Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Dec 09, 2017 |
  • 6 ឆ្នាំមុន |
  • 6.3K មើល

[ខ្លឹមៗ] សាច់ដុះលើស្បែកមិនមែនសុទ្ធតែជាសញ្ញាមហារីកនោះទេ

បុគ្គលមួយចំនួនមានការព្រួយបារម្ភ និងភ័យខ្លាច ចំពោះបញ្ហាសាច់ដុះលើស្បែកដោយបារម្ភថា វាអាចជាសញ្ញាណនៃជំងឺមហារីក។ ប៉ុន្តែ តាមការពិតទៅ «បញ្ហាសាច់ដុះលើស្បែកភាគច្រើនមិនបង្កជាគ្រោះថ្នាក់នោះទេ!!! វាមិនជាប់ពាក់ព័ន្ធទៅនឹងជំងឺមហារីកដោយវាគ្រាន់តែជាដុំសាច់ដែលមិនបង្កជារោគសញ្ញាអ្វីទាំងអស់ ដរាបណាមិនមានការត្រដុស ឬប៉ះពាល់ជាមួយនឹងក្រណាត់ គ្រឿងអលង្ការ ឬវត្ថុមានមុខស្រួចផ្សេងៗ ជាច្រើនដងបន្តបន្ទាប់គ្នា» នេះបើយោងតាមសម្តីរបស់ Madam Barbiela ដែលជាស្ថាបនិករបស់ Lalune Beauty Careមជ្ឈមណ្ឌលថែរក្សាសម្ផស្សដែលជាទំនុកចិត្តរបស់មិត្តប្រុសស្រីដែលស្រលាញ់ភាពស្រស់ស្អាត។ សាច់ដុះលើស្បែកជាអ្វី? វាប្រៀបបាននឹងបណ្តុំនៃសរសៃ និងបំពង់ស្នូលកោសិកាប្រសាទ កោសិកាជាតិខ្លាញ់  និងកោសិកាដែលគ្របដណ្តប់លើស្បែក។ បុគ្គលខ្លះអាចនឹងជួបប្រទះនឹងបញ្ហានេះ ហើយតែមិនបានចាប់អារម្មណ៍ ឬកត់សម្គាល់ ដោយដុំសាច់ដែលដុះទាំងនោះអាចនឹងត្រូវបានត្រដុស ឬជ្រុះបាត់ទៅដោយមិនដឹងខ្លួន។ ប៉ុន្តែពេលខ្លះទៀតក៏នៅជាប់ជារៀងរហូត។ មនុស្សមួយចំនួនងាយប្រឈមនឹងបញ្ហាសាច់ដុះលើស្បែកនេះដោយសារតែបញ្ហាធាត់ហួសដែលបណ្តាលមកពីកត្តាតំណពូជ ឬមូលហេតុផ្សេងៗទៀត ដែលមិនទាន់ត្រូវបានរកឃើញ។ សម្រាប់អ្នកជំងឺទឹកនោមផ្អែម និងស្រ្តីមានផ្ទៃពោះជាក្រុមមនុស្សដែលមានការប្រឈមនឹងបញ្ហាសាច់ដុះនេះ។ផ្ទៃនៃសាច់ដុះអាចនឹងមានសភាពរាបសើ្មឬរូបរាងមិនទៀងទាត់ហើយវាដុះចេញពីលើផ្ទៃនៃស្បែកដោយមានទងដុះជាប់នឹងស្បែកផ្ទាល់តែម្តង ដោយភាគច្រើនមានពណ៌ដូចសាច់យើងធម្មតាឬក៏ត្នោតស្រាល។ ដំបូង វាមានទំហំតូច ហើយសំប៉ែតដូចក្បាលដែកគោលមួក។ វាអាចមានអង្កត់ផ្ចិតពី 2mmទៅ ហើយដុំសាច់ខ្លះក៏អាចមានដល់ 5cmផងដែរ។ ជាចុងក្រោយនេះ អ្នកជំនាញបានមានប្រសាសន៍ថា វាអាចប៉ះពាល់ដល់សម្រស់របស់បុគ្គលមួយចំនួន ដូច្នេះ ពួកគាត់អាចស្វែងរកការព្យាបាលបាន ក្នុងនោះរួមមាន ការដុត(Cauterization) និងការកាត់៕ ស្វែងយល់បន្ថែម៖ យល់ដឹងពីបញ្ហាសាច់ដុះលើស្បែក ©2017 រក្សាសិទ្ធិគ្រប់យ៉ាងដោយ Healthtime Corporation  ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល  ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ជំងឺផ្សេងៗ ស្បែក កាមរោគ​ និងសម្រស់
ចែករំលែក
  • Dec 08, 2017 |
  • 6 ឆ្នាំមុន |
  • 3.9K មើល

កំហុស៨យ៉ាងនៃការប្រើប្រាស់ក្រែមលាបបបូរមាត់

មិត្តនារីទាំងឡាយមិនដែរភ្លេចទេ នៅក្រែមលាបបបូរមាត់នៅពេឡពួកគេធ្វើការផាត់មុខ ព្រោះវាអាចផ្លាស់ប្ដូរនារីម្នាក់ឲ្យមានភាពទាក់ទាញនិងស្រស់ស្អាតប៉ុន្តែបើសិនជាប្រើប្រាស់វាខុសវានិងផ្ដល់លទ្ធផលអាក្រក់ទៅវិញ។ ខាងក្រោមនេះជាកំហុសទាំង៨ដែលមិត្តនារីតែងតែធ្វើខុស។ បន្ទាប់ពីអានអត្ថបទនេះ អ្នកនឹងមិនធ្វើនូវកំហុសទាំងនោះទៀតទេ ព្រមទាំងយល់ដឹងក្នុងការជ្រើសរើសក្រែមលាបបបូរមាត់ដែលសាកសមនិងបបូរមាត់របស់ខ្លួនថែមទៀត។ ១ ការជ្រើសរើសនូវពណ៌ក្រែមលាបមាត់ខុស៖ គួរពិនិត្យមើលនៅពណ៌ស្បែករបស់អ្នក មុនពេលជ្រើសរើសក្រែមលាបមាត់ដែលត្រូវនិងសភាពរបស់អ្នក។ សម្រាប់មិត្តនារីដែលមានស្បែកស គួរជ្រើសរើសក្រែមលាបបបូរមាត់ដែលមានពណ៌ផ្កាឈូក និងពណ៌ណាដែលស្រាលៗ។ យ៉ាងណាមិញចំពោះអ្នកដែលមានសម្បុរស្រអែម គួរជ្រើសរើសពណ៌ស្វាយស្រាលៗ ពណ៌ត្នោតនិងពណ៌ផ្កាឈូកស្រាល។ ចំពោះអ្នកចូលចិត្តលាបពណ៌​ក្រហមគួរជ្រើសពណ៌ក្រហមណាមួយដែលត្រូវនិងពណ៌ស្បែករបស់អ្នក។ ២ ការជ្រើសពណ៌ក្រមៅនិងភ្លឺផ្លេក៖ ការប្រើប្រាស់ក្រែមលាបបបូរមាត់ពណ៌ផ្លេកៗមានការពេញនិយមខ្លាំងចំពោះយុវវ័យ ប៉ុន្តែគួរចៀសវាងចំពោះមនុស្សមានវ័យ៣៥ទៅ៤០ឆ្នាំឡើងទៅ។ អ្នកអាចលាបក្រែមចាំងព្រឹមៗនិងស្រាលៗប៉ុន្តែកុំលាបវាច្រើនពេក ជាពិសេសពេលធ្វើការនិងពេលទៅសាលានោះទេ។ ៣ ការជ្រើសរើសក្រែមពណ៌ក្រមៅចំពោះអ្នកមានបបូរមាត់ស្ដើង៖ មនុស្សជាច្រើនស្រលាញ់ពណ៌ក្រមៅព្រោះគេគិតថាវាមើលទៅទាក់ទាញ ប៉ុន្តេចំពោះអ្នកដែលមានបបូរមាត់ស្ដើងមិនគួរលាបពណ៌នេះទេព្រោះវាអាចធ្វើឲ្យបបូរមាត់របស់អ្នកស្ដើងជាងមុន។​អ្នកអាចលាបក្រែមរលាងពីលើក្រែមពណ៌ក្រហមចាស់បាន ដើម្បីមើលទៅឃើញបបូរមាត់ក្រាស់និងស្អាត។ ៤ ការប្រើប្រាស់ក្រែមពណ៌ស្រាលសម្រាប់អ្នកដែលមានបបូរមាត់ធំ៖ ​ក្រែមពណ៌ក្រមៅអាចធ្វើឲ្យបបូរមាត់អ្នកមើលទៅស្ដើង រីឯក្រែមពណ៌ស្រាលអាចធ្វើឲ្យបបូរមាត់មើលទៅកាន់តែធំជាងធម្មតាបើសិនជាអ្នកមានបបូរមាត់ធំស្រាប់។​ ចំពោះអ្នកមានបបូរមាត់ធំស្រាប់ពីធម្មជាតិ គួរជ្រើសពណ៌ស្រាលនិងស្លេកដូចជា ពណ៌ស្វាយ និងផ្កាឈូក ជាពិសេសបើអ្នកលាបពណ៌ក្រហម និងធ្វើឲ្យអ្នកមើលទៅកាន់តែទាក់ទាញនិងស្រស់ស្អាត។​ ៥ ការលាបក្រែមហួសរឹមបបូរមាត់៖ មនុស្សភាគច្រើនគិតថាការលាបបបូរមាត់ខុសរឹមបបូរមាត់និងធ្វើឲ្យបបូរមាត់របស់គាត់ធំជាងមុនបន្តិចហើយកាន់តែស្រស់ស្អាត ប៉ុន្តែនេះជាការគិតខុសទាំងស្រុង ព្រោះវាធ្វើឲ្យបបូរមាត់របស់អ្នកហាក់ដូចជាខុសពីធម្មជាតិ។​ ដូច្នេះអ្នកគួរលាបក្រែមរលាងនេះនៅចំកណ្ដាលបបូរមាត់អ្នកបានហើយ។ ៦ ការគូសរឹមបបូរមាត់ពណ៌ក្រមៅ៖ អ្នកមិនគួរគូសរឹមបបូរមាត់ក្រមៅរួចលាបពណ៌ស្រាលៗពីលើនោះទេ​ ព្រោះវាមើលទៅមិនដូចជាធម្មជាតិ  និងមិនទំនង។ ៧ ក្រែមពណ៌ក្រហម៖ ចំពោះអ្នកមិនទាន់ចេះប្រើប្រាស់ក្រែមក្រហម អ្នកគួរតែប្រើប្រាស់ខ្មៅដៃលាបបបូរមាត់ជាប្រចាំ និងប្រុងប្រយ័ត្នក្នុងការជ្រើសរើសពណ៌ដើម្បីឲ្យសាកសមនិងពណ៌ស្បែករបស់លោកអ្នក។ ៨ ភ្នែកពណ៌ក្រមៅ និងក្រែមពណ៌ក្រមៅ៖ អ្នកគួរចៀសវាងជាដាច់ខាត នៅពេលលាបក្រែមពណ៌ក្រហមចូល កុំលាបភ្នែកខ្មៅដិតឲ្យសោះ វានឹងធ្វើឲ្យការផាត់មុខរបស់អ្នកក្លាយជាមិនស្អាត។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Dec 06, 2017 |
  • 6 ឆ្នាំមុន |
  • 5.3K មើល

