Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Apr 30, 2018 |
  • 6 ឆ្នាំមុន |
  • 6K មើល

បើក្មេងឈាមច្រមុះ...អាចជាសញ្ញាណអ្វីឬទេ?

សំណួរ ៖ នាងខ្ញុំ អាយុ ២២ឆ្នាំ រស់នៅខេត្តបន្ទាយមានជ័យ។ នាងខ្ញុំមានសំណួរមួយចង់សួរទៅកាន់លោកវេជ្ជបណ្ឌិត “ហេតុអ្វីបានជាកូនរបស់ខ្ញុំមានអាយុ  ៣ឆ្នាំ  តែងតែហូរឈាមច្រមុះនៅពេលដែលមេឃក្តៅខ្លាំង”? ចម្លើយ ៖ កុមារអាចឈាមច្រមុះនៅពេលអាកាសធាតុប្រែប្រួល ជាពិសេសខែក្តៅដោយសរសៃងាយនឹងផុយនៅអាយុប៉ុណ្ណេះ ។ យ៉ាងណាមិញ ប្រសិនការឈាមនោះមានភាពមិនប្រក្រតី និងកើតឡើងជាញឹកញាប់ អ្នកគួរធ្វើការពិនិត្យជាមួយអ្នកឯកទេសខាងផ្នែក ត្រចៀក ច្រមុះ បំពង់ក ដោយសារវាអាចជាប់ទាក់ទងទៅនឹងបញ្ហាសរសៃច្រមុះ ឬ ឫសដូងច្រមុះ ឬជំងឺកំណកឈាម ឬគ្រាប់ឈាម។ បកស្រាយដោយ ៖ លោកវេជ្ជបណ្ឌិត លនទ្រីយ៍ ប៉ាទ្រិច ឯកទេសជំងឺកុមារ អនុប្រធានមន្ទីរពេទ្យខេត្តកំពង់ចាម និងទទួលបន្ទុកផ្នែកកុមារ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ការចិញ្ចឹមកូន
ចែករំលែក
  • Apr 23, 2018 |
  • 6 ឆ្នាំមុន |
  • 3.4K មើល

តើក្មេងតូច អាចនឹឹងឆ្លងរបេង ពេលនៅក្បែរអ្នកជំងឺឬទេ?

សំណួរ ៖ នាងខ្ញុំ អាយុ ២៦ឆ្នាំ រស់នៅចោមចៅ។ នាងខ្ញុំមានសំណួរមួយចង់សួរទៅកាន់លោកវេជ្ជបណ្ឌិតថា កូនរបស់ខ្ញុំទើបតែមានអាយុ ៦ខែ ហើយប៉ុន្មានថ្ងៃមុន លោកតារបស់ប្តីខ្ញុំបានមកលេង ដោយគាត់មានជំងឺរបេងផង ហើយបានស្នាក់នៅជាមួយពួកយើងក្នុងរយៈពេល២ទៅ ៣ថ្ងៃ។ តើកូនរបស់ខ្ញុំអាចឆ្លងជំងឺនេះបាន ដែរឬទេ? ហើយនាងខ្ញុំគួរនាំកូនខ្ញុំ ទៅជួបពេទ្យ ដែរឬទេ? ចម្លើយ ៖ ករណីនេះពឹងផ្អែកលើស្ថានភាពពីរយ៉ាង ប្រសិនបើលោកតាមានបញ្ហាជំងឺរបេងកំពុងមានសកម្មភាពខ្លាំង (ពិនិត្យឃើញមេរោគរបេងក្នុងកំហាក) និងកំពុងទទួលបានការព្យាបាល អ្នកគួរនាំកូនរបស់អ្នកទៅពិភាក្សាជាមួយគ្រូពេទ្យមានជំនាញខាងផ្នែករបេង ដោយសារកុមារអាចប្រឈមទៅនឹងការឆ្លងខ្លាំងក្លា យ៉ាងណាមិញ ប្រសិនបើស្ថានភាពរបេងនោះបានព្យាបាលបានចប់សព្វគ្រប់ នោះការប្រឈមក៏អាចថយចុះ។ បកស្រាយដោយ ៖ វេជ្ជបណ្ឌិត លនទ្រីយ៍ ប៉ាទ្រិច ឯកទេសជំងឺកុមារ អនុប្រធានមន្ទីរពេទ្យខេត្តកំពង់ចាម និងទទួលបន្ទុកផ្នែកកុមារ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ការចិញ្ចឹមកូន
ចែករំលែក
  • Apr 18, 2018 |
  • 6 ឆ្នាំមុន |
  • 5.3K មើល

ដុតសាច់ច្រមុះ ពេលមានបញ្ហាឈឺច្រមុះ ជាជម្រើសល្អឬអត់?

