Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Jun 22, 2018 |
  • 6 ឆ្នាំមុន |
  • 4.2K មើល

បានផ្សងបំណងប្រាថ្នា ហើយបានស្គាល់ពីវប្បធម៌កម្ពុជា-ជប៉ុនទៀត!

កម្មវិធីប្រចាំឆ្នាំមួយដែលមានឈ្មោះថា «ពិធីបុណ្យផ្កាយ ឬតាណាបាតា» ដែលរៀបចំឡើងដោយមជ្ឈមណ្ឌលសហប្រតិបត្តិការកម្ពុជា-ជប៉ុន ហៅកាត់ថា CJCC បានត្រឡប់មកវិញហើយ!!! ក្រោមការចូលរួមសហការជាមួយស្ថានទូតជប៉ុនប្រចាំនៅព្រះរាជាណាចក្រកម្ពុជា និងមជ្ឈមណ្ឌលអាស៊ីនៃមូលនិធិជប៉ុន រួមទាំងការឧបត្ថម្ភធំពីក្រុមហ៊ុនជាច្រើន ពិធីបុណ្យផ្កាយឆ្នាំនេះ នឹងប្រព្រឹត្តនៅថ្ងៃទី៥ និងទី៦ ខែកក្កដា នេះ ពីម៉ោង៨ព្រឹក ដល់ម៉ោង៨យប់ ដែលនឹងនាំមកនូវកម្មវិធីសប្បាយជាច្រើន ដើម្បីឲ្យសាធារណជនបានស្គាល់ ក៏ដូចជាយល់ដឹងពីវប្បធម៌ខ្មែរនិងជប៉ុន ឲ្យកាន់តែសម្បូរបែបជាងមុន។ គួរបញ្ជាក់ផងដែរថា «ពិធីបុណ្យផ្កាយ ឬតាណាបាតា» នេះ ជាបុណ្យប្រពៃណីជប៉ុន ដែលមានកម្មវិធីពិសេសមួយជារៀងរាល់ឆ្នាំ គឺការសរសេរនូវបំណងប្រាថ្នារបស់ខ្លួន ឬមនុស្សជាទីស្រលាញ់ ហើយចងនៅលើដើមឫស្សី ដែលគ្រប់គ្នាសុទ្ធតែអាចចូលរួមបាន។ ក្រៅពីនេះ ក៏នឹងមានកម្មវិធីកម្សាន្តសប្បាយទាំងសិល្បៈចម្រៀង ភាពយន្ត ការតុបតែងខ្លួនតាមវប្បធម៌នៃប្រទេសទាំងពីរជាច្រើនទៀត ដែលក្នុងនោះរួមមានដូចជា ការចាក់បញ្ចាំងខ្សែភាពយន្តគំនូរជីវចលជប៉ុន ការប្រឡងចម្រៀងណូដូជីម៉ាន់លើកទី៩ ការប្រគំតន្រ្តីបុរាណជប៉ុន ក៏ដូចជាការស្លៀកសម្លៀកបំពាក់បុរាណខ្មែរសម័យលង្វែក ការស្លៀកសម្លៀកបំពាក់ជប៉ុន យូកាតា ការសាកល្បងចម្អិននំជប៉ុន និងការបណ្តែតប្រទីបពេលរាត្រីផងដែរ… ចូលរួមពិធីបុណ្យផ្កាយទាំងអស់គ្នា ដើម្បីកម្សាន្តសប្បាយ និងស្វែងយល់ពីវប្បធម៌របស់ប្រទេសទាំងពីរ!!! កាលបរិច្ឆេទ ៖ ថ្ងៃទី៥-៦ កក្កដា ២០១៨ ពេលវេលា ៖ ៨:០០ព្រឹក ដល់ ៨:០០យប់ ទីកន្លែង ៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) សម្រាប់ព័ត៌មានបន្ថែម ៖ ពិធីបុណ្យផ្កាយ Tanabata Festival 2018 ឬ តាមរយៈគេហទំព័រផ្លូវការរបស់ CJCC ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • May 08, 2018 |
  • 6 ឆ្នាំមុន |
  • 3.9K មើល

ចូលរួមសិក្ខាសាលា"សុខភាពភ្នែកល្អ ជីវិតស្រស់ថ្លា" និងទទួលបានការពិនិត្យភ្នែកដោយឥតគិតថ្លៃ

 ក្រុមហ៊ុន ROHTO-Mentholatum (Cambodia) Co., Ltd នឹងរៀបចំកម្មវិធីសិក្ខាសាលា "សុខភាពភ្នែកល្អ ជីវិតស្រស់ថ្លា" ចូលរួមដោយសេរី និងទទួលបានការពិនិត្យភ្នែកដោយឥតគិតថ្លៃ ពីលោក ចក្ខុបណ្ឌិត ម៉ារ អមរិន្ទ ព្រមទំាងទទួលបានកាដូពីផលិតផល V.Rohto Cool ថែមទៀតផង។ ជួបជាមួយ ពិធីការិនី ឌីជេ ណាណា ជាពិសេសលោកអ្នកនឹងបានជួបជាមួយកំពូលតារាចម្រៀង គឺលោក ព្រាប សុវត្ថិ នៅថ្ងៃទី ១១ ខែឧសភា ឆ្នំា ២០១៨ នៅផ្សារទំនើប AEON ( Lively Plaza ជាន់ផ្ទាល់ដី) ចាប់ពីម៉ោង ១០ព្រឹក ដល់ ម៉ោង ៨ យប់។ សម្រាប់ព័ត៌មានបន្ថែម សូមចូលទៅកាន់ Facebook Page V.Rohto Cambodia ©2018រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Mar 15, 2018 |
  • 6 ឆ្នាំមុន |
  • 3K មើល

យុទ្ធនាការពិនិត្យសុខភាពភ្នែកដល់និស្សិត និងបុគ្គលិកសិក្សានៅUP ដោយHealthogo និងមន្ទីរពេទ្យភ្នែកដុកទ័រ គង់ ពិសិដ្ឋ

