Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Aug 09, 2017 |
  • 7 years ago |
  • 3.3K views

សារពីនាយករដ្ឋមន្រ្តីនៃប្រទេសសិង្ហបុរី ពីការថែការទាំសុខភាពចៀសផុតពីជំងឺទឹកនោមផ្អែម

មួយក្នុងចំណោម សារចំនួនបី ដែលនាយករដ្ឋមន្រ្តីនៃប្រទេសសីង្ហបុរី បានលើកឡើងក្នុង​ឱកាស National Day Message 2017 របស់ប្រទេសសីង្ហបុរី បានលើកឡើង ពីការលើកកម្ពស់សុខភាព ដែលផ្តើមចេញ បុគ្គលម្នាក់ៗ ដែលត្រូវបានសង្កត់ធ្ងន់លើជំងឺទឹកនោមផ្អែម។ លោក Lee Hsien Loong បានបង្ហាញថា​ មួយភាគបីនៃមនុស្សដែលមានអាយុចាប់ពី៦០ឆ្នាំ គឺមានជំងឺទឹកនោមផ្អែម។ បើទោះជាជំងឺនេះកើតច្រើនលើមនុស្សចាស់ តែដើម្បីមានសុខភាពល្អ និងរស់នៅបានយូរអង្វែង គឺត្រូវតែផ្តើមពីវ័យក្មេងទៅ និងត្រូវស្វែងយល់ ទាំងចំនេះ​ដឹងពីជំងឺ និងការការពារ​។ លោកក៏បានបន្ថែមថា ជំងឺទឹកនោមផ្អែមជាជំងឺដែលយើងមិនអាចមើលឃើញ តែវាមានផលលំបាកច្រើនក្រោយពីកើតជំងឺនេះ។  សូមស្តាប់សំដីផ្ទាល់របស់លោក Lee Hsien Loong។  ប្រភព៖ https://www.facebook.com/leehsienloong/videos/1566798353382865/

News & Events
Share
  • Aug 09, 2017 |
  • 7 years ago |
  • 4.4K views

[ខ្លឹមៗ] ជំងឺពុកឆ្អឹងមិនមែនកើតតែលើស្ត្រីអស់រដូវ

នៅលើដែលគេនិយាយពីជំងឺពុកឆ្អឹង ពួកគាត់តែងតែផ្តោតសំខាន់លើស្រ្តី ពិសេសគឺស្រ្តីអស់រដូវ។ ប៉ុន្តែជាការពិតជំងឺពុកឆ្អឹងអាចកើតបានទាំងបុរស និងស្ត្រី ហើយក៏អាស្រ័យតាមវ័យដែរ។ ថ្ងៃនេះ ក្រោមវត្តមានរបស់លោកវេជ្ជបណ្ឌិត លឹម តាំង ជាវេជ្ជបណ្ឌិតឯកទេសផ្នែកវះកាត់ឆ្អឹងបាក់បែក និងជំងឺឆ្អឹង បម្រើការងារនៅមន្ទីរពេទ្យមិត្តភាពខ្មែរ-សូវៀត និងជាប្រធានមន្ទីរសម្រាកព្យាបាល លឹម តាំង បានចូលរួមបកស្រាយពីក្រុមមនុស្សដែលមានហានិភ័យចំពោះជំងឺពុកឆ្អឹង។ ជំងឺពុកឆ្អឹង គឺជាជំងឺដ៏ស្ងៀមស្ងាត់ដែលមិនមានបញ្ចេញអោយអ្នកជំងឺដឹងមុននោះទេ។ ជំងឺនេះបណ្តាលមកពីការថយចុះនៅកំហាប់ឆ្អឹង និងរចនាសម្ព័ន្ធទ្រទ្រង់ឆ្អឹង ជាហេតុធ្វើអោយឆ្អឹងលែងរឹងមាំងាយនឹងបាក់ ជាពិសេសឆ្អឹងខ្នង ឆ្អឹងត្រគៀក និងកដៃ។ តើមានកត្តានិងមូលហេតុអ្វីខ្លះដែលបណ្តាលអោយពុកឆ្អឹង? មូលហេតុបណ្តាលអោយពុកឆ្អឹងមានដូចជា • ការជក់បារី • ផឹកស្រា • កង្វះអាហាររូបត្ថម្ភ (កាល់ស្យូម, វីតាមីន D និងប្រូតេអ៊ីន) • ស្គមពេក • មិនហាត់កីឡា ឬធ្វើចលនាអោយបានច្រើន • ស្រ្តីអស់រដូវ រឺស្រ្តីវះកាត់ស្បូន និងដៃស្បូន • ភាពចាស់ • អ្នកមានជំងឺសន្លាក់រាំរៃ រឺប្រើថ្នាំប្រភេទសសៃយូរ • អ្នកមានជំងឺអ័រម៉ូន (Thyroid Glande) ជាចុងក្រោយនេះ លោកវេជ្ជបណ្ឌិតសូមអោយប្រជាជនគ្រប់រូបគួរប្រុងយ័ត្នចំពោះជំងឺមួយនេះនៅពេលមានរោគសញ្ញាមិនធម្មតា និងមកទទួលការព្យាបាល បង្ការឲ្យបានត្រឹមត្រូវដើម្បីចៀសវាងអោយបាននូវភាពប៉ះពាល់ដល់សុខភាពធ្ងន់ធ្ងរ៕ ស្វែងយល់បន្ថែម ជំងឺពុកឆ្អឹង  © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Other Diseases Bones & Articulations Women's Health
Share
  • Aug 09, 2017 |
  • 7 years ago |
  • 5.6K views

[មែនក៏អី?] អាហារជាតិដែកដែលការពារអាការៈជំងឺខ្វះឈាម អាចកាត់បន្ថយគ្រោះថ្នាក់ជំងឺភ្លេចភ្លាំង?

ក្រុមអ្នកស្រាវជ្រាវបានរកឃើញថាកម្រិតជាតិដែកទាបនៅក្នុងឈាមអាចមានទំនាក់ទំនង ចំពោះការកើនឡើងគ្រោះថ្នាក់នៃការកើតជំងឺភ្លេចភ្លាំងពេលឈានដល់វ័យចាស់នេះបើយោងតាមការសិក្សាស្រាវជ្រាវមួយចុះផ្សាយនៅក្នុងទស្សនាវដ្ដីវិជ្ជាពេទ្យខាងសរសៃប្រសាទ និងខួរក្បាល។ ជំងឺខ្វះឈាមកើតឡើង នៅពេលចំនួនកោសិកាឈាម ក្រហក ឬបណ្ដុំជាតិក្រហមនៃឈាម (ប្រូតេអ៊ីនមួយប្រភេទនៅក្នុងឈាមក្រហម)ធ្លាក់ចុះទាប។ ក្រុមអ្នកសិក្សាស្រាវជ្រាវមកពីសាកលវិទ្យាល័យ California រដ្ឋ SanFrancisco និងស្ថាប័នសិក្សាជាន់ខ្ពស់ស្ដីអំពីវិជ្ជាពេទ្យខាងសរសៃប្រសាទ និងខួរក្បាលអាមេរិក បានធ្វើការវិភាគលើចំនួនមនុស្សចាស់ ២.៥៥២នាក់ អាយុចន្លោះ៧០ឆ្នាំ និង៧៩ឆ្នាំ ដែលបានចូលរួមនៅក្នុងការសិក្សាស្រាវជ្រាវស្ដីអំពីសុខភាព និងសមាសភាពរាងកាយនិងអាយុ។ ការសិក្សាស្រាវជ្រាវដែលត្រូវបានគេអនុវត្តអស់រយៈពេលជាង ១១ឆ្នាំតម្រូវឲ្យមនុស្សចាស់ចូលរួមក្នុងការធ្វើតេស្តការគិត និងការចងចាំអំឡុងពេលនេះ។ នៅរយៈពេលចាប់ផ្ដើមនៃការសិក្សាស្រាវជ្រាវអ្នកជំងឺទាំងអស់មិនមានផ្ទុកជំងឺភ្លេចភ្លាំងឡើយ។ នៅគ្រាដំបូងនៃការសិក្សាស្រាវជ្រាវលើចំនួនមនុស្ស ៣៩៣នាក់ត្រូវបានធ្វើរោគវិនិច្ឆ័យ រកឃើញថាមានផ្ទុកជំងឺខ្វះឈាមហើយមនុស្ស ៤៤៥នាក់បានវិវឌ្ឍនូវជំងឺនេះនៅចុងបញ្ចប់នៃការសិក្សាស្រាវជ្រាវ។ លទ្ធនៃការសិក្សាស្រាវជ្រាវបានបានបង្ហាញថាអ្នកផ្ទុកជំងឺខ្វះឈាម នឹងគ្រោះថ្នាក់ខ្ពស់រហូត ៤១% នៃការកើតជំងឺភ្លេចភ្លាំងបើប្រៀបធៀបទៅនឹងអ្នកជំងឺ ដែលមិនមានផ្ទុកជំងឺខ្វះឈាមនេះ។ អ្នកដឹកនាំការសិក្សាស្រាវជ្រាវ លោក Kristin Yaffe មកពីសាកលវិទ្យាល័យ California រដ្ឋ San Francisco បានមានប្រសាសន៍ថា "នៅក្នុងលទ្ធផលនៃការស្រាវជ្រាវនេះមាននូវការពន្យល់ជាច្រើន ចំពោះមូលហេតុថាតើហេតុអ្វីខ្វះឈាមមានទំនាក់ទំនងជាមួយជំងឺភ្លេចភ្លាំង។ ជាតួយ៉ាងជំងឺខ្វះឈាមអាចជាសញ្ញាបញ្ចាក់មួយនៃការចុះខ្សោយ នែសុខភាពទូទៅ ឬកម្រិតអុកស៊ីសែននៅក្នុងរាងកាយទាបបណ្ដាលមកពីជំងឺខ្វះឈាម អាចដើរតួនាទី ក្នុងទំនាក់ទំនងនេះ។  ការថយចុះអុកស៊ីសែនទៅកាន់ខួរក្បាលត្រូវបានអ្នកជំនាញឲ្យដឹងថា "វាធ្វើអោយសមត្ថភាពគិតចុះ និងអាចបណ្ដាលឲ្យខូចសរសៃប្រសាទ"។ តើរបបអាហារល្អៗអាចជួយកាត់បន្ថយគ្រោះថ្នាក់នេះបានទេ? មនុស្សចំនួនច្រើនជាង៣លាននាក់នៅសហរដ្ធអាមេរិកមានផ្ទុកនៅជំងឺខ្វះឈាមនេះ។ ជំងឺខ្វះឈាមបណ្ដាលមកពីកង្វះជាតិដែក គឺជាទម្រង់ដ៏សាមញ្ញបំផុតតែងកើតមាន។ វាកើតឡើងនៅពេលដែលរាងកាយមិនបានទទួលជាតិដែកគ្រាប់គ្រាន់ សម្រាប់ការផលិតចេញនូវជាតិដែកគ្រាប់គ្រាន់សម្រាប់ការផលិតចេញនូវជាតិក្រហមនៃឈាម។ ការទទួលទានអាហារសម្បូរជាតិដែកអាចការពារជំងឺខ្វះឈាម បណ្ដាលមកពីកង្វះជាតិដែក។ វិទ្យាស្ថានជាតិជំងឺសួតបេះដូង និងឈាមបាននាំនូវប្រភេទអាហារ ដែលសម្បូរដោយជាតិដែកដូចជា ប្រភេទសាច់សត្វពណ៌ក្រហម (ដូចជា សាច់គោ ឬថ្លើម) សាច់មាន់ សាច់មាន់បារាំង សាច់ជ្រូក ស្លឹកផ្ទី និងប្រភេទបន្លែពណ៌ខៀវក្រមៅ តៅហ៊ូ សណ្ដែក ដំណាប់ផ្លែឈឺ ទឹកផ្លែព្រួន ធញ្ញជាតិ និងនំបុ័ង ។ © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Health Tips Vitamins & Nutrition
Share
  • Aug 09, 2017 |
  • 7 years ago |
  • 10.8K views

