Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Dec 01, 2017 |
  • 7 years ago |
  • 1.6K views

[ខ្លឹមៗ] ការវិវត្តនៃបញ្ហាភ្នែកចំពោះអ្នកជំងឺទឹកនោមផ្អែម

កម្រិតនៃការថែទាំសុខភាពភ្នែកគួរតែមានសម្រាប់មនុស្សគ្រប់វ័យ ប៉ុន្តែសម្រាប់អ្នកមានជំងឺទឹកនោមផ្អែម ឬអ្នកមានកម្រិតជាតិស្ករខ្ពស់ គួរគប្បីយ៉ាងទុកដាក់ឲ្យបានច្រើនជាងមនុស្សធម្មតា។  វាត្រូវបានគេរកឃើញថា ទាំងអ្នកជំងឺទឹកនោមផ្អែមប្រភេទទី១និងប្រភេទទី២ សុទ្ធតែអាចមានបញ្ហាភ្នែកដែលគេហៅថារលាកបាតភ្នែក  ប៉ុន្តែអ្នកជំងឺទឹកនោមផ្អែមប្រភេទទី១បានស្តែងឡើងនូវផលប៉ះពាល់លើភ្នែកធ្ងន់ធ្ងរជាងអ្នកជំងឺទឹកនោមផ្អែមប្រភេទទី២។ បញ្ហាភ្នែករបស់អ្នកជំងឺទឹកនោមផ្អែម គឺបណ្តាលមកពីការមិនអាចគ្រប់គ្រងជាតិស្ករនិងជាតិខ្លាញ់ក្នុងឈាម និងការលើសសម្ពាធឈាមធ្វើឲ្យមានការប៉ះពាល់ដល់សរសៃឈាមតូចៗជាពិសេសសរសៃឈាមតូចៗដែលទៅចិញ្ចឹមភ្នែក។ ការប៉ះពាល់ដល់បាតភ្នែក ចំពោះអ្នកជំងឺទឹកនោមផ្អែមត្រូវបានចែកចេញជា៣ដំណាក់កាលធំៗ និងមានចេញជាសញ្ញាទៅតាមកម្រិតនីមួយៗ៖ •Mild NPDR (Non Proliferative Diabetic Retinopathy)៖ មានលេចចេញនូវសរសៃឈាមតូចៗបែកនៅលើរ៉េទីន។ •Moderate NPDR (Non Proliferative Diabetic Retinopathy)៖ មានលេចចេញសរសៃឈាមតូចៗបែកកាន់តែច្រើន ហើយមាន Macular edema (កន្លែងចាប់រូបភាពចាប់ផ្តើមហើម) ធ្វើឲ្យអ្នកជំងឺចាប់ផ្តើមស្រវាំង។ •Severe NPDR (Non Proliferative Diabetic Retinopathy)៖ មានចំណុចសៗរួមនឹងសរសៃឈាមជាច្រើនខុសធម្មតានៅលើរ៉េទីន។ ដំណាក់កាលចុងក្រោយគឺ Proliferative Diabetic Retinopathy៖ ករណីនេះអ្នកជំងឺមានផលវិបាកកាន់តែច្រើន។បញ្ហានេះអាចបណ្តាលឲ្យអ្នកជំងឺងងឹតភ្នែកទាំងស្រុង ប្រសិនបើមិនមានការព្យាបាលឲ្យបានទាន់ពេលវេលា។ ជាចុងក្រោយលោកសាស្ត្រចារ្យវេជ្ជបណ្ឌិតបានមានប្រសាសន៍ថាប្រសិនបើមានអ្នកជំងឺទឹកនោមផ្អែមរួមមកនៅរោគសញ្ញាផ្សេងៗនៃសុខភាពភ្នែកដូចជា ស្រវាំងភ្នែក ឃើញរូបភាពវៀច អាចមានឈាមនៅនឹងភ្នែក លោកអ្នកគួរមកជួបពិនិត្យជាមួួយវេជ្ជបណ្ឌិតឯកទេសភ្នែកឲ្យបានឆាប់រហ័ស ដើម្បីជាការបង្ការផលវិបាកនៅថ្ងៃមុខ៕ ស្វែងយល់បន្ថែម៖  ជំងឺទឹកនោមផ្អែមអាចធ្វើឲ្យអ្នកងងឹតភ្នែកបានដែរ? បកស្រាយដោយ៖  ងី ម៉េង ឯកទេសចក្ខុរោគ និងជាប្រធានមន្ទីរពេទ្យមិត្តភាពខ្មែរ-សូវៀត និងជាប្រធាននៃគ្លីនិកភ្នែក ម៉ែង រ័ត្ននីន (វេជ្ជបណ្ឌិត ងឺ ម៉ែង)      ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Other Diseases
Share
  • Dec 01, 2017 |
  • 7 years ago |
  • 3.2K views

[ខ្លឹមៗ] បន្ទះ Aware™ និងការធ្វើស្វ័យត្រួតពិនិត្យសុដន់

មហារីកសុដន់ គឺជាប្រភេទជំងឺមហារីកដែលកើតមានច្រើនបំផុតចំពោះស្រ្តី។ វាគឺជាជំងឺដែលកោសិកាមហារីកត្រូវបានរកឃើញដំបូងនៅក្នុងជាលិកាសុដន់ និងបន្ទាប់មកទៅកាន់ផ្នែក ផ្សេងៗទៀតនៃរាងកាយ។​ មហារីកសុដន់ ក៏ត្រូវបានដឹងផងដែរថាស្ថិតក្នុងលំដាប់ទី ២ ក្នុងចំណោមមូលហេតុនៃការស្លាប់របស់ស្ត្រីនាពេលបច្ចុប្បន្ន។ ដោយហេតុនេះហើយ ការស្វែងរកនូវសញ្ញាដំបូងនៃមហារីកសុដន់ និង ការចាប់ផ្តើមព្យាបាលឲ្យបានឆាប់រហ័សពិតជាមានសារសំខាន់។ ការធ្វើស្វ័យត្រួតពិនិត្យលើសុដន់ ឬការត្រួតពិនិត្យសុដន់ដោយខ្លួនឯង (Breast self-examination) គឺជាមធ្យោបាយមួយក្នុងចំណោមមធ្យោបាយផ្សេងទៀតដែលអាចជួយស្ត្រីក្នុងការស្វែងរកមហារីកសុដន់នៅដំណាក់កាលដំបូង។ ការធ្វើស្វ័យត្រួតពិនិត្យលើសុដន់ជាទៀងទាត់ អាចជួយបង្កើនការប្រុងប្រយ័ត្ន និងធ្វើឲ្យស្ត្រីខ្លួនឯងផ្ទាល់ស្គាល់ពីសភាពនៃដើមទ្រូងរបស់ខ្លួនក៏ដូចជាបង្កើនយ៉ាងខ្លាំងនូវសមត្ថភាពក្នុងការកត់សម្គាល់ឃើញនូវសញ្ញាមិនប្រក្រតីដំបូងនៃមហារីកសុដន់ដូចជា ដុំពក ឬ lumps (masses) ជាដើម។​      ការធ្វើស្វ័យត្រួតពិនិត្យលើសុដន់ នឹងកាន់តែមានភាពងាយស្រួលដោយការប្រើប្រាស់សម្ភារៈជំនួយ​ដូចជា បន្ទះAware™ដែលបង្កើតឡើងមកដោយបន្ទះប្លាស្ទិកចំនួន២ស្រោបសារធាតុរាវ​(ធាតុរំអិល)នៅកណ្តាល។ការត្រួតពិនិត្យសុដន់ដោយខ្លួនឯងគួរតែត្រូវបានធ្វើឡើងដោយដៃជាមុនសិន និងបន្ទាប់មកទើបធ្វើឡើងជាមួយនឹង បន្ទះ Aware™ តាមជំហាននីមួយៗ (ពី១ដល់៤)។ ដោយសារស្រទាប់ខាងលើនៃបន្ទះAware™អាចរំកិលបានយ៉ាងងាយលើស្រទាប់ខាងក្រោមធ្វើឲ្យការត្រួតពិនិត្យលើសុដន់កាន់តែមានផាសុកភាពឡើង។ បន្ទះ Aware™ អាចបង្កើនការដឹងរបស់អ្នកតាម រយៈការ​ស្ទាប (វាមានអារម្មណ៍ថាដូចជាប្រើសាប៊ូ និងទឹកប៉ុន្តែអ្នកមិនចាំបាច់ត្រូវនៅក្នុងបន្ទប់ងូតទឹកទៀតទេ)ហើយការណែនាំក្នុងការប្រើប្រាស់ពិតជាមានភាពងាយស្រួលក្នុងការធ្វើតាម។ បន្ទះ Aware™ អាចបង្កើនអារម្មណ៍ដឹង និងឱកាសនៅក្នុងការស្ទាបដឹងថាជាដុំសាច់ ឬភាពមិនប្រក្រតីផ្សេងៗដែលអាចនឹងច្រើនត្រូវបានមើលរំលងនៅពេលធ្វើការពិនិត្យដោយម្រាមដៃទទេ។ដោយឡែកបន្ទះAware™ក៏អាចចាត់ទុកថាជាសម្ភារៈតឿនរំលឹកសម្រាប់ការធ្វើស្វ័យត្រួតពិនិត្យលើសុដន់ជារៀងរាល់ខែផងដែរ។     វេជ្ជបណ្ឌិតបានមានប្រសាសន៍ថាក្នុងករណីដែលអ្នករកឃើញនូវដុំសាច់នៅសុដន់(lumps) ការប្រែប្រួលនៅលើស្បែក ការឈឺចាប់នៅតំបន់ណាមួយ ការហៀរចេញនៃសារធាតុរាវ ឬបញ្ហាផ្សេងៗទៀត នៅអំឡុងពេលត្រួតពិនិត្យសុដន់ដោយខ្លួនឯង អ្នកចាំបាច់ត្រូវទៅជួបជាមួយនឹងវេជ្ជបណ្ឌិតជំនាញឲ្យបានឆាប់រហ័សតាមដែលអាចធ្វើបាន។ សូមចងចាំថាការរកឃើញនូវរោគសញ្ញាតាំងពីដំបូង គឺជាការការពារនៃមហារីកសុដន់ដែលល្អបំផុត៕ ស្វែងយល់បន្ថែម៖ ​ ការធ្វើស្វ័យត្រួតពិនិត្យលើសុដន់កាន់តែងាយស្រួល ជាមួយបន្ទះ Aware™     បកស្រាយដោយ ៖ វេជ្ជបណ្ឌិត Turobova Tatiana ឯកទេសជំងឺមហារីក ចំពោះកូនក្មេង និងមហារីកទូទៅព្រមទាំងជាប្រធានផ្នែកមហារីកនៃមន្ទីរពេទ្យសាកលវិទ្យាល័យអន្តរជាតិសែនសុខ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Other Diseases
Share
  • Dec 01, 2017 |
  • 7 years ago |
  • 13.6K views

