Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Aug 03, 2017 |
  • 7 years ago |
  • 1.5K views

៥ ហេតុផល មតិយោបល់របស់អ្នកជំងឺរួមចំណែកក្នុងការអភិវឌ្ឍវិស័យសុខាភិបាល

ការស្វែងរកសេវាសុខភាពនៅតាមមន្ទីរពេទ្យ ឬគ្លីនិកណាមួយដែលអាចទុកចិត្តបាន និងស័ក្តិសមបំផុតសម្រាប់បុគ្គលម្នាក់ៗបាន និងកំពុងក្លាយជាបញ្ហាចោទមួយ។ ស្របពេលជាមួយគ្នានេះ យើងក៏ឃើញមានលំហូរនៃការស្វែងសេវាទាំងនេះនៅក្រៅប្រទេស ដោយសារតែហេតុផលមួយពីការយល់ឃើញថា «ពេទ្យស្រុកខ្មែរអសមត្ថភាព» ។ ប៉ុន្តែ នេះជាការឲ្យតម្លៃតែមួយជ្រុងនៃបញ្ហាប៉ុណ្ណោះ។ ជាក់ស្តែង ទោះបីជាប្រទេសកម្ពុជាជាប្រទេសកំពុងអភិវឌ្ឍក្តី ប៉ុន្តែវិស័យសុខាភិបាលយើងបាន និងគំពុងតែមានភាពល្អប្រសើរជាបន្តបន្ទាប់។  ជំនួសឲ្យការលែងមានជំនឿជាក់លើវិស័យមួយនេះ តើអ្នកធ្លាប់គិតទេថា អ្នកក៏អាចជាចំណែកមួយនៃការអភិវឌ្ឍវាឲ្យបានល្អប្រសើរ និងឈានទៅមុខដែរឬទេ? ទង្វើមួយដែលអ្នកអាចធ្វើបាននោះ គឺការបញ្ចេញនូវមតិយោបល់ក្នុងន័យស្ថាបនាទៅលើគុណភាព និងដំណើរការនៃសេវាដែលអ្នកធ្លាប់បានទទួល។      តើមតិយោបល់របស់អ្នកអាចបញ្ចេញឡើងក្នុងរូបភាពណាខ្លះ? ប្រាកដណាស់ មតិយោបល់ដែលមានប្រសិទ្ធភាពគួរតែត្រូវបានផ្តល់ជូនដោយផ្ទាល់រវាងអ្នកជងឺទៅកាន់វេជ្ជបណ្ឌិត ក៏ដូចជាអ្នកផ្តល់សេវាសុខភាព។   ប្រសិនបើមិនមានពេលជួបផ្ទាល់ ធ្វើយ៉ាងណាអាចប្រាប់ដល់ពួកគាត់បាន? អរគុណដល់បច្ចេកវិទ្យា…ជាមួយនឹងគេហទំព័ររបស់ហេលស៍ថាម www.heathtime.tips និងកម្មវិធីទូរស័ព្ទឈ្មោះថា Healthogo ដែលជាជម្រើសទីមួយសម្រាប់ការស្វែងរកគ្លីនិកនៅកម្ពុជា លោកអ្នកអាចធ្វើការវាយតម្លៃទៅលើសេវាសុខភាពដែលលោកអ្នកធ្លាប់បានប្រើប្រាស់ ក៏ដូចជាទទួល។   ហេតុអ្វីគួរបញេ្ចញមតិយោបល់ទាំងនោះ?  តាមការពិតទៅ គ្រប់គ្នាសុទ្ធតែមានចំណែកក្នុងការកែលំអ និងអភិវឌ្ឍវិស័យស្នូលមួយនេះ។ ជាក់ស្តែងណាស់ ក្រៅពីអ្នកផ្តល់សេវាសុខភាពផ្ទាល់ លោកអ្នកដែលជាអ្នកទទួលសេវាទាំងនោះពីពួកគាត់ គឺមានតួនាទីសំខាន់ណាស់ក្នុងការរួមចំណែកនេះ។    ទាំងនេះ ជាអ្វីដែលអាចនឹងកើតមាន ប្រសិនបើអ្នកជ្រើសរើសចូលរួមជាមួយពួកយើងក្នុងការរិះគន់ដើម្បីស្ថាបនា ៖ -ការកែតម្រូវនូវចំណុចខ្វះខាត និងខុសឆ្គងឲ្យបានល្អប្រសើរឡើងវិញ និងសមរម្យតាមអ្វីដែលអ្នកជំងឺចង់បានបច្ចុប្បន្ន ដូចជា សេវាកម្មសុខភាព គុណភាពព្យាបាល ទំនាក់ទំនង ជាដើម -ការលើក និងជំរុញទឹកចិត្តគ្រូពេទ្យក្នុងការព្យាបាលជំងឺឲ្យកាន់តែមានប្រសិទ្ធភាពខ្ពស់ ក៏ដូចជាការពង្រីកការស្រាវជ្រាវ ដើម្បីពង្រឹងចំណេះដឹងក្នុងការព្យាបាល... -ក្រោយពេលមានការកែតម្រូវ និងប្រឹងប្រែងបន្ថែមពីសំណាក់អ្នកប្រកបវិជ្ជាជីវៈសុខាភិបាល ប្រាកដណាស់ នឹងមានការអភិវឌ្ឍវិស័យសុខាភិបាល -ការសម្រួលដល់អ្នកជំងឺដទៃទៀតក្នុងការសម្រេចចិត្តជ្រើសរើសគ្លីនិក ឬមន្ទីរពេទ្យ តាមរយៈការពិចារណាទៅលើពិន្ទុ មតិយោបល់ សេវាកម្ម ក្រុមការងារ-ល- -ការបង្កើនទំនុកចិត្តនៃប្រជាជនកម្ពុជាទៅលើស្ថាប័នផ្តល់សេវាសុខភាពក្នុងប្រទេសមួយចំនួនដែលពិតជាអាចទុកចិត្តបាន និងមានគុណភាព  ដែលជាការរួមចំណែកមួយក្នុងការកាត់បន្ថយនូវការចំណាយធនធាន (ពេលវេលា និងទ្រព្យសម្បត្តិ) ក្នុងការទទួលយកសេវាព្យាបាលនៅក្រៅប្រទេស។   តើអាចចូលរួមបានដោយរបៀបណា? គ្រាន់តែចូលទៅគេហទំព័រ ឬកម្មវិធីទូរស័ព្ទរបស់ហេលស៍ថាម រួចចូលទៅកាន់គ្លីនិកដែលលោកអ្នកចង់ផ្តល់ពិន្ទុ និងមតិយោបល់… សម្រាប់ពិន្ទុ គឺនឹងត្រូវបានគិតដូចខាងក្រោម ៖  = -2  = -1  = 1  = 2  = 3 (រូប តំណាងឲ្យនិមិត្តសញ្ញាផ្កាយនៅលើគេហទំព័រ និងកម្មវិធីទូរស័ព្ទរបស់យើង)   ជាថ្មីម្តងទៀត យើងគ្រប់គ្នាសុទ្ធតែជាចំណែកនៃការលើកកម្ពស់វិស័យមួយនេះ…ចូលរួមទាំងអស់គ្នា ដើម្បីកម្ពុជា!!!   គេហទំព័រ www.healthtime.tips   កម្មវិធីទូរស័ព្ទ Healthogo iOS : https://appsto.re/us/qLyZkb.i Android :      ឆាប់ៗនេះ

