Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Dec 19, 2018 |
  • 6 years ago |
  • 3.9K views

MORPHINE សម្រាប់បំបាត់ការឈឺចាប់បែបណាខ្លះ?

ការឈឺចាប់កម្រិតមធ្យម ឬខ្លាំងក្លា បណ្តាលមកពីជំងឺមួយចំនួនដូចជា មហារីក ការឈឺចាប់បន្ទាប់ពីការវះកាត់ ឬរបួសផ្សេងៗ ត្រូវបានគ្រប់គ្រងតាមរយៈឱសថ Morphine ស្ថិតនៅក្នុងប្រភេទ Opioid ដែលវាមានសមត្ថភាពផ្លាស់ប្តូរការឆ្លើយតបរបស់ខួរក្បាល និងប្រព័ន្ធសរសៃប្រសាទទៅនឹងការឈឺចាប់។ សកម្មភាពឱសថ សកម្មភាពដំបូងរបស់ Morphine ធ្វើឡើងដោយឆ្លើយតបទៅនៃ mu-opioid រ៉េស៊ិបទ័រ ដែលជារ៉េស៊ិបទ័រមួយនៃប្រព័ន្ធសរសៃប្រសាទ រ៉ាប់រងឲ្យមានឥទ្ធិពលបំបាត់ការឈឺចាប់។ កម្រិតស្រូបចូលនៃឱសថ Morphine ត្រូវបានចែកចាយយ៉ាងលឿនទៅកាន់រាងកាយ និងខួរក្បាល ដែលកំហាប់ខ្ពស់បំផុតក្នុងផ្លាស្មា បន្ទាប់ពីការលេបឱសថគ្រាប់ធ្វើឡើងក្នុងរយៈពេល ៣០ ទៅ ៩០នាទី ហើយសម្រាប់ការប្រើប្រាស់ក្រោមទម្រង់ជាថ្នាំចាក់តាមស្បែក និងសាច់ដុំ គេឃើញមានកំហាប់កើនខ្ពស់បំផុតបន្ទាប់ពី ១៥ ទៅ ២០នាទី ចំណែកការបញ្ចេញចោលពាក់កណ្តាលត្រូវបានសង្កេតឃើញមាននៅក្នុងរយៈពេល ១ ទៅ២ម៉ោង។ ឱសថត្រូវរងការធ្វើមេតាបូលីសពីសរីរាង្គថ្លើមក្នុងអត្រា៤០% ទៅ ៥០% មុនពេលជ្រាបទៅដល់ប្រព័ន្ធសរសៃប្រសាទ ក្រោមប្រតិកម្ម glucuronidation បង្កើតឲ្យមានមេតាបូលីតជាចម្បងឈ្មោះ morphine-3-glucuronide (M3G) និង morphine-6-glucuronide (M6G) ដែលនឹងត្រូវបញ្ចេញចោលតាមរយៈទឹកនោម។ កម្រិត និងការប្រើប្រាស់ ចំពោះការប្រើប្រាស់ឱសថ Morphine ទាមទារការណែនាំពីឱសថការី ឬវេជ្ជបណ្ឌិត ដែលកម្រិតសម្រាប់មនុស្សពេញវ័យសង្កេតឃើញរួមមាន៖ • ឱសថទម្រង់គ្រាប់៖ អាចប្រើបាន ១៥ ទៅ ៣០មីលីក្រាម រៀងរាល់ ៤ម៉ោងម្តង • ឱសថទម្រង់សូលុយស្យុង៖ អាចប្រើបាន ១០ ទៅ ២០មីលីក្រាម ដែលប្រែប្រួលទៅតាមរយៈពេលនៃការវះកាត់ ឬកម្រិតនៃការឈឺចាប់។ ផលរំខាន រោគសញ្ញាដែលជាផលរំខានបណ្តាលមកពីឱសថអាចនឹងលេចឡើង និងគួរផ្តល់ជាព័ត៌មានទៅកាន់វេជ្ជបណ្ឌិតប្រសិនអាការៈកាន់តែធ្ងន់ធ្ងរដូចជា៖ • ធីងធោង • ឈឺចាប់ ឬរមួលក្នុងពោះ • ស្ងួតមាត់ • ឈឺក្បាល • ភ័យព្រួយ ឬអារម្មណ៍ផ្លាស់ប្តូរ • ប្រស្រីភ្នែករួមតូច • វិបត្តិក្នុងការបត់ជើងតូច។ល។ អន្តរកម្មឱសថ ការប្រឈមទៅនឹងឥទ្ធិពលនៃផលរំខានរបស់ឱសថMorphine នឹងកាន់តែកើនឡើង ក្នុងករណីអ្នកជំងឺប្រើប្រាស់រួមជាមួយប្រភេទឱសថដទៃផ្សេងទៀតដូចជា៖ • ឱសថបំបាត់ការឈឺចាប់ប្រភេទ Opioid ឬថ្នាំបំបាត់ក្អក (Codeine, Hydrocodone) • សារធាតុញៀន • ឱសថងងុយគេង (Alprazolam, Lorazepam) • ឱសថបន្ធូរសាច់ដុំ (Carisoprodol, Cyclobenzaprine) • ឱសថប្រឆាំងអាល្លែកហ្ស៊ី (Cetirizine, Diphenhydramine)។ បន្ថែមពីឱសថខាងលើ ក៏នៅមានឱសថមួយចំនួនទៀតដែលអាចបង្កជាអន្តរកម្មឱសថ ដូច្នេះអ្នកជំងឺគួរកត់សម្គាល់ ឬរក្សាទុកឱសថដែលធ្លាប់បានឬកំពុងប្រើប្រាស់ សម្រាប់ការផ្តល់ជាដំណឹងទៅដល់វេជ្ជបណ្ឌិតមុនពេលអាចចាប់ផ្តើមប្រើប្រាស់ឱសថ Morphine។ បម្រុងប្រយ័ត្ន ការប្រើប្រាស់ឱសថនេះ ក៏ត្រូវទាមទារឲ្យមានការប្រុងប្រយ័ត្នក្នុងលក្ខខណ្ឌមួយចំនួនដូចជា៖ • បញ្ហាអាល្លែកហ្ស៊ី៖ សារធាតុនៅក្នុង Morphine អាចបង្កជាប្រតិកម្មចំពោះអ្នកជំងឺ ហេតុនេះការពិភាក្សាជាមួយវេជ្ជបណ្ឌិត ឬអ្នកជំនាញគួរអនុវត្តឡើងមុនពេលប្រើប្រាស់ • ប្រវត្តិមានជំងឺ៖ ប្រាប់ដំណឹងទៅដល់គ្រូពេទ្យជាមុន ប្រសិនអ្នកមានជំងឺទាក់ទងទៅនឹងសរីរាង្គក្បាល វិបត្តិដង្ហើម តម្រងនោម ថ្លើម ឬក្រពះ ពោះវៀនជាដើម • ហាមប្រើប្រាស់សារធាតុអាល់កុល ជាមួយគ្នានឹងឱសថ Morphine ដោយហេតុថាអ្នកជំងឺនឹងអាចប្រឈមទៅនឹងអាការៈធីងធោងកាន់តែធ្ងន់ធ្ងរ • ចំពោះស្រ្តីមានផ្ទៃពោះនិងស្រ្តីបំបៅដោះកូន៖អាចប្រើប្រាស់ឱសថនេះបាន ក្នុងករណីដែលចាំបាច់បំផុត ក្រោមការណែនាំរបស់វេជ្ជបណ្ឌិត។   គួរបញ្ជាក់ដែរថា ឱសថ Morphine កំពុងមាននៅលើទីផ្សារមានឈ្មោះដូចជា ArymoTM ER និង MORPHIGESIC-30 ដែលការប្រើប្រាស់ចាំបាច់ត្រូវធ្វើទៅតាមវេជ្ជបញ្ជា។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ  

Medicine
Share
  • Dec 19, 2018 |
  • 6 years ago |
  • 6.5K views

មូលហេតុអ្វីបានជាសក់ជ្រុះដុំៗ?