សក់ជ្រុះដោយសារមូលហេតុអ្វីខ្លះ?

ជាទូទៅ សក់របស់មនុស្សជ្រុះជារៀងរាល់ថ្ងៃចាប់ពី 40 ទៅ120សរសៃ  អាស្រ័យបរិមាណសក់ដែលអ្នកមានអាយុករបស់អ្នកនិងវដ្ដនៃការលូតលាស់របស់សក់។ សក់ដែលមានសុខភាពមិនវដ្ដនៃការលូតលាស់ល្អជ្រុះច្រើន។ ពេលដែលអាយុកអ្នកចម្រើនឡើង សក់របស់អ្នកក៏ចាប់ផ្ដើមស្ដើងទៅៗជាពិសេសក្រោយពេលនារីអស់រដូវ។មានមូលហេតុចម្បងៗចំនូនបួនដែលបណ្ដាលឲ្យសក់ជ្រុះ៖ ១ សង្ខារនៃសក់ ជារៀងរាល់ឆ្នាំ ក្នុងអំឡុងខែវិច្ឆិកានិងខែធ្នូ សរសៃសក់របស់អ្នកវិវដ្ដមកដល់ចំណុចចុងក្រោយនៃវដ្ដជីវិតរបស់វាដែលជាហេតុបណ្ដាលឲ្យសក់ជ្រុះច្រើនជាងរាល់ដង។ ២ ជំងឺឈាមសស៊ីឈាមក្រហម ការជ្រុះសក់ជាគំហុករបស់នារីអាចជារោគសញ្ញានសជំងឺឈាមសស៊ីឈាមក្រហមនេះបើតាមការធ្វើតេស្ដន៏ឈាម លោកវេជ្ជបណ្ឌិត George Cotsarelis,M,D,នាយកផ្នែកសក់និងស្បែកក្បាលនៃសាកលវិទ្យាល័យ Pennsylvania។ ការពិសោធន៏បានបង្ហាញឲ្យឃើញថាការខ្វះសារជាតិដែកក៏ជាមូលហេតុសម្បងដែលបណ្ដាលឲ្យសក់ជ្រុះផងដែរ។ គ្លីនិកMayoបានរាយការណ៍ឲ្យដឹងថានារីជាង២០ភាគរយកំពុងតែរងគ្រោះដោយអាការៈជ្រុះសក់ព្រោះខ្វះសារធាតុដែកនៅក្នុងរាងកាយ។ ៣ អាយុ អ្នកជំនាញខាងបណ្ដុះសក់បានប្រសាសន៍ថាពេលដែលមនុស្សមានអាយុច្រើនឡើងគល់សក់ចាប់ផ្ដើមរួញស្វិតបណ្ដាលឲ្យជំហររបស់សក់ខ្លីជាងមុននិងខ្សោយជាងមុន ហើយបន្ទាប់មកមិនយូរប៉ុន្មានគល់សក់ក៏ងាប់ ឯសក់ក៏ចាប់ផ្ដើមជ្រុះជុំមក។ ចំណែកបរិមាណនៃសក់ដែលជ្រុះព្រមទាំងរយៈកាលនៃការជ្រុះសក់របស់មនុស្សម្នាក់ៗក៏ខុសគ្នាទៅតាមដំណរពូជ។ ៤ ការតាំងគភ៌ នារីខ្លះជ្រុះសក់ពេលមានគភ៌ ឬបន្ទាប់ពីការផ្លាស់ប្ដូរអ័រម៉ូនក្រោយពេលសម្រាលកូនរួច។ ចំណែកនារីខ្លះទៀតចាប់ផ្ដើមជ្រុះសក់ពេលចាប់ផ្ដើមឬទទួលទានថ្នាំពន្យាកំណើត។ ៥ ជំងឺ ឬការតានតឹងអារម្មណ៍(ស្ត្រេស) ការជ្រុះសក់អាចបណ្ដាលមកពីរោគសញ្ញានៃជំងឺផ្សេងៗមានដូចជាការខ្វះសារជាតិដែកនិងបញ្ហាទាក់ទងនឹងក្រពេញទីរ៉ូអ៊ីតព្រមទាំងការតឹងតែងផ្នែកអារម្មណ៍ផងដែរ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

Health Tips Skin, STD & Beauty
Share
  • Nov 29, 2017 |
  • 7 years ago |
  • 6.5K views

សារជូនចំពោះអនាគតអ្នកគ្រងអាវពេទ្យ...

