Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Jun 02, 2017 |
  • 7 ឆ្នាំមុន |
  • 3.6K មើល

ការគ្រប់គ្រងអាការៈរលាកសន្លាក់ឆ្អឹងដោយសារការសឹករេចរឹល ឬអន់ថយនៃឆ្អឹង

ជំងឺរលាកសន្លាក់ឆ្អឹងគឺជា ប្រភេទជំងឺរលាកសន្លាក់ចម្បងនៃជំងឺរលាកសន្លាក់រ៉ាំរ៉ៃ។ នៅពេលដែលឆ្អឹងខ្ចី (ស្រទាប់ឆ្អឹងរលោងដែលស្រោបពីលើឆ្អឹង) បានដាច់រហែក ឬសឹក ឆ្អឹង និងឆ្អឹងត្រូវកកិតគ្នា ដែលជាហេតុធ្វើឲ្យហើម តឹងណែន និងឈឺចាប់នៅតំបន់នោះ។ រយៈពេលយូរទៅ សន្លាក់នឹងបាត់បង់ ភាពរឹងមាំ ហើយការឈឺចាប់នឹងក្លាយទៅជារ៉ាំរ៉ៃរាប់ខែរាប់ឆ្នាំ ដែលនឹងធ្វើឲ្យអ្នកកាន់តែគ្រោះថ្នាក់ ប្រសិនបើអ្នកធាត់លើសទម្ងន់ ប្រវត្តិគ្រួសារមានកើត ជំងឺនេះ អាយុចាស់ ឬធ្លាប់មានគ្រោះថ្នាក់នៅតំបន់សន្លាក់នោះ។   ប្រសិនបើរោគសញ្ញានៃជំងឺរលាកសន្លាក់ឆ្អឹងរបស់អ្នក ស្ថិតក្នុងកម្រិតមួយស្រាល ឬមធ្យម អ្នកអាចគ្រប់គ្រង ឬព្យាបាលវាបាន តាមរយៈ ៖ - សម្រាក និងមានតុល្យភាពចំពោះសកម្មភាពរបស់អ្នក - ប្រើប្រាស់ទឹកក្តៅ ឬទឹកត្រជាក់ ដើម្បីស្អំនៅតំបន់ដែលមានបញ្ហា - ហាត់ប្រាណតិចៗ តាមការណែនាំពីអ្នកជំនាញជាប្រចាំ - រក្សាទម្ងន់ឲ្យបានល្អ (បើលើស ត្រូវព្យាយាមសម្រកមកធម្មតាវិញ) - ហាត់បន្តឹង ឬធ្វើឲ្យសាច់ដុំនៅជុំវិញសន្លាក់រឹងមាំឡើង ដើម្បីជួយទ្រទ្រង់សន្លាក់បន្ថែម - ប្រើប្រាស់ឧបករណ៍ជំនួយ តាមវេជ្ជបញ្ជាគ្រូពេទ្យ - ប្រើប្រាស់ថ្នាំ ដើម្បីបំបាត់ការឈឺចាប់ និងបំបាត់ការលាក ឬហើមតាមវេជ្ជបញ្ជា - ចៀសវាងធ្វើចលនាខ្លាំងពេក។ ប្រសិនបើរោគសញ្ញារបស់អ្នកធ្ងន់ធ្ងរ ដែលបណ្តាលឲ្យអ្នកពិបាក ឬមិនអាចធ្វើចលនាបាន គន្លឹះណែនាំខាងលើនេះ នៅតែអាចជួយអ្នកបាន ប៉ុន្តែ ការប្រឹក្សាយោបល់ និងការព្យាបាលដោយវេជ្ជបណ្ឌិតជំនាញ គឺជារឿងចាំបាច់បំផុត។ គួរបញ្ជាក់ផងដែរថា ជំងឺរលាកសន្លាក់ឆ្អឹងរ៉ាំរ៉ៃបែបនេះ អាចការពារបានដោយការធ្វើឲ្យរាងកាយសកម្ម ថែរក្សាទម្ងន់ឲ្យបានល្អ និងចៀសវាងការរងរបួស និងការធ្វើចលនាដដែលៗញឹកញាប់ខ្លាំងពេក៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

គន្លឹះសុខភាព ឆ្អឹង​ និងសន្លាក់
ចែករំលែក
  • Jun 02, 2017 |
  • 7 ឆ្នាំមុន |
  • 4.7K មើល

