Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • May 31, 2017 |
  • 7 years ago |
  • 5.2K views

ខ្ទឹមបារាំង និងខ្ទឹមស អាចជួយការពារជំងឺមហារីក?

ខ្ទឹមបារាំង និងខ្ទឹមស សុទ្ធតែមានសារប្រយោជន៍ និងជួយព្យាបាលជំងឺបានយ៉ាងច្រើនយ៉ាង គួរឲ្យកត់សម្គាល់។ ខ្ទឹមបារាំង​ និងខ្ទឹមស សុទ្ធតែមានរសជាតិ និងក្លិនឈួលខ្លាំងដូចគ្នា ហើយបើមិនដាក់ខ្ទឹមស ឬខ្ទឹមបារាំងនោះទេ អាហារមានរសជាតិហឺរបស់អ្នក នឹងមិនឆ្ងាញ់នោះឡើយ។ អ្វីដែលកាន់តែពិសេសជាងនេះទៅទៀតនោះគឺ ខ្ទឹមស និងខ្ទឹមបារាំង សុទ្ធតែអាចប្រឆាំង នឹងជំងឺមហារីកបានដូចគ្នា។ ខ្ទឹមទាំងពីរមានសារធាតុគីមីជាច្រើន ដែលអាចការពារអ្នកពីជំងឺមហារីក។ #១ ខ្ទឹមស និងខ្ទឹមបារាំង មានអង់ទីអុកស៊ីដង់ ដែលអាចបញ្ឈប់រ៉ាឌីកាល់សេរី ពីការធ្វើឲ្យខូចខាតដល់ DNA។ វាមានសារធាតុពិសេស ដែលអាចការពារជំងឺមហារីក។ #២ ខ្ទឹមស និងខ្ទឹមបារាំង មានសារធាតុដែលជួយពង្រឹងដល់អង់ស៊ីម ដើម្បីទប់ស្កាត់ និងបន្ថយការលូតលាស់កោសិកាមហារីក។ #៣ ការសិក្សាបានបង្ហាញថា ខ្ទឹមបារាំង អាចជួយកាត់បន្ថយជំងឺមហារីកពោះវៀនធំ ៥៦ ភាគរយ និងជំងឺមហារីកដោះបាន ២៥ ភាគរយ។ ខ្ទឹមស អាចការពារជំងឺមហារីកប្រូស្តាត និងជំងឺមហារីកដោះបានគួរឲ្យកត់សម្គាល់។ #៤ ខ្ទឹមស និងខ្ទឹមបារាំង អាចការពារជំងឺមហារីកនានាដូចជា ជំងឺមហារីកពោះវៀនធំ ជំងឺមហារីដោះ ជំងឺមហារីកក្រពះ ជំងឺមហារីកតម្រងនោម ជំងឺមហារីកប្រូស្តាត ជំងឺមហារីកបំពង់ក ជំងឺមហារីកមាត់ធ្មេញ ជំងឺមហារីកមាត់ស្បូន និងជំងឺមហារីកថ្លើម។ #៥ តើគួរញ៉ាំខ្ទឹមតាមវិធីណា? គឺញ៉ាំឆៅ … កិន ឬទំពារ គឺជាជម្រើសដ៏ល្អបំផុត ពីព្រោះ សារធាតុប្រឆាំងមហារីករបស់វាអាចត្រូវបានកាត់បន្ថយ ពេលប៉ះពាល់នឹងខ្យល់អាកាស ១៥ នាទី។ #៦ ការសិក្សារបស់ជនជាតិអាមេរិចបានរកឃើញថា ការញ៉ាំខ្ទឹមសមួយដុំជារៀងរាល់អាទិត្យ អាចកាត់បន្ថយជំងឺមហារីកពោះវៀនធំបាន ៣០ ភាគរយ។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips
Share
  • May 31, 2017 |
  • 7 years ago |
  • 2.7K views

ក្រុមហ៊ុន GE រៀបចំព្រឹត្តិការណ៍​ <<GE Healthcare Innovation Day>>

ភ្នំពេញ ថ្ងៃទី៣០​ ខែឧសភា ឆ្នាំ២០១៧ ក្រុមហ៊ុន GE Healthcare​ សហការជាមួយក្រុមហ៊ុន​ Mediagroup Asia និងSCI រៀបចំព្រឹត្តិការណ៍ ដើម្បីបង្ហាញនូវដំណោះស្រាយបច្ទេកវិទ្យាថ្មី ក្នុងការជួយផ្តល់ការថែទាំសុខភាពដែលមានគុណភាពខ្ពស់សម្រាប់ប្រជាជនកម្ពុជា។ ក្រោមអធិបតីភាពលោកវេជ្ជបណ្ឌិតស៊ុង វិនតៈប្រធាននាយកដ្ឋានសហប្រតិបត្តិការអន្តជាតិ នៃក្រសួងសុខាភិបាលកម្ពុជា និងឯកឧត្តម Wiliam A. Heidt ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជាផងដែរ ដើម្បីពិភាក្សាអំពីតម្រូវការនៃប្រព័ន្ធសុខាភិបាល និងតួនាទីរបស់ក្រុមហ៊ុនឯកជនចំពោះវិស័យសុខាភិបាលនៅកម្ពុជា។ ក្នុងសិក្ខាសាលានេះ​អ្នកជំនាញរបស់ក្រុមហ៊ុន GE បានចែករំលែកពីការប្រើប្រាស់បច្ចេកវិទ្យាថ្មីដូចជា ការឆ្លុះអេកូស្វែងរកជំងឺមហារីកសុដន់ និងការចិញ្ចឹមបីបាច់ទារកទើបនឹងកើត ក៏ដូចជាម៉ាស៊ីន MR  ម៉ាស៊ីនស្កានែរ ម៉ាស៊ីនអេកូ ឧបករណ៍សម្រាប់សង្រ្គោះជីវិត និងប្រភេទថ្នាំចាក់ធ្វើឲ្យឃើញភាពខុសគ្នា (Contrast Media)។ លោក​ Dararith Lim នាយកក្រុមហ៊ុន GE ប្រចាំប្រទេសកម្ពុជាបានបង្ហាញពីការប្តេជ្ញាក្នុងការចូលរួមពង្រឹងប្រព័ន្ធសុខាភិបាល ធ្វើការរួមគ្នាជាមួយរាជរដ្ឋាភិបាល និងដៃគូក្នុងស្រុក​ ដើម្បីអភិវឌ្ឍដល់សេដ្ឋកិច្ចប្រទេស។ លោកក៏បានបន្តថា​ លោកវេជ្ជបណ្ឌិត​ ស៊ុង វិនតៈ ប្រធាននាយកដ្ឋានសហប្រតិបត្តិការអន្តរជាតិនៃក្រសួងសុខាភិបាលកម្ពុជា បានលើកឡើង © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Health Tips News & Events
Share
  • May 31, 2017 |
  • 7 years ago |
  • 1.7K views