ការជ្រុះសក់អាចកើតមានឡើងទាំងនៅផ្នែកក្បាល និងដងខ្លួនទាំងមូលដែលវាអាចជាលទ្ធផលនៃតំណពូជ ការប្រែប្រួលអ័រម៉ូន ការប្រើប្រាស់ថ្នាំ ឬលក្ខខណ្ឌព្យា បាលជំងឺជាដើម។ មនុស្សគ្រប់គ្នាសុទ្ធតែធ្លាប់មានបញ្ហាសក់ជ្រុះតែភាគច្រើនកើតមានចំពោះមនុស្ស​ប្រុស។ ដើម្បីឲ្យសក់ដុះឡើងវិញបានយ៉ាងមានប្រសិទ្ធភាព អ្នកគួរស្វែងយល់ពីឫសគល់នៃបញ្ហាទាំងនេះឲ្យបានច្បាស់លាស់ ព្រមទាំងទទួលយកការព្យាបាលមួយដែលត្រឹមត្រូវពីសំណាក់គ្រូពេទ្យជំនាញផងដែរ។ សំណួរ៖ ខ្ញុំបាទអាយុ ២០ឆ្នាំ កម្ពស់ ១ម៉ែត្រ៧០ ទម្ងន់ ៥០គីឡូក្រាម ជានិស្សិត។ ខ្ញុំមានការបាត់បង់ ឬជ្រុះសក់ជាដុំ មើលទៅដូចជាឆក ដែលមិនមានជាដំបៅ រមាស់ ឬការឈឺចាប់អ្វីទេនៅលើផ្នែកបាត់សក់នោះ តែខ្ញុំមានការខ្មាសអៀនចំពោះសក់ក្បាលរបស់ខ្លួនឯងបែបនេះណាស់។ តើបញ្ហានេះបណ្តាលមកពីអ្វី? តើមានវិធីព្យាបាលណាធ្វើឲ្យដុះសក់វិញបានទេ? ចម្លើយ៖ គួរជម្រាបថា ជំងឺជ្រុះសក់ត្រូវបានបែងចែកទៅតាមទម្រង់នៃការជ្រុះ (pattern) របស់វាដែលរួមមានដូចជា ការជ្រុះមួយៗស្មើ ការជ្រុះនៅ ចំកន្លែងជាក់លាក់ណាមួយ ឬជ្រុះលក្ខណៈឆក។ ក្នុងករណីជាការជ្រុះទម្រង់ឆក ជាទូទៅអាចបណ្តាលមកពីបញ្ហាតំណពូជ មានន័យថាក្រុមគ្រួសាររបស់អ្នកជំងឺ ធ្លាប់មានបញ្ហាជ្រុះសក់ទម្រង់ឆក (ឧទាហរណ៍ ជំងឺ androgenic alopecia) ប៉ុន្តែ សញ្ញានៃការជ្រុះសក់ទម្រង់នេះអាចកើតមានខ្លាំង ដរាបណាអ្នកជំងឺមានអាយុចាប់ពី ៤៥ឆ្នាំឡើងឯណោះ ដែលខុសពីបញ្ហារបស់ប្អូន កើតមានតាំងពីវ័យក្មេង។ ជាទូទៅ សក់ជ្រុះ និងសក់ដែលដុះឡើងវិញ ត្រូវមានការសមាមាត្រគ្នាហើយក្នុងករណីដែលសក់ជ្រុះមានភាពលើសលុបលើសក់ដុះតាំងពីវ័យនៅក្មេងអាចបញ្ជាក់អំពីបញ្ហាមិនប្រក្រតីណាមួយ។ ចំពោះការព្យាបាលនឹងត្រូវធ្វើឡើងទៅតាមមូលហេតុនៃការជ្រុះសក់ដែលក្នុងចំណោមមូលហេតុទាំងនោះក៏អាចរួមមានផងដែរនូវបញ្ហាបណ្តាលមកពីផលិតផលសាប៊ូកក់សក់ ស្ត្រេស ភាពតានតឹង ការគេងមិនបាន ឬផលវិបាកនៃជំងឺផ្សេងទៀតដូចជាជំងឺពកក ឬជំងឺស្វាយក្រាប (មេរោគស្វាយក្នុងឈាម) ជាដើម។ អាស្រ័យហេតុនេះការព្យាបាលអាចនឹងធ្វើឡើងតាមរយៈ ការបញ្ឈប់ការប្រើប្រាស់សាប៊ូកក់សក់មិនសមស្រប ការប្រើប្រាស់សាប៊ូដែលមានប្រយោជន៍សម្រាប់ស្បែកក្បាល ថ្នាំលាប ឬស្ព្រៃយន៍បាញ់ដើម្បីភ្ញោចដំណើរការដុះសក់ និងបន្ទាប់ ពីនោះ ការព្យាបាលជាលក្ខណៈរួមផ្សំរវាងការប្រើប្រាស់ថ្នាំស្ព្រៃយន៍ ថ្នាំលាប និងថ្នាំលេប ក៏អាចត្រូវបានណែនាំសម្រាប់មូលហេតុមួយចំនួនដូចជាក្នុងករណីជ្រុះសក់ទម្រង់ឆកជាដើម។ ក្រៅពីនោះ ការព្យាបាលក៏រួមមានការចាក់ថ្នាំនៅនឹងកន្លែងដែលជ្រុះតែម្តងផងដែរ។ ចុងក្រោយ ប្រសិនការព្យាបាលខាងលើមិនទទួលបានលទ្ធផលទេនោះ ការដាំសក់នឹងត្រូវបានណែនាំ ប៉ុន្តែការព្យាបាលនេះតម្រូវឲ្យមានការចំណាយច្រើន ហើយបច្ចុប្បន្ននៅកម្ពុជាក៏ពុំទាន់មានអ្នកជំនាញដែលមានឯកទេសដាំសក់ច្បាស់លាស់នៅឡើយទេ ដូចនេះការព្យាបាលជាទូទៅមានតែជាការប្រើប្រាស់ថ្នាំលាប ថ្នាំលេបនិងចាក់នៅកន្លែងជ្រុះតែម្តង។ បកស្រាយដោយ៖ វេជ្ជបណ្ឌិត ចាន់ វិចិត្រ ឯកទេសសើស្បែក និងឡេសឺរ មានតួនាទីជាអនុប្រធានមន្ទីរពេទ្យមិត្តភាពខ្មែរ-សូវៀត និងជាប្រធានសមាគមគ្រូពេទ្យសើស្បែកកម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Skin, STD & Beauty Skin, STD & Beauty Skin, STD & Beauty Skin, STD & Beauty Skin, STD & Beauty Skin, STD & Beauty
Share
  • Dec 18, 2018 |
  • 6 years ago |
  • 2.6K views

គោលដៅថ្នាំថ្មីសម្រាប់មហារីកដ៏កាចសាហាវ

ថ្មីៗនេះអ្នកស្រាវជ្រាវនៅមជ្ឈមណ្ឌលមហារីក Dana-Farber បានរកឃើញម៉ូលេគុលដែលអាចព្យាបាលជំងឺមហារីកប្រភេទ Synovial Sarcoma និងmalignant rhabdoid tumors ដែលកម្រ និងពិបាកក្នុងការព្យាបាល។ ក្នុងនោះអ្នកវិទ្យាសាស្ត្របានបង្ហាញថា ការប្រើប្រាស់ថ្នាំនេះអាចបត់ដំណើរធាតុផ្សំនៃ ncBAF ដែលធ្វើឡើងអំពីប្រូតេអ៊ីនជាក់លាក់ផ្សេងៗជាច្រើន។ លោកបណ្ឌិត Cigall Kadoch នៃមជ្ឈមណ្ឌលមហារីក Dana-Farber និងជាអ្នកនិពន្ធនៃ Nature Cell Biology បាននិយាយថាវាជាការជំនួសជំហានដំបូង នៃការព្យាបាលប្រភេទមហារីកទាំង២ខាងលើហើយការរកឃើញ cancer specificagent អាចជួយដល់ការស្រាវជ្រាវបន្តទៀតនៃប្រភេទមហារីកដទៃ។   គួរបញ្ជាក់ថា Synovial Sarcoma ជាមហារីកដ៏កម្រនៃជាលិកាទន់ (soft tissue) ដែលច្រើនកើតឡើងលើមនុស្សពេញវ័យ ស្ថិតនៅដៃ ជើង ម្រាមដៃ ម្រាមជើង រីឯ malignant rhabdoid tumors វិញក៏ជាជំងឺមហារីកកម្រដូចគ្នា តែវាមានលក្ខណៈកាចសាហាវខ្លាំងជាង តែងកើតឡើងលើក្មេងក្រោមអាយុ២ឆ្នាំ វិវឌ្ឍរហូតទៅបំផ្លាញខួរក្បាល តម្រងនោម និងសរីរាង្គផ្សេងៗ។ តាមការសិក្សារបស់ក្រុម Kadoch បានបន្តការស្រាវជ្រាវដោយផ្តោតសំខាន់លើផ្នែក Chromatin Remodelling Complex ដើម្បីគ្រប់គ្រងជំងឺមហារីក ដែលត្រូវបានគេស្គាល់ថា SWI/SNF Family។ ពួកគេបានរកឃើញមានបីប្រភេទនៃ complexes រួមមាន cBAF, PBAF និងncBAF ក្នុងនោះ ncBAF គឺជាអ្នកដើរតួនាទីជាក់លាក់ក្នុងជំងឺមហារីក Synovial Sarcoma និងMalignant Rhabdoid Tumors ដើម្បីគ្រប់គ្រងការលូតលាស់ និងការបែងចែកកោសិកា។ Brittany Michel, Andrew D'Avino និងSeth Cassel ជាអ្នកចូលរួមសហការក្នុងការស្រាវជ្រាវនេះជាមួយ Kadoch បានលើកឡើងថា វាជាគោលដៅមិនបានរំពឹងទុកមួយ ដែលបានស្រាវជ្រាវ Pre-Clinically រួចរាល់ហើយ ដែរនៅក្នុងក្តីសង្ឃឹមនៃការព្យាបាលមហារីកដ៏កម្រទាំង២នេះ។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Medicine Medicine
Share
  • Dec 17, 2018 |
  • 6 years ago |
  • 4.1K views