កាលពីថ្ងៃទី២៧ ខែកុម្ភៈ ឆ្នាំ២០១៨កន្លងទៅនេះ Healthogo សហការជាមួយនឹងវេជ្ជបណ្ឌិតឯកទេសចក្ខុរោគនៃមន្ទីរពេទ្យភ្នែកដុកទ័រ គង់ ពិសិដ្ឋ ផ្តល់ជូននូវសេវាដ៏ពិសេសសម្រាប់ជូនសិស្សនិសិ្សតព្រមទាំងបុគ្គលិកសិក្សានៃសាកលវិទ្យាល័យពុទ្ធិសាស្រ្ត (UP) ក្រោមការឧបត្ថម្ភពីផលិតផលSunlife ដោយមានការគាំទ្រ និងចូលរួមយ៉ាងច្រើនកុះករ។ នេះបានសរបញ្ជាក់ឲ្យឃើញអំពីការយកចិត្តទុកដាក់ចំពោះសុខភាពភ្នែកនៃអ្នកចូលរួម ក៏ដូចជាការរួមចំណែកដ៏សំខាន់មួយក្នុងការលើកកម្ពស់សុខភាពភ្នែកដល់ប្រជាជាតិយើង ជាពិសេសគឺសិស្សនិស្សិតផ្ទាល់តែម្តង។       ក្នុងចំណោមអ្នកដែលបានចូលរួមទាំងអស់ យើងក៏ធ្វើសាកសួរអំពីចំណាប់អារម្មណ៍របស់អ្នកចូលរួមចំនួន៣រូប។ Sing Sereybot ជានិស្សិតឆ្នាំទី៦ ផ្នែកវេជ្ជសាស្រ្ត បានបញ្ចេញនូវមតិយោបល់ថា «ខ្ញុំពេញចិត្តនឹងការផ្តល់ជូននូវការវាស់ និងពិនិត្យសុខភាពផ្នែកនេះណាស់ ហើយវាពិតជាល្អប្រសើរណាស់សម្រាប់ខ្លួនខ្ញុំផ្ទាល់ រួមទាំងនិស្សិត  ព្រមទាំងបុគ្គលិកសិក្សាដទៃទៀត»។ រីឯ Sea Vanda ដែលជានិស្សិតឆ្នាំទី៣ ផ្នែកវេជ្ជសាស្រ្ត ក៏បានឲ្យដឹងផងដែរថា «ខ្ញុំក៏មានការពេញចិត្ត និងអំណរគុណសម្រាប់ការផ្តល់ជូននូវសេវាដ៏ល្អ និងមានគុណប្រយោជន៍មួយនេះផងដែរ ហើយក៏សំណូមពរឲ្យមានការរៀបចំបែបនេះនៅលើកក្រោយទៀតផងដែរ»។ ជាចុងក្រោយ Voeum Sovath និស្សិតផ្នែកឱសថសាស្រ្ត ឆ្នាំទី១ ក៏មានមតិយោបល់ស្រដៀងគ្នាដែរថា ខ្លួនពិតជាពេញចិត្តនូវរាល់គ្រប់សកម្មភាពទាំងអស់ ហើយជាពិសេសនោះ គឺសេវាផ្តល់ជូនរបស់វេជ្ជបណ្ឌិតឯកទេស ក៏ដូចជាគ្លីនិកផ្ទាល់ គឺពិតជាល្អ និងគួរជាទីគាប់ចិត្តខ្លាំងណាស់។      គួរបញ្ជាក់ផងដែរថា Healthogo ក៏ធ្លាប់បានរៀបចំនូវយុទ្ធនាការពិនិត្យភ្នែក និងវាស់វ៉ែនតាដោយឥតគិតថ្លៃ ជូនដល់អ្នកដែលបានចូលរួមក្នុងកម្មវិធីបារខែមអាស៊ានកាលពីខែតុលាកន្លងទៅនេះ ក្រោមកិច្ចសហការជាមួយនឹងវេជ្ជបណ្ឌិតឯកទេសចក្ខុរោគនៃ គ្លីនិកភ្នែក អមរិន្ទ-ម៉ុងឌីយ៉ាល់ ផ្តល់ជូននូវសេវាដូចជា៖ វាស់គំហើញ និងវ៉ែនតា ពិនិត្យភ្នែក ប្រឹក្សាយោបល់បន្ថែមផងដែរ។ ចំណែកនៅឯសាលាតិចណូ (ITC) Healthogo ក៏បានធ្វើការសហការជាមួយនឹង គ្លីនិកឯកទេស អេគីប ក្នុងការរៀបចំនូវយុទ្ធនាការពិនិត្យជាតិស្ករក្នុងឈាម និងវាស់សម្ពាធឈាម ព្រមទាំងពិគ្រោះសុខភាពក្រពះ-ពោះវៀន-ថ្លើម និង ឫសដូងបាតដោយឥតគិតថ្លៃជូនដល់អ្នកដែលបានចូលរួមកម្មវិធីDigiteKHដែលត្រូវបានរៀបចំឡើងដោយក្រុមហ៊ុនSabay កាលពីដើមខែធ្នូផងដែរ។  ក្រៅពីនេះផងដែរ ជារៀងរាល់ខែ Healthogo ក៏មាននូវយុទ្ធនាការពិនិត្យសុខភាពផ្នែកផ្សេងៗដោយឥតគិតថ្លៃជូនដល់សិស្សនិស្សិតនៅតាមបណ្តាសាកលវិទ្យាល័យនៅរាជធានីភ្នំពេញផងដែរ ក្នុងនោះរួមមាន ការវាស់ និងពិនិត្យភ្នែកនៅសាកលវិទ្យាល័យភូមិន្ទភ្នំពេញ កាលពីថ្ងៃទី១៣ ខែមករា ឆ្នាំ២០១៨ ក្នុងកម្មវិធីសប្បុរសធម៌ ក្រោមកិច្ចសហការជាមួយនឹងមន្ទីរពេទ្យភ្នែក ដុកទ័រ គង់ ពិសិដ្ឋ ការពិនិត្យ និងពិគ្រោះសុខភាពផ្លូវចិត្តនៅសាកលវិទ្យាល័យភូមិន្ទវិចិត្រសិល្បៈដោយសហការជាមួយនឹងមន្ទីរសម្រាកព្យាបាលផ្លូវចិត្ត សាន់រ៉ាយ ការពិគ្រោះ និងពិនិត្យស្បែកមុខសហការជាមួយនឹងគ្លីនិកស្បែកប៊ីស៊ីនៅមជ្ឈមណ្ឌលសហប្រតិបត្តិការកម្ពុជា-ជប៉ុនក្នុងមហោស្រពគីហ្សូណាជប៉ុន-កម្ពុជា។ Healthogo ក៏សូមសន្យាថានឹងរៀបចំនូវយុទ្ធនាការដ៏មានគុណប្រយោជន៍ជាច្រើនទៀតតាមរយៈការសហការជាមួយនឹងគ្លីនិកជាដៃគូជាបន្តបន្ទាប់ ដើម្បីជាចំណែកមួយនៃការលើកកម្ពស់សុខុមាលភាពរបស់ប្រជាជាតិយើង តាមរយៈយុទ្ធនាការនៅតាមសាកលវិទ្យាល័យ និងវិទ្យាល័យនានានៅកម្ពុជា ព្រមទាំងការចូលរួមក្នុងកម្មវិធីពិព័រណ៍ និងសិក្ខាសាលាផ្សេងៗផងដែរ។ សម្រាប់ឱកាសពិសេសផ្សេងៗទៀត សូមធ្វើការតាមដាននៅលើទំព័រហ្វេសប៊ុករបស់ Healthogo… ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Mar 14, 2018 |
  • 6 ឆ្នាំមុន |
  • 3.6K មើល

សិក្ខាសាលាស្តីពី “ការជឿជាក់លើសុខភាពភ្នែកភ្លឺថ្លារបស់អ្នក”

