Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Sep 14, 2017 |
  • 8 ឆ្នាំមុន |
  • 7.9K មើល

សេចក្តីជូនដំណឹង ស្តីពីការប្រឡងថ្នាក់ជាតិក្នុងវិស័យសុខាភិបាល

អ្វីដែលអ្នកមានបំណងចូលប្រឡងថ្នាក់ជាតិផ្នែកសុខាភិបាលបានទន្ទឹងរង់ចាំបានមកដល់ហើយ… ពិសេសសម្រាប់អ្នកដែលមានបំណងចូលប្រឡងក្នុងឆ្នាំសិក្សា២០១៧-២០១៨នេះ លោកអ្នកអាចស្វែងយល់ពីព័ត៌មានលម្អិតនៃលក្ខខណ្ឌផ្សេងៗនៃការចូលរួមប្រឡងនៅតាមគ្រឹះស្ថានបណ្តុះបណ្តាលវិស័យសុខាភិបាលហើយ… យោងតាមសេចក្តីប្រកាសជូនដំណឹងស្តីពី «ការប្រឡងថ្នាក់ជាតិជ្រើសរើសចូលរៀនថ្នាក់ឆ្នាំសិក្សាមូលដ្ឋានសម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម្រិតបរិញ្ញាបត្ររងនៅតាមគ្រឹះស្ថានបណ្តុះបណ្តាលវិស័យសុខាភិបាល ឆ្នាំសិក្សា ២០១៧-២០១៨» របស់ទីស្តីការគណៈរដ្ឋមន្ត្រី គណៈកម្មាធិការប្រឡងថ្នាក់ជាតិ បានឲ្យដឹងថា គណៈកម្មាធិការប្រឡងថ្នាក់ជាតិសម្រាប់ការបណ្តុះបណ្តាលក្នុងវិស័យសុខាភិបាលនឹងធ្វើការប្រឡងថ្នាក់ជាតិជ្រើសរើសចូលរៀនតាមលក្ខខណ្ឌផ្សេងៗជាច្រើនដែលមានបង្ហាញជូនតាមរយៈលីងនេះ សេចក្តីជូនដំណឹង ។ កំណត់សម្គាល់សំខាន់ៗ ៖ កាលបរិច្ឆេទទទួលពាក្យប្រឡង ៖  -សម្រាប់កម្រិតបរិញ្ញាបត្រ មានថ្នាក់វេជ្ជបណ្ឌិត ទន្តបណ្ឌិត បរិញ្ញាបត្រឱសថ បរិញ្ញាបត្រគិលានុដ្ឋាក បរិញ្ញាបត្រឆ្មប និងបរិញ្ញាបត្រសុខភាពសាធារណៈ ៖ ចាប់ពីថ្ងៃផ្សាយដំណឹងរហូតដល់ថ្ងៃទី០៦ ខែតុលា ឆ្នាំ២០១៧ ម៉ោង៥ល្ងាច -សម្រាប់កម្រិតបរិញ្ញាបត្ររង មានថ្នាក់បរិញ្ញាបត្ររងគិលានុដ្ឋាក បរិញ្ញាបត្ររងឆ្មប បរិញ្ញាបត្ររងបច្ចេកទេសមន្ទីរពិសោធន៍ បរិញ្ញាបត្ររងទន្តគិលានុបដ្ឋាក បរិញ្ញាបត្ររងព្យាបាលដោយចលនា និងបរិញ្ញាបត្ររងបច្ចេកទេសវិទ្យុសាស្រ្ត ៖ ចាប់ពីថ្ងៃផ្សាយដំណឹងរហូតដល់ថ្ងៃទី១៧ ខែវិច្ឆិកា ឆ្នាំ២០១៧ ម៉ោង៥ល្ងាច ទីកន្លែងដាក់់ពាក្យ ៖ តាមគ្រីះស្ថានបណ្តុះបណ្តាលវិស័យសុខាភិបាល ដែលបេក្ខជនចាត់ទុកជាអាទិភាព កាលបរិច្ឆេទប្រឡង ៖ -កម្រិតបរិញ្ញាបត្រ ៖ ថ្ងៃទី២១-២២ ខែតុលា ឆ្នាំ២០១៧  ថ្ងៃទី២១ តុលា ២០១៧ ៖ មុខវិជ្ជាជីវៈវិទ្យា ៖ 01:30-3:00pm មុខវិជ្ជាគីមីវិទ្យា ៖ 03:30-05:00pm ថ្ងៃទី២២ តុលា ២០១៧ ៖ មុខវិជ្ជាគណិតវិទ្យា ៖ ៖ 01:30-3:30pm -កម្រិតបរិញ្ញាបត្ររង ៖ ថ្ងៃទី១៦-១៧ ខែធ្នូ ឆ្នាំ២០១៧ ថ្ងៃទី១៦ ធ្នូ ២០១៧ ៖ មុខវិជ្ជាជីវៈវិទ្យា ៖ 01:30-3:00pm មុខវិជ្ជាគីមីវិទ្យា ៖ 03:30-05:00pm ថ្ងៃទី១៧ ធ្នូ ២០១៧ ៖ មុខវិជ្ជាគណិតវិទ្យា ៖ 01:30-3:30pm មណ្ឌលប្រឡង ៖ សាកលវិទ្យាល័យភូមិន្ទភ្នំពេញ បញ្ជាក់ ៖ គណៈកម្មាធិការប្រឡងថ្នាក់ជាតិសូមរក្សាសិទ្ធិក្នុងការផ្លាស់ប្តូរកាលបរិច្ឆេទប្រលង និងមណ្ឌលប្រលង ក្នុងករណីមានការចាំបាច់ សម្រាប់ព័ត៌មានលម្អិត ព្រមជាមួយនឹងលក្ខខណ្ឌផ្សេងៗនៃការប្រឡង និងប្រភពដើមនៃសេចក្តីជូនដំណឹង សូមចូលទៅកាន់លីងខាងលើនេះ ឬចុច ត្រង់នេះ  គួរបញ្ជាក់ផងដែរថា មានការកែប្រែនូវលក្ខខណ្ឌមួយចំនួនដែលមាននៅក្នុង សេចក្តីជូនដំណឹងស្តីពីការកែសម្រួលលក្ខខណ្ឌនៃការប្រលងថ្នាក់ជាតិជ្រើសរើសចូលរៀន ថ្នាក់ឆ្នាំសិក្សាមូលដ្ឋានសម្រាប់កម្រិតបរិញ្ញាប័ត្រនៅតាមគ្រឹះស្ថានបណ្តុះបណ្តាលវិស័យសុខាភិបាល ប្រភព ៖ ទំព័រហ្វេសប៊ុក នាយកដ្ឋានអភិវឌ្ឍន៍ធនធានមនុស្សនៃក្រសួងសុខាភិបាល  ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Sep 08, 2017 |
  • 8 ឆ្នាំមុន |
  • 5.1K មើល