ដំណោះស្រាយបញ្ហាដែលជួបប្រទះញឹកញាប់នៅនឹងពោះ

បញ្ហារំលាយអាហារបានបង្កជាអាការៈមិនប្រក្រតីនៅនឹងពោះដែលកើតឡើងជាញឹកញាប់ចំពោះមនុស្សជាច្រើន និងផ្តល់ការរំខានទាំងស្រាល និងធ្ងន់ធ្ងរ។ មានការលើកឡើងមួយបង្ហាញថាបញ្ហាទាំងនេះងាយនឹងកើតចំពោះស្ត្រីច្រើនជាងបុរសដោយសារតែពួកគេងាយនឹងមានប្រតិកម្មចំពោះចំណីអាហារជាងបុរស ដោយសារដំណើរឡើងចុះរបស់អ័រម៉ូននៅក្នុងខ្លួនមនុស្សស្រី។  យ៉ាងណាមិញ លោក Ron Palmon ដែលជាសាស្រ្តាចារ្យផ្នែកវេជ្ជសាស្ត្រ និងជំងឺក្រពះពោះវៀននៅ Mount Sinai Medical Center ឯទីក្រុងញូវយ៉ក មានប្រសាសន៍ថា «វាជាដំណឹងល្អមួយដោយហេតុថាក្រពះជាបញ្ហាមួយទូទៅដែលអាចនឹងកើតមានចំពោះមនុស្សគ្រប់តំបន់ ហេតុនេះហើយព័ត៌មាន ទាក់ទិននឹងបញ្ហានេះក៏មានច្រើនផងដែរ» ។ ដើម្បីជួយដល់សាធារណជនដែលជួបប្រទះនឹងបញ្ហាទាំងនោះ ហេលស៍ថាមសូមនាំមកជូនលោកអ្នកនូវវិធី បង្ការនិងវិធីព្យាបាលដែលសុទ្ធតែបានឆ្លងកាត់ការសាកល្បង និងទទួលស្គាល់ថាមានប្រសិទ្ធភាពដែលលោកអ្នកអាចនឹងអនុវត្តបានដូចខាងក្រោម។ បញ្ហាទល់លាមក វិធីបង្ការ៖  អ្នកគួរទទួលទានអាហារដែលមានជាតិសរសៃ និងម៉ាញេស្យូម ព្រោះវាបង្កើននូវបរិមាណអាហារនៅក្នុងពោះវៀនដែលអាចឲ្យលាមកចេញមក យ៉ាងងាយស្រួល។ លោកវេជ្ជបណ្ឌិត Gerard E. Mulllin នៃសាកលវិទ្យាល័យសុខាភិបាល Johns Hopkins បានលើកឡើងថា «ម៉ាញេស្យូមជា ឱសថធម្មជាតិជួយបន្ធូរសាច់ដុំដែលសម្រួលដល់ការធ្វើចលនា និងការស្រូបយកជាតិទឹកហើយក៏ជួយឲ្យលាមកមានជាតិទឹក»។ ប្រភពនៃសារធាតុ ទាំងនេះមាននៅក្នុង ស្ពីណាច់ (ផ្ទី) ពពួកល្ពៅ ផ្កាស្ពៃបៃតង ពពួកជី និងគ្រាប់អាល់ម៉ុនជាដើម។លោកក៏បានណែនាំឲ្យទទួលទានអាហារបំប៉នផងដែរ ជាពិសេសមុននឹងធ្វើដំណើរតាមរថយន្ត ឬយន្តហោះជាដើម។ ការធ្វើដំណើរអាចបង្កឲ្យមានបញ្ហាទល់លាមកដោយសារតែអ្នកទទួលទានទឹក និងធ្វើ ចលនាចុះឡើងតិចជាងប្រក្រតី។ បន្ថែមពីលើនេះផងដែរ ការប៉ះទៅនឹងទម្រង់ជាច្រើននៃបាក់តេរីនៅក្នុងទឹក និងអាហារ ក៏ធ្វើឲ្យបញ្ហានេះកាន់តែ ធ្ងន់ធ្ងរផងដែរ។   វិធីព្យាបាល៖ អ្នកអាចប្រើថ្នាំបញ្ចុះតែក្នុងករណីចាំបាច់ប៉ុណ្ណោះ (ករណីដែលអ្នកទល់លាមករយៈពេល៣ថ្ងៃ ឬលើសពីនេះ)។ លោក Palmon ក៏បានថ្លែងទាក់ទិននឹង បញ្ហានេះផងដែរថា «ដោយសារតែវាប៉ះទង្គិចដល់ចង្វាក់នៅក្នុងសារពាង្គកាយ ដូច្នេះហើយអ្នកគួរប្រើប្រាស់វាតែម្តងបានហើយមិនអញ្ចឹងទេ លោកអ្នក នឹងត្រូវប្រឈមនឹងបញ្ហានេះជាអចិន្ត្រៃយ៍មិនខាន»។ លោកក៏បានណែនាំឲ្យប្រើប្រាស់ថ្នាំបញ្ចុះដូចជា MiraLAX ដែលមានកម្រិតស្រាល និងមិនមាន រសជាតិ។ វានឹងសម្រួលដល់ពោះវៀន និងធ្វើឲ្យសារធាតុផ្សេងៗហូរបានយ៉ាងស្រួល។ អ្នកក៏អាចប្រើប្រាស់ Mineral Oil ឬ Flaxseed oil (សម្បូរដោយ ជាតិសរសៃ) ដែលជាឱសថធម្មជាតិដ៏សក្តិសិទ្ធិដែលជួយសម្រួលដល់ពោះវៀន។ ទទួលទាន ១ ទៅ ២ ស្លាបព្រាបាយមុនពេលចូលគេងពេលក្រពះទទេ ដើម្បីចៀសវាងការប៉ះពាល់ជាមួយនឹងអាហារ ឬឱសថផ្សេងទៀត។ បន្ទាប់ពីនោះអ្នក គួរទទួលទានទឹក ឬទឹកផ្លែឈើមួយកែវពីក្រោយ។ ជម្រើសផ្សេងៗ៖ ការទទួលទានទឹកតែ Dandelion (ដែលអាចរកជាវបាននៅហាងលក់ទំនិញសុខភាព) ដើម្បីជួយសម្រួលដល់ដំណើររំលាយអាហារ និងសម្រាលដល់អាការៈទល់លាមក ឬ អ្នកអាចទទួលទានទឹកបន្ទាលកន្ទុយក្រពើ (វាមានរសជាតិផ្សេងៗពីគ្នា)​ ព្រោះវាជួយបន្ថយកម្រិតជាតិអាស៊ីត នៅក្នុងក្រពះ និងជាឱសថធម្មជាតិមួយទៀតដែលជួយបង្កើនល្បឿនមុខងារនៃពោះវៀន។ ការម៉ាស្សាលើក្បាលពោះ (ជាពិសេសពីលើចុះក្រោម) រយៈពេលពី ២ ទៅ ៣នាទីក៏ចូលរួមចំណែកដោះស្រាយបញ្ហានេះផងដែរ។ អ្នកក៏អាចធ្វើការរឹតផ្នែកខាងៗនៃជើងរបស់អ្នក ដែលចលនានេះជួយដល់ចំណុច នៅក្នុងប្រព័ន្ធទឹករងៃដែលពាក់ព័ន្ធទៅនឹងចលនានៃពោះវៀនធំ។ រាគ វិធីបង្ការ ៖ ទទួលទានអាហារដែលមិនមានជាតិស្ករក្នុងបរិមាណតិច។ ស្ករគ្រាប់ ឬផលិតផលដែលមានជាតិផ្អែមជាពិសេស Mannitol និង Sorbitol មានឥទ្ធិពល ជាថ្នាំបញ្ចុះពេលដែលត្រូវបានទទួលទានក្នុងបរិមាណច្រើន។ ចៀសវាងជាតិកាហ្វេអ៊ីន និងកាត់បន្ថយស្រ្តេសក៏មានចំណែកផងដែរ ដោយសារតែវាជួយ​ សម្រួលដល់ពោះវៀននិងដំណើរនៃការរំលាយអាហារ។   វិធីព្យាបាល ៖ ទទួលទានចេក បាយ ផ្លែប៉ោម ដែលគេយកមកស្ងោរ ហើយកិនឲ្យម៉ត់ដូចបបរ និងនំប៉័ងអាំងដែលសុទ្ធតែជាប្រភេទអាហារដែលងាយរំលាយ។ អ្នក ក៏អាចប្រើប្រាស់ឱសថដែលអាចទិញបានដោយមិនត្រូវការវេជ្ជបញ្ជា ដូចជា lmodium (lopearamide) ដែលបន្ថយល្បឿនកន្រ្តាក់នៃពោះវៀន ឬ Pepto-Bismol ដែលគ្របដណ្តប់ក្រពះ និងការពារវាពីប្រការរំខានផ្សេងៗ។ ជម្រើសផ្សេង ៖ សាកល្បងប្រើប្រាស់អាហារបំប៉ន Melatonin ដែលជាថ្នាំដ៏មានប្រសិទ្ធភាពក្នុងការជួយឲ្យគេងលក់ ហើយវាក៏ជួយសម្រួលដល់អាការៈរាគផង ដែរ នេះប្រហែលមកពីវាធ្វើឲ្យក្រពះស្ងប់ ហើយរៀបចំប្រព័ន្ធនៅក្នុងរាងកាយត្រៀមរួចរាល់សម្រាប់ទទួលទានដំណេក។ ទឹកតែ ឬស្រាក្រហមក្នុង បរិមាណ ១ ទៅ ២ កែវក៏អាចជួយផងដែរ ដោយសារតែជាតិ Tannins និង​ flavonoids ដែលមាននៅក្នុងភេសជ្ជៈទាំងពីរមុខនេះជួយបន្ថយល្បឿនប្រតិកម្ម នៃពោះវៀន និងតតាំងប្រឆាំងនឹងពពួកមីក្រុបដែលបង្កជាជំងឺរាគផងដែរ។ អ្នកក៏គួរទទួលទានទឹកឲ្យបានច្រើន ប៉ុន្តែអ្នកគួរចៀសវាងភេសជ្ជៈដែលមាន ជាតិផ្អែមដោយសារតែពេលដែលសារពាង្គកាយយើងស្រូបយកជាតិស្ករនោះវានឹងធ្វើឲ្យក្រពះរបស់យើងបញ្ចេញទឹកច្រើនជាងពេលដែលទទួលទានអាហារផ្សេង នេះបើយោងតាមប្រសាសន៍របស់លោក Ashley Koff។ ជម្រើសដែលល្អបំផុត គឺទឹកបរិសុទ្ធ ទឹកដូង ឬទឹកតែ ដែលសុទ្ធតែជាប្រភពនៃ អេឡិចត្រូលីត។ អាការៈរកកលចង់ក្អួត វិធីបង្ការ ៖ ប្រសិនបើអ្នកងាយនឹងធីងធោង ឬពុលដោយសារមធ្យោបាយធ្វើដំណើរនោះ អ្នកអាចទទួលទាន Dramamine ឬ Benadryl មុននឹងធ្វើដំណើរ ដោយសារតែ វាអាចប្រឆាំងនឹងសារធាតុដែលបង្កឲ្យមានប្រតិកម្មក្នុងសារពាង្គកាយ និងធ្វើឲ្យខួរក្បាលរបស់អ្នកផ្លាស់ប្តូរផ្នត់គំនិតទៅលើការផ្លាស់ទី។ អ្នកគួរទទួលទានអាហារដែលត្រជាក់ ព្រោះកម្តៅអាចនឹងធ្វើឲ្យអាហារមានក្លិនឈួល។ រសជាតិអាហារដែលនៅជាប់យូរនឹងធ្វើឲ្យក្រពះរបស់អ្នកពិបាក ក្នុងការទប់ស្កាត់អាការៈនេះ ដូច្នេះហើយអ្នកគួរធ្វើការទទួលទានទឹក ឬសម្អាតមាត់ធ្មេញក្រោយពេលទទួលទានអាហារហើយ។ ការ៉េមដែលធ្វើពីការដាក់ ផ្លែឈើឲ្យកកក៏ជាជម្រើសមួយ ដ៏ល្អផងដែរព្រោះជាតិកាបូអ៊ីដ្រាតងាយនឹងរំលាយហើយសារធាតុរាវដែលត្រជាក់ក៏ធ្វើឲ្យដំណើរធ្លាក់ចុះមកក្រោមរលូន ផងដែរ។   វិធីព្យាបាល៖ ព្យាយាមរកអាហារ និងភេសជ្ជៈសម្រាប់ទទួលទានព្រោះថាក្រពះទទេដែលមិនមានអ្វីសោះសម្រាប់ស្រូបយកទឹកអាស៊ីតបណ្តាលឲ្យអាការៈកាន់តែធ្ងន់ធ្ងរ។ ព្យាយាមទទួលទានអាហារតិចតួចរៀងរាល់ ២ ទៅ ៣ ម៉ោងម្តង ហើយគួរទុកនំកញ្ចប់ ឬចំណីខ្លះនៅក្បែរក្បាលដំណេកក្នុងករណីដែលអ្នកឃ្លានពាក់កណ្តាល ឬពេលព្រឹកព្រលឹម។     ជម្រើសផ្សេងៗ៖ សាកទទួលទានខ្ញី ជីអង្កាម ឬអាហារផ្សេងៗដែលមានជាតិជូរ។ ការស្រាវជ្រាវបានបង្ហាញថា ខ្ញី និងជីអង្កាមមានប្រសិទ្ធភាពជាមួយនឹងអាការៈ រកកលចង់ក្អួត ដោយសារការប្រើថ្នាំគីមី និងការមានផ្ទៃពោះ។ ការចាប់ជីពចរក៏មានចំណែកក្នុងការបញ្ឈប់បញ្ហានេះផងដែរ។ លោកវេជ្ជបណ្ឌិត Mullin ក៏បានលើកឡើងថា «យើងមានភស្តុតាងដែលគួរឲ្យទុកចិត្តបានដែលបញ្ជាក់ថា វាពិតជាមានប្រសិទ្ធភាពមែន។ លោកក៏បានណែនាំអំពីទីតាំង៣សំខាន់ ដែលក្នុងនោះមាន៖ មួយនៅកំភួនដៃ (ប្រហែល ២អ៊ីងពីផ្នត់ដៃមកកាន់ដើមដៃ) មួយទៀតនៅចន្លោះមេដៃ និងដៃចង្អុល (នៅខាងខ្នងដៃ) និងមួយទៀត នៅចន្លោះសរសៃពួរសាច់ដុំនៃម្រាមជើងទីពីរ និងទីបី។ ចំណាយពេលប្រមាណពី ៣ ទៅ ៥នាទីសម្រាប់ទីតាំងនីមួយៗ។ ក្រហាយទ្រូង វិធីបង្ការ ៖  ផ្លាស់ប្តូរទម្លាប់នៃការទទួលទានអាហាររបស់អ្នកប្រសិនបើធ្លាប់ទទួលទានអាហារតែ ៣ពេលហើយច្រើនៗ អ្នកអាចរំលែកវាជា ៥ពេលតូចៗវិញ ដើម្បី ចៀសវាងការដាក់សម្ពាធច្រើនជ្រុលទៅលើក្រពះដែលអាចនឹងរុញច្រានអាស៊ីតឡើងទៅលើបំពង់អាហារ។ ប្រសិនបើអ្នកកើតមានអាការៈបែបនេះ ញឹកញាប់ អ្នកក៏គួរចៀសវាងជីអង្កាម សូកូឡា ជាតិកាហ្វេអ៊ីន និងជាតិអាល់កុល។ ម្យ៉ាងអ្នកក៏គួរចៀសវាងប្រភេទអាហារដែលចម្អិនដោយប្រើកម្តៅខ្លាំង ហើយប្រើប្រាស់ប័រ និងសាច់ច្រើន ព្រោះអាហារប្រភេទទាំងនេះត្រូវការពេលវេលាច្រើនក្នុងការរំលាយហើយក៏អាចបង្កការរំខានដល់ស្រទាប់ខាងក្នុងរបស់ ក្រពះផងដែរ។ គ្រឿងផ្សំដែលមិនបង្កឲ្យមានអាការៈនេះរួមមាន ពពួកជី រមៀត ផ្កាច័ន្ទ ក្រវាញ ជាដើម។ វិធីព្យាបាល ៖ ទទួលទានឱសថប្រភេទ Antacid (ថ្នាំដែលគ្រប់គ្រងជាតិអាស៊ីតនៅក្នុងក្រពះ) សម្រាប់ប្រភេទជាអង្គធាតុរាវ (Mylanta, Maalox) ដែលបំបែក ជាតិអាស៊ីតបានលឿនជាង ប៉ុន្តែប្រភេទដែលអាចទំពារបាន (Tums) មានប្រសិទ្ធភាពបានយូរជាង។ មនុស្សភាគច្រើននិយមប្រើប្រាស់ AlkaSeltzer តែវាមិនមែនជាជម្រើសដ៏ល្អសម្រាប់អ្នកដែលមានដំបៅ ឬដុំមហារីកនិងអ្នកដែលកំពុងប្រើប្រាស់ថ្នាំបំបាត់ការឈឺចាប់ដោយសារតែវាមានផ្ទុកអាស្ពីរីន។ ក្នុងករណីដែលអ្នកកើតមានបញ្ហានេះ ជាញឹកញាប់ ឬធ្ងន់ធ្ងរនោះអ្នកគួរសាកល្បងប្រើថ្នាំដែលបង្ខាំងវត្ថុក្នុងខ្លួនដែលបង្កឲ្យមានប្រតិកម្ម (ដូចជា Pepcid AC) ដែលជួយកាត់បន្ថយទឹកអាស៊ីតក្រពះដោយការបំបាត់សារធាតុដែលផ្តល់សញ្ញាអំពីប្រតិកម្មនោះ។ ជម្រើសផ្សេងៗ ៖ Licorice ជាប្រភេទឱសថដែលពេញនិយមកាលពីសម័យមុនហើយការសិក្សានាពេលថ្មីៗនេះក៏បានបង្ហាញដែរថាវាប្រឆាំងនឹងការរលាកដែលជួយពង្រីក ដល់ប្រព័ន្ធរំលាយអាហារ។ ប្រសិនបើអ្នកសាកល្បងវា អ្នកត្រូវប្រើប្រាស់ថ្នំាំគ្រាប់ DGL។ វាមិនផ្ទុកនូវសារធាតុផ្សំដែលបង្កើនបរិមាណទឹក និងសម្ពាធឈាម ឡើយ។ បន្ថែមពីលើនេះផងដែរទាំង ឬសផ្កាត្របែកព្រៃម្យ៉ាងដែលមានឈ្មោះថា Marshmallow និង elm ក៏ជាឱសថសម្រួលអាការៈនេះផងដែរ ដោយវាគ្របដណ្តប់ និងសម្រួលដល់បំពង់អាហារ។ លើសពីនេះទៅទៀត អ្នកគួរកាត់បន្ថយការពត់ពែនខ្លួន និងរាល់ពេលដែលអ្នកទម្រេតខ្លួនសម្រាក ឬគេង អ្នកត្រូវកល់ខ្នើយប្រហែល ៦អ៊ីង (ប្រហែល១៥​ សង់ទីម៉ែត្រ)។ អ្នកក៏គួរបញ្ឈប់ការទទួលទានអាហារផ្សេងៗ យ៉ាងហោចណាស់ ២ ម៉ោងមុននឹង ចូលគេងដើម្បីឲ្យក្រពះទទេស្អាតពេលដែលអ្នកគេង។ ហើមពោះ វិធីបង្ការ ៖ ដាក់កម្រិតចំពោះការទទួលទានអាហារដែលពិបាកនឹងរំលាយ ដូចជាផលិតផលទឹកដោះគោ ផលិតផលដែលមានជាតិផ្អែមសិប្បនិម្មិត និងបន្លែមួយ ចំនួនដូចជា សណ្តែក ផ្កាស្ពៃបៃតង ខ្ទឹមបារាំង និងស្ពៃក្តោប។ បន្លែទាំងនេះមានផ្ទុកនូវស្ករធម្មជាតិដែលភាសាបច្ចេកទេសហៅថា oligosachharide ដែលពិបាកនឹងបំបែក។ ម្យ៉ាងទៀត អ្នកក៏គួរចៀសវាងប្រភេទភេសជ្ជៈដែលមានជាតិហ្គាសផងដែរ ព្រោះវានឹងបង្កើតជាពពុះខ្យល់នៅក្នុងក្រពះរបស់ អ្នក។ មិនត្រឹមតែប៉ុណ្ណោះ អ្នកក៏គួរតែប្រុងប្រយ័ត្នចំពោះបរិមាណអំបិលដែលអ្នកទទួលទានផងដែរដោយសារមូលហេតុថាអំបិលបង្កើនជាតិទឹក ហេតុនេះហើយ បរិមានអំបិលក្នុងសារពាង្គកាយកាន់តែច្រើនបរិមាណទឹកក៏ច្រើនផងដែរ។ វិធីព្យាបាល ៖ ប្រើប្រាស់ Gas-X ឬ Mylanta Gas។ វាទាំងពីរមានផ្ទុកនូវសារធាតុផ្សំមួយដែលហៅថា Simethicone ដែលបំបែកពពុះខ្យល់។ អាហារដែលគួរ ទទួលទាន គឺអាហារដែលសម្បូរជាតិសរសៃដូចជាផ្លែប៉ោមជាដើម។ វាបង្កើនបរិមាណអាហារ និងអង្គធាតុរាវក្នុងពោះវៀនដែលអាចឲ្យអាហារធ្វើដំណើរ បានស្រួល។ លោកអ្នកក៏អាចទទួលទានទឹកតៃបៃតង ឬទឹក cranberry ។ ជម្រើសមួយផ្សេងទៀត អ្នកក៏អាចប្រើប្រាស់ Pepper mint capsule ដែលជាឱសថដែលត្រូវបានប្រើប្រាស់សម្រាប់បញ្ហាក្រពះផ្សេងៗ តាំងពីសម័យអេហ្ស៊ីបបុរាណ។ វាមានប្រសិទ្ធភាពក្នុងការសម្រួលដល់សាច់ដុំក្រពះក្នុង បំពង់អាហារ។  លំហាត់ប្រាណក៏ជាមធ្យោបាយមួយផងដែរ (តែត្រូវប្រាកដថាអ្នកមិនហាត់ប្រាណពេលដែលកំពុងឆ្អែត)។ ការធ្វើចលនាចុះឡើងជួយបញ្ចេញ ខ្យល់ ឬហ្គាសដែលលើសចេញពីប្រដាប់រំលាយអាហារ។ ម្យ៉ាងទៀតញើសដែលបែកចេញពេលដែលអ្នកធ្វើលំហាត់ប្រាណ អាចកម្ចាត់ទាំងជាតិអំបិល និងធាតុរាវដែលលើសដែលជួយឲ្យរាងកាយចៀសផុតពីហើម  ឬហើមពោះ។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