ឥទ្ធិពលអាក្រក់បំផុតនៃគ្រឿងស្រវឹងលើការបើកបរ

តើអ្នកចូលចិត្តការជួបជុំដែលពោរពេញដោយសុរាមែនទេ?ហើយតើអ្នកធ្លាប់បានគិតពីផលមិនល្អដែលអាចប្រហែលនឹងកើតមានឡើង នៅពេលអ្នកត្រូវបើកបរត្រឡប់ទៅផ្ទះវិញបន្ទាប់ពីការជួបជុំនេះដែរឬទេ? គ្រឿងស្រវឹង និងការបើកបរ ការទទួលទានគ្រឿងស្រវឹងអាចផ្តល់ផលប៉ះពាល់ដល់ការបើកបររបស់អ្នកគួរឲ្យបារម្ភដែលរួមមាន៖ • កាត់បន្ថយលទ្ធភាពធ្វើសកម្មភាពលើសពីមួយក្នុងខណៈពេលមួយ • ធ្វើឲ្យអ្នកពិបាកក្នុងការប្រមូលអារម្មណ៍ទៅលើការបើកបរ • ពន្យឺតប្រតិកម្មឆ្លើយតប ទៅនឹងហេតុការណ៍ដែលមិនបានរំពឹងទុកកើតឡើង • ធ្វើឲ្យអ្នកមានអារម្មណ៍ជឿជាក់លើខ្លួនឯងជ្រុល  ដែលនឹងនាំឲ្យហ៊ានប្រថុយនឹងគ្រោះថ្នាក់ • រំខានចក្ខុវិញ្ញាណរបស់អ្នក  ជាពិសេសនៅពេលយប់ និងសោតវិញ្ញាណ • ធ្វើឲ្យអ្នកធូរស្បើយក្នុងអារម្មណ៍ និងងាយលង់លក់ពេលយានយន្តកំពុងទៅមុខ។ អ្នកដឹងទេ ៖ • អ្នកបើកបរដែលមានកំហាប់ជាតិអាល់កុល ០.០៥ក្នុងឈាមប្រឈមមុខនឹងគ្រោះថ្នាក់ចរាចរ២ដង ធៀបទៅនឹងអ្នកបើកបរដែលគ្មាជាតិអាល់កុលក្នុងឈាម។ • អ្នកបើកបរដែលមានកំហាប់ជាតិអាល់កុល០.១០ក្នុងឈាមប្រឈមមុខនឹងគ្រោះថ្នាក់ចរាចរលើសពី ៧ដង បើធៀបទៅនឹងអ្នកបើកបរដែលមានជាតិអាល់កុលសូន្យក្នុងឈាម។ • អ្នកបើកបរដែលមានកំហាប់ជាតិអាល់កុល០.១៥ក្នុងឈាម ប្រឈមមុខនឹងគ្រោះថ្នាក់ចរាចរ២៥ដង បើធៀបទៅនឹងអ្នកបើកបរដែលគ្មានជាតិអាល់កុលក្នុងឈាម។ អ្វីជាកំហាប់ជាតិអាល់កុលក្នុងឈាម? កំហាប់ជាតិអាល់កុលក្នុងឈាម គឺជាបរិមាណនៃជាតិអាល់កុលក្នុងចរន្តឈាម ឧទាហរណ៍ កំហាប់ជាតិអាល់កុលក្នុងឈាម ០.០៥ មានន័យថា អ្នកនោះមានជាតិអាល់កុល ០.០៥ ក្រាម ក្នុង១០០ មីលីលីត្រ ឈាម។ ជាក់ស្តែង កំហាប់ជាតិអាល់កុលក្នុងឈាមនឹងកើនឡើងភ្លាម បន្ទាប់ពីអ្នកទទួលទានគ្រឿងស្រវឹង ហើយឡើងដល់ចំណុចខ្ពស់បំផុតនៅពេលអ្នកឈប់ទទួលទាន ពី៣០-៦០នាទី  ក្នុងករណីខ្លះ វាត្រូវប្រើពេលរហូតដល់២ម៉ោងដើម្បីឡើងដល់ចំណុចកំពូល ជាពិសេសពេលមានអាហារក្នុងក្រពះ។ ទោះបីជាអ្នកឈប់ទទួលទានគ្រឿងស្រវឹង ១-២ម៉ោងក៏ដោយ កំហាប់ជាតិអាល់កុលក្នុងឈាមអ្នកនៅតែកើនឡើងដែរ។ គួរបញ្ជាក់ថា ថ្លើមរំលាយគ្រឿងស្រវឹងក្នុងកម្រិតប្រហែល៧.៥ក្រាមអាល់កុល ក្នុង១ម៉ោង។ ទោះជាយ៉ាងណា កំហាប់ជាតិអាល់កុលក្នុងឈាមថយចុះតាមពេលវេលា លើកលែងតែមានការទទួលទានគ្រឿងស្រវឹងបន្ថែម ហើយវាត្រូវបានគេវាស់តាមរយៈខ្យល់ដង្ហើមដោយឧបករណ៍ម៉្យាង ឬដោយការវិភាគឈាម។ វិធីគណនារកកំហាប់ជាតិអាល់កុលក្នុងឈាម លោកអ្នកត្រូវអនុវត្តតាមជំហានដូចខាងក្រោម៖ ១-រកបរិមាណគ្រឿងស្រវឹងដែលអ្នកបានទទួលទានជាក្រាម ២-គុណចំនួនម៉ោងដែលអ្នកបានទទួលទានគ្រឿងស្រវឹងនឹង៧.៥ ក្រាម (អត្រាជាមធ្យមនៃការបញ្ចេញជាតិអាល់កុលពីរាងកាយ) ៣-ធ្វើវិធីដកលទ្ធផលនៃជំហាន២ ទៅនឹងលទ្ធផលនៃជំហាន១ ៤-គុណទម្ងន់អ្នកជាគីឡូក្រាមនឹង៦.៨ បើអ្នកជាបុរស និងជាមួយ៥.៥ បើអ្នកជាស្ត្រី ៥-ចែកលទ្ធផលនៃជំហាន៣នឹងលទ្ធផលនៃជំហាន៤អ្នកនឹងបានកំហាប់ជាតិអាល់កុលក្នុងឈាមរបស់អ្នក។ ឧទាហរណ៍៖ ១-បើបុរសម្នាក់ទម្ងន់ ៨០គីឡូក្រាម ទទួលទានអស់ ១០០ក្រាមនៃគ្រឿងស្រវឹង ចន្លោះពីម៉ោង ៨យប់ ទៅពាក់កណ្តាលអធ្រាត្រ។ គាត់នៅមានជាតិអាល់កុលក្នុងឈាមនៅម៉ោង៨ព្រឹកនៃថ្ងៃបន្ទាប់  នេះដោយសារគាត់ត្រូវការពេលវេលាប្រហែល៨ម៉ោងកន្លះ ដើម្បីឲ្យជាតិអាល់កុលក្នុងឈាមគាត់ត្រឡប់ទៅសូន្យវិញក្រោយពេលគាត់ឈប់ផឹក។ ២-បើស្ត្រីម្នាក់ទម្ងន់៥៥គីឡូក្រាម ទទួលទានអស់៦០ក្រាមនៃគ្រឿងស្រវឹងចន្លោះម៉ោង៨យប់ទៅពាក់កណ្តាលអធ្រាត្រ​ នោះគាត់មានកំហាប់ជាតិអាល់កុលក្នុងឈាមប្រហែល ០.១០ភាគរយនៅពាក់កណ្តាលអធ្រាត្រ។ យ៉ាងហោចណាស់ក៏៦ម៉ោងកន្លះទៀតដែរ ទើបកំហាប់ជាតិអាល់កុលក្នុងឈាមរបស់គាត់ត្រលប់ទៅសូន្យវិញ ក្រោយពីគាត់ឈប់ផឹក។  កត្តាដែលជះឥទ្ធិពលដល់កំហាប់ជាតិអាល់កុលក្នុងឈាម ទទួលទានគ្រឿងស្រវឹងកាន់តែច្រើន កំហាប់ជាតិអាល់កុលក្នុងឈាមកាន់តែខ្ពស់ ប៉ុន្តែបើមនុស្សពីរនាក់ផ្សេងគ្នា ទទួលទានគ្រឿងស្រវឹងបរិមាណដូចគ្នា អាចមានកំហាប់ជាតិអាល់កុលក្នុងឈាមខុសគ្នា អាស្រ័យដោយកត្តាច្រើនយ៉ាងរួមមាន៖ • មាឌ (ទំហំខ្លួន)៖ អ្នកដែលមានមាឌតូច នឹងមានកំហាប់ជាតិអាល់កុលក្នុងឈាមខ្ពស់ជាងអ្នកដែលមានមាឌធំ បើសិនទទួលទានគ្រឿងស្រវឹងបរិមាណដូចគ្នា។ • ក្រពះទទេ៖ ចំពោះអ្នកដែលមិនទាន់ទទួលទានអាហារ កំហាប់ជាតិអាល់កុលក្នុងឈាមនឹងឡើងខ្ពស់លឿនជាងអ្នកដែលទទួលទានអាហាររួច។ អាហារនៅក្នុងក្រពះ ពន្យឺតល្បឿននៃជាតិអាល់កុលឆ្លងចូលទៅក្នុងចរន្តឈាម។ •​ ជាតិខ្លាញ់ក្នុងរាងកាយ៖ អ្នកមានជាតិខ្លាញ់ច្រើនក្នុងរាងកាយ (ធាត់) មានកំហាប់ជាតិអាល់កុលក្នុងឈាមខ្ពស់ ព្រោះជាតិអាល់កុលមិនជ្រាបចូលទៅក្នុងជាលិកាខ្លាញ់ទេ។ •​ ភេទ៖ បើទទួលទានគ្រឿងស្រវឹងបរិមាណដូចគ្នាស្ត្រីតែងមានកំហាប់ជាតិអាល់កុលក្នុងឈាមខ្ពស់ជាងបុរស។ ដោយសារកត្តាទាំងអស់ខាងលើនេះហើយទើបការរកបរិមាណនៃគ្រឿងស្រវឹងដែលបានទទួលទានមិនអាចកំណត់កំហាប់ជាតិអាល់កុលក្នុងឈាមបានត្រឹមត្រូវទេ។ វិធីទទួលទានគ្រឿងស្រវឹងដើម្បីរក្សាកំហាប់ជាតិអាល់កុលក្នុងឈាមក្រោម០.០៥ • ចំពោះបុរស  (ទម្ងន់មធ្យម)៖ មិនត្រូវទទួលទានលើសពី២០ក្រាមនៃគ្រឿងស្រវឹងក្នុងម៉ោងដំបូង និងមិនលើសពី១០ក្រាមនៃគ្រឿងស្រវឹងនៅម៉ោងបន្តបន្ទាប់។ • ចំពោះស្ត្រី  (ទម្ងន់មធ្យម)៖ មិនត្រូវទទួលទានលើសពី១០ក្រាមនៃគ្រឿងស្រវឹងក្នុងម៉ោងដំបូង និងមិនលើសពី១០ក្រាមនៃគ្រឿងស្រវឹង នៅម៉ោងបន្តបន្ទាប់។ គួរបញ្ជាក់ថា ទោះបីជាកំហាប់ជាតិអាល់កុលក្នុងឈាមត្រឡប់មកសូន្យវិញក្រោយពេលឈប់ផឹកក៏ដោយ សមត្ថភាពក្នុងការវិនិច្ឆ័យ  និងការសម្តែងនៅតែស្ថិតក្នុងភាពទន់ខ្សោយដោយសារការស្រវឹងនៅឡើយ។ បកស្រាយដោយ៖ វេជ្ជបណ្ឌិត ឡាក់ ឡេង​ នាយករងនៃមជ្ឈមណ្ឌលជាតិលើកកម្ពស់សុខភាព ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Alcohol & Drugs Alcohol & Drugs Alcohol & Drugs Alcohol & Drugs Alcohol & Drugs
Share
  • Dec 15, 2018 |
  • 6 years ago |
  • 4.3K views

អ្វីទៅដែលហៅថាការបូមទឹកភ្លោះ?

