Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • May 06, 2018 |
  • 6 years ago |
  • 3.4K views

ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី

ព្រឹកថ្ងៃអាទិត្យ ទី ០៦ ខែ ឧសភា ឆ្នាំ ២០១៨ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧៩នាក់ បន្តចុះពិនិត្យព្យាបាលជំងឺដោយឥតគិតថ្លៃ ជូនប្រជាពលរដ្ឋ នៅស្រុក បរសេដ្ឋ ខេត្ត កំពង់ស្ពឺ (កំពង់ស្ពឺ)៖ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧៩នាក់ នៅព្រឹកថ្ងៃទី០៦ ខែ ឧសភា ឆ្នាំ២០១៨នេះ បានចុះពិនិត្យ ព្យាបាលជំងឺ និងចែកជូនអំណោយថ្នាំពេទ្យ ដល់ប្រជាពលរដ្ឋចំនួន២,៨៨៩នាក់ នៅវត្តបុប្ផាវត្តី ភូមិ ស្រែរលួស ឃុំ ផុង ស្រុក បរសេដ្ឋ ខេត្ត កំពង់ស្ពឺ ដោយឥតគិតថ្លៃ ព្រមទាំងចែកនំបុ័ង និងទឹកសុទ្ធផងដែរ។   ការចុះពិនិត្យ និងព្យាបាលជំងឺជូនប្រជាពលរដ្ឋ របស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដឹកនាំដោយ ឯកឧត្តម លេង ផាលី ប្រធានក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី មានការចូលរួមសហការ លោក ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ លោក ហ៊ូ តាំងអេង រដ្ឋលេខាធិការក្រសួងផែនការ លោក សួន សុខឃីម អនុរដ្ឋលេខាធិការក្រសួងផែនការ លោកស្រី ហង់ លីណា ប្រតិភូរាជរដ្ឋាភិបាល ទទួលបន្ទុកអគ្គនាយក វិទ្យាស្ថានជាតិស្ថិតិ លោកស្រី ដាំ ដារីនី រដ្ឋលេខាធិការក្រសួងការពារជាតិ លោក ស៊ុំ សំណាង អគ្គនាយក អគ្គនាយកដ្ឋានភស្តុភា និងហិរញ្ញវត្ថុ នៃក្រសួងការពារជាតិ លោក ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ លោក យឹម យ៉ាន់ អនុរដ្ឋលេខាធិការក្រសួងសុខាភិបាល លោក​ អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ លោក​ ង៉ាក់ ប៊ុនធី អភិបាលស្រុកបរសេដ្ឋ លោកសាស្ត្រាចារ្យ នាង បូ ប្រធានសាខាសកម្មជន ក្រុមការងារយុវជនគណបក្សរាជធានីភ្នំពេញ Mr. Peang Phrearoth ប្រធានក្រុមហ៊ុនទឹកសុទ្ធអូរសិលា និងស.យ.យ.ក​ ស្រុកឱរ៉ាល់ ខេត្តកំពង់ស្ពឺ យុវជនកាកបាទក្រហមកម្ពុជា យុវជនកាយរិទ្ធកម្ពុជា និងក្រុមការងារ។   ការពិនិត្យ និងព្យាបាលជំងឺ ដោយឥតគិតថ្លៃ ជូនប្រជាពលរដ្ឋនោះរួមមាន៖ ជំងឺទូទៅ មានវះកាត់ខ្នាតតូច ជំងឺផ្លូវចិត្ត ជំងឺទូទៅផ្នែកកុមារ ជំងឺរោគស្ត្រី ជំងឺឬសដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ ជំងឺសើស្បែក ជំងឺព្រូន ជំងឺស្លេកស្លាំង ជំងឺសន្លាក់ឆ្អឹង ជំងឺរលាកថ្លើម ជំងឺកាមរោគ ជំងឺគ្រុនចាញ់ ជំងឺគ្រុនឈាម ជំងឺភ្នែក សុខភាពមាត់ធ្មេញ ជំងឺទឹកនោមផ្អែម ជំងឺបេះដូង លើសឈាម ជំងឺត្រចៀក ច្រមុះ បំពង់ករ ជំងឺតម្រងនោម អេកូសាស្ត្រ...។ល។   ការចុះពិនិត្យ និងព្យាបាលជំងឺជូនប្រជាពលរដ្ឋនេះ គឺជាស្មារតីមនុស្សធម៌សុទ្ធសាធ ដែលស្តែងចេញពីសេចក្តីស្រឡាញ់​បងប្អូន ប្រជាពលរដ្ឋ ក្នុងនាមជាឈាមជ័រ ខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ ពោលគឺការ​ព្យា​បាលមិនប្រកាន់បក្សពួក សាសនា ឬនិន្នាការនយោបាយណាមួយឡើយ សំដៅចូលរួមកាត់បន្ថយភាពក្រីក្រ របស់ប្រជា​ពលរដ្ឋ​មួយចំណែក។ បញ្ហាសុខភាព គឺជាមូលដ្ឋានគ្រឹះដើម្បីឆ្ពោះទៅរក ភាពជោគជ័យសុភមង្គល ជូនគ្រួសារ និងសង្គម​ជាតិ។ សូមជម្រាបជូនថា ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានចុះពិនិត្យ និងព្យាបាលជូនប្រជាពលរដ្ឋរួមនឹងការចែកជូនថ្នាំដោយឥតគិតថ្លៃ បានចំនួន១៦រាជធានីខេត្តហើយ ដោយក្នុងនោះរួមមានខេត្តដូចជា៖ កំពង់ស្ពឺ, កំពង់ធំ, កំពង់ចាម, ព្រៃវែង, តាកែវ, កំពង់ឆ្នាំង, សៀមរាប, បាត់ដំបង, កណ្តាល, ព្រះវិហារ, កំពត, កោះកុង, ព្រះសីហនុ, បន្ទាយមានជ័យ, ស្វាយរៀង និងរាជធានីភ្នំពេញ។ សូមបញ្ជាក់ថារយៈពេល៦៥ខែ (២០១២-២០១៨) នេះជាឆ្នាំទី៦ហើយ ដែលក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២,៤៤៥នាក់ ចុះពិនិត្យនិងព្យាល​បាលជូនប្រជាពលរដ្ឋដោយឥតគិតថ្លៃចំនួន១៤០លើក ក្នុងនោះព្យាលបាលជូន​ប្រជាពលរដ្ឋបានចំនួន២៨៩០៥៤នាក់ (ម្ភៃប្រាំបីម៉ឺន ប្រាំបួនពាន់ សូន្យរយ ហាសិបបួននាក់)៕

Career & Education News & Events
Share
  • May 05, 2018 |
  • 6 years ago |
  • 4.6K views

អ្នកបញ្ចប់ការសិក្សា និងមានសញ្ញាបត្រវេជ្ជបណ្ឌិតពីវៀមណាម ត្រូវបានទទួលស្គាល់ដោយក្រសួងហើយ!!!

យោងតាមសេចក្តីប្រកាសជូនដំណឹងរបស់រដ្ឋមន្ត្រីក្រសួងសុខាភិបាលស្តីពី«ការទទួលស្គាល់សញ្ញាបត្រវេជ្ជបណ្ឌិតមកពីសាធារណរដ្ឋសង្គមនិយមវៀមណាម»បានឲ្យដឹងថា ក្រសួងសុខាភិបាលបានសម្រេចធ្វើការទទួលស្គាល់នូវសញ្ញាបត្រវេជ្ជបណ្ឌិតដែលត្រឹមត្រូវចេញដោយគ្រឹះស្ថានបណ្តុះបណ្តាលក្នុងវិស័យសុខាភិបាលស្របច្បាប់ពីសាធារណរដ្ឋសង្គមនិយមវៀមណាមវិញ ក្រោយពីបានធ្វើការពិនិត្យ និងពិភាក្សាឡើងវិញ ដោយមានការឯកភាពពីប្រមុខរាជរដ្ឋាភិបាលកម្ពុជា។ ហេតុនេះហើយ សូមលោក-លោកស្រី ដែលបានបញ្ចប់ការសិក្សាដោយជោគជ័យ និងមានសញ្ញាបត្រវេជ្ជបណ្ឌិត មកពីសាធារណរដ្ឋនិយមវៀមណាម ទទួលជ្រាបជាដំណឹង។ ជាមួយនឹងដំណឹងមួយនេះ យើងសង្កេតឃើញមានប្រតិកម្មតបវិជ្ជមាន និងអវិជ្ជមានផ្ទុះឡើងស្របពេលជាមួយគ្នា ហើយក៏បានក្លាយជាប្រធានបទមួយនៃការពិភាក្សាដ៏ក្តៅគគុកមួយជាពិសេសរវាងនិស្សិតនៅក្នុងវិស័យនេះផ្ទាល់នៅលើបណ្តាញសង្គមហ្វេសប៊ុក…ចុះសម្រាប់អ្នកវិញ តើអ្នកមានការយល់ឃើញយ៉ាងណាដែរ? ប្រភព ៖ ទំព័រហ្វេសប៊ុក ក្រសួងសុខាភិបាលនៃព្រះរាជាណាចក្រកម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education News & Events
Share
  • May 04, 2018 |
  • 6 years ago |
  • 2.9K views

