Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout

នៅពេលដែលយើងនិយាយពីអ្នកដែលអាចមករដូវបាន យើងតែងតែគិតដល់អ្នកដែលមានអត្តសញ្ញាណភេទជាមនុស្សស្រី ហើយមានរូបរាងជាមនុស្សស្រី។ ទោះបីជានេះជាការគិតដោយមិនដឹងខ្លួនក៏ដោយ តែវាបានឆ្លុះបញ្ចាំងពីកង្វះខាតចំណេះដឹងទៅលើបញ្ហាការមករដូវរបស់អ្នកដែលមិនប្រកាន់អត្តសញ្ញាណថាជាស្រ្តី ឬ អ្នកដែលមិនប្រកាន់ភេទច្បាស់លាស់។ កង្វះខាតនៃការយល់ដឹងជុំវិញបញ្ហានេះ និង​ការរើសអើងនៃអ្នកកែភេទ និង​បុគ្គលដែលមិនប្រកាន់ភេទណាមួយដែលគាត់មករដូវដែរនោះ បង្កជាផលវិបាកអវិជ្ជមានទៅលើការរស់នៅប្រចាំថ្ងៃរបស់ពួកគាត់ ដែលប៉ះពាល់ទៅលើអនាម័យនៃការមករដូវ សុខភាពផ្លូវចិត្ត និង ផាសុកភាពនៃរាងកាយរបស់គាត់។ ការបើកការជជែកពិភាក្សាដែលយើងកំពុងតែសំដៅទៅលើ គឺការខ្វះខាតនៃផលិតផលអនាម័យសុខភាពប្រដាប់បន្តពូជដែលមិនរើសភេទនៅលើទីផ្សារ (gender-neutral products ) និងការមាក់ងាយពីសង្គមជុំវិញបញ្ហាមករដូវផ្ទាល់ ជាពិសេសនៅក្នុងប្រទេសដែលមិនសូវមានការអប់រំពាក់ព័ន្ធទៅនឹងសហគមន៍ LGBTQ+ ដូចប្រទេសកម្ពុជា។ ដោយសារតែកង្វះខាតព័ត៌មាន និង ឯកសារស្រាវជ្រាវអំពីប្រធានបទនេះនៅក្នុងប្រទេសកម្ពុជា យើងបានសុំជំនួយពីអ្នកដែលនៅក្នុងសហគមន៍ LGBTQ+ ក្នុងស្រុកផ្ទាល់​តែម្តង។ សម្រាប់អត្ថបទប្លុកលើកនេះ យើងបានធ្វើការសម្ភាសន៍ ជាមួយនឹងលោក Bee Mike ដែលជាអ្នកលេងឧបរករណ៍តន្រ្តី ហ្គីតាបាស ប្រចាំក្រុមប្រគុំតន្រ្តីមួយនៅ​ក្នុងប្រទេសកម្ពុជា។ លោកនឹងឆ្លើយទៅនឹងសំនួរ ដោយប្រើប្រាស់បទពិសោធន៍របស់ខ្លួនលោកផ្ទាល់ក្នុងនាមជាអ្នកកែភេទនៅប្រទេសកម្ពុជា។ ផលលំបាកនៃការមករដូវក្នុងនាមជាអ្នកកែភេទ និង មិនប្រកាន់ភេទណាមួយ «និយាយទៅបើសិនជានិយាយថាឲ្យដឹងតាំងពីពេលណា គឺតាំងពីតូចមកចូលចិត្តស្លៀកខោអាវប្រុស» បើតាមសម្តីរបស់ Mike។ នៅពេលដែលគាត់ត្រូវបានសួរពាក់ព័ន្ធពីឧបសគ្គឬការលំបាករបស់គាត់ដែលបានធំធាត់ឡើងមកក្នុងនាមជាអ្នកកែភេទ ដែលមករដូវនោះ Mike បានឆ្លើយថា លោកតែងតែមានភាពខ្មាសអៀនខ្លាំងណាស់នៅពេលដែលនិយាយអំពីការមករដូវម្តងៗ។ «និយាយទៅតាំងពីក្មេងមកគឺឲ្យតែមានអាហ្នឹង គឺតែងតែមានអារម្មណ៍ប្លែកៗហើយអៀន ហើយអត់សូវបញ្ចេញអាការៈនឹងឲ្យគេឃើញទេ សូម្បីតែទៅទិញសំឡីខ្លួនឯងក៏អត់ហ៊ានដែរ»។ Mike ក៏បានបញ្ជាក់ផងដែរថា លោកមិនសូវមានបញ្ហាអ្វីជាមួយនឹងចំណេះដឹងថែទាំខ្លួននៅពេលមករដូវនោះទេ ពីព្រោះលោកទម្លាប់ជាមួយនឹងការមករដូវតាំងពីមុនពេលដែលគាត់ដឹង ១០០ ភាគរយថាខ្លួនជាមនុស្សប្រុស។ យ៉ាងណាមិញ លោកបាននិយាយផងដែរថា នេះគឺគ្រាន់តែជាបទពិសោធន៍របស់លោកផ្ទាល់ទេ ចំពោះអ្នក​ដែលជាអ្នកកែភេទផ្សេងលោកមិនអាចតាំងខ្លួនជាតំណាងឲ្យបទពិសោធន៍ពួកគេទាំងអស់គ្នាបាននោះទេ។ ប៉ុន្តែគាត់ចាំថាគាត់មានអារម្មណ៍ភ័យខ្លាចដែរនៅពេលដែលមករដូវជាលើកដំបូង ព្រោះមិនដឹងថាវាគ្រាន់តែជាដំណើរការធម្មជាតិនោះទេ។ លោកបាននិយាយដោយហួសចិត្តអំពីការសួរសំនួរពីមនុស្សជុំវិញខ្លួនអំពីរូបរាង និងភេទរបស់លោកតាំងពីនៅក្មេងមកម្ល៉េះ។ «ពេលដំបូងៗ នៅពេលដែលលឺសំនួរចឹងៗមានអារម្មណ៍ថាអន់ចិត្តនឹងខ្លួនឯង រហូតចង់ចូលដល់ជម្ងឺ depression មិនមែនចង់ depression ទេ គឺ depression ហ្មង ដោយសារតែ ទី​១ គាត់រើសអើងខ្លាំងពេក និយាយទៅសំនួរបែបនឹងគឺគ្រប់ទីកន្លែង តែម្តង គឺថាគាត់អត់យល់ទេ សូម្បីតែអ៊ុំយើងក៏គាត់សួរយើងចឹងដែរថា ម៉េចបានយើងចូលចិត្តតែងខ្លួនជាប្រុសចឹង និយាយទៅសំនួរពេញក្បាលតែម្តង»។ ការស្រាវជ្រាវបានបង្ហាញថាអ្នកដែលកែភេទ ប្រឈមមុខនឹងការមានភាពអាម៉ាស់នឹងខ្លួនឯង និងអសមភាពនៅក្នុងសង្គម ក៏ដូចជាភាពខ្វះខាតជាច្រើននៅពេលដែលពួកគេត្រូវគ្រប់គ្រងលើការមករដូវរបស់ខ្លួន។ មូលហេតុមួយគឺអ្នកកែភេទពីស្រីទៅប្រុស ដែលមានអត្តសញ្ញាណជាភេទប្រុស បានប្រកាន់ភ្ជាប់ជាមួយនឹងផ្នត់គំនិតមួយចំនួនដែលបុរសជាច្រើននៅក្នុងសង្គមប្រកាន់ខ្ជាប់ ហើយអាចមើលឃើញការមករដូវជាអ្វីមួយដែលធ្វើឲ្យពួកគេទន់ខ្សោយ ឬអន់ជាងបុរសដទៃ។ ហេតុនេះហើយ បានជាអ្នកកែភេទខ្លះមានភាពអាម៉ាសទៅនឹងការមករដូវ។ ការមិនទទួលស្គាល់ការមករដូវនេះមិនមែនជាកំហុសរបស់ពួកគាត់នោះឡើយ ប៉ុន្តែវាជាចំនុចចង្អុលបង្ហាញពីគំនិតដែលចាត់ទុកការមករដូវគឺជារបស់កខ្វក់ ហើយបន្ទាបតម្លៃរបស់មនុស្សម្នាក់។ នេះគឺជាជំនឿមួយដែលត្រូវបានគេជឿតាំងពីយូរលង់ណាស់មកហើយ ហើយវាត្រូវបានបន្តមានឥទ្ធិពលនៅក្នុងសង្គមដែលប្រកាន់ផ្នត់គំនិតបិតាធិបតេយ្យ។ បើនិយាយអំពីបទពិសោធន៍របស់លោកជាមួយនឹងបុគ្គលិកសុខាភិបាលវិញ Mike បាននិយាយថា លោកមិនដែលបានទៅគ្លីនិកណាមួយដើម្បីពិនិត្យមើលសុខភាពបន្តពូជរបស់លោកនោះទេ ប៉ុន្តែលោកធ្លាប់បានយកម្តាយរបស់លោកទៅ ហើយបានមានអារម្មណ៍ថាលោកមិនអាចទទួលយកការពិនិត្យរាងកាយបែបនោះបាននោះទេ។ ប៉ុន្តែលោកធ្លាប់មានបទពិសោធន៍ខ្លះៗនៅពេលដែលទៅគ្លីនិកពិនិត្យជម្ងឺទូទៅ ហើយមានអារម្មណ៍មិនល្អនៅពេលដែលគេនិយាយពីរូបរាងរបស់លោក និង​ ភេទរបស់លោកផងដែរ។ «បងទៅតែពេទ្យពិនិត្យសុខភាពធម្មតាដូចជាក្អក ផ្តាសាយអីចឹង ហើយភាគច្រើន ពួកគាត់នៅតែសួរតែ ស្មានតែប្រុសតាមពិតស្រីសោះ ពាក្យនេះអាចសាមញ្ញចំពោះគាត់ ប៉ុន្តែវាប៉ះពាល់ដល់អារម្មណ៍យើង»។ អ្នកផ្តល់សេវាសុខភាព និង​ សង្គមទាំងមូលដើរតួរយ៉ាងសំខាន់ក្នុងការលុបបំបាត់ការរើសអើងទៅលើអ្នកដែលកែភេទហើយមករដូវ។ អ្វីដែលគួរឲ្យសោកស្តាយគឺ នេះឯងជាចំនុចបញ្ហា ព្រោះអ្នកផ្តល់សេវាសុខភាពត្រូវបានគេរកឃើញថាមានភាពខ្វះខាត និង មានភាពលំអៀងនៅពេលដែលផ្តល់ការព្រឹក្សាដល់អ្នកដែលកែភេទ។ ការស្រង់មតិមួយនៅសហរដ្ឋអាមេរិកនៅឆ្នាំ ២០១៥ ក្នុងចំណោមវេជ្ជបណ្ឌិតផ្នែកសម្ភព និង រោគស្រ្តី បានបង្ហាញថា ៨០​ ភាគរយ ក្នុងចំណោមពួកគេមិនបានទទួលការហ្វឹកហាត់ទាក់ទងទៅនឹងការផ្តល់សេវាសុខភាពដល់អ្នកកែភេទនោះទេ ហើយមានតែ ២៩ ភាគរយតែប៉ុណ្ណោះដែលមានអារម្មណ៍មិនល្អនៅពេលផ្តល់សេវាកម្មថែទាំសុខភាពដល់អ្នកកែភេទ។ ដោយសារតែភាពភ័យខ្លាចទៅលើអ្នកផ្តល់សេវាសុខភាពដែលរើសអើងទៅលើអ្នកកែភេទ ហើយនិង​ការស្អប់ខ្ពើមការមករដូវផងនោះ អ្នកកែភេទមិនងាយនឹងស្វែងរកសេវាថែទាំសុខភាពនោះទេ​នៅពេលដែលពួកគេជួបបញ្ហាពាក់ព័ន្ធទៅនឹងការមករដូវ ដូចជាការអត់រដូវ និង​ការដុះស្រទាប់រដូវនៅកន្លែងមិនប្រក្រតីជាដើម ដែលអាចមានមូលហេតុប៉ះពាល់សុខភាពធ្ងន់ធ្ងរ។ ការធ្វើឲ្យការមករដូវនៃអ្នកកែភេទទៅជារឿងធម្មតា ដូចនេះ តើក្នុងនាមយើងជាបុគ្គលម្នាក់ក្នុងសង្គមអាចជួយអ្វីបានខ្លះ? តាមពិតការចាប់ផ្តើមដំបូងគឺមិនស្មុគស្មាញនោះទេ​ ហើយវិធីនោះគឺការលើកទឹកចិត្តឲ្យអ្នកកែភេទ និង អ្នកដែលមិនប្រកាន់ភេទណាមួយចូលរួមការពិភាក្សាស្តីពីការមករដូវ។ ដើម្បីសង្កត់ថាមិនមែនមានតែស្ត្រីភេទតែប៉ុណ្ណោះដែលអាចមករដូវបាន ហើយក្នុងគោលដៅរកដំណោះស្រាយដែលផ្តល់ផាសុកភាពចំពោះមនុស្សទាំងអស់ដែលមករដូវ។ នេះអាចរួមបញ្ចូលទាំងវគ្គបណ្តុះបណ្តាលអ្នកផ្តល់សេវាថែទាំសុខភាពដែលមិនមានការរើសអើងអ្នកកែភេទ និងការដាក់ផលិតផលអនាម័យនៅក្នុងបន្ទប់ទឹកទាំងប្រុស និងស្រី។ ហើយអ្វីដែលសំខាន់ជាងគេនោះ គឺការលុបបំបាត់គំនិតដែលខុសឆ្គងពាក់ព័ន្ធទៅនឹងការមករដូវ។ នេះមិនមែនជាការងាយទេ ហើយវាត្រូវការការដាក់កម្មវិធីសិក្សានៅតាមសាលាអំពីសុខភាពបន្តពូជ និង សហគមន៍ LGBTQ+។ លោកបានបន្តថា៖ «បើទោះបីជាពួកបងស្រលាញ់ស្រីមែនប៉ុន្តែរូបរាងខាងក្រៅ ប្រព័ន្ធគ្រឿងក្នុងយើងក៏នៅតែជាមនុស្សស្រីចឹង។​ ចឹងធម្មតាធម្មជាតិបង្កើតមកឲ្យមនុស្សស្រីមានមករដូវ គឺយើងនៅតែមកដែរ ដូចម៉ាស៊ីនចឹង គេ set មកយ៉ាងម៉េចគឺយើងចេញមកចឹង។ ប៉ុន្តែពួកយើងខុសពីម៉ាស៊ីនដោយសារយើងនៅមានអារម្មណ៍ទៀត។ យើងមានអារម្មណ៍ យើងមានបេះដូង យើងមានគំនិត អ៊ីចឹងការគិតរបស់ពួកបងខុសគ្នាពីមនុស្សស្រីធម្មតាគឺខាងក្នុងចិត្ត ការគិត អារម្មណ៍»។ ផលិតផលអនាម័យសម្រាប់ការមករដូវដែលមិនប្រកាន់ភេទកំពុងតែត្រូវបានគេលក់នៅប្រទេសមួយចំនួននៅជុំវិញពិភពលោក។ ផលិតផលដូចជា Thinx និង Always កំពុងតែរួមបញ្ចូលតម្រូវការរបស់អ្នកកែភេទ​ និង អ្នកមិនប្រកាន់ភេទណាមួយ ដោយបង្កើតផលិតផលដែលអ្នកណាក៏អាចប្រើប្រាស់បានយ៉ាងងាយស្រួល។ យ៉ាងណាមិញ គ្រាន់តែកែប្រែផលិតផលនឹងមិនអាចជួយបានច្រើននោះទេប្រសិនបើយើងមិនព្យាយាមអស់ពីសមត្ថភាពក្នុងការអប់រំប្រជាជនទូទៅអំពីអនាម័យការមករដូវ និង ការគិតខុសពាក់ព័ន្ធទៅនឹងអ្នកដែលអាចមករដូវ តើការមករដូវមានន័យថាដូចម្តេច ហើយហេតុអីបានជាអនាម័យសុខភាពរដូវគឺជាសិទ្ធិមនុស្ស។ សម្រាប់ Mike វិញ ក្តីសង្ឃឹមរបស់លោកគឺសាមញ្ញនោះទេ។ «បើតាមមតិរបស់បងផ្ទាល់គឺអត់មានអីច្រើនក្រៅពីឲ្យពួកគាត់បើកចិត្តព្រមទទួលយកនោះទេ»។ គ្លីនិកម៉ារីស្តូបលើកទឹកចិត្តឲ្យមនុស្សគ្រប់អត្តសញ្ញាណភេទទាំងអស់មកទទួលសេវាថែទាំសុខភាពផ្លូវភេទដោយមិនមានភាពអាម៉ាស់ និង ប្រកបដោយទំនុកចិត្ត។   ឯកសារយោង៖ Chrisler, J. C., Gorman, J. A., Manion, J., Murgo, M., Barney, A., Adams-Clark, A., … Mcgrath, M. (2016). Queer periods: attitudes toward and experiences with menstruation in the masculine of centre and transgender community. Culture, Health & Sexuality, 18(11), 1238–1250. doi: 10.1080/13691058.2016.1182645 ACLU News & Commentary. (2019, December 17). Retrieved March 27, 2020, from https://www.aclu.org/news/lgbt-rights/menstruation-related-discrimination-is-sex-discrimination-we-dont-need-to-erase-trans-or-non-binary-people-to-make-that-point/   សម្រាប់ព័ត៌មានទាក់ទងនឹងការមករដូវ សុខភាពបន្តពូជ និង វិធីសាស្រ្តពន្យាកំណើត ប្រឹក្សាជាមួយ @MarieStopesKH តាមរយៈ៖ ✓ ផ្ញើសារតាមរយៈហ្វេសប៊ុគ ✓ រៀងរាល់ថ្ងៃចាប់ពីម៉ោង 7:00 ព្រឹក រហូតដល់ម៉ោង 5:00 ល្ងាច ✓ 012 999 002 ឬ 098 999 102 ✓ ផ្ញើសារតាមរយៈបណ្ដាញសង្គម LINE, Viber, WhatsApp, WeChat 093 24 08 23 ✓ www.mariestopes.org.kh/contactus  

ចែករំលែក

រាជធានីភ្នំពេញ ថ្ងៃទី១៤ ខែមីនា ឆ្នាំ២០២០៖ ស៊ីងហ្គាពួរ មេឌីខល សេនធ័រ (Singapore Medical Center) គ្រប់គ្រងចាត់ចែងដោយ DrMap បានចូលរួមគាំទ្រក្នុងឱកាសនៃទិវាលើកកម្ពស់ការយល់ដឹងប្រយុទ្ធប្រឆាំងនឹងជំងឺមហារីកពោះវៀនធំ និងទ្វារបាត ដោយបានរៀបចំសិក្ខាសិលាសុខភាពជូនសាធារៈជន។ ជាផ្នែកមួយនៃការអប់រំសុខភាពរបស់ស៊ីងហ្គាពួរ មេឌីខល សេនធ័រ អ្នកចូលរួមបានទទួលនូវចំណេះដឹងអំពីជំងឺមហារីកពោះវៀនធំ និងទ្វារបាត ដែលធ្វើបទបង្ហាញដោយវេជ្ជបណិ្ឌតឯកទេសជនជាតិសិង្ហបុរី Dr. Jonathan Foo។ ផ្នែកលើទិន្នន័យដែលបង្ហាញដោយអង្គការសុខភាពពិភពលោក(WHO) នៃភ្នាក់ងារអន្តរជាតិស្រាវជ្រាវលើជំងឺមហារីក (International Agency for Research on Cancer) ក្នុងឆ្នាំ ២០១៨ ជំងឺមហារីកពោះវៀនធំ ត្រូវបានចាត់ថ្នាក់ជាជំងឺមហារីកលំដាប់ថ្នាក់ទី៥ ដែលបណ្តាលឲ្យមានការស្លាប់ច្រើនបំផុតក្នុងប្រទេសកម្ពុជា។ ជំងឺមហារីកពោះវៀនធំ និងទ្វារបាត គឺជាជំងឺដែលអាចព្យាបាលបានក្នុងអត្រាខ្ពស់ ប្រសិនបើអាចធ្វើរោគវិនិឆ្ឆ័យទាន់ពេលវេលា។ អត្រាភាគច្រើននៃការកើតជំងឺមហារីកពោះវៀនធំ និងការបាត់បង់ជីវិតដោយសារជំងឺនេះអាចការពារបានតាមរយៈការពិនិត្យសុខភាពដោយការថតឆ្លុះដោយម៉ាស៊ីនអង់ដូរស្តុប រកដុំសាច់ដែលមានក្នុងពោះវៀនធំ (Colon polyps)។ ដើម្បីលើកកម្ពស់ចំណេះដឹងសុខភាព និងធ្វើឲ្យអ្នកចូលរួមបានស្វែងយល់កាន់ស៊ីជម្រៅអំពីទិវាប្រយុទ្ធប្រឆាំងនឹងជំងឺមហារីកពោះវៀនធំ និងទ្វារបាត លោកវេជ្ជបណ្ឌិតឯកទេស Dr. Jonathan Foo (វេជ្ជបណិ្ឌតឯកទេសវះកាត់ជំងឺទូទៅ និងប្រព័ន្ធទា្វរបាត) បានធ្វើការពន្យល់ថា “សុខភាពពោះវៀនធំសម្រាប់មនុស្សគ្រប់រូប ជាពិសេសបុរសអាយុ ៤៥ឆ្នាំ ទ្បើងទៅ ក្នុងចំណោមប្រជាជនបានក្លាយជាប្រធានបទកាន់តែមានការយកចិត្តទុកដាក់ច្រើននាពេលបច្ចុប្បន្ន ពីព្រោះមានភស្តុតាងកាន់តែច្រើនបានបញ្ជាក់ថាសុខភាពរាងកាយរបស់យើងពឹងអាស្រ័យលើសុខភាពប្រព័ន្ធរំលាយអាហារ ដែលប្រព័ន្ធនេះផ្អែកទាំងស្រុងលើរបបអាហាររបស់យើង។ លោកវេជ្ជបណ្ឌិតក៏បានពន្យល់អំពីអត្ថប្រយោជន៍នៃការត្រួតពិនិត្យដោយសុងពោះវៀនធំឲ្យបានទៀងទាត់ដោយថា “វាអាចជួយឲ្យយើងដឹងអំពីវត្តមានជំងឺមហារីកពោះវៀនធំក៏ដូចជាមធ្យោបាយមួយយ៉ាងមានប្រសិទ្ធិភាពនៃការបង្ការជំងឺ ធ្វើរោគវិនិច្ឆ័យក៏ដូចជាផ្តល់ការព្យាបាលដល់អ្នកជំងឺឲ្យបានទាន់ពេលវេលា។” ស៊ីងហ្គាពួរ មេឌីខល សេនធ័រ មានគោលបំណងផ្តល់ជូនសេវាវេជ្ជសាស្ត្រ និងការព្យាបាលដល់ប្រជាជនកម្ពុជានិងជនបរទេសដែលកំពុងរស់នៅធ្វើការក្នុងប្រទេសនេះ ក៏ដូចជាប្រជាជនមកពីប្រទេសជិតខាងកម្ពុជាដែលស្វែងរកមូលដ្ឋាន និងសេវាកម្មសុខាភិបាលទំនើប។ មជ្ឈមណ្ឌលនេះ ដំណើរការ និងគ្រប់គ្រងដោយគណៈគ្រប់គ្រង DrMap ដោយប្រើប្រាស់ស្តង់ដារ និងអ្នកឯកទេសសឹង្ហបុរី។ រាល់ការព្យាបាល និងសេវាកម្មទាំងអស់សុទ្ធតែបានអនុលោមតាមដំណើរការ និងពិធីសារសុខាភិបាលដែលទទួលបានវិញ្ញាបនបត្រត្រឹមត្រូវ។ ស៊ីងហ្គាពួរ មេឌីខល សេនធ័រ នឹងក្លាយទៅជាមជ្ឈមណ្ឌលវេជ្ជសាស្រ្តមួយដែលផ្តល់សេវាកម្មពេញលេញ និងឈានមុខគេដោយរួមបញ្ចូលគ្នាទាំងវេជ្ជសាស្រ្តទូទៅ និងវេជ្ជសាស្រ្តថែទាំសុខភាព ដែលចំណុចនេះធ្វើឲ្យមជ្ឈមណ្ឌលយើងក្លាយជាមជ្ឈមណ្ឌលទីមួយនៅរាជធានីភ្នំពេញ ដែលបានដាក់បញ្ចូលសុខុមាលភាពគ្រប់ជ្រុងជ្រោយទៅជាទិដ្ឋភាពស្នូលនៅសេវាកម្មវេជ្ជសាស្រ្តសម្រាប់សហគមន៍។ មជ្ឈមណ្ឌលវេជ្ជសាស្រ្តមួយនេះនឹងផ្តល់សេវាកម្មជាច្រើនរួមមានការអនុវត្តន៍វេជ្ជសាស្រ្តទូទៅ ការថែទាំជំងឺរ៉ាំរ៉ៃ ការថតឆ្លុះធ្វើរោគវិនិច្ឆ័យ និងការត្រួតពិនិត្យសុខភាពសុខុមាលភាពគ្រប់ជ្រុងជ្រោយ ការព្យាបាលដោយប្រើទឹកសេរ៉ូម ការព្យាបាលសម្ផស្ប និងរោគសើស្បែក និងការវះកាត់ផ្សេងៗ។ សេវាកម្មធ្វើរោគវិនិច្ឆ័យដោយប្រើម៉ាស៊ីនថ្មីបំផុតរួមមានម៉ាស៊ីនថតកាំរស្មី x ម៉ាស៊ីនស្គេនម៉ាម៉ូក្រាម ម៉ាស៊ីនស្គេនស៊ីធី ឧបករណ៍វាស់ដង់ស៊ីតេឆ្អឹង និងម៉ាស៊ីនអេកូសាស្រ្ត។ ចំណែកឯការព្យាបាលសុខុមាលភាពគ្រប់ជ្រង់ជ្រោយ និងបញ្ចូលលក្ខណៈពិសេសដូចជា ការព្យាបាលដោយត្រាំខ្សាច់ភ្នំភ្លើង ការព្យាបាលអ៊ីយ៉ង់អវិជ្ជមាន និងអ៊ីនហ្រ្វារ៉េដ ថ្នាំចិនបុរា និងរបៀបបន្សាបជាតិពុលជាច្រើនប្រភេទ កម្មវិធីបញ្ចុះទម្ងន់ និងការគ្រប់គ្រងការឈឺចាប់។ សម្រាប់សំណួរពីប្រព័ន្ធផ្សព្វផ្សាយ សូមទាក់ទង៖ Pae Yi Lin មជ្ឈមណ្ឌលវេជ្ជសាស្រ្តសឹង្ហបុរី (SGMC) Tel:  +855 89 999 685 Email: yilin.pae@sgmc.com.kh  2020 រក្សាសិទ្ធិគ្រប់យ៉ាងដោយ Healthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

