ភាសាខ្មែរ
English
- Jun 05, 2017 |
- 6 ឆ្នាំមុន |
- 21.4K មើល
វិធីដែលមានប្រសិទ្ធភាពអស្ចារ្យ ក្នុងការបញ្ចុះជាតិអាស៊ីត ក្នុងខ្លួនអ្នក
មានមនុស្សជាច្រើនដែលកំពុងតែអានអត្ថបទនេះ ប្រហែលជាមានកម្រិតជាតិអាស៊ីតខ្ពស់ក្នុងរាងកាយរបស់ពួកគេ។ នេះ គឺបណ្ដាលមកពីអាហារកែច្នៃ ស្ករដែលបានចម្រាញ់រួច និងប្រភេទអាហារសរីរាង្គដែលបានកែប្រែហ្សែន (Genetically Modified Organism or GMO)។ ទោះបីជាយ៉ាងណាក៏ដោយ មានមនុស្សជាច្រើនមិនបានដឹងថារាងកាយដែលមានជាតិអាស៊ីតច្រើនជាប្រភពនៃការកកើតរបស់មហារីក ការលើសទម្ងន់ ការឈឺចាប់ និងបញ្ហាសុខភាពជាច្រើនទៀត។ ការធ្វើឲ្យជាតិអាស៊ីតក្នុងសារពាង្គកាយអ្នកថយចុះ គឺពិតជាងាយ និងសាមញ្ញណាស់។ ការបង្កើតមជ្ឈដ្ឋានអាល់កាឡាំងក្នុងខ្លួនគឺផ្ទុយគ្នាទៅនឹងមជ្ឈដ្ឋានអាស៊ីត។ ខាងក្រោមនេះ ជាវិធីសាស្រ្ដតាមបែបធម្មជាតិយ៉ាងសាមញ្ញទាំង១០ដែលអ្នកអាចអនុវត្ដជារៀងរាល់ថ្ងៃ ហើយវានឹងជួយបន្ថយនូវជាតិអាស៊ីតក្នុងខ្លួនអ្នក ស្របពេលជាមួយគ្នានេះដែរ អ្នកនឹងកាន់តែមានភាពស្វាហាប់ និងមានថាមពល។ ១. អ្វីដែលសំខាន់ជាងគេដែលអ្នកគួរធ្វើនោះ គឺចាប់ផ្ដើមថ្ងៃថ្មីរបស់អ្នកជាមួយនឹងស្នាមញញឹម និងទឹកក្រូចឆ្មារស្រស់ច្របាច់មួយកែវធំ។ តាមពិតទៅ ផ្លែក្រូចមានឥទ្ធិពលផ្ទុយទៅលើរាងកាយរបស់អ្នក ទោះបីជាវាមានផ្ទុកជាតិអាស៊ីតក៏ដោយ។ ផឹកវាមុនគេ នៅពេលព្រឹក ដើម្បីលាងសម្អាតប្រព័ន្ធផ្សេងៗ ក្នុងរាងកាយអ្នក។ ជម្រើសមួយទៀតនោះ គឺផឹកទឹកខ្មេះដែលធ្វើពីផ្លែប៉ោមសរីរាង្គ លាយជាមួយទឹកចំនួនមួយ ឬពីរកែវជារៀងរាល់ថ្ងៃ។ អ្នកគួរតែលាយវាជាមួយទឹកខ្មេះនេះ តែមួយទៅពីរស្លាបព្រាបាយបានហើយ សម្រាប់ចំណុះទឹកប្រហែល២០០មីលីលីត្រ។ ២. អ្នកគួរទទួលទានសាឡាដបៃតង ដែលលាយជាមួយទឹកក្រូចឆ្មារ និងប្រេងអូលីវ ដែលមានគុណភាពខ្ពស់ឲ្យបានច្រើន។ បន្លែ និងផ្លែឈើបៃតង គឺជាប្រភពអាហារសម្បួរសារធាតុរ៉ែអាល់កាឡាំងដូចជា កាល់ស្យូមជាដើម។ បរិភោគអាហារមានជាតិអាល់កាឡាំង ដូចជាបន្លែ និងផ្លែឈើឲ្យបានច្រើន។ ពួកវាជួយរក្សាលំនឹង pH ក្នុងខ្លួនយើង និងជួយឲ្យរាងកាយយើងមានតុល្យភាព។ ៣. អាហារសម្រន់របស់អ្នកគួរតែមាន គ្រាប់អាល់ម៉ុងឆៅ (Raw and unsalted almond)។ អាល់ម៉ុងសម្បូរទៅដោយរ៉ែ ដែលមានសារធាតុអាល់កាឡាំងធម្មជាតិ ដូចជា ម៉ាញេស្យូម និងកាល់ស្យូម