Loading...

Your cart (4)

Product thumb

Basic hooded sweatshirt in pink

  • Color: Pink
  • Size: S
$15.00 $31.00
Product thumb

Black and white sport cap

$18.15
Product thumb

Mid-rise slim cropped fit jeans

  • Size: M
$76.00
Product thumb

Men fashion gray shoes

  • Color: Gray
  • Size: 10.5
$84.00
Subtotal: $198.65
Checkout
(096) 7888-017 info@healthtime.tips (096) 7888-017
ភាសាខ្មែរ ភាសាខ្មែរ
English English
ចូលគណនី
Createx Logo
  • Aug 30, 2018 |
  • 6 ឆ្នាំមុន |
  • 33.9K មើល

អ្វីខ្លះ ជាមូលហេតុនាំឲ្យមានការរលូតកូនញឹកញាប់?

គេចាត់ទុកការរលូតកូនញឹកញាប់ គឺគភ៌មិនមានការលូតលាស់ក្រោមអាយុ ២០សប្តាហ៍ លើសពី៣ដងឡើង។ គេប្រទះឃើញស្ថានភាពនេះ កើតមានលើស្ត្រី ៣ទៅ ៥នាក់ក្នុងចំណោមស្ត្រី១០០នាក់។ ស្ត្រីដែលមានអាយុក្រោម ៣០ឆ្នាំ នឹងអាចជួបការរលូតកូនម្តងទៀត ២៥ ភាគរយ។ ចំពោះស្ត្រីដែលមានអាយុលើសពី៤០ឆ្នាំ នឹងអាចជួបការរលូតកូនម្តងទៀត ចន្លោះ ៥០ ទៅ ៦០ភាគរយ។ គ្រប់ស្ត្រីដែលជួបនឹងការរលូតកូនញឹកញាប់មិនមែនបានន័យថា ស្ត្រីមិនអាចមានកូននោះទេ គឺស្ត្រីអាចនៅមានឱកាស ក្នុងការសម្រាលបុត្រធម្មតាដូចគេដូចឯង គ្រាន់តែស្ត្រីនឹងអាចមានភាគរយនៃការរលូតកូនឡើងវិញ គឺអាស្រ័យទៅនឹងមូលហេតុនៃការរលូតកូន។ មូលហេតុនៃការរលូតកូនមួយភាគធំ មិនមានភាពច្បាស់លាស់ទេ។ មូលហេតុផ្សេងទៀតអាចមកពី៖ •    កត្តាហ្សែន គេសង្កេតឃើញ ៥០ភាគរយនៃការរលូតកូនគឺបណ្តាលមកពីកត្តាហ្សែន ពិសេសស្ត្រីអាយុកាន់តែច្រើន អត្រាជួបនឹងភាពខុសប្រក្រតីលើកូនកាន់តែកើន អត្រានៃការរលូតក៏កាន់តែខ្ពស់ដែរ។ •    កត្តាប្រព័ន្ធភាពសុំា ដូចជាជំងឺ Thrombophilia ដែលជាជំងឺតំណពូជ ហើយរ៉ាប់រងចន្លោះ ១២ទៅ១៥ ភាគរយនៃការរលូតកូនញឹកញាប់។ ជំងឺអង់ទីករប្រឆាំងនឹងគ្រាប់ឈាម ពិសេសលើស្ត្រីមានក្រុមឈាមប្រភេទដក ក៏ជាមូលហេតុនៃការរលូតកូនញឹកញាប់ដែរ។ •    កត្តាស្បូនខុសប្រក្រតី ដូចជាករណីមានដុំ ស្បូនទីតាំងក្នុងស្រទាប់រដូវ ឬស្បូនមានសន្ទះខណ្ឌជាពីរ ភាពស្អិតក្នុងស្បូន ឬការអន់ខ្សោយនៃមាត់ស្បូន។ •    កត្តាអ័រម៉ូន កង្វះខាតអ័រម៉ូន Progesteone ការលើសនូវជាតិស្ករក្នុងឈាម ការលើសឬខ្វះនូវអ័រម៉ូនក្រពេញទីរ៉ូអុីត ជាមូលហេតុដែលឲ្យមានការរលូតកូនញឹកញាប់។ ការឆែកសុខភាពក្នុងករណីរលូតកូនញឹកញាប់ ជាធម្មតាស្ត្រីតែងតែមានអារម្មណ៍ភ័យនៅពេលដែលចាប់ផ្តើមមានផ្ទៃពោះថ្មី បន្ទាប់ពីមានប្រវត្តិរលូត។ ជាទូទៅការសិក្សាបញ្ជាក់ថា ការមានប្រវត្តិរលូត១ ឬ២ដង ស្ត្រីនៅតែអាចមានអត្រាមានបុត្រដូចស្ត្រីមិនធ្លាប់មានប្រវត្តិរលូតកូន។ តែចំពោះស្ត្រី ដែលមានប្រវត្តិរលូតលើសពីបីដងឡើង អាចត្រូវឆែករកមើលមូលហេតុមួយចំនួន ដើម្បីត្រៀមខ្លួនទទួលគភ៌សាជាថ្មីទៀត។ ការឆែកសុខភាពរួមមាន៖ •    ការពិនិត្យរោគស្រ្តី និងអេកូស្បូន ដើម្បីមើលនូវភាពខុសប្រក្រតីនៃស្បូន ឬមាត់ស្បូន •    ការឆ្លុះក្នុងស្បូន ដើម្បីមើលឲ្យកាន់តែច្បាស់នូវភាពខុសប្រក្រតីក្នុងស្រទាប់រដូវ ដូចជា ដុំស្បូន ដែលពិបាកមើលតាមអេកូ ឬស្អិតស្រទាប់រដូវជាដើម។ •    ការច្រិបស្រទាប់រដូវយកទៅវិភាគ ដើម្បីរកមើលនូវភាពខុសប្រក្រតីនៃស្រទាប់រដូវ •    តេស្តឈាមមួយចំនួន ដូចជាតេស្តឈាម រកកម្រិតអ័រម៉ូន Progesterone ដែលទាក់ទងជាមួយគុណភាពនៃមេជីវិតស្ត្រី និងជួយស្រទាប់រដូវឲ្យចិញ្ចឹមកូនបានល្អក្នុងពេលពពោះ។ ការលើស ឬខ្វះនូវអ័រម៉ូនក្រពេញទីរ៉ូអ៊ីត ក៏ជះឥទ្ធិពលលើការលូតលាស់កូនដែរ។ ការលើសជាតិស្ករ ក៏ជាកត្តាឲ្យមានការរលូតកូនញឹកញាប់ដែរ។ ការឆែកមើលតេស្តឈាមរកមើលជំងឺតំណពូជ ទាំងស្ត្រី និងបុរស អាចឲ្យយើងដឹងពីមូលហេតុ និងការរៀបចំខ្លួនត្រៀមយកកូនសាជាថ្មី។ ជាតិវីតាមីនដេ និងការមើលទាក់ទងនឹងប្រព័ន្ធភាពសុំា បើក្នុងករណីមានបញ្ហាយើងអាចធ្វើការការពារបានមុន។ គេសង្កេតឃើញលទ្ធផលនៃការធ្វើតេស្តទាំងនេះនឹងជួបតែ ៥០ ភាគរយដែលមានបញ្ហា។ ចំពោះស្ត្រីដែលតេស្តឈាមឃើញមិនមានបញ្ហា គេថាស្ត្រីនោះមានការរលូតកូនដោយឯកឯង មិនមាន មូលហេតុច្បាស់លាស់ទេ។ មន្ទីរសម្រាកព្យាបាល និងសម្ភពមាតា មានទទួលនូវការឆែកសុខភាព និងពិគ្រោះ ក្នុងករណីមាន ការរលូតកូនញឹកញាប់។ សម្រាប់ព័ត៌មានបន្ថែម សូមទំនាក់ទំនង អាសយដ្ឋាន៖ ផ្ទះលេខ៤ ផ្លូវ៥៤៨ សង្កាត់បឹងកក់១ ខណ្ឌទួលគោក ភ្នំពេញ លេខទូរស័ព្ទ៖ ០១២/០៧០ ៦៨ ៥០ ៧៥ អ៊ីម៉ែល៖  doctor_tysovannaroth@yahoo.com បកស្រាយដោយ​៖ វេជ្ជបណ្ឌិត ទី សុវណ្ណរដ្ឋ ឯកទេសសម្ភព រោគស្ត្រី និងជាប្រធានផ្នែកសម្ភពរោគស្ត្រី នៃមន្ទីរសម្រាកព្យាបាល និងសម្ភព មាតា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

មាតា និងទារក
ចែករំលែក
  • Aug 30, 2018 |
  • 6 ឆ្នាំមុន |
  • 4.5K មើល

ដកដង្ហើមតាមច្រមុះតែម្ខាង និងឧស្សាហ៍ហូរឈាមច្រមុះ អាចជាសញ្ញានៃ…

មិនត្រឹមតែពិបាកក្នុងការដកដង្ហើមតាមរយៈរន្ធច្រមុះតែម្ខាងទេ អ្នកជំងឺម្នាក់ក៏បានរាយការណ៍អំពីភាពញឹកញាប់នៃការហូរឈាមច្រមុះដែលចោទជាបញ្ហាចំពោះការរស់នៅរបស់គាត់ផ្ទាល់ផងដែរ។ រោគសញ្ញាទាំងនេះ ត្រូវបានសង្ស័យថាជាសញ្ញាព្រមាននៃជំងឺទាក់ទងនឹងសរីរាង្គច្រមុះ ដែលអ្នកជំងឺគួរទទួលការព្យាបាលឲ្យបានឆាប់បំផុត។ សំណួរ៖ ខ្ញុំបាទអាយុ២៥ឆ្នាំ ខ្ញុំដកដង្ហើមបានតែមួយចំហៀងច្រមុះ និងឧស្សាហ៍ចេញឈាមតាមច្រមុះផងដែរ។ តើបញ្ហានេះបណ្តាលមកពីបញ្ហាអ្វី និងអាចបង្កជាបញ្ហាលំបាកអ្វីដែរឬទេ? តើអាចព្យាបាលបានទេ? ចម្លើយ៖ តាមការរៀបរាប់បញ្ជាក់ថា  ប្អូនប្រុសអាចមានបញ្ហា វៀចឆ្អឹងច្រមុះងាកមកម្ខាង ឬអាចមានដុំសាច់នៅក្នុងរន្ធច្រមុះម្ខាង។ បញ្ហាទាំងអស់នេះអាចព្យាបាលបាន តែតម្រូវឲ្យមានការធ្វើរោគវិនិច្ឆ័យច្បាស់លាស់ជាមួយនឹងការព្យាបាលត្រឹមត្រូវឲ្យបានទាន់ពេលវេលា។ បកស្រាយដោយ​៖ សាស្រ្តាចារ្យ វេជ្ជបណ្ឌិត ប៉ូ រដ្ឋា ប្រធានបច្ចេកទេសនៃមន្ទីរពេទ្យព្រះអង្គឌួង និងជាប្រធានសមាគមជាតិ ត្រចៀក ច្រមុះ បំពង់ក វះកាត់ក្បាល និងក កម្ពុជា ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ត្រចៀក ច្រមុះ បំពង់ក
ចែករំលែក
  • Aug 28, 2018 |
  • 6 ឆ្នាំមុន |
  • 5.6K មើល