  ការបូមទឹកភ្លោះ ជាការដោតម្ជុលដោយឆ្លងកាត់ ស្បែកពោះម្តាយ ស្បូន និងស្រោមទឹកភ្លោះ ដើម្បីបឺតយកទឹក ភ្លោះក្នុងបរិមាណ ១០ ទៅ ២០ មីលីលីត្រ យកទៅ វិភាគ ដែលជាទូទៅ គេធ្វើក្នុងអាយុគភ៌ ចន្លោះ ១៥ ទៅ ១៨ សប្តាហ៍។ ហេតុអ្វីបានជាធ្វើការបូមទឹកភ្លោះ? គេធ្វើការបូមទឹកភ្លោះក្នុង៖  - ករណីធ្វើតេស្តឈាមម្តាយក្នុងអំឡុងពេលពពោះ មានការប្រឈមមុខខ្ពស់នឹងជំងឺខុសប្រក្រតីពីកំណើត - ករណីឃើញភាពខុសប្រក្រតីតាមការពិនិត្យអេកូរូបរាងកូនក្នុងពោះ - ករណីមានប្រវត្តិគ្រួសារមានជំងឺតំណពូជ ឬជំងឺ ពីកំណើត - ករណីមានប្រវត្តិកូនមុន ឬផ្ទៃពោះមុនមានជំងឺខុស ប្រក្រតីពីកំណើត។ ការបូមទឹកភ្លោះមិនអាចរកឃើញគ្រប់ជំងឺខុសប្រក្រតីរបស់ទារកពីកំណើតទេ តែអាចរកមើលនូវ ជំងឺពីកំណើតមួយចំនួន ក្នុងករណីឪពុក និងម្តាយ មានកត្តាប្រឈមមុខខ្ពស់ដូចជា៖ - Down syndrome ជំងឺទ្រីសូមីទី ២១ ដែលប៉ះពាល់ដល់បញ្ញា និងសុខភាពធ្ងន់ធ្ងរ។ - Sickle cell disease ជំងឺតំណពូជគ្រាប់ឈាមក្រហមរាងកណ្តៀវ ដែលងាយនឹងបែក ធ្វើឲ្យមានភាពស្លេកស្លាំង និងប៉ះពាល់ដល់ការដឹកជញ្ជូនអុកស៊ីសែនទៅសរីរាង្គសំខាន់ផ្សេងៗ។ - Cystic fibrosis ជំងឺតំណពូជដែលប៉ះពាល់ទៅលើការបញ្ចេញនូវជាតិរំអិល ពិសេសក្នុងសួត និងលំពែង ដែលអាចមានការប៉ះពាល់ធ្ងន់ធ្ងរដល់សុខភាព។ - Muscular dystrophy ជំងឺតំណពូជដែលប៉ះពាល់ដល់មុខងារសាច់ដុំ ធ្វើឲ្យសាច់ដុំទន់ អាចពិបាកក្នុងការដើរ ឈរ ធ្វើចលនា និងកម្រើកសាច់ដុំ។ - Tay-Sachs and similar diseases ជាជំងឺតំណពូជដែលប៉ះពាល់ទៅលើកោសិកាបញ្ជា ដែលនៅក្នុងខួរក្បាល និងឆ្អឹងកងខ្នង។ ក្រៅពីនេះ ការបូមទឹកភ្លោះអាចរកឃើញនូវភាពខុសប្រក្រតីនៃការបិទមិនជិតនូវខួរឆ្អឹងកងខ្នងនិងឆ្អឹងលលាដ៏ក្បាលកូន ក្នុងករណីដែលអេកូពិបាកមើលឃើញ។ ការបូមទឹកភ្លោះក្នុងត្រីមាសទី ៣ដើម្បីរកមើលនូវភាពទុំរបស់សួតទារក ក្នុងការ កំណត់ឲ្យទារកកើតក្នុងលក្ខខណ្ឌណាមួយ។ ការបូមទឹកភ្លោះក៏អាចវិភាគនូវមេរោគមួយចំនួនដែលបញ្ជាក់ថាទារកពិតជាមានឆ្លងពីម្តាយ ឬអត់។ ការបូមទឹកភ្លោះប្រកបដោយបទពិសោធន៍ខ្ពស់អាចកាត់បន្ថយនូវផលវិបាកដូចជាការបាត់បង់កូនក្រោយបូមទឹកភ្លោះ។ សម្រាប់ព័ត៌មានបន្ថែម សូមទំនាក់ទំនង អាសយដ្ឋាន៖ ផ្ទះលេខ៤ ផ្លូវ៥៤៨ សង្កាត់បឹងកក់១ ខណ្ឌទួលគោក ភ្នំពេញ លេខទូរស័ព្ទ៖ ០១២/០៧០ ៦៨ ៥០ ៧៥   អុីម៉ែល៖ doctor_tysovannaroth@yahoo.com បកស្រាយដោយ៖ វេជ្ជបណ្ឌិត ទី សុវណ្ណរដ្ឋឯកទេសសម្ភព-រោគស្ត្រី និងជាប្រធានផ្នែកសម្ភព-រោគស្ត្រី នៃមន្ទីរសម្រាកព្យាបាល និងសម្ភព មាតា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Pregnancy & Baby Pregnancy & Baby Pregnancy & Baby Pregnancy & Baby Pregnancy & Baby
Share
  • Dec 14, 2018 |
  • 6 years ago |
  • 17.5K views