មូលហេតុដែលអ្នកមិនអាចមានកូនបាន

ការក្លាយជាម្តាយជារឿងក៏ប្រសើរសម្រាប់មនុស្សគ្រប់រូប។ កត្តាដែលនៅតែមានតាំងពីបុរាណដល់សម័យទំនើបគឺ ការមានផ្ទៃពោះ និងការបង្កើតកូន។ ប្តីប្រពន្ធជាច្រើនគូនៅពេលដែលសម្រចចិត្តថាត្រូវមានកូនសុទ្ធតែយល់ថា វាជាធម្មជាតិនៃមនុស្ស និងពួកគេអាចមានកូនគ្រប់ពេលវេលា។ នេះប្រហែលជាត្រឹមត្រូវចំពោះមនុស្សភាគច្រើន តែវាអាចជារឿងអកុសលចំពោះប្តីប្រពន្ធរាប់លានគូ។ ប្តីប្រពន្ធមួយគូក្នុងចំណោមប្តីប្រពន្ធ ៧គូ មានបញ្ហាមិនអាចមានផ្ទៃពោះ ទោះបីជាពួកគាត់ព្យាយាមយកកូនក្នុងរយៈពេលមួយឆ្នាំក៏ដោយ។ ដូចនេះ ការពិបាកក្នុងការមានផ្ទៃពោះពិតជាមានមែនសម្រាប់ប្តីប្រពន្ធជាច្រើនគូ។ មួយវិញទៀត ការអសមត្ថភាពមានផ្ទៃពោះបន្ទាប់ពីប្តីប្រពន្ធមួយគូក្នុងរយៈពេលលើសពីមួយឆ្នាំ ឬ៦ខែសម្រាប់ស្ត្រីដែលមានអាយុលើសពី៣៥ឆ្នាំ នោះប្តីប្រពន្ធនេះត្រូវចាត់ទុកថាមានបញ្ហាអា។ ការបរាជ័យក្នុងការមានផ្ទៃពោះអាចជាឥទ្ធិពលទៅលើទាំងសុខភាពផ្លូវកាយ និងផ្លូវចិត្តរបស់ស្រ្តី តាមគ្រូពេទ្យបានបញ្ជាក់ថា ពួកគាត់បានរកឃើញថាអាចមានបញ្ហាសុខភាពតិចតួច ដែលអាចបណ្តាលឲ្យមានការឈឺចាប់ និងតប់ប្រមល់ដោយសារការចង់បានកូនតែមិនបាន។ វាជារឿងសំខាន់ផងដែរ ដែលថាអាមិនមែនជាបញ្ហារបស់មនុស្សស្រីទេ។ ការសិក្សាផ្សេងៗ បានបង្ហា្ថញថាភាពអា អាចបណ្តាលមកពីកត្តាមនុស្សស្រីមាន៤៥% ក្នុងករណីទាំងអស់ កត្តាមនុស្សប្រុសមាន ៣០% ឯ ២៥%ទៀត បណ្តាលមកពីរួមគ្នានៃកត្តាមនុស្សស្រី និងមនុស្សប្រុស។ ៤០%នៃករណីដែលកើតឡើងមិនអាចរកឃើញមូលហេតុពិតប្រាកដទេ ទោះជាមានការធ្វើតេស្តគ្រប់ប្រភេទ និងមានការតាមដានយ៉ាងដិតដល់ពីគ្រូពេទ្យក៏ដោយ។ នេះជាភាពអាដែលមិនអាចពន្យល់បាន។ មូលហេតុខាងក្រោមនេះជាការចូលរួមបកស្រាយដោយវេជ្ជបណ្ឌិត Anna Roslyakova។​  មូលហេតុចម្បងនៃការអសមត្ថភាពផ្លូវភេទ គឺ៖ មូលហេតុបណ្តាលមកពីមនុស្សស្រី មានជំងឺដុំពកច្រើនក្នុងអូវែ៖ ចំពោះដុំពកច្រើនក្នុងប្រព័ន្ធអ័រម៉ូនក្នុងខ្លួនមនុស្សស្រីមិនមានតុល្យភាព ដែលធ្វើឲ្យការផលិតពងអូវែដែលចាំបាច់សម្រាប់ការបង្កកំណើតនោះខូច។ ជំងឺដុំពកច្រើនក្នុងអូវែបណ្តាលឲ្យអូវែផលិតអ័រម៉ូនភេទប្រុសច្រើនគឺ តេសតូស្តេរ៉ូន។ តេសតូស្តេរ៉ូនច្រើនអាចធ្វើឲ្យមានដុះរោមខុសធម្មតាដូចជាពុកមាត់ សុដន់រួមតូច មានមុន ​និងសក់ស្តើងជាងមុន។ ការធាត់ខ្លាំង ក៏ជាសញ្ញានៃជំងឺដុំពកច្រើនក្នុងអូវែ។ នេះជាមូលហេតុដែលដំបូន្មានដំបូង​ និងសំខាន់ជាងគេសម្រាប់មនុស្សស្រីដែលមានជំងឺនេះ ហើយចង់បានកូនហើយគឺត្រូវបញ្ចុះទម្ងន់ និងផ្លាស់ប្តូររស់នៅ។ ជំងឺដែលត្របកក្នុងស្បូននៅខុសកន្លែង (Endometriosis)៖​ វាជាលក្ខណៈមួយដែលបណ្តាលឲ្យមានការស្ទះបំពង់ដៃស្បូន និងបញ្ហានៃការបញ្ចេញអូវុល។ រោគសញ្ញាដែលអាចកើតឡើងមានដូចជា មានការឈឺចាប់ពេលមានរដូវ ឈឺចាប់ខ្លាំងពេលរួមរ័ក្ស ឈឺនៅត្រគាករ៉ាំរ៉ៃ ឈឺពេលពោះវៀនមានចលនាពេលបន្ទោរបង់។ ពេលខ្លះរោគសញ្ញាតែមួយគត់ដែលជួបប្រទះគឺការពិបាកមានផ្ទៃពោះ។ បំពង់ដៃស្បូនត្រូវបានបំផ្លាញ​ ឬស្ទះ៖ ជំងឺឆ្លងតាមការរួមភេទ គឺជាជំងឺដែលត្រូវចៀសវាង និងត្រូវព្យាបាលឲ្យបានត្រឹមត្រូវ ព្រោះថាជំងឺដែលឆ្លងតាមមេរោគហ្គោណូរេ និងក្លាមីដ្យា អាចការបង្កើនការធ្វើឲ្យស្ទះបំពង់ដៃស្បូន ដែលបណ្តាលឲ្យមានបញ្ហាអា។ ជំងឺឆ្លងផ្សេងទៀតដូចជារបេង និងការមានកូនក្រៅស្បូន ក៏អាចស្ទះ ឬបាត់បង់ដៃស្បូនម្ខាង។ មូលហេតុបណ្តាលមកពីមនុស្សប្រុស ៖ ចំនួនស្ពែម៉ាតូសូអ៊ីត (មេជីវិតឈ្មោល) ទាប ទម្រង់ខុសធម្មតា និងគ្មានចលនា ជាមូលហេតុចម្បងនៃភាពអារបស់មនុស្សប្រុស។ លក្ខខណ្ឌផ្សេងទៀតដូចជា ជំងឺរីកសរសៃវ៉ែននៅត្រង់ស្រោមពងស្វាស បានរកឃើញចំពោះ ៤០នៃបុរសដែលអា។ © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Other Diseases Pregnancy & Baby Women's Health
Share
  • Aug 08, 2017 |
  • 7 years ago |
  • 4.5K views

[ខ្លឹមៗ] មុខខ្ញុំជាំ ចឹងធ្វើម៉េច?

