Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • May 09, 2018 |
  • 6 ឆ្នាំមុន |
  • 6.9K មើល

ពក ក ជាជំងឺតពូជពិតមែនឬទេ?

ពក ក ជាការរីកធំនៃក្រពេញទីរ៉ូអ៊ីត។ កាលមុនគេសង្កេតឃើញពកក កើតមានចំពោះតែមនុស្សចាស់ភាគច្រើន តែឥឡូវពកក ឃើញកើតមានច្រើនផងដែរចំពោះក្មេងៗ ពិសេសគឺក្មេងខ្លះមានអាយុ ត្រឹម៩ឆ្នាំប៉ុេណ្ណាះ ក៏ឃើញមានជំងឺនេះដែរ។មូលហេតុដែលនាំឲ្យមានជំងឺពកក ៨០% បណ្តាលមកពី កង្វះជាតិអុីយ៉ូត។ មូលហេតុផ្សេងទៀតមានដូចជា តំណពូជប្រហែល៥% Grave's disease,Hashimoto's disease, មហារីកក្រពេញទីរ៉ូអ៊ីតរលាកក្រពេញទីរ៉ូអ៊ីត ស្រ្តីមានផ្ទៃពោះជាដើមសុទ្ធតែជាមូលហេតុដែលអាចបង្កជាជំងឺពកក។អ្នកមិនចូលចិត្តញ៉ាំអាហារសម្បូរជាតិអ៊ីយ៉ូត ឬអ្នកមានឳពុកម្តាយកើតជំងឺពកក សុទ្ធតែជាក្រុមដែលងាយប្រឈមនឹងជំងឺនេះជាងគេ។ សញ្ញាណាខ្លះកើតមានលើអ្នកជំងឺពកក? ភាគច្រើននៃអ្នកជំងឺពកកអាចសង្កេតឃើញសញ្ញាមួយចំនួនដូចជា៖ • ដុំហើមនៅនឹងកផ្នែកខាងក្រោម និងខាងមុខ • មានអារម្មណ៍តឹងក • អាចមានក្អក ពេលខ្លះស្អក • ពិបាកលេបអាហារ • ពិបាកដកដង្ហើម • ពេលលេបទឹកមាត់មានដុំឡើងចុះនៅនឹងកដែលអាចដឹងដោយដាក់ដៃលើចំណុចនោះ។ តើពកកត្រូវធ្វើរោគវិនិច្ឆ័យដូចម្តេច? អ្នកជំងឺអាចធ្វើរោគវិនិច្ឆ័យច្បាស់លាស់ដោយពឹងផ្អែកលើអេកូសាស្ត្រ(Echography) ដើម្បីអាចវាស់ទំហំ ចំនួនដុំ ឬក៏សមាសធាតុរបស់ដុំ ដែលអាចជា ទឹក ដុំសាច់រឹង និងអាចចម្រុះ។ ការថតអេកូសាស្ត្រក៏អាចឲ្យដឹងផងដែរថា ពកនេះជាប្រភេទធំ ស្មើសាច់ ឬមានដុំ រដិបរដុបមិនស្មើសាច់។ ចំពោះមុខ ជំងឺពកក ចាំបាច់ត្រូវពិនិត្យផងដែរដោយចៀសមិនផុតនូវកម្រិត T3 T4 និងTSH ។ ជំងឺពកកត្រូវព្យាបាលដោយរបៀបណា? ការព្យាបាលដ៏ត្រឹមត្រូវនៃអ្នកជំងឺពកក ធ្វើឡើងតាម២របៀប រួមមានដោយការវះកាត់ ឬប្រើប្រាស់ថ្នាំ។ ចំពោះការព្យាបាលដោយវះកាត់ អាចជួបផលវិបាកខ្លះៗ សម្រាប់ពេលមុនដូចជា អ្នកជំងឺ ស្អកថប់ស្ទះដង្ហើម ឬហូរឈាមក្រោយវះកាត់ជាដើម។ប៉ុន្តែ តាំងពីឆ្នាំ ២០០៧ រហូតដល់បច្ចុប្បន្ន ការវះកាត់ពុំដែលមានបញ្ហាទាំងអស់នេះកើតមានឡើងទៀតទេ តាមរយៈការប្រើប្រាស់នូវបច្ចេកវិទ្យាល្អ និងទាន់សម័យ។ ដើម្បីការពារ ឬកាត់បន្ថយការកើតមានជំងឺពកកគ្រប់គ្នាគប្បីបង្កើនការទទួលទានអាហារមានជាតិអ៊ីយ៉ូតតដូចជា អំបិលអុីយ៉ូត អាហារសមុទ្រ ឬបន្លែ ផ្លែឈើដុះតាមបណ្តោយឆ្នេរសមុទ្រ ដែលសម្បូរអ៊ីយ៉ូតច្រើន។ សូមកុំធ្វេសប្រហែស គួរអញ្ជើញទៅជួបគ្រូពេទ្យជំនាញឯកទេសច្បាស់លាស់ដើម្បីទទួលការព្យាបាលមួយល្អ ត្រឹមត្រូវ និងចៀសផុតពីផលវិបាកទាំងឡាយដែលអាចនឹងកើតមាន។ គួរបញ្ជាក់ផងដែរថា ជំងឺពកកមិនអាចព្យាបាលដោយការដុតនឹងប៉ុយ ឬធូបបាននោះទេ។ បកស្រាយដោយ ៖ សាស្រ្តាចារ្យ វេជ្ជបណ្ឌិត ប៉ូ រដ្ឋា ឯកទេសផ្នែក ត្រចៀក ច្រមុះ បំពង់ក វះកាត់ ក្បាល និង ក ព្រមទាំងជាអនុប្រធានមន្ទីរសំរាកព្យាបាលលុច្ស និងជាប្រធានសមាគមត្រចៀក ច្រមុះ បំពង់ក វះកាត់ក្បាល និង ក កម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

ជំងឺផ្សេងៗ ត្រចៀក ច្រមុះ បំពង់ក
ចែករំលែក
  • May 08, 2018 |
  • 6 ឆ្នាំមុន |
  • 5.8K មើល

ម៉ាស្សាមុខ ចំណេញយ៉ាងហ្នឹង? ចឹងតើ!!!បានគេចូលចិត្តធ្វើវា...