តិចនិកបំបាត់ស្នាមជាំ ឬស្នាមទ្រុត នៅលើច្រមុះដោយសារវ៉ែនតា

អត្ថបទមួយនេះ ប្រហែលជាមានសារៈសំខាន់ខ្លាំងណាស់ចំពោះអ្នកដែលមានបញ្ហាភ្នែក ហើយត្រូវការពាក់វ៉ែនតា។ចំណែកឯអ្នកចូលចិត្តពាក់យកស្តាយ ក៏អាចធ្វើតាមវិធីសាស្រ្តខាងក្រោមនេះបានផងដែរ ដើម្បីកាត់បន្ថយស្នាមជាំលើច្រមុះ ដោយសារតែវ៉ែនតា។ ដូចលោកអ្នកបានដឹងហើយថា ការប្រើប្រាស់វ៉ែនតា ក្នុងរយៈពេលយូរពេក វានឹងធ្វើឲ្យមានស្នាមជាំ ឬស្នាមទ្រុតនៅលើច្រមុះរបស់អ្នក។ ក្នុងករណីខ្លះ វានឹងបាត់ទៅវិញ ប៉ុន្តែ ករណីខ្លះ វានឹងចេះតែធ្ងន់ធ្ងរទៅៗ រហូតដល់បង្កការឈឺចាប់ទៀតផង ជាពិសេស អ្នកដែលប្រើវ៉ែនតាធ្ងន់ៗ។ ដូច្នេះ អ្នកគួរតែប្រើប្រាស់វ៉ែនតាដែលស្តើង និងមានគុណភាពល្អ ដើម្បីកាត់បន្ថយទម្ងន់ ដែលនឹងសង្កត់លើច្រមុះរបស់អ្នក។ ដំណោះស្រាយតាមវិធីធម្មជាតិ៖ ១) ប្រទាលកន្ទុយក្រពើ ប្រទាលកន្ទុយក្រពើ អាចជួយធ្វើឲ្យស្បែកម៉ដ្ឋ ទន់ និងមានសំណើម។ វាក៏អាចប្រឆាំងការរលាក ដែលបង្កឡើងដោយសារវ៉ែនតារបស់អ្នកផងដែរ។ អ្នកគ្រាន់តែយកសាច់ប្រទាលកន្ទុយក្រពើ មកលាបលើកន្លែងដែលមានបញ្ហា មុនពេលចូលគេង នោះវានឹងជួយព្យាបាលកោសិកា ព្រមទាំងធ្វើឲ្យស្បែកនៅទីនោះសស្អាតទៀតផង។ អ្នកក៏អាចលាបវាបន្ថែមនៅពេលថ្ងៃផងដែរ។ ២) ក្រូចឆ្មារ ក្រូចឆ្មារ មានផ្ទុកសារធាតុអាស៊ីតស៊ីទ្រិក ដែលអាចជួយឲ្យស្បែកស និងជួយកម្ចាត់កោសិកាងាប់ៗបានផងដែរ។ អ្នកអាចច្របាច់ក្រូចឆ្មារមួយផ្លែដាក់ក្នុងចាន រួចយកក្រណាត់ស្អាតមកជ្រលក់ រួចយកមកជូតកន្លែងដែលមានបញ្ហា។ អ្នកអាចធ្វើបែបនេះឲ្យបានញឹកញាប់ ដើម្បីកម្ចាត់ស្នាមខ្មៅ និងកោសិកាងាប់ៗនៅលើច្រមុះរបស់អ្នក។ ៣) ត្រសក់ ត្រសក់ ជារបស់ធម្មជាតិ ដែលអាចការពារច្រមុះរបស់អ្នក ពីបញ្ហាខាងលើនេះបាន។ ងាយៗ គឺអ្នកគ្រាន់តែចិតត្រសក់ជាបន្ទះៗ រួចមកបិទនៅច្រមុះ ឬពេញផ្ទៃមុខរបស់អ្នកក៏បាន។ ត្រសក់ នឹងជួយផ្តល់សំណើម កម្ចាត់ស្នាមជាំ និងសម្លាកបានទៀតផង។ ត្រសក់ ក៏ជួយឲ្យស្បែករបស់អ្នកមានសំណើម ទន់ និងម៉ដ្ឋរលោង។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips
Share
  • May 31, 2017 |
  • 7 years ago |
  • 6K views

ពណ៌សម្លៀកបំពាក់ដែលអ្នកស្លៀក អាចបញ្ជាក់ពីអ្វីខ្លះទៅ?

ពណ៌ខោអាវ អាចជួយឲ្យអ្នកស្រស់ស្រាយ មានអារម្មណ៍ល្អបង្កើនថាមពល និងនាំសំណាងដល់អ្នកទៀតផង ប្រសិនបើអ្នកជ្រើសរើសបានត្រឹមត្រូវ ហើយស័ក្តសមនឹងចរិត តួនាទីនិងកាលៈទេសៈ។ ពណ៌សម្លៀកបំពាក់ ក៏អាចធ្វើឲ្យគេមើលដឹងពីអត្តចរិត និងបុគ្គលិកលក្ខណៈរបស់បុគ្គលម្នាក់នោះផងដែរ។ ខាងក្រោមនេះ គឺជាការបកស្រាយថាតើ ពណ៌ដែលអ្នកចូលចិត្តស្លៀកពាក់ បញ្ជាក់អំពីអ្វីខ្លះ? ·ពណ៌ខ្មៅ៖ តំណាងឲ្យគ្រប់យ៉ាង ឬគ្មានតែម្តង ·ពណ៌ប្រផេះ៖ តំណាងឲ្យភាពមិនរួសរាយ ឬស្ងប់ស្ងាត់ ហើយអ្នកពាក់ពណ៌នេះភាគច្រើន មិនសូវសប្បាយចិត្ត នៅមួយកន្លែង ហើយមិនសូវរវល់នឹងអ្វីទាំងអស់ ·ពណ៌មាស៖ តំណាងឲ្យការគ្រប់គ្រង ទំនុកចិត្ត ការច្នៃប្រឌិត និងភាពល្អឥតខ្ចោះ ហើយអ្នកដែលពាក់ពណ៌នេះ ភាគច្រើន ជាមនុស្សរួសរាយ ចូលចិត្តទូន្មានអ្នកដទៃ ហើយគិតវិជ្ជមានជានិច្ច ·ពណ៌ទង់ដែង៖ តំណាងឲ្យសេចក្តីស្នេហា និងតម្រូវការក្នុងសេចក្តីស្នេហា ·ពណ៌ក្រហម៖ តំណាងឲ្យថាមពល ភាពកក់ក្តៅ និងការលើកទឹកចិត្ត ·ពណ៌ទឹកក្រូច៖ តំណាងឲ្យគំនិតច្នៃប្រឌិត ការដែលអាចកើតឡើងបាន និងការរំភើបរីករាយ ·ពណ៌លឿង៖ តំណាងឲ្យការលើកកម្ពស់សុខភាពផ្លូវចិត្ត និងភាពស្វាហាប់ ·ពណ៌បៃតង៖ តំណាងឲ្យភាពរីករាយ និងសុភមង្គល ·ពណ៌ខៀវ៖ តំណាងឲ្យការលួងលោម និងលើកទឹកចិត្ត ·ពណ៌ស្វាយ៖ តំណាងឲ្យការប្រែប្រួល ដែលនឹងទៅកាត់បន្ថយស្រ្តេស​ និងសុខភាពផ្លូវចិត្ត ·ពណ៌ស៖ តំណាងឲ្យភាពស្រស់ស្អាត សុភមង្គល តុល្យភាព និងភាពល្អប្រពៃ ·ពណ៌ផ្កាឈូក៖ តំណាងឲ្យភាពក្មេងខ្ចី អារម្មណ៍ស្រស់ស្រាយ និងទំនុកចិត្ត៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips
Share
  • May 30, 2017 |
  • 7 years ago |
  • 9.8K views

ស្រ្តីមានផ្ទៃពោះ ត្រូវនៅឲ្យឆ្ងាយពី “គ្រឿងសម្អាង” មែនទេ?