ជំងឺផ្សេងៗ ក្រពះ​ ពោះវៀន​ ថ្លើម ឫសដូងបាត
ចែករំលែក
  • Jun 02, 2017 |
  • 7 ឆ្នាំមុន |
  • 13.7K មើល

អាហារពេលព្រឹក ល្អបំផុតសម្រាប់អ្នកចង់សម្រកទម្ងន់

សព្វថ្ងៃ បញ្ហាទម្ងន់ បានក្លាយជាប្រធានបទក្តៅ និងទទួលបានការចាប់អារម្មណ៍ច្រើន។ គ្រប់គ្នាចង់ដឹងណាស់ថា តើគួរធ្វើដូចម្តេចទើបអាចសម្រកទម្ងន់ បាន? តើគួរធ្វើដូចម្តេច ទើបញ៉ាំហើយ មិនឡើងគីឡូ?  ថ្ងៃនេះ គេហទំព័រយើង មានប្រធានបទពិសេសមួយ ដើម្បីណែនាំឲ្យបងប្អូនបានដឹងថា របបអាហារពេលព្រឹកពិតជាល្អបំផុតសម្រាប់អ្នកដែលចង់ សម្រកទម្ងន់។ ជាការពិតណាស់ អាហារពេលព្រឹក គឺជាអាហារចាំបាច់បំផុត ដែលមនុស្សគ្រប់គ្នាមិនគួរមើលរំលង ឬខកខានក្នុងការទទួលទាននោះទេ ជាពិសេស អ្នកដែលចង់សម្រកទម្ងន់។ ការសិក្សាបានបង្ហាញថា អ្នកដែលមិនញ៉ាំអាហារពេលព្រឹក នឹងឡើងគីឡូច្រើនជាងអ្នកញ៉ាំអាហារពេលព្រឹកដែលត្រឹមត្រូវ ទៅទៀត។   តើអាហារពេលព្រឹកបែបណាទើបល្អ?  កាហ្វេ? ឬបាយ? ជាការពិត អ្នកគួរតែញ៉ាំអាហារពេលព្រឹក មិនថានំប៉័ង បបរ បាយ ឬគុយទាវនោះទេ។ ការញ៉ាំបែបនេះ នឹងធ្វើឲ្យអ្នកឆ្អែតបានយូរ ហើយមិនញ៉ាំអាហារផ្សេងៗទៀត ដែលនាំឲ្យអ្នកឡើងគីឡូនោះឡើយ។ ការសិក្សាក៏បានបង្ហាញផងដែរថា ការញ៉ាំអាហារពេលព្រឹកគឺជាផ្នែកមួយ នៃការសម្រកទម្ងន់ ប្រកបដោយសុវត្ថិភាព និងមានប្រសិទ្ធភាពខ្ពស់។  អ្នកខ្លះ មិនព្រមញ៉ាំអាហារពេលព្រឹក ពីព្រោះ ពួកគេគិតថា វាអាចកាត់បន្ថយកាឡូរី និងបរិមាណអាហារដែលគេទទួលទាននោះ គេប្រាកដជាស្គម។ ប៉ុន្តែ ផ្ទុយទៅវិញ គេបែរជាញ៉ាំច្រើននៅអាហារថ្ងៃត្រង់ អាហាររសៀល បូករួមនឹងអាហារសម្រន់ផ្សេងៗទៀត ហើយជាលទ្ធផលគឺធាត់លើសដើម។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។​

គន្លឹះសុខភាព ស្រក-ឡើង​​ ទម្ងន់​
ចែករំលែក
  • Jun 02, 2017 |
  • 7 ឆ្នាំមុន |
  • 4.8K មើល