នៅពេលអ្នកឆ្លុះកញ្ចក់ម្តងៗ ចេះតែមានអារម្មណ៍ថាមុខស្ងួត ស្រអាប់ មិនស្រស់ស្រាយ ឬហាក់ដូចជាចាស់ជាងមុនមែនទេ?ប្រហែលជាដល់ពេលដែលអ្នកត្រូវបង្កើនសកម្មភាពបន្ថែមហើយ នោះគឺការម៉ាស្សាមុខ ព្រោះតែគុណសម្បត្តិទាំង៥ខាងក្រោម៖  1. បន្ថយភាពតានតឹង និងបង្កើនអារម្មណ៍ល្អ ការម៉ាស្សាមុខ ជាជម្រើសមួយដែលត្រូវបានណែនាំដោយអ្នកជំនាញ ដើម្បីបន្ថយនូវភាពតានតឹង។ ដោយឡែក រយៈពេលនៃការម៉ាស្សាមុខ គឺអាស្រ័យទៅតាមប្រភេទស្បែកនីមួយៗ សម្រាប់ស្បែកមុខខ្លាញ់ ល្អបំផុតក្រោម១០នាទី រីឯស្បែកមុខធម្មតា និងស្ងួត មិនត្រូវម៉ាស្សាលើសពី២០នាទីនោះទេ។ ការម៉ាស្សាមុខ អាចជួយកាត់បន្ថយភាពស្ត្រេស និងបង្កើនអារម្មណ៍ស្រស់ស្រាយ ទោះស្ថិតក្នុងវ័យណាក៏ដោយ។ យោងតាមការសិក្សាពីវិទ្យាស្ថានវិទ្យាសាស្ត្រមួយបង្ហាញថា ការម៉ាស្សាមុខបន្ថយការថប់បារម្ភ និងអាចកែលម្អអារម្មណ៍អវិជ្ជមានមួយចំនួន។ លើសពីនេះ ការធ្វើតេស្តចិត្តសាស្ត្រនៅឆ្នាំ២០០៨ ក្នុងរយៈពេល៤៥នាទីនៃការម៉ាស្សាមុខ បង្ហាញថាវាជួយកែលម្អទាំងអារម្មណ៍ និងកម្រិតនៃការថប់បារម្ភ។ ម៉្យាងទៀត ការសម្រាកក្នុងពេលម៉ាស្សាមុខ អាចចាត់ទុកជាពេលមួយដែលអ្នកអាចកាត់បន្ថយស្ត្រេសបានយ៉ាងមានប្រសិទ្ធភាព។ 2. បង្កើនលំហូរ និងជម្រាប ជាក់ស្តែង ការម៉ាស្សាជួយសម្រួលឲ្យសរសៃឈាមដំណើរការបានល្អ មិនថាជាការម៉ាស្សាដងខ្លួនទាំងមូល ឬម៉ាស្សាមុខ។ ដោយហេតុថា ការម៉ាស្សាជួយបង្កើនលំហូរនៃឈាម និងអុកស៊ីសែននៅលើផ្ទៃមុខ។ ចំណុចល្អបំផុតនៅលើមុខរបស់អ្នកដែលចាំបាច់ត្រូវការម៉ាស្សានោះគឺ នៅជុំវិញមាត់ ភ្នែក និងចិញ្ចើម។ ការម៉ាស្សាដែលគ្រាន់តែជាការភ្ញោចចរន្តឈាមនោះ អាចត្រឹមជាការអង្អែលថ្នមៗ និងលុញចុះឡើង នោះផ្ទៃមុខរបស់អ្នកមើលទៅមានសុខភាពល្អស្រស់ថ្លា។ មិនតែប៉ុណ្ណោះ វាអាចជួយបង្កើនប្រសិទ្ធភាពក្នុងការប្រើប្រាស់ផលិតផលថែរក្សាសម្រស់ដទៃទៀតឲ្យជ្រាបចូលស្បែកងាយស្រួល។ ចាប់ផ្តើមដោយអ្នកគ្រាន់តែចំណាយពេលបន្តិចបន្តួចសម្រាប់ខ្លួនឯងនៅផ្ទះជារៀងរាល់យប់មុនពេលចូលគេង លាងសម្អាតមុខឲ្យស្អាត ប្រើសឺរ៉ូម និងក្រែមលាបស្បែកមុខ ហើយធ្វើការម៉ាស្សាថ្នមៗ ជាការស្រេច។ 3. ការពារភាពជ្រីវជ្រួញ ស្ត្រេសប្រចាំថ្ងៃញឹកញាប់ ជាលទ្ធផលនៃការកើនឡើងនូវភាពតានតឹងក្នុងសាច់ដុំ ពិសេសនៅលើផ្ទៃមុខ។ ការម៉ាស្សាមុខ ជួយឲ្យសាច់ដុំនៅទីតាំងទាំងនោះសម្រាក បន្ថយស្នាមដែលវាបានបង្កើតឡើង។ អ្នកអាចអនុវត្តជាមួយការផ្តល់សំណើម ក៏អាចជួយបន្ថយស្នាម និងភាពស្ងួតនៅលើស្បែកមុខបានផងដែរ។ នៅពេលសាច់ដុំមុខសម្រាក នោះជាលទ្ធផលអាចកាត់បន្ថយស្នាមជ្រីវជ្រួញរបស់អ្នកបាន។ វារឹតតែពិសេសសម្រាប់អ្នកដែលមានអាយុចាប់ពី៤០ឆ្នាំ ដែលស្បែករបស់ពួកគាត់ភាគច្រើនចាប់ផ្តើមបាត់បង់ភាពរលាស់ ហើយសាច់ដុំថយចុះនូវភាពរឹងមាំបន្តិចម្តងៗ។ 4. បន្ថយការស្ទះ ការព្យាបាលដោយការម៉ាស្សាអាចជួយបន្ថយសញ្ញាអាល្លែកហ្ស៊ី ដូចជាការស្ទះប្រហោងឆ្អឹងសងខាងច្រមុះ។ ការកើនឡើងស្លេស្មក្នុងប្រហោងឆ្អឹងសងខាងច្រមុះ អាចជាលទ្ធផលធ្វើឲ្យមានសម្ពាធ និងឈឺក្បាល។ ចំហាយទឹក និងការម៉ាស្សាថ្នមៗជួយដល់ចលនានៃការបញ្ចេញ សម្រួលកម្រិតការបង្ហូរ និងបន្ថយការកកស្ទះ។អ្នកអាចជួបពិភាក្សាជាមួយគ្រូពេទ្យប្រសិនបើអ្នកមានការស្ទះធ្ងន់ធ្ងររហូតដល់រលាកជាដើម។ 5. កម្ចាត់មុន ប្រេងនៅលើស្បែកមុខភាគច្រើនស្ទះតាមរន្ធរោមដែលវាអាចជាមូលហេតុមួយបង្កឲ្យកើតមុន។ប្រសិនបើអ្នកមានមុនលើស្បែកមុខ ការម៉ាស្សាមុខបន្ថយការកើនឡើងនៃការចេញមុន។ ម៉ាស្សាមុខបណ្តេញមុនដែលបណ្តាលមកពីប្រេង ថែមទាំងរក្សាឲ្យស្បែកមានផាសុកភាព។ ក្នុងពេលជាមួយគ្នានេះផងដែរ អ្នកនៅតែបន្តអនុវត្តរួមគ្នា ជាមួយនឹងការសម្អាតជាប្រចាំឲ្យបានទៀងទាត់។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • May 08, 2018 |
  • 6 ឆ្នាំមុន |
  • 3.9K មើល

សំណួរដែលសួរញឹកញាប់អំពីជំងឺមហារីក

សំណួរទី១ ៖ តើជំងឺមហារីកជាជំងឺឆ្លងឬទេ? ចម្លើយ ៖ ជំងឺមហារីក មិនមែនជាជំងឺឆ្លងទេ ដូចនេះ សូមកុំបារម្ភ ប្រសិនបើសមាជិកគ្រួសាររបស់អ្នក ឬមិត្តភក្តិជិតស្និទ្ធមានកើតជំងឺមហារីក ពីព្រោះអ្នកនឹងមិនអាចឆ្លងជំងឺនេះដោយផ្ទាល់នោះឡើយ។ សំណួរទី២ ៖ តើផ្នែកណាខ្លះនៃរាងកាយរបស់យើងដែលអាចកើតជំងឺមហារីកបាន? ចម្លើយ ៖ ជាអកុសល ដុំមហារីកអាចកើតមាននៅលើគ្រប់សរីរាង្គ និងជាលិកានៃរាងកាយរបស់យើង។ ចំពោះមនុស្សធំ ដុំមហារីកដែលអាចកើតមានញឹកញាប់ជាងគេបំផុតគឺ មហារីកសួត មហារីកសុដន់ មហារីកពោះវៀនធំនិងបាត មហារីកក្រពេញប្រូស្តាត មហារីកក្រពះ មហារីកថ្លើម មហារីកមាត់ស្បូន និងតួស្បូន មហារីកបំពង់អាហារ មហារីកប្លោកនោម មហារីកលំពែង។ រីឯចំពោះកុមារ (រាប់បញ្ចូលទាំងទារកទើបនឹងកើត និងទារក) ព្រមទាំងក្មេងជំទង់ ក៏អាចប្រឈមនឹងការកើតមានមហារីកផងដែរ ដែលញឹកញាប់បំផុតគឺ៖ - មហារីកគ្រាប់ឈាម (Leukaemias) - ដុំមហារីកនៅជាលិកា lymphatic (Lymphomas) ដែលរួមមាន ក្រពេញ Lymph (lymph nodes) និងសរីរាង្គអណ្តើក (spleen) ជាដើម - មហារីកខួរក្បាល - មហារីកលើជាលិកាទន់ និងឆ្អឹង (Sarcomas) - មហារីកពីកំណើតដូចជា មហារីកលើកោសិកាបង្កកំណើត (រួមមាន មហារីក Teratoma ដែលជាមហារីករួមផ្សំគ្នាដោយជាលិកាច្រើនប្រភេទ) មហារីកតម្រងនោម មហារីកស្រទាប់រេទីន(បាតភ្នែក) និងមហារីកថ្លើមជាដើម។ គួរបញ្ជាក់ថា គ្រប់ដុំមហារីកទាំងអស់ដែលត្រូវបានរកឃើញ ក្រោយពេលធ្វើរោគវិនិច្ឆ័យហើយសុទ្ធតែទាមទារឲ្យមានការព្យាបាលឲ្យបានឆាប់រហ័សតាមដែលអាចធ្វើបាន។ បកស្រាយដោយ ៖ វេជ្ជបណ្ឌិត Turobova Tatiana ឯកទេសមហារីកចំពោះកុមារ និងមហារីកទូទៅ ព្រមទាំងជាប្រធានផ្នែកជំងឺមហារីកនៅមន្ទីរពេទ្យសាកលវិទ្យាល័យអន្តរជាតិសែនសុខ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេង ឬថតចំលងគ្រប់រូបភាពដោយគ្មានការអនុញ្ញាតឡើយ