ការប្រើប្រាស់ ឬប៉ះពាល់ទៅនឹងសារធាតុគីមីមួយចំនួន គឺពិតជាមានគ្រោះថ្នាក់ខ្លាំងណាស់ ចំពោះស្រ្តីមានផ្ទៃពោះ និងកំពុងបំបៅដោះកូន។   ដូចដែលអ្នកបានដឹងហើយថា ការមានផ្ទៃពោះ គឺជាដំណាក់កាលមួយ ដែលអ្នកត្រូវយកចិត្តទុកដាក់ និងលះបង់រឿងរ៉ាវជាច្រើន ដើម្បីសុខភាពកូនរបស់អ្នក។ សូម្បីតែចំណីអាហារមួយចំនួន ដែលអ្នកធ្លាប់ញ៉ាំ ក៏មិនប្រាកដថា អាចញ៉ាំបានដែរក្នុងពេលនេះ។ក្រៅពីនេះ គ្រឿងសម្អាង គឺជាក្តីកង្វល់បន្ទាប់ សម្រាប់ស្រ្តីមានផ្ទៃពោះ ពីព្រោះ អ្នកប្រហែលជាត្រូវនៅឆ្ងាយបន្តិចពីរបស់ទាំងនេះ។   សារធាតុទៅបង្អាក់ប្រព័ន្ធអង់ដូគ្រីន ចូរនៅឲ្យឆ្ងាយពីសារធាតុនេះ ពីព្រោះ វាអាចទៅរំខានដល់អ័រម៉ូនរបស់អ្នក ហើយវាពិតជាមានគ្រោះថ្នាក់ណាស់ សម្រាប់ស្រ្តីមានផ្ទៃពោះ។ សារធាតុទាំងនោះមានដូចជា BPA, Atrazine, Phthalates, Dioxin និង Perchlorate។   សារធាតុទាំងនេះ អាចប៉ះពាល់អ្វីខ្លះ ចំពោះទារកក្នុងផ្ទៃ? វានឹងទៅរាំងស្ទះដល់ប្រព័ន្ធអង់ដូគ្រីន ដែលជាហេតុធ្វើឲ្យទារកកើតខុសធម្មតា មានដុំសាច់ ឬមិនលូតលាស់ជាដើម។ និយាយទៅ គឺវានឹងទៅរំខានសកម្មភាពរបស់អ័រម៉ូន។   សារធាតុទាំងនេះ មាននៅក្នុងផលិតផលអ្វីខ្លះ?  វាមានស្ទើរតែគ្រប់ផលិតផលគ្រឿងសម្អាងទៅហើយ ដូចជាទឹកអប់ ឡេលាបខ្លួន និងម្សៅជាដើម។ បើអ្នកចង់ប្រើប្រាស់ផលិតផលណាមួយ ត្រូវមើលលើគ្រឿងផ្សំរបស់វាជាមុនសិន ហើយបើអាច ផលិតផលធម្មជាតិ គឺជាជម្រើសដ៏ល្អ។   ប្រការល្អបំផុត​ គឺអ្នកគួរតែសាកសួរគ្រូពេទ្យជំនាញរបស់អ្នក ថាតើផលិតផលណា ដែលអ្នកអាចប្រើប្រាស់បាន សូម្បីតែក្រែមលាបមាត់ ថ្នាំលាបសក់ ម្សៅផាត់មុខ និងឡេជាដើម៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Pregnancy & Baby
Share
  • May 30, 2017 |
  • 7 years ago |
  • 9.8K views

ទឹកនោមមានពពុះ បណ្តាលមកពីអ្វីទៅ? គួរឲ្យព្រួយបារម្ភដែរឬទេ?

ពេលបត់ជើងតូច ភាគច្រើន ទឹកនោមគួរតែថ្លាល្អ ដើម្បីបញ្ជាក់ថា​ អ្នកមានសុខភាពល្អ។ ប៉ុន្តែ ប្រសិនបើទឹកនោមរបស់អ្នកមានពណ៌ស្រអាប់ លឿងចាស់ ខាប់ មានក្លិនឈួល ឬមានពពុះ នោះវាអាចនិយាយបានថា ក្នុងរាងកាយរបស់អ្នក មានដំណើរខុសប្រក្រតីហើយ។   យ៉ាងណាមិញ ពពុះទឹកនោម អាចជារឿងធម្មតា ប្រសិនបើអ្នកខំប្រឹងនោមខ្លាំងពេក។ វាក៏អាចកើតឡើង ក្នុងករណីដែលអ្នកលាងប្រដាប់ភេទ ជាមួយនឹងសាប៊ូ ដូច្នេះ អ្នកមិនចាំបាច់ព្រួយបារម្ភឡើយ។ ទោះបីជាយ៉ាងនេះក្តី សូមធ្វើការតាមដាន លក្ខណៈទឹកនោមរបស់អ្នកឲ្យបានដិតដល់។ ពពុះក្នុងទឹកនោម អាចបណ្តាលមកពី ៖ ១ អ្នកញ៉ាំទឹកមិនបានគ្រប់គ្រាន់ (ពេលដែលអ្នកនោម មានអាចមានប្រូតេអ៊ីន និងសារធាតុនានានៅក្នុងនោះ) ២ ការមានផ្ទៃពោះ ក៏អាចធ្វើឲ្យទឹកនោមមានពពុះផងដែរ ៣ ស្រ្តេស និងភាពតានតឹង អាចបង្កើតជាពពុះក្នុងទឹកនោម ៤ ជំងឺទឹកនោមផ្អែម អាចជះឥទ្ធិពលដល់តម្រងនោម ដូច្នេះ វាក៏ធ្វើឲ្យទឹកនោមមានពពុះ ៥ មានជំងឺមានជាតិប្រូតេអ៊ីនច្រើនក្នុងទឹកនោម ៦  មានការរលាកនៅផ្លូវទឹកនោម។   ទឹកនោម គឺជារឿងសំខាន់ ពីព្រោះ វាអាចបញ្ជាក់អំពីសុខភាព នៅក្នុងរាងកាយរបស់អ្នក។ ដូច្នេះ សូមមានការប្រុងប្រយ័ត្ន និងប្រឹក្សាយោបល់ជាមួយគ្រូពេទ្យ ប្រសិនបើអ្នកសង្ស័យ ឬមានរោគសញ្ញាព្រមាន គួរឲ្យកត់សម្គាល់៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips
Share
  • May 29, 2017 |
  • 7 years ago |
  • 3.5K views

