Menu

អត្ថបទ

បើកុម្ម៉ង់អាហារពីក្រៅមកញ៉ាំ គួរដឹងអ្វីខ្លះ?

ធ្វើការមួយព្រឹកធំហើយ ដល់ម៉ោងសម្រាកបាយថ្ងៃត្រង់ គឺត្រូវតែសម្រាក និងញ៉ាំអាហារដើម្បីបង្កើនថាមពលវិញសិនទើបបាន។ អញ្ចឹងសម្រាប់អ្នកធ្វើការិយាល័យដែលត្រូវចំណាយពេលទាំងព្រឹកទាំងល្ងាចនៅក្នុងស្ថាប័នរបស់ខ្លួនគួរតែចំណាយពេលអាហារថ្ងៃត្រង់ដ៏មានតម្លៃនេះបែបណា? ធម្មតា គឺទៅញ៉ាំនៅផ្ទះវិញ បើផ្ទះនៅជិតៗហ្នឹង ព្រោះថាអាចសន្សំសំចៃគួរសមដែរ។ ខ្ចប់អាហារមកញ៉ាំជុំគ្នានៅការិយាល័យក៏ម្យ៉ាង តែបើធ្វើបានរាល់ថ្ងៃមានទៅអី? មួយទៀតគឺទៅញ៉ាំអីនៅជិតៗនោះ ងាយស្រួលនិងចំនេញពេល តែចំណាយច្រើនបន្តិច និងពេលខ្លះក៏ធុញដែរ។ មានជម្រើសរើសផ្សេងទេ? ប្រាកដជាមាន ហើយក៏ឃើញថាពេញនិយមដែរ! កុម៉្មង់អាហារមកញ៉ាំនៅការិយាល័យដោយមានសេ​វាកម្មដឹកជញ្ជូនដល់កន្លែងតែម្តងនោះអី ហើយបើចង់ដឹងថាវាមានលក្ខណៈយ៉ាងណា ទាល់តែតាមដានជាមួយ ហេលស៍ថាម​ បន្តិចសិន។ អ្វីដែលល្អគឺ…  ងាយស្រួល មិនពិបាកហត់និងប្រញាប់ជិះពីការិយាល័យទៅផ្ទះ ឬទៅហាងអាហារទាំងកណ្តាលថ្ងៃ ហើយក៏មិនចាំបាច់ត្រូវក្រោកលឿនពេកដើម្បីកម្តៅឬធ្វើអាហារមកដែរ គ្រាន់តែស្គាល់លេខទូរស័ព្ទ ហើយខលទៅកុម៉ង់ និងប្រាប់ទីតាំងទៅជាការស្រេច។ ម្យ៉ាង អាចចំណេញពេលដែលរងចាំ ទៅធ្វើការបន្ត ឬសម្រាកបន្តិចក៏ល្អដែរ។ សម្បូរបែប អាហារមានច្រើនមុខ៖ ជាទូទៅហាងបម្រើសេវាកម្មអាហារប្រភេទនេះ ច្រើនមានផ្លាស់មុខម្ហូបរាល់ថ្ងៃ តែក៏មានអាហារពិសេសសប្រចាំហាងដែលមានជារៀងរាល់ថ្ងៃផងដែរ។ ច្រើនសណ្ឋាន ឬឈុត៖ អាចមានជាឈុតសម្រាប់មនុស្សម្នាក់ ឬច្រើននាក់ ឬក៏ឈុតម្ហូបមួយមុខ ឬឈុតម្ហូបពីរមុខ តែតម្លៃដូចគ្នា និងឈុតអាហារមានបង្អែម ឬភេសជ្ជៈជាដើម។ ច្រើនប្រភេទ៖ អ្នកអាចផ្លាស់ប្តូរប្រភេទអាហារតាមចិត្តចង់ មិនថាថ្ងៃនេះចង់ញ៉ាំម្ហូបកុម៉ង់ដូចជាសម្ល ឆា ចៀន ស្ងោ បាយឆា មីឆា គុយទាវស៊ុប ហើយថ្ងៃស្អែកអាហារបែបលឿនដូចជាប៊ឺហ្គឺ ភីហ្សា សាន់វិច នំបុ័ងសាច់ខ្វៃ  និងខានស្អែកអាហារបែបអាស៊ីដូចជា ស៊ូស៊ី បុកុតិ មីទាញ មីគាវ ឬអ៊ឺរ៉ុបដូចជា ស្ប៉ាហ្គាទី សាឡាដន៍ដែលមិនបង្កក្លិនក្នុងកន្លែងធ្វើការក៏បាន។ តម្លៃ បើទោះជាមានសេវាកម្មក្នុងការដឹកជញ្ជូន ដែលបង្ហាញពីភាពស៊ីវិល័យក៏ដោយ តែតម្លៃដែលញ៉ាំនៅកន្លែងផ្ទាល់ និងដឹកជញ្ជូនមកដល់កន្លែងធ្វើការមិនមានភាពខុសគ្នាទេ ព្រោះថាភោជនីយដ្ឋាន ឬអាហារដ្ឋានមួយចំនួន មិនមានគិតលើសេវាដឹកជញ្ជូនឡើយ ឬក៏គិតតិចតួចប៉ុណ្ណោះ និងខ្លះទៀត​ មានកំណត់តម្លៃសមរម្យមួយដែលអតិថិជនអាចទទួលបានការដឹកជញ្ជូនដោយឥតគិតថ្លៃ។​ អ្វីដែលអ្នកគួរគិតដល់គឺ៖ -គុណភាពអាហារ៖ សំដៅដល់ទាំងរសជាតិ និងផាសុកភាពនៃអាហារដែលរួមមានគុណភាពគ្រឿងផ្សំ និងបន្លែសាច់ដែលមិនប៉ះពាល់សុខភាព។ -ការវេចខ្ចប់៖ ដែលល្អនោះគឺការវេចខ្ចប់ដោយរៀបចំម្ហូបដាច់ដោយឡែកពីបាយ ដាក់ប្រអប់បិទជិត រក្សាកំដៅម្ហូបបានល្អឬរក្សាគុណភាពបន្លែស្រស់ និងត្រូវជាប្រអប់ជ័រមិនមានសារធាតុ Bisphenol A (BPA) ដែលអាចបង្កជំងឺមហារីកផងដែរ។  -អនាម័យ៖ ទាំងទៅលើម្ហូបនិងការវេចខ្ចប់ ត្រូវតែស្អាតនិងមានអនាម័យ គ្មានសក់ គ្មានសត្វល្អិតជាដើម។ -ទីតាំង៖ គួរស្វែងរកហាងអាហារដែលផ្តល់សេវាកម្មនេះ នៅជិតឬ មិនឆ្ងាយពេកទីតាំងរបស់អ្នក ចៀសវាងការរងចាំយូរ និងការបង់សេវាជាដើម ឬ​ក៏ហាងដែលមានសាខាលើសពីមួយកន្លែង។ -តម្លៃ និងបរិមាណ៖ ដូចដែលបាននិយាយខាងលើ ដោយសារតម្លៃនៃអាហារមិនគិតបញ្ជូលនឹងសេវាដឹកជញ្ជូន ហេតុនេះវាហាក់ដូចជាអ្នករើសទៅញ៉ាំអាហារមួយដែលមានតម្លៃ និងបរិមាណសមរម្យអញ្ចឹងដែរ។ បង្កើតកាលវិភាគសម្រាប់អាហារពេលថ្ងៃសម្រាប់មួយសប្តាហ៍! កុំឲ្យដល់ពេលអាហារថ្ងៃត្រង់ម្តងៗ ពិបាកគិតថាគួរញ៉ាំអ្វី អ្នកគួរតែបង្កើតតារាងអាហារពេលថ្ងៃសម្រាប់មួយសប្តាហ៍ឲ្យហើយ។ -ថ្ងៃចន្ទ័​៖​ បើកាលពីចុងសប្តាហ៍ដូចជាដាក់រាងជ្រុលបន្តិច យកល្អថ្ងៃច័ន្ទគួរតែញ៉ាំអាហារប្រភេទជា បន្លែ និងផ្លែឈើច្រើនបន្តិច។ -ថ្ងៃអង្គារ៖ បន្ថែមអ្វីដែលថ្មី​ ឬពិសេស ដើម្បីបង្កើនកម្លាំងចិត្តនាដើមសប្តាហ៍ដូចជាបង្អែម ឬភេសជ្ជៈដែលចូលចិត្ត។ -ថ្ងៃពុធ៖ ការងារកំពុងកូរតិចហើយ គួរញ៉ាំអាហារណាដែលអ្នកចូលចិត្ត ដើម្បីបង្កើនអរម៉ូន Endorphin ដែលមានតួនាទីជួយបន្ធូរអារម្មណ៍អ្នកឡើងវិញ។ -ថ្ងៃព្រហស្បតិ៍៖ ទោះជាការងារនៅតែច្រើន​ តែត្រូវសន្សំដៃបន្តិចវិញដោយអាចញ៉ាំប្រភេទជាអាហារមិនស៊ាំញ៉ាំ ដូចជាមីឆា​ បាយឆា ស៊ុប ឬអាហារដែលលឿននិងងាយស្រួល ដូចជាសាន់វិច ប៊ឺហ្គឺរជាដើម។ -ថ្ងៃសុក្រ៖ TGIF! ជិតចុងសប្តាហ៍ត្រូវប្រញាប់បង្ហើយការងារ​ តែក៏មានអារម្មណ៍ថាធូរស្រាលព្រោះជិតបានសម្រាក ដូចនេះអាចញ៉ាំអាហារបែបជាក្រុម​ដូចជា ភីស្សា ស៊ូស៊ី ឬប៊ីប៊ីឃ្យូជាដើម។  ដូចនេះ រឿងអាហារថ្ងៃត្រង់មួយចាត់ទុកថា​ គ្មានបញ្ហាហើយណា៎ យកពេលទៅគិតរឿងផ្សេងល្អជាង! ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ​