គម្រោងអុីនធឺណែត

ម៉ោង ៧ ព្រឹក។ ពន្លឺព្រះអាទិត្យចែងចាំងចូលតាមបង្អួចបន្ទប់របស់អ្នក។ នៅជិតខ្លួនអ្នកវិញក៏មានពន្លឺទូរសព្ទរបស់អ្នកចែងចាំងព្រិចៗ ប្រណាំងគ្នាជាមួយព្រះអាទិត្យដែរ។ ហេតុអីបានជាវាចាំង? ដោយសារអ្នកកំពុងអូសមើលហ្វេសប៊ុក និងអុីនស្តាក្រាមនោះឯង។ គ្រាន់តែឆែកមើលមានគេផ្ញើរសារមកឬអត់ហ្នឹងណា! អីលូវម៉ោង ៨ ព្រឹក។ អ្នកស្លៀកពាក់ស្អាតបាត កំពុងឈប់ឆ្ងក់នៅកណ្តាលផ្លូវ មិនដឹងថាកន្លែងដែលអ្នកណាត់ញ៉ាំអីពេលព្រឹកជាមួយមិត្តភក្តិអ្នកនៅឯណាទេ។ តែមិនអីទេគ្រាន់តែចុចចូល ផែនទីហ្គូហ្គល (Google Maps) បន្តិចទៅដឹងហើយ។ កាច់ទៅឆ្វេង ទៅស្តាំ ត្រង់បន្តិច ហើយដល់ហើយ! ម៉ោង ៣ រសៀលហើយ។ អ្នកកំពុងកប់ខ្លួនធ្វើកិច្ចការសាលា។ តាមពិតអ្នកនៅអង្គុយស្រាវជ្រាវហ្នឹង អស់ជាង ៣ ម៉ោងមកហើយ មិនដែលហ៊ានដកខ្លួនពីកញ្ចក់កុំព្យូទ័រឡើយ។ គ្រាន់តែអើតមើលទៅឃើញថា អ្នកមានថាប ១៥ ហើយកំពុងបើកកម្មវិធីជាង ៥ ទៀតនៅក្នុងកុំព្យូទ័រដ៏តូចរបស់អ្នក។ អីលូវពេលយប់រាត្រីហើយ តែអ្នកមិនទាន់ចូលដេកទេ កំពុងតែនិយាយស្កែប (Skype) ជាមួយអតិថិជនម្នាក់។ ទោះស្តាប់គ្នាមិនសូវច្បាស់ ហើយពេលខ្លះសេវ៉ាដាច់ៗក៏ដោយ ក៏អ្នកនៅអាចយល់គ្នាបាន។ អ្នកសង្ឃឹមក្នុងចិត្តថាគេនឹងយល់ព្រមឲ្យគម្រោងនេះមកអ្នក។ នេះហើយជាសកម្មភាពប្រចាំថ្ងៃទូទៅរបស់អ្នកក្នុងក្រុងខ្មែរធម្មតាមួយរូប។ ទោះបីជាអ្នកមិនដែលបានស្កែបជាមួយអតិថិជន ឬ ចំណាយពេលអស់ទៅ ៣ ម៉ោងដើម្បីស្រាវជ្រាវកិច្ចការសាលាក៏ដោយ (មិនបាច់កុហកគេទេ គេក៏ដូចយើង យើងក៏ដូចគេ គ្មាននរណាគេធ្វើកិច្ចការសាលាម្តងៗ អស់ពេលដល់ទៅ ៣ ម៉ោងនោះទេ) ក៏ខ្ញុំជឿថា អុីនធឺណែតបានលបៗ វារលូនចូលក្នុងជីវិតរបស់អ្នក មិនដឹងតាំងពីអង្កាល់ ហើយអីលូវនេះបើរស់នៅគ្មានវា ហាក់ដូចជាមិនសូវសមនោះទេ។ តែបើយើងរាវមុជចូលទៅក្នុងស្រទាប់ខួរក្បាលរបស់យើង ទៅប៉ះការចងចាំខ្លះៗដែលយើងមិនសូវបានរំលឹកជាយូរណាស់មកហើយ។ ចាំទេ ពេលដែលយើងដាក់នាឡិការោទិ៍មែនទែន ដើម្បីដាស់យើងឲ្យទៅសាលាទាន់ពេល។ អាផ្លូវទៅសាលាហ្នឹង មិនបាច់មានហ្គូហ្គលទេ យើងចាំច្បាស់ណាស់ ដល់ថ្នាក់អ្នកខ្លះរាប់ជំហានទៅសាលាចាំទៀតផង។ ហើយពេលនោះ ដើម្បីស្រាវជ្រាវរកអ្វីមួយ លុះត្រាតែយើងទៅអានសៀវភៅក្នុងបណ្ណាល័យ។ គ្មានសារ គ្មានហ្វេសប៊ុកអីទេ។ បើចង់និយាយគ្នា ទាល់តែស្កាត់ជួបគ្នា ឬហ៊ានទូរសព្ទរកគ្នាប៉ុន្មាននាទី ព្រោះវាថ្លៃគ្រាន់បើដែរ។ បើចង់សប្បាយ គឺពេលខ្លះអង្គុយច្រៀងពីសៀវភៅទំនុកចម្រៀងតូចៗ (មិនបាច់ខ្មាសអៀនទេព្រោះថា ជំនាន់នោះ នរណាក៏មានសៀវភៅហ្នឹងដែរ។) ហើយពេលល្ងាចៗ គ្មានអ្វីធ្វើក្រៅពីអង្គុយស្តាប់រឿងចាស់ៗនិយាយពីជីវិតពួកគាត់នោះទេ។ តើពេលនោះល្អជាង ពេលអីលូវឬ? ប្រហែលជាអត់ទេ។ តែក្មេងៗអាយុម្ភៃជាងម្នាក់ណា ក៏ធ្លាប់នឹកគិតដល់ពេលខ្លួននៅតូច ហើយតែងមានអារម្មណ៍ថា ពេលនោះខ្លួនស្រាលជាងនេះ ជីវិតដូចមិនសូវបង្ខំ មិនសូវស្ត្រេសដូចអីលូវនោះទេ។ ដោយសារហេតុនេះហើយ ទើបយើងគួរយកពេលគិតបន្តិចថាតើហេតុអី? ហេតុអីបានជាជីវិតយើងអីលូវចាក់ស្រែះជាងមុនម៉្លេះ? ការផ្លាស់ប្តូរដ៏ធំបំផុតនោះ គឺ សម្លាញ់អុីនធឺណែតយើងនេះឯង។ ដោយសារតែការគិត និងស្រាវជ្រាវនេះហើយ ទើបនាំឲ្យយើងបង្កើត គម្រោងអុីនធឺណែតនេះឡើង! កុំច្រឡំថា នេះជាគម្រោង ១២ ដុល្លារក្នុងមួយខែដូចគេឯងឲ្យសោះ។ គម្រោងអុីនធឺណែតក្នុងវ៉ិបសាយវប្បធម៌យើងនេះ ជាអត្ថបទមួយក្រុម ដែលចង់វែកញែករកមើលអត្ថប្រយោជន៍ និងគុណវិបត្តិរបស់អុិនធឺណែតមកលើជីវិតយើង។ យើងបានជ្រើសរើសប៉ុន្មានចំនុចដែលមានសារៈសំខាន់ និងមានឥទ្ធិពលមកលើមនុស្សជាងគេដូចជា៖ -ការចងចាំ  -ការងារស៊ីជម្រៅ -បណ្តាញសង្គម -សមត្ថភាពក្នុងការយកចិត្តទុកដាក់ -ភាពងាយសូននៃខួរក្បាល (brain plasticity) នៅក្នុងអត្ថបទនីមួយៗ យើងនឹងវែកញែកពីឥទ្ធពលល្អ និងអាក្រក់របស់អុីនធឺណែតលើប្រធានបទនោះ។ មិនត្រឹមតែប៉ុណ្ណោះ យើងនឹងបញ្ចប់ដោយការសម្រចចិត្តថ្លឹងថ្លែងថាតើវាល្អឬអត់ ហើយនឹងធីបផ្សេងៗដើម្បីបង្ការឥទ្ធពលអាក្រក់របស់វា! សង្ឃឹមថា ពេលអ្នកបានអានក្រុមអត្ថបទនេះចប់ អ្នកនឹងយល់ពីមិត្តភក្តិថ្មីយើង (អុីនធឺណែតហ្នឹងឯង) បានកាន់តែជ្រៅជាងមុន ហើយអាចប្រើប្រាស់វា ដើម្បីឲ្យជីវិតអ្នកសប្បាយ និងមានន័យជាងមុនផងដែរ។ អត្ថបទជាភាសាអង់គ្លេស ៖ The Internet Package! អត្ថបទដោយ ៖  Sokcheng Seang -------------------------- វប្បធម៌វ៉ិបសាយ គឺជាវ៉ិបសាយទ្វេភាសានិយាយពីចំណេះដឹងដែលធ្វើឲ្យជីវិតយើងមានន័យជាងមុន! បើចង់អាន មើល និងស្តាប់បន្ថែម សូមចូលទៅកាន់៖ www.wapatoa.com Wapatoa is a bilingual website aims at providing content that makes life more meaningful! If you want to read, watch and listen more, go to wapatoa.com Facebook : វប្បធម៌ - Wapatoa

