Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
English English
ភាសាខ្មែរ ភាសាខ្មែរ
Login
Createx Logo
  • Apr 24, 2017 |
  • 9 years ago |
  • 4K views

រោគសញ្ញានៃជំងឺ និងការការពារ អំឡុងពេលអាកាសធាតុក្តៅខ្លាំង

រោគសញ្ញាជំងឺដែលបណ្តាលមកពីអាកាសធាតុក្តៅខ្លាំង រោគសញ្ញារមួលក្រពើជាសញ្ញាបឋមថាអ្នកមានជំងឺទាក់ទងនឹងអាកាសធាតុក្តៅខ្លាំង ដែលអ្នកអាចវិវត្តទៅជាជំងឺអស់កំលាំងល្ហិតល្ហៃ ឬសន្លប់ដោយសារកំដៅខ្លាំង។ ខាងក្រោមនេះជារោគសញ្ញាគួរយល់ដឹង៖ ជំងឺអស់កម្លាំងល្ហិតល្ហៃដោយកម្តៅខ្លាំង  o បែកញើសខ្លាំង o ខ្សោយកម្លាំង o ខ្លួនត្រជាក់ ស្លេក ស្បែកស្អិត  o ជីពចរដើរញាប់ o ចង្អោរ ឬក្អួត o ដួល  ដំណោះស្រាយ៖ o ប្តូរទៅកន្លែងត្រជាក់ o ដាក់ខ្លួនដេក និងដោះសំលៀកបំពាក់ o ជូតកន្សែងត្រជាក់លើខ្លួនប្រាណជុំវិញ o ក្រេបទឹកសន្សឹមៗ o បើមានក្អួត និងបន្តរហូតបញ្ជូនទៅមន្ទីរពេទ្យជាបន្ទាន់ ជំងឺដួលសន្លប់ដោយកម្តៅខ្លាំង o សីតុណ្ហភាពខ្លួនលើសពី៣៩.៥អង្សាសេ o ស្បែកក្តៅ ក្រហម ឬស្ងួត o ជីពចរដើរញាប់ o អាចបាត់បង់ស្មារតី ដំណោះស្រាយ៖ o ប្តូរអ្នកជំងឺទៅកន្លែងត្រជាក់ o បញ្ទុះកំដៅខ្លួនជាមួយកន្សែងត្រជាក់ ឬងូតទឹក o មិនត្រូវផ្តល់ទឹក o បញ្ជូនទៅមន្ទីរពេទ្យជាបន្ទាន់ ការពារសុខភាពពេលអាកាសធាតុក្តៅខ្លាំង នៅកន្លែងត្រជាក់៖ រក្សាខ្លួនឲ្យត្រជាក់ដើម្បីជៀសវាងជំងឺ  • ជ្រកក្រោមម្លប់ឲ្យបានច្រើន (ម្លប់ដើមឈើ ម្លប់អាគារ ឬក្នុងម៉ាស៊ីនត្រជាក់) • កុំជ្រើសរើសកង្ហាជាអទិភាពទី១ • ជៀសវាងនៅក្រោមថ្ងៃផ្ទាល់ • ស្លៀកពាក់សំលៀកបំពាក់ ស្តើង ស្រាល និងមានពណ៌ភ្លឺ (ស លឿង បៃតង ។ល។) • ងូតទឹកត្រជាក់ ឬទឹកធម្មតាឲ្យបានញឹកញាប់ • តាមដានក្រុមមនុស្សងាយរងគ្រោះ២ដងក្នុង១ថ្ងៃ (ក្មេងអាយុក្រោម៥ឆ្នាំ វ័យលើស៦៥ឆ្នាំ ស្រ្តីមានផ្ទៃពោះ ជនមានជំងឺរ៉ាំរ៉ៃ រក្សាជាតិទឹកជានិច្ទ៖ ពីព្រោះខ្លួនអ្នកបានបាត់បង់ជាតិទឹកច្រើនតាមរយៈញើស ហើយអាចឲ្យអ្នកខ្សោះជាតិទឹកខ្លាំង • ផឹកទឹកឲ្យបានច្រើន ជាងពេលធម្មតា • មិនត្រូវរងចាំដល់អ្នកស្រេកទឹកទេ • ផឹកទឹក២ទៅ៤កែវរៀងរាល់ម៉ោងនៅពេលកំពុងធ្វើការក្រោមពន្លឺថ្ងៃ និងពេលហាត់ប្រាណ • ជៀសវាងពិសារស្រា និងទឹកដែលមានកំហាប់ជាតិស្ករខ្ពស់ • ជួយរំលឹកអ្នកផ្សេងទៀតឲ្យឧស្សាហ៍ផឹកទឹក  • ទឹកត្រូវតែដាំពុះជានិច្ច ដើម្បីជៀសវាងជំងឺរាក រាកមូល ឬអាសន្នរោគ តាមដានព័ត៌មាន៖ តាមដានព័ត៌មានអាកាសធាតុ និងសុខភាព ដែលមានប្រភពច្បាស់លាស់ដើម្បីការពារសុខភាពអ្នកឲ្យបានល្អ ជាពិសេសតាមដានព័ត៌មានអំពីអាកាសធាតុក្តៅខ្លាំងដើម្បីរៀបចំសកម្មភាពបានត្រឹមត្រូវ។ (ប្រភពពីទំព័រហ្វេសបុករបស់មន្ទីរសុខាភិបាលរាជធានីភ្នំពេញ និងព័ត៌មានបន្ថែមសូមទាក់ទងលេខ​ ១១៥)  © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

News & Events
Share
  • Apr 24, 2017 |
  • 9 years ago |
  • 4.4K views

ចំណុចដែលគូស្នេហ៍ឃ្លាតកាយគួរយល់ដឹង (7 Tips for Long Distance Couples)

ស្នេហាពេលខ្លះប្រៀបបាននឹងអព្ភូតហេតុម្យ៉ាង ហើយជួនកាលក៏កើតមានដោយចៃដន្យ ក្នុងពេលវេលា ឬទីកន្លែងមួយដែលមិត្តអ្នកអានបុរសនារីនឹកស្មានមិនដល់។ ប្រសិនបើគូស្នេហ៍ឬរូបអ្នកផ្ទាល់ត្រូវចាកចេញពីគ្នា? ចាកចេញនេះមិនសំដៅដល់ការបែកផ្លូវគ្នានោះទេ គឺពេលដែលត្រូវឃ្លាតឆ្ងាយផ្លូវកាយមួយរយៈដោយសារមូលហេតុខ្លះ... តើអ្នកយល់ថាមានបញ្ហាលំបាកមែនឬទេ? សូមកុំបារម្ភ!!! រីករាយជាមួយនឹងអត្ថបទនេះ លោកអ្នកនឹងអាចយល់ដឹងពី គន្លឹះដ៏មានគុណប្រយោជន៍សម្រាប់ចំណងស្នេហ៍របស់អ្នក ៖   · ចាត់ទុកចម្ងាយជាឱកាសល្អ ៖ មានគូសេ្នហ៍ជាច្រើនបានចាត់ទុកស្នេហាប្រភេទនេះជាឱកាសមួយដ៏ល្អសម្រាប់ឲ្យគូស្នហ៍បានចំណាយពេលច្រើនជាមួយគ្រួសារ និងមិត្តភក្តិ ហើយក៏ទំនាក់ទំនងទៀតសោតក៏បានល្អប្រសើរជាងមុន មានពេលវេលាកាន់តែច្រើនសម្រាប់ខ្លួនឯង ដើម្បីដោះស្រាយបញ្ហាជាបុគ្គល និងធ្វើកិច្ចការដែលខ្លួនចូលចិត្ត ក៏ដូចជាសម្រេចគោលដៅរបស់ខ្លួន។ លោកអ្នកក៏គួរគិតដូចជាពូកគេដែរ វាការពិតដែលថាអ្វីក៏ដោយក៏មានគុណសម្បត្តិ និងគុណវិបត្តិ គ្រាន់តែមួយណាមានច្រើនជាង។ ហេតុនេះហើយ ព្យាយាមរក្សាទុកចំណុចល្អរបស់វានៅក្នុងចិត្តឲ្យបានច្រើន... · កសាងក្តីរំពឹងឲ្យបានច្បាស់ ៖  គូស្នេហ៍ណាក៏មានបំណងរក្សាចំណងនៃក្តីស្រលាញ់របស់ខ្លួនដូចគ្នា ហើយរឹតតែខ្លាំងក្លាទៀតសម្រាប់គូស្នេហ៍ដែលស្ថិតនៅឆ្ងាយពីគ្នា។ ដោយសារតែ កាយមិនជិតគ្នា ដូចនេះហើយអ្នកត្រូវរៀបចំកាលវិភាគឲ្យបានច្បាស់លាស់ ក្នុងរវាងពេលដែលត្រូវទាក់ទងគ្នាតាមមធ្យោបាយផ្សេងៗ និងពេលដែលត្រូវជួបមុខគ្នា។ បច្ចេកវិទ្យានាពេលបច្ចុប្បន្ននេះក៏បានសម្រួលច្រើនដល់អ្នកផងដែរ ទោះបីកាយមិនក្បែរគ្នា ឲ្យតែមានចិត្តស្មោះ នោះវានឹងដូចពាក្យដែលតែងនិយាយតៗគ្នាថា «ពេលស្រលាញ់ នៅឆ្ងាយដូចនៅជិត តែបើអស់ចិត្ត នៅជិតដូចនៅឆ្ងាយ»។ · មានគោលដៅច្បាស់លាស់ ៖​ ដៃគូស្នេហាដែលយល់ព្រមទទួលយកការឃ្លាតពីគ្នាមួយរយៈ ភាគច្រើនបានព្រមព្រៀងគ្នា ដោយបានគិតគូរពីគោលដៅទៅពេលអនាគតជាមួយគ្នា ហើយក៏បានធ្វើការសន្យាគ្នាថានឹងព្យាយាមសម្រេចរួមគ្នា។ · ធ្វើការទាក់ទងគ្នាជារៀងរាល់ថ្ងៃ​៖ ដូចដែលបានលើកឡើងខាងលើដែរ បច្ចេកវិទ្យានាពេលបច្ចុប្បន្ននេះបានសម្រួលទំនាក់ទំនងរវាងមនុស្សម្នាក់ៗនៅទូទាំងពិភពលោក ហើយមធ្យោបាយទាំងនោះទៀតសោតរួមមានការជួបមុខតាមរយៈអេក្រង់ឧបករណ៍អេឡិចត្រូនិច ឬការសរសេរសារផ្ញើរឆ្លើយឆ្លបគ្នាជាដើម។ តែមិនប្រាកដថាអ្នកត្រូវនិយាយគ្នាជារៀងរាល់ថ្ងៃនោះទេ។ យ៉ាងណាមិញ ការទាក់ទងតាមបែបបុរាណតាមរយៈការផ្ញើរសំបុត្រ ឬលិខិតជូនពរ អាចនឹងបង្ហាញពីទំហំចិត្តនឹក និងស្រលាញ់របស់អ្នកបានតែស៊ីជម្រៅទៀតផង។ បើសិនជាអាច កុំភ្លេចឆ្លៀតផ្ញើរជូនកាដូ​មួយចំនួនជាការជូនពរ ឬអបអរក្នុងឱកាសពិសេសផង។ · ជួបគ្នាឲ្យបានទៀងទាត់ ៖ អារម្មណ៍ពេលនឹកមិនដូចជាអារម្មណ៍ពេលបែក ហើយក៏រឹតតែមិនដូចអារម្មណ៍ពេលជួបដែរ។ ហេតុនេះហើយ មិនថាការងារមមាញឹកយ៉ាងណានោះទេ អ្នកគួររៀបចំពេលវេលាខ្លះសម្រាប់ការជួបមុខគ្នាផ្ទាល់ដោយកំណត់ឲ្យបានច្បាស់ថាគួរតែជួបនៅពេលណា? ហើយដៃគូខាងណាគួរទៅរកខាងណា? · មានទំនុកចិត្តចំពោះគ្នា ៖ ប្រច័ណ្ឌជាបញ្ហាចម្បងដែលគូស្នេហ៍ដែលមិននៅក្បែរគ្នាតែងជួបប្រទះដោយសារតែដៃគូម្ខាងៗ នឹងចំណាយពេលច្រើននៅជាមួយនឹងអ្នកដទៃជាជាងនៅជាមួយនឹងម្ចាស់ចិត្តរបស់ខ្លួន ដូចជាទៅញ៉ាំអាហារ ធ្វើដំណើរកំសាន្ត។ល។ ដើម្បីបង្វែរចិត្តរបស់អ្នកមិនឲ្យគិតពីការសង្ស័យថាគូស្នេហ៍មានថ្មីនោះ អ្នកត្រូវតែនិយាយជាមួយគ្នាពីអារម្មណ៍ដែលមានចំពោះគ្នាឲ្យបានញឹកញាប់ ហើយកត្តាដែលត្រូវប្រកាន់ខ្ជាប់ជានិច្ច គឺទុកចិត្តលើគ្នាជានិច្ច។ តែក៏មិនបានន័យថាបិទភ្នែក បិទច្រមុះ ងប់ជឿលើគេទាំងស្រុងរហូតនោះដែរ។ · បង្ហាញខ្លួនក្នុងឱកាសពិសេស ៖ នរណាក៏ដោយក៏តែងតែចង់បានភាពកក់ក្តៅ និងភាពផ្អែមល្អែមពីមនុស្សជាទីស្រលាញ់របស់ខ្លួនដែរ​ ហើយក៏ចង់ឃើញវត្តមានម្ចាស់បេះដូងក្នុងថៃ្ងពិសេសផងដែរ។ វាជាកម្លាំងចិត្តមួយដែលកត្តាផ្សេងៗមិនអាចប្រៀបផ្ទឹមបាន ហើយក៏ជាសញ្ញាណមួយបញ្ជាក់យ៉ាងស៊ីជម្រៅថាអ្នកពិតជាស្រលាញ់ និងយកចិត្តទុកដាក់ចំពោះគេជានិច្ច។   «មិនខុសពីអាយុទេ ចម្ងាយក៏អាចត្រឹមតែជាតួលេខដែរ...ស្នេហារបស់មនុស្សពីរនាក់នឹងអាចស្ថិតស្ថេរបានយូរអង្វែង ដរាបណាគូស្នេហ៍មានការយោគយល់ និងជាពិសេសទុកចិត្តលើគ្នាទៅវិញទៅមក ហើយមិនថាកាយនៅឆ្ងាយពីគ្នាដល់កម្រិតណា ចិត្តស្នេហាដែលមាននឹងនៅជាអមតៈ។ ជឿទេ??? ស្នេហ៍ស្មោះអាចឲ្យមនុស្សពីរនាក់ទាក់ទងគ្នា ហើយមានអារម្មណ៍ថានៅក្បែរគ្នាគ្រប់ពេលគ្រប់វិនាទី មិនថាស្ថិតក្នុងរយៈចម្ងាយប៉ុណ្ណានោះទេ» © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។                                             