  ជាំ គឺជាការកើតឡើងនូវពណ៌លើស្បែកដែលបណ្តាលឲ្យពណ៌ស្បែកប្រែទៅជាពណ៌ក្រមៅជាងស្បែកធម្មតាកើតថ្មីៗ ហើយមានកម្រិតព្រំដែនច្បាស់លាស់។ គេសង្កេតឃើញថា «ជាំ» កើតមានលើស្រ្តីច្រើនជាងបុរស ហើយកើតលើមនុស្សចាប់ពីអាយុ២០ឆ្នាំឡើងទៅ​ តែមូលហេតុរបស់ជាំ​ មិនត្រូវបានបញ្ជាក់ ច្បាស់លាស់ទេ។ វាអាចបណ្តាលមកពីមូលហេតុច្រើនយ៉ាង គ្រាន់តែអាចសម្គាល់ឃើញថា វាមានទំនាក់ទំនង និងបម្រែបម្រួលរបស់អ័រម៉ូន និងកម្តៅថ្ងៃ។  សម្រាប់ការព្យាបាលបញ្ហាមុខជាំនេះ បើយោងតាមប្រសាសន៍របស់លោកស្រីវេជ្ជបណ្ឌិត ញ៉ែម ណាវី ឯកទេសសើស្បែក និងកាមរោគ នៃមន្ទីរពេទ្យបង្អែករាជធានីភ្នំពេញនិងម្ចាស់បន្ទប់ពិគ្រោះជំងឺរតនា គឺមានដូចខាងក្រោម ៖ 1.    ការព្យាបាលមួយផ្នែកត្រូវធ្វើឡើងទៅតាមកត្តាមូលហេតុដែលបង្កជាបញ្ហាមុខជាំនេះផ្ទាល់ ដែលមានន័យថា៖ • ប្រសិនបើស្ត្រីកំពុងតែពិសាថ្នាំពន្យារកំណើត គាត់ត្រូវបញ្ឈប់ការប្រើប្រាស់ថ្នាំនោះសិន • ចំពោះស្រ្តីទើបនឹងសម្រាលកូន ត្រូវរង់ចាំមើលរយៈពេល ៦ខែក្រោយសម្រាល • ចំពោះស្ត្រីមានផ្ទៃពោះក៏ត្រូវរង់ចាំសម្រាលកូនរួចរយៈពេល៦ខែក្រោយសម្រាលដូចគ្នា។ តែទោះជាក្នុងករណីណាក៏ដោយ   ការប្រើប្រាស់នូវមធ្យោបាយការពារកម្តៅថ្ងៃនានាក៏ត្រូវបានណែនាំទាំងចំពោះបុរស និងស្ត្រីដដែល ទៅតាមទម្រង់នៃប្រភេទរបស់ស្បែកដែលត្រូវបានបែងចែកជា៦ក្រុម។ 2.    ចំពោះការប្រើថ្នាំលាបផ្សេងទៀត  ដើម្បីកាត់បន្ថយនូវការឡើងយ៉ាងខ្លាំងនៃពណ៌របស់ស្បែក (Hyperpigmentation) ក៏ត្រូវប្រើតាមដំណាក់កាលផងដែរគឺចាប់ផ្តើមពី Kliment I, Kliment II, Kliment III និងបន្តការពារការឡើងពណ៌ស្បែកឡើងវិញដោយពពួក Alpha  Albutine ។ ចំពោះ Hydroquinone នៅតែមានការណែនាំឲ្យប្រើដដែលរួមជាមួយ Retine A និងពពួក Steroide ទៅតាមកម្រិតនៃការរលាករបស់ស្បែក។ បច្ចុប្បន្ន មានការព្យាបាលបន្ថែមឬ ទៅតាមកម្រិតនៃការឡើងពណ៌របស់ស្បែកដោយពពួក AHA ផងដែរ។ 3.    ចំពោះការព្យាបាលដោយថ្នាំលេបវិញ ការប្រើប្រាស់ Tranxamic acid (500mg) ពេលព្រឹក នៅតែត្រូវបានណែនាំឲ្យប្រើប្រាស់សម្រាប់ការព្យាបាលដូចគ្នា។ ស្វែងយល់បន្ថែម៖ ជាំមុខមិនមែនជាជំងឺ តែប៉ះពាល់ខ្លាំងដល់ផ្លូវចិត្ត ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Other Diseases Skin, STD & Beauty
Share
  • Aug 08, 2017 |
  • 7 years ago |
  • 3.8K views

The best trade platform for pharmaceutical, medical laboratory and dental business in Cambodia opens up top opportunities in all market segment

The 3rd Cambodia Phar-Med Expo 2017  will take place from 15-17 Sept 2017 at Hall A, Diamond Island Convention and Exhibition Center (Koh Pich), Phnom Penh, Cambodia. Organized by Minh Vi Exhibition & Advertising Service Co., Ltd (VEAS) supported by  Ministry of Commerce (Cambodia), Ministry of Health (Cambodia), and in conjunction with of Lab Cambodia 2017 Expo and Dental Cambodia 2017 Expo, the trade fair is annual event focuses on pharmaceutical, dental, medical devices and technology, equipment for laboratory, hospitals, being one of the most efficient business activities in this industry, providing a platform for trade negotiations and the industry networking for entrepreneurs who want to expand their business to Cambodia where demand for health care is on the rise. For the short time of existence, Cambodia Phar-med Expo have gained notable places in international emerging Phar ort time -med markets, from the point of view of its scientific meaning and healthcare servicing market practice. Number of exhibitors and visitors in 2016 is a confirmation of these exhibitions popularity. Representatives of over 50 most famous companies-producers and equipment suppliers participate in these exhibitions as well as the presences of over 2000 visitors who are specialized mass media, other partner companies from 13 countries including national pavilions and country groups from China, Germany, Japan, Malaysia, Singapore, South Korea, Taiwan, Thailand, India, Bangladesh , Cambodia, Vietnam,… HITEC MEDICAL CO., LTD Foley catheter, endotracheal tube, Oxygen Mask, Infusion set… CHINA CONTEC MEDICAL SYSTEMS CO., LTD Patient Monitor CHINA SRI TRANG GROUP High quality natural latex and nitrile latex examination gloves and general-purpose disposable gloves, both powdered and powder-free THAILAND SHIMADZU ASIA PACIFIC PTE LTD Analytical Instrument SINGAPORE JIANGXI 3L MEDICAL PRODUCTS GROUP CO., LTD Surgical Tape, incise drap CHINA KUANG HSIEN MEDICAL INSTRUMENT CO., LTD. Laboratory instrument, Hematology analyzer, Biochemistry analyzer, Coagulation Analyzer, Auto-Immunoassay, CT- Scanner, MRI, DR CAMBODIA INCONTECH PTE LTD Nutraceutical products including weight management and functional supplements. SINGAPORE N.A.Z. MEDICAL SUPPLIES SDN BHD Yacuum  Blood Collection Tube (Vacublood) MALAYSIA WEST-COAST PHARMACEUTICAL WORKS LTD. Anticancer, Hormone, Nutraceuticals, Cosmecueticals, Soaps INDIA BLUE OPPORTUNITY MEDICA CO., LTD Medical Laboratory Equipment CAMBODIA ESCO MICRO PTE. LTD Laboratory Equipment SINGAPORE USM VIETNAM Medical device products: PTCA balloon catheter, Coronary stent system, Intravenous catheter, medical disposables. VIETNAM ATUL DRUG HOUSE Pharmaceuticals And Surgical Medical Disposables INDIA QUANZHOU APOGEE TRADING CO., LTD Adult Diapers, underpad, pull up diapers CHINA BOSON BIOTECH CO.,LTD specialist of IVD field, manufacture high-quality point of care and other immunoassay kits, rapid tests,CLIA,ELISA and raw materials. CHINA BP HEALTHCARE LABORATORY network of laboratories, diagnostic centers, hearing aids centers, dispensaries and pharmacies, food and industrial testing centers, specialist centers, and dental specialist clinics CAMBODIA/ MALAYSIA BUSINESS MACHINES & SUPPLIES CENTER Brother labeling machine - the industrial labeling machine CAMBODIA PALL FILTRATION PTE LTD Filters (Sterile, Depth, TFF, Single-use) SINGAPORE SHANGHAI BOJIN ELECTRIC INSTRUMENT AND DEVICE CO., LTD Motor products, X-ray imagescopes, treatment apparatus, and supporting surgical tools/parts CHINA The organizer is organizing a series of seminars, forums and workshops throughout the exhibition to help industry professionals gather market intelligence and expand their business networks. With the presence of our renowned speakers, the event also features some highlight presentations such as: Heath Care market and Government Regulation, Registration Process which are all tailored to the Cambodia market so it will give visitors profound insights into market research analysis. In addition to the detail introduction of Cambodia Phar-med expo, the attractiveness of this event this year will be further enhanced by the simultaneous introduction of Lab Cambodia 2017 Expo and Dental Cambodia 2017 Expo. Celebrating its première, Lab and Dental expo will be integral parts of the program at Phar-med Expo with well-known experts from science, clinical practice and business will give talks on current trends in medical laboratory and dental research. To be more specific: -Lab Cambodia 2017 Expo offers a wide range of innovative Lab Equipment & Analytical Instruments for numerous applications in R&D, Quality control & Testing Laboratory. Laboratory Professionals join and conduct seminar Program focusing on the latest trends and developments shaping global and regional markets. -Dental Cambodia 2017 Expo will be an excellent learning, sharing and business networking platform for Dentists, Dental Hygienists, Dental Assistants, Dental Business Assistants, Practice Managers and other members of the dental team’s from the Asia-Pacific region and beyond. Whereas with the population of 15 million people, Cambodia’s 2015 GDP grew about 7,3%. The Cambodian Health Ministry received $271 million for 2016, an 8.6-percent increase from the previous year. The country's public health system is made up of large, national hospitals, provincial health centers, referral hospitals and smaller health posts. As the Cambodian economy develops, healthcare spending has been expanding throughout the country. Though still smaller and more difficult to do business in than many of its neighbors, Cambodia’s medical market is on a positive trajectory that should soon attract more attention from foreign medical device and pharmaceutical companies. Almost 80% of pharmaceutical sales are in Phnom Penh and the surrounding region, making distribution relatively simple. Approximately 55% of the pharmaceutical market is composed of imports, and there is significant local preference for foreign medicines. Foreign medical product companies have started to take note. (Phnom Penh Post). Companies wanting to benefit from the development of healthcare industry in Cambodia will find that Cambodia Phar-Med Expo 2017 – the country’s leading national medical trade fair, established in 2013 – is a top platform for accessing the Cambodia market. Now you can register as visitor to visit the show: http://bit.ly/CPM17_VisitorRegistrationForm For more information, please contact: MINH VI EXHIBITION & ADVERTISEMENT SERVICES CO., LTD CAMBODIA REPRESENTATIVE OFFICE: #255, St.182, Sangkat TeklarokII, Khan ToulKok, Phnom Penh. Contact Person: Ms. Harin Eng Tel: +855 93 535 778/ 011 535 778  Email: office.cambo@veas-exhibitons.com VIETNAM HEAD OFFICE: Floor 8, Room 805, Hado Airport Building, 2 Hong Ha, Ward 2, Tan Binh District, Ho Chi Minh City. Email: Rosie.tran@veas.com.vn                Tel: 028 3848 8561                                      Fax: 028 3848 8564   Website: www.pharmed-cambodia.com | www.lab-exhibition.com Fanpage: https://www.facebook.com/Phar-Med-Exhibition-368539556896120/