ភាពខុសគ្នានៃសារធាតុចិញ្ចឹម ទៅតាមប្រភេទអង្ករ

អង្ករ ឬបាយតែងមានវត្តមានលើតុអាហារចម្បងស្ទើរតែជារៀងរាល់ថ្ងៃទៅហើយ សម្រាប់ប្រជាជនអាស៊ីយើង ក៏ប៉ុន្តែតើអ្នកបានដឹងឬទេពីអត្ថប្រយោជន៍របស់វា? ហើយអ្នកប្រាកដឬទេ  ថាអ្នកបរិភោគប្រភេទអង្ករដែលស័ក្តិសមនឹងអ្នក? សារធាតុចិញ្ចឹមសំខាន់ៗដែលមានផ្ទុកក្នុងគ្រាប់អង្ករ អង្ករ គឺជាប្រភពដ៏សំខាន់នៃកាបូអីុដ្រាតដែលនឹងបំលែងទៅជាថាមពលសម្រាប់ឲ្យរាងកាយរបស់យើងប្រើប្រាស់។ ក្រៅពីនោះ អង្ករក៏មានផ្ទុកដោយ ប្រូតេអីុន សារធាតុខ្លាញ់ រ៉ែ និងវីតាមីនសំខាន់ៗមួយចំនួន (ជាតិដែក ម៉ាញ៉េស្យូម វីតាមីនបេ ជាដើម) ព្រមទាំងជាតិសរសៃផងដែរ ជាមួយនឹងបរិមាណប្រែប្រួលទៅតាមប្រភេទអង្ករ។ ប្រភេទនៃអង្ករ អង្ករមានច្រើនប្រភេទដែលជាទូទៅត្រូវបានជ្រើសរើសយកមកបរិភោគទៅតាមស្ថានភាព និងសុខភាពរបស់បុគ្គល។ អង្ករអាចត្រូវបានបែងចែកបានតាមរយៈរូបភាពផ្សេងៗគ្នា ដោយក្នុងចំណោមនោះ តាមរយៈដំណើរការផលិត យើងអាចសង្កេតឃើញអង្ករ ២ប្រភេទសំខាន់ៗគឺ អង្ករពណ៌ ស និងអង្ករពណ៌ក្រម៉ៅ។ ១. អង្ករ ស ឬបាយស អង្ករពណ៌ ស មានប្រភពពីអង្ករក្រម៉ៅដែលត្រូវបានឆ្លងកាត់ដំណើរការខាត់ចេញនូវសម្បកក៏ដូចជាស្រទាប់ខាងក្រៅ និងសម្អាតបាក់តេរីចេញ។  ការឆ្លងកាត់នូវដំណើរការនេះត្រូវបានធ្វើឡើងដើម្បីកាត់បន្ថយពេលវេលាចម្អិន បង្កើនរសជាតិ និងសុពលភាពក្នុងការរក្សាទុក តែស្របពេលជាមួយគ្នាវាក៏ធ្វើឲ្យអង្ករបាត់បង់នូវសារធាតុចិញ្ចឹមសំខាន់ៗជាច្រើនផងដែរ រួមទាំងជាតិកាកសរសៃ វីតាមីន និងរ៉ែ។ ម្យ៉ាងទៀត អង្ករស ងាយជ្រាបចូលក្នុងប្រព័ន្ធឈាម ជាហេតុធ្វើឲ្យវាមានសន្ទស្សន៍ជាតិស្ករ (GI) ខ្ពស់ជាងអង្ករក្រម៉ៅ ដែលជាលទ្ធផលអាចប៉ះពាល់សុខភាពប្រសិនបរិភោគច្រើន ពិសេសចំពោះអ្នកជំងឺទឹកនោមផ្អែម។ ទោះជាយ៉ាងណា អង្ករពណ៌សនៅតែត្រូវបានពេញនិយមសម្រាប់ការបរិភោគប្រចាំថ្ងៃ ដោយសារវាផ្តល់រសជាតិឆ្ងាញ់ និងស័ក្តិសមនឹងការបរិភោគជាមួយមុខអាហារដទៃទៀត។ ដូចនេះ ការយកចិត្តទុកដាក់លើបរិមាណក្នុងការបរិភោគអង្ករប្រភេទនេះ គឺជារឿងដែលមិនអាចមើលរំលងបានដើម្បីចៀសវាងបញ្ហាសុខភាពផ្សេងៗ។ ២. អង្ករពណ៌ក្រម៉ៅ អង្ករពណ៌ក្រម៉ៅ ត្រូវបានសង្កេតឃើញពណ៌ប្រែប្រួលពី ពណ៌ត្នោត (អង្ករសម្រូប) ពណ៌ក្រហម និងពណ៌ខ្មៅជាដើម។ អង្ករប្រភេទនេះត្រូវបានចាត់ទុកថាជាធញ្ញជាតិពេញលេញ (Whole grain) ដោយសារវាមិនត្រូវបានឆ្លងកាត់ដំណើរការកែច្នៃណាមួយក្រៅពីការយកសម្បកអង្កាមចេញឡើយ ដែលលក្ខណៈសម្បត្តិនេះធ្វើឲ្យវាសម្បូរទៅដោយសារជាតិចិញ្ចឹមច្រើនជាងអង្ករ ស ផងដែរ។ ជាមួយនឹងសន្ទស្សន៍ជាតិស្ករទាប ដែលធ្វើឲ្យវាអាចព្រលែងកាបូអីុដ្រាតក្នុងអត្រាធម្យម និងភាពសម្បូរដោយជាតិសរសៃ អង្ករក្រម៉ៅត្រូវបានដឹងថាអាចជួយឲ្យអ្នកបរិភោគរក្សាភាពឆ្អែតបានយូរ រំលាយអាហារបានលឿន និងបញ្ចុះជាតិខ្លាញ់ ដែលមានអត្ថ-ប្រយោជន៍ចំពោះការរក្សាទម្ងន់   គ្រប់គ្រងជំងឺទឹកនោមផ្អែម ក៏ដូចជាជំងឺសរសៃឈាមបេះដូងផងដែរ។   ដោយឡែក ករណីអង្ករនេះត្រូវបានដាំដុះនៅតំបន់ដែលមានជាតិពុលច្រើនដូចជា នៅជិតរោងចក្រឧស្សាហកម្ម អណ្តូងរ៉ែ កាកសំណល់ឧស្ម័នពីយានជំនិះ ព្រមទាំងការប្រើប្រាស់ជីគីមី និងថ្នាំសម្លាប់សត្វល្អិតជាដើម អាចបន្សល់នូវជាតិលោហៈធ្ងន់ដូចជា ក្រូមីញ៉ូម អាសេនិចសំណ បារ៉ត ជាដើម ដែលតោងជាប់ជាពិសេសលើស្រទាប់ពណ៌ក្រហមត្នោតនៃអង្ករ។ ក្រៅពីនោះ អង្ករសម្រូប ក៏មានផ្ទុកដោយអាស៊ីតហ្វីទិក (Phytic acid) ដែលអាចប៉ះពាល់ដល់ការស្រូបចូលនៃជាតិដែក និងស័ង្កសី ពីចំណីអាហារចូលទៅក្នុងរាងកាយផងដែរ។ ទោះជាយ៉ាងណាក៏ដោយ ករណីខ្វះអាហារូបត្ថម្ភ កម្រត្រូវបានសង្កេតឃើញណាស់ ប្រសិនយើងបរិភោគអាហារដែលមានតុល្យភាពអមជាមួយ។ ម្យ៉ាងទៀត ការឆ្លងកាត់នូវដំណើរការកែច្នៃមួយចំនួនដូចជាការផ្អាប់ការបណ្តុះ ស្រោច ឬលាងជម្រះទឹក អាចកាត់បន្ថយបរិមាណនៃសារធាតុអាស៊ីតខាងលើបាន និងជំរុញការស្រូបយកសារធាតុចិញ្ចឹមដោយរាងកាយ។   ដោយឡែក ការស្រាវជ្រាវបានបង្ហាញផងដែរថា អាស៊ីតហ្វីទិក មិនគួរត្រូវបានចៀសវាងទាំងស្រុងនោះទេ    ពីព្រោះវាគឺជាសារធាតុប្រឆាំងអុកស៊ីតកម្មដែលមានសកម្មភាពការពារនឹងជំងឺមហារីក និងក្រួសក្នុងតម្រងនោម។ សរុបមក ការបរិភោគលាយបញ្ចូលគ្នា ឬឆ្លាស់គ្នារវាងអង្ករទាំងពីរប្រភេទត្រូវបានណែនាំ ជាជាងការជ្រើសរើសការបរិភោគអង្ករតែម្យ៉ាង។ ចំណែកអ្នកជំងឺ ឬអ្នកដែលស្ថិតក្នុងស្ថានភាពជាក់លាក់ណាមួយ ដែលតម្រូវឲ្យកំណត់ប្រភេទ និងបរិមាណត្រឹមត្រូវនៃអង្ករ ឬបាយសម្រាប់បរិភោគ គួរតែពិគ្រោះជាមួយអ្នកជំនាញសុខភាព និងធ្វើតាមការណែនាំដើម្បីទទួលបានលទ្ធផលល្អ ឬគ្រប់គ្រងជំងឺបានត្រឹមត្រូវ។ អ្នកត្រូវប្រាកដទៀតថាបានចៀសវាងបរិភោគអង្ករដែលបានដាំដុះនៅជិតកន្លែងដែលមានជាតិពុលដោយកត្តាផ្សេងៗ ដើម្បីចៀសផុតពីផលវិបាកណាមួយទៅថ្ងៃក្រោយ។   ក្រៅពីការជ្រើសរើសប្រភេទអង្ករការប្រកាន់អាហារចម្រុះប្រកបដោយតុល្យភាពគឺជារឿងសំខាន់  ដើម្បីកាត់បន្ថយការប៉ះពាល់នឹងសារជាតិមិនល្អដដែលៗ ឬកង្វះសារធាតុចិញ្ចឹម។  ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

វីតាមីន & អាហារូបត្ថម្ភ
ចែករំលែក
  • Aug 27, 2018 |
  • 6 ឆ្នាំមុន |
  • 5.5K មើល

ហេតុអ្វីត្រូវបរិភោគ Fiber?