Health Tips
Share
  • Apr 22, 2017 |
  • 9 years ago |
  • 12.5K views

ការប៉ះពាល់លើក្រពេញទីរ៉ូអ៊ីតអាចបង្កជាជំងឺអ្វីខ្លះចំពោះកុមារ?

ក្រពេញទីរ៉ូអុីត ជាផ្នែកមួយនៃប្រព័ន្ធអង់ដូគ្រីនក្នុងរាងកាយរបស់មនុស្សទូទៅ ដែលមានទីតាំងស្ថិតនៅតំបន់ផ្នែកខាងក្រោយនៃបំពង់កដោយស្ថិតនៅខាងមុខនិង សងខាងនៃបំពង់ខ្យល់។ ដំណើរការនៃក្រពេញនេះ គឺរ៉ាប់រងក្នុងការបញ្ចេញនូវអ័រម៉ូនចំនួនពីរប្រភេទ គឺ Triiodothyronine (T3) និងThyroxin(T4) ដែលការបញ្ចេញនោះទាមទារឲ្យមានវត្តមាននៃសារជាតិអុីយ៉ូត ដែលបានមកពីប្រភពចំណីអាហារ។ បន្ថែមពីនេះ បរិមាណកម្រិតនៃការបញ្ចេញអ័រម៉ូនទាំងពីរ ច្រើនឬតិចវាស្ថិតនៅក្រោមការបញ្ជាពី អ័រម៉ូនម៉្យាងទៀតហៅថា TSH ReleasingHormone (TRH)ដែលបញ្ជេញដោយផ្នែកមួយនៃខួរក្បាលហៅថាHypothalamus។ ជាទូទៅមុខងាររបស់ប្រពេញទីរ៉ូអុីតគឺគ្រប់គ្រងនូវការធ្វើមេតាប៉ូលីស ក្នុងរាងកាយ(គ្រប់គ្រងការបំលែងថាមពលក្នុងរាងកាយ)ហើយវាក៏សម្រួលនូវមុខងារមួយចំនួនទៀតដូចជា ការដកដង្ហើម ចង្វាក់បេះដូង ប្រព័ន្ធខួរក្បាល កម្តៅរាងកាយ និងមុខងារផ្សេងទៀត។ ភាពលើស ឬខ្វះនៃអ័រម៉ូនទាំងពីរក្នុងចរន្តឈាម ជាសញ្ញាណមិនល្អដែលបណ្តាលឲ្យមានជំងឺពីរប្រភេទ គឺ Hypothyroidism(ការខ្វះ)និងHyperthyroidism(ការលើស) ដែលអាចកើតឡើងលើកុមារផងដែរ។ Hypothyroidism និយមន័យ ជាការថយចុះនៃការបញ្ចេញបរិមាណអ័រម៉ូនទីរ៉ូអុីត ដែលមិនគ្រប់គ្រាន់សម្រាប់តម្រូវការរបស់សារពាង្គកាយ។ គេសង្កេតឃើញមានមូលហេតុ ២ ប្រភេទចំពោះជំងឺHypothyroidism តួយ៉ាងដូចជា៖ • Congenital Hypothyroidism៖ ជាប្រភេទជំងឺHypothyroidismកើតលើកុមារដែលទើបនឹងកើត ដែលច្រើនកើតឡើងដោយសារតែម្តាយពុំទទួលបានសារជាតិអុីយ៉ូតគ្រប់គ្រាន់ក្នុងកំឡុងពេលពពោះ។ ម្យ៉ាងវិញទៀតវាអាចបណ្តាលមកពីការលូតលាស់ខុសប្រក្រតី នៃប្រពេញទីរ៉ូអុីតដែលអាចស្តែងចេញជាAthyreosis(គ្មានការលូតលាស់នៃក្រពេញទីរ៉ូអុីត)Hypoplastic(ក្រពេញលូតលាស់ខ្លាំងខុសធម្មតា) និងEctopic (ក្រពេញស្ថិតនៅខុសទីតាំង)។ យ៉ាងណាមិញ គេមិនទាន់អាចធ្វើការសន្និដ្ឋានច្បាស់លាស់ចំពោះមូលហេតុនៃការប្រែប្រួលទាំងនោះនៅឡើយ តែវាអាចបង្កឡើងពីមុខងាររបស់ហ្សែននៃរាងកាយរបស់កុមារមួយចំនួន។ • Acquired Hypothyroidism៖ ជាទូទៅ ករណីនេះអាចកើតឡើងចំពោះកុមារដែលមានវ័យចាប់ពី៦ ទៅ ១២ ឆ្នាំ ដែលបណ្តាលមកពីភាពខុសប្រក្រតីនៃប្រព័ន្ធភាពស៊ាំរបស់កុមារដែលឲ្យឈ្មោះថាHashimoto’sthyroiditisដោយប្រព័ន្ធភាពស៊ាំនៃរាងកាយធ្វើការប្រឆាំង ទៅនឹងក្រពេញទីរ៉ូអុីត បង្កឲ្យមានការរលាក និងបាត់បង់សមត្ថភាពក្នុងការបញ្ចេញអ័រម៉ូនទីរ៉ូអុីត។   រោគសញ្ញា រោគសញ្ញា និងផលវិបាកនៃជំងឺ Hypothyroidism នេះគឺមានភាពខុសគ្នាពីកុមារម្នាក់ ទៅម្នាក់ទៀត។ ចំពោះករណីកង្វះអ័រម៉ូនទីរ៉ូអុីតពីកំណើតកុមារអាចប្រឈមនឹងរោគសញ្ញាមួយចំនួនដូចជា ការថយចុះនៃការលូតលាស់ទម្រង់មុខខុសធម្មតា(coarse facialfeatures)អណ្តាតរីកធំក្រាស់ ស្បែកស្ងួត មិនសូវរវាសរវៃ ផ្ចិតលៀន និងសមត្ថភាពបញ្ញាចុះខ្សោយ។ ចំណែករោគសញ្ញាដែលមានជាទូទៅចំពោះកុមារអាចជា៖ • ឡើងទម្ងន់ខ្លាំង • អស់កម្លាំង • ទល់លាមក • លូតលាស់យឺត • យឺតយ៉ាវនៃភាពពេញវ័យ។ ការធ្វើរោគវិនិច្ឆ័យ • តាមដានសភាពកុមារទើបនឹងកើត៖ ជាវិធីសាស្រ្តអាចចាប់បានសញ្ញានៃជំងឺ Hypothyroidism មុនពេលស្តែងចេញជារោគសញ្ញា ដែលតែងតែអនុត្តចំពោះករណី Congenital Hypothyroidism។ • ពិនិត្យមុខងាររបស់ក្រពេញទីរ៉ូអុីត៖ ប្រសិនបើការពិនិត្យវិជ្ជមាន ត្រូវបន្តធ្វើតេស្តបន្ថែមទៀតដែលជាការកំណត់ឲ្យកាន់តែច្បាស់ ដូចជារកកម្រិតអ័រម៉ូនthyroxine (T4), free T4 និង thyroid-stimulating hormone (TSH) នៅក្នុងឈាម។ • ថតក្រពេញទីរ៉ូអុីត (thyroid ultrasonography ឬ radionuclide scan)៖ ធ្វើការចាក់បញ្ចូល ឬលេបសារធាតុ Radioactiveទៅក្នុងខ្លួន ដោយរង់ចាំរយៈពេល ៦ ទៅ ២៤ ម៉ោង នោះសារធាតុ Radioactive នឹងទៅប្រមូលផ្តុំនៅក្រពេញទីរ៉ូអុីតដើម្បីបញ្ជូនរូបភាពទៅកាន់ម៉ាស៊ីនដើម្បីធ្វើការពិនិត្យពីការលូតលាស់របស់ក្រពេញ ថាតើវាស្ថិតនៅខុសទីតាំង ឬមានទំហំខុសធម្មតា។   ការព្យាបាល គ្មានវិធីសាស្រ្តដើម្បីព្យាបាលឲ្យជាសះស្បើយនោះទេ តែអ្នកជំងឺអាចតម្រូវឲ្យប្រើប្រាស់នូវអ័រម៉ូនទីរ៉ូអុីតជាថ្នាំជំនួស (synthetic thyroxin T4)ដែលវាជាមធ្បោបាយព្យាបាលដែលមានសុវត្ថិភាព   និងប្រសិទ្ធភាពក្នុងការគ្រប់គ្រងស្ថានភាពជំងឺ។ បន្ថែមពីការព្យាបាលនោះផងដែរ កុមារត្រូវតែទទួលបានការ តាមដានយ៉ាងម៉ត់ចត់ចំពោះការវិវឌ្ឍរបស់ជំងឺ និងប្រសិទ្ធភាពរបស់ថ្នាំ។ Hyperthyroidism និយមន័យ ចំពោះកុមារ ជំងឺ Hyperthyroidism អាចកើតឡើងមិនសូវជាញឹកញាប់ ប៉ុន្តែវាជាជំងឺដែលគ្រោះថ្នាក់ដល់ជីវិតមួយ ដែលស្តែងឡើងដោយការបញ្ចេញនូវអ័រម៉ូនទីរ៉ូអុីតច្រើនខុសធម្មតាចូលទៅក្នុងចរន្តឈាម។  កុមារអាចមានជំងឺនេះតាំងពីវ័យជាទារកក្នុងផ្ទៃពោះដោយឆ្លងពីម្តាយហើយវាកើតឡើងដោយសារតែម្តាយមានផ្ទុកនូវជំងឺម្យ៉ាង ដែលអង្គបដិបក្ខក្នុងខ្លួនមានសកម្មភាព ខ្លាំងធ្វើការភ្ញោចឲ្យមានការបញ្ចេញនូវអ័រម៉ូនទីរ៉ូអុីតច្រើនខុសធម្មតា(Gra-ves disease)។ ម៉្យាងវិញទៀត វាអាចបង្កឡើងដោយសារការរលាកនូវក្រពេញទីរ៉ូអុីត ពីពពួក បាក់តេរី (Acute thyroiditis)ឬ វីរុស (Subacute thyroiditis) ផងដែរ។ រោគសញ្ញា ជំងឺអាចបង្កជារោគសញ្ញាដូចជា៖ • បាត់បង់ចំណង់អាហារ • មួម៉ៅ • សម្ពាធឈាមឡើងខ្ពស់ • បេះដូងលោតញាប់ • ក្បាលតូច • ស្រកទម្ងន់ • អស់កម្លាំង។ ការធ្វើរោគវិនិច្ឆ័យ • ពិនិត្យមុខងារក្រពេញទីរ៉ូអុីត៖ ជាទូទៅគេត្រូវពិនិត្យមើលនូវកម្រិតនៃអ័រម៉ូន Triiodothyronine (T3) និង Thyroxine T4និង Thyroid stimulating hormone (TSH) នៅក្នុងឈាម។ • ថតក្រពេញទីរ៉ូអុីត (Thyroid ultrasonography ឬ radionuclidescan)៖ ជាវិធីសាស្រ្តដើម្បីដឹងថា តើវាអាចមានការប្រែប្រួលរបស់ក្រពេញទីរ៉ូអុីត ឬអាចមានការរលាកជាដើម។ ការព្យាបាល • ប្រើប្រាស់ថ្នាំប្រភេទ Antithyroid ដូចជា Methimazole ឬ Propylthiouracil។កំឡុងពេលប្រើប្រាស់ថ្នាំត្រូវមានការតាមដានឲ្យបានញឹកញាប់ ដើម្បីចៀសវាងបញ្ហានានាដែលអាចបង្កឡើងដោយសារប្រភេទថ្នាំទាំងនោះ។ • ការព្យាបាលការរលាកក្រពេញទីរ៉ូអុីតដោយពពួកបាក់តេរីអាចប្រើប្រាស់នូវពពួកថ្នាំផ្សះតាមការចាក់ ឬលេប ចំណែកការបង្កដោយពពួកវីរុស គឺអាចជាទៅវិញដោយខ្លួនវា តែអាចព្យាបាលសម្រន់ការឈឺចាប់ ដោយពពួកថ្នាំបំបាត់ការឈឺចាប់នានា។ បកស្រាយដោយ ៖ លោកវេជ្ជបណ្ឌិត ហួត យុវលាភ វេជ្ជបណ្ឌិតនៃមន្ទីរពេទ្យបង្អែកខេត្តកំពង់ធំ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Other Diseases Parenting
Share
  • Apr 22, 2017 |
  • 9 years ago |
  • 4.9K views

