Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Feb 14, 2017 |
  • 8 years ago |
  • 3.6K views

មួយឈុតអាហារពេលល្ងាចក្រោមពន្លឺភ្លើងទៀន

សម្រាប់គូស្វាមីភរិយា និងគូស្នេហ៍ដែលចង់បង្កើនចំណងស្នេហា ម៉េចនឹងអាចរំលងការញ៉ាំអាហារជាមួយគ្នាបាន ជាពិសេសនៅថ្ងៃ Valentine នេះតែម្តង។ អ្នកអាចនឹងស្រមៃឃើញពីទិដ្ឋភាពដ៏រ៉ូមេនទិចនៃអាហារពេលល្ងាចដ៏ស្ងប់ស្ងាត់ ក្រោមពន្លឺភ្លើងទៀន លាយឡំនឹងចម្រៀងលន្លង់លន្លោច រួមជាមួយនឹងបរិយាកាសយ៉ាងមនោរម្យពីខ្យល់ធម្មជាតិ  តែបើបានមេនញូដែលចម្អិនដោយផ្ទាល់ដៃទៀតកាន់តែពិសេស    ពីព្រោះវាជាការបង្ហាញក្តីស្រឡាញ់ពិតប្រាកដ និងផ្តល់អារម្មណ៍កាន់តែល្អចំពោះគ្នាផងដែរ។ តែដឹងហើយឬនៅថាគួរចម្អិនអ្វី និងគួរមានអ្វីខ្លះទៀតសម្រាប់អាហារមួយពេលនេះ? តេន តេន តេន...មុខម្ហូបដែលក្រុមការងារនឹងណែនាំគឺ «សាល់ម៉ុនចៀនជាមួយនឹងប្រូខូលី!» គ្រឿងផ្សំ៖ សាលម៉ុនលាងស្អាត ៣ ខាំ សម្រាប់មនុស្ស ២ នាក់ ក្រូចឆ្មារ ម្រេចម៉ត់ និងប្រូខូលី។ របៀបចម្អិន៖ •ក្នុងករណីដែលអ្នកទុកសាល់ម៉ុននៅក្នុងទូរទឹកកក អ្នកត្រូវដកវាចេញមកក្រៅក្នុងសីតុណ្ហភាពធម្មតា ហើយទុករយៈពេល១៥ ទៅ ២០ នាទីជាមុនសិន •បន្ទាប់ពីសាល់ម៉ុនមានសីតុណ្ហភាពធម្មតាហើយ  ត្រូវកម្តៅខ្ទះឲ្យក្តៅល្មម  រួចដាក់ប្រេងអូលីវ  ឬប្រេងឆាយើងធម្មតាចូល  (ដាក់ប្រេងល្មម) •ពេលប្រេងក្តៅហើយ អ្នកអាចដាក់សាល់ម៉ុនចូលបាន បន្ទាប់មករោយម្រេចម៉ត់ និងអំបិលពីលើ •អ្នកគួរចៀនខាងដែលមានស្បែករបស់សាល់ម៉ុនជាមុន (ដាក់ភ្លើងល្មមៗ) ហើយពេលដល់កម្រិតឆ្អិនដែលអ្នកចង់បាន អ្នកអាចប្រែទៅខាងមិនមានស្បែក •ចំពោះប្រូខូលី អ្នកអាចស្ងោរ ឬឆាជាមួយនឹងទឹកប្រេងខ្យងដើម្បីឲ្យមានជាតិសិន •ចុងក្រោយ គឺធ្វើទឹកម្រេចសម្រាប់ញ៉ាំជាមួយនឹងសាល់ម៉ុន។ រៀបចំម្ហូបឲ្យមានសោភ័ណភាព ក៏ជាផ្នែកមួយនៃអាហារក្រោមពន្លឺភ្លើងទៀនផងដែរ… •អ្នកអាចប្រើប្រាស់ជាចានថ្មមូល ឬតាមចំណូលចិត្ត •ដាក់សាលម៉ុននៅម្ខាង និងប្រូខូលីនៅម្ខាងទៀតឲ្យរៀបរយ (ស្រូបទឹកឆាប្រេងខ្យងតិចៗបង្កើនពណ៌) •ហាន់ក្រូចឆ្មារជាចំណិតស្តើងៗ រួចដាក់មួយចំណិតនៅជិតសាល់មុ៉ន ឬអ្នកអាចច្នៃក្រូចឆ្មារទៅជារាងបេះដូង (បន្ថែមជីវ៉ាន់សុយបន្តិច បើអ្នកចូលចិត្ត) •ដាក់ទឹកម្រេចក្នុងកូនចាន ជិតចានដាក់សាល់ម៉ុនរបស់យើង។ អាហារក្រោមពន្លឺភ្លើងទៀន មិនមែនមានតែអាហារគោលទេ អញ្ចឹងកុំភ្លេច… ស្រាក្រហម មានសាល់ម៉ុនហើយ បើញ៉ាំជាមួយទឹកដូចជាមិនសូវត្រូវ ទឹកក្រូចក៏ខុសរសជាតិ  យកល្អគឺស្រាក្រហមនេះឯង។ ចំពោះលក្ខណៈគូស្នេហ៍ អ្នកគួរតែប្រើស្រាក្រហមស្រាល ឬក៏ដិតតាមចំណង់ចំណូលចិត្ត ព្រោះពណ៌ក្រហមអាចបង្ហាញសេចក្តីស្នេហារបស់អ្នកទាំងពីរ។ ផ្លែឈើលាងមាត់ មួយនេះមិនចាំបាច់រើសពណ៌ទេ ដោយសារតែស្រាមានពណ៌ក្រហមរួចហើយ អ្វីដែលសំខាន់គឺយកផ្លែឈើមករៀបចំឲ្យស្អាត ដោយកាត់ជាចំនិតរួចផ្គុំគ្នាជារាងបេះដូងក៏បាន។ នំខេក ឬខាប់ខេកសម្រាប់អបអរ នំខេក បើញ៉ាំជាមួយស្រា គឺពិតជាស័កិ្តសម។  វាអាចជាចំនិតនំខេក ឬខេកទាំងមូលតូចល្មមដែលមានសរសេរអក្សរទៅកាន់អ្នកជាទីស្រឡាញ់ក៏បាន។    អ្នកអាចជ្រើសរើសយករសជាតិស្រ្តូបឺរី ព្រោះមានជាតិជូរអែមៗ ត្រូវជាមួយនឹងស្រាក្រហមដែលអ្នកកំពុងតែញ៉ាំ។ សង្ឃឹមថាអ្នកនឹងមានពេលវេលាដ៏ល្អជាមួយគ្នានៅក្នុងថ្ងៃពិសេស ជាមួយឈុតនៃអាហារពេលល្ងាចនេះ ហើយក៏កុំភ្លេចជ្រើសរើសកន្លែង រៀបចំតុ ទៀន និងសម្ភារៈលម្អផ្សេងៗដើម្បីបង្កើតបរិយាកាសល្អៗ  និងធ្វើឲ្យវាក្លាយជាអាហារពេលល្ងាចដែលគួរឲ្យចងចាំបំផុត។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Vitamins & Nutrition
Share
  • Feb 14, 2017 |
  • 8 years ago |
  • 10.8K views