វីតាមីន & អាហារូបត្ថម្ភ
សុន កណ្ណិកា ពី Net Idol ក្លាយជាសហគ្រិនវ័យក្មេង

ដូចដែលបានដឹងស្រាប់មកហើយថាបុគ្គលគ្រប់រូបគួរតែឆ្លៀតពេលធ្វើយ៉ាងណាអភិវឌ្ឍខ្លួនឯង ដើម្បីកសាងកេរ្ត៍ឈ្មោះរបស់ខ្លួន ហើយទទួលបានការចូលចិត្តពីមនុស្សទូទៅដែលវាជាទុនមួយសម្រាប់ទៅថ្ងៃអនាគតក្នុងការចាប់ផ្តើមធ្វើអាជីវកម្ម ឬមុននឹងក្លាយខ្លួនជាបុគ្គលិកតាមបណ្តាស្ថាប័ន ឬក្រុមហ៊ុន ពីព្រោះថាការមាន Personal Branding បានផ្តល់អត្ថប្រយោជន៍ច្រើន តួយ៉ាង វាបានដុសខាត់រូបអ្នកឲ្យក្លាយជាមនុស្សសកម្ម និងមួយវិញទៀត អ្នកអាចមានឱកាសស្គាល់មនុស្សកាន់តែច្រើនដែលវាក៏ជាផ្នែកមួយសម្រួលដល់ការធ្វើកិច្ចការផ្សេងៗ។  ភាពក្រមិចក្រមើម និងការចេះប្រើប្រាស់ពាក្យពេចន៍កំប្លែងរបស់កញ្ញា សុន កណ្ណិកា ជាវិធីសាស្រ្តម៉្យាងសម្រាប់កសាង Brand ផ្ទាល់ខ្លួនដែលជាហេតុធ្វើឲ្យអាជីវកម្មហាងប៉ាក់ និងបោះពុម្ព រួមទាំងហាងលក់ផលិតផលធ្វើឲ្យធ្មេញសរបស់កញ្ញាបានទទួលជោគជ័យរហូតមកដល់សព្វថ្ងៃនេះ។ ហេលស៍ថាមនឹងនាំអ្នកអានឲ្យជួបជាមួយ កញ្ញា សុន កណ្ណិកា សម្រាប់ធ្វើការចែករំលែកអត្ថប្រយោជន៍នៃការធ្វើ Personal Branding ឲ្យទទួលបានភាពជោគជ័យក្នុងការប្រកបការងារទៅថ្ងៃខាងមុខ។ គួររំឭកផងដែរ សព្វថ្ងៃកញ្ញាជានិស្សិតឆ្នាំទីពីរនៅ CamEd។ ហេលស៍ថាម ៖ សម្រាប់កណ្ណិកាផ្ទាល់ តើPersonal Brandingសំដៅលើអ្វីដែរ? កណ្ណិកា ៖ តាមគំនិតរបស់ខ្ញុំផ្ទាល់ Personal Branding គឺជាវិធីសាស្រ្តមួយនៃការកសាងកេរ្ត៍ឈ្មោះសម្រាប់ខ្លួន មិនថាតាមវិធីផ្សេងៗមួយណានោះទេ តួយ៉ាង សម្រាប់ខ្ញុំផ្ទាល់ គឺការប្រើប្រាស់បណ្តាញសង្គមហ្វេសប៊ុក និងការប្រើប្រាស់ឈ្មោះរបស់ខ្ញុំសម្រាប់ដាក់នៅលើផលិតផលក្នុងហាងរបស់នាងខ្ញុំផ្ទាល់តែម្តងសម្រាប់ការកសាងBrand របស់នាងខ្ញុំ។ បន្ថែមពីការកសាង Personal Branding តាមរយៈសង្គមហ្វេសប៊ុកនេះដែរ មិនប្រាកដថាបានជោគជ័យ ១០០% នោះទេ ពេលខ្លះយើងអាចក្លាយជាមនុស្សដែលគេចូលចិត្ត ឬស្អប់អាស្រ័យទៅលើវិធីសាស្រ្តរៀងៗខ្លួន ដូច្នេះហើយ យើងត្រូវធ្វើយ៉ាងណាគ្រប់គ្រងទៅលើរាល់គ្រប់ទង្វើរបស់យើងទាំងអស់ដែលបានបង្ហាញចេញមកកុំឲ្យមានភាពខុសហួសហេតុពេក ឬនិយាយអ្វីដែលប៉ះពាល់ទៅដល់កេរ្តិ៍ឈ្មោះរបស់អ្នកដទៃ។  ហេលស៍ថាម ៖ បើនិយាយពីអត្ថប្រយោជន៍វិញ តើកណ្ណិកាយល់ថាមានអ្វីខ្លះដែរ? កណ្ណិកា ៖ ចំពោះអត្ថប្រយោជន៍នៃ Personal Branding វិញ គឺវាជួយសម្រួលដល់ការប្រកបអាជីវកម្មរបស់ខ្ញុំផ្ទាល់តែម្តង ជាការពិតណាស់ នៅពេលដែលយើងមានឈ្មោះល្បីនោះ ផលិតផលដែលយើងនាំចូលមកនឹងត្រូវបានគេស្គាល់ច្រើន ហើយអតិថិជនតែងតែចង់សាកដោយសារគេជឿទុកចិត្តលើយើង។  និយាយឲ្យស្រួលស្តាប់ ការធ្វើអាជីវកម្មនេះគឺចាប់ផ្តើមពី ៥០% ប្រសិនបើមានគេស្គាល់យើងច្រើន ហើយវាមានភាពល្អប្រសើរជាជាងការចាប់ផ្តើមអាជីវកម្មចាប់ពី ០% ឡើងទៅដោយគ្មានអ្នកណាស្គាល់ទាល់តែសោះ។ ហេលស៍ថាម ៖ សម្រាប់កណ្ណិកាផ្ទាល់ កន្លងមក តើធ្លាប់បានប្រើប្រាស់វិធីសាស្រ្តអ្វីខ្លះ? កណ្ណិកា ៖ កន្លងមក ក្រៅពីការចូលរួមក្នុងបណ្តាញសង្គមហ្វេសប៊ុក ខ្ញុំក៏ជាមនុស្សម្នាក់ដែលចូលចិត្តចូលរួមការងារស្ម័គ្រចិត្តនៅតាមសាលាផងដែរ បើទោះបី វាមិនបានផ្តល់ផលចំណេញអ្វីដល់អាជីកម្មរបស់ខ្ញុំពិតមែន ដោយពេលខ្លះ វាអាចធ្វើឲ្យយើងខាតពេលវេលារកស៊ី តែខ្ញុំនៅតែឆ្លៀតពេលវេលាបន្តិចបន្តួចសម្រាប់ចូលរួមក្នុងការងារទាំងនោះ ពីព្រោះវាផ្តល់ឱកាសឲ្យនាងខ្ញុំស្គាល់មនុស្សកាន់តែច្រើន និងមួយវិញទៀត វាផ្តល់ភាពសប្បាយរីករាយ ព្រោះវាជាអ្វីដែលយើងចូលចិត្តធ្វើ។ ការចូលរួមកម្មវិធីទាំងអស់នោះប្រៀបបានឹងចំណែកមួយក្នុងការជួយទៅដល់មនុស្សដែលខ្វះខាតជាងយើង អាចជាក្មេងៗ ឬមនុស្សក្នុងវ័យចំណាស់បានយ៉ាងច្រើន។   ប៉ុន្តែ អ្វីដែលទាក់ទងនឹងការងារស្ម័គ្រចិត្តទាំងនោះមិនសូវជាបានជួយក្នុងការកសាងកេរ្ត៍ឈ្មោះរបស់ខ្ញុំឲ្យបានល្បីខ្លាំងនោះទេ ផ្ទុយទៅវិញ វាផ្តើមឡើងនៅពេលដែលខ្ញុំចាប់ផ្តើមចែករំលែកក្នុងបណ្តាញសង្គមហ្វេសប៊ុក ដែលពីដំបូងឡើយ ការថតវីដេអូនោះមិនមែនជាការចង់បានកេរ្តិ៍ឈ្មោះល្បីអ្វីនោះទេ តែវាគ្រាន់ជាការចៃដន្យដែលវីដេអូកំប្លែងនោះបានទទួលការចូលចិត្ត និងចែករំលែកច្រើនពីអ្នកលេងហ្វេសប៊ុកទាំងអស់ ។ ពួកគេតែងតែសរសើរថាវីដេអូទាំងនោះអាចជួយសម្រាលនូវទុកកង្វល់បានមួយភាគធំ ហើយដោយហេតុថានៅតែមានអ្នកគាំទ្រ និង លើកទឹកចិត្តកាន់តែច្រើន ទើបនាងខ្ញុំនៅតែបន្តធ្វើការចែករំលែកនេះតទៅទៀតរហូតមកដល់សព្វថ្ងៃ ដោយមិនរំពឹងទទួលយកអ្វីមកវិញគ្រាន់តែចង់ឲ្យពួកគេសប្បាយចិត្តតែប៉ុណ្ណោះ។ ហេលស៍ថាម ៖ តើកណ្ណិកាមានគន្លឹះអ្វីខ្លះជាពិសេស ពេលចាប់ផ្តើមអាជីវកម្ម? កណ្ណិកា ៖ ជារឿងត្រឹមត្រូវដែលថាពេលចាប់ផ្តើមអាជីវកម្មតែងតែចៀសមិនផុតពីបញ្ហាប្រឈមនានា ប៉ុន្តែបើយើងមានកេរ្ត៍ឈ្មោះដែលគេបានស្គាល់រួចជាស្រេច បញ្ហាទាំងនោះនឹងត្រូវបានកាត់បន្ថយទៅតាមនោះដែរ។ ចំពោះនាងខ្ញុំផ្ទាល់ ការចាប់ផ្តើមលក់ផលិតផលតាំងពីដំបូងភាពរលូនច្រើនដោយមានអតិថិជនច្រើនដែលគេចង់ដឹងចង់សាក ប៉ុន្តែអ្វីដែលនាងខ្ញុំត្រូវធ្វើបន្តទៅទៀត គឺត្រូវរកវិធីសាស្រ្តណាក្នុងការរក្សាការលក់ឲ្យមានស្ថេរភាព។ ជាធម្មតា ស្ថិតិក្នុងការលក់តែងតែមានការឡើង និងចុះដូច្នេះហើយនៅពេលដែលវាធ្លាក់ចុះយើងត្រូវតែរកអ្វីដែលថ្មីសម្រាប់ផ្សព្វផ្សាយ និងទាក់ទាញអតិថិជនឲ្យនៅតែបន្តការគាំទ្រតទៅទៀត។ ហេលស៍ថាម ៖ ជាចុងក្រោយនេះផងដែរ កណ្ណិកាមានពាក្យពេចន៍ចែករំលែកដល់មិត្តអ្នកអានដែរឬទេ? កណ្ណិកា ៖ ទោះបីស្ថិតក្នុងកាលៈទេសៈណាក៏ដោយ សូមកុំបោះបង់ចោលនូវអ្វីដែលខ្លួនបានចាប់ផ្តើម ផ្ទុយទៅវិញ យើងត្រូវតែប្រកាន់ខ្ជាប់នូវគោលដៅរបស់យើង ដើម្បីបន្តទៅមុខទៀត ព្យាយាមបណ្តុះគំនិតថ្មីៗ ពីព្រោះយើងចៀសមិនផុតពីបញ្ហានានាពេលធ្វើអាជីវកម្មនោះទេ ហើយត្រូវចងចាំនូវពាក្យស្លោកមួយថា “គេធ្វើបាន យើងក៏ធ្វើបាន”។ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