ខួរក្បាលចាប់ផ្ដើមបំផ្លាញខ្លួនឯង នៅពេលអ្នកគេងមិនគ្រប់គ្រាន់

មនុស្សគ្រប់រូបតែងតែទៅគេង ដើម្បីបន្ថែមមកវិញនូវកម្រិតថាមពលរបស់ពួកគេរៀងរាល់ ១២ម៉ោង ប៉ុន្តែការទទួលទានដំណេកមិនមែនគ្រាន់តែជាការ សម្រាកយកកម្លាំងនោះទេ វាមានរឿងជាច្រើនទៀតដែលយើងគួរដឹង។ ខួរក្បាលបានផ្លាស់ប្ដូរសភាពនៅពេលដែលយើងគេង ហើយការផ្លាស់ប្ដូរនេះ ថែមទាំងជួយកម្ចាត់ចោលនូវសារធាតុពុលនៃសកម្មភាពរបស់កោសិកាប្រសាទដែលបានបន្សល់ទុកពេញមួយថ្ងៃផងដែរ។   ការគេងបង្គ្រប់វិញមិនអាចប៉ះប៉ូវការបំផ្លាញដែលបណ្ដាលមកពីការគេងមិនគ្រប់ឡើយ នៅពេលដែលខួរក្បាលមិនបានទទួលការគេងគ្រប់គ្រាន់ បើមានដំណើរការមួយបានចាប់ផ្ដើមនៅក្នុងខួរក្បាលនោះ បានន័យថាវាបានធ្វើការហួសពី សមត្ថភាពរបស់វា។ ក្រុមអ្នកស្រាវជ្រាវបានរកឃើញថា “ការគេងមិនបានគ្រប់គ្រាន់មានន័យថា ខួរក្បាលបោសសម្អាតនូវស៊ីណាប់ និងតំណភ្ជាប់នៃណឺរ៉ូន មួយចំនួនធំ ហើយការគេងបង្គ្រប់វិញមិនអាចប៉ះប៉ូវការខូចខាតនេះបានឡើយ”។ ក្រុមអ្នកឯកទេសផ្នែកប្រព័ន្ធប្រសាទមួយក្រុមមកពី Marche Polytechnic Univeristy បានធ្វើការសិក្សាទៅលើខួរក្បាលរបស់ពពួកសត្វថនិកសត្វ ហើយការឆ្លើយតបរបស់ពួកគេទៅនឹងទម្លាប់នៃការដេក គឺមិនបានល្អទេ ហើយពួកគេបានរកឃើញលទ្ធផលស្រដៀងគ្នារវាងសត្វកណ្ដុរដែលមិនបានដេក និងសត្វកណ្ដុរដែលបានដេកគ្រប់គ្រាន់។ បណ្ដាញប្រសាទ (Glial Cells) ត្រូវបានស្គាល់ថាជាកាវភ្ជាប់នៃប្រព័ន្ធប្រសាទ ដូចកោសិកាផ្សេងៗក្នុងរាងកាយយើងដែរ ណឹរ៉ូននៅក្នុងខួរក្បាលត្រូវបានសម្រួលដោយកោសិកា Glial ដែលមាន ២ប្រភេទផ្សេងគ្នា ដើម្បីជួយទ្រទ្រង់ កោសិកាដែលត្រូវបានប្រើជារឿយៗ និងកោសិកាដែលត្រូវបានហៅថា “ កាវនៃប្រព័ន្ធប្រសាទ” ។ កោសិកា Microglial គឺជាអ្នកទទួលខុសត្រូវសម្រាប់ ការសម្អាតចេញនូវកោសិកាដែលចាស់ៗ និងខូចរេចរឹល តាមរយៈដំណើរការមួយដែលមានឈ្មោះថា Phagocytosisដែលនៅក្នុងភាសាក្រិកបានន័យថា ការត្របាក់ស៊ី។ ការងាររបស់ Astrocytes (ពពួកកោសិកា Glial ដែលមានរាងដូចផ្កាយ)​ គឺទៅកាត់ស៊ីណាប់ទាំងឡាយណាដែលមិនចាំបាច់នៅក្នុង ខួរក្បាល ហើយការធ្វើបែបនេះអាចកែទម្រង់ និងធ្វើឲ្យការតភ្ជាប់បានល្អឡើងវិញ។ ដំណើរការនេះកើតឡើងនៅពេលដែលយើងគេង ដូច្នេះ វាជម្រះ ចោលនូវកោសិកាប្រសាទដែលខូច និងសឹករេចរឹលប៉ុន្តែវាហាក់ដូចជាកើតឡើងដូចគ្នាទៅលើអ្នកដែលគេងមិនបានគ្រប់គ្រាន់។ ទោះបីជាយ៉ាងណា ជំនួសឲ្យអ្វីដែលល្អ ខួរក្បាលត្រូវបានធ្វើការជម្រះចោលហួសកម្រិត ហើយបន្ទាប់មកវាក៏ចាប់ផ្ដើមបង្កគ្រោះថ្នាក់ដល់ខ្លួនឯងវិញ។ លទ្ធផលនៃការធ្វើតេស្តលើសត្វកណ្ដុរ ក្រុមអ្នកស្រាវជ្រាវបានប្រៀបធៀបសកម្មភាពរបស់ Astrocytes ទៅនឹងសត្វកណ្ដុរទាំងបួនក្រុម ហើយពួកគេបាននិយាយថា កណ្ដុរដែលបានដេក គ្រប់គ្រាន់ត្រូវបាន Astrocytes ជម្រះចោល ៥.៧%នៃស៊ីណាប់ ហើយកណ្ដុរដែលត្រូវបានទុកឲ្យភ្ញាក់ ៨ម៉ោង Astrocytes ជម្រះចោល ៧.៣%នៃស៊ីណាប់។ នៅក្នុងកណ្ដុរដែលមិនបានដេកគ្រប់គ្រាន់ជាប្រចាំ Astrocytes ជម្រះចោល ១៣.៥%នៃស៊ីណាប់។ ក្នុងចំណោមកណ្ដុរដែលដេកមិនបានគ្រប់គ្រាន់ និងកណ្ដុរដែលដេកមិនបានគ្រប់គ្រាន់ជាប្រចាំ សកម្មភាពនៃ Astrocytes បានកើនឡើង ដូច្នេះហើយពួកគេបានចាប់ផ្ដើមស៊ីផ្នែកខ្លះនៃស៊ីណាប់ ដូចកោសិកា Microglial ដែលពួកវាស៊ីកាកសំណល់ ហើយដំណើរការនេះត្រូវបានស្គាល់ថាជា Astrocytes phagocytosis។ លោក Bellesi បាននិយាយថាភាគច្រើននៃស៊ីណាប់ត្រូវបានស៊ីគឺស្ថិតនៅក្នុងក្រុមកណ្ដុរដែលដេកមិនបានគ្រប់គ្រាន់គឺមានច្រើនជាងគេ លោកបានប្រៀបប្រដូចវា ទៅនឹងគ្រឿងសង្ហារឹមដែលចាស់ ធ្ងន់បំផុត និងមានវ័យចំណាស់បំផុត ដែលលោកបាននិយាយថាជារឿងមួយដ៏ល្អ។ នៅពេលដែលក្រុមអ្នកស្រាវជ្រាវ ពិនិត្យកោសិកា Microglial ទៅនឹងសត្វកណ្ដុរទាំងបួនក្រុម ពួកគេបានរកឃើញថាវាបានកើនឡើងនៅក្នុងកណ្ដុរ ដែលដេកមិនបានគ្រប់គ្រាន់ ជាប្រចាំ។  ភាពមិនអាចគ្រប់គ្រងបាននៃសកម្មភាពរបស់ Microglial ផ្សារភ្ជាប់ទៅនឹងជំងឺបាត់ការចងចាំ (Alzheimer’s) លោក Bellesi បាននិយាយថា នេះគឺជាក្ដីបារម្ភមួយ ដែលសកម្មភាពរបស់ Microglial មិនត្រូវបានគ្រប់គ្រងនោះអាចផ្សារភ្ជាប់ទៅនឹងជំងឺបាត់បង់ ការចងចាំ ដោយរួមមកជាមួយនឹងការបាត់បង់ណឺរ៉ូនប្រភេទផ្សេងទៀត។ ផ្ទុយមកវិញ ការបាត់បង់ដំណេកជាប្រចាំ ត្រូវបានគេនិយាយថា ជាការភ្ញោច ឲ្យកោសិកា Microglial​ មានសកម្មភាពឡើង ហើយបន្ទាប់មកជំរុញសកម្មភាពរបស់ Phagocytes​ ហើយការពុំបានទទួលដំណេករយៈពេលយូរ ត្រូវបានបង្ហាញផងដែរថាអាចជាមូលហេតុនៃការភ្ញោច Microglial និងបណ្ដាលឲ្យខួរក្បាលទទួលរងនូវការប៉ះពាល់ផ្សេងទៀត។ គួរបញ្ជាក់ថា ការស្លាប់ដែលបណ្ដាលមកពីជំងឺ Alzheimer’s បានកើនឡើង ៥០% ចាប់តាំងពីឆ្នាំ ១៩៩៩​។  នៅមានសំណួរជាច្រើនដែលត្រូវបានចោទឡើងដូចជា​ តើដំណើរការនេះអាចកើតឡើងនៅក្នុងខួរក្បាលរបស់មនុស្ស ឬទេ? ហើយការគេងបង្គ្រប់វិញអាច ជួសជុលការខូចខាតខ្លះបានទេ? ហើយក្រុមអ្នកស្រាវជ្រាវ និងអ្នកវិទ្យាសាស្ដ្រគួរតែរិះរកការពិតថាយើងគួរតែព្យាយាមទទួលទានដំណេកដ៏ល្អមួយឬ យ៉ាងណា? ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