ការស្តាប់តន្រ្តី និងអត្ថប្រយោជន៍ដែលនឹកស្មានមិនដល់

ប្រសិនបើយើងធ្វើការសួរយុវវ័យ១០នាក់នោះ ក្នុងនោះយ៉ាងហោចណាស់ក៏មាន៨នាក់ដែរ ដែលចូលចិត្តស្តាប់តន្រ្តី ជាពិសេសពេលដែលគេមានបញ្ហាស្រ្តេស ឬសម្ពាធពីជីវិត ស្នេហា ការសិក្សា ឬការងារផ្សេងៗ។ ដោយហេតុថាពួកគេយល់ថា វានឹងជួយឲ្យគេមានអារម្មណ៍ធូរស្រាលក៏ដូចជាស្រស់ថ្លាឡើងវិញ ប៉ុន្តែគេប្រហែលជាមិនបានជ្រាបពីគុណប្រយោជន៍មហាសាលនៃតន្រ្តីនោះទេ។ នេះជាមូលហេតុដែលនាំឲ្យយើងធ្វើការចែករំលែកនូវភាពអស្ចារ្យនេះជូនដល់ប្រិយមិត្តអ្នកអានឲ្យបានដឹង ៖​ ·បំបាត់ការឈឺចាប់ ៖ តន្រ្តីពិតជាចូលរូមចំណែកក្នុងការបំបាត់ការឈឺចាប់មែន មិនថាកម្រិតស្រាល​ ឬធ្ងន់នោះទេ។ នៅក្នុងមន្ទីរពេទ្យ មួយចំនួន តន្រ្តីត្រូវបានប្រើប្រាស់សម្រាប់ កាត់បន្ថយតម្រូវការថ្នាំក្នុងពេលការប្រសូតបុត្រ បន្ថយការឈឺចាប់ក្រោយការវះកាត់ និង​ ជួយដល់ការប្រើថ្នាំសន្លប់ក្នុងការពេលវះកាត់ផងដែរ។ វាធ្វើទៅបាន ដោយសារវាបង្កើត​ប្រតិកម្មតប ដែលផ្តល់ឲ្យអ្នកជម្ងឺនូវលទ្ថភាពក្នុងការគ្រប់គ្រងខ្លួនឯង ហើយវាក៏ធ្វើឲ្យរាងកាយបញ្ចេញនូវអង់ដូហ្វីន ដែលប្រឆាំងនឹងការឈឺចាប់  ម្យ៉ាងចម្រៀងដែលស្លូ(មួយៗ) ជួយបន្ថយល្បឿននៃការដកដង្ហើម និងចង្វាក់បេះដូង។ ·កាត់បន្ថយសម្ពាធឈាម ៖ ការស្រាវជា្រវរបស់American Society of Hypertension បានបង្ហាញថា ការស្តាប់តន្រ្តីរៀងរាល់ព្រឹក និងល្ងាច នឹងជួយកាត់បន្ថយសម្ពាធឈាម ហើយរក្សាវាឲ្យនៅទាប។ ·ជាឱសថសម្រាប់បេះដូង ៖​ តន្រ្តីជាមិត្តដ៏ល្អរបស់បេះដូង។ ​ជាក់ស្តែង ល្បឿននៃចង្វាក់បេះដូងនឹងប្រែប្រួលទៅតាមប្រភេទនៃបទចម្រៀងដែលគេស្តាប់។ ​ ·បង្កើនល្បឿននៃការជាសះស្បើយពីជម្ងឺដាច់សរសៃឈាមខួរក្បាល ៖ ការសិក្សាបានលើកឡើងថា វាមិនត្រឹមតែហៅត្រលប់ការចងចាំមកវិញនោះទេ វាថែមទាំងចូលរួមចំណែកក្នុងការធ្វើឲ្យជាសះស្បើយឡើងវិញផងដែរ។​ ·ជំនួយដល់អាការៈឈឺក្បាល ៖​ តន្រ្តីជួយអ្នកដែលឈឺក្បាលកាត់បន្ថយភាពខ្លាំង ភាពញឹកញាប់ និងរយៈពេលនៃអាការៈឈឺក្បាល។​ ·បង្កើនសន្ទុះនៃប្រព័ន្ធស៊ាំ ៖  អ្នកវិទ្យាសាស្រ្តបានពន្យល់ថា មានប្រភេទបទចម្រៀងមួយចំនួនដែលអាចបង្កើតឲ្យមានបទពិសោធន៍វិជ្ជមានលើផ្លូវអារម្មណ៍ ដែលនឹងបង្កើនសន្ទុះនៃអរម៉ូនក្នុងប្រព័ន្ធស៊ាំ។ ហើយវានឹងកាត់បន្ថយកត្តាផ្សេងៗដែលបណ្តាលឲ្យកើតមានជម្ងឺទៀតផង។ ការស្តាប់ និងច្រៀងតាមចម្រៀងទាំងនោះ ក៏កាត់បន្ថយករទីសូលនៃអរម៉ូនដែលពាក់ព័ន្ធនឹងស្រ្តេសផងដែរ។ ·បង្កើនភាពវៃឆ្លាត ល្បឿននៃការសិក្សារៀនសូត្រ និង IQ ៖ អ្នកវិទ្យាសាស្រ្តបានបញ្ជាក់ថា ការស្តាប់ចម្រៀង និងរៀនលេងឧបករណ៍តន្រ្តី ពិតជាជួយឲ្យមនុស្សរៀនឆាប់ចេះមែន។ ·បង្កើនការចងចាំ ៖ ការសិក្សាបណ្តើរ ស្តាប់ចម្រៀងបណ្តើរ ក៏ចូលរួមចំណែកក្នុងការបង្កើនល្បឿនក៏ដូចជាសមត្ថភាពនៃការចងចាំផងដែរ​(តែត្រូវរើសបទចម្រៀងដែលមានតែសាច់ភ្លេង បើមិនដូច្នោះទេ អ្វីដែលអ្នកនឹងចងចាំ នឹងក្លាយជាពាក្យពេចន៍ក្នុងចម្រៀង មិនមែនមេរៀននោះទេ)។ ·បង្កើនសមត្ថភាពកីឡា ៖ តន្រ្តីក៏ជួយបង្កើនចលនានៃរាងកាយផងដែរ​ ហើយវានឹងជួយឲ្យការលេងកីឡាផ្សេងៗកាន់តែល្អប្រសើរតាមរយៈ ការកាត់បន្ថយភាពនឿយហត់ បង្កើនអារម្មណ៍សម្រើប ការឆ្លើយតបនឹងការសម្រាកផ្នែកសរីរៈ​វិទ្យា និងបង្កើនល្បឿននៃប្រព័ន្ធដំណើរការ។ ·បង្កើនប្រសិទ្ធភាពការងារ ៖ ការបំពេញកិច្ចការងារប្រភេទណាក៏ដោយ ឲ្យតែមានភ្ជាប់ជាមួយនឹងបទចម្រៀងដែលត្រូវចិត្តរបស់អ្នក​ នោះអ្នកមិនងាយនឹងមានអារម្មណ៍ថានឿយហត់ឡើយ។ ·ជំនួយដល់ដំណេក៖ បទចម្រៀងបែកក្លាសិក(Classic) ជាមធ្យោបាយដ៏មានសុវត្ថិភាព ថោក និងងាយស្រួលដែលជួយប្រឆាំងនឹងការគេងមិនលក់។ ការស្រាវជ្រាវបានបង្ហាញការស្តាប់ចម្រៀងរយៈពេល៤៥នាទីមុនពេលចូលគេង​នឹងជួយឲ្យអ្នកគេងលក់ស្រួលពេញមួយយប់តែម្តង។ ដោយសារតែវាកាត់បន្ថយសកម្មភាពមិនប្រក្រតីនៃប្រព័ន្ធប្រសាទ កាត់បន្ថយការថប់អារម្មណ៍ សម្ពាធឈាម ចង្វាក់បេះដូង​ និងចង្វាក់ដង្ហើម ដែលនឹងធ្វើឲ្យសាច់ដុំមានពេលសម្រាក​ និងពង្វាងខួរក្បាលពីការគិតផ្សេងៗ។ ·រំងាប់អារម្មណ៍ទុក្ខសោក ៖ តន្រ្តីពិតជាមានសមត្ថភាពក្នុងការគ្រប់គ្រងអារម្មណ៍ និងស្មារតីរបស់មនុស្ស។ ប្រសិនបើមានអារម្មណ៍ទុក្ខសោក កុំព្យាយាមស្តាប់បទកំសត់ ព្រោះវាធ្វើឲ្យអ្នកចូលតួទៅក្នុងសាច់រឿងនៅក្នុងនោះ ដែលធ្វើឲ្យស្ថានភាពកាន់តែពិបាកទៀត។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Entertainment Mental Health​ & Entertainment
Share
  • Apr 22, 2017 |
  • 9 years ago |
  • 10.2K views