សញ្ញាណនៃជំងឺពងបែកដៃ ជើង មាត់ លើកុមារ

ជំងឺពងបែកដែលភាសាបច្ចេកទេសហៅថា Hand-Foot-and-Mouth Disease ជាប្រភេទមួយនៃជំងឺកើតលើបាតដៃ បាតជើង ក្នុងមាត់ និងលើខ្លួនរបស់កុមារទាំងមូល នៅចន្លោះអាយុក្រោម៥ឆ្នាំ (ដោយឡែក សម្រាប់មនុស្សពេញវ័យក៏អាចកើតមានដែរ តែមិនស្តែងចេញជារោគសញ្ញាទេ)។ ជំងឺនេះត្រូវបានបែងចែកជា ២ទៅតាមប្រភេទមេរោគ តែទម្រង់នៃការស្តែងចេញគឺប្រហាក់ប្រហែលគ្នា។ ជារៀងរាល់ឆ្នាំ និងស្ទើរតែគ្រប់តំបន់ក្នុងប្រទេសកម្ពុជា តែងប្រឈមជំងឺពងបែកនេះ ពិសេសនៅរដូវធ្លាក់ខ្យល់ គ្រាន់តែនៅឆ្នាំខ្លះវាពុំបានស្តែងចេញជាលក្ខណៈធ្ងន់ធ្ងរប៉ុណ្ណោះ។ មូលហេតុ និងការឆ្លង ជំងឺពងបែកលើកុមារនេះបង្កឡើងពីវីរុស ២ប្រភេទរួមមាន៖ • Coxsackie virus៖ មានអត្រានៃការកើតឡើងញឹកញាប់ច្រើន តែវាមានលក្ខណៈស្រាល • EV71៖ បង្កឡើងក្នុងអត្រាតិចតួចប៉ុណ្ណោះតែអ្នកជំងឺភាគច្រើនមានលក្ខណៈធ្ងន់ធ្ងរ និងគ្រោះថ្នាក់ខ្ពស់។ វីរុសទាំង២ប្រភេទនេះមាននៅក្នុងលំហ ឆ្លងដោយផ្ទាល់ទៅកាន់កុមារ ហើយបន្តឆ្លងទៅកុមារផ្សេងទៀតតាមរយៈការប៉ះពាល់ស្បែកដែលមានដំបៅ។ សញ្ញាសម្គាល់ ទោះបីជំងឺពងបែកលើកុមារនេះបង្កឡើងពីវីរុស២ប្រភេទខុសគ្នាយ៉ាងណាក៏ដោយ តែរោគសញ្ញាដែលស្តែងចេញជារួមដូចគ្នា គឺឡើងកម្តៅរាងកាយ បន្ទាប់មកចាប់ផ្តើមចេញពងបែក នៅលើបាតដៃឬបាតជើង ក្នុងមាត់ រួចចេញពេញខ្លួនតែម្តង ដែលទីតាំងទាំង ៣មានសភាពក្រាស់ជាងកន្លែងផ្សេង។ ក្រៅពីនេះ កុមារអាចនឹងថយចុះនូវចំណង់អាហារដែលធ្វើឲ្យពួកគេហេវហត់ អស់កម្លាំង និងប៉ះពាល់ដល់ប្រព័ន្ធភាពស៊ាំការពាររាងកាយ មិនអាចទប់ទល់នឹងជំងឺនេះបាន។ ការធ្វើរោគវិនិច្ឆ័យ ការពិនិត្យលើសញ្ញាគ្លីនិកដោយគ្រូពេទ្យឯកទេសត្រូវបានធ្វើឡើងដំបូងបំផុតដើម្បីសន្និដ្ឋានពីជំងឺនេះ។ តែក្នុងករណីពិសេសដើម្បីឲ្យកាន់តែច្បាស់ គ្រូពេទ្យនឹងយកជាតិខ្ទុះ ឬរំអិលនៅក្នុងបំពង់កកុមារទៅពិនិត្យ និងធ្វើការបណ្តុះមេរោគនៅមន្ទីរពិសោធន៍ធំៗ ដូចជាមន្ទីរពិសោធន៍ប៉ាស្ទ័រជាដើម។ ការព្យាបាល គួរបញ្ជាក់ថា គ្មានថ្នាំប្រភេទណាមួយជាក់លាក់ដែលត្រូវបានយកមកព្យាបាលជំងឺពងបែកនេះទេមានតែការប្រើប្រាស់ថ្នាំទៅតាមរោគសញ្ញារបស់កុមារប៉ុណ្ណោះ ដូចជា បញ្ចុះកម្តៅ ឬថ្នាំសម្អាតលើស្បែក និងជំនួយដល់ការទទួលទានអាហារដោយមានការគណនាលើកម្រិតតម្រូវការកាល់ឡូរីសមស្របសម្រាប់កុមារម្នាក់ៗ។ ការប្រើប្រាស់អង់ទីប៊ីយ៉ូទិកមិនត្រូវបានណែនាំនោះទេក្នុងករណីជំងឺនេះ លុះត្រាតែដំបៅមានលក្ខណៈក្លាយ និងធ្ងន់ធ្ងរ ព្រមទាំងមានវេជ្ជបញ្ជាត្រឹមត្រូវពីគ្រូពេទ្យឯកទេសរោគកុមារ។ ទោះជាយ៉ាងណាក៏ដោយ កុមារនឹងអាចជាសះស្បើយដោយខ្លួនឯងទោះបីមិនបានទទួលការព្យាបាល ប្រសិននេះជាករណីស្រាល។ ផ្ទុយមកវិញ ប្រសិនបើមានការលេចចេញនូវផលវិបាករបស់ជំងឺនោះ វានឹងបង្កឲ្យមានជំងឺរលាកខួរក្បាល(Encephalitis) រលាកស្រោមខួរ (Meningitis) ឬទន់អវយវៈ (Flaccid Paralysis) ដោយសារវីរុសជាពិសេសគឺវីរុស​ EV71 ដែលប៉ះពាល់ដល់អាយុជីវិតកុមារបាន។ ការការពារ ដោយសារតែករណីពងបែកលើកុមារនេះអាចឆ្លងបន្តទៅកុមារផ្សេងទៀត តាមរយៈការប៉ះពាល់ផ្ទាល់ ឬការនៅក្បែរគ្នា ពិសេសកុមារនៅតាមមត្តេយ្យសាលា ដូច្នេះ ឪពុកម្តាយ ឬលោកគ្រូអ្នកគ្រូដែលដឹងថាកុមារកំពុងមានជំងឺនេះ ត្រូវឲ្យកុមារសម្រាកនៅផ្ទះយ៉ាងហោចណាស់ ១សប្តាហ៍។ គួរបញ្ជាក់ថាគ្មានវ៉ាក់សាំងសម្រាប់ចាក់ការពារនោះទេសម្រាប់លក្ខណៈទូទៅនៃពិភពលោក ដោយឡែកមាន តែប្រទេសចិនមួយប៉ុណ្ណោះមានវ៉ាក់សាំងនេះ តែក៏មិនទាន់ត្រូវបានផ្សព្វផ្សាយពេញពិភពលោកដែរ។ នៅពេលសង្កេតឃើញកុមារមានពងបែកលើស្បែក ឪពុកម្តាយ ឬអាណាព្យាបាលត្រូវប្រញាប់នាំពួកគេមកប្រឹក្សាជាមួយគ្រូពេទ្យឯកទេសរោគកុមារ ដែលនៅជិតបំផុតឲ្យបានឆាប់រហ័ស។ ក្នុងពេលជាមួយគ្នានោះដែរ ត្រូវរក្សាកុមារឲ្យនៅផ្ទះដើម្បីកាត់បន្ថយការចម្លងបន្តទៅកុមារផ្សេង និងផ្តល់អាហារឲ្យបានគ្រប់គ្រាន់ ធ្វើយ៉ាងណាកុំឲ្យកុមារថយកម្លាំង។ បកស្រាយដោយ៖ សាស្ត្រាចារ្យវេជ្ជបណ្ឌិត ឈ ប៊ុនណា ឯកទេសរោគកុមារ ផ្នែកជំងឺធ្ងន់ និងសង្គ្រោះបន្ទាន់នៃមន្ទីរពេទ្យកុមារជាតិ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ  

Pregnancy & Baby Pregnancy & Baby Pregnancy & Baby
Share
  • Dec 13, 2018 |
  • 6 years ago |
  • 3.3K views

គួរធ្វើយ៉ាងណា ប្រសិនបើឈាមច្រមុះ?

  ជាមួយការអនុវត្តនូវវិធីសាស្រ្តមួយចំនួននោះបញ្ហាឈាមច្រមុះអាចនឹងបំបាត់បានក្នុងរយៈពេលតែ១៥នាទី ដែលមូលហេតុបង្កជំងឺកម្រនឹងមានសភាពធ្ងន់ធ្ងរ។ អ្វីគួរដឹង? ភាគច្រើននៃបញ្ហាឈាមច្រមុះ ជាជំងឺស្រាលផ្ទុយទៅនឹងគំនិតដែលលើកឡើងថាវាជាប់ពាក់ព័ន្ធទៅនឹងជំងឺលើសសម្ពាធឈាម។  ដោយឡែក បញ្ហាឈាមច្រមុះ ដែលបង្កមកពីជំងឺលើសសម្ពាធឈាម គឺកើតឡើងក្នុងករណីជំងឺដែលមិនបានតាមដាន និងមិនប្រើប្រាស់ថ្នាំទៀងទាត់ នាំឲ្យស្ថានភាពជំងឺគ្មានស្ថេរភាពតែប៉ុណ្ណោះ។   អ្វីគួរផ្តល់ឲ្យ? ដើម្បីបញ្ឈប់បញ្ហាឈាមច្រមុះ អ្នកគួរ៖ • ឲ្យអ្នកជំងឺសម្រាក និងអង្គុយឲ្យបានស្រួល • ដាក់សំឡីខ្ទប់ និងយកចេញនូវដុំឈាមកក (Caillots) ចេញ • ខ្ទប់ច្រមុះរយៈពេល ១០ នាទី • ឲ្យអ្នកជំងឺញ៉ាំទឹក និងដាក់ដុំទឹកកកស្អំនៅលើថ្ងាស។ ក្នុងករណីមានបញ្ហាឈាមច្រមុះភ្លាមៗបែបនេះ ការប្រើប្រាស់បង់បិតដំបៅឬឱសថផ្សេងៗអាចនឹងគ្មានប្រសិទ្ធភាពនោះទេ។ ប្រសិនការទប់ឈាមមិនមានប្រសិទ្ធភាព ត្រូវនាំអ្នកជំងឺទៅទទួលការព្យាបាលពីអ្នកមានជំនាញ តាមរយៈការប្រើប្រាស់ឧបករណ៍សម្រាប់ទប់ឈាមដែលមានលក្ខណៈ៖ • អាចជក់ទឹកបាន • រីកមាឌនៅពេលជក់ទឹក • ត្រូវផ្សើមវាជាមួយឱសថ Xylocaine naphtazolée។ ករណីសង្គ្រោះបន្ទាន់ ប្រសិនការហូរឈាមក្នុងលក្ខខណ្ឌច្រើន និងមិនអាចទ្រាំទ្របាន (អ្នកជំងឺមានសភាពស្លេក មិនស្រួលខ្លួន ឬសន្លប់) អ្នកគួរបញ្ជូនអ្នកជំងឺទៅពិគ្រោះជាមួយវេជ្ជបណ្ឌិតផ្នែកត្រចៀក ច្រមុះ បំពង់ក។ បម្រុងប្រយ័ត្ន ត្រូវស្វែងរកការប្រឹក្សាជាមួយវេជ្ជបណ្ឌិតប្រសិនបញ្ហាហូរឈាមច្រមុះកើតឡើងញឹកញាប់ពីព្រោះវាអាចជាប់ទាក់ទងទៅនឹង៖ • ជំងឺឈាមក្រកក • ដុំសាច់នៅប្រហោងច្រមុះ • ការចម្លងនៃជំងឺ Naso-sinusienne។ ប្រភពយោង៖ Le vademecum de la Médication officinale ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Health Tips
Share
  • Dec 12, 2018 |
  • 6 years ago |
  • 2.5K views