កាលពីថ្ងៃទី 03 និង 04 មីនា កន្លងទៅនេះ ក្រុមហ៊ុន ROHTO-Mentholatum (Cambodia) Co., Ltd បានរៀបចំកម្មវិធីសិក្ខាសាលា  “ការជឿជាក់លើសុខភាពភ្នែកភ្លឺថ្លារបស់អ្នក Believe in your sight” នៅផ្សារទំនើប Aeon Mall។ បើតាមប្រសាសន៍លោកចាប ឆៃ ហ៊ាង ប្រធានគ្រប់គ្រងការិយាល័យភ្នំពេញ បានអោយដឹងថា ក្រុមហ៊ុន ROHTO-Mentholatum (Cambodia) Co., Ltd ដែលជាក្រុមហ៊ុនផលិត និងចែកចាយផលិតផលថ្នាំបន្តក់ភ្នែក New V.Rohto តែងតែយកចិត្តទុកដាក់លើការថែរក្សាសុខភាពភ្នែករបស់ប្រជាពលរដ្ឋ ដោយក្រុមហ៊ុនតែងតែរៀបចំកម្មវិធីសិក្ខាសាលាស្តីពីការថែរក្សាភ្នែកនៅតាម បណ្តាសាកលវិទ្យាល័យនានាទូទាំងទីក្រុងភ្នំពេញ និងតាមបណា្តខេត្តនានា ដើម្បីផ្តល់ជូននូវចំនេះដឹងស្តីពីការថែរក្សាភ្នែក  អោយមានសុខភាពល្អ និងភ្លឺថ្លា។ សម្រាប់ឆ្នាំ2018នេះក្រុមហ៊ុន បាននៅតែបន្តការរៀបចំកម្មវិធីពិសេសៗ ដោយមានការចូលរួមពីសំណាក់ វាគ្មិន ចក្ខុបណ្ឌិត ដែលជាអ្នកឯកទេសជំងឺភ្នែក ដើម្បីបន្ថែមនូវចំណេះដឹង និងបទពិសោធន៍ ដល់ប្រជាពលរដ្ឋដើម្បីឲ្យដឹងកាន់តែច្បាស់ពីរបៀបថែរក្សាភ្នែក វិធីការពារភ្នែក ដើម្បីទទួលបាននូវសុខភាពភ្នែកល្អ ។ ជាផ្លែផ្កា កម្មវិធី  “ការជឿជាក់លើសុខភាពភ្នែកភ្លឺថ្លារបស់អ្នក Believe in your sight” ទទួលបានការចាប់អារម្មណ៍ចូលរួមទទួលយកចំណេះដឹងពីសុខភាពភ្នែក ការពិនិត្យភ្នែកដោយឥតគិតថ្លៃ យ៉ាងច្រើនពីអតិថិជន និងប្រិយមិត្តដែលគាំទ្រកម្មវិធី និងផលិតផល NewV.Rohto។  ក្រុមហ៊ុនមានមោទនភាពយ៉ាងខ្លាំងហើយសន្យាថានឹងនាំមកនូវកម្មវិធីល្អៗដើម្បីជាប្រយោជន៍ជូនដល់ប្រជាពលរដ្ឋទាំងអស់គ្នានៅកម្មវិធីក្រោយៗទៀត។ ©2018រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Mar 05, 2018 |
  • 6 ឆ្នាំមុន |
  • 4.3K មើល

សន្និបាតប្រចាំឆ្នាំលើកទី១នៃសមាគមអន្តោទស្សន៍កោសល្យប្រព័ន្ធរំលាយអាហារកម្ពុជា

កាលពីព្រឹកថ្ងៃទី ៣ មីនា ២០១៨ នៅឯសណ្ឋាគារហ៊ីម៉ាវ៉ារី សន្និបាតប្រចាំឆ្នាំលើកទី១នៃសមាគមអន្តោទស្សន៍កោសល្យប្រព័ន្ធរំលាយអាហារកម្ពុជា ត្រូវបានរៀបចំឡើងដោយនិស្សិត និងវេជ្ជបណ្ឌិតជាសមាជិកនៃសមាគមផ្ទាល់ ដោយមានការចូលរួមជាភ្ញៀវកិត្តិយសពីសំណាក់សាស្ត្រាចារ្យ និងវេជ្ជបណ្ឌិតឯកទេសជាច្រើនរូប ព្រមទាំងការអញ្ជើញចូលរួមពីសំណាក់អ្នកចូលរួមជានិស្សិត និងវេជ្ជបណ្ឌិតឯកទេសសរុបចំនួន១២០នាក់។  នេះជាសមិទ្ធផលដ៏ធំ និងថ្មីមួយនៃសមាគមអន្តោទស្សន៍កោសល្យប្រព័ន្ធរំលាយអាហារកម្ពុជាក្នុងការរៀបចំកម្មវិធីនេះឡើងដោយមានចំនួនអ្នកចូលរួមលើលពីការរំពឹងទុកដល់ទៅជាងពាក់កណ្តាល ស្របពេលជាមួយគ្នាផងដែរ ក៏មានការចូលរួមតាំងបង្ហាញនូវផលិតផល និងសេវាកម្មពីសំណាក់ក្រុមហ៊ុនជាដៃគូសហការប្រមាណជា១៦ ក្រុមហ៊ុន ដែលភាគច្រើនជាក្រុមហ៊ុនឱសថ និងក្រុមហ៊ុននៃផលិតផលអង់ដូស្កុប។ ក្រុមការងារជាអ្នករៀបចំកម្មវិធីក៏បានសម្តែងនូវការថ្លែងអំណរគុណដល់អ្នកគ្រប់គ្នាដែលបានរួមចំណែកក្នុងការធ្វើឲ្យកម្មវិធីនេះដំណើរការបានរលូន និងទទួលបានលទ្ធផលជាផ្លែផ្កាដោយបានសន្យាថានឹងព្យាយាមកែតម្រូវនូវចំណុចខ្វះខាតដែលកើតមាននៅឆ្នាំនេះដើម្បីចៀសវាងកុំឲ្យកើតមានម្តងទៀតនៅឆ្នាំក្រោយៗទៀត... ©2018 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Feb 22, 2018 |
  • 6 ឆ្នាំមុន |
  • 3.2K មើល