គោរពជូនអនាគតអ្នកប្រកបវិជ្ជាជីវៈសុខាភិបាលទាំងឡាយ សូមចងចាំ…ចាំនូវអារម្មណ៍ជាអ្នកជំងឺ ចងចាំនូវអាការៈឈឹចាប់ដែលមិនទាន់ដឹងពីមូលហេតុច្បាស់លាស់ ចងចាំនូវពេលដែលត្រូវជួបពេទ្យឯកទេសមួយហើយមួយទៀត ជាពិសេសអារម្មណ៍រង់ចាំ និងរំពឹងថាវេជ្ជបណ្ឌិតណាម្នាក់នឹងអាចធ្វើរោគវិនិច្ឆ័យបានត្រឹមត្រូវ និងជាក់លាក់ ដោយធ្វើការបង្ហាញយ៉ាងច្បាស់អំពីអ្វីដែលអ្នកកំពុងប្រឈម។ ហើយក៏ចងចាំនូវអារម្មណ៍ងឿងឆ្ងល់ដោយសារតែមិនដឹងពីមូលហេតុនៅពីក្រោយអាការៈឈឺចាប់ដែលកំពុងមាន ហើយក៏មានអារម្មណ៍ភ័យខ្លាចនឹងដឹងការពិតនៃរោគវិនិច្ឆ័យនៃជំងឺដែលអាចនឹងឆក់ទាញយកអាយុជីវិតរបស់អ្នក… ចងចាំនូវការចំណាយពេលយូរក្រោមការថែទាំនៅក្នុងគ្លីនិក ឬមន្ទីរពេទ្យ ឬបន្ទប់ពិគ្រោះជំងឺ ឬនៅក្នុងផ្ទះខ្លួនគេងលើគ្រែរង់ចាំលទ្ធផលនៃការធ្វើតេស្ត ឬទន្ទឹងរង់ចាំដល់ថ្ងៃណាត់ជួបនឹងគ្រូពេទ្យម្តងទៀត ដោយអ្នកបាន ឬកំពុងឆ្លងកាត់ការសិក្សា និងបណ្តុះបណ្តាល ក៏ដូចជាបង្ហាត់បង្ហាញនៅសាលាពេទ្យ ហើយក៏បានសិក្សាផងដែរនូវអ្វីដែលត្រូវឆ្លងកាត់នៅលើវិថីនៃការក្លាយជាអ្នកប្រកបវិជ្ជាជីវៈសុខាភិបាលមួយរូបដូចដែលអ្នកធ្លាប់បានស្រមៃ ហើយក៏កុំភ្លេចមានអំណរនូវអ្វីគ្រប់យ៉ាងដែលអ្នកបានជួបប្រទះនៅលើវិថីមួយនេះ… ប្រាកដណាស់ គឺមានពេលខ្លះ អ្នកគិតថា ពិបាកណាស់…ហត់ណាស់…ប្រហែលជាមិនអាចធ្វើបានទេ!!! ប្រហែលជាទៅមិនដល់គោលដៅទេ!!!ហើយអារម្មណ៍បែបនេះក៏កើតមានជាញឹកញាប់ផងដែរ ប៉ុន្តែត្រូវចាំថា…នេះហើយជា រសជាតិជីវិត…រឿងអស្ចារ្យមិនមែនងាយស្រួលសម្រេចនោះទេ… អ្នកមានជីវិតមួយនេះ អ្នកពិតជាសំណាង ព្រោះមានអ្នកខ្លះកំពុងតែប្រាថ្នាចង់ក្លាយជាអ្នក… នៅថ្ងៃដែលអ្នកគ្រងអាវពេទ្យ អ្នកនឹងយល់ឃើញថា «អ្នកមិនមែនប្រឹងប្រែងដើម្បីតែពិន្ទុល្អ ឬខ្ពស់នោះទេ គឺដើម្បីជួយសង្រ្គោះជីវិតមនុស្ស»។ អាវពេទ្យដែលអ្នកគ្រងលើខ្លួនជារៀងរាល់ថ្ងៃ ប្រៀបបាននឹងនិមិត្តសញ្ញានៃការប្តេជ្ញាចិត្តរបស់អ្នកចំពោះអ្នកជំងឺ។ ចាប់ពីថ្ងៃនោះទៅ ជីវិតអ្នកនឹងត្រូវបានពលីលើការព្យាបាលអ្នកជំងឺ និងបង្ហាត់បង្ហាញនូវអ្វីអ្នកដែលបានដឹងបានរៀន។ សូមកុំលះបង់ការប្រឹងប្រែងតិច ដើម្បីទទួលបានប្រាក់ច្រើន…ត្រូវមានឆន្ទៈក្នុងការរៀនអ្វីដែលថ្មី និងប្រឹងប្រែងអស់ពីលទ្ធភាពរបស់អ្នក ព្រោះថាការដឹងល្មមរបស់អ្នក អាចនឹងមិនល្មមសម្រាប់ការជួយទាញយកជីវិតរបស់នរណាម្នាក់ចេញពីយមរាជឡើយ។ សូមឲ្យវត្តមានរបស់អ្នកនៅពេលដែលអ្នកដើរចូលទៅក្នុងបន្ទប់អ្នកជំងឺ ធ្វើឲ្យពួកគាត់មានអារម្មណ៍ធូរស្បើយខ្លះ បើទោះជាអ្នកមិនបានធ្វើការរោគវិនិច្ឆ័យក៏ដោយ។ កុំធ្វើជាពេទ្យម្នាក់់ ដែលអ្នកជំងឺឃើញហើយក៏ភ័យ ឬស្លុតចិត្តថែម… ជាក់ស្តែង កាតព្វកិច្ចរបស់អ្នកមិនមែនត្រឹមតែផ្តល់ថ្នាំ និងគម្រោងនៃការព្យាបាលប៉ុណ្ណោះទេ អ្នកគឺជាអ្នកគាំទ្រដ៏ជិតស្និទ្ធបំផុតរបស់អ្នកជំងឺ…ជីវិត គឺផុតស្រួយណាស់…វាអាចនឹងបាត់បង់ ឬផ្លាស់ប្តូរទៅ នៅក្នុងពេលមួយប៉ប្រិចភ្នែកប៉ុណ្ណោះ…ប៉ុន្តែ អ្នកពិតជាពិសេស…អ្នកជារនាំងការពារការបាត់បង់នូវកាដូដ៏មានតម្លៃ(ជីវិត)របស់អ្នកជំងឺ ដោយការប្រយុទ្ធប្រឆាំងយ៉ាងខ្លាំងក្លាជាមួយនឹងយមរាជ សូមចងចាំថា អ្នកជំងឺជាភាវៈមានជីវិតដែលមានសតិអារម្មណ៍ ឆន្ទៈ គ្រួសារ អាកប្បកិរិយា និងភាពវៃឆ្លាត។ ពួកគេមិនមែនជាករណីសិក្សា ដែលត្រូវវិភាគ ហើយត្រឡប់ទៅផ្ទះវិញនោះទេ។ ត្រូវចាំក្នុងចិត្តថា ថ្ងៃណាមួយ អ្នកនឹងដូចជាពួកគាត់ដែរ «ចាស់ ឈឺ ស្លាប់» ដែលគ្មាននរណាម្នាក់អាចគេចវេសបានទេ សូមធ្វើការព្យាបាលអ្នកជំងឺគ្រប់គ្នាដោយក្តីគោរព និងទឹកចិត្តអាណិតអាសូរដែលអ្នកក៏ចង់បានដូចគ្នា ស្តាប់នូវក្តីបារម្ភរបស់ពួកគាត់ និងឆ្លើយតបនឹងសំណួរ ក៏ដូចជាចម្ងល់របស់គាត់។ ពេលខ្លះ ប្រាកដជាហត់ណាស់…អស់កម្លាំងណាស់ ជាមួយនឹងវេនធ្វើការជាង១២ម៉ោង ប៉ុន្តែសូមចាំថា ពេលវេលាតិចតួចដែលអ្នកចំណាយបន្ថែមជាមួយនឹងអ្នកជំងឺ គឺមានតម្លៃខ្លាំងណាស់ ហើយប្រាកដណាស់ធ្វើឲ្យមានការផ្លាស់ប្តូរខ្លាំងណាស់សម្រាប់ពួកគាត់។ សូមចាំថា..ត្រូវមានអំណរដែលអ្នកបានឈានជើងមកកាន់វិថីមួយនេះ។ សូមគោរពនូវទំនួលខុសត្រូវដែលអ្នកត្រូវរ៉ាប់រង ហើយព្យាបាលអ្នកជំងឺឲ្យដូចជាពេលដែលអ្នកជាអ្នកជំងឺម្នាក់ដែរ។ សូមប្រឹងប្រែងឲ្យអស់ពីលទ្ធភាពរបស់អ្នក និងក្លាយជាអ្នកប្រកបវិជ្ជាជីវៈសុខាភិបាលមួយរូបដែលល្អបំផុតតាមដែលអ្នកអាចធ្វើបាន ដោយក្តីគោរពស្រលាញ់រាប់អាន ប្រភព ៖ Letter to a future doctor

Career & Education For Health Practitioners
Share
  • Nov 29, 2017 |
  • 7 years ago |
  • 4.9K views

ការវះកាត់ផ្នែកកុមារ​ និងកែលំអដោយឥតគិតថ្លៃ ពីមន្ទីរពេទ្យមិត្តភាព ខ្មែរ-សូវៀត

មន្ទីរពេទ្យមិត្តភាពខ្មែរ- សូវៀត សហការជាមួយ ក្រុមគ្រូពេទ្យឯកទេសវះកាត់មកពីសាកលវិទ្យាល័យ California, lrvine វះកាត់ចាប់ពីថ្ងៃទី៥-៦ ខែធ្នូ ឆ្នាំ២០១៧ នឹងផ្តល់ជូននូវការពិគ្រោះជំងឺនៅមន្ទីរពេទ្យមិត្តភាពខ្មែរ-សូវៀតផ្នែកវះកាត់កុមារ និងកែលំអដោយពុំបង់ប្រាក់ចំពោះប្រជាជនក្រីក្រ ក្រោមការឧបត្ថម្ភដោយមូលនិធិសមធម៍រាជរដ្ឋាភិបាល ដែលប្រភេទវះកាត់រួមមាន៖  ១.ក្លន (Hernias, adult pediatric) ២.ដុំពក ក្រួសផ្លូវទឹកប្រមាត់ (lumps& bumps, Gallstones) ៣.ឫសដូងបាត ប្រេះរន្ធគូថ បូសអន្ទង់ ត្បៀតរន្ធគូថ (hemorrhoids, fissures, fistulae, stenosis related improper sclerotherapy) ៤.ឆែបមាត់ ឆែបក្រអូម ពិការមុខមាត់ពីកំណើត (Clefts, lip, palate, Congenital facial Deformities) ៥.ដុំក (Neek masses) ៦.រលាក (Burn scar revisions) ៧.ឯកទេសវះកាត់ដៃ (Hand traumatic) កាលបរិច្ឆេទ ៖ ថ្ងៃទី ៥-៦ ខែធ្នូ ឆ្នាំ២០១៧ ទីតាំង ៖ មន្ទីរពេទ្យមិត្តភាពខ្មែរ- សូវៀតផ្នែកវះកាត់កុមារ និងកែលំអ លេខទំនាក់ទំនង ៖  012 842 520 / 015 842 520 / 068 842 520 ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Events News & Events
Share
  • Nov 29, 2017 |
  • 7 years ago |
  • 4K views

កម្មវិធីពិព័រណ៌សៀវភៅកម្ពុជា បានត្រឡប់មកវិញហើយ!