១០វិធីប្រែក្លាយខ្លួនអ្នក និងជីវិតឲ្យល្អប្រសើរ

នរណាក៏ដោយតែងតែជួបប្រទះនឹងភាពបរាជ័យ ព្រោះថាដំណើរជីវិតរបស់យើងម្នាក់ៗមិនអាចចៀសផុតពីបញ្ហា ឬឧបសគ្គផ្សេងៗនោះឡើយ ប៉ុន្តែអ្នកមិនត្រូវស្អប់ខ្លួនឯងនោះទេ។ ជាការពិតណាស់ ប្រសិនបើអ្នកចង់ទទួលបានការគោរព និងក្តីស្រលាញ់នោះ អ្នកត្រូវតែជាអ្នកទីមួយដែលត្រូវផ្តល់នូវតម្លៃទាំងពីរនោះដល់ខ្លួនឯង។ បុគ្គលម្នាក់ៗសុទ្ធតែអាចមិនពេញចិត្តនឹងខ្លួនឯងដោយសារមូលហេតុណាមួយ ដូចជា មានរាងមិនស្អាត មិនទទួលបានការចាប់អារម្មណ៍ពីអ្នកនៅជុំវិញខ្លួន ឬពេលដែលជួបនឹងភាពបរាជ័យក្នុងដំណាក់កាលណាមួយនៃជីវិតជាដើម។ មិនថាអ្នកតូចចិត្តនឹងខ្លួនឯងដោយសារហេតុផលអ្វីនោះទេ សូមធ្វើការសាកល្បងជាមួយនឹងវិធីទាំង១០ខាងក្រោម ដើម្បីកែប្រែផ្នត់គំនិតរបស់អ្នក ហើយស្រលាញ់ខ្លួនឯងជាងមុន។ ជឿជាក់លើខ្លួនឯង! អ្នកត្រូវតែប្រាកដប្រជាជាមួយនឹងអ្វីគ្រប់យ៉ាងដែលខ្លួនធ្វើដោយមានគោលដៅមួយច្បាស់លាស់សម្រាប់ជីវិតរបស់ខ្លួន។ វាក៏ជាវិធីមួយដែលអាចឲ្យអ្នកឈ្វេងយល់ពីសមត្ថភាពរបស់ខ្លួនផងដែរ ហើយអ្នកក៏អាចធ្វើការផ្លាស់ប្តូររឿងបែបណាក៏ដោយ ដោយខ្លួនឯងដែរ។ សូមព្យាយាមផ្លាស់ប្តូរពីរឿងតូចតាច ម្តងបន្តិចៗរហូតដល់បានក្លាយជារឿងធំមួយ។ ត្រូវតែម៉តចត់ ហើយជឿជាក់ និងស្រលាញ់ខ្លួនឯង។ គោរពខ្លួនឯង! ដើម្បីស្រលាញ់ខ្លួនឯង ដំបូងអ្នកត្រូវគោរពខ្លួនឯងជាមុនសិន។ ក្នុងនាមជាមនុស្សម្នាក់ គឺតែងតែងមានចំណុចល្អ និងអាក្រក់ ប៉ុន្តែអ្វីដែលសំខាន់ តើអ្នកផ្តល់តម្លៃលើខាងណាច្រើនជាង។ ហេតុដូច្នេះហើយ គិតបែបវិជ្ជមាន ហើយទុកចំណុចអាក្រក់មួយឡែកសិន។ ថែរក្សារាង! វាហាក់ដូចជាពិបាកជឿបន្តិច ប៉ុន្តែការដែលមានរាងសមល្មមពិតជាមានប្រយោជន៍ខ្លាំងណាស់។ ប្រសិនបើអ្នករាងធាត់ពេក ឬស្គមពេកនោះ អ្នកនឹងមិនមានទំនុកចិត្តលើការបង្ហាញខ្លួននៅចំពោះមុខអ្នកដទៃនោះឡើយ។ ចង់ឲ្យឡើងទម្ងន់គឺងាយមែនទែន តែបើសម្រកវិញ គឺជាកិច្ចការមួយពិបាក។ ហើយការអង្គុយនៅលើកៅអីរកនឹកពីវិធីសម្រកទម្ងន់នឹងមិនបានជាប្រយោជន៍អ្វីឡើយ អ្វីដែលអ្នកត្រូវធ្វើ គឺរៀបចំកាលវិភាគច្បាស់លាស់មួយសម្រាប់ខ្លួនឯង បូករួមជាមួយនឹងការប្តេជ្ញាចិត្តដ៏មុតមាំមួយ ដើម្បីរង់ចាំមើលលទ្ធផលដែលនឹងទទួលបាន។ ធ្វើបែបហ្នឹង អាចនឹងឲ្យទំនុកចិត្ត និងការគោរពខ្លួនឯងនឹងកើនឡើងផងដែរ។ ជួបជាមួយនឹងមនុស្សថ្មី! អ្នកមិនមែនជាមនុស្សតែម្នាក់ដែលជួបប្រទះនឹងបញ្ហាលំបាកក្នុងជីវិតនោះទេ ទេវតាផ្តល់ឲ្យមនុស្សគ្រប់គ្នានូវចំនួនស្មើគ្នានៃបញ្ហា និងដំណោះស្រាយ ប៉ុន្តែគ្រាន់តែក្នុងពេលខុសគ្នា ដោយអ្នកខ្លះសំណាងក៏រកឃើញដំណោះស្រាយក្នុងពេលខ្លី ហើយខ្លះទៀតត្រូវចំណាយពេលយូរ។ ការជួបជាមួយនឹងមនុស្សថ្មីជួយឲ្យអ្នករកឃើញខ្លួនឯង ហើយមានការលូតលាស់ខាងផ្លូវចិត្តគំនិត។ ព្យាយាមស្វែងរកមនុស្សដែលមានចំណូលចិត្ត និងក្តីស្រមៃដូចអ្នក ហើយធ្វើការចែករំលែកគ្នានូវអារម្មណ៍របស់ខ្លួន។ ខណៈនោះ ពួកគេនឹងគោរពស្រលាញ់អ្នក ហើយអ្នកក៏ដូចគ្នាដែរ អ្នកនឹងគោរពស្រលាញ់ខ្លួនឯងដែរ។ ស្តាប់អ្នកដទៃ តែធ្វើតាមបេះដូងរបស់អ្នក! វាអាចជាការគួរសមមួយក្នុងការស្តាប់គំនិត និងដំបូន្មានរបស់អ្នកដទៃ ប៉ុន្តែអ្នកមិនត្រូវផ្តល់ឱកាសឲ្យនរណាម្នាក់មានឥទ្ធិពលលើជីវិតរបស់អ្នកឡើយ។ ពេលដែលអ្នកអនុញ្ញាតឲ្យនរណាម្នាក់គ្របដណ្តប់លើអ្នក ទំនុកចិត្តរបស់អ្នកនឹងគិតឡើងសារជាថ្មី ហើយក៏លែងខ្លាំងក្លាដូចពីមុនដែរ។ ប្រសិនបើមានមិត្តណាម្នាក់ដែលតែងតែទាញយកប្រយោជន៍ពីអ្នកនោះ អ្នកមិនគួររក្សាចំណងមិត្តភាពនេះទៀតឡើយ។ គួរចំណាយពេលជាមួយមិត្តដែលមិនធ្វើឲ្យអ្នកស្ទាក់ស្ទើរលើទំនុកចិត្តរបស់អ្នក។ បន្តសម្រេចក្តីប្រាថ្នារបស់ខ្លួន! អ្នកត្រូវតែជម្រុញខ្លួនឯងឲ្យបន្តសម្រេចរាល់ក្តីប្រាថ្នារបស់ខ្លួនជាបន្តបន្ទាប់ ហើយវានឹងធ្វើឲ្យអ្នកកាន់តែមានទំនុកចិត្តលើខ្លួនឯងបន្ថែមទៀត។ ហើយទំនុកចិត្តនោះនឹងទាក់ទាញខ្លួនអ្នកឲ្យងាកមកចាប់អារម្មណ៍នឹងខ្លួនឯងកាន់តែខ្លាំងទៀត។ កំណត់ទិសដៅដែលត្រូវដើរ ហើយដើរឆ្ពោះទៅរកវាជាមួយនឹងការផ្តោតគោលដៅ១០០%។ មិនថាលំបាកយ៉ាងណា កុំបោះបង់ចោល!!! រៀបចំខ្លួនឲ្យបានស្អាត! «កុំវាយតម្លៃមនុស្សតាមរយៈសំបកក្រៅ» ប្រហែលជាអ្នកធ្លាប់បានលឺពាក្យមួយឃ្លានេះ តែសម័យនេះទៅហើយ មនុស្សភាគច្រើនសុទ្ធតែឲ្យតម្លៃលើលក្ខណៈខាងក្រៅដូចជាសម្លៀកបំពាក់ ទម្ងន់ រូបរាងកាយ និងអំណាចទឹកប្រាក់ ជាដើម។ វាមិនជាកិច្ចការអ្វីធំដុំនោះទេ ព្រោះថាការតុបតែងខ្លួនឲ្យបានស្អាតនឹងធ្វើឲ្យអ្នកមានអារម្មណ៍ល្អចំពោះខ្លួនឯង ហើយអ្នកដទៃទៀតសោតក៏និយាយសរសើរអ្នកផងដែរ។ ប្រាកដណាស់អារម្មណ៍ពេលត្រូវបានគេសរសើរ គឺអារម្មណ៍សប្បាយរីករាយ និងស្រស់ថ្លា។ ស្វែងរកនិមិត្តរូបផ្ទាល់ខ្លួន! និមិត្តរូបនឹងមិនធ្វើឲ្យអ្នកស្រលាញ់ខ្លួនឯងនោះទេ ប៉ុន្តែពួកគេនឹងជាកម្លាំងជម្រុញដោយប្រយោលដែលអាចឲ្យអ្នកក្លាយជាមនុស្សម្នាក់ដែលល្អជាងមុន។ តើអ្នកធ្លាប់មាននិមិត្តរូប ហើយតែងតែកោតសរសើររូបគេ និងស្រម៉ៃថាថ្ងៃណាមួយខ្លួននឹងធ្វើដូចជាគេដែរឬទេ? ពួកគេប្រៀបបានជាកម្លាំងជម្រុញទឹកចិត្តដែលធ្វើឲ្យអ្នករីកលូតលាស់ និងដើរកាន់តែឆ្ងាយនៅក្នុងដំណើរជីវិត ដោយដើរតាមគន្លងរបស់ពួកគេ។ ចាប់ផ្តើមស្រលាញ់ខ្លួនឯង! ប្រើចិត្តគំនិតរបស់អ្នកគិតទៅលើចំណុចខ្លាំង និងចំណុចវិជ្ជមានរបស់ខ្លួនឯង ព្រោះថាសុភមង្គលពិតប្រាកដ និងក្តីស្រលាញ់កតើចេញពីគំនិតបែបនោះ។ ធ្វើជាមនុស្សសុទិដ្ឋិនិយម ហើយត្រូវចេះស្កប់ស្កល់ជាមួយនឹងអ្វីដែលខ្លួនមាន។ ពេលនោះអ្នកនឹងមិនចាំបាច់ខ្វល់ចិត្តក្នុងការដើររកមនុស្សដែលស្រលាញ់អ្នកឡើយ។ កុំតឹងតែងចំពោះខ្លួនឯងពេក! ការស្រលាញ់ខ្លួនឯងអាចនឹងត្រូវការពេលវេលាខ្លះ ហើយការដែលត្រូវបានគេចូលចិត្ត និងសរសើរក៏ត្រូវការពេលវេលាផងដែរ។ មនុស្សម្នាក់ៗមិនគួររំពឹងទុកច្រើនពេកនោះទេ អ្វីដែលគង់នឹងកើត វាគង់តែនឹងកើតទេ តែប្រសិនបើវាមិនកើត ទោះជាប្រឹងយ៉ាងណាក៏គ្មានន័យដែរ។ រឿងល្អៗប្រាកដជាចូលមកក្នុងជីវិតរបស់អ្នក ប៉ុន្តែវាក៏ត្រូវការពេលវេលាដែរ។ «វិធីខាងលើអាចនឹងជួយអ្នកឲ្យក្លាយជាមនុស្សម្នាក់ដែលតែងតែមានក្តីសុខ និងផ្លាស់ប្តូរជីវិតរបស់អ្នកឲ្យកាន់តែប្រសើរ និងស្រស់ថ្លា។ មិនថានៅទីកន្លែងណា ឬពេលវេលាណានោះទេ ត្រូវច្រានចោលនូវភាពខ្មាសអៀន ហើយបញ្ចេញនូវទំនុកចិត្តលើខ្លួនឯងដែលនឹងនាំមកនូវជោគជ័យសម្រាប់អនាគតរបស់អ្នក!!! ស្រលាញ់ខ្លួនឯងឲ្យបានច្រើនៗ...» ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips
Share
  • Feb 13, 2017 |
  • 8 years ago |
  • 11.2K views

ជំងឺហឺតអាចព្យាបាលជាសះស្បើយ ឬយ៉ាងណា?