សំណួរ ៖ នាងខ្ងុំ អាយុ២៤ឆ្នាំ មានបញ្ហាឈឺច្រមុះ ហើយធ្លាប់ដុតសាច់ច្រមុះបាន៣សប្ដាហ៍ហើយនៅមន្ទីរពេទ្យរដ្ឋ ប៉ុន្តែឥឡូវខ្ងុំមានអាការៈឈឺ ហៀរសំបោរ និងហឹងត្រចៀក តើហេតុអ្វីបានជាមានអាការៈទាំងនេះកើតឡើង? តើមានការព្យាបាលណា ដែលល្អប្រសើរជាងការដុតនេះដែរឬទេ? ចម្លើយ ៖ សាច់ច្រមុះ គឺមានស្រាប់ពីធម្មជាតិ (Turbinate) ដែលអ្នកអាចមើលឃើញក្នុងរន្ធច្រមុះ។ ពេលវារីកធំ ភាសាធម្មតានិយមហៅថាដុះសាច់ច្រមុះ តែតាមពិតជាការរីកធំនៃសាច់ច្រមុះលើសទំហំធម្មជាតិ ដែលការដុតសាច់ច្រមុះជាជម្រើសមួយក្នុងការព្យាបាល ប្រសិនបើការរីកនេះនៅបន្តយូររ៉ាំរ៉ៃ។ នេះបញ្ជាក់ថា ច្រមុះរបស់លោកស្រីនៅមានបញ្ហា រលាក ហើម នៅឡើយ គឺមិនមែនដោយសារការដុតច្រមុះនោះទេ យើងអាចប្រើប្រាស់ថ្នាំបានដោយមិនចាំបាច់ធ្វើអ្វីទៀតទេ ប្រសិនអ្នកជំងឺមិនមានវៀចឆ្អឹងច្រមុះទេ។ ប៉ុន្តែតម្រូវឲ្យពិនិត្យច្បាស់លាស់ ដើម្បីធ្វើការវិនិច្ឆ័យ និងព្យាបាលឲ្យបានត្រឹមត្រូវ។ បកស្រាយដោយ ៖ សាស្រ្តាចារ្យ ប៉ូ រដ្ឋា ប្រធានផ្នែកត្រចៀក ច្រមុះ បំពង់ក នៃមន្ទីរពេទ្យព្រះអង្គឌួង ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក
ចែករំលែក
  • Apr 11, 2018 |
  • 6 ឆ្នាំមុន |
  • 3.4K មើល

អាចមានវិធីស្រោចស្រង់ធ្មេញរង្គើដែរឬទេ?

សំណួរ ៖ ខ្ញុំបាទមានអាយុ៣៥ឆ្នាំ កម្ពស់១ម៉ែត្រ៦៥ ទម្ងន់៦០គីឡូក្រាម រស់នៅរាជធានីភ្នំពេញ។ ក្នុងរយៈពេល១ខែកន្លងមកនេះ ខ្ញុំបាទមានអារម្មណ៍ថា ធ្មេញរបស់ខ្ញុំរង្គើពេលទទួលទានអាហាររឹង។ ខ្ញុំបាទសូមសួរទៅកាន់លោកស្រីទន្តបណ្ឌិតថា តើមានវិធីសាស្ត្រ អ្វីខ្លះដែលអាចធ្វើឲ្យធ្មេញរបស់ខ្ញុំបាទរឹងមាំឡើងវិញ? ចម្លើយ ៖ ប្រសិនអ្នកមានបញ្ហារង្គើធ្មេញ រាល់ពេលទំពាអាហាររឹង អ្នកគួរមកទទួលការពិ- និត្យពីទន្តពេទ្យ ដោយការពិនិត្យនោះអាចធ្វើឡើង តាមការពិនិត្យផ្ទាល់នៅក្នុងមាត់ និងតាមការថត មើលដោយ X-ray។ ម៉្យាងទៀត អ្នកត្រូវដឹងថាធ្មេញរបស់អ្នកអាចស្ថិតក្នុងភាពធម្មតា តែវាអាចរង្គើនៅពេលអ្នកខាំរបស់រឹងបណ្តាលមកពីកម្លាំងខ្លាំងប៉ះទៅលើធ្មេញ យ៉ាងណាមិញបញ្ហានេះជាស្ថានភាពធម្មតាដែលធ្មេញនឹងអាចត្រឡប់មកសភាពរឹងឡើងវិញបន្ទាប់ពីប៉ុន្មានថ្ងៃក្រោយ។ ក្រៅពីបញ្ហាខាងលើ ការរង្គើក៏អាចបង្កមកពីរាក់ស៊ីធ្មេញ ដែលទាមទារឲ្យមានការថតមើលកម្រិតឆ្អឹងធ្មេញខាងក្នុង ថាតើការស្រកនៃឆ្អឹងឈានដល់កម្រិតណា ដើម្បីការព្យាបាលបានត្រឹមត្រូវ។ បកស្រាយដោយ ៖ ទន្តបណ្ឌិត ស៊ឹម សិលាភាណ ប្រធានបច្ចេកទេស គ្លីនិកធ្មេញ រៀលធីស ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក សុខភាព​​ មាត់-ធ្មេញ
ចែករំលែក
  • Apr 02, 2018 |
  • 6 ឆ្នាំមុន |
  • 5.2K មើល

មានប្រវត្តិរលូតកូន អាចប៉ះពាល់ដល់ការមានកូនបន្ទាប់ឬទេ?