វិធីធម្មជាតិ៥យ៉ាង ព្យាបាលសក់ស្តើង

បញ្ហាសក់ស្តើងអាចកើតឡើងខ្ពស់អាស្រ័យទៅនឹងអាយុរបស់មនុស្សម្នាក់ៗ។ មូលហេតុដ៏សាមញ្ញដែលធ្វើឲ្យសក់ស្តើងអាចរួមបញ្ចូលទាំងកត្តាមួយចំនួនដូចជា អតុល្យភាពនៃអរម៉ូន កង្វះជាតិប្រូតេអ៊ីន និងកត្តាផ្សេងៗទៀត។ មនុស្សម្នាក់បង្កើនការទទួលទានអាហារសម្បូរជាតិប្រូតេអ៊ីន ដើម្បីទទួលបាននូវសក់មានសុខភាពល្អ និងរឹងមាំ។ បញ្ហាសក់ស្តើងគួរតែត្រូវបានព្យាបាលឲ្យត្រូវពេល ដើម្បីព្យាបាលបញ្ហាសក់ស្តើង។ ប្រេងដូង អ្នកអាចប្រើប្រាស់សមាសធាតុផ្សំនៃប្រេងដូង (៤ស្លាបព្រាបាយ) និងទឹកក្រូចឆ្មារ (២ស្លាបព្រាកាហ្វេ) ដើម្បីព្យាបានបញ្ហាសក់ស្តើង។ អ្នកជំនាញណែនាំឲ្យអ្នកធ្វើការម៉ាស្សាស្បែកក្បាលជាមួយនឹងសមាសធាតុផ្សំនេះឲ្យបាន១០ទៅ១៥នាទី។ លើសពីនេះទៅទៀ សមាសធាតុផ្សំនេះគួរតែត្រូវបានលាងជម្រះក្រោយរយៈពេល៦០ ទៅ៧៥នាទី ដើម្បីទទួលបានលទ្ធផលគាប់ប្រសើរ។ ការប្រើវិធីសាស្រ្តបែបធម្មជាតិនេះអាចជួយអ្នកក្នុងការរក្សាសក់របស់អ្នកឲ្យនៅស្អាត។ ប្រទាលកន្ទុយក្រពើ ការលុញជាតិអន្ធិលនៃប្រទាលកន្ទុយក្រពើស្រស់ និងប្រេងអាល់ម៉ុន២ ឬ៣ដំណក់នៅលើស្បែកក្បាល អាចជួយអ្នកក្នុងការព្យាបាលបញ្ហាសក់ស្តើង។ ការពិសាទឹកប្រទាលកន្ទុយក្រពើអាចលើកកម្ពស់ការលូតលាស់របស់សក់។ វាជារឿងគួរឲ្យចាប់អារម្មណ៍ក្នុងការកត់សម្គាល់ថាជាតិអន្ធិលប្រទាលកន្ទុយក្រពើស្រស់អាចត្រូវបានប្រើប្រាស់ជាថ្នាំអប់សក់ ដើម្បីឲ្យសក់រក្សានូវភាពរលើបរលោង។ ប្រេងអូលីវ ការម៉ាស្សាស្បែកក្បាយជាមួយប្រេងអូលីវអាចព្យាបាលបញ្ហាសក់ស្តើង។ អ្នកជំនាញណែនាំឲ្យអ្នកធ្វើការលាងសម្អាតាប្រេងអូលីវនេះក្រោយរយៈពេល៦ ទៅ៨ម៉ោង ដើម្បីទទួលបានលទ្ធផលគាប់ប្រសើរ។ ការលាបប្រេងអូលីវលើស្បែកក្បាលអាចជួយជម្រះចោលនូវភាពកខ្វក់ពីសក់។ លើសពីនេះទៅទៀត វាអាចជួយលើកកម្ពស់សក់ឲ្យមានភាពស្រស់ស្អាត។ ទឹកកិនចេញពីបន្លែ ការពិសាទឹកការ៉ុត គឺជាវិធីព្យាបាលបែបធម្មជាតិដ៏មានប្រសិទ្ធភាពមួយប្រភេទ ដើម្បីព្យាបាលសក់ស្តើង។ ម្យ៉ាងទៀត អ្នកក៏អាចពិសាទឹកផ្ទីស្រស់ផងដែរ ដើម្បីព្យាបាលសក់ស្តើងនេះ។ ទឹកខ្មេះ ការដុសលាងស្បែកក្បាលដោយទឹកខ្មេះក្រោយការកក់សាប៊ូអាចព្យាបាលបញ្ហាសក់ស្តើងបានយ៉ាងមានប្រសិទ្ធភាព។ អ្នកអាចប្រើការលាយបញ្ចូលគ្នារវាងទឹកខ្មេះចម្រាញ់ពីផ្លែប៉ោម (កន្លះពែង) ទឹកក្តៅឧណ្ហៗ(១ពែង) សម្រាប់សម្អាតសក់ ដើម្បីទទួលបានលទ្ធផលគាប់ប្រសើរ។ ការពិសាទឹខ្មេះចម្រាស់ពីផ្លៃប៉ោម (កន្លះស្រាបពាកាហ្វេ) លាយជាមួយទឹក១កែវចំនួន៣ទៅ៤ដងក្នុងមួយសប្តាហ៍អាចលើកកម្ពស់ការលូតលាស់សក់បានល្អ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Dec 05, 2017 |
  • 6 ឆ្នាំមុន |
  • 10.2K មើល

គន្លឹះសាមញ្ញ៥យ៉ាង ការពារកុំឲ្យកើតមុនលើមុខ

ផ្ទៃមុខជារឿងមួយ ដ៏សំខាន់ដែលមនុស្សគ្រប់រូបមិនថាប្រុសឬស្រីតែងតែប្រាថ្នាចង់បានផ្ទៃមុខស្អាតរលោង និងគ្មានមុន។ តើអ្នកដឹងទេថា ធ្វើយ៉ាងណា ទើបការពារ​ កុំឲ្យកើតមុនបាន ? ១ សម្អាតមុខ៖ វាជារឿងចាំបាច់ដែលអ្នកគួរតែសម្អាតមុខផ្ទៃមុខពេលក្រោកពីគេងនិង ពេលចូលគេង។ ពេលខ្លះអ្នកគួរតែលាងសម្អាតផ្ទៃមុខឲ្យបានច្រើនដងជាងនេះក៏បាន។ ចំពោះវិធីការពារ អ្នកគួរតែលាងសម្អាតមុខយ៉ាងតិច២ទៅ៣ដងក្នុងមួយថ្ងៃ វាជួយឲ្យផ្ទៃមុខមានសំណើម និងលាងពពួកបាត់តេរីចេញ​ដែលជាប់និងផ្ទៃមុខរបស់អ្នក។ ២ កក់សក់របស់អ្នក៖ ចំពោះផលប៉ះពាល់គីមីមួយចំនួន ដែលអ្នកយកមកធ្វើម៉ូតសក់ វាអាចបង្កឲ្យអ្នក កើតមុនបាន។ ផលិតផលទាំងនេះវាធ្វើឲ្យស្បែកទៅជារលាក និងក្រហាយលើផ្ទៃមុខអ្នកបាន។ អ្វីដែលដែលប្រសើរនោះ អ្នកគួរតែកក់សក់របស់អ្នក យ៉ាងតិចឲ្យបាន១ដងក្នុងមួយសប្ដាហ៍។ ប៉ុន្តែគឺអាស្រ័យលើស្ថានភាពសក់របស់អ្នក ជួនកាលអ្នកអាច កក់សក់ជារៀងរាល់ថ្ងៃក៏បាន។ បន្ថែមពីនេះទៅទៀតកុំឲ្យផលិតផលគីមីទាំងនោះទៅប៉ះជាមួយនឹងស្បែកមុខឲ្យសោះឬក៏អ្នកអាចដាក់កន្សែងគ្របមុខពេលអ្នកធ្វើម៉ូតសក់ ដើម្បីជួយការពារផលិតផល គីមីទាំងនោះជាប់ស្បែកមុខរបស់អ្នក។ ៣ ពិសាទឹកឲ្យបានច្រើន៖ ទឹកជាសារធាតុសំខាន់ក្នុងការជួយកម្ចាត់ជាតិពុកចេញពីក្នុងខ្លូនអ្នក និងអាចជួយទប់ស្កាត់បញ្ហាកើតមុនបានដែរ។ដូច្នេះអ្នកគួរតែពិសារទឹកឲ្យច្រើនឲ្យបាន៨កែវក្នុងមួយថ្ងៃអាចជួយឲ្យស្បែករបស់អ្នក មានសំណើមនិងការពារមុនបានទៀត។   ៤ បន្ថយអារម្មណ៏តានតឹង៖ ចំពោះអារម្មណ៏តានតឹងវាជាហេតុផលមួយដែលធ្វើឲ្យស្បែករបស់អ្នកមានបញ្ហាបានជួនកាលវាបង្កទៅជាការកើតមុនជាដើម។ ដូច្នេះអ្នកគួរ កាត់បន្ថយអារម្មណ៏តានតឹងរឺ តប់ប្រមល់ទាំងនោះចេញ ដើម្បីអាចជួយឲ្យស្បែកមុខរបស់អ្នកស្រស់ថ្លា និងអាចទប់ស្កាត់ បញ្ហាមុខបានផងដែរ។ ៥ លាងសម្អាតដៃរបស់អ្នក៖ ក្នុងមួយថ្ងែអ្នកអាចនិងប៉ះមុខរបស់អ្នកយ៉ាងតិចក៏១០ទៅ២០ដងដែរ។ ជាពិសេសនោះអ្នកមិនដឹងថាមេរោគផ្សេងៗក៏អាចឆ្លងពីដៃរបស់អ្នក ទៅស្បេកមុខរបស់អ្នកផងដែរ។ដូច្នេះវិធីដ៏ល្អបំផុត ក្នុងការទប់ស្កាត់កុំឲ្យកើតមុនបាននោះ គឺឧស្សាហ៍ លាងសម្អាតដៃរបស់អ្នកឲ្យបានស្អាតជានិច្ច៕ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Dec 01, 2017 |
  • 7 ឆ្នាំមុន |
  • 12.7K មើល

សក់ជ្រុះដោយសារមូលហេតុអ្វីខ្លះ?