សន្និសីទ និង ពិព័រណ៍ទន្តសាស្រ្តនៃសមាគមទន្តពេទ្យកម្ពុជា(CDAMEX) ២០១៨

សមាគមទន្តពេទ្យកម្ពុជាបានផ្តួចផ្តើមរៀបចំកម្មវិធីសន្និសីទ និងពិព័រណ៍ទន្តសាស្រ្ត ជាឱកាសសម្រាប់អ្នកប្រកបវិជ្ជាជីវៈផ្នែកទន្តសាស្រ្ត ក៏ដូចជានិស្សិតបានធ្វើការស្វែងយល់ពីចំណេះដឹង រួមទាំងបញ្ហានានាតែងកើតមានឡើងក្នុងផ្នែកទន្តសាស្រ្តនេះ ដែលកម្មវិធីបានប្រព្រឹត្តទៅនាថ្ងៃទី ១៧ ដល់ ១៨ ខែមករា នៅសណ្ឋាគារ សុខាភ្នំពេញ។ កម្មវិធីមានការចូលរួមយ៉ាងខ្ពង់ខ្ពស់ពីសំណាក់ឯកឧត្តមសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល រួមទាំងសាស្រ្តាចារ្យ ទន្តពេទ្យ និងសិស្សានុសិស្សជាច្រើន។ ក្នុងរយៈពេលពីរថ្ងៃពេញ អ្នកចូលរួមទាំងអស់បានធ្វើការស្វែងយល់ពីជំនាញឯកទេស របកគំហើញថ្មីៗទាក់ទងនឹងទន្តសាស្រ្ត ក៏ដូចជាបញ្ហានានារួមមានរោគពុកធ្មេញដែលកំពុងតែកើតមានឡើងក្នុងសង្គមបច្ចុប្បន្នជាដើម។  គួរបញ្ជាក់ថា ការបង្ហាញត្រូវបានរៀបចំ និងបង្ហាត់ពីសំណាក់ទន្តពេទ្យ រួមទាំងអ្នកជំនាញពីបណ្តាស្ថាប័ននានា។ បន្ថែមពីលើសន្និសីទ កម្មវិធីក៏មានការរៀបចំជាការតាំងពិព័រណ៍ ដែលទទួលបានការចូលរួមពីក្រុមហ៊ុនសេវាកម្ម និងផ្គត់ផ្គង់ផលិតផលទន្តសាស្រ្តជាច្រើន សម្រាប់ការតាំងបង្ហាញពីផលិតផលថ្មី រួមទាំងមានការបញ្ចុះតម្លៃ និងការផ្តល់ជូនពិសេសស្របពេលជាមួយគ្នាផងដែរ។ សុខភាពមាត់-ធ្មេញ ជាបញ្ហាចម្បង គួរតែមានការយកចិត្តទុកដាក់ និងការថែទាំជាប្រចាំ ដែលការរៀបចំកម្មវិធីសន្និសីទ និងពិព័រណ៍ទន្តសាស្រ្តនៃសមាគមទន្តសាស្រ្ត បានចូលរួមចំណែកយ៉ាងធំធេងក្នុងការបង្កើន និងអភិវឌ្ឍសុខភាព ជាផលប្រយោជន៍សម្រាប់ប្រជាជនទូទៅ និងប្រទេសជាតិទាំងមូល។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Feb 16, 2018 |
  • 6 ឆ្នាំមុន |
  • 3.7K មើល

មហោស្រពគីហ្សូណាជប៉ុន-កម្ពុជា ២០១៨ បង្ហាញពីចំណងមិត្តភាព និងវប្បធម៌នៃប្រទេសទាំងពីរ

តោះ! ទៅលេងមហោស្រពគីហ្សូណា ជប៉ុន-កម្ពុជា ឆ្នាំ២០១៨ ទាំងអស់គ្នា ហើយកុំភ្លេចនាំមិត្តភក្កិ និងក្រុមគ្រួសារមកលេងជាមួយផង!  មហោស្រពគីហ្សូណា ជប៉ុន-កម្ពុជា បានវិលមកសារជាថ្មីទៀតហើយជាមួយនឹងទស្សនីយ៍ភាពថ្មី ប្លែកៗ និងកាន់តែសប្បាយអស្ចារ្យជាងឆ្នាំមុនៗ ដែលសហការរៀបចំដោយស្ថានទូតជប៉ុន មជ្ឈមណ្ឌលសហប្រតិបត្តិការកម្ពុជា-ជប៉ុន និងមជ្ឈមណ្ឌលមូលនិធិជប៉ុននៅអាស៊ី។ សម្រាប់ឆ្នាំនេះដែរ ប្រធានបទដែលនឹងធ្វើឲ្យកម្មវិធីនេះកាន់តែប្លែកនោះគឺ “Beat of Japan” ដែលមានន័យថាជា សម្លេងតន្រ្តីដែលវាយឮទូងៗខ្លាំងឡើងៗ ប្រៀបបានទៅនឹងចំណងមិត្តភាពរវាងប្រទេសជប៉ុន-កម្ពុជា រីកចម្រើនខ្លាំងឡើងៗ ពីមួយថ្ងៃទៅមួយថ្ងៃដូច្នោះហើយ អ្វីដែលកាន់តែពិសេសជាងនេះទៅទៀតនោះ គឺខួបអនុស្សាវរីយ៍ ៦៥ឆ្នាំនៃទំនាក់ទំនងមិត្តភាពការទូតរវាងប្រទេសជប៉ុន និងកម្ពុជា។ សិស្ស និស្សិត សាធារណជនដែលចូលរួមក្នុងមហោស្រពនេះ នឹងទទួលបាននូវបទពិសោធន៍ល្អៗជាច្រើន ពីវប្បធម៌ដ៏ផូរផង់នៃប្រជាជាតិទាំងពីរ បូករួមបន្ថែមពីការសម្តែងភ្លេងបុរាណជប៉ុន JSR Gagaku ក្រុមស្គរធំ បាទី-ហូលីក (BATI-HOLIC) ក្រុមតន្ត្រី #IAmOriginal កម្ពុជា ក្រុមចម្រៀងជប៉ុនPOPUP កីឡាយុទ្ធសិល្ប៍ជប៉ុន និងកម្ពុជា ការប្រកួតប្រជែងសម្លៀកបំពាក់ប្រពៃណីជប៉ុន (យូកាតា) ការស្លៀកពាក់តុក្កតាជប៉ុន (ខូសផ្លេ) និង មានកម្មវិធីជាច្រើនទៀតដូចជាសិក្ខាសាលាស្តីពីភ្លេងបុរាណ និងទំនើបរបស់ជប៉ុន សិល្បៈបត់ក្រដាស (អូរីហ្គាមី) តុបតែងផ្កា (អ៊ីកេបាណា) អក្សរផ្ចង់ (ស្យូដូ) ការសាកល្បងធ្វើត្រាជ័រលុប ការធ្វើបឋកថានានា និងការតាំងពិព័រណ៍ផ្សេងៗនៅក្នុងមហោស្រពនេះ។ សូមចូលរួមសប្បាយទាំងអស់គ្នានៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ក្នុងបរិវេណសាកលវិទ្យាល័យភូមិន្ទភ្នំពេញ ចាប់ពីថ្ងៃព្រហស្បតិ៍ ទី២២ ដល់ថ្ងៃអាទិត្យ ទី២៥ ខែកុម្ភៈ ឆ្នាំ២០១៨ នេះ។ ដើម្បីទទួលព័ត៌មានលម្អិតបន្ថែមក្នុងកម្មវិធីនេះ អ្នកអាចចូលទៅកាន់គេហទំព័រ៖ CJCC អត្ថបទ​ដោយ ៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Jan 20, 2018 |
  • 6 ឆ្នាំមុន |
  • 3.2K មើល

អបអរសាទរ ខួបគម្រប់ ១៥ឆ្នាំ (២០០៣-២០១៨) គ្លីនិក តូច យ៉ាន ឯកទេសព្យាបាលជំងឺឫសដូងបាត!