ក្រសួងសុខាភិបាលបង្ហាញវិធីបង្ការបញ្ហាសុខភាពក្នុងអំឡុងពិធីបុណ្យភ្ជុំបិណ្ឌ

យោងតាមសេចក្តីជូនព័ត៌មានរបស់ក្រសួងសុខាភិបាល ចេញផ្សាយថ្ងៃទី៨ ខែកញ្ញា ឆ្នាំ២០១៧ បានបង្ហាញឲ្យដឹងថា សម្រាប់ពិធីកាន់បិណ្ឌ និងភ្ជុំបិណ្ឌចន្លោះថ្ងៃទី៦ ដល់ថ្ងៃទី២០ ខែកញ្ញានេះ ក្រសួងសុខាភិបាលនៃព្រះរាជាណាចក្រកម្ពុជា សូមអំពាវនាវដល់សាធារណជនទាំងអស់ឲ្យចូលរួមអនុវត្តវិធានការបង្ការ ដើម្បីចូលរួមបង្កាបញ្ហាសុខភាពដែលបណ្តាលមកពីការពុលចំណីអាហារ និងពុលស្រា ព្រមទាំងជំងឺឆ្លងផ្សេងៗដែលអាចបង្កឡើងដោយចំណីអាហារគ្មានអនាម័យ ឬទឹកកខ្វក់ដែលមានមេរោគ បាក់តេរី វីរុស ប៉ារ៉ាស៊ីត និងសារធាតុគីមី។ គួរបញ្ជាក់ផងដែរថា មានចំណុចខ្លះៗដែលសាធារណជណគួរយល់ដឹងរួមមានដូចជា ៖ -មូលហេតុនៃការពុលចំណីអាហារ ៖ ការរៀបចំអាហារមិនមានអនាម័យល្អ ទាំងក្នុងចំណីអាហារ និងអ្នករៀបចំទុកដាក់ និងការចែកចាយចំណីអាហារ និងការពិសាស្រា ដែលបានផលិត ឬបានបិត ដោយមិនមានលក្ខណៈបច្ចេកទេសត្រឹមត្រូវ -រោគសញ្ញានៃការពុលចំណីអាហារ ៖ ក្អួត ចង្អោរ រាក រាកមូល ដែលអាចគ្រោះថ្នាក់ដល់អាយុជីវិតបាន។ -រោគសញ្ញានៃការពុលស្រា ៖ ឈឺក្បាល ក្អួត ឈឺពោះ វិលមុខ ងងឹតភ្នែក សន្លប់ ប្រកាច់ ពិបាកដកដង្ហើម និងអាចវិវត្តទៅស្លាប់បាន។  -សារធាតុដែលធ្វើឲ្យពុលស្រា ៖ តាមរយៈលទ្ធផលវិភាគសំណាកបានបង្ហាញថា សារជាតិមេតាណុលកម្រិតខ្ពស់ នៅក្នុងស្រាស ឬស្រាថ្នាំជាដើមហេតុនៃការពុល ដូចនេះ គួរបញ្ឈប់ជាបន្ទាន់នូវការបរិភោគស្រាស ឬស្រាថ្នាំដែលមិនមានប្រភព និងមិនបានផលិតត្រឹមត្រូវ។ ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្រ្តីក្រសួងសុខាភិបាលមានប្រសាសន៍ថា «គ្រប់ៗគ្នា ចាប់តាំងពីអ្នកបរិភោគរហូតដល់អ្នកបម្រើអាហារ ដើរតួនាទីយ៉ាងសំខាន់នៅក្នុងការលើកកម្ពស់សុវត្ថិភាពអាហារ ចាប់តាំងពីការអនុវត្តអនាម័យ ដើម្បីសុវត្ថិភាពអាហារ រហូតដល់ការរៀនពីរបៀបថែរក្សា ពេលចម្អិនអាហារជាក់លាក់» ។  ឯកឧត្តមវេជ្ជបណ្ឌិត ក៏បានលើកឡើងពីវិធីមួយចំនួនដែលប្រជាពលរដ្ឋគ្រប់រូបគួរប្រតិបត្តិ នៅពេលកាន់ និងរៀបចំម្ហូបអាហារដែលអាចការពារអ្នក និងក្រុមគ្រួសារពីការឈឺដែលរួមមានដូចខាងក្រោម៖ ១ ប្រើប្រាស់ទឹកស្អាត និងម្ហូបអាហារដែលស្អាត និងឆ្អិនជានិច្ច ២ ត្រូវលាងដៃនឹងសាប៊ូ មុនពេល និងអំឡុងពេលរៀបចំម្ហូបអាហារ មុនបរិភោគ និងក្រោយបន្ទោរបង់ ៣ លាងសំអាតបន្លែ ផ្លែឈើឲ្យបានស្អាតមុនបរិភោគ ៤ សំអាតសម្ភារៈប្រើប្រាស់ចម្អិនម្ហូបអាហារឲ្យបានត្រឹមត្រូវ ៥ ចម្អិនអាហារឲ្យបានឆ្អិនល្អ ជាពិសេសសាច់ សត្វស្លាប ស៊ុត និងអាហារសមុទ្រ ៦ ទុកដាក់ចំណីអាហារឆៅ និងឆ្អិនដាច់ដោយឡែកពីគ្នា ៧ កុំរក្សាទុកអាហារក្នុងកំដៅធម្មតាលើសពី២ម៉ោង ៨ មិនត្រូវរក្សាទុកអាហារជាច្រើនថ្ងៃទេ ទោះជាស្ថិតក្នុងកម្រិតសីតុណ្ហភាពសុវត្ថិភាពក៏ដោយ   ក បើយើងរក្សទុកអាហារក្នុងប្រព័ន្ធត្រជាក់ គឺត្រូវឲ្យនៅក្រោមសីតុណ្ហភាព៥អង្សាសេ   ខ បើយើងរក្សាទុកអាហារក្នុងប្រព័ន្ធកំដៅ គឺត្រូវឲ្យលើសពីសីតុណ្ហភាព៦០អង្សាសេ ៩ កុំប្រើប្រាស់ចំណីអាហារហួសកាលកំណត់។ ក្រសួងសុខាភិបាលក៏សូមណែនាំឲ្យមានការពិសាគ្រឿងស្រវឹងក្នុងកម្រិតតិចតួច និងហាមពិសាគ្រឿងស្រវឹងក្នុងពេលបើកបរ ឬបញ្ជាគ្រឿងម៉ាស៊ីន។ ក្នុងករណីមានរោគសញ្ញានៃការពុលស្រា សូមស្វែងរកមណ្ឌលសុខភាព ឬមន្ទីរពេទ្យដែលនៅជិតផ្ទះលោកអ្នក។ ដើម្បការពារអ្នក និងក្រុមគ្រួសារ ក្រសួងសុខាភិបាលសូមលើកទឹកចិត្តឲ្យមានការងនុវត្តតាមដំបូន្មានខាងលើ។  សម្រាប់ព័ត៌មានបន្ថែមពីបញ្ហាសុខភាពផ្សេង ក្រសួងសុខាភិបាល បានបង្ហាញថាប្រជាពលរដ្ឋអាចទទួលបានតាមគេហទំព័ររបស់នាយកដ្ឋានប្រយុទ្ធនឹងជំងឺឆ្លង www.cdcmoh.gov.kh។ ជាចុងក្រោយ ក្រសួងក៏សូមជូនពរអ្នកទាំងអស់គ្នាឲ្យមានសុខភាពល្អក្នុងអំឡុងពេលបុណ្យនេះ និងគ្រប់ពេលវេលា។ សម្រាប់ព័ត៌មានបន្ថែម ឬចង់រាយការណ៏ សូមទូរស័ព្ទទៅលេខ 115 ដោយមិនគិតថ្លៃពីទូរស័ព្ទគ្រប់ប្រព័ន្ទ។ (អត្ថន័យខ្លឹមសារទាំងស្រុងមាននៅក្នុងរូបភាពខាងលើ) ប្រភព ៖ ទំព័រហ្វេសប៊ុក មន្ទីរសុខាភិបាលរាជធានីភ្នំពេញ

ព្រឹត្តិការណ៍ និងព័ត៌មាន
ចែករំលែក
  • Sep 05, 2017 |
  • 8 ឆ្នាំមុន |
  • 3.9K មើល