អាហារសម្រាប់ខួរក្បាលដែលអាចគ្រប់គ្រងជំងឺធ្លាក់ទឹកចិត្ត និងជំងឺថប់អារម្មណ៍

គំនិតដែលថាអ្វីដែលយើងបរិភោគអាចមានឥទ្ធិពលដោយផ្ទាល់ទៅលើអារម្មណ៍របស់យើង គឺមិនមែនជាគំនិតថ្មីឡើយ។ ឥឡូវនេះ​វាក៏បានក្លាយជាស្នូលនៃការស្រាវជ្រាវ ហើយមានភស្ដុតាងថ្មីៗជាច្រើនសម្រាប់គំនិតថា ខួរក្បាលរបស់យើងនិងអារម្មណ៍របស់យើងមានការផ្សារភ្ជាប់គ្នាយ៉ាងជិតស្និទ្ធ។ ក្នុងនាមជាអ្នកនិពន្ធ និងអ្នកធ្វើយុទ្ធនាការផ្សព្វផ្សាយអំពីសុខភាពផ្លូវចិត្តមួយរូប លោកស្រី Rachel Kelly បាននិពន្ធសៀវភៅ The Happy Kitchen: Good Mood Food ដែលសៀវភៅនេះបង្រៀនយើងអំពីទំនាក់ទំនងមួយនេះហើយវាបានក្លាយជាបេសកកម្មមួយរបស់លោកស្រី។ ត្រលប់ទៅកាលពីឆ្នាំ១៩៩៧ លោកស្រី Kelly បានធ្វើការជាអ្នកសារព៌ត៍មាននៅឯ The Time នៅទីក្រុងឡុងដ៍។ លោកស្រីកើតមាននូវរោគសញ្ញាដូចជាញ័រទ្រូង ចង្អោរ និងភាពមិនអាចគ្រប់គ្រងបាននូវគំនិតអវិជ្ជមានបាន ហើយជាលទ្ធផលលោកស្រីមានជំងឺធ្លាក់ទឹកចិត្តធ្ងន់ធ្ងររយៈពេលប្រាំមួយខែ។ ប៉ុន្មានឆ្នាំក្រោយមក លោកស្រី Kelly បានទទួលរងនូវជំងឺធ្លាក់ទឹកចិត្តធ្ងន់ធ្ងរនេះម្ដងទៀតដែលលើកនេះវាមានសភាពយូរជាងលើកមុនទៅទៀត។ នៅពេលដែលលោកស្រីបានទទួលការព្យាបាលរោគសញ្ញាតាមទម្លាប់ចាស់ជាមួយនឹងថ្នាំប្រឆាំងជំងឺធ្លាក់ទឹកចិត្ត (Anti-depressants) និងការព្យាបាលដោយការសន្ទនាគ្នាជាមួយគ្រូពេទ្យដើម្បីជួយលោកស្រីឲ្យចេះគ្រប់គ្រងបញ្ហារបស់លោកស្រីដោយការផ្លាស់ប្ដូរនូវការគិត និងឥរិយាបទរបស់គាត់ (Cognitive behavioural therapy) ក្រោយមកលោកស្រីក៏មានបំណងចង់ស្វែងយល់ពីការព្យាបាលនៃសុខភាពផ្លូវចិត្តទាំងមូល។ ក្រោយមកលោកស្រីក៏ត្រូវបានណែនាំឲ្យជួបជាមួយអ្នកជំនាញខាងអាហារូបត្ថម្ភ ឈ្មោះ Alice Macintosh បន្ទាប់ពីការសហការគ្នា ដែលមានលទ្ធផលជាផ្លែផ្លាមួយបានកើតឡើងគឺពួកគេបាននិពន្ធសៀវភៅមួយក្បាលដែលមានរូបមន្តធ្វើម្ហូបដល់ទៅ ៧០មុខ ដោយអាស្រ័យលើការសិក្សាអំពីអាហារូបត្ថម្ភជាង ១៥០ ប្រភេទផ្សេងៗគ្នា។ ខួរក្បាលទី២ ខណៈពេលដែលការសិក្សាអំពីការព្យាបាលដោយអាហារូបត្ថម្ភ ស្ថិតនៅដំណាក់កាលដំបូងនៅឡើយ លោកស្រី Kelly បានបែងចែកការស្រាវជ្រាវជាពីរតំបន់ដែល ៖ - តំបន់ទីមួយ គឺខ្លាញ់ល្អ ដូចជា អូមេហ្គា ៣ - តំបន់ទីពីរ គឺភស្ដុតាងអំពីពពួកមេរោគល្អក្នុងពោះវៀន (Healthy microbiome or gut flora)។ អាស៊ីតខ្លាញ់អូមេហ្គា៣ (Omega-3 fatty acids) ត្រូវបានជឿជាក់ថា មាននាទីសំខាន់ក្នុងការប្រឆាំងនឹងការរលាកក្នុងរាងកាយរបស់យើង និងមានការសិក្សាខ្លះទៀតបានបង្ហាញថាឥទ្ធិពលរបស់វា គឺរហូតដល់ផ្នែកខ្លះនៃខួរក្បាលដែលត្រូវបានផ្សារភ្ជាប់ទៅនឹងជំងឺធ្លាក់ទឹកចិត្ត។ ស្រដែងគ្នានេះដែរ ការមាននូវពពួកមេរោគល្អក្នុងពោះវៀននេះអាចធ្វើឲ្យមានភាពប្រសើរឡើងនៃអារម្មណ៍ដោយបង្កើននូវសុខុមាលភាពរបស់អ្នក ប៉ុន្តែអ្វីដែលសំខាន់ជាងនេះទៅទៀតគឺ វាមានឥទ្ធិពលដោយផ្ទាល់ទៅលើប្រព័ន្ធភាពស៊ាំរបស់អ្នក។  ហើយសុខភាពប្រព័ន្ធភាពស៊ាំ គឺជាកត្តាមួយទៀតដែលមានការតភ្ជាប់គ្នាយ៉ាងខ្ពស់ជាមួយនឹងសុខភាពផ្លូវចិត្ត។ លោកស្រី Kelly បានបន្តថា មានមនុស្សមួយចំនួនបានហៅក្រពះថាជា “ខួរក្បាលទីពីរ” ហើយនៅពេលដែលនរណាម្នាក់បានទទួលរងពីជំងឺថប់បារម្ភ និងជំងឺធ្លាក់ទឹកចិត្តដូចខ្ញុំ អ្នកទាំងនោះគិតថា “បញ្ហាគឺមកពីខួរក្បាល។” “ឥឡូវនេះខ្ញុំគិតថាការផ្លាស់ប្ដូរគឺយើងកំពុងតែស្វែងរកនូវប្រព័ន្ធទាំងមូលនៃខួរក្បាលនិងផ្លូវដែលវាផ្សារភ្ជាប់ទៅនឹងផ្នែកផ្សេងៗនៃរាងកាយរបស់យើង។”   វិធានមាស (The golden rules) ជាមួយនឹងវិធីធ្វើម្ហូបសុខភាពរបស់ពួកគេ លោកស្រី Kelly និង Macintosh បានបង្កើតជាវិធានទាំង១០ ដើម្បីរៀបចំរបបអាហារ និងជួយដល់សុខភាពផ្លូវចិត្ត៖ 1. បរិភោគអាហារប្រភេទរុក្ខជាតិឲ្យបានច្រើន៖ បន្លែ និងពពួកសណ្ដែក (Legumes) សុទ្ធតែសម្បូរទៅដោយសារធាតុចិញ្ចឹម និងជាតិសរសៃ។ 2. ប្រើជី (Herb) និងគ្រឿងទេសឲ្យបានច្រើន៖ ជាពិសេសនោះ គឺរមៀត និង saffron (ជាប្រភេទគ្រឿងទេសដែលបានមកពីផ្កា Crocus sativus)។ 3. អាហារប្រភេទគ្រាប់ (Nuts)៖ អាហារប្រភេទគ្រាប់អាចជួយឲ្យអារម្មណ៍កាន់តែប្រសើរ។ 4. បរិភោគ ដើម្បីស់អ្នក៖ពោះវៀនរប វាគឺជាការគ្រប់គ្រងតុល្យភាពបាក់តេរីក្នុងក្រពះ​ និងពោះវៀនរបស់អ្នក។ អ្នកគួរតែរក្សាខួរក្បាលទីពីររបស់អ្នកឲ្យរីករាយ និងមានសុខភាពល្អ។​ 5. ខ្លាញ់ គឺជាមិត្តរបស់អ្នក៖ ប្រភេទពពួកខ្លាញ់ល្អ ដូចដែលបាននិយាយពីខាងលើគឺពពួក អូមេហ្គា ៣ គឺត្រូវបានចាត់ទុកថាមានផលវិជ្ជមានទៅលើផ្នែកនៃខួរក្បាលដែលផ្សារភ្ជាប់ជាមួយនឹងការធ្លាក់ទឹកចិត្ត។​ 6. ការទទួលបាននូវតុល្យភាពដ៏ត្រឹមត្រូវនៃប្រូតេអ៊ីន៖ គួរបរិភោគនូវអាហារដែលមានប្រូតេអ៊ីនល្អៗដូចជាត្រី និងសាច់គ្មានខ្លាញ់ជាដើម ហើយចៀសវាងការទទួលទាននូវផលិតផលសាច់កែច្នៃ។ 7. ចៀសវាងការញ៉ាំផ្អែម៖ ជាថ្មីម្ដងទៀត ផលិតផលអាហារកែច្នៃអាចបណ្ដាលឲ្យមានការចុះខ្សោយនៃសុខភាពផ្លូវចិត្ត។ 8. រក្សាលំនឹងជាតិស្ករក្នុងឈាមរបស់អ្នក៖ វាមានសារៈសំខាន់ណាស់សម្រាប់សុខភាពហើយអ្នកមិនត្រូវធ្វេសប្រហែសឡើយ។ 9. ផ្លាស់ប្ដូររបបអាហាររបស់អ្នក៖ អាហារបែបបស្ចិមប្រទេសជាមធ្យម​ មានគ្រឿងផ្សំប្រហែល២០មុខ ប៉ុន្តែបើមនុស្សជំនាន់ដើមវិញ គេបរិភោគច្រើនរហូតដល់១៥០មុខ។ 10. សម្រាក និងការកំសាន្ដ៖ យើងមិនអាចបំភ្លេចអំពីផលប្រយោជន៍នៃការបរិភោគអាហារជាសហគមន៍ និងសកម្មភាពកំសាន្ដសប្បាយនោះទេ ហើយនេះក៏ជាមូលហេតុមួយដែលរាល់ការប្រារព្ធពិធីនៃវប្បធម៌នីមួយច្រើនតែផ្ដោតសំខាន់ទៅលើអាហារ។ លោកស្រី Kelly បាននិយាយថា  “វិធីសាស្ដ្រទាំងនេះ និងការបរិភោគនូវអាហារូបត្ថម្ភពិតជារឿងគួរឲ្យរីករាយមួយសម្រាប់អ្នកដែលមិនចូលចិត្តប្រើថ្នាំ។ វិធីសាស្ត្រនេះនឹងមានការលូតលាស់យ៉ាងខ្លាំងចំពោះសុខភាពផ្លូវចិត្តនាពេលអនាគត។” ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Mental Health​ & Entertainment
Share
  • May 29, 2017 |
  • 7 years ago |
  • 5.2K views