ត្រចៀក ច្រមុះ បំពង់ក មហារីក និងជំងឺឈាម
ចែករំលែក
  • May 08, 2018 |
  • 6 ឆ្នាំមុន |
  • 3.9K មើល

ចូលរួមសិក្ខាសាលា"សុខភាពភ្នែកល្អ ជីវិតស្រស់ថ្លា" និងទទួលបានការពិនិត្យភ្នែកដោយឥតគិតថ្លៃ

 ក្រុមហ៊ុន ROHTO-Mentholatum (Cambodia) Co., Ltd នឹងរៀបចំកម្មវិធីសិក្ខាសាលា "សុខភាពភ្នែកល្អ ជីវិតស្រស់ថ្លា" ចូលរួមដោយសេរី និងទទួលបានការពិនិត្យភ្នែកដោយឥតគិតថ្លៃ ពីលោក ចក្ខុបណ្ឌិត ម៉ារ អមរិន្ទ ព្រមទំាងទទួលបានកាដូពីផលិតផល V.Rohto Cool ថែមទៀតផង។ ជួបជាមួយ ពិធីការិនី ឌីជេ ណាណា ជាពិសេសលោកអ្នកនឹងបានជួបជាមួយកំពូលតារាចម្រៀង គឺលោក ព្រាប សុវត្ថិ នៅថ្ងៃទី ១១ ខែឧសភា ឆ្នំា ២០១៨ នៅផ្សារទំនើប AEON ( Lively Plaza ជាន់ផ្ទាល់ដី) ចាប់ពីម៉ោង ១០ព្រឹក ដល់ ម៉ោង ៨ យប់។ សម្រាប់ព័ត៌មានបន្ថែម សូមចូលទៅកាន់ Facebook Page V.Rohto Cambodia ©2018រក្សាសិទ្ធិគ្រប់យ៉ាងដោយHealthtime Corporationចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូលប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ផ្សេងៗ ព្រឹត្តិការណ៍ និងព័ត៌មាន
ចែករំលែក
  • May 07, 2018 |
  • 6 ឆ្នាំមុន |
  • 4.9K មើល

ចង់ឲ្យក្រចកស្អាត និងរឹងមាំ កុំភ្លេចអនុវត្តតាមគន្លឹះទាំងនេះ...

ក្រចក ក៏ជាភ្នែកមួយសំខាន់ដែលបង្កប់នូវភាពទាក់ទាញដែរ ប្រសិនបើអ្នកមានរាងកាយស្អាតបាត ហើយតែក្រចកដៃ និងជើងគ្មានសម្រស់នោះ វាហាក់ដូចជាពន្លេចចេញនូវចន្លោះខ្វះខាតមួយ។ អ្នកមិនគួរមើលរំលងនូវចំណុចមិនប្រក្រតីមួយចំនួន ដែលកើតមានលើក្រចករបស់អ្នកឡើយ ប្រសិនបើអ្នកជួបប្រទះនឹងភាពដូចខាងក្រោមនេះ អ្នកត្រូវទទួលការប្រឹក្សាជាមួយវេជ្ជបណ្ឌិត ឬអ្នកជំនាញផ្នែកស្បែក ៖  -ពណ៍ និងរូបរាងក្រចកមានការប្រែប្រួល ដូចជាការប្រែពណ៍ក្រចកទាំងមូល ឬកើតមានចំណុចខ្មៅនៅក្រោមក្រចក -ក្រចកឡើងស្ដើង ឬក្រាស់ខុសពីធម្មតា -ក្រចកបែកចេញពីស្បែកដែលនៅជុំវិញ -ឈាមចេញពីក្រចក -ស្បែកជុំវិញក្រចកឡើងហើម ឬមានការឈឺចាប់។ ចំពោះក្រចកដែលមានភាពប្រក្រតី អ្នកក៏គួរតែស្វែងយល់ពីទង្វើមួយចំនួន ដែលលោកអ្នកគួរប្រកាន់ភា្ជប់ និងចៀសវាងផងដែរ ដើម្បីថែរក្សាក្រចកឲ្យមានសភាពល្អជាប្រចាំ៖ ១. ទុកក្រចកឲ្យស្ងួត និងស្អាតជានិច្ច ការដែលក្រចកប៉ះទឹកច្រើន ហើយមានសំណើមនោះនឹងបណ្ដាលឲ្យបាត់តេរីលូតលាស់នៅក្រោមក្រចករបស់អ្នក ដូច្នេះហើយ ចូរប្រើស្រោមដៃពេលលាងចាន ឬបោកសម្លៀកបំពាក់។ ២. អនុវត្តអនាម័យក្រចក ប្រើកន្ត្រៃដែលគេប្រើសម្រាប់ការធ្វើក្រចក  កាត់តម្រឹមក្រចកឲ្យត្រង់ ហើយកាត់ឲ្យរាងកោងល្មម។ ៣. ប្រើផលិតផលផ្ដល់សំណើម  ពេលប្រើឡេលាបដៃ ត្រដុសវាចូលក្នុងក្រចកដៃ និងស្បែកចុងក្រចករបស់អ្នកផង ។ ៤. ប្រើប្រាស់ស្រទាប់ការពារ ប្រើប្រាស់ Nail Hardener ដើម្បីពង្រឹងក្រចកឲ្យរឹងមាំ។ ៥.ប្រើប្រាស់ Biotion ការស្រាវជ្រាវបានបង្ហាញឲ្យឃើញថា សារធាតុដែលមាននៅក្នុង Biotion អាចជួយពង្រឹងក្រចក ដែលទន់ និងផុយ។ ៦. ចៀសវាងការខាំក្រចក ឬទាញស្បែកចុងក្រចក មុខរបួស ឬរបកស្បែកបន្តិចបន្តួចនៅក្បែរក្រចកក៏បណ្ដាលឲ្យបាក់តេរី ឬផ្សិតចូលក្នុងក្រចក ហើយបង្កឲ្យមានការឆ្លងមេរោគផងដែរ។ ៧. ហាមដកក្រចក ដែលបាក់ ឬមានរបួសចេញ អ្នកអាចនឹងទាញដោយ ទាំងជាលិកាមានជីវិតមួយចំនួនទៅផង ដូចនេះហើយ កាត់វាម្ដងបន្តិចៗដោយប្រុងប្រយ័ត្នវិញ។ ៨.ហាមច្រានចោលនូវបញ្ហា ប្រសិនបើអ្នកមានបញ្ហាក្រចកដែលមើលទៅមិនអាចនឹងអាចបាត់ទៅដោយឯងៗនោះទេ អ្នកគួរទទួលការពិនិត្យជាមួយនឹងអ្នកជំនាញ។ ៩.ចៀសវាងប្រើប្រាស់ផលិតផលថែរក្សាក្រចកហួសកម្រិត ជាពិសេស កម្រិតការប្រើប្រាស់ថ្នាំលាបក្រចក។ នៅពេលដែលប្រិយមិត្តបានអាន និងស្វែងពីបញ្ហាក្រចកមិនប្រក្រតីនេះហើយ ហេលស៍ថាម សង្ឃឹមថា មិត្តអ្នកអាទាំងអស់នឹងបន្ថែមការយកចិត្តទុកដាក់ចំពោះបញ្ហានេះ ហើយសួមកុំគិតថាវាជារឿងតូចតាចនោះ ព្រោះថាយូរៗទៅ វាអាចនឹងបំផ្លាញជីវិតយើងបាន៕ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ស្បែក កាមរោគ​ និងសម្រស់
ចែករំលែក
  • May 07, 2018 |
  • 6 ឆ្នាំមុន |
  • 5.8K មើល

ភាពជោគជ័យនៃសិក្ខាសាលាទីមួយរបស់និស្សិតទន្តសាស្រ្ត រៀបចំដោយសមាគមនិស្សិតទន្តសាស្រ្តអាសុីប៉ាសីុហ្វិកកម្ពុជា