តើជំងឺហឺតជាអ្វី? ជំងឺហឺត គឺជាជំងឺសួតរ៉ាំរ៉ៃ ដែលធ្វើឲ្យរលាក និងត្បៀតផ្លូវដង្ហើម។ ជំងឺហឺត បណ្តាលឲ្យមានសញ្ញាទាំងបួនដូចជា ឮសូរសំឡេងពេលដកដង្ហើមចេញ ណែនទ្រូងដូចគេរឹប ហត់ និងក្អក។ តើវាជាជំងឺដែលកើតមានពីកំណើត ឬមានកត្តាណាខ្លះដែលបង្កឲ្យមានជំងឺនេះឡើង?   «តួនាទីរបស់ហ្សេនេទិកក្នុងការកកើតជំងឺហឺត» ការកកើតជំងឺហឺត គឺមួយចំណែកទាក់ទងទៅនឹងហ្សេនេទិក មួយចំណែកទៀតទាក់ទងទៅនឹងកត្តាបរិស្ថាន «ផ្សែងបារី ធូលី លម្អងផ្កា…..»។ ចង្កោមគ្រួសារដែលមានជំងឺហឺត បានជម្រុញឲ្យមានការកើនឡើងនូវការស្រាវជ្រាវពីឥទ្ធិពលនៃហ្សែនទៅលើការកើតជំងឺនេះ។ បើទោះបីជាការកំណត់ហ្សែននៃជំងឺហឺតនៅមិនទាន់មានភាពពេញលេញក៏ដោយ ការស្វែងរកហ្សែននេះបានកែប្រែទស្សនៈទៅលើជំងឺហឺតនេះ។ តើជំងឺនេះមានយន្តការយ៉ាងដូចម្តេចខ្លះ? ដំណើរការវិវឌ្ឍនៃជំងឺហឺត ក្នុងអំឡុងពេលធ្វើទុករបស់ជំងឺហឺត     ផ្លូវដង្ហើមដែលរលាក មានប្រតិកម្មទៅនឹងកត្តាបរិស្ថានដែលបង្កជំងឺដូចជា ផ្សែង ធូលី ឬលម្អងផ្កា។ ផ្លូវដង្ហើម រួមតូច និងបញ្ចេញស្លេស្មច្រើន ដោយធ្វើឲ្យពិបាកដកដង្ហើម។  ជំងឺហឺតជាលទ្ធផលនៃការឆ្លើយតបរបស់ប្រព័ន្ធភាពស៊ាំនៅនឹងទងសួត។ ផ្លូវដង្ហើមរបស់អ្នកជំងឺហឺត ងាយនឹងមានប្រតិកម្មទៅនឹងសារធាតុបង្ក។  ពេលប្រឈមមុខទៅនឹងកត្តាបង្ក ទងសួតកន្ត្រាក់ខ្លាំង។ ការរលាកកើតឡើងបន្ទាប់ នាំទៅដល់ ការរួមតូចនៃទងសួត ឡើងស្លេស្ម  ដែលធ្វើឲ្យអ្នកជំងឺក្អក  និងហត់។ អ្វីខ្លះដែលជាសញ្ញាដំបូងរបស់ជំងឺហឺត? សញ្ញាដំបូងរបស់ជំងឺហឺតមានដូចជា៖ •ឮសូរសំឡេងពេលដកដង្ហើមចេញ •ណែនទ្រូងដូចគេរឹប •ហត់ •ក្អក។ តើគេធ្វើរោគវិនិច្ឆ័យជំងឺហឺតដូចម្តេច? ជំងឺហឺតត្រូវបានធ្វើរោគវិនិច្ឆ័យ     ដោយផ្អែកទៅលើ ប្រវត្តិជំងឺនិងគ្រួសារ ការពិនិត្យលើរាងកាយ និងលទ្ធផលតេស្ត (Spirometry)។ តើជំងឺនេះត្រូវព្យាបាលដូចម្តេចខ្លះ?   ហើយជំងឺនេះ ជាដាច់ឬទេ? បើទោះបីជាយើងមិនអាចព្យាបាលជំងឺហឺតនេះឲ្យជាដាច់ក៏ដោយ   ប៉ុន្តែយើងអាចគ្រប់គ្រងវាបាន។ ករណីនីមួយៗ មានលក្ខណៈខុសគ្នា ដូចនេះ អ្នកនិងគ្រូពេទ្យអ្នក ចាំបាច់ត្រូវបង្កើតរូបមន្តព្យាបាលមួយ សម្រាប់អ្នកផ្ទាល់។ រូបមន្តព្យាបាលនេះ  នឹងមានព័ត៌មានស្តីអំពីកត្តាជម្រុញ និងការអប់រំក្នុងការប្រើថ្នាំរបស់អ្នក។ ចំពោះអ្នកដែលមិនបានទទួលការព្យាបាលត្រឹមត្រូវ តើអាចមានផលលំបាកឬកាន់តែធ្ងន់ធ្ងរដល់កម្រិតណាចំពោះករណីជំងឺហឺតនេះ? ជំងឺហឺតស្រួចស្រាវមួយចំនួន    អាចបណ្តាលឲ្យអ្នកជំងឺស្លាប់បាន បើគ្មានការព្យាបាលត្រឹមត្រូវ។ តើមានវិធីសាស្ត្រការពារកុំឲ្យកើតជំងឺនេះដែរឬទេ? អ្វីខ្លះ? ការស្វែងរកកត្តាបង្ក មានសារសំខាន់ខ្លាំង ក្នុងការការពារ និងគ្រប់គ្រងជំងឺនេះ។ តើប្រទេសកម្ពុជាយើងមានករណីកើតជំងឺហឺតនេះច្រើនឬទេ? តើប្រជាជនណាខ្លះដែលប្រឈមទៅនឹងជំងឺនេះជាងគេ? តាមការសិក្សារបស់ European Respiratory Journal ចេញផ្សាយក្នុងឆ្នាំ២០១៤ បង្ហាញថានៅកម្ពុជាហឺតមនុស្សចាស់ដែលមានអាយុច្រើនជាង២០ឆ្នាំមានអត្រាប្រវ៉ាឡង់៥,៥%។ ដកស្រង់ពីបទសម្ភាសន៍រវាងហេលស៍ថាម និងលោកវេជ្ជបណ្ឌិត សេង វីរៈ ជាវេជ្ជបណ្ឌិតឯកទេសខាងផ្នែកជំងឺសួតនៅមន្ទីរពេទ្យមិត្ភភាពខ្មែរ-សូវៀត  

Other Diseases Respiratory​ & Lungs Respiratory​ & Lungs
Share
  • Feb 13, 2017 |
  • 8 years ago |
  • 4.1K views

ផ្តល់ឈាម ផ្តល់ក្តីស្រលាញ់

មានគម្រោងអ្វីខ្លះឬនៅសម្រាប់ថ្ងៃ១៤ កុម្ភៈ ឆ្នាំហ្នឹង? មានកម្មវិធីពិសេសមួយចង់ណែនាំជូនអ្នក... គឺ កម្មវិធី«ផ្តល់ឈាម ផ្តល់ក្តីស្រលាញ់»   បើមានវិបត្តិមិនដឹងថាគួរជូនកាដូអ្វី...ទៅកាន់នរណាខ្លះ... អាចផ្តល់កាដូចេញពីក្នុងបេះដូងផ្ទាល់ ដើម្បីជួយជីវិតមនុស្សដែលជាអំពើមនុស្សធម៌ដ៏ល្អប្រពៃ ព្រមទាំងជាសាក្ខីភាពនៃការចែករំលែកសេចក្តីស្រលាញ់សម្រាប់មនុស្សជាតិផងដែរ... តាមរយៈឈាមដែលអ្នកបានផ្តល់ គឺនឹងអាចជួយសង្រ្គោះដល់ជីវិតមនុស្សដែលកំពុងត្រូវការវា ហេតុនេះហើយ វាប្រៀបបានជាកាដូដែលមានតម្លៃខ្ពស់ ហើយមិនងាយរកទិញបាននោះឡើយ... ចូលរួមនៅទីណា? មជ្ឈមណ្ឌលជាតិផ្តល់ឈាម (ខាងត្បូងមន្ទីរពេទ្យមិត្តភាពខ្មែរ-សូវៀត) ថ្ងៃណា? ទិវានៃក្តីស្រលាញ់ (ថ្ងៃទី១៤ ខែកុម្ភៈ ឆ្នាំ២០១៧) ពេលណា? ពីម៉ោង៨:០០ព្រឹក ដល់ម៉ោង ៤:៣០រសៀល តោះ!!! ចូលរួមទាំងអស់គ្នា ដើម្បីចែករំលែកក្តីស្រលាញ់!!! អាវ៎...ភ្លេចប្រាប់ទៅថា អ្នកផ្តល់ឈាមនឹងបានទទួលកាដូ ព្រមទាំងផ្កាកុលាបផងដែរ...

Health Tips News & Events
Share
  • Feb 13, 2017 |
  • 8 years ago |
  • 21.7K views