អ៊ីចឹងតើ...បានជានារីជនជាតិជប៉ុនស្រស់ស្អាត ហើយមានរាងស្វែល គួរឲ្យខ្នាញ់ម្លេះ!

ប្រទេសនីមួយៗសុទ្ធតែមានអ្វីប្លែក និងគួរឲ្យចាប់អារម្មណ៍ ដែលធ្វើឲ្យមនុស្សទូទាំងសកលលោកស្ងើចសរសើរ។ តាមប្រពៃណីនិងទំនៀមទម្លាប់របស់ប្រទេសនីមួយៗ វាក៏មានដូចជា របៀបរស់នៅប្រចាំថ្ងៃ និងអ្វីច្រើនទៀត ដែលអ្នកត្រូវរៀនសូត្រផងដែរ។ ឧទាហរណ៍ ប្រទេសឥណ្ឌាមានយូហ្កា និងក្បួនថ្នាំបូរាណ ដើម្បីបង្អួតពិភពលោក។ អ៊ីចឹង តើអ្នកមានឆ្ងល់ទេថា ហេតុអ្វីនារីជនជាតិជប៉ុនស្រស់ស្អាត ហើយមិនងាយចាស់? ជាការពិត អាចនិយាយបានថា ជនជាតិជប៉ុនទាំងប្រុស ទាំងស្រី ភាគច្រើន មានស្បែកស្រស់ស្អាត ហើយមិនងាយចាស់នោះទេ ហើយបើនិយាយរូបរាងវិញ គឺស្រឡូន គួរឲ្យខ្នាញ់តែម្តង។ បើចង់ដឹង អ្នកគួរតែមើលទម្លាប់នៃការរស់នៅរបស់ពួកគេហើយ ៖ · ពួកគេញ៉ាំតែបៃតង ពីព្រោះ វាជាអង់ទីអុកស៊ីដង់ ដែលជួយពន្យារភាពចាស់ជរា។ វាក៏ជួយការពារប្រឆាំងជំងឺមហារីក និងជំងឺបេះដូងផងដែរ។ ជនជាតិជប៉ុនតែងតែញ៉ាំតែបៃតងមួយ ឬពីរពែងជាប្រចាំថ្ងៃ។ · ពួកគេចូលចិត្តអាហារសមុទ្រ ច្រើនជាងសាច់មាន់ សាច់ជ្រូក និងសាច់គោ។ ជាការពិត សាច់ក្រហម ត្រូវបានផ្សារភ្ជាប់ទៅនឹងការរលាក ជំងឺធាត់ លើសទម្ងន់ និងការឡើងកូឡេសស្តេរ៉ូល។ · ជនជាតិជប៉ុនចូលចិត្តត្រីសាលម៉ុន ត្រីធូណា និងបង្គា។ ត្រី ជាប្រភពដ៏ល្អនៃប្រូតេអ៊ីន និងអាស៊ីតខ្លាញ់អូមេហ្កាបី។ · ជនជាតិជប៉ុនញ៉ាំអាហារប្រើមេ ដូចជា kimchi, tempeh, miso, sauerkraut, kombucha និង kefir ដែលវាសំបូរអង់ស៊ីម វីតាមីន និងប្រូប្យូទិក ព្រមទាំងបង្កើនបាក់តេរីល្អៗ ក្នុងក្រពះពោះវៀន។ · ជនជាតិជប៉ុនដើរច្រើនបំផុត ការដើរអាចកាត់បន្ថយស្រ្តេស និងជួយថែរក្សារាងកាយឲ្យមានសុខភាពល្អ និងស្រស់ស្អាត។ · ជនជាតិជប៉ុនភាគច្រើនហាត់ក្បួនការពារខ្លួន ដូចជា ការ៉ាត់តេ យូដូ និងអាគីដូជាដើម ដែលជាហេតុធ្វើឲ្យពួកគេ មានរាងកាយស្រស់ស្អាត រឹងមាំ ងាយបត់បែន និងពូកែអត់ទ្រាំ។ · ជនជាតិជប៉ុនញ៉ាំអាហារតិចៗ ប៉ុន្តែ មានគុណភាព និងមានសុខភាពល្អ។ · ពួកគេចូលចិត្តសមាធិ និងសម្រួលអារម្មណ៍ ដើម្បីកាត់បន្ថយស្រ្តេស និងសម្ពាធការងារ។ ត្រូវចងចាំថា បើគ្មានភាពតានតឹង គុណភាពជីវិតរស់នៅរបស់អ្នក នឹងកើនឡើង៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Weight Management
Share
  • May 29, 2017 |
  • 7 years ago |
  • 4.7K views