ក្រោមវត្តមានអញ្ជើញចូលរួមពីសំណាក់ទន្តបណ្ឌិត កោ ហុកស៊ីម ប្រធាននៃសមគមទន្តពេទ្យកម្ពុជា និងជាព្រឹទ្ធបុរសរងនៃសាកលវិទ្យាល័យអន្តរជាតិ ទន្តបណ្ឌិត ហង្ស សុមេធ ស្ថាបនិកនៃសមាគមនិស្សិតទន្តសាស្ត្រកម្ពុជា និងលោក ជាង ប៉េងលាង ប្រធាននៃសមាគមនិស្សិតទន្តសាស្ត្រកម្ពុជា ព្រមជាមួយនឹងវាគ្មិនកិត្តិយសជាច្រើនរូប កម្មវិធីសិក្ខាលាលើកដំបូងបង្អស់រៀបចំឡើងដោយ Asia Pacific Dental Students Association (APDSA) Cambodia កាលពីថ្ងៃទី២៩ ខែមេសា ឆ្នាំ២០១៨កន្លងទៅនេះ ដោយមានវត្តមានអ្នកចូលរួមជានិស្សិតទន្តសាស្ត្រប្រមាណជា១០០នាក់ ពីសាកលវិទ្យាល័យ៥ក្នុងប្រទេសកម្ពុជា រួមជាមួយនឹងទន្តពេទ្យមួយចំនួនផងដែរ ដោយមានការតាំងបង្ហាញនូវផលិតផលរបស់ក្រុមហ៊ុនចំនួន៨ ដែលក្នុងនោះក៏មានហេលស៍ថាម ខប និងក្រុមហ៊ុនផ្គត់ផ្គង់នូវសម្ភារៈបរិក្ខាទន្តសាស្រ្តផងដែរ។ ទោះបីនេះជាការរៀបចំជាលើកដំបូងក្តី ប៉ុន្តែលទ្ធផលដែលទទួលបាន គឺពិតជាគួរជាទីគាប់ចិត្ត និងល្អប្រសើរលើសពីការរំពឹងទុកទៅទៀត ក្រោមកិច្ចខិតខំប្រឹងប្រែងយ៉ាងស្មោះអស់ពីចិត្តក្នុងការរៀបចំនូវកម្មវិធីនេះ ដើម្បីផ្តល់ជូននូវបទពិសោធន៍ និងចំណេះដឹងដ៏សម្បូរបែបជូនដល់អ្នកចូលរួមជាមិត្តរួមវិស័យនេះ ក្នុងកម្មវិធីសិក្ខាសាលារយៈពេល១ថ្ងៃពេញនេះ ក្រោមប្រធានបទ«The Peak of Dentistry»។ កញ្ញា ឡៅ រីណា ជាប្រធាននៃ APDSA Cambodia  និងជាតំណាងនៃក្រុមការងារជាអ្នករៀបចំកម្មវិធីផ្ទាល់ ក៏បានលើកឡើងផងដែរថា«ការខិតខំប្រឹងប្រែងរបស់យើងពិតជាផ្តល់នូវលទ្ធផលជាផ្លែផ្កា ដោយយើងសង្កេតឃើញថា អ្នកចូលរួមបានទទួលនូវអ្វីដែលជាគោលដៅរបស់យើងដោយក្តីរីករាយ ហើយយើងពិតជាមិនអាចភ្លេចបាននូវការថ្លែងអំណរគុណយ៉ាងជ្រាលជ្រៅដល់ការឧបត្ថម្ភគាំទ្រពីសំណាក់ភ្ញៀវកិត្តិយស វាគ្មិនកិត្តិយស និងក្រុមហ៊ុនដៃគូជាអ្នកឧបត្ថម្ភផងដែរ»។ លោក យ៉ានណែត បណ្ឌិតដានីគែល ដែលបានចូលរួមជាអ្នកចូលរួម និងជាផ្នែកមួយនៃក្រុមការងាររៀបចំកម្មវិធីផងនោះ បានឲ្យដឹងថា«ក្នុងនាមជាអ្នកចូលរួមមួយរូប ខ្ញុំពិតជារៀនបានច្រើនអំពីចំណេះដឹង និងបទពិសោធន៍អំពីវាគ្មិនកិត្តិយស តាមរយៈគន្លឹះ និងវិធីសាស្ត្រពិសេសៗដែលជួយឲ្យទទួលបានជោគជ័យលើដំណើរជីវិតជានិស្សិតផ្នែកនេះ សម្រាប់ជូនដល់និស្សិតទន្តសាស្ត្រជំនាន់ក្រោយដូចជារូបខ្ញុំផ្ទាល់ជាដើម។ មិនត្រឹមតែប៉ុណ្ណោះ ក្នុងនាមជាចំណែកមួយនៃការរៀបចំកម្មវិធី ខ្ញុំពិតជាបានឆ្លងកាត់នូវការជម្នះលើខ្លួនឯងក្នុងការបំពេញកាតព្វកិច្ចជាអ្នកដឹកនាំក្រុមមួយរូប (ដែលខ្ញុំមិនធ្លាប់គិតថាអាចធ្វើបានពីមុនមក) ហើយវា គឺបទពិសោធន៍ថ្មីមួយសម្រាប់ខ្ញុំក្នុងការសាកល្បងនូវអ្វីដែលថ្មី មានការប្រាស្រ័យទាក់ទង និងស្គាល់មិត្តភក្តិថ្មីជាអ្នកនៅក្នុងវិស័យតែមួយនៃសាកលវិទ្យាល័យខុសគ្នា។ អ្វីដែលពិសេសជាងគេ គឺហ្គេមពង្រឹងស្មារតីជាក្រុមដែលត្រូវបានរៀបចំឡើង ដើម្បីលុបបំបាត់នូវភាពទើសទាល់រវាងអ្នកទើបស្គាល់គ្នាថ្មី ព្រមទាំងបង្កនូវបរិយាកាសប្បាយរីករាយ ក៏ដូចជាបង្កើតនូវការរួបរួមគ្នាជាថ្លុងមួយផងដែរ។ ខ្ញុំពិតជាពេញចិត្ត និងមានមោទនភាពដែលបានចូលរួមកម្មវិធីលើកនេះ…» រីឯអ្នកចូលរួមមួយរូបទៀត គឺ កញ្ញា ទុយ ដាវីន ជានិស្សិតឆ្នាំទី5ផ្នែកទន្តសាស្រ្តនៃសាកលវិទ្យាល័យវិទ្យាសាស្រ្តសុខាភិបាល ក៏បានប្រាប់ដល់ក្រុមការងារយើងផងដែរថា កញ្ញាបានទទួលនូវចំណេះដឹងថ្មីៗជាច្រើនរួមមានការត្រៀមខ្លួនសម្រាប់ការសិក្សានៅក្រៅប្រទេស វិធីសាស្ត្រសិក្សាដោយជោគជ័យ និងស្ត្រីក្នុងភាពជាអ្នកដឹកនាំ ផ្តោតពិសេសលើការសិក្សាផ្នែកទន្តសាស្ត្រ ដោយវាគ្មិនគ្រប់រូបជាមួយនឹងបទពិសោធន៍នៃភាពជោគជ័យក្នុងអាជីពការងារ  សុទ្ធតែផ្តល់នូវកម្លាំងជម្រុញទឹកចិត្ត និងបង្ហាញជូននូវចក្ខុវិស័យដ៏ល្អប្រសើរអំពីអនាគតនៃវិស័យទន្តសាស្ត្រនៅកម្ពុជា។ កញ្ញាក៏បានបញ្ជាក់ផងដែរថា«ខ្ញុំប្រាកដជាចូលរួមកម្មវិធីនេះនៅឱកាសក្រោយទៀត ដោយហេតុថានេះជាសិក្ខាសាលាប្រចាំឆ្នាំដ៏ធំមួយ និងផ្តល់គុណប្រយោជន៍ដល់អ្នកចូលរួម។ ហើយខ្ញុំពិតជាសូមសរសើរដល់ក្រុមការងារដែលបានរៀបចំនូវពេលវេលាដ៏ពិសេសនេះឡើងជាមួយនឹងទំនួលខុសត្រូវ និងឆន្ទៈយ៉ាងមុតមាំក្នុងការបំពេញនូវកាតព្វកិច្ចរបស់ពួកគាត់»។ គួរបញ្ជាក់ផងដែរថា APDSA Cambodia ជាផ្នែកមួយនេះ APDSA International ដោយមានចក្ខុវិស័យធំក្នុងការពង្រឹងនូវគុណភាពនៃការអប់រំផ្នែកទន្តសាស្ត្រនៅកម្ពុជា តាមរយៈការផ្លាស់ប្តូរ និងចែករំលែកនូវបទពិសោធន៍ និងចំណេះដឹងពីសំណាក់ទន្តពេទ្យដែលធ្លាប់បានទទួលការសិក្សានៅក្រៅប្រទេស រួមមានការបង្ហាញនូវជំនាញទន់ និងភាពជាអ្នកដឹកនាំក្នុងវិស័យទន្តសាស្ត្រ។ មិនត្រឹមតែប៉ុណ្ណោះ APDSA Cambodia ក៏មានគោលដៅក្នុងការជួយដល់សហគមន៍ និងលើកកម្ពស់វិស័យទន្តសាស្ត្រនៅក្នុងប្រទេសកម្ពុជាយើង តាមរយៈការពង្រឹងនូវកិច្ចសហការរវាងអ្នកផ្គត់ផ្គង់សម្ភារៈបរិក្ខារទន្តសាស្ត្រ និងអ្នកប្រកបវិជ្ជាជីៈក្នុងវិស័យនេះផ្ទាល់ ព្រមទាំងជម្រុញ និងលើកទឹកចិត្តដល់ស្ត្រីក្នុងភាពជាអ្នកដឹកនាំ និងបន្តការសិក្សាកម្រិតអនុបណ្ឌិត និងបណ្ឌិតផងដែរ។ ជាមួយនឹងទស្សនវិស័យដែលបានលើកឡើងខាងលើនេះ សិក្ខាសាលាក្រោមប្រធានបទ«The Peak of Dentistry»ក៏បានលេចចេញនូវវត្តមានឡើង ហើយក្រុមការងារក៏បានសន្យាថានឹងរៀបចំធ្វើឡើងជារៀងរាល់ឆ្នាំ… លោកអ្នកក៏អាចតាមដានបាននៅលើទំព័រហ្វេសប៊ុកផ្លូវការរបស់ APDSA Cambodia… Photos Credit : APDSA Cambodia ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