Career & Education
Share
  • Apr 11, 2018 |
  • 6 years ago |
  • 16.3K views

តិចលោ មិនធ្លាប់ដឹងថា គ្រូពេទ្យសណ្តំសំខាន់បែបហ្នឹងសម្រាប់ការវះកាត់នីមួយៗ

ប្រសិនបើនិយាយអំពីការវះកាត់ណាមួយ អ្នកប្រាកដណាស់គិតដល់គ្រូពេទ្យវះកាត់ទាំងកម្រិតសិក្សា ការហ្វឹកហាត់ និងបទពិសោធន៏របស់គ្រូពេទ្យវះកាត់នោះមិនខាន ហើយអ្នកប្រហែលជាមិនគិតច្រើនដល់គ្រូពេទ្យសណ្ដំឡើយ ពោលគឺមិនបានគិតដល់កម្រិតសិក្សា ឬបទពិសោធន៍របស់គាត់ឡើយ ទាំងដែលការពិតគ្រូពេទ្យសណ្ដំ មានតួនាទីយ៉ាងសំខាន់ក្នុងការធ្វើឲ្យអ្នកជំងឺមានសុវត្ថិភាព និងផាសុកភាពមុន អំឡុងពេល និងក្រោយពេលវះកាត់… នៅក្នុងអត្ថបទនេះផងដែរ លោក គ្រួច សុផល្លីដា (រ៉េស៊ីឌិនឯកទេសសណ្តំ  សង្គ្រោះបន្ទាន់ និង ជំងឺធ្ងន់) និងបច្ចុប្បន្នកំពុងសិក្សាអាហារូបករណ៍ស្រាវជ្រាវវេជ្ជសាស្ត្រសណ្តំ នៅសហរដ្ឋអាមេរិក ក៏បានផ្តល់កិត្តិយសបង្ហាញជូនមិត្តអ្នកអាននូវតួនាទី ក៏ដូចជាចំណុចសំខាន់ផ្សេងៗជាច្រើនអំពីគ្រូពេទ្យសណ្តំ..  តើគ្រូពេទ្យសណ្ដំជានរណា? គ្រូពេទ្យសណ្ដំក៏ដូចជាគ្រូពេទ្យព្យាបាល និងគ្រូពេទ្យវះកាត់ដែរ។ ពួកគេមានឯកទេសទៅលើការសណ្ដំ ការគ្រប់គ្រងការឈឺចាប់(Pain management) និងជំងឺធ្ងន់ (Critical Care Medicine) និងមានចំណេះដឹងចាំបាច់សម្រាប់យល់ដឹង និងព្យាបាលខ្លួនមនុស្សទាំងមូល។ គួរបញ្ជាក់ផងដែរថា គ្រូពេទ្យសណ្ដំនៅសហរដ្ឋអាមេរិកទាមទារការសិក្សាពី ១២ទៅ១៤ឆ្នាំ រីឯប្រទេសបារាំង និងកម្ពុជាទាមទារការសិក្សា១០ ទៅ១២ឆ្នាំ។  តើគ្រូពេទ្យសណ្ដំមានតួនាទីសំខាន់អ្វីខ្លះ? គ្រូពេទ្យសណ្ដំវាយតម្លៃ តាមដាន ព្យាបាលថែទាំ មុន អំឡុងពេល និងក្រោយការវះកាត់ ធ្វើការសណ្ដំ ដឹកនាំក្រុមសណ្ដំ ព្រមទាំងរក្សាសុវត្ថិភាពរបស់អ្នកជំងឺ។  មុនការវះកាត់  គ្រូពេទ្យសណ្ដំរួមជាមួយអ្នកជំងឺ និងគ្រូពេទ្យវះកាត់ នឹងធ្វើការពិនិត្យវាយតម្លៃសុខភាព ក៏ដូចជាសម្រេចទម្រង់នៃការសណ្ដំ និងតាមដានគ្រប់គ្រងសញ្ញាជីវិតអំឡុងពេលវះកាត់ រាប់ទាំងត្រូវប្រាកដថាបេះដូង និងសួតរបស់អ្នកជំងឺដំណើរការល្អ ពេលដែលមិនដឹងស្មារតី។ មិនត្រឹមតែប៉ុណ្ណោះ គ្រូពេទ្យសណ្ដំថែមទាំងព្យាបាលថែទាំអ្នកបន្ទាប់ពីការវះកាត់ទៀតផង គឺធ្វើឲ្យអ្នកមានផាសុកភាព និងបន្ថយការឈឺចាប់ ពេលអ្នកដឹងខ្លួនឡើងវិញ។  គ្រូពេទ្យសណ្ដំក៏មានតួនាទីសំខាន់ផងដែរនៅក្នុងការព្យាបាលថែទាំអ្នកជំងឺដែលបានវះកាត់រួច ឬទម្រង់ការតូចដែលមិនចាំបាច់ឲ្យអ្នកជំងឺសន្លប់ដូចជាស្ត្រីសម្រាលកូនដែលត្រូវដឹងខ្លួន និងទាមទារឲ្យមានការបន្ថយការឈឺចាប់។ គ្រូពេទ្យថ្នាំសណ្ដំក៏ជួយដល់អ្នកជំងឺដែលមានការឈឺចាប់ខ្លាំង ដោយសារការរងរបួស ឬការឈឺចាប់រុំារ៉ៃ ដោយសារការឈឺក្បាល បញ្ហាឆ្អឹងខ្នង មហារីក ។ល។  តើគ្រូពេទ្យសណ្ដំធ្វើអ្វីខ្លះ សម្រាប់ការវះកាត់មួយ? -មុនពេលវះកាត់ ៖  ប៉ុន្មានថ្ងៃ ឬសប្ដាហ៍មុនពេលវះកាត់ គ្រូពេទ្យសណ្ដំរបស់អ្នកនឹងជួយអ្នកដើម្បីប្រាកដថាអ្នកស័ក្តិសមនឹងទទួលការវះកាត់នោះដោយសួរអ្នកលម្អិតពីបញ្ហាសុខភាពរបស់អ្នក ពិនិត្យរាងកាយ និងពិនិត្យលទ្ធផលតេស្តផ្សេងៗ ។ គ្រូពេទ្យសណ្ដំនឹងឆ្លើយសំណួររបស់អ្នកដែលទាក់ទងនឹងការសណ្ដំ។ អ្នកជំងឺត្រូវប្រាប់គ្រូពេទ្យសណ្ដំពីបញ្ហាសុខភាពរបស់អ្នកទាំងអស់ ដូចជាជំងឺបេះដូង ជំងឺទឹកនោមផ្អែម ហឺត និងថ្នាំសង្កូវផ្សេងៗដែលដែលអ្នកកំពុងប្រើ ព្រមទាំងប្រវត្តិបញ្ហាដែលទាក់ទងសណ្ដំពីមុន។ អ្នកជំងឺគួរប្រើប្រាស់ពេលនេះ ដើម្បីយល់ដឹងពីការថែទាំដោយសុវត្ថិភាព និង ផាសុកភាពសម្រាប់ការវះកាត់។ ជាចុងបញ្ចប់នឹងមានជំនួបគ្រូពេទ្យដើម្បីសម្រេចនូវគម្រោងទម្រង់សណ្ដំដែលសមស្របសុវត្ថិភាពសម្រាប់ការវះកាត់។  -អំឡុងពេលវះកាត់ ៖  គ្រូពេទ្យសណ្តំនឹងគ្រប់គ្រងការឈឺចាប់របស់អ្នក តាមដានយ៉ាងដិតដល់លើការសណ្ដំ ដំណើរការសញ្ញាជីវិតដែលអាចធ្វើការជាក្រុម ឬម្នាក់ឯង។ គ្រូពេទ្យសណ្ដំនឹងគ្រប់គ្រង និងដោះស្រាយបញ្ហាដែលកើតឡើងពេលវះកាត់ដូចជា ការឡើងចុះសម្ពាធឈាម បញ្ហាផ្លូវដង្ហើមមិនប្រក្រតី ឡើងចុះជាតិស្ករ ការប្រែប្រួលចង្វាក់បេះដូង វិបត្តិហូរឈាម..... -ក្រោយការវះកាត់ ៖  នៅផ្នែកក្រោយសណ្ដំ គ្រូពេទ្យសណ្ដំ និងគិលានុបដ្ឋាកសណ្ដំ និងធ្វើការថែទាំតាមដានការភ្ញាក់ពីសណ្ដំទៅលើការដកដង្ហើម ចរន្តឈាមរត់ ស្មារតី កម្រិតអុកស៊ីសែន។ គ្រូពេទ្យសណ្ដំ ជាមនុស្សម្នាក់ដែលសម្រេចថាអ្នកភ្ញាក់ពីសណ្ដំទាំងស្រុង នឹងបញ្ចូនទៅផ្ទះ (សម្រាប់ទម្រង់ការតូចតាច) ទៅបន្ទប់ធម្មតា ឬទៅផ្នែកជំងឺធ្ងន់។  តើអ្វីជាទម្រង់នៃការសណ្ដំដែលគ្រូពេទ្យសណ្ដំនឹងផ្ដល់ដល់អ្នកជំងឺ?  ជាទូទៅ គ្រូពេទ្យសណ្ដំទទួលបន្ទុក និងផ្ដល់ទម្រង់សណ្ដំដូចខាងក្រោម៖ -ការសណ្ដំអ្នកជំងឺទាំងស្រុង (General Anesthesia) ៖  តាមរយៈថ្នាំឧស្ម័ន (Anesthtic gas) ថ្នាំចាក់តាមសរសៃនឹងធ្វើឲ្យអ្នកជំងឺបាត់ស្មារតី ដែលត្រូវបានប្រើប្រាស់នៅពេលវះកាត់ធំៗ ដូចជាវះកាត់ខួរក្បាល ទ្រូង បេះដូង .....។  -ការឲ្យអ្នកជំងឺគេង(Monitored Anesthesic or sedation) ៖  ទម្រង់នេះគឺធ្វើឲ្យអ្នកជំងឺសម្រាក (Relaxed) ក្នុងកម្រិតផ្សេងៗនៃស្មារតី។ ផ្អែកទៅលើទម្រង់ការ (Prodedure) កម្រិតនៃការឲ្យគេង គឺមានកម្រិតពីរាក់ៗ (អ្នកជំងឺដឹងខ្លួនតិចៗមិនអាចនិយាយបាន តែគ្មានការឈឺចាប់) ទៅដល់កម្រិតជ្រៅ(ធ្វើឲ្យអ្នកជំងឺមិនដឹងខ្លូន ពេលទទួលទម្រង់ការ) គេប្រើទម្រង់សណ្ដំនេះសម្រាប់ទម្រង់ដែលមិនសូវធ្ងន់ធ្ងរ(Minimally Invasive Procedure) ដូចជាការឆ្លុះក្រពះ ពោះវៀន។ - ការស្ពឹកតាមតំបន់ (Regional Anesthesia) ៖  ថ្នាំស្ពឹកនឹងធ្វើឲ្យអ្នកស្ពឹកតាមផ្នែកនៃរាងកាយ ដូចជា ផ្នែកក្រោមចង្កេះ តាមរយៈការចាក់ម្ជុលម្យ៉ាងហៅថា ការតេទែ(catheter)។ អ្នកនឹងដឹងខ្លួនធម្មតាដោយមិនទទួលការឈឺចាប់ ឬដឹងពីតំបន់នោះឡើយ។ ការស្ពឹកតាមតំបន់នេះមានដូចជា វិធីស្ពឹកដោយចាក់ឆ្អឹងខ្នង(Spinal Block) អេពីឌៀរ៉ាល់ (Epidural) នឹងការចាក់តាមតំបន់ដៃ ប្រអប់ដៃជើង...។ គេប្រើក្នុងការសម្រាលដោយមិនមានការឈឺចាប់(painfree delivery) ការវះយកកូន (c-section) ការវះកាត់ដៃជើង ឬផ្នែកខាងក្រោមពោះ...។ -ការស្ពឹកក្នុងកន្លែង(Local Anesthesia) ៖   ការចាក់ថ្នាំស្ពឹកទៅកន្លែងតូចណាមួយនៃរាងកាយដែលមានទម្រង់ការនោះ។ អ្នកនឹងដឹងខ្លួនធម្មតា តែគ្មានអារម្មណ៏ថាឈឺចាប់ឡើយ។  គេប្រើក្នុងការវះកាត់របួសស្បែកតិចតួច វះកាត់គីសលើស្បែក ការដកធ្មេញ... ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Career & Education
Share
  • Apr 11, 2018 |
  • 6 years ago |
  • 3.1K views