Fiber គឺជាប្រភេទកាបូអ៊ីដ្រាតដែលខ្លួនមនុស្សមិនអាចរំលាយបាន។ បើទោះជាកាបូអ៊ីដ្រាតភាគច្រើនត្រូវបានបំបែកទៅជាម៉ូលេគុលស្ករក៏ដោយ ក៏ Fiber មិនត្រូវបានបំបែកដែរ ហើយវាបែរជាឆ្លងកាត់បំពង់រំលាយអាហាររបស់ខ្លួនមនុស្សដោយមិនមានការរំលាយអ្វីទាំងអស់។ Fiber ជួយសម្រួលដល់ការប្រើប្រាស់ស្ករក្នុងខ្លួន ដោយមិនឲ្យឃ្លាន និងរក្សាកំហាប់ស្ករក្នុងឈាម។ កុមារ  និងមនុស្សពេញវ័យ ត្រូវការ Fiber យ៉ាងតិច២០ ទៅ៣០ក្រាមក្នុងមួយថ្ងៃ។ អាហារដែលសម្បូរទៅដោយ Fiber ច្រើនជាងគេ គឺផ្លែឈើ បន្លែ គ្រាប់ធញ្ញជាតិ និងសណ្តែក។ ទម្រង់២ផ្សេងគ្នារបស់Fiber •    Fiber ដែលរលាយក្នុងទឹក អាចជួយបន្ថយកម្រិតគ្លុយកូស និងកូឡេស្តេរ៉ុលក្នុងឈាម។ អាហារដែលមាន Fiber រលាយក្នុងទឹករួមមាន ម្សៅធញ្ញជាតិអូត គ្រាប់ផ្លែឈើ សណ្តែក ផ្លែប៉ោមនិងប្លូប៊ឺរី។ •    Fiber  មិនរលាយក្នុងទឹក អាចជួយឲ្យអាហារឆ្លងកាត់ប្រព័ន្ធរំលាយអាហារ ដោយជំរុញឲ្យមានការបត់ជើងទៀងទាត់ និងការពារការទល់លាមក។ អាហារដែលមាន Fiber មិនរលាយក្នុងទឹក រួមមានស្រូវសាលី នំប៉័ងធ្វើពីស្រូវសាលី ស្រូវសម្រូប គ្រាប់សណ្តែក ការ៉ុត ត្រសក់ និងប៉េងប៉ោះ។ ប្រភពដែលសម្បូរដោយ Fiber គឺផ្លែឈើស្រស់ បន្លែ គ្រាប់សណ្តែក និងគ្រាប់ផ្លែឈើ។     វិធីសាស្រ្តក្នុងការបង្កើន Fiber ក្នុងខ្លួន •    បរិភោគផ្លែឈើមិនមែនទឹកផ្លែឈើ •    ជំនួសបាយស នំប៉័ង និងផាស្តាដោយបាយសម្រូប និងផលិតផលធ្វើពីគ្រាប់ធញ្ញជាតិទាំងមូល •    សម្រាប់អាហារសម្រន់ គួរហូបបន្លែឆៅជំនួសដំឡូងចៀនឬបំពង នំស្រួយឬសូកូឡា •    គួរប្រើសណ្តែកជំនួសសាច់ក្នុងអាហាររបស់អ្នកឲ្យបាន២ទៅ៣ដងក្នុងមួយសប្តាហ៍។     Fiber និងជំងឺ Fiber អាចកាត់បន្ថយហានិភ័យនៃការកើតជំងឺមួយចំនួន ដូចជាជំងឺបេះដូង ជំងឺទឹកនោមផ្អែមជំងឺដក់ថង់នៅពោះវៀនធំ និងបញ្ហាទល់លាមក។ បើទោះបីជាមានអត្ថប្រយោជន៍យ៉ាងនេះក៏ដោយក៏ Fiber នៅតែអាចបង្កឲ្យមានផលប៉ះពាល់តិចតួចដល់ពោះវៀនធំដែរ។     ជំងឺបេះដូង បរិមាណច្រើននៃ Fiber នៅក្នុងអាហារ អាចបន្ថយហានិភ័យនៃការកើតជំងឺបេះដូង ដោយផ្អែកតាមការសិក្សាមួយចំនួនធំដែលបានធ្វើការតាមដានទៅលើមនុស្សអស់រយៈពេលច្រើនឆ្នាំ។ ក្នុងការសិក្សាមួយរបស់ Harvard លើអ្នកវិជ្ជាជីវៈសុខាភិបាលភេទប្រុសជាង៤ម៉ឺននាក់ បានឲ្យដឹងថា ការបរិភោគអាហារដែលមានបរិមាណ Fiber ខ្ពស់ អាចធ្វើឲ្យកាត់បន្ថយហានិភ័យនៃការកើតជំងឺសរសៃឈាមបេះដូងដល់ទៅ៤០%។ ការសិក្សាមួយទៀតដែលធ្វើលើគិលានុប្បដ្ឋាយិកា ក៏ផ្តល់នូវលទ្ធផលស្រដៀងគ្នាផងដែរ។ ការបរិភោគ Fiber ច្រើន ក៏មានទំនាក់ទំនងក្នុងការបន្ថយហានិភ័យនៃការកើតជំងឺ Metabolic syndrome ដែលជាការរួមគ្នានៃកត្តាជំរុញឲ្យមានកើតជំងឺបេះដូង និងទឹកនោមផ្អែម។ កត្តាទាំងនោះរួមមានជំងឺលើសសម្ពាធឈាម ការឡើងខ្ពស់នៃកម្រិតអាំងស៊ុយលីនក្នុងឈាម ការលើសទម្ងន់ កម្រិតជាតិខ្លាញ់ខ្ពស់ក្នុងឈាម និងកម្រិតកូឡេស្តេរ៉ុលល្អ (HDL) ក្នុងឈាមទាប។ ការសិក្សាមួយចំនួន បានណែនាំថា ការបរិភោគ Fiber ច្រើន អាចផ្តល់នូវអត្ថប្រយោជន៍ការពារពីជំងឺទាំងនេះ។     ជំងឺទឹកនោមផ្អែមប្រភេទ២ របបអាហារដែលមាន Fiber ទាបដែលធ្វើឲ្យមានបរិមាណស្ករក្នុងឈាមកើនឡើង អាចបង្កើនហានិភ័យនៃការកើតជំងឺទឹកនោមផ្អែមប្រភេទ២។ ការសិក្សារបស់ Harvard ទាំងពីរ បានរកឃើញថារបបអាហារបែបនេះ អាចបង្កើនហានិភ័យនៃជំងឺទឹកនោមផ្អែមដល់ទៅ២ដង បើធៀបទៅនឹងរបបអាហារដែលមាន Fiber ច្រើន និងបរិមាណទាបនៃអាហារដែលមានសន្ទស្សន៍ជាតិស្ករខ្ពស់។អាហារដែលមាន Fiber ច្រើននឹងបន្ថយហានិភ័យនៃជំងឺទឹកនោមផ្អែមប្រភេទ២។ ការសិក្សាផ្សេងទៀត ដូចជាការសិក្សាទៅលើសុខភាពរបស់ស្ត្រីស្បែកខ្មៅ និងការអង្កេតទៅលើការរំពឹងទុកនៃជំងឺមហារីក និងអាហារូបត្ថម្ភនៅអឺរ៉ុបក្នុងទីក្រុងផតដាំ ប្រទេសអាល្លឺម៉ង់ បង្ហាញនូវលទ្ធផលស្រដៀងគ្នាផងដែរ។     ជំងឺលានថង់អាហារតូចៗពីពោះវៀនធំ ជំងឺរលាកថង់តូចៗដែលលានចេញពីពោះវៀនធំជាប្រភេទជំងឺពោះវៀនមួយដែលកើតឡើងញឹកញាប់ទាក់ទងទៅនឹងកត្តាអាយុ។ ក្នុងការសិក្សារយៈពេលវែងលើអ្នកវិជ្ជាជីវៈសុខាភិបាលភេទប្រុស របបអាហារដែលសម្បូរ Fiber ជាពិសេស Fiber ដែលរលាយក្នុងទឹក មានទំនាក់ទំនងទៅនឹងការកាត់បន្ថយហានិភ័យដល់ទៅ៤០% នៃការកើតជំងឺលានថង់អាហារពីពោះវៀនធំ។     Fiber និងជំងឺទល់លាមក ជំងឺទល់លាមក គឺជាបញ្ហាដែលកើតញឹកញាប់លើប្រព័ន្ធរំលាយអាហារ ហើយការបរិភោគ Fiberទំនងអាចដោះស្រាយ និងការពារបញ្ហាទល់លាមក។ Fiber នៅក្នុងស្រូវសាលី ត្រូវបានគេរកឃើញថាមានប្រសិទ្ធភាពជាង Fiber នៅក្នុងផ្លែឈើ និងបន្លែ។ អ្នកជំនាញបានណែនាំឲ្យបង្កើនបរិមាណ Fiber នៅក្នុងអាហារបន្តិចម្តងៗ ជាជាងបង្កើនច្រើនភ្លាមៗ ម្យ៉ាងទៀត ដោយសារ Fiber នឹងធ្វើការស្រូបជាតិទឹក នោះការផឹកទឹកក៏ត្រូវធ្វើការបង្កើនផងដែរ។    មហារីកពោះវៀនធំ ការសិក្សាជាច្រើន បានបរាជ័យទៅលើការបញ្ជាក់ពីទំនាក់ទំនងរវាង Fiber និងមហារីកពោះវៀនធំ។ការសិក្សារបស់ Harvard ដែលធ្វើទៅលើគិលានុដ្ឋាកភេទស្រីជាង៨ម៉ឺននាក់អស់រយៈពេល១៦ឆ្នាំបានរកឃើញថា របបអាហារដែលមាន Fiber មិនមានទាក់ទងនឹងការបន្ថយហានិភ័យនៃជំងឺមហារីកពោះវៀនធំ ឬការដុះដុំសាច់ក្នុងពោះវៀនធំដែលជាដើមហេតុ នៃជំងឺមហារីកពោះវៀនធំទេ។     មហារីកសុដន់ ការសិក្សាធំមួយនៅឆ្នាំ២០១៦ បានធ្វើឲ្យអ្នកស្រាវជ្រាវរបស់សាលា Harvard T.H. Chan School of Public Health រកឃើញថា ការបរិភោគ Fiber ក្នុងបរិមាណច្រើនអាចកាត់បន្ថយហានិភ័យនៃជំងឺមហារីសុដន់ ដោយបានធ្វើការណែនាំថាការបរិភោគ Fiber ក្នុងវ័យជំទង់ និងពេលចាប់ផ្តើមពេញវ័យ ពិតជាមានសារសំខាន់ណាស់។ ស្ត្រីដែលបរិភោគអាហារសម្បូរទៅដោយ Fiber ក្នុងវ័យជំទង់ និងពេលពេញវ័យដំបូង ដូចជាបន្លែ និងផ្លែឈើ អាចកាត់បន្ថយហានិភ័យបណ្តាលឲ្យកើតជំងឺមហារីកសុដន់ក្នុងកម្រិតគួរឲ្យចាប់អារម្មណ៍មួយ បើធៀបទៅនឹងអ្នកដែលបរិភោគអាហារមិនសូវសម្បូរ Fiber។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