Other Diseases
Share
  • Aug 02, 2017 |
  • 7 years ago |
  • 15K views

ស្វែងយល់ ជំងឺធ្លាក់ទឹកចិត្ត

អ្វីជាជំងឺធ្លាក់ទឹកចិត្ត? - បុគ្គលគ្រប់រូបតែងតែមានអារម្មណ៍ស្រងូតស្រងាត់ ឬធ្លាក់ទឹកចិត្តក្នុងឱកាសណាមួយនៃដំណើរជីវិតរស់នៅ ប្រចាំថ្ងៃរបស់ពួកគេ ក៏ប៉ុន្តែសភាពបែបនេះនឹងបាត់ទៅវិញតែប៉ុន្មានថ្ងៃក្រោយមក។ នេះគ្រាន់តែជាប្រត្តិកម្មធម្មតា ប៉ុណ្ណោះ។ - ផ្ទុយទៅវិញ ជំងឺធ្លាក់ទឹកចិត្ត ជាជំងឺធ្ងន់ធ្ងរទាំងក្នុងផ្នែកវេជ្ជសាស្រ្ត និងចិត្តសាស្រ្ត។ វាមានរយ:ពេលយូរជាង ធម្មតា និងប៉ះពាល់ដល់អារម្មណ៍ ការគិត ដំណេក អាកប្បកិរិយា តួនាទីមុខងារក្នុងសង្គម​ និងជីវិតរស់នៅប្រចាំថ្ងៃរបស់ លោកអ្នក។ អ្វីខ្លះជារោគសញ្ញាជំងឺធ្លាក់ទឹកចិត្ត? អាការ:រាងកាយ - អស់កម្លាំងល្ហិតល្ហៃស្ទើរគ្រប់ពេលវេលា - វិបត្តិដំណេក ញុំាពុំបាន ស្រកទំងន់ - ឈឺក្បាល ឈឺចុកចាប់សាច់ដុំស្ទើរតែពេញខ្លួនប្រាណ - ឈឺចុកផ្សាលើចុងដង្ហើម ទល់លាមក - រដូវមិនទៀងទាត់។ អាការ:ផ្លូវចិត្ត - មានអារម្មណ៍ស្រងូតស្រងាត់ ឬធ្លាក់ទឹកចិត្តស្ទើររាល់ថ្ងៃ - បាត់ការចាប់អារម្មណ៍ និងសប្បាយស្ទើរគ្រប់សកម្មភាពក្នុងជីវិតរស់នៅប្រចាំថ្ងៃ - គ្មានទំនុកចិត្តលើខ្លួនឯង ពិបាកក្នុងការសម្រេចចិត្ត - ស្តីបន្ទោសខ្លួនឯង មានគំនិតមិនចង់រស់ ឬធ្លាប់ធ្វើសកម្មភាពសម្លាប់ខ្លួនម្តង ឬច្រើនដងរួចមកហើយ(អត្តឃាត)។ ការគិត - អ្វីៗជាកំហុសខ្ញុំទាំងអស់ - គ្មានអ្វីល្អសម្រាប់រូបខ្ញុំទេនៅលើលោកនេះ - ជីវិតខ្ញុំគ្មានន័យអ្វីទាំងអស់ - ខ្ញុំមិនចង់រស់។ អាកប្បកិរិយា - គ្មានចំណង់ចង់ចេញក្រៅ ឬធ្វើការ - ដកខ្លួនចេញពីគ្រួសារ មិត្តភក្តិ និងសង្គម - ឈានទៅរកការផឹកស្រា​ សេពគ្រឿងញៀន និងការប្រើប្រាស់ថ្នាំងងុយគេងដោយគ្មានវេជ្ជបញ្ជា។ ជំងឺធ្លាក់ទឹកចិត្តឃើញមានច្រើនដែរឬទេ? - ជំងឺធ្លាក់ទឹកចិត្ត គេសង្កេតឃើញស្រ្តីភេទមានពីរដងច្រើនជាងបុរស អាចមានទាំងកុមារ វ័យជំទង់ មនុស្សពេញ វ័យ និងមនុស្សចាស់។ ជំងឺធ្លាក់ទឹកចិត្តមាន បីកម្រិត ៖ ស្រាល មធ្យម និងធ្ងន់ធ្ងរ។ មូលហេតុនាំឲ្យកើតមានជំងឺធ្លាក់ទឹកចិត្ត - បញ្ហាគ្រួសារ សង្គម - ការខកចិត្ត សោកស្តាយ​ ការបាត់បង់អ្នកជាទីស្រឡាញ់ - បម្រែបម្រួលសារធាតុគីមីខាងក្នុងខ្លួន - ជំងឺផ្លូវកាយមួយចំនួន - ឱសថព្យាបាលមួយចំនួន - ការសេពសុរា គ្រឿងញៀន ការព្យាបាល - ការព្យាបាលដោយប្រើឱសថប្រឆាំងនឹងធ្លាក់ទឹកចិត្ត - ការព្យាបាលតាមបែបពុទ្ធិ អាកប្បកិរិយា - ការគាំទ្រផ្លូវចិត្ត ផ្តល់ប្រឹក្សា - លំហាត់ប្រាណ និងសំរាយកាយ ចិត្ត - ការធ្វើរបបអាហារឲ្យមានតុល្យភាព ការការពារ - ការប្រើប្រាស់បំណិនជីវិតក្នុងការដោះស្រាយ គេច កែប្រែ និងសម្របទៅនឹងស្ថានភាពតានតឹងក្នុងចិត្តដែលជួបប្រទះស្ទើរតែរាល់ថ្ងៃ​ ក្នុងជីវិតរស់នៅ។ - បញ្ឈប់ការសេពគ្រឿងស្រវឹង និងគ្រឿងញៀន - អនុវត្តតាមវេជ្ជបញ្ជាដោយពិសាថ្នាំឲ្យបានទៀងទាត់ - ផ្តល់ព័ត៌មានដល់គ្រូពេទ្យជាបន្ទាន់ ក្នុងករណីថ្នាំមានផលវិបាក។ អ្នកជំងឺ និងក្រុមគ្រួសារអ្នកត្រូវសហការជាមួយក្រុមគ្រូពេទ្យ ដើម្បីរៀនសូត្រអំពី ថាអ្វីទៅជាជំងឺធ្លាក់ទឹកចិត្ត?

Other Diseases Mental Health​ & Entertainment
Share
  • Aug 02, 2017 |
  • 7 years ago |
  • 31.3K views

ថប់បារម្ភ ជំងឺផ្លូវចិត្តកើតមានច្រើនជាងគេបង្អស់ ជាពិសេសលើស្រ្តីភេទ

អ្វីទៅជាជំងឺថប់បារម្ភ? អ្នកតែងតែមានការថប់បារម្ភជាញយដង ក្នុងពេលវេលាណាមួយនៃជីវិតរស់នៅរបស់អ្នក ដូចជាសមាជិកណា ម្នាក់ក្នុងគ្រួសារមានជម្ងឺដង្កាត់ ឬក៏អ្នកត្រៀមខ្លួនបង្តើតមុខជំនួញអ្វីមួយ ប៉ុន្តែទាំងនេះ គ្រាន់តែជាលក្ខណ:ធម្មតា ប៉ុណ្ណោះ។ ជំងឺថប់បារម្ភមានសភាពខ្លាំងក្លាជាងនេះទៅទៀត មានរយ:ពេលយូរ និងប៉ះពាល់ដល់តួនាទី មុខងារ និងជីវិត ប្រចាំថ្ងៃរបស់អ្នក។ អ្វីខ្លះជារោគសញ្ញានៃជំងឺថប់បារម្ភ? 1. រោគសញ្ញាស្តែងមាននៅលើរាងកាយ ▪ បេះដូងដើរញាប់ ចង្វាក់ដង្ហើមខ្លីៗ ▪ វិលមុខ ស្រវាំងភ្នែក រោយកញ្ចឹងក ▪ ស្ងួតមាត់ ▪ បែកញើសហួសប្រមាណ ▪ ត្រជាក់ចុងដៃ ជើង ▪ រសេះរសោះ អស់កំលាំងល្ហិតល្ហៃ ▪ ចុកចាប់ តឹងណែនសាច់ដុំ ▪ ចង្អោរ ក្អួត ▪ នោមញឹក ▪ ឧស្សាហ៍កោសខ្យល់ ▪ ស្រឺត ▪ ពិបាកគេង គេងមិនលក់ 2. រោគសញ្ញាស្តែងមានលើផ្លូវចិត្ត ▪ ព្រួយបារម្ភ ភ័យខ្លាចគ្មានហេតុផល ▪ ភ័យខ្លាចស្លាប់ដោយគាំងបេះដូង ▪ អន្ទះសារពិបាកក្នុងការរង់ចាំ ▪ ពិបាកក្នុងការផ្ចង់អារម្មណ៍ ▪ មិនហ៊ានធ្វើដំណើរ ឬនៅតែឯង។ ជំងឺថប់បារម្ភឃើញមានច្រើនដែរឬទេ? ជំងឺថប់បារម្ភមានច្រើនជាងគេបង្អស់ក្នុងចំណោមជំងឺផ្លូវចិត្តឯទៀតៗ និងឃើញច្រើនលើស្រ្តី ភេទ។   មូលហេតុអ្វីខ្លះដែលនាំឲ្យមានជំងឺថប់បារម្ភ? ការទទួលបទពិសោធន៍អាក្រក់ម្តងហើយម្តងទៀតពីអតីតកាលដូចជា ការគំរាមសម្លាប់ ភ្លើងឆេះផ្ទះ សង្គ្រាម ការបែកបាក់ ករណីខ្លះមូលហេតុពុំមានលក្ខណ:ច្បាស់លាស់។   ➢ ការព្យាបាល ▪ ការព្យាបាលតាមបែបចិត្តសាស្រ្ត ▪ ការព្យាបាលដោយឱសថប្រឆាំងនឹងជំងឺថប់បារម្ភ ▪ ការសម្រាកកាយចិត្ត ▪ ការកំសាន្តនៅទីកន្លែង ឬការធ្វើសកម្មភាពដែលអ្នកពេញចិត្ត។ ➢ ការការពារ ▪ ប្រើប្រាស់បំណិនជីវិតក្នុងការដោះស្រាយ គេច កែប្រែ និងសំរបទៅនឹងស្ថានភាពតានតឹងក្នុង ចិត្តដែលជួបប្រទះស្ទើរតែរាល់ថ្ងៃ ក្នុងជីវិតរស់នៅ។ ▪ បញ្ឈប់ការសេពគ្រឿងញៀន និងគ្រឿងញៀន ▪ អនុវត្តន៍តាមវេជ្ជបញ្ជាដោយពិសារថ្នាំអោយបានទៀងទាត់ ▪ ផ្តល់ព័ត៌មានដល់គ្រូពេទ្យជាបន្ទាន់ក្នុងករណីថ្នាំមានផលវិបាក ▪ អ្នកជំងឺ និងក្រុមគ្រួសារអ្នកជម្ងឺត្រូវសហការណ៍ជាមួយគ្រូពេទ្យដើម្បីរៀនសូត្រអំពី ថាអ្វីទៅជាជំងឺថប់បារម្ភ?