សន្និសីទស្រាវជ្រាវឱសថសាស្រ្តលើកទី២

  មហាវិទ្យាល័យឱសថសាស្រ្ត នៃសាកលវិទ្យាល័យ ពុទ្ធិសាស្រ្ត បានរៀបចំសន្និសីទស្រាវជ្រាវឱសថសាស្រ្តលើកទី២ នៅថ្ងៃទី៨ និងទី៩ ខែធ្នូ ឆ្នាំ២០១៨ ដោយមានការចូលរួមពីលោកសាស្រ្តាចារ្យ Ian Findlay សាកលវិទ្យាធិការ និងអនុអធិការបតី នៃសាកលវិទ្យាល័យ ពុទ្ធិសាស្រ្ត តំណាងមហាវិទ្យាល័យឱសថសាស្រ្តនានា តំណាងក្រុមហ៊ុន តំណាងសហគ្រាសផលិតឱសថ ឱសថការី សាស្រ្តាចារ្យបង្រៀន និងនិស្សិតយ៉ាងច្រើនកុះករ។ សន្និសីទស្រាវជ្រាវឱសថសាស្រ្តលើកទី២នេះ ត្រូវបានរៀបចំឡើងក្នុងគោលបំណងលើកកម្ពស់សកម្មភាពការស្រាវជ្រាវនៅក្នុងសាកលវិទ្យាល័យ ពុទ្ធិសាស្រ្ត ក៏ដូចជានៅក្នុងព្រះរាជាណាចក្រកម្ពុជា តាមរយៈការធ្វើបទបង្ហាញ និងការតាំងបង្ហាញនូវ Research Poster ដែលជាគ្រឹះដ៏សំខាន់នៃសន្និសីទនេះ។ សន្និសីទនេះ មានការធ្វើបទបង្ហាញអត្ថបទស្រាវជ្រាវចំនួន១៤ និងការបង្ហាញ Research Posters ចំនួន១០ ដែលផ្តោតសំខាន់ទៅលើប្រធានបទចំនួន៥គឺ៖ ឱសថមានប្រភពពីធម្មជាតិ សុខភាពសាធារណៈ ផលិតផលឱសថ ការអប់រំផ្នែកឱសថសាស្រ្ត និងចំណេះដឹងក្នុងការប្រើប្រាស់ឱសថដើម្បីព្យាបាល។ មហាវិទ្យាល័យឱសថសាស្រ្ត សូមអបអរសាទរដល់និស្សិតឱសថសាស្រ្ត នៃសាកលវិទ្យាល័យពុទ្ធិសាស្រ្តទាំងអស់ ដែលបានចូលរួមយ៉ាងសកម្មក្នុងការស្រាវជ្រាវ និងបានធ្វើបទបង្ហាញដោយជោគជ័យនូវអត្ថបទស្រាវជ្រាវចំនួន៩ និងResearch Posters ចំនួន១០។ ហើយក៏សូមចូលរួមអបអរសាទរផងដែរដល់ជ័យលាភីទាំង៦ក្រុម ដែលបានទទួល Best Paper Award និង Best Poster Award។  មហាវិទ្យាល័យសូមថ្លែងអំណរគុណយ៉ាងជ្រាលជ្រៅដល់សមាជិកគ្រប់រូបនៃគណៈកម្មការរៀបចំ និងនិស្សិតស្ម័គ្រចិត្ត ដែលបានខិតខំអស់ពីកំលាំងកាយចិត្តដើម្បីរៀបចំសន្និសីទស្រាវជ្រាវឱសថសាស្រ្តលើកទី២ នេះឡើងប្រកបដោយភាពជោគជ័យ និមោទនភាព។ --------------------- The Second Pharmaceutical Research Conference Faculty of Pharmacy of University of Puthisastra (UP) held the 2nd Pharmaceutical Research Conference on the 8th and 9th of December 2018 with participation from Prof. Ian Findlay President and Vice-Chancellor of University of Puthisastra, representatives from schools of pharmacy, representatives from pharmaceutical companies and industries, pharmacists, lecturers and students from different schools. This conference was prepared to promote the research activities in University of Puthastra and Cambodia through oral presentations and research poster presentations which are the keystone of this conference. There were 14 research articles and 10 research posters presentations in 5 focused tracks: Pharmacognosy, Public Health, Pharmaceuticals, Pharmacy Education and Ethnopharmacology. Faculty of Phamacy would like to congratulate UP pharmaceutical students on their contributions in the research activities, their 9 research presentations, and their 10 research poster presentations during the conference and also congratulate the 6 teams who won the best paper awards and best poster awards. Faculty of Pharmacy would like to wholeheartedly thank organizing committee and volunteers for their efforts and commitment to hold 2nd pharmaceutical research conference with great success and pride.   

News & Events News & Events News & Events
Share
  • Dec 12, 2018 |
  • 6 years ago |
  • 4.4K views

ក្រោយសម្រាលរយៈពេលប៉ុន្មានទើបអាចដាក់កងក្នុងស្បូនបានវិញ?

  ការដាក់កងក្នុងស្បូន ជាវិធីសាស្រ្តពន្យារកំណើតដ៏ពេញនិយម និងមានប្រសិទ្ធភាពមួយក្នុងចំណោមវិធីសាស្ត្រដទៃទៀត។ យ៉ាងណាក៏ដោយ ភាគច្រើននៃស្ត្រីទើបសម្រាលកូនហើយតែងមានចម្ងល់អំពីរយៈពេលដែលអាចប្រើប្រាស់វិធីសាស្រ្តនេះបានឡើងវិញផងដែរ។ ចង់ដឹងលម្អិត អ្នកអាចស្វែងយល់ពីអត្ថបទខាងក្រោម៖ សំណួរ៖ នាងខ្ញុំអាយុ ២២ឆ្នាំ កម្ពស់ ១ម៉ែត្រ៦០ ទម្ងន់ ៤៧គីឡូក្រាម ជាស្ត្រីមេផ្ទះ។ នាងខ្ញុំទើបតែសម្រាលកូនហើយ ដោយការវះកាត់។ នាងខ្ញុំចង់សួរថា បើខ្ញុំចង់ពន្យារកំណើតដោយប្រើកងដាក់ក្នុងស្បូន តើរយៈពេលប៉ុន្មានបន្ទាប់ពីសម្រាលទើបអាចដាក់បាន? ចម្លើយ៖ ចាស! ការប្រើប្រាស់មធ្យោបាយពន្យារកំណើតដោយប្រើកងដាក់ក្នុងស្បូនអាចត្រូវបានធ្វើឡើងភ្លាម បន្ទាប់ពីសម្រាលបុត្រហើយ មិនថាអ្នកសម្រាលដោយធម្មជាតិ ឬសម្រាលដោយការវះកាត់នោះទេ។  វិធីសាស្រ្តនេះនឹងផ្តល់ប្រសិទ្ធភាពបានភ្លាមៗ បន្ទាប់ពីបានដាក់បញ្ចូលរួចរាល់។ ម៉្យាង វាពិតជាអាចការពារបានល្អ ហើយមានសុវត្ថិភាពខ្ពស់ទៀតផង។ បកស្រាយដោយ៖ វេជ្ជបណ្ឌិត Anna Roslyakova ឯកទេសផ្នែកសម្ភព និងរោគស្ត្រី នៃ Anna Woman and Baby’s Center ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

Women's Health Women's Health Women's Health
Share
  • Dec 11, 2018 |
  • 6 years ago |
  • 3.7K views

តើមាតាបិតាអាចជួយពង្រឹងសមត្ថភាពផ្លូវចិត្តកុមារយ៉ាងដូចម្តេចខ្លះ?