អាជីព និងការសិក្សា ព្រឹត្តិការណ៍ និងព័ត៌មាន
ចែករំលែក
  • May 07, 2018 |
  • 6 ឆ្នាំមុន |
  • 12.9K មើល

អាកាសធាតុក្តៅ និងជំងឺទឹកនោមផ្អែម

តើអាកាសធាតុក្តៅអាចប៉ះពាល់យ៉ាងដូចម្តេចដល់អ្នកជំងឺទឹកនោមផ្អែម? ជាការពិតណាស់ នៅពេលដែលអាកាសធាតុក្តៅខ្លាំង វាអាចមានកត្តាមួយចំនួនដែលអាចប៉ះពាល់ដល់ការគ្រប់គ្រងជាតិស្កររបស់អ្នកជំងឺទឹកនោមផ្អែមបាន។ មនុស្សយើងគ្រប់គ្នា រាល់សារធាតុទឹកក្នុងខ្លួនទាំងអស់ ត្រូវបានបញ្ចេញចោលទៅកាន់មជ្ឈដ្ឋានខាងក្រៅ តាមរយៈ ៖ - ការដកដង្ហើម - ការបែកញើស - តាមទឹកនោម - តាមការបន្ទោរបង់លាមក ហេតុដូចនេះ គេសង្កេតឃើញថា នៅពេលដែលមានអាកាសធាតុក្តៅខ្លាំង បណ្តាលឲ្យអ្នកជំងឺទឹកនោមផ្អែម បង្កើនការបាត់បង់ជាតិទឹកកាន់តែច្រើន ជាពិសេសតាមរយៈការបែកញើស ប្រសិនបើពួកគាត់មិនបានបង្គ្រប់ជាតិទឹកឲ្យបានគ្រប់គ្រាន់។ នៅពេលដែលមានកង្វះជាតិទឹក បណ្តាលឲ្យជាតិស្ករក្នុងឈាមកើនឡើង ជាហេតុនាំឲ្យអ្នកជំងឺមានអាការៈនោមច្រើន ដែលនេះវាកាន់តែបង្កឲ្យកង្វះជាតិទឹកកាន់តែធ្ងន់ធ្ងរ។  ក្នុងករណីដែលអ្នកជំងឺទឹកនោមផ្អែម ប្រើប្រាស់ការចាក់ថ្នាំអាំងស៊ុយលីន នោះកង្វះជាតិទឹកអាចបង្កឲ្យប៉ះពាល់ដល់ប្រសិទ្ធភាពរបស់ថ្នាំ។ ដូច្នេះ វានាំឲ្យជាតិស្កររបស់អ្នកជំងឺមិនអាចគ្រប់គ្រងបានល្អ។   តើអ្នកជំងឺទឹកនោមផ្អែមត្រូវប្រុងប្រយ័ត្នអ្វីខ្លះនៅពេលអាកាសធាតុក្តៅ? - ត្រូវទទួលទានទឹកឲ្យបានគ្រប់គ្រាន់ ជាពិសេស ត្រូវទទួលទានទឹកបន្ថែមនៅពេលដែលធើ្វការក្រោមកំដៅថ្ងៃ ធ្វើការដែលមានការបញ្ចេញពលកម្មច្រើន ឬនៅពេលហាត់ប្រាណ។ - ត្រូវព្យាយាមតាមដានជាតិស្ករក្នុងឈាមឲ្យបានញឹកញាប់តាមដែលអាចទៅរួច ព្រោះថានៅពេលដែលក្តៅខ្លាំង អ្នកជំងឺបើកញើស អាចឲ្យអ្នកជំងឺភាន់ច្រឡំនឹងអាការៈនៃការចុះជាតិស្ករ។ ដូច្នេះប្រសិនបើអ្នកជំងឺទឹកនោមផ្អែម ដែលងាយ ឬឧស្សាហ៍ចុះជាតិស្ករញឹកញាប់ គួរតែដាក់ចំណីអាហារបន្តិចបន្តួច (អាចជាស្ករគ្រាប់ ឬនំ) តាមខ្លួនដើម្បីទទួលទាន។ ឧទាហរណ៍ នៅពេលហាត់ប្រាណ - ត្រូវការពារថ្នាំព្យាបាលទឹកនោមផ្អែមរបស់លោកអ្នក រួមទាំងថ្នាំគ្រាប់សម្រាប់លេប និងថ្នាំប្រភេទសម្រាប់ចាក់។ ចូរចៀសវាសការទុកឱសថទាំងអស់នោះនៅទីកន្លែងដែលមានកម្តៅខ្លាំង ជាពិសេសត្រូវពន្លឺថ្ងៃ។ ប្រសិនបើជាប្រភេទថ្នាំចាក់ គួរតែទុកដាក់ឲ្យត្រឹមត្រូវក្នុងធុង ឬទូរទឹកកក។ - ប្រសិនបើអ្នកជំងឺដែលធ្វើការផ្ទាល់ក្រោមពន្លឺថ្ងៃ ក្រៅអំពីការទទួលទឹកបន្ថែមឲ្យបានច្រើន គាត់គួរប្រុងប្រយត្នផងដែរនូវការរលាកស្បែកដោយសារកម្តៅថ្ងៃ។ ចូរការពារស្បែកដោយពាក់អាវដៃវែង ឬធ្វើយ៉ាងណារកអ្វីមកគ្រប់ដណ្តប់ ឬក៏អាចប្រើប្រាស់ក្រែមការពារពន្លឺថ្ងៃដែលមានគុណភាព មកលាបដើម្បីកាត់បន្ថយគ្រោះថ្នាក់របស់កាំរស្មីព្រះអាទិត្យមកលើស្បែក។ បកស្រាយដោយលោក វេជ្ជបណ្ឌិត ចន្ថា តុលា ឯកទេស ក្រពេញអ័រម៉ូន និងទឹកនោមផ្អែម (មន្ទីរពេទ្យព្រះកុសុមៈ) ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

គន្លឹះសុខភាព ទឹកនោមផ្អែម
ចែករំលែក
  • May 06, 2018 |
  • 6 ឆ្នាំមុន |
  • 11.4K មើល