Other Diseases Mental Health​ & Entertainment Mental Health​ & Entertainment Women's Health
Share
  • Aug 02, 2017 |
  • 7 years ago |
  • 5.5K views

ហេតុអ្វីមនុស្សប្រុសកើតជំងឹមុនច្រើនជាងមនុស្សស្រី?​

  ជំងឺមុន គឺជាជំងឺសើស្បែកដែលកើតឡើងដោយការរលាកក្រពេញ​​ គល់រោមដែលជួបញឹកញាប់បំផុតក្នុងចំណោមមនុស្សពេញវ័យ ដែលមានអាយុពី១៥ឆ្នាំ(អាចមុន១៥)ទៅ២៥ឆ្នាំ(ឬលើសនេះ)។ គេសង្កេតឃើញថា បុរសកើតមុនធ្ងន់ធ្ងរជាងស្ត្រី។ នេះបញ្ជាក់ថា វាមានទំនាក់ទំនងយ៉ាងជិតស្និទជាមួយនឹងអ័រម៉ូនភេទបុរស គឺអង់ដ្រូហ្សែនដែលមានឥទ្ធិពលលើការបញ្ចេញសេបូម(ខ្លាញ់)នៃ ក្រពេញខ្លាញ់គល់រោម។​​ វាអាចមានលក្ខណៈគ្រួសារបើឪពុកឬម្តាយកើតមុនពីក្មេងកូនៗ​ ក៏អាចកើតមុនដូចឪពុកម្តាយដែរ។  ក្រៅពីនេះ មានកត្តាផ្សេងៗទៀត ជាច្រើនដែលអាចបង្កជាមុនផងដែរ ដូចជាថ្នាំលេប ថ្នាំចាក់ ថ្នាំលាប ផលិតផលលាបលើស្បែកមុខ គ្រឿងសំអាង និងកត្តាបរិស្ថាន ជាដើម។ ជំងឺមុន មិនកើតឡើងដោយសារចំណីអាហារទេ។ ជំងឺមុនកើតឡើងនៅលើមុខ ទ្រូង ខ្នង ដើមដៃ និងអាចកើតនៅកំប៉េះគូថ។ វាអាចជាគ្រាប់មុនតូចៗ(មុនខ្សាច់) កជាខ្ទុះតូច ធំដែលអាចបង្កជាសម្លាកនៅពេលវាជាទៅវិញ។ កាលណាមិនបានព្យាបាលទាន់ពេល វាបន្សល់ទុកនូវផលវិបាក ធ្ងន់ធ្ងរដែលពិបាកព្យាបាលគឺ សម្លាក-មុខខ្មូត។ ការព្យាបាល គឺការលាងសម្អាតខ្លាញ់ដោយសាប៊ូ (Cleanser) លាបអាស៊ីតវិតាមីនអា(Vitamin A acid) លាបឬលេបអង់ទីប៊ីយ៉ូទិក (សម្រាប់សម្លាប់មេរោគមុន)។ល។  រីឯការញេចមុនវិញ មិនមែនជាជម្រើសល្អទេ គួរតែត្រូវបានធ្វើឡើងដោយ វេជ្ជបណ្ឌិតជំនាញ ឬដោយគិលានុប្បដ្ឋាកដែលបាន ឆ្លងកាត់ការ សិក្សាផ្នែកនេះ។ បើពុំនោះទេ វាអាចបង្កនូវផលវិបាកផ្សេងៗដូចជា ដំបៅក្លាយ ជាពិសេស គឺសម្លាក។ ក្រៅពីនេះ គេក៏អាចព្យាបាល ជំងឺមុនបាន ដោយម៉ាស៊ីនឡាស៊ែររៀង១ខែ១ដង។ គេអាចព្យាបាលមុខសម្លាក-មុខខ្មូតដោយសារជំងឺមុន ដោយប្រើ ថ្នាំលាប និងឡាស៊ែរ Fractional CO2 (សូមមើលឯកសារមុនៗ)។ សម្រាប់ចម្ងល់ផ្សេងៗរាល់ជំងឺសើស្បែក សូមសរសេរក្នុងខំមិន ឬទាក់ទងតាមទូរស័ព្ទ012 533 355 យើងខ្ញុំនឹងបកស្រាយជូនគ្រប់សំនួរ ឬមកកាន់គ្លីនិកយើងខ្ញុំដែលមានអស័យដ្ឋាន ផ្ទះលេខ៧៤អឺអូ ផ្លូវមុនីរ៉េត(ផ្លូវ២១៧) សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ( ក្បែរគ្លីនិកវិសាលសុខផ្លូវទៅផ្សារដើមគ)

Other Diseases Skin, STD & Beauty
Share
  • Aug 02, 2017 |
  • 7 years ago |
  • 8.6K views

[ខ្លឹមៗ] ឃ្លង់ល្ពៅ មិនមែនជាជំងឺឆ្លងនោះទេ?

ពណ៍សម្បុរស្បែករបស់មនុស្សមានច្រើនប្រភេទតាមពូជសាសន៍ ប៉ុន្តែប្រសិនមានការប្រែប្រួលពណ៍នៃស្បែកខុសពីធម្មតា​អាចបង្ហាញថាស្បែករបស់អ្នកកំពុងមានបញ្ហា។ គួរបញ្ជាក់ថា មូលហេតុមួយនេះអាចបណ្តាលមកពីជំងឺស្បែកម៉្យាងហៅថា ឃ្លង់ល្ពៅ។ ឃ្លង់ល្ពៅជាជំងឺដែលធ្វើឲ្យស្បែកប្រែទៅជាពណ៍សខុសធម្មតាហើយវាមកពីការស្លាប់នៃកោសិកាផលិតពណ៍។ ជំងឺស្បែកនេះអាចកើតមានឡើងចំពោះមនុស្សគ្រប់វ័យអាចកើតមាននៅលើផ្ទៃមុខដងខ្លួនចុងដៃចុងជើង និងតាមជាលិកាទន់ដូចជាភ្នែក ច្រមុះ បបូរមាត់។   តាមរយៈ លោកវេជ្ជបណ្ឌិត ព្រហ្ម ផានិត ឯកទេសជំងឺស្បែក និងកាមរោគនៃមន្ទីរពេទ្យមិត្តភាពខ្មែរ-សូវៀត និងជាប្រធានគ្លីនិកសើស្បែក ណង់ស៊ី បានមានប្រសាសន៍ថា “ជំងឺនេះមិនមានការឆ្លងពីមនុស្សម្នាក់ទៅមនុស្សម្នាក់ទៀតនោះទេ ដោយសារវាកើតឡើងដោយប្រព័ន្ធការពាររបស់ខ្លួនយើងផ្ទាល់ប្រឆាំងនឹងខ្លួនឯង(Auto Immune)។ ឯកត្តាសេនេទិចក៏មិនទាន់បានបញ្ជាក់ឲ្យច្បាស់លាស់ផងដែរដោយគ្រាន់តែអាចដឹងថាបើគ្រួសារមួយមានជំងឺឃ្លង់ល្ពៅនេះកូនចៅ ឬចៅទួតអាចមានកើតជំងឺនេះប៉ុន្តែអាចនឹងអត់កើតផងដែរ។       ជាចុងក្រោយប្រសិនបើបងប្អូនប្រិយមិត្តអានទាំងឡាយបានជួបប្រទះ ឬមានការសង្ស័យថាខ្លួនមានស្បែកខុសធម្មតាគួរតែទៅជួបជាមួយនឹងគ្រូពេទ្យឯកទេសខាងសើស្បែកដើម្បីពិនិត្យ និងធ្វើរោគវិនិច្ឆ័យឲ្យបានត្រឹមត្រូវចៀសវាងការយល់ខុស និងការប្រើប្រាស់ថ្នាំដោយគ្មានវេជ្ជបញ្ជាដែលអាចបណ្តាលឲ្យប៉ះពាល់ដល់សុខភាព។ ស្វែងយល់បន្ថែម ជំងឺឃ្លង់ល្ពៅ   © 2017 រក្សាសិទ្ធិគ្រប់យ៉ាង​ដោយ Healthtime Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

Other Diseases Skin, STD & Beauty
Share
  • Aug 02, 2017 |
  • 7 years ago |
  • 3.6K views

ងាយៗនៅផ្ទះ ហើយក៏អាចស្អាតបានតាមបែបធម្មជាតិ...

