិត្តនឹងមិនត្រូវបង្ហាញនោះទេ ប្រសិនបើអ្នកឈររបៀបអោនៗ ហើយធ្វើការបង្ហាញអំណាចរបស់ខ្លួននៅក្នុងថ្នាក់ ដោយដើរឈានជើងឆ្ពោះទៅមុខដោយស្វាហាប់ · ធ្វើការដកដង្ហើមវែងៗ និងមួយៗ មុននឹងនិយាយអ្វីដែលសំខាន់។ ការដកដង្ហើមធំនឹងធ្វើឲ្យអ្នកអាចគ្រប់គ្រងសម្លេងរបស់ខ្លួន និងច្រានចោលនូវភាពតានតឹងពីបំពង់ក។ ម្យ៉ាង អ្នកត្រូវគិតថាអ្នកនិយាយចេញពីក្បាលពោះ ជាជាងការនិយាយចេញពីក ប្រសិនបើមានបញ្ហាសម្លេង តើអ្នកគួរធ្វើអ្វីខ្លះ? · សម្រាកសម្លេង ៖ បន្ថយ ឬបញ្ឈប់ការនិយាយពេលទៅដល់ផ្ទះ · សម្រករាងកាយ ៖ សម្រាក ងូតទឹកក្តៅអ៊ុនៗ · ស្រូបយកចំហាយទឹក ដើម្បីបន្សើមផ្នែកខាងក្រោយនៃបំពង់ក និងបន្ថយការឈឺចាប់ · ខ្ពុរមាត់ជាមួយនឹងទឹកអំបិលពុះ ដែលទុកឲ្យត្រជាក់ ដើម្បីកាត់បន្ថយការឈឺចាប់ និងប្រឆាំងនឹងការឆ្លងរោគ · ទទួលទានទឹកឲ្យបានច្រើន (១លីត្រកន្លះក្នុងមួយថ្ងៃ) · ឆាប់ចូលគេង · ទុកពេលខ្លះសម្រាប់ខ្លួនឯង ដើម្បីឲ្យការហើម និងការរលាកនៃខ្សែសម្លេង បានស្រកចុះទៅវិញ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Cough, Cold & Flu
Share
  • May 02, 2017 |
  • 7 years ago |
  • 4.2K views

ធ្វើជាប៉ាៗល្អ គួរធ្វើអ្វីខ្លះ?

ពីចំណងអាពាហ៍ពិពាហ៍ជាមួយនឹងភរិយាហើយ លោកឱពុកក៏ត្រូវមានចំណងជាមួយនឹងបុត្រាបុត្រីរបស់ខ្លួនដែរ។ មិនថាអ្នកមានកិច្ចការងាររវល់ដល់កម្រិតណានោះទេ អ្នកត្រូវតែឆ្លៀត ដើម្បីបំពេញកាតព្វកិច្ចជាឱពុកល្អមួយរូប ជាពិសេសគឺ ដើម្បីផ្តល់ជាភាពជាគម្រូ និងភាពកក់ក្តៅដល់កូន។ ដូច្នេះ តើធ្វើដូចម្តេចទើបក្លាយជាប៉ាៗល្អបាន?  · គោរពភរិយា ៖ កិច្ចការចំបងដែល ឱពុកត្រូវតែធ្វើ ដើម្បីកូនរបស់ខ្លួននោះ គឺគោរពម្តាយរបស់គេ។ គ្រួសារដែលមានឱពុកម្តាយគោរពគ្នាទៅវិញទៅមក ធ្វើឲ្យកូនមានអារម្មណ៍ថាបរិយាកាសនៅជុំវិញខ្លួន មានសុវត្ថិភាព ហើយនៅពេលដែលគេឃើញរូបភាពបែបនោះ គេក៏ទទួលអារម្មណ៍ថាខ្លួនគេផ្ទាល់ត្រូវបានយកចិត្តទុកដាក់ និងគោរពផងដែរ។ · ចំណាយពេលនៅជាមួយកូន ៖ កូននឹងមានអារម្មណ៍កក់ក្តៅ​ និងស្និទ្ធស្នាល ពេលដែលឱពុករបស់ខ្លួនចំណាយពេលច្រើនជាមួយគេ ហើយងាយនឹងស្តាប់បង្គាប់តាមអ្នក។ ផ្ទុយទៅវិញ ប្រសិនបើអ្នកមិនសូវរវីរវល់នឹងសុខទុក្ខរបស់គេទេនោះ គេនឹងច្រានចោលរាល់ការនិយាយរបស់អ្នកទៅកាន់គេម្តងៗ ហើយនិងបង្កជាគន្លាតរវាងអ្នក និងគេផងដែរ។ ក្មេងៗលូតលាស់រហ័សណាស់ ហេតុនេះហើយ សូមកុំឲ្យឱកាសរំលងផុតឲ្យសោះ។ · បង្កើតឱកាសនិយាយជាមួយកូនឲ្យបានច្រើន ៖ ដោយសារឱពុកភាគច្រើននិយាយជាមួយកូនតែពេលដែលមានបញ្ហាអ្វីខុសឆ្គងប៉ុណ្ណោះ ហេតុនេះហើយ រាល់ពេលដែលលឺម្តាយប្រាប់ថា “ប៉ាមានរឿងចង់និយាយជាមួយ”  កូនតែក្រាញននាលមិនចង់ស្តាប់។ ដើម្បីចៀសវាងបញ្ហានេះ អ្នកគួរចាប់ផ្តើមនិយាយជាមួយពួកគេតាំងពីនៅវ័យក្មេងឲ្យហើយ អំពីនេះអំពីនោះ ដើម្បីកុំឲ្យមានអារម្មណ៍ទើសទាល់ពេលអនាគត។ · ប្រៀនប្រដៅ​ និងដាក់កម្រិតដោយក្តីស្រលាញ់ ៖ ក្មេងទាំងឡាយចង់បាននូវការណែនាំ និងការកំហិតអ្វីមួយដែលមានហេតុផលច្បាស់លាស់។ ដូច្នេះ អ្វីដែលអ្នកអាចធ្វើបាន គឺរំលឹកពីគុណវិបត្តិផ្សេងៗដែលអាចនឹងកើតមានប្រសិនបើគេធ្វើរឿងនោះហើយលើកទឹកចិត្តដល់ពួកគេតាមរយៈការផ្តល់នូវរង្វាន់លើកទឹកចិត្តខ្លះៗ សម្រាប់ការប្រតិបត្តិតាមអ្វីដែលគេគោរពតាមអ្វីដែលអ្នកបានប្រាប់។ · ធ្វើជាបុគ្គលគម្រូ ៖ សម្រាប់កូនស្រីដែលបានចំណាយពេលច្រើនជាមួយនឹងឱពុកដែលតែងផ្តល់ភាពកក់ក្តៅដល់គេ​ នឹងយល់ពីសារសំខាន់នៃការដែលត្រូវបានគោរព និងគិតគូរពីលក្ខណៈសម្បត្តិស្វាមីរបស់ខ្លួន ដើម្បីជ្រើសរើសឲ្យបានត្រឹមត្រូវ។ រីឯកូនប្រុសវិញ ឱពុកអាចបង្ហាត់បង្ហាញពីភាពស្មោះត្រង់ ភាពទំនួលខុសត្រូវ និងការប្រមាថមើលងាយផ្សេងៗ។​ · ជាគ្រូបង្រៀន ៖ ឱពុកដែលបង្ហាត់បង្រៀនកូនអំពីដែលត្រូវ​​ និងខុស​​ ហើយផ្តល់កម្លាំងចិត្តឲ្យគេខំប្រឹងប្រែងឲ្យអស់ពីសមត្ថភាពនោះ នឹងឃើញថាកូនរបស់ខ្លួនធ្វើការជ្រើសរើសផ្លូវជីវិតសម្រាប់ខ្លួនឯងបានត្រឹមត្រូវ។ · ទទួលទានអាហារជុំគ្នាជាលក្ខណៈគ្រួសារ​ ៖​ ការទទួលទានអាហារ(ពេលព្រឹក ថ្ងៃត្រង់ និងពេលល្ងាច) ជាមួយគ្នាចូលរួមចំណែកយ៉ាងខ្លាំងក្លាក្នុងការបង្កើនគុណភាពនៃគ្រួសារ។  វាជាឱកាសមួយសម្រាប់កូនចែករំលែកពីអ្វីដែលគេកំពុងធ្វើ និងចង់ធ្វើ ហើយអ្នកក៏អាចឆ្លៀតពេលស្តាប់​  និងផ្តល់ដំបូន្មានដល់គេវិញផងដែរ។ · អានឲ្យកូនអ្នកស្តាប់ ៖ ទោះបីជាសម័យបច្ចេកវិទ្យាជឿនលឿនបាននាំមកជូននូវទូរទស្សន៍ និងឧបករណ៍អេឡិចត្រូនិចផ្សេងៗក៏ដោយ ការអានឲ្យកូនស្តាប់មុនពេលចូលគេង នឹងជួយរឹតចំណងរវាងអ្នក និងកូនឲ្យកាន់តែស្អិតរមួតទៀត។ ហើយវានឹងបង្កើតជាទម្លាប់ល្អមួយសម្រាប់កូនរបស់អ្នក ដើម្បីការអភិវឌ្ឍខ្លួនដោយផ្ទាល់ និងអាជីព។ · បង្ហាញក្តីស្រលាញ់ ៖ ក្មេងត្រូវការអារម្មណ៍សុវត្ថិភាពដែលបានមកពីការដឹងថាខ្លួនត្រូវបានយកចិត្តទុកដាក់ និងស្រលាញ់ពីក្រុមគ្រួសារ។ ហេតុនេះហើយ ឱពុកម្តាយ ជាពិសេសឱពុកត្រូវតែចេះបង្ហាញអារម្មណ៍ទាំងនោះដល់គេ និងឧស្សាហ៍អោប ដើម្បីផ្តល់ភាពកក់ក្តៅ និងភាពជិតស្និទ្ធ។ · ដឹងថាតួនាទីជាឱពុកនឹងមិនងាយបញ្ចប់នោះឡើយ ៖ ទោះបីជាក្រោយពេលដែលគេធំធាត់ ហើយដល់វ័យដែលចាកចេញពីផ្ទះទៅរស់នៅដោយខ្លួនឯងហើយក៏ដោយ ក៏គេនៅតែត្រូវការជាចាំបាច់នូវដំបូន្មាន និងពាក្យពេចន៍ល្អៗពិគ្រោះយោបល់ជាមួយនឹងឱពុករបស់គេជានិច្ច។ មិនថាជាបញ្ហាបន្តការសិក្សា​ ការងារ ឬ អាពាហ៍ពិពាហ៍នោះទេ ឱពុកនៅតែជាទីប្រឹក្សាដ៏ល្អរបស់កូនៗជានិច្ច។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Parenting
Share
  • May 02, 2017 |
  • 7 years ago |
  • 6.8K views