News & Events
Share
  • Aug 08, 2017 |
  • 7 years ago |
  • 19.4K views

ចេះតែអស់កម្លាំង ហើយមានអារម្មណ៍ថាខ្សោយៗ​ តាមពិតបែបហ្នឹងសោះ...

តើអ្នកធ្លាប់មានអារម្មណ៍ថាខ្សោយ គ្មានកម្លាំង នៅក្នុងខ្លួនដែរឬទេ? អ្នកប្រាកដជាឆ្ងល់ថា ហេតុអ្វីបានជាអ្នកចេះតែខ្សោយ ល្ហិតល្ហៃក្នុងខ្លួន ហើយជួនកាល​ អ្នកអាចគិតថា ខ្លួនឯងមានជំងឺ ឬមកពីធ្វើការច្រើនពេក លើសកម្លាំង។ល។​ ​ ហេលស៏ថាម នឹងលើកនូវបញ្ហា៥យ៉ាង​ ដែលធ្វើឲ្យអ្នកអស់់កម្លាំង ចុះខ្សោយ និងទ្រុឌទ្រោម​​ ដើម្បីឲ្យប្រិយមិត្តអានទាំងអស់បានយល់ពីមូលហេតុ និងគួរធ្វើការជៀសវាង។ បាត់បង់ជាតិទឹក៖​   នៅពេលដែលអ្នកបាត់បង់ជាតិទឹកប្រហែលជា៣ភាគរយនៃទម្ងន់របស់អ្នក ធ្វើឲ្យរាងកាយមាន សភាពចុះខ្សោយ អស់កម្លាំង ល្ហិតល្ហៃ និងចង់សម្រាក។ មនុស្សខ្លះយល់ថាខ្លួនអស់កម្លាំងដោយសារតែញុំអាហារមិនបានគ្រប់គ្រាន់ តែតាមពិត មកពីការបាត់បងជាតិទឹក នៅក្នុងខ្លួន ។ ដូចនេះ នៅពេលអ្នកឃ្លាន សូមសាកល្បងញ៉ាំទឹក ២កែវ ជាមុនសិន ដើម្បីពិនិត្យមើលថា រាងកាយអ្នក ត្រូវការទឹក ឬអាហារ។ អ្នកគួរតែឩស្សាហ៏ ទទួលទានទឹកឲ្យបាន​ ញឹកញាប់ ដើម្បីជៀសវាងការខ្សោះ អស់កម្លាំង​ កុំចាំដល់ពេលស្រេកទឹក ទើបរកទឹក ញ៉ាំនោះ។ ទូរស័ព្ទដៃ៖​​   ការមើលទូរស័ព្ទមុនពេលចូលគេងធ្វើឲ្យខួរក្បាលរបស់អ្នកមានសកម្មភាព ហើយនឹងពិបាកក្នុងការឈប់សម្រាកវិញ។​ គ្រឿងម៉ាស៊ីន មានពណ៏ខៀវ នៅក្នុងទូរស័ព្ទ អាចប៉ះពាល់អ័រម៉ូនមេឡាតូនីននៅពេលគេង ។ ការស្រាវជ្រាវឆ្នាំ ២០១១ National Sleep Foundation បានរកឃើញថា មានមនុស្ស ២០% ក្នុងចន្លោះអាយុ ពី១៩ដល់២៩ឆ្នាំ ត្រូវបានដាស់ដោយសម្លេងទូរស័ព្ទរោទិ៍ សម្លេងសារ​ ឬអ៊ីម៉ែល យ៉ាងតិច ពីរទៅបីដង ក្នុងមួយយប់ៗ ដែលធ្វើឲ្យ អ្នកគេងមិនបានគ្រប់គ្រាន់ ទៅជាហេវហត់អស់កម្លាំង ដូចនេះ អ្នកគួរតែបិទទូរស័ព្ទមុនគេង ។ ថ្នាំពេទ្យ៖   ថ្នាំពេទ្យជាច្រើនបានលាក់ទុក នូវសារធាតុធ្វើឲ្យខ្សោយថាមពល។ នៅក្នុងចំណោមថ្នាំទាំងអស់ ​ថ្នាំកែរោគ ខ្សោយកម្លាំង និងថ្នាំព្យាបាល ទប់ទល់នឹង ការឡើងខ្ពស់នៃសម្ពាធឈាម មានឥទ្ធិពលធ្វើឲ្យអ្នកអស់កម្លាំង បន្ទាប់ពីការទទួលទានវារួច។ បើសិនអ្នកទើបតែ ចាប់ផ្ដើមសាកល្បងប្រើថ្នាំ ប្រភេទនេះ លើកដំបូង ហើយវាធ្វើឲ្យអ្នកមានអារម្មណ៏មិនស្រួល អ្នកគួរតែប្រញាប់់ទៅជួបពេទ្យ  ដើម្បីពិភាក្សានឹងពិនិត្យឡើងវិញ។ បើសិនជាគ្មានបញ្ហាអ្វីនោះទេ អ្នកគួរតែ​ ទទួលទានវាមុនពេលចូលគេង ទើបប្រសើរ។ ហាត់ប្រាណហួសកម្រិត៖​ លំហាត់ប្រាណ ត្រឹមត្រូវ សមស្របនឹងរាងកាយអ្នក នឹងនាំមកនូវសុខភាពល្អ រាងកាយមាំមួនដល់អ្នក ចៀសវាងបាននូវ​ជំងឺបៀតបៀន មួយចំនួន។ ទន្ទឹមនឹងនេះ ការធ្វើលំហាត់ប្រាណហួសកម្រិត ជាការណ៏មួយ ធ្វើឲ្យថាមពលរបស់អ្នក ត្រូវបានបំផ្លាញទៅវិញ ហើយឆាប់អស់កម្លាំង។​ ដូចនេះ អ្នកមិនគួរ ហាត់ប្រាណជ្រុលពេកនោះទេ គ្រាន់តែហាត់ដើម្បីសុខភាពល្អទៅបានហើយ កុំព្យាយាមឲ្យហួសប្រមាណ។  ​ ខ្វះជាតិដែក៖ សារធាតុរ៉ែ ដឹកជញ្ជូនអុកស៊ីសែនទៅជុំវិញរាងកាយរបស់អ្នកនឹងជម្រុះនូវកាកសំណល់ពីកោសិកា។ បើសិនជារាងកាយមិនបានទទួល អុកស៊ីសែន ១៨ មីលីក្រាម​ ក្នុងមួយថ្ងៃទេ រាងកាយរបស់អ្នកនឹងធ្វើការខុសប្រក្រតី ហើយធ្វើឲ្យអ្នកមានអារម្មណ៏ថាអស់កម្លាំងខ្លាំង និងចុះខ្សោយទៀតផង។ កម្រិតជាតិដែកទាប​ក្នុងអាហារ អាចធ្វើឲ្យអ្នកមានជំងឺខ្វះជាតិដែក និងខ្វះឈាមក្នុងរាងកាយ។​ បើសិនជាអ្នកមានអារម្មណ៏ថាស្ពឹកខ្លួន អស់កម្លាំងខ្លាំង អ្នកគួរតែទៅជួបនឹងគ្រូពេទ្យ ដើម្បីធ្វើតេស្តឈាម ឬញ៉ាំអាហារបំប៉នបន្ថែម។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips
Share
  • Aug 08, 2017 |
  • 7 years ago |
  • 9.2K views