សម្រាប់នារី សម្រស់ទាមទារការយកចិត្តទុកដាក់ថែរក្សាជាទៀងទាត់។ នៅក្នុងយុគដែលនារីត្រូវចេញទៅធ្វើការជារៀងរាល់ថ្ងៃពេលវេលាដែលអាចចំណាយទៅលើការកែសម្រស់ក៏ថយចុះ។ ប៉ុន្តែនរណាប្រាប់ថាទាល់តែទៅហាងទើបអាចរក្សាសម្រស់បាន? ខាងក្រោមនេះជាវិធីរក្សាសម្រស់ថែទាំទាំង៥ដែលអ្នកអាចធ្វើដោយខ្លួនឯង បាននៅផ្ទះ។ បញ្ហាភ្នែកខ្មៅ៖ ដើម្បីដោះស្រាយបញ្ហានេះ នារីក្រាន់តែយកកញ្ចប់តែដែលប្រើរួចយកមកដាក់នៅលើភ្នែកទាំងសងខាងដែលមានស្មាមជាំនោះជាការស្រេច។ ជាតិកាហ្វេអ៊ីននៅក្នុងកញ្ចប់តែនឹងជួយបន្ថយអាការៈហើមនៃ សរសៃឈាមនៅបរិវេណជុំវិញភ្នែក ធ្វើឲ្យភ្នែកភ្លឺថ្លានិងបំបាត់បញ្ហាភ្នែកខ្មៅ។ ប្រសិនបើអ្នកមិនមានកញ្ចប់តែ អ្នកអាចយកដំឡូងបារាំងទៅក្លាសេ្សក្នុងទូរទឹកកកឲ្យត្រជាក់បន្ទាប់ពីនោះត្រូវយកដំឡូងបារាំងមកចិតសម្បកចេញរួចហាន់ស្ដើងៗ ហើយយកដំឡូងដែលហាន់រួចមកដាក់បរិវេណភ្នែកដែលជាំខ្មៅ។ ដំឡូងបារាំងនឹងជួយកាត់បន្ថយបញ្ហាភ្នែកហើមជាំខ្នៅបានដូចគ្នាដែរ។ សក់ដែលមានសុខភាពល្អ៖ វិធីងាយៗចំណាយតិចតែទទួលបានផលច្រើននោះគឺយកស៊ុតមាន់ចំនួន ១ យកតែផ្នែកក្រហម ផ្លែប៊័រមួយភាគបួន ផ្លែប្រេងអូលីវ ២ស្លាព្រាបាយ និង Conditioner មួយប្រអប់ដៃមកលាយបញ្ជូលគ្នារួចលាបទៅលើសក់ ទុកចោល ១ទៅ២ម៉ោងហើយលាងចេញនោះអ្នកនឹងទទួលបានសក់ទន់រលោងមានសុខភាពល្អជាងមុនដោយមិនចាំបាច់ចំណាយប្រាក់ច្រើន ។ មុនសាច់៖ ជាប្រភេទមុនដែលប៉ោងធំឡើងលើផ្ទៃមុខ ឬតាមផ្នែកផ្សេងៗនៃរាងកាយ។ ប្រសិនបើមានមុនសាច់កើតឡើងអ្នកគួរយកថ្នាំដុសធ្មេញមកលាបពីលើមុននោះមុនពេលចូលគេង។ ជាតិដីធម្មជាតិ និងជីអង្កាមនៅក្នុងថ្នាំដុសធ្មេញជួយកាត់បន្ថយភាពហើមរបស់មុន និងជួយមិនឲ្យមានស្នាម។ ប្រការដែលត្រូវចៀសវាងជាដាច់ខាតនោះ គឺមិនត្រូវសង្កត់ ឬញេចមុនសាច់ឡើយ ព្រោះក្រៅពីបណ្ដាលឲ្យមានស្នាមហើយវានៅធ្វើឲ្យមុនកើនឡើងច្រើនជាងមុនថែមទៀត។ ស្បែកទន់រលាង៖ ដាក់ប្រេងដូងកន្លះកែវចូលក្នុងម៉ៃក្រូវ៉េវដើម្បីកម្ដៅឲ្យល្មមតែមិនត្រូវឲ្យប្រេងពុះឡើយ។ បន្ទាប់ពីប្រេងដូងក្ដៅល្មមហើយដាក់ស្ករក្រហមកន្លះកែវចូលរួចច្របាច់ក្រូចឆ្មារ ៣ចំណិតចូលហើយកូរឲ្យសព្វ។ ប្រេងដូងជួយបន្ថែមសំណើមដល់ស្បែកខណៈដែលស្ករក្រហម និងក្រូចឆ្មារជួយជម្រុះស្បែកដែលស្ងួត ឬងាប់ចោល។ ល្បាយខាងលើនេះអាចយកមកលាបនៅលើខ្លួនប្រាណគ្រប់កន្លែងទាំងអស់ ទុករយៈពេល ២០ទៅ៣០នាទី រួចលាងចេញជាការស្រេច។ កន្ទួលលើស្បែកមុខ៖ នៅពេលដែលអ្នកហត់នឿយខ្លាំងឬមានអារម្មណ៏ស្មុគស្មាញខ្លាំងស្បែករបស់អ្នកនឹងមានឡើងកន្ទួលក្រហម។ដើម្បីបំបាត់អាការៈកន្ទួលក្រហមនៅលើស្បែកមុខនេះអ្នកអាចយកចេកទុំមកកិនឲ្យម៉ដ្ឋលាយជា មួយទឹកឃ្មុំមួយស្លាបព្រាទឹកធម្មតាមួយស្លាបព្រានិងក្រែមបំប៉នស្បែកមុខពីរស្លាបព្រា។ចេកសម្បូរទៅដោយវីតាមីនAនិងវីតាមីនEដែលអាចជួយកាត់បន្ថយភាពក្រហមលើស្បែកចំណែកក្រែមបំប៉នជួយឲ្យស្បែកទន់ រលាងនឹងមានសំណើម។ លាបល្បាយនេះលើមុខរយៈពេល១០នាទីរូចលាងទឹកចេញ៕ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

Health Tips Skin, STD & Beauty
Share
  • Aug 02, 2017 |
  • 7 years ago |
  • 3.7K views

នារីធ្វើការការិយាល័យ ចង់ស្អាត មានអីពិបាក...