កីឡាករបាល់ទាត់គួរត្រៀមអ្វីខ្លះ?

សម្រាប់កីឡាករបាល់ទាត់ សម្ភារៈគ្រប់គ្រាន់ជាផ្នែកមួយសំខាន់ផងដែរ។ អ្នកអាចនឹងមិនត្រូវការវាទាំងអស់ ពេលដែលអ្នកគ្រាន់តែលេងវាជាលក្ខណៈសប្បាយរីករាយ ឬប្រកួតលេងៗជាមួយមិត្តភក្តិ។ ប៉ុន្តែប្រសិនបើក្នុងការប្រកួតលក្ខណៈជាក្រុមក្នុងកន្លែងធ្វើការ ឬសាលារៀន ដើម្បីដណ្តើមយកជ័យជំនះ និងមុខមាត់នោះ គ្រូបង្វឹកនឹងមិនអនុញ្ញាតឲ្យអ្នកចូលលេងឡើយ បើអ្នកមិនមានសម្ភារៈគ្រប់គ្រាន់នោះ។ សម្ភារៈមិនត្រឹមតែបង្ហាញពីការរៀបចំ និងទំនួលខុសត្រូវរបស់អ្នកប៉ុណ្ណោះទេ វាក៏អាចឲ្យអ្នកលេងដោយអស់ពីលទ្ធភាព ដោយមិនចាំបាច់បារម្ភពីគ្រោះថ្នាក់ ឬរបួសអ្វីនោះឡើយ...   ស្បែកជើង ៖ កីឡាករបាល់ទាត់គួរតែពាក់ស្បែកជើងការ៉ាំប៉ុង(Cleats) ឬស្បែកជើងបាល់ទាត់ធម្មតា ហើយស្បែកជើងបាល់ទាត់ក៏ត្រូវបានរចនាឡើងជាពិសេសជាមួយនឹងបាតដ៏ពិសេស។ ស្បែកជើងទាំងនោះជួយដល់ទំនាញនៅលើស្បែក ដែលជួយបង្កើនសមត្ថភាពរបស់កីឡាករឲ្យមានលំនឹងឈរបានល្អ។ ស្រោមជើង ៖ ស្រោមជើងមានប្រវែងវែង និងការពារខ្មងជើង។ ប្រដាប់ការពារខ្មង ៖ វាជួយការពារខ្មងជើងរបស់កីឡាករ ដែលជាកន្លែងដែលងាយនឹងត្រូវបានទាត់​ចំ ឬរងរបួសជាងគេ។ អ្នកគួររកជាវមួយណាដែលមានទំហំល្មមនឹងជើងរបស់អ្នក និងមានកម្រាស់ក្រាស់ល្មម ហើយម្យ៉ាងក៏គួរស៊ីនឹងស្រោមជើងផងដែរ។ បាល់ ៖ បើអ្នកមានបាល់ផ្ទាល់ខ្លួន ក៏ងាយស្រួលដល់ការហ្វឹកហាត់ដោយខ្លួនឯងដែរ។ ដោយបាល់មានទំហំខុសៗពីគ្នា ដែលត្រូវបានផលិតឡើងសម្រាប់អ្នកលេងក្នុងវ័យខុសគ្នា។ ទឹក ឬភេសជ្ជៈប៉ូវកម្លាំង ៖ កីឡាករត្រូវការជាតិទឹកច្រើន ហើយត្រូវតែទទួលទានទឹកច្រើនទាំងក្នុងពេលប្រកួត និងហាត់ ដើម្បីបំបាត់នូវភាពនឿយហត់។ មិនថាជាទឹកបរិសុទ្ធ ឬទឹកកម្លាំងសម្រាប់កីឡាករនោះទេ អ្នកគួរតែត្រៀមវាទុកសម្រាប់ទទួលទាន។ កម្តៅសាច់ដុំ​ និងសន្លាក់ ៖ អ្នកមិនអាចទៅដល់ក៏ចូលលេងភ្លាមនោះទេ ព្រោះអ្នកងាយនឹងប្រឈមនឹងគ្រោះថ្នាក់ផ្សេងៗ ជាពិសេសរមួលសាច់ដុំ ឬឈឺចុកសន្លាក់ជាដើម។ រក្សាភាពរឹងមាំ ៖ បើអ្នកមានសុខភាពមិនល្អ គួរតែកុំចូលលេងអី ដើម្បីចៀសវាងរបួសធ្ងន់ធ្ងរ ឬភាពនឿយហត់។ កុំប្រឹងហួសកម្រិតពេក ត្រូវគិតពីលទ្ធភាព និងលក្ខខណ្ឌសុខភាពរបស់ខ្លួន។ © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Fitness
Share
  • Apr 22, 2017 |
  • 9 years ago |
  • 13.3K views

គួរជូនកាដូអ្វីដល់ម​នុស្សពិសេសក្នុងថ្ងៃខួបកំណើត?