ទំនាក់ទំនងជំងឺធ្លាក់ទឹកចិត្ត និងការធ្វើអត្តឃាត ពីអ្នកឯកទេសចិត្តសាស្រ្ត

អត្រាធ្វើអត្តឃាតចំពោះមនុស្សវ័យក្មេងមានកើនឡើងខ្ពស់ជាងមនុស្សធម្មតា​ ព្រោះពួកគេច្រើនតែរស់នៅជាមួយនឹងបញ្ហាផ្លូវចិត្ត ដូច្នេះ ពួកគេគួរតែដឹង​អំពីរោគសញ្ញាប្រកាសអាសន្នរបស់វា និងអ្វីដែលត្រូវធ្វើ។ លោក ហឿ សេធុល អ្នកឯកទេសពិគ្រោះយោបល់ផ្លូវចិត្ត និងជាអ្នកចិត្តសាស្រ្ត បានផ្តល់កិតិ្តយស ដើម្បីបកស្រាយនូវសញ្ញាទូទៅ និងដំណោះស្រាយចំពោះការធ្វើអត្តឃាតដូចខាងក្រោម៖ អត្តឃាតកម្ម និងវ័យរបស់មនុស្សអាចប្រឈម អត្តឃាតកម្មមានន័យថា គឺជា«ទង្វើទាំងឡាយណាដែលបង្កឲ្យមានគ្រោះថ្នាក់ដល់បុគ្គលខ្លួនឯងដោយចេតនារហូតដល់បាត់បង់អាយុជីវិត ប្រសិនបើមិនមានអន្តរាគមន៍ពីក្រុមគ្រួសារ ឬមិត្តភក្តិ»។ តាមការសិក្សាស្រាវជ្រាវនៅប្រទេសកម្ពុជាយើង គេរកឃើញថា មនុស្សដែលប្រឈមនឹងការធ្វើអត្តឃាត ក្នុងកម្រិតច្រើនជាងគេគឺ​  វ័យមនុស្សជំទង់មានអត្រាច្រើនជាងមនុស្សចាស់។ ប្រសិនបើស្ថិតនៅប្រទេសកំពុងអភិវឌ្ឍមួយចំនួន ដូចជា ប៉ែកអឺរ៉ុប ជាដើម អត្រានៃការធ្វើអត្តឃាតខ្ពស់ភាគច្រើនជាមនុស្សចាស់។​ ដោយឡែក នៅក្នុងបរិបទប្រទេសកម្ពុជាយើងរកឃើញមនុស្សវ័យកណ្តាលចាប់ពីអាយុ ២០ឆ្នាំជាង រហូតដល់អាយុជាង៤០ឆ្នាំជាអត្រាដែលធ្វើអត្តឃាតខ្ពស់។ អាកប្បកិរិយាគួរកត់សម្គាល់នៃការធ្វើអត្តឃាត មនុស្សដែលងាយនឹងមានទំនោរចិត្តធ្វើអត្តឃាតបំផុត គឺមនុស្សដែលមានការធ្លាក់ទឹកចិត្ត នៅពេលរងសម្ពាធផ្នែកផ្លូវចិត្តធ្ងន់ធ្ងរ។ ម៉្យាងទៀត យើងមើលតាមការស្វែងយល់ពីលក្ខណៈនៃការធ្លាក់ទឹកចិត្តរបស់មនុស្សនោះ ដើម្បីឲ្យអាចដឹងថា គាត់មានអាកប្បកិរិយាបែបណាដែលងាយនឹងធ្វើអត្តឃាត។ មនុស្សមានការធ្លាក់ទឹកចិត្ត អាចបណ្តាលមកពីបញ្ហាមួយចំនួនដូចជា មានបញ្ហាទុក្ខកង្វល់អ្វីមួយក្នុងគ្រួសារ ជួបឧបសគ្គមួយធ្ងន់ធ្ងរក្នុងឆាកជីវិត ហើយ ពេលជួនបញ្ហា ដូច្នោះ គឺគាត់បង្ហាញឃើញអាការៈធ្លាក់ទឹកចិត្តមួយចំនួនដូចជា៖ · មានអារម្មណ៍ស្រុតចុះជាមួយនឹងភាពក្រៀមក្រំ សោកសៅ និងបង្ហាញពីភាពអស់សង្ឃឹម ដោយគិតថាជីវិតគ្មានន័យ · ពុំចាប់អារម្មណ៍ ពុំសប្បាយរីករាយនឹងអ្វីដែលខ្លួនធ្លាប់ចូលចិត្ត · ពុំសូវចងចាំបានល្អ ភ្លេចភ្លាំងច្រើន · ចូលចិត្តនៅឯកោ ជួនកាលមិនសូវចាប់អារម្មណ៍ក្នុងការថែទាំខ្លួនប្រាណ · អសកម្មក្នុងការសិក្សា ឬការងារផ្សេងៗក្នុងជីវិតប្រចាំថ្ងៃ · ករណីធ្ងន់ធ្ងរបំផុតចំពោះអ្នកធ្លាក់ទឹកចិត្ត គឺច្រើនមានអារម្មណ៍ទុទិដ្ឋិនិយម អស់សង្ឃឹមក្នុងជីវិត ហើយប៉ុនប៉ងធ្វើអត្តឃាត។ មនុស្សមានទំនោរអត្តឃាតជាង ៧០%បង្ហាញអាកប្បកិរិយាឲ្យយើងដឹងមុន ដូច្នេះ យើងអាចការពារបានតាមរយៈការបង្ហាញខាងលើនោះ។ ហើយម៉្យាងទៀត គេអាចបង្ហាញឲ្យដឹងតាមរយៈពាក្យសម្តីថ្លោយមកកាន់យើង។ ផលប៉ះពាល់នៃមនុស្សធ្វើអត្តឃាតចំពោះកូនៗ យោងតាមការសិក្សាស្រាវជ្រាវបានឲ្យដឹងថា មិនត្រឹមតែការធ្វើអត្តឃាតប៉ុណ្ណោះទេដែលជះឥទ្ធិពលដល់កូនៗ សូម្បីតែអំពើហឹង្សាក្នុងគ្រួសារក៏មានឥទ្ធិពលដែរ។ បើសិនជានៅក្នុងគ្រួសារមានសមាជិកណាម្នាក់ ធ្លាប់ធ្វើអត្តឃាត អ្នកជំនាន់ក្រោយក្នុងគ្រួសារ​ គឺមានទំនោរចិត្តក្នុងការធ្វើអត្តឃាតខ្ពស់។ ចំណុចនេះមិនមែនជាតំណពូជនោះទេ ប៉ុន្តែវាជាគំរូមិនល្អក្នុងគ្រួសារ។ វាហាក់ដូចជា អំពើហឹង្សាក្នុងគ្រួសារដែរ បើសិននៅក្នុងគ្រួសារហ្នឹង មានអ្នកណាម្នាក់ចូលចិត្ត​ ប្រើអំពើហឹង្សាក្នុងគ្រួសារ អ្នកជំនាន់ក្រោយក៏មានទំនោរចិត្តទៅរកអំពើហឹង្សាដែរ។ មូលហេតុនៃការធ្វើអត្តឃាត វាអាស្រ័យទៅលើបរិបទវប្បធម៌នៃប្រទេសនីមួយៗ។ ក្នុងន័យទូលំទូលាយ នៅក្នុងបរិបទប្រទេសមួយចំនួន ដូចជា ប្រទេស ជប៉ុន និងកូរ៉េ អត្រាធ្វើអត្តឃាត​ខ្ពស់ជាងគេក្នុងពិភពលោក ប៉ុន្តែមូលហេតុមានខុសៗគ្នា។ អ្នកដែលធ្វើអត្តឃាតភាគច្រើននៅប្រទេសជប៉ុន និងកូរ៉េ គឹទាក់ទងទៅនឹងកិតិ្តយស មុខមាត់​នៅក្នុងសង្គម មានន័យថាវប្បធម៌នៃប្រទេសទាំងពីរនេះឲ្យតម្លៃទៅលើកិតិ្តយស មុខមាត់ជាធំ។ ប្រសិនបើបានធ្វើអ្វីមួយដែលនាំឲ្យអាប់ឱនខ្លាំងដល់កិត្តិយសគ្រួសារ គេងាយ​នឹងធ្វើអត្តឃាត ដើម្បីបញ្ជាក់ថា គេមានទំនួលខុសត្រូវ។ ដោយឡែក នៅស្រុកខ្មែរយើង អ្នកដែលងាយធ្វើអត្តឃាតភាគច្រើន គឹដោយសារសម្ពាធគ្រួសារ និងកត្តាជីវភាព។ ម៉្យាងទៀត ក្នុងរយៈពេលចុងក្រោយនេះ យើងឃើញថាមានស្ត្រីមួយចំនួន​បានធ្វើអត្តឃាត ដោយសារស្វាមីរបស់ខ្លួនបង្កើតទំនាក់ទំនងស្នេហាជាមួយនារីដទៃ(ផិតក្បត់នាង)។ ប្រតិកម្មផ្លូវចិត្ត នៅពេលឃើញមនុស្សជាទីស្រឡាញ់ធ្វើអត្តឃាត បើយោងតាមបទពិសោធន៍នៃការសិក្សាយោបល់ផ្នែកផ្លូវចិត្ត លោកក៏បានមានប្រសាសន៍បន្ថែមថា «នៅពេលមនុស្សម្នាក់ បានឃើញមនុស្សជាទីស្រឡាញ់​របស់ខ្លួនបានធ្វើអត្តឃាតនៅនឹងមុខ មនុស្សនោះនឹងប្រឈមមុខការប៉ះពាល់ផ្លូវចិត្ត»។ ការប៉ះពាល់ផ្លូវចិត្ត អាចធ្វើឲ្យគាត់មានអារម្មណ៍បាក់ស្បាតទៅជាខ្លាច ទៅជាភ័យ។​​ ម៉្យាងទៀត គាត់ក៏អាចមានអារម្មណ៍សោកសង្រែង មានអារម្មណ៍ថាបាត់បង់អ្វីគ្រប់យ៉ាង ក្នុងជីវិតរបស់គាត់ ក៏ចាប់ផ្តើមដកថយក្នុងសង្គម៕ អត្ថបទដោយ៖​ ​លោក ​ហឿ សេថុល អ្នកឯកទេស ពិគ្រោះយោបល់ផ្លូវចិត្ត និងជាអ្នកចិត្តសាស្ត្រ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Other Diseases Mental Health​ & Entertainment
Share
  • Aug 07, 2017 |
  • 7 years ago |
  • 6.5K views