អាជីព និងការសិក្សា
ធ្វើយ៉ាងណាទើបជោគជ័យទាំងការសិក្សា និងស្នេហា?

សេចក្តីសេ្នហាដែលគ្រប់គ្នាមិនអាចគេចបាន គឺអាចកើតឡើងលើមនុស្សគ្រប់វ័យ ហើយវាមានឥទ្ធិពលខ្លាំងទៅលើយុវវ័យ។ ឥទ្ធិពលទាំងនោះអាចជះផលវិជ្ជមាន និងអវិជ្ជមានទៅលើពួកគេដែលកំពុងស្ថិតនៅក្នុងវ័យសិក្សា។ កញ្ញា នាង សុវឌ្ឍនា ដែលមហាជនបានហៅថា Dj NaNa និងទទួលស្គាល់ថាជាពិធីការិនីវិទ្យុដ៏មានជំនាញខាងវិភាគវែកញែកវិបត្តិសេ្នហា និងចូលរួមបកស្រាយជាមួយអត្ថបទហេលស៍ថាមពីបញ្ហាពាក់ព័ន្ធទៅនឹង«សេចក្តីសេ្នហាអំឡុងពេលសិក្សារបស់យុវវ័យ»… អ្វីទៅជាអត្ថន័យនៃពាក្យថា«ស្នេហា»? វាអាចជាបង្អែមសម្រាប់បន្ថែមរសជាតិជីវិត ឬ ជាគោលបំណងមួយសំខាន់ក្នុងជីវិតដែលមិនអាចខ្វះបាន។ សម្រាប់ Dj Nanaផ្ទាល់ «សេ្នហាជាសេចក្តីស្រលាញ់កើតចេញពីបេះដូង ជាអារម្មណ៍ធម្មជាតិដែលមិនអាចបង្ខំបាន ប៉ុន្តែវាជាការសម្រេចចិត្តជ្រើសរើសដែលកើតចេញពីខួរក្បាលរបស់មនុស្សម្នាក់ៗ»។ តើការមានស្នេហាក្នុងវ័យសិក្សាល្អដែរឬទេ? អ្នកខ្លះគិតថាវាអាចប៉ះពាល់ដល់ពេលវេលា ថយចុះគុណភាពនៃការសិក្សា ក៏ដូចជាការផ្តោតអារម្មណ៍របស់សិស្សនិស្សិត។ តាមការពិតទៅ គំនិតបែបនេះ និងពាក្យស្លោកដែលគេនិយាយថា«ស្រលាញ់ស្រីខ្លីវិជ្ជា» គ្រាន់តែជាមធ្យោបាយសម្រាប់ឃាត់យុវវ័យកុំឲ្យមានសេ្នហាតែប៉ុណ្ណោះ ហើយវាដូចជាបង្រៀនឲ្យសិស្សចេះកុហក ពីព្រោះសេ្នហាមិនអាចបង្ខំបានឡើយ។ ជំនួសឲ្យការឃាត់ឃាំង  ឪពុកម្តាយ ឬចាស់ទុំ គួរតែពន្យល់ណែនាំពីការស្រលាញ់បែបណាដែលផ្តល់ផលប្រយោជន៍ដល់ខ្លួនផ្ទាល់ ហើយវាក៏ជាកាតព្វកិច្ចរបស់បុគ្គលម្នាក់ៗក្នុងការជ្រើសរើសដៃគូសេ្នហាដែលត្រឹមត្រូវសម្រាប់ខ្លួន។ អ្វីដែលសំខាន់បំផុតពេលស្រលាញ់គ្នា? អ្វីដែលសំខាន់ គឺការយោគយល់គ្នាអំពីការផ្តល់អាទិភាព និងគោលដៅរបស់គ្នាទៅវិញទៅមក។ ជាក់ស្តែង អ្នកខ្លះឲ្យអាទិភាពទៅលើការសិក្សា ដូច្នេះ ការឲ្យពេលវេលាលើការសិក្សា គឺមានច្រើនជាងការចំណាយពេលជាមួយសង្សារ មនុស្សខ្លះទៀតចាត់ទុកគូសង្សារជាអាទិភាពចម្បង។   ពេលខ្លះ វាអាចបង្កជាជម្លោះ ឬការសង្ស័យរវាងគ្នា និងគ្នា ដូច្នេះហើយ គឺវាទាមទារឲ្យមានការគោរព និងសម្របតាមគ្នា ដោយចៀសវាងការបង្ខំពីដៃគូសងខាង ដើម្បីឲ្យសេ្នហាបានរលូន។  តើមានអ្វីខ្លះជាគន្លឹះ ដើម្បីជោគជ័យទាំងការសិក្សា និងស្នេហា? -ដើរតួនាទីជាគ្រូចំពោះគ្នាទៅវិញទៅមក ទៅតាមជំនាញដែលខ្លួនពូកែផ្សេងៗពីគ្នា  -បន្ថែមប្រសិទ្ធភាពនៃការរៀន ដោយហេតុថាមិត្តប្រុសស្រីជាមនុស្សដែលយល់ច្បាស់ពយើងជាងអ្នកដទៃ ហើយគេក៏អាចរកគន្លឹះដែលងាយយល់ និងល្អៗ -ការតាំងសតិឲ្យបានល្អ បើទោះជាជួបប្រទះនឹងស្នេហាបែកបាក់  -គិតគូរដល់អនាគតផ្ទាល់ខ្លួនជាចម្បង។ តើមានទីកន្លែងណាខ្លះដែលអាចណាត់ជួបសម្រាប់សង្សារសិស្សនិស្សិត? -បណ្ណាល័យ ៖ ជាទីកន្លែងដែលស្ងប់ស្ងាត់ ងាយស្រួលក្នុងការផ្តោតអារម្មណ៍សិក្សា -បណ្ណាគារ ៖ ជំនួសឲ្យការដើរទិញសម្លៀកបំពាក់ អ្នកអាចកំដរគ្នារើសសៀវភៅ ឬសម្ភារៈសិក្សាផ្សេងៗឲ្យមនុស្សជាទីស្រលាញ់ -កម្មវិធីសិក្សាផ្សេងៗ ៖ សិក្ខាសាលា កម្មវិធីបោះជំរុំ ពិព័រណ៍ការងារ ឬការសិក្សា ។ល។ ដែលអាចផ្តល់ឱកាសសាងអនុស្សាវរីយ៍ និងរៀនពីអ្វីដែលថ្មី -ហាងកាហ្វេ ៖ ចំណាយពេលខ្លះសិក្សាលើមេរៀនរៀងខ្លួន និងបន្ថែមភាពផ្អែមល្អែមតាមរយៈការសម្លឹងមើលមុខគ្នាពេលកំពុងផ្ចង់អារម្មណ៍រៀន -ពិកនិក ៖  ចំណាយប្រាក់តិច ហើយក៏អាចឆ្លៀតឱកាសរៀនបានដូចគ្នា -កម្មវិធីក្រៅម៉ោងសិក្សា ៖ ព្រឹត្តិការណ៍ ការប្រគុំតន្រ្តី កម្មវិធីស្ម័គ្រចិត្ត សុទ្ធតែជាឱកាសល្អ។ សារសម្រាប់មិត្តអ្នកអាន យុវវ័យដែលចង់មានដៃគូសេ្នហា គឺត្រូវជឿលើខួរក្បាលជាងបេះដូង ហើយត្រូវគិតឲ្យបានវែងឆ្ងាយសម្រាប់អនាគតខ្លួនដោយរើសដៃគូដែលខ្លួនពេញចិត្ត ប៉ុន្តែក៏ត្រូវគិតដែរថា «តើគេអាចស័ក្តិសមធ្វើជាឪពុក ឬម្តាយរបស់កូនយើងដែរឬទេ?» ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