រាជធានីភ្នំពេញថ្ងៃទី ២១ ខែកុម្ភះ ឆ្នាំ២០២០៖ ស៊ីងហ្គាពួរ មេឌីខល សេនធ័រ (Singapore Medical Center) គ្រប់គ្រងចាត់ចែងដោយ DrMap មកពីប្រទេសសិង្ហបុរី មានមោនភាពក្នុងជូនដំណឹងដល់សាធារជនអំពីការមកដល់នៃក្រុមវេជ្ជបណ្ឌិតឯកទេសជនជាតិសិង្ហបុរី ចាប់ពីខែមីនា នេះតទៅ។ ក្នុងនាមជាអ្នកផ្តល់សេវាកម្មវេជ្ជសាស្រ្តឈានមុខមួយក្នុងប្រទេសកម្ពុជាយើងមានក្រុមវេជ្ជបណ្ឌិតឯកទេសជាច្រើនជំនាញមកពីប្រទេសសិង្ហបុរីដើម្បីផ្តល់នូវសេវាកម្មពិនិត្យ និង ព្យាបាលវេជ្ជសាស្រ្តតាមស្តង់ដារប្រទេសសិង្ហបុរីជូនប្រជាជនកម្ពុជានៅរាជធានីភ្នំពេញផ្ទាល់តែម្តង។ នៅចំបេះដូងនៃរាជធានីភ្នំពេញ ដែលមានទីតាំងនៅជាន់ទី 3A នៃអគារដឹប្រ៊ីដ (The Bridge Mall) ស៊ីងហ្គាពួរ មេឌីខល សេនធ័រ មានក្រុមវេជ្ជបណ្ឌិតឯកទេសជនជាតិសិង្ហបុរី នឹងធ្វើការពិនិត្យ និងព្យាបាលជូនអ្នកជំងឺតាមជំនាញនីមួយៗចាប់ពីពេលនេះតទៅ ក្រោមការដឹកនាំដោយ Dr. Su-Lin Tan (Senior Physician) និងក្រុមវេជ្ជបណ្ឌិតដែលមានជំនាញវេជ្ជសាស្រ្តជាច្រើនរូប។ សម្រាប់អ្នកជំងឺដែលស្វែងរកសេវាវេជ្ជសាស្រ្តដែលមានគុណភាពខ្ពស់ និងប្រកបដោយទំនុកចិត្ត លោកអ្នកអាចធ្វើការណាត់ជួបជាមួយក្រុមវេជ្ជបណ្ឌិតឯកទេសជនជាតិសិង្ហបុរីមកពី FEM Surgeryដែលនឹងធ្វើការរួមគ្នាជាមួយស៊ីងហ្គាពួរ មេឌីខល សេនធ័រ ផ្តល់នូវសេវាកម្មពិនិត្យ និង ព្យាបាលវេជ្ជសាស្រ្តតាមស្តង់ដារអន្តរជាតិជូនប្រជាជនកម្ពុជា។ FEM Surgery មានវេជ្ជបណ្ឌិតឯកទេសជនជាតិសិង្ហបុរីដែលទទួលស្គាល់ដោយអន្តរជាតិ ហើយមានជំនាញក្នុងការពិនិត្យ និងព្យាបាលវះកាត់ជំងឺជាច្រើនឯកទេសដូចជា៖ ឯកទេសរោគស្រ្តី និង ជំងឺសុដន់ ឯកទេសរោគបុរស រួមមាន បញ្ហាក្រពេញប៉្រូស្តាត បញ្ហាអសមត្ថភាពផ្លូវភេទ និងជំងឺផ្សេងៗទៀតទាក់ទងនឹងបុរស ការថតឆ្លុះដោយម៉ាស៊ីនអង់ដូរស្តុបរួមមាន៖ ក្រពះ ពោះវៀន និងប្រព័ន្ធទ្វារបាត ឯកទេសត្រចៀកច្រមុះ បំពង់ក ឯកទេសវះកាត់ផ្នែកប្រព័ន្ធប្រសាទ និងឆ្អឹងខ្នង។ សម្រាប់ព៌ត៍មានបន្ថែមចំពោះអ្នកកំពុងជួបបញ្ហាដូចបានរៀបរាប់ខាងលើអាចធ្វើការណាត់ជួបជាមួយក្រុមវេជ្ជបណ្ឌិតឯកទេសរបស់យើង ដោយធ្វើការទំនាក់ទំនងមកកាន់ស៊ីងហ្គាពួរ មេឌីខល សេនធ័រ តាមរយៈលេខទូរស័ព្ទ ០២៣ ២៣៦ ៩០០ ឬ ០៨៩ ៩៩៩ ៦២២។ Dr. Su-Lin Tan ដែលជាវេជ្ជបណ្ឌិតជាន់ខ្ពស់មួយរូបប្រចាំស៊ីងហ្គាពួរ មេឌីខល សេនធ័រ បានបញ្ជាក់ថា៖ លោកស្រីវេជ្ជបណ្ឌិតមានការជឿជាក់ថាការផ្តល់ជូនការពិនិត្យ និងព្យាបាលដោយមានភស្តុតាងត្រឹមត្រូវតាមមគ្គុទេ្ទសក៍វេជ្ជសាស្រ្ត ពិតជាមានសារៈសំខាន់ណាស់សម្រាប់បុគ្គលម្នាក់ៗ ហើយការសហការរួមគ្នារវាងអ្នកផ្តល់សេវាវេជ្ជសាស្រ្តដែលមានគុណភាពកម្រិតអន្តរជាតិ ភាពរហ័ស ជាមួយនឹងតម្លៃសមរម្យ គឺជាតម្រូវការចាំបាច់សម្រាប់បុគ្គល គ្រួសារនិងសហគមន៍ក្នុងប្រទេសកម្ពុជា។ លើសពីនេះ លោកស្រីវេជ្ជបណ្ឌិត បានបញ្ជាក់ថា ការស្វែងរកសេវាការពារវេជ្ជសាស្រ្ត គឺប្រសើរជាងការព្យាបាល។ SGMC មានគោលបំណងផ្តល់ជូនសេវាវេជ្ជសាស្ត្រ និងការព្យាបាលដល់ប្រជាជនកម្ពុជា និងជនបរទេសដែលកំពុងរស់នៅធ្វើការក្នុងប្រទេសនេះក៏ដូចជាប្រជាជនមកពីប្រទេសជិតខាងកម្ពុជាដែលស្វែងរកមូលដ្ឋាន និងសេវាកម្មសុខាភិបាលទំនើប។ មជ្ឈមណ្ឌលនេះ ដំណើរការ និងគ្រប់គ្រងដោយគណៈគ្រប់គ្រង DrMap ដោយប្រើប្រាស់ស្តង់ដារ និងអ្នកឯកទេសសឹង្ហបុរី។ រាល់ការព្យាបាល និងសេវាកម្មទាំងអស់សុទ្ធតែបានអនុលោមតាមដំណើរការនិងពិធីសារសុខាភិបាលដែលទទួលបានវិញ្ញាបនបត្រត្រឹមត្រូវ។      SGMC នឹងក្លាយទៅជាមជ្ឈមណ្ឌលវេជ្ជសាស្រ្តមួយដែលផ្តល់សេវាកម្មពេញលេញ និងឈានមុខគេដោយរួមបញ្ចូលគ្នាទាំងវេជ្ជសាស្រ្តទូទៅនិងវេជ្ជសាស្រ្តថែទាំសុខភាព ដែលចំណុចនេះធ្វើឲ្យមជ្ឈមណ្ឌលយើងក្លាយជាមជ្ឈមណ្ឌលទីមួយនៅរាជធានីភ្នំពេញដែលបានដាក់បញ្ចូលសុខុមាលភាពគ្រប់ជ្រុងជ្រោយទៅជាទិដ្ឋភាពស្នូលនៅសេវាកម្មវេជ្ជសាស្រ្តសម្រាប់សហគមន៍។ មជ្ឈមណ្ឌលវេជ្ជសាស្រ្តមួយនេះនឹងផ្តល់សេវាកម្មជាច្រើនរួមមានការអនុវត្តន៍វេជ្ជសាស្រ្តទូទៅ ការថែទាំជំងឺរ៉ាំរ៉ៃ ការថតឆ្លុះធ្វើរោគវិនិច្ឆ័យ និងការត្រួតពិនិត្យសុខភាព សុខុមាលភាពគ្រប់ជ្រុងជ្រោយ ការព្យាបាលដោយប្រើទឹកសេរ៉ូម ការព្យាបាលសម្ផស្ប និងរោគសើស្បែក និងការវះកាត់ផ្សេងៗ។ សេវាកម្មធ្វើរោគវិនិច្ឆ័យដោយប្រើម៉ាស៊ីនថ្មីបំផុតរួមមានម៉ាស៊ីនថតកាំរស្មីx, ម៉ាស៊ីនស្គេនម៉ាម៉ូក្រាម ម៉ាស៊ីនស្គេនស៊ីធី ឧបករណ៍វាស់ដង់ស៊ីតេឆ្អឹងនិងម៉ាស៊ីនអេកូសាស្រ្ត។ ចំណែកឯការព្យាបាលសុខុមាលភាពគ្រប់ជ្រុងជ្រោយនឹងបញ្ចូលលក្ខណៈពិសេសដូចជា ការព្យាបាលដោយត្រាំខ្សាច់ភ្នំភ្លើង ការព្យាបាលអ៊ីយ៉ង់អវិជ្ជមាន និងអ៊ីនហ្រ្វារ៉េដ ថ្នាំចិនបុរាណ និងរបៀបបន្សាបជាតិពុលជាច្រើនប្រភេទ កម្មវិធីបញ្ចុះទម្ងន់ និងការគ្រប់គ្រងការឈឺចាប់។ អំពី៖ ស៊ីងហ្គាពួរ មេឌីខល សេនធ័រ (Singapore Medical Center)  សម្រាប់សំណួរពីប្រព័ន្ធផ្សព្វផ្សាយសូមទាក់ទង៖ Pae Yi Lin មជ្ឈមណ្ឌលវេជ្ជសាស្រ្តសឹង្ហបុរី (SGMC) Tel:  +855 89 999 685 Email: yilin.pae@sgmc.com.kh  2020 រក្សាសិទ្ធិគ្រប់យ៉ាងដោយ Healthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