ការវិនិយោគលើឧបករណ៍វេជ្ជសាស្រ្តទំនើប ក្នុងការលើកកម្ពស់ វិស័យសុខាភិបាល

ធនធានមនុស្ស និងធនធានបច្ចេកទេស ទន្ទឹមនឹងការរីកចំរើននៃវិទ្យាសាស្ត្រសុខាភិបាល ដែលរួមមានទាំងធនធានមនុស្ស ក៏ដូចជាបច្ចេកទេស​​​​ និងឧបករណ៍វេជ្ជសាស្ត្រសុខាភិបាលថ្មីៗផងដែរនោះ ដែលទាំងនេះជាចលករ មួយដ៏ធំក្នុងការលើកកម្ពស់ និងប្រសិទ្ធភាពកាន់តែខ្ពស់ ជាមួយនឹងផ្តល់ភាពងាយស្រួលដល់ការព្យាបាលផងដែរ។ តួយ៉ាងមន្ទីរពេទ្យសូរិយា ដែលជាមន្ទីរពេទ្យមួយ មានទាំងវេជ្ជបណ្ឌិតជំនាញឯកទេស និងមានឧបករណ៍វេជ្ជសាស្រ្ត ទំនើបៗ។ លោកវេជ្ជបណ្ឌិត អ៊ុន កែវសិលា ដែលជាវេជ្ជបណ្ឌិតជំនាញឯកទេស ផ្នែក ក្រពះ ពោះវៀន និងថ្លើម នៅមន្ទីរពេទ្យសូរិយាបានបញ្ជាក់ថា នៅមន្ទីរពេទ្យសូរិយា បានវិនិយោគទៅលើ ឧបករណ៍ឆ្លុះដែលជាបច្ចេកវិទ្យាចុងក្រោយ (ដែលនៅអឺរ៉ុប កំពុងតែប្រើបច្ចេកវិទ្យានេះ) មានតម្លៃដល់ទៅ ១៥មឺុនដុល្លារ ដែលសូម្បីតែមន្ទីរពេទ្យ ប្រទេសជិតខាងមួយចំនួន ក៏មិនទាន់មានដែរ។ គួរបញ្ជាក់ផងដែរថា មន្ទីរពេទ្យសូរិយាជា មន្ទីរពេទ្យមួយដែល ស្ថិតនៅចំកណ្តាលទីក្រុងភ្នំពេញ និងជាមន្ទីរមួយដែល សេវាកម្មលើផ្នែកជំងឺទូទៅ និងមានជំនាញឯកទេសសំខាន់ៗមួយចំនួន ដូចជា ផ្នែកសម្ភពនិងរោគស្ត្រី ជំនាញឯកទេសក្រពះ ពោះវៀន និងថ្លើម ក៏ដូចជាឬសដូងបាត ជំនាញឯកទេសជំងឺទឹកនោមផ្អែមផងដែរ។ អ្វីដែលពិសេសនៅមន្ទីរពេទ្យសូរិយា លោកវេជ្ជបណ្ឌិត សិលា បានឲ្យដឹងទៀតថា «នៅទីនេះ យើងក៏មាន ម៉ាស៊ីនកៀបសុដន់ ដើម្បីឆែកមើលរកដុំមហារីកផងដែរ ព្រោះយើងចង់លើកកម្ពស់ ការការពារឲ្យមុន ព្រោះយើងមិនចង់ឲ្យហួសពេល ហើយបានព្យាបាលទេ។»  ទស្សនៈវិស័យដើម្បីលើកកម្ពស់វិស័យសុខាភិបាល លោកវេជ្ជបណ្ឌិតសិលា បានសង្កត់ធ្ងន់លើចំនុចសំខាន់មួយ គឺផ្តល់សេវាទៅដល់អ្នកជំងឺ ក្នុងតំលៃមួយដែលអាចទទួលយកបាន ជាមួយបច្ចេកទេសទំនើប។ ស្របទៅនឹងទស្សនៈវិស័យមួយនេះ លោកវេជ្ជបណ្ឌិតបានបន្ថែមថា ដូច្នេះហើយទើបមន្ទីរពេទ្យសូរិយា វិនិយោគលើគ្រឿងម៉ាស៊ីនដែលមានតម្លៃថ្លៃ ទោះជាដឹងថា ការដាក់ប្រើប្រាស់មិនចំនេញសោះឡើយ ក៏ព្រោះតែដើម្បីលើក កម្ពស់តំហែទាំសុខភាពអ្នកជំងឺ ឲ្យបានកាន់តែល្អប្រសើរថែមមួយកម្រិតទៀត។ មិនតែប៉ុណ្ណោះ ចំពោះជំនាញឯកទេស ក្រពះ ពោះវៀន ថ្លើម នៅមន្ទីរពេទ្យសូរិយា ក៏បានសហការ ជាមួយគ្រូពេទ្យ ២នាក់ទៀត ក៏ដូចជាគ្រូពេទ្យជំនាញផ្នែក ឬសដូងបាត និងផ្នែកវះកាត់ផងដែរ។ ដើម្បីពង្រីកការយល់ដឹងបន្ថែម របស់ប្រជាពលរដ្ឋទូទៅ លោកវេជ្ជបណ្ឌិតបង្ហាញប្រាប់ថា ជាទូទៅនៅមន្ទីរពេទ្យសូរិយា តែងតែបណ្តុះបណ្តាល ចំណេះដឹងដល់អ្នកជំងឺ តាមរយៈ ប្រព័ន្ធ ទំនាក់ទំនងសង្គមផ្សេងៗ  ដោយបន្តុះបណ្តាលឲ្យយល់ពីជំងឺនីមួយៗផងដែរ។ មួយវិញទៀត ប្រសិនបើអ្នកជំងឺមកពិគ្រោះផ្ទាល់ ខាងមន្ទីរពេទ្យតែងតែប្រាប់ពី ដំណើរការដែលត្រូវព្យាបាល ហើយយើងឲ្យគាត់ជាអ្នកសម្រេច ចិត្តខ្លួនឯង ថាពួកគាត់ចង់ព្យាបាលតាមបែបណាមួយ។ ចំណេះដឹងបន្ថែមសម្រាប់ការថែទាំសុខភាព ក្នុងនោះផងដែរលោកវេជ្ជបណ្ឌិត សិលា បានគូសបញ្ជាក់ពីការថែទាំផ្នែកប្រព័ន្ធរំលាយអាហរ របស់ប្រជាជនទូទៅ នៅប្រទេសកម្ពុជាថា ប្រជាជនទូទៅភាគច្រើន មិនទាន់មានតំហែទាំល្អប៉ុន្មានឡើយ ដោយសារសព្វថ្ងៃ អាហារ មានគីមីច្រើន ហើយអ្នកជំងឺភាគច្រើនមិនសូវយកចិត្តទុកដាក់ ឲ្យបានម៉ត់ចត់។ បើនិយាយពីរបបអាហាររបស់ ពួកគាត់ ភាគច្រើន គឺមិនសូវទទួលទានបន្លែឲ្យបានច្រើន ព្រោះជាចាំបាច់ បើនិយាយពីប្រព័ន្ធរំលាយអាហារ គឺបន្លែបៃតង ការហាត់ប្រាណ និងការហូបទឹកឲ្យបានច្រើន ការហូបគ្រឿងស្រវឹងមានកម្រិត គឺជាផ្នែកមួយក្នុងការថែទាំផ្នែកប្រព័ន្ធ រំលាយអាហារឲ្យបានល្អ បូករួមទាំងការទៅត្រួតពិនិត្យជាមួយគ្រូពេទ្យផងដែរ។  លោកគ្រូពេទ្យសិលា ក៏បានបន្ថែមទៀតថា ចំពោះអ្នកជំងឺដែលមានអាយុចាប់ពី ៥០ឆ្នាំឡើងទៅ គួរឆ្លុះក្រពះ ពោះវៀន ដើម្បីតាមដានសុខភាព ប្រព័ន្ធរំលាយអាហារ ទោះបីអត់មានរោគសញ្ញា ណាមួយក៏ដោយ តែបើគាត់មានបងប្អូន សាច់ឈាមបង្កើតរបស់គាត់ មានប្រវត្តិជំងឺ មហារីកពោះវៀន គាត់ត្រូវប្រឈម មុខគ្រោះថ្នាក់។ ដូច្នេះគាត់ចាំបាច់ត្រូវពិនិត្យឲ្យបានមុនអាយុ៥០ឆ្នាំ។ តែអ្នកជំងឺភាគច្រើន គ្រាន់តែលឺឆ្លុះ ក្រពះ ពោះវៀន គឺមានការភ័យខ្លាចបាត់ទៅហើយ ព្រោះកាលពីមុន ការឆ្លុះក្រពះ ពោះវៀន គឺមានការក្អូតចង្អោរ តែឥឡូវយើងប្រើថ្នាំឲ្យអ្នកជំងឺលេប ហើយសម្រាករយៈពេល១០ទៅ ១៥នាទី ទើបយើងធ្វើការឆ្លុះត្រួតពិនិត្យមើល។   ផលវិបាកដែលធ្លាប់ឆ្លងកាត់ លោកវេជ្ជបណ្ឌិត សិលាប្រាប់ឲ្យដឹងថា កន្លងមកខាងមន្ទីរពេទ្យក៏មាន ផលវិបាកមួយចំនួនផងដែរ ដែលកន្លងមកអ្នកជំងឺភាគច្រើនមកជួបយើង នៅហួសពេលក្នុងការព្យាបាលហើយ ដែលតាមការពិតទៅ ពួកគាត់មិនបានធ្វើការព្យាបាល និងការពារឲ្យបានត្រឹមត្រូវ។ លោកវេជ្ជបណ្ឌិតក៏បានធ្វើការ ប្រៀបធៀបពីដំណើរការធ្វើការព្យាបាលផងដែរថា« បើប្រៀបធៀបជាមួយនឹងស្រុកបារាំង ចំពោះការចំនាយផ្សេងៗ គឺជាទំនួលខុសត្រូវរបស់រដ្ឋ ហេតុនេះតំលៃនៃការព្យាបាលមិនបានចោទជាបញ្ហា។ តែចំពោះស្រុកខ្មែរយើងខុសគ្នា ព្រោះការចំនាយជាបន្ទុករបស់អ្នកជំងឺទាំងស្រុង ដូចនេះការព្យាបាលគឺមើលថាជំងឺមួយណា​ ធ្ងន់ធ្ងរជាង។» ដោយប្រៀបធៀបការទៅពិគ្រោះនៅក្រៅប្រទេស និងក្នុងស្រុក របស់អ្នកជំងឺផងដែរថា ពេលពួកគាត់ត្រូវមកជួបពេទ្យក្នុងស្រុកច្រើនដង គាត់តែងតែមិនពេញចិត្ត បើគាត់ទៅពេទ្យក្រៅប្រទេស ត្រូវអស់លុយច្រើនក៏ពួកគាត់មិនមាត់ដែរ។  យើងមើលឃើញថា  អ្នកជំងឺមានកំរិតយល់ដឹងរបស់គាត់នៅមានកំរិតនៅឡើយ។ ជាចុងក្រោយ លោកវេជ្ជបណ្ឌិត សិលា បង្ហាញថាគោលការណ៍សំខាន់ ក្នុងនាមជាវេជ្ជបណ្ឌិត គឺទី១ ត្រូវគោរពក្រមសីលៈធម៌គ្រូពេទ្យ ត្រូវមានសុជីវធម៌ ហើយអ្វីដែលសំខាន់ គឺត្រូវគិតពីផលប្រយោជន៍របស់អ្នកជំងឺជាចំបង។ ពេលយើងទទួលអ្នកជំងឺ មកព្យាបាល យើងត្រូវគិតយ៉ាងម៉េចឲ្យអ្នកជំងឺ ចំណាយអស់តិចបំផុត ហើយពេលគាត់ចំនេញវិញបានច្រើន។ ជាចុងក្រោយលោកវេជ្ជបណ្ឌិត ក៏បានផ្តល់ជាសារដល់ប្រជាពលរដ្ឋទូទៅថា «ខ្ញុំ គឺគ្រាន់តែចង់ឲ្យប្រជាជនយើង ធ្វើការត្រួតពិនិត្យសុខភាពរបស់គាត់ ទោះបីគាត់អត់មានរោគសញ្ញាអ្វីក៏ ដោយ»៕   