ព្រឹត្តិការណ៍ថ្នាក់ជាតិ កម្មវិធីពិព័រណ៌សៀវភៅកម្ពុជានឹងប្រារព្ធឡើងជាថ្មីម្តងទៀតរយៈពេល ៣ថ្ងៃ គឺចាប់ពីថ្ងៃទី ៨ ដល់ទី ១០ ខែធ្នូ ឆ្នាំ ២០១៧ ក្នុងបរិវេណបណ្ណាល័យជាតិ ដែលនេះជាលើកទី ៦ ក្រោមប្រធានបទប្លែកខុសពីឆ្នាំមុនគឺ “អានច្រើន បង្កើនឱកាស ក្នុងបំណងជំរុញឲ្យយុវជនខ្មែរចាប់យកការអានជាឱកាសល្អមួយសម្រាប់ខ្លួន”។  ពិព័រណ៌សៀវភៅកម្ពុជា គឺជាកម្មវិធីដែលត្រូវបានរៀបចំឡើងពីសំណាក់ក្រសួងចំនួន ៣ រួមមានក្រសួងវប្បធម៌ និងវិចិត្រសិល្បៈ ក្រសួងអប់រំ យុវជន និងក្រសួងព័ត៌មាន ព្រមទាំងមានកិច្ចសហការជាមួយបណ្ណាល័យជាតិកម្ពុជា។  អ្នកចូលរួមទាំងអស់អាចធ្វើការដើរទស្សនា និងអាចរកជាវសៀវភៅគ្រប់ប្រភេទនៅតាមស្តង់សៀវភៅ ដែលមានរហូតដល់ទៅ ៨០ស្តង់។ លើសពីនេះ ក្នុងរយៈពេល ៣ថ្ងៃនេះផងដែរ កម្មវិធីនឹងបង្កើតសកម្មភាពនិទានរឿងសម្រាប់កុមារ កម្មវិធីអប់រំនានា ដោយមានការរៀបចំទីធ្លា ឬសួននៃការអានដែលមានភាពច្នៃប្រឌិត ស្តង់ថតរូបដ៏ស្អាតគួរឲ្យទាក់ទាញ និងការប្រគុំតន្រ្តីពីសំណាក់យុវជនស្ម័គ្រចិត្តដែលមានទេពកោសល្យទៀតផង។  ពិព័រណ៌សៀវភៅកម្ពុជា ធ្វើឡើងក្នុងគោលបំណងលើកកម្ពស់សៀវភៅដែលជាស្នាដៃរបស់កវីនិពន្ធខ្មែរ ក៏ដូចជាការចូលរួមចំណែកគាំទ្រស្នាដៃរបស់អ្នកនិពន្ធផ្សព្វផ្សាយវិស័យបោះពុម្ពនៅកម្ពុជា លើកទឹកចិត្តសិស្សានុសិស្សទាំងឡាយឲ្យចូលចិត្តការសរសេរ និងបង្កើនទម្លាប់នៃការអានជាដើម ដោយរំពឹងទុកថាចំនួនអ្នកចូលរួមក្នុងកម្មវិធីលើកទី ៦នេះនឹងកើនឡើងជាងឆ្នាំមុនៗ។ សូមបញ្ជាក់ថា ការតាំងពិព័រណ៌សៀវភៅកម្ពុជាលើកទី៥ ក្នុងឆ្នាំ ២០១៦កន្លងមក មានអ្នកចូលរួមប្រមាណ ២ម៉ឺន ៥ពាន់នាក់។ សម្រាប់ព័ត៌មានលម្អិតស្តីពីកម្មវិធីតាំងពិព័រណ៌សៀវភៅកម្ពុជាលើកទី ៦នេះ សូមទំនាក់ទំនងមកកាន់លេខ ០៧៧ ៧០៨ ៩១២។  ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Events News & Events
Share
  • Nov 28, 2017 |
  • 7 years ago |
  • 4.8K views

កិច្ចសន្ទនាពាណិជ្ជកម្មអំពី “គន្លឹះជោគជ័យក្នុងការចាប់ផ្តើមអាជីវកម្មផ្នែកសេវាកម្ម”

ផាកកាហ្វេ និងវិទ្យាស្ថានអភិវឌ្ឍន៍វិស័យអប់រំ បានអញ្ជើញវាគ្មិនកិត្តិយសពីស្ថាប័នសេវាកម្ម និងអ្នកប្រឹក្សាផ្នែកច្បាប់មកបកស្រាយក្នុងវេទិកាការពិភាក្សាអាជីវកម្មប្រចាំខែវិច្ឆិកានេះ។ វាគ្មិនកិត្តិយសទី០១ គឺអ្នកស្រី TIV CHANDETH នាយកគ្រប់គ្រងទូទៅនៃក្រុមហ៊ុន IMAGE PRINTING GROUP និង លោក TIV SOPHONNORA អ្នកប្រឹក្យាផ្នែកច្បាប់។ វាគ្មិនទាំងពីរនឹងធ្វើការពិភាក្សារលើប្រធានបទ “គន្លឹះជោគជ័យក្នុងការចាប់ផ្តើមអាជីវកម្មផ្នែកសេវាកម្ម” ដោយមានការសម្របសម្រួលដោយ លោករឹទ្ធ ប៉ុនរត្ន័ ដែលជានាយកផ្នែកធនធានមនុស្សរបស់ផាកកាហ្វេ។ អ្វីដែលជាចំនុចសំខាន់ក្នុងការពិភាក្សានេះ? ១. ហេតុអ្វីត្រូវសម្រេចចិត្តធ្វើអាជីវកម្ម? ២. មុននឹងចាប់ផ្តើមអាជីវកម្ម តើងយើងត្រូវស្វែងយល់អ្វីខ្លះពីតម្រូវការផ្នែកច្បាប់? ៣. តើអ្វីដែលហៅថា Service Industry? ៤. តើអាជីវកម្មបែបណាដែលចាត់ទុកថាជាអាជីវកម្មបែបសេវាកម្ម? ៥. តើអ្វីខ្លះដែលយើងគួររៀបចំដើម្បីចាប់ផ្តើមអាជីវកម្មនេះ? ៦. ក្នុងលក្ខន្ដិកច្បាប់ តើអ្វីដែលយើងគួររៀបចំសម្រាប់អាជីវកម្មប្រភេទនេះ?  ៧. ដោយសារតែអាជីវកម្មប្រភេទនេះងាយស្រួលក្នុងការចាប់ផ្តើម និងចំណាយតិចដូច្នេះអ្វីដែលជាចំនុចពិសេសដែលអាចឱ្យអាជីវកម្មនេះជោគជ័យបាន? ៨. តើយើងគួរធ្វើទីផ្សារអាជីវកម្មប្រភេទនេះតាមមធ្យោបាយណាដែរមានប្រសិទ្ធភាព? ៩. យុទ្ធសាស្ត្រនិងតិកនិកក្នុងការដោះស្រាយបញ្ហាប្រឈមនីមួយៗក្នុងដំណើរការអាជីវកម្ម។ ១០.តើត្រូវពិនិត្យនិងមានយុទ្ធសាស្ត្រឬតិកនិកបែបណាដើម្បីធ្វើអោយអាជីវកម្មប្រភេទនេះដើរឲ្យទាន់បរិបទទីផ្សារ? ១១. តើអាជីវកម្មប្រភេទសេវាកម្មនេះអាចរីកចំរើនលឿនបានកំរិតណា? ១២. ស្រាយចម្ងល់ផ្សេងៗតាមរយៈការជជែកវែកញែកបន្ថែមជាមួយវាគ្មិននិងអ្នកចូលរួមជាច្រើនទៀត។ កុំភ្លេចចូលរួមទាំងអស់គ្នានឹងទទួលយកបទពិសោធន៍ ក៏ដូចជាចំនេះដឹងថ្មីៗ តម្លៃសំបុត្រ៖    ១៥ដុល្លារ ទំនាក់ទំនង ៖    ០៧៧ ៦៧៦ ៤២៣/ ០១២ ២៣២ ៨២៣  ***បញ្ជាក់តំលៃសំបុត្រនេះមានការរួមបញ្ចូលជាមួយនឹង Cocktail Networking រួចជាស្រាច់។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Events News & Events
Share
  • Nov 28, 2017 |
  • 7 years ago |
  • 9K views