អាជីព និងការសិក្សា គ្រួសារ​ និងទំនាក់ទំនង អាជីព និងការសិក្សា
ការតាំងបង្ហាញនូវកៅអីម៉ាស្សា OSIM ជំនាន់ថ្មីនៅកម្ពុជា

នាថ្ងៃទី០៩ ខែធ្នូ ឆ្នាំ២០១៦កន្លងទៅនេះ នៅផ្សារទំនើបអ៊ីអន មានការដាក់បង្ហាញនូវកៅអីម៉ាស្សាជំនាន់ថ្មី ផលិតផលពីប្រទេសសាំងហ្គាពួរមួយឈ្មោះថា OSIM uLove នាំចូលផ្តាច់មុខដោយក្រុមហ៊ុន អូស៊ីម ដែលមានសាខានៅប្រទេសជាច្រើនទូទាំងពិភពលោក។  “ជាមួយនឹងបច្ចេកទេសទំនើបចុងក្រោយបង្អស់ ដោយមិនត្រឹមមានការបំពាក់នូវគ្រាប់លុញប្រភេទ “720o v-hand 3D  massage” ដែលអាចបង្វិលបានរហូតដល់ ៣៦០ដឺក្រេ ពីលើទៅក្រោម និងពីឆ្វេងទៅស្តាំ ចូលទៅគ្រប់ចំនុចនៃរាងកាយ តាំងពីក្បាលដល់ចុងជើង, OSIM uLove ក៏មានបំពាក់ផងដែរនូវឧបករណ៍បំពងសម្លេង ដែលអាចភ្ជាប់ជាមួយនឹងទូរស័ព្ទ ដើម្បីជ្រើសរើសបទភ្លេងរបស់អ្នកនៅអំឡុងពេលម៉ាស្សា អ្នកប្រើប្រាស់នឹងទទួលបានបទពិសោធន៍នៃការម៉ាស្សាពេញមួយតួខ្លួនដ៏ល្អ មិនអាចបំភ្លេចបាន ព្រមជាមួយនឹងការបំបាត់ភាពចុករោយ ភាពតានតឹងបានយ៉ាងមានប្រសិទ្ធភាព និងអាចជួយសម្រួលសុខភាពទាំងផ្លូវកាយនិងផ្លូវចិត្តក្នុងពេលតែមួយ ដែលទាំងនេះគឺស័ក្តិសមបំផុតសម្រាប់មនុស្សជំនាន់ថ្មី” នេះបើតាមការលើកឡើងរបស់លោក Gary Ng អគ្គនាយកក្រុមហ៊ុន អូស៊ីមប្រចាំនៅកម្ពុជា។ គួរបញ្ជាក់ថា រាល់ការរចនា និងមុខងារ ឬកម្មវិធីម៉ាស្សារបស់ OSIM uLove សុទ្ធតែត្រូវបានឆ្លងកាត់ការសិក្សា ត្រួតពិនិត្យ និងរៀបចំឡើងដោយលោកវេជ្ជបណ្ឌិតជនជាតិជប៉ុន សាតូ សូយូស៊ី អ្នកឯកទេសផ្នែកព្យាបាលដោយម៉ាស្សា ផ្អែកទៅតាមបែបបទរស់នៅដ៏សម្បូរបែប ក៏ដូចជាតម្រូវការ និងភាពរីករាយរបស់អ្នកប្រើប្រាស់នាពេលបច្ចុប្បន្នតែម្តង។ ដោយសារតែលក្ខណៈពិសេសទាំងអស់នេះហើយ OSIM uLove ក៏ត្រូវបានទទួលការគាំទ្រ និងកោតសរសើរផងដែរពីសំណាក់តារាសម្តែងដ៏ល្បីឈ្មោះរបស់តៃវ៉ាន់គឺកញ្ញា Fan Bing Bing ។ គួររំលឹកផងដែរថា ដោយមានការផ្តល់ជូននូវការសាកល្បងដោយសេរីលើ OSIM uLove នៅក្នុងកម្មវិធីដាក់បង្ហាញនេះ អតិថិជនប្រមាណ១០០នាក់ ក៏បានទទួលយកបទពិសោធន៍នៃការម៉ាស្សាដោយផ្ទាល់ និងបានសម្តែងនូវចំណាប់អារម្មណ៍យ៉ាងខ្លាំងអំពីប្រសិទ្ធភាពនៃការម៉ាស្សានេះ ដោយក្នុងនោះអតិថិជនជាច្រើននាក់បានលើកឡើងថាពួកគេសឹងតែគេងលក់នៅអំឡុងពេលសាកល្បងនេះ ហើយខ្លះក៏បង្ហាញការពេញចិត្ត អំពីផាសុកភាពដែលផ្តល់ដោយកៅអីម៉ាស្សា OSIM uLove ដោយបញ្ជាក់ផងដែរថាវាអាចតម្រូវទៅតាមរូបរាងរបស់ពួកគេបានយ៉ាងល្អ ព្រមទាំងមានលក្ខណៈបិទបាំងល្មមសម្រាប់រក្សាភាពឯកជនរបស់ពួកគេបានទៀតផង៕ ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ  

គន្លឹះសុខភាព ព្រឹត្តិការណ៍ និងព័ត៌មាន
រលាកថ្លើមប្រភេទ B៖ ប្រឈមមុខខ្ពស់នៅតំបន់អាស៊ី