សំណួរ ៖ នាងខ្ញុំមានអាយុ២៤ឆ្នាំ ភេទស្រី ទម្ងន់ ៤៨គីឡូក្រាម កម្ពស់១ម៉ែត្រ៥៥ ជាបុគ្គលិកការិយាល័យ។ ខ្ញុំមានប្រវត្តិធ្លាប់រលូតកូនកាលពី១ឆ្នាំមុន ហើយប៉ុន្មានខែចុងក្រោយនេះ ខ្ញុំមាន សុខភាពល្អធម្មតា និងព្យាយាមចងមានកូនម្តង ទៀតតែមិនអាចមាន។ តើនេះដោយសារតែខ្ញុំធ្លាប់មានប្រវត្តិរលូតកូនពីមុនមក ឬយ៉ាងណា ទើបធ្វើឲ្យពិបាកមានកូនម្តងទៀត? ចម្លើយ ៖ ភាគច្រើននៃការរលូតកូន តែងបណ្តាលមកពីទារកដែលមិនទាន់កើត មានបញ្ហា ទាក់ទងនឹងហ្សែនធ្ងន់ធ្ងរ។ ជាទូទៅ បញ្ហានេះអាចជាប់ទាក់ទងនឹងម្តាយ មួយវិញទៀត អាចបណ្តាលមកពីកត្តាមួយចំនួនដូចជា៖ ជំងឺឆ្លង ការប្រើថ្នាំ ដូចជាថ្នាំទឹកនោមផ្អែម ឬថ្នាំទាក់ទងក្រពេញទីរ៉ូអុីត បញ្ហាអ័រម៉ូន ការឆ្លើយតបនៃប្រព័ន្ធភាពសុំា បញ្ហារាងកាយរបស់ម្តាយ និងភាពមិនប្រក្រតីនៃស្បូន ដែលអ្នកអាចទៅពិភាក្សាជាមួយវេជ្ជបណ្ឌិតជំនាញ។ ជម្រើសនៃការរៀបចំ របៀបរស់នៅដែលមានផាសុកភាពមុនពេលមានគភ៌ និងអំទ្បុងពេលមានគភ៌ គឺពិតជាមានសារសំខាន់ណាស់សម្រាប់អ្នក និងកូនក្នុងផ្ទៃ។ ការប្រើប្រាស់វីតាមីនមុនពេលសម្រាល ឬ ផលិតផលអាស៊ីតហ្វូលិកគឺល្អបំផុត នៅដើម ២ ទៅ ៣ ខែមុនពេលមានគភ៌។ អ្នកត្រូវព្យាយាមរក្សាទម្ងន់ និង បរិភោគជាតិកាហ្វេអុីន ឲ្យមានកំណត់ ចៀសវាងការពិសាស្រា ជក់បារី និងប្រភេទថ្នាំញៀនផ្សេងទៀត ដោយគ្មានការអនុញ្ញាត។  បកស្រាយដោយ ៖ វេជ្ជបណ្ឌិតb ឯកទេសផ្នែកសម្ភពនិងរោគស្ត្រីនៃ Anna Women and Baby’s Center ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក មាតា និងទារក
ចែករំលែក
  • Mar 29, 2018 |
  • 6 ឆ្នាំមុន |
  • 10.5K មើល

បើក្មេងរលាកបំពង់ក គួរធ្វើបែបណាទៅ?