មូលហេតុ និងដំណោះស្រាយនៃអាការៈទល់លាមករបស់កុមារ

មូលហេតុ កូនរបស់លោកអ្នកអាចទល់លាមក កា​លណាគេមិនបានផឹកទឹកដោះ អង្គធាតុរាវ ឬអាហារដែលមានជាតិសរសៃគ្រប់គ្រាន់។ សរសៃមាននៅក្នុងចំណីធម្មជាតិ ដូចជាគ្រាប់ធញ្ញជាតិផ្លែឈើ និងបន្លែជាដើម។  ប្រសិនបើកូនរបស់លោកអ្នកបរិភោគបបរដែលសម្បូរទៅដោយជាតិខ្លាញ់ជាតិស្ករចម្រាញ់(ស្ករគ្រាប់ឬបង្អែម)នោះមានន័យថាគេមិនបានបរិភោគជាតិសរសៃឲ្យបានគ្រប់គ្រាន់ដែលជាហេតុនាំឲ្យទល់លាមក។ ការផ្លាស់ប្ដូរពីការបំបៅទឹកដោះម្ដាយទៅបៅទឹកដោះគោវិញ ឬការប្ដូរពីការចំណីអាហារទន់ទៅជាចំណីអាហាររឹងវិញ។   ជួនកាល កូនរបស់លោកអ្នកអាចទល់លាមកបន្ទាប់ពីងើបពីឈឺ ឬប្រើប្រាស់ឱសថផ្សេងៗ។ លោកអ្នកមិនត្រូវបារម្ភពេកទេព្រោះការទល់លាមកតែងតែកើតឡើងជាធម្មតាហើយអាចបាត់ទៅវិញដោយឯងៗដែរ។ អាការៈទល់លាមកធ្ងន់ធ្ងរអាចកើតឡើងដោយសារតែកុមារមិនព្រមទៅបន្ទោរបង់។ ពេលដែលលាមកប្រមូលផ្ដុំ នៅក្នុងពោះវៀនធំយូរវាចាប់កកធំឡើងៗនិងរឹងទៅៗ។ ការបន្ទោរបង់អាចមានការឈឺចាប់ ធ្វើឲ្យកុមារមិនចង់ទៅបន្ទោរបង់លាមក។ ដំណោះស្រាយ អ្នកគួរចាប់ផ្ដើមបង្កើនបរិមាណទឹកដែលកូនរបស់អ្នកទទួលទានក្នុង១ថ្ងៃ។ បើកូនរបស់លោកអ្នកធំហើយ សូមជម្រុញឲ្យគេផឹកទឹកឲ្យបានច្រើន។ សូមបន្ថយបរិមាណស្ករគ្រាប់ និងចំណីមានជាតិស្ករនៅក្នុងរបបអាហាររបស់កូនលោកអ្នក។អ្នកគួរណែនាំកូនឲ្យយល់ដឹងពីការបន្ទោរបង់ហើយគួរតែមានទម្លាប់បន្ទោរបង់ដោយមានម៉ោងពេលច្បាស់លាស់។ ពេលដល់ម៉ោងបន្ទោរបង់សូមឲ្យកូនលោកអ្នកអង្គុយលើបង្គន់ឲ្យបានយ៉ាងតិច១០នាទីជារៀងរាល់ថ្ងៃ។ ក្នុងពេលបន្ទោរបង់ អ្នកអាចឲ្យកូនអានសៀវភៅ ឬស្ដាប់វិទ្យុក៏បាន។ មានឱសថបញ្ចុះលាមករបស់កុមារ។អ្នកអាចជ្រើសយកឱសថណាមួយមកប្រើអាស្រ័យទៅតាមអាយុករបស់កូននិងទៅតាមសភាពការទល់លាមក។សូមសាកសួរគ្រូពេទ្យអំពីឈ្មោះនិងរបៀបប្រើឱសថ។  ក្រោយពីសាកល្បងវិធីខាងលើរួចហើយអាការៈទល់លាមករបស់កូនអ្នកមិនមានសភាពប្រសើរឡើងទេ សូមយកកូនរបស់អ្នកទៅជួបជាមួយគ្រូពេទ្យ។ ជួនកាលអាការៈទល់លាមកអាចជាសញ្ញាបញ្ចាក់អំពីលក្ខខណ្ឌធ្ងន់ធ្ងរខាងសុខភាពណាមួយក៏ថាបាន។   ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Health Tips Parenting
Share
  • Nov 28, 2017 |
  • 7 years ago |
  • 2.6K views

ស្គាល់បញ្ហាអង្គែច្បាស់ ជាមួយលោកវេជ្ជបណ្ឌិត ចាន់ វិចិត្រ

បញ្ហាជំងឺអង្គែកើតមានច្រើននៅប្រទេសកម្ពុជាយើងហើយទៀតសោតស្ថិតនៅក្នុងជំងឺឈានមុខគេទាំង១០ដែលកើតចំពោះស្បែករបស់ប្រជាជនអាស៊ី។ អង្គែមិនមែនជាកើតតែលើសក់ក្បាលទេតែវាកើតនៅគ្រប់កន្លែងមានមេរោគហើយក៏អាចកើតនៅលើស្បែកផងដែលតែវាមានសភាពជាក្រម៉ដូ​ចស្បែកបែកស្រកា។ តាមពាក្យសាមញ្ញារបស់ប្រជាជន បញ្ហានេះគេហៅថា«អង្គែ» តែបើពាក្យបច្ចេកទេសគេហៅថា «Seborrheic dermatitis»អង្គែ ដែលកើតឡើងដោយសារការលើសជាតិប្រេង និងខ្លាញ់ច្រើនលើស្បែកក្បាលដែលនាំឲ្យរោកស្បែកក្បាល។​​ អង្គែគ្រាន់តែជាសញ្ញាជំងឺរលោកស្បែកស្រាលៗ។  អង្គែមានពីរប្រភេទផ្សេងគ្នា គឺអង្គែធម្មតា និងអង្គែដោយសារជំងឺ គឺកើតឡើងដោយសារស្ត្រេស គេងមិនលក់ ធុញថប់ក្នុងអារម្មណ៍ ផឹកស្រា និងមានសកម្មភាពផ្សេងទៀតដែលបណ្ដាលឲ្យស្បែកឡើងខ្លាញ់។ ការផ្អាប់ជាតិខ្លាញ់យូរ នៅលើស្បែកក្បាលអាចឲ្យវារោលរលាកស្បែកក្បាលបាន។ ឯជំងឺមួយចំនួនទៀតក៏អាចបណ្ដាលឲ្យមានបញ្ហាអង្គែផងដែរដូចជា ជំងឺPsoriasis ឲ្យអង្គែដែលមានសភាពជាបន្ទះៗពណ៌ស  ហើយក្រាស់។​​ ឯការព្យាបាលវិញ អ្នកខ្លះប្រើសាប៊ូថ្នាំបន្ថែមជាតិបន្ថែមជាតិខ្លាញ់មានដូចជា សាប៊ូសម្រាប់ស្បែកអង្គែ សាប៊ូសម្រាប់ស្បែកប្រេង សាប៊ូសម្រាប់ស្បែកមានអង្គែក្រាស់ឬសាប៊ូសម្រាប់ពង្រឹងគល់សក់អាចឲ្យបាត់អង្គែបាន តែបើមិនបាត់ គ្រូពេទ្យនឹងណែនាំឲ្យប្រើទឹកថ្នាំលាបសក់នៅកន្លែងដែលមានអង្គែប្រហែល១ទៅ២សប្ដាហ៍នឹងជា ។ យ៉ាងណាមិញ បញ្ហានេះងាយនឹងព្យាបាល តែវាក៏ងាយនឹងកើតមានវិញដែរ។  ដូចនេះ ដើម្បីបង្ការកុំឲ្យកើតមានអង្គែម្ដងទៀត អ្នកត្រូវគោរពតាមការណែនាំរបស់គ្រូពេទ្យពីប្រភេទសាប៊ូដែលត្រូវនិងស្បែកក្បាលរបស់អ្នកចៀសវាងផ្លាស់ប្ដូរសារប៊ូចងបានក្លិនក្រអូបឬចង់ប្ដូរពណ៍សក់តាមការកក់សាប៊ូដូចអ្នកមានសក់ក្បាលធម្មតា​។ ជាចុងក្រោយ លោកវេជ្ជបណ្ឌិតសូមជម្រាបដល់អ្នកដែលមានបញ្ហាជំងឺអង្គែនេះថា អ្នកជំងឺអាចធ្វើការជ្រើសរើសប្រភេទសាប៊ូដែលត្រូវនឹងស្បែកក្បាលរបស់ខ្លួនមកសាកល្បងជាមុនប៉ុន្តែប្រសិនបើមិនទទួលបានប្រសិទ្ធភាពពីការប្រើប្រាស់សាប៊ូទេ លោកអ្នកត្រូវមកជួបនឹងគ្រូពេទ្យសើស្បែកដែលលោកអ្នកទុកចិត្តបាន​ ដើម្បីធ្វើការពិនិត្យ និងរកមធ្យាបាយដោះស្រាយ។  ជាទូទៅ ករណីអង្គែធម្មតា​លោកអ្នកអាចប្រើត្រឹមសាប៊ូបានអាចព្យាបាលបញ្ហានេះបានប៉ុន្តែករណីអង្គែខ្លាំងក្លា គ្រូពេទ្យនឹងណែនាំឲ្យប្រើប្រាស់សាប៊ូបូកជាមួយថ្នាំទឹកលាបលើស្បែកក្បាល។ មួយវិញទៀត សូមចៀសវាងការប្រើប្រាស់ផលិតផលដែលលោកអ្នកមិនស្គាល់ច្បាស់លាស់ ឬប្រើតាមគ្នា ឬទទួលការព្យាបាលដោយគ្មានជំនាញ ព្រោះអាចឲ្យលោកខាតទាំងថវិកា និងពេលវេលា។  ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Other Diseases
Share
  • Nov 28, 2017 |
  • 7 years ago |
  • 2.6K views