តាំងពីបរមបុរាណមកនារីខ្មែរតែងប្រកាន់ប្រពៃណីខ្ជាប់ខ្ជួនដោយកម្រដើរហើរចេញក្រៅផ្ទះណាស់។ ភាគច្រើននារីពេញវ័យគ្រប់ការត្រូវចូលម្លប់ សម្អិតសម្អាងខ្លួនប្រាណ និងរៀនសូត្រតម្រាក្បួនច្បាប់នានា។ រហូតមកដល់សម័យនេះហើយនារីៗក្រោយពីរៀនចប់ត្រូវចេញធ្វើការរកប្រាក់ចំណូលផ្គត់ផ្គង់ខ្លួនឯង និងគ្រួសារ មិនសូវមានពេលថែទាំខ្លួនប្រាណប៉ុន្មានទេ។ ខាងក្រោមនេះជាគន្លឺះរក្សាសម្រស់របស់នារីធ្វើការិយាល័យអាចធ្វើដោយខ្លួន ឯងនៅផ្ទះបាន​។​ សុខភាព៖ សម្រាប់នារីដែលធ្វើការការិយាល័យសម័យនេះធ្វើការច្រើនគួរសមហេតុនេះទើបនាទីសុខភាពសូមណែនាំឲ្យអ្នកចាប់ផ្ដើមថែទាំសុខភាព ជាពិសេសគឺសុខភាពផ្លូវកាយ ហើយអ្វីដែលសំខាន់បំផុតគឺមិនត្រូវទទួលទានទឹកតិចពេក និងមិនត្រូវទទួលទានដំណេកតិចពេកនោះទេ។ ការខ្វះខាតលើកត្តាដែលបានលើកឡើងទាំងពីខាងលើនេះប្រសិនបើយើងមិនបានយកចិត្តទុកដាក់លើវាទេនោះទោះយើងប្រើប្រាស់ផលិតផលជំនួយពីឋានសួគ៌ក៏ដោយក៏វាមិនអាចជួយឲ្យបានផលដែលអ្នកចង់បានដែរ។ សូមទទួលទានទឹកឲ្យបានច្រើនព្រោះវានឹងជួយឲ្យស្បែកស្រស់ថ្លាមានសម្រស់មិនស្រអាប់ប្រផេះ ចំណែកការទទួលទានដំណេកក៏ដូចគ្នាដែរ។ បើកាលណាអ្នកទទួលទានដំណេកបានគ្រប់គ្រាន់ ស្បែករបស់អ្នកក៏មានសុខភាពល្អទៅតាមនោះដែរ។ ភ្នែក៖ បញ្ហាដែលច្រើនកើតមានសម្រាប់ភ្នែកនោះគឺស្នាមខ្មៅក្រោមភ្នែក ដែលជាបញ្ហាពិបាកដោះស្រោយបំផុត។ ដើម្បីដោះស្រាយបញ្ហានោះនារីៗគួរតែទទួលទានដំណេកឲ្យបានគ្រប់គ្រាន់។ ប៉ុន្តែក្នុងការដែលមិត្តនារីរវល់ខ្លាំងដោយមានការងារជាច្រើនត្រូវបង្ហើយរហូតដល់ពេលយប់ជ្រៅហើយធ្វើឲ្យនៅក្រោមភ្នែករបស់អ្នកមានសភាពខ្មៅហើម។ អ្នកអាចដោះស្រាយបញ្ហានេះបានដោយយកកញ្ចប់តែដែលប្រើរួចយកមកដាក់នៅលើភ្នែក ទាំងសងខាង១០ពី ១៥នាទីទៅ នាទីរួចលាងភ្នែកជាការស្រេច។ ស្បែក៖ ការថែទាំស្បែកភាគច្រើនតែងតែចៀសមិនរួចពីករណីស្បែកស្ងួតគ្មានសំណើម និងអាចម៏រុយនោះទេ។ បើស្បែកស្ងួតក៏ឲ្យទទួលទានទឹកឲ្យច្រើន ចំណែករឿងអាចម៏រុយវិញវាអាចជាបញ្ហាធ្ងន់ធ្ងរបន្តិច។ ប្រសិនបើអាចម៏រុយកើតលើស្បែកហើយ ទាមទារឲ្យមានការយកចិត្តទុកដាក់ថែរក្សាឲ្យបានជិតដិតទើបអាចម៏រុយអាចបាត់ទៅវិញបាន។ ក្នុងករណីដែលមិនទាន់មានអាចម៏រុយកើតឡើងទេនោះមិត្តនារីគួរ បង្កើតទម្លាប់លាបឡេការពារកម្តៅថ្ងៃមុននឹងចេញហាលក្ដៅ។ ការលាបឡេនេះនឹងជួយការពារស្បែករបស់អ្នកពីកម្ដៅថ្ងៃដែលជាដើមហេតុនៃ អាចម៏រុយ។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។    

Health Tips Skin, STD & Beauty
Share
  • Jul 31, 2017 |
  • 7 years ago |
  • 14.5K views

រៀនពេទ្យមិនងាយស្រួល តែក៏អាចទៅរួចបានដោយរបៀបណាខ្លះទៅ?

មុខវិជ្ជាពេទ្យ គឺជាមុខវិជ្ជាមួយដែលទាមទារឲ្យមានការតាំងចិត្តខ្ពស់ និងការខិតខំប្រឹងប្រែងខ្លាំងក្នុងការសិក្សា។ ជាការពិតណាស់ ទន្ទឹមនឹងការខិតខំប្រឹងរៀននេះ យើងត្រូវរៀនឲ្យឆ្លាតផងដែរ។ មនុស្សម្នាក់ៗមានវិធីសាស្រ្តក្នុងការរៀនសូត្រខុសៗគ្នាទៅតាមបរិយាកាស និងចំណង់ចំណូលចិត្តរបស់ពួកគេ។ អ្នកខ្លះចូលចិត្តរៀននៅកន្លែងដែលស្ងាត់តែម្នាក់ឯង និងខ្លះទៀតចូលចិត្តរៀននៅហាងកាហ្វេជាដើម។ ខាងក្រោមនេះគឺជាការចែករំលែកនូវបទពិសោធន៍ និងគន្លឹះខ្លះៗក្នុងការរៀនពេទ្យ៖ -ភាសា ៖ មិនថាភាសាបារាំង ឬអង់គ្លេសទេ អ្វីដែលចាំបាច់នោះ គឺអ្នកត្រូវខំរៀនភាសាឲ្យបានខ្លាំង ព្រោះថាភាសា គឺជាយានដែលអាចនាំអ្នកឲ្យទៅដល់គោលដៅបាន។ អ្នកត្រូវចេះភាសាទាំងពីរនេះឲ្យបានស្ទាត់ជំនាញ ព្រោះថាឯកសារ សៀវភៅ និងមេរៀននៃមុខវិជ្ជាពេទ្យគឺភាគច្រើនត្រូវបានបោះពុម្ភផ្សាយជាភាសាបរទេស។ -ជំនាញទាំង៤៖ ជំនាញអាន៖ ការអាន គឺជារឿងដ៏សំខាន់មួយសម្រាប់មុខវិជ្ជាពេទ្យ ព្រោះថាមុខវិជ្ជានេះទាមទារឲ្យអ្នកត្រូវតែឧស្សាហ៍ និងអានសៀវភៅឲ្យបានច្រើន។ ជំនាញសរសេរ៖ បន្ទាប់ពីបានអានសៀវភៅហើយ អ្នកត្រូវតែចេះសង្ខេបមេរៀនជ្រើសរើសយកតែចំណុចសំខាន់ៗដើម្បីទុករំលឹកឡើងវិញពេលអ្នកទំនេរ។ រីឯប្លង់នៃការសង្ខេបមេរៀនវិញត្រូវមានចំណុចសំខាន់ៗមួយចំនួនដូចជានិយមន័យ មូលហេតុ ការវិវត្តនៃជំងឺ រោគសញ្ញា ការធ្វើរោគវិនិច្ឆ័យ ការព្យាបាល ផលវិបាកនៃជម្ងឺ ការការពារជាដើម។ ជំនាញស្ដាប់៖ ជំនួសឲ្យការអាន អ្នកអាចផ្លាស់ប្ដូររបៀបរៀនរបស់អ្នកមកជាការមើលនិងការស្ដាប់វិញ។ អ្នកអាចធ្វើការស្វែងរកនូវវីដេអូដែលបង្រៀនពីជំងឺជាច្រើននៅក្នុងគេហទំព័រ YouTube។ វាពិតជាមានប្រយោជន៍ណាស់ ព្រោះថាការអានអាចធ្វើឲ្យអ្នកស្ត្រេសឬពិបាកក្នុងការយល់មេរៀន ហើយពេលខ្លះអ្នកមិនអាចចាប់យករូបភាពជារួមនៃមេរៀនបានទេ។ ផ្ទុយទៅវិញ ការមើលនូវវីដេអូទាំងនោះអាចឲ្យអ្នកឆាប់យល់ពីមេរៀន និងងាយក្នុងការចងចាំមេរៀនផងដែរ ជំនាញនិយាយ៖ អ្នកត្រូវតែបង្កើនភាពក្លាហាន និងបង្កើតទម្លាប់មួយក្នុងការឆ្លើយនឹងសំណួរពេលគ្រូសូរ និងព្យាយាមចែករំលែកនូវចំណេះដឹងទៅកាន់មិត្តភក្ដិរបស់អ្នក។ ការធ្វើដូចនេះមិនត្រឹមតែអាចបង្កើនការចងចាំមេរៀនរបស់អ្នកនោះទេ វាថែមទាំងអាចជម្រុញឲ្យខ្លួនអ្នកមានទម្លាប់ក្នុងការគិតទៀតផង។ -ការសិក្សាជាក្រុម៖ អ្នកគួរតែបង្កើតក្រុមសិក្សាមួយដែលមានសមាជិកពី៣ទៅ៥នាក់ ហើយកំណត់ពេលវេលាឲ្យបានច្បាស់លាស់ដើម្បីសិក្សា។ ការសិក្សាជាក្រុមអាចផ្ដល់នូវផលប្រយោជន៍ដូចជា៖ ចំណេញពេលវេលា៖ អ្នកអាចចែកមេរៀនគ្នាមើល ហើយអ្នកអាចធ្វើបទបង្ហាញឬបង្រៀនពីមេរៀនដែលអ្នកបានមើលទៅកាន់មិត្តរួមក្រុមរបស់អ្នក។ ចែករំលែកចំណេះដឹង និងបង្កើនការចងចាំ៖ ការបង្រៀនគ្នាទៅវិញទៅមកគឺជាវិធីមួយដែលអាចធ្វើឲ្យអ្នកចងចាំមេរៀនយ៉ាងងាយ។ លើសពីនេះទៅទៀត អ្នកអាចពិភាក្សាទៅលើមេរៀននីមួយៗបានស៊ីជម្រៅជាងកាលដែលអ្នករៀនតែម្នាក់ឯង ព្រោះថាពេលខ្លះបើអ្នករៀនតែម្នាក់ឯង អ្នកអាចនឹងយល់ខុសពីមេរៀនក៏ថាបាន។ -ត្រូវមានកូនសៀវភៅមួយសម្រាប់កត់ត្រា ៖ វាគឺជាការចាំបាច់មួយដែលអ្នកគួរតែមានសៀវភៅដ៏ត្រឹមត្រូវមួយដើម្បីធ្វើការកត់ត្រានូវអ្វីដែលអ្នកបានរៀន។ ម្យ៉ាងវិញទៀត ប្រសិនបើអ្នកចុះកម្មសិក្សានៅតាមមន្ទីរពេទ្យវិញ វាកាន់តែចាំបាច់ត្រូវតែមានកូនសៀវភៅតូចមួយដែលអ្នកអាចដាក់តាមខ្លួនបាន។ ពេលអ្នកចុះអនុវត្តផ្ទាល់ វាមិនប្រាកដថាអ្នកត្រូវតែធ្វើតាមទ្រឹស្ដីទាំងអស់នោះទេ ដូច្នេះអ្នកត្រូវកត់ទុកនូវគន្លឹះផ្សេងៗដែលងាយយល់ និងងាយចាំនៅពេលដែលអ្នកបានជួបប្រទះនូវអ្វីដែលថ្មី។ -ការគ្រប់គ្រងពេលវេលា ៖ ជាការពិតណាស់ការរៀនពេទ្យគឺត្រូវចំណាយពេលវេលាយ៉ាងយូរ ហើយក៏រវល់ខ្លាំងបន្តិចដែរ ដូចនេះអ្នកត្រូវតែចេះគ្រប់គ្រងពេលវេលារបស់អ្នកឲ្យបានប្រសើរ។ អ្នកត្រូវបែងចែកពេលវេលាសម្រាប់ខ្លួនឯងនិងក្រុមគ្រួសារ ពេលវេលាសម្រាប់ការសិក្សា និងពេលវេលាសម្រាប់ការសម្រាកនិងថែទាំសុខភាពរបស់អ្នក។ ជាទូទៅអ្នកនឹងប្រឈមនឹងការស្ត្រេសខ្លាំងក្នុងការរៀននូវមុខវិជ្ជាមួយនេះ ដូច្នេះអ្នកត្រូវចេះដោះស្រាយនូវបញ្ហាស្ត្រេសរបស់អ្នក។ Take Home Message: -អ្នកត្រូវខំរៀនភាសាឲ្យបានពូកែ ព្រោះថាអ្នកនឹងរឹតតែត្រូវការវានៅពេលដែលអ្នកចុះកម្មសិក្សានៅតាមមន្ទីរពេទ្យ ឬពេលអ្នកចេញធ្វើការ។ -ហ្វឹកហាត់ជំនាញទាំង៤ឲ្យបានខ្ជាប់ខ្ជួន។ អ្នកត្រូវចងចាំថា «ការអានឲ្យបានច្រើន» មិនប្រាកដថាអ្នកត្រូវអានសៀវភៅឲ្យបានច្រើនក្បាលនោះទេ គឺអ្នកត្រូវអានឲ្យបានច្រើនដងទើបចាំ។ -អ្នកគួររៀនធ្វើចិត្តឲ្យទូលាយ រៀនចែករំលែកចំណេះដឹងទៅកាន់មិត្តភក្តិរបស់អ្នក និងរៀនជាក្រុម។ អ្នកត្រូវចងចាំថា «ការជួយអ្នកដទៃ គឺជាការជួយខ្លួនឯង»។ -រៀនឲ្យឆ្លាត! អ្នកត្រូវចេះកត់ត្រានូវអ្វីដែលថ្មីសម្រាប់អ្នក និងកត់ទុកនូវអ្វីដែលអ្នកឆ្ងល់ដើម្បីធ្វើការស្រាវជ្រាវបន្ថែម និងដើម្បីសួរទៅកាន់គ្រូឬសិស្សច្បងរបស់អ្នក។ យ៉ាងណាមិញ ការខិតខំរៀនសូត្រជារឿងមួយដ៏សំខាន់ ប៉ុន្តែសុខភាពរបស់អ្នកក៏សំខាន់ណាស់ដែរ!!!