ចំណុច៧យ៉ាង បញ្ជាក់ថាមិនមែនជាស្នេហាតែម្ខាង

ការមានចិត្តទៅលើនរណាម្នាក់ជារឿងមួយសាមញ្ញហើយងាយជាទីបំផុត ប៉ុន្តែអ្វីដែលពិបាក គឺថាយើងមិនអាចមើលដឹងពីជម្រៅចិត្តរបស់គេម្នាក់នោះ ថាតើគេមានចិត្តលើយើងវិញឬអត់? ប្រសិនបើអ្នកស្ទាក់ស្ទើរថាគួរបញ្ជាក់ពីអារម្មណ៍របស់ខ្លួនឬអត់ សូមចំណាយពេល៥នាទី ដើម្បីធ្វើការអាននូវចំណុចទាំង៧ខាងក្រោមនេះសិន ហើយសឹមធ្វើការសម្រេចចិត្តថាតើគួរឈានមួយជំហានទៀតទេ៖ •តើកាយវិការរបស់គេប្លែកទេ?   តើគេមានអាកប្បកិរិយាអៀនប្រៀន ពេលនៅក្បែរអ្នកដែរឬទេ? ព្យាយាមពិនិត្យមើលកែវភ្នែករបស់គេ តើគេឧស្សាហ៍ញញឹមមកកាន់អ្នកដោយគ្មានមូលហេតុទេ?ប្រសិនបើគេចែករំលែក ឬឈឺឆ្អាលរឿងរ៉ាវសូម្បីតែរឿងតូចតាចរបស់អ្នក ហើយព្យាយាមនិយាយពីនេះពីនោះរហូត នោះអ្នកមានសង្ឃឹមហើយ។ •តើគេប្រាប់ពត៌មានផ្ទាល់ខ្លួនដល់អ្នកដែរទេ?   ប្រសិនបើគេសុខៗក៏និយាយប្រាប់ពីរឿងផ្ទាល់ខ្លួនរបស់គេដូចជា គ្រួសារ អតីតកាលជាដើមនោះ ជាសញ្ញាមួយដែលបញ្ជាក់ថាគេមានទំនុកចិត្តចំពោះអ្នក ហើយក៏ចង់ឲ្យអ្នកចែករំលែកសេចក្តីសុខ ឬទុក្ខរបស់អ្នកដែរ។ •តើគេឧស្សាហ៍ប៉ះអ្នកដែរឬទេ?   មនុស្សដែលមានអារម្មណ៍ល្អចំពោះអ្នកនឹងប៉ះអ្នកដោយមិនដឹងខ្លួន នេះមិនសំដៅដល់ការលូកលាន់រូបរាងកាយឡើយ អាចជាការប៉ះស្មា ការប៉ះសក់ ការអង្អែលក្បាលជាដើម ទោះបីដោយចេតនា ឬអចេតនាក៏ដោយ។ •តើគេសម្លឹងមើលអ្នកញឹកញាប់ដែរទេ? អ្នកប្រាកដជាព្យាយាមគេចពីកែវភ្នែករបស់គេដោយមានបំណងលាក់បាំងអារម្មណ៍របស់ខ្លួន ដូច្នេះហើយចូរពឹងពាក់មិត្តជិតស្និទ្ធិរបស់អ្នកឲ្យជួយមើលជំនួសវិញ។ ប្រសិនបើគេសម្លឹងមើលអ្នកជាញឹកញាប់ហើយយូរៗនោះ វាជាក្តីសង្ឃឹមមួយទៀតហើយ។ បើចង់ដឹងឲ្យច្បាស់ខ្លួនឯង ត្រូវហ៊ានងាកមើលគេវិញ ពេលដែលមានអារម្មណ៍ថាគេកំពុងសម្លឹងមើលអ្នក បើគេងាកចេញភ្លាមៗនោះ ប្រាកដណាស់ថាគេមានអារម្មណ៍ដូចគ្នាចំពោះអ្នក។ •តើគេមានភាពអៀនប្រៀនទេ ពេលនៅក្បែរអ្នក?   បើឫកពារបស់គេផ្លាស់ប្តូរជាអៀនប្រៀនជាងធម្មតា ពេលដែលមានវត្តមានរបស់អ្នកនោះ ក៏ជាសញ្ញាវិជ្ជមានមួយដែរ។ ប៉ុន្តែសម្រាប់មនុស្សដែលអៀនច្រើន គេនឹងមានអាក្បកិរិយាបែបនោះជាប្រចាំ ហេតុដូចនេះហើយ ត្រូវពិនិត្យមើលចំណុច៦ផ្សេងទៀត ដើម្បីឲ្យប្រាកដចិត្ត។ •តើគេនៅក្បែរអ្នកញឹកញាប់ដែរទេ? តើគេមានចេតនាបង្កើតឱកាសនៅក្បែរអ្នកដែរទេ? តើគេព្យាយាមទាក់ទាញការចាប់អារម្មណ៍ពីអ្នកទេ? ដូចជាការខំប្រឹងនិយាយអំពីអ្វីដែលអ្នកចូលចិត្ត ឬប្រើសម្លេងខ្លាំងៗដើម្បីឲ្យអ្នកបានលឺ? បើគេតែងតែរកលេសតិចតួច ដើម្បីបានជួបអ្នក ដូចជា ខ្ចីរបស់ ពឹងពាក់អ្នកឲ្យធ្វើកិច្ចការអ្វីមួយ បបួលអ្នកទៅកន្លែងណានោះ ហ្នឹងហើយជាភ្លើងខៀវហើយ។ •តើគេមានការគោរពចំពោះអ្នកដែរទេ? ក្នុងករណីអ្នកត្រូវគេធ្វើបាប ឬនិយាយមិនល្អនោះ បើគេចេញមុខតវ៉ា ឬការពារអ្នកនោះ ច្បាស់ណាស់គេចង់ផ្តល់ភាពកក់ក្តៅ និងកិត្តិយសដល់អ្នក។ ជួនកាល គេចែករំលែកនូវរបស់ខ្លះ ឬធ្វើរឿងខ្លះដែលគេមិនងាយធ្វើ តែគេបានធ្វើដើម្បីអ្នក នេះក៏បញ្ជាក់ថាគេមានអារម្មណ៍ល្អចំពោះអ្នកដែរ។   គ្មានអ្វីប្រាកដជាងកែវភ្នែកនោះទេ ប្រសិនបើអ្នកពិតជាចង់ដឹងថាគេមានអារម្មណ៍ចំពោះអ្នកឬទេ អ្នកត្រូវហ៊ានប្រថុយសង្កេតមើលកែវភ្នែកមួយគួនោះ។ បើចង់ឲ្យកាន់តែប្រាកដក្នុងចិត្តទៀតនោះ  សាកល្បងសារភាពប្រាប់គេហ្មងទៅដើម្បីទទួលបានចម្លើយពីក្នុងមាត់របស់គេ…តែបើដឹងថាមិនអាចទៅរួចហើយ កុំខ្ជះខ្ជាយពេលវេលាបន្តទៀតធ្វើអ្វី,,,

Entertainment Family & Relationship
Share
  • Feb 13, 2017 |
  • 8 years ago |
  • 2.2K views