ពិព័រណ៍ពាណិជ្ជកម្មឧស្សាហកម្មសុខភាព និងសម្ផស្សបានត្រឡប់មកកម្ពុជាសាជាថ្មី

ពិព័រណ៍ និងសន្និសីទអន្តរជាតិស្តីពីឧស្សាហកម្មឱសថ វេជ្ជសាស្ត្រ មន្ទីរពិសោធន៍ និងទន្តពេទ្យនៅកម្ពុជា ជាមួយ ពិព័រណ៍និងសន្និសីទអន្តរជាតិស្តីពីសម្រស់ គ្រឿងសំអាង ផលិតផលថែរក្សាសក់ ផលិតផលថែរក្សាស្បែក និងស៉្បាទី 2 បានចាប់ពីថ្ងៃទី 15 ដល់ថ្ងៃទី 17 ខែកញ្ញាឆ្នាំ 2017 ។កម្មវិធីនេះរៀបចំដោយក្រុមហ៊ុនMinh Vi Exhibition and Advertisement Services ដោយមានការគាំទ្រពីក្រសួងពាណិជ្ជកម្ម និងក្រសួងសុខាភិបាលនៃព្រះរាជាណាចក្រកម្ពុជា។  កម្មវិធីនេះត្រូវបានប្រារព្ធឡើងនៅមជ្ឈមណ្ឌលសន្និបាតនិងពិព័រណ៍កោះពេជ្ររាជធានីភ្នំពេញដែលមានទំហំ 1500 ម៉ែត្រការ៉េជាមួយវត្តមានពី 80 ក្រុមហ៊ុនមកពីសហរដ្ឋអាមេរិក, កូរ៉េខាងត្បូង, សិង្ហបុរី, ថៃ, ចិន, ឥណ្ឌា, ម៉ាឡេស៊ី, កម្ពុជា និងវៀតណាម។ ក្នុងនោះមានក្រុមហ៊ុនដ៏ល្បីឈ្មោះដូចជា Shimadzu Asia Pacific Pte., Ltd., Incontech Pte., Ltd., Esco Micro Pte., Ltd ។ Cambodia Phar - Med 2017 និង Beauty Connect Cambodia 2017 រំពឹងថានឹងស្វាគមន៍ទស្សនាប្រមាណ 3,000 នាក់ ។  Cambodia Phar - Med 2017 និងសម្ផស្ស Connect Cambodia 2017 មានបំណងធ្វើជាស្ពាន      តភ្ជាប់អាជីវកម្មក្នុង និងក្រៅប្រទេសលើវិស័យឱសថ, វេជ្ជសាស្ត្រ, មន្ទីរពិសោធន៍, ទន្តពេទ្យ, គ្រឿងសំអាង, ផលិតផលកែសម្ផស្ស និងស្ប៉ា។ កម្មវិធីនេះបង្ហាញពីផលិតផលនិងបច្ចេកវិទ្យាថ្មីៗ ដែលមានភាពទាន់សម័យស្រប និងនិន្នាការទីផ្សារ ។    Cambodia Phar – Med 2017 ជាវេទិកាពាណិជ្ជកម្មដ៏ល្អ សម្រាប់ផ្នែកឱសថ មន្ទីរពិសោធន៍ វេជ្ជសាស្រ្តនិងទន្តពេទ្យនៅកម្ពុជាបានបើកឱកាសធំ ៗ នៅគ្រប់ផ្នែកទីផ្សារទាំងអស់។ The 3rd Cambodia Phar – Med Expo ត្រូវបានប្រារព្ធធ្វើផ្សាភ្ជាប់ជាមួយ Lab Cambodia Expo 2017 និង Dental Cambodia Expo 2017។ ពិព័រណ៍ពាណិជ្ជកម្មនេះគឺជាព្រឹត្តិការណ៍ប្រចាំឆ្នាំដែលផ្តោតលើ ឱសថ ឧបករណ៍វេជ្ជសាស្រ្ត ឧបករណ៍មន្ទីរពិសោធន៍ និងមន្ទីរពេទ្យ។ វាគឺជាសកម្មភាពអាជីវកម្មមួយដ៏មានប្រសិទ្ធភាពបំផុតនៅក្នុងផ្នែកសុខភាព និងមន្ទីរពិសោធន៍ហើយបានប្រមូលផ្តុំអ្នកតំណាងផលិត និងអ្នកផ្គត់ផ្គង់ 50 ក្រុមហ៊ុនមកពីជាង  ប្រទេសមកពី 9 ប្រទេស: សហរដ្ឋអាមេរិក កូរ៉េខាងត្បូង សិង្ហបុរី ថៃ ចិន ឥណ្ឌា ម៉ាឡេស៊ី កម្ពុជានិងវៀតណាម ជាមួយនឹងការរំពឹងថាចំនួនអ្នកចូលរួមទស្សនាអាចលើសពី 2,000 នាក់។ ដើម្បីសម្រាប់ខ្លួនជាមួយទីផ្សារ Cambodia Phar – Med 2017  មានកម្មវិធីផ្គូរផ្គងជំនួញដ៏ធំបំផុតនៅក្នុងឧស្សាហកម្មសុខភាពនៅកម្ពុជាដែលម្ចាស់ហាងឱសថ, អ្នកចែកចាយ និងអ្នកផ្គត់ផ្គង់សំខាន់ៗអាចជួបក្រុមហ៊ុនឈានមុខគេនៅក្នុងឧស្សាហកម្មឱសថដូចជា including Shimadzu Asia Pacific Pte., Ltd., Incontech Pte., Ltd., Esco Micro Pte., Ltd., N.A.Z Medical Supplies SDN BHD, West – Coast Pharmaceutical Works Ltd., Blue Opportunity Medical Co., Ltd.., Atul Drug House. ។ ប្រធានបទទូលំទូលាយ និងការធ្វើបច្ចុប្បន្នភាពជាពិសេសអំពីទីផ្សារថែទាំសុខភាពនៅកម្ពុជាក៏ដូចជាបទប្បញ្ញត្តិរបស់រដ្ឋាភិបាល និងដំណើរការចុះបញ្ជីផលិតផលក្នុងប្រទេសកម្ពុជាផងដែរ។ កម្មវិធីនេះក៏មានសិក្ខាសាលាដែលត្រូវបានតាក់តែងជាពិសេសសម្រាប់ទីផ្សារកម្ពុជាដើម្បីផ្តល់ឱ្យអ្នកទស្សនានូវការយល់ដឹងយ៉ាងជ្រាលជ្រៅចំពោះការវិភាគទីផ្សារ។ គួរកត់សម្គាល់ផងដែរថា Cambodia Phar - Med 2017 បានផ្តល់បទពិសោធន៍ដល់អ្នកទស្សនាលើវិស័យថែទាំសុខភាព, ឱសថ, ឧបករណ៍វេជ្ជសាស្រ្ត, ឧបករណ៍មន្ទីរពិសោធន៍ និងមន្ទីរពេទ្យ ជាមួយនឹងការតាំងពិព័រណ៍លើកទី 1 នៃពិព័រណ៍ Lab Cambodia 2017 Expo និងទន្តពេទ្យកម្ពុជាឆ្នាំ 2017។ Lab Cambodia 2017 Expo ផ្តល់ជូននូវបរិក្ខារនិងឧបករណ៍វិភាគប្រកបដោយភាពច្នៃប្រឌិតគ្រប់ប្រភេទសម្រាប់ មន្ទីរពិសោធន៍ស្រាវជ្រាវ និងអភិវឌ្ឍន៍គុណភាពពិសោធន៏។ សិក្ខាសាលាដែលធ្វើឡើងដោយអ្នកឯកទេសខាងមន្ទីរពិសោធន៍នឹងធ្វើបច្ចុប្បន្នភាពជូនអ្នកទស្សនាជាមួយ និន្នាការ, ការវិវត្តន៍ចុងក្រោយបំផុតរបស់ទីផ្សារសកល ។        Dental Cambodia 2017 ផ្តល់នូវការរៀនសូត្រ និងការចែករំលែកបទពិសោធន៍ដ៏ល្អសម្រាប់ទន្តពេទ្យកម្ពុជាជាមួយសមាជិកនៃទន្តពេទ្យអន្តរជាតិ។ Beauty Connect Expo (cambodia 2017) ពិធីតាំងពិព័រណ៌ និងសន្និសិទអន្តរជាតិលើកទី ២ លើផ្នែកសម្រស់ គ្រឿងសំអាង ផលិតផលថែរក្សាសក់ ផលិតផលថែរក្សាស្បែក និងស្បាឆ្នាំ ២០១៧ នឹងត្រូវធ្វើឡើងនៅថ្ងៃទី ១៥ ដល់ ១៧ ខែកញ្ញា ឆ្នាំ ២០១៧ នៅឯមជ្ឈមណ្ឌលសន្និបាតនិងពិព័រណ៍កោះពេជ្ររាជធានីភ្នំពេញ ដោយមើលឃើញពីការអភិវឌ្ឍន៍នៃពាណិជ្ជកម្ម និងសេវាកម្មផ្នែកកែសម្ផស្ស ។កម្មវិធីនេះមានការចូលរួមរបស់ផលិតផលល្បី ៗ នៅក្នុងឧស្សាហកម្មសម្រស់ គ្រឿងសំអាង ផលិតផលថែរក្សាសក់ ផលិតផលថែរក្សាស្បែក និងស្ប៉ា មកពីប្រទេសបារាំង, ហុងកុង, ថៃ, សិង្ហបុរី, កម្ពុជា និងប្រទេសវៀតណាម។ ពិព័រណ៍ពាណិជ្ជកម្ម នេះជាវេទិកាមួយដែលនាំយកសហគ្រាសគ្រឿងកែសម្ផស្សក្នុងស្រុកនិងអន្តរជាតិទៅក្នុង កិច្ចសហប្រតិបត្តិការពាណិជ្ជកម្មពង្រីកអាជីវកម្មនិង ការច្នៃប្រឌិតថ្មីៗ ជាមួយអតិថិជនសំខាន់ៗនិងទទួលបានទិដ្ឋភាពទូទៅនៃនិន្នាការទីផ្សារ។ អ្នកទស្សនាក៏អាចបង្កើតទំនាក់ទំនងបណ្តាញអាជីវកម្ម និងធ្វើការប្រៀបធៀបផលិតផលក៏ដូចជាបច្ចេកវិទ្យាជាមួយអ្នកតាំងពិព័រណ៍ដោយផ្ទាល់។ ពិព័រណ៍ពាណិជ្ជកម្មនេះជាវេទិកាមួយដែលនាំយកសហគ្រាសគ្រឿងកែសម្ផស្សក្នុងស្រុកនិងអន្តរជាតិទៅក្នុង កិច្ចសហប្រតិបត្តិការពាណិជ្ជកម្មពង្រីកអាជីវកម្មនិង ការច្នៃប្រឌិតថ្មីៗ ជាមួយអតិថិជនសំខាន់ៗនិងទទួលបានទិដ្ឋភាពទូទៅនៃនិន្នាការទីផ្សារ។  ក្រៅពីការតាំងផលិតផលសកម្មភាពមួយចំនួនក៏នឹងត្រូវ ធ្វើឡើងក្នុងកំឡុងពេលពិព័រណ៍នេះដើម្បីផ្តល់ឱកាសដល់អ្នកទស្សនាដើម្បីបង្កើនវិជ្ជាជីវៈ និងបច្ចេកទេស តាមរយៈការសំដែង និង ការបង្ហាញ។   សម្រាប់ព័ត៍មានបន្ថែម សូមទំនាក់ទំនងៈ Minh Vi Exhibition and Advertisement Services Co., Ltd. (VEAS Co., Ltd.) Address: Floor 8, Room 805, Hado Airport Building, 2 Hong Ha, Ward 2, Tan Binh District, Ho Chi Minh City, Vietnam Email: info@veas.com.vn Tel: +84 28 3848 8561 Fax: +84 28 3848 8564 Website: www.pharmed-cambodia.com / www.beautyconnectasia.com  Media Contact - Veas Cambodia Office:  Ms. Harin Eng Email: office.cambo@veas-exhbitions.com Cell: +855 93 535778 No. 1233 Phoum Prek Tano, Sangkat Chak Angrer Lue, Khan Mean Chey, Phnom Penh, Cambodia ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ឱសថ ព្រឹត្តិការណ៍ និងព័ត៌មាន
ចែករំលែក
  • Aug 31, 2017 |
  • 8 ឆ្នាំមុន |
  • 10.6K មើល

បញ្ជីឈ្មោះ និងលេខទូរស័ព្ទទំនាក់ទំនងទៅកាន់មន្ទីរពេទ្យជាតិ និងមន្ទីរពេទ្យនៅ២៥ខេត្ត-ក្រុង

ដើម្បីជាការសម្រួលដល់ការធ្វើការទំនាក់ទំនងទៅកាន់មន្ទីរពេទ្យពេទ្យជាតិ និងបណ្តាមន្ទីរពេទ្យនៅទូទាំង២៥ខេត្ត-ក្រុងនៅក្នុងប្រទេសកម្ពុជា នាថ្ងៃទី៣០ ខែសីហា ឆ្នាំ២០១៧ថ្មីៗនេះ ក្រសួងសុខាភិបាលបានធ្វើការបង្ហាញចេញនូវបញ្ជីឈ្មោះនៃវេជ្ជបណ្ឌិតនៃមន្ទីរពេទ្យដែលបានលើកឡើងខាងលើ ព្រមទាំងភ្ជាប់ជាមួយនឹងលេខទូរស័ព្ទសម្រាប់ទំនាក់ទំនងផងដែរ។  បញ្ជីឈ្មោះ និងលេខទូរស័ព្ទទាំងនេះនឹងជួយសម្រួលដល់ប្រជាពលរដ្ឋកម្ពុជាជាពិសេសអ្នកមានបញ្ហា ឬវិបត្តិសុខភាពផ្សេងៗ ជាមួយនឹងភាពងាយស្រួល និងឆាប់រហ័សក្នុងការទំនាក់ទំនង… សម្រាប់ព័ត៌មានបន្ថែមនៃមន្ទីរពេទ្យ និងគ្លីនិកមួយចំនួន លោកអ្នកក៏អាចស្វែងរកបានតាមរយៈ www.healthtime.tips ប្រភព ៖ FreshNewsAsia ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ​

ព្រឹត្តិការណ៍ និងព័ត៌មាន
ចែករំលែក
  • Aug 29, 2017 |
  • 8 ឆ្នាំមុន |
  • 5.6K មើល

ក្រសួងសុខាភិបាលស្នើសុំទប់ស្កាត់ការផ្សាយបំផ្លើសគុណភាពផលិតផលលើប្រព័ន្ធផ្សព្វផ្សាយនានា..