Career & Education
Share
  • Jul 30, 2017 |
  • 7 years ago |
  • 5.4K views

អត្ថប្រយោជន៍នៃការធ្វើអេកូសាស្រ្តថ្លើម

អត្ថប្រយោជន៍នៃការធ្វើអេកូសាស្រ្តថ្លើម ដើម្បីពិនិត្យមើលសភាពសាច់ថ្លើមសំរាប់អ្នកជម្ងឺដែលមានជម្ងឺរលាកថ្លើមរ៉ាំរ៉ៃ ! យើងទាំងអស់គ្នាសុទ្ធតែបានដឹងហើយថា ជំងឺរលាកថ្លើម គឺជាជំងឺដ៏កាចសាហាវមួយ ដែលតែងធ្វើឲ្យមានការប៉ះពាល់ដល់សុខភាព និង អាយុជីវិតយើងបាន ប្រសិនបើយើងមានការធ្វេសប្រហែសមិនបានធ្វើការព្យាបាល និង តាមដានអំពីការវិវឌ្ឍនៃជំងឺក៏ដូចជាសភាពរបស់សាច់ថ្លើម ហើយជួនកាលវាអាចមានការវិវឌ្ឍលឿនរហូតដល់ដំណាក់កាលចុងក្រោយ (មហារីកថ្លើមនៅលើថ្លើមក្រិន) ដោយស្ទើរតែមិនមានផ្តល់ជារោគសញ្ញា ឫ មានការធ្វើទុក្ខដល់អ្នកជំងឺឲ្យបានដឹងជាមុននោះឡើយ ៕ ការពិនិត្យ និង វិភាគសាច់ថ្លើម បើទៅតាមបច្ចេកទេសវេជ្ជសាស្ត្រ គឺយើងអាចធ្វើបានតាមច្រើនវិធី ឧទាហរណ៍ដូចជា ការពិនិត្យឈាម (blood test) ការធ្វើអេកូសាស្រ្តពោះ (abdominal ultrasound) ការស្គេនពិនិត្យមើលភាពរឹងរបស់សាច់ថ្លើម (liver fibroscann) និង ការធ្វើស៊ីធីស្គែនពោះ (abdominal CT.scann) ។ល។ ក៏ប៉ុន្តែសម្រាប់រាល់ការពិនិត្យមួយនេះគឺវាមានសារប្រយោជន៍ គោលបំណង និង ភាពច្បាស់លាស់ខុសៗគ្នារាងៗខ្លួនទៅតាមបច្ចេកទេសវេជ្ជសាស្ត្រ និង តម្រូវការចាំបាច់របស់ក្រុមវេជ្ជបណ្ឌិត ។ នៅពេលនេះយើងខ្ញុំក៏សូមលើកយកវិធីសាស្រ្តមួយងាយស្រួលក្នុងការតាមដាន និង ចំនាយថវិកាតិចតួច ដោយគ្មានភាពឈឺចាប់ ឫ លំបាក និង អាចទទួលបានលទ្ធផលភ្លាមៗមកអធិប្បាយជូនពុកម៉ែ បងប្អូន អ៊ំពូ មីងស្វែងយល់ទាំងអស់គ្នា ។ *** ការធ្វើអេកូសាស្រ្តពោះ នៅក្នុងជំងឺថ្លើមទាំងប្រភេទ B និង ប្រភេទC អាចអោយយើងដឹងពី៖ 1. ការរលាក និង សភាពរឹងរបស់ថ្លើម 2. ការវិវឌ្ឍរបស់សាច់ថ្លើម រលាក គ្រើម រឹង និង ក្រិន.... 3. ដឹងពីរចនាសម្ព័ន្ធសរសៃឈាមវ៉ែន នៅក្នុងថ្លើម 4. អាចដឹងពីផលវិបាក និង ការវិវឌ្ឍរបស់ជំងឺថ្លើមដូចជា ទាចទឹក (Ascitis) រីក ឬធ្លាក់អណ្ដើក (splenomegalia) និង ការរីកធំ ឬ ស្ទះសរសៃឈាមធំនៅជិតថ្លើម (Portal vein) 5. អាចធ្វើការតាមដាន និង ពិនិត្យរកមើលដុំសាច់មហារីក (Liver cancer CHC...) ។ ដូចនេះ ការធ្វើអេកូពោះក្នុងជំងឺថ្លើមរ៉ាំរ៉ៃ វាអាចជួយឲ្យយើងដឹងពីអាការៈ ក៏ដូចជាការវិវឌ្ឍ មុន និង ក្រោយព្យាបាល ការតាមដានហើយ គឺពិតជាមានភាពងាយស្រួលបំផុតក្នុងការធ្វើជូន ៕ យ៉ាងណាមិញ គ្រប់ជំងឺទាំងអស់បើយើងធ្វើការតាមដានជាទៀងទាត់ និង ទទួលបានការព្យាបាលយ៉ាងត្រឹមត្រូវជាមួយគ្រូពេទ្យឯកទេសដែលមានជំនាញច្បាស់លាស់ នោះយើងអាចកាត់បន្ថយគ្រោះថ្នាក់ដែលប៉ះដល់អាយុជីវិតបានជាង 50%៕ *** មន្ទីរសំរាកព្យាបាលអេគីប ឯកទេសថ្លើម ក្រពះ ពោះវៀន និង ឫសដូងបាត យើងខ្ញុំក៍មានក្រុមគ្រូពេទ្យជំនាញខាងផ្នែក អេកូសាស្រ្តដែលអាចជួយវិភាគ និង ធ្វើរោគវិនិច្ឆ័យជូនអ៊ំពូ យាយតា ពុកម៉ែ បងប្អូនបានយ៉ាងច្បាស់លាស់ ៕  អាស័យដ្ធាន ៖ ផ្ទះលេខ 94 D&E ផ្លូវលេខ 70 សង្កាត់ ស្រះចក ខ័ណ្ឌ ដូនពេញ រាជធានី ភ្នំពេញ ៕  ទំនាក់ទំនងតាមរយៈទូរសព្ទលេខ៖ 017 / 070 / 066-553317 យើងខ្ញុំ និង រង់ចាំទទួលស្វាគមន៍ និង ព្យាបាលជូនពុកម៉ែបងប្អូនទាំងអស់គ្នាយ៉ាងរួសរាយរាក់ទាក់ និង ប្រសិទ្ធភាពខ្ពស់ផងដែរ…