ជំងឺបូសអន្ទង់

តើការឈឺចាប់ និងមានខ្ទុះតាមបាតជាសញ្ញាបញ្ជាក់ថាអាចកើតជំងឺបូសអន្ទង់ដែរឬទេ? ទៅតាមបទពិសោធន៍កន្លងមក អ្នកជំងឺតែងតែធ្វេសប្រហែសនឹងបញ្ហាមួយនេះ​ ដែលបណ្តាលឲ្យជំងឺនេះទៅជារ៉ាំរ៉ៃ និងលាប់ម្តងហើយម្តងទៀត។ ១).អ្វីទៅជាជំងឺបូសអន្ទង់?  ជំងឺបូសអន្ទង់ ជាបញ្ហាមួយនៅក្នុងចំណោមជំងឺរន្ធបាតផ្សេងៗទៀត​ ដែលជំងឺនេះលេចចេញជារោគសញ្ញាមួយចំនួនដូចជា ៖ - ដុំបូសមួយនៅជិតរន្ធបាតដែលអាចមានខ្ទុះហូរចេញពីកន្លែងនោះ - ការឈឺចាប់​ និងរមាស់នៅរន្ធបាតផងដែរ វានឹង​បាត់ទៅវិញនៅពេលដែលបូសនោះបែកហើយហូរខ្ទុះអស់​ ប៉ុន្តែវានឹងកើតមានឡើងវិញនៅពេលបូសនោះជិតមុខមកវិញ។  ២).​បូសអន្ទង់បណ្តាលមកពីកត្តាអ្វីខ្លះ?  ទៅតាមការសិក្សាគេបានឲ្យនិយមន័យបូសអន្ទង់ថាជា «ការរលាកនៅផ្នែកខាងក្នុងនៃរន្ធបាតដែលវាបានបង្កើតជាផ្លូវសុីឆ្លងកាត់សាច់ដុំខ្ជឹបរបស់រន្ធបាតចេញមកខាងក្រៅ។» តាមរយៈរន្ធនេះ វាបានហូរនាំខ្ទុះមកជាមួយ​​ និងបង្កើតជាដុំមួយដែលមាន លក្ខណៈជាបូសនៅផ្នែកខាងក្រៅនៃបាត។  មានកត្តាកម្រមួយចំនួនផ្សេងទៀតដូចជា ៖ - ការប៉ះទង្គិចរបួសពេលសម្រាលកូន - ការបាញ់កាំរស្មីអុិចនៅម្តុំបាត​ - ជំងឺរលាកពោះវៀនរ៉ាំរ៉ៃ Cronh disease។ ៣).​ ការព្យាបាលជំងឺបូសអន្ទង់ មធ្យោបាយល្អបំផុត(Gold standard)សម្រាប់ធ្វើការព្យាបាល បូសអន្ទង់គឺ ការវះកាត់យកផ្លូវដែលរលាកមានខ្ទុះនោះចេញ ដែលជាវិធីសាស្ត្រមួយមានប្រសិទ្ធភាពខ្ពស់ និងមិនមានផលវិបាកអ្វីដល់អ្នកជំងឺឡើយ។ ការវះកាត់មានរយៈពេលខ្លី និងមានការសម្រាកតែ១ថ្ងៃប៉ុណ្ណោះ។ បើបងប្អូនមានចម្ងល់ សូមទំនាក់ទំនងមកកាន់ គ្លីនិក អេគីប២ តាមរយៈទូរស័ព្ទលេខ ០៧០ ៥៥ ៣៣ ១៨ ឬ ០៧៨ ៥៥ ៣៣ ១៨ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ជំងឺផ្សេងៗ ក្រពះ​ ពោះវៀន​ ថ្លើម ឫសដូងបាត
ចែករំលែក
  • May 06, 2018 |
  • 6 ឆ្នាំមុន |
  • 3.4K មើល

ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី

ព្រឹកថ្ងៃអាទិត្យ ទី ០៦ ខែ ឧសភា ឆ្នាំ ២០១៨ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧៩នាក់ បន្តចុះពិនិត្យព្យាបាលជំងឺដោយឥតគិតថ្លៃ ជូនប្រជាពលរដ្ឋ នៅស្រុក បរសេដ្ឋ ខេត្ត កំពង់ស្ពឺ (កំពង់ស្ពឺ)៖ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧៩នាក់ នៅព្រឹកថ្ងៃទី០៦ ខែ ឧសភា ឆ្នាំ២០១៨នេះ បានចុះពិនិត្យ ព្យាបាលជំងឺ និងចែកជូនអំណោយថ្នាំពេទ្យ ដល់ប្រជាពលរដ្ឋចំនួន២,៨៨៩នាក់ នៅវត្តបុប្ផាវត្តី ភូមិ ស្រែរលួស ឃុំ ផុង ស្រុក បរសេដ្ឋ ខេត្ត កំពង់ស្ពឺ ដោយឥតគិតថ្លៃ ព្រមទាំងចែកនំបុ័ង និងទឹកសុទ្ធផងដែរ។   ការចុះពិនិត្យ និងព្យាបាលជំងឺជូនប្រជាពលរដ្ឋ របស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដឹកនាំដោយ ឯកឧត្តម លេង ផាលី ប្រធានក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី មានការចូលរួមសហការ លោក ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ លោក ហ៊ូ តាំងអេង រដ្ឋលេខាធិការក្រសួងផែនការ លោក សួន សុខឃីម អនុរដ្ឋលេខាធិការក្រសួងផែនការ លោកស្រី ហង់ លីណា ប្រតិភូរាជរដ្ឋាភិបាល ទទួលបន្ទុកអគ្គនាយក វិទ្យាស្ថានជាតិស្ថិតិ លោកស្រី ដាំ ដារីនី រដ្ឋលេខាធិការក្រសួងការពារជាតិ លោក ស៊ុំ សំណាង អគ្គនាយក អគ្គនាយកដ្ឋានភស្តុភា និងហិរញ្ញវត្ថុ នៃក្រសួងការពារជាតិ លោក ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ លោក យឹម យ៉ាន់ អនុរដ្ឋលេខាធិការក្រសួងសុខាភិបាល លោក​ អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ លោក​ ង៉ាក់ ប៊ុនធី អភិបាលស្រុកបរសេដ្ឋ លោកសាស្ត្រាចារ្យ នាង បូ ប្រធានសាខាសកម្មជន ក្រុមការងារយុវជនគណបក្សរាជធានីភ្នំពេញ Mr. Peang Phrearoth ប្រធានក្រុមហ៊ុនទឹកសុទ្ធអូរសិលា និងស.យ.យ.ក​ ស្រុកឱរ៉ាល់ ខេត្តកំពង់ស្ពឺ យុវជនកាកបាទក្រហមកម្ពុជា យុវជនកាយរិទ្ធកម្ពុជា និងក្រុមការងារ។   ការពិនិត្យ និងព្យាបាលជំងឺ ដោយឥតគិតថ្លៃ ជូនប្រជាពលរដ្ឋនោះរួមមាន៖ ជំងឺទូទៅ មានវះកាត់ខ្នាតតូច ជំងឺផ្លូវចិត្ត ជំងឺទូទៅផ្នែកកុមារ ជំងឺរោគស្ត្រី ជំងឺឬសដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ ជំងឺសើស្បែក ជំងឺព្រូន ជំងឺស្លេកស្លាំង ជំងឺសន្លាក់ឆ្អឹង ជំងឺរលាកថ្លើម ជំងឺកាមរោគ ជំងឺគ្រុនចាញ់ ជំងឺគ្រុនឈាម ជំងឺភ្នែក សុខភាពមាត់ធ្មេញ ជំងឺទឹកនោមផ្អែម ជំងឺបេះដូង លើសឈាម ជំងឺត្រចៀក ច្រមុះ បំពង់ករ ជំងឺតម្រងនោម អេកូសាស្ត្រ...។ល។   ការចុះពិនិត្យ និងព្យាបាលជំងឺជូនប្រជាពលរដ្ឋនេះ គឺជាស្មារតីមនុស្សធម៌សុទ្ធសាធ ដែលស្តែងចេញពីសេចក្តីស្រឡាញ់​បងប្អូន ប្រជាពលរដ្ឋ ក្នុងនាមជាឈាមជ័រ ខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ ពោលគឺការ​ព្យា​បាលមិនប្រកាន់បក្សពួក សាសនា ឬនិន្នាការនយោបាយណាមួយឡើយ សំដៅចូលរួមកាត់បន្ថយភាពក្រីក្រ របស់ប្រជា​ពលរដ្ឋ​មួយចំណែក។ បញ្ហាសុខភាព គឺជាមូលដ្ឋានគ្រឹះដើម្បីឆ្ពោះទៅរក ភាពជោគជ័យសុភមង្គល ជូនគ្រួសារ និងសង្គម​ជាតិ។ សូមជម្រាបជូនថា ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានចុះពិនិត្យ និងព្យាបាលជូនប្រជាពលរដ្ឋរួមនឹងការចែកជូនថ្នាំដោយឥតគិតថ្លៃ បានចំនួន១៦រាជធានីខេត្តហើយ ដោយក្នុងនោះរួមមានខេត្តដូចជា៖ កំពង់ស្ពឺ, កំពង់ធំ, កំពង់ចាម, ព្រៃវែង, តាកែវ, កំពង់ឆ្នាំង, សៀមរាប, បាត់ដំបង, កណ្តាល, ព្រះវិហារ, កំពត, កោះកុង, ព្រះសីហនុ, បន្ទាយមានជ័យ, ស្វាយរៀង និងរាជធានីភ្នំពេញ។ សូមបញ្ជាក់ថារយៈពេល៦៥ខែ (២០១២-២០១៨) នេះជាឆ្នាំទី៦ហើយ ដែលក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២,៤៤៥នាក់ ចុះពិនិត្យនិងព្យាល​បាលជូនប្រជាពលរដ្ឋដោយឥតគិតថ្លៃចំនួន១៤០លើក ក្នុងនោះព្យាលបាលជូន​ប្រជាពលរដ្ឋបានចំនួន២៨៩០៥៤នាក់ (ម្ភៃប្រាំបីម៉ឺន ប្រាំបួនពាន់ សូន្យរយ ហាសិបបួននាក់)៕