ទឹកចិត្តស្រលាញ់មិនអាចបញ្ជាក់បានតាមតែពាក្យបីម៉ាត់ថា«អាយលបយូ» ដែលគេតែងនិយមនិយាយនោះទេ ហើយក៏មិនគួរបង្ហាញតែក្នុងឱកាស ឬថ្ងៃណាមួយពិសេសនោះដែរ។ យ៉ាងណាមិញ ប្រសិនបើអ្នកបានបំពេញកាតព្វកិច្ចជាម្ចាស់ចិត្តដ៏ល្អម្នាក់ជាប្រចាំ និងជារៀងរាល់ថ្ងៃហើយ សម្រាប់ថ្ងៃពិសេសប្រចាំឆ្នាំរបស់មនុស្សម្នាក់ៗ លោកអ្នកក៏គួរតែត្រៀមនូវអ្វីដែលគួរឲ្យភ្ញាក់ផ្អើលសម្រាប់មនុស្សជាទីស្រលាញ់របស់អ្នក ដើម្បីបន្ថែមនូវកម្រិតនៃភាពផ្អែមល្អែមដល់ចំណងស្នេហារបស់អ្នក និងគេបានមួយកម្រិតទៀត។ និយាយដល់ចំណុចនេះ មិត្តអ្នកអានខ្លះប្រហែលជាចម្ងល់ និងមានការរារែកចិត្តថាមិនដឹងគួរជូនកាដូបែបណា ឬធ្វើរឿងអ្វីខ្លះ សម្រាប់ម្ចាស់បេះដូងរបស់អ្នកហើយមែនទេ? កុំបារម្ភអីណា...ហេលស៍ថាម ក៏បានធ្វើការសម្រិតសម្រាំងយកប្រភេទកាដូដ៏មានតម្លៃ និងអត្ថន័យខ្លឹមសារដែលអ្នកអាចធ្វើការពិចារណា ពេលធ្វើការសម្រេចជ្រើសរើសកាដូសម្រាប់ជូនទៅកាន់ម្ចាស់ចិត្តរបស់អ្នក ៖   ម្ហូបដែលគេចូលចិត្ត ៖ ថ្វីត្បិតថាការចម្អិនដោយផ្ទាល់មាត់មានលក្ខណៈរ៉ូមែនទិក និងផ្អែមល្អែមជាងកពិតមែន តែប្រសិនបើលោកអ្នកមិនជឿជាក់លើថ្វីដៃធ្វើម្ហូបរបស់ខ្លួនទេ គួរកុំខ្ជះខ្ជាយពេលវេលាអី។ ជាគូសេ្នហ៍នឹងគ្នា ចំណង់ចំណូលចិត្តរបស់គ្នាជាពិសេសប្រភេទម្ហូបអាហារ ជារឿងដែលមិនអាចមើលរំលងឡើយ។ ប្រសិនបើក្នុងថ្ងៃពិសេស ហើយអាចទទួលទានអាហារដែលខ្លួនពេញចិត្ត និងចង់ញ៉ាំានោះ នរណាមិនសប្បាយចិត្ត? កំណត់ត្រាពេលវេលាផ្អែមល្អែម៖ ភាពរ៉ូមែនទិក និងភ្ញាក់ផ្អើលនឹងមានកាន់តែខ្លាំងទៀត ប្រសិនបើអ្នកអាចចំណាយពេលខ្លះក្នុងការរៀបចំវីដេអូ ឬសៀវភៅមួយ ដែលកត់ត្រានូវពេលវេលាកន្លងមកដែលអ្នកទាំងពីរបាននៅចំណាយជាមួយគ្នា (អាចជ្រើសយករូបថតណាដែលបង្កប់នូវអត្ថន័យ និងអនុស្សាវរីយ៍ជ្រាលជ្រៅដែលបានដក់ជាប់ក្នុងចិត្តរបស់អ្នក ហើយសរសេរបន្ថែមនូវទឹកចិត្ត ក៏ដូចជាអារម្មណ៍ដែលខ្លួនមានចំពោះគេ)។ វាមិនត្រឹមតែបង្ហាញពីជម្រៅបេះដូងរបស់អ្នកទេ វាថែមទាំងបង្កប់នូវភាពស្មោះត្រង់ និងអត់ធ្មត់របស់អ្នកផងដែរ។ របស់បញ្ចាំចិត្ត៖ វាអាចជាគ្រឿងអលង្ការ (ចិញ្ចៀន ខ្សែក ខ្សែដៃ...)ដែលមានឆ្លាក់ឈ្មោះ ឬសញ្ញាផ្សេងៗដែលបញ្ជាក់អំពីចំណងស្នេហ៍របស់អ្នកទាំងពីរ។ ហើយវាក៏អាចជាបន្តោងសោរ ឬវត្ថុផ្សេងទៀតដែលអ្នកគិតថានឹងធ្វើឲ្យគេនឹកឃើញដល់អ្នក រាល់ពេលដែលមើលឃើញវា។​ ម្យ៉ាងវិញទៀត វាក៏កាន់តែពិសេសថែមមួយកម្រិតទៀត ប្រសិនបើអ្នកអាចធ្វើវាឡើងដោយដៃផ្ទាល់តែម្តង។ របស់គូស្នេហ៍៖ វាអាចនឹងស្រដៀងនឹងរបស់បញ្ចាំចិត្ត តែរបស់គូស្នេហ៍គឺចាំបាច់ថា អ្នក និងគេប្រើប្រាស់វត្ថុដូចគ្នាជាគូនឹងគ្នា។ ភាគច្រើនជាអាវយឺត គ្រឿងអលង្ការ កែវទឹក ស្រោមទូរស័ព្ទ។ល។ វត្ថុបែបនេះ អ្នកដទៃគ្រាន់តែឃើញហើយ គឺដឹងថាអ្នកមានដៃគូស្នេហាហើយ។ របស់ដែលគេទទូចចង់បាន៖ វាហាក់ដូចជាចាស់គំរិលបន្តិច ដោយសារតែអ្នកប្រហែលជាជួបប្រទះនឹងរូបភាពបែបនេះច្រើននៅក្នុងរឿងភាគស្នេហាផ្សេងៗ ប៉ុន្តែវានៅតែជាទង្វើមួយដែលនាំនូវភាពសប្បាយរីករាយ និងរំភើបចិត្តដល់គេ ដោយសារតែគេមិនត្រឹមតែបានកាដូពីមនុស្សជាទីស្រលាញ់នោះទេ ហើយក៏បានទទួលរបស់ដែលខ្លួនប្រថ្នាចង់បានជាយូរផងដែរ។   ពិធីជប់លៀងជាមួយនឹងមិត្តភក្តិរបស់គេ៖  កុំព្យាយាមទាមទារពេលវេលានៅតែពីរនាក់ ហើយខកខានពេលដែលត្រូវមានកម្មវិធីជាមួយនឹងក្រុមគ្រួសារ ឬមិត្តភក្តិរបស់គេ។​ អ្នកអាចនឹងក្លាយជាដៃគូស្នេហាម្នាក់ដែលអាត្មានិយម ហើយប្រៀបបាននឹងឈ្លើងទាមជាប់នឹងគ្នា រកតែបេះមិនចេញ។ បើគេមានកម្មវិធីជប់លៀងជាមួយនឹងមិត្តរួមការងារ មិត្តរួមថ្នាក់ ឬក្រុមគ្រួសារ អ្នកក៏អាចកំដរគេទៅជាមួយគ្នា ឬក៏ពេលខ្លះរួមសហការជាមួយនឹងពួកគេ ដើម្បីរៀបចំទស្សនីយភាពភ្ញាក់ផ្អើលសម្រាប់រូបគេផងដែរ។ ទង្វើបែបនេះក៏អាចនឹងបន្ថែមក្រេឌីតក៏ដូចជាពិន្ទុដល់ខ្លួនអ្នកក្នុងនាមជាសង្សារល្អមួយរូបផងដែរ។ ពេលវេលា៖ ដៃគូស្នេហាខ្លះក៏មិនទាមទារអ្វីច្រើនក្រៅពីពេលវេលាមួយរយៈដែលអាចចំណាយនៅជាមួយគ្នាតែពីរនាក់ទៅកាន់កន្លែងដែលខ្លួនចូលចិត្ត ធ្វើរឿងដែលខ្លួនចង់ធ្វើ។ វាពិតជារឿងដែលគួរឲ្យអន់ចិត្ត និងសោកស្តាយបំផុតប្រសិនបើនៅក្នុងថ្ងៃដ៏ពិសេសតែមួយប្រចាំឆ្នាំរបស់ខ្លួន តែមិនមានវត្តមានមនុស្សពិសេសនៅក្បែរ។​​ បើទោះជាជួបគ្នារាល់ថ្ងៃ ឬស្រលាញ់គ្នាខ្លាំងយ៉ាងណា ក៏គង់តែមានអារម្មណ៍អន់ចិត្តនឹងគ្នាដែរ។   «ពេលខ្លះ លោកអ្នកអាចនឹងលឺគេនិយាយពីនេះពីនោះថាកាដូខ្លះមិនគួរជូនគ្នានោះទេដោយសារតែអាចនឹងធ្វើឲ្យចំណងស្នេហ៍បែកបាក់ ប៉ុន្តែប្រសិនបើអ្នកទាំងពីរនាក់ពិតជាស្រលាញ់គ្នាដោយស្មោះ ហើយជាគូព្រេងនឹងគ្នាពិតមែននោះ កាដូអ្វីក៏ដោយក៏នៅតែប្រផ្នូលល្អ និងនាំមកនូវរឿងល្អៗដល់ទំនាក់ទំនងរបស់អ្នកទាំងពីរដែរ។ មានតែអ្នកចង់បែកទេ ដែលប្រឹងរកលេសនេះរកលេសនោះ ហើយក៏ចាប់ផ្តើមបន្ទោសរឿងគ្រប់យ៉ាង ឲ្យតែខ្លួនឯងបានរួចខ្លួន។ យ៉ាងណាក៏ដោយ កុំដោយសារតែពាក្យសម្តីរបស់គេ ធ្វើឲ្យខ្លួនឯងពិបាក...ស្នេហាពិត សំខាន់លើទឹកចិត្តស្មោះត្រង់ឲ្យគ្នា...មិនចឹងហី???តែអ្នកក៏មិនអាចបោះបង់អបិយជំនឿចោលទាំងស្រុងដែរ» © 2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Entertainment Family & Relationship
Share
  • Apr 22, 2017 |
  • 9 years ago |
  • 7.8K views