អត្ថបទTop 3 ក្នុងគេហទំព័រហេលស៍ថាមប្រចាំខែវិច្ឆិកាមានអ្វីខ្លះ?

សម្រាប់ខែវិច្ឆិកានេះ ប្រធានបទដែលទទួលបានការចាប់អារម្មណ៍ជាងគេ ច្រើនតែជាអត្ថបទដែលជាការចែករំលែកគន្លឹះពីបុគ្គលទាំងក្នុងវិស័យសុខាភិបាល និងរង្វង់សិល្បៈ ហើយអត្ថបទទាក់ទិននឹង«ជំងឺទឹកនោមផ្អែម»នៅតែទទួលបានការចូលអានច្រើនពីសំណាក់មិត្តអ្នកអានផងដែរ។ ក្នុងចំណោមអត្ថបទថ្មីជាច្រើន យើងក៏ឃើញមានអត្ថបទ៣ខាងក្រោមដែលមានចំនួនអ្នកអានច្រើនជាងគេ… និយមន័យនៃភាពស្រស់ស្អាតរបស់ មាន សូនីតា នរណាៗក៏ចង់ឲ្យខ្លួនឯងមានភាពស្រស់ស្អាតដែរ តែមិនប្រាកដថាគ្រប់គ្នាសុទ្ធតែដឹងពីវិធីដែលធ្វើឲ្យខ្លួនឯងស្រស់ស្អាត ហើយស័ក្តិសមនឹងរូបរាង ក៏ដូចជាអ្វីដែលខ្លួនឯងមាននោះទេ ដូចនឹងអ្វីដែលសិល្បការិនីជាអតីតជ័យលាភី Freshie Girl មួយរូប និងជាអ្នកផ្តួចផ្តើមចលនា«ស្រលាញ់» កញ្ញា មាន សូនីតា បានលើកឡើងថា «ភាពស្រស់ស្អាត ជាកាដូពីធម្មជាតិសម្រាប់គ្រប់គ្នាទាំងប្រុស និងស្រី ហើយវាក៏ជាប្រយោជន៍មួយ ដែលនរណាៗក៏ចង់បាន ចង់មើល ហើយវាសំដៅលើសុខភាពល្អទាំងក្នុងទាំងក្រៅ ដោយហេតុថា បើមិនមានសុខភាពខាងក្នុងល្អទេ អ្វីដែលបង្ហាញនៅខាងក្រៅក៏មិនអាចស្រស់ស្អាតបានដែរ ហើយសត្រូវនៃភាពស្រស់ស្អាត គឺជាជំងឺ»។ នៅក្នុងអត្ថបទនេះ កញ្ញាក៏បានចែករំលែកនូវគន្លឹះនៃការថែរក្សាសម្ផស្សរបស់កញ្ញាផ្ទាល់រួមមាន ទម្លាប់រស់នៅប្រចាំថ្ងៃ ការតុបតែងខ្លួន និងកត្តាផ្សេងៗផងដែរ… មាតាបិតាគួរធ្វើដូចម្តេច នៅពេលកូនអ្នកមានជំងឺគ្រុនក្តៅខ្លាំង? ជាធម្មតា កុមារមានសីតុណ្ហភាពប្រមាណជា ៣៦,៥° C ទៅ ៣៧° C អាស្រ័យទៅតាមអាយុ ទីកន្លែងរស់នៅ និងសកម្មភាពដែលគេធ្វើជារៀងរាល់ថ្ងៃ។ នៅពេលកុមារមានសីតុណ្ហភាពជាង 38 ° C មានន័យថាគាត់កំពុងមានជំងឺគ្រុនក្តៅ ដែលតម្រូវឲ្យមកជួបវេជ្ជបណ្ឌិត  ព្រោះនេះមិនមែនជារឿងធម្មតានោះទេ ហើយការយកសីតុណ្ហភាពរបស់កុមារអាចដឹងតាមរយៈការប៉ះមុខកូនរបស់អ្នក ហើយមានអារម្មណ៍ថាក្តៅ  ឬពិនិត្យមើលសីតុណ្ហភាពជាមួយនឹងទែម៉ូម៉ែត្រ(ចាប់ពី38 ° Cឡើងទៅ)។ នេះបើយោងតាម សុផល ផលនីវិសិដ្ឋ និស្សិតថ្នាក់វេជ្ជបណ្ឌិតនៃសាកលវិទ្យាល័យអន្តរជាតិ ហើយលោកក៏បានបង្ហាញអំពីទង្វើដែលឳពុកម្តាយគួរធ្វើ ដើម្បីធ្វើការព្យាបាលកូនក្នុងករណីនេះផងដែរ… គន្លឹះមិនអាចខ្វះបាន បើចង់បានអាហារូបករណ៍ សិក្សាថ្នាក់បន្តនៅប្រទេសដែលអ្នកប្រាថ្នា... មិនដឹងថាមានប៉ុន្មាននាក់ដែលមានបំណងចង់ទទួលបានអាហារូបករណ៍ទៅសិក្សានៅប្រទេសដែលខ្លួនប្រាថ្នា? ហើយក៏មិនដឹងថាមានប៉ុន្មាននាក់ក្នុងចំណោមនោះ ដែលធ្លាប់បានដាក់ពាក្យហើយ តែក៏មិនបានសម្រេចដូចចិត្តប្រាថ្នា? ប្រសិនបើអ្នកមានបំណងដាក់ពាក្យស្នើសុំអាហារូបករណ៍នោះ អត្ថបទនេះអាចនឹងជាគុណប្រយោជន៍ដល់អ្នកក្នុងការត្រៀមខ្លួន និងយល់ដឹងពីគន្លឹះផ្សេងៗនៃការដាក់ពាក្យ ស្វែងរកព័ត៌មាន ការប្រឡង និងឆន្ទៈពីរៀមច្បងមួយរូប គឺលោកវេជ្ជ. អោម ណាវុធ ដែលជាវេជ្ជបណ្ឌិតអនុបណ្ឌិតផ្នែកជំងឺតំបន់ត្រូពិក (Master of Clinical Tropical Medicine) ពីសាកលវិទ្យាល័យមហិតល (Mahidol University) ប្រទេសថៃ និងបញ្ចប់ថ្នាក់វេជ្ជបណ្ឌិតពី សាកលវិទ្យាល័យអន្តរជាតិ (IU) ប្រទេសកម្ពុជា និងបច្ចុប្បន្នបម្រើការងារជាវេជ្ជបណ្ឌិតហាត់ការ(Fellowship) នៅផ្នែកសរសៃប្រសាទខួរក្បាល នៃមន្ទីរពេទ្យមិត្តភាពខ្មែរ-សូវៀត… ©2017រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

Recap Articles
Share
  • Nov 26, 2017 |
  • 7 years ago |
  • 7.1K views

និស្សិតពេទ្យគួរមានការប្តេជ្ញាចិត្តក្នុងការហាត់ប្រាណសម្រាប់សុខភាពខ្លួនឯង...