គន្លឹះសុខភាព
ចែករំលែក
  • Jun 02, 2017 |
  • 7 ឆ្នាំមុន |
  • 20.5K មើល

អុតស្វាយ ជំងឺឆ្លងខ្លាំងដែលអ្នកមិនគួរមើលរំលង

ជាទូទៅជំងឺអុតស្វាយកើតមិនរើសវ័យនោះទេឲ្យតែអ្នកមានប្រព័ន្ធការពារខ្សោយ មិនមានអង់ទីក័រការពារពីម្តាយ ឬចាក់វ៉ាក់សាំងការពារនោះទេ អ្នកនឹងងាយកើតជំងឺនេះណាស់​ ហើយគេច្រើនសង្កេតឃើញមានការកើតឡើងច្រើននៅ​ចន្លោះអាយុចាប់ពី ៦ខែ​ដល់ ១៥ឆ្នាំ។ ចំពោះក្មេងក្រោម​ ៦ខែ ក៏អាចកើតជំងឺនេះដែរតែដោយកម្រហើយបើកើត ច្រើនតែឆ្លងពីម្តាយឬមិនមានអង់ទីក័រពីម្តាយ និងច្រើនតែធ្ងន់ធ្ងរ​ជាងករណីធម្មតា។  ក្រឡេកមកមើលប្រទេសកម្ពុជាវិញ យើងនៅមិនទាន់មាន ទិន្នន័យពីចំនួននៃអ្នកកើតជំងឺអុតស្វាយនេះនៅឡើយទេ តែគ្រាន់តែដឹងថាពីមួយឆ្នាំទៅ មួយឆ្នាំចំនួនអ្នកជំងឺមានច្រើនគួរឲ្យកត់សំគាល់បើធៀបទៅនឹងប្រទេសជិតខាងយើងដោយសារក្រសួងយើងពុំទាន់មានវ៉ាក់សាំងផ្តល់ជូនដល់ ប្រជាពលរដ្ឋនៅឡើយ​ហើយមានប្រជាជនតិចណាស់ដែលទៅរកសេវាឯកជនដើម្បីបង្ការជំងឺនេះ។ ដើម្បីឲ្យជ្រាបកាន់តែច្បាស់ ហេលស៍ថាមបានធ្វើ បទសម្ភាសន៍ ជាមួយលោកវេជ្ជបណ្ឌិត ប៉ែន កក្កដា វេជ្ជបណ្ឌិតឯកទេសរោគកុមារ និងសព្វថ្ងៃជាបុគ្គលិកនៃមន្ទីរពេទ្យកុមារជាតិផ្នែកកុមារ​ ទារកទើបនឹងកើត កុមារមានជំងឺបេះដូង ជំងឺឈាម និងជំងឺក្រពេញ។ និយមន័យ ជំងឺអុតស្វាយជាភាសាបារាំងហៅថា Varicelle ឬជាភាសាអង់គ្លេសហៅថា Chickenpox។ វាជាជំងឺឆ្លងមួយដែលបណ្តាលមកពីមេរោគមួយឈ្មោះថា Varicella Zoster Virus ដែលបង្កឲ្យមានពងបែកនៅលើស្បែក។​​ ចំពោះរោគសញ្ញា ជំងឺនេះចែកចេញជាបីដំណាក់កាល៖ ១.ដំណាក់កាលសំងំ៖ ជាដំណាក់កាលមិនមានរោគសញ្ញាអ្វីទាំងអស់បន្ទាប់ពីឆ្លងជំងឺនេះមកហើយវាមានរយៈពេល ១០​ ទៅ ២១ថ្ងៃ។ ២.​ដំណាក់កាលឈ្លានពាន៖ ​មេរោគចាប់ផ្តើមធ្វើការក្នុងខ្លួនយើងដែលមានរយៈពេលខ្លីពី ២៤ទៅ ៤៨ម៉ោងហើយអ្នកជំងឺមានអាការៈក្តៅខ្លួនអស់កម្លាំង ល្ហិតល្ហៃ និងទន់ដៃទន់ជើង។​ ៣. ដំណាក់កាលចេញពងបែក៖​​ ជាដំណាក់កាលមួយដែលអ្នកជំងឺមានដុំពកក្រហម ជាស្នាមកន្ទួលលើស្បែកបន្ទាប់មកវិវឌ្ឍជាពងទឹករួចក៏ក្លាយ ជាក្រមរនៅកណ្តាលពងទឹក។ ពងបែកទាំងនេះរមាស់ណាស់ហើយវាចាប់ផ្តើមចេញដំបូងពីក្បាល​ទ្រូងដៃនិងជើង។ គេក៏សង្កេតឃើញមានផងដែរនៅ​ ក្រអូមមាត់ភ្នែកនិងប្រដាប់បន្តពូជ ក្រៅពីពងបែកនេះអ្នកជំងឺនៅមានអាការៈក្តៅខ្លួននិងឈឺពេញរាងកាយ​ ជាពិសេសត្រង់កន្លែងពងទឹក។ ការធ្វើរោគវិនិច្ឆ័យ ជាការពិតណាស់ អុតស្វាយជាជំងឺឆ្លងខ្លាំងណាស់ វាអាចឆ្លងតាមរយៈ​ ការប៉ះផ្ទាល់ជាមួយ ពងទឹករបស់អ្នកជំងឺ ឬតាមរយៈការក្អក កណា្តស់ជាដើម។ ការធ្វើរោគវិនិច្ឆ័យអាការៈជំងឺអុតស្វាយ អាចធ្វើតាមរយៈសញ្ញាគ្លីនិកគឺគ្រប់គ្រាន់ហើយ ប៉ុន្តែដើម្បីបញ្ជាក់ច្បាស់ថាជាជំងឺនេះគេត្រូវយកពងទឹក ទៅពិនិត្យរកមេរោគនេះ។ លើសពីនេះ ក្នុងករណីសង្ស័យថាវារាលដាលដល់ខួរក្បាល យើងនឹងធ្វើការបូមទឹកខួរឆ្អឹងខ្នង ចំណែកឯការពិនិត្យឈាម គឺដើម្បីបញ្ជាក់ថាមានការឆ្លងរោគដទៃទៀតប៉ុណ្ណោះ។ ចំពោះការព្យាបាលគ្រូពេទ្យគាត់ព្យាបាលតាមរោគសញ្ញាគ្លីនិកប៉ុណ្ណោះ មិនមានថ្នាំជាក់លាក់ ទៅប្រឆាំងវីរុសនេះទេ​ ហើយអ្នកជំងឺនេះត្រូវដាក់នៅឲ្យដាច់តែឯង​​ ចៀសវាងការឆ្លងដល់អ្នកដទៃទៀត។  ការព្យាបាល  ការព្យាបាលទៅតាមរោគសញ្ញាមានដូចជា៖ • ការលាងសម្អាតរបួសដោយឱសថអង់ទីសិបទីកពីរដងក្នុងមួយថ្ងៃ។ ចៀសវាងការយកស្លឹកឈើងាប់ត្រាំទឹកដូចជាស្លឹកស្វាយជាដើមព្រោះថាទឹក មិនស្អាតអាចមានបាក់តេរីដទៃទៀតជ្រៀតចូល និងធ្វើឲ្យជំងឺនេះកាន់តែធ្ងន់ធ្ងរលើសដើម។ • ការបំបាត់កម្តៅ ឬការឈឺចាប់ដោយថ្នាំប៉ារ៉ាសេតាមុលបួនដងក្នុងមួយថ្ងៃ។ គួរចៀសវាងការប្រើប្រាស់ថ្នាំ Aspirine ឬ Ibuprofene ដែលអាចឲ្យ ជំងឺនេះកាន់តែធ្ងន់ធ្ងរ។ • ការឲ្យថ្នាំបំបាត់រមាស់ ដូចជាពួក Phénothiazineជាដើម។ • មិនមានការប្រើថ្នាំផ្សះនោះទេ លើកលែងតែករណីដែលមានការឆ្លងបាក់តេរីបន្ថែមពីលើវា។ • ចំពោះទារកទើបនឹងកើតដែលឆ្លងរោគនេះគេអាចប្រើពពួក Acyclovir10-20mg/kg/dose បីដងក្នុងមួយថ្ងៃ។ ផលវិបាកនៃជំងឺ ជំងឺនេះកម្រនឹងលាប់ឡើងវិញណាស់ ចំពោះអ្នកកើតហើយនឹងមានអង់ទីក័រប្រឆាំងមួយជីវិត រីឯអ្នកចាក់វ៉ាក់សាំងរួចក៏ដូចគ្នា តែវាអាចលេចចេញ ម្តងទៀត ហើយមិនមានលក្ខណៈខ្លាំងក្លាដូចមុននោះទេ។ ប្រសិនបើអ្នកជំងឺមិនបានទទួលបានការព្យាបាលត្រឹមត្រូវ ឬយឺតយ៉ាវ នោះនឹងកើតមាន ផលវិបាកច្រើនដូចជា ដំបៅស្បែកក្លាយជាធ្ងន់ធ្ងរប្រសិនបើមានឆ្លងមេរោគពីខាក្រៅមកបន្ថែមពីលើ។ ក្រៅពីនេះ វាក៏អាចបណ្តាលឲ្យមានផលវិបាក ផ្សេងទៀត ដូចជា រលាកសួត រលាកខួរក្បាលឆ្លងទៅទារកក្នុងពោះ ឬទើបនឹងកើត និងអុតស្វាយធ្ងន់ធ្ងរចំពោះអ្នកមានប្រព័ន្ធការពារខ្សោយ ឬប្រើថ្នាំ Corticoïde យូរអាចឲ្យក្តៅខ្លួនខ្លាំង ចេញពងបែកច្រើន និងមានការហូរឈាមតាមពងបែករហូតដល់ប៉ះពាល់សរីរាង្គសំខាន់ៗដទៃទៀតដូចជា រលាកថ្លើម ខួរក្បាល កកឈាមក្នុងសសៃឈាមជាដើម។ ក្នុងករណីម្តាយមានជំងឺនេះពេលកំពុងពពោះកូន​ នោះនឹងមានផលប៉ះពាល់ធ្ងន់ធ្ងរដល់ទារកក្នុងផ្ទៃ​ ដូចជាទារកអាចនឹងរលូត​​ អាចមានភាពមិនប្រក្រតី អាចស្លាប់ក្នុងពោះ ឬកើតមកមានជំងឺអុតស្វាយនេះតែម្តង។​  ដើម្បីបង្ការជំងឺអុតស្វាយនេះ យើងត្រូវរស់នៅស្អាត មានអនាម័យល្អ និងចាំបាច់ ត្រូវចាក់់វ៉ាក់សាំងការពារនៅពេលកុមារមានអាយុចាប់ពី ១២ខែឡើង។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