វីតាមីន & អាហារូបត្ថម្ភ
ចែករំលែក
  • Aug 24, 2018 |
  • 6 ឆ្នាំមុន |
  • 3.1K មើល

សូមចៀសវាងផលិតផលទាំងនេះ! ជាពិសេស មិត្តៗនារី...

ក្រសួងសុខាភិបាលនៃព្រះរាជាណាចក្រកម្ពុជា សូជម្រាបជូនដលសាធារណជនទាំងអស់ឲ្យបានជ្រាបថា៖  យោងតាមការពិនិត្យឃើញលើបណ្តាញសង្គមហ្វេសប៊ុក (Facebook) រៀងរាល់ថ្ងៃ មានគណនីចំនួនបីឈ្មោះ   ១-White Skin House ២-White Skin House II   ៣-Gluta White Skin House បានកំពុងផ្សព្វផ្សាយផលិតផលបំប៉នសុខភាព ឬឱសថបំប៉នសុខភាព និងគ្រឿងសម្អាង គ្មានក្រុមហ៊ុននាំចូលត្រឹមត្រូវ  គ្មានចុះបញ្ជិកា គ្មានការត្រួតពិនិត្យ និងគ្មានច្បាប់អនុញ្ញាតឲ្យផ្សព្វផ្សាយពីក្រសួងសុខាភិបាលឡើយ ហើយគណនីខាងលើនេះបានផ្សព្វផ្សាយអួតអាង បំផ្លើសហួសពីការពិត ដូចជាជួយបង្រួមសាច់ដុំទ្វារមាសឲ្យតឹងណែន បណ្តឹងដើមទ្រូងឲ្យមូលក្លំស្អាត ជាដើម។ ដើម្បីចៀសវាងការខាតបង់ប្រាក់កាស ប៉ះពាល់ដល់សុខភាពឬឈានដល់ការបាត់បង់អាយុជីវិត (ស្លាប់ដោយសារការហូរឈាមតាមទ្វារមាស ឬកើតមហារីកសុដន់)  របស់អ្នកប្រើប្រាស់ទៀតនោះ ក្រសួងសុខាភិបាលសង្ឃឹមថាសាធារណជនទាំងអស់ឈប់ប្រើប្រាស់ឈប់ជឿតាមការឃោសនាអកុសលបោកប្រាស់ភូតកុហក បំផ្លើសពីការពិតបែបអនាធិបតេយ្យ និងជួយផ្សព្វផ្សាយបន្តឲ្យប្រជាពលរដ្ឋដទៃឈប់ទិញ ឬប្រើប្រាស់ផលិតផលទាំងនេះតាមរយៈគណនីខាងលើនេះ។ ម្ចាស់គណនីឈ្មោះ White Skin House, White Skin House II និង Gluta White Skin House ត្រូវបញ្ឈប់ការផ្សព្វផ្សាយលក់ ឬចែកចាយ ផលិតផលបំប៉នសុខភាព  ឬឱសថបំប៉នសុខភាព  និងគ្រឿងសម្អាងជាបន្ទាន់។ ក្រសួងសុខាភិបាលនឹងមានវិធានការតឹងរឹងទៅតាមផ្លូវច្បាប់ចំពោះម្ចាស់គណនីឈ្មោះ White Skin House, White Skin House II និង Gluta White Skin House ដែលនាំចូល លក់ ឬចែកចាយ និងផ្សព្វផ្សាយផលិតផលបំប៉នសុខភាព ឬឱសថបំប៉នសុខភាព និងគ្រឿងសម្អាង គ្មានច្បាប់អនុញ្ញាតខាងលើនេះ ទៅតាមច្បាប់ស្តីពីច្បាប់វិសោធនកម្មច្បាប់ស្តីពីការគ្រប់គ្រងឱសថជាធរមាន។ ក្នុងករណីបងប្អូនប្រជាពលរដ្ឋបានជួបប្រទះឃើញជនណាកំពុងប្រើប្រាស់ លក់ ចែកចាយផលិតផលបំប៉នសុខភាព ឬឱសថបំប៉នសុខភាព និងគ្រឿងសម្អាង គ្មានការអនុញ្ញាតពីក្រសួងសុខាភិបាលរបស់គណនីខាងលើនេះសូមបងប្អូនប្រញាប់ផ្តល់ព័ត៌មានឬត្រូវការព័ត៌មានបន្ថែមពីនាយកដ្ឋាន  ឱសថ ចំណីអាហារបរិក្ខារពេទ្យ និងគ្រឿងសម្អាង ។ សូមទំនាក់ទំនងតាមរយៈលេខទូរស័ព្ទ៖ ០១១ ៥៧៤ ៧៨៧, ០៩៥ ៣៥៩ ៣៩៩, ០១២ ៩៨៣ ៣៣៤, ០១២ ៨៩២ ០២២។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ 

ព្រឹត្តិការណ៍ និងព័ត៌មាន
ចែករំលែក
  • Aug 24, 2018 |
  • 6 ឆ្នាំមុន |
  • 6.7K មើល