ជំងឺរលាកថ្លើមប្រភេទ B ត្រូវបានគេរកឃើញ នៅក្នុងឆ្នាំ ១៩៦៥ ដោយជនជាតិអូស្រ្តាលី ហើយវ៉ាក់សាំង ការពារជំងឺនេះ ត្រូវបានគេរកឃើញជាស្ថាពរក្នុងឆ្នាំ១៩៨១។ ក្នុងឆ្នាំ១៩៨៦ វ៉ាក់សាំងនេះ ត្រូវបានគេដាក់ឲ្យប្រើប្រាស់ ទូទាំងពិភពលោក។ ក្នុងឆ្នាំ១៩៩១ អង្គការសុខភាពពិភពលោកបានបញ្ចូលវ៉ាក់សាំងនេះក្នុងកម្មវិធីចាក់ថ្នាំវ៉ាក់សាំងបង្ការលើកុមារ។ យោងតាមសមាគមថ្លើមអាមេរិកាំង ត្រឹមឆ្នាំ២០០៤កុមារដែលមានអាយុពី១៨ខែដល់៣០ខែ លើសពី៩២%បានទទួលវ៉ាក់សាំងការពារជំងឺរលាកថ្លើមប្រភេទ B។  និយមន័យ ជំងឺរលាកថ្លើមប្រភេទ B ជាជំងឺដែលបង្កឲ្យថ្លើមរលាកតាមរយៈវីរុសរលាកថ្លើមប្រភេទ B។ វីរុសនេះស្ថិតនៅក្នុងក្រុម Hepadnaviruses ដែលជាប្រភេទវីរុសផ្គុំឡើងពីខ្សែ DNA ហើយមានទំហំ៤២ណាណូម៉ែត្រ ប្រហាក់ប្រហែលនឹងមេរោគអេដស៍។ ការចម្លងរោគ អត្រាឆ្លងមេរោគរលាកថ្លើមប្រភេទ B គឺខ្ពស់ជាងមេរោគអេដស៍ ១០០% ព្រោះមេរោគនេះអាចស្ថិតនៅមជ្ឈដ្ឋានខាងក្រៅ៧ថ្ងៃ ដូចនេះវាអាចឆ្លងទៅមនុស្សដទៃបានយ៉ាងងាយ។ មេរោគនេះ ត្រូវបានចម្លងទៅតាមការប៉ះពាល់ឈាម មានដូចជា៖ •    ឆ្លងពីម្តាយដែលមានមេរោគនេះទៅកូនពេលមានផ្ទៃពោះ និងពេលសម្រាល •    ឆ្លងតាមការរួមភេទ ជាពិសេសការរួមភេទដូចគ្នា •    ការប៉ះពាល់ស្បែកមានរបួសទៅនឹងឈាមដែលមានផ្ទុកមេរោគ •    ការប្រើប្រាស់សឺរ៉ាំងរួមគ្នា (អ្នកប្រើគ្រឿងញៀន) ការបញ្ចូលឈាមដែលមានផ្ទុកមេរោគស្រាប់ •    ការប្តូរសរីរាង្គពីអ្នកផ្ទុកមេរោគថ្លើមប្រភេទ B។ រោគសញ្ញា ពេលឆ្លងមេរោគនេះដំបូង មិនមានរោគសញ្ញាណាគួរកត់សម្គាល់ទេ។ រោគសញ្ញាដែលគេជួបញឹកញាប់មានដូចជាឈឺក្បាល ឈឺដៃជើង ទ្រោមខ្លួន ដូចនឹងជំងឺផ្តាសាយដែរ ហើយរោគសញ្ញាទាំងនេះ បាត់ទៅវិញក្នុងរយៈពេល២ទៅ៣ថ្ងៃប៉ុណ្ណោះ។ រយៈពេលសម្ងំរបស់វាចន្លោះពី ៣០ទៅ១៨០ថ្ងៃ បើគិតជាមធ្យមគឺ៧០ថ្ងៃ ហើយជាទូទៅ ៩០%នៃអ្នកឆ្លងជំងឺនេះ នឹងជាទៅវិញដោយខ្លួនឯង និងបង្កើតអង់ទីក័រការពារខ្លួនបាន ឯ១០%ទៀតនឹងវិវឌ្ឍទៅជាជំងឺរលាកថ្លើមរ៉ាំរ៉ៃ។ ក្នុងនោះ១%នៃអ្នកវិវឌ្ឍទៅជាជំងឺរលាកថ្លើមរ៉ាំរ៉ៃ អាចវិវឌ្ឍបន្តទៅជាក្រិនថ្លើម។ យ៉ាងណាមិញ ការវិវឌ្ឍនៃជំងឺរលាកថ្លើម គឺមិនមានស្តែងចេញជារោគសញ្ញាទៅតាមដំណាក់កាលនីមួយៗនោះទេ ហើយរោគសញ្ញាដែលទាក់ទងនឹងថ្លើម នឹងលេចចេញនៅពេលដែលថ្លើមបានខូចខាតក្នុងកម្រិតធ្ងន់ធ្ងរទៅហើយ។ រោគសញ្ញាទាំងនោះរួមមាន ការឡើងលឿង ទាចទឹក ថ្លើមរឹងឬក្រិន ទឹកនោមតិចនិងឡើងលឿងចាស់ជាដើម។ ការធ្វើរោគវិនិច្ឆ័យ ជំងឺរលាកថ្លើមប្រភេទ B ត្រូវបានធ្វើរោគវិនិច្ឆ័យតាមរយៈការធ្វើតេស្តឈាមរកមេរោគនេះនៅក្នុងឈាម។ តេស្តដែលត្រូវធ្វើរួមមាន ការរកអង់ទីហ្សែន HBs អង់ទីក័រ anti-HBs អង់ទីហ្សែន HBe អង់ទីក័រ anti-HBe និងអង់ទីក័រ anti-HBc IgM, anti-HBc IgG៖ •    វត្តមាននៃអង់ទីហ្សែន HBs បានន័យថា អ្នកជំងឺមានវត្តមានរបស់មេរោគនេះនៅក្នុងឈាម។ •    វត្តមាននៃអង់ទីក័រ anti-HBs បានន័យថាអ្នកជំងឺមានប្រព័ន្ធការពារមេរោគថ្លើមប្រភេទ B រួចហើយ។ •    វត្តមាននៃអង់ទីហ្សែន HBe បានន័យថា អ្នកជំងឺកំពុងឆ្លងមេរោគ។ •    វត្តមានអង់ទីក័រ anti-HBe មានន័យថា អ្នកជំងឺអាចកំពុងមានមេរោគនៅក្នុងខ្លួនដែលវត្តមានអង់ទីហ្សែន HBs វិជ្ជមានឬកំពុងវិវឌ្ឍទៅរកភាពជាសះស្បើយបើអង់ទីហ្សែន HBs អវិជ្ជមាន។ •    វត្តមាននៃអង់ទីក័រ anti-HBc IgM បានន័យថាអ្នកជំងឺទើបនឹងឆ្លងមេរោគថ្មីៗ •    វត្តមាននៃអង់ទីក័រ anti-HBc IgG បានន័យថាអ្នកជំងឺធ្លាប់មានមេរោគឆ្លង។ ក្រៅពីនេះ មានការធ្វើតេស្តរក Transaminase ដើម្បីដឹងពីសភាពខូចខាតរបស់ថ្លើម។ ក្នុងករណីដែលមានវត្តមានមេរោគ ការរាប់ DNA និងសម្បកមេរោគអង់ទីហ្សែន HBs ក៏ត្រូវបានធ្វើបន្ថែម ដើម្បីកំណត់ការព្យាបាល។ ការព្យាបាល ជំងឺរលាកថ្លើមប្រភេទ B តម្រូវឲ្យព្យាបាលឬមិនចាំបាច់ព្យាបាល គឺអាស្រ័យទៅលើលទ្ធផលនៃការធ្វើតេស្តឈាម៖ •    ករណី Transaminase ធម្មតា និងចំនួនមេរោគមិនឡើងអ្នកជំងឺប្រភេទនេះ ត្រូវបានចាត់ទុកថាជាអ្នកផ្ទុកដែលមិនឈឺ (Inactive carrier)និងមិនតម្រូវឲ្យព្យាបាលទេ •    ករណី Transaminase កើនឡើង និងចំនួនមេរោគច្រើនអ្នកជំងឺប្រភេទនេះ តម្រូវឲ្យធ្វើការព្យាបាលតែអត្រាជាសះស្បើយមានចំនួនតិចតួច។ គោលបំណងនៃការព្យាបាល គឺ •    ទប់ស្កាត់ការកើនឡើងខ្លាំងនៃចំនួនមេរោគក្នុងឈាមដែលងាយឆ្លងអ្នកដទៃ •    បន្ថយចំនួនមេរោគដែលមានក្នុងឈាមស្រាប់ និងមិនឲ្យត្រឡប់ចូលទៅស៊ីសាច់ថ្លើមវិញ •    រក្សាសាច់ថ្លើមពីក្រិននិងមហារីក។ ឱសថដែលប្រើក្នុងការព្យាបាលមានពពួក Antiviral ដែលត្រូវប្រើជាប់រហូតដល់អ្នកជំងឺអាចបង្កើតប្រព័ន្ធការពារ។ យន្តការនៃការព្យាបាលនេះគឺ Antiviral នឹងសម្លាប់មេរោគក្នុងសរសៃឈាមដែលអាចត្រឡប់ទៅបំផ្លាញកោសិកាថ្លើមបាន។ មួយវិញទៀត ជំងឺនេះក៏អាចព្យាបាលដោយ ប្រើថ្នាំចាក់Peginterferon alfa 2a ប្រើក្នុងរយៈពេល៤៨សប្តាហ៍។ ថ្នាំនេះអាចប្រើបានតែលើអ្នកជំងឺដែលមានសាច់ថ្លើមល្អ អង់ទីហ្សែន HBs តិចជាង 1500UI, DNAមិនមានឬមានតិចតួច។ ការព្យាបាលដោយថ្នាំចាក់ប្រភេទនេះ អាចមានអត្រាជាប្រហែល ៥៨%។ •    ករណីអ្នកជំងឺដែលមានសញ្ញាថ្លើមរឹង ឬក្រិន ការព្យាបាលអ្នកជំងឺប្រភេទនេះ ត្រូវធ្វើឡើងដោយប្រើថ្នាំលេប (Antiviral )យូរអង្វែងច្រើនឆ្នាំ ដើម្បីបន្ថយចំនួនមេរោគក្នុងឈាមនិងកាត់បន្ថយការបំផ្លាញកោសិកាថ្លើមពីមេរោគ។ ការបង្ការ ចំពោះអ្នកដែលមានផ្ទុកមេរោគរលាកថ្លើមប្រភេទ B ៖ •    ត្រូវចៀសវាងការពិសាស្រា ជក់បារី •    ហាមប្រើប្រាស់ច្រាស់ដុសធ្មេញរួមជាមួយអ្នកដទៃ •    មិនត្រូវផ្តល់ឈាម •    ការពារដោយប្រើស្រោមអនាម័យនៅពេលរួមភេទ •    ត្រូវហាត់ប្រាណឲ្យបានទៀងទាត់ និងរបបហូបចុកគ្រប់គ្រាន់ដើម្បីបង្កើនការពារឲ្យបានរឹងមាំ •    ត្រូវជួបប្រឹក្សាជាមួយគ្រូពេទ្យចំពោះអ្នកដែលមិនមានវត្តមានមេរោគ និងអង់ទីក័រត្រូវចាក់ វ៉ាក់សាំងការពារ។ ម្យ៉ាងទៀត អ្នកដែលតម្រូវឲ្យចាក់វ៉ាក់សាំងនេះជាចាំបាច់គឺ ក្មេងដែលកើតពីម្តាយមានមេរោគរលាកថ្លើមប្រភេទ B។ ទារកកើតមកភ្លាមត្រូវចាក់ព្រមគ្នានូវប្រព័ន្ធការពារនិងថ្នាំវ៉ាក់សាំង។ ការចាក់វ៉ាក់សាំងការពារជំងឺរលាកថ្លើម ត្រូវធ្វើឡើង៣ដង និងមាន៣ជម្រើស៖ •    ជម្រើសទី១៖ ០, ១, ២ ខែ •    ជម្រើសទី២៖ ០, ១, ៦ ខែ •    ជម្រើសទី៣ សម្រាប់អ្នកដែលប្រឈមខ្លាំង៖ ចាក់៣ដងក្នុង១ខែដំបូង។ ក្រោយការចាក់វ៉ាក់សាំងគ្រប់ចំនួន នឹងមានការចាក់រំលឹកក្រោយរយៈពេល១ឆ្នាំ ហើយ២ទៅ៣ឆ្នាំក្រោយ ត្រូវធ្វើការត្រួតពិនិត្យមើលកម្រិតអង់ទីក័រក្នុងឈាម បើមានគ្រប់គ្រាន់ គឺមិនចាំបាច់ចាក់បន្ថែមទេ តែបើមិនគ្រប់គ្រាន់ គឺចាំបាច់ត្រូវចាក់រំលឹក។ ការចាក់វ៉ាក់សាំងការពារជំងឺរលាកថ្លើមប្រភេទ B ត្រូវបានរាជរដ្ឋាភិបាលយកចិត្តទុកដាក់ដោយក្រសួងសុខាភិបាលបានដាក់បញ្ចូលការចាក់វ៉ាក់សាំងនេះទៅក្នុងកម្មវិធីជាតិចាក់វ៉ាក់សាំងសម្រាប់កុមារនិងទារកតាំងពីឆ្នាំ២០០០ម្ល៉េះ ដើម្បីការពារសុខភាពកុមារ។ ផលវិបាក ប្រសិនបើគ្មានការព្យាបាលទេ ជំងឺរលាកថ្លើមប្រភេទ B នឹងវិវឌ្ឍទៅរកជំងឺរលាកថ្លើមរ៉ាំរ៉ៃ (Fibrose) ដែលក្នុងនោះ៥០%នឹងវិវឌ្ឍទៅរកក្រិនថ្លើមនិងចុងក្រោយគឺមហារីកថ្លើម តែ៥០%ផ្សេងទៀតនឹងវិវឌ្ឍទៅជំងឺមហារីកថ្លើមតែម្តង។ កត្តាជម្រុញឲ្យទៅជាជំងឺក្រិនថ្លើម និងមហារីកថ្លើមនេះ មានដូចជា៖ •    ហូបចុកមិនបានគ្រប់គ្រាន់ •    សម្រាកមិនបានគ្រប់គ្រាន់ •    ពិសាស្រា ជក់បារីច្រើនពេក។ មួយវិញទៀត ការវិវឌ្ឍនៃជំងឺនេះក៏អាស្រ័យទៅលើចំនួនមេរោគផងដែរ។ បើមេរោគមានចំនួនកាន់តែច្រើន នោះការវិវឌ្ឍនេះក៏កាន់តែលឿនផងដែរ។ ម្យ៉ាងទៀត អត្រាស្លាប់ដោយជំងឺនេះគឺកើនឡើងទៅតាមអាយុរបស់អ្នកជំងឺ៖ •    អ្នកផ្ទុកមេរោគដែលមានអាយុតិចជាង១៩ឆ្នាំ នៅមិនទាន់មានរបាយការណ៍បង្ហាញពីករណីស្លាប់នៅឡើយទេ។ •    អ្នកផ្ទុកមេរោគដែលមានអាយុពី ២០ទៅ២៩ឆ្នាំ មានអត្រាមរណៈតិចតួច •    អ្នកផ្ទុកមេរោគដែលមានអាយុពី៣០ទៅ៦៤ឆ្នាំ មានអត្រាមរណៈកើនឡើងតាមអាយុ •    អ្នកផ្ទុកមេរោគដែលមានអាយុច្រើនជាង៦៤ឆ្នាំ មានអត្រាមរណៈខ្ពស់រហូតដល់៦៥%។ បកស្រាយដោយ ៖ លោកវេជ្ជបណ្ឌិត សុខ ហ៊ាង ឯកទេសក្រពះ ពោះវៀន ថ្លើមនៃមន្ទីរពេទ្យព្រះកុសុមៈ... ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