យោងតាមលិខិតលេខ ៦៥៩ អបស/ ឱអបស ចេញកាលពីថ្ងៃទី ០៩ ខែសីហា  ឆ្នាំ២០១៧ ពីរដ្ឋមន្រ្តីក្រសួងសុខាភិបាលគោរពជូន ឯកឧត្តមលោករដ្ឋមន្ត្រី ក្រសួងព័ត៌មាន អំពីសំណើសុំជួយមានវិធានការទប់ស្កាត់ការបកស្រាយបំផ្លើសពាក់ព័ន្ធការផ្សព្វផ្សាយ ពាណិជ្ជកម្មផលិតផល ឱសថ គ្រឿងសម្អាង និង ចំណីអាហារ  តាមគ្រប់មធ្យាបាយទោះមានច្បាស់អនុញ្ញត ឬគ្មានច្បាប់អនុញ្ញតពីក្រសួងសុខាភិបាលក៏ដោយ ក៏នៅតាមប៉ុស្ត៍ទូរទស្សន៍ និងប៉ុស្ត៍វិទ្យុមួយចំនួនបកស្រាយខ្លឹមសារ និងអត្ថន័យនៃការផ្សាយផលិតផលទាក់ទងនឹងវិស័យសុខាភិបាល មានការបំផ្លើស និងច្នៃពាក្យពេចន៍ជំរុញឲ្យប្រជាជនមានជំនឿលើការប្រើប្រាស់ ដើម្បីកេងចំណេញផលប្រយោជន៍រៀងៗខ្លួនដោយមិនគិតពីសុខភាព និងការខាតបង់ថវិការបស់ប្រជាជន នឹងមានលក្ខណៈខុសឆ្គងពីក្រមសីលធម៌វិជ្ជាជីវៈ។    គួរបញ្ជាក់ផងដែរថា ការធ្វើការផ្សព្វផ្សាយបំផ្លើសទៅលើពាណិជកម្មផលិតផល ឱសថ គ្រឿងសម្អាង និង ចំណីអាហារ ទាំងនោះនឹងនាំឲ្យខាតបងប្រាក់កាស ព្រមទាំងបង្កគ្រោះថ្នាក់ដល់សុខភាព ហើយឈានដល់ការស្លាប់បាត់បង់ជិវិត អ្នកប្រើប្រាស់នោះផងដែរ។   ក្រសួងសុខាភិបាលសង្ឃឹមថា ឯកឧត្តមលោករដ្ឋមន្ត្រី ក្រសួងព័ត៌មាន នឹងមានវិធានការយ៉ាងតឹងរឹងបំផុតចំពោះប៉ុស្ត៍ទូរទស្សន៍ និងប៉ុស្ត៍វិទ្យុមួយចំនួនណាដែលបានផ្សព្វផ្សាយដោយមិនគោរពតាមគោលការណ៍ណែនាំ និងក្រមសីលធម៌វិជ្ជាជីវៈដោយក្តីអនុគ្រោះ ៕ (ខ្លឹមសារទាំងស្រុងនៃសេចក្តីប្រកាសមាននៅក្នុងរូបភាពខាងលើ) ប្រភព ៖ ក្រសួងសុខាភិបាលកម្ពុជា   ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 28, 2017 |
  • 8 ឆ្នាំមុន |
  • 4.6K មើល

Everjobs បង្ហាញជំនាញមួយចំនួនដែលទាមទារក្នុងតួនាទីគ្រប់គ្រងនៅកម្ពុជា

ភ្នំពេញ, ថ្ងៃទី ២៨ ខែសីហា ឆ្នាំ ២០១៧ - everjobs.com.kh,ដែលជាគេហទំព័រការងារដែលរីកលូតលាស់ជាងគេនៅក្នុងប្រទេសកម្ពុជា បានចេញផ្សាយទិន្នន័យដែលបង្ហាញពីជំនាញមួយចំនួនដែលត្រូវបានជ្រើសរើសច្រើនបំផុតនៅក្នុងមុខតំណែងផ្នែកគ្រប់គ្រងនៅក្នុងប្រទេស កម្ពុជាយើង។           ក្រុមហ៊ុនការងារអនឡាញបានចេញផ្សាយនូវក្រាហ្វិចទិន្នន័យបន្ទាប់ពីបានយកចិត្តទុកដាក់សង្កេតយ៉ាងខ្លាំងចំពោះ តួនាទីផ្នែកគ្រប់គ្រងនៅក្នុងរាជធានីភ្នំពេញក្នុងរយៈពេលពីរឆ្នាំកន្លងមកនេះ។  ទិន្នន័យដែលប្រមូលបានពីការពិពណ៌តួនាទីការងារក្នុងផ្នែកគ្រប់គ្រង ជាង២៥០០មុខតំណែងដែលបានចុះផ្សាយនៅលើវេបសាយរបស់ everjobs.com.kh   បានបង្ហាញពីជំនាញសមត្ថភាពមួយចំនួនដែលត្រូវបានទាមទារច្រើនបំផុតនៅពេលដែលនិយោជក ធ្វើការជ្រើសរើសបុគ្គលិកចូលធ្វើការក្នុងផ្នែកគ្រប់គ្រង។ Divotsna Jangir ដែលជាអ្នកគ្រប់គ្រងផ្នែកអភិវឌ្ឍន៍ទីផ្សារនៅ everjobs.com.kh បានមានប្រសាសន៍ថា “ អស់រយៈពេលជាច្រើនឆ្នាំកន្លងមកនេះ យើងអាចប្រមូលផ្តុំ និងវិភាគទិន្នន័យដែលបង្ហាញអំពីការយល់ឃើញអំពីទីផ្សារការងារសំខាន់ៗនៅក្នុងព្រះរាជាណាចក្រកម្ពុជា។ យើងបានសង្កេតឃើញថាជំនាញក្នុងផ្នែកគ្រប់គ្រងបានក្លាយជាប្រភេទការងារដែលមានប្រជាប្រិយភាពក្នុងចំណោមអ្នកស្វែងរកការងារធ្វើនៅក្នុងប្រទេសកម្ពុជា ចាប់តាំងពី everjobs បានចាប់ផ្តើមដំណើរការនៅក្នុងឆ្នាំ ២០១៥ ដែលទាក់ទាញបេក្ខភាពបានជិត ៧០០០នាក់ក្នុងរយៈពេលពីរឆ្នាំមកនេះ។ យើងក៏បានមើលឃើញថាជំនាញនេះបានក្លាយជាប្រភេទមុខតំណែងការងារកំពូលដែលផ្តល់ជូននូវចំនួនឱកាសការងារច្រើនបំផុតនៅកម្ពុជាក្នុងមួយរយៈពេលចុងក្រោយនេះ ចាប់តាំងពីពេលនោះមក ”។ បន្ទាប់ពីការវិភាគលើជំនាញរាប់រយដែលបានលើកឡើងនៅលើការពិពណ៌នាអំពីឱកាសការងារក្នុងផ្នែកគ្រប់គ្រងនៅក្នុងប្រទេសកម្ពុជា everjobs អាចកំណត់អត្តសញ្ញាណនៃគន្លឹះសំខាន់ៗ នៃជំនាញចម្បង និងជំនាញក្នុងការទំនាក់ទំនងដែលក្រុមហ៊ុននីមួយៗតែងមានបំណងក្នុងការស្វែងរកអ្នកគ្រប់គ្រងល្អ។  យើងទាំងអស់គ្នាបានដឹងថា 'ការធ្វើផែនការ' គឺជាជំនាញចម្បងដែលចាំបាច់បំផុតនៅពេលស្វែងរកបេក្ខជនល្អឥតខ្ចោះសម្រាប់មុខតំណែងគ្រប់គ្រង។ ជំនាញនេះត្រូវបានលើកឡើងនៅក្នុងឱកាសការងារចំនួន ២៣% នៃប្រភេទការងារទាំងអស់ក្នុងផ្នែកគ្រប់គ្រងដែលបានចុះផ្សាយនៅលើវេបសាយ everjobs.com.kh ។ ប្រភេទការងារដែលពាក់ព័ន្ធនឹងការទទួលខុសត្រូវសំខាន់ៗរួមមានសមត្ថភាពក្នុងការព្យាករណ៍ក៏ដូចជាការបង្កើត និងថែទាំដំណើរការនៅក្នុងអង្គការមួយឱ្យបានរលូនល្អ។ ជំនាញទាំងនោះក៏ត្រូវបានអនុវត្តអមដោយសមត្ថភាពក្នុងការធ្វើជាអ្នកជំនាញផ្នែកលក់ និងទីផ្សារអាជីពផងដែរ។  ដោយបានបង្ហាញនូវតំរូវការនៃជំនាញបច្ចេកទេសខ្លះៗនោះ ការសិក្សានេះបានធ្វើចំណាត់ថ្នាក់ការគ្រប់គ្រងថវិកា ការប្រតិបត្តិការនិងការអភិវឌ្ឍន៍ការងារ ជាតម្រូវការដែលអ្នកជំនាញចង់បានក្នុងការពង្រឹងជំនាញនៃមុខតំណែងអ្នកគ្រប់គ្រងដូចគ្នាដែរ។ ប្រភេទជំនាញចុងក្រោយបង្អស់ដែលបានលើកឡើងក្នុងក្រាហ្វិចទិន្នន័យរបស់ everjobsគឺ "ជំនាញទន់" ដែលអាចត្រូវបានចាត់ទុកថាជាគុណសម្បត្តិផ្ទាល់ខ្លួនដែលអ្នកស្វែងរកការងារទាំងអស់ត្រូវតែមានដើម្បីទទួលបានជោគជ័យក្នុងអាជីពការងាររបស់ខ្លួន។ everjobs អាចកំណត់បានថា ការទទួលខុសត្រូវ ប្រសិទ្ធភាពការងារ វិន័យ ការជម្រុញទឹកចិត្តខ្លួនឯង និងជំនាញទំនាក់ទំនង គឺជាជំនាញដែលមិនអាចខ្វះបានក្នុងការបំពេញតួនាទីគ្រប់គ្រង។  ជាមួយនឹងបេក្ខភាពជិត ៧០០០នាក់ សម្រាប់មុខតំណែងដែលបានជ្រើសរើសចំនួន ១៩០០កន្លែង សម្រាប់តួនាទីផ្នែកគ្រប់គ្រងនៅលើវេបសាយរបស់ everjobs.com.kh ប្រភេទការងារនីមួយៗគឺមានការពេញនិយមក្នុងចំណោមអ្នកស្វែងរកការងារធ្វើ។ ទោះបីជាមានការចាប់អារម្មណ៍យ៉ាងខ្លាំងចំពោះមុខតំណែងអ្នកគ្រប់គ្រងក៏ដោយ everjobs ជឿជាក់ថាវាមានសារៈសំខាន់ណាស់សម្រាប់អ្នកស្វែងរកការងារដែលត្រូវដឹងអំពីជំនាញដែលពួកគេត្រូវការដើម្បីអាចទទួលបានការងារក្នុងក្ដីស្រមៃរបស់ពួកគេ។ ក្រុមហ៊ុនការងារតាមអនឡាញបានវិភាគ និងធ្វើចំណាត់ថ្នាក់ទិន្នន័យរបស់វាទៅក្នុងប្រភេទមូលដ្ឋានជំនាញចំនួនបីគឺ ជំនាញចម្បង ជំនាញវិធីសាស្ត្រ និងជំនាញក្នុងការទំនាក់ទំនង។   អំពី everjobs Cambodia everjobs.com.kh គេហទំព័រអ៊ិនធឺណេតសម្រាប់ស្វែងរកការងារថ្វើដែលឈានមុខគេបំផុតនៅកម្ពុជា ដែលត្រូវបានដំណើរការ កាលពីខែ មិថុនា ឆ្នាំ ២០១២ នៅប្រទេស មីយ៉ាន់ម៉ា។ គេហទំព័រនេះត្រូវបានពង្រីកនៅទូទាំងតំបន់អាស៊ីអាគ្នេយ៍ នាពេលប៉ុន្មានឆ្នាំកន្លងមកនេះ ហើយត្រូវបានដំនើរការនៅប្រទេសកម្ពុជា នាខែមីនាឆ្នាំ ២០១៥។ everjobs Cambodia ទទួលបានភាពជោគជ័យជាមួយនឹងអ្នកបើកមើលក្នុងមួយថ្ងៃ ចំនួន៦៥០០នាក់ ជាមួយស្តុកផ្ទុកទិន្នន័យដែលមាន ៣០,០០០ ពាក្យស្នើរសុំការងារ និង ៣,៥០០កន្លែងនៃឱកាសការងារ។ គេហទំព័រនេះបានផ្ដល់នូវឱកាសការងារជាងរាប់ពាន់នៅក្នុងប្រទេសកម្ពុជា ហើយព្រមទាំងបានជួយផ្គត់ផ្គង់ដល់អ្នកស្វែងរកការងារ ជាមួយនឹងចំនេះដឹងនិងបទពិសោធន៍របស់ពួកគេ។ អំពី everjobs everjobs ជាគេហទំព័រអ៊ិនធឺណេតសម្រាប់ស្វែងរកការងារដែលសព្វថ្ងៃ បានដំណើរការនៅក្នុង ប្រទេសកម្ពុជា ប្រទេសបង់ក្លាដេស ប្រទេសស្រីលង្កា និងប្រទេសមីយ៉ានម៉ា។ គ្រប់គ្រង និងដឹកនាំដោយនាយកប្រតិបត្តិប្រចាំតំបន់អាស៊ីលោក Gijs Verheijke, everjobs មានបំណងក្លាយជាគេហទំព័រអ៊ិនធឺណេតសម្រាប់ស្វែងរកការងារដែលឈានមុខគេ និងស្វែងរកការផ្គូរផ្គងដ៏សក្ដិសមបំផុតសម្រាប់និយោជក និងនិយោជិក។ ក្រុមហ៊ុននេះត្រូវបានគាំទ្រដោយក្រុមអ៊ីនធឺណេតអាស៊ីប៉ាស៊ីហ្វិក (APACIG) ។ អំពី APACIG ក្រុមអ៊ីនធឺណេតអាស៊ីប៉ាស៊ីហ្វិក (www.apacig.com) គឺជាក្រុមហ៊ុនដែលបានទទួលការបណ្តាក់ទុនពី ក្រុមហ៊ុនអ៊ីនធើណេត Rocket Ooredoo។ បណ្តាញរបស់ក្រុមនេះមាន ជាង១៣ e-commerce រូមទាំងក្រុមហ៊ុនលើទីផ្សារអ៊ីនធឺណេតផ្សេងទៀត វាបានកំពុងតែប្រតិបត្ដិការនៅក្នុងប្រទេសចំនូន ១៥។ ចាប់តាំងពីក្រុមហ៊ុននេះត្រូវបានបង្កើតឡើងក្នុងឆ្នាំ ២០១៤ ក្រុមអ៊ីនធឺណេតអាស៊ីប៉ាស៊ីហ្វិក (APACIG) បានក្លាយជាគេហទំព័រលើបណ្តាញអ៊ីនធឺណេតដែលនាំមុខគេនៅក្នុងតំបន់អាស៊ី ហើយក៏បានក្លាយជាក្រុមហ៊ុនអ៊ីនធើណេតដ៏កំពូលនៅក្នុងតំបន់ផងដែរ។ ទំនាក់ទំនង៖ Helene Banet (Marketing & PR Manager) ទូរស័ព្ទលេខ៖ +៨៥៥ ៧០ ៣៧៣ ៤៩៥ អ៊ីម៉ែល៖ helene.banet@everjobs.com.kh ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 26, 2017 |
  • 8 ឆ្នាំមុន |
  • 11.8K មើល