ជាទូទៅ សក់របស់មនុស្សជ្រុះជារៀងរាល់ថ្ងៃចាប់ពី 40 ទៅ120សរសៃ  អាស្រ័យបរិមាណសក់ដែលអ្នកមានអាយុករបស់អ្នកនិងវដ្ដនៃការលូតលាស់របស់សក់។ សក់ដែលមានសុខភាពមិនវដ្ដនៃការលូតលាស់ល្អជ្រុះច្រើន។ ពេលដែលអាយុកអ្នកចម្រើនឡើង សក់របស់អ្នកក៏ចាប់ផ្ដើមស្ដើងទៅៗជាពិសេសក្រោយពេលនារីអស់រដូវ។មានមូលហេតុចម្បងៗចំនូនបួនដែលបណ្ដាលឲ្យសក់ជ្រុះ៖ ១ សង្ខារនៃសក់ ជារៀងរាល់ឆ្នាំ ក្នុងអំឡុងខែវិច្ឆិកានិងខែធ្នូ សរសៃសក់របស់អ្នកវិវដ្ដមកដល់ចំណុចចុងក្រោយនៃវដ្ដជីវិតរបស់វាដែលជាហេតុបណ្ដាលឲ្យសក់ជ្រុះច្រើនជាងរាល់ដង។ ២ ជំងឺឈាមសស៊ីឈាមក្រហម ការជ្រុះសក់ជាគំហុករបស់នារីអាចជារោគសញ្ញានសជំងឺឈាមសស៊ីឈាមក្រហមនេះបើតាមការធ្វើតេស្ដន៏ឈាម លោកវេជ្ជបណ្ឌិត George Cotsarelis,M,D,នាយកផ្នែកសក់និងស្បែកក្បាលនៃសាកលវិទ្យាល័យ Pennsylvania។ ការពិសោធន៏បានបង្ហាញឲ្យឃើញថាការខ្វះសារជាតិដែកក៏ជាមូលហេតុសម្បងដែលបណ្ដាលឲ្យសក់ជ្រុះផងដែរ។ គ្លីនិកMayoបានរាយការណ៍ឲ្យដឹងថានារីជាង២០ភាគរយកំពុងតែរងគ្រោះដោយអាការៈជ្រុះសក់ព្រោះខ្វះសារធាតុដែកនៅក្នុងរាងកាយ។ ៣ អាយុ អ្នកជំនាញខាងបណ្ដុះសក់បានប្រសាសន៍ថាពេលដែលមនុស្សមានអាយុច្រើនឡើងគល់សក់ចាប់ផ្ដើមរួញស្វិតបណ្ដាលឲ្យជំហររបស់សក់ខ្លីជាងមុននិងខ្សោយជាងមុន ហើយបន្ទាប់មកមិនយូរប៉ុន្មានគល់សក់ក៏ងាប់ ឯសក់ក៏ចាប់ផ្ដើមជ្រុះជុំមក។ ចំណែកបរិមាណនៃសក់ដែលជ្រុះព្រមទាំងរយៈកាលនៃការជ្រុះសក់របស់មនុស្សម្នាក់ៗក៏ខុសគ្នាទៅតាមដំណរពូជ។ ៤ ការតាំងគភ៌ នារីខ្លះជ្រុះសក់ពេលមានគភ៌ ឬបន្ទាប់ពីការផ្លាស់ប្ដូរអ័រម៉ូនក្រោយពេលសម្រាលកូនរួច។ ចំណែកនារីខ្លះទៀតចាប់ផ្ដើមជ្រុះសក់ពេលចាប់ផ្ដើមឬទទួលទានថ្នាំពន្យាកំណើត។ ៥ ជំងឺ ឬការតានតឹងអារម្មណ៍(ស្ត្រេស) ការជ្រុះសក់អាចបណ្ដាលមកពីរោគសញ្ញានៃជំងឺផ្សេងៗមានដូចជាការខ្វះសារជាតិដែកនិងបញ្ហាទាក់ទងនឹងក្រពេញទីរ៉ូអ៊ីតព្រមទាំងការតឹងតែងផ្នែកអារម្មណ៍ផងដែរ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

គន្លឹះសុខភាព ស្បែក កាមរោគ​ និងសម្រស់
ចែករំលែក
  • Nov 22, 2017 |
  • 7 ឆ្នាំមុន |
  • 5.3K មើល

អាថ៌កំបាំងនៃការថែរក្សាស្បែក

ជាទូទៅ ស្បែករបស់មនុស្សម្នាក់ៗមិនដូចគ្នាទេ ខ្លះមានស្បែកស្ងួត ខ្លះមានស្បែកខ្លាញ់ និងខ្លះទៀតមានស្បែកធម្មតា។ដូច្នេះចំពោះការថែបំប៉នស្បែកក៏មានលក្ខណៈខុសគ្នាដែលហើយខាងក្រោមនេះគឺជាវិធីក្នុងការថែរក្សាស្បែកនីមួយៗ ។ ស្បែកមុខធម្មតា​៖ មនុស្សមួយចំនួនដែលមានស្បែកមុខធម្មតា គឺច្រើនមានជាតិខ្លាញ់ស្រោបស្ដើងៗនៅលើបរិវេណស្បែកថ្ងាស់ និងច្រមុះ ហើយមានបរិមាណច្រើនជាងនៅត្រង់ថ្ងាស។ ស្របពេលគ្នានោះ ដែរស្បែកនៅត្រង់ជុំវិញកែវភ្នែកនិងនៅត្រង់ចំណុចថ្ពាល់ចុះមកដល់ក ហាក់មានសភាពស្ងួតជាងបរិវេណដទៃទៀត។ រីឯការប្រើប្រាស់ម៉យជឺរ៉ាយសឺវិញគួរលាបតែចំពោះបរិវេណថ្ពាល់ និងស្បែកនៅជុំវិញភ្នែក ដើម្បីការពារការតើតនៃស្នាមជ្រីវជ្រួញ។ ស្បែកមុខខ្លាញ់៖ សម្រាប់ស្បែកមុខប្រភេទនេះច្រើនឡើងខ្លាញ់នៅត្រង់ថ្ងាស់ និងចង្កា ច្រមុះស្បែកហើយស្បែកប្រភេទនេះក៏មិនងាយកើតមានស្នាមជ្រីវជ្រួញជាងអ្នកមានស្បែកស្ងួតផងដែរ និងការសម្អាតស្បែកក៏មានលក្ខណៈពិបាកជាងទៀតផងពីព្រោះមានហេតុផលថា ខ្លាញ់ពីក្រពេញខ្លាញ់ធ្វើការខុសធម្មតា។ ការធ្វើការសម្អាតគួរជ្រើសរើសការប្រើសាប៊ូខ្សោយៗ ឬក៏ប្រើជេលថ្លាៗ លុបលាងមុខ តែហាមប្រើញឹកញាប់ពេក។​​ ក្នុងករណីដែលស្បែកមុខឡើងខ្លាញ់ខ្លាងពេកគួរប្រើក្រដាសអនាម័យផ្ដិតសម្អាតជំនួស។ ចំពោះគ្រឿងសម្អាងវិញគួរប្រើប្រភេទ oil free ដើម្បីការពារផ្ទៃមុខកុំឲ្យមើលទៅខ្លាញ់ខ្លាំងពេក។ ស្បែកមុខស្ងួត៖ សម្រាប់អ្នកមានលក្ខណៈស្បែកមុខបែបនេះងាយនិងប្រឈមកើតស្នាមជ្រីវជ្រួញជាងប្រភេទស្បែកដទៃទៀត ដោយសារតែមិនអាចរក្សាទុកនៅភាពសំណើមបាន។ ចំពោះការថែទាំដេលត្រឹមត្រួវគួរលុបលាងមុខនៅពេលព្រឹកដោយប្រើទឹកទទេ ​នៅពេលល្ងាចដែលត្រូវលាងគ្រឿងសម្អាងចេញនោះ គួរជ្រើរើសប្រើក្រែមលាងមុខដែលមានចំណែកផ្សំរបស់ម៉យជឺរ៉ាយសឺ។​នៅមុនពេលចូលដំណេកគួរប្រើក្រែមបំប៉នស្បែក ដើម្បីជួយបង្កើនភាព សំណើមដល់ស្បែកមុខ។ ប៉ុន្តែចំណុចល្អរបស់អ្នកមានស្បែកមុខ​គឺរន្ធរោមច្រើនមើលឃើញរាបហាប់ស្មើ​ ហើយថែមទាំងមិនសូវកើតមានបញ្ហាផ្ទៃមុខឡើងខ្លាញ់ព្រមទាំងមិនសូវឡើងមុនលើផ្ទៃមុខទៀតផង៕  ©2017រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

ស្បែក កាមរោគ​ និងសម្រស់
ចែករំលែក
  • Nov 15, 2017 |
  • 7 ឆ្នាំមុន |
  • 3.8K មើល

ស្បែកប្រេងលែងជាកង្វល់ !