  បើយោងតាមមជ្ឈមណ្ឌលត្រួតពិនិត្យ  និងបង្ការជំងឺ (CDC) បានឲ្យដឹងថា ការប៉ាន់ប្រមាណជារៀងរាល់ឆ្នាំ កុមារម្នាក់ក្នុងចំណោម៥នាក់ ត្រូវបានរកឃើញថាមានបញ្ហាផ្លូវចិត្ត។ ដូច្នេះ ក្នុងនាមជាមាតាបិតាដែលជាអ្នកនៅជិតស្និទ្ធនឹងកុមារជាងគេ  គួរអនុវត្តនូវវិធីសាស្ត្រទាំង ៨ខាងក្រោម ដើម្បីជួយពង្រឹងសមត្ថភាពផ្លូវចិត្តរបស់ពួកគាត់ ដោយហេតុថាសុខភាពផ្លូវចិត្តពិតជាសំខាន់ដូចសុខភាពផ្លូវកាយ៖ ១.  ថែរក្សាសុខភាពផ្លូវចិត្តរបស់អ្នកជាឪពុកម្តាយ ការថែរក្សាសុខភាពផ្លូវចិត្តរបស់ឪពុកម្តាយ ជាវិធីសាស្ត្រមួយក្នុងចំណោមវិធីសាស្រ្តល្អបំផុតដែលអាចរក្សាសុខភាពផ្លូវចិត្តកូនរបស់អ្នក។ នៅពេលអ្នកធ្វើបែបនេះ មិនត្រឹមតែអាចធ្វើជាគំរូល្អក្នុងការពង្រឹងសមត្ថភាពផ្លូវចិត្តដល់កូនអ្នកនោះទេ ក៏ប៉ុន្តែអ្នកអាចបង្កើតឲ្យមានបរិយាកាស រីករាយសម្រាប់គ្រួសារ ជាពិសេសសម្រាប់កូនអ្នកផងដែរ។ ផ្ទុយមកវិញ ប្រសិនបើឪពុកម្តាយមានបញ្ហាសុខភាពផ្លូវចិត្ត នោះកូនៗនឹងអាចមានភាពប្រឈមខ្ពស់ ក្នុងការវិវឌ្ឍទៅជាជំងឺផ្លូវចិត្តផងដែរ។ ២. កសាងទំនុកចិត្តរវាងឪពុកម្តាយ និងកូន ការកសាងទំនុកចិត្តរវាងឪពុកម្តាយ និងកូន ដើរតួយ៉ាងសំខាន់ចំពោះសុខភាពផ្លូវចិត្តរបស់ពួកគេ ដោយហេតុថាការធ្វើបែបនេះអាចធ្វើឲ្យពួកគេកាន់តែមានអារម្មណ៍ថាមានសុវត្ថិភាព និងមានសន្តិភាពក្នុងចិត្ត។ ទំនុកចិត្តអាចកើតឡើងទៅបាន នៅពេលដែលអ្នកបានបង្ហាញពីការយកចិត្តទុកដាក់ទាំងផ្លូវកាយ និងផ្លូវចិត្តចំពោះពួកគេ។ ឧទាហរណ៍ គួរយកចិត្តទុកដាក់ពេលគេឃ្លាន ស្រេកទឹក ឈឺ ឬនៅពេលពួកគេមានការភ័យខ្លាច។ លើសពីនេះ អ្នកគួរត្រូវគោរពសម្តី និយាយត្រូវធ្វើ មិនកុហក និងនិយាយត្រង់ចំពោះពួកគេផងដែរ។ ៣. ជំរុញទំនាក់ទំនងល្អជាមួយអ្នកដទៃ ទំនាក់ទំនងរវាងឪពុកម្តាយ និងកូនជារឿងចាំបាច់ តែនេះមិនមែនជាទំនាក់ទំនងតែមួយដែលគួរតែមាននោះទេ។ កូនដែលមានសុខភាពផ្លូវចិត្តល្អ នៅពេលពួកគេមានទំនាក់ទំនងជាច្រើន ដែលក្នុងនោះ រួមទាំងការមានទំនាក់ទំនងជាមួយសមាជិកគ្រួសារផ្សេងទៀតដូចជា ជីដូនជីតា បងប្អូន មិត្តភក្តិ និងអ្នកជិតខាង។ សូមទុកពេលវេលាខ្លះឲ្យពួកគេអាចសាងទំនាក់ទំនងរវាង មិត្តភក្តិ និងសមាជិកគ្រួសារផ្សេងទៀត ដើម្បីឲ្យពួកគេអាចយល់ច្បាស់ពីភាពខុសៗគ្នានៃការប្រាស្រ័យទាក់ទងទាំងនោះ។ ៤. បង្រៀនកូនអ្នកពីវិធីសាស្រ្តក្នុងការគ្រប់គ្រងស្ត្រេស ជាការពិតណាស់ យើងគ្រប់គ្នាមិនអាចគេចផុតពីបញ្ហាស្ត្រេសបានឡើយ ប៉ុន្តែ អ្វីដែលយើងអាចធ្វើនោះគឺការគ្រប់គ្រងបញ្ហានេះ ដោយមិនឲ្យវាបង្កជាបញ្ហាធំ ដែលអាចប៉ះពាល់ដល់សុខភាពផ្លូវចិត្តអ្នកកាន់តែខ្លាំង។ ដូចគ្នានេះដែរ កុមារជាប្រភេទបុគ្គលដែលងាយនឹងរងការប៉ះទង្គិចពីខាងក្រៅ ជាពិសេសការប៉ះទង្គិចមកលើផ្លូវចិត្តរបស់ពួកគេតែម្តង ដូច្នេះអ្នកដែលជាឪពុកម្តាយគួរធ្វើការសង្កេតមើលថា តើអ្វីជាចំណង់ចំណូលចិត្តរបស់ពួកគេ ដើម្បីបន្ថយបញ្ហាស្ត្រេសទាំងនេះ ក៏ដូចជាថាតើអ្នកគួរជួយពួកគេក្នុងការដោះស្រាយបញ្ហាបែបណា ខណៈពេលដែលឪពុកម្តាយ ជាបុគ្គលដែលធ្លាប់ឆ្លងកាត់បទពិសោធន៍ច្រើនជាងពួកគាត់។   ៥. បង្កើតឲ្យមានទម្លាប់ល្អ របបអាហារល្អ ទម្លាប់នៃការគេងល្អ និងការធ្វើលំហាត់ប្រាណជាប្រចាំ គឺមិនទាន់គ្រប់គ្រាន់ដើម្បីធ្វើឲ្យសុខភាពផ្លូវកាយរបស់កូនអ្នកមានភាពល្អប្រសើរនៅឡើយទេ តែត្រូវមានការរួមផ្សំជាមួយការរក្សាសុខភាពផ្លូវចិត្តឲ្យបានល្អផងដែរ។ ឪពុកម្តាយត្រូវបង្រៀនពួកគេឲ្យចេះអភិវឌ្ឍទម្លាប់ល្អ ដែលអាចរក្សាបានទាំងរូបរាង  និងសុខភាពផ្លូវចិត្តល្អទៀតផង។ មានការស្រាវជ្រាវជាច្រើនដែលបង្ហាញថា ការគោរព និងការដឹងគុណអាចមានឥទ្ធិពលយ៉ាងខ្លាំងលើសុខភាពផ្លូវចិត្ត។ ដូច្នេះ ឪពុកម្តាយគួរបង្រៀនពួកគាត់ឲ្យចេះពីវិធីនេះក្នុងជីវិតប្រចាំថ្ងៃ។ ៦. អភិវឌ្ឍការមានជំនឿជាក់លើខ្លួនឯង ឪពុកម្តាយអាចជួយកូនរបស់ពួកគេតាមរយៈវិធីសាស្រ្តច្រើនយ៉ាង ដែលអាចមានដូចជា៖ • ផ្តល់ជាការសរសើរ រង្វាន់ និងកម្លាំងចិត្តចំពោះអ្វីដែលពួកគេបានធ្វើ និងកំពុងតែធ្វើ • ផ្តល់ឱកាសឲ្យពួកគេអាចធ្វើការងារដោយឯករាជ្យ • ផ្តល់ឱកាសឲ្យពួកគេបញ្ចេញយោបល់ ឬមតិដែលពួកគេមាន • ជំរុញ និងលើកទឹកចិត្តពួកគេក្នុងការអភិវឌ្ឍជំនាញថ្មីៗ • ធ្វើជាគំរូល្អដល់ពួកគេ។ ៧. លេងជាមួយគ្នា កុមារដែលមានសុខភាពល្អទាំងរាងកាយ និងបញ្ញាស្មារតីត្រូវការលេង។ តាមពិត មនុស្សពេញវ័យក៏ត្រូវការលេងផងដែរ! នេះជាពេលដែលត្រូវដាក់ការងារ និងកាតព្វកិច្ចផ្សេងៗទៀតដោយឡែក ហើយផ្ដោតតែលើកូនអ្នក ដែលនេះបង្ហាញឲ្យពួកគេបានដឹងថាពួកគេមានតម្លៃយ៉ាងណាចំពោះពេលវេលាជាមាសពេជ្ររបស់អ្នក។ ខណៈពេលកំពុងលេងជាមួយកូនរបស់អ្នក អ្នកនឹងមិនត្រឹមតែបង្កើតទំនាក់ទំនងល្អប៉ុណ្ណោះទេ ប៉ុន្តែអ្នកក៏អាចសម្រាកផងដែរ។ ម៉្យាង កាលណាកូនបានមើលឃើញឪពុកម្តាយមានការសប្បាយរីករាយ និងលែងព្រួយបារម្ភ កូនៗក៏អាចធានាបានការសប្បាយចិត្ត និងយកសកម្មភាពឪពុកម្តាយជាគំរូទៀតផង។ ៨. ស្វែងរកជំនួយពីអ្នកជំនាញ ប្រមាណជា ២១% នៃកុមារដែលមានបញ្ហាសុខភាពផ្លូវចិត្ត ត្រូវការទទួលបានការព្យាបាល។ នោះមានន័យថា កុមារភាគច្រើនដែលមានបញ្ហាសុខភាពផ្លូវចិត្ត មិនទទួលបានជំនួយដែលពួកគេត្រូវការឡើយនៅពេលពួកគេមានបញ្ហា។ ការស្វែងរកជំនួយពីគ្រូពេទ្យជំនាញ មិនត្រឹមតែអាចជួយបង្កើនសុខភាពផ្លូវចិត្ត របស់កូនអ្នកប៉ុណ្ណោះទេ ប៉ុន្តែវាក៏អាចផ្តល់នូវធនធាន និងការគាំទ្រដល់មាតាបិតាដែលកំពុងជួបការលំបាកផងដែរ។ ប្រសិនបើឪពុកម្តាយបានឃើញពីបញ្ហាមិនប្រក្រតីដែលកើតឡើងចំពោះកូន តែមិនអាចជួយដោះស្រាយបាន សូមប្រញាប់នាំកូនទៅជួបជាមួយអ្នកឯកទេស ឬគ្រូពេទ្យជំនាញដើម្បីធ្វើការដោះស្រាយជាបន្ទាន់។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ    

Parenting Parenting Parenting Parenting
Share
  • Dec 10, 2018 |
  • 6 years ago |
  • 3.4K views

វីតាមីនក៏ធ្វើឲ្យស្រកទម្ងន់ដែរ...