Sarahah គួរឲ្យចង់លេង តែក៏គួរឲ្យខ្លាចដែរ!

មានប៉ុន្មាននាក់ដែលអាចscrollកាត់newsfeedនៅលើហ្វេសប៊ុកដោយមិនឃើញpostពី Sarahah? ដឹងតែមិនសូវមានច្រើននោះទេ…   ហើយក៏ប្រហែលជាមានច្រើនដែរ ដែលបាន និងកំពុងប្រើប្រាស់វា… ហើយវាពិតជាគួរឲ្យទំនងលេងមែន ក៏ប៉ុន្តែ តើបានដឹងពីប្រវត្តិរបស់វាហើយឬនៅ? តោះ! ស្វែងយល់ជាមួយគ្នា…   Sarahah ជាភាសាអារ៉ាប់ ដែលមានន័យថា «ភាពស្មោះត្រង់» ជាកម្មវិធីទូរស័ព្ទដែលកំពុងពេញនិយមមួយនៅក្នុងស្រទាប់អ្នកប្រើប្រាស់បណ្តាញសង្គម ជាពិសេសយុវវ័យ។ វាជាកម្មវិធីមួយដែលអាចឲ្យអ្នកប្រើប្រាស់ទទួលបាននូវសារអនាមិកពីអ្នកប្រើប្រាស់ដទៃទៀតយ៉ាងងាយស្រួល។ Sarahah មានដើមកំណើតនៅប្រទេស Saudi Arabia ដែលត្រូវបានផ្តួចផ្តើមដោយ Zain al-Abidin Tawfiq ដែលជំហានដំបូងគ្រាន់តែជាគេហទំព័រសម្រាប់ប្រើប្រាស់ក្នុងក្រុមហ៊ុនដើម្បីទទួលបានមតិយោបល់ពីបុគ្គលិកបម្រើការងារទៅកាន់ថ្នាក់លើតែប៉ុណ្ណោះ លុះក្រោយមកទើបត្រូវបានអភិវឌ្ឍខ្លួនមកសម្រាប់ប្រើប្រាស់ទូទៅបែបនេះ។   ពាក្យពេចន៍ខ្លះដែលមិនហ៊ាននិយាយ ទីបំផុតក៏អាចផ្ញើជូនទៅគេ…ហើយក៏ជាឱកាសដែលអាចដឹងពីមតិយោបល់ និងចំណាប់អារម្មណ៍របស់អ្នកដទៃមកលើខ្លួន។   ស្របពេលដែលវាកំពុងត្រូវបានទទួលការគាំទ្រយ៉ាងខ្លាំង ដោយមនុស្សភាគច្រើនបានគិតថា វាជាវិធីមួយដ៏ល្អប្រសើរសម្រាប់ការបញ្ចេញនូវមតិយោបល់ ក៏ដូចជាផ្ញើសារក្នុងចិត្តទៅកាន់នរណាម្នាក់ដោយមិនចង់បង្ហាញពីអត្តសញ្ញាណ វាក៏អាចជាអាវុធមួយចាក់ដោតបេះដូងនៃអ្នកប្រើប្រាស់ដែលបានទទួលមតិយោបល់អវិជ្ជមាន ការរិះគន់ គម្រាមកំហែងរហូតមិនអាចទទួលបានផងដែរ។ អ្នកអាចស្រមៃមើលថា ក្នុងចំណោមសារជាច្រើនដែលអ្នកបានទទួល ក្នុងនោះមានសារដែលនិយាយពីចំណុចអវិជ្ជមានរបស់អ្នក ប្រមាថអ្នក បន្ទាបតម្លៃ និងពាក្យពេចន៍អសុរោះជាបន្តបន្ទាប់ តើអ្នកនឹងមានអារម្មណ៍បែបណា?   នេះមិនមែនជាកម្មវិធីទី១នោះទេដែលមានមុខងារបែបនេះទេ យើងក៏ឃើញការបង្កើត App ស្រដៀងគ្នាពីមុនមក ដែលភាគច្រើនបានបរាជ័យព្រោះតែវាបានក្លាយជាឧបករណ៍ដែលជះឥទ្ធិពលអវិជ្ជមានទៅលើអ្នកប្រើប្រាស់ ដូចជាករណីបាក់ទឹកចិត្តខ្លាំង និងខ្លះដល់ថ្នាក់ការធ្វើអត្តឃាតទៀតផង ដែលជាផ្នែកមួយនៃ cyberbullying។ តែទេាះជាយ៉ាងក៏ដោយ លោកអ្នកអាចសាកល្បងប្រើសម្រាប់កំសាន្តរយៈពេលខ្លី និងលើកទឹកចិត្តខ្លួនឯងស្របពេលដែលទទួលពាក្យសរសើរផ្សេងៗ ក៏ប៉ុន្តែប្រសិនបើមានការផ្ញើរសារអវិជ្ជមាន ការរិះគន់ គម្រាមកំហែង អ្នកគួរតែបំភ្លេចវាចោល លុបApp ហើយរស់នៅក្នុងភាពបើកចំហវិញ ដោយកំុព្យាយាមស្វែងរកមុខអ្នកដែលផ្ញើរសារនេាះមកអ្នកអី ព្រេាះវាធ្វើឲ្យអ្នកខាតពេលវេលា បាក់ទឹកចិត្ត ឬឈានទៅដល់ការគិតខ្លី។   ក្មេងអាយុក្រោម ១៧ ឆ្នាំ មិនគួរប្រើ Sarahah ទេ!   រូបភាព៖ អាចជាការតាមដានពីអនាមិក ហើយអ្នកនឹងមានភាពភ័យខ្លាចបន្តិចម្តងៗ...