មិនថាយ៉ាងណាបញ្ហាមុខខ្លាញ់រងើមនៅតែធ្វើឲ្យមនុស្សជាច្រើនពិបាកចិត្តមិនតិចទេសំខាន់ពេលកាន់តែពិបាកចិត្តមុខក៏កាន់តែខ្លាញ់ថែមទៀត ហេតុអ្វី? ហើយគួរធ្វើដូចម្តេចទៅ?ស្បែកមុខប្រេងជាបញ្ហាមួយដែលអាចកើតមានលើមនុស្សគ្រប់វ័យជាពិសេសវ័យជំទង់។វាអាចបង្កបញ្ហាលើផ្ទៃមុខដូចជាមុនជាំនិងបញ្ហាផ្សេងៗទៀតជាច្រើនបើទោះបីជាប្រេងនៅលើស្បែកមាននាទីជួយការពារស្បែក ផ្តល់សំណើម  និងប្រឆាំងជាមួយភាពចាស់តាមវ័យក៏ដោយ។  បើដូច្នេះតាមដានជាមួយហេលស៍ថាមអំពីដំណោះស្រាយប្រកបដោយភាពវៃឆ្លាតទៅលើស្បែកមុខប្រេងរបស់អ្នក។ ផ្លាស់ប្តូររាល់ទម្លាប់មិនល្អប្រចាំថ្ងៃដែលជាកត្តាជំរុញឲ្យស្បែកមុខឡើងប្រេង៖ •គេងឲ្យបានគ្រប់គ្រាន់ ព្រោះថាប្រសិនបើអ្នកគេងមិនគ្រប់គ្រាន់នោះនឹងធ្វើឲ្យអ្នកឆាប់អស់កម្លាំង និងក្លាយជាមូលហេតុនៃការបញ្ចេញប្រេងលើស្បែកកើនឡើង។ •កាត់បន្ថយស្រេ្តសព្រោះកាលណាស្ត្រេសរាងកាយអ្នកនឹងបង្កើនអ័រម៉ូនអង់ដ្រូសែនដែលជាមូលហេតុចម្បងបង្កឲ្យស្បែកបញ្ចេញប្រេងច្រើនជាងធម្មតា។ •ជ្រើសរើសផលិតផលថែរក្សាស្បែកឲ្យបានត្រឹមត្រូវ និងស័ក្តិសមជាមួយស្បែកមុខរបស់អ្នក ។ •លាងសម្អាតមុខ២ទៅ៣ដងក្នុងមួយថ្ងៃចៀសវាងលាងញឹកញាប់ពេកធ្វើឲ្យស្បែកស្ងួតខ្លាំងនិងជាហេតុផលធ្វើឲ្យស្បែករឹតតែបញ្ចេញប្រេងច្រើនជាងធម្មតា។ •បន្ថយការបរិភោគប្រៃ អាហារដែលសម្បូរដោយខ្លាញ់ ស្ករ តែចាស់ កាហ្វេបារី ភេសជ្ជៈដែលមានអាល់កុលច្រើនពេកនិងប្រភេទអាហារកំប៉ុងហើយប្តូរមកបរិភោគប្រភេទបន្លែពណ៌បៃតងទឹកផ្លែឈើស្រស់ៗនិងរក្សាការញ៉ាំទឹកឲ្យបានយ៉ាងហោចណាស់៨កែវក្នុងមួយថ្ងៃ។ •កាត់បន្ថយពីការប៉ះពាល់ផ្ទាល់នៃស្បែកពីពន្លឺព្រះអាទិត្យដោយសារតែពន្លឺព្រះអាទិត្យអាចធ្វើឲ្យស្បែកអ្នកស្ងួតដែលជំរុញឲ្យក្រពេខ្លាញ់បង្កើនការផលិតកាន់តែច្រើន។ •ប្រឹក្សាជាមួយវេជ្ជបណ្ឌិតឯកទេស ពីការបញ្ឈប់ ឬប្តូរការប្រើថ្នាំពន្យារកំណើត និងប្រភេទថ្នាំបង្កើនការបញ្ចេញអ័រម៉ូនមួយចំនួន ព្រោះថាថ្នាំទាំងនោះធ្វើឲ្យរាងកាយបាត់បង់ជាតិទឹក និងបង្កើនការផលិតខ្លាញ់ទ្វេដង។ ក្រៅពីការផ្លាស់ប្តូរទម្លាប់ទាំងនេះ លោកអ្នកគួរធ្វើការថែរក្សាស្បែកមុខដោយវិធីធម្មជាតិ ដើម្បីឲ្យអ្នកទទួលបានលទ្ធផលកាន់តែប្រសើរ៖ •ប្រទាលកន្ទុយក្រពើ៖ កាត់ប្រទាលកន្ទុយក្រពើជាពីររួចចៀរយកផ្នែកសម្បកចេញ បន្ទាប់មកយកសាច់ប្រទាលបិតលើផ្ទៃមុខ ទុកឲ្យស្ងួតប្រហែល១០ទៅ១៥នាទីសឹមលាងសម្អាតចេញជាមួយទឹកស្អាត។លោកអ្នកអាចអនុវត្តវិធីនេះ១ទៅ២ដងក្នុងមួយថ្ងអាចជួយរក្សាជាតិទឹក និងផ្តល់សំណើមលើផ្ទៃមុខនិងបន្ថយការផលិតប្រេងលើស្បែក។ •យ៉ាអួ៖ មិនត្រឹមតែសម្រាប់ញ៉ាំលោកអ្នកអាចប្រើយ៉ាអួលាបឲ្យសព្វលើផ្ទៃមុខទុកចោលប្រហែល១៥នាទីបន្ទាប់មកលាងជាមួយនឹងទឹកស្អាតដែលលោកអ្នកអាចអនុវត្តបានម្តងក្នុងមួយថ្ងៃដើម្បីសម្រួលការផលិតប្រេងលើស្បែក។ •ត្រសក់៖ ចិតត្រសក់ជាចំណិតស្តើងៗហើយបិតលើផ្ទៃមុខរបស់អ្នកទុកចោលមួយយប់រួចលាងសម្អាតដោយទឹកក្តៅឧណ្ហៗនៅពេល ព្រឹកបន្ទាប់ ជារៀងរាល់ថ្ងៃ អាចបន្ថយការផលិតខ្លាញ់ដោយប្រសិទ្ធភាព។ ដល់ពេលហើយដែលអ្នកត្រូវផ្លាស់ប្តូរទម្លាប់អាក្រក់ៗទាំងនោះចោលហើយបង្កើនការថែរក្សាបន្ថែមអញ្ចឹងទោះមុខខ្លាញ់រងើមប៉ុណ្ណាក៏គ្មានបញ្ហាទៀតដែរ… ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Nov 06, 2017 |
  • 7 ឆ្នាំមុន |
  • 28.5K មើល