បេសកកម្មវះកាត់ស្តារលទ្ធភាពពលកម្មជូនអ្នកជំងឺឃ្លង់

នាថ្ងៃទី១៤-១៥-១៦ ខែមីនា មានការចុះបេសកកម្ម អំពីការវះកាត់ស្តារលទ្ធភាពពលកម្មជូនអ្នកជំងឺឃ្លង់ នៅមន្ទីរពេទ្យខេត្តបាត់ដំបង មានការចូលរួមពី ក្រុមកម្មវិធីជាតិកម្ចាត់ជំងឺហង់សិនដឹកនាំដោយវេជ្ជបណ្ឌិត ឡាយ សម្បត្តិ ជាប្រធានកម្មវិធី សហការជាមួយអង្គការប្រចាំអាស៊ីប៉ាស៊ីភិចផ្នែក Leprosy Rehabilitation គឺលោកសាស្ត្រាចារ្យ FRANCIS ឯកទេសវះកាត់ សាស្ត្រាចារ្យ AJEY ជំនាញផ្នែកសណ្តំ គ្រូពេទ្យឯកទេសមកពីមន្ទីរពេទ្យព្រះកុសុមៈ ខាងមន្ទីរពេទ្យខេត្ត ព្រមទាំងនិស្សិតមកពីតាមខេត្ត៥នាក់។ វេជ្ជបណ្ឌិត ឡាយ សម្បត្តិ ប្រធានកម្មវិធីជាតិកម្ចាត់ជំងឺហង់សិន «បច្ចុប្បន្ន មជ្ឈមណ្ឌលវះកាត់ស្តារលទ្ធភាពពលកម្មចំពោះអ្នកជំងឺឃ្លង់មាន២ គឺនៅភ្នំពេញមួយ និងនៅខេត្តបាត់ដំបងមួយ។ សម្រាប់បេសកកម្មក្នុងពេល៣ថ្ងៃនេះ មានគោលបំណងដើម្បីវះកាត់ស្តារលទ្ធភាពពលកម្មឲ្យអ្នកជំងឺឃ្លង់ រួមមានជើងធ្លាក់កែឲ្យទៅជាមិនធ្លាក់ ដៃក្រញ៉ង់កែឲ្យទៅជាមិនក្រញ៉ង់ ភ្នែកបិទមិនជិតកែឲ្យបិទជិតវិញ គ្មានច្រមុះដាក់ខ្ទង់ច្រមុះ រួមទាំងព្យាបាលដំបៅផ្សេងៗជាដើម។ អ្នកជំងឺអាចទទួលបានការវះកាត់ព្យាបាលដោយឥតគិតថ្លៃ ព្រមទាំងមានការផ្តល់ជូននូវចំណីអាហារ ការស្នាក់នៅ ថវិកាសម្រាប់ការធ្វើដំណើរ និងចិញ្ចឹមគ្រួសារផងដែរ។ ប្រសិនបើអ្នកជំងឺមានស្នាម ឬករណីសង្ស័យណាមួយ គាត់អាចមកទទួលសេវាដោយឥតគិតថ្លៃនៅគ្រប់សេវាកម្មរដ្ឋក្នុងព្រះរាជាណាចក្រកម្ពុជា»  ។ សាស្ត្រាចារ្យ FRANCIS ឯកទេសផ្នែកវះកាត់ មកពីប្រទេសបារាំង «បេសកកម្មក្នុងថ្ងៃនេះពិតជាល្អ និងមានសកម្មភាពជាក់ស្តែងជាច្រើន ដែលជាផ្នែកមួយចូលរួមអភិវឌ្ឍបច្ចេកទេសវះកាត់ស្តារលទ្ធភាពពលកម្មឲ្យកាន់តែប្រសើរ។ ម៉្យាងដោយសង្កេតឃើញថាកម្ពុជាមានការអភិវឌ្ឍរហ័ស និងមានធនធានផ្នែកសុខាភិបាលខ្ពស់ខ្ញុំក៏បានសម្រេចចិត្តចូលរួមក្នុងបេសកកម្មនេះ ហើយក៏សង្ឃឹមថាការរាលដាលនៃជំងឺឃ្លង់នឹងត្រូវបានថយចុះនៅប្រទេសកម្ពុជាទៅអនាគត»  ។ វេជ្ជបណ្ឌិត កាក់ សិលា ប្រធានមន្ទីរពេទ្យបង្អែកខេត្តបាត់ដំបង និង លោកវេជ្ជបណ្ឌិត ហង់ សុជីវិ គ្រូពេទ្យឯកទេសផ្នែកកែសម្ផស្សដែលបម្រើការនៅផ្នែកសើស្បែកជំងឺហង់សិន និងជាគ្រូពេទ្យវះកាត់នៅអគារវះកាត់ទូទៅនៃមន្ទីរពេទ្យបង្អែកខេត្តបាត់ដំបង បានមានប្រសាសន៍ថា «កម្មវិធីនេះពិតជាសារប្រយោជន៍ចំពោះប្រជាពលរដ្ឋដែលមានជំងឺហង់សិនយ៉ាងខ្លាំង ផលវិបាកមួយចំនួន ដូចជាការស្វែងរកអ្នកជំងឺលាក់មុខ ព្រោះមានការរើសអើងចំពោះខ្លួនឯង មិនព្រមទទួលយកការព្យាបាលរយៈពេលយូរ និងខ្វះខាតនូវតម្រូវការផ្សេងៗផងដែរ»  ។ លោក គឹម សូតារា និស្សិតផ្នែកសោភណសល្យសាស្ត្រ និងកែរូបរាង នៃសាកលវិទ្យាល័យវិទ្យាសាស្ត្រសុខាភិបាល ឆ្នាំទី៣ «ខ្ញុំបានចូលរួមស្ម័គ្រចិត្តនៅក្នុងកម្មវិធីវះកាត់ជូនដល់អ្នកជំងឺដែលមានផលវិបាកពីជំងឺហង់សិននេះក្នុងគោលបំណងជួយដល់អ្នកជំងឺដែលទទួលរងផលវិបាកដោយសារជំងឺឃ្លង់ ឬហង់សិនដែលរួមមានដូចជាបញ្ហាភ្នែកបិទមិនជិត អវយវៈខុសប្រក្រតី ដែលប៉ះពាល់ដល់ការងារប្រចាំថ្ងៃរបស់ពួកគាត់ និងដើម្បីទទួលបានចំណេះដឹងបន្ថែម ពីព្រោះជាទូទៅការសិក្សាមិនមែនមានត្រឹមតែនៅសាលា ឬមន្ទីរពេទ្យដែលត្រូវចុះកម្មសិក្សាឡើយ ហើយបេសកកម្មផ្សេងៗទាក់ទងនឹងសុខភាព ក៏ជាផ្នែកមួយដ៏សំខាន់ដែលអាចជួយដល់ការរីកចម្រើនលើចំណេះដឹង និងធ្វើឲ្យយើងបានជួបស៊ាំជាមួយនឹងករណីជំងឺប្លែកៗផងដែរ»  ។ ទន្ទឹមនឹងគ្នានេះផងដែរ ក៏មានអ្នកជំងឺចំនួន៣រូបដែលរួមមាន លោកពូ អាន រ៉ាឌី ក្នុងវ័យ៦១ឆ្នាំ (បន្ទាយមានជ័យ) លោកអ៊ំស្រី អ៊ុំ អេង អាយុ៦២ឆ្នាំ (បន្ទាយមានជ័យ)​ ​និងលោកអ៊ំ ហ៊ីប ម៉ាន់ (បន្ទាយមានជ័យ) ក៏បានចូលរួមចែករំលែកនូវចំណាប់អារម្មណ៍ដែរថា «អ្នកជំងឺភាគច្រើនបានទទួលដំណឹងអំពីកម្មវិធីវះកាត់ជូនឥតថ្លៃនេះតាមរយៈមន្ទីរពេទ្យ និងគ្រូពេទ្យខេត្តផ្ទាល់។ ខ្ញុំសូមសំណូមពរដល់ថ្នាក់ដឹកនាំវិស័យសុខាភិបាលឲ្យនៅតែបន្តជួយផ្សព្វផ្សាយអំពីជំងឺនេះ ដើម្បីការពារកុំឲ្យមានការកើត ក៏ដូចជាការរើសអើងដល់អ្នកជំងឺហង់សិន និងសូមឲ្យមាននូវការរៀបចំនូវកម្មវិធីព្យាបាលដោយឥតគិតថ្លៃដល់អ្នកជំងឺនេះបន្តទៅទៀត»​​  ។  ពួកគាត់ក៏បានបង្ហាញពីការតាំងចិត្តក្នុងការចូលរួមយ៉ាងសកម្មនៅក្នុងកម្មវិធីទាំងនេះទៀតហើយក៏នឹងជួយជំរុញអ្នកជំងឺដទៃទៀតឲ្យចូលរួមទទួលសេវានេះដោយមិនមានការអៀនខ្មាស់ ឬរើសអើងខ្លួនឯងបន្តទៀត ។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education News & Events
Share
  • Apr 09, 2018 |
  • 6 years ago |
  • 3.6K views

សិក្ខាសាលាអំពី«ជំងឺទឹកនោមផ្អែមប្រភេទ ២» ពិសេសសម្រាប់និស្សិតពេទ្យគ្រប់ជំនាញ គ្រប់ឆ្នាំសិក្សា