  ការតមអាហារនៅអំឡុងពេលសម្រកទម្ងន់គឺជារឿងមួយដែលអ្នកត្រូវគិតដល់ ប៉ុន្តែ អ្នកក៏អាចប្រឈមនឹងបញ្ហាកង្វះវីតាមីនក៏ដូចជារ៉ែមួយចំនួន ដែលជាផ្នែកមួយនៃកាតាលីករក្នុងការដុតបំផ្លាញកាល់ឡូរីអាក្រក់របស់អ្នកផងដែរ។ ជាការពិត ការសម្រកទម្ងន់ផ្តោតសំខាន់ទៅលើកាល់ឡូរី ប៉ុន្តែអ្នកត្រូវជ្រើសរើសបរិភោគវីតាមីនបន្ថែម ដើម្បីទ្រទ្រង់រាងកាយអ្នក និងបង្កជាលក្ខខណ្ឌអំណោយផលដល់ការសម្រកទម្ងន់ទៀតផង ជាពិសេសជាមួយនឹងមុខងារជំរុញមេតាបូលីសរបស់វា។ • វីតាមីន A អ្នកគួរបន្ថែមអាហារដែលសម្បូរដោយវីតាមីន A ក្នុងរបបអាហារប្រចាំថ្ងៃរបស់អ្នក ព្រោះខ្លួនប្រាណអ្នកនឹងបំលែងវីតាមីន A ពីចំណីអាហារ ទៅជាសារធាតុមួយដែលហៅថា Retinoid ដែលផ្សារភ្ជាប់ជាមួយនឹងកោសិកា និងជាលិកា។ ទម្រង់ខ្លះនៃវីតាមីន A មានទំនាក់ទំនងជាមួយកោសិកាខ្លាញ់ មានឥទ្ធិពលទៅលើការស្តុកខ្លាញ់ និង ភាពធាត់។ ដូច្នោះ អ្នកត្រូវប្រាកដថា អ្នកទទួលបានយ៉ាងហោចណាស់៧០០ ទៅ ៩០០ មីលីក្រាម ក្នុងមួយថ្ងៃ ដើម្បីជួយបំលែងសារធាតុឲ្យបានល្អ។ ពពួកវីតាមីន A ទាំងនោះអាចមានផ្ទុកក្នុងអាហារមួយចំនួនដូចជា ការ៉ុត ស្វាយ ត្រសក់ស្រូវ ស៊ុត ត្រីសូម៉ុង ជាដើម។ • វីតាមីន B វីតាមីន B មានច្រើនប្រភេទ រួមមាន B1 B2 B3 B5 B6 B7 B9 និង B12។ វីតាមីន B មានសារសំខាន់ក្នុងការធ្វើមេតាបូលីស ដែលមុខងារសំខាន់គឺ បំលែងថាមពលក្នុងរាងកាយដូចជា កាបូអ៊ីដ្រាត ជាតិខ្លាញ់ ប្រូតេអ៊ីន ជាពិសេសស្តុកទុកថាមពលពីចំណីអាហារ។ ឧទាហរណ៍ ពពួកវីតាមីន B1 ជួយឲ្យកោសិកានៃរាងកាយផ្លាស់ប្តូរពី កាបូអ៊ីដ្រាតទៅជាថាមពល។ ផ្ទុយទៅវិញ បរិមាណតិចតួចនៃវីតាមីន B1 ធ្វើឲ្យថយចុះនាទីមេតាបូលីស ជាហេតុធ្វើឲ្យការសម្រកទម្ងន់មានការពិបាក។ វីតាមីន B មានច្រើនដូចជា នៅក្នុងទឹកដោះគោ ស៊ុត ចេក ដំឡូង ជាដើម។ • វីតាមីន C អ្នកលើសទម្ងន់ ហាក់បីដូចជាមានបរិមាណវីតាមីន C ទាប ស្របពេលដែលវីតាមីន C គ្រប់គ្រាន់ក្នុងរាងកាយអាចជួយបំផ្លាញខ្លាញ់បានរហូតដល់ ៣០% ក្នុងអំឡុងពេលហាត់ប្រាណ។ នៅពេលអ្នកមានបរិមាណវីតាមីន C មិនគ្រប់គ្រាន់ពីចំណីអាហារ ហើយអ្នកទៅធ្វើលំហាត់ប្រាណ នោះអ្នកនឹងមានការលំបាកក្នុងការសម្រកទម្ងន់ជាងអ្នកដែលមានវីតាមីន C គ្រប់គ្រាន់។ មនុស្សវ័យជំទង់ត្រូវការពី ៧៥ ទៅ ៩០ មីលីក្រាមនៃវីតាមីន C ហើយវីតាមីន C ទាំងនោះអាចមានក្នុង ផ្លែក្រូច ប៉េងប៉ោះ ប្រូខូលី ម្រេច ស្ត្រូបឺរី ដែលល្អបំផុតសម្រាប់សុខភាព  ពិសេសអ្នកដែលសម្រកទម្ងន់។ • វីតាមីន D ការទទួលបានវីតាមីន D ពីចំណីអាហារ គឺមានលក្ខណៈលំបាក ដូច្នោះ អ្នកគួរតែជ្រើសរើសពពួកអាហារបំប៉នដែលសម្បូរដោយវីតាមីន D។ បរិមាណវីតាមីន D គ្រប់គ្រាន់ អាចជួយការពារភាពស្ត្រេស ជាពិសេសជួយឲ្យការសម្រកទម្ងន់ទទួលបានជោគជ័យ។ នៅពេលរាងកាយរបស់អ្នកមិនមានវីតាមីន D គ្រប់គ្រាន់ ជាហេតុធ្វើឲ្យអ័រម៉ូនប៉ារ៉ាទីរ៉ូអ៊ីតកើនឡើង ដែលនាំឲ្យកោសិកាបំលែងស្ករទៅជាខ្លាញ់ ជំនួសថាមពល។ ដូច្នោះ បើអ្នកចង់សម្រកទម្ងន់ អ្នកគួរបង្កើនបរិមាណវីតាមីន D ក្នុងខ្លួន តាមរយៈការបរិភោគ ត្រីធូណាត្រីសូម៉ុង ស៊ុត និងយ៉ាអួរជាដើម។ វីតាមីនដែលមានមុខងារជួយដល់ការដុតបំផ្លាញកាល់ឡូរី ពិតជាសំខាន់ និងគួរតែមានបញ្ចូលក្នុងរបបអាហាររបស់អ្នកក្នុងបរិមាណសមស្រប រួមជាមួយនឹងសារជាតិ និងរ៉ែដទៃទៀតដែលចាំបាច់ដល់ការទ្រទ្រង់សរីរាង្គកាយ ដើម្បីធ្វើឲ្យលទ្ធផលនៃការសម្រកទម្ងន់កាន់តែប្រសើរ។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ  

Weight Management Weight Management Weight Management Weight Management
Share
  • Dec 07, 2018 |
  • 6 years ago |
  • 3.2K views

សេចក្តីជូនដំណឹងស្តីពីហាមឃាត់ការនាំចូល លក់ ចែកចាយ និងផ្សព្វផ្សាយផលិតផលឈ្មោះ X-BOOSTER

  សេចក្តីជូនដំណឹងថ្ងៃទី ០៣ ខែតុលា ឆ្នាំ២០១៨ ពីក្រសួងសុខាភិបាលនៃព្រះរាជាណាចក្រកម្ពុជាសូមជម្រាបជូនដល់សាធារណជនឲ្យបានជ្រាបថា៖ យោងតាមការពិនិត្យឃើញលើបណ្តាញសង្គមហ្វេសប៊ុករៀងរាល់ថ្ងៃ មានគណនីចំនួន៤គឺ ១. Ms Thea ២. Yusa Shop ៣. Ratha Online Shop ៤.សុខភាព និងសម្រស់ Beauty Sop បានកំពុងផ្សព្វផ្សាយផលិតផលឱសថបំប៉នផ្លូវភេទបុរសឈ្មោះ X-BOOSTER ផលិតនៅប្រទេសបារាំងគ្មានអាសយដ្ឋានរោងចក្រផលិតច្បាស់លាស់ គ្មានក្រុមហ៊ុននាំចូលត្រឹមត្រូវ គ្មានចុះបញ្ជិកា គ្មានការត្រួតពិនិត្យគុណភាព និងគ្មានការអនុញ្ញាតឲ្យផ្សព្វផ្សាយពីក្រសួងសុខាភិបាលឡើយ។ គណនីទាំង៤ ខាងលើបានផ្សព្វផ្សាយភូតកុហកបោកប្រាស់ និងបំផ្លើសហួសពីការពិតគ្មានមូលដ្ឋានវិទ្យាសាស្រ្តត្រឹមត្រូវដូចជា ធ្វើឲ្យរួមភេទបានយូរជាងមុន និងធ្វើឲ្យប្រដាប់ភេទបុរសធំជាងមុន ស្បែកស្អាត និងក្មេងជាងវ័យ ប៉ូវក្រលៀន និងបង្កើនអ័រម៉ូន ជួយឲ្យសរសៃឈាមរត់ទៅចិញ្ចឹមសរីរាង្គបានល្អ កាត់បន្ថយស្រេ្តស។ល។ ដើម្បីចៀសវាងការខាតបង់ប្រាក់កាសនិងប៉ះពាល់ដល់សុខភាពសូមបងប្អូនប្រជាពលរដ្ឋទាំងអស់ឈប់ប្រើប្រាស់ផលិតផលឱសថបំប៉នផ្លូវភេទបុរសឈ្មោះ X-BOOSTER ហើយក្រសួងសុខាភិបាលនឹងមានវិធានការតឹងរឹងទៅតាមផ្លូវច្បាប់ចំពោះម្ចាស់គណនីមួយចំនួនខាងលើនេះ។ ក្នុងករណីបងប្អូនប្រជាពលរដ្ឋបានជួបប្រទះឃើញជនណាកំពុងប្រើប្រាស់ លក់ ចែកចាយ ផលិតផលឱសថបំប៉នសុខភាពផ្លូវភេទបុរសឈ្មោះ X-BOOSTER ខាងលើនេះ សូមប្រញាប់ផ្តល់ព័ត៌មាន ឬត្រូវការព័ត៌មានបន្ថែម សូមទំនាក់ទំនងតាមរយៈលេខទូរស័ព្ទ៖ ០៩៥ ៣៥៩ ៣៩៩, ០១២ ៩៨៣ ៣៣៤, ០១២ ៨៩២ ០២២, ០១៧ ៨៦៦ ៧៦០។   ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

News & Events
Share
Top