វេជ្ជបណ្ឌិតរោគកុមារ៖ អាយុក្រោម ១ ឆ្នាំ កុំឲ្យកូនក្មេងញ៉ាំទឹកផ្លែឈើ

ឪពុកម្តាយគ្រប់រូបគួរកត់សម្គាល់ថា ទឹកដោះម្តាយ ឬទឹកដោះគោកំប៉ុង មានរូបមន្ត និងសារធាតុគ្រប់គ្រាន់ ដែលកូនរបស់អ្នកត្រូវការហើយ ដូច្នេះ ពួកគេគួរតែនៅឲ្យឆ្ងាយពីទឹកផ្លែឈើ ទឹកក្រូច ឬភេសជ្ជៈផ្សេងៗទៀត ពីព្រោះ វាជារបបអាហារខ្វះជាតិសរសៃ និងអាចធ្វើឲ្យកូនក្មេងឡើងគីឡូ ដែលគ្មានសុខភាពល្អទៀតផង។   ទឹកផ្លែឈើ មិនមានសារៈប្រយោជន៍អ្វីច្រើន ចំពោះសុខភាពកុមារអាយុក្រោមមួយឆ្នាំនោះទេ ដូច្នេះ បើកុំឲ្យគេញ៉ាំ គឺល្អជាង នេះបើតាមការសិក្សាថ្មីមួយ ដែលចេញដោយបណ្ឌិតសភា​ផ្នែក​ជំងឺ​កុមារ​អាមេរិក។   ផ្លែឈើ ល្អសម្រាប់សុខភាព ប៉ុន្តែ ការញ៉ាំដោយទំពារ វាល្អជាងការកិន កៀប ឬការញ៉ាំជាទឹកផ្លែឈើកំប៉ុង ដែលវាអាចដាក់បន្ថែមសារធាតុនានា ជាពិសេសគឺជាតិស្ករ។   យ៉ាងណាមិញ ការញ៉ាំក្នុងកម្រិតមួយទាប សម្រាប់កុមារធំៗ វាពិតជាមិនអាចប៉ះពាល់ ចំពោះសុខភាពរបស់ពួកគេឡើយ ប៉ុន្តែ សម្រាប់ក្មេងអាយុក្រោម ១ ឆ្នាំ បើមិនញ៉ាំ គឺល្អជាង។   អ្នកជំនាញបាននិយាយថា ទឹកផ្លែឈើ អាចធ្វើឲ្យកុមារឡើងទម្ងន់ដែលគ្មានសុខភាពល្អ និងឆាប់ខូចធ្មេញ។ ទឹកដោះម្តាយ ទឹកដោះគោ និងទឹកសុទ្ធធម្មតា គឺវាគ្រប់គ្រាន់ សម្រាប់កូនក្មេងហើយ។ តាមការណែនាំ កូនក្មេងអាយុពី ១ ទៅ ៣ ឆ្នាំ មិនគួរញ៉ាំទឹកផ្លែឈើ លើសពី ១១៣ ក្រាមក្នុងមួយថ្ងៃឡើយ៕ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Health Tips Parenting
Share
  • May 25, 2017 |
  • 7 years ago |
  • 3K views