តើមានប៉ុន្មាននាក់ ដែលឧស្សាហ៍យកលេសថាហត់នឿយណាស់ ឬរវល់ណាស់ គ្មានពេលហាត់ប្រាណទេ? ជាក់ស្តែង និស្សិតពេទ្យម្នាក់ៗប្រាកដជាមានកាលវិភាគមមាញឹកណាស់ ហើយជាទូទៅ ក៏សឹងតែមិនមានពេលគេងគ្រប់គ្រាន់ផង តើអាចនឹងមានពេលណាសម្រាប់លំហាត់ប្រាណ? ជួនកាល ចប់ម៉ោងបំពេញកាតព្វកិច្ច ក៏អស់កម្លាំងតាមហ្នឹងដែរទៅហើយ…ហើយបើចង់ហាត់ប្រាណ គួរបែងចែកពេលបែបណាទៅ? តើភាពរវល់ជាហេតុផល ឬគ្រាន់តែជាលេសទេ? នៅក្នុ្ងងអត្ថបទនេះផងដែរ នឹងនាំអារម្មណ៍មិត្តអ្នកអានមកជួបជាមួយនឹង លោក ឈុន ដាវីឌ ជានិស្សិតផ្នែកវេជ្ជសាស្រ្តឆ្នាំទី៧ នៃសាកលវិទ្យល័យពុទ្ធិសាស្រ្ត ដែលចង់ដាស់តឿន ក៏ដូចជាផ្ញើសារបង្ហាញអំពីគុណប្រយោជន៍នៃលំហាត់ប្រាណសម្រាប់គ្រប់គ្នា មិនថារវល់យ៉ាងណាក្តីនោះទេ ជាពិសេសគឺនិស្សិពេទ្យផ្ទាល់តែម្តង។ សម្រាប់លោក ការហាត់ប្រាណអាចជាការលេងកីឡាផ្សេងៗ ការរត់ ការជិះកង់ ទៅតាមចំណង់ចំណូលចិត្តរបស់មនុស្សម្នាក់ៗ ហើយរបៀបហាត់នៃលំហាត់ប្រាណនីមួយៗគឺ មាននៅក្នុងប្រព័ន្ធអ៊ិនធឺណែតជាពិសេសនៅក្នុង Youtube ដែលមានបង្ហាញពីរបៀបហាត់ផ្សេងៗ ដែលធ្វើឲ្យលំហាត់ប្រាណមានប្រសិទ្ធភាព។ គុណប្រយោជន៍នៃលំហាត់ប្រាណ ការហាត់ប្រាណជាទូទៅ គឺធ្វើឲ្យមានសុខភាពល្អ រាងកាយរាំងមាំ ប្រឆាំងនឹងជំងឺផ្សេងៗ ប្រព័ន្ធការពារក្នុងរាងកាយរឹងមាំ សម្រស់កាន់តែស្អាត មើលទៅក្មេងជាងអាយុ កាត់បន្ថយភាពតានតឹងក្នុងអារម្មណ៍ និង ធ្វើឲ្យយើងមានអារម្មណ៍ស្រស់ថ្លាជានិច្ច។ ចំពោះនិស្សិតពេទ្យ ការហាត់ប្រាណប្រៀបដូចជាកន្លែងមួយដែលអាចឲ្យបញ្ចេញអារម្មណ៍តានតឹង មិនថានៅកន្លែងហាត់ប្រាណ ឬក៏នៅផ្ទះ ឬក៏លេងកីឡា ពេលមកពីសាលាហត់ ឬក៏ស្រ្តេស ខ្ញុំតែងតែទៅហាត់ប្រាណ វាជួយឲ្យខ្ញុំបំភ្លេចអត់ទាំងភាពតានតឹងទាំងអស់នោះ ព្រមទាំងជួយឲ្យខ្ញុំមានសុខភាពល្អ និង រាងកាយរឹងមាំថែមទៀត វាថែមទាំងជួយឲ្យរាងកាយយើងប្រឆាំងនឹងជំងឺផ្សេងបាន ដូចជាជំងឺទឹកនោមផ្អែម និង ជំងឺសរសៃឈាមផ្សេងៗបាន។ ខ្លះៗគួរយល់ដឹងអំពីលំហាត់ប្រាណ ការហាត់ប្រាណក្នុងក្លឹបហាត់បែងចែកដូចជា មនុស្សខ្លះចង់ហាត់ប្រាណ ដើម្បីឲ្យស្រកគីឡូ ខ្លះទៀតចង់ហាត់ប្រាណឲ្យរូបរាងកាយស្អាតស្លីមថែរក្សាគីឡូរបស់គេ (ស្រី) ខ្លះទៀតចង់បានឲ្យមានសាច់ដុំធំស្អាត។  សម្រាប់មនុស្សប្រុសដែលចង់បានរាងកាយមាំមួន និង សាច់ដុំស្អាត គឺ  -ត្រូវមានកាលវិភាគក្នុងការហាត់ជាប្រចំាថ្ងៃប្រៀបដូចនឹងកាលវិភាគសាលាអញ្ចឹង ពីថ្ងៃច័ន្ទ ដល់ថ្ងៃ សៅរ៍ ហើយយើងទុកថ្ងៃអាទិត្យជាថ្ងៃសម្រាក។  -ត្រូវប៉ាន់ស្មាននូវអ្វីដែលយើងអាចធ្វើទៅរួច ដោយមិនត្រូវបង្ខំខ្លួនឯងឲ្យហួសសមត្ថភាពយើងទេ  -ត្រូវធ្វើអី្វទៅតាមដំណាក់កាលរបស់វា ព្រោះវាអាចបង្កគ្រោះថ្នាក់ដល់យើងដូចជា ការគ្រិចថ្លោះ ឈឺឆ្អឹង និង ឈឺសាច់ដុំ។ល។  មនុស្សភាគច្រើនធ្វើលំហាត់ប្រាណដដែលៗ ឧទាហរណ៍ថា គាត់ចង់បានទ្រូងធំស្អាត គាត់ធ្វើលំហាត់ប្រាណទៅលើសាច់ដុំទ្រូងជារៀងរាល់ថ្ងៃ ពីព្រោះគាត់ចង់បានឲ្យឡើងសាច់កន្លែងនោះ តែការធ្វើដូចនេះមិនត្រឹមត្រូវទេ វាធ្វើឲ្យសាច់ដុំទៅជាក្រិនទៅវិញ ដូចនេះយើងត្រូវតែមានកាលវិភាគក្នុងការហាត់ប្រាណឲ្យបានច្បាស់ យើងធ្វើលំហាត់ប្រាណទៅដងខ្លួនយើងទាំងមូល ជាមូលហេតុឲ្យយើងហាត់ប្រាណដោយគ្មានភាពដដែលៗ និង ធុញទ្រាន់ក្នុងការហាត់នោះដែរ។  ចំពោះមនុស្សស្រីក៏ត្រូវមានកាលវិភាគហាត់ដូចនឹងបុរសដែរ គឺហាត់ទាំងដងខ្លួនខាងលើ (Upper body) និង ដងខ្លួនខាងក្រោម (Lower body) ដែលភាគច្រើនគាត់ផ្តោតលើការកាត់បន្ថយជាតិខ្លាញ់លើក្បាលពោះ និង លំហាត់ប្រាណទៅលើទង្គៀក(គូទ) ផ្ទុយពីបុរសដែលហាត់ប្រាណគាត់ផ្តោតទៅលើការហាត់លើដងខ្លួនខាងលើ ដែលមនុស្សភាគច្រើនគេនិយាយថា អ្នកហាត់ប្រាណខ្លះធំលើ តូចក្រោម។  គន្លឹះឆ្លៀតពេលហាត់ប្រាណ សម្រាប់និស្សិតពេទ្យ ខ្ញុំយល់ពីអារម្មណ៍ដែលពេលខ្លះត្រូវងើបពីព្រលឹមរៀបចំទៅចុះកម្មសិក្សាដល់មន្ទីរពេទ្យ ថ្ងៃត្រង់ត្រូវទៅសាលារៀនរហូត ហើយត្រូវរៀនភាសាក្រៅម៉ោង មកដល់ផ្ទះត្រូវរៀនមេរៀនបន្ថែម ឬមើលសៀវភៅ និង ពេលខ្លះត្រូវចុះយាមនៅមន្ទីរពេទ្យទៀត ភាពទាំងអស់នេះវាធ្វើឲ្យយើងមានភាពអស់កម្លាំងខ្លាំង ពេលដល់ផ្ទះម្តងៗ។ ប៉ុន្តែបើយើងចង់បានរាងកាយស្អាតមាំមួន យើងត្រូវធ្វើការបែងចែកពេលវេលាឲ្យបានត្រឹមត្រូវ ។ ជាក់ស្តែង បើត្រូវចុះកម្មសិក្សាដល់ម៉ោង ១២ ថ្ងៃត្រង់ ហើយចូលរៀនម៉ោង ២រសៀល អាចយកពេលវេលា ១ម៉ោងសម្រាប់ហាត់ប្រាណ ១ម៉ោងទៀតទុកសម្រាប់រៀបចំទៅសាលា វាមិនធ្វើឲ្យយើងជាន់គ្នាទេ បើយើងចេះបែងចែកកាលវិភាគឲ្យបានល្អនោះ បើយើងគ្មានពេលសម្រាកសោះនៅពេលថ្ងៃ យើងអាចហាត់ប្រាណដោយប្រើរយៈពេល៣០នាទី នៅផ្ទះខ្លួនយើងក៏បាន។  អ្វីដែលសំខាន់ជាងគេបំផុត គឺការប្តេជ្ញាចិត្តក្នុងការចំណាយពេលយកមកហាត់ប្រាណសម្រាប់សុខភាពយើង មនុស្សម្នាក់ៗបើគ្មានការប្តេជ្ញាចិត្តនោះទេ គឺមិនទទួលបានភាពជោគជ័យនោះដែរ ការហាត់ប្រាណតម្រូវឲ្យយើងមានការប្តេជ្ញាចិត្តខ្ពស់បំផុត ដើម្បីសម្រេចនូវអ្វីដែលយើងចង់បាន។  របបអាហារដែលគួរមាន រួមផ្សំនឹងលំហាត់ប្រាណ ចំពោះចំណីអាហារ គឺជាកត្តាមួយដ៏សំខាន់ដែលជួយឲ្យយើងមានរាងកាយស្អាតដែលយើងចង់បាន ក្នុងការសិក្សារបស់គ្រូបង្វឹកជំនាញ (Professional trainer) ការហាត់បា្រណបានតែ ៣០% ចំណែកឯចំណីអាហារគឺត្រូវការ ៧០% ដែលអាចធ្វើឲ្យយើងមានរាងកាយស្អាតល្អនោះ។ អ្វីដែលខ្ញុំលើកទឹកចិត្តក្នុងការទទួលទាន គឺ អាហារដែលសំបូរជាតិប្រូតេអ៊ីន និងអាហារដែលមានជាតិខ្លាញ់តិច រួមជាមួយបន្លែផ្លែឈើ។  -ចំពោះអ្នកចង់រក្សាទម្ងន់ និង ចង់ស្រកគីឡូ ៖ អាហារមិនសូវជាខុសគ្នាប៉ុន្មាននោះទេ គេត្រូវការអាហារដែលគ្មានជាតិខ្លាញ់ និង កុំសូវញ៉ាំផ្អែមពេក ជាពិសេសពេលល្ងាច យើងប្តូរពីការញុំាបាយមកញុំាបន្លែវិញ (Salad)។ -ចំពោះអ្នកចង់ឡើងគីឡូ ៖ តម្រូវឲ្យខិតខំប្រឹងញុំាបន្តិច មិនថាអាហារមានជាតិខ្លាញ់ច្រើន និង ផ្អែមទេ។ ការរៀបចំរបបអាហារសំខាន់សម្រាប់អ្នកហាត់ប្រាណណាស់ ដែលជាកត្តាជំរុញធ្វើខ្លួនប្រាណរបស់យើងមានការប្រែប្រួល ពីស្គមទៅរាងស្អាត មានសាច់ដុំ(ចំពោះមនុស្សប្រុស) និង រាងស្លីមស្អាត(ចំពោះមនុស្សស្រី)។  សារជូនដល់មិត្តអ្នកអាន ជាចុងក្រោយ ខ្ញុំសូមលើកទឹកចិត្តឲ្យបងប្អូនមិត្តអ្នកអានទាំងអស់ ឲ្យធ្វើលំហាត់ប្រាណមិនថា មិត្តរវល់យ៉ាងណានោះទេ យើងអាចធ្វើលំហាត់ប្រាណរយៈពេលតែ៣០នាទីក្នុង១ថ្ងៃក៏បាន ឲ្យបាន៣ថ្ងៃក្នុង១សប្តាហ៍ មិនថាលំហាត់បែបណាទេ។ មិនថាជាការហាត់ប្រាណនៅ Gym លេងកីឡាផ្សេងៗ ហែលទឹក ឬក៏រត់នោះទេ អ្វីដែលអ្នកទាំងអស់គ្នាពេញចិត្ត សូមធ្វើវា ព្រោះសុទ្ធតែផ្តល់អត្ថប្រយោជន៍ចំពោះយើងជាច្រើនដូចខ្ញុំរៀបរាប់ខាងលើស្រាប់៕     ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Career & Education For Health Practitioners
Share
  • Nov 26, 2017 |
  • 7 years ago |
  • 2.7K views