ការពិតរបស់កូឡាជែន

នៅពេលដែលនិយាយដល់ Collagen តើអ្នកនឹងគិតដល់អ្វីមុនគេ? ជាការពិតណាស់ បញ្ហាទាក់ទងសម្រស់នឹងលេចឡើងមកមុនគេ ប៉ុន្តែអ្នកមានដឹងដែរទេថាជាក់ស្តែងការប្រើប្រាស់សារធាតុកូឡាជែនក្រោមរូបភាព ផ្សេងៗគ្នាក្នុងគោលបំណងរក្សាសុខភាពមានលើសពីនេះសន្ធឹកសន្ធាប់  ស្របពេលដែលមានការមន្ទិលសង្ស័យមួយចំនួនទាក់ទងនឹងប្រសិទ្ធភាពក៏ដូចជាសុវត្ថិភាពរបស់សារធាតុនេះផងដែរ។ តើអ្វីទៅជាកូឡាជែន(collagen)? Collagen ជាប្រូតេអ៊ីនដ៏សម្បូរម្យ៉ាងដែលមានលក្ខណៈរឹងមិនរលាយ និងរាងជាសរសៃៗ ដែលត្រូវបានផលិតក្នុងរាងកាយរបស់មនុស្សស្រាប់ ដោយកោសិកាមួយចំនួនពិសេសគឺកោសិកាហ្វីប្រូប្លាស (fibroblast) នៃជាលិកាភា្ជប់ (connectivetissue) ឆ្អឹងសាច់ដុំ ស្បែក សរសៃពួរជាដើម។ វាក៏ជាធាតុផ្សំដ៏សំខាន់របស់សក់ និងក្រចកផងដែរ។ វាត្រូវបានផ្សំឡើងពីអាស៊ីតអាមីនេចម្បង៣ គឺគ្លីស៊ីន(Glycine) ប្រូលីន(Proline) និងអ៊ីត្រូស៊ីប្រូលីន (Hydroxyproline)។  រីឯបំណែករបស់collagen ហៅថា gelatin មានតួនាទីមិនខុសពី collagen ឡើយ។ តើ Collagen មានប្រសិទ្ធភាពយ៉ាងណាខ្លះ? Collagen មាននាទីប្រៀបដូចជាអ្នកទ្រទ្រង់នូវរចនាសម្ព័ន្ធនានានៃសរីរាង្គឲ្យមានភាពរឹងមាំដោយវាធ្វើការភ្ជាប់ជាមួយគ្នាផងដែរនូវសរីរាង្គទាំងអស់នៃរាងកាយទាំងមូល។  លើសពីនេះ Collagen ក៏ត្រូវបានដឹងផងដែរថាអាចជួយជំនួសកោសិកាដែលងាប់ក៏ដូចជាជួសជុលឡើងវិញនូវជាលិកាដែលខូចខាតព្រមទាំងការពារការស្រូបយក និងការរីករាលដាលនៃសារធាតុដែលអាចបង្កជំងឺ មេរោគ និងកោសិកាមហារីកបានទៀតផង។ ដូចនេះហើយបានជា Collagen ត្រូវបាននិយមយកមកប្រើប្រាស់ក្នុងរូបភាពវេជ្ជសាស្ត្រ  និងគ្រឿងសម្អាងយ៉ាងទូលំទូលាយ៖ ១.ប្រើជាបង់សម្រាប់បិទរបួស ជាមួយនឹងឥទ្ធិពលក្នុងការធ្វើឲ្យរបួសឆាប់ជាសះស្បើយ Collagen ក៏ទាក់ទាញផងដែរនូវកោសិកាថ្មីៗឲ្យមកកាន់ទីតាំងរបួសដោយវាបង្កើតជាទម្រង់មួយសម្រាប់កោសិកាថ្មីៗអាចលូតលាស់បានល្អ និងជម្រុញឲ្យមុខរបួសឆាប់ជា។ គួរកត់សម្គាល់ថាបង់ប្រភេទនេះ មិនគួរជ្រើសរើសប្រើប្រាស់សម្រាប់ការរលាកកម្រិតធ្ងន់ដែលមានដំបៅគ្របដណ្តប់ដោយក្រម៉ស្ងួត ឬក៏អ្នកជំងឺដែលមានប្រតិកម្មជាមួយនឹងផលិតផលពីសត្វគោ ឬសត្វសមុទ្រឡើយ។ ២.ប្រើប្រាស់ក្នុងវិស័យកែសម្ផស្ស ការចាក់បំពេញសារធាតុ Collagen ទៅក្នុងស្បែកត្រូវបានធ្វើឡើងដើម្បីធ្វើឲ្យប្រសើរឡើងនៅត្រង់បរិវេណស្បែកដែលជ្រីវជ្រួញ ក៏ដូចជាសម្លាកផ្សេងៗផងដែរពិសេសគឺប្រហោងមុខដោយសារមុនជាដើម។ គួរបញ្ជាក់ផងដែរថា Collagenនឹងត្រូវបានចាក់បំពេញតែតំបន់ស្បែកផ្នែកខាងលើប៉ុណ្ណោះ និងអាចរក្សាប្រសិទ្ធភាពបានរយៈពេលរហូតដល់ទៅ៦ខែ។ ចំពោះការខូចខាតនៃស្បែកនៅជ្រៅច្រើនបំពេញដោយសារធាតុខ្លាញ់ស៊ីលីកូនឬក៏ប្រើប្រាស់បច្ចេកវិទ្យាអ៊ីមផ្លានតែម្តង។ យ៉ាងណាមិញ ការជ្រើសរើសប្រើប្រាស់នូវវិធីសាស្ត្រនេះត្រូវបានប្រុងប្រយ័ត្នខ្លាំងចំពោះអ្នកដែលមានប្រតិកម្ម ឬក៏អាល្លែកហ្ស៊ីជាមួយសារធាតុណាមួយ និងតម្រូវឲ្យមានការធ្វើតេស្តលើស្បែកជាមុនជាចាំបាច់។ ដោយឡែក ការបង្កើនកម្រិត Collagen ក្នុងខ្លួនឡើងវិញដោយការប្រើប្រាស់ Collagen ក្នុងទម្រង់ផ្សេងៗទៀតក៏អាចជួយឲ្យស្បែកមើលទៅមានសភាពតឹងណែន រលោង និងជួយឲ្យកោសិកាថ្មីៗដុះព្រមទាំងជួសជុលនូវកោសិកាចាស់ៗមកធម្មតាទៀតផង។ ក្រៅពីនោះ សុខភាពសក់ក្រចកនិងធ្មេញក៏នឹងប្រសើរឡើង ដោយឥទ្ធិពលនៃCollagen នេះដូចគ្នា។ ៣.វិធីសាស្ត្រតម្រង់ទិសនៃការកកើតថ្មីរបស់កោសិកា(GTR) ក្នុងការវះកាត់មាត់ធ្មេញ, Collagen ដែលមានទម្រង់ជាស្រទាប់របាំង (membrane) ត្រូវបានប្រើក្នុងគោលបំណងជម្រុញការលូតលាស់របស់កោសិកាជាក់លាក់ណាមួយដោយវាក្លាយជារបាំងសម្រាប់បន្ថយល្បឿននៃកោសិកាអេប៉ីតេល្យូម(Epithelium) របស់អញ្ចាញដែលអាចរំកិលទៅដល់ត្រង់មុខរបួសនោះដើម្បីទុកចន្លោះសម្រាប់កោសិកាថ្មីៗ របស់ធ្មេញឲ្យដុះឡើងវិញបានល្អ។ ម្យ៉ាងទៀត ដោយសារ Collagen អាចស្រូបទៅវិញដោយកោសិកា និងត្រូវបានបំផ្លាញទៅវិញដោយឯកឯងដូចនេះអ្នកជំងឺមិនចាំបាច់តម្រូវឲ្យទទួលយកការវះកាត់ម្តងទៀត ដើម្បីដករបាំងCollagen នេះចេញវិញឡើយ។     ៤.Collagen ក្នុងការព្យាបាលរលាកសន្លាក់ឆ្អឹង ដោយយោងទៅលើប្រសិទ្ធភាពក្នុងការកាត់បន្ថយការឈឺចាប់ Collagen ត្រូវបានជ្រើសរើសមកប្រើប្រាស់ក្នុងជំងឺរលាកសន្លាក់ឆ្អឹង។ ប្រសិទ្ធភាពនេះបានមកដោយសារ Collagen ដែលប្រមូលផ្តុំនៅក្នុងឆ្អឹងខ្ចីទៅជួយភ្ញោចកោសិកាដែលនៅក្នុងសន្លាក់ហៅថា Chondrocytes ឲ្យផលិតសារធាតុដែលស្ថិតនៅក្រៅកោសិកា (Extracellular matrix) ដែលធានាមុខងាររបស់ឆ្អឹងខ្ចី។ ដោយឡែក ត្រង់តំបន់សន្លាក់ឆ្អឹងនេះផ្ទាល់ ប្រសិនបើមានកង្វះ Collagen កើតឡើងនឹងធ្វើឲ្យសរសៃពួរក៏ដូចជាសរសៃភា្ជប់ធ្វើចលនាមិនសូវស្រួលនាំឲ្យមានភាពគាំងនិងហើមសន្លាក់និងបញ្ហាដទៃទៀត។ ៥.ជម្រុញមេតាបូលីស និងបង្កើនថាមពល គ្លីស៊ីន (Glycine) ដែលមានក្នុង collagen នឹងជួយក្នុងការស្រូបយកស្ករចូលទៅក្នុងកោសិកា ដើម្បីធ្វើការផលិតថាមពល។ មិនតែប៉ុណ្ណោះ វាក៏ជួយក្នុងការកសាងសាច់ដុំផងដែរដោយវាទៅដុតរំលាយកាឡូរីច្រើនជាងខ្លាញ់នៅក្នុងសាច់ដុំ។ ៦.បណ្តេញជាតិពុលនៅក្នុងខ្លួន គ្លីស៊ីន (Glycine) នឹងទៅកាត់បន្ថយការខូចខាតនៃថ្លើមដោយវាធ្វើការបឺតស្រូបសារធាតុខាងក្រៅផ្សេងៗមិនឲ្យឆ្លងកាត់ថ្លើម។ លើសពីនោះ វាក៏ជួយឲ្យរាងកាយចៀសផុតពីសារធាតុគីមីជាច្រើន  និងកសាងឡើងវិញនូវសុខភាពផ្លូវអាហារផងដែរ។ តើអ្នកអាចបាន Collagen ដោយរបៀបណា? •ការលូតលាស់នៃ Collagen, elastin និងMelanin សុទ្ធតែអាចភ្ញោចតាមរយៈការព្យាបាល ដោយកាំរស្មីឡាស៊ែរដែលប្រើប្រាស់នូវបច្ចេកវិទ្យានៃពន្លឺដែលមានកម្រិតរលកខ្លាំង។ វិធីសាស្ត្រមួយនេះត្រូវបានប្រើប្រាស់ក្នុងការព្យាបាលស្នាមសង្វារ។ •សារធាតុចិញ្ចឹមមួយចំនូនទៀតដែលអាចទ្រទ្រង់ការផលិត ឬស្រូបយកព្រមទាំងបំលែង Collagenឲ្យប្រើការបានរួមមាន៖ •Proline ដែលច្រើនមាននៅក្នុងស៊ុតផ្នែកស សាច់ ឈីស សណ្តែក និងស្ពៃក្តោប •Anthocyanidins ដែលមាននៅក្នុងផ្លែឈើមួយចំនួនដូចជាប្លេកប៊ែរី ប្លូប៊ែរី ឆៀរី និងរ៉ាស់ប៊ែរី •Vitamin C អាចរកបាននៅក្នុងផ្លែក្រូច ស្ត្រូប៊ែរី ម្រេចនិង ផ្កាស្ពៃ •Vitamin A សម្បូរនៅក្នុងអាហារធ្វើពីសាច់សត្វនិង រុក្ខជាតិមួយចំនួនដែលមានផ្ទុក betacarotene •Copper ដែលមាននៅក្នុងខ្យង គ្រាប់ធញ្ញជាតិ សាច់ពណ៌ក្រហម និងនៅក្នុងទឹករ៉ែសម្រាប់បរិភោគមួយចំនួនផងដែរ។ តើ collagen នឹងត្រូវបំផ្លាញឬបាត់បង់នៅពេលណា? ខណៈពេលដែល collagen ត្រូវបានសំយោគនៅក្នុងរាងកាយរបស់មនុស្សដោយធម្មជាតិ វាក៏អាចនឹងបាត់បង់ទៅវិញផងដែរដោយកត្តាទាំងក្នុង និងក្រៅខ្លួនជាច្រើនរួមមាន៖ •វ័យ ការបាត់បង់នៃ Collagen នឹងកើតមានជាបន្តបន្ទាប់ និងកើនឡើងជាពិសេសចាប់ពីអាយុ៤០ ឆ្នាំឡើងទៅហើយចំពោះស្ត្រីក្រោយវ័យអស់រដូវវិញការបាត់បង់របស់វាជាលទ្ធផលធ្វើឲ្យមានបញ្ហាសុខភាពក៏ដូចជាសម្រស់យ៉ាងគួរឲ្យកត់សម្គាល់ដូចជា ស្បែកយារធ្លាក់ លេចឡើងនូវស្នាមជ្រីវជ្រួញ និងភាពចុះទន់ខ្សោយនៃឆ្អឹងខ្ចីនៅនឹងសន្លាក់ផងដែរ។ •ពេលមានបញ្ហាសុខភាពណាមួយ ឬមានភាពតានតឹងអារម្មណ៍    អំឡុងពេលនេះ មិនត្រឹមតែមានការខូចខាត Collagen ទេខ្លួនប្រាណរបស់អ្នកក៏មិនអាចផលិតគ្រប់គ្រាន់នូវអាស៊ីតអាមីនេដោយខ្លួនឯងបានឡើយហើយលើសពីនេះតម្រូវការនៃសារធាតុសំខាន់ៗទាំងនេះក៏មានការកើនឡើងផងដែរដូចនេះជំនួយពីអាហារបំប៉នពីក្រៅពិតជាសំខាន់។ •ការបរិភោគស្ករក្នុងបរិមាណខ្ពស់ អាហារមានកម្រិតជាតិស្ករខ្ពស់អាចបង្កើតឲ្យមានចលនាការមួយដែលស្ករនៅក្នុងឈាមទៅភ្ជាប់ជាមួយប្រូតេអ៊ីនបង្កើតជាផលិតផលថ្មីមួយដែលទៅបំផ្លាញ ប្រូតេអ៊ីនដែលនៅជិតៗដែលក្នុងនោះក៏រួមមានទាំង Collagen ផងដែរជាហេតុធ្វើឲ្យវាមានសភាពស្ងួត ទន់ខ្សោយ និងផុយស្រួយងាយនឹងខូចខាត។ •ការជក់បារី សារធាតុគីមីដែលមាននៅក្នុង បារីអាចទៅបំផ្លាញទាំង Collagenនិង Elastin រីឯសាធាតុនីកូទីនក៏ជះឥទ្ធិពលដល់សរសៃឈាមដែលធ្វើការនាំសារធាតុចិញ្ចឹមនិងអុកស៊ីសែនទៅកោសិកាផងដែរ។ •ពន្លឺព្រះអាទិត្យ កាំរស្មីស្វាយអុលត្រាពីព្រះអាទិត្យ អាចធ្វើឲ្យ Collagen បាក់បែកហើយ ថែមទាំងអាចធ្វើឲ្យមានការកកើតនៃ Elastin ជាមួយនឹងលក្ខណៈខុសប្រក្រតីដែលជម្រុញឲ្យមានការផលិតអង់ស៊ីមទៅបំផ្លាញ collagen បន្ថែមទៀត។ •ភាពខុសប្រក្រតីនៃប្រព័ន្ធភាពស៊ាំ (ការប្រឆាំងនឹងខ្លួនឯង) ករណីខ្លះនៃភាពមិនធម្មតានៃប្រ-ព័ន្ធភាពស៊ាំ គឺធ្វើឲ្យមានការផលិតអង់ទីករដែលប្រឆាំងផ្ទាល់ នឹងប្រូតេអ៊ីនរបស់ខ្លួនឯងផ្ទាល់ក៏អាចរួមមានទាំង Collagen ផងដែរ។ ការប្រើប្រាស់ Collagen ពីផលិតផលខាងក្រៅអាចមានផលរំខានអ្វីខ្លះ? •ការកើនឡើងខ្ពស់នូវកម្រិតកាល់ស្យូមនៅក្នុងខ្លួន ជាពិសេសសម្រាប់  Collagen ដែលមានប្រភពពីឆ្អឹងខ្ចីរបស់ត្រីឆ្លាម និងខ្យងច្រើនផ្ទុកនូវបរិមាណដ៏ច្រើននៃកាល់ស្យូម ហើយជាក់ស្តែងភាពលើសលប់នេះនឹងបង្ហាញឡើងតាមរយៈអាការៈមួយចំនួនដូចជា ការទល់លាមក ការឈឺឆ្អឹងអស់កម្លាំង ក្អួតចង្អោរ និងមានចង្វាក់បេះដូងមិនប្រ-ក្រតីផងដែរ។ កាន់តែត្រូវប្រុងប្រយ័ត្នក្នុងករណីដែល Collagenត្រូវបានប្រើប្រាស់ជាមួយអាហារបំប៉នផ្សេងទៀតដែលមានផ្ទុកសារធាតុកាល់ស្យូមដូចគ្នា។ •ការមានប្រតិកម្មជាមួយនឹងសារធាតុនៃផលិតផល ដោយសារប្រភពនៃ Collagen ដែលចម្រាញ់ចេញពីសត្វសមុទ្រ ឬស៊ុត ដូចនេះប្រតិកម្មអាចកើតមានឡើងជាពិសេសជាមួយក្មេងៗ។ ដូចនេះ ការធ្វើតេស្តមុនប្រើប្រាស់ពិតជាសំខាន់។ •ផ្តល់នូវរសជាតិនិងក្លិនមិនល្អជាប់នៅក្នុងមាត់ ការប្រើប្រាស់ផលិតផល Collagen ជាមួយទឹកផ្លែឈើដើម្បីបិទបាំងរសជាតិនិងក្លិនមិនល្អរបស់វាអាចនិយមប្រើប្រាស់ ប៉ុន្តែត្រូវប្រុងប្រយ័ត្នចំពោះផ្លែឈើដែលមានសារធាតុអាស៊ីតដូចជា ក្រូច ប៉ោម ទំពាំងបាយជូ ប៉េងប៉ោះ ដោយសារវាអាចកាត់បន្ថយឥទ្ធិពលរបស់ Collagen បាន។ •ការបាត់បង់ចំណង់អាហារ អាចនឹងកើតមាននៅអំឡុងពេលប្រើប្រាស់វាផងដែរដូចនេះការប្រើប្រាស់ខុសពីគោលបំណងក្នុងការសម្រកទម្ងន់នឹងក្លាយទៅជាផលរំខានទៅវិញ។ ទោះបីផលរំខានទាំងនេះកើតមានក្នុងភាគរយតិចក៏ដោយ ប៉ុន្តែមុននឹងសម្រេចចិត្តជ្រើសប្រើប្រាស់ ប្រភេទ Collagen ប្រភេទណាមួយ អ្នកគប្បីពិគ្រោះជាមួយវេជ្ជបណ្ឌិត ឬក៏អ្នកជំនាញសើស្បែកណាមួយ ដើម្បីធានាឲ្យបានការប្រើប្រាស់ប្រកបដោយប្រសិទ្ធភាព និងចៀសផុតពីផលរំខានក៏ដូចជាគ្រោះថ្នាក់ផ្សេងៗ។