អាជីព និងការសិក្សា ព្រឹត្តិការណ៍ និងព័ត៌មាន
ចែករំលែក
  • May 05, 2018 |
  • 6 ឆ្នាំមុន |
  • 3.5K មើល

ថែរក្សាសុខភាពមាត់ធ្មេញកូនអ្នក ទៅតាមក្រុមអាយុ

នៅពេលដែលធ្មេញរបស់កុមារចាប់ផ្ដើមដុះមកដំបូង អ្នកគួរតែចាប់ផ្ដើមជ្រើសរើសច្រាសដុសធ្មេញមួយសម្រាប់ពួកគេ។ អ្នកគួរជ្រើសរើសច្រាសដុសធ្មេញ ដែលមានជក់ទន់ ក្បាលតូច ដងកាន់មានទំហំធំ៖  អាយុ 0-2ឆ្នាំ  ជូតអញ្ចាញធ្មេញជាមួយនឹងក្រណាត់ស្អាតមួយ បន្ទាប់ពីបញ្ចុកចំណីអាហារហើយ ដើម្បីសម្អាតចោលនូវបាក់តេរីដែលអាចបង្កឲ្យពុកធ្មេញ។ ដុសធ្មេញពីរដងក្នុងមួយថ្ងៃ ជាមួយនឹងទឹក និងច្រាសដុសធ្មេញដែលទន់ ហើយក៏គួរតែនាំគេទៅពិនិត្យ មុនថ្ងៃខួបកំណើតទីមួយរបស់គេផងដែរ។ អាយុ 3-5 ឆ្នាំ ចាប់ផ្ដើមប្រើថ្នាំដុសធ្មេញដែលមានជាតិហ្វ្ល័រអឺរ៉ាយ(Fluoride) ពេលគេមានអាយុ៣ឆ្នាំប្រើប្រាស់ថ្នាំដុសធ្មេញក្នុងបរិមាណតិច (ប្រហែលទំហំគ្រាប់សណ្ដែក) ដោយត្រូវប្រាកដថាពួកគេនឹងខាកវាចេញមកវិញ ក្រោយពីធ្វើការដុសហើយ ។ សាកល្បងឲ្យគេបៀមដៃ និងបៀមក្បាលដោះ ពេលគេឈានចូលដល់អាយុ៤ឆ្នាំ ព្រមទាំងនាំគេទៅពិនិត្យរៀងរាល់៦ខែម្ដង។ អាយុ 6-9 ឆ្នាំ ចាប់ផ្ដើមរូសធ្មេញ ពេលណាដែលធ្មេញចាស់ផ្ដើមដុះជិតគ្នា វាជារឿងធម្មតាដែលថាធ្មេញអាចនឹងបាក់នៅក្នុងវ័យក្មេងនេះ មុនពេលដែលបុត្ររបស់អ្នកអាចធ្វើការអនុវត្តអនាម័យមាត់ធ្មេញដោយខ្លួនឯង ឳពុកម្ដាយគួរជួយពួកគេក្នុងការដុស និងរូសធ្មេញឲ្យបានយ៉ាងតិចពីរដងក្នុងមួយថ្ងៃ ត្រូវត្រួតពិនិត្យ និងប្រុងប្រយ័ត្នខ្ពស់ ចំពោះសភាពរបស់ធ្មេញក្រោយ ដែលអាចនឹងជាប់កាកសំណល់ផ្សេងៗ។ អាយុ 10-13 ឆ្នាំ ព្យាយាមរំលឹកកូនរបស់លោកអ្នកឲ្យថែរក្សាសុខភាពមាត់ធ្មេញឲ្យបានខ្ជាប់ខ្ជួន និងរំលឹកពួកគេពីភាពស្រស់ស្អាត  និងស្រស់ស្រាយដែលនិឹងកើតមាន កាលណាមាត់ធ្មេញរបស់គេមានសុខភាពល្អ និងក្លិនក្រអូបប្រហើរ។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

គន្លឹះសុខភាព សុខភាព​​ មាត់-ធ្មេញ
ចែករំលែក
  • May 05, 2018 |
  • 6 ឆ្នាំមុន |
  • 4.6K មើល

អ្នកបញ្ចប់ការសិក្សា និងមានសញ្ញាបត្រវេជ្ជបណ្ឌិតពីវៀមណាម ត្រូវបានទទួលស្គាល់ដោយក្រសួងហើយ!!!

យោងតាមសេចក្តីប្រកាសជូនដំណឹងរបស់រដ្ឋមន្ត្រីក្រសួងសុខាភិបាលស្តីពី«ការទទួលស្គាល់សញ្ញាបត្រវេជ្ជបណ្ឌិតមកពីសាធារណរដ្ឋសង្គមនិយមវៀមណាម»បានឲ្យដឹងថា ក្រសួងសុខាភិបាលបានសម្រេចធ្វើការទទួលស្គាល់នូវសញ្ញាបត្រវេជ្ជបណ្ឌិតដែលត្រឹមត្រូវចេញដោយគ្រឹះស្ថានបណ្តុះបណ្តាលក្នុងវិស័យសុខាភិបាលស្របច្បាប់ពីសាធារណរដ្ឋសង្គមនិយមវៀមណាមវិញ ក្រោយពីបានធ្វើការពិនិត្យ និងពិភាក្សាឡើងវិញ ដោយមានការឯកភាពពីប្រមុខរាជរដ្ឋាភិបាលកម្ពុជា។ ហេតុនេះហើយ សូមលោក-លោកស្រី ដែលបានបញ្ចប់ការសិក្សាដោយជោគជ័យ និងមានសញ្ញាបត្រវេជ្ជបណ្ឌិត មកពីសាធារណរដ្ឋនិយមវៀមណាម ទទួលជ្រាបជាដំណឹង។ ជាមួយនឹងដំណឹងមួយនេះ យើងសង្កេតឃើញមានប្រតិកម្មតបវិជ្ជមាន និងអវិជ្ជមានផ្ទុះឡើងស្របពេលជាមួយគ្នា ហើយក៏បានក្លាយជាប្រធានបទមួយនៃការពិភាក្សាដ៏ក្តៅគគុកមួយជាពិសេសរវាងនិស្សិតនៅក្នុងវិស័យនេះផ្ទាល់នៅលើបណ្តាញសង្គមហ្វេសប៊ុក…ចុះសម្រាប់អ្នកវិញ តើអ្នកមានការយល់ឃើញយ៉ាងណាដែរ? ប្រភព ៖ ទំព័រហ្វេសប៊ុក ក្រសួងសុខាភិបាលនៃព្រះរាជាណាចក្រកម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

អាជីព និងការសិក្សា ព្រឹត្តិការណ៍ និងព័ត៌មាន
ចែករំលែក
  • May 04, 2018 |
  • 6 ឆ្នាំមុន |
  • 2.9K មើល