​ដើម្បីជាចំណែកមួយក្នុងការផ្តល់នូវចំណេះដឹងបន្ថែមអំពី«ជំងឺទឹកនោមផ្អែមប្រភេទ ២»ជូនដល់អនាគតអ្នកប្រកបវិជ្ជាជីវៈសុខាភិបាល ក្រុមហ៊ុនហេលស៍ថាមខប ក្រោមកិច្ចសហការឧបត្ថម្ភពីសំណាក់មន្ទីរពិសោធន៍វេជ្ជសាស្ត្រ ម៉េឌីថិច (Medi-Tech Laboratory) និង មន្ទីរពិសោធន៍វេជ្ជសាស្ត្រ សុភមង្គល (Sopheak Mongkul Medical Laboratory) នឹងរៀបចំនូវសិក្ខាសាលាដ៏ពិសេសមួយសម្រាប់និស្សិតសុខាភិបាល គ្រប់ឆ្នាំសិក្សា គ្រប់ជំនាញ និងគ្រប់សាកលវិទ្យាល័យទាំងអស់ ជាពិសេសនិស្សិតវេជ្ជសាស្ត្រ គិលានុបដ្ឋាក និងគ្រូពេទ្យឯកទេសទូទៅ។  គួរបញ្ជាក់ផងដែរថា សិក្ខាសាលានេះនឹងមានការផ្តោតសំខាន់ទៅលើប្រធានបទធំៗចំនួន ២សំខាន់ រួមមាន៖ -ប្រធានបទ ៖ ការគ្រប់គ្រងជំងឺទឹកនោមផ្អែមប្រភេទ ២ វាគ្មិន ៖ វេជ្ជបណ្ឌិត ចន្ថា តុលា ឯកទេសជំងឺទឹកនោមផ្អែម ក្រពេញអរម៉ូន បម្រើការនៅមន្ទីរពេទ្យ ព្រះកុសុមៈ និងមជ្ឈមណ្ឌលព្យាបាលជំងឺទឹកនោមផ្អែម -ប្រធានបទ ៖ តេស្តមន្ទីរពិសោធន៍ដ៏មានគុណប្រយោជន៍ក្នុងការគ្រប់គ្រងជំងឺទឹកនោមផ្អែមប្រភេទ ២ វាគ្មិន ៖ វេជ្ជបណ្ឌិត ស៊ុំ សត្ថា វេជ្ជបណ្ឌិតឯកទេសជំងឺទឹកនោមផ្អែមប្រចាំនៅ មជ្ឈមណ្ឌលព្យាបាលជំងឺទឹកនោមផ្អែម អ្វីដែលរឹតតែពិសេសនោះ គឺអ្នកចូលរួមទាំងអស់នឹងមានឱកាសទទួលបានកាដូពិសេសពីសំណាក់ក្រុមការងារអ្នករៀបចំ និងក្រុមហ៊ុនឧបត្ថម្ភផងដែរ ជាពិសេស គឺមានឱកាសធ្វើការសាកសួរបន្ថែមពីប្រធានបទទាំង២ខាងលើ ក្រោយពីបទបង្ហាញរបស់វាគ្មិនជាវេជ្ជបណ្ឌិតឯកទេសទាំង២រូបផងដែរ។ កាលបរិច្ឆេទ ៖ ថ្ងៃសៅរ៍ ទី២៨ ខែមេសា ឆ្នាំ២០១៨ ពេលវេលា ៖ ម៉ោង៧:៣០ ដល់ ម៉ោង ១១:០០ ព្រឹក ទីកន្លែង ៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) បន្ទប់លេខ ៧-៨ បញ្ជាក់ ៖ ការចូលរួមស្តាប់ គឺមិនគិតថ្លៃ ដោយរាប់បញ្ចូលទាំងអាហារសម្រន់ តែចំនួនកន្លែងមានកំណត់ ប្រសិនបើអ្នកមានចំណាប់អារម្មណ៍ ហើយមានបំណងចុះឈ្មោះចូលរួម សូមប្រញាប់រួសរាន់ ចូលទៅកាន់តំណនេះ Diabetes Educator Seminar Registration Form   សម្រាប់ព័ត៌មានបន្ថែម៖  Facebook Event : Diabetes Educator Seminar Tel : 077 888 075 E-mail : info@time-media.com ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Career & Education News & Events
Share
  • Apr 02, 2018 |
  • 6 years ago |
  • 3.4K views

សុខភាពអាជីវកម្មរបស់ឱសថស្ថានក្នុងស្រុក មានបញ្ហាឬទេ?

ឱសថស្ថានអាចចាត់ទុកបានថាជាកន្លែងផ្តល់សេវាសុខភាពដំបូងគេ   ដែលប្រជាជនភាគច្រើនគិតដល់ កាលណាមានតម្រូវការទាក់ទងនឹងឱសថ ឬដំបូន្មានសុខភាពណាមួយ។ ដូចនេះ ឱសថស្ថានក្នុងសហគមន៍គឺជាកន្លែងដែលអាចមានឱកាសទំនាក់ទំនងជាមួយនឹងអ្នកជំងឺ និងប្រជាជនទូទៅផ្ទាល់បានយ៉ាងទូលំទូលាយ ដែលធ្វើឲ្យវាក្លាយទៅជាផ្នែកមួយដ៏សំខាន់ក្នុងការផ្តល់ឲ្យអ្នកជំងឺនូវទំនុកចិត្តលើវិស័យសុខាភិបាល។ ជាក់ស្តែង  នៅប្រទេសកម្ពុជាឱសថស្ថានសហគមន៍បានរីកដុះដាលនៅស្ទើរគ្រប់ទីកន្លែង    និងគ្រប់ខេត្តក្រុងទូទាំងផ្ទៃប្រទេសដែលធ្វើឲ្យការទទួលបានសេវាសុខភាពជាពិសេសទាក់ទងនឹងផ្នែកឱសថកាន់តែកើនឡើងជាបន្តបន្ទាប់។   ទោះយ៉ាងណាក៏ដោយ   ឧបសគ្គមួយចំនួននៅក្នុងដំណើរការរបស់ឱសថស្ថានត្រូវបានរាយការណ៍មកថា    អាចប៉ះទង្គិចដល់សុខភាពផ្ទាល់របស់អាជីវកម្មឱសថស្ថាន   និងអាចឈានដល់ការប៉ះទង្គិចខ្លះលើការផ្តល់សេវាសុខភាពទៅកាន់អ្នកជំងឺ ក៏ដូចជាអតិថិជនទូទៅផងដែរ ហើយទាំងនេះ ក៏បានធ្វើឲ្យលេចចេញជារូបភាពខ្លះៗរួចមកហើយនូវការបាត់បង់ទំនុកចិត្ត និងការវាយប្រហារពីអ្នកជំងឺមួយចំនួនទៅលើវិស័យឱសថសាស្ត្រ  ព្រមទាំងវិស័យសុខាភិបាលទាំងមូល ដែលពេលខ្លះរូបភាពទាំងនោះ  ហាក់ដូចជាត្រូវបានពន្លើសហួសពីការពិតទៀតផង។    ខណៈនេះផងដែរ ទំនោរនៃទីផ្សារសេរី   និងសមាហរណកម្មបានគ្របដណ្តប់លើវិស័យមួយចំនួន រួចមកហើយនៅកម្ពុជាដោយក្នុងនោះដូចដែលយើងបានឃើញស្រាប់អំពីការរីកដុះដាលដូចផ្សិតនៃអាជីវកម្មផ្នែកចំណីអាហារ និងហាងកាហ្វេដែលមានម៉ាកយីហោជាមួយនឹងសក្តានុពលពីបរទេសជាដើម។   សំណួរសួរថា «ប្រសិនបើពុំមានដំណោះស្រាយណាមួយចំពោះបញ្ហាលាក់មុខនៅក្នុងឱសថស្ថានក្នុងស្រុក តើអាជីវកម្មក្នុងវិស័យនេះ អាចនឹងត្រូវប្រឈមនឹងការវាយប្រហារ និងការដណ្តើមទីផ្សារនេះដែរ ឬយ៉ាងណា?»     តើឱសថស្ថានក្នុងស្រុកគួរធ្វើយ៉ាងណាដើម្បីរក្សាជំហររបស់ខ្លួន និងធ្វើការដោះស្រាយបានទាន់ពេលវេលា ខណៈដែលពួកគេសឹងតែមិនមានពេលគ្រប់គ្រាន់ក្នុងការសម្លឹងមើលបញ្ហាដែលនឹងអាចកើតឡើងផងនោះ?  ជាការពិតណាស់   ឱសថស្ថានជាច្រើនបានព្យាយាមរក្សាជំហររបស់ខ្លួននៅលើទីផ្សារ ដើម្បីផ្តល់សេវាឱសថទៅកាន់ប្រជាជនទូទៅតាមរយៈមធ្យោបាយផ្សេងៗ មិនថាជាការបង្កើនកម្លាំងបុគ្គលិក  ការបំពាក់ប្រព័ន្ធទំនើបៗ ការពង្រីកទីតាំង ការបង្កើនមុខឱសថ និងទំនិញដែលជាតម្រូវការផ្នែកសុខភាពជាដើម។ ទោះយ៉ាងណាក៏ដោយ ប្រតិបត្តិការក្នុងការផ្តល់ឲ្យអ្នកជំងឺនូវសេវាកម្មសុខភាពល្អប្រសើរនេះ ពេលខ្លះឱសថស្ថានខ្លួនឯងផ្ទាល់បែរជាអាចប្រឈមនឹងការលំបាក និងបង្កើនការចំណាយទាំងពេលវេលាទាំងថវិកាកាន់តែច្រើនទៅវិញ។ ដូចនេះ ដើម្បីអាចបន្តការរក្សាជំហរក្នុងប្រតិបត្តិការទាំងនេះឲ្យសមស្របទៅនឹងតម្រូវការនាពេលបច្ចុប្បន្ន ឱសថស្ថានទាំងអស់ក៏គួរថែទាំលើសុខភាពអាជីវកម្មផ្ទាល់ផងដែរ ដើម្បីអាចទ្រទ្រង់នៅអំឡុងពេលធ្វើការផ្លាស់ប្តូរទៅរកភាពល្អប្រសើរទាំងនេះ។  តើឱសថស្ថានក្នុងស្រុកគួរធ្វើដូចម្តេចលើឧបសគ្គចំពោះមុខ? ការព្យាយាមជាលក្ខណៈបុគ្គល គឺជាអ្វីដែលអាជីវកម្មនីមួយៗមិនអាចខ្វះបាន ក៏ប៉ុន្តែ ក្នុងការរក្សាជំហរ និងការរីកចម្រើនរយៈពេលវែង ការរួមគ្នាជាសហគមន៍គឺជាជម្រើសដ៏ល្អមួយដែលឱសថស្ថានក្នុងស្រុកទាំងអស់មិនគួរខកខានក្នុងការចូលរួម ដើម្បីលើកស្ទួយវិស័យឱសថសាស្ត្រ ស្របពេលលើកស្ទួយសុខភាពរបស់អាជីវកម្មនៅក្នុងឱសថស្ថានប្រកបដោយប្រសិទ្ធភាព និងសុវត្ថិភាព។ ហេតុនេះទើប សហគមន៍ ហេលស៍ថាម សម្រាប់ឱសថស្ថាន ត្រូវបានបង្កើតឡើងដោយក្រុមហ៊ុន ហេលស៍ថាម ខបផូរេសិន (HEALTH TIME CORPORATION) ដើម្បីចូលរួមជាមួយនឹងឱសថស្ថានក្នុងស្រុកទាំងអស់ក្នុងការអភិវឌ្ឍឱសថស្ថាន តាមរយៈការផ្តល់ជាប្រព័ន្ធដែលអនុញ្ញាតឲ្យឱសថស្ថានទាំងអស់សម្រួលកិច្ចដំណើរការអាជីវកម្ម  ដោយប្រើប្រាស់គេហទំព័រតែមួយគឺ www.healthtime.tips  ដែលបច្ចុប្បន្ន ប្រព័ន្ធនេះមានមុខងារសំខាន់ៗដូចជា៖ •ស្វែងរកមុខឱសថលើទីផ្សារ ព័ត៌មាន និងចំណេះដឹងឱសថជាភាសាខ្មែរ •កុម៉្មង់ទិញឱសថបានគ្រប់ពេលវេលា និងគ្រប់ទីកន្លែង (ពីក្រុមហ៊ុនឱសថ និងឱសថស្ថានបោះដុំនានា) •គ្រប់គ្រងទិន្នន័យទិញលក់តាមរយៈរបាយការណ៍ស្វ័យប្រវត្តិ។ ក្រៅពីនោះ តាមរយៈគេហទំព័រនេះ ឱសថស្ថាននីមួយៗក៏អាចបង្កើតជាទំព័រអាជីវកម្មដាក់បង្ហាញទៅកាន់ប្រជាជនទូទៅដើម្បីធ្វើការស្វែងរកទីតាំង ព្រមទាំងព័ត៌មានអំពីឱសថស្ថានរបស់ខ្លួនបានផងដែរ។ ស្របពេលជាមួយគ្នា ឱសថស្ថាននីមួយៗ ក៏អាចបង្កើននូវទំនាក់ទំនងជាមួយដៃគូអាជីវកម្ម ក៏ដូចជាអតិថិជន ឬអ្នកជំងឺរបស់ខ្លួនបានថែមមួយកម្រិតទៀតតាមរយៈការចែករំលែកចំណេះដឹង ឬព័ត៌មានសុខភាពផ្សេងៗ ក៏ដូចជាការឆ្លើយតបនានានៅលើទំព័រអាជីវកម្មនេះ។ តាមរយៈមុខងារទាំងនេះ ឱសថស្ថានលក់ដុំ និងរាយទាំងអស់អាចធ្វើការទំនាក់ទំនងក្នុងអាជីវកម្មរបស់ខ្លួនបានកាន់តែងាយស្រួលជាពិសេសជាមួយនឹងក្រុមហ៊ុនចែកចាយឱសថដោយមិនចាំបាច់ពឹងផ្អែកទាំងស្រុងលើកម្លាំងរបស់អ្នកតំណាងលក់ឱសថ។ លើសពីនោះ ពួកគេក៏អាចកាត់បន្ថយការខាតបង់មួយចំនួនដោយសារកំហុសក្នុងរបាយការណ៍ ឬបញ្ជីទំនិញ ព្រមទាំងចំណេញពេលវេលា និងកម្លាំងពលកម្មក្នុងដំណើរការឱសថស្ថានខ្លះៗដូចជា ការស្វែងរកឱសថ និងព័ត៌មានផ្សេងៗ ជាពិសេសគឺការកុម៉្មង់ទិញឱសថ និងត្រួតពិនិត្យបញ្ជី ឬស្តុកទំនិញតែម្តង។ ជាមួយនឹងអត្ថប្រយោជន៍ទាំងនេះ  ឱសថស្ថានក៏នឹងអាចកាត់បន្ថយការចំណាយពេលវេលាទៅលើប្រតិបត្តិការប្រចាំថ្ងៃខ្លះៗ ហើយផ្ទុយមកវិញអាចចំណាយពេលវេលាបានកាន់តែមានប្រសិទ្ធភាព ដើម្បីជាការរីកចម្រើននៃឱសថស្ថានរបស់ខ្លួន ព្រមទាំងអាចផ្តល់ភាពយកចិត្តទុកដាក់កាន់តែប្រសើរចំពោះអតិថិជន។ ពិតប្រាកដណាស់ ប្រព័ន្ធដែលអភិវឌ្ឍទៅតាមបច្ចេកវិទ្យាថ្មី អាចត្រូវបានមើលឃើញថាជាភាពស្មុគស្មាញសម្រាប់ឱសថស្ថានក្នុងស្រុកក្នុងការប្រើប្រាស់ជាលើកដំបូង ក៏ប៉ុន្តែជាក់ស្តែងបច្ចេកវិទ្យាក្នុងឱសថស្ថានបែបទំនើប ត្រូវបានប្រើប្រាស់រួចមកហើយនៅប្រទេសអភិវឌ្ឍជាច្រើន។ នៅចុងបញ្ចប់ ការសហការណ៍ និងជួយគ្នាជាលក្ខណៈសហគមន៍ ក៏ដូចជាការធ្វើការស្ថាបនាកែលំអជាបន្តបន្ទាប់ នឹងផ្តល់ឲ្យឱសថស្ថានរីកចម្រើន រឹងមាំជាមួយនឹងភាពងាយស្រួលរបស់បច្ចេកវិទ្យា និងភាពកក់ក្តៅពីសហគមន៍។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education
Share
  • Mar 31, 2018 |
  • 6 years ago |
  • 3.4K views