កំសាន្ត ព្រឹត្តិការណ៍ និងព័ត៌មាន
ចែករំលែក
  • Aug 23, 2017 |
  • 8 ឆ្នាំមុន |
  • 6.3K មើល

អាហារូបករណ៍ផ្នែកសុខាភិបាល៥០%ពីសាកលវិទ្យាល័យអន្តរជាតិ(IU)

ជាដំណឹងពិសេសមួយសម្រាប់សិស្សវិទ្យាល័យ និងបុគ្គលដែលមានបំណងចូលសិក្សាផ្នែកសុខាភិបាលសម្រាប់ឆ្នាំសិក្សា ២០១៧-២០១៨ នេះ!!! ជាមួយនឹងការផ្តល់ជូនពិសេសពីសាកលវិទ្យាល័យអន្តរជាតិ (International University) នូវអាហារូបករណ៍៥០%សម្រាប់មួយចប់កម្មវិធីសម្រាប់ឆ្នាំសិក្សា (២០១៧-២០១៨) លើមុខជំនាញរួមមានដូចខាងក្រោម ៖ ១.បរិញ្ញាបត្រវេជ្ជសាស្រ្ត ៥កន្លែង ២.បរិញ្ញាបត្រទន្តសាស្រ្ត ១០កន្លែង ៣.បរិញ្ញាបត្រគិលានុបដ្ឋាក ១០កន្លែង ៤.បរិញ្ញាបត្រឆ្មប ៥កន្លែង ៥.បរិញ្ញាបត្រសុខភាពសាធារណៈ ៥កន្លែង ៦.បរិញ្ញាបត្ររងគិលានុបដ្ឋាក ៥កន្លែង ៧.បរិញ្ញាបត្ររងឆ្មប ១០កន្លែង ៨.បរិញ្ញាបត្រមន្ទីរពិសោធន៍ ៥កន្លែង ៩.បរិញ្ញាបត្ររងទន្តគិលានុបដ្ឋាក ៥កន្លែង លក្ខខណ្ឌ ៖ សម្រាប់តែនិស្សិតដែលបានប្រឡងចូលរៀនថ្នាក់ជាតិជាប់តាមអាភិភាពទី១ សម្រាប់ព័ត៌មានបន្ថែម ៖  អាសយដ្ឋាន ៖ អាគារលេខ89-95 ផ្លូវលេខ1984 កែង 1011 សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទូរស័ព្ទលេខ ៖ 023 881 623 / 016 423 666 / 070 888 120 ព័ត៌មានលម្អិត ៖ សូមពិនិត្យមើលសេចក្តីប្រកាសខាងលើ ប្រភព ៖ ទំព័រហ្វេសប៊ុក IU International University ©2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 23, 2017 |
  • 8 ឆ្នាំមុន |
  • 4.3K មើល

[មែនក៏អី?] អ្នកស្រ្តេស និងសោកសៅខ្លាំងអាចប្រឈមនឹងជំងឺបេះដូងធ្ងន់ធ្ងរ?

  ការស្រាវជ្រាវដែលកំពុងរីកចម្រើនមួយបានបង្ហាញថា«ការស្លាប់ ឬការបាត់បង់មនុស្សជិតស្និទ្ធនឹងអ្នក គឺមិនគ្រាន់តែមានអារម្មណ៍ថាឈឺចាប់ខូចចិត្តប៉ុណ្ណោះទេ តែវាអាចបណ្តាលឲ្យមានការផ្លាស់ប្តូរផ្នែករាងកាយដែលអាចនាំឲ្យមានជំងឺបេះដូងធ្ងន់ធ្ងរ»។ ការស្រាវជ្រាវថ្មីមួយនេះបានរកឃើញថាអ្នកដែលមានដៃគូរបស់ពួកគេស្លាប់ គឺមានហានិភ័យខ្ពស់នៃការមានចង្វាក់បេះដូងលោតមិនទៀងទាត់ (Atrial Fibrillation) ហើយផលប៉ះពាល់របស់វាគឺយូរអង្វែង។ ក្រុមអ្នកស្រាវជ្រាវបានកំពុងតែសិក្សាពីបាតុភូតមួយដែលគេហៅថា Stress Cardiomyopathy ឬ Broken Heart Syndrome គឺមានន័យថានៅពេលដែលមនុស្សម្នាក់ស្ថិតនៅក្នុងព្រឹត្តិការណ៍ដ៏ស្ត្រេស និងសោកសៅមួយដូចជាការស្លាប់នៃមនុស្សជាទីស្រឡាញ់របស់គេជាដើម អាចធ្វើឲ្យគេបានអារម្មណ៍ឈឺចាប់ដូចគាំងបេះដូងអីចឹង។ រោគសញ្ញាដទៃទៀតមានដូចជាអាការៈពិបាកដកដង្ហើម ឈឺទ្រូង ប៉ុន្តែមិនមានការស្ទះនូវសរសៃអាកទែរនោះទេ។ ក្រុមអ្នកជំនាញបានសង្ស័យថាវាអាចកើតឡើងដោយសារតែការកើនឡើងនៃអ័រម៉ូនស្ត្រេសដែលត្រូវបានបង្កឡើងដោយព្រឹត្តិការណ៍មួយដែលប៉ះពាល់ដល់អារម្មណ៍របស់អ្នក។ នៅក្នុងការសិក្សាថ្មីមួយដែលបានបោះពុម្ពផ្សាយនៅក្នុងទស្សនាវដ្តី Open Heart ក្រុមអ្នកស្រាវជ្រាវបានសង្កេតមើលថាតើការបាត់បង់ដៃគូអាចរួមចំណែកក្នុងការបង្កើននូវហានិភ័យខ្ពស់នៃជំងឺ Atrial Fibrillation ដែរឬទេ ហើយបើសិនជាវាដូច្នេះមែន តើហានិភ័យនោមានកម្រិតប៉ុនណា។  ក្រុមអ្នកស្រាវជ្រាវបានសិក្សាទៅលើបញ្ជីចុះឈ្មោះអ្នកជំងឺនៅក្នុងប្រទេសដាណឺម៉ាកដែលមានមនុស្ស 88,600 នាក់ត្រូវបានធ្វើរោគវិនិច្ឆ័យថាមាន Atrial Fibrillation។ ពួកគេក៏បានរកឃើញដែរថា «អ្នកដែលបានបាត់បង់ដៃគូមានទំនោរនឹងមាន Atrial Fibrillation ប្រមាណជា 41% នៅក្នុងខែទីមួយបន្ទាប់ពីការបាត់បង់នៃដៃគូរបស់ពូកគេ នេះបើប្រៀបធៀបជាមួយអ្នកដែលមិនបានជួបព្រឹត្តិការណ៍បែបនេះ»។ ហានិភ័យកាន់តែខ្ពស់មួយសម្រាប់លក្ខខ័ណ្ឌបែបនេះបានបន្តរហូតដល់រយៈពេលពេញមួយឆ្នាំ។ ពួកគេថែមទាំងបានរកឃើញថាហានិភ័យនេះ គឺមានខ្ពស់ចំពោះមនុស្សដែលមានវ័យក្មេង និងចំពោះអ្នកដែលបានបាត់បង់ដៃគូរបស់ពួកគេភ្លាមៗឬដោយមិនបានដឹងមុន។ លោក Simon Graff ដែលជាអ្នកស្រាវជា្រវនៅក្នុងនាយកដ្ឋានសុខភាពសាធារណៈនៅសាកលវិទ្យាល័យ Aarhus បាននិយាយថា «ការសិក្សារបស់លោកនេះបានបន្ថែមភស្តុតាងទៅនឹងការរីកចម្រើនចំណេះដឹងនៃទំនាក់ទំនងចិត្ត និងបេះដូងថា គឺជាទំនាក់ទំនងដ៏មានឥទ្ធិពលមួយ ហើយការសិក្សាស្រាវជ្រាវបន្ថែម គឺត្រូវបានធានា»។ លោកបានបន្តទៀតថា «Broken Heart Syndrome គឺជាជំងឺមួយផ្សេងទៀតដែលមានលក្ខណៈខុសពីជំងឺដទៃ ប៉ុន្តែយន្តការនៃការវិវត្តនៃជំងឺអាចមានលក្ខណៈដូចគ្នា។ ដូចជាការកើនឡើងនៃអ័រម៉ូនដែលធ្វើឲ្យមានការរលាក និងអតុល្យភាពនៅផ្នែកដែលមិនអាចគ្រប់គ្រងបាននៃប្រព័ន្ធប្រសាទរបស់យើង។» វេជ្ជបណ្ឌិត Harmony Reynolds គឺជាគ្រូពេទ្យឯកទេសបេះដូងនៅ NYU Langone Medical Center ក៏បានសិក្សាអំពីទំនាក់ទំនងរវាងស្ត្រេស និងបេះដូងដែរនោះ បានមានប្រសាសន៍ថាទំនាក់ទំនងនេះ គឺត្រូវបានទទួលស្គាល់នៅក្នុងសមាគមន៍វេជ្ជសាស្ត្រ ប៉ុន្តែអ្វីដែលអាចធ្វើបាននោះគឺវាស្ថិតនៅក្រោមការសិក្សានៅឡើយ។ លោកស្រីបាននិយាយថា «យើងមិនអាចបញ្ឈប់នូវស្ថានភាពស្ត្រេសមិនឲ្យកើតមានឡើងក្នុងជីវិតយើងបានឡើយ ប៉ុន្តែវាមាននូវវិធីសាស្ត្រជាច្រើន ដើម្បីផ្លាស់ប្តូរការស្ត្រេសមិនឲ្យមានការប៉ះពាល់ដល់រាងកាយរបស់យើង។» លោកស្រីបានបន្តថា «មានសកម្មភាពជាច្រើនដែលអាចបង្កើនសកម្មភាពរបស់ប្រព័ន្ធប្រសាទដូចជា ការធ្វើលំហាត់ប្រាណឲ្យបានទៀងទាត់ ការសមាធិ យោគៈ (Yoga) និងការហាត់ដកដង្ហើមជាដើម។» ពេលខ្លះ ស្ថានភាពមិនត្រូវបានរំខានដោយទុក្ខព្រួយនោះទេ ប៉ុន្តែវាអាចជាស្ថានភាពស្ត្រេសដទៃទៀតដូចជាការរំភើបដោយសារការត្រូវឆ្នោតដ៏ធំមួយជាដើម។ ការសិក្សាថ្មីនេះថ្វីត្បិតតែមានទំហំធំ ប៉ុន្តែវាមិនអាចសន្មតបានថាអារម្មណ៍បាត់បង់នរណាម្នាក់ពិតជាអាចបណ្ដាលឲ្យមានជំងឺ Atrial Fibrillation ដោយផ្ទាល់នោះទេ។ ទោះបីជាយ៉ាងណាក៏ដោយ វាមិនមែនជាលើកទីមួយទេដែលមានការលើកឡើងថាកត្តាជីវិតមួយចំនួនដែលធ្វើឲ្យយើងស្ត្រេសអាចធ្វើឲ្យយើងមានបញ្ហាបេះដូង។ លោក Graff បាននិយាយថា «ឥលូវនេះការងាររបស់ពួកយើង គឺអាចត្រឹមតែបង្ហាញថាវាពិតជាមានទំនាក់ទំនងគ្នា ប៉ុន្តែយើងសង្ឃឹមថាការសិក្សានេះអាចផ្លាស់ប្តូរផ្នត់គំនិតថាការស្ថិតនៅក្នុងស្ថានភាពទុក្ខព្រួយគឺមិនមែនប៉ះពាល់ត្រឹមតែផ្លូវចិត្តនោះទេ តែវាប្រហែលជាអាចប៉ះពាល់ដល់រាងកាយរបស់យើងផងដែរ។» ©2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 22, 2017 |
  • 8 ឆ្នាំមុន |
  • 3.4K មើល