ជំងឺផ្សេងៗ ក្រពះ​ ពោះវៀន​ ថ្លើម ឫសដូងបាត
Konexfund - Healthogo, award-winning Business Plan is looking for partners!

Healthogo is a healthcare online booking platform which was founded by Health Time Corporation in late 2015. The business plan was awarded as Outstanding Business Plan of the Year 2015 by Cambodia-Japan Cooperation Center, and later became Champion of Regional Business Plan Contest in Laos by JICA in July 2016.   What is Healthogo? Healthogo is an online platform which allows public to search for Healthcare service providers in the country, region as well as in the world. It helps people decide which healthcare service provider is the most suitable to them in terms of Specialists, Location and Price, so that they can make the online booking to the provider.   Vision: Global Number 1 Healthcare Booking Service. Mission: Build a platform which connects Healthcare Providers to general public with professionalism and trust.   Status of Development: Web Building Expected launch : January 2017 Fund to Look for : 100,000 USD Contact : s.reaksmey@time-media.com Facebook : www.facebook.com/healthogo

អាជីព និងការសិក្សា
Trichotillomania, a Kind of Hair Loss as Habit of Pulling Hair by Addiction

Do you like pulling hair? Be careful of hair loss…!   Hair loss is a problem that most people face with every day; there are many types and many causes. Trichotillomania is one of hair loss which Health Time chooses as a topic to interview with Dr. Chan Vicheth dermatologist, a deputy director of Khmer-Soviet Friendship Hospital, also a Director of Cambodian Association of Dermatology.    Definition   Trichotillomania is a kind of hair loss as habit from pulling hair by addiction and continue doing like this as always. Another point is the patients have faced with mental health problem or intense emotional crisis can also lead to trichotillomania.   Causes   Trichotillomania is not genetic disease, nor the certain cause, according to the theory; feeling tense psychological or emotional impact causes hair loss by pulling hair themselves as an addiction and habit. The percentages of trichotillomania who suffer the most are women than men.   Symptoms   You can see hair on the head, eyebrows, eyelashes, arms, legs, chest, or even facial hair and mustache become loss like a field. Those can be called Trichotillomania, just refers to hair on the head that can see the most.   Diagnosis   Generally, the diagnosis is considered to psychological symptoms, emotional impact, directly affects the feelings which make the patients pull their hair consciously. While they get hair loss, they are shy, always refused to join any social event as well as being alone.     Treatment    Hair loss cause by such routine, the treatment is to change the habits. Whenever those problems due to anger, mental health problem, they should be advised to see psychologist as a consultant, to change any behavior, to know their situation will be more serious if not modified routine. It might be hard to treat because it’s such an addiction, but it may help prevented, for example, if the patient like pulling hair while traveling ,  they should wear a hat or headscarf, they are also encouraged and do not blame them about that issue.   Complications   If patients did not receive the treatments faster, they will affect their quality of life, embarrassed to join any social events and like being isolated. Moreover, patients may face hair loss all over their head.   Last but not least, if people face with those any problem of hair loss, they should be consulted with the dermatologists,  so that doctor will find out as trichotillomania or not, then he will advise to meet psychologist to avoid those bad habits.