៧វិធី ជៀសវាងការឡើងទម្ងន់ដោយសារតែបរិភោគរាល់ពេលអផ្សុក

តើអ្នកឩស្សាហ៍បរិភោគអាហារសម្រន់ រាល់ពេលដែលអ្នកធុញទ្រាន់ដែរទេ? តើអ្នកតែងតែដើរទៅកាន់ចង្រ្កានបាយ​ ឬចំណីចំណុកខ្លះៗ ពេលមើលទូរទស្សន៍ ហើយចំពេលផ្សាយស្ព៉តពាណិជ្ជកម្មដែរទេ? មិត្តអ្នកអានភាគច្រើនប្រាកដជាមានទម្លាប់បែបនេះមិនខាន ហើយប្រហែលជាឡើងទម្ងន់ដោយមិនដឹងខ្លួនផងដែរ។ ហេតុផលនៃការបរិភោគមិនចេះចប់នេះក៏ព្រោះដោយសារតែមានអារម្មណ៍ធុញជាជាងព្រោះតែឃ្លាន។ ​ហេតុដូចនេះហើយ ដើម្បីជៀសវាងការបន្តឡើងទម្ងន់ដោយសារលក្ខខណ្ឌបែបនេះ សូមធ្វើការសាកល្បងនូវវិធីទាំង៧ខាងក្រោមទាំងអស់គ្នា ៖ · ងើបដើរចេញក្រៅ ៖ ការងើបដើរចេញទៅក្រៅយូរម្តងៗនឹងជួយបន្លប់អ្នកពីការនឹកឃ្លានដោយសារតែមិនមានអីធ្វើ​។ ព្យាយាមដើរឆ្លងហាងលក់ទំនិញផ្សេងៗដោយមិនយកប្រាក់តាមខ្លួន នោះនឹងអាចបន្ថយការទិញចំណីចំណុកដែលមានកាឡូរីខ្ពស់ ពេលដែលអ្នកឆ្លងកាត់។ · ទទួលទានទឹក ៖ មនុស្សភាគច្រើនយល់ច្រលំការស្រេកទឹកនឹងការឃ្លាន។ មុននឹងទទួលទានចំណីចំណុកផ្សេងៗ សាកល្បងទទួលទានទឹកជាមុនសិន  ហើយចាំមួយសន្ទុះ។ ពេលនោះអារម្មណ៍ឃ្លាននឹងបាត់ទៅវិញ។ ភេសជ្ជៈដទៃក៏មានអត្ថប្រយោជន៍ដែរ​ តែទឹកបរិសុទ្ធមានប្រសិទ្ធភាព និងប្រសើរជាងដោយវានឹងបំពេញជាតិទឹកក្នុងខ្លួនដោយមិនបន្ថែមកាឡូរីអ្វីបន្ថែមឡើយ។ · អង្គុយទទួលទានអាហារ ៖ ការអង្គុយទទួលទានពេលឈរធ្វើឲ្យអ្នកមិនមានអារម្មណ៍ថាខ្លួនឯងមិនមែនកំពុងបរិភោគឡើយ នោះនឹងធ្វើអ្នកញ៉ាំបានកាន់តែច្រើន និងភ្លេចគិតពីកាឡូរី។ · ធ្វើកិច្ចការហត្ថកម្មផ្សេងៗ ៖ មនុស្សខ្លះអផ្សុកពេក ទំនេរដៃមិនដឹងធ្វើអ្វីក៏ទាញយកចំណីមកដាក់ក្នុងមាត់។ តែដើម្បីជៀសវាងបាន រាល់ពេលដែលខ្លួនចាប់ផ្តើមនឹកឃើញចង់ទំពារអ្វីនោះ អ្នកគួរទាញយកក្រណាត់ចាក់រូប ក្រងខ្សែដៃ ឬប្រកបកិច្ចការផ្សេងៗដែលអ្នកចូលចិត្ត។ នោះដៃរបស់អ្នកនឹងរវល់ ហើយជំនួសឲ្យការឡើងទម្ងន់នោះ អ្នកនឹងមានសមិទ្ធផលសម្រាប់បង្ហាញដល់មិត្តភក្តិទៀតផង។ · កុំទទួលទានចំណីពេលកំពុងមើលទូរទស្សន៍ ៖ ក្រោយពេលដែលបើកទូរទស្សន៍មើលហើយ មនុស្សយើងទម្លាប់ទាញចំណីកំប៉ិកកំប៉ុកដាក់ចូលមាត់មិនឈប់។ ហេតុនេះហើយ សាកល្បងធ្វើការងារផ្សេងៗដែលនាំឲ្យដៃរវល់ ដូចជាការអានសៀវភៅជាដើម។ · ធ្វើខ្លួនឯងឲ្យរវល់ ៖ សាកសួរខ្លួនឯងមើលថា តើអ្នកទទួលទានដោយសារតែអ្នកធុញទ្រាន់? គ្មានអ្វីធ្វើ? ចម្លើយភាគច្រើន គឺមកពីទំនេរពេក ដូច្នេះហើយ សាករកការងារឲ្យខ្លួនឯងធ្វើ ដូចជាការអានសៀវភៅ ការអានកាសែត ទស្សនាវដ្តី។ល។ · រៀបចំកន្លែងជុំវិញខ្លួនឲ្យមានរបៀប ៖​ ក្រៅពីការធ្វើការងារហត្ថកម្ម អ្នកក៏អាចបន្លប់ខ្លួនឯងជាមួយនឹងការរៀបចំទូខោអាវ ទូដាក់សៀវភៅ តុរៀន តុធ្វើការ ផ្ទះបាយ បន្ទប់គេង បន្ទប់ទឹក ផងដែរ។ មុននឹងរកអាហារសម្រាប់ទទួលទាន ត្រូវសួរខ្លួនឯងបញ្ជាក់សិនថាតើ ខ្លួនឯងពិតជាឃ្លានមែន ឬដោយសារតែខ្លួនឯងទំនេរពេកទេ។ ការបរិភោគអាហារសម្រន់ ឬចំណីចំណុកបែបនេះ អាចនឹងក្លាយជាទម្លាប់មួយដែលនាំឲ្យសារពាង្គកាយរបស់អ្នកកើនឡើងនូវបរិមាណកាឡូរីជាច្រើន។ ហេតុនេះ ត្រូវទទួលទានអាហារដែលឲ្យបានត្រឹមត្រូវ និងគ្រប់គ្រាន់ ដើម្បីកុំឲ្យឆាប់ឃ្លាន។ អ្វីដែលអ្នកគួរធ្វើ គឺបន្លប់ជាមួយនឹងការងារផ្សេងៗ ដើម្បីកុំឲ្យដៃទំនេរ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Weight Management
Share
  • Apr 28, 2017 |
  • 7 years ago |
  • 2.4K views

៥​ មូលហេតុនៃការរមាស់បរិវេណទ្វារមាស...

វាអាចជាប្រធានបទគូរឲ្យខ្មាសអៀនមួយ! ប៉ុន្តែមានស្ត្រីជាច្រើនទទួលរង​នូវ​ផលរំខានទាំងនេះ  ហើយគួរ​ឲ្យធុញខ្លាំងណាស់  ប្រសិនបើវាកើតមានចំពោះអ្នក។ តាមធម្មតាវាគ្រាន់តែជាផលរំខានដូចទៅនឹងការមករដូវដូច្នេះឯង  ប៉ុន្តែពេល​ខ្លះវាក៏អាចជារោគសញ្ញានៃបញ្ហាធ្ងន់ធ្ងរបានដែរ។ តាមរយៈអត្ថបទខ្លីនេះ វានឹងអាចជួយអ្នកឲ្យដឹងថា តើអ្វីទៅដែលធ្វើឲ្យអ្នកមានអារម្មណ៏ថាដូចជាមានស្រមោចខាំតំបន់ពិសេសរបស់អ្នក។ តើអ្វីទៅជាជម្រើសក្នុងការព្យាបាល? ប៉ុន្តែដូចសព្វមួយដងវាជាការល្អបំផុតដែលអ្នកគួរទៅ ជួបគ្រូពេទ្យជំនាញ ដើម្បីធ្វើរោគវិនិច្ឆ័យ និងទទួលការព្យាបាលដ៏ត្រឹមត្រូវមួយ។ បញ្ហាទាំង ៥នោះមាន៖ ១. ការរលាកទ្វារមាសដោយបាក់តេរី (BV) BV​ អាចជាមូលហេតុញឹកញាប់ជាងគេ ដែលបណ្តាល ឲ្យអ្នករមាស់បរិវេណ​ទ្វារមាស ដែលបណ្តាលមកពីអតុល្យភាពនៃបាក់តេរីល្អ (ថយចុះ) និងបាក់​តេរីអាក្រក់  (កើនឡើង) និងការបំរែបំរួលនៃកម្រិតជាតិអាស៊ីត  pHនៅទ្វារមាសស្ត្រី។ វាអាចស្រដៀងនឹងការឆ្លងដោយមេរោគផ្សិត ប៉ុន្តែប្រសិនបើមានធ្លាក់ស ហើយឆ្អាបដូចត្រីនោះ ប្រាកដណាស់គឺ BV។ ចំពោះការព្យាបាលវិញ លោកអ្នកអាចសាកសួរអំពីពពួកប៊្រីប៊ីយ៉ូទីក (Prebiotic) ក្រុមនេះមានប្រសិទ្ធភាព និងសុវត្ថិភាពខ្ពស់។ ២. ការឆ្លងដោយមេរោគផ្សិត ដូចBVដូច្នេះដែរ  មេរោគផ្សិតបណ្តាលមកពីអតុល្យភាពនៃកម្រិតអាស៊ីត pH។ វាអាចកើតមានដោយសារតែក្រោយការប្រើថ្នាំផ្សៈ ការរួមភេទ ស្ត្រេសការតមអារហា  (ស្ត្រីមានជំងឺទឹកនោមផ្អែម មានអត្រាខ្ពស់)។  បន្ថែមលើការរមាស់ អ្នកអាចសម្គាល់ឃើញមានការធ្លាក់សរាងខាប់។ ការដែលល្អ​នោះគឺ វាងាយស្រួលក្នុងការព្យាបាលណាស់។ការព្យាបាលស្តង់ដាគឺប្រើថ្នាំប្រឆាំងមេរោគផ្សិត ដូចជា Fluconazole ជាដើម ដែលអាចគ្រប់គ្រងរោគសញ្ញាក្នុងរយៈពេល២ទៅ៣ថ្ងៃបុ៉ណ្ណោះ។ ដើម្បីគ្រប់គ្រងកុំឲ្យជំងឺនេះលាប់ឡើងវិញ ស្ត្រីគួរប្រើ  LadyBalance®ដែលអាចជួយឲ្យអ្នកជាសះ ស្បើយ ផុតពីមេរោគនេះ ដោយវាទៅជួយមេរោគល្អ (សតិសុខុមប្រាណ) ដើម្បីប្រឆាំងពីការយាយីនៃមេរោគអាក្រក់នេះពេលក្រោយ។ ៣. ការរលាកស្បែក ការក្រហាយស្បែកនេះអាចបណ្តាលមកពីការប្រើផលិតផលមួយចំនួនដូចជា សាប៊ូ ស្រោមអនាម័យ ទឹករំអិល ទឹកអប់ជាដើម បន្ថែមលើ​ការរមាស់ អ្នកអាចសម្គាល់ផងដែរថាវាឡើងក្រហម ហើម និងឡើង​កន្ទួល។​ វាក៏អាចបណ្តាលមកពីការកោររោមផងដែរ ប្រសិនបើអ្នកងាយនឹងអាល្លែហ្ស៊ី សូម​ ប្រើផលិតផល ដើម្បីបន្ថយអាល្លែហ្ស៊ីដូចជា សាប៊ូកក់សក់ ហ្វូមកោរ សាប៊ូបន្ទន់សម្លៀកបំពាក់ជាដើម សូមចៀសវាងការប្រើផលិតផល ដែលបណ្តាលឲ្យរលាកដូចជាសាប៊ូដុសខ្លួន សារធាតុគីមី ឬទឹករំអិលដែលធ្វើឲ្យរលាក។ ៤. ជំងឺស្បែក ឬជំងឺស្បែករបកក្រហម បញ្ហាស្បែកតំណរពូជទាំង ២នេះអាចបណ្តាលឲ្យតំបន់ពិសេសរបស់ស្ត្រីឡើងក្រហម និងរមាស់ ហើយវាអាចឡើងរោលដូចនឹងការរលាកសំឡីអនាម័យ​ដូច្នេះដែរ។ ប្រសិនបើអ្នកឃើញមានអាការៈបែបនេះ ការប្រើផលិតផលដែលមាន steroid ស្រាលដូចជា hydrocortisone ឬលាងសម្អាត​ដោយ​ទឹក​អង្ករ អាចជួយបន្ថយការរំខានទាំងនេះបាន។ ៥. ការឆ្លងជំងឺកាមរោគ ទំព័រសុខភាពស្ត្រី (ស.ស) មិនគួរប្រាប់អ្នកពីបញ្ហានេះម្តងទៀតនោះទេ។ ប៉ុន្តែការរួមភេទដែលមិនបាន ការពារអាចបណ្តាលឲ្យអ្នកឆ្លងនូវជំងឺធ្ងន់ធ្ងរបាន ដូច្នេះអ្នកត្រូវតែការពារខ្លូនអ្នកនៅពេលរួមភេទជានិច្ច។ មេរោគខ្លះអាចធ្វើឲ្យរូងនាគរបស់អ្នករមាស់បានដូចជា ជំងឺ Chlamydiaជំងឺស្វាយ ជំងឺ Trichomoniasis និងជំងឺប្រមេះទឹកបាយជាដើម។ វាអាច​​បណ្តាលឲ្យអួលៗ អាចឈឺពើតៗ និងអាចធ្វើឲ្យឈឺ និងក្រហាយខ្លាំង​នៅតំបន់​ពិសេស​នោះ។ ប្រសិនបើអ្នកមានបញ្ហារមាស់ដោយអមជាមួយនឹង រោគសញ្ញានៃជំងឺកាមរោគទាំងនេះដូចជា ក្រហាយខ្លាំង នោមឈឺ ធ្លាក់សររមាស់ធំក្លិនខ្លាំង ឈឺនៅពេលរួមភេទ អ្នកគួរតែទៅជួបវេជ្ជបណ្ឌិតជំនាញរោគស្ត្រី ជាប្រញាប់ ដើម្បីធ្វើរោគវិនិច្ឆ័យរកជំងឺកាមរោគ។ ប្រសិនបើវា​ជាជំងឺ​កាមរោគ វេជ្ជបណ្ឌិតរបស់អ្នកអាចប្រើថ្នាំសម្លាប់មេរោគដោយចាក់ លេប ឬថ្នាំ​ប្រឆាំងនឹងវីរុស ប្រសិនបើវាជាជងឺប៉េស៕ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Women's Health
Share
  • Apr 28, 2017 |
  • 7 years ago |
  • 7.9K views