[មែនក៏អី?] ការប្រើស្មាតហ្វូន ឬថេប្លេតអាចធ្វើឲ្យអ្នកធាត់បាន

ការស្រាវជ្រាវថ្មីមួយបានបង្ហាញថា «ការប្រើប្រាស់កុំព្យូទ័រ ឬស្មាតហ្វូននៅពេលយប់អាចបណ្តាលឲ្យយើងឡើងទម្ងន់ ដែលបានរកឃើញពីទំនាក់ទំនងមួយរវាងពន្លឺពណ៌ខៀវ (Blue Light) ដែលត្រូវបានបញ្ចេញដោយស្មាតហ្វូននិងថេប្លេត និងការកើនឡើងនៃការឃ្លាន»។ ការសិក្សាបានរកឃើញថា ការប៉ះពាល់ទៅនឹងពន្លឺអាចបង្កើនកម្រិតនៃការស្រេកឃ្លានជាច្រើនម៉ោង ហើយថែមទាំងបង្កើនកម្រិតនៃការឃ្លានបន្ទាប់ពីការទទួលទានអាហារទៀតផង។ លទ្ធផលនៃការសិក្សានៅសហរដ្ឋអាមេរិកបានបង្ហាញពី ការប្រៀបធៀបមួយរវាងការប៉ះពាល់នឹងពន្លឺពណ៌ខៀវ និងពន្លឺពណ៌លឿង(Dim Light)ត្រូវបានផ្សារភ្ជាប់ជាមួយនឹងការកើនឡើងនៃការឃ្លានដែលបានចាប់ផ្តើម 15 នាទីបន្ទាប់ពីបានប៉ះពាល់នឹងពន្លឺនោះហើយវានឹងនៅតែបន្តមានវត្តមានរហូតដល់ជិតពីរម៉ោងបន្ទាប់ពីការទទួលទានអាហារ។ ការប៉ះពាល់នឹងពន្លឺពណ៌ខៀវត្រូវបានគេបង្ហាញផងដែរថាវាអាចធ្វើឲ្យមានការថយចុះភាពងងុយគេងនៅពេលល្ងាចហើយបង្កើនហានិភ័យនៃការគេងមិនលក់។ សហនិពន្ធអ្នកស្រាវជ្រាវ Ivy Cheung មកពីសាកលវិទ្យាល័យ Northwestern ក្នុងទីក្រុង Chicago បាននិយាយថា «ការប៉ះពាល់នឹងពន្លឺពណ៌ខៀវក្នុងរយៈពេល 3 ម៉ោងនៅពេលល្ងាចអាចបង្កឲ្យមានការប៉ះពាល់យ៉ាងធ្ងន់ធ្ងរដល់ការឃ្លាន និងមេតាបូលីសជាតិស្ករក្នុងរាងកាយយើង»។ ការស្រាវជ្រាវនេះត្រូវបានចេញផ្សាយនៅក្នុងទស្សនាវដ្តីវិទ្យាសាស្ត្រមួយឈ្មោះថា Sleep និងត្រូវបានគេធ្វើបទបង្ហាញនៅក្នុងកិច្ចប្រជុំប្រចាំឆ្នាំរបស់ Associated Professional Sleep Societies នៅ Minneapolis។ អ្នកដែលបានចូលរួមក្នុងការសិក្សានេះមានមនុស្សពេញវ័យចំនួន 10 នាក់ដែលទទួលបានការគេង និងទទួលទានអាហារមួយទៀងទាត់ ហើយពួកគេទទួលបានអាហារដែលមានជាតិកាបូអ៊ីដ្រាតដូចគ្នា។ ពួកគេបានបញ្ចប់ការសាកល្បងរយៈពេល៤ថ្ងៃជាមួយនឹងពន្លឺពណ៌លឿង ដែលពួកគេបានប៉ះពាល់នឹងពន្លឺនេះតិចជាង 20 Lux (Lux គឺជាខ្នាតសម្រាប់គណនាចំនួនពន្លឺដែលត្រូវបានផលិត) ក្នុងអំឡុងពេល 16 ម៉ោង និងតិចជាង 3 Lux ក្នុងអំឡុងពេល 8 ម៉ោងនៃការគេង។ នៅថ្ងៃទីបី ពួកគេបានប៉ះពាល់នឹងពន្លឺ 260 Lux ក្នុងរយៈពេល 3 ម៉ោង ហើយពន្លឺពណ៌ខៀវបានចាប់ផ្តើមក្នុងរយៈ 10.5 ម៉ោងបន្ទាប់ពីពួកគេបានភ្ញាក់ពីគេង បន្ទាប់មកគេបានប្រៀបធៀបផលប៉ះពាល់របស់វាទៅនឹងការប៉ះពាល់ពន្លឺពណ៌លឿងនៅថ្ងៃទីពីរ។ កញ្ញា Cheung បាននិយាយថាវាទាមទារឲ្យមានការស្រាវជ្រាវបន្ថែមទៀត ដើម្បីកំណត់ឲ្យបានអំពីយន្តការនៃសកម្មភាពដែលជាប់ពាក់ព័ន្ធនៅក្នុងទំនាក់ទំនងរវាងការប៉ះពាល់នឹងពន្លឺ ការឃ្លាន និងមេតាបូលីស។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 18, 2017 |
  • 8 ឆ្នាំមុន |
  • 42.8K មើល