គម្រោងអុីនធឺណែត

ម៉ោង ៧ ព្រឹក។ ពន្លឺព្រះអាទិត្យចែងចាំងចូលតាមបង្អួចបន្ទប់របស់អ្នក។ នៅជិតខ្លួនអ្នកវិញក៏មានពន្លឺទូរសព្ទរបស់អ្នកចែងចាំងព្រិចៗ ប្រណាំងគ្នាជាមួយព្រះអាទិត្យដែរ។ ហេតុអីបានជាវាចាំង? ដោយសារអ្នកកំពុងអូសមើលហ្វេសប៊ុក និងអុីនស្តាក្រាមនោះឯង។ គ្រាន់តែឆែកមើលមានគេផ្ញើរសារមកឬអត់ហ្នឹងណា! អីលូវម៉ោង ៨ ព្រឹក។ អ្នកស្លៀកពាក់ស្អាតបាត កំពុងឈប់ឆ្ងក់នៅកណ្តាលផ្លូវ មិនដឹងថាកន្លែងដែលអ្នកណាត់ញ៉ាំអីពេលព្រឹកជាមួយមិត្តភក្តិអ្នកនៅឯណាទេ។ តែមិនអីទេគ្រាន់តែចុចចូល ផែនទីហ្គូហ្គល (Google Maps) បន្តិចទៅដឹងហើយ។ កាច់ទៅឆ្វេង ទៅស្តាំ ត្រង់បន្តិច ហើយដល់ហើយ! ម៉ោង ៣ រសៀលហើយ។ អ្នកកំពុងកប់ខ្លួនធ្វើកិច្ចការសាលា។ តាមពិតអ្នកនៅអង្គុយស្រាវជ្រាវហ្នឹង អស់ជាង ៣ ម៉ោងមកហើយ មិនដែលហ៊ានដកខ្លួនពីកញ្ចក់កុំព្យូទ័រឡើយ។ គ្រាន់តែអើតមើលទៅឃើញថា អ្នកមានថាប ១៥ ហើយកំពុងបើកកម្មវិធីជាង ៥ ទៀតនៅក្នុងកុំព្យូទ័រដ៏តូចរបស់អ្នក។ អីលូវពេលយប់រាត្រីហើយ តែអ្នកមិនទាន់ចូលដេកទេ កំពុងតែនិយាយស្កែប (Skype) ជាមួយអតិថិជនម្នាក់។ ទោះស្តាប់គ្នាមិនសូវច្បាស់ ហើយពេលខ្លះសេវ៉ាដាច់ៗក៏ដោយ ក៏អ្នកនៅអាចយល់គ្នាបាន។ អ្នកសង្ឃឹមក្នុងចិត្តថាគេនឹងយល់ព្រមឲ្យគម្រោងនេះមកអ្នក។ នេះហើយជាសកម្មភាពប្រចាំថ្ងៃទូទៅរបស់អ្នកក្នុងក្រុងខ្មែរធម្មតាមួយរូប។ ទោះបីជាអ្នកមិនដែលបានស្កែបជាមួយអតិថិជន ឬ ចំណាយពេលអស់ទៅ ៣ ម៉ោងដើម្បីស្រាវជ្រាវកិច្ចការសាលាក៏ដោយ (មិនបាច់កុហកគេទេ គេក៏ដូចយើង យើងក៏ដូចគេ គ្មាននរណាគេធ្វើកិច្ចការសាលាម្តងៗ អស់ពេលដល់ទៅ ៣ ម៉ោងនោះទេ) ក៏ខ្ញុំជឿថា អុីនធឺណែតបានលបៗ វារលូនចូលក្នុងជីវិតរបស់អ្នក មិនដឹងតាំងពីអង្កាល់ ហើយអីលូវនេះបើរស់នៅគ្មានវា ហាក់ដូចជាមិនសូវសមនោះទេ។ តែបើយើងរាវមុជចូលទៅក្នុងស្រទាប់ខួរក្បាលរបស់យើង ទៅប៉ះការចងចាំខ្លះៗដែលយើងមិនសូវបានរំលឹកជាយូរណាស់មកហើយ។ ចាំទេ ពេលដែលយើងដាក់នាឡិការោទិ៍មែនទែន ដើម្បីដាស់យើងឲ្យទៅសាលាទាន់ពេល។ អាផ្លូវទៅសាលាហ្នឹង មិនបាច់មានហ្គូហ្គលទេ យើងចាំច្បាស់ណាស់ ដល់ថ្នាក់អ្នកខ្លះរាប់ជំហានទៅសាលាចាំទៀតផង។ ហើយពេលនោះ ដើម្បីស្រាវជ្រាវរកអ្វីមួយ លុះត្រាតែយើងទៅអានសៀវភៅក្នុងបណ្ណាល័យ។ គ្មានសារ គ្មានហ្វេសប៊ុកអីទេ។ បើចង់និយាយគ្នា ទាល់តែស្កាត់ជួបគ្នា ឬហ៊ានទូរសព្ទរកគ្នាប៉ុន្មាននាទី ព្រោះវាថ្លៃគ្រាន់បើដែរ។ បើចង់សប្បាយ គឺពេលខ្លះអង្គុយច្រៀងពីសៀវភៅទំនុកចម្រៀងតូចៗ (មិនបាច់ខ្មាសអៀនទេព្រោះថា ជំនាន់នោះ នរណាក៏មានសៀវភៅហ្នឹងដែរ។) ហើយពេលល្ងាចៗ គ្មានអ្វីធ្វើក្រៅពីអង្គុយស្តាប់រឿងចាស់ៗនិយាយពីជីវិតពួកគាត់នោះទេ។ តើពេលនោះល្អជាង ពេលអីលូវឬ? ប្រហែលជាអត់ទេ។ តែក្មេងៗអាយុម្ភៃជាងម្នាក់ណា ក៏ធ្លាប់នឹកគិតដល់ពេលខ្លួននៅតូច ហើយតែងមានអារម្មណ៍ថា ពេលនោះខ្លួនស្រាលជាងនេះ ជីវិតដូចមិនសូវបង្ខំ មិនសូវស្ត្រេសដូចអីលូវនោះទេ។ ដោយសារហេតុនេះហើយ ទើបយើងគួរយកពេលគិតបន្តិចថាតើហេតុអី? ហេតុអីបានជាជីវិតយើងអីលូវចាក់ស្រែះជាងមុនម៉្លេះ? ការផ្លាស់ប្តូរដ៏ធំបំផុតនោះ គឺ សម្លាញ់អុីនធឺណែតយើងនេះឯង។ ដោយសារតែការគិត និងស្រាវជ្រាវនេះហើយ ទើបនាំឲ្យយើងបង្កើត គម្រោងអុីនធឺណែតនេះឡើង! កុំច្រឡំថា នេះជាគម្រោង ១២ ដុល្លារក្នុងមួយខែដូចគេឯងឲ្យសោះ។ គម្រោងអុីនធឺណែតក្នុងវ៉ិបសាយវប្បធម៌យើងនេះ ជាអត្ថបទមួយក្រុម ដែលចង់វែកញែករកមើលអត្ថប្រយោជន៍ និងគុណវិបត្តិរបស់អុិនធឺណែតមកលើជីវិតយើង។ យើងបានជ្រើសរើសប៉ុន្មានចំនុចដែលមានសារៈសំខាន់ និងមានឥទ្ធិពលមកលើមនុស្សជាងគេដូចជា៖ -ការចងចាំ  -ការងារស៊ីជម្រៅ -បណ្តាញសង្គម -សមត្ថភាពក្នុងការយកចិត្តទុកដាក់ -ភាពងាយសូននៃខួរក្បាល (brain plasticity) នៅក្នុងអត្ថបទនីមួយៗ យើងនឹងវែកញែកពីឥទ្ធពលល្អ និងអាក្រក់របស់អុីនធឺណែតលើប្រធានបទនោះ។ មិនត្រឹមតែប៉ុណ្ណោះ យើងនឹងបញ្ចប់ដោយការសម្រចចិត្តថ្លឹងថ្លែងថាតើវាល្អឬអត់ ហើយនឹងធីបផ្សេងៗដើម្បីបង្ការឥទ្ធពលអាក្រក់របស់វា! សង្ឃឹមថា ពេលអ្នកបានអានក្រុមអត្ថបទនេះចប់ អ្នកនឹងយល់ពីមិត្តភក្តិថ្មីយើង (អុីនធឺណែតហ្នឹងឯង) បានកាន់តែជ្រៅជាងមុន ហើយអាចប្រើប្រាស់វា ដើម្បីឲ្យជីវិតអ្នកសប្បាយ និងមានន័យជាងមុនផងដែរ។ អត្ថបទជាភាសាអង់គ្លេស ៖ The Internet Package! អត្ថបទដោយ ៖  Sokcheng Seang -------------------------- វប្បធម៌វ៉ិបសាយ គឺជាវ៉ិបសាយទ្វេភាសានិយាយពីចំណេះដឹងដែលធ្វើឲ្យជីវិតយើងមានន័យជាងមុន! បើចង់អាន មើល និងស្តាប់បន្ថែម សូមចូលទៅកាន់៖ www.wapatoa.com Wapatoa is a bilingual website aims at providing content that makes life more meaningful! If you want to read, watch and listen more, go to wapatoa.com Facebook : វប្បធម៌ - Wapatoa

អាជីព និងការសិក្សា
ចែករំលែក
Top