បំបាត់ស្នាមជ្រួញតាមបែបធម្មជាតិ

ស្នាមជ្រីវជ្រូញជាដំណើរបែបធម្មជាតិមួយដែលកើតមានឡើងដោយសារតែស្រទាប់កូឡាជែន(collagen) និង អេឡាស្ទីន(elastin) ក្នុងជាលិកាភ្ជាប់នៃស្បែកប្រែក្លាយជាទន់ខ្សោយ និងលែងដំណើរការ ព្រោះតែមានការផ្លាស់ប្តូរក្នុង fibro blasts ដែលផលិត collagen និង elastin ។ មូលហេតុផ្សេងទៀតដែលបង្កជាស្នាមជ្រួញនៅលើផ្ទៃមុខមានដូចជា ការទទួលរងកម្តៅព្រះអាទិត្យ​ច្រើនពេក បរិយាកាសមិនល្អ ការប្រើប្រាស់ឱសថមួយចំនួន ភាពតប់ប្រមល់ការស្រកទម្ងន់ភ្លាមៗ ការបាត់បង់វីតាមីន E ជាដើម។ វាបានក្លាយជាកង្វល់របស់មនុស្សប្រុសស្រីនិងជាពិសេសមិត្តនារីដែលស្រលាញ់ភាពស្រស់ស្អាត គឺប្រាកដជាមិនចង់ឲ្យផ្ទៃមុខរបស់ខ្លួនមាននូវស្នាមជ្រួញអស់ទាំងនោះនោះទេ។ ប្រសិនបើអ្នកក៏មានកង្វល់ចំពោះបញ្ហានេះដែរ អត្ថបទរបស់ ហេលស៍ថាម មួយនេះនឹងជាដំណោះស្រាយដ៏មានគុណប្រយោជន៍របស់អ្នក។ ប្រេងអូលីវ ៖ ប្រេងអូលីវ គឺជាប្រេងម៉ាស្សាដ៏អស្ចារ្យមួយសម្រាប់ស្បែករបស់អ្នក ដោយសារតែវាជាប្រភពនៃសារធាតុប្រឆាំងអុកស៊ីតកម្ម ដូចជាវីតាមីន A និង Eដែលប្រយុទ្ធប្រឆាំងនឹងរ៉ាឌីកាល់ដែលបំផ្លាញស្បែក។   វិធីធ្វើ និងប្រសិទ្ធភាព ការលាបប្រេងអូលីវជាទៀងទាត់ត្រង់ស្បែកដែលរងផលប៉ះពាល់ នឹងផ្តល់​សំណើម ជួសជុល   ព្រមទាំងបង្កើតកោសិកាស្បែកផងដែរ។ នៅពេលដែលប្រេងដែលជ្រាបចូលជ្រៅទៅក្នុងស្បែក វានឹងបង្កើតជារបាំងការពាររយៈពេលវែង ហើយរក្សាសំណើម។​ មិត្តអ្នកអានក៏ អាចធ្វើការលាយពីរបីដំណក់នៃទឹកឃ្មុំជាមួយប្រេងអូលីវចំនួនមួយពីរបីដំណក់ រួមជាមួយ និងគ្លីសេរីន។ ម៉ាស្សាល្បាយនេះចូលទៅក្នុងស្បែកឲ្យបានពីរដងជារៀងរាល់ថ្ងៃ។ ប្រសិទ្ធភាពរបស់​វា គឺលុបបំបាត់ចោលនូវកោសិកាដែលបានងាប់និងជួយរឹតបន្តឹងស្បែកដែលយារធ្លាក់។ អ្នកក៏អាចធ្វើការម៉ាស្សាជាមួយនឹងប្រេងដូង ប្រេងអាល់ម៉ុនឬប្រេងវីតាមីន E ដែលបង្ការ ឬកាត់បន្ថយភាព ជ្រីវជ្រួញ។ ប្រទាលកន្ទុយក្រពើ ៖ ប្រទាលកន្ទុយក្រពើមាន​ផ្ទុកនូវអាស៊ីតម៉ាលិក ដែលជួយកាត់បន្ថយស្នាមជ្រីវជ្រួញ ដោយការសម្រួលដល់ភាពយឺតនៃ​ស្បែករបស់អ្នក។ វិធីធ្វើ និងប្រសិទ្ធភាព កាត់ស្លឹកប្រទាលកន្ទុយក្រពើពីដើម ហើយយកជ័រចេញ ហើយយកជ័រនោះទៅលាបលើស្បែក បន្ទាប់មកទុកវាចោល​រយៈ​ពេលពី 15 ទៅ  20 នាទ ី រួចធ្វើការលាងចេញជាមួយទឹកក្តៅឧណ្ហៗ។ ជម្រើសមួយទៀតគឺ ធ្វើការលាយ​ស្លជែលនេះ មួយស្លាបព្រាកាហ្វេជាមួយនឹងថ្នាំគ្រាប់វីតាមីន E ។ លាបល្បាយនេះត្រង់កន្លែងដែលមានស្នាមជ្រីវជ្រួញ ទុកវាចោល​រយៈ​ពេល​កន្លះម៉ោង ហើយសឹមលាងវាចេញជាមួយទឹកក្តៅឧណ្ហៗ។ ខ្ញី ៖  ខ្ញីមានប្រសិទ្ធភាពខ្លាំងជាងគេក្នុងការប្រឆាំង​នឹងភាពជ្រីវជ្រួញ   ដោយសារតែវាសំបូរដោយសារធាតុដែលប្រឆាំងនឹងអុកស៊ីតកម្ម។ លើសពីនេះ​ទៅទៀត​ វាជួយទប់ស្កាត់ការបំបែកElastin។     វិធីធ្វើ និងប្រសិទ្ធភាព លាយខ្ញីឈូសមួយចឹប ជាមួយនឹងទឹកឃ្មុំមួយស្លាបព្រា។  ធ្វើការទទួលទានល្បាយនេះ ជារៀងរាល់ព្រឹក ឬផឹកតែខ្ញីពីរដង ជារៀងរាល់ថ្ងៃ។ ចេក ៖ ចេកសម្បូរនូវវីតាមីន សារធាតុរ៉ែ និងសារធាតុប្រឆាំងអុកស៊ីតកម្មដែលប្រយុទ្ធប្រឆាំងនឹងមូលហេតុនៃភាពជ្រីវជ្រួញ និងស្នាមផ្សេងៗ។ប្រើប្រាស់វិធីនេះពីរដងក្នុងមួយសប្តាហ៍ នឹង​ធ្វើឲ្យ​ស្បែកមើលទៅក្មេងខ្ចី និងព្យាបាលស្នាមជ្រួញតាមបែបធម្មជាតិ។ វិធីធ្វើ និងប្រសិទ្ធភាព ប៉ន់ចេកទុំពីរផ្លែចូលគ្នាឲ្យម៉ដ្ឋ ហើយធ្វើការបិតត្រង់កន្លែងដែលមានស្នាម-ជ្រួញ  ដោយទុកវាចោលឲ្យបានយ៉ាងហោចណាស់មួយម៉ោងកន្លះ រួចសឹមលាងវាចេញជាមួយទឹកក្តៅឧណ្ហៗ។ អ្នកក៏គួរប្រើផលិតផលផ្តល់ សំណើមដល់ ស្បែកអមជាមួយផង។ លោកអ្នកក៏អាចលាយចេកដែលប៉ន់ហើយ ជាមួយនឹងផ្លែប៊័រ រួមជាមួយទឹកឃ្មុំបន្តិចផងដែរ។ លាបវានៅលើ ស្បែក ហើយទុកវាចោលប្រមាណ 20 នាទី និងបន្ទាប់មកលាងវាចេញ។ ការ៉ុត  ៖ ការ៉ុតមានផ្ទុកនូវបរិមាណច្រើននៃវីតាមីន Aដែលជម្រុញការផលិតនៃ collagen និងជួយ​រក្សា​ឲ្យស្បែករលោង។ វិធីធ្វើ និងប្រសិទ្ធភាព ស្ងោរការ៉ុតធំចំនួនពីរឬបីរហូតដល់ក្លាយជាទន់។ លាយជាមួយទឹកឃ្មុំ​ឲ្យមានជាតិទឹកតិចៗ ហើយធ្វើការលាបផ្ទាល់ទៅលើផ្ទៃមុខ។ទុកវាចោលរយៈពេលប្រមាណមួយ​ម៉ោងកន្លះ ហើយលាងវាចេញ​ជាមួយ​ទឹកក្តៅ​ឧណ្ហៗ។ ជម្រើសមួយទៀតដែលមានប្រសិទ្ធភាពដូចគ្នា គឺការលាយចូលគ្នានូវបរិមាណស្មើគ្នានៃទឹកការ៉ុត និងទឹកឃ្មុំ ជារៀងរាល់ព្រឹកនិងល្ងាចដោយធ្វើការទុកវាប្រហែល 10 នាទីសិនមុនពេល​លាងវាចេញ។ ដូចគ្នានេះផងដែរ ប្រិយមិត្តអាចដាក់បញ្ចូលទាំងការ៉ុតឆៅក្នុងរបបអាហាររបស់អ្នក។ ទឹកក្រូចឆ្មារ  ៖   ទឹកក្រូចឆ្មារ គឺសម្បូរទៅដោយ​អាស៊ីតស៊ីត្រិច ដែលមាននាទីក្នុងការច្រឹប និងកម្ចាត់កោសិកាស្បែកដែលងាប់។ វាធ្វើការជា​ភ្នាក់ងារ​លាងសំអាតមួយនិងភ្នាក់ងារធ្វើឲ្យជាលិកា​រួញស្វិត ដែលនឹងជួយបន្ថយស្នាមជាំ ក៏ដូចជា​ស្នាមជ្រួញ និងស្នាមផ្សេងៗដែលជាសញ្ញាណនៃភាពចំណាស់ ដូចជារង្វង់ខ្មៅងងឹតជាដើម។ វិធីធ្វើ និងប្រសិទ្ធភាព ធ្វើការត្រដុសទឹកក្រូចឆ្មារ​ថ្នមៗ ចូលទៅក្នុងស្បែកមុខ ហើយទុកវាចោល​រយៈពេលប្រមាណ 5 ឬ 10 នាទី ហើយលាងមុខ​ជាមួយនឹងទឹក។ ធ្វើបែបនេះពីរទៅបីដងក្នុងមួយ​ថ្ងៃ។ មិនដូច្នោះទេ លោកអ្នកអាចលាយមួយស្លាប​​ព្រាកាហ្វេៗនៃយ៉ាអួ ទឹកឃ្មុំ ប្រេងវីតាមីន E និងក្រូចឆ្មារ។  លាបវាទៅលើផ្ទៃមុខ  ហើយទុកវារយៈ​ពេល 15 ទៅ 20 នាទីមុនពេលលាងវាចេញ។ ម្នាស់ ៖ ផ្លែម្នាស់មានអង់ស៊ីមដែលលើកកម្ពស់ដល់​ការបត់បែន ឬភាពយឺតនៃស្បែក និងផ្តល់សំណើម​លើស្បែក ព្រមទាំងជួយបំបាត់ចោលនូវកោសិកាស្បែកដែលងាប់ផងដែរ។ ផ្លែឈើប្រភេទនេះក៏​សម្បូរទៅដោយសារធាតុប្រឆាំងអុកស៊ីតកម្ម ជាតិសរសៃ  និងវីតាមីនដែលជួយបង្កើនសុខភាពស្បែក។ វិធីធ្វើ និងប្រសិទ្ធភាព ចៀរយកសាច់ម្នាស់ ហើយជូតនៅលើតំបន់ស្បែកដែលមានស្នាមជ្រួញទាំងនោះ ដោយទុកវាឲ្យទៅជាស្ងួតក្នុងរយៈពេល​ប្រមាណ 20 នាទីហើយសឹមធ្វើការលាងជា​មួយទឹក​ក្តៅ ឬត្រជាក់។ ហើយធ្វើការលាបទឹកម្នាស់លើស្បែកជារៀងរាល់ថ្ងៃក្នុងថិរវេលាប្រាំនាទីមុនពេលលាងចេញ។ នេះគឺជាវិធីប្រកបដោយ ប្រសិទ្ធភាពក្នុងការព្យាបាលរង្វង់ខ្មៅនៅជុំវិញភ្នែក។ ទឹក ៖  ទឹកស្អាត គឺជារូបមន្តតាមបែបធម្មជាតិមួយទៀតដែលមានភាពងាយស្រួល និង​មាន​​ប្រសិទ្ធភាពបំផុតសម្រាប់ការព្យាបាលស្នាមជ្រីវជ្រួញលើស្បែក។ ទឹករក្សាជាតិទឹកក្នុងសារពាង្គកាយ និងរក្សាកម្រិតសំណើមនៅក្នុងស្បែក។ នៅពេលដែលរាងកាយខ្វះជាតិទឹក ស្បែក​របស់អ្នក​នឹង​មើល​ទៅចាស់។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Skin, STD & Beauty
Share
  • Apr 28, 2017 |
  • 7 years ago |
  • 3.1K views