Health Tips
Share
  • Feb 12, 2017 |
  • 8 years ago |
  • 7.7K views

ទឹកចិត្តគ្រូពេទ្យគឺបែបនេះឯង...

មិនតូចចិត្តនោះទេ ព្រោះជាកាតព្វកិច្ចដែលត្រូវបំពេញ...ដើម្បីរួមចំណែកក្នុងការទ្រទ្រង់វិស័យសុខាភិបាលនៅប្រទេសយើង ទោះបីជាត្រូវលះបង់ពេលវេលាផ្ទាល់ខ្លួនច្រើនក៏ដោយ ជាពិសេសបុណ្យជាតិធំៗដូចជាចូលឆ្នាំខ្មែរអីហ្នឹង... រាល់ឆ្នាំ...ពេលដែលគេគ្រប់គ្នាចាប់ផ្តើមត្រៀមខ្លួនធ្វើដំណើរទៅកាន់ស្រុកកំណើត ខ្ញុំក៏មិនត្រៀមដែរ គឺត្រៀមស្បៀងសម្រាប់ញ៉ាំរយៈពេលប៉ុន្មានថ្ងៃហ្នឹង ព្រោះហាងភាគច្រើនក៏បិទអស់ហើយ...បើមិនត្រៀមទុកមុន អាចប្រឈមនឹងគ្រោះទុរភិក្ស... កន្លែងដែលត្រូវទៅ គឺនៅតែមិនផ្លាស់ប្តូរ...បើទោះជាតាមដងផ្លូវមិនសូវមានមនុស្សម្នាកកកុញដូចរាល់ថ្ងៃក៏ដោយ...ការងារដែលត្រូវបំពេញ ក៏នៅតែដូចដើមដដែលហ្នឹង... សម្រាប់ពួកខ្ញុំ...បានត្រឹមcallទៅសួរសុខទុក្ខអ្នកផ្ទះ បានត្រឹមលឺសំឡេងពួកគេជួបជុំគ្នាយ៉ាងសប្បាយ តែខ្លួនឯងក៏មានអ្នកកំដរដែរ គឺមិត្តរួមការងារ និងអ្នកជំងឺ...សំខាន់ ថ្មីៗនេះ ក៏មានកម្មវិធីផ្សាយផ្ទាល់(live)តាមហ្វេសប៊ុកហ្នឹងទៀត...ពេលទំនេរ ចង់scrollលេងហ្វេសប៊ុកបំបាត់អផ្សុកក៏រឹតតែឈឺចាប់...អ្នកផ្ទះក៏live ទំព័រហ្វេសប៊ុកផ្សេងៗក៏live...គឺថា...សិល្បៈនៃការចែករំលែកពេញទំហឹង... ពេលខ្លះ...ក៏ចង់ជួបជុំជាមួយនឹងសមាជិកគ្រួសារដូចគេដូចឯងដែរ...តែពិតជាមិនអាច... ប៉ុន្តែ...រាល់ពេលដែលនឹកគិតដល់ស្នាមញញឹមរបស់អ្នកជំងឺ ព្រមទាំងសាច់ញាតិរបស់ពួកគេ គឺពិតជាមានកម្លាំងចិត្តខ្លាំងណាស់...Motivation level គឺឡើងស្រឺតៗតែម្តង...អាចជាចំណែកមួយនៃការផ្តល់នូវក្តីសង្ឃឹមឡើងវិញដល់ប្រជាជនកម្ពុជា គឺជាមោទនភាពដែលតែងតែមានរហូតមកទៅហើយ... វេលាតែមួយ អារម្មណ៍ពីរ!!! © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education For Health Practitioners
Share
  • Feb 12, 2017 |
  • 8 years ago |
  • 1.6K views

បង្ហាញក្តីស្រលាញ់តាមកម្រិតសិក្សា(1990s-2010s)

ខណៈនេះ យើងងាកមកគិតអំពីវិធីបង្ហាញវាចាបេះដូងទៅតាមកម្រិតនៃការសិក្សាវិញម្តង ហើយក៏ចង់បញ្ជាក់ផងដែរថា វាអាចនឹងមិនដូចជាអ្វីដែលអ្នកធ្លាប់ជួបកន្លងមក ឬក៏ខុសកម្រិតគ្នា តែនេះគ្រាន់តែជាអ្វីដែលអេដមីនឧស្សាហ៍ជួប និងឃើញក្នុងជំនាន់តែប៉ុណ្ណោះ… ជឿជាក់ថា មានមនុស្សមិនតិចទេដែលធ្លាប់លួចក្រាស់គេ មិនថាដោយលួចលាក់ទុកក្នុងចិត្តតែម្នាក់ឯង ឬបានប្រាប់ពួកម៉ាកខ្លះឲ្យដឹងនោះទេ…គឺដឹងតែថា កាលពីនៅក្មេង ប្រាកដជាមិនទាន់មានអីទំនើបដូចជាទូរស័ព្ទសម្រាប់stalkគេនោះទេ ហើយវិធីតាមគេនោះ ក៏មានលក្ខណៈប្រពៃណី តែបើគិតឡើងវិញ ក៏គិតថាគួរឲ្យស្រលាញ់ម្យ៉ាងដែរ… តោះ! សូមធ្វើតាមខ្ញុំ!!!  បិទភ្នែក…ព្យាយាមកុំគិតពីអ្វីទាំងអស់…ដកដង្ហើមចេញ ដកដង្ហើមចូល….ធ្វើបែបនេះ ប្រមាណ២នាទី… ហើយ…បើកភ្នែកវិញ…អានបន្តទៀត XD (លលេងតិចហ្នឹងណា៎!!!) កម្រិតមត្តេយ្យសិក្សា នៅក្មេងពេក!!! ធ្វើអីកើត?? នៅតែអាច…ព្រោះថា អ្វីក៏អាចកើតមានដែរ (ចាំទេ៎? Nothing is Impossible…) ១. ទិញរបស់ញ៉ាំ ឬរបស់លេងឲ្យគេ មានលុយតិចបំផុត តែរបស់លេង ឬញ៉ាំសម្រាប់ក្មេងមានទៅថ្លៃអីម៉ាន…គឺថា ឆ្លៀតបាន ចេះតែឆ្លៀតទៅ!!! សន្សំតិចតួច ហើយក៏ដើរយ៉ាងរីករាយទៅកាន់តូបនំ ទិញ២ចំណែក សម្រាប់គេមួយ ខ្លួនឯងមួយ… កម្រិតបឋមសិក្សា រាងធំបន្តិចហើយ តែតាមពិតទៅ មិនគួរមានស្នេហាក្នុងវ័យនេះទេ តែធ្វើម៉េច បើជ្រុលស្រលាញ់ហើយ…ក្រែងគេថា អាយុគ្រាន់តែជាតួលេខហី… ២. សរសេរលើតុរៀន គ្រូហាមថា មិនឲ្យសរសេរអីនៅលើតុជាដាច់ខាត ជាពិសេសគឺយកទឹកលុបសរសេរ…មានអ្នកខ្លះ សរសេរលើតុឯងសមជាស្រេច ហើយលួចសរសេរនៅលើតុគេ     សារភាពបែបប្រពៃណីហ្មងហា៎!!! ក៏មានអ្នកខ្លះទៀត ស្តាប់បង្គាប់គ្រូ ហើយក៏ឆ្លៀតសរសេរដែរ តែគេចេះរកក្រដាសសរសេរត្រឹមត្រូវ រួចបានរកស្កុតទៅបិទលើតុគេ។ ៣. ខ្ចីសៀវភៅ «សុំខ្ចីសៀវភៅចម្លងមេរៀនសិនម៉ោ…» លេសណាស់!!! ការពិត ចង់បង្កើតឱកាសឲ្យខ្លួនឯងសោះ…មុនពេលយកសង មិនភ្លេចទេ សរសេរnoteផ្ញើឲ្យគេ មិនថាជាពាក្យអរគុណ ឬពាក្យក្នុងចិត្តនោះទេ(ស្ទាយហ្នឹង ត្រូវប្រយ័ត្នតិច ខ្លាចលោថាប៉ាម៉ាក់គេឆែកសៀវភៅអីហ្នឹង…នាំរឿងឲ្យគេប៉ាដោយ) ៤. បោះរបស់ទៅលើតុគេ កំសាក៥០% ត្រង់ថាហ៊ានឲ្យគេផ្ទាល់ដៃដែរ តែបានត្រឹមបោះ…ខ្លះក៏បត់ជារូបយន្តហោះនាំវាចាបេះដូងទៅប្រាប់គេ…ខ្លះទៀត ក៏ទិញស្ករគ្រាប់ ឬកាដូតូចៗខ្ចប់ជាមួយនឹងសំបុត្រ…(បើប្រើវិធីនេះ ត្រូវតែសមដៃឲ្យបានស្ទាត់សិន ប្រយ័ត្នគប់ខុសមនុស្ស ឬត្រូវដែរ តែត្រូវគេ) ៥. ដាក់កាដូក្នុងកន្រ្តកកង់ ឬម៉ូតូ ព្រោះតែមិនទាន់មានភាពក្លាហានក្នុងការប្រឈមនឹងគេផ្ទាល់ តែនេះប្រឈមខ្លាំងនឹងការបាត់កាដូច្រើនជាង…អញ្ចឹងហើយ បើដាក់ ត្រូវនៅឃ្លាំមើលផងថាតើបានដល់ដៃគេឬអត់? ៦. សរសេរសំបុត្រស្នេហា ប្រហែលជាមានមិនច្រើនទេ តែវិធីហ្នឹង ពិតជាបងា្ហញពីទឹកចិត្តមែន ហើយក៏ជាវិធីប្រសើរបំផុតសម្រាប់អ្នកដែលមិនសូវចេះវោហាសាសព្ទតាមពាក្យសម្តីដែរ…អស់ក្រដាសតែមួយសន្លឹក តែក៏អាចបង្ហាញនូវអ្វីដែលកប់ទុកក្នុងបេះដូង កម្រិតឧត្តមសិក្សា និងក្រោយឧត្តមសិក្សា វ័យនេះ បានចាស់ចិត្ត ចាស់គំនិតគ្រាន់បើ…មិនប្រើវិធីបែបក្មេងៗ លាក់មុខលាក់ក្រោយទៀតហើយ… ៧.  ប៉ាវញ៉ាំអាហារ អាចជាអាហារពេលថ្ងៃត្រង់ ឬអាហារពេលល្ងាចនៅកន្លែងណាមួយ…ស្ថានភាពបែបនេះមានបង្ហាញច្រើន នៅក្នុងរឿងកុន និងរឿងភាគហើយ… ៨. ប្រើប្រាស់គ្រឿងអេឡិចត្រូនិច ច្រើនបែប ច្រើនយ៉ាងណាស់…ទាំងក្រៅ និងក្នុងប្រព័ន្ធអ៊ីនធឺណែត…ហើយមិនចង់ឲ្យទ្រលាន់ អាចប្រើស្នៀតទាំងនេះបាន ស្នៀតសារភាពស្នេហ៍ដែលមិនទ្រលាន់  នៅចាំបានទេថា មកទល់ពេលនេះ…ធ្លាប់ប្រើវិធីមួយណាខ្លះហើយ? ឬក៏ធ្លាប់ត្រូវបានគេប្រើវិធីណាមកលើខ្លួនដែរ? គ្រាន់តែជាការរំលឹកអនុស្សាវរីយ៍ល្អៗលេងលេងហ្នឹងណា៎…