សំណួរ ៖ កូននាងខ្ញុំមានអាយុ ២ឆ្នាំ ៣ខែ បានផ្តាច់ដោះនៅអាយុ២០ខែ។ ក្រោយពេលផ្តាច់ដោះ ខ្ញុំសង្កេតឃើញថា កូនខ្ញុំឧស្សាហ៍រលាកបំពង់ក (២ ទៅ៣ខែរលាកម្តង) ហើយដាក់ថ្នាំត្រជាក់មិនអន់ក្តៅសោះ។ តើមកពីអ្វីទៅ? តើមានថ្នាំ ឬវិធីសាស្រ្តអ្វីដើម្បីជួយនៅពេលដាក់ថ្នាំអត់ត្រជាក់បែបនេះ? ម៉្យាងទៀតពេលកូនខ្ញុំដេកនៅពេទ្យគឺ ត្រជាក់ តែពេលយកថ្នាំមកបញ្ច្រកនៅផ្ទះ បែរជាមិនងាយត្រជាក់សោះ។ តើនេះមកពីអ្វី? មួយវិញទៀត កូនខ្ញុំមិនដែរឈឺអី្វក្រៅពីរលាកបំពង់កនេះទេ ខ្ញុំឆ្ងល់ថា ហេតុអ្វីក៏ក្មេងខ្លះងាយរលាកបំពង់ក ឯក្មេងខ្លះទៀតមិនងាយកើតទៅវិញ? ចម្លើយ ៖  ជាទូទៅ បញ្ហារលាកបំពង់ក ដែលកើតលើកុមារអាចបង្កពីកត្តាពីរយ៉ាង៖ ទីមួយ កុមារអាចកើតមិនគ្រប់ខែ ជាមូលហេតុធ្វើឲ្យប្រព័ន្ធភាពស៊ាំនៃរាងកាយមានសភាពខ្សោយដែលធ្វើឲ្យងាយមានបញ្ហារលាកបំពង់ក ម្យ៉ាងទៀតបរិយាកាស នៅជុំវិញអាចជាផ្សែងបារី ខ្យល់អាកាសមិនអំណោយផល គ្មានអនាម័យ ការប៉ះពាល់តាមរយៈថើបពីអ្នកមានជំងឺ ឬកុមាររស់នៅចំណោមមនុស្សច្រើនក្នុងទីតាំងតូចចង្អៀត ក៏ជាកត្តាប្រឈមធ្វើឲ្យកុមារទទួលរងបញ្ហារលាកបំពង់កផងដែរ។ ចំណែកបញ្ហាដែលការព្យាបាលនៅផ្ទះមិនធូរ អាចបណ្តាលមកពីការខ្វះការថែទាំ ការរករោគវិនិច្ឆ័យជាវីរុស ឬបាក់តេរីដូចក្នុងមន្ទីរពេទ្យ ដោយនៅមន្ទីរពេទ្យអ្នកអាចទទួលបានការណែនាំច្រើនពីវេជ្ជបណ្ឌិតក្នុងការថែទាំការរករោគវិនិច្ឆ័យកុមារអំឡុងពេលឈឺ ដូច្នេះអ្នកជាអាណាព្យាបាលគួរតែយកកូនទៅពិគ្រោះជាមួយគ្រូពេទ្យជំនាញផែ្នកកុមារ ដើម្បីទទួលរករោគវិនិច្ឆ័យ ការព្យាបាល និងផ្តល់ដំបូន្មាន។ ការប្រើថ្នាំលើកុមារត្រូវមានកម្រិតដូសត្រឹមត្រូវ ដូច្នេះមានតែគ្រូពេទ្យជំនាញទេដែលដឹងចំនួនដងដែលប្រើ។ មាតាបិតាគួរតែមានទែម៉ូម៉ែត្រនៅផ្ទះងាយស្រួលតាមដានកម្តៅកូនរបស់ខ្លួន។ បកស្រាយដោយ ៖ វេជ្ជបណ្ឌិត លនទ្រីយ៍ ប៉ាទ្រិច ឯកទេសជំងឺកុមារ អនុប្រធានមន្ទីរពេទ្យខេត្តកំពង់ចាម និងទទួលបន្ទុកផ្នែកកុមារ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ការចិញ្ចឹមកូន ការចិញ្ចឹមកូន
ចែករំលែក
  • Mar 26, 2018 |
  • 6 ឆ្នាំមុន |
  • 3.3K មើល

តើ​រលាកថ្លើមប្រភេទB​ អាចនឹងប៉ះពាល់ដល់ផ្ទៃពោះដែរឬទេ?

សំណួរ ៖ នាងខ្ញុំអាយុ២៧ឆ្នាំ កម្ពស់១ម៉ែត្រ៥៥ ទម្ងន់៥២គីឡូក្រាម ជាស្ត្រីមេផ្ទះ។ ខ្ញុំមានប្រវត្តិជំងឺរលាកថ្លើមប្រភេទB ហើយក៏បានទទួលការព្យាបាលជាសះស្បើយរួចហើយដែរ។ ប៉ុន្តែ ខ្ញុំឆ្ងល់ថា តើវាអាចនឹងមានផលប៉ះពាល់សម្រាប់ខ្ញុំអំឡុងពេលមានផ្ទៃពោះដែរឬទេ? បើមាន តើខ្ញុំគួរធ្វើដូចម្តេច? ចម្លើយ ៖ ជំងឺរលាកថ្លើម គឺជាការរលាកនៃសរីរាង្គថ្លើម។ ចំពោះជំងឺរលាកថ្លើមប្រភេទ B ជាការចម្លងនៃមេរោគរលាកថ្លើម B ទៅកាន់សរីរាង្គថ្លើម។ នៅពេលបុគ្គលម្នាក់បានឆ្លងវីរុសជំងឺរលាកថ្លើមប្រភេទB វាអាចសម្ងំនៅក្នុងរាងកាយរបស់មនុស្សពេញមួយជីវិត ហើយបង្កជាបញ្ហាថ្លើមរ៉ាំរ៉ៃ។ ការចម្លងនៃរលាកថ្លើមប្រភេទ B មិនបង្កជាបញ្ហាដល់អ្នកឬកូនក្នុងផ្ទៃនៅពេលពពោះនោះទេ តែវាអាចរាលដាលដល់ទារកអំឡុងពេលសម្រាលតាមបែបធម្មជាតិ ឬការវះកាត់។ គ្រប់ស្រ្តីមានផ្ទៃពោះទាំងអស់គួរធ្វើតេស្តរកមេរោគរលាកថ្លើមប្រភេទ B អំឡុងពេលត្រីមាសទីមួយ។ ប្រសិនបើលទ្ធផលនៃការធ្វើតេស្តរកឃើញពីភាពវិជ្ជមាននៃមេរោគរលាកថ្លើម B នោះទារកដែលកើតមកនឹងត្រូវបានចាក់ថ្នាំភ្លាមៗនៅក្នុងបន្ទប់សម្រាល។ ម៉្យាងទៀត នៅរាល់មុនពេលសម្រេចចិត្តក្នុងការពពោះ អ្នកគួរតែពិគ្រោះជាមួយអ្នកជំនាញជាមុនសិន។ បកស្រាយដោយ ៖ វេជ្ជបណ្ឌិត Anna Roslyakova ឯកទេសផ្នែកសម្ភព និងរោគស្រ្តីនៃ Anna Women and Baby’s Centre ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ត្រចៀក ច្រមុះ បំពង់ក មាតា និងទារក
ចែករំលែក
  • Mar 23, 2018 |
  • 6 ឆ្នាំមុន |
  • 3.9K មើល