ហាត់ប្រាណប​ន្ទាប់ពីធ្វើការហត់មិនមែនជាបន្ទុកឡើយ !

ក្រោយពីត្រឡប់ពីធ្វើការ ឬមកពីរៀនវិញ តែងតែអស់កម្លាំង មិនចង់ធ្វើអ្វីក្រៅអំពីទម្រេតខ្លួនឲ្យបានបន្តិច ក៏អស់ចិត្តដែរ។ ប្រាកដទេថាការធ្វើបែបនេះ ជួយឲ្យអ្នកមានថាមពលឡើងវិញ?បន្ទាប់ពីបំពេញការងារ ឬសិក្សាពេញមួយថ្ងៃហើយក៏ដោយ អ្នកនៅមានកិច្ចការផ្សេងទៀតជាច្រើនដែលត្រូវធ្វើបន្ថែមដូចជា ធ្វើកិច្ចការសាលា បង្ហើយការងារមួយចំនួន ឬរៀបគម្រោងនានាសម្រាប់ថ្ងៃស្អែក។ ហេតុនេះ អ្នកត្រូវប្រាកដថាអ្នកមានថាមពលគ្រប់គ្រាន់ ក្នុងការបំពេញការងារទាំងនោះ។      មិនត្រឹមតែអាហារទេដែលផ្តល់ឲ្យអ្នកនូវថាមពល លំហាត់ប្រាណក៏ជួយអ្នកបានដូចគ្នា  បើចង់ដឹងច្បាស់ពីហេតុផល និងប្រភេទលំហាត់ប្រាណនានា សូមធ្វើការតាមដានជាមួយ ហេលស៍ថាម ដូចខាងក្រោម៖ ហេតុអ្វីបានជាការហាត់ប្រាណអាចផ្តល់ថាមពលដល់រាងកាយ? មនុស្សភាគច្រើនតែងគិតថាឲ្យតែហាត់ប្រាណរួច ដឹងតែអស់កម្លាំង បើមិនតិចក៏ច្រើនដែរ ហើយអ្នកអាចជាម្នាក់ដែលគិតបែបនេះ។ ពិសេសគឺបន្ទាប់ពីត្រឡប់មកពីធ្វើការ ឬពីសាលា ដោយយល់ថាខ្លួនឯងអស់កម្លាំងស្រាប់ទៅហើយ បើទៅហាត់ប្រាណទៀតរឹតតែហត់។ ហេតុផល២យ៉ាង អាចប្តូរការគិតរបស់អ្នកបាន ដែលបង្ហាញយ៉ាងជាក់លាក់ថាលំហាត់ប្រាណអាចផ្តល់ថាមពលដោយផ្ទាល់រួមមាន៖ • បង្កើនកម្រិត Endorphins ដែលជាអ័រម៉ូនធម្មជាតិ ត្រូវបានបញ្ចេញនៅរាល់ពេលអ្នកធ្វើលំហាត់ប្រាណ ផ្តល់ឲ្យអ្នកមានអារម្មណ៍មានថាមពល និងស្វាហាប់ជាងមុន បង្កើនការផ្តោតអារម្មណ៍ក្នុងការធ្វើអ្វីផ្សេងៗ និងផ្តល់ឲ្យអ្នកនូវការត្រៀមខ្លួនជាមួយនឹងដំណោះស្រាយបញ្ហានានា បន្ទាប់ពីការហាត់ប្រាណសមស្រប ព្រោះ Endorphinsជួយជំរុញថាមពលរាងកាយអ្នកប្រកបដោយប្រសិទ្ធភាព។ • បង្កើនសុខភាពបេះដូងសរសៃឈាមឲ្យដំណើរការបានល្អ ផ្តល់ឲ្យអ្នកនូវការធ្វើកិច្ចការបានច្រើនជាងមុន និងប្រសើរបំផុតជារៀងរាល់ថ្ងៃ។ នៅពេលដែលអ្នកហាត់ប្រាណជាប្រចាំ ពិសេសនៅពេលល្ងាចបន្ទាប់ពីអ្នកមកដល់ផ្ទះត្រឹមតែ១៥នាទីឬ៣០នាទីនោះ អ្នកនឹងអាចបញ្ចប់កិច្ចការនៅពេលយប់តាមគម្រោងរបស់អ្នកដោយជោគជ័យ។ ហើយអ្នកនឹងគេងលក់ស្រួល ស្ងប់ហើយមានអារម្មណ៍ថាគេងឆ្អែត  ផ្ទុយពីការគេងច្រើនតែនៅតែអស់កម្លាំង។ ហេតុផលនៃការហាត់ប្រាណជាប្រចាំ ទោះជានៅពេលព្រឹក ឬល្ងាចគឺ អ្នកនឹងមានថាមពលច្រើនជាងធម្មតា ហើយមិនឆាប់អស់កម្លាំងទោះជាអ្នកធ្វើការ ឬសិក្សាពេញមួយថ្ងៃក៏ដោយ។ ប្រភេទកីឡាដែលមានប្រសិទ្ធភាពបំផុត? ការហាត់ប្រាណជាប្រចាំពិតជាសំខាន់ ប៉ុន្តែការជ្រើសរើសប្រភេទកីឡាសមស្រប និងរយៈពេលហាត់ គឺកាន់តែសំខាន់ដើម្បីឲ្យអ្នកទទួលបានអត្ថប្រយោជន៍តាមការរំពឹងទុក។ ភាគច្រើននៃប្រភេទលំហាត់ប្រាណដែលផ្តល់ថាមពលដល់អ្នកបាន ជាលំហាត់ប្រាណដែលប្រើដង្ហើម(aerobic) មានន័យថាប្រើប្រាស់អុកស៊ីហ្សែនដើម្បីភ្ញោចទៅបេះដូង និងប្រព័ន្ធដំណកដង្ហើមដូចជា ការរត់ត្រឹកៗ ដើរ ធាក់កង់ ឬហែលទឹក។ ប៉ុន្តែត្រូវចាំថា គ្រប់សកម្មភាពរបស់អ្នកសុទ្ធតែអាចជាការហាត់ប្រាណ តួយ៉ាង  ក្រោយត្រឡប់មកដល់ផ្ទះល្ងាច  អ្នកអាចធ្វើសកម្មភាពនានា ដែលតម្រូវឲ្យអ្នកដើរទៅមកៗនៅក្នុងផ្ទះ  ឬជុំវិញផ្ទះ ដូចជាការស្រោចទឹកផ្កាឬដំណាំផ្សេងៗ នេះវាក៏ជាឱកាសក្នុងការផ្តល់ថាមពលពីធម្មជាតិបៃតងនៃផ្ទះអ្នកបានផងដែរ។ ម៉្យាង អ្នកអាចហាត់ប្រាណជាលក្ខណៈការធ្វើចលនាដៃជើង ការលើកដៃជើង ឬពត់ខ្លួនអមជាមួយបទភ្លេងដែលអ្នកចូលចិត្តវាពិតជាឱសថទិព្វផ្តល់ថាមពលដ៏អស្ចារ្យដល់អ្នក បន្ទាប់ពីហត់នឿយនឹងកាងារដ៏មមាញឹករបស់អ្នក។ ចំពោះរយៈពេលនៃការចាប់ផ្តើមដ៏ល្អបំផុតគឺ ត្រឹម១០នាទីឡើងទៅ១៥នាទីឬ៣០នាទី និងយ៉ាងហោចណាស់ក៏៣ដងក្នុងមួយសប្តាហ៍ដែរ។ វាគឺជាការសម្រេចចិត្តរបស់អ្នក ថាតើអ្នកនៅបន្តគេងមើលទូរទស្សន៍ ឬទូរស័ព្ទបន្ទាប់ពីអ្នកទៅដល់ផ្ទះទៀត ឬយ៉ាងណា? បើអ្នកក៏ដឹងខ្លួនឯងហើយថា ធ្វើបែបនេះ អ្នកមិនមានអារម្មណ៍ទៅធ្វើកិច្ចសាលា បង្ហើយការងារ ឬធ្វើគម្រោងសម្រាប់ស្អែក ដែលអ្នកតែងតែប្រាប់ខ្លួនឯងរាល់ថ្ងៃថានឹងធ្វើ។ ផ្លាស់ប្តូររបៀបរបបរស់នៅរបស់អ្នក គឺជាការផ្លាស់ប្តូរជីវិតរបស់អ្នកដូច្នោះដែរ… © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Fitness
Share
  • Apr 28, 2017 |
  • 7 years ago |
  • 1.8K views