ក្រសួងសុខាភិបាលមិនទទួលស្គាល់និស្សិតផ្នែកសុខាភិបាលពីសាកលវិទ្យាល័យត្រាវិញ

យោងតាមលិខិតពីរដ្ឋមន្រ្តីក្រសួងសុខាភិបាល គោរពជូន ឯកឧត្តមបណ្ឌិតសភាចារ្យ រដ្ឋមន្រ្តីក្រសួងអប់រំ យុវជន និងកីឡា កាលពីថ្ងៃទី១៥ ខែសីហា ឆ្នាំ២០១៧ អំពីសំណើសុំបញ្ឈប់ការផ្សព្វផ្សាយសេចក្តីជូនដំណឹងលេខ៤៤ អយក.សដណ ចុះថ្ងៃទី១៧ ខែឧសភា ឆ្នាំ២០១៧ របស់ក្រសួងអប់រំ យុវជន និងកីឡា អំពីការការជ្រើសរើសនិស្សិតកម្ពុជាទៅសិក្សាជាលក្ខណៈបង់ថ្លៃសិក្សានៅសាកលវិទ្យាល័យត្រាវិញ នៃសាធារណរដ្ឋសង្គមនិយមវៀតណាមលើជំនាញសុខាភិបាល ក្នុងនោះមានថ្នាក់បរិញ្ញបត្រឱសថដែលក្រសួងសុខាភិបាលបានបញ្ឈប់ការបណ្តុះបណ្តាលជំនាញនេះតាំងពីឆ្នាំ១៩៩៤មកម្ល៉េះ ដោយសារមិនមានតម្រូវការធនធានមនុស្សវិស័យសុខាភិបាលលើកម្រិតជំនាញនេះទៀត។   គួរបញ្ជាក់ផងដែរថា ការផ្តល់អាហារូបករណ៍ដល់និស្សិតកម្ពុជានៅខេត្តស្វាយរៀង និងខេត្តកំពង់ចាមទៅបណ្តុះបណ្តាលថ្នាក់គិលានុបដ្ឋាកមធ្យមនៅសាកលវិទ្យាល័យមួយក្នុងខេត្តឡុងអានប្រទេសវៀតណាម ដែលមានរយៈពេលសិក្សាតែ២ឆ្នាំនេះ ក៏ត្រូវបានបដិសេធមិនទទួលស្គាល់ពីក្រសួងសុខាភិបាលដែរ។   ទន្ទឹមនឹងគ្នានេះផងដែរ ក្រសួងសុខាភិបាលក៏បានពិនិត្យពីការជ្រើសរើសចូលរៀនថ្នាក់ពហុវេជ្ជសាស្រ្ត(វេជ្ជបណ្ឌិត)មានរយៈពេលតែ៥ឆ្នាំសម្រាប់កម្រិតបរិញ្ញាបត្រ ទាំងដែលការពិតការបណ្តុះបណ្តាលថ្នាក់វេជ្ជបណ្ឌិតនៅប្រទេសវៀតនាមានរយៈពេល០៦ឆ្នាំ បូក និងការអនុវត្តជំនាញក្រោមការអភិបាលនៅតាមមន្ទីរពេទ្យបណ្តុះបណ្តាលយ៉ាងតិច១៨ខែបន្ថែមទៀត(សម្រាប់និស្សិតជាជនជាតិវៀតណាម) ទើបអាចប្រកបវិជ្ជាជីវៈបាន។    មិនត្រឹមតែប៉ុណ្ណោះ ការផ្សព្វផ្សាយនេះមានលក្ខណៈទូទៅចំពោះនិស្សិតគ្រប់រូបដែលមានសញ្ញាបត្រមធ្យមសិក្សាទុតិយភូមិ អាចមានសិទ្ធិបង់ថ្លៃចូលរៀនទាំងអស់ ដែលនឹងបង្កជាផលវិបាកធ្ងន់ធ្ងរក្រោយការបញ្ចប់ការសិក្សារបស់ពួកគេ ហើយត្រឡប់មកបម្រើការងារក្នុងប្រទេសវិញ។ ក្រសួងសុខាភិបាលក៏បានបញ្ជាក់ដែរថា ការបណ្តុះបណ្តាលក្នុងវិស័យសុខាភិបាល គឺត្រូវឆ្លើយតបនឹងផែនការតម្រូវការធនធានមនុស្សវិស័យសុខាភិបាល និងដើម្បីធានាគុណភាពនៃការបណ្តុះបណ្តាលការចូលរៀន និងការប្រលងបញ្ចប់ការសិក្សានៅគ្រប់កម្រិត និងគ្រប់ជំនាញក្នុងវិស័យសុខាភិបាល ត្រូវប្រលងថ្នាក់ជាតិជាប់ និងគោរពតាមលក្ខខណ្ឌតម្រូវក្នុងការបណ្តុះបណ្តាលក្នុងវិស័យសុខាភិបាល។   ក្រសួងសុខាភិបាលនឹងមិនទទួលស្គាល់និស្សិតដែលបញ្ចប់ការសិក្សាវិស័យសុខាភិបាលមកពីសាកលវិទ្យាល័យនេះទេ អាស្រ័យហេតុនេះ សូមឯកឧត្តមបណ្ឌិតសភាចារ្យ ជ្រាប និងពិនិត្យលើលទ្ធភាពបញ្ឈប់ការផ្សព្វផ្សាយសេចក្តីជូនដំណឹងនេះ និងរាំងស្កាត់ការទៅសិក្សាវិស័យសុខាភិបាលនៅសាកលវិទ្យាល័យត្រាវិញនៃប្រទេសវៀតណាមដោយអនុគ្រោះ។   Photo Credit : Hout Yuvoleap    ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
  • Aug 15, 2017 |
  • 8 ឆ្នាំមុន |
  • 3.9K មើល

[មែនក៏អី?] «ការនៅលីវអាចធ្វើឲ្យឆាប់ស្លាប់ជាងអ្នកមានជំងឺធាត់ទៅទៀត»

អ្នកជំនាញបានបញ្ជាក់ថា ភាពឯកោគឺអាចបណ្តាលឲ្យស្លាប់លឿនជាងអ្នកមានជំងឺធាត់ទៅទៀត ហើយវាគួរតែត្រូវបានចាត់ទុកថាជាហានិភ័យនៃសុខភាពសាធារណៈ។    អ្នកដែលមានទំនាក់ទំនងសង្គមមិនល្អអាចបង្កើនហានិភ័យនៃការឆាប់ស្លាប់ដល់ទៅ៥០%ប្រៀបធៀបទៅនឹងអ្នកដែលមានទំនាក់ទំនងសង្គមល្អ នេះបើយោងតាមការបង្ហាញរបស់ការសិក្សាអំពីភាពឯកោ។   អ្នកស្រាវជ្រាវនៅសហរដ្ឋអាមេរិកបានសង្កេតទៅលើការសិក្សាចំនួន២១៨ដែលស្ដីអំពីផលប៉ះពាល់សុខភាពនៃភាពឯកោ និងការផ្ដាច់ទំនាក់ទំនងពីសង្គម។   ពួកគេបានរកឃើញថាការផ្ដាច់ទំនាក់ទំនងពីសង្គមបានបង្កើនហានិភ័យនៃការស្លាប់របស់មនុស្សម្នាក់រហូតដល់ពាក់កណ្ដាលនេះបើប្រៀបធៀបទៅនឹងអ្នកមានជំងឺធាត់ដែលហានិភ័យនៃការស្លាប់របស់ពួកគេមានត្រឹមតែ៣០%តែប៉ុណ្ណោះ។   វេជ្ជបណ្ឌិត Julianne Holt-Lunstad ដែលជាអ្នកដឹកនាំនិងជាសាស្ត្រចារ្យផ្នែកចិត្តវិទ្យានៅសកលវិទ្យាល័យ Brigham Young University បាននិយាយថា «ការផ្សារភ្ជាប់ជាមួយអ្នកដទៃក្នុងសង្គមត្រូវបានគេចាត់ទុកថាជាតម្រូវការដ៏ចម្បងរបស់មនុស្ស ហើយវាក៏សំខាន់ចំពោះសុខុមាលភាពនិងការរស់រានមានជីវិតដែរ។»   «ឧទាហរណ៍ជាក់ស្តែងមួយបានបង្ហាញថា ទារករស់នៅក្នុងមណ្ឌលថែទាំដែលពួកគេខ្វះទំនាក់ទំនងទៅនឹងសង្គមខាងក្រៅគឺមានបញ្ហាជាមួយនឹងការលូតលាស់និងស្លាប់ជារឿយៗ ហើយជាការពិតណាស់ការផ្តាច់ឆ្ងាយពីសង្គមឬការឃុំឃាំងឲ្យនៅតែម្នាក់ឯងត្រូវបានប្រើជាទម្រង់មួយនៃការធ្វើទណ្ឌកម្ម។» ប៉ុន្តែបច្ចុប្បន្ននេះមានការកើនឡើងនៃចំនួនប្រជាជនអាមេរិកដែលមានបញ្ហាទាក់ទងនឹងការផ្ដាច់ឆ្ងាយពីសង្គមនេះ។   អារម្មណ៍ឯកាគឺអាចធ្វើឲ្យយើងមានអារម្មណ៍អាក្រក់ទាំងផ្លូវកាយនិងផ្លូវចិត្ត ហើយចំពោះអ្នកដែលឯកាវិញ ភាគច្រើនតែងតែមានរោគសញ្ញាអាក្រក់ជាងអ្នកដែលមិនឯកា នៅពេលដែលពួកគេមានបញ្ហាសុខភាព។   ការស្ទង់មតិថ្មីមួយដោយ Granset បានរកឃើញថាមនុស្សចាស់ជិត៣ភាគ៤នៅក្នុងចក្រភពអង់គ្លេសគឺមានភាពឯកោ ហើយភាគច្រើនមិនសូវនិយាយទៅកាន់នរណាម្នាក់អំពីអារម្មណ៍របស់ពួកគេទេ។   ពួកគេក៏បានរកឃើញថាប្រហែលជា៧០%បាននិយាយថាមិត្តភក្តិជិតស្និទ្ធនិងក្រុមគ្រួសាររបស់ពួកគេនឹងមានភាពភ្ញាក់ផ្អើលប្រសិនបើពួកគេនិយាយថាពួកគេមានភាពឯកា។   ការិយាល័យស្ថិតិជាតិថ្មីៗនេះបានបង្ហាញថាចក្រភពអង់គ្លេសគឺជាប្រទេសដែលឯកាជាងគេនៅអឺរ៉ុប។ ហើយបើយោងទៅតាមការធ្វើយុទ្ធនាការបញ្ចប់ភាពឯកា ចក្រភពអង់គ្លេសបានចំណាយប្រាក់ដល់ទៅ ២៦លានដុល្លារក្នុងមួយឆ្នាំសម្រាប់ការចំណាយទាក់ទងនឹងបញ្ហាសុខភាព។    លោកស្រី Holt-Lunstad បានបន្ថែមថា «មានភស្តុតាងជាក់លាក់ដែលអាចបញ្ជាក់ថាភាពឯកា និងការផ្តាច់ទំនាក់ទំនងពីសង្គមបានបង្កើនហានិភ័យនៃការស្លាប់មុនអាយុ ហើយកម្រិតនៃហានិភ័យមានសភាពលើសលុបពីសូចនាករសុខភាពទៅទៀត។»   «ជាមួយនឹងការកើនឡើងនៃចំនួនមនុស្សចាស់ ផលប៉ះពាល់ទៅលើសុខភាពសាធារណៈគឺត្រូវបានរំពឹងទុកថានឹងមានការកើនឡើង។»   «ជាការពិតណាស់ នាពេលបច្ចុប្បន្នមានប្រទេសជាច្រើននៅជុំវិញពិភពលោកបានបង្ហាញថាយើងកំពុងតែប្រឈមមុខនឹង “ការរីករាលដាលនៃភាពឯកា”។»   លោកស្រីបានបានលើកឡើងថា យើងគួរតែផ្តល់អាទិភាពបន្ថែមទៀតទៅលើការសិក្សាស្រាវជ្រាវ និងធនធានឯទៀតដើម្បីដោះស្រាយបញ្ហាភាពឯកា ដូចជាជំនាញសង្គមសម្រាប់កុមារនៅក្នុងសាលាជាដើម។   © 2017 រក្សាសិទ្ធិគ្រប់យ៉ាងដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ព្រឹត្តិការណ៍ និងព័ត៌មាន
ចែករំលែក
Top