កាតព្វកិច្ច៩យ៉ាងដែលគូស្វាមីភរិយាថ្មីថ្មោងត្រូវគិតគូរ

«មានគូស្នេហ៍ខ្លះមានសំណាង និងភព្វព្រេងវាសនាបានរួមរស់ជាមួយគ្នា មិនត្រឹមតែក្នុងឈ្មោះជាគូសង្សារប៉ុណ្ណោះទេ តែក៏បានឈានដល់រសជាតិជីវិតជាមិត្ត១០០ឆ្នាំ​ដែលបានក្រាបក្បាលដល់កន្ទេលសំពះផ្ទឹម ដោយមានការទទួលស្គាល់ជាផ្លូវការពីសំណាក់ក្រុមគ្រួសារទាំងសងខាង។ ទំនាក់ទំនងក្នុងនាមជាសង្សារ និងប្តីប្រពន្ធមានចំណុចច្រើនដែលមានលក្ខណៈខុសប្លែកពីគ្នា ដែលអ្នកត្រូវយកចិត្តទុកដាក់​​  និងគិតដល់។ ក្នុងនាមគូស្វាមីមួយរូប អ្នកត្រូវតែមានចរិតឫកពារមទម្យ និងចាស់ចិត្តចាស់គំនិត ព្រមទាំងមានភាពរឹងមាំទាំងផ្លូវកាយ និងផ្លូវចិត្ត ដើម្បីប្រឈមនឹងបញ្ហាជាច្រើនដែលអាចនឹងកើតមាន។ ចំណងអាពាហ៍ពិពាហ៍នាំអ្នកទៅកាន់ពិភពថ្មីមួយ ហើយអ្នកខ្លួនឯងផ្ទាល់ត្រូវតែត្រៀមខ្លួនរូចជាស្រេច ក្នុងការប្រឈមនឹងរឿងរ៉ាវផ្សេងៗនៅក្នុងជីវិតក្រោយអាពាហ៍ពិពាហ៍ជាមួយនឹងដៃគូជីវិតរបស់អ្នក។» ហេលស៍ថាម នឹងធ្វើការបង្ហាញត្រួសៗនូវចំណុច៩យ៉ាង ដែលអ្នកតែត្រៀមចិត្តត្រៀមកាយ ៖   បញ្ហាហិរញ្ញវត្ថុ​ ៖ ខុសស្រលះពីជីវិតនៅលីវ ក្រោយពីរៀបការហើយ អ្នកត្រូវធ្វើការប្រឹក្សាក៏ដូចជាពិភាក្សាជាមួយនឹងដៃគូរបស់អ្នកជាមុនសិន មុននឹងសម្រេចចិត្តធ្វើការចំណាយលើអ្វីមួយ។ ដោយសារតែអ្នកទាំងពីរនឹងត្រូវរ៉ាប់រងនូវកាតព្វកិច្ចធំៗជាច្រើនទៀតនាពេលអនាគត ជាពិសេសការទិញផ្ទះ និងការកសាងគ្រួសារថ្មីមួយទៀត ដែលទាមទារឲ្យអ្នកត្រូវមានផែនការត្រឹមត្រូវ ជាពិសេសការបម្រុងទុកនូវហិរញ្ញវត្ថុរបស់អ្នក។ ការសន្សំសំចៃ ជាកិច្ចការមួយដែលចាំបាច់ជាងគេ ហើយអ្នកត្រូវតែគ្រប់គ្រងចំណាយ ​និងចំណូលរបស់ខ្លួនឲ្យបានម៉ត់ចត់។ ម្យ៉ាងវិញទៀត អ្នកត្រូវតែមានភាពស្មោះត្រង់ជាមួយគ្នាទៅវិញទៅមក ដោយចៀសវាងដាច់ខាងនូវការលាក់លៀម ឬកិបគេងប្រាក់។         ការយោគយល់គ្នា ៖  អ្នកគួរតែមានការស្វែងយល់ពីដៃគូរបស់អ្នកឲ្យបានច្បាស់ ឲ្យដូចជាស្គាល់ខ្លួនឯង ហើយត្រូវតែចាំគាំទ្រគេគ្រប់កាលៈទេសៈទាំងអស់។ បើទោះជាអ្នកបានចំណាយពេលយូរគ្រាន់ ដើម្បីធ្វើការស្វែងយល់ពីគ្នាយូរគ្រាន់ហើយ​ មុននឹងរៀបការក៏ដោយ ជីវិតក្រោយអាពាហ៍ពិពាហ៏ជាឱកាសដែលអ្នកនឹងធ្វើការរៀនសូត្រពីគ្នាបានពេញលេញ។ អ្នកត្រូវតែធ្វើការមនុស្សម្នាក់ដែលនឹងស្ថិតនៅក្រោយពីខ្នងជានិច្ច មិនថាក្នុងពេលបែបណា អ្នកនឹងឈរនៅខាងគេ​ហើយផ្តល់កម្លាំងចិត្តដល់គេជានិច្ច។ ការកសាងគ្រួសារថ្មី ៖ ការកសាងគ្រួសារត្រង់នេះ គឺសំដៅដល់ការមានបុត្រសម្រាប់បន្តពូជពង្សវង្សត្រកូល។ អ្នកគួរតែសម្រេចចិត្តយកកូន នៅពេលមួយដែលអ្នកទាំងពីរត្រៀមខ្លួនរួចរាល់។ អ្នកមិនត្រូវគេចតែខ្លួនឯង ហើយសម្រេចចិត្តតែម្នាក់ឯងនោះទេ។ ដោយសារតែការមានបុត្រនឹងបង្កើននូវកាតព្វកិច្ច និងទំនួលខុសត្រូវដ៏ច្រើនលើសលប់ដែលអ្នកនឹងត្រូវរ៉ាប់រង ហេតុនេះហើយអ្នកត្រូវធ្វើការសម្រេចចិត្តជាមួយនឹងប្តី ឬប្រពន្ធរបស់អ្នក ដោយធ្វើការគិតគូរក៏ដូចជាពិចារណាឲ្យបានល្អិតល្អន់។ ការសម្រេចចិត្ត ៖ អ្នកទាំងពីរត្រូវមានទំនួលខុសត្រូវ និងចំណែកស្មើគ្នាក្នុងការសម្រេចចិត្ត។ ហើយអ្វីដែលអ្នកត្រូវចៀសវាងដាច់ខាតនោះ គឺមិនត្រូវធ្វើសម្រេចចិត្តលើរឿងអ្វីមួយដែលដៃគូរបស់អ្នកមិនយល់ព្រមនោះទេ ព្រោះថាការផ្តល់សិទ្ធិស្មើគ្នារវាងអ្នកទាំងពីរអាចជាគន្លឹះមួយដែលនាំឲ្យជីវិតអាពាហ៍ពិពាហ៍របស់អ្នកបានស្ថិតស្ថេរ។ ជាមួយគ្នានេះដែរ​ អ្នកមិនគួរលំអៀង ឬសម្របតាមគេ១០០% ឬគ្រប់ពេលនោះទេ ហើយក៏មិនគួរដាច់អហិង្កាប្រកែកថាខ្លួនឯងគិតត្រូវរហូតនោះដែរ គឺអ្នកត្រូវធ្វើចិត្តជាកណ្តាល មិនរឹងរូសពេក ហើយក៏មិនស្រួលពេក។ បើអ្នកធ្វើចិត្តខ្លាំងពេកនោះ ទៅថ្ងៃមុខគេនឹងមានអារម្មណ៍ថាគេមិនស្មើអ្នក ហើយបើស្រួលពេក គេនឹងយល់ថាអ្នកងាយនឹងធ្វើបាប ឬអូសទាញ ហើយក៏បង្កជារឿងមិនល្អទៅអនាគតផងដែរ។ គ្រួសារថ្មី  ​និងធំជាងមុន​ ៖ ក្រោយពីរៀបការហើយ មិនត្រឹមតែអ្នកទាំងពីរប៉ុណ្ណោះទេ ដែលមានការផ្លាស់ប្តូរ សូម្បីតែគ្រួសារទាំងសងខាងរបស់អ្នកក៏ត្រូវរួមរស់ជាមួយគ្នាដែរ។ អ្នកត្រូវបើកចិត្តឲ្យទូលាយក្នុងការចុះសម្រុងនឹងគ្រួសារគេ​ ហើយគេក៏ត្រូវចុះសម្រុងដូចគ្នាជាមួយនឹងគ្រួសាររបស់អ្នក។ វាអាចនឹងមានការឈ្លោះប្រកែក ឬទាស់ទែងគ្នាដំបូង តែក្រោយមក អ្នកនឹងអាចសម្របខ្លួន ហើយធ្វើការបន្ស៊ាំខ្លួនជាមិនខាន។ ការសម្របខ្លួន ៖ ស្រដៀងនឹងចំណុចខាងលើដែរ បើទោះជាអ្នកទាំងពីរធ្លាប់បានសិក្សាពីគ្នាហើយ មុនពេលរៀបការហើយក៏ដោយ ការរួមរស់ក្នុងជីវិតជាប្តីប្រពន្ធ នឹងតម្រូវឲ្យអ្នករស់នៅក្បែរគ្នា ហើយជិតស្និទ្ធិជាងមុន។ នៅពេលដែលអ្នកសម្រេចចិត្តថានឹងចែករំលែកពាក់កណ្តាលជីវិតរបស់អ្នកជាមួយនឹងនរណាម្នាក់នោះ អ្នកត្រូវតែត្រៀមខ្លួនរួចជាស្រេចជាមួយនឹងការសម្របខ្លួន ក៏ដូចជារៀបចំខ្លួនឲ្យរួចរាល់ ដើម្បីឲ្យជីវិតអាពាហ៍ពិពាហ៍របស់អ្នកមានក្តីសុខក្សេមក្សាន្តជារៀងរហូត។ ពេលខ្លះ មានរបស់មួយចំនួនដែលអ្នកត្រូវលះបង់ ដើម្បីដៃគូរបស់អ្នក ហើយអ្នកក៏មិនគួរស្តាយក្រោយដែរ។ ការផ្តល់ពេលវេលាឲ្យគ្នា ៖ ការផ្តល់ពេលវេលាសម្រាប់សា្វមី ឬភរិយារបស់អ្នកជាកាតព្វកិច្ចមួយដ៏ចាំបាច់ផងដែរ។ ប្រសិនបើអាពាហ៍ពិពាហ៍របស់អ្នកត្រូវបានរៀបចំឡើងដោយឳពុកម្តាយនោះ អ្នកចាំបាច់ត្រូវចំណាយពេលវេលាច្រើនជាមួយគ្នា ដើម្បីធ្វើការស្វែងយល់ពីគ្នា។ វាអាចនឹងមានភាពទើសទាល់ច្រើន ដោយសារតែអ្នកទាំងពីរជាមនុស្សថ្មីចំពោះគ្នា ដូចនេះហើយ មានតែពេលវេលានៅជាមួយគ្នាទេ ដែលជួយឲ្យអ្នកអាចបន្ស៊ាំខ្លួន និងចុះសម្រុងនឹងគ្នារហូតដល់អ្នកទាំងពីរប្រាកដក្នុងចិត្តថា មិនថាមានអ្វីកើតឡើង អ្នកនឹងរួមរស់ជាមួយគ្នា និងធ្វើដំណើរឆ្ពោះទៅកាន់អនាគតដ៏ភ្លឺស្វាងទាំងអស់គ្នា។  បើទោះជាមានការមមាញឹកនឹងការងារ ឬការប្រកបរកស៊ីក៏ដោយ ពេលវេលាសម្រាប់អ្នកទាំងពីរ និងក្រុមគ្រួសារត្រូវតែមានច្រើន ជាពិសេសការទទួលទានអាហារជុំគ្នា។ អ្នកអាចនឹងមើលរំលងឱកាសមួយចំនួន តែអ្នកត្រូវចាំថាសុភមង្គលមិនមែនកើតមានដោយឯកឯងនោះទេ អ្នកត្រូវរួមដៃគ្នាបង្កើតពេលវេលាល្អៗជាមួយគ្នាឲ្យបានច្រើន។ ការរៀបចំផែនការ ៖ ការរៀបចំគម្រោង ឬផែនការផ្សេងៗក៏ដើរតួនាទីសំខាន់ផងដែរ។ មុននឹងសម្រេចថាធ្វើកិច្ចការអ្វីមួយ អ្នកត្រូវតែមានផែនការច្បាស់លាស់ មិនថារឿងតូចតាច ឬធំនោះទេ។ ជាក់ស្តែង សូម្បីតែការទិញវត្ថុអ្វីម្យ៉ាង ឬគម្រោងដំណើរកំសាន្តទៅកន្លែងណាមួយក៏ដោយ។ អ្វីៗគ្រប់យ៉ាងត្រូវតែបានត្រៀមរួចស្រេចជានិច្ច។ អ្នកទាំងពីរត្រូវតែធ្វើការពិភាក្សាជាមួយគ្នា ហើយជ្រើសរើសជម្រើសមួយដែលល្អសម្រាប់ទាំងអស់គ្នា។ ​ប្រសិនបើអ្នកទើបតែជួយប្រទះនឹងឫកពាថ្មីប្លែករបស់ដៃគូ ដែលអ្នកមិនធ្លាប់បានឃើញពីមុនមក អ្វីដែលអ្នកអាចធ្វើបាន គឺប្រើប្រាស់ពេលវេលា ដើម្បីធ្វើការសម្របខ្លួន ដែលវាទាមទារនូវការអត់ធ្មត់ និងការតាំងចិត្ត។ ក្នុងករណីមានបញ្ហាអ្វី អ្នកក៏ត្រូវតែនិយាយចេញមក ដើម្បីស្វែងរកដំណោះស្រាយជាមួយគ្នា ជាជាងការលាក់ទុក ហើយគុំគួនក្នុងចិត្ត។        «សរុបសេចក្តីមក គូស្វាមីភរិយាថ្មីមួយគួប្រៀបបាននឹងគូកនក្នុងការប្រកួតប្រជែងមួយ ហើយពានរង្វាន់ធំ គឺសុភមង្គល។ ហេតុនេះហើយ អ្នកទាំងពីរត្រូវចាប់ដៃគ្នា រួមទាំងកាយ និងចិត្ត ដើរឆ្ពោះទៅកាន់គោលដៅរបស់ខ្លួន។ បើទោះជាមានរឿងហេតុអ្វីកើតឡើងក៏ដោយ ក៏ត្រូវតែគាំទ្រ និងលើកទឹកចិត្តគ្នាជានិច្ច…» © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Entertainment Family & Relationship Family & Relationship
Share
  • Apr 21, 2017 |
  • 9 years ago |
  • 4.2K views