គ្រោះថ្នាក់ពីក្រោយការរាកដោយប៉ារ៉ាស៊ីត

រាកជាជំងឺដែលត្រូវបានជួបញឹកញាប់បំផុត ស្តែងឡើងដោយអ្នកជំងឺបន្ទោបង់ច្រើនលើសពីធម្មតា ឬចាប់ពី៣ដងក្នុងមួយថ្ងៃក្នុងនោះការរាកដោយសារប៉ារ៉ាស៊ីតគឺជាមូលហេតុចម្បងទីមួយដែលជួបញឹកញាប់។ ជាក់ស្តែង ប្រភេទប៉ារ៉ាស៊ីតដែលអាចបង្កឲ្យរាកមានពីរក្រុមធំៗ៖ •    Protozoa ដែលមានដូចជា អាមីប (Emtamoeba histolytica) និងGiardia lamblia •    ពពួកព្រូនដូចជា Trichuris trichiura, Strongyloïdes, Schistosoma mekongi, Ascaris និងTeania ជាដើម។ មូលហេតុនៃការរាកដោយប៉ារ៉ាស៊ីត រាកដោយប៉ារ៉ាស៊ីត មានការប្រឈមខ្ពស់ចំពោះបុគ្គល ខ្វះការយល់ដឹងពីអនាម័យ ការបរិភោគអាហារ ឬបន្លែឆៅ មិនបានលាងសម្អាត ឬអាហារចម្អិនមិន បានត្រឹមត្រូវ និងការរស់នៅជាមួយសត្វចញ្ចឹមដែល មានផ្ទុកនូវគីសរបស់ប៉ារ៉ាស៊ីត។ អ្នកជំងឺរាកដោយសារប៉ារ៉ាស៊ីតអាចបង្កឲ្យមានផលប៉ះពាល់ធ្ងន់ធ្ងរបើប្រៀបធៀបជាមួយនឹងមូលហេតុនៃការបង្កឲ្យរាកផ្សេងទៀត ដោយសារពពួកប៉ារ៉ាស៊ីតអាចធ្វើឲ្យខូចដល់ភ្នាសរបស់ពោះវៀនតូច និងពោះវៀនធំ។ រោគសញ្ញា និងយន្តការនៃជំងឺ ភាគច្រើនរោគសញ្ញាស្តែងចេញពីការរាកដោយប៉ារ៉ាស៊ីតមិនមានភាពខុសគ្នាជាមួយនឹងការរាកដោយវីរុស ឬមេរោគផ្សេងៗនោះទេ ដែលរួមមាន លាមកមានលាយសម្បោរ ឬឈាម រាកសុទ្ធតែទឹក ក្តៅខ្លួន ហើមពោះ ស្រកទម្ងន់។ នៅពេលអ្នកជំងឺបរិភោគចំណីអាហារដែលប្រឡាក់ទៅដោយគីស ពងព្រូន ឬប៉ារ៉ាស៊ីត នោះគីស ពងព្រូន និងប៉ារ៉ាស៊ីតមានសកម្មភាពផ្ទាល់ ឬប្រយោល​ ដោយសារការបញ្ចេញសារធាតុពុលទៅលើភ្នាសពោះវៀន ហើយបណ្តាលឲ្យរាករូស។ មិនត្រឹមតែប៉ុណ្ណោះ វាក៏អាចឲ្យមានរបួសនៅជញ្ជាំង ពោះវៀន ជាហេតុបង្កទៅជាការរាកមានលាយ សម្បោរ ឬលាយឈាម។ ការធ្វើរោគវិនិច្ឆ័យចាំបាច់ ជាទូទៅការធ្វើរោគវិនិច្ឆ័យនៃការរាកបង្កដោយប៉ារ៉ាស៊ីត ពឹងផ្អែកទៅលើរោគសញ្ញា ឬសញ្ញាគ្លីនិក ដែលអ្នកជំងឺបានរៀបរាប់ខាងលើ។ ទោះជាយ៉ាង ណាក៏ដោយ អ្នកជំងឺក៏អាចតម្រូវឲ្យធ្វើតេស្តឈាម ឬពិនិត្យលាមក រកមើលគីសរបស់ប៉ារ៉ាស៊ីត ឬប៉ារ៉ាស៊ីតដើម្បីដឹងពីប្រភេទប៉ារ៉ាស៊ីតនោះឲ្យបាន ច្បាស់លាស់។ ក្នុងករណីចាំបាច់ផ្សេងទៀតដែល ការពិនិត្យខាងលើមិនអាចវាយតម្លៃបាន អ្នកជំងឺអាចឈានទៅដល់ការឆ្លុះពោះវៀនដើម្បីរកមូលហេតុ។ ការព្យាបាលរាកដោយប៉ារ៉ាស៊ីត ការព្យាបាលជាទូទៅផ្អែកលើរោគសញ្ញាគ្លីនិក និងទៅតាមប្រភេទរបស់ប៉ារ៉ាស៊ីតដូចជា៖ •    ប្រើប្រាស់ថ្នាំផ្សះដែលសមស្របទៅតាមប្រភេទប៉ារ៉ាស៊ីត ក្នុងរយៈពេល ៧ ទៅ១០ថ្ងៃ។ •    ផ្តល់ថ្នាំទៅតាមសញ្ញាគ្លីនិកមួយចំនួន​ ដូចជា ការក្អួត បាត់បង់ជាតិទឹក  ប្រភេទថ្នាំការពារកុំឲ្យ ភ្នាសពោះវៀនប៉ះពាល់ខ្លាំង រួមជាមួយថ្នាំផ្សះដែលផ្តល់ជូនអ្នកជំងឺ។ ប្រសិនបើ អ្នកជំងឺមិនបានទទួលការព្យាបាលទាន់ពេលវេលា នោះអាការៈរាកខ្លាំងអាចឲ្យទៅជាការ ខ្សោះជាតិទឹកធ្ងន់ធ្ងរ វិលមុខ បាត់បង់ជាតិរ៉ែមួយចំនូនដូចជា អំបិល ប៉ូតាស្យូម ដែលសំខាន់សម្រាប់ សរីរាង្គ។ លើសពីនេះទៀត វាធ្វើឲ្យចុកពោះខ្លាំង ពោះវៀនហើមប៉ោង អាចមានឈាមហូរខ្លាំងក្នុងករណីពពួកប៉ារ៉ាស៊ីតដែលប៉ះពាល់ដល់ភ្នាសពោះវៀន និងសរសៃឈាម។ ប្រសិនបើមិនព្យាបាលឲ្យទាន់ពេលវេលាអ្នកជំងឺអាចឈានដល់ការធ្លាយភ្នាសពោះវៀន ប៉ុន្តែវាជាករណីកម្រ។ វីធីសាស្រ្តការពារខ្លួន ដើម្បីចៀសវាងការរាកបង្កដោយប៉ារ៉ាស៊ីតត្រូវផ្តោតសំខាន់លើ៖ •    ការរក្សាអនាម័យ ហូបស្អាត ផឹកស្អាត និង រស់នៅស្អាត ពិសេសត្រូវសម្អាតដៃជានិច្ចមុនចម្អិន ឬបរិភោគអាហារ និងបន្ទាប់ពីបន្ទោបង់រួច។ •    លាងសាច់ និងបន្លែឲ្យបានស្អាត ចៀសវាងការ បរិភោគសាច់ឆៅ និងត្រូវចម្អិនឲ្យបានឆ្អិនល្អ។ សុខភាពជារឿងមួយសំខាន់បំផុតសម្រាប់បុគ្គលគ្រប់រូប ដូចនេះ ប្រសិនបើមានអាការៈមិនប្រក្រតី ណាមួយកើតឡើង គួរប្រញាប់មកពិគ្រោះជាមួយគ្រូពេទ្យដែលនៅជិតអ្នកបំផុត។ គួរបញ្ជាក់ថា លោកអ្នកអាចកាត់បន្ថយការរាកដោយប៉ារ៉ាស៊ីតស្ទើរតែទាំងស្រុងដោយគ្រាន់តែរក្សាអនាម័យឲ្យបាន ខ្ជាប់ខ្ជួនប៉ុណ្ណោះ។ បកស្រាយដោយ​៖ វេជ្ជបណ្ឌិត  ស៊ង សុភីរម្យ ឯកទេសផ្នែក ថ្លើម ក្រពះ ពោះវៀន និងឫសដូងបាត នៃមន្ទីរសំរាកព្យាបាលអេគីប ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ    

ជំងឺផ្សេងៗ ក្រពះ​ ពោះវៀន​ ថ្លើម ឫសដូងបាត ក្រពះ​ ពោះវៀន​ ថ្លើម ឫសដូងបាត
ចែករំលែក
  • Aug 24, 2018 |
  • 6 ឆ្នាំមុន |
  • 7.7K មើល

ចំណុចត្រូវប្រុងប្រយ័ត្នពេលប្រើថ្នាំបន្តក់ភ្នែក!

Eye Lubricant ជាប្រភេទថ្នាំបន្តក់ភ្នែកដែលតែងត្រូវបានយកមកប្រើប្រាស់ជាញឹកញាប់សម្រាប់ការដោះស្រាយបញ្ហាភ្នែកស្ងួត រមាស់ ឬការពារពីការប៉ះពាល់ទូទៅ ដែលបណ្តាលមកពីខ្យល់ កម្តៅពីព្រះអាទិត្យ ឬអាចបង្កមកពីការប្រើប្រាស់ភ្នែកច្រើនហួសកម្រិតទៅលើការអាន ឬមើលគ្រឿងអេឡិចត្រូនិច។ ប្រភេទថ្នាំបន្តក់នេះ អាចរួមបញ្ចូលនូវសារធាតុ ផ្សំមួយ ឬច្រើននៃសមាសធាតុដូចជា Carboxymethylcellulose, Dextran, Glycerin, Hypromellose, Polyethylene glycol 400 (PEG 400), Polysorbate, Polyvinyl alcohol, Povidone, ឬ Propylene glycol និងសារធាតុដទៃទៀត។ របៀប និងកម្រិតប្រើប្រាស់ ជាទូទៅ អ្នកអាចប្រើប្រាស់ឱសថច្រើនដងក្នុងមួយថ្ងៃ ឬនៅពេលភ្នែកចាប់ផ្តើមមានអាការៈ ស្ងួត ឬរមាស់ យ៉ាងណាមិញ អ្នកអាចពិនិត្យ នៅលើសម្បកថ្នាំ ឬសាកសួរជាមួយវេជ្ជបណ្ឌិតក៏ ដូចជាឱសថការីសម្រាប់ការប្រើប្រាស់ឲ្យបានត្រឹមត្រូវទៅតាមសភាពភ្នែករបស់បុគ្គលម្នាក់ៗ។ របៀបប្រើ៖ •    សម្អាតដៃរបស់អ្នកជាមុនសិន ដើម្បីបង្ការការឆ្លងមេរោគ ហើយចៀសវាងប៉ះផ្ទាល់ទៅលើ ចុងនៃថ្នាំបន្តក់ ឬប៉ះភ្នែករបស់អ្នក •    ងើយក្បាលរបស់អ្នក រួចទាញត្របកភ្នែកខាងក្រោម ហើយបន្តក់ថ្នាំចូល ១ ទៅ២តំណក់បន្ទាប់មកទម្លាក់ភ្នែកចុះក្រោមវិញ ព្រមទាំងបិទភ្នែក ១ ទៅ ២នាទី ដើម្បីឲ្យឱសថអាចជ្រាបចូលបានល្អ។ ផលរំខានរបស់ឱសថ •    ឱសថអាចធ្វើឲ្យស្រវាំងភ្នែកបណ្តោះអាសន្ន នៅពេលអ្នកប្រើប្រាស់លើកដំបូង •    ផ្តល់ដំណឹងទៅដល់គ្រូពេទ្យ ប្រសិនបើអ្នកបន្តមានរោគសញ្ញា៖ ឈឺភ្នែក ភ្នែកក្រហម ឬរមាស់ និង​ប្រតិកម្មអាល្លែកហ្ស៊ីផ្សេងទៀតដូចជា ហើមមុខ បំពង់ក វិលមុខធ្ងន់ធ្ងរ ឬពិបាកដកដង្ហើម។ អន្តរកម្មឱសថ មុនពេលប្រើប្រាស់ឱសថ ត្រូវប្រាប់ទៅដល់អ្នក​ជំនាញ ឬគ្រូពេទ្យពីប្រភេទថ្នាំភ្នែកដទៃទៀត ឬឱសថណាមួយទាំងមាន ឬគ្មានវេជ្ជបញ្ជាដែលអ្នកកំពុងប្រើប្រាស់។ បម្រុងប្រយ័ត្ន •    ធ្វើការសង្កេតមើលថាតើអ្នកមានប្រតិកម្មជាមួយសារធាតុនៃឱសថ ឬកំពុងមានបញ្ហាសុខភាពណាមួយឬទេ ដែលវាទាមទារឲ្យមានការប្រឹក្សា ជាមួយវេជ្ជបណ្ឌិត •    ថ្នាំបន្តក់ភ្នែកអាចឲ្យភ្នែកអ្នកស្រវាំង នៅពេលប្រើ ដូចនេះ ចៀសវាងធ្វើការជាមួយម៉ាស៊ីន ឬបើកបរ ដោយរង់ចាំឲ្យគំហើញភ្នែករបស់អ្នក ត្រឡប់មកសភាពដើមវិញ។ អ្នកអាចប្រើប្រាស់ឱសថបន្តក់ភ្នែកប្រភេទ Eye Lubricant នេះបានដែលមានឈ្មោះនៅលើទីផ្សារដូចជា Tears Naturale® II, Poly-Tear®  ឬRefresh Tears® ជាដើម។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ឱសថ ឱសថ ភ្នែក ឱសថ
ចែករំលែក
  • Aug 24, 2018 |
  • 6 ឆ្នាំមុន |
  • 8.8K មើល

ផ្ទុះខ្លាញ់ត្រូវភ្នែក បង្កឲ្យមានផលប៉ះពាល់ដល់ថ្ងៃក្រោយ?