ស្បែកប្រេងលែងជាកង្វល់ !

មិនថាយ៉ាងណា បញ្ហាមុខខ្លាញ់រងើមនៅតែធ្វើឲ្យមនុស្សជាច្រើនពិបាកចិត្តមិនតិចទេសំខាន់ពេលកាន់តែពិបាកចិត្តមុខក៏កាន់តែខ្លាញ់ថែមទៀត ហេតុអ្វី? ហើយគួរធ្វើដូចម្តេចទៅ?ស្បែកមុខប្រេងជាបញ្ហាមួយដែលអាចកើតមានលើមនុស្សគ្រប់វ័យ ជាពិសេសវ័យជំទង់។ វាអាចបង្កបញ្ហាលើផ្ទៃមុខដូចជា មុន ជាំ និងបញ្ហាផ្សេងៗទៀតជាច្រើន   បើទោះបីជាប្រេងនៅលើស្បែកមាននាទីជួយការពារស្បែក ផ្តល់សំណើម  និងប្រឆាំងជាមួយភាពចាស់តាមវ័យក៏ដោយ។  បើដូច្នេះតាមដានជាមួយហេលស៍ថាម អំពីដំណោះស្រាយប្រកបដោយភាពវៃឆ្លាតទៅលើស្បែកមុខប្រេងរបស់អ្នក។ ផ្លាស់ប្តូររាល់ទម្លាប់មិនល្អប្រចាំថ្ងៃដែលជាកត្តាជំរុញឲ្យស្បែកមុខឡើងប្រេង៖ • គេងឲ្យបានគ្រប់គ្រាន់ ព្រោះថាប្រសិនបើអ្នកគេងមិនគ្រប់គ្រាន់នោះនឹងធ្វើឲ្យអ្នកឆាប់អស់កម្លាំង  និងក្លាយជាមូលហេតុនៃការបញ្ចេញប្រេងលើស្បែកកើនឡើង។ • កាត់បន្ថយស្រេ្តស ព្រោះកាលណាស្ត្រេស រាងកាយអ្នកនឹងបង្កើនអ័រម៉ូនអង់ដ្រូសែនដែលជាមូលហេតុចម្បងបង្កឲ្យស្បែកបញ្ចេញប្រេងច្រើនជាងធម្មតា។ • ជ្រើសរើសផលិតផលថែរក្សាស្បែកឲ្យបានត្រឹមត្រូវ និងស័ក្តិសមជាមួយស្បែកមុខរបស់អ្នក ។ • លាងសម្អាតមុខ ២ទៅ៣ដងក្នុងមួយថ្ងៃ ចៀសវាងលាងញឹកញាប់ពេកធ្វើឲ្យស្បែកស្ងួតខ្លាំង និងជាហេតុផលធ្វើឲ្យស្បែករឹតតែបញ្ចេញប្រេងច្រើនជាងធម្មតា។ • បន្ថយការបរិភោគប្រៃ អាហារដែលសម្បូរដោយខ្លាញ់ ស្ករ តែចាស់ កាហ្វេបារី ភេសជ្ជៈដែលមានអាល់កុលច្រើនពេក និងប្រភេទអាហារកំប៉ុងហើយប្តូរមកបរិភោគប្រភេទបន្លែពណ៌បៃតង ទឹកផ្លែឈើស្រស់ៗ និងរក្សាការញ៉ាំទឹកឲ្យបានយ៉ាងហោចណាស់៨កែវក្នុងមួយថ្ងៃ។ • កាត់បន្ថយពីការប៉ះពាល់ផ្ទាល់នៃស្បែកពីពន្លឺព្រះអាទិត្យ ដោយសារតែពន្លឺព្រះអាទិត្យអាចធ្វើឲ្យស្បែកអ្នកស្ងួតដែលជំរុញឲ្យក្រពេញខ្លាញ់បង្កើនការផលិតកាន់តែច្រើន។ • ប្រឹក្សាជាមួយវេជ្ជបណ្ឌិតឯកទេស ពីការបញ្ឈប់ ឬប្តូរការប្រើថ្នាំពន្យារកំណើត និងប្រភេទថ្នាំបង្កើនការបញ្ចេញអ័រម៉ូនមួយចំនួន ព្រោះថាថ្នាំទាំងនោះធ្វើឲ្យរាងកាយបាត់បង់ជាតិទឹក និងបង្កើនការផលិតខ្លាញ់ទ្វេដង។ ក្រៅពីការផ្លាស់ប្តូរទម្លាប់ទាំងនេះ លោកអ្នកគួរធ្វើការថែរក្សាស្បែកមុខដោយវិធីធម្មជាតិ ដើម្បីឲ្យអ្នកទទួលបានលទ្ធផលកាន់តែប្រសើរ៖ • ប្រទាលកន្ទុយក្រពើ៖ កាត់ប្រទាលកន្ទុយក្រពើជាពីររួចចៀរយកផ្នែកសម្បកចេញ បន្ទាប់មកយកសាច់ប្រទាលបិតលើផ្ទៃមុខ ទុកឲ្យស្ងួតប្រហែល១០ទៅ១៥នាទីសឹមលាងសម្អាតចេញជាមួយទឹកស្អាត។   លោកអ្នកអាចអនុវត្តវិធីនេះ១ទៅ២ដងក្នុងមួយថ្ងៃ អាចជួយរក្សាជាតិទឹក និងផ្តល់សំណើម លើផ្ទៃមុខនិងបន្ថយការផលិតប្រេងលើស្បែក។ • យ៉ាអួ៖ មិនត្រឹមតែសម្រាប់ញ៉ាំ លោកអ្នកអាចប្រើយ៉ាអួលាបឲ្យសព្វលើផ្ទៃមុខ  ទុកចោលប្រហែល១៥នាទី  បន្ទាប់មកលាងជាមួយនឹងទឹកស្អាត ដែលលោកអ្នកអាចអនុវត្តបានម្តងក្នុងមួយថ្ងៃដើម្បីសម្រួលការផលិតប្រេងលើស្បែក។ • ត្រសក់៖ ចិតត្រសក់ជាចំណិតស្តើងៗ ហើយបិតលើផ្ទៃមុខរបស់អ្នក ទុកចោលមួយយប់ រួចលាងសម្អាតដោយទឹកក្តៅឧណ្ហៗនៅពេលព្រឹកបន្ទាប់ ជារៀងរាល់ថ្ងៃ អាចបន្ថយការផលិតខ្លាញ់ដោយប្រសិទ្ធភាព។ ដល់ពេលហើយដែលអ្នកត្រូវផ្លាស់ប្តូរទម្លាប់អាក្រក់ៗទាំងនោះចោល ហើយបង្កើនការថែរក្សាបន្ថែម អញ្ចឹងទោះមុខខ្លាញ់រងើមប៉ុណ្ណាក៏គ្មានបញ្ហាទៀតដែរ…

Health Tips
Share
  • Apr 27, 2017 |
  • 7 years ago |
  • 7.8K views

និយាយពាក្យ«ខ្ញុំស្រលាញ់អ្នក»ជាមួយវិធីប្លែកៗ Ways of saying ‘I LOVE YOU’