Beauty
អ្នកណាខ្លះ “ខូចចិត្តអាជីព”?

និយាយពីការខូចចិត្តវាមានច្រើនយ៉ាង តែថាការ “ខូចចិត្តអាជីព” បែបថា ខូចចិត្តម្តងហើយម្តងទៀត រៀងធ្ងន់ធ្ងរបន្តិចហើយ។ អញ្ចឹងសាកគិតមើល បើជាអ្នក នឹងដើរចេញពីបញ្ហានេះតាមច្រកណា?   បំភ្លេចចោលការគិតបែបខ្លីៗ បំផ្លាញសុខភាពផ្លូវកាយ និងផ្លូវចិត្តតទៅទៀត ហើយមកមើលម្ចាស់ស្នាដៃរឿង “សិស្សប្អូនសំណព្វចិត្ត” ឬនិយមហៅថា “My junior my Crush!”, កញ្ញា ស៊ា រស្មី និមិត្តរូបវ័យក្មេងក្នុងចិត្តរបស់យុវវ័យជាច្រើនក្នុងនាមជាស្ថាបនិកភាពយន្តខ្មែរដ៏ឆ្នើម ចែករំលែកជុំវិញបញ្ហានេះ តាមរយៈស្នាដៃដ៏ថ្មីស្រឡាងមួយគឺរឿង “ខូចចិត្តអាជីព”។ គ្រាន់តែចំណងជើង ត្រូវនឹងសាច់រឿងខ្លះបាត់ទៅហើយ ប៉ុន្តែវាពិតជាមានអ្វីលើសពីនេះ។ មកមើលថាតើរឿងនេះនឹងផ្តល់អ្វីដល់អ្នក? ជំហានដំបូងគឺ ត្រូវចិត្ត!  មិនត្រឹមជាប្រភេទរឿងរ៉ូមេនទិក តែក៏ក្លែមជាមួយភាពកំប្លែងពីតារាកំប្លែងជាច្រើនរូប ដឹងតា៎សើចម៉ង។ កាន់តែពិសេសគឺកញ្ញា សុខ សុម៉ាវត្តី តារាសម្តែងដ៏មានទេពកោសល្យជាតួឯកស្រី និង…ស្គាល់ប្រុសស្អាតប្រចាំក្រុមកីឡាករជម្រើសជាតិមែនហេ៎? ហ្នឹងហើយ បង លី វ៉ាហេទ យើងហ្នឹង ក្លាយទៅជាតួឯកក្នុងរឿងនេះផងណា៎!  ម្យ៉ាង តួសម្តែងក្នុងរឿង ពិសេសគឺបងតីក្នុងសម្លៀកបំពាក់កីឡាបាល់ទាត់ (ឧបត្ថម្ភដោយ Co-Plaster)  ពិតជាស្រស់ស្អាតនិងស្រស់សង្ហា ព្រមទាំងស្តែងឲ្យឃើញពីប្រជាប្រិយភាព និងការគាំទ្រយ៉ាងពេញទំហឹងពីមនុស្សទូទៅនាពេលបច្ចុប្បន្ន ចំពោះវិស័យកីឡារផងដែរ។ បន្ទាប់មកគឺ ត្រូវរឿង ត្រូវកាលៈទេសៈ! មិនខុសអីពីចំណងជើងរឿង បងតីជានារីអភ័ព្វរឿងសេ្នហា ខូចចិត្តផ្ទួនគ្នាដល់ទៅ៥ដង រហូតបែកគំនិតស្អប់មនុស្សប្រុស ហើយក៏មិនខុសអីពីតថភាពនៃអ្នកខូចចិត្តតែម្តង។ ដល់ពេលត្រូវបញ្ជូលវិជ្ជាគុនឲ្យអ្នកដែលខូចចិត្តហើយ! បន្លំខ្លួនជាមនុស្សប្រុសមិនគ្រប់គ្រាន់ តួឯកស្រី នៅជ្រើសរើសយកកីឡាមកបន្លប់ការខូចចិត្តរបស់ខ្លួន ដោយខំហ្វឹកហាត់រហូតពូកែខាងកីឡាបាល់ទាត់ទៀតផង សមជានិមិត្តរូបរបស់យើងពិតមែន។ តើមាននណារខ្លះនឹងជ្រើសរើសផ្លូវនេះដូចជាបងតី?  ម្យ៉ាង ការដើរផ្លូវនេះ ហាក់ក្លាយជាឱកាសសម្រាប់ខ្លួនឯងក្នុងការស្គាល់មនុស្សល្អៗជាច្រើនទៀតជាពិសេសនៅក្នុងវិស័យកីឡាបែបនេះ មិនខ្វះទេ។ ដូចដែលបង្ហាញក្នុងសាច់រឿងស្រាប់គឺ បងតីបានស្គាល់ បងវ៉ាហេទ ដ៏សង្ហា ពូកែគ្រប់រឿង ចិត្តល្អ ហើយក៏ជាមេក្រុមបាល់ទាត់ទៀត។  ក្រៅពីជួយកាត់បន្ថយអត្រាសំលាប់ខ្លួនព្រោះខូចចិត្តរឿងស្នេហា បងស្រីរូបស្រស់ ស៊ា រស្មី ក៏មានវិជ្ជាគុនជាច្រើនទៀតត្រូវផ្តល់ដល់អ្នកទាំងអស់គ្នាពិសេស គឺយុវវ័យតែម្តង៖ សាច់រឿងព្យាយាមបង្ហាញថា សេចក្តីតស៊ូព្យាយាម និងការខិតខំដោយមិនរាថយ ក៏នឹងបានទទួលជោគជ័យនៅថ្ងៃណាមួយ ជាពិសេស សេចក្តីសុខ សុភមង្គល ភាពសប្បាយ គឺមិនបានកើតចេញតែពីខ្លួនឯង ប៉ុន្តែគឺគ្រប់គ្នាដែលនៅជុំវិញ ដូចនេះកុំព្យាយាមចង់បានអ្វីដែលមិនមែនជារបស់យើង ហើយពារតែងរំងាប់ទៅវិញដោយការមិនចងពារ។ ឯសារចុងក្រោយនៃសាច់រឿងគឺ “មនុស្សគ្រប់រូបកើតមកតែងតែមានគូ” មួយម៉ាត់ហ្នឹងត្រូវចិត្តអ្នកកំពុងអត់គូតែម្តង។ ត្រលប់មកមើលគោលបំណងនៃការបញ្ជ្រៀតសាច់រឿងជាមួយនឹងកីឡាបាល់ទាត់… វា គឺជាវិធីសាស្រ្តមួយដែលអាច ថតទុកនូវតម្លៃនៃកីឡាមួយនេះ ព្រមទាំងបណ្តុះគំនិតស្នេហា វិសយ័បាល់ទាត់កាន់តែខ្លាំងឡើង និងអ្វីដែលពិសេសនោះគឺ កីឡានៅក្នុងរឿងនឹងផ្តល់ នូវរសជាតិថ្មី ប្លែករួមផ្សំនឹងអាជីព។  “ការលេងកីឡាគឺដើម្បីសុខភាព មិនមែនដើម្បីតែការឈ្នះចាញ់ និង ភ្នាល់ដាក់អ្វីនោះទេ" ជាការឆ្លុះបញ្ចាំងមួយអំពីទឹកចិត្តជាអ្នកកីឡា  ហើយ “សម្រាប់ខ្ញុំ ជាអ្នកនិពន្ធម្នាក់ អ្វីដែលខ្ញុំអាចធ្វើបានគឺការបង្ហាញគ្រប់រូបភាព និងអត្តន័យទាក់ទងនឹងកីឡា និងសុខភាពតាមរយៈខ្សែភាពយន្ត” ទាំងនេះបើតាមបងស្រី ស៊ា រស្មី អត្ថិប្បាយ។ ជាចុងក្រោយ អ្នកនិពន្ធឆ្នើមវ័យក្មេងរបស់យើង ក៏បង្ហាញអំពីការរំពឹងទុកផងដែរថា រឿងថ្មីមួយនេះនឹងទទួលបានការគាំទ្រទ្វេដង និងសង្ឃឹមថាប្រជាជនខ្មែរចាប់ផ្តើមផ្តល់តម្លៃដល់ខ្សែភាពយន្តខ្មែរ ហើយក៏សង្ឃឹមថា ទស្សនិកជននឹងគាំទ្រស្នាដៃទី៣នេះឲ្យបានច្រើន ហើយបងស្រីរីករាយចំពោះការរិះគន់កែក្នុងន័យស្ថាបនាដោយក្តីសោមនស្ស ព្រោះថា ការគំាទ្រពីទស្សនិកជន គឺជាកំលាំងចិត្តសម្រាប់គាត់សរសេរស្នាដៃបន្ទាប់ទៀត។ យ៉ាងណាមិញ ស្នាដៃទី៤ “សិស្សប្អូនសំណព្វ វគ្គ២”នឹងត្រូវថតតាមការស្នើរសុំរបស់ទស្សនិកជន។  សំខាន់ឥឡូវចង់ដឹងដល់ហើយថា អ្នកណាខ្លះខូចចិត្តអាជីព នឹងចាំបបួលទៅមើលទាំងអស់គ្នា! ©2017 រក្សាសិទ្ធិគ្រប់យ៉ាង​ដោយ Healthtime Corporation ចំពោះគ្រប់អត្ថបទដោយគ្មានផ្នែកណាមួយត្រូវបោះពុម្ពផ្សាយចូល ប្រព័ន្ធអ៊ីនធឺណែតឧបករណ៍អេឡិចត្រូនិកអាត់ជាសំឡេងឬថតចំលងគ្រប់រូបភាពដោយគ្មានការអនុញ្ញាតឡើយ