ជំងឺផ្សេងៗ ជំងឺឆ្លង
ចែករំលែក
  • Jun 02, 2017 |
  • 7 ឆ្នាំមុន |
  • 3.5K មើល

ទម្លាប់អាក្រក់ប្រចាំថ្ងៃទាំង ៨ ដែលបំផ្លាញសុខភាពរបស់អ្នក

ទម្លាប់អាក្រក់ ពិតជាពិបាកកែប្រែខ្លាំងណាស់ ទោះបីជាអ្នកដឹងថា វាមិនល្អសម្រាប់សុខភាព និងជីវិតរស់នៅប្រចាំថ្ងៃរបស់អ្នកក៏ដោយ។ យ៉ាងណាមិញ អ្នកគួរតែព្យាយាមកាត់បន្ថយឲ្យបានច្រើន តាមដែលអាចធ្វើទៅបាន ពីព្រោះបញ្ហាសុខភាពដែលកើតឡើងអាចធ្ងន់ធ្ងរជាងអ្វីដែលអ្នកស្មានដល់។   ខាងក្រោមនេះ គឺជាទម្លាប់អាក្រក់ និងកំហុសឆ្គងទាំង ៨ ដែលអ្នកតែងតែធ្វើដោយមិនដឹងខ្លួន ហើយវាពិតជាគ្រោះថ្នាក់ចំពោះសុខភាពរបស់អ្នក ខ្លាំងណាស់។   ១ ទប់មិនឲ្យកណ្តាស់ ការធ្វើបែបនេះ នឹងបង្កើតសម្ពាធនៅក្នុងក្បាលរបស់អ្នក ដែលជាហេតុនាំឲ្យអ្នកគ្រោះថ្នាក់ដោយមិនដឹងខ្លួនដូចជា ឈឺក្បាល ការខូចខាតសរសៃប្រសាទ និងមានបញ្ហាក្នុងការស្តាប់ជាដើម។ ២ ប្រើទឹកអប់ សារធាតុដែលមាននៅក្នុងទឹកអប់មួយចំនួន ពិតជាមិនល្អ និងអាចបង្កគ្រោះថ្នាក់ ចំពោះអ្នកទៀតផង ជាពិសេស អ្នកដែលឆាប់អាល្លែកហ្ស៊ី មនុស្សចាស់ ឬអ្នកមានប្រព័ន្ធភាពស៊ាំទន់ខ្សោយ។ ៣ ប្រើទូរស័ព្ទមុនចូលគេង នៅពេលយប់ ពន្លឺដែលចេញពីទូរស័ព្ទ ឬកុំព្យូទ័រ ពិតជាអាចបង្កគ្រោះថ្នាក់យ៉ាងខ្លាំង ចំពោះសុខភាពទូទៅរបស់អ្នក ជាពិសេស គឺភ្នែកតែម្តង។ វាក៏អាចធ្វើឲ្យអ្នកគេងមិនលក់ បាក់ទឹកចិត្ត មានជំងឺបេះដូង ធាត់លើសទម្ងន់ ហើយប្រព័ន្ធការពាររាងកាយចុះខ្សោយ។ ៤ ដាក់អាហារក្នុងប្រអប់ប្លាស្ទិក ប្រអប់ ឬថង់ប្លាស្ទិក មានផ្ទុកសារធាតុគីមីពុលជាច្រើនប្រភេទ ជាពិសេស នៅពេលដែលវាត្រូវនឹងកម្តៅ។ ៥ ដុសធ្មេញ ក្រោយញ៉ាំអាហារភ្លាមៗ ទន្តពេទ្យជំនាញបានណែនាំថា អ្នកគួរតែរង់ចាំឲ្យបាន ៣០ ឬ ៦០ នាទី ក្រោយញ៉ាំអាហាររួច ទើបដុសសម្អាតធ្មេញ ដើម្បីការពារការសឹករិចរិល ការខូចខាត និងការស្រៀវធ្មេញ។ ៦ ប្រើប្រាស់សាប៊ូកម្ចាត់បាក់តេរីញឹកញាប់ពេក ការប្រើសាប៊ូប្រភេទនេះញឹកញាប់ អាចទៅកម្ចាត់ស្រទាប់ការពារស្បែកខាងក្រៅ ព្រមទាំងបង្កើតឱកាសឲ្យមេរោគនានាជ្រៀតចូលរាងកាយរបស់អ្នក។ ៧ ស្លៀកខោអាវតឹងពេក ការស្លៀកបែបនេះ នឹងធ្វើឲ្យរាងកាយរបស់អ្នករងនូវសម្ពាធ ដែលជាហេតុនាំឲ្យវាសង្កត់ និងបង្កបញ្ហាច្រើនដល់សរសៃ និងចរន្តឈាមរត់នៅតំបន់នោះ។ ៨ ញ៉ាំទឹកផ្លែឈើត្រជាក់ៗញឹកញាប់ពេក ត្រូវចងចាំថា ទឹកផ្លែឈើ មិនល្អដូចជាផ្លែឈើនោះទេ ហើយក្នុងករណីខ្លះ វាមិនត្រូវបានគេណែនាំឲ្យញ៉ាំសម្រាប់អ្នកជំងឺមួយចំនួននោះទេ៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

គន្លឹះសុខភាព
ចែករំលែក
  • Jun 02, 2017 |
  • 7 ឆ្នាំមុន |
  • 2.9K មើល

ការផ្លាស់ប្តូរងាយៗទាំង ៦ ដែលអាចជួយការពារអ្នក ពីជំងឺមហារីកសុដន់

ជំងឺមហារីកពិតជាគួរខ្លាច ក៏ប៉ុន្តែជាសំណាងល្អ ការការពារខ្លួន ក៏ដូចជាការកាត់បន្ថយការប្រឈមពិតជាមានច្រើន ដែលក្នុងនោះក៏មានផងដែរនូវសកម្មភាព ឬទម្លាប់ងាយៗដែលអាចជួយយើងបានពីជំងឺដ៏កាចសាហាវនោះ។  ១. ញ៉ាំថ្នាំអាស្ពេរីន (តាមវេជ្ជបញ្ជា) អ្នកប្រហែលជាធ្វើបែបនេះ ដើម្បីការពារបេះដូងរបស់អ្នក ពីព្រោះ គ្រូពេទ្យបានណែនាំថា ការទទួលទានថ្នាំអាស្ពេរីនក្នុងកម្រិតមួយទាបអាចមាន ផលល្អច្រើន ចំពោះសុខភាពទូទៅសម្រាប់មនុស្សមួយចំនួន។ ក្រៅពីនេះ ការសិក្សាក៏បានរកឃើញផងដែរថា ថ្នាំនេះអាចជួយកាត់បន្ថយឱកាស កើតជំងឺមហារីកសុដន់បាន ១៦ %។ ២. កាត់បន្ថយ ឬផ្តាច់ការញ៉ាំស្រា ការញ៉ាំក្នុងកម្រិតតិចតួច អាចជួយអ្នកបានមែន ប៉ុន្តែ បើអ្នកញ៉ាំច្រើន អ្នកនឹងទទួលបានផលអវិជ្ជមានត្រឡប់មកវិញ។ ដូច្នេះ ចូរកាត់បន្ថយការញ៉ាំស្រា ឲ្យបានច្រើនតាមដែលអាចធ្វើទៅបាន។ ៣. កុំប្រើអ័រម៉ូន អ្នកប្រហែលជាគិតថា ថ្នាំអ័រម៉ូន និងការព្យាបាលដោយអ័រម៉ូន គឺជារឿងល្អ ហើយគ្រូពេទ្យមួយចំនួន ក៏ចេញវេជ្ជបញ្ជា សម្រាប់ស្រ្តីអស់រដូវផងដែរ ប៉ុន្តែ អ្នកត្រូវគិតថា រាងកាយស្រ្តីត្រូវការសុខភាពផ្ទាល់ខ្លួនដែលជាធម្មជាតិរបស់វា មានន័យថាគឺត្រូវមានរដូវ និងអស់រដូវ ដូច្នេះ ​បើអ្នកនៅតែបន្តចាក់អ័រម៉ូន ដើម្បីបន្តឲ្យមានរដូវ វាជារឿងមិនល្អនោះទេ ហើយវាក៏អាចធ្វើឲ្យអ្នកប្រឈមនឹងជំងឺមហារីកផងដែរ។ ៤. រស់នៅជាមួយពណ៌បៃតង ការរស់នៅស្អាត គ្មានជាតិពុល បរិយាកាសស្រស់ស្រាយ និងការគ្មានធូលីដី អាចការពារអ្នកពីជំងឺមហារីកសុដន់បានមួយកម្រិតផងដែរ។ ៥. កុំអង្គុយច្រើនពេក ការអង្គុយយូរពេក ក៏អាចធ្វើឲ្យអ្នក ប្រឈមទៅនឹងជំងឺមហារីកសុដន់ផងដែរ។ ការសិក្សាបានបង្ហាញថា ទម្លាប់នៃការអង្គុយយូរពេកនៅកន្លែងធ្វើការ នៅក្នុងឡាន និងនៅក្នុងផ្ទះ អាចធ្វើឲ្យអ្នកប្រឈមទៅនឹងជំងឺសរសៃឈាមបេះដូង និងជំងឺមហារីក។ សមាគមន៍ជំងឺមហារីកអាមេរិចបានរកឃើញថា អ្នកដែលអង្គុយច្រើនជាង ៦ ម៉ោងក្នុងមួយថ្ងៃ អាចមានអត្រា ១០ ភាគរយ ប្រហែលជាកើតជំងឺខួរឆ្អឹង ជំងឺមហារីកមាត់ស្បូន និងជំងឺមហារីកដោះ។ ដូច្នេះ ចូរដើរ និងបញ្ចេញសកម្មភាពប្រចាំថ្ងៃរបស់អ្នក ឲ្យបានច្រើនតាមដែលអាចធ្វើទៅបាន។ ៦. ត្រូវបំបៅដោះកូន វាជាជម្រើសរបស់អ្នក ប៉ុន្តែវេជ្ជបណ្ឌិតជំនាញៗបានណែនាំថា ការបំបៅដោះកូន អាចកាត់បន្ថយជំងឺមហារីកដោះ គួរឲ្យកត់សម្គាល់។ ក្រៅពីនេះ វាក៏ជួយបង្កើនភាពស្និទ្ធស្នាល និងសន្សំសំចៃថវិការបានមួយកម្រិតផងដែរ។ ដូចនេះ ការចាប់ផ្តើមការពារខ្លួនអ្នកគួរតែត្រូវបានចាប់ផ្តើមឲ្យបានកាន់តែឆាប់កាន់តែប្រសើរ ចៀសវាងអ្វីៗត្រូវហួសពេល ដែលពេលនោះមិនមានការផ្លាស់ប្តូរដែលងាយៗដូចខាងលើអាចជួយអ្នកបានឡើយ៕ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

គន្លឹះសុខភាព សុខភាពស្រ្តី
ចែករំលែក
  • Jun 02, 2017 |
  • 7 ឆ្នាំមុន |
  • 6.8K មើល

ហេតុអ្វីបានជាសក់ស្កូវមុនអាយុ?