អបអរសាទរ ខួបគម្រប់ ១៥ឆ្នាំ (២០០៣-២០១៨) គ្លីនិក តូច យ៉ាន ឯកទេសព្យាបាលជំងឺឫសដូងបាត សូមគោរព និង ថ្លែងអំណរគុណដ៏ខ្ពង់ខ្ពស់ដល់រាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាក្រោមការដឹកនាំរបស់រាជរដ្ឋាភិបាលនៃព្រះរាជាណាចក្រកម្ពុជា សម្តេចមានគោលនយោបាយបង្រួបបង្រួមជាតិផ្សះផ្សាជាតិ ឲ្យទទួលបានសុខសន្តិភាព មានការអភិវឌ្ឍរីកចម្រើនជឿនលឿនលើគ្រប់វិស័យក្នុងនោះ វិស័យសុខាភិបាលត្រូវបានសម្តេចបើកទូលាយឲ្យមានសាកលវិទ្យាល័យ មហាវិទ្យាល័យ វិទ្យាសាស្រ្តសុខាភិបាល មានមន្ទីរពេទ្យ គ្លីនិក ព្យាបាលជំងឺជូនប្រជាពលរដ្ឋ គ្រប់ថ្នាក់រដ្ឋ និងឯកជន បង្កឲ្យមានការងាយស្រួលដល់កូនខ្មែរជំនាន់ក្រោយទទួលបានការបណ្តុះបណ្តាលវិស័យវេជ្ជសាស្រ្តបានល្អទាំងបរិមាណ និងគុណភាព។ សូមគោរព និង ថ្លែងអំណរគុណដ៏ខ្ពង់ខ្ពស់ដល់ក្រសួងសុខាភិបាល ឯកឧត្តម ម៉មប៊ុនហេង រដ្ឋមន្ត្រីក្រសួងសុខាភិបាលក្រោមការដឹកនាំរបស់ឯកឧត្តមធ្វើឲ្យវិស័យនេះមានការរីកចម្រើនជឿនលឿនទាំងរដ្ឋ និងឯកជនដែលបង្កលក្ខណៈងាយស្រួល និងពង្រឹងវិស័យអប់រំផ្នែកសុខាភិបាលបានល្អ មានសាកលវិទ្យាល័យ មហាវិទ្យាល័យវេជ្ជសាស្ត្រ មានមន្ទីរពេទ្យ គ្លីនិកព្យាបាលជំងឺជូនប្រជាពលរដ្ឋគ្រប់ថ្នាក់ ទាំងរដ្ឋ និងឯកជន។  សូមថ្លែងអំណរគុណចំពោះអតិថិជនរបស់គ្លីនិក តូច យ៉ាន ​​អរគុណអតិថិជនទាំងអស់ដែលជឿជាក់ បានមកទទួលយកសេវាព្យាបាលជាពី ជំងឺឫសដូងបាត​ នៅ គ្លីនិក តូច យ៉ាន លទ្ធផល ១៥ ឆ្នាំកន្លងរបស់គ្លីនិក តូច យ៉ាន ព្យាបាលជំងឺ ឫសដូងបាតទទួលបានពីសកម្មភាពព្យាបាលជំងឺជូនប្រជាពលរដ្ឋ ជិត ១០,០០០នាក់បានមកទទួលសេវា និងបានព្យាបាលជា (មួយម៉ឺននាក់) “ធានាជូនមួយជីវិត”ពី គ្លីនិក តូច យ៉ាន ធ្វើឲ្យគ្លីនិកយើងខ្ញុំខិតខំបម្រើ និងពង្រឹងគុណភាព ពង្រីកសាខាបាន ៥កន្លែង ទាំងអស់នេះហើយគឺជាភាពអស្ចារ្យសម្រាប់គ្លីនិក តូច យ៉ានហើយក៍ជាមោទនភាព និងមុខមាត់របស់ប្រទេសកម្ពុជាយើងទាំងមូលដែលធ្វើឲ្យពិភពលោក ដឹងច្បាស់ពីសមត្ថភាពស្នាដៃរបស់កូនខ្មែរក៍មិនធម្មតាដែរ រហូតត្រូវបានអង្គការវាយតម្លៃគុណភាពពិភពលោក(WQC World Quality Commitment)  ផ្នែកជំងឺឫសដូងបាត គេឃើញ ហើយបានជ្រើសរើសឲ្យគ្លីនិក តូច យ៉ានទៅទទួលពានពីរឆ្នាំជាប់គ្នា ៖ ១)  នៅឆ្នាំ ២០១៦ ទទួលបានពានរង្វាន់ មាស (Gold Paris 2016 )នៅទីក្រុងប៉ារីស ប្រទេសបារាំង ពីអង្គការវាយតម្លៃ គុណភាពពិភពលោក WQC ។ ២) នៅឆ្នាំ ២០១៧ ទទួលបាន ពានរង្វាន់មាស (The Each Of Europe Frankfurt 2017) ទ្វារកោងអន្តរជាតិ នៅទីក្រុង Frankfurtប្រទេសអាល្លឺម៉ង់ ពីអង្គការវាយតម្លៃគុណភាពពិភពលោក WQC លើកទី២ លទ្ធផលល្អក្នុងការព្យាបាលជំងឺជូនប្រជាពលរដ្ឋរយៈពេល១៤ឆ្នាំកន្លងមក (២០០៣-២០១៧)។ ៣) ទទួលបានការប្រោសប្រទានមេដាយកិត្តិយសថ្នាក់ធិបឌិន ពីសម្តេចអគ្គមហាសង្ឃរាជាធិបតី កិត្តិឧទ្ទេស ទេព វង្ស សម្តេចមហាសង្ឃរាជនៃព្រះរាជាណាចក្រកម្ពុជា ជូនលោកវេជ្ជបណ្ឌិត តូច យ៉ាន ឆ្នាំ ២០១៧ ។ ៤)   ទទួលបានព្រះរាជប្រកាសនីយបត្រ សម្រេចតែងតាំងលោកវេជ្ជបណ្ឌិត តូច យ៉ាន ឲ្យឡើងជា ទីប្រឹក្សាសម្តេចអគ្គមហាសង្ឃរាជាធិបតី កិត្តិឧទ្ទេសទេព វង្ស ព្រះមហាសង្ឃរាជនៃព្រះរាជាណាចក្រកម្ពុជា ឆ្នាំ ២០១៧ ។ សូមគោរពជូនពរ សម្តេច ទ្រង់ ឯកឧត្តម លោក លោកស្រីព្រមទាំងអតិថិជន ដែលបានមកទទួលសេវាព្យាបាលនៅ គ្លីនិក តូច យ៉ាន ទាំងអស់សូមទទួលបានពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ សូមអរគុណ!

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Jan 17, 2018 |
  • 6 ឆ្នាំមុន |
  • 4.3K មើល

Healthogo និងមន្ទីរពេទ្យភ្នែក ដុកទ័រ គង់ ពិសិដ្ឋ ចូលរួមលើកកម្ពស់សុខភាពភ្នែកសិស្សនិស្សិត