និយមន័យនៃភាពស្រស់ស្អាតរបស់ មាន សូនីតា

នរណាៗក៏ចង់ឲ្យខ្លួនឯងមានភាពស្រស់ស្អាតដែរ តែមិនប្រាកដថាគ្រប់គ្នាសុទ្ធតែដឹងពីវិធីដែលធ្វើឲ្យខ្លួនឯងស្រស់ស្អាត ហើយស័ក្តិសមនឹងរូបរាង ក៏ដូចជាអ្វីដែលខ្លួនឯងមាននោះទេ ដូចនឹងអ្វីដែលសិល្បការិនីដ៏ស្រស់ស្អាត និងមានប្រជាប្រិយភាពជាមួយនឹងសម្រស់គួរឲ្យចង់គយគន់ សមសួននឹងរូបរាងស្រឡូនគួរឲ្យស្រលាញ់ ដែលត្រូវបានមហាជន ជាពិសេសប្រជាជនកម្ពុជាយើងស្គាល់ថាជា«រាជនីក្រមាខ្មែរ» បានលើកឡើងថា «ភាពស្រស់ស្អាត ជាកាដូពីធម្មជាតិសម្រាប់គ្រប់គ្នាទាំងប្រុស និងស្រី ហើយវាក៏ជាប្រយោជន៍មួយ ដែលនរណាៗក៏ចង់បាន ចង់មើល ហើយវាសំដៅលើសុខភាពល្អទាំងក្នុងទាំងក្រៅ ដោយហេតុថា បើមិនមានសុខភាពខាងក្នុងល្អទេ អ្វីដែលបង្ហាញនៅខាងក្រៅក៏មិនអាចស្រស់ស្អាតបានដែរ ហើយសត្រូវនៃភាពស្រស់ស្អាត គឺជាជំងឺ»។ ជាអតីតជ័យលាភី Freshie Girl មួយរូប និងជាអ្នកផ្តួចផ្តើមចលនា«ស្រលាញ់» កញ្ញា មាន សូនីតា ក៏បានផ្តល់កិត្តិយសធ្វើការចែករំលែកនូវគន្លឹះនៃការថែរក្សាសម្ផស្សរបស់កញ្ញាផ្ទាល់រួមមាន ទម្លាប់រស់នៅប្រចាំថ្ងៃ ការតុបតែងខ្លួន និងកត្តាផ្សេងៗផងដែរ… សំណួរ ៖ អំពីទម្លាប់រស់នៅប្រចាំថ្ងៃ តើមានអ្វីខ្លះជាពិសេសដែលសូនីតាតែងតែធ្វើ ដើម្បីរក្សាសម្ផស្សឲ្យនៅតែស្រស់ស្អាតបែបនេះ? សូនីតា ៖ រាល់ពេលចេញទៅខាងក្រៅ គឺមិនអាចភ្លេចបានឡើយនូវគ្រីមការពារកម្តៅថ្ងៃដែលត្រូវនឹងសភាពស្បែកមុខជាប្រចាំ និងពាក់វ៉ែនតា ដើម្បីការពារសុខភាពភ្នែក ក្នុងករណីដែលមិនមានមួក។  ចំណែកឯពេលយប់វិញ ក្រោយពីលាងសម្អាតមុខ និងទុកមុខឲ្យទំនេរដោយឲ្យអុកហ្ស៊ីសែនចេញចូលហើយ ខ្ញុំតែងតែលាបសេរ៉ូមដែលជាសារធាតុចិញ្ចឹម ដើម្បីឲ្យវាជ្រាបចូលទៅធ្វើឲ្យស្បែកមុខល្អឡើងវិញ  ព្រមទាំងបិទម៉ាស់ ដើម្បីកម្ចាត់កោសិកាចាស់ៗ ឬស្រ្កាប់ ដើម្បីសម្អាតផ្ទៃមុខផងដែរ។ សំណួរ ៖ សម្រាប់ការថែរក្សាសម្ផស្សវិញ រវាងផលិតផលគ្រឿងសម្អាង និងរូបមន្តតាមបែបធម្មជាតិ តើសូនីតាចូលចិត្តមួយណាជាង? ហេតុអ្វី? សូនីតា ៖ បើមានពេលគ្រប់គ្រាន់ រូបមន្តតាមបែបធម្មជាតិប្រាកដជាជម្រើសរបស់ខ្ញុំ បើទោះជាមិនទទួលបានលទ្ធផលភ្លាមៗក៏ដោយ ព្រោះវាមិនជំរុញវ័យ និងមិនឲ្យសភាពស្បែកមានភាពជ្រីវជ្រួញ ឬឆាប់ចាស់លឿន។ អ្វីដែលអាចធ្វើបាននៅផ្ទះគឺ យកពងមាន់  ឬប្រទាលកន្ទុយក្រពើស្រស់មកលាបលើមុខ ឬទឹកឃ្មុំលាយជាមួយស្ករស ឬក្រូចឆ្មារ ដើម្បីកម្ចាត់កោសិកាចាស់ៗចោល។  សំណួរ ៖ តើមានអាហារអ្វីជាពិសេស ដែលសូនីតាតែងតែញ៉ាំ ឬចៀសវាងឬទេ? សូនីតា ៖ របបអាហារពិតជាសំខាន់ខ្លាំងណាស់សម្រាប់សុខភាព ព្រោះថាអ្វីដែលយើងញ៉ាំចូលទៅ វានឹងទៅចិញ្ចឹមសារពាង្គកាយរបស់យើងទាំងមូល  ជាក់ស្តែងណាស់ គឺពី៦០ ទៅ៧០% ដែលនឹងមានឥទ្ធិពលលើសុខភាពស្បែក។ សម្រាប់ខ្ញុំ ពេលព្រលឹម ខ្ញុំតែងញ៉ាំទឹកផ្លែឈើ ព្រោះវាច្រើនចូលមកក្នុងស្បែកយើងបានល្អ នៅពេលយើងមិនទាន់ញ៉ាំអី។ ពេលថ្ងៃ គឺឧស្សាហ៍ញ៉ាំត្រី និងប្រើប្រេងអូលីវជំនួសប្រេងឆាក្នុងការចម្អិនអាហារ លុះដល់ពេលល្ងាច អាហារដែលខ្ញុំញ៉ាំ មានតែត្រី ឬបន្លែជាលក្ខណៈសាឡាដ។  ក្រៅពីអាហារ ទឹកពិតជាមានសារសំខាន់ខ្លាំងណាស់ ព្រោះវានឹងជ្រាបចូលគ្រប់កោសិកានៃសារពាង្គកាយរបស់យើង។ ខ្ញុំឧស្សាហ៍ញ៉ាំកាហ្វេដែលធ្វើឲ្យបាត់បង់ជាតិទឹកច្រើន ហេតុនេះហើយ ខ្ញុំត្រូវការទឹកបន្ថែម ដើម្បីឲ្យស្បែកមើលទៅថ្លា ដោយចាំបាច់ត្រូវជ្រើសរើសទឹកដែលល្អសម្រាប់សុខភាពរាងកាយ។  សំណួរ ៖ ចំពោះភេសជ្ជៈ តើកញ្ញាតែងតែញ៉ាំអ្វី ឬចៀសវាងអ្វីជាពិសេសដែរឬទេ? សូនីតា ៖ ខ្ញុំមិនសូវញ៉ាំភេសជ្ជៈកំប៉ុងនោះទេ ហើយញ៉ាំទឹកធម្មជាតិជាប្រចាំរួមមាន ទឹកប្រទាលកន្ទុយក្រពើ ក្រូចច្របាច់ ទឹកការ៉ុត ទឹកប៉ោម ដែលធ្វើដោយខ្លួនឯង(ដោយផ្លាស់ប្តូរប្រភេទផ្លែឈើជាញឹកញាប់) លើកលែងតែពេលខ្លះ ហត់អស់កម្លាំង ឬមិនអាចចៀសវាងបាន។  សំណួរ ៖ តើ «ការហាត់ប្រាណ» មានទំនាក់ទំនងជាមួយនឹង«សម្ផស្ស»ដែរឬទេ? ហើយតើកញ្ញា ចូលចិត្តហាត់ប្រាណប្រភេទណាដែរ? ហេតុអ្វី? សូនីតា ៖ ការហាត់ប្រាណ គឺល្អសម្រាប់ទាំងសុខភាព និងសម្រស់ ព្រោះពេលដែលយើងធ្វើការពីលើក្បាលដល់ចុងជើង នោះស្បែកយើងនឹងរឹងមាំ ហើយសាច់ក៏មិនយារ បូករួមនឹងការទទួលទានអាហារមានសារធាតុចិញ្ចឹមគ្រប់គ្រាន់ទៀតនោះ សុខភាពនឹងរឹងមាំ ហើយសម្រស់ក៏ស្រស់ស្អាតព្រមគ្នាតែម្តង។  អ្នកហាត់ប្រាណមានភាពរឹងមាំ និងស្វាហាប់ជាង ស្បែកមិនជ្រួញ ឬយារ និងអាចបញ្ចេញស្រ្តេស ហើយពេលដែលប្រើកម្លាំងចេញញើស គឺវាល្អសម្រាប់សុខភាពចិត្ត និងកាយ ព្រមទាំងសម្រស់។   សម្រាប់អ្នកចាប់ផ្តើមដំបូង អាចសាកល្បងជាមួយប្រភេទលំហាត់ប្រាណមួយចំនួនសិន ដើម្បីឲ្យដឹងថាខ្លួនឯងចូលចិត្តអ្វី?ហើយអ្វីដែលស័ក្តិសមនឹងអ្នក? ព្រោះថាយើងម្នាក់ៗសុទ្ធតែមានចំណូលចិត្ត និងតម្រូវការផ្សេងៗពីគ្នា ហើយបើសិនជាអាច គួរតែធ្វើការឆ្លាស់គ្នា ដើម្បីចៀសវាងភាពធុញទ្រាន់។ បើសិនជាធុញ ហើយប្រាកដជាខ្ជិល ហើយក៏មិនចង់ហាត់ ចុងបញ្ចប់ គឺមិនហាត់តែម្តង។ យ៉ាងណាមិញ លំហាត់ប្រាណប្រភេទណាក៏ល្អសម្រាប់សុខភាពដែរឲ្យតែហាត់តាមក្បួនបានត្រឹមត្រូវ។ អ្វីដែលខ្ញុំចូលចិត្តជាងគេ គឺ«យោគៈ (Yoga)» ព្រោះភាពយឺតរបស់វាធ្វើឲ្យកាន់តែអស់កម្លាំង ហើយដៃជើងប្រែជារឹងមាំ ចេះប្រើកម្លាំង ហើយសាច់ដុំក៏លែងទន់ខ្សោយ ព្រមទាំងអាចបញ្ចេញស្រ្តេស និងភាពនឿយហត់ ក៏ដូចជាសម្ពាធការងារពេញមួយថ្ងៃផងដែរ។ សំណួរ ៖ តើមនុស្សម្នាក់គួរតែស្រលាញ់ និងពេញចិត្តនូវអ្វី(សម្ផស្ស)ដែលខ្លួនមានស្រាប់ ឬគួរតែប្រើប្រាស់អ្វីបន្ថែម ដើម្បីកែច្នៃ និងបង្កើននូវភាពទាក់ទាញរបស់ខ្លួន? សូនីតា ៖ អ្នកខ្លះមិនបានស្រលាញ់នូវអ្វីដែលខ្លួនមាននោះទេ ហើយអ្នកខ្លះស្អាតពីធម្មជាតិ អ្នកខ្លះស្អាតបែបកែច្នៃ តែទាំងនោះសុទ្ធតែជាជម្រើសរបស់មនុស្សម្នាក់ៗ។ អ្វីដែលសំខាន់ គឺត្រូវសួរខ្លួនឯងថា«តើអ្នកគិតថា ខ្លួនឯងស្អាតពេលណា? ហើយស្អាតត្រង់ចំណុចណា?» ព្រោះពេលដែលអាចឆ្លើយសំណួរនេះបាន គឺអ្នកប្រាកដជាទុកចិត្តខ្លួនឯង និងមានភាពជឿជាក់លើខ្លួនឯង។ សំណួរ ៖ បន្ថែមពីលើទម្លាប់រស់នៅប្រចាំថ្ងៃ  សម្រាប់Trendសម័យថ្មីនេះ ដើម្បីឲ្យមានភាពស្រស់ស្អាត តើសូនីតាយល់ថា ការតុបតែងខ្លួនបែបណាទើបទាន់សម័យ? ហើយស័ក្តិសមបំផុតសម្រាប់យុវវ័យ? សូនីតា ៖ អ្នកដែលអានច្រើន ចេះច្រើន ឃើញច្រើន និងអាចបង្កើនចំណេះក្នុងតុបតែងខ្លួនឲ្យសមស្របនឹងកាលៈទេសៈ ប៉ុន្តែ ទោះជាមនុស្សម្នាក់នោះមានភាពប៉ិនប្រសប់ក្នុងការតុបតែងខ្លួនកម្រិតណាក៏ដោយ ក៏គេនៅតែត្រូវចេះសង្កេតមើលពិភពលោកខាងក្រៅថា គេដើរដល់ណាហើយដែរ? យ៉ាងណាមិញ គួរកុំឲ្យហួសនូវអ្វីដែលជាខ្លួនឯង ហើយត្រូវរំលឹក និងសួរខ្លួនឯងជានិច្ចថា «ធ្វើតាមគេហ្នឹងសមដូចគេដែរអត់?»   សំណួរ ៖ តើសូនីតាមានសារអ្វីសម្រាប់ចែករំលែកបន្ថែមដល់មិត្តអ្នកអាន ជាពិសេសអ្នកដែលចង់បានសម្រស់ស្រស់ស្អាតដូចជាកញ្ញា ដែរឬទេ? សូនីតា ៖ និយាយរួមទៅ អ្នកគ្រប់គ្នាជាអ្នកទទួលខុសត្រូវលើសុខភាព ក៏ដូចជាភាពស្រស់ស្អាតរបស់ខ្លួនអ្នក អ្វីគ្រប់យ៉ាងដែលអ្នកធ្វើ ខ្លួនអ្នកផ្ទាល់នឹងជាអ្នកទទួលលទ្ធផល។ ហេតុដូចនេះហើយ មិនថាអានច្រើនមើលច្រើនប៉ុណ្ណា ក៏ត្រូវអនុវត្តច្រើនជាមួយនឹងការខំប្រឹង ហើយចាំមើលលទ្ធផល។ ជាក់ស្តែង នាងខ្ញុំតែងតែគិតថាចំណេះដឹងសុខភាព និងសម្រស់ពិតជាសំខាន់ ហើយប្រភពមួយដែលគួរឲ្យទុកចិត្តនោះ គឺ Healthogo App ។ ចំពោះអ្នកដែលស្រលាញ់ខ្លួនឯងទាំងអស់គ្នា  «សូមធ្វើអ្វីដើម្បីខ្លួនឯង ព្រោះថាមិនមានអ្នកណាធ្វើវា ដើម្បីអ្នកនោះទេ…ហើយក៏សង្ឃឹមថា នេះអាចជាសារដាស់តឿនដល់អ្នកមិនបានមើលថែសម្រស់ខ្លួនឯង ឬមើលដែរ តែមើលក្នុងន័យផ្សេង សូមឲ្យមានសុខភាពល្អទាំងក្នុង និងខាងក្រៅគ្រប់ៗគ្នា!!!» បើមានចម្ងល់អ្វីបន្ថែម អាចcommentនៅក្រោមអត្ថបទនេះផ្ទាល់ ហើយនាងខ្ញុំរីករាយនឹងធ្វើការឆ្លើយតប ក៏ដូចជាចែករំលែកបន្ថែមទៀត…. ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Nov 06, 2017 |
  • 7 ឆ្នាំមុន |
  • 3K មើល