Entertainment
Share
  • Feb 12, 2017 |
  • 8 years ago |
  • 1.8K views

ធ្វើបែបណាចេញពីBrotherzoneបាន៎?

កាលពីថ្ងៃមុន បានស្តាប់ចម្លើយខ្លះៗដែរ…បើអ្នកណាមិនទាន់បានដឹងសាច់រឿងពីមុនទេ អាចអានតាម គួរសារភាពឬអត់? បាន… មុននឹងបន្តសាច់រឿងរបស់ខ្ញុំ សូមអរគុណដល់មិត្តក្នុងហ្វេសប៊ុកមួយចំនួនដែលបានអានវិបត្តិ និងជួយផ្តល់យោបល់ និងអរគុណជាពិសេសដល់Editorក្នុងគេហទំព័រស្រាប់ដែលបានជួយផ្សព្វផ្សាយ និងផ្តល់ការប្រឹក្សា… អឺម…គឺ…ក្រោយពីពិចារណាទៅលើចម្លើយដែលគ្រប់គ្នាបានប្រាប់ ខ្ញុំក៏សម្រេចចិត្តសារភាពទៅគេតែម្តងនៅថ្ងៃ១៤កុម្ភៈ។ ដោយមិនបាននិយាយអ្វី ខ្ញុំបានយកបាច់តុក្កតាដាក់ក្នុងកន្រ្តកម៉ូតូរបស់គេ ព្រមជាមួយនឹងសំបុត្រមួយ និងសៀវភៅកំណត់ហេតុស្នេហ៍តែម្ខាងរបស់ខ្ញុំ… ខ្ញុំលបមើលប្រតិកម្មរបស់នាងពេលដែលឃើញវាពីចម្ងាយ តែទឹកមុខនាងឡើងស្មើ សូម្បីតែញញឹមតែបន្តិចក៏គ្មានដែរ…ឡើងអស់រលីងហ្មង!!! គិតថាប្រុងនឹងឆាតទៅគេ តែស្រាប់តែ…មានម្នាក់ប្រុសនោះមកពីណាក៏មិនដឹង ហុចផ្កាមួយបាច់ឲ្យនាង ហើយនាងញញឹមឡើងស្រស់ទទួលយក ដោយនិយាយស្អីគេខ្លះទេ តែដឹងថាសើចយ៉ាងកក្អឹក!!! ហ៊ើយ!!! Is it called Heartbroken??? ខ្ញុំបានត្រឹមផុសstatusចោលម្នាក់ឯង ហើយជាថ្មីម្តងទៀត…ទឹកភ្នែកស្រក់មិនដឹងខ្លួន…ខ្ញុំប្រញាប់តេរកអាពួកម៉ាករកកន្លែងផឹក…មិនខ្វល់អ្វីទេ គឺដឹងត្រឹមថាខូចចិត្តកម្រិតចង់ផឹកឲ្យសន្លប់!!! ខ្ញុំអង្គុយផឹកផង រអ៊ូផង…ដែលសំខាន់ គឺអូសអាពួកម៉ាកប៉ុន្មាននាក់មកនេះ សុទ្ធតែអ្នកមានគូហើយជាប់ណាត់ទៀត ម្នាក់ៗអង្គុយមើលតែម៉ោង ហើយបបួលខ្ញុំឲ្យឆាប់ចូលផ្ទះ…តែខ្ញុំក៏ដេញពួកវាទៅកំដរសំណព្វចិត្តទៅ…នៅម្នាក់ឯង មិនស្លាប់ទេ!!! ជុំវិញខ្លួន ភាគច្រើនជាគូៗ បើអត់គូ ក៏ជាក្រុមដែរ…កំសត់អីតែខ្ញុំ…មួយសន្ទុះក្រោយមក មានចែម្នាក់នោះដើរមករកខ្ញុំ ស្រវឹងតិចៗហើយ មើលមិនសូវច្បាស់សោះ…ទាល់តែគេមកជិត ហើយក្តិចមួយ ទើបដឹងថា…គឺនាង??? ស្វាងហ្មង!!! នាងមិននិយាយអ្វី តែក៏សុំកែវគេថ្មីមួយ ហើយដកទូរស័ព្ទមកចុចធ្វើព្រងើយ…អា៎!!! chatមកខ្ញុំតើ…«អរគុណសម្រាប់កាដូ តែសុំត្រឹមsis broបានហើយ ព្រមហេ៎???» ខ្ញុំក៏បង្អង់យូរ ក៏ផ្ញើsticker YES ឡើងលឿន…យើងក៏ផឹកលេងលេង ស្តាប់ភ្លេង ហើយជជែកគ្នាដូចពីមុន…ចែហ្នឹង គួរឲ្យស្រលាញ់ដល់ហើយ!!! ចឹងបានខំលួចស្រលាញ់តាំងពីជួបដំបូងម៉ោ… Bro and sis មានអីមិនល្អ…លើសពីមិត្តភក្តិ តែមិនមែនជាសង្សារ!!! តែប៉ុណ្ណេះ ក៏គ្រប់គ្រាន់ហើយ…ទៅថ្ងៃមុខ broម្នាក់នេះ ក៏អាចនឹងមានឱកាសក្លាយជាអ្វីផ្សេងក៏មិនដឹង … តែ…គ្រាន់តែមិនទាន់មានវិធីនៅឡើយ ថាតើគួរធ្វើបែបណាទើបចេញពីBrotherzoneបាន៎? មាននរណាដឹងទេ? ជួយប្រាប់ខ្ញុំផង…

Ear Nose Throat
Share
  • Feb 12, 2017 |
  • 8 years ago |
  • 3.2K views

ត្រឹមតែ៥៤ម៉ោង ធ្វើការពង្រីកគំនិតអាជីវកម្មអំពី FinTech

ក្រោមប្រធានFinTech (Finanical Technology) នៅឯTRYBE (ទល់មុខសាកលវិទ្យាល័យពុទ្ធិសាស្រ្ត)  Startup Weekend Phnom Penh បានដំណើរការទៅយ៉ាងរលូនដោយជ្រើសរើសបានក្រុមជ័យលាភីមួយក្រុមដែលបានធ្វើការរៀបចំនូវគម្រោងអាជីវកម្មរបស់ខ្លួនមានឈ្មោះថា «Angkor Biz Pool» ទាក់ទងទៅនឹងការរៀបចំជាPlatformសម្រាប់សម្រួលដល់អ្នកប្រើប្រាស់ក្នុងការរៀបចំនូវសំណុំឯកសារទាក់ទងនឹងពន្ធ។ ក្នុងរយៈពេល៥៤ម៉ោង ដោយគិតចាប់ពីល្ងាចថ្ងៃសុក្រទី៣ ដែលជាការបើកកម្មវិធី ដោយមានការបង្ហាញនូវគំនិតអាជីវកម្មជាលក្ខណៈបុគ្គលរបស់បេក្ខភាពដែលស្ម័គ្រចិត្ត(ម្នាក់មានរយៈពេលតែ១នាទីតែប៉ុណ្ណោះ) និងការជ្រើសរើសក្រុមសម្រាប់ធ្វើការអភិវឌ្ឍគំនិតអាជីវកម្មឲ្យកាន់តែល្អប្រសើរក្នុងរយៈពេល២ថ្ងៃបន្ទាប់ ដោយក្នុងចំណោមសមាជិកប្រមាណ៥០នាក់ដែលបានចូលរួម គឺមាន៦ក្រុមត្រូវបានបង្កើតឡើង។ ក្រោយពីរួមគ្នាបង្កើតជាក្រុមហើយ សមាជិកទាំងអស់ក៏មានឱកាសទទួលបានការបង្ហាត់បង្ហាញពីសំណាក់វាគ្មិនកិត្តិយសដែលមានបទពិសោធន៍ច្រើនឆ្នាំក្នុងវិស័យនេះ ព្រមទាំងផ្តល់ការប្រឹក្សាធ្វើយ៉ាងណាឲ្យគំនិតដែលក្រុមបានគិតទុកកាន់តែល្អប្រសើរឡើង។  នាល្ងាចថ្ងៃអាទិត្យ ក្រុមទាំង៦ក៏មានឱកាសពិសេសមួយទៀត ធ្វើបទបង្ហាញអំពីគម្រោងអាជីវកម្មរបស់ខ្លួនទៅកាន់គណៈកម្មការដែលសុទ្ធតែអ្នកមានសក្តានុពលមកពីផ្នែកធនាគារ និងបច្ចេកវិទ្យា។ យើងសង្កេតឃើញថា គំនិតអាជីវកម្មនីមួយៗសុទ្ធតែមានលក្ខណៈពិសេស និងប្លែកៗពីគ្នា ដែលប្រាកដណាស់សុទ្ធតែវិធីដោះស្រាយនូវវិបត្តិណាមួយដែលកំពុងតែត្រូវបានប្រឈមនៅប្រទេសកម្ពុជា។ នេះជាកម្មវិធីមួយទៀតដែលបានចូលរួមចំណែកយ៉ាងក្នុងការគាំទ្រនូវការផ្តួចផ្តើមអាជីវកម្មថ្មីនៅក្នុងប្រទេសកម្ពុជា ដើម្បីកុំឲ្យសុបិន្តនៅតែជាសុបិន្ត ឬគំនិតនៅតែគំនិត ដូចជាគោលការណ៍មួយរបស់កម្មវិធីដែលបានលើកឡើងថា “No talk, All action” គឺមិនមែនជាវេទិកាដែលអ្នកចូលរួមស្តាប់វាគ្មិនតែមួយមុខប៉ុណ្ណោះទេ គឺមានស្តាប់ទាំងទ្រឹស្តី ជជែកពិភាក្សា និងធ្វើសកម្មភាពទៅតាមលទ្ធភាពដែលមាននៅក្នុងពេល៥៤ម៉ោងដែលមាន។ ក៏នឹងមានStartup Weekendជាបន្តបន្ទាប់ផងដែរ ដែលនឹងធ្វើឡើងក្រោមប្រធានបទផ្សេងៗពីគ្នា…សម្រាប់អ្នកដែលខកខានឱកាសលើកនេះ ប្រហែលជាអាចចូលរួមលើកក្រោយបាន