កម្មវិធីសប្បុរសធម៌ប្រចាំឆ្នាំ រៀបចំឡើងដោយសាកលវិទ្យាល័យភូមិន្ទភ្នំពេញទើបតែបានបញ្ចប់ទៅថ្មីៗនេះ កាលពីថ្ងៃទី១៣ ខែមករា ឆ្នាំ២០១៨ ដែលនេះជាលើកទី៩ហើយ ដែលកម្មវិធីដ៏សប្បាយរីករាយនេះត្រូវបានប្រារព្ធធ្វើឡើងដោយមានការចូលរួមយ៉ាងច្រើនកុះករពីសំណាក់សិស្សនិស្សិត និងសាស្ត្រាចារ្យជាច្រើនរូប ហើយឆ្នាំនេះផងដែរ Healthogo ក៏បានចូលរួមផងនូវក្នុងកម្មវិធីសប្បុរសធម៌មួយនេះ ដោយមានការផ្តល់ជូននូវការពិនិត្យ និងវាស់ភ្នែកដោយឥតគិតថ្លៃ ក្រោមកិច្ចសហការជាមួយនឹងមន្ទីរពេទ្យភ្នែក ដុកទ័រ គង់ ពិសិដ្ឋ ដែលជាដៃគូយ៉ាងជិតស្និទ្ធ និងជាសមាជិកមួយរូបនៃសហគមន៍ហេលស៍ថាម។  ការពិនិត្យ និងវាស់ភ្នែក បានទទួលការចាប់អារម្មណ៍យ៉ាងច្រើនក្រៃលែងពីសំណាក់អ្នកចូលរួមជាពិសេសសិស្សនិស្សិតដែលមានការព្រួយបារម្ភ និងយកចិត្តទុកដាក់ចំពោះសុខភាពភ្នែករបស់ខ្លួន។ លោកវេជ្ជបណ្ឌិត សេង សិរី វេជ្ជបណ្ឌិតឯកទេសចក្ខុរោគនៃ មន្ទីរពេទ្យភ្នែក ដុកទ័រ គង់ ពិសិដ្ឋ ដែលបានចូលរួមផ្ទាល់ក្នុងសកម្មភាពសង្គមដ៏មានអត្ថន័យខ្លឹមសារនេះ បានឲ្យដឹងថាលោកពិតជាមានភាពសប្បាយរីករាយខ្លាំង ដែលបានចូលរួមចំណែកក្នុងការថែទាំ និងលើកកម្ពស់សុខភាពភ្នែកដល់សិស្សនិស្សិតដែលបានចូលរួម តាមរយៈការពិនិត្យលើបញ្ហាមិនប្រក្រតី និងជំងឺភ្នែកផ្សេងៗ ព្រមទាំងពន្យល់បន្ថែមអំពីវិធីថែទាំសុខភាពភ្នែកឲ្យបានត្រឹមត្រូវ ចំំណេះដឹង និងសេវាសុខភាពភ្នែកឲ្យបានត្រឹមត្រូវ និងទាន់ពេលវេលាផងដែរ។ លោកវេជ្ជបណ្ឌិតក៏បានបញ្ជាក់ជូនផងដែរថា«បើតាមការសង្កេតរបស់ខ្ញុំ បញ្ហាចម្បងជាងគេរបស់សិស្សនិស្សិតដែលបានមកពិនិត្យនៅក្នុងថ្ងៃនេះ គឺបញ្ហាកំហុសកំណុំរូបភាព ហើយពួកគាត់ច្រើនកើតមានជំងឺភ្នែកម្ញ៉ូប ដែលជាជំងឺមួយដែលកើតមានជាទូទៅមិនថាក្នុងប្រទេសអភិវឌ្ឍ ឬប្រទេសកំពុងអភិវឌ្ឍឡើយ»។ ជាក់ស្តែង បើតាមការអង្កេតនៅឆ្នាំ២០០៦នៅខេត្តកណ្តាល បានបញ្ជាក់ថាការមិនព្យាបាលបញ្ហាកំហុសកំណុំរូបភាព(uncorrected refractive error)មានរហូតដល់6.1%នៃអ្នកជំងឺពិការភាពសងខាង (bilateral blindness) ដែលជាប់ចំណាត់ថ្នាក់លេខ២បន្ទាប់ពីបញ្ហាភ្នែកឡើងបាយ (cataract 67.4%) មានសារខ្លីតែខ្លឹម ដែលលោកវេជ្ជបណ្ឌិតមានបំណងចែករំលែកជូនដល់មិត្តអ្នកអានអំពីការថែទាំសុខភាពភ្នែកដែលរួមមានដូចជា ៖ ត្រូវចេះការពារ និងមានអនាម័យក្នុងការថែទាំសុខភាពភ្នែករបស់ខ្លួន ហើយក្នុងករណីដែលមានបញ្ហាភ្នែកអ្វីមួយនេះ សូមធ្វើការពិនិត្យ និងពិគ្រោះជាមួយនឹងវេជ្ជបណ្ឌិតឯកទេសឲ្យបានត្រឹមត្រូវ និងទាន់ពេលវេលា។ ជាចុងក្រោយ គឺមិនគួរប្រើប្រាស់ថ្នាំបន្តក់ភ្នែកដោយខ្លួនឯងនោះទេ ព្រោះវាអាចបង្កឲ្យមានគ្រោះថ្នាក់ ក៏ដូចជាមានបញ្ហាភ្នែកផ្សេងៗ ឬក៏អាចបណ្តាលឲ្យខូចភ្នែកទៀតផង។ បន្ថែមពីលើការផ្តល់ជូននូវសេវាសុខភាពដោយមិនគិតថ្លៃនេះ ក៏មានផងដែរនូវកម្មវិធីងាយៗសម្រាប់អ្នកចូលរួម ដោយគ្រាន់តែធ្វើការទាញយក ឬវាយតម្លៃទៅលើកម្មវិធីទូរស័ព្ទ Healthogo ដែលជាជម្រើសទីមួយសម្រាប់សុខភាពរបស់អ្នក ក៏អាចទទួលបាននូវកាដូជាស៊ីរ៉ូ និងថ្នាំបៀមបំបាត់អាការៈក្អក ឬឈឺបំពង់ក ក្រោមការឧបត្ថម្ភពីផលិតផលCoxil និងកាវអៀកបំបាត់អាការៈឈឺចាប់ ចុករួយសាច់ដុំដែលទទួលបានការឧបត្ថម្ភពីផលិតផលCo-plaster។ អ្វីដែលរឹតតែពិសេសនោះ គឺអ្នកមានសំណាងចំនួន៣រូប ក៏ត្រូវបានជ្រើសរើសដោយចៃដន្យ ដើម្បីទទួលបានស្ព្រៃយ៍បាញ់បំបាត់ការឈឺចាប់Co-Sprayម្នាក់ចំនួន១ដបផងដែរ។ គួរបញ្ជាក់ផងដែរថា Healthogo ក៏ធ្លាប់បានរៀបចំនូវយុទ្ធនាការពិនិត្យភ្នែក និងវាស់វ៉ែនតាដោយឥតគិតថ្លៃ ជូនដល់អ្នកដែលបានចូលរួមក្នុងកម្មវិធីបារខែមអាស៊ានកាលពីខែតុលាកន្លងទៅនេះ ក្រោមកិច្ចសហការជាមួយនឹងវេជ្ជបណ្ឌិតឯកទេសចក្ខុរោគនៃ គ្លីនិកភ្នែក អមរិន្ទ-ម៉ុងឌីយ៉ាល់ ផ្តល់ជូននូវសេវាដូចជា៖ វាស់គំហើញ និងវ៉ែនតា ពិនិត្យភ្នែក ប្រឹក្សាយោបល់បន្ថែមផងដែរ។ ចំណែកនៅឯសាលាតិចណូ (ITC) Healthogo ក៏បានធ្វើការសហការជាមួយនឹង គ្លីនិកឯកទេស អេគីប ក្នុងការរៀបចំនូវយុទ្ធនាការពិនិត្យជាតិស្ករក្នុងឈាម និងវាស់សម្ពាធឈាម ព្រមទាំងពិគ្រោះសុខភាពក្រពះ-ពោះវៀន-ថ្លើម និង ឫសដូងបាតដោយឥតគិតថ្លៃជូនដល់អ្នកដែលបានចូលរួមកម្មវិធីDigiteKHដែលត្រូវបានរៀបចំឡើងដោយក្រុមហ៊ុនSabay កាលពីដើមខែធ្នូផងដែរ។ Healthogo ក៏សូមសន្យាថានឹងរៀបចំនូវយុទ្ធនាការដ៏មានគុណប្រយោជន៍ជាច្រើនទៀតតាមរយៈការសហការជាមួយនឹងគ្លីនិកជាដៃគូជាបន្តបន្ទាប់ ដើម្បីជាចំណែកមួយនៃការលើកកម្ពស់សុខុមាលភាពរបស់ប្រជាជាតិយើង តាមរយៈយុទ្ធនាការនៅតាមសាកលវិទ្យាល័យ និងវិទ្យាល័យនានានៅកម្ពុជា ព្រមទាំងការចូលរួមក្នុងកម្មវិធីពិព័រណ៍ និងសិក្ខាសាលាផ្សេងៗផងដែរ។ សម្រាប់ឱកាសពិសេសផ្សេងៗទៀត សូមធ្វើការតាមដាននៅលើទំព័រហ្វេសប៊ុករបស់ Healthogo…  ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Jan 11, 2018 |
  • 6 ឆ្នាំមុន |
  • 3.4K មើល