មន្ទីរសម្រាកព្យាបាល និងសម្ភព សុវណ្ណឌី ចោមចៅ ជូនកាដូពិសេសដល់ស្ត្រីមានផ្ទៃពោះ៥០០នាក់ដំបូង ក្នុងឱកាសសម្ពោធជាផ្លូវការ

នាល្ងាចថ្ងៃទី២៩ ខែមីនា ឆ្នាំ២០១៨ មន្ទីរសម្រាកព្យាបាល និងសម្ភព សុវណ្ណឌី ចោមចៅ ត្រូវបានបើកសម្ពោធជាផ្លូវការ ដើម្បីបម្រើជូននូវសេវា២៤ម៉ោងជូនដល់ប្រជាពលរដ្ឋ ដោយផ្តោតសំខាន់លើសេវា៣ធំៗរួមមាន ផ្នែកសម្ភព និងរោគស្ត្រី ផ្នែកជំងឺទូទៅ និងផ្នែកសង្គ្រោះបន្ទាន់ និងជំងឺឯកទេស ជាពិសេសជំងឺទឹកនោមផ្អែម លើសឈាម និងតម្រងនោម។ លោកវេជ្ជបណ្ឌិត ចាន់ សុវណ្ណឌី ប្រធាន និងជាស្ថាបនិកនៃមន្ទីរសម្រាកព្យាបាលផ្ទាល់បានមានប្រសាសន៍ជម្រាបជូននូវដំណឹងល្អជាការផ្តល់ជូនពិសេសលើសវាផ្នែកសម្ភព និងរោគស្ត្រី ថា «មន្ទីរពេទ្យនឹងមានការផ្តល់ជូននូវពិនិត្យផ្ទៃពោះដោយឆ្មប និងវេជ្ជបណ្ឌិតឯកទេស ចាក់វ៉ាក់សាំង តេតាណុស និងថ្នាំជាតិដែក ព្រមទាំងការពិនិត្យអេកូផ្ទៃពោះ ដោយឥតគិតថ្លៃ ជូនដល់អ្នកម្តាយ៥០០នាក់ដំបូង ដែលមកទទួលសេវានៅមន្ទីរពេទ្យ។ ស្របពេលជាមួយគ្នា លោកវេជ្ជបណ្ឌិតក៏បានលើកឡើងផងដែរថា «ការស្ថាបនានូវមន្ទីរសម្រាកព្យាបាលមួយនេះ គឺលោកមានគោលបំណងក្នុងការជួយសម្រួលដល់ប្រជាជនដែលមានចំណូលទាប និងមធ្យម ដោយផ្តល់ជូននូវសេវាសុខភាពដែលមានតម្លៃសមរម្យ និងមានគុណភាពខ្ពស់ស្របតាមឯកទេស និងវិជ្ជាជីវៈសុខាភិបាល»។ គួរបញ្ជាក់ផងដែរថា មន្ទីរសម្រាកព្យាបាល និងសម្ភព សុវណ្ណឌី ចោមចៅ មានទីតាំងស្ថិតនៅក្នុង សង្កាត់ចោមចៅ ខណ្ឌពោធិ៍សែនជ័យ (បើធ្វើដំណើរតាមមហាវិថីសហព័ន្ធរុស្ស៊ី ដល់ភ្លើងស្តុបកប់ស្រូវ បត់ស្តាំប្រហែល៥០ម៉ែត្រ)  លេខទូរស័ព្ទទំនាក់ទំនង ៖ ០១២ ៨៤០ ៧៣១/ ០៧០ ៨៤០ ៧៣១ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education News & Events
Share
  • Mar 30, 2018 |
  • 6 years ago |
  • 3K views

រំចង់ មានអ្វីខ្លះទើបក្លាយជាមន្ទីរពេទ្យទន្តសាស្រ្តស្តង់ដាអន្តរជាតិដំបូងគេនៅកម្ពុជា?