ភ្នែករបស់យើងអាចនឹងរងឥទ្ធិពលដោយសារការ ប៉ះទង្គិចដោយចៃដន្យមួយចំនួន ដែលខ្លះអាចនឹងមិនចោទជាបញ្ហាអ្វីឡើយ ស្របពេលដែលខ្លះទៀតអាចផ្តល់នូវផលវិបាកទៅថ្ងៃក្រោយ។ ជាក់ស្តែងករណីខាងក្រោមបានបង្ហាញអំពីការ ព្រួយបារម្ភអំពីការប៉ះត្រូវភ្នែកទៅនឹងខ្លាញ់ក្តៅដែលនឹងត្រូវបានបកស្រាយតាមរយៈលោកវេជ្ជបណ្ឌិតឯកទេសភ្នែកដូចខាងក្រោម។ សំណួរ៖ នាងខ្ញុំទើបនឹងបានជួបបញ្ហា ផ្ទុះខ្លាញ់ត្រូវក្រោមភ្នែក ហើយវាធ្វើឲ្យមានអារម្មណ៍ក្តៅក្រហាយយ៉ាងខ្លាំង។ ខ្ញុំចង់សួរលោក វេជ្ជបណ្ឌិតថា តើនាងខ្ញុំត្រូវធ្វើដូចម្តេចពេលជួបបញ្ហានេះភ្លាមៗ ហើយតើវាបង្កឲ្យមានផលប៉ះពាល់ដល់ថ្ងៃក្រោយដែរឬទេ? ចម្លើយ៖ ផលប៉ះពាល់ និងការព្យាបាល អាស្រ័យទៅនឹងបរិមាណ  និងកម្រិតនៃការរលាក ថាតើការរលាកនោះធំប៉ុណ្ណា និងជ្រៅប៉ុណ្ណា។ ដោយឡែក ក្រោយពីការរលាកភ្លាម អ្វីដែលត្រូវធ្វើភ្លាមគឺត្រូវលាងទឹកធម្មតា ឬទឹកត្រជាក់ (ចាប់ពី ៥ អង្សាសេឡើង) ដើម្បីបន្ថយកម្តៅ តែចៀសវាងប្រើទឹកកក (ក្រោម ០ អង្សាសេ) ទៅស្អំ ដែលនឹងនាំឲ្យការរលាកកាន់តែធ្ងន់ធ្ងរ និងមានការខូចស្បែកនៅត្រង់បរិវេណនោះទៅវិញ។ បន្ទាប់ពីនោះ យើងអាចប្រើប្រាស់ក្រែមឬស្ព្រៃ​យន៍បាញ់ប្រឆាំងការរលាក (Burn​ cream) នៅបរិវេណនោះ និងចុងក្រោយ យកល្អគួរមក ទទួលការពិនិត្យភ្នែកឲ្យបានត្រឹមត្រូវ ដើម្បីប្រាកដថាការផ្ទុះខ្លាញ់ក្តៅមិនបានប៉ះទៅលើកញ្ចក់ភ្នែក។ យ៉ាងណាមិញ ករណីមានការរលាកខ្លាំង ស្បែកនៅតំបន់នោះនឹងអាចទៅជាជ្រួញ ឬអាចទាញឲ្យត្របកភ្នែកធ្លាក់ដោយសារសម្លាកពីការរលាក ប៉ុន្តែជាទូទៅមិនមានទំនាក់ទំនងនឹងបញ្ហាគំហើញឡើយ ប្រសិនបើមិនមានការផ្ទុះខ្លាញ់ចូលក្នុងភ្នែក។ បកស្រាយដោយ​៖ វេជ្ជបណ្ឌិត អ៊ុក សុខហៀន វេជ្ជបណ្ឌិតឯកទេស ព្រមទាំងជាវេជ្ជបណ្ឌិតព្យាបាល និងវះកាត់ផ្នែកចក្ខុរោគនៅមន្ទីរពេទ្យព្រះអង្គឌួង ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

ត្រចៀក ច្រមុះ បំពង់ក សង្គ្រោះបឋម ភ្នែក
ចែករំលែក
  • Aug 22, 2018 |
  • 6 ឆ្នាំមុន |
  • 2.7K មើល

Making probiotics that work for you

Look into each person’s gut and you will find an ecosystem of microorganisms that plays an important role in their physical and mental health. Healthy ecosystems protect people from pathogens, digest food and produce vitamins to keep them well, while abnormal ones have been linked to infectious, inflammatory and allergic diseases. While some scientists believe that consuming food with specific types of microorganisms could help to improve health and combat diseases, the exact effect of eating such foods, called probiotics, is likely to depend on the composition of microorganisms that already live in the person’s gut.  This complex interplay among the microorganisms, probiotics and health is why Dr Bejit Ideas, president of the Japanese Society of Anti-Ageing Nutrition, and Associate Professor Lee Yuan Kun, from the National University of Singapore Yong Loo Lin School of Medicine’s Department of Microbiology and Immunology, have taken different routes to unlocking its mysteries. For several years, Dr Ideas has studied the gut ecosystems, also called microbiota, of centenarians in Okinawa to find out how they differ from those other people. Japan has the highest life expectancy of any country, and Okinawa has one of the highest proportions of centenarians by population in the world: about 50 per 100,000 people. Prof Lee, on the other hand, has focused on understanding the interactions between probiotics and people’s microbiota. To this end, his research has included leading a study of more than 100 people to examine the impact of consuming a probiotic product containing Lactobacillus casei, a bacterium believed to help prevent and treat digestive problems. At this year’s Vitafoods Asia 2018 conference, which will take place on Sept 11 and 12 at Singapore’s Marina Bay Sands Expo and Convention Centre, both scientists will deliver talks on their work.  The annual conference is the only dedicated event that covers nutraceuticals – a term used to describe food or beverage products that may help to prevent or treat diseases – from ingredient to shelf. Alongside the conference, some 300 global suppliers will exhibit at the Vitafoods Asia exhibition, which features ingredients manufacturers such as AtoGen for probiotics, and BeRM INTERNATIONAL the manufacturer of Probiotics EF-2001.  Learning from the elderly Dr Idea’s talk is titled “How The Microbiota Make-up Of Centenarians Can Lead To New Healthy Ageing Solutions”. He said of his research: “By reverse-engineering the perfect ageing of healthy centenarians, we could adjust future nutritional products to deliver similar microorganisms that will allow people to live and age in better health.” Already, he has found that the Okinawan centenarians’ microbiota contains an alpha-type bacterium, called Akkermansia muciniphila, that produces acetate, a short chain fatty acid that can promote the reduction of fat storage.  “We can ferment soybeans to replicate such acetate and give that to people instead of the bacterium itself, which may not survive in the gut. This way, you get a higher chance of success that the people will get the benefits of the bacterium,” he explained.  To help create more effective nutritional products, Dr Ideas developed a human-like bio-fermentation process that replicates the human body’s parameters, including temperature. He said: “We can mimic the human body and ferment fruits and plants, selected based on their microbiota profile, to produce metabolites that match those produced by centenarians.” He continued: “So far, we have obtained many molecules, including hundreds of metabolites, that we standardised with an automated high performance liquid chromatography system. When it comes to imparting health benefits, bio-fermented metabolites are also better than non-fermented molecules because they are more viable and synergised.” Personalising probiotics Prof Lee, on his part, will deliver a talk titled “Developing Customised Probiotic Products For Asian Phenotypes and Lifestyles”. He said: “Such customisation is necessary because the choice and effectiveness of probiotic products would depend on the person’s diet, health and living conditions.” In his study, for example, he found that the composition of the subjects’ gut microbiota changed after they consumed the probiotic containing Lactobacillus casei, but the changes also differed among the people who had dissimilar microbiota at the start of the study. Since scientific and clinical evidence has shown that diet plays a major role in shaping people’s gut microbiota, the customisation of probiotic products should take into account differences in diet, he said. He noted: “People who live in Asia have very different dietary habits and live in very different conditions compared to people who live in Europe or the United States. Even within Asia itself, there are many variations in diet and living conditions. People who live in the north of India, for example, have different diets from people who live in the south of the country.”  “For this reason, probiotic products should be customised based on dietary habit, health, living conditions and desired effect, rather than geography. For instance, Bacteroides and Bifidobacterium bacteria help to prevent infectious diseases and mental dysfunction, while Lactobacillus bacteria in general reduces lactose intolerance,” he said. Visit vitafoodsasia.com to hear or read more about Dr Ideas work from this Podcast, Blog and article.  -END- About Vitafoods Asia Vitafoods Asia is part of Informa Exhibitions’ Global Health & Nutrition Network (GHNN), which brings together a portfolio of events, digital media and publishing for marketers, manufacturers and formulators of nutrition and dietary supplements, healthy foods/beverages and personal care products. GHNN’s events include Vitafoods Europe, Vitafoods Asia, SupplySide West and SupplySide East. Natural Products INSIDER is the global media brand covering healthy ingredients and finished applications. Vitafoods Insights offers online content and a series of topic-specific digital magazines that bring highlights of the Vitafoods events to a global audience. SupplySide West & Vitafoods Global Storefronts offers a new online environment where ingredient buyers and product developers can find and connect with the suppliers and solutions they need, all year long. For more information, visit www.informaglobalhealth.com. Informa’s Global Exhibitions Division organises transaction-oriented exhibitions and trade shows, which provide buyers and sellers across different industries and communities with a powerful platform to meet face-to-face, build relationships and conduct business. Informa has a portfolio of more than 150 exhibitions, serving a number of core verticals, including Health & Nutrition, Beauty, Property & Construction and Pop Culture.