៧យ៉ាងដើម្បីថែរក្សាសម្រស់ភ្នែកនៅរដូវភ្លៀង

មិនមែនត្រឹមតែស្បែកមុខទេដែលអ្នកត្រូវថែរក្សា អំឡុងនៃរដូវភ្លៀងធ្លាក់ កែវភ្នែករបស់អ្នកក៏ជាផ្នែកដែលមិនគួរមើលរំលងដូចគ្នា ដោយវាផ្តល់ឲ្យអ្នកនូវភាពស្រស់ស្អាតពីពន្លឺត្រចង់មុតថ្លានិងគ្មានជំងឺ។ដូចនេះហេលស៍ថាមសូមលើកបង្ហាញនូវចំណុចខ្លះៗដែលអ្នកគួរអនុវត្តដើម្បីរក្សាសម្រស់ភ្នែករបស់អ្នកនៅរដូវភ្លៀងនេះ៖ •កុំញី ឬជូតភ្នែកដោយដៃមិនស្អាត ព្រោះវាអាចនឹងធ្វើឲ្យឆ្លងមេរោគមួយចំនួនទៅក្នុងភ្នែក របស់អ្នក។ ជាការពិតទម្លាប់នេះច្រើនកើតឡើង ចំពោះក្មេង ដូចនេះ មាតាបិតាគ្រប់រូបចាំបាច់ត្រូវ រក្សាក្មេងឲ្យឆ្ងាយពីកន្លែងដក់ទឹក។ •ប្រសិនបើអ្នកទទឹកខ្លួនដោយទឹកភ្លៀងក្នុងពេលធ្វើដំណើរ អ្នកត្រូវចាំថាពេលទៅដល់ផ្ទះ ឬកន្លែងណាមួយ អ្នកគួរលាងភ្នែករបស់អ្នកជាមួយទឹកស្អាត និងជូតសម្អាតជាមួយកន្សែងស្ងួត ជាចាំបាច់។ •ពាក់វ៉ែនតាជាប្រចាំនូវរាល់ពេលចេញក្រៅ ព្រោះការពាក់វ៉ែនតាមិនមែនសម្រាប់តែការពារកម្តៅថ្ងៃនោះទេ។ ក្នុងករណីអ្នកមានទម្លាប់ ចូលចិត្តពាក់លែន អ្នកគួរតែសម្អាតវាជាប្រចាំនិងទៀងទាត់ ដើម្បីចៀសវាងការងាយចម្លង​មេរោគ។ •បើមាននរណាម្នាក់ត្រូវបានធ្វើរោគវិនិច្ឆ័យឃើញថាមានបញ្ហាភ្នែក ត្រូវចៀសវាងនូវការប្រើប្រាស់របស់ផ្ទាល់ខ្លួន ដូចជាកន្សែង ឬកន្សែងដៃ​រួមគ្នាដាច់ខាត។ •បង្កើនភាពស៊ាំការពាររាងកាយ ដោយចៀសវាងការញ៉ាំអាហារខាងក្រៅញឹកញាប់ ហើយបែរមកញ៉ាំអាហារដែលចម្អិនដោយខ្លួនឯងនៅផ្ទះបន្លែស្រស់ធម្មជាតិ និងផ្លែឈើតាមរដូវកាល ជាការប្រសើរបំផុត។ •ករណីមានរមាស់ភ្នែក ដំបូងអ្នកគ្រាន់តែ លាងសម្អាតភ្នែកជាមួយទឹកត្រជាក់ បើមិនមាន ការធូរស្រាល សូមចៀសវាងនូវការប្រើប្រាស់ថ្នាំបន្តក់ភ្នែកដោយខ្លួនឯង។ អ្នកគួរទៅជួបជា-មួយគ្រូពេទ្យដើម្បីឲ្យគាត់ចេញវេជ្ជបញ្ជាត្រឹមត្រូវ ក្នុងការប្រើប្រាស់ថ្នាំ។ •ត្រូវលាងសម្អាតដៃរបស់អ្នកជាមួយសាប៊ូដុំជាប្រចាំ ពិសេសក្នុងរដូវភ្លៀង ព្រោះវាអាច សម្លាប់មេរោគបានរហូតដល់៩៩%។ ក្រៅពីនេះ អ្នកក៏អាចប្រើអាល់កុលលាងបានដូចគ្នា ដែលវាផ្តល់នូវប្រសិទ្ធភាពបានរហ័ស ប៉ុន្តែគ្រាន់តែវាមិនមានប្រសិទ្ធភាពសម្រាប់វីរុសប៉ុណ្ណោះ។ ជានិច្ចកាល ការការពារតែងតែប្រសើរជាងការព្យាបាល ដូចនេះអ្នកចាំបាច់ត្រូវធ្វើតាមការណែនាំខាងលើ នោះអ្នកនឹងទទួលបាននូវការរក្សាសម្រស់ភ្នែកយ៉ាងមានប្រសិទ្ធភាព។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Nov 06, 2017 |
  • 7 ឆ្នាំមុន |
  • 4.3K មើល

អ្នកនៅតែអាចក្លាយជានារីដែលមានជើងស្រឡូនស្អាតបាន…

ទម្រង់ជើងមួយគូដ៏ស្រស់ស្អាតគឺជាទ្រព្យសម្បត្តិដ៏អស្ចារ្យសម្រាប់នារីៗគ្រប់រូប ហើយវារឹតតែបង្ហាញនូវ បុគ្គលិកលក្ខណៈកាន់តែប្រសើរដូចគ្នាដែរ។ មិនមែនគ្រប់មិត្តនារីទាំងអស់សុទ្ធតែមានសំណាងកើតមករួមជាមួយនឹងជើងស្រស់ស្អាតស្រាប់នោះទេ។ ដូចនេះ អត្ថបទខាងក្រោមនឹងអាចជួយសម្រេចនូវក្តីប្រាថ្នានៃការមានដងជើងស្អាត ស្បែកម៉ដ្ឋរលោងបាន៖ រក្សាទម្ងន់ ប្រសិនបើអ្នកមានអារម្មណ៍ខ្មាស់អៀន អំពីទម្ងន់ និងទំហំកំភួនជើងរបស់អ្នក  អ្នកត្រូវមានការប្រុងប្រយ័ត្នចំពោះអាហារដែលអ្នកញ៉ាំចូល។ សំខាន់អ្នកគួរចៀសនូវប្រភេទអាហារដែលមានកម្រិតជាតិស្ករ ខ្លាញ់ និងកាល់ឡូរីខ្ពស់ ព្រោះវាជាលទ្ធផលនៃការស្តុកជាតិខ្លាញ់លើស និងបំផ្លាញទម្រង់នៃដងខ្លួន រួមទាំងជើងទាំងគូរបស់អ្នកផងដែរ។ ដូច្នេះហើយ ការកាត់បន្ថយអាហារប្រភេទនេះអាចចាត់ទុកជាវិធីសាស្ត្រមួយ ជួយឲ្យអ្នកទទួលបានជើងស្រឡូនស្អាត។ ការសម្អាតរោមជើង រោមជើងច្រើន ប្រៀបដូចជាសុបិន្តអាក្រក់មួយ ចំពោះនារីគ្រប់រូប ដូច្នេះអ្នកអាចជ្រើសរើសវិធីសាស្រ្តដើម្បីកម្ចាត់វាដោយសុវត្ថិភាព។ ក្នុងនោះដែរ ការប្រើឡាស៊ែរត្រូវបានណែនាំ តែប្រសិនបើ អ្នកមិនចង់ចំណាយច្រើន អ្នកអាចពិចារណាក្នុង ការជ្រើសរើសវិធីសាស្ត្របែបធម្មជាតិ ដូចជា កោរ បក ឬប្រើក្រែមជម្រុះបានដូចគ្នា។ ការកោរចាំបាច់ត្រូវមានការជ្រើសរើសជែលកោរ និងប្រភេទ ឡាមដែលមានគុណភាព។ ក្នុងករណីអ្នកកោររោមជើង អ្នកគួរប្រើក្រែម ឬឡេផ្តល់សំណើមបន្ទាប់ពីកោររួច ដើម្បីចៀសវាងរលាកដោយសារ ឡាម ឬឡើងកន្ទួល និងធ្វើឲ្យស្បែកឆាប់ស្ងួត។ បច្ចុប្បន្ន នារីៗភាគច្រើនចូលចិត្តបក ឬប្រើក្រែមជម្រុះរោមបែបធម្មជាតិជាជាងកោរលើរោមជើង។ ការត្រាំជើង អ្នកអាចព្យាយាមត្រាំជើង ឲ្យបានយ៉ាងហោច- ណាស់ក៏ម្តងក្នុង១ខែដែរ។ លោកអ្នកអាចប្រើ- ប្រាស់ទឹកក្តៅឧណ្ហៗ លាយជាមួយសាប៊ូលាង- ខ្លួនដើម្បីឲ្យមានពពុះតិចតួច និងបន្ថែម ២ទៅ៣ តំណក់នៃប្រេងធម្មជាតិ។ បន្ទាប់មកត្រាំពាក់កណ្តាលជើងរបស់អ្នក នៅក្នុងល្បាយទឹកក្តៅឧណ្ហៗនោះ រយៈពេលប្រហែលកន្លះម៉ោងរួចហើយសម្អាតជើងរបស់អ្នកថ្នមៗ ដោយប្រើថ្មខាត់ ឬស្ក្រាប់ទើបបន្ថែមសំណើមភ្លាមៗបន្ទាប់ពីនោះ។ ការម៉ាស្សាជើង អ្នកគួរជ្រើសរើសប្រេងម៉ាស្សាធម្មជាតិ អនុវត្តលើជើងរបស់អ្នកយ៉ាងហោចណាស់ម្តងក្នុងមួយសប្តាហ៍។ អ្នកក៏អាចលាងសម្អាតជើងរបស់អ្នក ជាមួយសាប៊ូដុំកម្រិតស្រាល នៅពេលអ្នកត្រឡប់ មកដល់ផ្ទះវិញ ជារៀងរាល់ពេលល្ងាច និងលាបផលិតផលផ្តល់សំណើមតាមក្រោយ។ រក្សាសំណើម ការផ្តល់សំណើមជាប្រចាំជួយឲ្យស្បែកនៅត្រង់ជើងទន់រលោង និងបន្ថយការរលាកលើស្បែកបាន។ ជ្រើសរើសផលិតផលផ្តល់សំណើមដែលមានប្រសិទ្ធភាពជួយបន្តឹងស្បែក។ លាបវាគ្រប់ពេលដែលអ្នកត្រូវការ និងជាពិសេសបន្ទាប់ពីងូតទឹករួច ក៏អាចជួយដល់ស្បែកផ្នែកជើងឲ្យស្រស់ស្អាតបានដែរ។ ហាត់ប្រាណរក្សាទម្រង់ជើង ប្រសិនបើអ្នកមានសាច់ដុំនៅជើងធំៗ អ្នកគួរចាប់ផ្តើមអនុវត្តលំហាត់ប្រាណជាប្រចាំ ដើម្បី-​កាត់បន្ថយខ្លាញ់ដែលលើសនោះចេញ។ ទោះ-បីករណីគ្មានសាច់ដុំធំយ៉ាងណាក៏ដោយ អ្នកនៅតែត្រូវការធ្វើលំហាត់ប្រាណជាប្រចាំ ជាពិសេសសម្រាប់ជើងរបស់អ្នកដើម្បីឲ្យសាច់ដុំជើងរបស់អ្នកមានទម្រង់ស្អាត។ ការដើរ រត់ត្រឹកៗ លោតនិងជិះកង់ជាប្រភេទកីឡាដែលត្រូវបានណែនាំថាអាចជួយឲ្យជើងរបស់អ្នកមានទម្រង់ស្អាត។ ប្រសិនបើអ្នកអាចអនុវត្តតាមការណែនាំខាងលើបាន នោះអ្នកនឹងទទួលបានជើងដែលមានទម្រង់ស្រស់ស្អាត ជាមួយនឹងស្បែកតឹងណែនល្អឥតខ្ចោះហើយក៏ដល់ពេលដែលអ្នកអាចស្លៀកពាក់តាម-ក្តីប្រាថ្នា ប្រកបដោយទំនុកចិត្ត! ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Nov 06, 2017 |
  • 7 ឆ្នាំមុន |
  • 10.3K មើល