អ្នកជំងឺលើសសម្ពាធឈាម​ គួរហាត់ប្រាណបែបណា ទើបល្អប្រសើរ?

សំណួរ ៖ ខ្ញុំបាទអាយុ៦៥ឆ្នាំ កម្ពស់១ម៉ែត្រ៦៤ ទម្ងន់៦៨គីឡូក្រាម រស់នៅខេត្តកំពង់ស្ពឺ។ ខ្ញុំបាទមានជំងឺលើសឈាមប្រហែល២ខែមកហើយ ហើយគ្រូពេទ្យបានប្រាប់ឲ្យខ្ញុំធ្វើលំហាត់ប្រាណរាល់ថ្ងៃ។ ខ្ញុំបានធ្វើតាមការណែនាំរបស់គ្រូពេទ្យ ដោយដើរនៅសួនច្បារ ៣០នាទីជារៀងរាល់ព្រឹក។ តែកាលពីអាទិត្យមុននេះ ខ្ញុំបានទៅជួបវេជ្ជបណ្ឌិតម្នាក់ទៀត ដោយសារជង្គង់ខ្ញុំចេះតែឈឺ។ គាត់បានប្រាប់ខ្ញុំថា ខ្ញុំមានបញ្ហាពុកឆ្អឹង ព្រមទាំងប្រាប់ខ្ញុំកុំលើកអ្វីធ្ងន់ និងកុំសូវដើរច្រើនពេក។ តើខ្ញុំត្រូវហាត់ប្រាណយ៉ាងម៉េចវិញទៅ? តើបញ្ហាពុកឆ្អឹងរបស់ខ្ញុំនេះ អាចប៉ះពាល់ដល់ជំងឺលើសសម្ពាធឈាមរបស់ខ្ញុំដែរឬទេ? ចម្លើយ ៖ ឆ្លើយតបចំពោះសំណួរខាងលើ លោកអ៊ំ គួរធ្វើលំហាត់ប្រាណសាមញ្ញៗ ដូចជា ការដើរ ឬហែលទឹកជាដើម ដោយមិនចាំបាច់ហាត់ខ្លាំងក្លាពេកនោះទេ គ្រាន់តែធ្វើយ៉ាងណាឲ្យបានបញ្ចេញញើសមកក្រៅប៉ុណ្ណោះ។ សូមបញ្ជាក់លោកអ៊ំថា បញ្ហាពុកឆ្អឹង មិនមានផលប៉ះពាល់ដល់ជំងឺលើសឈាមរបស់លោកអ៊ំទេ គ្រាន់តែ ករណីខ្លះអាចមានផលវិបាកពីការប្រើប្រាស់ថ្នាំ ដូចនេះលោកអ៊ំត្រូវគោរពតាមវេជ្ជបញ្ជា និងជួបគ្រូពេទ្យប្រសិនបើមានរោគសញ្ញាខុសធម្មតាណាមួយកើតឡើង។ បកស្រាយដោយ ៖ សាស្ត្រាចារ្យ វេជ្ជបណ្ឌិត  សុខ ជួរ ប្រធានផ្នែកជំងឺបេះដូងនៃមន្ទីរពេទ្យកាល់ម៉ែត និងជាប្រធានសមាគមជំងឺបេះដូងកម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក លំហាត់​ប្រាណ ត្រចៀក ច្រមុះ បំពង់ក បេះដូង និងសរសៃឈាម
ចែករំលែក
  • Mar 19, 2018 |
  • 6 ឆ្នាំមុន |
  • 3.9K មើល

មានវិធីបែបណាខ្លះ ដើម្បីបញ្ឈប់ស្រមុក?