Health Tips Gastrointestinal
Share
  • Jul 30, 2017 |
  • 7 years ago |
  • 2.5K views

អត្ថបទប្រចាំសប្តាហ៍ ទី៤ នៃខែកក្កដា

សម្រាប់សប្តាហ៍ចុងក្រោយនៃខែកក្កដានេះ យើងក៏រកឃើញអត្ថបទ៣ដែលមានអ្នកអានច្រើនជាងគេផងដែរ ដែលក្នុងនោះ មាន១ជាអត្ថបទដែលត្រូវបានដាក់បញ្ចូល និងនិពន្ធផ្ទាល់ដោយសាធារណជនដែលជាអ្នកប្រើប្រាស់របស់យើងផងដែរ…អត្ថបទទាំង៣ នោះរួមមានដូចខាងក្រោម ៖ ១៥ចំណុចដែលអ្នកនឹងយល់ប្រសិនបើអ្នកជានិស្សិតពេទ្យ  ជីវិតជានិស្សិតពេទ្យ មានតែនិស្សិតពេទ្យទេ ទើបយល់…លក្ខណៈថា មានរឿងរ៉ាវជាច្រើនដែលនិស្សិតផ្នែកផ្សេងមិនអាចនឹងដឹងបាន។ ហើយរឿងខ្លះ គឺពិបាកនឹងជឿ តែវាជាការពិតដែលត្រូវទទួលយក ទាំងដែលពេលខ្លះ មិនចង់នឹងទទួលយកក៏ដោយ។ យ៉ាងណាមិញ នេះក៏គ្រាន់តែជា១៥ចំណុចខ្លឹមៗតែប៉ុណ្ណោះ អ្នកដែលបានឆ្លងកាត់រសជាតិជីវិតនេះផ្ទាល់ ប្រាកដជាមានចំណុចខ្លះចង់បន្ថែមជាមិនខាន… Depression!!! កុំឲ្យស្រមោលខ្មៅនោះទាញយកអ្វីគ្រប់យ៉ាងពីអ្នកអី...  អ្នកប្រាកដជាបានលឺព័ត៌មានថ្មីៗនេះហើយអំពីការស្លាប់របស់តារាចម្រៀងដ៏ល្បីមួយរូប Chester Bennigton សមាជិកមួយនៃក្រុមតន្រ្តីLinkin Park ដែលគាត់ក៏ជាអាយដុលមួយរូបរបស់ខ្ញុំដែរ…ស្តាយណាស់!!!ចាប់ពីពេលនេះទៅ…លែងបានលឺសម្លេងផ្ទាល់របស់គាត់ទៀតហើយ នៅឡើយតែសម្លេងថតទុកនៃបទចម្រៀងដ៏មានអត្ថន័យជាច្រើនរបស់គាត់។ ក៏ដឹងហើយថាDepression គឺមិនមែនជាជំងឺធម្មតានោះទេ…អត្ថបទនេះ មានបង្ហាញជូនបទពិសោធន៍ផ្ទាល់ខ្លះនៃអ្នកសរសេរ ដែលបានឆ្លងកាត់បញ្ហានេះមកបានដោយសារតែ… លើសឈាមជាជំងឺតពូជមែនក៏អី?  សំណួរ ៖ ខ្ញុំអាយុ១៨ឆ្នាំ កម្ពស់១ម៉ែត្រ៥៧ ទម្ងន់៥០គីឡូក្រាម រស់នៅខេត្តកំពង់ធំ។ នាងខ្ញុំមិនមានរោគសញ្ញាអ្វីទេ ដោយសារម្តាយរបស់ខ្ញុំមានជំងឺលើសសម្ពាធឈាម នាងខ្ញុំចង់សួរលោកគ្រូពេទ្យថា តើជំងឺលើសសម្ពាធឈាមនេះអាចបន្តពីម្តាយមកកូនដែរឬទេ? តើខ្ញុំគួរធ្វើដូចម្តេចដើម្បីបង្ការមិនឲ្យកើតជំងឺនេះ? តើអាហារណាខ្លះ ដែលខ្ញុំគួរតម? ហេតុអ្វី? សាស្ត្រាចារ្យវេជ្ជបណ្ឌិត សុខ ជួរ ប្រធានផ្នែកជំងឺបេះដូងនៃមន្ទីរពេទ្យកាល់ម៉ែត និងជាប្រធានសមាគមជំងឺបេះដូងកម្ពុជា បានឆ្លើយតបនឹងករណីសិក្សានេះថា… © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Recap Articles
Share
  • Jul 30, 2017 |
  • 7 years ago |
  • 2.6K views