ព្រឹត្តិការណ៍ និងព័ត៌មាន
ចែករំលែក
  • Aug 22, 2018 |
  • 6 ឆ្នាំមុន |
  • 2.7K មើល

How science is shaping the future of nutritious consumables

20 August 2018, Singapore – What if you didn't have to diet or take supplements? What if you could trust that what you consume is designed to keep you in optimum health instead? Well, that’s almost a reality. Ironically, it’s our propensity for a sedentary lifestyle and fast food that’s helping to drive demand for healthier products to consume, and thus a bourgeoning research industry in support of nutritious foods and ingredients, beverages, dietary supplements, nutricosmetics and personal care. At the upcoming Vitafoods Asia exhibition, you can see exactly how the food, supplement, beauty and pharmaceutical industries are being transformed by innovators and scientists who are working to deliver optimal health in what you consume.  The exhibition is a full-service look into the nutraceuticals industry, from its key ingredients, to contract manufacturing and labelling to services & equipment and branded finished products. Along with what is being offered commercially, there’s much opportunity to discover what is also in development. For example, how modern medicine is being sourced and developed from natural ingredients. Bringing innovation and invention to the forefront Vitafoods Asia brings together manufacturers at the forefront of innovation and invention in the industry to meet and discuss their product development challenges. Visitors that attend Vitafoods Asia can meet and source from suppliers of the very latest products hitting the market.  White-label and private-label products ready for market products are a quick and cost-effective way to access and take advantage of rapid market growth. Product demand is driven by consumers becoming increasingly aware of preventive medicines and the positive link between diet and disease prevention. Modor Intelligence reports that collectively, Japan and increasingly China, India, Australia, Korea, Thailand and Vietnam, are growing the nutraceuticals market in Asia-Pacific by 7.5% year on year. In 2018, Grand View Research reported that the global nutraceutical market could be valued at $578.23 billion by the year 2025. To take advantage of this market opportunity, distributors, retailers and manufacturers can discover and source high-quality, innovative dietary supplements and functional food and beverages all under one roof at Vitafoods Asia.  At Vitafoods Asia you can source and taste the latest innovative products that help improve health, wellbeing, physical and mental health, from energy drinks to meal replacement bars, chewable supplements to effervescent tablets and everything in-between.   Bespoke Manufacturing and Private Labelling The exhibition is an easy place to source white-label and private-label products that are ready for market. Such products are a quick and cost-effective way to access and take advantage of rapid market growth.  Moreover, buyers can meet with manufacturers that create bespoke products. Whether it's a new extract, vitamin, mineral or protein, energy bar, isotonic sports drink or enriched gummies, buyers can source for manufacturers to develop new products specific to their needs. Similarly, if you need help with technical manufacturing processes or to deal with ever-increasing regulatory complexities, you will be able to schedule one-on-one consultation sessions with specialists in various fields at the Industry Advice Zone to discuss regulatory advice, market access information and strategies, and marketing and innovation profiling. Discover a wide-range of service and equipment providers are dedicated to the nutraceutical industry and help brands to develop products that deliver optimal nutrition. Shaping nutrition for optimal sports performance  An example of a growing market is that demand for sports nutrition is rising as comprehension improves as to the value of nutrition among athletes and gym professionals. This is especially true of markets in China, India and Italy.  Today, functional foods and beverages that contain ingredients such proteins, vitamins, amino acids and omega-3 fatty acids to help attain peak performance are readily available. Along with these ingredients, minerals and herbs are being used in functional beverages to help keep blood sugar levels at optimal levels is another fast-emerging market.  Cosimo Palumbo, the Marketing Director for IDENA S.p.A., says that they continue participate in Vitafoods Asia because, “although we have been participating since the very first few editions, lately we’ve found that the show has grown both in number and quality of exhibitors, visitors, and scientific program. We expect the same high quality also this year and onward.”  “This year, IDENA is leveraging the New Products Zone at Vitafoods Asia to launch two new products. Firstly, VazguardTM, a Bergamot Phytosome®, which uses a highly standardized bergamot polyphenols fraction that is formulated to optimize the biological absorption of bergamot polyphenols. VazguardTM is safe and effective for the reduction of cardiovascular risk by modulating total cholesterol (tChol), low-density Lipoproteins (LDL), high-density Lipoproteins (HDL), tryglicerides (TG) and blood glucose.  The other product is QuercefitTM, a new natural boost for sports nutrition. Generally, there is poor availability of quercetin, and so we are offering quercetin with the Phytosome® delivery system, which helps to improve plasmatic levels of this natural botanical active. This was proven in a pharmacokinetic study in humans. At Vitafoods Asia, we will put forward the clinical data available that demonstrates evidence of activity in conditions characterized by an abnormal oxidative stress like intensive training, improving an athlete’s performance and aiding in recovery.”  Ingredient innovations that are driving the future of the industry are featured in production demonstration display areas and new functional food and drinks can be sampled at the Tasting Centre. The world’s most impactful brands are represented  The world’s most notable developers of food and beverages are represented at the Vitafoods Asia exhibition, for example, DuPont Nutrition & Health, who manufacture emulsifiers and sweeteners, probiotics, cultures and food protection ingredients; protein solutions; systems and texturants; specialty hydrocolloids; pharma excipients.  Dr. Li Yongjing, Regional President, Asia, DuPont Nutrition & Health, says “DuPont Nutrition & Health is a world leader in applying market-driven science and innovation. This year, we want to place products with health-enhancing benefits and solutions backed by groundbreaking science at the heart of our presence at Vitafoods Asia. DuPont will demonstrate excellence in demand-driven health ingredients solutions. We are also committed to sharing the research behind and we will demonstrate how our science can be translated into successful ingredient formulations and product launches at our hospitality suite. We welcome everyone to visit us at the DuPont Hospitality Suite, Angsana 3A & 3B, where our team of industry experts will be present to help turn market challenges into business opportunities.” Registration is now open to Vitafoods Asia. Connect with over 5,500 visitors from 60 countries and explore the more than 300 exhibitors of key ingredients, branded, finished goods, medicines, nutricosmetics, personal care and animal nutrition.      - END - About Vitafoods Asia Vitafoods Asia is part of Informa Exhibitions’ Global Health & Nutrition Network (GHNN), which brings together a portfolio of events, digital media and publishing for marketers, manufacturers and formulators of nutrition and dietary supplements, healthy foods/beverages and personal care products. GHNN’s events include Vitafoods Europe, Vitafoods Asia, SupplySide West and SupplySide East. Natural Products INSIDER is the global media brand covering healthy ingredients and finished applications. Vitafoods Insights offers online content and a series of topic-specific digital magazines that bring highlights of the Vitafoods events to a global audience. SupplySide West & Vitafoods Global Storefronts offers a new online environment where ingredient buyers and product developers can find and connect with the suppliers and solutions they need, all year long. For more information, visit www.informaglobalhealth.com. Informa’s Global Exhibitions Division organises transaction-oriented exhibitions and trade shows, which provide buyers and sellers across different industries and communities with a powerful platform to meet face-to-face, build relationships and conduct business. Informa has a portfolio of more than 150 exhibitions, serving a number of core verticals, including Health & Nutrition, Beauty, Property & Construction and Pop Culture.

ព្រឹត្តិការណ៍ និងព័ត៌មាន
ចែករំលែក
  • Aug 21, 2018 |
  • 6 ឆ្នាំមុន |
  • 5.1K មើល