សំណួរ ៖ ឪពុករបស់ខ្ញុំអាយុ ៤៣ឆ្នាំ កម្ពស់១,៦៧ម៉ែត្រ ទម្ងន់ ៧៤គីឡូក្រាម ជាអ្នកបើកបរ។  គាត់មានបញ្ហាគេងស្រមុក និងពេលខ្លះមានបាត់ដង្ហើមម្តងម្កាលដែលធ្វើឲ្យភ្ញាក់កន្ត្រាក់ផងដែរ។  គាត់ពុំមានប្រវត្តិជំងឺប្រចាំកាយឡើយ ក៏ប៉ុន្តែគាត់ធ្លាប់មានអារម្មណ៍ថាពិបាកដកដង្ហើមនៅពេលខ្លះ។ គាត់ពិសាស្រាញឹកញាប់ និងមិនសូវមានទម្លាប់ហាត់ប្រាណឡើយ។ តើបញ្ហានេះធ្ងន់ធ្ងរឬទេ?  តើគួរដោះស្រាយយ៉ាងដូចម្តេច? ចម្លើយ ៖  បញ្ហាស្រមុក គឺជាសំឡេងដែលកើតឡើងនៅនឹងផ្លូវដង្ហើមរបស់យើង ត្រង់ផ្នែកបំពង់ក។ ជាទូទៅ បំពង់កត្រូវបានបែងចែកជា៣ផ្នែក៖ ផ្នែកខាងលើ (Rhinopharynx) ផ្នែកកណ្តាល (Oropharynx) និងផ្នែកខាងក្រោម (Hypopharynx)។ ផ្នែកដែលធ្វើឲ្យមានសំឡេងស្រមុកនោះ គឺផ្នែកកណ្តាល (Oropharynx)។ ជាធម្មតា នៅពេលដកដង្ហើមចូល ខ្យល់ត្រូវបានធ្វើដំណើរឆ្លងកាត់បំពង់ក បើកាលណាសាច់ដុំរួមតូច នាំឲ្យវាត្បៀត។ ដើម្បីដោះស្រាយបញ្ហានេះបាន ត្រូវបែងចែកជា២ករណី៖  •ស្រមុកមិនមានស្ទះដង្ហើម មិនមានបញ្ហាអ្វីនោះទេ អ្នកជំងឺគ្រាន់តែបំបាត់មូលហេតុមួយចំនួន ដែលអាចបង្កឲ្យស្រមុក ដូចជាឈប់ញ៉ាំស្រា ព្រោះវាធ្វើឲ្យបំពង់ករីក ឈប់ជក់បារី ម៉្យាង គួរធ្វើលំហាត់ប្រាណដើម្បីសម្រកទម្ងន់ និងចៀសវាងប្រើថ្នាំងងុយគេង។ ម៉្យាងទៀត កាលណាអាយុកាន់តែច្រើន សាច់បំពង់កក៏ឡើងនៅពេលគេងផ្ងារ នោះសាច់គល់អណ្តាតនឹងទៅបិទលើបំពង់ក ដូចនេះ អ្នកជំងឺអាចប្តូរទម្រង់នៃការគេងមកគេងចំហៀងវិញ។  •គេងស្រមុក ហើយមានដាច់ដង្ហើម អ្នកជំងឺអាចតម្រូវឲ្យវាស់ដោយអុកស៊ីមេទ្រី(Oximetry)ដែលអាចវាស់ដោយខ្លួនឯងនៅផ្ទះ ឬប្រើ Poly-sonography ដែលវាស់នៅក្នុងមន្ទីរពេទ្យ ដើម្បីវិនិច្ឆ័យពីភាពគ្រោះថ្នាក់នេះបាន។ បកស្រាយដោយ ៖ សាស្ត្រាចារ្យវេជ្ជបណ្ឌិត ប្រាក់ ស៊ីថា ឯកទេសត្រចៀក ច្រមុះ បំពង់ក ជាប្រធានផ្នែក និងជាសាស្ត្រាចារ្យជំនួយផ្នែកត្រចៀក-ច្រមុះ-បំពង់ក នៃមន្ទីរពេទ្យព្រះអង្គឌួង ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ផ្លូវដង្ហើម និងសួត
ចែករំលែក
  • Mar 19, 2018 |
  • 6 ឆ្នាំមុន |
  • 3.4K មើល

ជំងឺបាយភ្នែកអាចកើតមានលើកុមារដែរឬទេ?