យល់ដឹងពីបញ្ហាសាច់ដុះលើស្បែក

បុគ្គលមួយចំនួនមានការព្រួយបារម្ភ និងភ័យខ្លាចចំពោះបញ្ហាសាច់ដុះលើស្បែកដោយបារម្ភថាវាអាចជាសញ្ញាណនៃជំងឺមហារីក។ ប៉ុន្តែ តាមការពិតទៅ «បញ្ហាសាច់ដុះលើស្បែកភាគច្រើនមិនបង្កជាគ្រោះថ្នាក់នោះទេ!!! វាមិនជាប់ពាក់ព័ន្ធទៅនឹងជំងឺមហារីកដោយវាគ្រាន់តែជាដុំសាច់ដែលមិនបង្កជារោគសញ្ញាអ្វីទាំងអស់ ដរាបណាមិនមានការត្រដុស ឬប៉ះពាល់ជាមួយនឹងក្រណាត់ គ្រឿងអលង្ការ ឬវត្ថុមានមុខស្រួចផ្សេងៗ ជាច្រើនដងបន្តបន្ទាប់គ្នា» នេះបើយោងតាមសម្តីរបស់ Madam Barbiela ដែលជាស្ថាបនិករបស់ Lalune Beauty Careមជ្ឈមណ្ឌលថែរក្សាសម្ផស្សដែលជាទំនុកចិត្តរបស់មិត្តប្រុសស្រីដែលស្រលាញ់ភាពស្រស់ស្អាត។ ខណៈនេះ លោកអ្នកអាចស្រាយចម្ងល់ទាក់ទិននឹងបញ្ហានេះជាមួយនឹងអត្ថបទណែនាំដោយលោកស្រីខាងក្រោម៖ សាច់ដុះលើស្បែកជាអ្វី? វាប្រៀបបាននឹងបណ្តុំនៃសរសៃនិងបំពង់ស្នូល កោសិកាប្រសាទ កោសិកាជាតិខ្លាញ់  និងកោសិកាដែលគ្របដណ្តប់លើស្បែក។ បុគ្គលខ្លះអាចនឹងជួបប្រទះនឹងបញ្ហានេះ ហើយតែមិនបានចាប់អារម្មណ៍ ឬកត់សម្គាល់ ដោយដុំសាច់ដែលដុះទាំងនោះអាចនឹងត្រូវបានត្រដុស ឬជ្រុះបាត់ទៅដោយមិនដឹងខ្លួន។ ប៉ុន្តែពេលខ្លះទៀតក៏នៅជាប់ជារៀងរហូត។ មនុស្សមួយចំនួនងាយប្រឈមនឹងបញ្ហាសាច់ដុះលើស្បែកនេះដោយសារតែបញ្ហាធាត់ហួសដែលបណ្តាលមកពីកត្តាតំណពូជ ឬមូលហេតុផ្សេងៗទៀត ដែលមិនទាន់ត្រូវបានរកឃើញ។ សម្រាប់អ្នកជំងឺទឹកនោមផ្អែម និងស្រ្តីមានផ្ទៃពោះជាក្រុមមនុស្សដែលមានការប្រឈមនឹងបញ្ហាសាច់ដុះនេះ។ ផ្ទៃនៃសាច់ដុះអាចនឹងមានសភាពរាបសើ្ម ឬរូបរាងមិនទៀងទាត់ហើយវាដុះចេញពីលើផ្ទៃនៃស្បែកដោយមានទងដុះជាប់នឹងស្បែកផ្ទាល់តែម្តង ដោយភាគច្រើនមានពណ៌ដូចសាច់យើងធម្មតា ឬក៏ត្នោតស្រាល។ ដំបូង វាមានទំហំតូច ហើយសំប៉ែតដូចក្បាលដែកគោលមួក។ វាអាចមានអង្កត់ផ្ចិតពី 2mmទៅ ហើយដុំសាច់ខ្លះក៏អាចមានដល់ 5cmផងដែរ។ តើអ្វីខ្លះជាហេតុបង្កឲ្យមានបញ្ហាសាច់ដុះលើស្បែកសាច់ដុះលើស្បែក? ជាបញ្ហាមួយសាមញ្ញហើយតែងកើតមានក្រោយពាក់កណ្តាលជីវិតរបស់មនុស្ស មូលហេតុដែលគេបានអះអាងនោះ គឺបណ្តាលមកពីចង្កោមនៃកូឡាជែន និងសរសៃឈាម ដែលត្រូវបានប្រមូលផ្តុំគ្នាហើយឃាំងជាប់នៅស្រទាប់ក្រាស់នៃស្បែក។ វាក៏ជាលទ្ធផលពីការត្រដុសស្បែក និងស្បែក ហើយជាហេតុបណ្តាលឲ្យវាកើតមានត្រង់ផ្នែកនៃស្បែក និងស្បែកដែលមានគន្លាក់។ មូលហេតុដែលបង្កបញ្ហានេះក៏មានខុសៗគ្នាទៅតាមប្រភេទមនុស្សផងដែរ៖ • អ្នកដែលធាត់ហួស ៖ អាចមកពីពួកគេមានស្បែកផ្នត់ និងគន្លាក់ច្រើន • ស្រ្តីមានផ្ទៃពោះ ៖  ភាគច្រើន បណ្តាលមកពីអ័រម៉ូនដែលត្រូវបានបញ្ចេញ • អ្នកជំងឺទឹកនោមផ្អែម • បុគ្គលដែលមានផ្ទុកវីរុសមហារីកស្បូន (ដែលមានហានិភ័យទាប ប្រភេទ 6 និង11) • ការប្រើប្រាស់ស្តេរ៉ូអ៊ីតដោយខុសច្បាប់ ៖ វាជ្រៀតចូលទៅក្នុងសារពាង្គកាយ និងសាច់ដុំ ដែលបណ្តាលឲ្យសរសៃកូឡាជែនដែលនៅក្នុងស្បែកចងភ្ជាប់គ្នា ហើយក៏បង្កជាដុំសាច់ដុះនៅលើស្បែកតែម្តង។ តើអាចធ្វើការព្យាបាលដោយវិធីណាខ្លះ? សាច់ដុះលើស្បែកនេះភាគច្រើនមិនបង្កជាគ្រោះថ្នាក់អ្វីធំដុំនោះទេហើយអ្នកដែលកើតមានបញ្ហានេះធ្វើការដកវាចេញ ក៏ដើម្បីតែភាពស្រស់ស្អាត ក៏ដូចជាសម្ផស្សប៉ុណ្ណោះ។ ជួនកាល ដុំសាច់ធំជាពិសេសពួកដែលកើតមានត្រង់តំបន់ដែលងាយនឹងមានការប៉ះទង្គិច តាមរយៈការត្រដុសជាមួយនឹងសម្លៀកបំពាក់ គ្រឿងអលង្ការឬស្បែកងាយនឹងបាត់រូបរាងដោយសារតែវាមានការប៉ះពាល់ច្រើន។ បុគ្គលមួយចំនួនទៀតធ្វើការកំចាត់ដុំសាច់នោះចេញពីមុខ ឬក្រោមក្លៀករបស់ខ្លួន ដើម្បីងាយស្រួលក្នុងការកោរសម្អាតរោមរបស់ខ្លួន។ ប្រិយមិត្តអ្នកអានអាចធ្វើការអនុវត្តតាមវិធីខាងក្រោម ដើម្បីធ្វើការសម្អាតសាច់ដុះលើស្បែក៖ • ការដុត(Cauterization)៖ សាច់ដែលដុះនឹងត្រូវបានដុតចេញដោយអគ្គិសនី • ការកាត់ ៖ សាច់ដែលដុះនឹងត្រូវបានកាត់ចេញដោយកាំបិតវះ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • Oct 27, 2017 |
  • 7 ឆ្នាំមុន |
  • 4.3K មើល

ប្រាកដទេថាក្រចកអ្នកមានសុខភាពល្អ?