Other Diseases News & Events News & Events
Share
  • Aug 07, 2017 |
  • 7 years ago |
  • 3.7K views

[ខ្លឹមៗ] មនុស្សវ័យណាគួរទៅពិនិត្យផ្នែកប្រព័ន្ធរំលាយអាហារ

ផ្នែកប្រព័ន្ធរំលាយអាហារ ដើរតួនាទីយ៉ាងសំខាន់ក្នុងការកិនបំបែកចំណីអាហារ និងស្រូបយកសារធាតុចិញ្ចឹម តែបើកាលណាប្រព័ន្ធរំលាយអាហារយើងមិនល្អនោះ វាអាចធ្វើឲ្យមានការរំខាន ដល់ការរស់នៅរបស់យើង ដែលធ្វើឲ្យគុណភាពនៃការរស់នៅ របស់យើងថយចុះផង។ លោកវេជ្ជបណ្ឌិត ឈាង​ ស៊ីដេត ប្រធានប្រតិបត្តិនៃគ្លីនិក អេគីប បានបង្ហាញពីក្រុមអាយុធំៗ​ ដែលពួកគាត់គួរតែមកពិគ្រោះ និងពិនិត្យជាមួយ​ គ្រូពេទ្យឯកទេស ផ្នែកប្រព័ន្ធរំលាយអាហារ៖ • មនុស្សធម្មតាមានអាយុចាប់ពី ៤៥ឆ្នាំឡើងទៅ ដែលមិនមានប្រវត្តិគ្រួសារ មានបញ្ហាក្រពះ ពោះវៀនធ្ងន់ធ្ងរ ឬមហារីក ពួកគាត់អាចពិនិត្យរៀងរាល់ ៣ ទៅ៥ឆ្នាំម្តង។ • តែផ្ទុយទៅវិញបើ គ្រួសាររបស់គាត់មាន ប្រវត្តិសុខភាពមិនល្អ ដូចជា បញ្ហាក្រពះ ពោះវៀន វាអាចទាក់ទងនឹង តំណរពូជ ឬសេនេទិច ឧទាហរណ៍ ដូចជា​ ដុំមហារីកជាដើម នោះគ្រូពេទ្យនឹងធ្វើការអង្កេត វិភាគរោគបន្តបន្ទាប់ ដើម្បីគួរទទួលការព្យាបាលឲ្យត្រឹមត្រូវ។ • ចំពោះលក្ខខណ្ឌមនុស្សវ័យក្រោម ៤៥ឆ្នាំ បើគាត់មាន ជំងឺបាក់ទឹកចិត្ត ឬតានតឹង ហើយមិនមានរោគសញ្ញាគំរាមកំហែងធ្ងន់ធ្ងរ ពេលខ្លះពួកគាត់ អាចប្រឹក្សា និង ធ្វើការពិនិត្យលើរបៀបរបបនៃការរស់នៅប្រចាំថ្ងៃរបស់គាត់ឡើងវិញ ឬអាចញ៉ាំថ្នាំតិចតួច។ បន្ទាប់មក បើអាការៈជំងឺនៅតែ​មិនមាន ភាពប្រសើរឡើង គ្រូពេទ្យឯកទេស នឹងធ្វើការអង្កេតបន្តបន្ទាប់ទៀត ដើម្បីមើលពីបញ្ហាផ្សេងៗទៀត។ ទាក់ទងនឹងការថែទាំសុខភាពទូទៅ ក៏ដូចជាផ្នែកក្រពះ ពោះវៀន លោកវេជ្ជបណ្ឌិតក៏បានផ្តាំផ្ញើផងដែរថា យើងត្រូវចាំបាច់យកចិត្តទុកដាក់ លើការថែទាំសុខភាព ទាំងការពិនិត្យ ទាំងការរស់នៅប្រចាំថ្ងៃ ដោយចៀសវាងការពិសារគ្រឿងស្រវឹង ចៀសវាងការពិសារអាហារ ដែលមិនមានអនាម័យ ឬមិនសមស្របតាមបច្ចេកទេសចំអិនល្អ និងត្រូវហាត់ប្រាណឲ្យបានទៀងទាត់។ ស្វែងយល់បន្ថែមអំពី តំហែទាំលើប្រព័ន្ធរំលាយអាហារ  ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Other Diseases Gastrointestinal
Share
  • Aug 07, 2017 |
  • 7 years ago |
  • 3.8K views

[ខ្លឹមៗ] អ្វីទៅជាកង្វះអុកស៊ីសែនលើការដកដង្ហើមរបស់ទារក?

ទារកដែលស្ថិតក្រោមអាយុមួយឆ្នាំ តែងតែប្រឈមមុខចំពោះជំងឺគ្រប់ប្រភេទ ដោយសារប្រព័ន្ធភាពស៊ាំនៅខ្សោយ ហើយអ្វីដែលគួរឲ្យកត់សម្គាល់នោះគឺ ការខ្វះអុកស៊ីសែនសម្រាប់ដកកង្ហើមរបស់ទារក។ បញ្ហាមួយនេះ មានហានិភ័យខ្ពស់ ព្រោះវាអាចកើតឡើងដោយចៃដន្យ និងដោយការបង្ករោគ នៅផ្លូវដង្ហើម ឬប្រព័ន្ធរំលាយអាហារ។ កង្វះអុកស៊ីសែនដកដង្ហើមរបស់ទារកត្រូវបានផ្តល់អត្ថន័យថា ជាការមិនអាចពន្យល់បាននូវការបញ្ឈប់ភ្លាមៗនៃការដកដង្ហើមក្នុងរយៈពេល២០វិនាទី​ ឬច្រើនជាងនេះ ឬក៏មិនមានការដកដង្ហើមរយៈពេលខ្លី រួមជាមួយនឹងការចុះខ្សោយនៃចង្វាក់បេះដូង ឬកង្វះអុកស៊ីសែននៅក្នុងសរសៃឈាម ភាពស្លេកស្លាំង និងមាន ឬគ្មានការចុះខ្សោយនៃសាច់ដុំបេះដូង។ ជាទូទៅ គឺសំដៅលើទារកដែលមានអាយុក្រោម ៣៧អាទិត្យ។ កង្វះអុកស៊ីសែនដកដង្ហើមលើទារក កើតមិនគ្រប់ខែ ត្រូវបានគេផ្តល់អត្ថន័យថា ជាការបញ្ឈប់ការដកដង្ហើមនៅពេលចុងក្រោយ និងភ្លាមៗយ៉ាងតិច ២០វិនាទី ឬរួមជាមួយនឹងដំណើរការ នៃការដើររបស់បេះដូងចុះខ្សោយ ឬជាមួយនឹងកង្វះអុកស៊ីសែន (Cyanosis) ចំពោះទារកដែលមានអាយុតិចជាង ៣៧អាទិត្យ។ វេជ្ជបណ្ឌិត ជា ​គឹមហោ ឯកទេសផ្នែករោគកុមារ មានប្រសាសន៍ជាចុងក្រោយថា ប្រសិនបើឪពុកម្តាយដែលមានទារកក្រោមអាយុមួយឆ្នាំ គួរឧស្សាហ៍សង្កេត មើលអាការៈមិនប្រក្រតីនៃការដកដង្ហើមរបស់ទារកតូចៗ និងគួរយកមកមន្ទីរពេទ្យជាបន្ទាន់ប្រសិនបើឃើញមានករណីសង្ស័យណាមួយកើតឡើង។ ស្វែងយល់បន្ថែម៖ កង្វះអុកស៊ីសែនលើការដកដង្ហើមរបស់ទារក ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Pregnancy & Baby
Share
  • Aug 07, 2017 |
  • 7 years ago |
  • 10.5K views

អតីតនិស្សិតអាហារូបករណ៍ជំនាញឯកទេសក្រពះ-ពោះវៀន-ថ្លើម ពីប្រទេសបារាំងចែករំលែកពីការរើសជំនាញ និងសិក្សានៅបរទេស