រំចង់ បានបើកដំណើរការជាផ្លូវការតាំងពីឆ្នាំ១៩៩៦ ដោយពេលនោះចំនួនជាងធ្មេញហាក់ដូចជាមានច្រើន ស្របពេលដែលចំនួនពេទ្យធ្មេញនៅមានកម្រិតនៅឡើយ។ ជាមួយនឹងការបម្រើសេវាទន្តសាស្រ្តដ៏ល្អឥតខ្ចោះជូនអតិថិជនទាំងក្នុង និងក្រៅប្រទេសអស់រយៈពេលជាច្រើនឆ្នាំ មន្ទីរពេទ្យទន្តសាស្រ្ត និងសម្ផស្ស រំចង់ ត្រូវបានទទួលស្គាល់ជាមន្ទីរពេទ្យដែលមានគុណភាព និងស្តង់ដាអន្តរជាតិដំបូងគេនៅកម្ពុជា​តាមរយៈប្រព័ន្ធISO 9001:2000 នៅក្នុងឆ្នាំ២០០៨។            ហេលស៍ថាម បានធ្វើការសម្ភាសលោក គង់ ភក្តី ដែលជាទន្តសាស្រ្តមួយរូបរបស់រំចង់ ដោយលោកបានប្រាប់ក្រុមការងារយើងថា «អតិថិជនដែលបានទទួលសេវកម្មផ្នែកទន្តសាស្រ្តរបស់រំចង់ សុទ្ធតែមានការពេញចិត្ត និងកោតសរសើរអំពីគុណភាព និងភាពល្អឥតខ្ចោះនៃការបម្រើសេវកម្ម។ មិនត្រឹមតែប៉ុណ្ណោះ អតិថិជនជាច្រើនបានណែនាំទៅកាន់មិត្តភក្តិក៏ដូចជាធ្វើការលើកតម្កើង រំចង់ជាមន្ទីរពេទ្យទន្តសាស្រ្តដ៏គម្រូមួយប្រចាំនៅកម្ពុជា ក៏ដូចជានៅទូទាំងពិភពលោក»។ លោកក៏បានបន្តទៀតថា មន្ទីរពេទ្យទន្តសាស្រ្ត រំចង់ មានបម្រើសេវកម្មជាច្រើនដោយរួមបញ្ចូលទាំងការវិនិច្ឆ័យរោគផ្សេងៗ ការព្យាបាលភាពមិនប្រក្រតីនៃសុខភាពមាត់ធ្មេញ ការថែទាំក្រោយការព្យាបាល ការបង្កើននូវសម្រស់ក៏ដូចជាភាពទាក់ទាញតាមរយៈការពត់ធ្មេញជាដើម ព្រមទាំងការផ្តល់នូវវិធីសាស្រ្តផ្សេងៗ ដើម្បីថែរក្សាសុខភាពមាត់ធ្មេញក៏ដូចជាចៀសវាងនូវបញ្ហាដដែលទៀត។ តាមរយៈការប្រឹក្សាជាមួយនឹងទន្តពេទ្យដ៏ជំនាញរបស់រំចង់ លោកអ្នកនឹងទទួលបានគម្រោងនៃការព្យាបាល និងការវិនិច្ឆ័យរោគសញ្ញានៃជម្ងឺផ្សេងៗដែលកើតមានចំពោះសុខភាពមាត់ធ្មេញរបស់លោកអ្នក។ លើសពីនេះទៀត រំចង់ក៏មានសេវាកម្មធ្វើឲ្យពណ៌ធ្មេញនៅសស្អាត ដើម្បីបង្កើតឲ្យបានស្នាមញញឹមប្រកបដោយភាពទាក់ទាញផងដែរ។ រីឯបញ្ហាមិនប្រក្រតីនៃមាត់ធ្មេញដូចជា ជំងឺអញ្ចាញធ្មេញ ក៏នឹងត្រូវបានដោះស្រាយដោយទន្តពេទ្យដ៏ជំនាញរបស់រំចង់ផងដែរ។ ក្រៅពីសេវាកម្មព្យាបាល រំចង់ក៏មានសេវាកម្មពត់ធ្មេញដែលជួយបង្កើននូវភាពស្រស់ស្អាត និងទាក់ទាញថែមមួយកម្រិតទៀតដល់អ្នកដែលមិនមានបញ្ហាមាត់ធ្មេញ។            ក្រៅពីការបម្រើសេវាកម្មដោយរកប្រាក់កម្រៃហើយ រំចង់ក៏មានផ្តល់ជូននូវសេវាកម្មទន្តសាស្រ្តដោយឥតគិតថ្លៃជូនដល់ប្រជាជននៅតាមតំបន់ព្រំដែនកម្ពុជា-ថៃ និងនៅខេត្តព្រះសីហនុ កំពង់ស្ពឺ និងព្រះវិហារ តាំងពីឆ្នាំ២០០៧ ដោយបានបង្កើតនូវគ្លីនិកធ្មេញចល័តដោយបានទទួលអ្នកជំងឺពី ១០០ទៅ២០០នាក់ក្នុងមួយថ្ងៃ។​ រំចង់បានផ្តល់ឱកាសជូននិស្សិតទន្តសាស្រ្តដែលរៀបនឹងបញ្ចប់ការសិក្សាចូលរូមសកម្មភាពសប្បុរសធម៌ ដើម្បីជាការអនុវត្តផ្ទាល់នូវអ្វីដែលខ្លួនបានរៀន ក៏ដូចជាជួយដោះស្រាយបញ្ហាមាត់ធ្មេញរបស់ប្រជាជននៅទីនោះ។ នេះជាទង្វើដ៏គួរស្ញប់ស្ញែងមួយរបស់រំចង់ ក្នុងការតបស្នង និងជួយសង្គ្រោះសង្គមជាតិទាំងមូលឲ្យប្រជាជនកម្ពុជាមានសុខភាពមាត់ធ្មេញរឹងមាំ។            ជាចុងក្រោយ លោក គង់ ភក្តី ក៏បានផ្តល់ជាអនុសាសន៍ដល់ប្រជាជនកម្ពុជាដែលកើតមានបញ្ហាមាត់ធ្មេញត្រូវរកពេទ្យធ្មេញដែលមានស្តង់ដា និងត្រូវចេះថែរក្សាវាឲ្យបានល្អ ព្រោះការព្យាបាលធ្មេញដែលខូចទាមទារការចំណាយប្រាក់ និងពេលវេលាច្រើន។ ហើយលោកក៏បានជូនជាដំបូន្មានដល់និស្សិតទន្តសាស្រ្តជំនាន់ក្រោយៗ ឲ្យខិតខំប្រឹងប្រែងរៀនសូត្រនៅសាលា ហើយធ្វើការស្រាវជ្រាវបន្ថែមទៀតតាមរយៈប្រព័ន្ធអ៊ិនធឺណែត ឬប្រភពផ្សេងៗទៀត និងឆ្លៀតពេលចុះអនុវត្តតាមគ្លីនិក ដើម្បីពង្រឹងសមត្ថភាពរបស់ខ្លួន។ © 2017 រក្សាសិទ្ធិគ្រប់យ៉ាង​ដោយ Healthtime Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ                

Career & Education Career & Education
Share
  • Mar 29, 2018 |
  • 6 years ago |
  • 4K views

ក្រោយចូលរៀនពេទ្យ រឿងខ្លះ ក៏បានផ្លាស់ប្តូរទាំងស្រុង …

មានរឿងខ្លះ យើងបានរស់នៅឡើងស៊ាំនឹងទម្លាប់ទាំងនោះទៅហើយ តែក៏មានពេលខ្លះទៀត ដែលត្រូវតែទទួលយកការពិតនៃការផ្លាស់ប្តូរថ្មីក្រោយពេលសម្រេចចិត្តជ្រើសរើសអ្វីមួយសម្រាប់ដំណើរជីវិតរបស់ខ្លួន។ ក្នុងនោះផងដែរ ក្រោយពេលក្លាយខ្លួនជានិស្សិតពេទ្យមួយរូបហើយ នឹងមានទម្លាប់មួយចំនួន អ្នកនឹងត្រូវផ្លាស់ប្តូរ និងទទួលយកវា បើទោះជាការពិត មិនសូវចង់ឲ្យកើតឡើងក៏ដោយ…      អ្នកខ្លះដែលកំពុងអាន ក៏ប្រហែលជាយល់អារម្មណ៍ទាំងនេះច្បាស់ហើយ ស្របពេលដែលអ្នកខ្លះ ហាក់ដូចជានៅមិនទាន់ច្បាស់ថា«មែនក៏អី?» តែកុំបារម្ភ…អ្វីក៏ដោយ តែងតែមានផលវិជ្ជមាន និងអវិជ្ជមានរបស់វាដែរ ហេតុនេះហើយ…រីករាយប្រឈមនឹងអ្វីដលត្រូវប្រឈម ហើយកុំភ្លេចសម្របខ្លួនដោយភាពវៃឆ្លាត គួរបញ្ជាក់ផងដែថា ខាងក្រោមនេះ គ្រាន់ជាអ្វីដែលបានសម្រិតសម្រាំងពីអត្ថបទមួយ ក្រោមការប្រឹក្សាពីនិស្សិតវេជ្ជសាស្ត្រមួយរូបប៉ុណ្ណោះ…វាអាចនឹងពិតសម្រាប់អ្នកខ្លះ ហើយក៏មិនពិតសម្រាប់អ្នកខ្លះទៀត… ការរៀនត្រៀមប្រឡង មុនចូលរៀនពេទ្យ ៖ ចំណាយពេលប៉ុន្មានថ្ងៃ មុនពេលប្រឡង ហើយមានពេលណាត់ជួបគ្នាដើម្បីរំលឹកមេរៀននៅកន្លែងផ្សេងៗ ដែលពេលខ្លះក៏ក្លាយជាពេលនិយាយគ្នាច្រើនជាងរំលឹកមេរៀន តែក៏នៅតែមិនអី ក្រោយចូលរៀនពេទ្យ ៖ មិនថាថ្ងៃណានោះទេ គឺត្រូវតែត្រៀមជានិច្ច ហើយក៏មានមេរៀនមិនតិចនោះដែរដែលត្រូវមើល និងរំលឹក។ ការឆ្លៀតគេងបាន១០ទៅ២០នាទីក៏ជាការប្រសើរបំផុតហើយ ព្រោះថាសំណួរមិនតិចជាង១ពាន់ឡើយ បើអ្នកខ្លះមើលរហ័ស ក៏អាចមើលចប់១ ឬ២ដង ស្របពេលដែលអ្នកខ្លះនៅពាក់កណ្តាលផ្លូវនៅឡើយ។ ការគេង មុនចូលរៀនពេទ្យ ៖ ចូលគេងយប់ជ្រៅដល់ម៉ោង១ភ្លឺ ហើយទៅរៀនពេលព្រឹក ដោយគេងមិនបាន៨ម៉ោងគ្រប់គ្រាន់ ក៏មិនជាបញ្ហា ព្រោះតែងតែមានពេលសម្រាកដែលអាចគេងសម្រន់បាន ក្រោយចូលរៀនពេទ្យ ៖ បើគេងបាន៥ម៉ោង ចាត់់ទុកថាសំណាងណាស់ទៅហើយ បើប៉ះចំវេនយាមយប់ ហើយស្អែកឡើងត្រូវទៅរៀនទៀតនោះ កន្លែងណាក៏គេងបានដែរ មិនថាមុខវិជ្ជាណានោះទេ ជប់លៀង មុនចូលរៀនពេទ្យ ៖ មានពេលយ៉ាងហោចណាស់ក៏១ ទៅ ២ម៉ោងសម្រាប់រៀបចំខ្លួនដែរ ហើយក៏មានពេលគ្រប់គ្រាន់សម្រាប់ការជួបជុំគ្នា ជជែកពីនេះពីនោះដែរ ក្រោយចូលរៀនពេទ្យ ៖ មានឱកាសបានបង្ហាញខ្លួន ជាឱកាសមួយកម្រហើយ កុំថាឡើយពេលគ្រប់គ្រាន់សម្រាប់ត្រៀម និងរៀបចំខ្លួននោះ ហើយបើបានជុំគ្នាម្តងៗវិញ សប្បាយម៉ាអស់ដៃតែម្តង អាហារ មុនចូលរៀនពេទ្យ ៖ បើមានពេល ក៏អាចសាកល្បងធ្វើនូវមុខម្ហូបប្លែកៗ ឬអ្វីដែលខ្លួនចូលចិត្ត ឬក៏ពេលខ្លះមិនសូវមានពេលច្រើន ក៏នៅតែអាចកុម្ម៉ង់អាហារមកញ៉ាំ ហើយមានពេលរីករាយនឹងញ៉ាំវាបាន ក្រោយចូលរៀនពេទ្យ ៖ កាហ្វេប្រហែល២ទៅ៣កែវក្នុងមួយថ្ងៃ នំ និងអាហារផ្សេងទៀត ជាពិសេសម្ជូរ។ បើពេលវេនយប់វិញ ឲ្យតែបានអាហារក្តៅៗម្តងៗ (ស៊ីវម៉ៃ មីស៊ុប…) គឺថាមានអារម្មណ៍ដូចជាបានកាដូពិសេសពីព្រះអញ្ចឹង បណ្ណាល័យ មុនចូលរៀនពេទ្យ ៖ ជាកន្លែងដ៏កក់ក្តៅមួយដែលអាចចំណាយពេលជាមួយនឹងមិត្តរួមថ្នាក់មើលមេរៀន ឬសម្រាកដោយអង្គុយលេង ថតរូប និងប្រើប្រាស់អ៊ីនធឺណែត ក្រោយចូលរៀនពេទ្យ ៖ សម្រាប់និស្សិតពេលខ្លះ បណ្ណាល័យជាកន្លែងដែលអាចឲ្យគេចពីម៉ោងរៀនខ្លះដែលគេគិតថាធុញទ្រាន់ ឬហត់នឿយខ្លាំង។ សឹងតែអាចហៅបានថា«កន្លែងបន្ធូរអារម្មណ៍» ដោយការអានសៀវភៅ ការលេងហ្គេម និងជាពិសេស គឺគេងដោយមានក្តីសុខតែម្តង… ការងូតទឹក មុនចូលរៀនពេទ្យ ៖ យ៉ាងហោចណាស់ក៏មាន៥ទៅ១០នាទី ងូតទឹកដោយស្រណុកខ្លួន នឹកគិតអំពីអ្វីដែលបានកើតឡើងក្នុងថ្ងៃនេះ និងត្រៀមគម្រោងខ្លះៗសម្រាប់ថ្ងៃស្អែកដែរ ក្រោយចូលរៀនពេទ្យ ៖ ប្រើប្រាស់បន្ទប់ទឹកនៅពេទ្យ ម៉េចនឹងអាចមានអារម្មណ៍ស្និទ្ធស្នាលដូចនៅផ្ទះផ្ទាល់ខ្លួនទៅ តែក៏សំណាងណាស់ដែរ ដែលមានបន្ទប់សមរម្យសម្រាប់ពេទ្យ និងបុគ្គលិកផ្សេងទៀត ប្រជាប្រិយភាព មុនចូលរៀនពេទ្យ ៖ អ្នកដែលមានមុខមាត់ស្អាត រូបរាងសង្ហា មានការតុបតែងខ្លួនដែលលេចធ្លោជាងគេ ច្រើនទទួលបានការចាប់អារម្មណ៍ច្រើនជាងគេ ក្រោយចូលរៀនពេទ្យ ៖ សិស្សច្បងដែលរៀនពូកែ និងមានសមត្ថភាពខ្ពស់ ជាពិសេសបានពិន្ទុខ្ពស់ជាងគេ ហើយធ្វើការងារដោយវិជ្ជាជីវៈ តែងតែក្លាយជានិមិត្តរូបរបស់សិស្សប្អូនជាច្រើន ពិត ឬមិនពិតដែរ? សូមមតិយោបល់ម្នាក់បន្តិចមកណា៎… ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education For Health Practitioners
Share
  • Mar 27, 2018 |
  • 6 years ago |
  • 7.8K views