Career & Education News & Events
Share
  • Feb 10, 2017 |
  • 8 years ago |
  • 3.4K views

យោគៈសម្រាប់អ្នកប្រាថ្នាចង់បានមុខស្លីម

កង្វល់នៃមនុស្សសម័យថ្មីច្រើនតែជាបញ្ហាឡើងទម្ងន់ ក៏ដូចជាបរិមាណខ្លាញ់លើសកម្រិតនៅក្នុងសារពាង្គកាយ ហើយក៏ប្រហែលជាមើលរំលងពីកម្រិតជាតិខ្លាញ់នៅលើមុខរបស់ខ្លួន។ ប៉ុន្តែតើអ្នកដឹងទេថា វាអាចនឹងធ្វើឲ្យបាត់បង់នូវសោភ័ណភាពនៃមុខមាត់របស់អ្នក និងកាត់បន្ថយនូវមន្តស្នេហ៍ទាក់ទាញរបស់រូបអ្នកផងដែរ? អ្វីដែលមនុស្សជាទូទៅដឹងនោះ គឺថាយោគៈអាចនឹងជួយឲ្យសាច់ដុំក្បាលពោះរបស់អ្នកថយចុះ ឬក៏សម្រកទម្ងន់ ហើយនៅក្នុងអត្ថបទនេះ ហេលស៍ថាម នឹងបង្ហាញជូនលោកអ្នកនូវចលនាយោគៈលើមុខដែលលោកអ្នកគួរអនុវត្ត ដើម្បីទទួលបានទម្រង់មុខជាទីគាប់ចិត្ត៖ យោគៈកាត់បន្ថយមុខប៉ោង •បិទមាត់ឲ្យជិត ដោយឲ្យបបូរមាត់លើជាប់ជាមួយនឹងបបូរមាត់ក្រោម •ផ្លុំខ្យល់តាមក្រោមបបូរមាត់ខាងលើ ហើយស្ថិតនៅបែបនេះប្រមាណ១០វិនាទី •ផ្ទេរខ្យល់ទៅថ្ពាល់ខាងឆ្វេង ហើយស្ថិតនៅបែបនេះប្រមាណ១០វិនាទីទៀត •ផ្ទេរខ្យល់ទៅថ្ពាល់ខាងស្តាំវិញ ហើយស្ថិតនៅបែបនេះប្រមាណ១០វិនាទី •ធ្វើបែបនេះ ប្រមាណ១០-១៥ដង យោគៈឲ្យសាច់ដុំមុខហាប់ណែន និងបន្ថយជាតិខ្លាញ់លើមុខ ◊វិធីទី១ •ដកដង្ហើមចូលឲ្យវែងតាមមាត់ ហើយបំពេញវាដោយខ្យល់ •បិទមាត់ភ្លាមៗ ហើយផ្ទេរខ្យល់ពីថ្ពាល់ម្ខាង ទៅថ្ពាល់ម្ខាងទៀត (ធ្វើឲ្យដូចជាអ្នកកំពុងខ្ពុរមាត់ក្នុងទឹក) •ធ្វើបែបនេះប្រមាណ១៥ដង ◊វិធីទី២ •ច្បូញមាត់ចូលក្នុង ហើយក្របួចមាត់ •ស្ថិតនៅបែបនេះ ហើយព្យាយាមញញឹមបែបនេះឲ្យបាន៥វិនាទី •ធ្វើឡើងវិញឲ្យបានប្រហែល១០ដង យោគៈបំបាត់ចង្កាបឿ  (ចង្កាពីរជាន់) •ផ្អៀងក្បាលទៅលើ ហើយព្យាយាមសម្លឹងមើលឡើងលើ •ទាញបបូរមាត់ចូលគ្នាឲ្យតឹង •នៅបែបនេះប្រមាណ១០វិនាទី ហើយសម្រាក •ធ្វើបែបនេះឲ្យបាន១០ដង យោគៈបន្តឹងស្បែកមុខ •ដកដង្ហើមចូលតាមច្រមុះ •ក្តាប់ដៃឲ្យតឹង ហើយច្របាច់សាច់ដុំមុខរបស់អ្នក •ដកដង្ហើមចេញតាមមាត់ ដោយលាអណ្តាតចេញក្រៅឲ្យខ្លាំងតាមដែលអាចធ្វើបាន ព្រមទាំងបើកភ្នែកឲ្យធំខ្លាំងដូចគ្នា ហើយក៏ពន្លាដៃរបស់អ្នកផងដែរ     •ស្ថិតនៅបែបនេះប្រមាណ១០វិនាទី ហើយសឹមសម្រាក •ធ្វើឡើងវិញ៣ដង យោគៈឲ្យមើលទៅមុខក្មេងជាងវ័យ •ធ្វើចលនាបបូរមាត់លើ •ទាញវាឡើងលើឲ្យដល់ជិតច្រមុះតាមដែលអាចធ្វើបាន •រក្សាលំនឹងនេះឲ្យបាន១៥វិនាទី •ធ្វើឡើងវិញ៥ដង យោគៈជួយឲ្យឆ្អឹងថ្ពាល់ខ្ពស់ជាងមុន •ចាប់ផ្តើមដោយធ្វើចលនាថ្គាម ឲ្យដូចជាអ្នកកំពុងតែទំពារអ្វីម្យ៉ាង •ត្រូវប្រាកដថាបបូរមាត់របស់អ្នកត្រូវបានបិទ •ដកដង្ហើមចូលឲ្យវែង ហើយដកដង្ហើមយឺតៗពេលដកដង្ហើមចេញមកវិញ •បើកមាត់ឲ្យធំ ហើយដាក់អណ្តាតឲ្យទល់ជាមួយនឹងធ្មេញខាងក្រោម •ធ្វើបែបនេះប្រមាណ៥វិនាទី •ធ្វើឡើងវិញ១០ដង យោគៈឲ្យសាច់ដុំបបូរមាត់ហាប់ណែន •ផ្លុំខ្យល់ចេញក្រៅតាមមាត់ •ធ្វើឡើងវិញចំនួន៤ដង •ដាក់ម្រាមដៃចង្អុល និងម្រាមដៃកណ្តាលទន្ទឹមគ្នា ហើយដាក់សង្កត់នៅលើបបូរមាត់ •ធ្វើឡើងវិញចំនួន៤ដង ប្រសិនបើអ្នកប្រាថ្នាចង់បានមុខស្លីម លោកអ្នកអាចធ្វើការសាកល្បងនូវចលនាយោគៈដែលបានណែនាំខាងលើនេះសាកលមើល ថាតើវាអាចនឹងមានប្រសិទ្ធភាពឬទេ? ប្រសិនបើមាន តើបានដល់កម្រិតណា?  វិធីងាយៗមិនចំណាយប្រាក់ច្រើន ហើយមានសុវត្ថិភាពបែបនេះ មិនសាក ធ្វើម៉េចនឹងដឹងលទ្ធផលទៅ?

Health Tips
Share
  • Feb 10, 2017 |
  • 8 years ago |
  • 4.3K views

កន្លែងថតOutdoor លេងៗនៅម្តុំក្រុង

សព្វថ្ងៃហ្នឹងអ្នកណាមិនដឹងថា រូបថតបែប Outdoor ពេញនិយមបំផុតហើយ។ តែថាថតនៅកន្លែងណាល្អជារឿងមួយ អញ្ចឹងមើលថាកន្លែងទាំងអស់នេះយ៉ាងម៉េចដែរ? មុខព្រះបរមរាជវាំង ល្អបំផុតគឺព្រឹកពីម៉ោង ៧  ទៅ ៩គឺថាមិនសូវមានមនុស្សច្រើន ហើយវាក៏ជាពេលដែលសត្វព្រាបហោះទៅមកច្រើនផងដែរ។   សារមន្ទីរជាតិ ពិសេសគឺផ្លូវទៅកាន់សារមន្ទីរ សម្បូរដើមឈើធំៗផ្តល់រូបភាពធម្មជាតិលាយឡំនឹងសម័យកាលមួយ ដែលល្អ បំផុតសម្រាប់រូបថតបែប roadside  ។ កាំកូស៊ីធី ផ្លូវស្អាត ដើមឈើច្រើន ហើយដែលពិសេសគឺខ្យល់អាកាសល្អ អំណោយផលសម្រាប់ការថតបែបស៊ីអារម្មណ៍នៅពេលដែលខ្យល់បក់មកតែម្តង។ ក៏មានស្មៅវែងៗដុះ បង្កើតទិដ្ឋភាពយ៉ាងស្រទន់ពេលថ្ងៃលិច។ វិហារចិននៅតាខ្មៅ ជិះឆ្លងតែស្ពានតាខ្មៅតិចទៅដល់ហើយ វិហារចិនជាប់ទន្លេមានទេសភាពពេញភ្នែកតែម្តង។ វិហារចិនលក្ខណៈបុរាណ ទីធ្លាស្អាត ដើមឈើក៏ធំៗ ខ្យល់ក៏ខ្យល់ ល្អបំផុតសម្រាប់ការថតបែបសន្តិភាព និងស្ងប់ស្ងាត់។ សួនផ្កានៅតាខ្មៅ ជិះហួសភ្នំពេញតែបន្តិចទៅ បានឃើញសួនផ្កាចម្រុះពណ៌ស្អាតមែនទែន អមទេសភាពជុំវិញបែបជាយក្រុងកាន់តែពិសេស អ្វីដែលសំខាន់ផ្កាតំណាងឲ្យនារីៗ និងភាពស្រស់ស្រាយផងដែរ។ Credit :   កញ្ញា សាន សោភា

Entertainment Travel & Tourism
Share
Top