វគ្គសិក្សាស្តីអំពីភាពជាអ្នកដឹកនាំ និងបដិសណ្ឋារកិច្ចក្នុងបរិបទសុខាភិបាល ត្រូវបានបង្កើតឡើងក្រោមកិច្ចសហការរវាងក្រុមហ៊ុនហ៊ែលថាម ខបភើរេសិន និងមន្ទីរសម្រាកព្យាបាលវិសារ ដែលត្រូវបានធ្វើឡើងជាផ្លូវការនាថ្ងៃទី២៤ ខែកុម្ភៈ ឆ្នាំ ២០២០នេះក្រោយពីមានជំនួបពិភាក្សាជាច្រើនលើកកន្លងមក និងការបង្ហាញនូវទស្សនៈវិស័យរួមគ្នា ដើម្បីឆ្លើយតបនឹងតម្រូវការ ក៏ដូចជាការសំណូមពរពីដៃគូសហការព្រមទាំងអតីតសិក្ខាកាមជាច្រើន ជាពិសេសក្នុងវិស័យគ្លីនិកមន្ទីរពេទ្យតែម្តង។ តាមរយៈប្រសាសន៍របស់លោកស្រី ប៊ូ មល្លិកា ស្ថាបនិកនៃ Vissar Medical and Nursing Center បានឲ្យដឹងថាវគ្គសិក្សានេះត្រូវបានបង្កើតឡើងដោយមើលឃើញថាក្នុងវិស័យសុខាភិបាលរបស់យើងនៅមានចំណុចដែលត្រូវធ្វើការរួមគ្នា និងជាពិសេសគឺការពង្រឹងលើផ្នែកផ្តល់សេវាកម្មនៅក្នុងបរិបទសុខាភិបាល ដែលមិនសំដៅតែក្នុងគ្លីនិកមន្ទីរពេទ្យ តែក៏រួមបញ្ជូលទាំងឱសថស្ថាន និងកន្លែងផ្តល់សេវាសុខភាពផ្សេងៗទៀតផងដែរ។ លោក សាំង​ តារារស្មី ស្ថាបនិកនៃក្រុមហ៊ុន ហ៊ែលថាម ខបភើរេសិន ក៏បានបន្ថែមផងដែរថាបដិសណ្ឋារកិច្ចជាផ្នែកមួយដ៏សំខាន់ក្នុងវិស័យសុខាភិបាលដែលអាចចូលរួមផ្តល់ប្រជាជនយើងនូវសេវាកម្មសុខាភិបាលមួយដែលល្អជាងបច្ចុប្បន្ន ហើយយើងរំពឹងទុកថាជំនាញនេះក៏នឹងចូលរួមមួយចំណែកនឹងរាជរដ្ឋាភិបាលក្នុងការលើកកម្ពស់វិស័យសុខាភិបាលនៅកម្ពុជា។ លើសពីនេះ លោកក៏បានបង្ហើបផងដែរអំពីការពង្រីកដៃគូសហការទាំងជាតិ និងអន្តរជាតិបន្ថែមទៀតដើម្បីឲ្យការផ្តល់សេ​វាកម្ម ក៏ដូចជាការបណ្តុះបណ្តាលផ្សេងៗទៀតក្នុងវិស័យសុខាភិបាលយើងកាន់តែប្រសើរ។ ទាក់ទងនឹងវគ្គសិក្សានេះ ក៏ត្រូវបានឲ្យដឹងផងដែរថានឹងផ្តោតលើការបណ្តុះបណ្តាល ២សំខាន់ៗសម្រាប់បុគ្គលិក និងអ្នកជំនាញសុខាភិបាលក្នុងការងារផ្តល់សេវាកម្មសុខភាព ដោយក្នុងនោះរួមមាន វគ្គបណ្តុះបណ្តាលលើបច្ចេកទេសបដិសណ្ឋារកិច្ចដ៏ល្អ និងវគ្គអភិវឌ្ឍបុគ្គលិកលក្ខណៈជាអ្នកដឹកនាំល្អក្នុងបរិបទសុខាភិបាល ដែលទាំងនេះធ្វើឡើងមិនមែនសម្រាប់តែបុគ្គលិកដែលស្ថិតក្នុងថ្នាក់ជាអ្នកគ្រប់គ្រង នាយផ្នែក ឬនាយកឡើយតែគឺសម្រាប់បុគ្គលិកសុខាភិបាលគ្រប់ជាន់ថ្នាក់តែម្តង សម្រាប់ធ្វើការអភិវឌ្ឍខ្លួន និងដឹកនាំក្រុមការងារប្រកបដោយប្រសិទ្ធភាព និងភាពរីកចម្រើនទៅមុខ។ គួររំលឹកឡើងវិញថា វិសារ ធ្លាប់មានបទពិសោធន៍ជោគជ័យរួចមកហើយក្នុងការផ្តល់សេវាកម្មដោយផ្ទាល់ ក៏ដូចជាផ្តល់ការបណ្តុះបណ្តាលទៅដល់បុគ្គលិក និងថ្នាក់ដឹកនាំនៃបណ្តាដៃគូសហការនានាទៅលើបច្ចេកទេសនៃការធ្វើបដិសណ្ឋារកិច្ច និងភាពជាអ្នកដឹកនាំក្នុងបរិបទសុខាភិបាល។ ដោយឡែក ក្រុមហ៊ុនហ៊ែលថាម ខបភើរេសិន ក៏មានបទពិសោធន៍បង្កើតឡើងនូវវគ្គបណ្តុះបណ្តាលមួយចំនួនរួចមកហើយដែរនាប៉ុន្នានឆ្នាំកន្លងមកនេះ ដោយអមជាមួយនូវបទពិសោធន៍ជាង ៧ ឆ្នាំក្នុងការធ្វើការ និងទំនាក់ទំនងយ៉ាងល្អប្រសើរជាមួយនឹងក្រុមគ្រូពេទ្យ អ្នកជំនាញសុខាភិបាល ព្រមទាំងស្ថាប័នរដ្ឋក៏ដូចជាឯកជនជាច្រើនក្នុងការបង្កើតជាសហគមន៍មួយនៃអ្នកវិជ្ជាជីវសុខាភិបាល ដែលអាចធ្វើការជាមួយគ្នា និងសហការគ្នាបានយ៉ាងប្រសើរផងដែរ។ សម្រាប់ព័ត៌មានបន្ថែមអំពីវគ្គសិក្សាស្តីពី “ភាពជាអ្នកដឹកនាំ និងបដិសណ្ឋារកិច្ចក្នុងបរិបទសុខាភិបាល” សូមធ្វើការតាមដានលើទំព័រហ្វេសបុកជាផ្លូវការរបស់ ហ៊ែលថាម គឺ Healthtime Pro ឬទំនាក់ទំនងមកលេខ 069 888 959 / 077 888 075។  2020 រក្សាសិទ្ធិគ្រប់យ៉ាងដោយ Healthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ភ្នំពេញថ្ងៃទី០១ ខែកុម្ភៈ ឆ្នាំ២០២០៖ កិច្ចពិភាក្សាស្តីពីសុខភាពសាធារណៈក្រោមប្រធានបទ«ទារក និងដំណើរឆ្ពោះទៅរកភាពជាម្តាយ»ដែលត្រូវបានរៀបចំឡើងយ៉ាងធំនៅក្នុងរាជធានីភ្នំពេញ កាលពីកន្លងទៅនេះ បានទាក់ទាញចំណាប់អារម្មណ៍របស់មហាជនជាច្រើន ជាពិសេសអ្នកម្តាយ និងអ្នកដែលមានគម្រោងចង់បានបុត្រ។ នៅក្នុងព្រឹត្តិការណ៍ដ៏ធំមួយនេះ អ្នកចូលរួមទាំងអស់បានទទួលនូវចំណេះដឹងយ៉ាងច្រើនទាក់ទងនឹងសុខភាពមាតា និងទារកតាមរយៈការចែករំលែកចំណេះដឹងនិងបទពិសោះធន៍ពីសាស្រ្តាចារ្យវេជ្ជបណ្ឌិតដែលមានវិជ្ជាជីវៈដោយឥតគិតថ្លៃ។ ដោយឡែក មន្ទីរពេទ្យ អន្តរជាតិ បំរុងរ៉ាត់ ដែលជាមន្ទីរពេទ្យលំដាប់ពិភពលោក បានសហការជាមួយមជ្ឈមណ្ឌលសុខភាព VitalLife Scientific Wellness Center បានរៀបចំកិច្ចពិភាក្សាស្តីពីសុខភាពសាធារណៈនេះនៅសណ្ឋាគារ សុខា ភ្នំពេញក្នុងគោលបំណងលើកកម្ពស់ការយល់ដឹងអំពីដំណាក់កាលសំខាន់នីមួយៗនៃភាណជាឪពុកម្តាយ។ សិក្ខាសាលានេះ បានបង្ហាញពីសេវាកម្មជាច្រើនដែលអាចរកបានតាមរយៈការត្រួតពិនិត្យសុខភាព ដើម្បីត្រៀមខ្លួនមុនពេលមានគភ៌ ឬសម្រាល។ គ្លីនិក IVF សម្រាប់អ្នកដែលប្រឈមមុខនឹងការពិបាកក្នុងការមានផ្ទៃពោះណែនាំនូវបច្ចេកវិទ្យាថ្មីទំនើប ដែលអាចរកឃើញពីភាពមិនប្រក្រតីក្នុងអំឡុងពេលមានផ្ទៃពោះ អាចហៅបានថា(NIPT) រួមនឹងកញ្ចប់សម្រាលបុត្រថ្មី និងកញ្ចប់ព្យាបាលសុខភាពជាច្រើនផ្សេងទៀតនៅ មន្ទីរពេទ្យ អន្តរជាតិ បំរុងរ៉ាត់ និងមជ្ឈមណ្ឌលសុខភាព VitalLife Scientific Wellness Center។ សេវាកម្មសុខភាពរបស់បុត្រក្រោយពេលសម្រាល ក៏ត្រូវបានលើកយកមកពិភាក្សានៅក្នុងកម្មវិធីនេះផងដែរ។ អ្នកចូលរួមទាំងអស់រីករាយក្នុងការទទួលបាននូវការផ្តល់ជូនសេវាកម្ម និងកញ្ចប់សុខភាពផ្តាច់មុខយ៉ាងពិសេស ដែលមានតែនៅក្នុងព្រឹត្តិការណ៍ដ៏ធំមួយនេះប៉ុណ្ណោះ។ ដោយបើកទូលាយដល់សាធារណជនទាំងឡាយ អ្នកចូលរួមទាំងអស់បានទទួលនូវការយកចិត្តទុកដាក់ និងស្វាគមន៍យ៉ាងកក់ក្តៅពីសំណាក់លោកសាស្រ្តាចារ្យវេជ្ជបណ្ឌិតរបស់មន្ទីរពេទ្យ បំរុងរ៉ាត់។ កម្មវិធីនេះបានផ្តល់ជូននូវការធ្វើបទបង្ហាញ និងកិច្ចពិភាក្សាជាច្រើន ដែលធ្វើឡើងដោយសាស្រ្តាចារ្យវេជ្ជបណ្ឌិត ឯកទេសផ្នែក សម្ភព និងរោគស្រ្តី ដែលសុទ្ធសឹងតែមានបទពិសោធន៍រាប់សិបឆ្នាំមកហើយ។ ក្នុងនោះ លោកស្រីសាស្រ្តាចារ្យវេជ្ជបណ្ឌិត Somri Pitukkijronnakorn ឯកទេសផ្នែកសម្ភព ដែលមានបទពិសោធន៍ច្រើនឆ្នាំ និងមានកេរ្តិ៍ឈ្មោះល្បីល្បាញក្នុងចំណោមអ្នកម្តាយនៅក្នុងប្រទេសកម្ពុជា បានធ្វើបទបង្ហាញ និងពិភាក្សាអំពីដំណើរឆ្ពោះទៅរកភាពជាម្តាយប្រកបដោយសុខភាពល្អ ដែលយើងទាំងអស់គ្នាតែងតែប្រាថ្នាចង់បាន។ នាឱកាសនេះផងដែរ លោកស្រីសាស្រ្តាចារ្យវេជ្ជបណ្ឌិត Somri បានលើកឡើងថា «សុខភាពរបស់ទារក និងម្តាយចាំបាច់ត្រូវតែស្ថិតក្នុងកម្រិតមួយដ៏ប្រសើរបំផុតទាំងមុនពេលមានផ្ទៃពោះ  និងក្រោយពេលសម្រាល។ ដោយយល់ឃើញពីភាពសំខាន់បែបនេះហើយ បានជាមន្ទីរពេទ្យអន្តរជាតិបំរុងរ៉ាត់បានសហការជាមួយ VitalLife រៀបចំព្រឹត្តិការណ៍ដ៏អស្ចារ្យនេះឡើង។ ជាមួយនឹងបទពិសោធន៍អស់រយៈជាង ៣០ឆ្នាំ សាស្រ្តាចារ្យជំនួយលោកវេជ្ជបណ្ឌិត Pansak Sugkraroek ឯកទេសជំនាញផ្នែកសម្ភព និងរោគស្ត្រី ការអស់រដូវ និងសុខភាពបន្តពូជនៃមជ្ឈមណ្ឌលសុខភាព VitalLife បានចែករំលែកចំណេះដឹង និងបទពិសោធន៍របស់លោកនៅក្នុងសិក្ខាសាលាដ៏ពិសេសមួយនេះ ដោយផ្តោតលើការធ្វើឱ្យប្រសើរឡើងវិញនូវសុខភាពម្តាយ និងការវិវត្តន៍របស់កូនក្រោយពេលសម្រាលរួច។ ជាក់ស្តែង លោកវេជ្ជបណ្ឌិត Pansak បានឲ្យដឹងថា «ខ្ញុំពិតជារីករាយខ្លាំងណាស់ដែលបានក្លាយជាផ្នែកមួយនៃព្រឹត្តិការណ៍ដ៏ពិសេសនេះម្តងទៀត ដូច្នេះខ្ញុំអាចមានឱកាសគ្រប់គ្រាន់ដើម្បីធ្វើការចែករំលែកចំណេះដឹងរបស់ខ្ញុំអំពីអ្វីដែលត្រូវបានហៅថា ការមានផ្ទៃពោះប្រកបដោយសុខភាពល្អ។ នេះគឺជាព័ត៌មានដ៏ចាំបាច់មិនអាចខ្វះបានសម្រាប់ស្ត្រីទាំងអស់ ដែលបានចូលរួមក្នុងសិក្ខាសាលានៅថ្ងៃនេះ។ ខ្ញុំសង្ឃឹមថា អ្នកចូលរួមទាំងអស់នឹងអាចទាញយកនូវអ្វីដែលពួកគាត់បានរៀនសូត្រ និងទទួលបាននៅពេលនេះ ហើយយកទៅអនុវត្តឲ្យបានល្អប្រសើរដើម្បីសុខភាពរបស់ទារកផង និងខ្លួនគាត់ផង»។ អ្វីដែលកាន់តែពិសេសនៅក្នុងកម្មវិធីនេះ គឺការបង្ហាញពីបទពិសោធន៍ផ្ទាល់ខ្លួនរបស់អ្នកនាង ឱក សុគន្ធកញ្ញា ដែលអ្នកនាងទើបតែសម្រាលបានបុត្រដ៏គួរឲ្យស្រឡាញ់ម្នាក់ឈ្មោះ ឆាលី នៅក្នុងមន្ទីរពេទ្យ បំរុងរ៉ាត់។ អ្នកនាងបានចែករំលែកពីបទពិសោធន៍ និងចំណាប់អារម្មណ៍របស់ខ្លួនអំពីដំណើរសម្រាលនៅ មន្ទីរពេទ្យ បំរុងរ៉ាត់ ដោយបានចែករំលែកយ៉ាងដូច្នេះថា «ខ្ញុំពិតជាមានអារម្មណ៍រំភើបខ្លាំងមែនទែន ដែលបានមកចូលរួមក្នុងព្រឹត្តិការណ៍ដែលបានរៀបចំឡើងដោយ មន្ទីរពេទ្យ បំរុងរ៉ាត់ និងមជ្ឈមណ្ឌលសុពភាព VitalLife ដែលទីនោះជាកន្លែងដែលខ្ញុំបានផ្តល់កំណើតដល់កូនប្រុស ឆាលី របស់ខ្ញុំ។ ពីដំបូងខ្ញុំមានការព្រួយបារម្ភខ្លាំងណាស់អំពីកូនខ្ញុំ និងសុខភាពរបស់ខ្ញុំ ប៉ុន្តែតាមរយៈបទពិសោធន៍របស់ខ្ញុំជាមួយ មន្ទីរពេទ្យ បំរុងរ៉ាត់ ខ្ញុំអាចនិយាយបានដោយប្រាកដក្នុងចិត្តថា គឺជាមន្ទីរពេទ្យដ៏ល្អបំផុតមិនធ្លាប់មានសម្រាប់រូបខ្ញុំ។  សូមជម្រាបថា សិក្ខាសាលានេះក៏មានកម្មវិធីសប្បាយៗជាច្រើនផងដែរ។ ក្នុងនោះក្មេងៗបានចូលលេងក្នុងកម្មវិធីកម្សាន្តជាច្រើនដែលមាននៅកន្លែងក្មេងលេង (Kids Zone) ដូចជា៖ ការគូររូបលើមុខ ផ្លុំប៉េងប៉ោង និងតម្រៀបរូប LEGO ជាដើម។ ចំណែកឯអ្នកចូលរួមវិញក៏បានទស្សនាកម្សាន្តនូវការដើរម៉ូដ ដែលសម្តែងដោយកុមារតូចៗនៃមន្ទីរពេទ្យ បំរុងរ៉ាត់ នៅក្នុងកម្មវិធី fashion show ផងដែរ។    គួរបញ្ជាក់ផងដែរថា មន្ទីរពេទ្យ អន្តរជាតិ បំរុងរ៉ាត់ ត្រូវបានបង្កើតឡើងនៅទីក្រុងបាងកក ប្រទេសថៃក្នុងឆ្នាំ១៩៨០។ បំរុងរ៉ាត់បានក្លាយទៅជាមន្ទីរពេទ្យឈានមុខគេមួយក្នុងពិភពលោកក្នុងការផ្តល់ជូននូវការគាំពារផ្នែកសុខភាព ហើយទទួលបានការគាំទ្រយ៉ាងពេញទំហឹងពីសំណាក់អ្នកជំងឺអន្តរជាតិអស់រយៈពេលជិត៤ទសវត្សរ៍មកហើយ។ ក្នុងនាមជាមន្ទីរពេទ្យឯកជនធំជាងគេមួយប្រចាំតំបន់អាស៊ីអាគ្នេយ៍ មន្ទីរពេទ្យអន្តរជាតិ បំរុងរ៉ាត់ តែងតែព្យាបាល និងយកចិត្តទុកដាក់ចំពោះអ្នកជំងឺជាង ១.២លាននាក់ មកពីជាង ១៩០ប្រទេសជារៀងរាល់ឆ្នាំ។ 2020 រក្សាសិទ្ធិគ្រប់យ៉ាង​ដោយ Healthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

?‍⚕️?‍⚕️ជួបគ្នានៅផ្សារទំនើបអ៊ីអនភ្នំពេញ ក្នុងពិព័រណ៍ "សុខភាព&សុខមាលភាព" នៅថ្ងៃទី១៨ ១៩ ខែមករា ឆ្នាំ២០២០ ចាប់ពីម៉ោង ៩ព្រឹក ដល់ម៉ោង ៩យប់​ ។ ?? អត្ថប្រយោជន៍៖ ??ទទួលបានការពិគ្រោះពិភាក្សាពីសុខភាពបន្តពូជ មធ្យោបាយពន្យារកំណើត ដោយឥតគិតថ្លៃ ?? ទទួលបានកាតបញ្ចុះតម្លៃ២០%សម្រាប់ការមកទទួលសេវានៅគ្លីនិកម៉ារីស្តូបច្បារអំពៅ ?? ទទួលបានចំនេះដឹងពីការថែទាំសុខភាពបន្តពូជពីអ្នកគ្រូពេទ្យជំនាញដែលមានបទពិសោធន៍ជាច្រើនឆ្នាំ ?? ទទួលបានវត្ថុអនុស្សាវរីយ៍ពីការលេងហ្គេមកំសាន្ត​ កុំភ្លេចណាជួបគ្នានៅថ្ងៃទី១៨&១៩ ខែនៅថ្ងៃទី១៨ ១៩ ខែមករា ឆ្នាំ២០២០ ចាប់ពីម៉ោង ៩ព្រឹក ដល់ម៉ោង ៩យប់។ សម្រាប់ព័ត៌មានបន្ថែមសូមទំនាក់ទំនងមកកាន់៖ ​✓ ផ្ញើសារតាមរយៈហ្វេសប៊ុគ Marie Stopes Cambodia ✓ រៀងរាល់ថ្ងៃចាប់ពីម៉ោង 7:00 ព្រឹក រហូតដល់ម៉ោង 5:00 ល្ងាច ✓ 012 999 002 ឬ​ 098 999 102 ✓ ផ្ញើសារតាមរយៈបណ្ដាញសង្គម LINE, Viber, WhatsApp, WeChat 093 24 08 23 ✓ www.mariestopes.org.kh/contactus

ចែករំលែក

ក្រុមនិស្សិត ១៥នាក់ ផ្នែកវេជ្ជសាស្រ្តមកពីសាកលវិទ្យាល័យវិទ្យាសាស្រ្តសុខាភិបាលបានធ្វើការចុះកម្មសិក្សាក្នុងមន្ទីរពេទ្យនៅប្រទេសបារាំង រយៈពេល ២ខែ នាវិស្សមកាលក្រោមកម្មវិធីឈ្មោះថា«Sousdei France»។ កម្មវិធីនេះធ្វើឡើងក្រោមការគាំទ្រដោយ សមាគម FORICA និងការឧបត្ថម្ភពីស្ថាប័នឯកជន ផ្សេងៗរួមមាន មន្ទីរសម្រាកព្យាបាលកម្ពុជា។  ដោយឡែក Sousdei France គឺជាគម្រោងមួយដែលត្រូវបានបង្កើតឡើងដោយនិស្សិតពេទ្យកម្ពុជាមួយក្រុមហើយគោលបំណងគឺចង់បញ្ជូនយុវជនកម្ពុជាដែលនិយាយភាសាបារាំងឲ្យទៅធ្វើកម្មសិក្សាសង្កេតនៅក្នុងមន្ទីរពេទ្យបារាំង។ ហើយគម្រោងនេះនឹងជួយពួកគេចាប់យកបទពិសោធន៍ថ្មីៗដែលភ្ជាប់ទៅនឹងបរិយាកាសការងារថ្មីរបស់ពួកគេក៏ដូចជាពង្រឹងចំណេះដឹងដែលមានស្រាប់។ បទពិសោធន៍នេះផងដែរក៏នឹងជួយពួកគេជ្រើសរើសជំនាញវេជ្ជសាស្រ្តរបស់ពួកគេក្នុងថ្ងៃអនាគតផងដែរ។ លើសពីនេះ គម្រោងមួយនេះដែរផ្តើមឡើងដោយនិសិ្សតវេជ្ជសាស្រ្តឆ្នាំទី៤ ទី៥ និងទី៦ ដែលមានការជួយណែនាំពីលោក Steve Vilhemដែលជាអតីតបុគ្គលិកស្មគ្រ័ចិត្តតំណាងរបស់ស្ថានទូតបារំាងនៅ សាកលវិទ្យាល័យវិទ្យាសាស្រ្តសុខាភិបាល ។  នាឱកាសនេះដែរ កញ្ញា សុខ វិរ៉ាបុត្រ  ជានិស្សិតឆ្នាំទី៧ ផ្នែកវេជ្ជសាស្រ្ត ជំនាន់ទី៤២នៃសាកលវិទ្យាល័យវិទ្យាសាស្រ្តសុខាភិបាលដែលជានិស្សិតម្នាក់ក្នុងចំណោមនិស្សិត ១៥នាក់ដែលបានចុះកម្មសិក្សានៅមន្ទីរពេទ្យនៃប្រទេសបារាំងក៏បានលើកឡើងថា កម្មវិធី Sousdei Franceគឺជាកម្មវិធីដំបូងគេដែលផ្ដល់ឲ្យនិស្សិតពេទ្យឆ្នាំទី៤ ៥ និង ៦ អាចមានសិទ្ធិចុះកម្មសិក្សាជំនាញដែលគាត់ចង់រៀននៅថ្ងៃអនាគតនៅមន្ទីរពេទ្យបារាំង ។ កញ្ញាក៏បានបន្តទៀតថា«ទន្ទឹមនឹងកិច្ចការងារចុះកម្មសិក្សានេះ កញ្ញាបានសង្កេតមើលពីរបៀបរបបក្នុងការរស់នៅ និងអត្តចរិកការងាររបស់ប្រជាជនក្នុងប្រទេសបារាំងទៀតផង។ អំឡុងពេលចុះកម្មសិក្សានៅប្រទេសបារាំង កញ្ញាបានឲ្យដឹងថា ដំបូងកញ្ញាមានការលំបាកបន្តិចទាក់ទងនឹងភាសា និងការហូបចុក»។       កញ្ញាបានបញ្ជាក់ទៀតថា កម្មវិធីនេះមានគោលបំណងដើម្បីឲ្យនិស្សិត នៃសាកលវិទ្យាល័យវិទ្យាសាស្រ្តសុខាភិបាល មានឱកាសបានក្រេបយកចំណេះដឹង ជំនាញ និងបទពិសោធន៍ថ្មីៗបន្ថែមទៀតពីបណ្តាប្រទេសដែលស្តង់ដារវិស័យសុខាភិបាលមានកម្រិតខ្ពស់ មានការទទួលស្គាល់ជាលក្ខណៈតំបន់ និងអន្តរជាតិដើម្បពង្រឹងអាជីពក្នុងវិស័យសុខាភិបាល របស់និស្សិតប្រកបដោយគុណភាព និងជំនាញពិតប្រាកដហើយអាចកសាងទំនុកចិត្តបន្ថែមចំពោះប្រជាពលរដ្ឋកម្ពុជាលើគុណភាពវិស័យសុខាភិបាលរបស់ខ្លួនឲ្យកាន់តែប្រសើរឡើងនិងរួមចំណែកជាមួយរាជរដ្ឋាភិបាលដើម្បីចូលរួមអភិវឌ្ឍវិស័យសុខាភិបាលនៅកម្ពុជាឲ្យមានការរីកចម្រើនមួយកម្រិតទៀត និងអាចប្រកួតប្រជែងកាន់តែខ្លាំងឡើងខាងគុណភាពជាមួយបណ្តាប្រទេសនៅក្នុងតំបន់នាថ្ងៃអនាគត ។ ជាចុងក្រោយ កញ្ញាផ្តាំផ្ញើរដល់និស្សិតគ្រប់រូបឲ្យខិតខំសិក្សាស្រាវជ្រាវបន្ថែម ដើម្បីត្រៀមខ្លួនសម្រាប់ឱកាសលើកក្រោយ ដែលអាចឲ្យយើងបង្កើននូវចំណេះដឹង ចំណេះធ្វើ និងបទពិសោធន៍ថ្មីៗ សម្រាប់ខ្លួន និងប្រទេសជាតិទាំងមូល។ 2020 រក្សាសិទ្ធិគ្រប់យ៉ាង​ដោយ Healthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ចែករំលែក