ដំណើរការគ្រឿងស្រវឹងក្នុងរាងកាយ

គ្រឿងស្រវឹង ជាវត្ថុរាវម៉្យាងផលិតចេញពីការឡើងមេនៃវត្ថុរាវដែលមានជាតិស្ករ និងជាតិម្សៅ។ សារធាតុអាល់កុលសុទ្ធ គឺគ្មានពណ៌ និងគ្មានរសជាតិទេ តែគ្រឿងស្រវឹងដែលមានពណ៌ និងរសជាតិខុសៗគ្នា ដោយសារធាតុផ្សំដទៃទៀតដែលគេបន្ថែមប៉ុណ្ណោះ។ មនុស្សភាគច្រើនយល់ថា គ្រឿងស្រវឹងជាសារធាតុដែលបង្កើនកម្លាំងចិត្ត តែផ្ទុយមកវិញ វាជាសារធាតុធ្វើឲ្យធ្លាក់ទឹកចិត្ត ប៉ះពាល់ការប្រមូលអារម្មណ៍ ពន្យឺតរយៈពេលឆ្លើយតបទៅនឹងហេតុការណ៍ចៃដន្យណាមួយ។ ការធ្វើឲ្យមានភាពយឺតយ៉ាវដល់សកម្មភាពប្រព័ន្ធប្រសាទកណ្តាលមានន័យថា ការបញ្ជូនសារពីខួរក្បាលទៅសរីរាង្គកាយមិនមានភាពរហ័ស។ ជាក់ស្តែង ការទទួលទានគ្រឿងស្រវឹងតិចតួចបណ្តាលឲ្យអារម្មណ៍ធូរស្រាល ជឿជាក់ ដែលជាញឹកញាប់បង្ហាញឡើងតាមសកម្មភាពខាងក្រៅ។ ផ្ទុយមកវិញ ការទទួលទានគ្រឿងស្រវឹងច្រើនហួស អាចបណ្តាលឲ្យសន្លប់ ឬរហូតដល់ស្លាប់ អាស្រ័យតាមការប្រែប្រួលកម្រិតនៃជាតិអាល់កុលក្នុងឈាម ដែលបានមកពីផលធៀបរវាងការជ្រាបចូល និងការបញ្ចេញចោលសារធាតុអាល់កុល។ តើដំណើរជ្រាបចូល និងដំណើរបញ្ចេញចោលពីរាងកាយ នៃគ្រឿងស្រវឹង ប្រព្រឹត្តទៅយ៉ាងដូចម្តេច? ដំណើរការជ្រាបចូល រហូតដល់ការបញ្ចេញចោលនៃគ្រឿងស្រវឹង គឺកើតឡើងដំណាលគ្នាជាមួយពេលដែលអ្នកកំពុងប្រើប្រាស់គ្រឿងស្រវឹង។ គួរបញ្ជាក់ថា ដំណើរជ្រាបចូល ជាជម្រាបនៃជាតិអាល់កុលចូលក្នុងឈាម រីឯការបញ្ចេញចោលគឺជាការបញ្ចេញអាល់កុលពីក្នុងខ្លួនដែលដំណើរការរបស់វា រួមមាន៖ ដំណើរជ្រាបចូលរាងកាយ គ្រឿងស្រវឹងជ្រាបចូលដោយផ្ទាល់ទៅក្នុងចរន្តឈាម តាមក្រពះ និងពោះវៀនតូច។ ជាទូទៅប្រភេទអាហារផ្សេងៗដែលមាននៅក្នុងក្រពះពន្យឺតអត្រាជ្រាបចូលនៃគ្រឿងស្រវឹង ប៉ុន្តែមិនបានកាត់បន្ថយកម្រិតនៃការពុល ឬស្រវឹងទេ។ គ្រឿងស្រវឹងដែលលោកអ្នកទទួលទានចូលទាំងអស់ នឹងជ្រាបចូលក្នុងចរន្តឈាម ដោយមិនពាក់ព័ន្ធទៅនឹងអាហារដែលមានក្នុងក្រពះសោះឡើយ។ ចុងក្រោយ គ្រឿងស្រវឹងត្រូវបានចែកចាយទៅគ្រប់សរីរាង្គទាំងអស់ដែលមានជាតិទឹក ប៉ុន្តែមិនជ្រាបចូលទៅក្នុងជាលិកាខ្លាញ់ទេ។ ដំណើរបញ្ចេញចោលពីរាងកាយ ថ្លើមបំបែកគ្រឿងស្រវឹងជាង៩០ភាគរយ រីឯចំនួនដែលនៅសល់តិចតួច ត្រូវបានបញ្ចេញចោលតាមទឹកនោម ញើស និងដំណកដង្ហើម។ ទោះជាយ៉ាងណាក៏ដោយ សរីរាង្គថ្លើមអាចដំណើរការបំបែកជាតិពុលបានតែក្នុងចំនួនកំណត់ប៉ុណ្ណោះ មានន័យថា អាចបំបាត់ប្រហែល៣/៤ នៃកម្រិតស្តង់ដាក្នុង១ម៉ោង។ ការស្វាងស្រវឹងត្រូវការពេលវេលា ចំណែកឯការងូតទឹកត្រជាក់ ហាត់ប្រាណ ទទួលទានកាហ្វេខ្មៅ ការស្រូបយកខ្យល់បរិសុទ្ធ ឬការក្អួត មិនអាចជួយបន្ថយអាការៈស្រវឹងបាននោះទេ។ ករណីមនុស្សម្នាក់ទទួលទានគ្រឿងស្រវឹងយ៉ាងច្រើននៅពេលយប់ ពួកគាត់អាចនឹងមានកំហាប់ជាតិអាល់កុលយ៉ាងខ្ពស់នៅក្នុងចរន្តឈាមនៅថ្ងៃបន្ទាប់។ បកស្រាយដោយ​ ៖ វេជ្ជបណ្ឌិត ឡាក់ ឡេង នាយករងនៃមជ្ឈមណ្ឌលជាតិ លើកកម្ពស់សុខភាព ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

វីតាមីន & អាហារូបត្ថម្ភ
ចែករំលែក
  • Aug 20, 2018 |
  • 6 ឆ្នាំមុន |
  • 4.7K មើល

បង្កើនសំណើមធម្មជាតិពីម៉ាស់ប្រទាលកន្ទុយ ក្រពើ…

តើអ្នកធ្លាប់បានប្រើប្រទាលកន្ទុយក្រពើក្នុងការថែរក្សាស្បែករបស់អ្នក ឬទេ? តើអ្នកប្រើប្រាស់វាបែបណាខ្លះ? មានមូលហេតុជាច្រើននៅពីក្រោយបញ្ហាស្បែកស្ងួតរបស់អ្នក រួមទាំងទម្លាប់ប្រចាំថ្ងៃ និងការងារ ដែលស្ទើរតែមិនអាចចៀសបាន។ ដូច្នេះហើយ ទើបអ្នកត្រូវប្រុងប្រយ័ត្ន និងធ្វើការថែរក្សាស្បែកឲ្យបានដិតដល់មិនថាជាការប្រើប្រាស់ផលិតផលផ្សេងៗ ឬការប្រើសារធាតុចម្រាញ់ពីធម្មជាតិដែលលោកអ្នកអាចធ្វើដោយខ្លួនឯងបាន។ ជាក់ស្តែង ម៉ាស់ប្រទាលកន្ទុយក្រពើជាមួយនឹងសមាសធាតុធម្មជាតិមួយចំនួន ត្រូវបានណែនាំក្នុងការរក្សាសំណើមស្បែកមុខ ដែលរួមមានដូចខាងក្រោម៖     ប្រទាលកន្ទុយក្រពើត្រសក់ •    អ្នកអាចចាប់ផ្តើមដោយកាត់ត្រសក់ពាក់កណ្តាល លាងឲ្យស្អាត ហាន់វាជាចំណិតៗ (ដោយមិនបាច់ចិតសម្បកចេញ) រួចក្រឡុកឲ្យម៉ត់ ទើបបន្ថែមជែលប្រទាលកន្ទុយក្រពើ ក្រឡុកម្តងទៀតឲ្យសព្វស្មើសាច់ល្អ •    ធ្វើការលាងសម្អាតមុខជាមួយទឹកក្តៅឧណ្ហៗបន្ទាប់មកលាបល្បាយនេះ ដោយម៉ាស្សាថ្នមៗពិសេសលើមុខ ក និងថ្ពាល់ រយៈពេល១៥-២០នាទីក្រោយមក លាងមុខចេញដោយទឹកត្រជាក់ និងជូតសម្ងួតជាមួយកន្សែងស្អាត។ ល្បាយពិសេសនេះប្រើសម្រាប់ស្បែកស្ងួត ឬរលាកដោយសារប៉ះផ្ទាល់ជាមួយពន្លឺព្រះអាទិត្យញឹកញាប់ ដោយគុណប្រយោជន៍ប្រហាក់ប្រហែលគ្នានៃប្រទាលកន្ទុយក្រពើ និងត្រសក់ ជួយរក្សាជាតិទឹកលើស្បែក ព្រមទាំងធ្វើឲ្យស្បែកមានសំណើមគ្រប់គ្រាន់។ ដើម្បីប្រសិទ្ធភាពដ៏អស្ចារ្យមួយនេះ អ្នកត្រូវប្រាកដថាអនុវត្តវាជាទៀងទាត់ យ៉ាងហោចណាស់ម្តង ឬពីរដងក្នុងមួយសប្តាហ៍។     ប្រទាលកន្ទុយក្រពើចេកទុំ •    យកជែលប្រទាលកន្ទុយក្រពើ១ស្លាបព្រា និងផ្លែចេកទុំដែលបកសម្បករួច៤ចំណិត កិនឲ្យសព្វចូលគ្នា •    លាបម៉ាស់នេះ នៅលើមុខដែលបានលាងសម្អាតរួច ទុកចោលរយៈពេល១០-១៥នាទី ទើបលាងជម្រះជាមួយទឹកក្តៅឧណ្ហៗ។ ល្បាយផ្សំពីវត្ថុធាតុទាំងពីរនេះ មិនត្រឹមជាអាហារដ៏សំខាន់សម្រាប់ស្បែកទេវាថែមទាំងសម្បូរនូវជាតិទឹក ជួយផ្តល់សំណើមដល់ស្បែក ពិសេសជួយបំបាត់ស្នាមរបកទាំងឡាយដែលតែងកើតមានចំពោះអ្នកស្បែកស្ងួត និងបង្កើនភាពរលាស់នៃស្បែក។ បើអាច អ្នកគួរលាបល្បាយនេះ នៅពេលព្រឹកព្រលឹម និងលាបឲ្យបានម្តងក្នុងមួយសប្តាហ៍ទើបប្រសើរ។     ប្រទាលកន្ទុយក្រពើយ៉ាអួ •    ជែលប្រទាលកន្ទុយក្រពើ២ស្លាបព្រា និងយ៉ាអួ១ស្លាបព្រា កិនចូលគ្នាឲ្យម៉ត់ ហើយស្មើសាច់ល្អ •    លាងមុខ និងកឲ្យស្អាត រួចលាបល្បាយនេះថ្នមៗ រយៈពេល២ទៅ៣នាទីក្រោយមក សឹមលាងមុខចេញជាមួយនឹងទឹកស្អាត។ អ្នកអាចប្រើប្រាស់ល្បាយខាងលើ ក្នុងរយៈពេលត្រឹម២ទៅ៣ដងក្នុងមួយសប្តាហ៍ អ្នកនឹងទទួលបានស្បែកទន់រលោង ត្រជាក់ពោរពេញដោយសំណើម។ ទាំងអស់នេះ ក៏ដោយសារតែប្រទាលកន្ទុយក្រពើ និងយ៉ាអួដែលមានលទ្ធភាពទប់សំណើមលើស្បែកធ្វើឲ្យស្បែកអាចរក្សាសំណើមបានយូរជាងធម្មតា។          ប្រទាលកន្ទុយក្រពើប្រេងអូលីវ •    លាយបញ្ចូលគ្នារវាង ប្រទាលកន្ទុយក្រពើ១ភាគ និងប្រេងអូលីវ១/៣ភាគគ្នាឲ្យសព្វ •    បន្ទាប់ពីអ្នកលាងសម្អាតមុខរួច លាបម៉ាស់នេះលើមុខរបស់អ្នក ហើយម៉ាស្សាថ្នមៗ១ទៅ២នាទី ទុករយៈពេល៥ទៅ១០នាទីទើបលាងជម្រះជាមួយទឹកស្អាត។ ប្រសិនស្បែកអ្នកជាប្រភេទស្បែកស្ងួតស្រាប់ ឬងាយនឹងស្ងួត ល្បាយប្រទាលកន្ទុយក្រពើ និងប្រេងអូលីវគឺជាជម្រើសមួយល្អបំផុតសម្រាប់អ្នក។ ត្រឹមតែអនុវត្តជារៀងរាល់២ដងក្នុងមួយសប្តាហ៍ អ្នកនឹងទទួលបានការផ្តល់សំណើមឡើងវិញ ប្រកបដោយទំនុកចិត្ត។ ©2018 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ   

ស្បែក កាមរោគ​ និងសម្រស់
ចែករំលែក
Top