Instagram ជះឥទ្ធិពលអវិជ្ជមានខ្លាំងបំផុតដល់ផ្លូវចិត្តរបស់យុវវ័យជាពិសេសមិត្តនារី

Instagram គឺជាកម្មវិធីបណ្ដាញសង្គមដ៏គ្រោះថ្នាក់បំផុតសម្រាប់សុខភាពផ្លូវចិត្តរបស់យុវវ័យ ហើយកម្មវិធីដែលមានផលប៉ះពាល់អវិជ្ជមានមួយទៀតនោះគឺSnapchatនេះបើយោងតាមរបាយការណ៍ថ្មីមួយដែលចេញផ្សាយដោយThe Royal Society សម្រាប់សុខភាពសាធារណៈនៅចក្រភពអង់គ្លេស។ ការសិក្សារបស់ពួកគេទៅលើ#StatusofMind បានធ្វើការស្រង់មតិពីយុវវ័យប្រមាណជា ១,៥០០នាក់ ដែលពួកគេមានអាយុចាប់ពី ១៤ដល់២៤ឆ្នាំ ហើយការសិក្សានោះគឺផ្ដោតទៅលើកម្មវីធីប្រព័ន្ធផ្សព្វផ្សាយណាមួយដែលមានផលប៉ះពាល់ដល់បញ្ហាសុខភាព និងសុខុមាលភាពដូចជា ជំងឺថប់បារម្ភ ជំងឺធ្លាក់ទឹកចិត្ត ការស្គាល់នូវអត្តសញ្ញាណខ្លួនឯង (Self-identity)និងការយល់ឃើញនៃរូបភាពរាងកាយខ្លួនឯង (Body image)។ YouTube ត្រូវបានរកឃើញថាមានឥទ្ធិពលវិជ្ជមានខ្លាំងជាងគេ នៅពេលដែល Instagram Snapchat Facebook និងTwitter សុទ្ធតែបង្ហាញថាមានផលប៉ះពាល់អវិជ្ជមានទៅលើសុខភាពផ្លូវចិត្តរបស់យុវវ័យ។ បើយោងទៅតាមរបាយការណ៍ដែលបានផ្សាយកាលពីថ្ងៃសុក្របានថ្លែងថា «Instagram គឺជាកម្មវិធីផ្សព្វផ្សាយរូបភាពដែលមានអ្នកលេងច្រើនជាង ៧០០លាននាក់នៅទូទាំងពិភពលោក ហើយកម្មវិធីនេះបានជាប់ចំណាត់ថ្នាក់កំពូលជាកម្មវិធីដែលមានផលប៉ះពាល់អវិជ្ជមានខ្លាំងជាងគេ និងជាពិសេសក្នុងចំណោមមនុស្សស្រី»។ លោក Matt Keracher ដែលជាអ្នកសរសេររបាយការណ៍នេះបាននិយាយថា “Instagram បានធ្វើឲ្យស្រ្ដីវ័យក្មេងចាប់ផ្ដើមប្រៀបធៀបខ្លួនពួកគេទៅនឹងភាពមិនពិត ការប្រមូលផ្ដុំជាច្រើនដាក់ Filter និងការកាត់តនៃភាពពិត។” ស្ដ្រីម្នាក់មិនបានបញ្ចេញអត្តសញ្ញាណបានឆ្លើយតបនៅក្នុងរបាយការណ៍ថា “Instagram គឺងាយនឹងធ្វើឲ្យស្រីៗមានអារម្មណ៍ដូចជារូបរាងរបស់ពួកគេមិនស្អាតដូចអ្នកដែលដាក់ Filter ហើយកែសម្រួលបន្ថែមទៅលើរូបភាពរបស់ពួកគេដើម្បីឲ្យពួកគេមើលទៅគឺល្អឥតខ្ចោះ។” ដើម្បីដោះស្រាយបញ្ហានេះ the Royal Society សម្រាប់សុខភាពសាធារណៈបានអំពាវនាវឲ្យប្រព័ន្ធផ្សព្វផ្សាយសង្គមដើម្បីចាត់វិធានការជួយដល់អ្នកប្រើប្រាស់ក្មេងៗទាំងនោះ ដើម្បីកុំឲ្យមានអារម្មណ៍មិនត្រឹមត្រូវ និងជំងឺថប់បារម្ភដោយដាក់ជាសារព្រមានលើរូបភាពដែលត្រូវបានកែសម្រួលបែបឌីជីថល។ លោក Keracher បាននិយាយថា «យើងមិនមែនអំពាវនាវឲ្យកម្មវិធីទាំងនោះហាមឃាត់មិនឲ្យកាត់ត ឬដាក់ filterនោះទេ ប៉ុន្ដែយើងចង់ឲ្យអ្នកប្រើប្រាស់ដឹងថាពួកគេមិនគួរឲ្យតម្លៃទៅលើរូបភាពដែលត្រូវបានកែសម្រូលហើយនោះ ដូចជារូបភាពពិតទេ»។ លោកបានបន្ដថា «យើងពិតជាចង់ផ្ដល់ឲ្យយុវវ័យនូវវិធីសាស្ត្រ និងចំណេះដឹងមួយដើម្បីណែនាំពួកគេអំពីផលវិជ្ជមាននៃប្រព័ន្ធផ្សព្វផ្សាយសង្គម និងលើកកម្ពស់សុខភាពផ្លូវចិត្ត»។ ការស្រង់មតិបានសន្និដ្ឋានថា ខណៈពេលដែល Instagram បានជះឥទ្ធិពលជាអវិជ្ជមានទៅលើការយល់ឃើញនៃរូបភាពរាងកាយខ្លួនឯង វដ្ដនៃការគេង និងការបន្ថែមនូវអារម្មណ៍នៃការខ្លាចការបាត់បង់។ កម្មវិធីរូបភាពមួយនេះក៏មានចំណុចវិជ្ជមានមួយចំនួនសម្រាប់អ្នកប្រើប្រាស់វា ដើម្បីសម្តែងចេញនូវអារម្មណ៍ និងការស្គាល់អត្តសញ្ញាណខ្លួនឯង។ អ្នកជំនាញ YouTuber Laci Green ដែលមានប្លុកវីឌីអូមួយ ដែលមានអ្នកតាមដានជាង ១៥លាននាក់ បាននិយាយថា «ការអប់រំជុំវិញបញ្ហាសុខភាពផ្លូវចិត្តក្នុងយុគសម័យឌីជីថលនេះ គឺជាការអប់រំដែលចាំបាច់បំផុតសម្រាប់យុវវ័យ»។ នាងបាននិយាយថា «កម្មវិធីដូចជា Instagram និងFacebook បានបង្ហាញពីមនុស្សដែលយើងស្គាល់ និងពិភពលោកជុំវិញខ្លួនយើង។ វាពិតជាងាយនឹងធ្វើឲ្យការយល់ឃើញនៃភាពពិតរបស់យើងប្រែជាខុស។ ទំនាក់ទនងនៅពីក្រោយឧបករណ៍ឌីជីថលអាចជាភាពឯកោមួយ ហើយភាពមិនច្បាស់នៃបញ្ហាសុខភាពផ្លូវចិត្តមានការកើតឡើយច្រើនជាងធម្មតា»។ លោកស្រី Green បានបន្ថែមថា ឥឡូវនេះជាពេលដ៏សំខាន់មួយដែលយើងគួរតែចាប់ផ្ដើមការងារមូលដ្ឋានគ្រឹះ ដើម្បីកាត់បន្ថយនូវហានិភ័យដ៏គ្រោះថ្នាក់នេះ ខណៈពេលដែលអ្នកប្រើប្រាស់ជំនាន់ដំបូងនៃប្រព័ន្ធផ្សព្វផ្សាយឈានចូលដល់វ័យជំទង់។  YouTube គឺជាគេហទំព័រប្រព័ន្ធផ្សព្វផ្សាយតែមួយគត់ដែលនៅក្នុងការសិក្សានេះបានបង្ហាញថាមានផលវិជ្ជមានទៅលើសុខភាពផ្លូវចិត្តរបស់យុវវ័យ។ របាយការណ៍ក៏បានរកឃើញថាវាមិនមែនគ្រាន់តែជាអ្វីដែលយុវវ័យយើងបានចូលរួមនៅលើប្រព័ន្ធផ្សព្វផ្សាយសង្គមប៉ុណ្ណោះទេ ប៉ុន្តែបន្ថែមពីនេះទៅទៀត គឺរយៈពេលដែលពួកគេបានចំណាយទៅលើវា។ យោងទៅតាមរបាយការណ៍យុវវ័យដែលចំណាយពេលច្រើនជាង ២ម៉ោងក្នុងមួយថ្ងៃទៅលើបណ្ដាញសង្គម គឺត្រូវបានរាយការណ៍ថាមានបញ្ហាសុខភាពផ្លូវចិត្តចុះខ្សោយរួមបញ្ចូលទាំងវិបត្តិផ្លូវចិត្ត។ នាយកប្រតិបត្តិនៃ The Royal Society លោក Shirley Cramer បានគូសបញ្ជាក់ក្នុងរបាយការណ៍នោះថា «កម្មវិធីដែលជួយឲ្យយុវវ័យតភ្ជាប់ទៅមិត្តរបស់ពួកគេគឺអាចបង្កជាបញ្ហាសុខភាពផ្លូវចិត្ត»។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • May 25, 2017 |
  • 7 years ago |
  • 3.6K views