«ខ្ញុំស្រលាញ់អ្នក» ជាពាក្យបីម៉ាត់ដ៏ខ្លី ប៉ុន្តែមានអត្ថន័យខ្លឹមសារយ៉ាងជ្រាលជ្រៅ ហើយក៏អាចផ្លាស់ប្តូរអារម្មណ៍របស់មនុស្សម្នាក់ឲ្យក្លាយជាបុគ្គលដែលមានក្តីសុខជាងគេ នៅលើភពផែនដីនេះ ជួនកាលទៀតក៏ធ្វើឲ្យគេស្រក់ទឹកភ្នែកដោយមិនដឹងខ្លួនដោយសារតែទឹកចិត្តត្រេកអរ និងរំភើបពេលដែលបានស្តាប់លឺទៀតផង។ ពាក្យបីម៉ាត់នេះគួរតែប្រើឲ្យបានញឹកញាប់ ចំពោះតែមនុស្សម្នាក់ដែលអ្នកគិតថាសំខាន់សម្រាប់របស់អ្នកបានហើយ។ សម្រាប់អត្ថន័យនេះ យើងសូមលើកយកនូវវិធី១៨យ៉ាងដ៏រ៉ូមែនទិកដែលលោកអ្នកអាចនឹងអ​នុវត្ត ដើម្បីបន្ថែមនូវភាពផ្អែមល្អែមដល់ចំណងស្នេហារបស់អ្នកទាំងពីរទៀត ចង់ដឹងថាមានអ្វីខ្លះ?​តោះ! តាមដានជាមួយគ្នា...   ·  និយាយប្រាប់ថាស្រលាញ់ជាមួយនឹងភាសាផ្សេងៗពីគ្នា ៖  សាកនិយាយ ឬផ្ញើរពាក្យទាំងនោះទៅគេ ហើយឲ្យគេស្វែងរកអត្ថន័យដោយខ្លួនឯង នោះស្នាមញញឹមនឹងលេចចេញលើទឹកមុខគេជាមិនខាន។ ·  ប្រើប្រាស់ពាក្យស្លោក ឬសុភាសិតផ្អែមល្អែម ៖ ប្រសិនបើអ្នកមិនអាចរកនឹកពាក្យសម្តីល្អៗ ឬផ្អែមល្អែមណា ដោយខ្លួនឯងទេ អ្នកអាចរកបានរាប់លានឃ្លានៅលើអ៊ិនធឺណែតក្នុងពេលមិនដល់មួយនាទីផង។ ឮ ·  ភ្ជាប់ជាមួយនឹងកាដូ ៖ ការជូនកាដូទៅនរណាម្នាក់ជាវិធីងាយបំផុតក្នុងការបញ្ជាក់នូវការព្រួយបារម្ភទៅកាន់គេ ជាជាងការឲ្យតែវត្ថុទទេ អ្នកអាចភ្ជាប់ជាមួយនឹងកាតមួយដែលមានពាក្យថា «ខ្ញុំស្រលាញ់អ្នក»ផងដែរ។ ·  សាក់ឈ្មោះមនុស្សជាទីស្រលាញ់ ឬពាក្យថា«ស្រលាញ់» ៖ វាជាសញ្ញាមួយដែលនឹងមានអាយុកាលយូរ។ ·  សរសេរឈ្មោះមនុស្សជាទីស្រលាញ់​ ៖ បើអ្នកមិនហ៊ានប្រថុយនឹងការសាក់ទេអ្នកក៏អាចត្រឹមតែធ្វើការឆ្លាក់ឈ្មោះរបស់គេនៅលើក្រដាស ឬដៃហើយបង្ហាញដល់គេទៅក៏បានដែរ។ ·  បង្កើតកម្រងរូបភាព ៖ បើអ្នកមានភាពសិល្បៈក្នុងការគូររូបនោះ អ្នកអាចចំណាយពេលខ្លះបង្កើតជាសាច់រឿងស្នេហារបស់អ្នកទាំងពីរ ហើយបន្ថែមនូវកិច្ចសន្ទនាដែលបើកបង្ហាញពីទឹកចិត្តស្នោះស្នេហ៍របស់អ្នកចំពោះគេ។ វាពិតជាគួរឲ្យស្រលាញ់ និងពោរពេញដោយការច្នៃប្រឌិតពិតមែន។ ម្យ៉ាងលោកអ្នកក៏អាចធ្វើការស្វែងរកកម្មវិធីកុំព្យូទ័រណា ដែលជួយអ្នកក្នុងការបំពេញកិច្ចការនេះផងដែរ។ ·  ប្រើប្រាស់បណ្តាញសង្គម ៖ បង្ហាញពីទឹកចិត្ត និងក្តីស្រលាញ់របស់អ្នកចំពោះគេ តាមរយៈបណ្តាញសង្គមល្បីៗផ្សេងៗ ជាមួយនឹងឃ្លាខ្លីៗ ឬរូបភាពនៃអ្នក និងគេ។ ·  បង្កើតភាសាសម្ងាត់ ៖ នៅពេលធ្វើការទាក់ទង ឬឆ្លើយឆ្លងគ្នាជាមួយនឹងភាសាសម្ងាត់ដែលមានតែអ្នកទាំងពីរដែលដឹង និងយល់នោះ​ វាក៏រូបភាពមួយដែលគេគ្រប់គ្នាច្រណែនផងដែរ។ ពេលនោះ អ្នកក៏មិនបាច់បារម្ភអំពីការបែកធ្លាយផ្សេងៗទៅកាន់អ្នកដទៃដែរ។ ·  ប្រើនិមិត្តសញ្ញា ឬភាសាក្រៀម ៖ ” I Love You” គ្រប់ពេលពេក គ្រាន់តែគិតក៏គួរឲ្យធុញ និងជ្រេញដែរ ជួនកាលគេក៏គិតថាអ្នកនិយាយឲ្យតែហើយៗដែរ។ សាកប្រើសញ្ញាផ្សេងៗជំនួសវិញ​ ដូចជាxoxo

Health Tips Family & Relationship
Share
  • Apr 27, 2017 |
  • 7 years ago |
  • 5.1K views

គួរលាងភ្នែកដោយរបៀបណា?

មិនចាំបាច់ទាល់តែមានការប៉ះទង្គិចភ្នែក ទើបបណ្តាលឲ្យមានបញ្ហារមាស់ ឬរលាកភ្នែកនោះទេ សូម្បីតែសកម្មភាពប្រចាំថ្ងៃក៏អាចឲ្យអ្នកមានអារម្មណ៍រមាស់ ឬឈឺភ្នែកដែរ។ ជាក់ស្តែង បញ្ហាទាំងនេះអាចបង្កមកពីធូលី ដី និងភាគល្អិតដែលមាននៅក្នុងបរិយាកាស ឬមកពីការអង្គុយសម្លឹងមើលសៀវភៅ ឬកំព្យូទ័រក្នុងរយៈពេលយូរ។ ដោយសារភ្នែកជាសរីរាង្គដ៏សំខាន់មួយ ដែលទាមទារឲ្យមានការប្រុងប្រយ័ត្នខ្ពស់ក្នុងការថែរក្សា។បើនិយាយពីវិធីសាស្រ្តថែរក្សាវិញ ការលាងភ្នែកជាអ្វីដែលបុគ្គលគ្រប់រូបគិតដល់មុនគេ ដើម្បីបំបាត់នូវអាការៈរមាស់ភ្នែកទាំងនោះ។ យ៉ាងណាមិញតើអ្នកច្បាស់ទេថា ការលាងភ្នែករបស់អ្នកត្រឹមត្រូវ និងមានសុវត្ថិភាព? បើមិនទាន់ច្បាស់ទេ លោកអ្នកអាចស្វែងយល់ពីគន្លឹះខាងក្រោមពីវិធីសាស្រ្តក្នុងការលាងភ្នែកឲ្យបានត្រឹមត្រូវ… មានទឹកលាងភ្នែក៖ គួរតែមានផលិតផលទឹកលាងភ្នែកនៅក្នុងផ្ទះ ជាពិសេសចំពោះគ្រួសារដែលមានកុមារតូចៗ ដែលអ្នកអាចរកទិញបាននៅតាមឱសថស្ថាននានា ដោយត្រូវប្រាកដថាទឹកលាងភ្នែកនោះមាន pH កម្រិតណឺត (pH ៧.០)។ ប្រើទឹកស្អាត៖ ប្រសិនបើមិនមានទឹកលាងភ្នែក អាចប្រើទឹកស្អាតជំនួសបាន ប៉ុន្តែទឹកដែលចេញពីក្បាលរ៉ូប៊ីណេអាចមានវត្តមានមេរោគដែលអាចប៉ះពាល់ដល់ភ្នែក។ ដូចនេះអ្នកគួរប្រើទឹកដែលបានធ្វើការច្រោះយកមេរោគចេញ ឬប្រើទឹកសុទ្ធក៏បាន។ រយៈពេលលាងភ្នែក៖ វាមានការប្រែប្រួលទៅតាមកម្រិតនៃការឆ្លងមេរោគក្នុងភ្នែករបស់អ្នកតួយ៉ាង៖ • ត្រូវការតែ ៥ នាទីសម្រាប់លាង ប្រសិនបើភ្នែកអ្នកត្រូវបានប៉ះពាល់ដោយសារធាតុដូចជាសាប៊ូ។ • ការប៉ះពាល់លក្ខណៈមធ្យម ដូចជាម្ទេស ឬសារធាតុអាស៊ីត អាចធ្វើការលាងពី ២០ នាទី ឬលើសពីនេះ។ សីតុណ្ហភាពទឹក ៖ ពេលប្រើទឹកសុទ្ធក្នុងការលាងភ្នែកអ្នកមិនត្រូវយកវាចេញភ្លាមៗពីទូទឹកកកសម្រាប់ប្រើនោះទេ។ ទឹកដែលស័ក្តិសមសម្រាប់លាងភ្នែកគួរតែមានសីតុណ្ហភាពពី១៥.៦ ទៅ៣៧.៨ អង្សាសេ។      ធ្វើការលាងភ្លាមៗ ៖ លាងសម្អាតភ្នែករបស់អ្នកបានកាន់តែឆាប់កាន់តែល្អ រាល់ពេលដែលមានអាការៈផ្សេងៗ ព្រោះក្នុងករណីការលាងមិនបានទាន់ពេលវេលា អាចបង្កឲ្យមានការខូចខាតច្រើនទៅកាន់សរីរាង្គភ្នែករបស់អ្នក។យ៉ាងណាមិញ ប្រសិនមិនបានធូរស្រាល ឬមានរោគសញ្ញាសង្ស័យកើតឡើង គួរធ្វើការស្វែងរកការព្យាបាលពីអ្នកឯកទេស។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips Eye Health
Share
  • Apr 26, 2017 |
  • 7 years ago |
  • 7.6K views

កន្លែង​ហែលទឹក​ ៥កន្លែងដែលអ្នកមិនគួររំលង!