ដែលជួយក្នុងសម្រួលឲ្យមានតុល្យភាពនៃជាតិអាស៊ីត និងជាតិស្ករ ក្នុងឈាម នៅពេលតែមួយ។ ៤. ទទួលទាននូវទឹកដោះគោអាល់ម៉ុង (Almond Milk) ឬក៏ធ្វើ Berry smoothie ញ៉ាំដោយខ្លួនឯង ដោយបន្ថែមនូវម្សៅបៃតង ដូចជាម្សៅសារាយ (Spirulina) ឬម្សៅបៃតងផ្សេងទៀត។ ប្រសិនបើអ្នកមានជម្រើសរវាងទឹកដោះគោអាល់ម៉ុង និងទឹកដោះគោស្រស់ នោះអ្នកគួរតែជ្រើសយកទឹកដោះគោអាល់ម៉ុង។ ៥. អ្នកគួរតែដើរ ឬធ្វើលំហាត់ប្រាណផ្សេងៗ វាពិតជាមានសារៈសំខាន់ណាស់ ក្នុងការធ្វើខ្លួនឲ្យសកម្ម។ ការធ្វើលំហាត់ប្រាណពិតជាជួយឲ្យរាងកាយអ្នក បញ្ចេញចោលនូវផលិតផលអាស៊ីតកាន់តែបានល្អ។ ៦. ការដកដង្ហើមឲ្យបានវែងៗ ហើយវាពិតជាល្អណាស់បើអ្នកអាចជ្រើសយកកន្លែងណាមួយ មានខ្យល់អាកាសបរិសុទ្ធ និងសម្បូរអុកស៊ីហ្សែន ហើយឧស្សាហ៍ទៅទីនោះឲ្យបានញឹកញាប់។ នៅពេលដែលអ្នកទៅកន្លែងនោះ អ្នកគួរតែផឹកទឹកឲ្យបានច្រើន(និងញ៉ាំទឹកឲ្យបានច្រើនជារៀងរាល់ថ្ងៃផងដែរ) ដើម្បីលាងសម្អាតប្រព័ន្ធបញ្ចេញចោល។ ៧. អ្នកមិនគួរទទួលទានសាច់ជារៀងរាល់ថ្ងៃទេ ប្រសិនបើអ្នកមិនទទួលទានសាច់បានប៉ុន្មានថ្ងៃ នោះវាពិតជាល្អ ព្រោះថាការទទួលទានសាច់រាល់ថ្ងៃអាច បន្សល់នូវជាតិអាស៊ីតច្រើន។ យើងមានរូបមន្ដធ្វើម្ហូបជាច្រើនចំពោះអ្នកតមសាច់ ដើម្បីបន្ថយជាតិអាស៊ីតក្នុងខ្លួនអ្នក។ ៨. អ្នកមិនគួរទទួលទាននូវបង្អែមដែលមានជាតិស្ករច្រើនពេក និងមិនគួរញ៉ាំទឹកសូដា។ ស្ករ គឺជាអាហារដែលមានជាតិអាស៊ីតដ៏អាក្រក់ជាងគេ ដែលយើងតែងតែទទួលទាន ហើយវាជាសត្រូវរបស់យើង។ ប្រសិនបើអ្នកផឹកទឹកសូដាមួយកំប៉ុង អ្នកត្រូវការទឹកប្រហែល៣០កែវ ដើម្បីបន្សាបជាតិអាស៊ីត ពីក្នុងខ្លួនរបស់អ្នក។ ៩. អ្នកគួរបន្ថែមបន្លែឲ្យបានច្រើនទៅក្នុងរបបអាហាររបស់អ្នក។ អ្នកត្រូវដឹងថា ដំឡូងមិនត្រូវបានរាប់បញ្ចូលទេ។ ទោះបីជាដំឡួងផ្អែមជាជម្រើសដ៏ល្អក្ដី អ្នកមិនគួរធ្វើវាញ៉ាំជាមួយប័រទេ អ្នកគួរតែប្រើប្រេងអូលីវ និងអំបិល Himalayan សម្រាប់ចំអិនវា។ ម្ទេស ត្រពាំងបារាំង ល្ពៅ ត្រប់ និងបន្លែដទៃទៀត សុទ្ធតែជាជម្រើសដ៏ល្អ។ ១០. វិធីចុងក្រោយនោះគឺ បន្ថែមបន្លែប្រភេទពួកពន្លក (Sprouts) ទៅក្នុងរបបអាហាររបស់អ្នក។ ពួកវាសម្បូរទៅដោយសារធាតុចិញ្ចឹម និងអង់ស៊ីមបង្កើនថាមពល។ ©2017 រក្សាសិទ្ធិគ្រប់យ៉ាងដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។
ចែករំលែក