អ្នកជំនាញ​ខាង​សើ​ស្បែកបាន​មានប្រសាសន៍ថា ប្រភេទសក់ស្កូវ​មាន​ពីរ​ប្រភេទ​គឺ ស្កូវ​តាម​ធម្មជាតិ​ ពោលគឺ​តាម​វ័យ និង​សក់ស្កូវ​មុន​អាយុ។ ចំពោះសក់ស្កូវទៅតាម​វ័យ ជាទូទៅ​សម្រាប់​ជនជាតិ​អាស៊ី​គឺ​កើតមានចាប់ពី​អាយុ 30 ឆ្នាំ​ឡើងទៅ ដោយឡែក​ចំពោះ​សក់ស្កូវ​មុន​អាយុ​គឺកើតមាន​ចំពោះ យុវវ័យ និង​កុមារ​។​ អ្នកជំនាញ​​ដដែលក៏បាន​ព​ន្យ​ល់ពី​មូលហេតុ​ដែលនាំ​ឲ្យ​កើត​សក់ស្កូវ​មុន​អាយុ​ថា  «សក់ស្កូវ​មុន​អាយុ គឺជា​សញ្ញាណ​ប្រាប់ថា យើងអាច មានជំងឺមួយចំនួន​ដូចជា ជំងឺពកក  កង្វះ​វីតាមីន​ B 12 និងការងាប់​កោសិកា​ចិញ្ចឹម​គល់​សក់ដែលបណ្តាលមកពី ការជក់បារី បញ្ហា​ស្មុគស្មាញ និងដោយសារតំណពូជ​»​។  អ្នក​ដែលមាន​សក់ស្កូវ​មុន​អាយុ​អាច​​នឹង​ព្យាបាល​ជាក៏ប៉ុន្តែ​ការព្យាបាល​ត្រូវ​យោងតាម​បញ្ហា​ជំងឺ​ដែល​ពាក់ព័ន្ធ​។​ ទង្វើដែលអ្នកគួរអនុវត្ត ដើម្បីបង្ការបញ្ហាស្កូវមុនអាយុរួមមានដូចជា ៖ 1.  កាត់បន្ថយ​សម្ពាធ​ការងារ​របស់​អ្នក​មានន័យថា​អ្នក​ត្រូវតែ​ចេះ​សម្រាក ឬ​បន្ធូរ​អារម្មណ៍ ​​ធ្វើ​ឲ្យ​ខ្លួនឯង​សប្បាយចិត្ត​ទើប​មិនងាយ​ដុះសក់ស្កូវ 2. បញ្ឈប់​ការជក់បារី 3.រក្សា​ជាតិ​ទឹក​ក្នុង​ខ្លួន​ជានិច្ច ដោយ​ត្រូវ​ផឹកទឹក​ឲ្យ​បាន​ច្រើន​ហើយ​មិនត្រូវ​បរិភោគ​ចំណី​ដែលមានជាតិ​ហឹរ ឬប្រភេទអាហារបំពង​ច្រើនពេកនោះ​ទេ 4. បរិភោគ​ចំណី​អាហារដែលមាន​ផ្ទុកនូវវីតា​មីន B12 ឲ្យ​បាន​ច្រើន​រួមមានដូចជា ​ពងមាន់​ សាច់គោ​ ចេក ឬ​ត្រី​ជាដើម 5. ​គេង​ឲ្យ​គ្រប់គ្រាន់​ (មួយថ្ងៃ 8 ម៉ោង​ទើប​ជាការប្រសើរ) យ៉ាងណាមិញ ដោយសារតែបញ្ហា​សក់ស្កូវ​មុន​អាយុ​អាច​បណ្តាល​មកពី​មូលហេតុ​ផ្សេងៗ​ពីគ្នា ហេតុនេះហើយការព្យាបាល គឺចាំបាច់ទាមទារនូវការវិភាគ និងការព្យាបាល​យូរ ព្រមទាំងចំណាយ​អស់​ថវិកា​ច្រើន​។ នេះជាហេតុនាំឲ្យយុវវ័យ​ខ្លះ​មិនបាន​ដឹង​ពី​មូលហេតុ​នោះទេ ហើយ​ពួកគេបែរជានាំគ្នា​ជ្រើសរើស យក​ការ​លាប​ពណ៌​សក់ម​កបិទបាំងទៅវិញ​។​ ចំពោះការធ្វើបែបនេះ ក្រុមគ្រូពេទ្យសើស្បែកបានបកស្រាយថាការប្រើប្រាស់ ឬលាបមិនបានត្រឹមត្រូវតាម បទដ្ឋាន ហើយបើក្នុងករណីថ្នាំពណ៌នោះគ្មានគុណភាពទៀតនោះ វាអាចនឹងប៉ះពាល់ដល់សុខភាពស្បែកក្បាល និងសក់ហើយក៏អាចបណ្តាលឲ្យកើតមាន បញ្ហារលាក ឬរោគផ្សិតស្បែកក្បាល និងមានអង្គែថែមទៀតផង។ ផ្ទុយទៅវិញ ប្រសិនបើពួកគេជ្រើសរើសយកការព្យាបាលដោយឆ្លងកាត់ការវិភាគ ពីគ្រូពេទ្យជំនាញឯកទេសបានត្រឹមត្រូវនោះអ្នកជំនាញ​​ នឹងពិចារណា ផ្តល់ការព្យាបាលដោយលាបពណ៌សក់ដែលអាចលុបបំបាត់សក់ស្កូវបានជាប់រហូតដល់រយៈពេល 6 ខែ។​ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។  

គន្លឹះសុខភាព ស្បែក កាមរោគ​ និងសម្រស់
ចែករំលែក
  • Jun 02, 2017 |
  • 7 ឆ្នាំមុន |
  • 7.5K មើល

គុណភាព សុវត្ថិភាព​ និងប្រសិទ្ធភាព ជាគុណតម្លៃផលិតផលនៃសហគ្រាសឱសថកម្ពុជា

ស្របពេលដែលវិស័យសុខាភិបាលរបស់ប្រទេសកម្ពុជាបាន និងកំពុងមានការរីកចម្រើនលូតលាស់ យើងឃើញថាប្រទេសយើងក៏មានរោងចក្រក៏ដូចជា សហគ្រាសផលិតឱសថដែលមានការទទួលស្គាល់គុណភាពជាលក្ខណៈស្តង់ដាអន្តរជាតិផងដែរ ដូចជា សហគ្រាសផលិតឱសថកម្ពុជា (Cambodia Pharmaceutical Enterprise) ដែលហៅថាកាត់ថា CPE ។   ជាមួយ នឹងជោគជ័យតាមរយៈទំនុកចិត្តពីសំណាក់អ្នកប្រើប្រាស់ជាច្រើនឆ្នាំ CPE បានក្លាយខ្លួនជាសហគ្រាសផលិតឱសថមួយដ៏មានកិត្តិសព្ទនៅ ក្នុងប្រទេសកម្ពុជា។  ហេលស៍ថាម ក៏បានធ្វើបទសម្ភាសន៍ជាមួយនឹងលោកបណ្ឌិត ង៉ាន់ បេង ជាឱសថបណ្ឌិត និងជាអតីតនិស្សិតនៅមហាវិទ្យាល័យ ឱសថសាស្រ្តនៃសាកលវិទ្យាល័យភ្នំពេញដែលជាអគ្គនាយករងនៃរោងចក្រ CPE ។ ក្រោយពីរបបប៉ុលពត លោកក៏បានបន្តការសិក្សាបញ្ចប់ថ្នាក់ឱសថការី និងចូលបម្រើការងារនៅក្នុងរោងចក្រផលិតឱសថកម្ពុជាតាំងពីឆ្នាំ១៩៧៩។ តាមរយៈប្រសាសន៍របស់លោកបណ្ឌិតឱសថសហគ្រាសបានដំណើរការតាំងពីក្រោយរបបប្រល័យពូជសាសន៍ប៉ុលពតមកម៉្លេះក្នុងនាមជាសហគ្រាសរបស់រដ្ឋ រហូតដល់ចុងឆ្នាំ ១៩៩៨ទើបបានធ្វើការបណ្តាក់ទុនជាមួយនឹងក្រុមហ៊ុនមកពីហុងកុងហើយក៏ក្លាយជារោងចក្រចំណុះរដ្ឋដោយមានភាគរយខាងឯកជន ចំនួន៥២ និងរដ្ឋាភិបាលចំនួន៤៨។ គួរបញ្ជាក់ផងដែរថាមូលហេតុដែលជំរុញឲ្យលោកបណ្ឌិតចូលបម្រើការងារក្នុងវិស័យនេះដោយសារតែទឹកចិត្តស្រលាញ់ ការងារផលិតឱសថផ្ទាល់របស់លោក។ ជាក់ស្តែង ការគ្រប់គ្រងសហគ្រាសគឺស្ថិតនៅក្រោមការគ្រប់គ្រងរបស់ក្រុមហ៊ុនឯកជន។ ត្រលប់មកទស្សនវិស័យរបស់សហគ្រាសផលិតឱសថកម្ពុជាវិញគឺធ្វើការផលិតឱសថហើយចែកចាយលក់ដល់អតិថិជនតាមរយៈឱសថស្ថាននានានៅក្នុ ប្រទេស និងលក់ជូនរាជរដ្ឋាភិបាលកម្ពុជាយើងដើម្បីធ្វើការចែកជូនដល់ប្រជាពលរដ្ឋនៅទូទាំងប្រទេសទាំងនៅទីរួមខេត្ត និងទីប្រជុំជន។រីឯផលិតផល ដែលរោងចក្រធ្វើការផលិតមានដូចជា៖ ថ្នាំបំបាត់ការឈឺចាប់ ក្តៅខ្លួន Paracetamol Optoral, និង Parafeine Paradeine ថ្នាំបំបាត់អាការៈក្អក ដូចជា Bromhexine, Promethazine ពពួកអង់ទីប៊ីយូទិច និងថ្នាំជាច្រើនមុខទៀត។ លក្ខណៈសម្បត្តិពិសេសដែលប្លែកពីសហគ្រាសដទៃគឺ CPE ជាសហគ្រាសដែលទទួលបានវិញ្ញាបនបត្រ GMP ដែលបានបញ្ជាក់អំពីស្តង់ដារអន្តរជាតិ របស់សហគ្រាសហើយទទួលបានការទទួលស្គាល់គុណភាពដែលនៅក្នុងប្រទេសយើងសព្វថ្ងៃនេះមានតែ ៣សហគ្រាសប៉ុណ្ណោះដែលមានGMP។ វិញ្ញាបនបត្រនេះអាចនឹងទទួលបានលុះត្រាតែសហគ្រាសមានផលិតឱសថដែលមានតម្លៃ ៣ គឺ «គុណភាព សុវត្ថិភាព និងប្រសិទ្ធភាព»។ ចំណែកឯ បរិស្ថានវិញគឺលុះត្រាតែមានបរិយាកាសល្អដោយមានខ្យល់បរិយាកាសខាងក្នុងត្រូវឆ្លងកាត់ការច្រោះ ៣ ដំណាក់កាល។ ក្នុងនោះផងដែរការច្រោះ -ទី១ មានហ្វីលពី ៥ ទៅ ១០ មីក្រុង -ទី២ មាន ៥ មីក្រុង -ទី៣ មាន ០.៥ មីក្រុង ដែលវាសុទ្ធតែជាខ្យល់ដែលច្រោះតាមបទដ្ឋាន GMP អន្តរជាតិ។ ចំណែកឯសំណង់បន្ទប់វិញក៏មានការសង់ជាបណ្តាញដែលរត់ជាខ្សែចង្វាក់បន្តៗគ្នា ដោយមិនមានការខ្វាត់ខ្វែងគ្នាឡើយ។ ម្យ៉ាងទៀតការគ្រប់គ្រងវត្ថុធាតុដើមក៏មានភាពតឹងរឹងផងដែរដោយមានកន្លែងសម្រាប់ស្តុកទុកសិនរួចធ្វើ ការវិភាគ និងបិទស្លាកសញ្ញាសម្គាល់ច្បាស់លាស់តាមដំណាក់កាលនីមួយៗដើម្បីចៀសវាងការច្រឡំ និងងាយស្រួលធ្វើការតវ៉ា និងវិធានការបន្ថែមទៀត ប្រសិនបើមានលទ្ធផលមិនល្អឬមិនប្រក្រតី។ ចំពោះភាពលំបាកវិញលោកឱសថបណ្ឌិតបានបញ្ជាក់ថាមិនសូវមានច្រើននោះទេ។ ប្រៀបធៀបនឹងកាល ពីមុនគឺមានបញ្ហាដាច់ចរន្តអគ្គិសនីច្រើន តែបច្ចុប្បន្នមិនសូវមានទៀតទេ។ ប៉ុន្តែអ្វីដែលត្រូវប្រឈមនោះគឺការប្រកួតប្រជែងលើទីផ្សារជាមួយនឹង ផលិតផលដទៃដោយសារផលិតផលខ្លះទៀតមានការនាំចូលដោយមិនចាំបាច់ត្រូវការបង់ពន្ធ។ ថ្វីត្បិតថា CPE បានទទួលការបន្ធូរបន្ថយពន្ធពី រដ្ឋាភិបាល ក៏ពិតមែនតែនៅមានផលលំបាកដែរព្រោះថានៅលើទីផ្សារផលិតផលខ្លះត្រូវបាននាំចូលមកដោយរត់គេចពន្ធជាហេតុធ្វើឲ្យតម្លៃមាន ការប្រកួតប្រជែងខ្លាំង។ ចំពោះបញ្ហានេះខាងសហគ្រាសផ្ទាល់បានធ្វើការសំណូមពរទៅកាន់រាជរដ្ឋាភិបាលហើយដោយសូមឲ្យមានការយកពន្ធចំពោះ ផលិតផលឱសថនាំចូលទាំងឡាយណាដែលអាចផលិត បាននៅក្នុងប្រទេស។ ជាក់ស្តែងប្រទេសមួយចំនួនមានវិធានការតម្លើងពន្ធចំពោះផលិតផលណា ដែលគេអាចផលិតបាននៅក្នុងប្រទេសជាពិសេសប្រទេសជិតខាងរបស់យើង។ នៅក្នុងឆ្នាំនេះសហគ្រាសបានផលិតថ្នាំថ្មីចំនួន ១០ មុខបន្ថែមទៀតដើម្បីបំពេញតម្រូវការរបស់ប្រជាជនកម្ពុជាហើយក៏មានគម្រោងសាងសង់រោងចក្រ ថ្មីផងដែរដោយសព្វថ្ងៃមានដីមួយកន្លែងហើយតែក៏កំពុងសម្លឹងមើលទីតាំងផ្សេងទៀតដែលមានទំហំធំ និងស្ថិតនៅឆ្ងាយពីទីប្រជុំជនដើម្បីឲ្យមាន បរិយាកាសក៏ដូចជាបរិស្ថានល្អ។ គោលនយោបាយរបស់សហគ្រាស CPE ដែលជាការផលិតថ្នាំ ប្រកបដោយគុណតម្លៃ៣យ៉ាងគឺ «គុណភាព សុវត្ថិភាព និងប្រសិទ្ធភាព» បាននិងកំពុងផ្តល់ជាទំនុកចិត្ដយូរអង្វែងដល់វេជ្ជបណ្ឌិត និងអ្នកប្រើប្រាស់ទាំងក្នុងរាជធានីផ្ទាល់ និងតាមបណ្តាខេត្តផ្សេងៗ ហើយវា ក៏ជាគន្លឹះមួយដែលអាចឲ្យសហគ្រាសអាចឈរជើងប្រកួតប្រជែងជាមួយនឹងសហគ្រាសដទៃផងដែរ។   ជាចុងក្រោយ លោកឱសថបណ្ឌិត ង៉ាន់ បេង ក៏មានសំណូមពរជូនដល់ប្រជាជនកម្ពុជា «សូមឲ្យលោកអ្នកជឿទុកចិត្តចំពោះគុណភាពនៃឱសថដែល ផលិតនៅក្នុងស្រុកផងដោយឱសថក្នុងស្រុកក៏មានគុណភាព ប្រសិទ្ធភាពដូចគ្នានឹងផលិតផលមកពីក្រៅប្រទេសដែរ។ ម្យ៉ាងទៀតគុណភាពព្យាបាលក៏ល្អ រីឯតម្លៃវិញក៏សមរម្យផងដែរ ដោយមានតម្លៃធូរថ្លៃជាងផលិតផលនាំចូល។ ជាក់ស្តែងឱសថទាំងអស់សុទ្ធតែត្រូវបានឆ្លងកាត់ការត្រួតពិនិត្យពីក្រសួង ជារៀងរាល់ឆ្នាំហើយប្រសិនបើមានបញ្ហាអ្វីក្រសួងនឹងមិនអនុញ្ញាតឲ្យដាក់លក់ ឬចរាចរនៅលើទីផ្សារឡើយ។ មិនត្រឹមតែប៉ុណ្ណោះប៉ុន្មានឆ្នាំមុននេះ ក៏ធ្លាប់មានក្រុមហ៊ុនជប៉ុន JPMA យកឱសថរបស់ CPE និងសហគ្រាសផ្សេងៗទៅធ្វើការត្រួតពិនិត្យដល់ប្រទេសជប៉ុនផងដែរ»។ ©2017 រក្សាសិទ្ធិគ្រប់យ៉ាង​ដោយ Health Time Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែត ឧបករណ៍អេឡិចត្រូនិក អាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ។