ភ្នំពេញនាថ្ងៃទី២០ ខែធ្នូ ឆ្នាំ២០១៩៖ ដំណើរទេសចរណ៍ទ្រង់ទ្រាយធំប្រកបដោយក្តីសប្បាយរីករាយដែលមិនធ្លាប់មានពីមុនមកនៅប្រទេសកម្ពុជារបស់ក្រុមហ៊ុន Nestlé ដែលមានគោលដៅលើកកម្ពស់ទម្លាប់នៃការរស់នៅប្រកបដោយសុខភាពល្អដែលនាំទៅដល់សុខភាពកាន់តែប្រសើរ ជីវិតកាន់តែរីករាយបានធ្វើដំណើរមកដល់ផ្សារទំនើប អ៊ីអនម៉ល ១  ហើយកាលពីថ្ងៃទី២០ ខែធ្នូនេះបន្ទាប់ពីបានធ្វើដំណើរទៅកាន់បណ្តាខេត្តចំនួន៥ ក្នុងអំឡុងខែវិច្ឆិកា និងខែធ្នូ ឆ្នាំ២០១៩។ យើងទាំងអស់គ្នាតែងតែប្រាថ្នាចង់រស់នៅដែលប្រកបដោយសេចក្តីសុខសាន្តចៀសផុតពីជំងឺតម្កាត់ផ្សេងៗ ប៉ុន្តែសំណួរសួរថា តើយើងអាចរក្សាបាននូវសុខភាពល្អរបស់យើងបានយ៉ាងដូចម្តេច ដើម្បីយើងអាចសម្រេចក្តីសុបិនរបស់យើងមួយនេះ? ហើយថាតើយើងអាចធ្វើអ្វីបានខ្លះជារៀងរាល់ថ្ងៃនេះដើម្បីឲ្យមានរាងស្អាត រឹងមាំ និងគ្មានជំងឺ? មានតែក្រុមហ៊ុន Nestlé មួយគត់ ដែលជាក្រុមហ៊ុនអាហារូបត្ថម្ភ និងភេសជ្ជៈដ៏ធំជាងគេបំផុតមួយនៅលើពិភពលោកមានប្រភពកំណើតមកពីប្រទេសស្វីស ដែលអាចបកស្រាយនូវរាល់ចម្ងល់ទាំងអស់នេះបាន។ យ៉ាងណាមិញ ក្រុមហ៊ុន Nestlé តែងតែយកចិត្តទុកដាក់ និងផ្សារភ្ជាប់របៀបរស់នៅប្រកបដោយសុខភាពល្អ និងទម្លាប់នៃការញ៉ាំអាហារឲ្យបានល្អត្រឹមត្រូវទៅក្នុងរបៀបវារៈនៃប្រតិបត្តិការរបស់ខ្លួននៅទូទាំងពិភពលោក ដូច្នេះហើយបានជាក្រុមហ៊ុន Nestlé សម្រេចចិត្តរៀបចំនូវកម្មវិធី «ដំណើរទេសចរណ៍ Nestlé សុខភាពកាន់តែប្រសើរ ជីវិតកាន់តែរីករាយ»នេះឡើង។ គោលបំណងគឺដើម្បីលើកទឹកចិត្ត និងជំរុញប្រជាជនកម្ពុជាឲ្យក្លាយជាម្ចាស់ជើងឯកខាងសុខភាព ពោលមានសុខភាពល្អប្រសើរ ធ្វើឲ្យជីវិតរស់នៅកាន់តែសកម្មជាងមុននិងជ្រើសរើសអាហារូបត្ថម្ភឲ្យបានត្រឹមត្រូវដើម្បីលើកកម្ពស់សុខុមាលភាពរាងកាយ និងសុខភាពផ្លូវចិត្ត។ ដោយនាំមកជាមួយនូវការលើកកម្ពស់ការយល់ដឹងអំពីអាហារូបត្ថម្ភជូនដល់ប្រជាជន ដំណើរទេសចរណ៍នេះបានធ្វើដំណើរទៅតាមបណ្តាខេត្តជាច្រើនរួចមកហើយ ក្នុងនោះរួមមាន៖ ខេត្តកណ្តាល កំពង់ចាមបាត់ដំបង សៀមរាប និងខេត្តត្បូងឃ្មុំ ដោយមានអ្នកចូលរួមរហូតដល់ទៅប្រមាណមួយម៉ឺននាក់ឯណោះ។   ព្រឹត្តិការណ៍ដ៏ធំ និងកក្រើកដែលមិនធ្លាប់មានពីមុនមកនេះ ក៏មានការអញ្ជើញចូលរួមពីសំណាក់ ឌីជេណាណា និងអ្នកជំនាញផ្នែកអាហារូបត្ថម្ភដែលបានចែករំលែកអំពីគន្លឹះមានប្រយោជន៍ជាច្រើនដែលអាចអនុវត្តបានប្រចាំថ្ងៃដើម្បីធ្វើឲ្យសុខភាពកាន់តែប្រសើរ ជីវិតកាន់តែរីករាយ និងបានពិភាក្សាអំពីបញ្ហាអាហារូបត្ថម្ភដែលជះឥទ្ធិពលដល់ប្រជាជនកម្ពុជា រួមទាំងបញ្ហាប្រឈមដែលកំពុងកើតមានទាក់ទងនឹងបញ្ហាកង្វះជាតិដែក និងកង្វះអាហារូបត្ថម្ភផងដែរ។ បញ្ហាកង្វះអាហារូបត្ថម្ភក្នុងចំណោមកុមារនៅកម្ពុជានៅតែជាបញ្ហាប្រឈមដដែល ហើយក្រុមហ៊ុន Nestlé នឹងខិតខំបន្តដោះស្រាយបញ្ហានេះដោយការអប់រំប្រជាជនក្នុងស្រុក តាមរយៈកម្មវិធីដំណើរទេសចរណ៍នេះ និងការផ្តល់ផលិតផលដែលមានមីក្រូសារជាតិបំប៉នប្រកបដោយគុណភាពខ្ពស់សម្រាប់កុមារ និងមនុស្សពេញវ័យតាមរយៈផលិតផលមួយចំនួនដូចជា៖ ទឹកដោះគោឆៅសញ្ញាខ្លាឃ្មុំ (Bear Brand) និងភេសជ្ជៈ ម៉ៃឡូ ជាដើម។ គួរបញ្ជាក់ផងដែរ ព្រឹត្តិការណ៍នេះនឹងបិទបញ្ចប់នៅឯខេត្តតាកែវ នាថ្ងៃទី២៨ ដល់ថ្ងៃទី២៩ ខែធ្នូ ឆ្នាំ២០១៩ខាងមុខនេះដោយនឹងនាំមកនូវកម្មវិធីកម្សាន្តសប្បាយៗ រួមជាមួយនឹងសកម្មភាពហាត់ប្រាណជាច្រើនដូចជា៖ ការរាំលេង និងការបង្វិលកង ព្រមទាំងការចាប់រង្វាន់យ៉ាងច្រើនសន្ធឹកសន្ធាប់ទៀតផង។ ក្នុងឱកាសនោះផងដែរ ក៏មានការពិនិត្យសុខភាពដោយឥតគិតថ្លៃអាចរកបានពេញមួយថ្ងៃជាមួយនឹងការពិនិត្យសន្ទស្សន៍ម៉ាសរាងកាយ (BMI) និងការធ្វើតេស្តឆ្អឹង រួមជាមួយដំបូន្មានសំខាន់ៗជាច្រើន ដោយផ្អែកលើលទ្ធផល និងគន្លឹះសុខភាពប្រចាំថ្ងៃ។ លើសពីនេះទៅទៀត នៅក្នុងព្រឹត្តិការណ៍នេះ សាធារណជនក៏អាចភ្លក្សបានដោយឥតគិតថ្លៃ និងសេរីនូវរាល់ផលិតផលដែលមានគុណភាពខ្ពស់ទាំងអស់ ដែលផ្តល់ជូនដោយក្រុមហ៊ុនផងដែរ។ ដល់ពេលដែលត្រូវគិតគូរពីសុខភាពរបស់លោកអ្នកហើយ សូមកុំឲ្យព្រឹត្តិការណ៍អប់រំដ៏មានសារសំខាន់មួយនេះរំលងផុតពីលោកអ្នកឲ្យសោះ។ 2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ថ្ងៃទី26 ខែតុលា ឆ្នាំ2019 រាជធានីភ្នំពេញ៖ មជ្ឈមណ្ឌលវេជ្ជសាស្រ្តសិង្ហបុរីកម្ពុជា (SGMC) បានប្រារព្ធកម្មវិធីនៃខែផ្សព្វផ្សាយការយល់ដឹងអំពីជំងឺមហារីកសុដន់ (Breast Cancer Awareness Month) តាមរយៈការរៀបចំកម្មវិធី Pink Talk ក្រោមប្រធានបទ៖ ការរកឃើញរោគសញ្ញាទាន់ពេលវេលាអាចជួយសង្គ្រោះជីវិតបាន ដែលជាយុទ្ធនាការសុខភាពអន្តរជាតិប្រចាំឆ្នាំដើម្បីលើកកម្ពស់ការយល់ដឹងអំពីជំងឺមហារីកសុដន់។ កម្មវិធីនេះគឺជាកម្មវិធីមួយក្នុងចំណោមកម្មវិធីពិភាក្សាបែបអប់រំផ្សេងៗ ដែលមជ្ឈមណ្ឌលវេជ្ជសាស្រ្តសិង្ហបុរីកម្ពុជា (SGMC) ខិតខំបង្កើតឡើង ដើម្បីផ្ដល់ព័ត៌មានមូលដ្ឋានពីសុខភាព ប៉ុន្តែមានសារសំខាន់ជូនដល់ប្រជាជនកម្ពុជា។ កម្មវិធីលើកកម្ពស់ការយល់ដឹងអំពីជំងឺមហារីកសុដន់ដំបូងរបស់មជ្ឈមណ្ឌលវេជ្ជសាស្រ្តសិង្ហបុរីកម្ពុជា (SGMC) នៅក្នុងប្រទេសកម្ពុជា មានរៀបចំកិច្ចពិភាក្សា និងការធ្វើបទបង្ហាញអំពីការរកឃើញរោគសញ្ញាទាន់ពេលវេលា ដោយវេជ្ជបណ្ឌិតសាស្ត្រាចារ្យ Thay Sovannara ប្រចាំ SGMC ដែលជាគ្រូពេទ្យប្រចាំគ្រួសារនិងអ្នកជំនាញឯកទេសផ្នែកសុខភាពស្ត្រី រួមជាមួយគោលបំណងដើម្បីលើកកម្ពស់ការយល់ដឹងអំពីជំងឺ តាមរយៈការស្វែងយល់អំពីមូលហេតុនៃជំងឺ វិធីសាស្រ្តបង្ការ និងការរកឃើញរោគសញ្ញាទាន់ពេលវេលា និងវិធីសាស្រ្តព្យាបាល។  ដោយសារតែស្ត្រីគ្រប់រូប មិនថាវ័យណាក៏ដោយ ក៏អាចនឹងកើតជំងឺមហារីកសុដន់បានដែរនោះ ទើបមជ្ឈមណ្ឌលវេជ្ជសាស្រ្តសិង្ហបុរីកម្ពុជា (SGMC) ស្នើសុំឲ្យស្ត្រីដែលមានអាយុចាប់ពី ៤០ឆ្នាំឡើងអញ្ជើញទៅធ្វើការប្រឹក្សាយោបល់និងត្រូវធ្វើការពិនិត្យរកជំងឺមហារីកសុដន់នេះឲ្យបានយ៉ាងតិចម្ដងក្នុងមួយឆ្នាំ។ ការពិនិត្យរកជំងឺមហារីកសុដន់ពិតជាមានសារៈសំខាន់ខ្លាំងណាស់សម្រាប់ស្ត្រីដែលមានវ័យចាប់ពី ៥០ឆ្នាំឡើងទៅ។ មជ្ឈមណ្ឌលវេជ្ជសាស្រ្តសិង្ហបុរីកម្ពុជា (SGMC) មានឧបករណ៍ពិនិត្យសុដន់ (mammograms)ដែលពិនិត្យជូននៅក្នុងតម្លៃសមរម្យដើម្បីជួយស្ត្រីកម្ពុជាឲ្យទទួលបានការពិនិត្យជំងឺបានទាន់ពេលវេលា ការធ្វើរោគវិនិច្ឆ័យ និងការព្យាបាលជាដើម។ ជំងឺមហារីកសុដន់គឺជាជំងឺដ៏កាចសាហាវលំដាប់ថ្នាក់ទីបីចំពោះស្ត្រីនៅក្នុងប្រទេសកម្ពុជា ដែលបានសម្លាប់ស្ត្រីដែលមានជំងឺនេះប្រមាណជា ៨% ក្នុងមួយឆ្នាំ។ ទោះបីយ៉ាងណាអត្រានៃការរស់រានមានជីវិតកើនឡើងខ្ពស់ផងដែរ នៅពេលយើងរកឃើញរោគសញ្ញាទាន់ពេលវេលាតាមរយៈការពិនិត្យសុដន់។ លោកស្រីវេជ្ជបណ្ឌិត Thay ក៏បានពិភាក្សា និងឆ្លើយតបទៅនឹងសំណួរពាក់ព័ន្ធនឹងកត្តាហានិភ័យដែលអាចបង្កើតឱកាសនាំឲ្យមានជំងឺមហារីកសុដន់ រោគសញ្ញា និងសញ្ញាសំខាន់ៗ របៀបការពារជំងឺមហារីកសុដន់ និងវិធីត្រួតពិនិត្យដោយខ្លួនឯង។ លោកស្រីបានសង្កត់ធ្ងន់អំពីសារសំខាន់នៃការពិនិត្យជំងឺមហារីកសុដន់ជាប្រចាំ ការត្រួតពិនិត្យសុដន់ដោយខ្លួនឯងជារៀងរាល់ខែ និងការរក្សារបៀបរស់នៅប្រកបដោយសុខភាពល្អផងដែរ។ លោកស្រីវេជ្ជបណ្ឌិត Thay Sovannara មានប្រសាសន៍ថា  “នៅក្នុងមជ្ឈមណ្ឌលវេជ្ជសាស្រ្តសិង្ហបុរី យើងយកចិត្តទុកដាក់យ៉ាងខ្លាំងចំពោះសុខភាព និងសុខមាលភាពរបស់អ្នកជំងឺ និងមនុស្សគ្រប់គ្នា។ កម្មវិធីផ្សេង ដូចជាកិច្ចពិភាក្សា Pink Talk នេះជួយយើងទាំងអស់គ្នាឲ្យយល់ដឹងអំពីជំងឺមហារីកសុដន់ វិធីការពារ ក៏ដូចជាកាត់បន្ថយហានិភ័យផ្សេងៗនៃជំងឺនេះផងដែរ។” លោកស្រីបានបន្តទៀតថា “ខែនៃការយល់ដឹងអំពីជំងឺមហារីកសុដន់ គឺជា ពេលវេលាដ៏ល្អ ក្នុងការរំឭកឲ្យស្ត្រីនៅក្នុងគ្រួសាររបស់យើងធ្វើការត្រួតពិនិត្យស្វែងរករោគសញ្ញានៃជំងឺនេះ។ យើងពិតជាមានមោទនភាពយ៉ាងខ្លាំងដែលបានរៀបចំកម្មវិធីនេះឡើង និងកម្មវិធីផ្សេងៗទៀតនៅក្នុងសហគមន៍ ក៏ដូចជាធានាឲ្យមានជម្រើសថែរក្សាអាយុជីវិតសម្រាប់មនុស្សជាទីស្រឡាញ់ ព្រមទាំងគ្រួសារ និងមិត្តភិក្តរបស់អ្នកផងដែរ។ សម្រាប់ព័ត៌មានបន្ថែម សូមទំនាក់ទំនង៖ ក្រុមហ៊ុន Two Way Public Relations ជាន់ទី 2 លេខ 5 អគារ Rise ផ្លូវលេខ 282 បឹងកេងកង 1 រាជធានីភ្នំពេញ ប្រទេសកម្ពុជា hello@twowaypr.com www.twowaypr.com                       ព័ត៌មានអំពីមជ្ឈមណ្ឌលវេជ្ជសាស្រ្តសិង្ហបុរី មជ្ឈមណ្ឌលវេជ្ជសាស្រ្តសិង្ហបុរីកម្ពុជា ដែលជាសមាជិកនៃគ្រួសារ DrMap នៃមជ្ឈមណ្ឌលវេជ្ជសាស្រ្តត្រូវបានបង្កើតឡើងដោយមានគោលដៅចម្បងក្នុងការផ្ដល់នូវបទដ្ឋានវេជ្ជសាស្រ្តប្រកបដោយឧត្តមភាពរបស់ប្រទេសសិង្ហបុរីជូនដល់ប្រជាជនកម្ពុជា។ ដោយផ្អែកទៅលើជំនឿថាមនុស្សគ្រប់រូបស័ក្តិសមនឹងទទួលបាននូវការថែទាំផ្នែកវេជ្ជសាស្ត្រដែលប្រកបដោយគុណភាព និងអាចជឿទុកចិត្តបានខ្ពស់ យើងអនុវត្តនូវវិធីសាស្រ្តគ្រប់ជ្រុងជ្រោយដែលផ្ដល់នូវសេវាកម្មថែទាំសុខភាពគុណភាពខ្ពស់និងសុខុមាលភាពបែបវេជ្ជសាស្ត្រ។ ប្រកបដោយទឹកចិត្តល្អប្រពៃ និងមានលក្ខណៈបុគ្គលដោយផ្អែកលើការព្យាបាលវេជ្ជសាស្រ្ត ដំណើរការ និងស្តង់ដាដែលផ្អែកលើភស្តុតាងបញ្ជាក់ច្បាស់លាស់ យើងធ្វើការព្យាបាល និងធ្វើរោគវិនិច្ឆ័យជំងឺព្រមទាំងផ្ដល់ជូនអ្នកជំងឺរបស់ខ្លួននូវមធ្យោបាយដើម្បីទទួលបានសុខភាព និងសុខុមាលភាពល្អប្រសើរ។ 2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

ទេសចរណ៍សុខភាព Healthtime Check-up Tour លើកទី ២២ ក្រោមចំណងជើង “Going Back to School” ដែលរៀបចំឡើងដោយ Healthogo នៃក្រុមហ៊ុន Healthtime Corporation បានធ្វើការស្វាគមន៍ដល់អ្នកចូលរួមពីគ្រប់មជ្ឈដ្ឋានដោយសេរី និងឥតគិតថ្លៃជាពិសេសគឺសិស្សនិស្សិត បុគ្គលិក មន្ត្រីរាជការ និងអ្នកគ្រូលោកគ្រូ  នៅបរិវេណមជ្ឈមណ្ឌលសហប្រតិបត្តិការកម្ពុជា-ជប៉ុន ឬ CJCC កាលពីថ្ងៃទី ១៤ ខែ តុលា ឆ្នាំ ២០០១៩ កន្លងទៅនេះ។  ជាមួយនឹងការចូលរួមពីសំណាក់គ្លីនិក/មន្ទីរពេទ្យជាដៃគូចំនួន ៤រួមមាន គ្លីនិកស្បែក ប៊ីសុី គ្លីនិកឯកទេសភ្នែក ម៉េង រ័ត្ននីន គ្លីនិកឯកទេស អេគីប និងមជ្ឈមណ្ឌលព្យាបាលជំងឺទឹកនោមផ្អែម អ្នកចូលរួមទាំងអស់នៅក្នុងកម្មវិធីបានទទួលបាននូវការពិគ្រោះនិងពិនិត្យសុខភាពបឋមប្រកបដោយភាពយកចិត្តទុកដាក់ ការពន្យល់ក្បោះក្បាយ ព្រមជាមួយនឹងបរិយាកាសស្និទ្ធស្នាល និងកក់ក្តៅ ពីក្រុមគ្រូពេទ្យ និងសហការីទៅលើបញ្ហាសុខភាពដូចជាសុខភាពស្បែក សុខភាពភ្នែក ក្រពះពោះវៀន ថ្លើម និងជំងឺទឹកនោមផ្អែម។ ការពិនិត្យ និងពិគ្រោះសុខភាពបឋមនេះត្រូវបានធ្វើឡើងក្នុងគោលបំណងពង្រឹងការប្រុងប្រយ័ត្ន និងការយល់ដឹងអំពីសុខភាព ក៏ដូចជាទម្លាប់ពិនិត្យសុខភាព ដើម្បីលើកកម្ពស់ការធ្វើរោគវិនិច្ឆ័យតាំងពីដំណាក់កាលដំបូង។ កាន់តែពិសេសជាងនេះ កម្មវិធីផ្ទាល់ក៏បានទទួលការសហការរៀបចំនូវកម្មវិធីបរិច្ចាគឈាមដោយស្ម័គ្រចិត្តផងដែរ ពីមជ្ឈមណ្ឌលជាតិផ្តល់ឈាមដែលផ្តល់ឱកាសដល់អ្នកចូលរួមបានធ្វើការបរិច្ចាគឈាម ដើម្បីចូលរួមលើកកម្ពស់សកម្មភាពសប្បុរសធ៌ម ក៏ដូចជាជួយសង្គ្រោះជីវិតអ្នកដែលមានតម្រូវការឈាមនិងសង្គមជាតិ។ ដើម្បីជាកិច្ចគាំទ្រ ដៃគូសហការ ព្រមទាំងក្រុមហ៊ុនដែលចូលរួមឧបត្ថម្ភក្នុងកម្មវិធី បានធ្វើការផ្តល់ជូនជាកាដូអនុស្សាវរីយ៍ជាច្រើនផងដែរដើម្បីបង្ហាញការលើកទឹកចិត្តឲ្យមានការចូលរួមក្នុងសកម្មភាពពិនិត្យសុខភាព ក៏ដូចជាបរិច្ចាគឈាមដោយស្ម័គ្រចិត្តឲ្យបានច្រើនកុះករ។ ស្របជាមួយគ្នានេះដែរ ក៏មានការដាក់តាំងបង្ហាញនូវផលិតផល និងសេវាកម្មផ្សេងៗ ព្រមទាំងការលេងហ្គេមកម្សាន្ត ដែលធ្វើឲ្យកម្មវិធីកាន់តែមានភាពរីករាយទៀតផង។  គួរបញ្ជាក់ថា កម្មវិធីនេះផ្ទាល់ត្រូវធ្វើឡើងដោយរលូន និងជោគជ័យដោយបានការចូលរួមគាំទ្រដោយ ទឹកពិសា Vital ក្រុមហ៊ុនធានារ៉ាប់រងអាយុជីវិត មេនូឡាយហ្វ៍ ខេមបូឌា គាំទ្រការស្រលាញ់សុខភាព ផលិតផលស្ករបៀម កុកស៊ីល ផលិតផល Co-Plaster ក្រុមហ៊ុន Brainscan Cambodia និង Mega Wecare។ 2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

សៀមរាប ថ្ងៃទី១៩ ខែតុលា ឆ្នាំ២០១៩ – ក្រុមហ៊ុនធានារ៉ាប់រងអាយុជីវិត អេ អាយ អេ (ខេមបូឌា) ឡាយហ្វ៍ អុិនសួរេន ម.ក (“អេ អាយ អេ ខេមបូឌា”) បានបើកសាខាថ្មីរបស់ខ្លួននៅខេត្តសៀមរាបនៅថ្ងៃទី១៩ ខែតុលា ឆ្នាំ២០១៩។ ការអបអរជាពិសេសសម្រាប់ការសម្ពោធនេះរួមមានពិធីបើកសាខាដ៏អធិកអធមនៅពេលព្រឹក និងពិធីលៀងសាយភោជននៅបរិវេណប្រាសាទក្រវ៉ាន់ដ៏អស្ចារ្យនាពេលល្ងាច។ កម្មវិធីផ្លូវការ ដែលផ្តោតលើការប្តេជ្ញាជួយឲ្យប្រជាជនរស់នៅប្រកបដោយ «សុខភាព និងជីវិតកាន់តែប្រសើរ» សម្រាប់ខេត្តសៀមរាបនេះបានទទួលការចូលរួមជាអធិបតីពីឯកឧត្តម អុិន មាត្រា ប្រធាននាយកដ្ឋានធានារ៉ាប់រង និងសោធន ដែលជាតំណាងដ៏ខ្ពង់ខ្ពស់របស់លោកជំទាវ ងួន សុខា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងឯកឧត្តម នាក់ ណេរ៉ុន អភិបាលរងនៃគណៈអភិបាលខេត្តសៀមរាប ព្រមទាំងឥស្សរជន និងមន្ត្រីកិត្តិយសកម្ពុជាដទៃទៀតមកពីក្រសួងសេដ្ឋកិច្ច និងហិរញ្ញវត្ថុ និងអាជ្ញាធរមូលដ្ឋាន។ ព្រឹត្តិការណ៍នេះត្រូវបានប្រារព្វឡើងយ៉ាងឱឡារិក ដោយមានការចូលរួមផងដែរពីថ្នាក់ដឹកនាំជាន់ខ្ពស់នៃសម្ព័ន្ធ AIA Group Limited (“AIA” ឬ “អេ អាយ អេ”) ក្នុងនោះរួមមានលោក Ng Keng Hooi នាយកប្រតិបត្តិ និងប្រធាននៃសម្ព័ន្ធ អេ អាយ អេ និងលោក Tan Hak Leh ដែលជានាយកប្រតិបត្តិប្រចាំតំបន់។ តំណាងមកពីដៃគូអាជីវកម្មរបស់ អេ អាយ អេ ខេមបូឌា គឺធនាគារកម្ពុជាសាធារណៈ និងគ្រឹះស្ថានមីក្រូហិរញ្ញវត្ថុអម្រឹត ក៏បានចូលរួមក្នុងពិធីនេះ រួមជាមួយទីប្រឹក្សាផែនការជីវិត