ការហែលទឹកជាប្រភេទកីឡាដែលមិនបាច់ត្រូវចេញញើស ហើយស្របពេលអាកាសធាតុកំពុងតែក្តៅនេះ​ វាក៏អាចការពារការបាត់បង់ជាតិទឹក ព្រមទាំងភាពស្អុះស្អាប់នៅពេលហាត់ប្រាណផងដែរ។    ណាមួយការហែលទឹកអាចកាត់បន្ថយស្រេ្តស​ ​បង្កើនភាពរហ័សរហួន​ ​បង្កើនសម្រស់​ ​ជួយឲ្យឆ្អឹង និងសាច់ដុំរឹងមាំផងដែរ​ ​ជា ពិសេសក៏ចៀសវាងពីការកើត​ និងការរើឡើងនៃជំងឺហឺតបានថែមទៀតផង។ តែបញ្ហាដែលតែងតែជួបប្រទះនៅកន្លែងហែលទឹកខ្លះ នោះគឺនៅត្រង់ថា​ ​អនាម័យ​ ​ផាសុកភាពមិនសូវល្អ​ និងភាពអ៊ូអរពេក រកតែកន្លែងបណ្តែតខ្លួនមិនឃើញ។​ ​ហេតុនេះសូមមកមើល​ ពីការណែនាំពីទីកន្លែងហែលទឹក៥​ ​កន្លែងជាមួយនឹងសេវាកម្ម​ និងតម្លៃសមរម្យ ដែលអ្នកនឹងមិនបាច់បារម្ភពីបញ្ហាខាងលើទៀតទេ។  1.​ ​​The​ ​Place​ ​Fitness​ ​Center  ជាប្រភេទកន្លែងហាត់ប្រាណមានអាងហែលទឹក ដ៏ស្រស់ស្អាត​ ​និងធំទូលាយដែលមានគំនូស បន្ទាត់សម្រាប់ហែលងាយស្រួលដល់អ្នកចង់ហ្វឹក ហាត់ហែលទឹក។    ទីតាំង៖​ ​ផ្លូវ​ ​៥១​ ​សង្កាត់បឹងកេងកង១​ ​ខណ្ឌចំការមន​ ​ភ្នំពេញ  សេវាកម្ម៖​ ​មានជាកញ្ចប់​ ​១៨០$ក្នុងមួយខែ​ ​រួម ជាមួយសេវាកម្មហាត់ប្រាណផ្សេងៗទៀត។    2​. ​​Superfit-Fitness​ ​and​ ​Health​ ​Club    ជាកន្លែងហាត់ប្រាណដែលមានអាងហែលទឹក ធំទូលាយ​ ​​ ​និងបរិយាកាសស្ងប់ស្ងាត់ដែលអ្នក អាចតាំងអារម្មណ៍ហែលទឹក​ ​​ ​ដោយផ្តោតលើ ដង្ហើម​ ​និងធ្វើឲ្យសួតដំណើរការល្អ។     ទីតាំង៖​ ​នៅលើផ្លូវម៉ៅសេទុង​ ​ភ្នំពេញ  សេវាកម្ម៖​ ​មានជាកញ្ចប់​ ​១០០$ក្នុងមួយខែ​ ​រួម ជាមួយសេវាកម្មហាត់ប្រាណផ្សេងៗទៀត។    3.​ ​​Cambodiana​ ​Hotel   ជាអាងទឹកមានការរចនាជាលក្ខណៈបែបខ្មែរ បុរាណមានកន្លែងអង្គុយ​ ​និងគេងសម្រាក​ ​​ ​បន្ទាប់ពីហែលទឹកហើយ។​ ​​ជាមួយខ្យល់អាកាសបែបធម្មជាតិ អ្នកនឹងមានអារម្មណ៍ស្រស់ស្រាយ​ ​និងស្ងប់ស្ងាត់។    ទីតាំង៖​ ​ផ្លូវ​ ​313​ ​ព្រះស៊ីសុវត្ថិ​ ​ភ្នំពេញ  សេវាកម្ម៖​ ​បើកពីថ្ងៃច័ន្ទដល់អាទិត្យ​ ​តម្លៃ១២$​ ​រួមជាមួយសេវាកម្មហាត់ប្រាណផ្សេងៗទៀត។    4.​ ​​Himawari​ ​Hotel  អាងហែលទឹកដែលស្ថិតក្នុងបរិវេណសណ្ឋាគារ ​Himawari​ ​ទីធ្លាធំទូលាយ​ ​ផ្តល់ភាពងាយស្រួល ដល់ការទៅលេងជាក្រុម​ ​តែបើម្នាក់ឯងក៏អាចរាប់អានមិត្តថ្មីៗបានច្រើនដែរ។​ ​​​អាងទឹកមាន ភាពត្រជាក់​ ​និងមានទឹកថ្លា​ ​​បើទៅលក្ខណៈជាគូក៏កាន់តែរ៉ូមែនទិក។អារម្មណ៍ស្រស់ស្រាយ  ហើយបានសុខភាពល្អទៀត។    ទីតាំង៖​ ​ផ្លូវ​ ​313​ ​ព្រះស៊ីសុវតិ្ថ​ ​ភ្នំពេញ  សេវាកម្ម៖​ ​ថ្ងៃច័ន្ទ-សុក្រ​ ​តម្លៃ៧$​ ​​ ​និងសៅរ៍-អាទិត្យ​ ​​ ​តម្លៃ៨$​ ​​ ​​ ​រួមជាមួយសេវាកម្មហាត់ប្រាណផ្សេងៗទៀត។    5.​ ​​Aquarious​ ​Hotel​ ​&​ ​Urban​ ​Resort  អាងទឹកស្ថិតលើកំពូលអគារ​ ​មានខ្យល់អាកាស បរិសុទ្ធ​ ​ដែលធ្វើឲ្យអ្នកដកដង្ហើមស្រួល​ ​និងអាចគេងសម្រាកមើលទេសភាពទីក្រុងបាន។​ ការហែលទឹកក្នុងអាងទឹកប្រៃបែបនេះគឺអាចធ្វើឲ្យ ស្បែកអាចជម្រុះកោសិកាចាស់ៗបាន​ ​និងមានភាពទន់រលោង។    ទីតាំង៖​ ​ផ្លូវ​ ​២៤០​ ​ខណ្ឌដូនពេញ​ ​ភ្នំពេញ  សេវាកម្ម៖​ ​បើកពីថ្ងៃច័ន្ទដល់អាទិត្យ​ ​តម្លៃ១២$ រួមជាមួយសេវាកម្មហាត់ប្រាណផ្សេងៗទៀត។    អ្នកប្រហែលជាធ្លាប់ទៅកន្លែងហែលទឹកផ្សេងៗពីមុនមកហើយ​ ​តែចង់ដឹងថាកន្លែងពីមុនខុសពីកន្លែងដែលបានណែនាំទាំង៥ខាងលើ នេះយ៉ាងណានោះ​ចុងសប្តាហ៍នេះជាឱកាសដែលអ្នកអាចសាកល្បង មើលបាន។  © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                               

Health Tips Health Tips Travel & Tourism Fitness
Share
  • Apr 25, 2017 |
  • 7 years ago |
  • 1.9K views

តើគួរធ្វើយ៉ាងណាខ្លះ បើមានសង្សារជាកីឡាករ?

ទំនាក់ទំនងស្នេហាជាមួយនឹងកីឡាករបាល់ទាត់ ឬអ្នកស្នេហាវិស័យកីឡានេះ ប្រៀបបាននឹងការព្រមព្រៀងគ្នារវាងពេលវេលានៅជាមួយគ្នាជាមួយនឹងពេលដែលដៃគូរបស់អ្នកចំណាយលើការហ្វឹកហាត់ ការប្រកួត និងការធ្វើកិច្ចការសាលាផងដែរ។ ក្រៅពីជាសង្សាររបស់អ្នក គេក៏មានសមាជិកមួយរូបនៅក្នុងក្រុមរបស់គេដែរ ហេតុនេះហើយអ្នកត្រូវត្រៀមចិត្តជាមុនថាពេលវេលាទំនេររបស់គេទាំងអស់ នឹងមិនអាចចំណាយលើរូបអ្នករហូតនោះទេ។ យ៉ាងណាមិញ មានម្ចាស់ស្នេហ៍ជាកីឡាករបាល់ទាត់ក៏ជារសជាតិសេ្នហាដ៏រ៉ូមែនទិកមួយបែបផងដែរ​។ ប៉ុន្តែដើម្បីឲ្យជីវិតស្នេហារបស់អ្នកទាំងពីរមានក្តីសុខនោះ អ្នកគួរតែអនុវត្តតាមវិធីសាស្រ្តមួយចំនួនដូចខាងក្រោម ៖ ·ធ្វើជាអ្នកគាំទ្រមួយរូប ៖ ការផ្តល់កម្លាំងចិត្ត និងចាំគាំទ្រគ្នាទៅវិញទៅមក ជាគន្លឹះមួយដែលធ្វើឲ្យទំនាក់ទំនងស្នេហារបស់អ្នកទាំងពីរកាន់តែស្អិតរមួត និងផ្អែមល្អែម។ ប្រសិនបើអ្នកទំនេរចំថ្ងៃប្រកួតរបស់គេ អ្នកគួរតែចំណាយពេលទៅគាំទ្រគេ ហើយនិយាយសរសើរអំពីការលេងរបស់គេ។ ប៉ុន្តែ​បើអ្នកមិនមានពេលទេ គ្រាន់តែផ្ញើរសារ ឬCALLមកលើកទឹកចិត្តដល់គេក៏បាន នោះគេនឹងមានថាមពលដ៏អស្ចារ្យសម្រាប់ការប្រកួតមិនខាន។ ·សិក្សាពីកីឡាប្រភេទនេះ ​៖ វាជារឿងធម្មតាដែលមិត្តនារីភាគច្រើនមិនបានយល់ដឹងពីច្បាប់ផ្សេងៗក្នុងកីឡា តែវានឹងមិនជាបញ្ហាអ្វីធំដុំនោះទេក្នុងសម័យនេះ ប្រសិនបើអ្នកមានបំណងចង់យល់ដឹង។ ព័ត៌មានគ្រប់យ៉ាងដែលអ្នកចង់ដឹងមាននៅក្នុងប្រព័ន្ធអ៊ិនធឺណែត ដែលអ្នកគ្រាន់តែចំណាយពេលប៉ុន្មាននាទី ដើម្បីស្វែងយល់ពីច្បាប់ទូទៅដូចជាមុខងាររបស់កីឡាករ គ្រាប់បាល់ដែលស៊ុតចូល ឬកំហុសធំៗដែលត្រូវទទួលពិន័យ ជាដើម។ បើមិនដូច្នោះទេ អ្នកក៏អាចធ្វើការសាកសួរពីដៃគូរបស់អ្នកផងដែរ គេនឹងរឹតតែសប្បាយចិត្ត ពេលអ្នកដឹងថាអ្នកចាប់អារម្មណ៍។ ·ដឹងពីកាលវិភាគនៃការហាត់ និងប្រកួតរបស់គេ ៖ ការដឹងថាពេលណាគេត្រូវហ្វឹកហាត់ អាចឲ្យអ្នករៀបចំពេលដើរលេងជាមួយគ្នាបានដោយមិនចាំបាច់បារម្ភថាគេនឹងបដិសេធនោះទេ។ វានឹងរឹតតែពិសេស ប្រសិនបើអ្នកអាចកំដរគេទៅហាត់ ហើយញ៉ាំអាហារជាមួយគ្នា បន្ទាប់ពីចប់ម៉ោងហ្វឹកហាត់ ឬប្រកួត ព្រោះថាពេលដែលលេងកីឡា គេក៏បានប្រើប្រាស់ថាមពលច្រើនហើយក៏អស់កម្លាំងណាស់ដែរ។ ·ទទួលស្គាល់ការពិត ៖ ត្រង់នេះសំដៅដល់ការពិតដែលថាអ្នកនឹងមិនជាអាទិភាពទីមួយរបស់គេគ្រប់ពេលទេ។ ចំណុចនេះហាក់ដូចជាពិបាកជាងគេបន្តិច ព្រោះថាក្នុងនាមជាម្ចាស់ចិត្តរបស់នរណាម្នាក់ យើងតែងតែចង់ឲ្យគេគិតដល់អ្នកមុនគេ។ ប៉ុន្តែបើអ្នកសម្រេចចិត្តថាតភ្ជាប់ចំណងស្នេហាជាមួយកីឡាករហើយ អ្នកត្រូវបើកចិត្តឲ្យទូលាយ ហើយទទួលស្គាល់វា។ ·រាប់អានជាមួយនឹងមិត្តរួមក្រុមរបស់គេ ព្រមជាមួយនឹងគ្របង្វឹក ៖ ប្រសិនបើអ្នកមានពេលទៅមើលគេហ្វឹកហាត់ និងប្រកួតញឹកញាប់ អ្នកនឹងមានឱកាសបានជួបនឹងពួកគេមិនខាន។ អ្នកអាចចាប់ផ្តើមជាមួយនឹងគ្រូបង្វឹក និងសមាជិកជម្រើស១១នាក់ដំបូង រួចសឹមបែររកកីឡាករបម្រុង។ ក្រោយពីបានរាប់អានគ្នាហើយ អ្នកនឹងមិនមានអារម្មណ៍ទើសទាល់ ឬអផ្សុកនោះទេ ពេលកំដរម្ចាស់ស្នេហ៍ម្តងៗ។ ម្យ៉ាងអ្នកក៏អាចរាប់អានជាមួយនឹងមិត្តស្រីរបស់កីឡាករផ្សេងៗផងដែរ ហើយអ្នកក៏អាចមានគ្នាជជែកដែរ។ ·បង្ហាញឲ្យគេឃើញ ៖ ក្នុងនាមជាម្ចាស់ស្នេហ៍តែមួយគត់របស់គេ អ្នកក៏គួរធ្វើអ្នកគាំទ្រផ្គាប់មុខមួយរូបរបស់គេដែរ។ ព្យាយាមបង្ហាញពីការគាំទ្ររបស់អ្នកតាមដែលអាចធ្វើបាន ប៉ុន្តែក៏មិនគួរហួសហេតុពេកនោះដែរ។ អ្វីដែលពិសេសជាងគេ ហើយមិនគួររំលងនោះ គឺការពាក់អាវដែលជាឯកសណ្ឋានក្រុមរបស់គេ ហើយបើអាចទៅរួច អ្នកក៏គួរអាវដែលមានឈ្មោះរបស់គេផងដែរ។ «ចំណងស្នេហាជាមួយកីឡាករអាចជាការងារមួយលំបាក ព្រោះគេនឹងមិនមានច្រើនសម្រាប់អ្នកនោះទេ តែអ្នកត្រូវចាំថា អ្នកនៅតែមនុស្សទីមួយដែលគេគិតដល់គ្រប់ពេល។ ប៉ុន្តែប្រសិនបើអ្នកយល់ថាមិនអាចទ្រាំបាននោះ កុំធ្វើបាបខ្លួនឯងអី...»   © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។    