អត្ថបទប្រចាំសប្តាហ៍ ទី៤ នៃខែវិច្ឆិកា

អ្វីទៅជាការបណ្តុះមេរោគ (Microbiological Culture)? យល់កាន់តែច្បាស់ពីការបណ្តុះមេរោគ (Microbiological Culture) ដោយ លោក អ៊ត ងីម  ជាអ្នកជំនាញមន្ទីរពិសោធន៍នៃមន្ទីរពេទ្យខ្មែរ-សូវៀត និង នាយកចាត់ការទូទៅនៃមន្ទីរពិសោធន៍វេជ្ជសាស្ត្រ សុភមង្គល និង ម៉េឌីថិច។ លោកបានធ្វើការបកស្រាយយ៉ាងលម្អិតចំពោះប្រធានបទនេះ ជាពិសេសសារសំខាន់ និងចំណុចខ្លឹមៗមួយចំនួនទៀត… ខ្សោយផ្លូវភេទជាមួយជំងឺទឹកនោមផ្អែម បញ្ហាផ្លូវភេទជារឿយៗជាប្រធានបទហាមឃាត់ ហើយបុរសជាច្រើនមានបញ្ហាក្នុងការនិយាយអំពីពួកគាត់។ ទោះជាយ៉ាងណាក៏ដោយ ការនិយាយជាមួយអ្នកជំនាញថែទាំសុខភាពអំពីវា អាចជួយលោកអ្នកឲ្យដឹងបន្ថែមអំពីជម្រើសនៃការព្យាបាល និងវិធីបញ្ឈប់ស្ថានភាពដ៏អាក្រក់ដែលកើតឡើង។ ជាក់ស្តែង ជំងឺទឹកនោមផ្អែមប៉ះពាល់ដល់មុខងារនៃកម្សោយផ្លូវភេទរបស់បុរសពី 50% ទៅ 60% ក្នុងពេលម្តង ឬច្រើនដង នៅពេលដែលជំងឺវិវឌ្ឍទៅមុខ ហើយវាកើតឡើងមុន10 ទៅ 15 ឆ្នាំជាងបុរសដែលគ្មានជំងឺទឹកនោមផ្អែម នេះបើយោងតាមប្រសាសន៍របស់វេជ្ជបណ្ឌិត នៅ គីមសាន ឯកទេសជំងឺទឹកនោមផ្អែម និងជំងឺទូទៅ នៅមជ្ឈមណ្ឌលជំងឺទឹកនោមផ្អែម កម្ពុជា-កូរ៉េ នៃមន្ទីរពេទ្យព្រះកុសុមៈ… ក្រសួងសុខាភិបាល ៖ត្រូវបញ្ឈប់ការផ្សព្វផ្សាយពាណិជ្ជកម្មផលិតផលសុខាភិបាលលើអនឡាញដោយគ្មានច្បាប់អនុញ្ញាត នាថ្ងៃទី៣០ ខែតុលា ឆ្នាំ២០១៧ កន្លងទៅថ្មីៗនេះ រដ្ឋមន្ត្រីក្រសួងសុខាភិបាលឯកឧត្តម ម៉ម ប៊ុនហេង បានចេញសេចក្តីជូនដំណឹងលេខ ៩៦៧អបស/ឱអបស ជម្រាបជូនដល់ អគ្គនាយកគ្រឹះស្ថានផលិតឱសថ និងឧបករណ៍បរិក្ខារពេទ្យអគ្គនាយកគ្រឹះស្ថាន អាហរ័ណ នីហរ័ណឱសថ-គ្រឿងសម្អាង ម្ចាស់គ្រឹះស្ថានលក់ឱសថ (ឱសថស្ថាន-រង) និងម្ចាស់អគារលក់ឱសថបូរាណ តំណាងការិយាល័យរោងចក្រផលិតឱសថនៅក្រៅប្រទេស និងអាជីវករប្រកបវិជ្ជាជីវៈសុខាភិបាលទាំងអស់ ស្តីពី «ករណីផ្សព្វផ្សាយពាណិជ្ជកម្ម ឱសថសម័យ និងឱសថបំប៉នសុខភាព ផលិតផលបំប៉នសុខភាព  ឱសថបូរាណប្រតិករ ឧបករណ៍បរិក្ខាពេទ្យ គ្រឿងសម្អាង និងផលិតផលដែលមានគុណភាពក្នុងការបង្ការ ឬព្យាបាលជំងឺ ជាពិសេសផលិតផលបម្រើឲ្យផ្លូវភេទ ព្យាបាលជំងឺមហារីក ជំងឺលើសឈាម តាមរយៈគេហទំព័រ(Online) បណ្តាញសង្គម(Facebook) និងវេបសាយ(Website) យ៉ាងអនាធិបតេយ្យ គ្មានការត្រួតពិនិត្យ និងគ្មានការអនុញ្ញាតពីក្រសួងសុខាភិបាល»… ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Recap Articles
Share
Top