តោះ! រោយម្សៅដុតនំ (Baking Soda) នៅលើពូកដែលប្រឡាក់ ហើយរង់ចាំមើលលទ្ធផលទាំងអស់គ្នា

សម័យនេះ ផលិតផលលាងសម្អាតអ្វី ក៏មានលក់ដែរនៅលើទីផ្សារ ប៉ុន្តែ បើអ្នកប្រើប្រាស់ដោយមិនចេះគិតគូរច្បាស់លាស់វាពិតជាមានគ្រោះថ្នាក់ខ្លាំងណាស់ ចំពោះសុខភាព។ ថ្ងៃនេះ យើងខ្ញុំនឹងនាំបងប្អូន ឲ្យស្គាល់ផលិតផលលាងសម្អាតមួយដ៏ល្អមួយ ដែលអ្នកអាចរកឃើញ នៅក្នុងផ្ទះបាយរបស់អ្នក នោះគឺម្សៅដុតនំ។   ការសម្អាតពូកប្រឡាក់ដោយប្រើម្សៅដុតនំ វាជាវិធីសាស្រ្តងាយស្រួល មានប្រសិទ្ធភាពខ្ពស់ ហើយសន្សំសំចៃថវិកាទៀតផង។ ម្សៅដុតនំ អាចជួយកម្ចាត់ស្នាមប្រឡាក់ ជាតិសំណើម កោសិកាងាប់ៗ និងក្លិនមិនអាក្រក់ ចេញពីក្នុងពូករបស់អ្នក។   វិធីសាស្រ្ត ៖ ១ ជូតសម្អាត ឬយកម៉ាស៊ីន មកបូមធូលីដីនៅលើពូកឲ្យស្អាតល្អ ២ បន្ទាប់មក ប្រើតម្រងស្អាតមួយ រួចចាក់ម្សៅដុតនំក្នុងនោះ ដើម្បីរោយវាឲ្យពេញផ្ទៃពូករបស់អ្នក ៣ ទុកវាចោលបីបួនម៉ោង ៤ រួចជូតសម្អាត ឬយកម៉ាស៊ីន មកបូមម្សៅដុតនំនោះចេញវិញ៕ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Vitamins & Nutrition
Share
  • May 24, 2017 |
  • 7 years ago |
  • 3.7K views

៥ សំណួរ ដែលស្រ្តីមានផ្ទៃពោះចង់ដឹងបំផុត

 ១. បើប្រឹងខ្លាំងម្លឹងៗ តើខ្ញុំអាចនឹងបត់ជើងធំដែរឬទេ អំឡុងពេលសម្រាលកូន? មិនចាំបាច់ព្រួយបារម្ភនោះទេ អ្នកមិនអាចឡើយ! វាអាចកើតឡើង តែក្នុងករណីដែលក្រពះពោះវៀនរបស់អ្នកពេញខ្លាំងពេកប៉ុណ្ណោះ។ ដូច្នេះ ចូរផ្តោតសំខាន់ទៅលើកូនរបស់អ្នក កុំគិតរឿងហ្នឹង​ ហើយបើវាកើតឡើងមែនវាក៏មិនជាបញ្ហាអ្វីនោះដែរ។ ២. តើប្រដាប់ភេទរបស់ខ្ញុំអាចយឺត ឬរលុងពេកទេ? ចម្លើយដ៏ខ្លីគឺ ប្រដាប់ភេទរបស់អ្នក បង្កើតឡើងសម្រាប់ធ្វើឲ្យវាយឺត ឬយារ សម្រាប់ការរួមភេទ និងសម្រាលកូននេះឯង ហើយបន្ទាប់ពីនោះ វានឹងត្រឡប់ទៅរកសភាពដើមជាធម្មតា។ ទោះបីមិនដូចមុន ១០០ ភាគរយ ប៉ុន្តែ វាខុសគ្នាតិចតួចបំផុត។ ជាការពិតទ្វារមាសស្រ្តីមានសាច់ដុំចងចាំ ដែលវានឹងត្រឡប់ទៅរកភាពធម្មតា ក្រោយពេលបំពេញការងាររួច។ យ៉ាងណាមិញបើអ្នកព្រួយបារម្ភខ្លាំងថាវានឹងរលុងអ្នកអាចសាកល្បងហាត់ខ្ជឹបទ្វារមាស ដូចជាការដែលអ្នកទប់នោមអ៊ីចឹងបានផងដែរ។ ៣. តើខ្ញុំអាចនឹងឡើងទម្ងន់ច្រើនពេកដែរឬទេ? វាជាសំណួរដ៏រសើបមួយ ដែលស្រ្តីមានផ្ទៃពោះភាគច្រើនឆ្ងល់។ អ្នកអាចសាកសួរគ្រូពេទ្យរបស់អ្នកបាន ពីព្រោះវាក៏អាស្រ័យទៅលើសុខភាព និងទម្ងន់ចាស់របស់អ្នកផងដែរ។ ជាទូទៅ ស្រ្តីមានផ្ទៃពោះគួរតែឡើងទម្ងន់ចន្លោះពី ១០ ទៅ ១២ ឬ ១៦ គីឡូ ដើម្បីបញ្ជាក់ថាអ្នកម្តាយ និងកូនក្នុងផ្ទៃមានសុខភាពល្អ។ ៤. ខ្ញុំលឺថា មនុស្សស្រីពិបាកទប់នោម ក្រោយពេលសម្រាលកូនរួច? ជាការពិត មុន និងក្រោយសម្រាលរួច ប្លោកនោមរបស់អ្នកអាចនឹងពិបាកគ្រប់គ្រងបន្តិច ប៉ុន្តែ ក្រោយសម្រាលកូនរួច ពី ៦ ទៅ ១២ អាទិត្យ វានឹងត្រឡប់មករកធម្មតាវិញ។ ជាថ្មីម្តងទៀត អ្នកអាចហាត់ខ្ជឹបទ្វារមាសដូចដែលយើងបានណែនាំខាងលើនេះ។ ៥. ខ្ញុំ និងស្វាមី មិនហ៊ានរួមភេទនោះទេ ព្រោះខា្លចប៉ះពាល់កូនក្នុងផ្ទៃ តើខ្ញុំគួរធ្វើបែបណាទៅ? វាជាក្តីបារម្ភរបស់គូស្វាមីភាគច្រើន ប៉ុន្តែ ជាការពិត វាមិនងាយប៉ះពាល់ដល់ទារកនោះទេ ប្រសិនបើអ្នកធ្វើវាថ្នមៗ និងគិតពីសុវត្ថិភាពជាចំបង៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Pregnancy & Baby
Share
Top