អត្ថបទដែលមានអ្នកចូលអានច្រើនជាងគេប្រចាំខែកក្កដា

ជារៀងរាល់ថ្ងៃ មានអត្ថបទជាច្រើនត្រូវបានចេញផ្សាយនៅលើគេហទំព័ររបស់ហេលស៍ថាមដែលក្នុងនោះរួមមានប្រធានបទដ៏គួរឲ្យចាប់អារម្មណ៍ និងខុសប្លែកពីគ្នា តែសុទ្ធសឹងតែជាអត្ថបទដែលអាចទុកចិត្តបាន និងជាប់ទាក់ទិននឹងសុខភាពទាំងផ្នែកសុខភាពបច្ចេកទេស និងសុខភាពទូទៅ។ ក្រៅពីអត្ថបទដែលនិពន្ធដោយក្រុមអ្នកនិពន្ធ ក៏មានផងដែរនូវអត្ថបទដែលនិពន្ធដោយអ្នកប្រើប្រាស់ដែលភាគច្រើនជាសមាជិកនៃសហគមន៍របស់ហេលស៍ថាមយើងផ្ទាល់តែម្តង។ ក្នុងចំណោមអត្ថបទជាច្រើនដែលបានចេញផ្សាយ យើងក៏សង្កេតឃើញថាប្រធានបទទាក់ទិននឹងស្រ្តីមានផ្ទៃពោះ និងព័ត៌មានទាក់ទិននឹងឱសថ នៅតែទទួលបានការចាប់អារម្មណ៍ច្រើន ដោយមានអ្នកចូលអាន និងធ្វើការចែករំលែកច្រើនជាងគេ។ យ៉ាងណាមិញ អត្ថបទនៃជំងឺផ្សេងៗក៏ត្រូវបានការគាំទ្រពីសំណាក់មិត្តអ្នកអានដូចគ្នាផងដែរ ជាក់ស្តែង មានអត្ថបទ៣ដែលមានអ្នកអានច្រើនជាងគេសម្រាប់ខែកក្កដា ដែលក្នុងនោះរួមមាន ៖ ដូចម្ដេចដែលហៅថា ជំងឺទឹកនោមផ្អែមប្រភេទ២?   បើតាមការអង្កេតនៅឆ្នាំ២០០៤-២០០៥ របស់សមាគមជំងឺទឹកនោមផ្អែមកម្ពុជា គេបានរកឃើញថាអត្រាអ្នកកើតជំងឺទឹកនោមផ្អែមនៅទីក្រុងមានប្រហែល១០% នឹងនៅជនបទប្រហែល៥%។ លោកវេជ្ជបណ្ឌិត ទូច ឃុន នាយករងមន្ទីរពេទ្យព្រះកុសមៈនិងប្រធានផ្នែកជំងឺទឹកនោមផ្អែមបានឲ្យនិយមន័យនៃ«ជំងឺទឹកនោមផ្អែមប្រភេទ ២» ថាជាជំងឺរុំារ៉ៃ ដែលស្ដែងឡើងដោយការកើនឡើងអត្រាជាតិស្ករនៅក្នុងឈាមហើយនៅក្នុងបរិការណ៍នៃភាពសុំានឹងអាំងស៊ុយលីន(ការផលិតអាំងស៊ុយលីនក្នុងខ្លួនមានសភាពធម្មតាតែសរីរាង្គមិនអាចប្រើវាបាន) និងកង្វះខាតនៃអាំងស៊ុយលីន (កោសិកាបេតារបស់លំពែងដំណើរការមិនល្អនាំឲ្យផលិតអាំងស៊ុយលីនមិនគ្រប់គ្រាន់)។ ជំងឺនេះ… មានគភ៌ដំបូងនៅអាយុច្រើន សុទ្ធតែផ្តល់ហានិភ័យ ឬយ៉ាងណា?   មានកត្តាជាច្រើនក្នុងនោះរួមមាន ៖ ការសិក្សា សង្គម និងការងារ អាចជាមូលហេតុដែលធ្វើឲ្យស្រ្តីមួយចំនួនពន្យារពេលមានកូនដំបូង រហូតដល់វ័យប្រមាណ៣៥ឆ្នាំឡើងទៅ ដែលត្រូវបានចាត់ទុកថាគាត់មានផ្ទៃពោះដំបូងនៅអាយុច្រើន។ ប៉ុន្តែថា តើការមានគត៌ដំបូងនៅអាយុច្រើន មានគុណវិបត្តិ និងគុណសម្បត្តិបែបណាខ្លះ? ហើយថាតើមានចំណុចអ្វីខ្លះដែលគួរយល់ដឹងអំពីបញ្ហានេះ? ចម្លើយទាំងអស់មានបង្ហាញជូននៅក្នុងអត្ថបទនេះក្រោមការបកស្រាយពីលោកវេជ្ជបណ្ឌិត ហួត សេងឯកទេសសម្ភព និងរោគស្ត្រីនៃមន្ទីរពេទ្យកាល់ម៉ែត។   ទស្សនៈវិស័យរបស់គ្លីនិកអេគីប លើការទប់ស្កាត់លំហូរចេញអ្នកជំងឺទៅបរទេស  យើងប្រាកដជាសម្លឹងឃើញលំហូរចេញរបស់ប្រជាជនកម្ពុជា ដើម្បីរកសេវាព្យាបាលជំងឺនៅក្រៅប្រទេសនៅតែមានការកើនឡើង  ស្របពេលដែលកម្ពុជាកំពុងមានការរីកចម្រើនក្នុងវិស័យសុខាភិបាលទាំងផ្នែកសាធារណ និងឯកជន។  ជាក់ស្តែង វិស័យទាំងពីរបាន និងកំពុងព្យាយាមពង្រឹងសក្តានុពល និងវិសាលភាពរបស់ខ្លួន ដើម្បីកាត់បន្ថយការទៅទទួលសេវាសុខភាពនៅក្រៅប្រទេសដោយផ្អែកទៅលើគោលជំហរ និងទស្សនៈវិស័យរួម។ លោក ឈាង ស៊ីដេត ដែលជាប្រធានប្រតិបត្តិ និងជាវេជ្ជបណ្ឌិតផ្នែកឯកទេស នៅគ្លីនិកអេគីប បានលើកឡើងថា«បើប្រៀបធៀបពីធនធានមនុស្សនៅទីនេះ យើងមិនចាញ់ប្រទេសផ្សេងៗទេ។ ចំនែកឯបរិក្ខារ និងសម្ភារៈប្រើប្រាស់ យើងក៏ព្យាយាមប្រើឧបករណ៍ដែលទំនើបទាន់ សម័យ និងមានភាពច្បាស់លាស» ហើយគ្លីនិក អេគីប ក៏បានចូលរួមចែករំលែកអំពីទស្សនៈវិស័យរបស់ខ្លួនក្នុងការកាត់បន្ថយលំហូរនៃអ្នកជំងឺ ក៏ដូចជាការផ្តល់ទំនុកចិត្តដល់ប្រជាជនឡើងវិញផងដែរ។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Recap Articles
Share
  • Jul 27, 2017 |
  • 7 years ago |
  • 3.7K views

ស្វែងយល់ ជំងឺថប់បារម្ភ

ជំងឺថប់បារម្ភ អ្វីទៅជាជំងឺថប់បារម្ភ? អ្នកតែងតែមានការថប់បារម្ភជាញយដង ក្នុងពេលវេលាណាមួយនៃជីវិតរស់នៅរបស់អ្នក ដូចជាសមាជិកណាម្នាក់ក្នុងគ្រួសារមានជំងឺដង្កាត់ ឬក៏អ្នកត្រៀមខ្លួនបង្កើតមុខជំនួញអ្វីមួយ ប៉ុន្តែទាំងនេះ គ្រាន់តែជាលក្ខណ:ធម្មតា ប៉ុណ្ណោះ។ ជំងឺថប់បារម្ភមានសភាពខ្លាំងក្លាជាងនេះទៅទៀត មានរយ:ពេលយូរ និងប៉ះពាល់ដល់តួនាទី មុខងារ និងជីវិតប្រចាំថ្ងៃរបស់អ្នក។ អ្វីខ្លះជារោគសញ្ញានៃជំងឺថប់បារម្ភ? រោគសញ្ញាស្តែងមាននៅលើរាងកាយ -បេះដូងដើរញាប់ ចង្វាក់ដង្ហើមខ្លីៗ -វិលមុខ ស្រវាំងភ្នែក រោយកញ្ចឹងក -ស្ងួតមាត់ -បែកញើសហួសប្រមាណ -ត្រជាក់ចុងដៃ ជើង -រសេះរសោះ អស់កំលាំងល្ហិតល្ហៃ -ចុកចាប់ តឹងណែនសាច់ដុំ -ចង្អោរ ក្អួត -នោមញឹក -ឧស្សាហ៍កោសខ្យល់ -ស្រឺត -ពិបាកគេង គេងមិនលក់ រោគសញ្ញាស្តែងមានលើផ្លូវចិត្ត -ព្រួយបារម្ភ ភ័យខ្លាចគ្មានហេតុផល -ភ័យខ្លាចស្លាប់ដោយគាំងបេះដូង -អន្ទះសារពិបាកក្នុងការរង់ចាំ -ពិបាកក្នុងការផ្ចង់អារម្មណ៍ -មិនហ៊ានធ្វើដំណើរ ឬនៅតែឯង   ជំងឺថប់បារម្ភឃើញមានច្រើនដែរឬទេ? ជំងឺថប់បារម្ភមានច្រើនជាងគេបង្អស់ ក្នុងចំណោមជំងឺផ្លូវចិត្តឯទៀតៗ និងឃើញច្រើនលើស្រ្តីភេទ។ មូលហេតុអ្វីខ្លះដែលនាំឲ្យមានជំងឺថប់បារម្ភ? ការទទួលបទពិសោធន៍អាក្រក់ម្តងហើយម្តងទៀតពីអតីតកាលដូចជា ការគំរាមសម្លាប់ ភ្លើងឆេះផ្ទះ សង្គ្រាម ការបែកបាក់ ករណីខ្លះមូលហេតុពុំមានលក្ខណ:ច្បាស់លាស់។   ការព្យាបាល -ការព្យាបាលតាមបែបចិត្តសាស្រ្ត -ការព្យាបាលដោយឱសថប្រឆាំងនឹងជំងឺថប់បារម្ភ -ការសម្រាកកាយ​ចិត្ត -ការកំសាន្តនៅទីកន្លែង ឬការធ្វើសកម្មភាពដែលអ្នកពេញចិត្ត   ការការពារ -ប្រើប្រាស់បំណិនជីវិតក្នុងការដោះស្រាយ គេច កែប្រែ និងសំរបទៅនឹងស្ថានភាពតានតឹងក្នុង ចិត្តដែលជួបប្រទះស្ទើរតែរាល់ថ្ងៃ ក្នុងជីវិតរស់នៅ។ -បញ្ឈប់ការសេពគ្រឿងញៀន និងគ្រឿងញៀន -អនុវត្តតាមវេជ្ជបញ្ជាដោយពិសារថ្នាំអោយបានទៀងទាត់ -ផ្តល់ព័ត៌មានដល់គ្រូពេទ្យជាបន្ទាន់ក្នុងករណីថ្នាំមានផលវិបាក -អ្នកជំងឺ និងក្រុមគ្រួសារអ្នកជម្ងឺត្រូវសហការណ៍ជាមួយគ្រូពេទ្យ ដើម្បីរៀនសូត្រអំពី ថាអ្វីទៅជាជំងឺថប់បារម្ភ?  

Other Diseases
Share
Top