សំណួរ ៖ ក្មួយស្រីរបស់ខ្ញុំមានអាយុ ៨ឆ្នាំ កម្ពស់ ១ម៉ែត្រ ទម្ងន់ ៣៨គីឡូក្រាម សព្វថ្ងៃជាសិស្ស។ នាងមានជំងឺភ្នែកឡើងបាយ អស់រយៈពេល ១ឆ្នាំ ហើយមិនធ្លាប់ទទួលបានការព្យាបាលនោះទេ។ ខ្ញុំចង់សួរលោកវេជ្ជបណ្ឌិតថា តើចំពោះបញ្ហារបស់ក្មួយខ្ញុំ គួរតែធ្វើរបៀបណា? ចម្លើយ ៖ ចំពោះការព្យាបាលសម្រាប់អ្នកជំងឺមានជំងឺបាយភ្នែកគឺអាស្រ័យតាមលក្ខខណ្ឌរបស់អ្នកជំងឺក្នុងការបក ដូចជា កម្រិតភាពខ្សោយនៃគំហើញរបស់ក្មេង និងលទ្ធភាពនៃភាពភ្លឺច្បាស់វិញរបស់ភ្នែកដោយការពាក់វ៉ែនតា តែក្នុងករណីខ្លះ អ្នកជំងឺអាចនឹងតម្រូវឲ្យទទួលការវះកាត់បកបាយនោះចេញតែម្តង ព្រោះករណីបាយភ្នែកអាចមានទំនាក់ទំនងនឹងការបង្កទៅជាជំងឺភ្នែកខ្ជិលចំពោះក្មេងបាន ពោលគឺភ្នែកសុខភាពល្អ តែមិនធ្វើការ ឬមើលមិនសូវឃើញ បើពុំមានការព្យាបាលទាន់ពេលវេលា។ ក្នុងករណីនេះ ការព្យាបាលអាចទទួលបានលទ្ធផលល្អ ប្រសិនបើអ្នកជំងឺទទួលយកការព្យាបាលក្នុងដំណាក់កាលនេះ។ ទោះយ៉ាងណា ក្រោយពីការវះកាត់ អ្នកជំងឺចាំបាច់បំផុតត្រូវតាមដានសុខភាពភ្នែក និងគំហើញឲ្យបានជាប់លាប់ជាមួយវេជ្ជបណ្ឌិត ដើម្បីប្រាកដថាភ្នែករបស់ក្មេងមិនវិវឌ្ឍទៅជាជំងឺភ្នែកខ្ជិល ដោយក្នុងនោះផងដែរ អ្នកជំងឺអាចនឹងត្រូវណែនាំឲ្យប្រើប្រាស់វ៉ែនតាជំនួយគំហើញបន្ថែម។  បកស្រាយដោយ ៖ លោកវេជ្ជបណ្ឌិត អ៊ុក សុខហៀន វេជ្ជបណ្ឌិតឯកទេស ព្រមទាំងជាវេជ្ជបណ្ឌិតព្យាបាល និងវះកាត់ផ្នែកចក្ខុរោគនៅមន្ទីរពេទ្យព្រះអង្គឌួង ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក ការចិញ្ចឹមកូន ភ្នែក
ចែករំលែក
  • Mar 15, 2018 |
  • 6 ឆ្នាំមុន |
  • 6.6K មើល

តើការថើប និងជញ្ជក់មាត់គ្នាពិតជាអាចបង្កបញ្ហានេះមែនឬ?

សំណួរ ៖ ខ្ញុំបាទអាយុ ២៥ឆ្នាំ រស់នៅទីក្រុងតាខ្មៅ។ ខ្ញុំបាទធ្លាប់ឮគេនិយាយថា ការថើប និងជញ្ជក់មាត់គ្នាអាចធ្វើឲ្យឆ្លងបាក់តេរី ដែលបណ្តាលឲ្យកើតជំងឺរលាកអញ្ចាញធ្មេញ។ តើវាជាការពិតមែនទេ? ចម្លើយ ៖ ជាទូទៅ ការរលាកអញ្ចាញធ្មេញ មិនមែនបណ្តាលមកពីបាក់តេរីទាំងស្រុងឡើយ បើទោះជាបាក់តេរីអាចឆ្លងចូលតាមរយៈការថើបជញ្ជក់មាត់ ក៏ប៉ុន្តែក្រោយពីការសម្អាតធ្មេញបានត្រឹមត្រូវ នោះបាក់តេរីអាចត្រូវបានជម្រុះចេញមុនពេលវាអាចបង្កឲ្យមានការរលាក (បាក់តេរីត្រូវការរយៈពេលកំណត់មួយក្នុងការបង្ករោគ)។ ដោយឡែក ចំពោះមូលហេតុនៃការរលាកអញ្ចាញធ្មេញ គឺអាចបណ្តាលមកពី បាក់តេរី កាកសំណល់អាហារ និងសម្អេកធ្មេញដែលក្លាយជាជាតិកំបោរ (Calculus) សម្ងំនៅក្នុងអញ្ចាញធ្មេញ (Gingiva Pockets)។ បកស្រាយដោយ ៖ សាស្ត្រាចារ្យ យិន ស៊ីថន នាយកមន្ទីរព្យាបាលធ្មេញ ប្រាយស្មាល និងជាប្រធានគ្រប់គ្រងគ្លីនិកទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក សុខភាព​​ មាត់-ធ្មេញ
ចែករំលែក
  • Mar 12, 2018 |
  • 6 ឆ្នាំមុន |
  • 4.2K មើល

គួរផ្អាកការងារនៅពេលណា ទើបល្អចំពោះគភ៌?