សង្ឃឹមថាចម្រៀងនេះនឹងបានលឺដល់crushគាត់ទៅចុះ (មានវីដេអូ)

ឱកាសបុណ្យចូលឆ្នាំប្រពៃណីខ្មែរក៏បានកន្លងផុតទៅ បន្សល់នូវការចងចាំមិនអាចភ្លេចបានរបស់សុភាពបុរសមួយរូប​ ដែលមាននិស្ស័យបានជួបនឹងនារីម្នាក់ដែលបានឆក់យកបេះដូងរបស់គាត់ ជាមួយនឹងមន្តស្នេហ៍នៃភាពទាក់ទាញ(Just the way she is…)  ក្នុងរាត្រីដែលពួកគេបានទៅលេងកម្សាន្តនឹងល្បែងជះទឹកនៅឯផាប់ស្រ្តីត (Pub Street) ទីប្រជុំដែលអ្នកដែលទៅលេងសៀមរាបមិនអាចរំលងបាន… បន្ទាប់ពីបានជួបភក្រ្តលើកដំបូងហើយនោះ ដោយមិនទាន់ទាំងបានស្គាល់ឈ្មោះគ្នាផង បុរសម្នាក់នោះក៏បានតែងនិពន្ធនូវបទចម្រៀងមួយបទរ៉ាយរ៉ាប់យ៉ាងក្បោះក្បាយពីរឿងរ៉ាវដែលបានកើតឡើងក្នុងខណៈនោះ លាយឡំនឹងវាចាផ្អែមល្អែមដែលបង្ហាញពីអារម្មណ៍ពិតដែលមាននៅក្នុងចិត្តទាំងអំបាលម៉ាន…សង្ឃឹមថាតួឯកស្រីនឹងបានឃើញ ក៏ដូចជាស្តាប់លឺ ហើយបើសិនជាអាចក៏ចង់បន្តនិស្ស័យទៀតផងងដែរ... វីដេអូចម្រៀងនៃការច្រៀងផ្ទាល់ អមដោយភ្លេងហ្គីតារបស់គាត់ក៏កំពុងត្រូវបានបណ្តាអ្នកប្រើប្រាស់បណ្តាញសង្គមហ្វេសប៊ុកចូលទស្សនា និងចែកចាយបន្ត ដើម្បីជួយសម្រេចនូវក្តីប្រាថ្នារបស់គាត់ក្នុងការស្វែងរកcrushដែលបានទើបបានម្តងផងដែរ… ចង់ដឹងថាមានអត្ថន័យយ៉ាងណាខ្លះ? កុំភ្លេចចុចមើលណា៎…ហើយក៏ជួយshareម្នាក់មួយផង ក្រែងលោចំណងស្នេហ៍នេះអាចនឹងចាប់កំណើតបាន… ប្រភព៖ ទំព័រហ្វេសប៊ុក V2 Resturant © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ...

Entertainment Family & Relationship
Share
  • Apr 21, 2017 |
  • 9 years ago |
  • 7.8K views

មគ្គុទ្ទេសក៍ប្រើប្រាស់ឱសថ

ដើម្បីជាជំនួយខ្លះៗដល់ការសិក្សារបស់សិស្ស និស្សិត ក៏ដូចជាការប្រើប្រាស់ឱសថឲ្យបានសមស្របថែមទៀត និងការសង្កេតឃើញថាមិនទាន់មានឯកសារជាភាសាជាតិយើងនៅឡើយ ក្រុមវេជ្ជបណ្ឌិត (តំណាង T.S.K ) ក៏បានសាកល្បងប្រែសម្រួលពីភាសាបារាំង និងចងក្រងជាឯកសារដ៏មានគុណតម្លៃនេះឡើង។  ក្នុងនេះផងដែរ ក៏មានបង្ហាញនូវឱសថតាមប្រភេទ និងផ្នែក ដោយមានបង្ហាញអំពីចំណុចសំខាន់ៗជាច្រើនទាក់ទិននឹងឱសថរួមមានដូចជា លក្ខណៈឱសថ ផលរំខាន កម្រិតប្រើប្រាស់ ការប្រុងប្រយ័ត្ន។ល។  នេះជាការចូលរួមចំណែកមួយក្នុងការពង្រឹងវិស័យសុខាភិបាលនៅកម្ពុជា ជាពិសេសវិស័យឱសថ… សូមធ្វើការទាញយកតាមរយៈ មគ្គុទ្ទេសក៍ប្រើប្រាស់ឱសថ  ប្រភព៖ ទំព័រហ្វេសប៊ុក Dr. Bo Setha © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ...

Medicine
Share
  • Apr 21, 2017 |
  • 9 years ago |
  • 5.9K views

សុវត្ថិភាពពីការងូតទឹកឲ្យក្មេងតូច

ការងូតទឹកឲ្យទារកគឺជាសកម្មភាពដ៏សំខាន់ និងជាកាយវិការមួយធ្វើឲ្យឳពុកម្តាយព្រមទាំងកូនមានពេលវេលានៅជាមួយគ្នា និងរឹតបន្តឹងចំណងនៃក្តីស្រឡាញ់។ ប៉ុន្តែទោះបីជាយ៉ាងណា ក៏ការងូតទឹកឲ្យកូនតូច តម្រូវឲ្យមានការប្រុងប្រយ័ត្នជាមុនឲ្យបានច្រើនដែរ។ ខាងក្រោមនេះជាការប្រុងប្រយ័ត្នមួយចំនួនដែលអ្នកគួរអនុវត្តនៅពេលងូតទឹកឲ្យកូនតូចជាទីស្រឡាញ់របស់អ្នក៖ • កំណត់បរិមាណទឹកឲ្យបានត្រឹមត្រូវ កុំឲ្យច្រើនពេក ឬមិនត្រូវលើសពី២ឬ៣អ៊ីញ នៅក្នុងអាងងូតទឹកសម្រាប់ទារករបស់អ្នកទេ។ • មិនត្រូវទុកកូនតូចរបស់អ្នកឲ្យនៅម្នាក់ឯងក្នុងទឹកឡើយ សូម្បីតែរយៈពេលខ្លី ទោះជាពេលអ្នកលើកទូរស័ព្ទ ឬទៅបិតចង្ក្រានក៏ដោយ។ ប្រសិនបើអ្នកត្រូវចាកចេញពីបន្ទប់ទឹកដើម្បីទៅរក្សាអ្វីដែលសំខាន់ ត្រូវលើកកូនតូចរបស់អ្នកចេញពីទឹករុំនឹងកន្សែងពោះគោ និងនាំគាត់ទៅជាមួយអ្នក។ ហើយនៅពេលដែលអ្នកនាំគាត់ទៅងូតទឹកវិញ សូមយកកន្សែងពោះគោស្ងួតទៅជាមួយ ដើម្បីទុកជូតខ្លួនឲ្យគាត់នៅពេលងូតទឹករួច។ • អ្នកត្រូវប្រាកដថាទឹកមានសភាពក្តៅឧណ្ហៗល្មម ក្នុងកម្រិត៣៧ ទៅ៣៨អង្សា មិនក្តៅខ្លាំងពេក ព្រោះស្បែកទារកមានសភាពស្តើងជាងស្បែកយើងធម្មតា ហើយវាងាយនឹងមានប្រតិកម្មទៅនឹងកម្តៅខ្លាំង អាចរលាក និងក្រហម។ ប្រសិនបើអ្នកមិនប្រាកដអំពីសីតុណ្ហភាពដែលមានសុវត្ថិភាពអ្នកអាចប្រើឧណ្ហមាត្រ (ប្រដាប់ស្ទង់កម្តៅ) ដែលលោកអ្នកអាចរកទិញបាននៅតាមហាងលក់ផលិតផលថែទាំទារក ឬនៅឱសថស្ថាននៅជិតផ្ទះអ្នក។ ឧបករណ៍ដ៏សាមញនេះ គឺធ្វើការផ្លាស់ ប្តូរពណ៌ ដើម្បីបញ្ជាក់ពីកម្រិតកម្តៅថាមានសុវត្ថិភាពឬអត់។ • សូមប្រើអាងងូតទឹកប្រភេទជ័រ ដែលមានទំហំសមស្របសម្រាប់ទារករបស់អ្នក ដែលអាចសម្គាល់បានដោយ មានច្រកតូចល្មមទំហំចាប់ពី ៦.៥អ៊ីងឡើងទៅ។ ទំហំច្រកនេះបង្កភាពងាយស្រួលសម្រាប់អ្នកក្នុងការដាក់ក្បាលកូនតូចរបស់អ្នក រក្សាឲ្យផុតពីទឹកពេលកំពុងងូត។ • ប្រើសាប៊ូដែលមានកម្រិតស្រាល ព្រោះវាផ្តល់នូវលក្ខណៈល្អប្រសើរសម្រាប់ស្បែកទារកក្នុងអំឡុងពេលមួយឆ្នាំដំបូងឬច្រើនជាងនេះ (ចាំថាដុំសាប៊ូពណ៌សមិនមែនជាប្រភេទសាប៊ូដុសខ្លួនទារកដែលស្រាលនោះទេ)។ សូមសាកល្បងប្រើសាប៊ូសម្រាប់ទារក ដែលមិនមានបន្ថែមក្លិនក្រអូប ឬប្រភេទសាប៊ូ Dove, Basis, ឬសាប៊ូNeutrogena។ ប្រើសាប៊ូក្នុងបរិមាណតិចរួមជាមួយនឹងការត្រដុសថ្នមៗ។ • គប្បីជ្រើសរើសសាប៊ូកក់សក់សម្រាប់ទារក ចៀសដាច់ខាតប្រើរួមជាមួយមនុស្សធំ ព្រោះផលិតផលសម្រាប់មនុស្សធំមានសារធាតុកាត់ខ្លាំង ថែមទាំងអាចធ្វើឲ្យក្រហាយភ្នែកទារកទៀតផង។  © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips Pregnancy & Baby
Share
  • Apr 21, 2017 |
  • 9 years ago |
  • 4.4K views