មោទនភាព គ្លីនិក តូច យ៉ាន ឯកទេសព្យាបាលជំងឺឫសដូងបាត លើឆាកអន្តរជាតិ!

លទ្ធផល ១៥ ឆ្នាំកន្លងរបស់គ្លីនិក តូច យ៉ាន ព្យាបាលជំងឺ ឫសដូងបាតទទួលបាន ពីសកម្មភាពព្យាបាលជំងឺជូនប្រជាពលរដ្ឋ ជិត ១០,០០០(មួយម៉ឺននាក់)បានមកទទួលសេវា និងបានព្យាបាលជា ធានាជូនមួយជីវិតពី គ្លីនិក តូច យ៉ាន ធ្វើឲ្យគ្លីនិកយើងខ្ញុំខិតខំបម្រើ និង ពង្រឹងគុណភាព ពង្រីកសាខាបាន៥ កន្លែង ដើម្បីសម្រួលដល់បងប្អូនចង់មកព្យាបាលនៅជិតផ្ទះលោកអ្នក មិនបាច់រង់ចាំយូរ ជៀសបានការកកស្ទះចរាចរណ៍ថែមទៀត។ ទន្ទឹមនឹងនេះ គ្លីនិករបស់យើងខ្ញុំបានទទួលការគាំទ្រពីមហាជន ប្រជាជនខ្មែរ រហូតល្បីរន្ទឺដល់បរទេសមានមកព្យាបាលនៅគ្លីនិកយើងខ្ញុំផងដែរ ។  គួរបញ្ជាក់ផងដែរថា គ្លីនិក តូច យ៉ាន រកបានមោទនភាពជូនជាតិ នៅលើឆាកអន្តរជាតិ៖ ១ - នៅឆ្នាំ ២០១៦ ទទួលបានពានរង្វាន់ មាស (Gold Paris 2016 )នៅទីក្រុងប៉ារីស ប្រទេសបារាំង ពីអង្គការវាយតម្លៃគុណភាពពិភពលោក WQC ។ ២- នៅឆ្នាំ ២០១៧ ទទួលបាន ពានរង្វាន់មាស (The Each Of Europe Frankfurt 2017) ទ្វារកោងអន្តរជាតិ នៅទីក្រុង Frank Furt ប្រទេសអាល្លឺម៉ង់ ពីអង្គការវាយតន្លៃគុណភាពពិភពលោក WQC លើកទី២ លទ្ធផលល្អក្នុងការព្យាបាលជំងឺជូនប្រជាពលរដ្ឋរយៈពេល១៥ឆ្នាំកន្លងមក (២០០៣ -២០១៧) ។ ៣- ទទួលបានការប្រោសប្រទានមេដាយកិត្តិយសថ្នាក់ធិបឌិន ពីសម្តេចអគ្គមហាសង្ឃរាជាធិបតី កិត្តិឧទ្ទេស ទេព វង្ស សម្តេចមហាសង្ឃរាជនៃព្រះរាជាណាចក្រកម្ពុជា ជូនលោកវេជ្ជបណ្ឌិត តូច យ៉ាន ឆ្នាំ ២០១៧ ។ ៤- ទទួលបានព្រះរាជប្រកាសនីយបត្រ សម្រេចតែងតាំងលោកវេជ្ជបណ្ឌិត តូច យ៉ាន ឲ្យឡើងជា ទីប្រឹក្សាសម្តេចអគ្គមហាសង្ឃរាជាធិបតី កិត្តិឧទ្ទេសទេព វង្ស ព្រះមហាសង្ឃរាជនៃព្រះរាជាណាចក្រកម្ពុជា ឆ្នាំ ២០១៧ ។ បកស្រាយដោយ៖ លោកវេជ្ជបណ្ឌិត តូច យ៉ាន ឯកទេសព្យាបាលជំងឺឫសដូងបាតនៃ គ្លីនិក តូច យ៉ាន ព្យាបាលជំងឺ ឫសដូងបាត

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Dec 27, 2017 |
  • 7 ឆ្នាំមុន |
  • 3.1K មើល