Health Tips
Share
  • Apr 25, 2017 |
  • 7 years ago |
  • 5.5K views

ទម្លាប់៦យ៉ាងធ្វើឲ្យអ្នកឧស្សាហ៍អស់កម្លាំង ទោះមិនសូវធ្វើអ្វី

ធ្លាប់ដែរឬទេ នៅពេលដែលអ្នកមិនបានធ្វើអ្វីសោះ តែមានអារម្មណ៍ថាល្ហិតល្ហៃក្នុងខ្លួន ហើយមិនមានកម្លាំងធ្វើអ្វី?ច្បាស់ណាស់ជាធម្មតា មានសកម្មភាពមួយចំនួនដូចជា ការធ្វើលំហាត់ប្រាណធ្ងន់ធ្ងរ ឬការបំពេញការងារខ្លាំងក្លា អាចធ្វើឲ្យថាមពលក្នុងខ្លួនរបស់អ្នកថយចុះ។ ប៉ុន្តែ នៅពេលដែលអ្នកមិនបានធ្វើរឿងទាំងនោះហើយបែរជាអស់កម្លាំងដូចគ្នា ក៏មិនមានអ្វីខុសប្រក្រតីដែរ​​​​​​​​ព្រោះថាមពលរបស់អ្នក ក៏ជាប់ទាក់ទងផងដែរទៅនឹងទម្លាប់ប្រចាំថ្ងៃមួយចំនួនទៀត។ ខាងក្រោមជាទម្លាប់៦យ៉ាង ដែលទាមទារឲ្យអ្នកគិតគូរឡើងវិញ ដោយសារវាជាមូលហេតុបំផ្លាញនូវ ថាមពលអ្នកទាំងមិនដឹងខ្លួនជារៀងរាល់ថ្ងៃ។ ១ ចំណាយពេលលើគ្រឿងអេឡិចត្រូនិច   ច្បាស់ណាស់បុគ្គលភាគច្រើនតែងតែយកពេលវេលាដែលនៅសល់បន្ទាប់ពីការសិក្សា ឬការងារដ៏នឿយហត់ជាពិសេសនាពេលល្ងាចតែម្តង ធ្វើអ្វីដើម្បីជាការកម្សាន្តដូចជាការមើលទូរទស្សន៍ ឬចំណាយពេលលើប្រព័ន្ធអេឡិចត្រូនិច (ទូរស័ព្ទ ថេបប្លេត) ជាដើម។ ប៉ុន្តែអ្នកប្រហែលមិនដឹងទេថាសកម្មភាពទាំងនោះ រឹតតែធ្វើឲ្យអ្នកមានអារម្មណ៍ល្ហិតល្ហៃទៅវិញ។ យកល្អគួរមានការសម្រាកដោយគេងរយៈពេលខ្លី ឬធ្វើលំហាត់ប្រាណបន្តិចបន្តួចសម្រាប់បង្កើនកម្លាំងរបស់អ្នកសារជាថ្មី។ ២ មិនបង្គ្រប់ជាតិទឹកក្នុងខ្លួន កង្វះជាតិទឹកធ្វើឲ្យរាងកាយរបស់អ្នកចុះខ្សោយ។ មនុស្សមួយចំនួនតែងតែយកភេសជ្ជៈប្រភេទកាហ្វេអីុន  ឬមានជាតិស្ករ  មកបំពេញថាមពលរបស់ខ្លួន ដោយមើលរំលងនូវអត្ថប្រយោជន៍របស់ទឹក។ ការពិតភេសជ្ជៈប្រភេទខាងលើអាចត្រឹមជួយបំពេញកម្លាំងថាមពលតែមួយរយៈតែប៉ុណ្ណោះ ប៉ុន្តែវាមិនបានធ្វើឲ្យរាងកាយមានស្ថេរភាពនោះទេ យកល្អគួរទម្លាប់ញ៉ាំទឹកមួយកែវពេញនៅពេលព្រឹក ហើយបន្តបន្ថែមសារជាតិទឹកឲ្យបានពេញមួយថ្ងៃ។ ៣ មិនញ៉ាំអាហារមានថាមពល ទម្លាប់ញ៉ាំអាហារគ្មានជីវជាតិដូចជា អាហារធ្វើឲ្យធាត់ ជាតិផ្អែម ប្រៃ ឬញ៉ាំអាហារចៀនជាញឹកញាប់  ហើយមិនទៀងទាត់ពេលវេលាទៀតនោះ មិនត្រឹមធ្វើឲ្យអ្នកឡើងគីឡូ ឬបង្កជាជំងឺទូទៅផ្សេងទេ វាថែមទាំងអាចធ្វើឲ្យយើងបាត់បង់ថាមពលកម្លាំងរាងកាយរួមជាមួយដែរ។  អ្នកគួរចាប់ផ្តើមជ្រើសរើសយកអាហារដែលផ្តល់ ជាសុខភាពនៃកម្លាំងរាងកាយ ដូចជាពពួក គ្រាប់ធញ្ញជាតិ  បន្លែ ផ្លែឈើ និងសណ្តែកជាដើម។ ៤ មិនបញ្ចប់កិច្ចការ មានកិច្ចការងារច្រើន ដូចជាមានដុំថ្មសង្កត់លើស្មា ដែលអាចស្រូបយកនូវថាមពលរបស់អ្នកជារៀងរាល់ថ្ងៃ។ អ្នកប្រហែលជាមានអារម្មណ៍គិតច្រើនស្រេ្តស ដែលជាហេតុមិនអាចផ្តោតការគិតបានត្រឹមត្រូវ នោះកម្លាំងថាម​ពលរាងកាយក៏ថយចុះទៅតាមនោះដែរ។ សម្រាប់ការគ្រប់គ្រងការងារទាំងនោះ អ្នកគួរតែធ្វើការជ្រើសយកការងារណាដែលមានសារសំខាន់ជាងគេ មកបំពេញ និងត្រូវកំណត់ពេលវេលាឲ្យបានជាក់លាក់ ម៉្យាងវិញទៀត ត្រូវមានគម្រោងផែនការជារៀងរាល់ថ្ងៃសម្រាប់ធ្វើការងារ។   ៥ នៅជុំវិញអ្នកដែលទុទិដ្ឋិនិយម មិត្តភក្តិ ឬអ្នករួមការងារ ដែលមានតែគំនិតទុទិដ្ឋិនិយមអាចជាដើមចមធ្វើឲ្យអ្នកអស់កម្លាំង  ដែលប្រហែលជាអ្នកមិនបានចាប់អារម្មណ៍  ឬបានដឹងពីមុនមក។   ពួកគេអាចធ្វើឲ្យអ្នកធុញទ្រាន់  បាក់ទឹកចិត្ត និងអស់សង្ឃឹមក្នុងជីវិត ដូច្នេះអ្នកគួររៀនរក្សាគម្លាតពីបុគ្គលប្រភេទនេះឲ្យបានច្រើន។ ៦ ខ្វះការគ្រប់គ្រងស្រេ្តស ការមើលរំលងនូវអារម្មណ៍តានតឹងរបស់អ្នក អាចបង្កជាហានិភ័យកាន់តែខ្លាំង។ យកល្អ អ្នកមិនគួរគេចវេសនោះទេ តែត្រូវរកមធ្យោបាយក្នុងការដោះស្រាយបញ្ហានានា ព្រោះថាវាក៏ជាកត្តាមួយរួមចំណែកក្នុងការបាត់បង់នូវថាមពលរាងកាយរបស់អ្នក។ ជឿជាក់ថា សឹងតែគ្រប់គ្នាមានទម្លាប់ណាមួយ ឬច្រើនដូចបានរៀបរាប់ខាងលើ ហើយក៏ដល់ពេលដែលត្រូវគិតពិចារណាកាត់បន្ថយ ឬបោះចោលនូវទម្លាប់ទាំងនោះដែរ ប្រសិនបើអ្នកមិនចង់ល្ហិតល្ហៃជារៀងរាល់ថ្ងៃដូចជាអ្នកមានជំងឺនោះ។ យ៉ាងណាមិញ ប្រសិនបើអ្នករកឃើញថាភាពអស់កម្លាំង មិនបាត់ទៅណាក្រោយបោះបង់ទម្លាប់មិនល្អខាងលើអ្នកក៏គួរស្វែងរកការពិគ្រោះជាមួយនឹងវេជ្ជបណ្ឌិតដើម្បីរកមូលហេតុរបស់វា និងប្រាកដថាវាមិនមែនជាសញ្ញានៃជំងឺណាមួយ។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips
Share
Top