សាកល្បងចំណាយពេលត្រឹម ១នាទី ក្រឡេកមើលក្រចកដៃ ឬក្រចកជើងរបស់អ្នក តើវាមើលទៅមានសុខភាពល្អ ឬអត់? តើអ្នកមានឃើញស្នាមឆ្នូត អុជៗ លើក្រចកមានពណ៌ ឬរូបរាងខុសពីធម្មតា? យ៉ាងហោចណាស់ លក្ខខណ្ឌដែលបានរៀបរាប់ខាងលើអាចត្រូវបានកាត់បន្ថយ ឬបំបាត់តាមរយៈការថែរក្សាត្រឹមត្រូវ។ តាមរយៈហេលស៍ថាម ថ្ងៃនេះនឹងបង្ហាញលោកអ្នកអំពីចំណុចនានាជុំវិញក្រចកមានសុខភាពល្អ៖ ក្រចកបែបណាទើបអាចនិយាយបានថាគ្មានបញ្ហា? ម្នាក់ៗហាក់ពុំសូវចាប់អារម្មណ៍ គិតត្រឹមតែថាក្រចកស វែង គ្មានដីគឺគ្មានបញ្ហាហើយ។ យ៉ាងណាមិញ ពាក្យថាក្រចកមួយម៉ាត់គឺផ្គុំដោយស្រទាប់ជាតិប្រូតេអ៊ីនស្តើង ហៅថាគេរ៉ាទីន លូតលាស់ពីទីតាំងខាងក្រោមក្រចក ក្រោមសាច់គែមក្រចក ហើយក្រចកដែលមានសុខភាពល្អគឺរលោង គ្មានខូង មានទម្រង់ជាពណ៌ធម្មជាតិ មានស្ថេរភាព និងគ្មានចំណុចខុសប្រក្រតី។ ម៉្យាងទៀតអ្នកត្រូវតែគ្មាននូវសញ្ញាដូចខាងក្រោម៖ • ក្រចកមានការប្តូរពណ៌ខុសធម្មតា ដូចជាទៅជាស្លេក ឬខ្មៅ នៅក្នុង ឬក្រោមនៃក្រចក • ប្តូររូបរាងក្រចក ដូចជារាងទឹករលក • ក្រចកស្តើង ឬក្រាស់ជាងធម្មតា • ក្រចកហាក់មិនជាប់ជាមួយស្បែកជុំវិញ • មានឈាមជុំវិញក្រចក • ហើម ឬឈឺចាប់ជុំវិញក្រចក។ ៥ ចំណុចដែលលោកអ្នកមិនគួរភ្លេច ដើម្បីថែរក្សាក្រចកឲ្យល្អបំផុត៖ • រក្សាអនាម័យជាប្រចាំ៖ បាក់តេរី ឬមីក្រុបមួយចំនួននឹងជ្រាបចូលតាមរយៈក្រចកក្នុងរាល់ពេលអ្នកកាត់ក្រចកឬសាច់ជុំវិញក្រចកដូចនេះអ្នកត្រូវប្រាកដថាបានសម្លាប់មេរោគលើកន្ត្រៃមុននឹងប្រើ។ ម៉្យាងការរក្សាឲ្យដៃរបស់អ្នកស្ងួតជានិច្ចក៏ជាវិធីសាស្រ្តមួយអាចការពារពីការលូតលាស់របស់បាក់តេរី នៅផ្នែកខាងក្រោមក្រចកដៃរបស់អ្នកបានដែរ។ អ្វីដែលអ្នកមិនគួរភ្លេចនោះគឺការពាក់ស្រោមដៃជាប្រចាំ នៅពេលអាកាសធាតុត្រជាក់ខ្លាំង ក្តៅខ្លាំង ពេលលាងចាន បោកសម្លៀកបំពាក់ ឬករណីដែលក្រចកអ្នកត្រូវប៉ះជាមួយសារធាតុគីមីដោយផ្ទាល់។ • កាត់តម្រឹម និងលាបថ្នាំក្រចក៖ វាពិតជាចាំបាច់ណាស់ពិសេសសម្រាប់លោកអ្នកដែលមានក្រចកទន់ ព្រោះវាងាយបាក់កាលណាវាវែង ហើយការលាបថ្នាំក្រចកជាប្រចាំអាចធ្វើឲ្យក្រចកអ្នករឹងបានមួយកម្រិតផងដែរ។  សូមបញ្ជាក់ថា ការកាត់តម្រឹមក្រចក ក៏ត្រូវបានណែនាំសម្រាប់គ្រប់សភាពក្រចកផងដែរ មិនថាក្រចករឹង ឬទន់នោះទេ។ • ផ្តល់សំណើម៖ មិនត្រឹមតែស្បែកទេដែលត្រូវការសំណើមក្រចករបស់អ្នកក៏ដូចគ្នា ដូចនេះពេលអ្នកលាបឡូសិនដៃរបស់អ្នក កុំភ្លេចលាបលើក្រចក និងសាច់ក្នុងក្រចកផងដែរដើម្បីឲ្យក្រចកដៃអ្នកមើលទៅភ្លឺរលោងស្រស់ស្អាត។ បន្ថែមពីនេះលោកអ្នកក៏គួរតែការពារវាផងដែរដើម្បីឲ្យក្រចករឹងល្អ និងចៀសពីបញ្ហាខាងលើបានមួយកម្រិតទៀត។ • របបអាហារត្រឹមត្រូវ៖ ពិតជាសំខាន់ខ្លាំងណាស់ដែលគ្រូពេទ្យមួយចំនួនបានណែនាំឲ្យញ៉ាំអាហារដែលសម្បូរដោយវីតាមីននិងអាហារបំប៉នដូចជាបីយ៉ូទីន វីតាមីនអ៊ី និងខ្លាញ់ត្រីជាប្រចាំ។ ពិសេសអាហារដែលសម្បូរជាតិប្រូតេអ៊ីនដូចជាសណ្តែកសាច់ត្រី និងគ្រាប់ធញ្ញជាតិមួយចំនួនរួមផ្សំ និងបន្លែបៃតងនឹងជួយឲ្យក្រចកអ្នករឹងមាំនិងមានអនាម័យស្អាត។ • រក្សាឲ្យក្រចកបានសម្រាក៖ ទោះបីការលាបក្រចកធ្វើឲ្យក្រចកអ្នកស្រស់ស្អាត និងរឹងល្អយ៉ាងណាក៏ដោយ វាតែងតែមានកម្រិតក្នុងការប្រើប្រាស់ដែរ។ សូម្បីតែលោកអ្នកត្រូវការសម្រាក ដូច្នេះអ្នកត្រូវទុកពេលឲ្យក្រចកអ្នកបានសម្រាក ដើម្បីធ្វើការជួសជុល  យ៉ាងហោចណាស់ក៏មួយអាទិត្យ រួមជាមួយនឹងការថែរក្សាខាងលើលោកអ្នកក៏ត្រូវទាមទារឲ្យបញ្ឈប់ទម្លាប់មិនល្អមួយចំនួនទៀតដូចជា៖ • ខាំក្រចកដៃ ឬសាច់គល់ក្រចក៖ ទម្លាប់ទាំងនេះអាចបំផ្លាញបន្ទះក្រចកអ្នកទាំងមូលរឹតតែអាចប៉ះពាល់ដល់ធ្មេញរបស់អ្នកទៀតផង។ ម៉្យាងក្នុងទឹកមាត់មានអង់ស៊ីមដែលធ្វើឲ្យក្រចកអ្នកខ្សោយ ទន់ និងងាយបាក់។ ទោះបីការប៉ះពាល់តិចតួចក៏ដោយ ក៏វាជាហេតុអាចឲ្យបាក់តេរី ឬពពួកផ្សិតជ្រៀតចូលបាននិងបង្កជាជំងឺផ្សេងៗ។ • ហាមប្រើទឹកលាងក្រចកញឹកញាប់ពេក៖ លោកអ្នកគួរព្យាយាមកាត់បន្ថយការប្រើទឹកលាងក្រចក ឲ្យបានតិចបំផុតតាមដែលអាចធ្វើបាន ហើយគួរកុំឲ្យវាប៉ះផ្ទាល់ជាមួយសាច់គែមក្រចកពេលអ្នកលាង។ គួរជ្រើសរើសប្រភេទទឹកលាងក្រចកដែលគ្មានផ្ទុកអាសេតូន (Aceton-free) ព្រោះវាធ្វើឲ្យក្រចកអ្នកកាន់តែស្ងួត។ • ហាមប្រើផលិតផលរក្សាក្រចកដែលមានផ្ទុកToluene or Formaldehyde៖ ដោយសារសារធាតុទាំងនោះធ្វើឲ្យមានគ្រោះថ្នាក់ដល់សាច់ក្រចក រួមទាំងរាងកាយរបស់អ្នកផងដែរទោះក្នុងបរិមាណតិចតួចក៏ដោយដូចនេះអ្នកត្រូវពិនិត្យមើលឲ្យច្បាស់មុននឹងជ្រើសរើសផលិតផលទាំងនោះ។ • កុំកាត់ក្រចកដល់គល់ពេក៖ ទោះបីមានការណែនាំឲ្យកាត់ក្រចកជាប្រចាំក៏ដោយ អ្នកត្រូវប្រាកដថាអ្នកមិនកាត់រហូតដល់គល់ រឹតតែមិនត្រូវកាត់សាច់គែមក្រចក ព្រោះទម្លាប់នេះអាចបង្ករោគផ្សេងៗដោយងាយ តាមរយៈការឆ្លងមេរោគ។ • កុំប្រើប្រាស់ក្រចកខុសបច្ចេកទេស៖ យ៉ាងណាក៏ដោយ ហាមដាច់ខាតការដែលអ្នកជំនួសឧបករណ៍ផ្សេងៗ ក្នុងគោលបំណងដើម្បីទប់កោស កាត់ ឆ្កឹះ ឬកេះ ព្រោះវាអាចបំផ្លាញក្រចករបស់អ្នក ទាំងដោយផ្ទាល់ និងមិនផ្ទាល់ រួមទាំងបង្ករោគដោយមិនដឹងខ្លួន។ បើទោះជាក្រចករបស់អ្នកមានគ្រប់លក្ខខណ្ឌក្រចកមានសុខភាពល្អដូចបានរៀបរាប់ខាងលើហើយក៏ដោយ…សំខាន់គឺអ្នកត្រូវធ្វើការថែរក្សាវាឲ្យស្ថិតនៅក្នុងស្ថានភាពនេះរហូតទៅ។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
Top