សំណួរ ៖ នាងខ្ញុំ រស់នៅចោមចៅ។ នាងខ្ញុំសូមជម្រាបសួរអ្នកគ្រូពេទ្យថា ចំពោះស្រ្តីមានផ្ទៃពោះ តើអាចបន្តធ្វើការរហូតដល់ពេលណា? ការងារកម្រិតស្រាល ឬធ្ងន់? ចម្លើយ ៖ ចំពោះស្រ្តីមានផ្ទៃពោះគឺទាក់ទងនឹងការងារជាប្រចាំរបស់គាត់។ យើងត្រូវដឹងថាតើការងារប្រចាំថ្ងៃរបស់គាត់មានអ្វីខ្លះ? ប្រសិនបើការងារប្រចាំថ្ងៃរបស់គាត់ស្ថិតក្នុងលក្ខខណ្ឌធម្មតានោះ គាត់អាចធ្វើបានរហូតទៅដល់កន្លះខែ ឬមួយខែមុនពេលសម្រាល។ បើនៅប្រទេសគេ គេអនុញ្ញាតឲ្យសម្រាកប្រាំមួយសប្តាហ៍មុនសម្រាល និងដប់សប្តាហ៍ក្រោយពេលសម្រាល ដែលសរុបទាំងអស់ គឺដប់ប្រាំមួយសប្តាហ៍។ ប៉ុន្តែតាមច្បាប់នៅក្នុងប្រទេសយើងវិញ ការសម្រាកមាតុភាពគឺមានរយៈពេលតែបីខែប៉ុណ្ណោះ ដោយគិតទាំងមុន និងក្រោយពេលសម្រាល។ ដូច្នេះយើងអាចលៃលកពេលវេលាសម្រាករបស់យើងតាមការគួររៀងៗខ្លួន ប៉ុន្តែគាត់ត្រូវសម្រាកយ៉ាងតិចបំផុតក៏មួយសប្តាហ៍មុនពេលសម្រាលដែរ។  យើងក៏ត្រូវដឹងដែរថា ក្នុងករណីដែលលក្ខខណ្ឌការងារមិនល្អ វាអាចធ្វើឲ្យទារកក្នុងផ្ទៃកើតមិនគ្រប់ខែបាន (ដូចជាធ្វើការធ្ងន់ហួសកម្លាំង ធ្វើដំណើរយូរផ្លូវឆ្ងាយ និងហត់ខ្លាំង) ឧទាហរណ៍ដូចជា ឈរធ្វើការយូរពេកលើសពី ៤ម៉ោងក្នុងមួយថ្ងៃ ទម្រង់នៃការធ្វើការងារពិបាកដោយដៃនៅក្នុងលំហ ឬលុតជង្គង់យូរ ធ្វើការជាចង្វាក់ជាមួយម៉ាស៊ីន ធ្វើការជាមួយម៉ាស៊ីនដោយប្រើកម្លាំង និងនៅកន្លែងដែលមានរំញ័រខ្លាំង ការលើកទម្ងន់ធ្ងន់ហួសពី ១០គីឡូក្រាម ចប់ការងារមួយចូលការងារមួយទៀតភ្លាមដោយមិនបានសម្រាក។ និយាយរួមគ្រប់ការងារដែលពិបាក ហត់ហួសកម្លាំង ឬក៏ធ្វើដំណើរយូរសុទ្ធតែប៉ះពាល់ដល់សុខភាពទារកក្នុងផ្ទៃ។ ចំណុចមួយទៀតគឺទាក់ទងនឹងបរិស្ថានជុំវិញកន្លែងធ្វើការ ដូចជាសម្លេងខ្លាំងជាប់រហូត សីតុណ្ហភាពត្រជាក់ អាកាសធាតុស្ងួត ឬសើមខុសពីធម្មតា អាកាសធាតុអាប់អួរ និងមានជាតិពុល។ ដូច្នេះពេលមានផ្ទៃពោះ បើជួបប្រទះនឹងការងារដូចបានរៀបរាប់ខាងលើ គប្បីសុំផ្លាស់ប្តូរការងារទៅកន្លែងផ្សេងដែលមិនប៉ះពាល់ដើម្បីចៀសវាងផលមិនល្អដល់គភ៌។ ដោយឡែកបើសិនសុខភាពម្តាយ ឬទារកក្នុងផ្ទៃមិនល្អនោះ ទោះបីជាលក្ខខណ្ឌការងារប្រសើរយ៉ាងណាក៏នៅតែអាចមានបញ្ហាកើតឡើងចំពោះគាត់ដែរ។  ដូច្នេះ ស្រ្តីមានផ្ទៃពោះគួរតែមកជួបគ្រូពេទ្យជំនាញ ដើម្បីពិនិត្យសុខភាពម្តាយ និងទារកឲ្យបានទៀងទាត់។ ក្នុងករណីដែលគ្រូពេទ្យរកឃើញថាមានបញ្ហាដែលទាក់ទងទៅនឹងសុខភាពមាតា ឬទារកនោះគ្រូពេទ្យនឹងអនុញ្ញាតច្បាប់ទៅតាមភាពជាក់ស្តែង។  បកស្រាយដោយ ៖ អ្នកស្រីវេជ្ជបណ្ឌិត គី ស៊ីវ៉ាន់ថា នាយអគាររោគស្រ្តី និងសម្ភព នៅមន្ទីរពេទ្យព្រះកុសុមៈ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក មាតា និងទារក
ចែករំលែក
Top