អេ អាយ អេ ជាច្រើនរយនាក់ថែមទៀត។ លោក Ng Keng Hooi បានមានប្រសាសន៍ថា «ថ្ងៃនេះ គឺជាដំណើរឆ្ពោះទៅមុខយ៉ាងសំខាន់មួយ នៃភាពរីកចម្រើន និងភាពជោគជ័យរបស់ អេ អាយ អេនៅកម្ពុជា។ ការសម្ពោធសាខាខេត្តសៀមរាបរបស់យើងដែលធ្វើឡើងត្រឹមក្នុងរយៈពេលជាងពីរឆ្នាំបន្ទាប់ពីការបើកដំណើរការជាផ្លូវការនៅក្នុងប្រទេសស្របពេលនឹងការអបអរខួប១០០ឆ្នាំរបស់សម្ព័ន្ធទាំងមូលដែរនោះ ធានាថាយើងមានមូលដ្ឋានរឹងមាំដើម្បីភ្ជាប់ទំនាក់ទំនងទៅកាន់ប្រជាជនកម្ពុជាកាន់តែច្រើនដើម្បីជួយឲ្យពួកគាត់រស់នៅប្រកបដោយសុខភាព និងជីវិតកាន់តែប្រសើរ។ រួមជាមួយគ្នានេះយើងក៏កំពុងតែជួយរាជរដ្ឋាភិបាលកម្ពុជា ក្នុងការជម្រុញរបៀបវារៈនៃការអភិវឌ្ឍសង្គម-សេដ្ឋកិច្ចជាតិ ឲ្យបានកាន់តែខ្លាំងថែមទៀត»។ ជាក់ស្តែងការបើកសម្ពោធសាខាថ្មីនេះ ត្រូវបានធ្វើឡើងក្នុងអំឡុងពេលដែលក្រុមហ៊ុននេះធ្វើយុទ្ធនាការទីផ្សារពេញមួយខែ គឺ “យុទ្ធនាការសៀមរាបក្រហម” ដែលសំដៅដល់ពណ៌ និងស្លាកសញ្ញា របស់ អេ អាយ អេ។ យុទ្ធនាការនេះ បានចាប់ផ្តើមពីដើមខែនេះផ្ទាល់ដោយផ្តល់ជូនវត្ថុអនុស្សាវរីយជាច្រើនសន្ធឹកសន្ធាប់ដល់អតិថិជន សហគ្រាសតូចៗ សិស្សានុសិស្ស និងសាធារណជនទូទាំងក្រុងសៀមរាប ដែលមានភ្ជាប់ជាមួយនឹងលិខិតអញ្ជើញមកធ្វើការពិនិត្យសុខភាពលើស្ថានភាពតម្រងនោម និងលំពែងដោយឥតគិតថ្លៃ នៅថ្ងៃទី២០ ខែតុលា ឆ្នាំ២០១៩ នៅសាខា អេ អាយ អេ ខេមបូឌា ប្រចាំសៀមរាប។ សកម្មភាពទាំងអស់នេះ ឆ្លុះបញ្ចាំងពីការប្តេជ្ញាចិត្តរបស់ អេ អាយ អេ ក្នុងការជួយប្រជាជនថែរក្សាសុខភាព និងរស់នៅប្រកបដោយសុខភាពកាន់តែប្រសើរ»។ លោកស្រី Pauline Teoh អគ្គនាយិកាប្រតិបត្តិនៃក្រុមហ៊ុន អេ អាយ អេ ខេមបូឌាបានមានប្រសាសន៍ថា «ការបើកសាខាខេត្តសៀមរាបរបស់យើង គឺជាព្រឹត្តិការណ៍ដ៏មានអត្ថន័យមួយទៀតនៅក្នុងបេសកកម្មរបស់យើងដើម្បីជួយប្រជាជនកម្ពុជាទាំងអស់ឲ្យមានសុខភាព និងជីវិតកាន់តែប្រសើរ។ សាខាថ្មីនេះនឹងជួយឲ្យយើងផ្តល់ការការពារឈានមុខគេលើទីផ្សារ ដោយផ្តោតលើសុខភាពនិងសុខុមាលភាពរបស់ប្រជាជនកាន់តែច្រើន និងបង្កើតការងារថ្មីៗជាច្រើននៅក្នុងខេត្តសៀមរាប និងតំបន់ជុំវិញ។ យើងជឿជាក់ថាការឈានជើងចូលខេត្តសៀមរាបរបស់យើង នឹងប្រែក្លាយទៅជាឥទ្ធិពលវិជ្ជមានជាច្រើនសម្រាប់ប្រជាជនលើដែនដីអច្ឆរិយនេះ»។ ជាផ្នែកមួយនៃការប្រារព្ធពិធីនេះ ភ្ញៀវកិត្តិយស និងឥស្សរជនជាច្រើនត្រូវបានអញ្ជើញឲ្យចូលរួមពិធីលៀងសាយភោជនជាពិសេសដែលធ្វើឡើងនៅប្រាសាទក្រវ៉ាន់ដ៏ល្អឯកក្នុងឧទ្យានប្រាសាទបុរាណអង្គរ ស្ថិតនៅខាងកើតនៃប្រាសាទអង្គរវត្តដ៏ល្បីល្បាញ។ ភ្ញៀវកិត្តិយសទាំងអស់បានរីករាយនឹងការសម្តែងរបាំបែបប្រពៃណីផ្សេងៗរបស់កម្ពុជា ការទទួលទានអាហារពេលល្ងាចដ៏អស្ចារ្យជាមួយនឹងតន្រ្តីប្រពៃណីខ្មែរ និងការសម្តែងរបាំអប្សរាជាការបញ្ចប់ពិធីសម្ពោធដ៏ឱឡារិកនេះ។   គួរបញ្ជាក់ផងដែរថា នៅថ្ងៃទី២០ តុលានេះ អេ អាយ អេ ខេមបូឌា បានផ្តល់ការពិនិត្យសុខភាពដោយឥតគិតថ្លៃលើស្ថានភាពតម្រងនោម និងលំពែងដល់់ប្រជាជននៅខេត្តសៀមរាបជាង ១២១២នាក់៕ អំពី អេ អាយ អេ ខេមបូឌា អេ អាយ អេ (ខេមបូឌា) ឡាយហ្វ៍ អុិនសួរេន ម.ក (“អេ អាយ អេ ខេមបូឌា”) គឺជាបុត្រសម្ព័ន្ធ និងជាកម្មសិទ្ធិទាំងស្រុងរបស់ AIA Group Limited (“AIA”) ដែលជាសម្ព័ន្ធក្រុមហ៊ុនធានារ៉ាប់រងជីវិតធំជាងគេបំផុតនៅលើពិភពលោកដោយយោងតាមទីផ្សារមូលធននីយកម្ម ដែលផ្តល់ជូននូវដំណោះស្រាយ និងសេវាកម្មធានារ៉ាប់រងជីវិតឈានមុខគេក្នុងទីផ្សារ ដើម្បីបំពេញតម្រូវការលើការការពារ និងការសន្សំរយៈពេលវែងរបស់ប្រជាពលរដ្ឋក្នុងប្រទេសកម្ពុជា។ អេ អាយ អេ ខេមបូឌា ប្តេជ្ញាចូលរួមលើកកំពស់ការអភិវឌ្ឍសង្គម-សេដ្ឋកិច្ច នៃព្រះរាជាណាចក្រកម្ពុជាឲ្យបានយូរអង្វែងនិងជួយឲ្យប្រជាជនខ្មែរទទួលបានសុខភាព និងជីវិតកាន់តែប្រសើរ។ ទំនាក់ទំនងសារព័ត៌មាន ហាក់ បញ្ញារ័ត្ន ប្រធានផ្នែកទំនាក់ទំនងសាធារណៈ     អេ អាយ អេ (ខេមបូឌា) ឡាយហ្វ៍ អុិនសួរេន ម.ក ០១៦ ៣៦៩ ១៥៥ Panharath.Hak@aia.com  2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក

រាជធានីភ្នំពេញ៖ ថ្ងៃសុក្រ ទី១១ ខែតុលានេះ ក្រុមហ៊ុនខេមាគ្លូប៊ល បានប្រារព្ធពិធីអបអរសាទរសមិទ្ធិផល ៣ឆ្នាំនៃ មន្ទីរពហុព្យាបាលអន្តរជាតិខេមា និងបានប្រកាសពីផែនការពង្រីកអាជីវកម្មរបស់ខ្លួនតាមរយៈការចុះហត្ថលេខាជាផ្លូវការជាមួយនិងដៃគូវិនិយោគថ្មី អុី.អិម.អាយ.អេ (EMIA) ដែលមានមូលដ្ឋាននៅប្រទេសសិង្ហបុរី ក៏ដូចជាដៃគូយុទ្ធសាស្រ្តនៅក្នុងស្រុក និងក្រៅប្រទេសមួយចំនួនទៀតក្នុងគោលដៅពង្រីកគុណភាព និងពង្រីកវិសាលភាពនៃសេវាពិគ្រោះ ស្រាវជ្រាវ វិភាគ ព្យាបាល និងថែទាំសុខភាពនៅក្នុងប្រទេសកម្ពុជា។  បើគិតចាប់ពីចុងឆ្នាំ ២០១៦ មកដល់ពេលនេះគឺមានរយៈពេល ៣ឆ្នាំហើយ ដែល មន្ទីរពហុព្យាបាលអន្តរជាតិខេមា ជាសាខាទី២ មានទីតាំងនៅសង្កាត់បឹងកក់ទី១ ខណ្ឌទួលគោក បានដាក់ឲ្យដំណើរការជាផ្លូវការនិងបានសម្រេចបាននូវសម្មិទ្ធិផលជាច្រើនក្នុងការផ្ដល់សេវាកម្មវេជ្ជសាស្រ្តផ្នែកព្យាបាលរបួសនិងសង្រ្គោះបន្ទាន់ ផ្នែកសម្ភពនិងរោគស្រ្តី ផ្នែកជំងឺកុមារ ផ្នែកជំងឺទូទៅ ជំងឺឆ្លង និងជំងឺមិនឆ្លង (ដូចជាជំងឺទឹកនោមផ្អែម ជំងឺសួត ជំងឺបេះដូងនិងសរសៃឈាម ជំងឺមហារីក) ផ្នែកវះកាត់ ផ្នែកព្យាបាលជំងឺធ្ងន់ ផ្នែកស្ដារនិតិសម្បទាវេជ្ជសាស្រ្ត ផ្នែកពិនិត្យសុខភាព ផ្នែកថែទាំសុខភាពតាមផ្ទះ និងមណ្ឌលធ្វើរោគវិនិច្ឆ័យ ចូលរួមជួយលើកកម្ពស់គុណភាព និងស្ដង់ដាអនុវត្តឲ្យបានកាន់តែខ្ពស់ថែមមួយកម្រិតទៀតក្នុងការផ្ដល់សេវាថែទាំសុខភាពរបស់កម្ពុជាយើង។  លោកវេជ្ជបណ្ឌិត សោម លក្ខិណា និងលោកវេជ្ជបណ្ឌិត អ៊ុំ សុភាព ដែលជាសហស្ថាបនិកនៃ មន្ទីរពហុព្យាបាលអន្តរជាតិខេមា ទាំង ២សាខា បានរំលឹកឡើងវិញថា មន្ទីរពហុព្យាបាលទាំងពីរនេះត្រូវបានបង្កើតឡើងដោយសារតែលោកនិងមិត្តភក្តិមួយចំនួនតែងមានក្ដីស្រមៃចង់ឃើញសេវាថែទាំសុខភាពរបស់កម្ពុជា មានភាពរីកចម្រើន រឹងមាំ មានគុណភាព និងស្ដង់ដាខ្ពស់ដូចនៅក្នុងបណ្ដាប្រទេសមានការអភិវឌ្ឍនៅក្នុងតំបន់ និងក្នុងពិភពលោក។  នាឱកាសជាមួយគ្នានេះផងដែរ មន្ទីរពហុព្យាបាលក៏បានចុះហត្ថលេខាជាមួយដៃគូយុទ្ធសាស្រ្តជាបន្តបន្ទាប់នៅក្រោមសក្ខីភាពរបស់អ្នកដែលបានចូលរួមទាំងអស់។ ដោយនៅក្នុងនោះ លោក ម៉ៅ សាវិន តំណាងប្រចាំនៅកម្ពុជានៃដៃគូវិនិយោគថ្មី អុី.អិម.អាយ.អេ (EMIA) បានធ្វើការគាំទ្រយ៉ាងពេញទំហឹងនូវទស្សនវិស័យរបស់សហស្ថាបនិកក្រុមហ៊ុន ខេមាគ្លូប៊ល ហើយទុនវិនិយោគនេះនឹងជួយជំរុញឲ្យ ក្រុមហ៊ុនខេមាគ្លូប៊ល អាចពង្រីកសាខារបស់ខ្លួនទៅតាមតំបន់យុទ្ធសាស្រ្តថ្មីៗទៀតនៅក្នុងប្រទេសកម្ពុជា។  2019 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអុីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ចែករំលែក
Top