ជាគ្រូពេទ្យល្អ តាមក្បួនក-អ

ខាងក្រោមនេះ ជាក្បួនតម្រាក្រៅផ្លូវការ ដែលត្រូវបានចងក្រងដោយលោកគ្រូពេទ្យម្នាក់នេះ ជាមួយនឹងមិត្តរួមវិជ្ជាជីវៈមួយរូប... បើមានអ្វីខុសឆ្គង សូមធ្វើការណែនាំផង... រួមគ្នា បំពេញកាតព្វកិច្ចក្នុងវិជ្ជាជីវៈសុខាភិបាលជូនប្រជាពលរដ្ឋ ជាពិសេសអ្នកជំងឺប្រកបដោយប្រសិទ្ធភាព!!! ក- កុំឲ្យតម្លៃលើអ្វីផ្សេងច្រើនជាងភាពប្រសើរនៃសុខភាពអ្នកជំងឺ ខ- ខុសអ្វី ខុសបានតែហាមខុសក្បួនព្យាបាល គ- គោរពក្រមសីលធម៌វិជ្ជាជីវៈជាគ្រូពេទ្យ     ឃ- ឃ្មាតខ្មីសិក្សាបន្ថែមទាំងចំណេះដឹង និងចំណេះធ្វើ ង- ងូតទឹក រក្សាអនាម័យខ្លួនឲ្យបានស្អាតបាតជានិច្ច ច- ចង់ចេះ ចង់ដឹង ចង់ជួយ ចង់ឃើញស្នាមញញឹមអ្នកជំងឺ ឆ- ឆ្លើយតបនឹងសំណួររបស់អ្នកជំងឺឲ្យបានសមរម្យ ជ- ជួួយសង្គ្រោះ និងព្យាបាលអ្នកជំងឺដោយគុណធម៌ ឈ- ឈឺជាម្តេចក្តី ពេទ្យទាំងប្រុសស្រី ត្រូវតែរឹងមាំ ញ- ញញឹមរក្សាជំហរ ទោះបីជានឿយហត់យ៉ាងណា ដ- ដរាបណាជំងឺនៅមានសង្ឃឹម ត្រូវព្យាយាមដល់ទីបំផុត ឋ- ឋានៈត្រឹមជាមនុស្សធម្មតាដែលដណ្តើមអ្នកជំងឺចេញពីយមរាជ ឌ- (អត់មានទេ...) ឍ- (អត់មានទេ…) ណ- ណែនាំអ្នកជំងឺពីក្បួនថែទាំសុខភាព ត- តែងតែពន្យល់ពីសភាពជំងឺ និងការព្យាបាលទៅកាន់អ្នកជំងឺ និងក្រុមគ្រួសារ ថ- ថែទាំអ្នកជំងឺដោយយកចិត្តទុកដាក់ ទ- ទោះជាមានរឿងអ្វីកើតឡើង ត្រូវឈរលើឆន្ទៈជាគ្រូពេទ្យជានិច្ច ធ- ធ្វើជាគំរូល្អដល់អ្នកជំនាន់ក្រោយ ន- នាំមកនូវក្តីសង្ឃឹម ស្នាមញញឹម សុខភាពរឹងមាំ និង សុខុមាលភាពជូនដល់អ្នកជំងឺ ប- បង្កើតទំនុកចិត្តរវាងអ្នកជំងឺ និងគ្រូពេទ្យ ផ- ផ្តល់ឱកាសដល់អ្នកជំងឺក្នុងការសួរសំណួរ ព- ព្យាបាលអ្នកជំងឺដោយគ្មានការរើសអើង ភ- ភ្លេចអ្វី ភ្លេចបាន តែហាមភ្លេចស្តេតូ ម- មិនទុកអ្នកជំងឺឲ្យនៅឈឺចាប់     យ- យកចិត្ត(អារម្មណ៍)អ្នកជំងឺដាក់ក្នុងចិត្ត(អារម្មណ៍)ខ្លួនឯង     រ- រក្សាស្មារតីឲ្យបានរឹងមាំគ្រប់កាលៈទេសៈ ល- លំៗយកតែលុយមិនមែនជាគ្រូពេទ្យល្អទេ វ- វិនិច្ឆ័យជំងឺឲ្យបានល្អិតល្អន់ ស- សរសេរអក្សរមិនស្អាតក៏មិនអីដែរ តែឲ្យតែមើលយល់ ហ- ហ្វឹកហាត់ពង្រឹងជំនាញរបស់ខ្លួន ឡ- ឡិកឡក់ ឡេះឡោះ មិនមានក្នុងវចនានុក្រមរបស់គ្រូពេទ្យឡើយ អ- អនុវត្តតាមជំនាញដែលខ្លួនចេះ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education For Health Practitioners
Share
  • Mar 21, 2018 |
  • 6 years ago |
  • 3.5K views

H.E. Hun Many's Volunteer Medical Teamwork

On March 18, 2018, H.E. Hun Many's Volunteer Medical Teamwork consisting of 351 doctors led by H.E.Hun Many, went to cure 4969 people at Angta Preah pagoda, Tnot village, Moha Russey commune, Korng Pisey district, Kompong Speu province and also offered to them some bread and pure drinking water as well. The process of consultation and treatment was led by H.E. Hun Many accompanied by H.E Chum Vong, a member of Cambodia senate and chief of central committe for strenghening Korng Pisey district, H.E. Vy Samnang, Kompong Speu governor, H.E. Chuon Vorn, secretary of state of ministry of industry, H.E.Ho Tang Eng, secretary of state of the ministry of planning, H.E. Yoem Yan, under secretary of state of the ministry of health, H.E. Sam Rithy, UYFC secretariat representative, H.E. Leng Phaly, a chief of H.E. Hun Many's volunteer medical teamwork, Mr. Or Vanthen, chief of kompong Speu Health office, Mr. Chem Phoeun Vuth, Korn Pisey governor, Mr. Mar Savat, chief of CPP Korng Pisey district, Mr. Neang Bo, a chief of Phnom Penh Youth Activists, Mr.Peang Pharoth, a chief of Osela pure drinking water and UYFC of Korng Pisey district, Kompong Speu province. In our consultations and treatments, there have been general medical illness, pulmonary and other respiratory tract diseases, gastrointestinal diseases, dermotological diseases, gynecological diseases, parasitic infection, anemia, osteopathy, rheumatic diseases, hepathic diseases, sexual transmitted diseases STD, malaria, dengue, ophthalmological diseases, stomatological diseases, psychiatric disorders, diabetes mellitus, pediatric diseases, cardiovascular diseases, hypertensiin, eyes nose throat diseases, hemorrhoid, urinary tract and kidneys diseases, hemodialysis, and ultrasound study. This activity expresses the spirit of humanitarianism and the real love among khmer blood. The purpose of this activity is to participate in the poverty reduction of Cambodian people in order to build united khmer with single future.  Under the wisedom leadership of Samdech Techo Hun Sen , a great prime minister of Cambodia, The country has mantain complete peace, safty, security, and sustainable development. Furthermore, people has lived with hope, harmony, and happiness throughout the country. Therefore, all Cambodian people have to preserve peace and stability through win-win policy of our hero, Samdech Techo Hun Sen. Reasure that for 63 months (2012_2018) H.E. Hun Many's Volunteer Medical Teamwork consisting of 2,385 doctors has consulted and treated 281377 people in the 16municipality/ provinces of the kingdom of Cambodia.

Career & Education News & Events
Share
Top