ការជ្រើសរើសជំនាញឯកទេស បន្ទាប់ពីការសិក្សាអស់រយៈពេល៦ឆ្នាំ នៅសាកលវិទ្យាល័យវិទ្យាសាស្ត្រសុខាភិបាល មិនមែនជារឿងដែលពិបាកខ្លាំង ឬងាយស្រួលនោះដែរ។ លោកវេជ្ជបណ្ឌិត អ៊ុន កែវសិលា ជានិស្សិតម្នាក់ ក្នុងចំណោមពីរនាក់ ដែលបានជាប់អាហារូបករណ៍ជំនាញឯកទេស ក្រពះ ពោះវៀន ថ្លើម ទៅសិក្សានៅប្រទេសបារាំង ក្នុងឆ្នាំ២០១៥- ២០១៦។ លោកវេជ្ជបណ្ឌិត បានសិក្សានៅទីក្រុងលីយ៉ង់ នៅសាកលវិទ្យាល័យ Claude Bernard Lyon1 រយៈពេល១ឆ្នាំ។ សព្វថ្ងៃលោកវេជ្ជបណ្ឌិត សិលា បម្រើការនៅមន្ទីពេទ្យព្រះកុសមៈ និងនៅមន្ទីរពេទ្យសូរិយាផងដែរ ជំនាញក្រពះ ពោះវៀន និងថ្លើម។   អ្វីដែលជួយក្នុងការសម្រេចជ្រើសរើសជំនាញមួយត្រូវតាមចំណង់ចំណូលចិត្ត? លោកវេជ្ជបណ្ឌិត សិលាបានប្រាប់ពីការរើសជំនាញមួយនេះថា សម្រាប់លោកវេជ្ជបណ្ឌិតផ្ទាល់ ពេលនោះលោកវេជ្ជបណ្ឌិបានចុះកម្មសិក្សា រយៈពេល១ ទៅ២ខែ ដើម្បីទៅសិក្សាស្វែងយល់បន្ថែមនៅមន្ទីរពេទ្យផ្ទាល់ ក៏ដូចជាដើម្បីសង្កេតមើលថា យើងពេញចិត្តនឹងជំនាញដែរឬទេ ហើយបើយើងយល់ថាយើងពិតជាស្រលាញ់ជំនាញមួយណាហើយអាចកំណត់ផ្លូវតទៅមុខទៀត ចៀសវាងការសម្រចដែលខុសពីចំណូលចិត្តខ្លួនឯង ដែលទោះជាចង់បកក្រោយបន្ទាប់ពីរើសហើយនោះ ក៏ពិបាកដែរ។ លោកសិលាបង្ហាញឲ្យដឹងថា ពេលដំបូងលោកក៏មិនជាសូវស្រលាញ់ជំនាញមួយនេះទេ​​ ដោយហេតុថាវាមិនស្អាត មានក្អួតចង្អោរ រាគ មានរាគឈាម មានក្លិនស្អុយ តែបន្ទាប់ពីបានឃើញពីទុក្ខលំបាក់របស់អ្នកជំងឺ និងការជួយព្យាបាលគាត់ហើយ លទ្ធផលដែលធ្វើឲ្យអ្នកជំងឺបានជាសះស្បើយ ជាកត្តាជំរុញទឹកចិត្តខ្ញុំឲ្យចាប់ផ្តើមស្រលាញ់ខាងជំនាញនេះ ហើយម្យ៉ាងវិញទៀតឯកទេសនេះមានការអភិវឌ្ឍតទៅមុខទៀតតាមការវិវឌ្ឍនៃឧបករណ៍ ឬម៉ាស៊ីនក្នុងការព្យាបាល។»  អ្វីដែលគួរត្រៀម ដើម្បីបានអាហារូបករណ៍ទៅសិក្សានៅក្រៅប្រទេស? លោកវេជ្ជបណ្ឌិត សិលា បានចែករំលែកបទពិសោធន៍មួយចំនួន  ពីការសិក្សារបស់លោកនៅប្រទេសបារាំងដែរថា ៖ «មុនពេលទៅបន្តការសិក្សានៅប្រទេសបារាំង យើងត្រូវត្រៀមខ្លួនឲ្យបានល្អ តួយ៉ាងយើងត្រូវមានកំរិតការសិក្សាល្អនៅសាលា ហើយអ្វីដែលសំខាន់គឺ ត្រូវមានកំរិតភាសាបារាំងល្អ ក្នុងលក្ខខណ្ឌកំណត់មួយ។» លោកវេជ្ជបណ្ឌិត ក៏បានបន្តឲ្យដឹងថា យើងត្រូវមានពិន្ទុភាសាបារាំងខ្ពស់ ដើម្បីជាប់អាហារូបករណ៍ មួយនេះដែលឧបត្ថម្ភគាំទ្រទាំងស្រុងដោយរដ្ឋាភិបាលបារាំង។  អ្វីដែលទទួលបានអំឡុងពេលសិក្សានៅបរទេស? លោកវេជ្ជបណ្ឌិត សិលា បានឲ្យដឹងផងដែរថា អាហារូបករណ៍ដែលលោកទទួលបាន គឺរួមបញ្ចូលទាំងថ្លៃការសិក្សា និងទទួលបានប្រាក់ខែគោលប្រហែល ១៤០០អឺរ៉ូ ដែលអាចរ៉ាប់រងការហូបចុក និងស្នាក់នៅផងដែរ។ ចំពោះការស្នាក់នៅ លោកសិលា ទទួលបានការអនុញ្ញាតឲ្យស្នាក់នៅក្នុងមន្ទីរពេទ្យ ដែលចំណាយអស់តិចជាង ការស្នាក់នៅខាងក្រៅ (ដោយការស្នាក់នៅក្នុងមន្ទីរពេទ្យអស់ត្រឹមតែ ១០០អឺរ៉ូ បើគិតជាលុយដុល្លារអាមេរិចប្រហែល ១២០ ហើយបើស្នាក់នៅខាងក្រៅត្រូវអស់ប្រហែល៥០០ ទៅ៦០០ឯណោះ)។  អ្វីជាផលវិបាកដែលជួបប្រទះអំឡុងពេលសិក្សានៅបរទេស? ចំពោះការសិក្សានៅប្រទេសបារាំង លោកវេជ្ជបណ្ឌិត សិលាបានរៀបរាប់ឲ្យដឹងពីផលវិបាកមួយចំនួន តួយ៉ាងគឺ ភាសាតែម្តង។ លោកបានបញ្ជក់ថា «ចំពោះការសិក្សានៅទីនោះមានការលំបាកខ្លាំង ដោយសារតែនៅទីនោះមានតែនៅមន្ទីរពេទ្យ និងនៅសាលាប៉ុណ្ណោះដែលប្រើប្រាស់ភាសាបារាំង ដូច្នេះបើទោះបីជាយើងរៀនបានច្រើនប៉ុណ្ណា ពេលដែលយើងទៅដល់ទីនោះ យើងមានអារម្មណ៍ថាពិបាកស្តាប់ ដោយសារភាគច្រើនគេនិយាយគ្នា ប្រើគ្រៀមភាសា ដូចនេះត្រូវចំណាយពេល ២ទៅ៣ខែដើម្បីបន្សាំខ្លួន។» មួយវិញទៀតនោះ លោកសិលាក៏បានលើកឡើងពីបញ្ហាអាកាសធាតុផងដែរ ដោយពេលលោកសិលាទៅដល់ដំបូង គឺក្នុងខែ១០ នៅទីនោះគឺចាប់ផ្តើម ត្រជាក់ ចុះដល់១០អង្សាសេ ដូច្នេះវាមានការលំបាកបន្តិចដែរ។ រឿងមួយទៀតផងដែរនោះគឺ ចំណីអាហារហូបចុក ព្រោះនៅបារាំង គេមិនបានហូបបាយដូចយើងឡើយ ហើយលោកវេជ្ជបណ្ឌិតប្រៀបធៀបថា បើទោះម្ហូបនៅទីនោះឆ្ងាញ់ ប៉ុណ្ណាក៏ដោយក៏មិនដូចនៅស្រុកខ្មែរដែរ។  ជាចុងក្រោយ ដូចដែលយើងដឹងហើយថា ការបន្តការសិក្សានៅកំរិតជាន់ខ្ពស់ និងជាពិសេសគឺការសិក្សាអប់រំនៅបរទេស ជាការប្រសើរ មួយដែលក្នុងការលើកកម្ពស់ និងអភិវឌ្ឍធនធានមនុស្សនៅកម្ពុជា និងជាពិសេសផ្នែកសុខាភិបាលតែម្តង។ លោកវេជ្ជបណ្ឌិត សិលាបានបញ្ជាក់ពីការយល់ដឹង យ៉ាងទូលំទូលាយបន្ទាប់ពីបានទទួលការសិក្សានៅប្រទេសបារាំងថា «អ្វីដែលពិសេសនោះគឺ ពេលដែលយើងទៅដល់ខាងក្រៅ យើងបានឃើញ បានដឹងរឿងរ៉ាវជាច្រើនដែលយើងអត់ដឹង ព្រោះមានបច្ចេកទេស មួយចំនួនដែលរហូតមកដល់សព្វថ្ងៃនេះ យើងមិនទាន់ឃើញប្រើនៅស្រុកយើងនៅឡើយទេ។» លោកសិលាក៏បានផ្តល់យោបល់មួយចំនួន ដល់សិស្សនិស្សិតដែល ចង់បន្តការសិក្សាទៅប្រទេសបារាំងផងដែរថា អ្វីដែលគួរត្រៀមសំខាន់ បំផុតនោះគឺត្រូវមានភាសាបារាំងល្អ។ បើយើងចេះខ្លាំង ទំនាក់ទំនងបានល្អ ការងារផ្សេងៗ ក៏ធ្វើឲ្យមានភាពងាយស្រួល ជាងមុនដែរ។ លោកសិលាក៏បានបន្ថែមផងដែរថា បើនិយាយពីរឿងអាកាសធាតុ ចំណីអាហារ ដូចជាមិនមែនជា បញ្ហាចោទខ្លាំងនោះទេ ព្រោះទៅបានតែមួយរយៈយើងនឹងទម្លាប់បាន។ មួយវិញទៀត ចំពោះបច្ចេកទេស ក៏យើងរៀនបានខ្លះដែរ តែបើកាលណាភាសាយើងទៅអត់រួចហើយ គឺមិនអាច ទៅរួចឡើយ ជាពិសេសចំពោះការទំនាក់ទំនងគ្នា ជាចំបាច់គឺជាមួយអ្នកជំងឺផ្ទាល់តែម្តង។  © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

Career & Education
Share
Top