កម្មវិធីសន្និសីទជាតិ គិលានុបដ្ឋាក និងឆ្មបរាល់២ឆ្នាំលើកទី៧ ឆ្នាំ២០១៧

នៅឯមជ្ឈមណ្ឌលសហប្រតិបត្តិការកម្ពុជា-កូរ៉េ នាថ្ងៃទី ១១-១២ ខែធ្នូ ឆ្នាំ២០១៧ មានការប្រារព្ធឡើងនូវកម្មវិធីសន្និសីទជាតិ គិលានុបដ្ឋាក និងឆ្មបរាល់ ២ឆ្នាំ លើកទី ៧ ក្រោមប្រធានបទ “ការលើកកម្ពស់គុណភាពនៃការថែទាំៈ គិលានុបដ្ឋាក និងឆ្មប ជាអ្នកធ្វើឲ្យប្រសើរឡើងនូវសុវត្ថិភាព និងលទ្ធផលរបស់អ្នកជំងឺ”។ កម្មវិធីមានការចូលរួមដ៏ខ្ពង់ខ្ពស់ពីសំណាក់ ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល រួមទាំងមន្រ្តី ឯកឧត្តមសាស្ត្រាចារ្យ និងអ្នកប្រកបវិជ្ជាជីវៈថែទាំ ដែលសរុបទាំងអស់មានចំនួន ៤៤០នាក់ (គិលានុបដ្ឋាក-យិកា ចំនួន ១៣០នាក់ និងឆ្មបចំនួន ១៣០នាក់) មកពីបណ្តាមន្ទីរពេទ្យ និងស្ថាប័នសុខាភិបាលនានា។  គោលបំណងចម្បងនៃការរៀបចំសន្និសីទនេះ គឺដើម្បីផ្តល់ចំណេះដឹងស្តីអំពីការលើកកម្ពស់គុណភាពនៃសេវាថែទាំទៅដល់អ្នកចូលរួមដែលជាអ្នកប្រកបវិជ្ជាជីវៈថែទាំនៅគ្រឹះស្ថានថែទាំសុខភាព។ ជាពិសេស សន្និសីទនេះនឹងផ្តល់ឱ្យអ្នកចូលរួមនូវឱកាសដើម្បីបង្ហាញ និងបានរៀនសូត្រពីចំណេះដឹង និងការស្រាវជ្រាវថ្មីៗនៅក្នុងវិស័យបណ្តុះបណ្តាល និង វិស័យអនុវត្តការថែទាំនៅមន្ទីរពេទ្យនានា។ នៅចុងបញ្ចប់នៃសន្និសីទនេះអ្នកចូលរួមនឹងអាច៖ ១. ពិពណ៌នាអំពីគំនិតផ្តួចផ្តើមនៃការអនុវត្តនាពេលបច្ចុប្បន្នរួមមានការអប់រំ និងសេវាកម្មផ្សេង ២. ការស្រាវជ្រាវថ្មីៗទៅលើការងារថែទាំ ៣. ពិភាក្សាពីគំនិតផ្តួចផ្តើមលើការបណ្តុះបណ្តាលដែលអាចដោះស្រាយបញ្ហាបានរួមជាមួយនឹងយុទ្ធសាស្ត្រសំខាន់ៗ    សម្រាប់បង្កើនចំណេះដឹង និងជំនាញដល់គិលានុបដ្ឋាកយិកា ឆ្មប និងនិស្សិតទាក់ទងនឹងគុណភាពថែទាំ ៤. ផ្តល់ឱកាសនូវការអភិវឌ្ឍជំនាញ ការអភិវឌ្ឍបណ្តាញការងារ និងលើកកម្ពស់កិច្ចសហប្រតិបត្តិការ។ ©2017រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • Dec 18, 2017 |
  • 7 ឆ្នាំមុន |
  • 3K មើល

ផាកកាហ្វេថ្លែងអំណរគុណដល់អ្នកគាំទ្រកម្មវិធីCSRឆ្នាំ២០១៧របស់ខ្លួន ដែលជាកិច្ចសន្ទានាពាណិជ្ជកម្មប្រចាំខែ....

កម្មវិធីCSR របស់ផាកកាហ្វេក្នុងឆ្នាំ២០១៧កន្លងមកនេះ គឺពិតជាមានលក្ខណៈប្លែក និងពិសេស ដែលត្រូវបានសហការរៀបចំជាមួយវិទ្យាស្ថានអភិវឌ្ឍន៍វិស័យអប់រំឡើង ក្នុងរូបភាពជាកម្មវិធីសន្ទនាពាណិជ្ជកម្មប្រចាំខែ ក្នុងគោលបំណងចូលរួមបណ្តុះបណ្តាលសហគ្រិនភាពក្នុងប្រទេសយើង ជាពិសេសសម្រាប់អ្នកដែលចាប់ផ្តើមអាជីវកម្មថ្មីថ្មោងឲ្យបានយល់ពីបែបបទនៃការធ្វើអាជីវកម្មពីបុគ្គលល្បីៗ និងរៀបចំយ៉ាងណាឲ្យអាជីវកម្មរបស់ពួកគាត់រីកចម្រើនទៅមុខ។   ក្នុងកម្មវិធីពិសាភោជនហារថ្លែងអំណរគុណ (Thank you galadinner) កាលពីថ្ងៃទី១៤ ខែធ្នូ ឆ្នាំ២០១៧កន្លងទៅនេះ  លោកនាយកប្រតិបត្តិនៃផាកកាហ្វេផ្ទាល់ ក៏បានឲ្យដឹងថា «ខ្លឹមសារទាំងអស់នៃការបណ្តុះបណ្តាលក្នុងឆ្នាំ២០១៧នេះ យើងបានផ្តោតសំខាន់លើការដំណើរការគោលគំនិតអាជីវកម្មដែលបែងចែកជាប្រធានបទផ្សេងគ្នា។ ព្រឹត្តិការណ៍នេះជួយបង្កើតឲ្យមានទំនាក់ទំនងរវាងអ្នកចូលរួម អ្នកឧបត្ថម្ភកម្មវិធី និងដៃគូអំពីការយល់ដឹងអំពីម៉ាករបស់ពួកគេក្នុងចំណោមសហគ្រិនមនុស្សដែលមានភាពល្បីល្បាញ និងសហគ្រិនវ័យក្មេង។ ក្រៅពីនេះ វាក៏ជាឱកាសអាជីវកម្មសម្រាប់អ្នកឧបត្ថម្ភ និងដៃគូ ដើម្បីផ្សព្វផ្សាយពីផលិតផល និងសេវាកម្មរបស់ពួកគេផងដែរ»។ ក្នុងឱកាសដ៏ពិសេសពិសាលនេះផងដែឌរ លោកក៏បានបង្ហាញអំពីគម្រោងកម្មវិធីបន្ទាប់សម្រាប់ឆ្នាំថ្មី២០១៨ដែលនឹងមកដល់ក្នុងពេលឆាប់ៗនេះ ដែលជាកម្មវិធីប្រកួតប្រជែងគម្រោងការអាជីវកម្មដែលអាចឲ្យអ្នកមានបំណងធ្វើអាជីវកម្មអាចចូលរួមប្រកួតប្រជែង ដើម្បីទទួលបានដើមទុនក្នុងការចាប់ផ្តើមអាជីវកម្មរបស់ពួកគេមិនថាទាំងទុនក្នុងការចាប់ផ្តើម ក៏ដូចជាគំនិតក្នុងការដំណើរការអាជីវកម្មនោះ។ អ្នកឈ្នះតែម្នាក់គត់ក្នុងកម្មវិធីនេះនឹងទទួលបានប្រាក់រង្វាន់១ម៉ឺនដុល្លារអាមេរិក ហើយកម្មវិធីនេះនឹងធ្វើការប្រកួតប្រជែងជាដំណាក់ការដែលមានរហូតដល់ទៅ០៦ដំណាក់ ដើម្បីស្វែងរកម្ចាស់ជ័យលេខភី។  ជាចុងក្រោយ លោកក៏មិនភ្លេចផងដែរនូវការ ថ្លងអំណរគុណដល់វាគ្មិនកិត្តិយសទាំងអស់ដែលបានលះបង់ពេលវេលាមានតម្លៃចូលរួមចែករំលែកបទពិសោធន៍ ក៏ដូចជាចំណេះដឹងនានា ព្រមទាំងដៃគូសហការទាំងអស់ សារពត័មាន និងស្ថាបន័នានា ដែលបានចូលរួមគាំទ្រក្នុងកម្មវិធីនេះតាំងពីដើមឆ្នាំរហូតដល់ពេលនេះ ហើយយើងសង្ឈឹមថានឹងបន្តសហការគ្នាក្នុងពេលវេលាខាងមុខនេះបន្តទៅទៀត។   ©2017រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
Top