កំសាន្ត ព្រឹត្តិការណ៍ និងព័ត៌មាន
How Distinctive Academic Health System of Singapore Is

How Distinctive Academic Health System of Singapore Is Singapore is a dream country for not only the tourists, but also students of all nations from all around the world. With the fast growth in only short period of time, Singapore is a leading country which has developed in all sectors including education system. Based on the interview conducted online between Health Time Magazine and Ms. Eva Ho, Group Director, Communication Office of NUHS, we proudly bring you, our beloved readers to  get to know more about NUHS including visions, views on health education as well as special features of medical schools in Singapore along with admission requirements for both Singaporeans and international students. Visions of NUHS   The National University Health System (NUHS) is an integrated academic health system compromising the National University Hospital (NUH), the National University Cancer Institute, Singapore (NCIS), the National University Heart Centre, Singapore (NUHCS), the National University Centre for Oral Health (NUCOHS), the National University of Singapore (NUS) Yong Loo Lin School of Medicine, the NUS Faculty of Dentistry and the NUS Saw Swee Hock School of Public Health.    With the vision of shaping medicine for the future, NUHS aims to develop innovative, value-driven, and sustainable healthcare which impacts population health and changes the natural history of chronic disease in Singapore as well as to strive to grow and nurture the next generation of healthcare professionals who will continue to contribute towards healthcare in Singapore.    Views of NUHS on educating the next generation of healthcare professionals   At NUHS, we are committed to our mission of developing the next generation of healthcare professionals to meet the rising healthcare needs of Singapore.  To achieve this mission, we emphasise on academic excellence and draw upon the research capabilities of the three NUS Schools in the NUHS group to provide better and more value-based healthcare to our patients.    Looking ahead, as Singapore faces challenges of an ageing population and manpower constraints, NUHS aims to leverage our strengths in the integration of our clinical and academic enterprises to develop new models of care which will meet Singapore’s emerging health and healthcare demands.   Special Features of School Curriculum   Yong Loo Lin School of Medicine    With the belief that clinical knowledge alone does not make a doctor, and that compassion and sensitivity to the needs of patients also matter, NUS Yong Loo Lin School of Medicine, known as NUS Medicine teaches students to treat patients holistically with its distinctive, forward-looking undergraduate curriculum with a strong emphasis on nurturing compassionate and skilful doctors, and at the same time prepare them to meet the healthcare needs of an aging Singaporean population. Learning how to build rapport with patients and understand how the patients’ conditions affect them and their families at home is also provided beyond lectures and tutorials.      Meanwhile, the curriculum is continually refined as to keep pace with evolving medical and healthcare challenges. The teaching is made with simulation training that tests and trains students to work on realistic and challenging clinical situations as a team. As part of a comprehensive university comprising 17 schools and faculties, NUS Medicine provides students the opportunity to work alongside other students from Nursing, Dentistry, Pharmacy as well as Social Work and learn how to care for patients as members of integrated care teams.  This is further enhanced with its own Inter-Professional Education training where students learn together, build friendships and cultivate professional relationships that will enable them to work better in collaborative care teams in the future.    Additionally, as a founding institutional member of the NUHS, NUS Medicine students benefit from the experience and expertise of academic and clinical faculty of all NUHS institutions.   Faculty of Dentistry   A key focus of the curriculum of NUS Faculty of Dentistry is to nurture and train practice-ready oral health care professionals who are competent to deliver high quality patient-centric care and improve the oral health of the Singapore population with the adoption of a competency-based framework to help its students develop a wide spectrum of competencies expected of a newly graduated dentist.  With such a framework, students optimise their learning, anchor themselves in the fundamentals of clinical dentistry and equip themselves with the skills to carry out a comprehensive range of dental procedures.     Dental education offered by the Faculty comprises a combination of didactic lectures, small-group tutorials as well as hands-on clinical practice supervised by clinical staff.  Complementing such teaching methods is the use of simulation training which is offered in the pre-clinical years of the undergraduate programme.     Beyond the campus, the students also bring their oral health knowledge to the community where they conduct oral health screenings and offer dental health education to the public.  The students are also given the opportunity to engage in research projects to gain exposure and seed an interest in scientific discovery.  Self-directed learning is also an important part of the education process where students are encouraged to think critically and independently.  The curriculum is regularly reviewed to ensure that it remains contemporaneous to meet the evolving and emerging demographic and healthcare needs of the population.    Saw Swee Hock School of Public Health   Public health is highly contextual depending much on the community that one wishes to engage and work in. At the same time, it is important to learn about the latest public health methods and approaches. The NUS Saw Swee Hock School of Public Health’s Master of Public Health (MPH) programme curriculum meets both these needs. The MPH programme has recently undergone a major review and the overall objective and specific competencies have been revised according to public health work requirements defined by the UK, Australian, European and US Public Health professional organisations. The revised curriculum is geared towards more integration and streamlining of disciplines, with the core modules focusing on traditional disciplines of public health including epidemiology, biostatistics, lifestyle and socio-behavioural sciences, health policy and analysis and health systems.  The electives are grouped into focus areas of Health Policy and Healthcare Delivery, Epidemiology, Health Promotion and Global Health to guide students depending on their career aspirations.   Our academic strength comprises both local and international faculty, thus combining the best of both public healthcare in a local context and international perspectives from faculty trained in top schools of public health around the world. Students are thus exposed to the best of public health education and practice in the Singapore and Asian context as well as the latest international methodologies.  In addition, students who are enrolled in our PhD programme also greatly benefit from supervisors and mentors whose research are internationally recognised but focused on public health issues in the Asian context.       Admission Requirements for the Bachelor of Medicine and Bachelor of Surgery (MBBS) of NUS Yong Loo Lin School of Medicine   NUS Medicine was established in 1905 with the mission to educate and train doctors for Singapore. Admission to NUS Medicine is extremely competitive. Each year, difficult decisions are made when selecting from among the many talented and accomplished Singaporean students who apply for admission. In selecting Singaporeans, careful examination involving discussion with many segments of the medical community in Singapore and research into best practices from top medical schools around the world is made by looking beyond academic measures. Some other attributes of a good doctor are pro-social behaviour, communication skills, insight, integrity, teamwork, meticulous work habits and responsibility.    Admission to the Faculty of Dentistry and Public Health for International Student   For the Saw Swee Hock School of Public Health (SSHSPH) Master of Public Health (MPH) programme, international students should have the following qualities as mentioned below : Have a good academic record Have good level of spoken and written English Have at least 2 years of relevant public health experience Being passionate about public health Having done related public health work Having the determination to improve themselves to serve their communities.  For the SSHSPH Doctor of Philosophy (PhD) programme, we are looking for students with such qualities as: Having a good academic record Having good level of spoken and written English Should have participated in relevant research and preferably published in journals or presented at scientific conferences.  You may refer to the SSHSPH website https://www.sph.nus.edu.sg/ for complete details on MPH and PhD admission requirements.    For Faculty of Dentistry, applicants must : Have good academic achievements,  Be proficient in the English language (verbal and written) Display a keen interest in their fields of study.   The entry requirements for the range of postgraduate dental programs can be found at http://www.dentistry.nus.edu.sg.   Opportunities provided for Potential International Students   NUS Medicine offers opportunities for medical students from overseas institutions to participate in a clinical posting in Singapore under our Special Clinical Electives Programme. English is the medium of instruction and language used for patient care in the relevant hospitals, and all applications will be assessed closely.    Medical students may refer to our special clinical electives website for more information at https://itumed.nus.edu.sg/scep/default.aspx    Our Saw Swee Hock School of Public Health offers scholarships and fellowships that are open to international students. All good candidates will be reviewed and offered support if found to be deserving.    You may refer to the following websites for more information on scholarships and financial aid:   MPH: https://www.sph.nus.edu.sg/study/graduate/master-public-health    PhD: https://www.sph.nus.edu.sg/study/graduate/graduate-research-programmes

Education