អាជីព និងការសិក្សា
ចែករំលែក
  • Jun 01, 2017 |
  • 7 ឆ្នាំមុន |
  • 2.2K មើល

ជំងឺមុខក្រហម និងការព្យាបាល

ជំងឺមុខក្រហម ចែកជា4 ប្រភេទ Erythematotelangiectasie Papulopustular Rhinophymatous Ocular  ការព្យាបាល *Standard treatment : Metronidazole, Azelaic acid, Sodium sulfacetamide sufur *Second line : BPO, Clindamycin, Calcineurin inhibitor, Permethrin   

ជំងឺផ្សេងៗ
ចែករំលែក
  • May 31, 2017 |
  • 7 ឆ្នាំមុន |
  • 6.7K មើល

អត្ថប្រយោជន៍នៃការពិនិត្យសុខភាពទូទៅ

ប្រធានបទ: អត្ថប្រយោជន៍នៃការពិនិត្យសុខភាពទូទៅ   បកស្រាយដោយ: វេជ្ជបណ្ឌិត ពុទ្ធ ឧត្តម ប្រធានគ្រប់គ្រងនៃគ្លីនិកអេគីប   ជាទូទៅបងប្អូនប្រជាជនខ្មែរយើង ភាគច្រើនមិនសូវចាប់អារម្មណ៏ និង យកចិត្តទុកដាក់ទៅលើការថែទាំ  ឬការពិនិត្យសុខភាពជាប្រចាំនោះទេ ដោយភាគច្រើនពួកគាត់គិតថា ឥតប្រយោជន៍(អត់ឈឺអីផងទៅពេទ្យធ្វើអី្វ?)  ខាតពេលវេលា ខាតថវិការ ចាំពេលឈឺ ឬមិនស្រួលខ្លួនចាំទៅពិគ្រោះព្យាបាលជាមួយគ្រូពេទ្យតែម្តង ៕   ពួកគាត់ពិតជាមិនបានគិតថា ភាគច្រើននៃជម្ងឺដ៏កាចសាហាវមួយចំនួននោះ អាចឆ្លងមកយេីងដោយមិនដឹងខ្លួន  ឬពេលដែលកំពុងផ្ទុកគឺគ្មានរោគសញ្ញាអ្វីទាំងអស់។ ជាការពិតណាស់ពេលជម្ងឺនៅក្នុងដំណាក់កាលដំបូងភាគច្រេីនយើង អាចធ្វើការព្យាបាល ឫ ការពារបានយ៉ាងងាយស្រួលសោះ ដូចជាជំងឺរលាកថ្លើម ជំងឺរលាក ឬដំបៅក្រពះពោះវៀន  និងជំងឺដុំសាច់ក្រពះពោះវៀនជាដើម....។ តែបើយើងជួបពិគ្រោះនិងតាមដានសុខភាពជាទៀងទាត់ជាមួយគ្រូពេទ្យ  នោះយើងអាចដឹងពីស្ថានភាពជំងឺ និងធ្វើការព្យាបាល ឬការពារបានទាន់ពេលវេលាដែលមានប្រសិទ្ធិភាពខ្ពស់ ៕   ក្នុងគោលបំណងលេីកកំពស់សុខភាពប្រជាជនខ្មែរយេីង គ្លីនិក អេគីប ឯកទេសជម្ងឺ ថ្លើម ក្រពះ ពោះវៀន និង ឫសដូងបាត យើងខ្ញុំក៏មានសេវាពិនិត្យសុខភាពទូទៅជាកញ្ចប់ផងដែរ រួមជាមួយក្រុមវេជ្ជបណ្ឌិតឯកទេស ដែលអាចផ្តល់ជូនអោយបងប្អូនប្រុសស្រី ពុកម៉ែ អ៊ុំពូមីង យាយតា នូវការពិនិត្យសុខភាព ការពិគ្រោះ និង ការព្យាបាល ក្នុងតំលៃយ៉ាងសមរម្យ សុវិត្តិភាពខ្ពស់ និង  ក្រុមសីលធម៍វិជ្ជាជីវៈខ្ពស់បំផុត ដែលកញ្ចប់សុខភាពទាំងនោះមានដូចជា ៖  - កញ្ចប់ពិនិត្យសុខភាពទូទៅ  - កញ្ចប់ពិនិត្យសុខភាពថ្លើមទូទៅ  - កញ្ចប់ពិនិត្យសុខភាពមុនទទួលការព្យាបាលជំងឺរលាកថ្លើមប្រភេទ B និង C  - កញ្ចប់ពិនិត្យសុខភាពក្រពះ  - កញ្ចប់ពិនិត្យសុខភាពពោះវៀន  - កញ្ចប់សុខភាពក្នុងការរុករកដុំមហារីក ក្រពះ ពោះវៀន ដំណាក់កាលដំបូងផងដែរ។   គួរកត់សំគាល់ផងដែរថាការពិនិត្យសុខភាពទូទៅ គួរធ្វេីរៀងរាល់6ខែម្តងយ៉ាងទៀងទាត់នឹងអាចផ្តល់អោយយើងទាំងអស់គ្នាទទួលបាននូវការការពារសុខភាព និង ជៀសវាងជម្ងឺកាចសាហាវ មួយចំនួនបានជាង 60 ទៅ 70% នៃការវិវត្តន៍ហួសពេលនៃជម្ងឺ, ការពិនិត្យក៏អាចផ្តល់នូវការចំណេញទាំងពេលវេលា ថវិការ និង ការរស់នៅ បានយូរដោយមានសុខភាពល្អផងដែរ ។  ការការពារ គឺប្រសើរជាងការព្យាបាល !    សូមទទួលការគោរពនិងស្រលាញ់ពីគ្លីនិក អេគីប    រក្សាសិទ្ធិដោយ គ្លីនិក អេគីប    សូមទំនាក់ទំនងសំរាប់ពត៌មានបន្ថែម មកកាន់ គ្លីនិកឯកទេស អេគីប ៖ 070553317 - 066553317 - 017553317

ព្រឹត្តិការណ៍ និងព័ត៌មាន
ចែករំលែក
Top