របៀបញ៉ាំអាចកំណ់តថាអ្នកអាចមានមុន ឬក៏អត់បាន

អាហារល្អៗជាច្រើនសម្រាប់ញ៉ាំដើម្បីសុខភាព និងល្អសម្រាប់មុខមុន   ប៉ុន្តែការញ៉ាំអាហារដ៏ត្រឹមត្រូវមិនមែនត្រឹមតែជាអ្វីដែលអ្នកគួរញ៉ាំនោះទេ តែក៏ជារបៀបនៃការញ៉ាំផងដែរ។ អ្នកបានដឹងមកហើយអំពីអាហារដែលត្រូវញ៉ាំ តែរបៀបញ៉ាំនេះក៏មិនមែនជារឿងតូចតាចដែរ បើសិនជាមុនរបស់អ្នកហាក់នៅតែរឹងទទឹងមិនបាត់ទៅណា។ 1.    រំលងអាហារពេលព្រឹក ការរំលងអាហារពេលព្រឹក ធ្វើឲ្យកំឡុងពេលរវាងអាហារឃ្លាតឆ្ងាយពីគ្នាពេក ជម្រុញឲ្យមានការឡើងចុះនៃកម្រិតជាតិស្ករក្នុងឈាមមិនទៀងទាត់ដែលជះឥទ្ធិពល លើការផលិតអាំងស៊ុយលីន បន្ទាប់មកក៏នាំឲ្យកើតមានជាការរលាក ស្បែកឡើងខ្លាញ់  និងការស្ទះរន្ធរោមដែលសុទ្ធតែជាដើមចមនៃការកើតមុន។ ម្យ៉ាងទៀត ការខកខានអាហារនៅពេលណាមួយ ជាពិសេសគឺពេលព្រឹកក៏នាំឲ្យមានការបញ្ចេញនូវអ័រម៉ូនស្រេ្តស cortisol ដែលជម្រុញឲ្យជាតិស្ករក្នុងឈាមឡើងចុះដូចគ្នា ដែលជាចលនករនៃយន្តការបង្កការកើតមុនដូចខាងលើដែរ។   យកល្អគឺត្រូវញ៉ាំអាហារពេលព្រឹកនៅមួយម៉ោងក្រោយពីក្រោកពីគេង ហើយបន្ទាប់មកគឺត្រូវដាក់គម្លាតអាហារ និងចំណីផ្សេងទៀតប្រហែល៤ម៉ោងបន្ទាប់។ គួរកត់សម្គាល់ដែរថា កាហ្វេនៅពេលព្រឹកមិនអាចជួយអ្វីបានឡើយ ហើយវាក៏អាចធ្វើឲ្យមានការបញ្ចេញអ័រម៉ូនស្ត្រេសទៀតផង។ 2.    កុំសម្អាតតែមុខ ត្រូវសម្អាតពីខាងក្នុងតែម្តង សំខាន់ខ្លាំងណាស់ក្នុងការសម្អាតរាងកាយរបស់អ្នកស្អាតតាំងពីខាងក្នុងដើម្បីឲ្យវាដំណើរការបានល្អប្រសើរ។ ជាក់ស្តែង កាលណាមានសារធាតុកកស្ទះនៅក្នុងរាងកាយស្បែកគឺជាសរីរាង្គសម្រាប់បញ្ចេញសារជាតិពុលនោះ ដែលធ្វើឲ្យស្បែកត្រូវរងសម្ពាធ និងរងការប៉ះពាល់។ ដើម្បីធានាសម្អាតពោះវៀនជាប្រចាំ អ្នកត្រូវបញ្ចូលជាតិទឹក យ៉ាងហោច១.៥លីត្រក្នុងមួយថ្ងៃ បន្លែ និងផ្លែឈើចម្រុះ ថែមគ្រាប់ធញ្ញជាតិ ពពួកកាបូហាយដ្រេត សណ្តែក ប្រូតេអីុន សារធាតុសរសៃ ក៏ដូចជាពពួកប្រ៊ីបាយអូទិច ដែលអាចជួយសម្អាតពោះវៀន និងបញ្ចេញអ័រម៉ូនបានល្អ។ 3.    បំប៉នអ័រម៉ូនរបស់អ្នក តាមដានដំណើរការនៃអ័រម៉ូនរបស់អ្នកអាចជួយកាត់បន្ថយការលេចឡើងនៃមុន។ ទាំងនេះអាចជួយបានតាមរយៈការញ៉ាំបន្លែដូចជា ប្រូខូលី ស្ពៃក្តោបបន្លែមានពណ៌ទឹកក្រូច ក្រហម និងស្វាយជាដើម ដែលវាជួយរក្សាលំនឹងអ័រម៉ូនរបស់អ្នក។ យ៉ាងណាមិញ អ្នកត្រូវប្រាកដថា អ្នកគ្រាន់តែចម្អិនវាក្នុងរយៈពេលខ្លីល្មមប៉ុណ្ណោះ ដើម្បីធានាថាសារធាតុចិញ្ចឹម និងវីតាមីនរបស់វាអាចរក្សាបាន។ 4.    បង្អត់ខ្លួនឯង រួចញ៉ាំលើសលប់នៅពេលក្រោយ ប្រហែលនឹងខាងលើ ការបង្អត់ ឬរំលងអាហារណាមួយ ក្រៅពីបង្កឲ្យមានឥទ្ធិពលលើជាតិស្ករ និងអ័រម៉ូនស្ត្រេស តែវាក៏បង្កឲ្យអ្នកអាចញ៉ាំលើសលប់នៅពេលក្រោយបានផងដែរ បន្ទាប់មកវាអាចធ្វើឲ្យមានការរលាកនិងក្លាយជាមុនបាន។ ជំនួសមកវិញ អ្នកអាចបរិភោគចំណីទ្រាប់ពោះ ដែលផ្តល់សុខភាពល្អដើម្បីគ្រប់គ្រងភាពស្រេកឃ្លានរបស់អ្នក។ 5.    ឈប់បង្ហើយអាហារ ជារឿយៗអ្នកបង្ខំបង្ហើយអាហារទាល់តែអស់ បើទោះបីជាអ្នកឆ្អែតហើយក៏ដោយ ដែលជាលទ្ធផលក៏បង្កការរលាកដោយសារតែការញ៉ាំលើសលប់នេះឯង។ នៅពេលនេះ អ្នកដឹងទាំងអ្វីដែលត្រូវញ៉ាំ អ្វីមិនត្រូវញ៉ាំព្រមទាំងការញ៉ាំរបៀបណាផងដែរ ហើយការញ៉ាំដ៏ត្រឹមត្រូវសម្រាប់សុខភាព និងមុខមុន មិនគួរត្រូវបានអូសបន្លាយទៀតទេ  ប្រសិនបើអ្នកចង់បានស្បែកមុខដែលស្រស់ថ្លាគ្មានមុន។ © 2017 រក្សាសិទ្ធិគ្រប់យ៉ាង​ដោយ Health Time Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

Health Tips
Share
  • Apr 21, 2017 |
  • 9 years ago |
  • 9.5K views

មុនក្បាលស មិនធ្ងន់ធ្ងរតែគួរឲ្យធុញទ្រាន់!

មុនក្បាលស អាចមិនសូវជាមានការចាប់អារម្មណ៍ច្រើន ដោយហេតុថាជាទូទៅ មុនភាគច្រើនដែលកើតឡើងអាចស្តែងចេញជាពណ៌ខ្មៅ ឬក្រហមទៅតាមប្រភេទរបស់វា  តែមុនក្បាលសក៏អាចបង្កជាផលរំខានដ៏គួរឲ្យធុញទ្រាន់ផងដែរ។ ខាងក្រោមនេះ ជាអត្ថបទលម្អិតស្តីពី មុនក្បាលស៖លក្ខណៈមុនក្បាលស មុនក្បាលស ជាមុនមួយប្រភេទ កើតឡើងដោយសារ ការស្ទះនៃខ្លាញ់ និងកោសិកាស្បែកងាប់ (Keratin) នៅក្នុងគល់រោម ឬរន្ធញើស។ រូបរាងរបស់មុនក្បាលស មានលក្ខណៈជាដុំពក ដែលតែងតែកើតលើតំបន់ផ្ទៃមុខដែលសម្បូរទៅដោយខ្លាញ់ ដូចជា ថ្ងាស និងចង្កាជាដើម។ ជាទូទៅមុនប្រភេទនេះមានពណ៌ដូចស្បែក ដោយសារវាមិនអាចមាន អុកស៊ីតកម្មជាមួយនឹងខ្យល់ ហើយវាមានលក្ខណៈខុសគ្នាពីប្រភេទមុនដទៃ ព្រោះមុនក្បាលស មិនមានរលាក មិនក្រហម និងមិនមានការឈឺចាប់ដោយគ្រាន់តែអ្នកជំងឺមានអារម្មណ៍ រដិបរដុប ផ្ទៃមុខមិនរលោង តែប៉ុណ្ណោះ។ ការធ្វើរោគវិនិច្ឆ័យ មុនក្បាលស ត្រូវបានធ្វើរោគវិនិច្ឆ័យដោយធ្វើការមើលផ្ទាល់ទៅលើមុខ។ ផ្ទៃមុខមានសភាពមិនរលោង ស្ទាបទៅរដិបរដុប នៅជុំវិញគល់រោម និងកន្ទួលមានពណ៌សាច់។ វិធីសាស្រ្តក្នុងការព្យាបាល ការព្យាបាលមុនក្បាលស អាចមានជម្រើស៖ • ថ្នាំលាបប្រភេទ Comedolytic (BenzoylPeroxide, Azelaic Acid, Salicylic Acid,Glycolic Acid និង Retinoid)ដោយលាបស្តើងៗទៅលើកន្លែងដែលមានមុន ១ដងឬ២ដង ក្នុងមួយថ្ងៃ • ក្នុងករណីខ្លះយើងអាចធ្វើការបកចេញដោយញេច និងម៉ាស៊ីនបូមសម្អាត។ វិធីសាស្រ្តបង្ការ ដោយសារវាអាចកើតឡើងទៅលើទាំងស្រ្តី និងបុរសផង ដូច្នេះ គួរមានការប្រុងប្រយ័ត្ន និងមានទម្លាប់ល្អតួយ៉ាង៖ • ប្រើប្រាស់ផលិតផលគ្រឿងសម្អាង គួរតែជាប្រភេទ Oil-free ឬNon-comedogenic • លាងសម្អាតមុខ នៅពេលព្រឹក និងពេលល្ងាចជាមួយ Mild Soap ឬ Salyzap • បញ្ឈប់ការជក់បារី • ហាមញ៉ាំអាហារប្រភេទផ្អែម និងខ្លាញ់។ ករណីមានជំងឺមុនក្បាលស ឬបញ្ហាស្បែកទូទៅកើតឡើង អ្នកគួរប្រញាប់រួសរាន់មកពិនិត្យ និងព្យាបាលជាមួយគ្រូពេទ្យដែលមានជំនាញពិតប្រាកដ នៅតាមមន្ទីរពេទ្យដែលមានស្តង់ដារព្យាបាលខ្ពស់ ចៀសវាងបណ្តែតបណ្តោយឲ្យជំងឺមានសភាពកាន់តែធ្ងន់ធ្ងរ ដែលឈានដល់ដំណាក់កាលពិបាកព្យាបាល និងអាចខាតបង់ថវិកា រួមទាំងពេលវេលាសម្រាប់ការព្យាបាលកាន់តែច្រើន។ បកស្រាយដោយ ៖ លោកវេជ្ជបណ្ឌិត ប៊ី ពីកូ ឯកទេសជំងឺសើស្បែក នៃមន្ទីរពេទ្យ ព្រះកុសុមៈ © 2017 រក្សាសិទ្ធិគ្រប់យ៉ាង​ដោយ Healthtime Corporation ​​​​ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

Other Diseases Skin, STD & Beauty
Share
Top